The Platter
營業時間
| 星期三 | 12:00–21:00 |
| 星期四 | 12:00–21:00 |
| 星期五 | 12:00–21:00 |
| 星期六 | 11:30–21:00 |
| 星期日 | 11:30–21:00 |
| 星期一 | 12:00–21:00 |
| 星期二 | 12:00–21:00 |
服務選項
外帶
內用
無障礙程度
無障礙入口
無障礙洗手間
產品/服務
小菜
吃到飽
咖啡
酒精飲料
啤酒
葡萄酒
用餐選擇
早餐
午餐
晚餐
餐飲服務
甜點
座位
設施
兒童高腳椅
洗手間
適合兒童
Wi-Fi
提供免費 Wi-Fi
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
半自助晚餐水準不錯。
有八折
在這裡食午餐buffet，款式唔多，味道麻麻，個海鮮喇沙味淡，火雞唔熟都照俾你，甜品都普通。
平日夜晚唔多人，二三十個客人左右，坐得舒服。
刺身一般般；冷面幾好，細細碗；青瓜好咸；兩款中西湯都幾好味。
冷盤青口，螺，蝦等，無乜特別，大路食品。甜品細細件，唔怕唔中意時會浪費。
主菜叫左熊本和牛，要medium rare，賣相還可，但食落就越食越韌， overcooked. 只食左一半左右就唔想繼續食，最貴的一個餐竟然可以搞成咁，真係幾失望！！ 又唔係客多到做唔切。
雪糕佢地用coco berry , 試個沖繩海鹽，怪怪的。
整體環境可以，但食物有好大改進空間，咁既價錢食咁樣主菜就唔值。
不錯的地方和美味的食物😋😋
好友生日，揀左去The Platter食半自助晚餐慶祝，
餐廳位於悦品酒店‧荃灣，葵芳有接駁巴到，好方便。
The Platter環境舒適，裝潢簡約大方，
沙發卡位寬敞，枱與枱之間有距離感。
餐廳經理親切友善，熱情招待客人。
半自助晚餐提供多款主菜，
有蝦、牛柳、鴨脾、寬條麵。
燒草飼牛柳配胡椒粒燒肉汁伴雜錦薯條及時蔬
脂肪相對較少，肉質腴嫩，
口感軟嫩帶彈性，香甜多汁。
金黃色薯條新鮮炸好外酥內脆。
咖哩大蝦伴白飯及油酥餅
蝦肉緊實彈牙，咖哩濃香惹味，
油酥餅酥鬆多層次，口感豐富。
自助區選擇甚多，有齊沙律、生果、
前菜、冷盤、餐湯、海鮮、刺身、甜品等。
除新鮮沙律菜另有多款特色沙律，
如紅菜頭蘋果沙律、泰式木瓜沙律等，屬健康之選。
生果有西瓜、菠蘿等，清甜多汁。
冷盤提供雜錦凍肉、羅勒蕃茄、麵包籃等。
餐湯有中、西式，推介香濃綿滑忌廉蘑菇湯。
海鮮有白蝦、翡翠螺、藍青口，
特別推介翡翠螺鮮味十足，
飽滿肥美、肉質彈牙。
刺身提供鯛魚、吞拿魚、三文魚，
質素中上，推介三文魚爽滑飽滿。
甜品提供多款蛋糕、雪糕，仲可以自製Pancake。
推介蛋花大菜糕，軟糯Q彈，口感爽滑。
自製Pancake簡易美味，軟綿充滿蛋香。
雪糕有三款口味，推介清甜馥郁芒果味。
飲品有凍咖啡、凍檸茶、橙汁，
另有熱紅茶並提供檸檬片及設有咖啡機。
環境舒適，食物質素佳，期待下次再到訪。
半自助餐食物一般，主菜不是很夠熱，待應服務很好。
不錯的食物，環境
食物質素頗佳，價格廉宜，性價比較高。
主菜一般，不過鍾意食沙律吧
硬傳。
