泰濃麵(Siam Noodles)

知道餐廳是泰國人廚師，十分有泰國風味，價錢不貴份量也不少，有泰國新鮮椰青。

船麵的靈魂是湯底，泰濃麵的湯底味道馥郁濃厚，跟在泰國吃到的別無二致，是不可多得的小店。
美中不足是位於尖沙咀旺區，租金貴所以賣價不便宜，一碗肥牛船麵索價HK$68，加HK$5有汽水，是有些高，還好沒有加一服務費，感覺公道些！
路過尖沙咀時值得一試。

近年來，香港出現了不少船麵專賣店，但製品質素往往有所參差。對我來說，湯是一碗船麵的靈魂所在，也是判別船麵高下的重要指標。船湯一般都以牛肉熬成，再加入豬血和其他香料，因此色澤和味道都特別深濃，但要在坊間找到濃而不膩的船湯卻非易事。
·
這天我與友人剛巧路經尖沙咀樂道，在台式奶茶店旁發現了一家小小的船麵專賣店。被它明亮又企理的裝潢佈局吸引，我們決定入內嚐鮮。沒想到「這一嚐」卻讓我們發現了鮮甜味美卻不膩口的船湯。這碗船湯來自於「泰濃麵」。「泰濃麵」的規模雖小，但格局明亮又企理乾淨，予人份外舒適的感覺。店家一早已把餐牌平放在餐桌上，讓人甫坐下即可一目了然。餐牌上的食物選擇十分多元化，單是船麵，便有三款湯底供客人選擇，分別為船湯、清湯和冬蔭公湯。除了招牌船麵，店內亦有供應各種泰式小食和飲品。
·
由於船湯為船麵的典型標記，我們想也不想便選擇了它，點了一碗黑豚肉船湯薯粉和一碗頂級安格斯牛肉船湯黃麵。兩碗船麵的配料都非常豐富，有白魚蛋、蘿蔔、秋葵、豬肝和炸豬皮，極盡多元化，而且味道亦很到位。白魚蛋煙韌彈牙，十分可口；蘿蔔香甜又無渣；秋葵清爽味美，剛好平衡了船湯的濃度；豬肝軟嫩又無不討喜的味道；豬皮炸得金黃香脆，在其還未被湯泡軟時進食特別可口，待其被湯泡軟後又有另一種風味，份外煙韌可口，完全不覺它是豬皮。湯裡頭還有許多通菜，感覺份外健康。廚師更特別用心把它們都切成小段，因此進食時不會一大撮的難以入口，值得欣賞。
·
至於主角船湯則讓人更感滿意。船湯的顏色很深，呈深楬色，味道濃郁但卻不會難以入口，甜甜的又帶微微的辣味，讓人不禁喝過一口又接一口。而且，感覺上船湯的用料蠻天然，並無額外添加，吃罷也不覺有口渴的感覺。至於配角黑豚肉和安格斯牛肉的水準亦不錯。黑豚肉薄薄的一片，看起來雖然無甚脂肪，但入口軟嫩而毫不乾柴；安格斯牛肉片軟嫩之餘又帶淡淡的牛味，唯肉片的份量較少，有點美中不足。而薯粉和油麵都不會煮得過於腍身，加上掛湯能力不俗，幾乎每一口都能嚐到濃濃的船湯，實是美味。 · 船麵以外，我們還點了兩份小食，分別為芝士炸雲吞和泰式炸腩仔，其中前者令人特別驚喜。
·
以芝士作為雲吞的餡料本已不凡，加上炸功有一定的水準，美味便更為突顯。芝士炸雲吞一客共有四大件，外皮全炸至金黃色，而且皮很薄，咬下去的一刻立即傳來清脆的聲響，香脆之餘又毫不油膩，值得欣賞。更討喜的是雲吞的內餡，芝味濃郁卻又不會過於膩口，濃稠程度恰到好處，即使多吃一件也不會過於飽滯。蘸上泰式雞醬後味道便更具層次，鹹中帶甜，頗滋味的。
·
炸豬腩仔有一定的厚度，肥瘦相間，外皮炸至焦糖色，入口微微焦脆，裡頭則保持軟嫩又富嚼勁的口感，加上特調的微酸醬汁，便更為滋味可口。 · 整體而言，食物的質素讓人頗感滿意，店員服務亦很殷勤有禮。最令人驚喜的是船麵以外的食物味道亦很不錯，實在可以一再encore！

