牛品台式火鍋(Beef Bang Taiwanese Hot Pot)
營業時間
| 星期日 | 12:00–22:30 |
| 星期一 | 12:00–22:30 |
| 星期二 | 12:00–22:30 |
| 星期三 | 12:00–22:30 |
| 星期四 | 12:00–22:30 |
| 星期五 | 12:00–23:00 |
| 星期六 | 12:00–23:00 |
服務選項
外帶
內用
無障礙程度
不支持無障礙座位
產品/服務
吃到飽
酒精飲料
啤酒
用餐選擇
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合團體
規劃
接受訂位
付款方式
信用卡
【#尖沙咀美食：CP值爆登嘅火鍋店?✨】
真係我暫時食過嘅火鍋店中，環境最舒適，服務周到，湯底最好飲嘅一間火鍋店！真係連湯底都忍唔住飲返幾啖⋯而且60分鐘午市定量套餐價錢抵到爛，最平HK$68就有一個養生素鍋（想食肉就最平HK$75已經有埋150g西班牙栗飼豬梅肉），仲包埋自助火鍋配料，包括台灣直送嘅丸類、蔬菜、麵食、小食（當日有豬手及滷肉飯）、茶飲（加HK$20仲飲到春陽飲品）?✨
✍? / 西班牙栗子豬五花+花雕醉雞
▪價錢：HK$88
▪️美味指數：♥♥♥♥♥
雞肉好正，連男友都話好味，仲食得出係有調味過。放落「元氣養生鍋」，連湯飲，即刻元氣滿滿，平靚正之選?✨
✍? / 西班牙栗飼豬梅肉+美國頂級肩胛肉
▪價錢：HK$148
▪️美味指數：♥♥♥♥♥
呢個套餐好抵食吖～一次過食曬2款靚肉，食肉獸要試呢款?✨
✍? / 鴛鴦湯底
▪價錢：+HK$50
▪️美味指數：♥♥♥♥♥
店內有10款湯底供選擇，最後揀咗牛品推介嘅「元氣養生鍋」及「柴魚昆布湯鍋」。呢度啲湯底真係可以飲得落肚㗎～仲要好好飲，湯鍋材料好足，前者主要有一抽蔘同幾粒紅棗，後者主要有3大舊柴魚同幾片昆布，柴魚好正啊！推薦試試呢2個湯底??✨
✍? / 推薦自助火鍋配料
▪黃金魚蛋：似豆腐炸魚蛋，脆皮好正！
▪冬瓜肉：清甜，吸湯底一流。
▪墨汁花枝丸：好味必食item，內含花枝肉。
▪櫻花蝦片：真係收埋咗啲櫻花蝦㗎！
▪洛神花茶：成樽紫色，洛神花味微酸。
尖沙咀?- 牛品台式火鍋?
呢間位於尖沙咀嘅台式火鍋放題店，午市特選優惠60分鐘吃到飽都只需要$88‼️仲要冇加一服務?附近放飯想打邊爐呢間都係一個唔錯嘅選擇☺️
湯底?
有10款湯底咁多?我就揀咗元氣養生鍋同花菇昆布鍋?養生鍋清淡嘅雞湯味，鮮甜不油膩??花菇昆布醬油味濃郁，裏面仲有好幾粒花菇?煮得好淋好入味☺️
肉類???
肉類只有三款，精選美國牛胸腹、西班牙豬粟飼五花及花雕酒雞伴，雖然種類唔多，但勝在質素唔差??呢個價錢絕對有驚喜?
?牛胸腹新鮮嫩滑，唔會鞋口?牛味唔算好重，但呢個價錢嚟講相當唔錯?
?西班牙豬粟飼五花，望落油脂較多，但食落唔會太油膩，肉質超嫩口?個人覺得豬俾牛更勝一籌?
配料?
配料種類比一般火鍋店多?，有部份係台灣直送，有啲配料更為特別例如蜂巢凍豆腐、百葉豆腐、香芋包心上貢等，菜類都有好多選擇??相當豐富?
熟食?
有肉燥飯同南乳豬手?小小地試左個肉燥飯都幾唔錯?值得一試??
飲品?
最基本嘅汽水、仙草飲、茶、菊花茶都有?個人就最喜歡自家製嘅桂花烏龍??
醬料?
基本嘅醬料都有，另外仲有甜不辣、豆瓣醬、麻辣醬、自家製辣油等?
環境?
環境闊落，座位同座位之間嘅空間夠大，所有醬料同配料都有蓋蓋住，乾淨衛生??
? 尖沙咀樂道32-34號1樓
非常推介，地方清潔寬敞，員工服務有熱誠，湯底足料味道平衡感相當好，牛肉有口感，食物款式雖然不多但質量好，整體性價比相當高。
【台灣火鍋吃到飽。正宗台灣的味道??】
牛魔王注意⚠️ 正宗台灣風味火鍋放題, 牛肉無限量供應❗️
以牛肉等級分為兩種吃到飽任食放題套餐, 亦有多款台灣高質食材, 絕對能夠滿足一眾大胃王!
由台灣廚師主理??, 湯底、部份食材更由台灣直送✈️, 享受到台灣最地道的風味♨️~
餐廳環境乾淨企理, 坐得好舒服, 最欣賞係呢度嘅抽風系統做得好好, 食完個身唔會有成浸火鍋味!
《自取區》
食物選擇相當多元化! 火鍋配料有超過20多款, 部分由台灣直送✈️, 如台灣百頁豆腐、大甲崧化芋頭、A菜等等, 仲有其他特色食品: 包仔豆腐、花枝丸、台式肉燥飯等等
??推介大甲崧化芋頭?! 大甲芋頭非常鬆化綿密, 芋香濃郁!
??飲品方面, 我推介試吓佢哋嘅自家製冷泡茶, 桂花烏龍茶 – 桂花嘅芬芳融入烏龍茶中?, 茶味香醇回甘, 可解膩
《和牛火鍋吃到飽套餐》
包括任食和牛、任飲台式飲料, 套餐仲會附送海鮮拼盤及棒球貢丸(每位一粒), 最後仲有Mövenpick雪糕?, 非常豐富!
一共有10款湯底供選擇, 有帶台灣風味嘅元氣養生鍋、牛品秘製麻辣鍋、酸菜白肉鍋、柴魚昆布鍋、花菇昆布鍋等等。我哋揀咗鴛鴦湯底 – 元氣養生鍋、剝皮椒雞湯鍋
元氣養生鍋 – 湯鍋材料好足, 有人蔘、紅棗、雞件, 湯底滾後有好香嘅人蔘味, 甜中帶甘味, 越煮越鮮甜, 夠晒滋補!
?海鮮拼盤
有青口、蝦、蜆、鮑魚, 蜆肉大大隻; 蝦都好鮮甜彈牙
?澳洲M9和牛肩胛肉
超級值得推薦??! 我哋仲不停encore??!
和牛油脂分布均勻, 食落牛味十足, 肉味濃郁, 好高質! 和牛入口好柔軟, 又有油脂香, 非常好味 ?