疫情期間夜晚無happy Friday，提早同同事黎左呢間酒店食個靚lunch🥳 午餐食semi-buffet, 每人可order一道主菜。我叫左香煎豬柳配美式芝士及鮮茄醬，賣相雖然好似乾身左啲，但原來係一層凝固左既芝士，切開仲有肉汁流出🤤！芝士完全覆蓋住塊豬柳，令到每啖肉都充滿芝士，而且呢隻芝士味道唔錯，同豬柳好夾😋😋 見到餐牌上寫既係jack cheese, 係奶味較濃既芝士，配上茄醬中和返味道又有開胃感，唔會被芝士味蓋過，滿足到芝士控之餘亦唔會太膩。
自助區冷盤有薄切凍肉、凍豆腐、醃木耳、酸青瓜、枝豆、冷蕎麥麵，仲有啲醃過既瓜菜等等。沙律方面都有好幾款沙律菜俾客人自由配搭，最估唔到竟然有羽衣甘藍！正呀😆 仲有一啲已經準備好既沙律，例如紅菜頭蘋果沙律，味道唔錯，清甜開胃~
甜品款式好多，有啫喱、泡芙、芒果布甸、大菜糕、芝士餅、朱古力卷、牛奶布甸、雪糕等等, 仲有飲品，湯，自助形式
總括黎講餐廳環境闊落，坐得舒服，枱與枱之間都有隔板，又有提供口罩套，清毒液。自助區野食全部都有蓋住，出去拎野食都要帶住口罩，又有見到侍應清潔自助區，感覺衛生做得唔錯，野食又好食，而家仲有8折，真係高質。
很好😁
工作人員很好，耐心，有禮貌。
食物新鮮可口，價格實惠，適合
那些不期望有很多選擇的人。
強烈推薦生日慶祝和周末聚會，價格實惠。
葵芳穿梭巴士全天運行，午餐和晚餐時間除外。
今天下班去了葵芳找朋友吃飯，因為他還要ＯＴ，所以先到他附迎找好吃的才慢慢等他。這次聽他說有間在他公司附近的半自助餐不錯，而且最近還有在做８折優惠可以一起去試試，所以就選了這間！
在網上可以預先查看餐牌，因為他們不斷轉，可以選一天自己喜歡的再去試試！
燒美國西冷牛扒拌炸薯角及時蔬（２８８元）
這裡的醬汁挺特別的，不是常見的黑椒汁或燒汁，而是一款牛扒汁，用他來配牛扒非常配合，感覺牛味會更加突出！這個西冷牛扒叫了五成熟，來到的熟度剛剛，油香十足，但不會膩，就算旁邊的筋位也挺柔軟的，牛味挺濃，味道不錯！配的薯角也炸得外脆內軟的！
法式海龍皇湯拌蒜香法包（２４８元）
這個湯配了很多不同種類的海鮮，分別有青口，帽，魷魚仔，虎蝦和龍躉片，湯的蝦味挺濃的，而且很惹味，配上的海鮮浸上了湯汁後，味道變得更好！其中虎蝦預先開邊了，吃起來特別方便，而且肉也挺厚的！龍躉片的肉比較結實彈牙，魚味十足！還有配的蒜香法包，蒜香十足，而且焗得非常香脆！
外面自助區的選擇還可以，雖然不及自助餐多，但常見的都有！
海鮮有三款，分別是海蝦，青口和螺，其中海蝦和螺都不錯，肉質挺彈牙。
沙律和麵包，也挺多選擇，但我是食肉獸就沒拿那麼多，麵包烘過以後配上牛油，真的很不錯！
刺身邊面有３款，分別是三文魚，吞拿魚和鯛魚，其中三文魚挺新鮮，不錯！
甜品和生果，一共有６款小甜品，其中芒果布甸和白桃慕絲蛋糕的味道挺好！生果就有西瓜，菠籮和哈蜜瓜，都挺甜的，特別是菠籮
這裡還有常見的自助ＰＡＮＣＡＫＥ可以製作，隨便加的楓糖漿和牛油，可以吃過爽！還可以加上雪糕！
雪糕這裡的是港產雪糕，有四款口味，分別是益力多，港式奶茶，芒果和玄米茶，味道都挺有特色的，我喜歡吃益力多味！
飲品方面，也有幾款選擇，有凍橙汁，紅茶等，熱的也有咖啡，紅茶！
The Platter – Hotel COZi‧Oasis
香港葵涌青山公路葵涌段443號 悦品酒店‧荃灣地下低層
電話號碼:38911928
環境不錯，食物滿意，價錢合理
非常強差人意
西班牙黑酢翠肉瓜超棒🤩🤩🤩 …
任食海鮮刺身酒店半自助餐🤩
.