環境幾乾淨光猛，職員個個都有禮貌，我地叫左2個粉麵，黑豚肉船湯薯粉同埋雞脾肉冬蔭公湯河粉，仲有一杯泰式龍眼冰特飲，同埋一份泰式小食拼盤包括炸蝦餅、炸雞翼、炸芝士雲吞各2件，湯麵既湯底味道非常濃郁，而且配料同香料都非常足，黑豚肉有炸豬頸肉加普通瘦肉，而且仲有彈牙魚蛋！驚喜！薯粉為幼身，有口感，冬蔭公味道好正宗，酸辣味道balance, 肉份量都好多，河粉連湯一齊食，正！小食拼盤即叫即炸好香脆，炸雞翼特別出色，至於龍眼特飲比較特別，平時出面好少見就叫黎試下，好重龍眼味，好清甜同多龍眼肉，一路飲一路食龍眼肉，夠曬潤！中意食泰式麵既朋友不妨黎試下！

好好味，唔錯

見好多人都嚟依間食佢個船麵，話佢做法好正宗，但奈何我自己覺得唔太岩口味，所以就叫左佢既冬蔭功湯底?

~肥牛冬蔭公薯粉
除左冬蔭公湯底，仲有得揀船湯同清湯!
一班朋友唔同口味都唔緊要?
而且麵底都有河粉、金邊粉、薯粉、黃麵、湯飯
5種選擇?
個肥牛一啲都唔un 肥瘦適中 仲要份量都幾多?
係尖沙咀地段$68一碗粉好正常，但估唔到竟然仲有一隻蝦同青口?
見到個刻真係有啲驚喜，即刻覺得CP值高?

湯底好濃好香，如果可以再辣少少就仲正?
薯粉偏向似粉絲，不過都幾彈口??

~炸雞翼
外皮炸得夠脆之餘，入面又唔會炸到乾爭爭
一定要蘸埋泰式辣醬!!!❤️

~炸芝士雲吞
一落到枱個陣真係估唔到佢咁大嚿?
仲以為係細細粒咁
食落好脆口，2個人share啱啱好!

Great real Thai flavour and best to come for afternoon tea.

足料。 湯底同配料都足，價錢合理，交足料。
雞脾拆用認真， 肥牛都選料認真， 船湯 豬潤不至起沙但不腥，咬下爽口，豬皮細脆，蘿蔔入味。
冬蔭湯都好味。配飲價錢吸引。

近年尖沙咀多了好多泰國菜，周圍都是餐館，可是人多自然車多，
本來想揸車來，可是每次都會看到抄牌，我怕了，今天我坐巴士，
有人在遊行表現，又是塞了一回。

好不容易來到了泰濃麵，之前都食過一次，因為朋友的關係。

他們家有好多特色的泰國東西，椰青不小得啦，地板都是舊色的， 地方好大，位置比較像茶餐廳，水杯都是用泰式的鐡杯，保溫好好。

餐牌選擇不算多，就是精簡最好的，樣樣都是特別的。

今天我男朋友選擇了雞髀肉冬陰功湯配河粉，冬陰功湯底非常正宗，酸酸的好開胃， 一點點辣辣的，兩者不會搶劫對方的味道，配上淡淡的河粉，超好食的。

在來就是我的頂級安格斯牛肉船湯配薯粉，我本來不清楚船湯是什麼所以試一下， 原來是濃濃的味道，一點點甜甜的，配上好多白魚蛋，青菜，蘿蔔，炸魚皮等等， 還有薯粉彈牙不硬，超級推薦，一定要來食一下。