?鹿兒島黑毛和牛
肉質較為扎實, 擁有平均嘅霜降脂肪以及濃厚嘅牛肉風味
?牛舌薄切片
輕輕一咬就可咬開, 嫩滑又唔會韌, 有口感
除咗牛肉同海鮮, 都有好多台式地道小食, 如麻辣鴨血、鹽酥雞、皮蛋豆腐、原味小香腸、宜蘭蔥餡餅、水蓮菜等, 都好啱香港人嘅口味~
服務
內用
餐點類型
晚餐
60分鐘 Lunch 火鍋放題?
返工嘅時候往往得1個鐘頭食飯，想食得好啲可以食咩？?今日我就去咗牛品食60分鐘 Lunch 火鍋放題，幾抵食～不過會準時收嘢，所以想食咩一開始要拎定?
整體評分：6.9/10
味道：7/10
服務：6/10
環境：6.5/10
人均消費：$100-200
地址：牛品台式火鍋 (尖沙咀)
尖沙咀樂道32-34號1樓
*我哋揀咗F set （$115/位），入面有安格斯牛板腱同西班牙豬粟飼豬梅肉（total3份）
元氣養生鍋湯底：都好足料，入面仲有人蔘添！?另外有雞肉 、蟲草花，飲落好清甜❤️
安格斯牛板腱：牛味都算重 , 肉質都唔錯
西班牙豬粟飼豬梅肉：油脂分布平均,唔會好肥
自助區：入面有新鮮蔬菜同丸類，全部台灣直送?其中我最鐘意百葉豆腐！口感特別，好彈牙～另外肉燥飯啖啖肉，都幾香?飲品方面有自家制冷泡茶同汽水
去過2次,服務員回答問題時有點誤導
有午市吃到飽套餐都係$88? 而且餐廳環境乾淨 坐得好舒服?
不過今次去因為又唔係特別太餓 就同朋友一人叫一個午市定量套餐 唔好做大晒鬼??
佢有唔同既肉類套餐選擇 肉類就係固定分量 但有自助火鍋配料區可以加碼
?湯底方面有10個味道 有元氣養生鍋 同埋推介牛品秘製麻辣鍋，就算我哋叫左小辣都覺得好夠味 唔食得太辣既朋友就要注意‼️入面仲有小量鴨血片?
我同朋友一人叫左一set 因為兩人起一鍋
?Set B.花雕酒雞件 ＋西班牙栗飼豬五花 $88
?Set D.澳洲M5和牛肩胛肉＋西班牙栗飼豬梅肉 $178
?每份餐都有隨機小食跟餐
本身我同朋友對佢醉雞件都冇咩特別期望 點解一食 佢比個湯底洗禮 入口個個雞都仲好《醉》真係好夠味?
仲有M5 和牛片佢牛味都好濃 值得叫來一嘗?
自助區方面 佢有醬料區15種材料比你自由斟 好推薦佢地個麻辣醬 仲有部分台灣直送既配料 種類比一般火鍋店多?更為特別蜂巢凍豆腐、百葉豆腐同菜類都有好多選擇 ?
講到依到 打邊爐又點小得飲品 佢都有無限供應
佢地仲可以加錢就配飲到春陽茶事既肥仔水系列?
主菜牛肉品質佳，惟副菜選擇少，飲品選擇也不多。熟食，疏莱及凍柜食物選擇更加少，相比同類同级餐廳明顯遜色。侍應生服務態度也不合格。侍應到了法定90分鐘時間，竟毫無禮貌地，毫無事先张揚下，一声不响便走到面前熄掉爐火，把面前食煱攞走。感覺並不愉快。
隱形肥牛
難得平日放假，去咗尖沙咀「牛品台式火鍋」品嚐午餐。餐廳中午時段設有台式午市套餐或90分鐘午市吃到飽套餐可供選擇。食材由台灣進口，鴨血任食，店內仲有M9和牛，性價比高??凡於店內點春陽茶事的飲品，即可享折扣價$20一杯
餐廳推介左兩款主打湯底：元氣養生鍋及牛品秘製麻辣鍋，辣度可選大、中、小辣?養生鍋以鮮雞、紅棗、杞子及黨參等等配料熬製而成，滋補養身，男女老幼都啱??麻辣鍋加咗大量辣椒?香料及鴨血，又麻又辣，香濃味美
用餐位置附近設有醬料區、自助食物及火鍋配料專區，種類繁多，任君選擇，非常方便
台式小食
多款台灣小食可選，台式甜不辣及鹽酥雞都好出色，邪惡滋味
阿在伯韭菜豬肉水餃 & 燕餃
皮薄餡靚嘅韭菜餃，充滿韭菜豬肉鮮味！燕餃口感彈牙，有少少似港式魚皮餃
花雕酒雞件
一客有三件，嫩滑無比，鮮雞味濃，同時帶陣陣花雕酒香
安格斯牛板腱
中間有少許筋膜，口感彈牙，肉味香濃
頂級美國肩胛肉
脂肪油花分布均勻，入口軟嫩，牛肉味最濃郁突出
紐西蘭羊卷肉
薄切羊卷肉，口感細膩，滿載羊肉羶香
西班牙栗飼豬梅肉
豬梅肉偏瘦，肉質香軟腍滑，豬味濃郁
天氣咁熱，識食嘅梗係去打邊爐啦！係咪黐咗線呀？梗係唔使同人迫啦！哈哈哈！???
話說有人介紹呢一間牛品台式火鍋，可以食澳洲M9和牛咁仲要任叫，我係一個女牛魔王，咁就真係要試吓啦！ By the way最緊要食呢一間嘅靚牛肉，我唔係好想講啲嘢食住，我真係真心覺得喺依家呢個時勢，一間餐廳，最緊要梗係食物質素，呢一個係最基本嘅原則，佢哋其實已經做咗！抵讚??✅
但係令我嘆為觀止同埋喜出望外嘅，就係佢哋嘅服務，乜嘢叫做服務啊？就係你想要咩佢比咩你，甚至乎你未諗到，佢都預備俾你，有入到餐廳坐低，問佢哋啲配料啊、食材啊、佢都答得你好仔細，甚至乎佢會推介佢哋嘅醬料，有啲咩特別俾你知道，我真係覺得我係學點樣食台灣嘢，咁呢樣嘢係要發生下一個佢真係鍾意呢份工嘅人身上，先至會搵到。
第二當你食完一碟食物，佢哋好快就有職員收咗你食完嘅空碟空盤，令到你張枱好乾淨，唔會好多食完嘅碟碗喺度阻住晒，咁你會睇到其實間餐廳職員，係有被培訓過，另外一種服務就係自助食物區配料醬料好多時都會污糟邋遢，但係呢度唔會喎，點解呢？咪就係喺服務上邊有培訓啲員工囉，成日抹乾淨啲地方，啲員工亦都會行來行去，巡下邊張枱需要服務，最難得嘅係其實都係一班年青人，咁真係有Heart喎!