自從晚市延長到10點之後，晚晚都想出去食嘢😙😙今日去到悅品酒店試吓半自助晚餐，其實悅品都成日會同男朋友去住，因為性價比真係好高🥰🥰晚餐就第一次食，估唔到都好有驚喜呀！✨✨
.
呢度嘅半自助晚餐包左一樣主菜，有四五款揀，另外任食嘅包括有沙律🥗、湯🫕、刺身🍣、海鮮🦐、雪糕🍨、甜品🍰、飲品☕️等等，以半自助餐來講，都好多嘢食呀！而且佢哋嘅刺身種類包括有三文魚、鯛魚同吞拿魚添啊🍣🍣刺身一片片已經切好，唔使排隊拎，我自己都忍唔住食多咗
.
海鮮區有三種，包括左白蝦🦐青口、翡翠螺🐚侍應refill嘅速度好快，蝦肉彈牙冇雪味，青口、翡翠螺大大隻，一啲都唔馬虎
.
如果鍾意食沙律嘅朋友呢度超啱你🥗🥙🧆沙律菜嘅種類有四五款，而且仲會有唔同cold cut，比你自己Mix and match，連預先製作好嘅沙律都有四款咁多，真係食沙律都食飽，我自己仲自製左一個大蝦沙律添🤪🤪
.
主菜方面叫咗一個🥘🦐咖喱大蝦伴白飯油酥餅，咖喱偏向馬來風味，椰汁味道好濃郁，唔會好辣，點埋個油酥餅食好正，大蝦真係好大隻有成隻手掌咁大🥳🥳
.
另外一款叫咗燒草飼牛柳配胡椒粒燒肉汁伴雜錦薯條及時蔬🥩🍟叫咗七成熟，廚師都煮得啱啱好，有微微嘅粉紅，如果薯條可以多啲就好啦🙊
.
最後去到重頭戲甜品🍰🎂🍮🍩呢度有個自製pancake機俾你玩，我哋仲拎咗tiramisu 喺pancake上面自製左好好味嘅 tiramisu pancake 🥞😋😋仲有原來呢度嘅雪糕牌子係本土品牌Coco berry香港製造🍨🍦味道都好多款揀🥰🥰其他嘅甜品味道都不錯啊，總括嚟講咁嘅價錢食到咁多嘢真係好滿足！酒店而家仲做緊買二送一或者全單八折優惠㗎😍😍
貴價外賣快餐
白色情人節將近，即興一行四人來到The Platter 悅品酒店食半自助晚餐，星期五的晚上，客人不算太多，還有梳化位坐，輕鬆舒服。😘
酒店開幕約2年，裝潢新穎時尚，雖然位處工廠區，但坐巴士來都尚算方便快捷。😎
晚餐以半自助形式提供，四款主菜分別有牛，羊，雞及龍蝦，設計別具心思，爸媽選了外面少有的牛腰肉扒，我選羊架，而先生要雞卷，各有所好，在等待主菜上枱的同時，巡視一圈， 選擇真不少，刺身，海鮮， 前菜，冷盤， 甜品，水果，飲品，湯水，沙律都有齊；讓我有點驚喜。😄