最後叫多一份泰式小食拼盤，包括了2件泰式炸蝦餅，2件炸雞翼，2件炸芝士雲吞，
樣樣都是新鮮炸，全部都好脆，最特別的是雲吞裡面有芝士，非常配。

食飽了，每個人只要一百多塊，不貴呀。

早排出尖沙咀接朋友收工食飯，他帶我去試呢間泰式麵店，菜式有平有貴，下至雞肉、普通肥牛，上至飛驒和牛都有。但我覺得食湯麵、個湯底先係精髓。(飲湯怪?）
主打有三款．清湯．船湯．冬蔭公湯
．
?飛驒和牛船湯河粉?HKD178
價錢上貴過安格斯成一倍，不過飛驒牛既肉味真係濃啲，而且呢度係比生牛肉，靠熱湯再浸返熟啲牛，浸到岩岩熟、唔會老唔會韌，地膽兄真係好識食，船湯好濃厚，配料仲有蘿蔔魚蛋同豬膶，都好豐富下。
．
?頂級安格斯牛肉冬蔭公湯黃麵?HKD88
我呢款牛就比唔上佢飛驒牛架啦，不過都好好食，而且我愛吃辣??冬蔭公湯底更合我心意。湯頭入口鮮美，唔係一黎就搶喉果種辣、反而後勁十足~my fav?而且配料仲有蝦、青口、蟹棒，勁足料?
·
芝士雲吞?HKD28
大大塊，炸到熱辣辣、芝士唔係好濃味果種，但可以拉絲、炸粉外脆芝士內軟，都唔錯哦??

冬陰功湯還湯麵很好吃68蚊也不貴

好好味，下午茶送飲品好抵食。

在樂道，食店不少，人也不少

剛好來到有位就立即坐下了！
餐牌好選擇不少

怕看不清來個近鏡
我本來想吃我最愛的龍蝦
又怕吃起來有點煩就卻步了，而且這個LUNCH我有點趕時間
嘿嘿..來個頂級安格斯吧！

我覺得筷子有自己餐的名字很有心

唷…湯是濃到看不到我的安格斯
肉汁味是有的，有該有的爽滑感
這是我朋友也是頂級安格斯
他要的是黃麵
我要的是薯粉…吸收了濃湯很不錯
可惜有點碎…

我要叫了青檸梳打
朋友是龍眼冰，遲了一步拍照，
朋友已經將龍眼吃了

泰式特色糕點拼盤
我個人覺得千層糕比椰汁糕好吃
是因為我個人十分喜歡千層糕的Q彈

另外，我足足叫了2次侍應拿梳打水給我，
因為廚房端出來的是只有冰+青檸汁
還沒有梳打水，他是真的泰國的那款梳打水，叫第一次回應我好，走開很久沒拿給我..好吧..我再等等到真的覺得很渴，再叫，又回應了，不過也先聊天一會再拿給我，這點有點失望，服務有待改善

船麵好食價錢合理
千祈唔好食冬陰功一啲都唔冬陰功

二個字，勁差

#泰濃麵

係泰國最鐘意食粉仔。今年未有機會去泰國咁唯有係香港食住先。

Search OpenRice 見到呢間「泰濃麵」專賣粉仔，所以黎解解饞。

泰粉最出名同有特色既湯底係船麵既黑色湯底同冬陰公。所以同朋友叫左各一，可以試哂兩款。

#頂級安格斯牛肉船麵 $88
湯底撞入豬血牛血，所以會呈深啡色，但唔好覺得核突，湯底鮮甜而不腥。
揀左金邊粉，比河粉幼身但同樣吸味。本身平價既食物，加左頂級安格斯牛肉後身價倍增。牛肉沒有弄到全熟，味濃面且腍滑。除此外仲有彈牙泰式白魚蛋、腍又多汁既蘿白、脆口炸豬皮同埋通菜。雖然賣$88係貴左少少，但料靚份量多，大碗到男仔都覺得多。整體味道同泰國有七八成似。