第三令你最開心嘅係，連個廁所都鬼死咁乾淨，仲好闊落，呢個真係服務做到100分。
咁然後你再睇吓啲食材啦！ M9和牛肩胛肉，同埋唔同部位嘅肉都可以食到，鴨血任食仲有啲不同嘅台灣小食，仲有啲滷肉飯啊新竹米粉啊王子麵呀烏冬呀都不在話下啦，不過影唔晒囉，仲有好多唔同種類嘅菜，都係影唔晒囉！
咁所以令你最開心嘅仲有唔同嘅台灣茶飲品同食材都係台灣直送嘅，
仲有於店內點春陽茶事的飲品,即可享折扣價$20一杯(原價需$30-39不等)咁我都唔識啊點講啊，你嚟食過呢隻知道佢真係唔係講笑㗎！
咁最後梗係去到甜品嗰part啦，佢有一個芋圓愛玉甜品Movenpick雪糕，咁令你畫上完美句號。
餐廳門口放左三款餐牌，午市有性價比高嘅台式午市套餐/定量火鍋套餐/任食火鍋套餐，食材全部台灣進口，火鍋套餐亮點係鴨血任食，如果追求牛肉品質嘅，可以揀M9和牛嘅套餐
? 牛品三絕刀削麵 $88
三絕係爽彈嘅牛肚、大大片嘅牛展同淋滑入味嘅牛筋，牛份量好足，深啡色嘅湯底好飲唔會口渴，刀削麵Q彈有咬口，估唔到係火鍋店會食到一碗甘高質嘅牛肉刀削麵
?鹽酥雞扒便當 $75
雞扒好大塊厚身，外皮炸到好脆唔油膩，有肉燥、醃蘿蔔同炒椰菜做配菜，呢個便當夠哂豐盛
每款主菜另外可以揀一個小食添，揀咗炸甜不辣同炸地瓜圓，地瓜圓外脆內軟糯，甜不辣微微煙韌有嚼頭
當日提供兩款冷泡茶，桂花烏龍茶/洛神花茶，我哋偏好桂花香，所以揀咗前者，烏龍茶味濃郁
總結? 如果鐘意手搖飲品嘅，店內點春陽茶事飲品，即可享折扣價$20一杯(原價需$30-39不等)
*
?牛品台式火鍋
位於尖沙咀樂道，平時絕少經過這條街，完全不知道有這間新開的台式任飲任食火鍋店?餐廳樓面很大很寬躺，而且乾淨企理?
???分鐘的任食火鍋有數個套餐，我們點了中等價位的牛御品，有澳洲??和牛肩胛肉、封門柳、紐西蘭羊卷肉、西班牙豬梅肉、蜆和青口等等海量選擇?而自助區亦有各款丸類和蔬菜可以選擇，種類多不勝數?飲品方面除了有普通汽水外，還有自家製的冷泡茶?
湯底方面亦有多款選擇，一眼看到元氣養生鍋和牛品秘製麻辣鍋已經被吸引了?
元氣養生鍋裡面有雞肉，蟲草花同花旗參等藥材，湯底清甜，如果放上娃娃菜或其他菜類一起煮，味道大大提升?至於秘製麻辣鍋內則有無限任添的鴨血，辣度方面我們選了少辣，麻度亦剛好☺️
總括來說，餐廳的確有驚喜，上菜快而且質素很不錯?飲品和自助區選擇很多，位置闊落，很適合一大班朋友聚會☺️
今日放假去咗尖沙咀行街 突然之間好想打邊爐?所以就搵吓周圍有咩嘢食?見到呢間台式火鍋未食過就試吓啦?
餐廳位於一樓 所以我哋要上樓梯先可以到達餐廳?餐廳環境非常乾淨 座位都好闊落☺️同隔離位距離夠遠私隱度十足? 餐廳唔止提供午市套餐 仲有牛極品火鍋 性價比高 鴨血任食 而且食材仲要係台灣進口 ?除此之外 店內仲有M9和牛?而家叫春陽茶事的飲品 仲可以有折扣價$20一杯(原價需$30-39不等)? 我哋就叫咗鴛鴦湯底 麻辣同埋酸菜白肉?麻辣湯底用料十足 入面仲有埋鴨血 係台灣嘅味道?好少地方會有酸菜白肉湯底 竟然呢間餐廳會有 仲要勁多白肉同埋酸菜 一啲都唔吝嗇?
牛肉有幾款可以揀 睇得出勁新鮮 仲好嫩滑?我哋encore佐幾round?除咗牛肉之外仲有幾款餃子可以揀
自助吧有好多款唔同嘅蔬菜丸粒款式多到食唔晒 仲提供埋滷肉飯 ?
仲可以自己order小食 有甜不辣地瓜球午餐肉等等 唔使去台灣夜市都有得食?
醬料區仲有成10幾款醬可以自己溝
飲品吧比起其他台式火鍋店更加多唔同種類嘅飲品可以揀?
服務
內用
餐點類型
午餐
很好吃的台式火煱，品質與價格成正比。
牛品台式火鍋 (尖沙咀)
尖沙咀樂道32-34號1樓
餐廳位置好近地鐵站，尖沙咀A1出口行幾分鐘就到，非常方便易搵，餐廳係1樓，上一層樓梯就會見到好闊落好光鮮既裝修，餐廳仲會播住台灣歌，成個感覺都好舒服
牛御品套餐（17:00-19:00入座）$299/1位
120分鐘任飲任食
性價比好高，勁多品種野食，無論熟食定火鍋材料，仲要好食，平時話貴精不貴多，呢間係貴精仲好多?仲要值得一讚既係，重複叫唔同既野食既水準都保持得好好，完全唔會頭round先靚仔咁
鴛鴦湯底 +$50
酸菜白肉鍋+牛品秘製麻辣鍋(小辣）
未食先飲湯?
1️⃣酸菜白肉鍋湯色呈奶白色，湯頭酸而不嗆，口感好溫和，飲起黎有種好清爽既感覺，湯底入面都好足料，有好多半肥瘦既白肉，白肉吸收哂湯底既精華，非常好食?
2️⃣麻辣鍋麻香味十足，唔係死辣，先麻後辣食落好有層次，湯底入面仲有好多鴨血，非常惹味，湯底愈煲麻辣味仲出，麻麻辣辣真係好過癮
呢個套餐
*每位仲送一粒棒球貢丸，真係好大粒，貢丸肉質彈牙，食落啖啖肉勁滿足
*仲有澳洲M9和牛肩胛肉❤️完全大愛
和牛超濃牛香，連麻辣鍋既辣味都蓋唔過佢既牛香味，真係一定一定要食！
除左QR落單，出面仲有自助區，
就咁醬料區都好多品種，想再辣得過癮可以試下佢既自家辣椒油，熟食區有滷肉飯同滷水豬手，豬手係必食，豬手一咬就脫骨，滷得勁入味??
火鍋食料有好多都係台灣直送既，比較少見既香芋包心上貢，櫻花蝦片，台灣白苦瓜，水蓮菜同心內美等等，有啲真係第一次食?
仲有勁多台式小食，麻辣鴨血，台灣香腸，宜蘭蔥油餅，仲有勁多勁多?好多都超級有台式風味??