沙律區在餐廳的中央位置，選了沙律菜，生菜和羽衣甘藍, 各款蔬菜都清新爽脆，幾款沙律醬中，我最喜歡千島沙律醬， 與蔬菜是絕配，沾上一點，味道，層次更為豐富，加入橄欖油和意大利黑醋，又是另一種味道，入口酸酸爽爽， 清新之餘也把胃口打開。😀
🐑 烤羊架配香草燒汁
一直都知道羊肉比豬肉和牛肉健康，因為羊的脂肪含量和膽固醇都較少，小妹中意食羊，但又好怕那陣羊羶味。食完沙律，主菜剛好上枱，5 成熟的羊架擺碟精美， 燒得火喉十足，一口咬開，裡面的肉仍是嫩粉紅色，熟成度剛好，軟嫩多汁，而且燒得香口， 令人無法抗拒，真的好好味。😍
🐄 烤牛腰肉扒配紅酒烤肉汁
爸媽都喜歡食牛，這裡有外面少見的刁鑽部位，牛腰，由於運動量少，所以肉質相對較為嫩滑，價錢比較貴，同樣點了5 成熟，上枱帶點血紅，入口鮮嫩，沾上紅酒醬同食，肉汁更為豐富。😉
海鮮有三款選擇，分別是青口，涷蝦，和碧綠的海螺，食海鮮最怕唔新鮮和細細隻，去殼後無肉食，這裡幾款都算大隻，尤其海螺和青口， 用餐廳提供的竹籤，輕易便能把螺肉拉出，螺肉乾淨厚身，味道鮮美。青口海水味重， 彷彿剛剛海捕上來的感覺，入口無沙且咸鮮味濃，食完一碟，忍不住又馬上再取一碟，幸好海鮮添加很快，值得一讚。😜
甜品比較多選擇，包括有榛子慕絲蛋糕， 朱古力布朗尼， 忌廉瑞士卷， 牛奶蛋白布甸 ， 朱古力木糠布甸， 忌廉泡芙和杞子桂花糕 ，其中 朱古力布朗尼最得我心，小小一件，朱古力味道濃郁，內層有果仁增加口感；用玻璃樽盛載的牛奶蛋白布甸也很出色，布甸口感香滑細緻，奶味特出， 讓人想多食幾瓶。😁
飲品方面，熱飲有檸檬茶，泡沫咖啡，特濃咖啡，咖啡， 熱鮮奶和鮮奶咖啡選擇，由於我唔飲咖啡就試唔到，但有熱鮮奶飲都好開心；涷飲有可樂，橙汁和凍咖啡。😆
總括來說，餐廳環境不錯，坐得舒服而且食物味道唔差，取餐也不用排隊，值得一試。👍
而家喺酒店食buffet普遍都唔平，難得俾我搵到一間平夾抵食嘅酒店buffet，梗係要帶埋爸爸媽媽一齊去啦！酒店係Hotel COZi，酒店開咗幾年，所有設施都仲好新淨好靚，周圍都有綠化，感覺好relax .