#黑豚肉冬陰公湯麵 $68
揀咗泰式河粉。湯底酸酸地辣辣地好醒胃，椰奶同香茅味好香，辣度只有譚仔三小辣，相信唔太食得辣嘅人都會覺得好惹味。本身湯底仲會有原隻蝦同草菇等等材料。豚肉比起豬肉爽口。好食！

#炸豬皮 $18
因為炸豬皮好好食嘅關係所以特登帶多咗兜，炸得通透鬆化，冇油膩感。

IG/FB:eat_neverland
OpenRice/DianPing: yplyplypl
Email: [email protected]

Good quality Thai noodles, and price is reasonable.

自12月去完泰國之後, 對泰國慨事物真係念念不忘忘, 例如渠慨環境, 渠慨食物, 最欣賞慨渠哋船面, 非常之有特色,

今日經過尖沙咀, 睇到原來有間泰國餐廳也有船麵食慨, 就一於去食啦
餐廳慨船面餸菜非常之矜貴, 有安格斯牛, 飛禪牛, 鮑魚添, 仲有芝士龍蝦, 非常之有特色,

湯底除船麵湯之外, 仲有冬陰功湯, 清湯等,

先食一個小食就係 炸蝦餅, 炸到金黃色, 外脆, 內裡慨蝦肉非常之q彈, 唔點醬汁已經好正

跟住就食慨就係安格斯牛肉船面, 除咗安格斯牛之外, 仲有魚蛋, 炸豬皮, 面非常q彈, 安格斯牛味非常之香濃, 再加軟滑, 口感豐富, 雖然88蚊, 但係非常之大碗, 同泰國慨船面size份量有所不同, 絕對夠飽

有誠意的泰國菜。今次試了船湯。用料十足。食到湯底用了很多材料。隨湯付送了魚旦，炸豬皮，豬潤，蘆薈等。價錢不包飲品己$68 有點貴。朋友的冬陰公也很不錯

尖沙咀 泰濃麵， 一間專食泰國麵的餐廳，主要有船湯、冬陰公湯同清湯，再配上唔同既配料，有豬、雞、牛同蝦等。

我同朋友分別叫了冬陰公湯同船湯。粉麵選擇有好多，有河粉、薯粉、金邊粉、黃麵或湯飯。

這碗是黑豚肉冬陰公湯，除了黑豚肉，還有好多配料，非常抵食。有蟹棒、青口、蝦、菇同秋葵，用料十足。冬陰公湯少少辣，更能帶出鮮味。黑豚肉肉質嫩滑，鮮甜味美！

另一碗係頂級安格斯牛肉船湯，同樣地，除了安格斯牛肉，還有彈力十足的魚蛋、豬肝、好入味的蘿蔔同撒在麵上的脆脆，亦感到十分驚喜同有誠意。船湯感覺有點似沙爹味，好濃鬱，配上彈滑的牛肉，非常滋味！

小食方面，叫了一個泰式小食拼盤，有炸雞翼，炸蝦餅和炸芝士雲吞，各兩件。炸芝士雲吞有驚喜，外皮酥脆之餘，內餡好鮮味，好似魚滑！

飲品有青檸梳打，象牌梳打水有保證～

泰濃麵真係好味！湯濃麵滑，船湯及冬蔭公湯好香！

Very delicious tung yum soup base

十二点多，一個人找地方午餐，唔易。
行過這間叫秦濃麵的小店，地方不大但位于尖沙咀，整齊乾淨，算係咁啦。
一看菜單，麵的選擇配料都一樣，只是湯味不同而已，当然亦有其他小菜、飲品。叫了碗和牛的，一嚐，偏甜，幾片叫和牛的肉片、魚疍、炸豬皮……聽說過船麵的好滋味就覺得有点兒失望，總結耒說是不過不失喇。

極濃船湯 非常足料 配和牛一流

great!