飲品櫃都有好多無糖茶品，汽水果汁類，真係應有盡有，如果想飲手調都無問題，店內點春陽茶事既飲品+$20就有一杯?
食完記得要留肚食甜品，有芋圓檸檬綠茶爱玉，仲有3款味既movenpick雪糕??
芋圓檸檬綠茶爱玉
好清新既味道，明明都食到好飽，但都仲想食哂成碗，完全唔想同朋友share黎食?，味道唔會太甜，檸檬綠茶好清香，芋圓亦好煙靭有咬口，成個配搭都非常台灣風味??
今日放工即跟超喜愛食放題火鍋既朋友去樂道(即Isquare 後面巷仔) 新開既牛品台
式火鍋試試。地下門面比較細，有Anson Lo 的紙板人像，要行樓梯去上層先到餐
廳。上到去非常光猛乾淨，木系裝修。 店主熱情地招呼。在餐廳中間可任拎飲品, 除咗有一般汽水選擇外, 仲有自家沖嘅天然茶飲，白桃烏龍、桂花烏龍、洛神花茶。如在店內點春陽茶事的飲品，即可享折扣價$20 一杯（不價$30-$39一杯）
還可夾疏菜類、丸類、菇類、豆品類及瓜類等回位打邊爐。 而熟食方面，亦有鹵水豬手及鹵肉飯。
我們選了120分鐘晚市吃到飽套餐。性價比高。鴨血任食。 食材全由台灣進口。牛上品、牛極品及牛御品選擇。我們選了最貴既牛御品。價錢如下。
[牛上品]
17:00-19:00入座 $179
19:00-21:00入座$219
21:00-22:00入座$199
小童/長者(任何時段) $109
[牛極品]
17:00-19:00入座 $219
19:00-21:00入座$259
21:00-22:00入座$239
小童/長者(任何時段) $159
[牛御品]
17:00-19:00入座 $299
19:00-21:00入座$339
21:00-22:00入座$319
小童/長者(任何時段) $239
如選鴛鴦湯底需另加$50 ，有10款台式湯底任均選擇，我們選了一邊辣嘅牛品秘製麻辣鍋及一邊唔辣嘅元氣養生鍋。
[牛御品] 有任食澳洲M9 肩胛肉，頂級美國肩胛肉，安格斯牛板腱、精選美國牛胸
腹。美國封門柳、牛舌片、安格斯一口牛、西班牙栗飼豬梅肉、西班牙栗飼豬五
花、紐西蘭羊卷肉、醉雞、墨魚滑。
海鮮有活蜆、蝦、青口。熟食方面有台灣腸、皮蛋豆腐、鹽酥雞、宜蘭蔥餡餅、米血
糕、豬耳、墨魚仔、鴨血、甜不辣、椒鹽蝦、牛三寶、炸地瓜丸。
所有肉類都非常新鮮，嫩口。最正有任食澳洲M9 肩胛肉，唔會鞋口，好有牛味。所有
豬肉都非常爽口彈牙。海鮮方面蜆肉非常新鮮，蝦肉質亦爽口唔係比死蝦。最正係有
台式小食，未有火鍋前可以叫來當前菜頂肚餓先。皮蛋豆腐有水準。好滑溜。
飯後仲有四款甜品送。Movenpick 朱古力、士多啤梨同雲妮拿味瑞士雪糕及台灣竽圓
愛玉。愛玉超新鮮、清點，口感唔會太硬或太水，好滑。Movenpick雪糕，最愛朱古力
味，超濃厚既朱古力味再加上朱古力粒。士多啤梨味偏酸，但食得出天然無科學味
道。雲妮拿亦好香雲妮拿味。
台式鴛鴦湯底?
酸菜白肉鍋：鍋中嘅酸菜真係好好食好夠酸，白肉半肥瘦超正。
牛品秘製麻辣鍋：麻辣叫左小辣都好麻呀….鍋中仲有鴨血??
火鍋點可以冇牛肉，先黎個頂級美國肩胛肉、安格斯牛板腱、精選美國牛胸腹、牛舌片，樣樣都係有質素，好濃牛肉味??????再點d豬肉，西班牙栗飼豬梅肉、豬五花，樣樣都好味?自助區有好多丸類、蔬菜類選擇，飲品好多款呀?
小食都有好幾款，我就叫左台式甜不辣、鹽酥雞✌?
最後甜品有雪糕?
店員有禮，環境舒適
食物質素不錯
鍋底到位對味
台式小食出色，能做到當地的感覺！
值得一試
牛品台式火鍋
餐廳主推3個湯底：麻辣/養生/酸菜白肉，今晚就選左個鴛鴦鍋，養生同麻辣，選埋 牛御品餐，19:00-21:00時段入座，任飲任食120分鐘，價錢$339，如果即時入會做會員，更有折扣優惠添，餐廳食材都係台灣進口，咁嘅價錢性價比好高；如果另點春陽茶事嘅飲品，（原價$30-$39）都只係另加$20一杯。
餐廳中間有飲品區、有蔬菜區同醬料區；飲品除左汽水外，仲有牛品不同味道嘅花茶同烏龍茶；蔬菜區都係自坐，仲有台灣直送嘅菜蔬。
?湯底送上啦?慢慢加熱後，首先係養生鍋傳黎嘅藥膳味道，湯底濃郁，入邊除左藥膳仲有嫩滑雞件；麻辣鍋麻味香濃，湯鍋入邊有好多鴨血，又鮮又滑。店員再送上每人一隻新鮮鮑魚，好大隻，啖啖肉。
?牛御餐 ： 有M9和牛、肩胛肉、牛板腱、牛胸腹、封門柳、牛舌片、一口牛、西班牙栗飼豬梅肉、豬五花、羊卷肉同花雕酒雞件，好多款肉食款式，我最鍾意一定係M9和牛，一板有兩大塊，呢款不停咁食，真係食左十幾廿板?，只需係鍋中拖兩拖，入口甘香，鬆鬆軟軟，M9和牛質素真係唔同；阿仔就鍾意牛舌片同豬梅肉，又係不停order食唔停，豬梅片果種肥瘦均勻，入口嫩滑甘香。要值得一讚，呢度就算不停encore ，啲食材都係保持倒水準喎??。
?蝦滑 / 墨魚滑，非常彈牙
?另外熟食都有非常多選擇，台式鹵水豬耳、皮蛋豆腐、牛品牛三寶、炸地瓜丸、甜不辣、米血糕、蔥餡餅….. 全部都岩我胃口，尤其血米糕，仲係熱辣辣，入口煙煙韌韌；炸地瓜丸都係要不停encore。
最後每人仲有一杯movenpico雪糕食添
$279 加一抵死? …
好正既台式火鍋??
同朋友傾下計食下火鍋 環境乾淨整潔???? …
尖沙咀可以同牛X人匹敵既火鍋店?舖頭位置非常便利，在iSquare後面，座位非常闊落，同隔籬枱都有空間唔會太迫??????食物選擇眾多，上台速度亦非常快！
我係下晝去嘅，午餐時間有火鍋套餐，亦有放題火鍋牛極品套餐❤️餐廳性價比高，亦有任食鴨血，大部份食材有台灣進口，如果大家食好啲，亦可以選擇M9和牛???而且舖頭隔離有春陽茶事，喺舖頭入邊叫可以有優惠$20杯?