價錢方面，酒店做緊七五折，晚餐buffet每位大人只係$458，長者及小童更加只係$338，呢個價錢仲要係有新鮮海鮮食，overall食物選擇、味道都唔錯，我自己就真係覺得幾抵食，性價比好高。
初初感覺酒店嘅位置好似唔係咁方便，但其實酒店喺葵芳地鐵站係有免費shuttle, 坐得舒服，又快又方便。
Buffet一開始，職員便會為食客奉上一盤精緻嘅海鮮，包括有勁多膏嘅龍蝦、麵包蟹、長腳蟹、新鮮鮑魚、青口、鮮蝦，樣樣都新鮮好味，其中最正嘅我認為係龍蝦，因為都算幾大隻，鮑魚都唔細㗎 ！
食完之後在餐廳行咗一圈，原來出邊都有海鮮任拎，選擇有鮮蝦、長腳蟹和螺。所以如果食完一盤都唔夠喉嘅話，可以出去再慢慢夾，酒店會不停refill, 基本上食咗成晚覺得酒店有refill速度都好快, 而且酒店嘅食客唔係好似餓鬼咁出去搶嘢食，所以都食得好舒服。
呢度嘅沙律吧配料都幾多選擇，又有炸物（天婦羅、炸餃子、炸三文魚、咖喱角、Pizza等等）。刺身有三文魚、吞拿魚、鯛魚、希靈魚，全部都新鮮好味。飲品有新鮮橙汁、冷熱咖啡、茶等自助選擇。
熱食方面，選擇大約有10樣左右，大部份都係正嘢，薑蔥炒龍蝦、豉椒炒蜆、蒸魚柳、片皮鴨、連炒時蔬都係非常非常之好味，我每樣都食咗好多。最愛係炒龍蝦同炒蜆，淨係狂食呢兩樣都可以回本。另外仲有海鮮喇沙，味道又係好味，海鮮又足料，好鬼正呀！
湯品方面，呢度有中湯西湯，中湯係熱辣辣嘅燉蟲草花瘦肉湯，西湯係意式雜菜湯。由於中湯太好飲，飲咗兩碗，所以就冇飲西湯啦。
甜品嘅選擇都有好多，但由於已經食咗太多野嘅關係，就好多都冇空間再試。主要食咗新鮮嘅水果、班戟、同埋Häagen-Dazs雪糕。其中佢嘅班戟機真係好特別，只需向部機揮一揮手，部機就會自己整班cake，大約1分鐘後就會有得食，我都係第一次見咁有型的班戟機，而且整出嚟味道係好味㗎！
食物和環境一流
主菜一般，semi buffet黎講都算多嘢食
在葵涌工廠區附近有幾間酒店，原本主攻自由行旅客生意，但營業不久後就遇上肺炎導致旅遊業步入寒冬❄生意大減。今天約了朋友在公司附近來個happy friday lunch，就選了荃灣悦品酒店的半自助午餐。
餐廳燈光亮眼，格局四正，大約有近80個位，小酒店來說已經算不錯。入座後服務員遞上餐牌📔只有4個主菜選擇，和朋友分別選了牛面頰肉和龍蝦汁闊條麵。點餐後就先去外面自助吧走一圈，這裏麻雀雖小，五臟俱全，有前菜、沙律、冷盤、甜品、雪糕和水果等，最驚喜的是有即製pancake機😮
簡單拿了前菜小碟和沙律🥗前菜普普通通味道尚可，沙律有齊紅菜頭、羽衣甘藍和羅馬生菜等，還有幾款醬汁，配搭不錯。
還未吃完前菜就已經到主菜上場了🥓牛面頰肉燜煮得夠軟爛入味，醬汁和下面的薯蓉可填肚，上面的法包感覺保存過久，不再脆身和有點韌。龍蝦汁味道偏弱，鮮蝦肉質不錯彈牙🦐闊條麵厚實有口感
主菜後來點甜品🍨試自製Pancake機中伏，粉味極重難吃，澆上糖漿也難入口🤢其他甜品如蛋糕仔比平價放題算略勝一線，但抵讚的是每款甜品吃完後會換上一款新甜品，小酒店也能做到菜式轉換不錯👍
🍦雪糕方面則有近來在香港雪糕關注組掀起腥風血雨的cocoberry雪糕球，味道不錯像真，但有部份在運送過程中可能先融化了再在酒店雪硬，所以不成球形，觀感較差和對食安有些許擔心。
是舒適酒店的那個嗎？不符合我的標準~對不起。
食物精美，價錢不貴
抵食半自助餐😍
荃灣悅品酒店嘅semi buffet一向口碑唔錯，又抵食，同朋友book咗夜晚1800時間去試吓☺️
位置係工業區，葵興站落咗之後行8至10分鐘，好似有shuttle，不過我哋冇坐。6點去到嘅時候，得幾枱人，我哋以為冇乜人去食，點知坐多陣，已經差唔多full晒，好彩book咗位。
半自助餐會包一份主食，有4個選擇，由178嘅火腿火箭菜pizza去到288嘅西冷，另外出面嘅海鮮、沙律、甜品、飲品全部任食😍😍真係好抵。
燒美國西冷牛扒伴炸薯條同時蔬，$288
西冷燒得幾好，真係7成咁上下，好正，有牛味亦唔會韌，易入口，配咗燒汁，另外侍應會問你需唔需要芥末醬，服務幾好。薯條係粗薯，好好味，不過有啲多，因為出面太多嘢食，最後食唔晒，時蔬都係。
法式海龍皇湯伴蒜香法包，$248
侍應好好咁提醒我哋，呢個湯要趁熱飲，因為係海鮮湯，凍咗驚會腥。我哋影完相就即刻開動。湯好香，似龍蝦湯嘅味，入面有各款海鮮，好足料，配蒜蓉包，真係好正，而且湯冇咁滯，可以食多啲放題嘅嘢🤣
任食區: 特色素肉前菜
估唔到會有一個區域係以素食為主題，好適合素食者，而且用嘅係雀巢全新素肉品牌，harvest gourmet，采用非基因改造大豆，高蛋白質，富含膳食纖維，食buffet都可以食得健康🤣4款小食我都有試。
1.脆炸素雞塊配泰式酸辣醬: 佢嘅口味同外形都真係幾似麥樂雞，不過口感會硬少少，加埋酸甜醬，都幾特別。
2.泰式酸辣毒肉碎粉絲沙律: 我見粉絲好多人食，我都攞嚟試吓，酸酸地幾開胃，不過建議大家撈多少少汁會更好味。
3.芝士素牛肉焗飯: 細細碗嘅飯好得意，上層鋪滿芝士，中間係素肉，下面係飯，同平時食嘅焗飯有啲似，不過可能冇油份，所以乾身少少，值得一試，又唔會太滯。
4.藜麥素肉碎沙律: 呢個好健康，一定要食，藜麥本身冇乜味，佢都煮得比較清淡，有淡淡嘅香味，好健康。
海鮮同刺身，估唔到咁平嘅放題都有三款刺身同三款凍海鮮。刺身入面三文魚最香最好味，另外兩款都唔錯。海鮮最鍾意凍蝦，都唔細隻呀，而且夠彈牙。唔好以為咁平就要搶，呢度侍應見啲嘢食到差唔多冇就會好快攞出新嘅嘢，好好。buffet去到9點，過咗時都冇趕客走，慢慢坐慢慢食，3個鐘好足夠😍😍
食物很特別
有價高貨低之感,但勝在衛生,不太迫
款式比較少
環境舒適
好吃的食物
價格公道
對不起！沒門！
不錯的地方，物有所值
之前食過想再去食，打電話去問，午餐到兩點半時間夾唔到，餐廳好像沒有下午茶，午餐時段應該延長
餐點類型
午餐
桌子之間的距離有點短，有點擁擠。服務和食物都很好
餐點：3…