牛肉有幾款，個人中意牛胸腹肥啲?另外豬五花亦唔錯！我分別叫左酸菜白肉鍋同養生鍋❤️養生鍋蔘味好重?有好多一條條既蔘係鍋入面！熟食亦推薦肉燥飯，油香十足！
?好味指數:4.6/5?
?回頭指數:4.6/5?
約咗朋友打邊爐，好掛住台灣嘅鴨血，特登揀咗間台式火鍋?用餐時間120分鐘，非常充足可以慢慢食☺️而且餐廳位置舒適唔會有太迫嘅感覺?選咗牛品秘製麻辣鍋和元氣養生鍋，加$50可以轉鴛鴦鍋
✅牛御品$339
?牛品秘製麻辣鍋
麻辣味香濃，唔算真係好辣?叫咗小辣，但係食開10小辣嘅我都食到，如果追求勁辣嘅話可能未必夠滿足啦?但係對我嚟講勁開心?
?元氣養生鍋
中意人蔘嘅朋友值得一試??湯底好足料，勁多人蔘，非常養生?建議大家配米粉，索灑啲湯汁食無得頂，不過米粉會痴住啲人蔘碎，建議可以撈走啲人蔘先?
?食材
每人送一隻鮑魚，味道唔錯??
肉類可以係手機掃Qrcode 落單，都係台灣進口，而且可以任食鴨血?我哋揀呢個級數可以任食M9和牛肩胛肉，入口即溶，牛肉質素高‼️另外仲有其他部位可以揀。除咗一般打邊爐嘅食物仲有台灣小食，種類非常多值得一試?
?甜品
可以選movenpick雪糕或者芋圓愛玉，味道好滿意☺️
如果有興趣可以試春陽茶事的飲品，可以係餐廳用折扣價$20一杯，原來都要三十幾蚊杯，之前試過呢間茶飲店都幾好飲㗎??
?總結
性價比高，而且食物選擇種類多，湯底好味?推薦食物：M9和牛肩胛肉、台灣腸、手工蝦滑、豆腐皮蛋、
?牛品台式火鍋 (尖沙咀)
尖沙咀樂道32-34號1樓
就算訂位等一個小時都不能入
這間跟另一間火鍋店有點像的，雖然人氣沒那間的高，但這裡的食物也不馬虎，更有他的特色地方，重點是不用排隊，這就對我這種不想排隊的人非常友好了！
約咗朋友喺尖沙咀食飯，朋友話就算天時暑熱都要打邊爐，唯有應酬下佢。之前同佢喺尖沙咀樂道食過一間日式火鍋，到埗先發現，原來同一舖位已經轉左手。名字雖只有一字之差，火鍋亦已經變咗台式。
揀左個有M9和牛嘅牛御品套餐，湯底就試麻辣同養生鴛鴦鍋。麻辣叫咗小辣，唔洗太刺激啦，重點食多啲食材原味，反而養生湯個淡淡藥膳味有驚喜。
鍋底上枱後，繼而就係一大堆食材，賣相唔錯，仲有跟餐嘅兩隻鮑魚，本以為任食跟餐應該唔會俾咩靚野，點知朋友用筷子篤下隻鮑魚原來仲識郁！即刻先烚鮑魚試試，果然新鮮彈牙；蜆仔雖然比較的骰，但都鮮甜冇沙喎！
牛就一定首推澳洲M9和牛肩胛肉，完全唔會韌，亦唔會好多邊肥位要咬走佢，成塊一啖啪入口勁滿足。
另外來自台灣嘅蛋餃、牛三寶、蔥餡餅等食材都唔係度度食到，仲有鴨血都係任食！
小食方面就好鍾意五味墨魚仔、皮蛋豆腐；自取蔬菜同丸都幾高質企理。原來諗住叫杯樓下春陽茶事嘅野食有特價$20杯，但係太夜已經收咗，下次有機會再試。
最愛台式火鍋吃到飽
行過尖沙咀喺I-Square旁邊的牛品，傍晚6點幾已經出現人龍，誤打誤撞去試吓，整體質素屬於中上，食物種類豐富，而且食到最後一碟肉，質素一樣咁好。
最平的「牛上品」$179起，今次先試「牛御品」，中間價位，7點前入座$299/位，120分鐘任食超級滿足。
揀咗鴛鴦鍋，店員介紹到湯料來自台灣，麻辣湯底可以選小辣，每一有一隻新鮮鮑魚外，必點包括澳洲和牛M5 牛肩胛肉，手切封門柳、安格
斯牛小排同安格斯一口牛肉粒等等嘅靚牛，上枱速度快，無乜漏單，雪花紋超靚，質量控制方面要讚。
最愛台灣直送嘅配料，粉紅蘿白「心內美」夠哂爽甜，澎湖花枝漿鮮味十足，福建燕餃、台式蛋餃間間都有，台灣貢丸非常好吃，忍唔住食咗好多粒，竟然仲有蔥阿伯水餃，餡料勁多汁，食完非常飽。
小食方面，鍾意食鹽酥雞，台式香腸都可以一試，大推台式肉燥飯配台梗9號蓬萊米來自台灣直送的蓬萊米，米粒夠大又飽滿，肉燥勁似夜市的味道。秘製滷水豬手好惹味，好入味，滷水汁香濃齒頰留香。
飲品自助區有樽裝白桃烏
龍、桂花烏龍外，亦有提供各款罐裝飲品，最鐘意Anson Lo代言呢款OOHA無糖汽水，0糖、0卡和0脂，柚子海鹽感覺好fresh，都好適合打邊爐飲，平時都賣緊$12一罐。食完仲有一個movenpick 雪糕做甜品
A beef-focused all-you-can-eat Taiwan hotpot restaurant in TST. They provide a variety of pot flavors, including ginseng chicken, ma la, and mushroom, and four different meat set options to choose from.
The setting is pleasant, clean and contemporary. The restaurant appears to be quite new, and the interior is fairly spacious.
Even though we select the second most affordable choice, the meat’s quality is still fairly good. The beef is thinly sliced. A wide range of Taiwanese snacks are also available to choose from(included in the deal). There are numerous beverages and side meals to choose from as well. There are numerous ways to make the dipping sauce.
Service is prompt, courteous, and good will come again.
服務
內用
餐點類型
晚餐
又是一間台式benno?晚巿任食120分鐘?我揀咗牛御品餐因為想食和牛?
台式邊爐就係多湯底揀！叫咗鴛鴦鍋，一邊係清淡啲嘅花菇昆布鍋，店員推薦用嚟食M9和牛，一邊係台式養生鍋，入面有雞同好多藥材，超重參味?
一開始食咗啲台式小食先，有麻辣鴨血，皮蛋豆腐，鹽酥雞，腸仔，葱油餅等等，全部都熱辣辣好食的?