03-03-2023 工廈位有水準酒店半自助餐
今晚約了位朋友吃自助餐，想去特別地方吃，選了今晚這間，這個位置比較少去，到達，環境裝修同坐位不錯，看了一回餐牌叫了
法式煎油封鴨配時菜
鴨腿剛剛適中，厚厚肉，入口感覺不會太油，好軟霖爽滑，濃郁香鴨味
酥皮焗挪威三文魚配時菜
大件，酥皮好鬆化，一切巳切到，三文魚特別爽鮮甜三文魚味
刺身
三文魚/吞拿魚
細細片，有點厚度，好滑身，重海水鮮三文魚同吞拿魚鮮魚味
特濃咖啡
比平時濃得來不會覺苦，咖啡香味好濃厚
沙律
紅菜/薯仔/番茄青葱/泰式鳳梨火腿
每款各有不同口味同口感，紅菜獨有甜蜜味道，薯仔軟軟，好有薯蓉香味，番茄入口多汁，好鮮甜茄味，青葱清新葱味，爽脆，切到細細粒鳳梨同火腿，容易入口，重鳳梨甜昧，火腿肉香味濃
麵包粒/雜錦凍肉
細細粒，脆卜卜，薄薄一片，滑身，鮮肉味濃香
班戟/殼籽麵包
少見，用手感應班戟機，自動整到小小圓型一塊塊在機掉出來，戟身少少厚度，好軟霖，搽上蜜糖，甜甜地，有口感，麵包軟脆，好香殼籽
什果凉粉/椰汁大菜糕/紅桑子慕思蛋糕/忌廉泡芙
細細杯，什果同凉粒都爽甜，少有，重椰汁同大菜香味，紅桑子酸酸甜甜，口感特別，泡芙軟霖，忌廉好滑香
腐竹銀杏糖水
滿銀杏，糖水特別香腐竹同銀杏味，甜度剛適中
西瓜/菠蘿/蜜瓜
片片鮮甜水果香味
益力多/港式奶茶
好有益力多乳酸甜味同茶餐廳奶茶香味
白蝦/青口/螺
蝦同青口都大隻，爽滑彈口，螺大粒，厚身彈牙，極重海水鮮蝦鮮味，青口鮮味同螺鮮螺味
服務
內用
餐點類型
晚餐
平均每人消費金額
HK$300-350
餐點：5
服務：5
氣氛：5
今晚和朋友到葵涌悅品酒店食半自助餐，這裏環境雅致，相當舒適，沙發座位又大舒服，六人坐都有餘。
烤牛腰🐂柳配紅酒肉汁伴炸薯條及時蔬，點了七成熟，一端上枱已聞到香噴噴，切開時裏面呈淡淡的粉紅色，相當吸引，肉質軟滑，牛味🍖香濃，配上紅酒肉汁，更美味。薯條🍟亦十分香脆，熱辣辣，應該是現炸的。
烤羊架🦙配百里香燒汁伴薯條及時蔬，有三大塊羊架，羊架🍗表面有微焦，烤得好靚，肉質香嫩，配上百里香燒汁，令羊味更出，但不會過羶，口感很好，令人回味😋。
除了主菜，還有其他的美食，可供客人自取。刺身頗新鮮，三文魚🍣很肥美，脂肪均勻，橙白相間，入口鮮嫩。
海鮮凍食，雖然種類不是很多，但挺有質素，海蝦🦐彈牙，很鮮甜。翡翠螺🐚有鮮味，配上醬汁很美味。
甜品🍰種類也不少，我很喜歡這個奶凍🍧，不僅香滑，而且牛奶味濃郁，正是我杯茶。海鹽雪糕🍨好味，粉藍色十分吸引，有淡淡的咸味。
服務
內用
餐點類型
晚餐
平均每人消費金額
HK$250-300
建議的餐點
羊架
環境舒適，又多野食既semi buffet😚
海鮮控必選原隻新鮮波士頓龍蝦米多，開左邊起埋肉再加上濃厚既芝士醬汁，超好味！
服務
內用
餐點類型
晚餐
悅品酒店最新推出左龍蝦海鮮盛宴半自助晚餐
㸃主菜可享用自助餐吧
我揀左原隻波士頓龍蝦米多
蝦身部份已細心起肉切粒 肉質彈牙 用上芝士白汁調味
另一份叫左香煎深海盲鰽魚柳 冇骨既魚柳食得夠放心 外皮煎得香脆而且冇腥味
自助位一般有嘅呢度都有 海鮮 沙律 冷盤 芝士 餐包 串燒 中湯 糖水 甜品 雪糕 一應俱全
雖然位置唔係好大 但絕對夠食 要講下個pancake 機 只要揮手就會自動整 幾得意😋
價錢$248起 如果有興趣試既朋友可以去葵芳地鐵站外面搭酒店既Shuttle bus 都好方便
餐點：3
服務：4
氣氛：3
餐廳位於酒店裏面地下樓層，裝修瑰麗堂皇，而且非常寬敞，晚市提供主食+Semi buffet，包括沙律吧、湯吧、甜品吧，可以任意選擇你喜歡的食物，享受餐廳舒適而時尚既環境。
🥗 沙律吧有各式各樣新鮮蔬菜、水果、麵包和芝士，連白果都有， 醬汁嘅選擇都好豐富，可以自由配搭你喜歡的沙律，仲有時令海鮮配搭，今晚就有蝦、蜆。湯吧則有中式豬骨湯、西式龍蝦海鮮湯，味道濃郁，但就撈唔到龍蝦肉。甜品吧亦同樣有中西兩款🧁 布甸、蛋糕、 桂花糕、雪糕都有， 擁有一顆啱心水，試咗兩款味道略甜咗少少。 另外仲有自助班戟機， 揮揮手就可以睇吓佢點樣自助整，非常新奇有趣 🥞
🍝 主菜有龍蝦、肉眼扒、羊架、意大利麵，份量一樣都好多， 今晚想食啲清淡啲，揀左香煎帶子意大利闊條麵，麵條厚身但咀嚼感剛剛好， 醬汁有單單嘅黑松露忌廉汁，我略嫌佢味道唔夠鹹， 而帶子叉燒色澤，味道非常清甜，咬口十足，帶出濃烈嘅鮮味，非常突出。
服務
內用
餐點類型
晚餐
平均每人消費金額
HK$200-250
餐點：5
服務：5
氣氛：5
最近見到葵涌酒店有半自助晚餐，價錢又不太貴便去試下。
我們叫了燒美國西冷牛扒配焗新薯及時蔬和燒糓飼豬肋骨配燒烤醬伴炸薯角及時蔬。
首先是燒美國西冷牛扒，我們叫是5成熟，肉質非常嫩滑。焗新薯也是切得整齊，加上時蔬的點綴，色彩搭配非常漂亮，吃起來十分清爽。
另一道菜是燒糓飼豬肋骨，肉質鮮嫩，配上燒烤醬的酸甜口感，味道十分特別。炸薯角則是配菜中的亮點，香脆可口，搭配時蔬更是美味。
另外餐廳半自助餐提供一些魚生，海鮮，沙律，生果，麵包，湯品和甜品，飲品就有咖啡機和鮮果汁。選擇的種類都算多，魚生和海鮮都新鮮和鮮甜。
整體而言，環境舒適而且味道不錯。
服務
內用
餐點類型
晚餐
平均每人消費金額
HK$300-350
星期六下午自助餐，二百六十多元，長者百多元，食物選擇不多，如是食肉獸就會失望，不過一分$一分貨，吃得飽就是，環境ok，座位寬闊，人客不多所以覺舒服慢慢食，嘆左二個中滿足😅 …
餐廳裝修好新淨，座位闊落，坐得好舒適，自助食物選擇好多， 有海鮮，冷盤，凍肉，沙律，芝士，甜品，水果，雪糕和炸物， 自助飲品任飲，主菜食材高質，亦烹調得好食，好適合一家人或者一大班朋友嚟， 性價比超高。
服務
內用
餐點類型
晚餐
餐點：5
服務：5
氣氛：5
主食意粉份量多但比較淡。
自助沙律吧選擇足夠。
飲品甜品選擇無投訴。
服務
內用
餐點類型
午餐
平均每人消費金額
HK$100-150
餐點：3
服務：4
氣氛：4