邊爐有每人一隻新鮮大鮑魚吃，之後就可以瘋狂食肉，牛豬雞羊都有，全部肉都幾高質，新鮮肥瘦適中，不過有和牛食當然要狂食，和牛果然係肥美好吃點的?
仲有台灣直送嘅邊爐料，例如水蓮，餃子等等。海鮮有青口，蝦，蜆，蜆鮮甜我encore了。出面自助吧有好多丸仔同蔬菜?
飲品都有好多選擇，我飲咗仙草凍，仲可以加$20就有春陽茶事嘅手搖。最後食飽飽再食杯movenpick雪糕?
台式任食火鍋，非常有驚喜，無論環境、火鍋食材、湯底、小食喺我心目中都幾高分!!
牛御品套餐，每位$299，鴛鴦湯底+$50
有10款湯底選擇，最後揀咗酸菜白肉鍋➕元氣養生鍋，湯底好足料!!
有多達七款牛肉嘅選擇，食得呢個餐當然主力食澳洲M9和牛肩胛肉，薄切大塊油脂均勻，好正所以不斷encore呢款牛，另外都試咗頂級美國肩胛肉、安格斯一口牛同埋西班牙豬梅肉，一樣咁好食!!
青口、海蝦同蜆任食，海蝦幾鮮甜有encore左一round，每位送一隻嘅新鮮鮑魚，大隻厚肉彈牙唔韌!!
非常多台灣小食，包括麻辣鴨血、台灣腸、鹽酥雞、墨魚仔、椒鹽蝦、地瓜球、肉臊飯、豬手、牛三寶等等數之不盡!!
性價比幾高，比起一般任食火鍋多嘢食~
90分鐘午市食到飽套餐，我配元氣養生鍋。。紅棗、杞子、人參、雞?
西班牙粟飼豬梅肉
頂級美國肩胛肉
安格斯牛板腱
牛舌片
西班牙栗飼豬五花
花雕酒雞件
精選美國牛胸腹
?所有嘅牛同豬都好好食，切到好薄，只要灼一灼就食得。
紐西蘭羊卷肉(冇蘇味)大家放心叫。
?春陽茶事飲品只係加20
珍珠鮮奶茶
檸檬蜜烏龍
跟友人來到尖沙咀，原本打算挑個午巿套餐來吃。經過餐廳時，看見menu，除了有台式午巿套餐，還有火鍋的60分鐘午巿定量套餐 及 90分鐘吃到飽套餐，湯底還有10款選擇，二話不說便進餐廳了
餐廳非常闊落，平常很怕座位擠迫的餐廳，尤其疫情期間，所以進餐廳後看到裝潢更加心情大好。
最後選了中位價格的“牛極品”套餐，因肩鉀肉及牛板腱均是我的最愛，餐廳用手機自助點餐的。若要再高級點，可選擇“牛御品”套餐，看到有M9和牛可品嚐
湯底選了鴛鴦鍋，蕃茄濃湯 + 剝皮辣椒雞鍋，一次過滿足2個味蕾，2款湯底也很好，蕃茄湯真的濃郁，帶少少甜沒酸味，還沒開始吃時，我已經喝了2小碗，食材放進去與蕃茄味非常配，感覺也健康點; 而辣椒雞鍋的微辣很是開胃，雞肉也嫩滑，加點的雞件也不錯
台式不能少的，火鍋前先來一碗滷肉飯
點的肉一盤盤來，非常新鮮
吃到飽真的性價比高，套餐包括的任食外，還有鴨血，蔬菜，小食，飯麵，醬料任食，大多食材從台灣進口。
除了食品，飲品也是喝到飽啊，大大的飲品櫃隨便挑
若想更台一點，還可點折扣價20元一杯春陽茶事飲品，4款任揀呢
十二分滿足的吃到飽
服務
內用
餐點類型
午餐
《性價比高－牛品台式火鍋?》
去開尖沙咀行街街?完左之後好想食返個放題邊爐，點知咁都俾我搵到間新開既台式火鍋放題?諗都無諗就入左去！
台式火鍋最吸引既地方就係佢既湯底同埋可以點到d台灣小食?我地最後決定揀牛御品套餐，因為有好多款唔同既肉揀！淨係牛都已經有澳洲M9和牛肩胛肉、美國牛肩胛肉、安格斯牛板腱、牛胸腹、封門柳、牛舌片?好多選擇！另外，仲要再有豬、牛、雞食?正！仲要我地點呢個set，仲有得揀每位要一隻鮑魚／棒球丸，正！同埋好欣賞佢既食材都係台灣進口?
至於湯底，都有成10款揀！款款都好吸引，所以我地決定加＄50要個鴛鴦鍋，牛品秘製麻辣鍋好麻香惹味，連埋鴨血食真係一流！另外，揀左元氣養生鍋，個蔘味好重，feel到個湯底好足料?
蔬菜類、醬汁、飲品都可以係中間個自助區到自取，飲品有自家製既無糖茶?亦都有唔同既台式飲品，好似去左台灣食咁！如果真係唔岩飲，仲可以加＄20點春陽茶事既飲品！出面既蔬菜都多選擇，好surprise有水蓮菜?同埋有台式既丸物！醬汁有埋沙茶醬果d！
美國封門柳：我地點左差唔多10幾份，呢個部位既肉質食落好鬆軟，又唔易變韌，同埋個牛肉味好濃郁
海鮮：呢到仲點到蝦呀、蜆呀！d蜆放落湯到，好鮮甜！
台式小食：呢到order到好多台式小食?我地每樣點左小小黎試，點左五味墨魚仔、椒鹽蝦、甜不辣、炸地瓜丸同埋麻辣鴨血?
食完同個朋友都好滿足，我地話之後可以再黎打邊爐??
環境：⭐⭐⭐⭐⭐
價錢：⭐⭐⭐⭐⭐
味道：⭐⭐⭐⭐⭐
服務
內用
餐點類型
晚餐
餐廳裝潢非常闊落，坐得都舒服，原來除左午市除左套餐仲有牛肉火鍋！90分鐘吃到飽既打邊爐套餐，食野慢慢食慢慢傾
湯底選了鴛鴦鍋，一次過滿足兩個願望，2款湯底都好，元氣養生鍋勁重人參味，感覺好滋補！同埋秘製麻辣鍋小辣，入面已經有好多鴨血
可以點到d台灣小食，我地我第一次覺得鹽酥雞係最好食，卜卜脆！
牛肉來講都算新鮮，上枱仲係有光澤，我見到仲可以加錢食M9和牛?食材都唔錯！聽店員講係台灣進口既食材，仲有無糖茶同其喺飲品仼飲，最重要係有我中意既王子麵?性價比好高
近來真係好多精彩的電影，很多都是很吸引的，放假約了朋友在 尖沙咀I square睇戲，地點真的很方便。朋友預早book了枱，睇完戲可以吃台式火鍋。
真的很期待，朋友大力推薦，是任食M9和牛??，完全無限制叫幾多都得。
餐廳環境好闊落，抽風系統也很好，自助區超多飲品選擇，最鍾意鳳梨烏龍茶個荔枝烏龍茶，味道不太甜而果味突出，另外自家制冷泡茶也是消膩的好選擇。
肉類和海鮮，以及台灣即製熟食，直接用手機QR code點餐，十分方便，我們瘋狂地點了很多M9和牛，肉質真的不錯，顏色鮮艷而且雪花分佈平均，牛肉味道濃郁，質感軟嫩，性價比真的很高。
自助區可以任取新鮮蔬菜，和雜錦丸類，很多也是台灣直送，，店員的增添速度也很快，所以不會擔心取不到。
熟食也很豐富，鹵水牛三寶 ＋台灣小香腸 ＋椒鹽蝦＋ 炸魚皮 ＋台灣直送的麻辣鴨血。平時吃台式火鍋，鴨血都是單點的，這裡也是沒有限制，任點任吃，正！！
新推出自助甜品區，台式三色芋圓、 燒仙草 、愛玉凍，可以隨自己喜歡的配搭調配，花奶、鮮牛奶、糖漿發揮自己創意調配味道。
平日牛極品套餐（午市）$219 per head
你一個套餐可以任點好多唔同嘅肉類，包括：
?頂級美國肩胛肉
?安格斯牛板腱
?精選美國牛胸腹
?牛舌片
?西班牙栗飼豬梅肉
?西班牙栗飼豬五花
?紐西蘭羊卷肉
?花雕酒雞件
當中最推介嘅就係肩胛肉同埋牛板腱，牛味好重，大大塊，肉質嫩滑又彈牙牛舌都唔錯，細細塊幾易入口又彈牙
湯底方面，我哋揀咗牛品秘製麻辣鍋微辣同元氣養生鍋，湯底好足料，有啲鴨血喺入邊可以食下，養生鍋都好多藥材同蟲草，真係好養生
整體來講，呢間餐廳嘅裝修都幾好，幾闊落，食物嘅質素幾高之餘，配菜同嘢飲選擇都幾多
餐廳唔只提供午市套餐架，仲可享用牛極品火鍋，鴨血任食！食材台灣進口，店內仲有M9和牛，春陽茶事嘅飲品只不過係$20，好抵
All-you-can-eat Taiwanese Hotpot in TST. The environment is cozy with good hygiene condition. The beef quality is of premium quality, which you may not expect from unlimited provision. Apart from hotpot, the resto served a number of Taiwanese street food. They tasted authentic and the portion was alright to let you try more. Average spending is $33x per head for weekday night. Given its overall rating, I think the price is reasonable and worth a try.
寬敞多款台式火鍋
— · – · – · – · – · —– · – · – · – · – · —– · – · –
呢間餐廳超大，坐位亦舒適，
一d都唔覺得逼，自助區佈置一眼睇到哂，
方便又易拎，最特別係個甜品區，
真係第一次見有芋圓同其他配料自己調配！
今次係揀左牛御品-平日晚市$299，
會送每人棒球貢丸/鮑魚~
??元氣養生湯底
有蓮藕片、紅棗、雞，會有一陣藥膳咁既味~
??沙茶海鮮鍋
有硯、青口、蝦，
超濃郁，少少辣，如果用呢邊落牛肉，係唔洗再沾豉油！
??打邊爐料
有台灣既水蓮菜、心內美(好似紅色蘿蔔咁)、
澳洲M9肩胛肉、安格斯牛板腱、
牛舌片、美國封門柳、花雕酒雞件、羊肉、豬梅肉，
肉類都唔會話有筋，亦係有雪花，靚靚肉
??台式小食
胡麻拌麵細細份，但會令係開胃，因為係凍凍地，
甜不辣、炸地瓜丸、炸魚皮~
??甜品區
有鮮奶、糖漿、花奶做底，
配料有紅豆、西米、仙草、愛玉、3款芋圓，
真係超正，已而且芋圓亦煙韌，唔會硬~
CP值高！仲有鴨血任食，食材都係由台灣進口，仲有M9和牛，
其實仲可以叫杯春陽茶事茶飲，會有折扣價$20一杯(原價需$30-39不等)
食完真係好滿足！
加分小細節：
職員會貼心，會主動幫你加湯，仲會用隻手擋一擋，避免彈到你～
朋友帶我去食台式火鍋放題
點左牛御品 可以任食澳洲M9和牛?
湯底加左$50試齊元氣養生鍋同酸菜白肉鍋
呢個餐主打嘅澳洲M9和牛肩胛肉超級正
套餐每人仲送一隻鮑魚 新鮮彈牙
呢度唔少食材台灣直送 質素都唔錯
花雕酒雞件 豬梅肉 手工蝦滑 花枝漿
食到最後去自助吧自製甜品
自助吧有仙草 愛玉 西米 芋圓等等 超滿足?
服務
內用
餐點類型
晚餐
今日和妹妹去牛品吃台式火鍋放題預祝生日，滿足，性價比高。
妺妹愛吃和牛，所以我們揀了有澳洲M9和牛肩胛肉和其他優質牛肉的牛御品吃到飽套餐，120分鐘任食。
店湯料和某些食材聲稱從台灣直送到港，試完覺得真的有風味。元氣養生鍋和麻辣鍋都有特色。
套餐的澳洲M9和牛肩胛肉，安格斯一口牛，封門柳，美國頂級肩胛肉都好食，花雕酒雞件，豬梅肉等都不錯。
套餐每人送一隻新鮮活鮑魚，鮮甜彈牙，正! 海鮮火鍋料如蝦，蚬，蝦滑，花枝漿也要試試。
另一亮點就是麻辣鴨血，惹味。
甜品芋圓檸檬綠茶爱玉清新。
桂花烏龍和白桃烏龍好飲。如在店內點春陽茶事飲品如珍珠鮮奶茶，即可享折扣價$20一杯。
台灣直送湯底?任食M9和牛、鴨血、芋圓?如果飲春陽茶事可以用折扣價$20一杯
服務
內用
餐點類型
晚餐
開心hot pot ?
天氣稍微轉涼，我和朋友已急不及待去打邊爐了。朋友搵到尖沙咀有間性價比很高的台式火鍋店，於是我們今天就去試吓。
120分鐘吃到飽套餐
任食套餐有三種選擇，幾經選擇下當然要揀食物款式比較多嘅牛御品啦！
湯底
湯底選擇左鴛鴦湯底，一個係元氣養生鍋，另一個係沙茶海鮮鍋。兩個湯底都甚為足料，元氣養生鍋人蔘味香濃，而沙茶海鮮鍋味道濃郁，配搭牛肉食簡直一絕！
澳洲M9和牛肩胛肉
揀呢個餐絕對係為咗澳洲出產嘅M9和牛！其纖維細膩肉質多汁，稍有口感，肉香味十足！
花雕酒雞件
雞件好入味，食到酒香，而且期肉質鮮嫩幼滑，同元氣養生鍋湯底好夾！
蜆
蜆係必定追加嘅Item! 唔單止新鮮，而且味道仲好清甜！
西班牙栗飼豬梅肉、豬五花
其實打邊爐，有陣時我都好鍾意食豬，豬梅肉肉質夠腍，柔軟嫩滑，脂肪分佈適中。而豬五花脂肪較多，肥美腍滑。 兩款豬肉我都好鍾意！
另外店舖嘅食材由台灣進口，鴨血、蔬菜、肉丸飲品等任食任飲！果然性價比真的很高呢！
服務
內用
餐點類型
晚餐
喺isquare睇完戲，去附近搵下野食，近近地有間牛肉火鍋放題叫牛品，啱晒啦，咁肚餓就食放題啦。
午市有定量火鍋同任食火鍋，仲有午市套餐可以食飯麵個啲，仲有台式飲品，好多選擇咁喎。
兩點幾入場，店員告知3點last order，3點半落場，時間係有啲趕，唔理啦，一埋位即刻落單先，店內用自己wifi同qr code落，好快就有湯底同肉啦。
湯底要左鰹魚昆布，清清地啱晒食肉。放題餐就要左極品牛餐$219/位，有數款牛肉同豬肉片，仲有羊肉、雞件同台式小食。牛肉片肉嫩唔肥，真係好正，其中牛肩胛同牛舌片encore最多次。另外個人覺得羊肉片都好正，好重羊味好香呀。
自助區有菜、菇、響鈴、丸等，推介百頁豆腐，滾起上黎外面煙韌內邊好嫩滑，同平時食開嘅口感唔同。
台式小食要左滷水豬耳、鹽酥雞、甜不辣、炸地瓜丸同午餐肉，豬耳滷得入味，唔輸比滷水店喎，炸物正常味啦，勝在即炸仲係熱㗎。
飲品有唔少罐裝選擇，仲有店家冷泡茶，白桃烏龍、桂花烏龍、洛神花茶，全部無糖正呀，兩杯烏龍都好清香，洛神個人就覺得酸左啲。
最後唔少得留肚食甜品，任食！係任食呀！整碗勁豐富嘅芋圓仙草先，貪心啲咩都加晒佢，好正～強烈推薦綠茶愛玉同海藻水晶，再加少少糖漿超好食。
好味好味，糖水都食左兩碗，捧住個肚走～
服務
內用
餐點類型
午餐
餐點：5
服務：5
氣氛：5
超級好吃！ 261HKD 推薦！
服務
內用
餐點類型
晚餐
鍋底味道不錯，食物新鮮，服務可以。
餐點：4
服務：4
氣氛：4
琴日食左呢間牛品，叫左牛御品呢個套餐?價錢$339一位，有澳洲M9和牛肩胛肉食??超高質，肉質軟腍，牛味好濃郁??任叫唔嬲，食到最後仲有自助糖水區，好特別??自己簡配料，鍾意食幾多就幾多? …
❤️牛御品120分鐘
任食台式邊爐?仲有禁多湯底擇 心心眼?
✅牛品秘製麻辣鍋
越食越辣越過癮 超級香濃 入面有大量鴨血 夠晒入味 食火鍋梗係鴛鴦鍋啦 想食辣又得 唔食辣又得 得咗
✅元氣養生鍋
用料十足 真係好養生 入面有人參 雞肉 杞子紅棗 記得飲返幾碗湯先好打邊爐 真係好好飲 好香濃 雞肉滑 人參絲令到成個湯有回甘 正 正 正
✅澳洲A5和牛肩胛肉
係任食架?超滑 入口即溶 淨係食佢都夠呀? 牛肉夠晒薄切啱晒打邊爐 碌兩下就食得 一個人都叫左5,6次 值回票價 必食 必食
✅肉燥飯
係任（不）肉燥 平時飯多過肉燥 而家任你食 仲要好好食 完全係台灣食到果隻味
✅熟食
好多選擇 鹽酥雞 炸厚午餐肉 麻辣鴨血 甜不辣 台灣腸 多到叫晤晒 而且所有嘢熱辣辣 誠意滿分
✅仙草芋圓自助吧
重點推介 ,真係未見過連台式糖水都有都自助 仲要一啲都晤hea 有仙草同愛玉仲有西米 配料有 地瓜圓 芋圓 紅豆 紫薯芋圓 任你擇 連糖水都做得禁到位 無得輸
總括而言 呢到好乾淨 待應有禮 食物款式多同好新鮮 絕對係高分火鍋火題??
牛品台式火鍋 (尖沙咀)
尖沙咀樂道32-34號1樓
All you can eat 之瘋狂食M9 和牛
晚市係120 分鐘食到飽套餐，有4 款
牛上品，牛極品，牛御品同牛殿品
我地今次叫左牛御品
有得送新鮮鮑魚或者棒球貢丸、我地揀左鮑魚，絕對唔hea , 有番咁上下份量！
湯底方面，reception 姐姐見我有選擇困難，好主動提我地可以簡鴛鴦鍋，推介元氣養生鍋 同黑蒜黃金鍋 (入面仲有卜卜蜆, 好開心）
我覺得澳洲M9 和牛肩胛肉最好食，肉質嫩滑，肥瘦適中，肉味好出！正！我地叫左8 碟??
仲有封門柳，平時出去單點好貴嫁，今次包埋梗係點多幾碟enjoy 下。 封門柳牛味再濃d! 最岩無牛不歡嘅我地
仲有安格斯牛板腱同一口牛，牛舌…好多選擇！
飲品同蔬菜都有好多選擇??
連熟食都好好食！鴨血都可以任食超堅!
重點重點係，佢有個甜品corner, 芋圓任食，真係不得了！?
可以自己Mix and Match 創造自己甜品！
服務
內用
餐點類型
晚餐
台灣火鍋牛品由屢獲殊榮嘅台灣廚師主理? 入面嘅食材係由台灣進口‼️鴨血任食‼️仲有M9和牛‼️ 最吸引我嘅係個甜品區，芋圓任食‼️仲可用優惠價$20叫春陽茶事? 性價比真係好高?
?鍋底
揀咗酸菜白肉拼養生鍋? 酸菜白肉鍋入面已經有豚肉，酸酸地都幾特別? 養生鍋入面有雞，仲有好多養生藥材?
?海鮮
入座就可以揀每人一隻鮑魚? 任食有青口、蝦及蜆✨推薦蝦滑，鮮甜爽口?
?肉類
推薦澳洲M9肩胛肉：濃郁牛奶香，好嫩滑‼️頂級美國肩胛肉：充滿牛香，肉質比較爽口?其他肉類都唔錯?
?餃類：蛋餃及水餃都係台灣直送～充滿台灣的感覺?
?菜類
都有好多台灣特別嘅菜?例如清甜爽口嘅水蓮菜，心內美（類似蘿蔔），A菜及台灣白苦瓜等等?好多係香港少見嘅菜，好新奇?
?任食甜品/糖水
入面啲台式甜品材料都任食，可以任意配搭? 最推薦係綠茶愛玉及寒天? 質素真係媲美出面嘅甜品舖‼️好想外賣帶走曬佢?
用餐時間有120分鐘，選擇都幾豐富? 而且好多特別嘅菜式，仲有好多台灣小食✨ 性價比真係好高??