香香宮煮

幾靚

宮廷盛宴

太和殿、永和宮、慈寧宮、坤寧宮⋯再加埋一張金鑾殿的龍椅，當踏進這間名為「香香宮煮」的火鍋店，彷彿令你置身於紫禁城的場景，亦令人不禁想起當一晚公主，吃一餐宮廷盛宴。
火鍋店除了佈置成宮廷外，點餐紙卷起並寫上「傳哀家懿旨」，打開㦤旨便可以點餐。湯㡳有十一款，全部用了古代公主命名，而我們就選了雍穆公主 – 花膠雞湯鍋。

四小碟+醤料（@$25）
????
餐前四小碟確有驚喜，有原隻鮮鮑魚切粒、木耳絲、酸薑片和花生。醬料有九款，豉油壼造型像一個古代的酒壼。

花膠雞湯鍋（$298/半隻）
?????
半個花膠湯鍋包括一鍋濃雞湯、半隻雞和花膠。侍者先端來一鍋仙氣飄飄的金黃雞湯，在放入材料前，可先嚐一碗雞湯，然後可以放入花膠和雞件，可一面吃一面喝湯。吃完只感到吸收大量的骨膠原，很滋潤又美顏。

酒香陳年花雕浸牛肉（$118）
?????
牛肉放在桌面上，侍者倒入花鵰酒，隨即仙氣滿溢，未吃已覺得很靚。牛肉入囗鮮嫩並帶有淡淡的酒香。

羊肉片（$58）
????
羊肉片不太肥，羶味也不太重，肉質嫩滑，配合自調的醬料更加好味。

脆鯇腩片（$88）
?????
脆鯇腩片果然入口爽脆，可以吃得出新鮮的味道和口感。只需點少許豉油已能夠帶出其鮮味。

什菜拼盤（$68）
????
拼盤有各款什菜，包括黑木耳、蕃茄、粟米、准山、蒿荀、生菜、娃娃菜和油麥菜。如果喜歡每樣都吃一點，這個拼盤就最適合了。

甜品
????
吃完火鍋，最後還每人奉上一碗冰凍的天山雪蓮雪耳糖水。

今日一行四人來個宮廷式火鍋 !

花膠雞湯鍋 $298 真材實料，真係撈得出滑一滑嘅花膠架。黃油雞同湯分開上，本身已經有8成熟，所以唔需要淥太耐，以免影響嫩滑肉質。

頂級雪花牛肉 $298油脂密佈，肉質紋理細緻， 牛味非常香濃，很有質素！

花雕浸牛肉 $118淥起牛肉仍然充滿花雕酒香，肉片帶點厚度，質感柔軟，口感極佳。

脆腩片$88白裏透紅，新鮮程度無庸置疑，肉質爽脆彈牙，絕對不能錯過。

雜菜拼盤 $68蔬菜新鮮翠綠，味道甜美自然。

丸類用料絕不馬虎，款式夠多，調味又唔會過重。

響鈴拼盤 $78 習慣最後先食響鈴，浸一浸今晚嘅精華， 入口酥脆加上鮮味，冇得輸。

有特色的火鍋台，食物高質，湯底煮得用心。
宮廷風，打卡一洗。

《在皇宮吃美味火鍋的cosplay之夜》
～～～
餐廳名稱：香香宮煮 (尖沙咀)
餐廳地址：尖沙咀加拿芬道16號金輝大廈1樓
～～～
週末跟大舊去尖沙咀逛街 逛得腿好酸 想找個好地方 坐一下 爽爽快快地吃一下豐富的晚餐 最後上網找了一輪之後 我們最後選定了在地鐵站附近的這家宮廷風格打邊爐店
～～～
一進去店裡面 就覺得整個裝修好宮廷的感覺 覺得自己就在紫禁城吃火鍋?
～～～
然後我們就開始受環境影響 開始cosplay?
女主角：婢女Q，男主角：皇帝舊
～～～
婢女Q：?皇上，請點餐
皇帝舊：?皇上政事繁忙，你負責點餐（其實是在打機……）
婢女Q：☺️奴婢遵命（心諗：?條友又掛住打機）
～～～
看到店裡好多桌都是叫花膠雞湯鍋 看著好像很不錯 我就跟著點了一個 然後食物方面 我們則點了 即炸響鈴 生根 沙白蜆 脆皖魚腩片（一共叫了兩碟 因為皇帝舊是脆皖魚的超級fans）還有新鮮鵝腸 韭菜豬肉餃 手打蟹子墨魚丸（四粒）等等
～～～
本來我們想說吃完這一輪之後再叫 結果湯底來了真的嚇我們一跳呢 湯底雖然我們只叫了半隻雞 但都已經好多肉 花膠也好大碟 只是一個湯底 已經等於送兩款火鍋料 超級划算的?吃完湯底的配料之後 其他的配料也陸續送到我們的桌上了?
～～～
皇帝舊：烚完話我知 我打埋鋪機先 就黎贏
婢女Q：還真把自己當皇帝了啊?
皇帝舊：以下犯上 罰你無得食響鈴?
婢女Q：唔好啊皇上??，奴婢知錯啦
皇帝舊：好啦，咁扣你俸祿一日啦
婢女Q：感謝皇上格外開恩?
～～～
Cosplay得好入神的我就開始幫皇帝舊烚食物 等他把那場機打完 我就準備要換角色做武則天了?看他還敢不敢欺負我
～～～
食物方面呢 基本上全部非常好吃 主要是湯底太出色了 根本煮什麼都不會輸呢 響鈴是新鮮炸好的 上桌時候還熱熱的 皇帝舊表示很愛吃 而皖魚腩也非常的厚實又脆身 沙白鮮甜 韭菜豬肉餃非常多韭菜 好香 鵝腸也是爽爽的 很美味 生根給好多 個個都大大粒 近看像個小月亮 金黃金黃的 超好吃 而最後手打墨魚丸也是超正的 每一粒比一粒乒乓球還大?
～～～
推薦度：?????????（10?為最高）

其實我真係延禧攻略嘅忠實擁躉，近日我朋友介紹我去食呢間香香宮煮，裏邊有好多關於工程嘅賣點，一去到甘啱職員又比我坐延禧宮，即刻咩感覺都出晒來，勁適合打卡????

先講返食物先，我哋叫咗建玲公主特色卜卜蜆鍋，鍋內的卜卜蜆真係好多，我哋食咗前後我估有差唔多50隻蜆，好新鮮好好味，另外我哋仲叫咗聖子王、白鱔片、新鮮海蝦?都係好新鮮嘅海鮮，另外我哋仲叫咗蟹黃餃，一啖咬落去蟹黃味好濃同埋大大粒好多餡，另外我哋仲叫咗一啲特色嘅蔬菜，美濃水蓮係我喺台灣必食嘅菜嚟嘅，香港真係勁少油，見到唔買都對唔住自己，另外叫咗當季豆苗，好嫩好滑????，最後再叫咗炸芋頭糕，個炸芋頭真係好似雪糕咁好軟熟好香，但係我哋兩個人食一碟嘅話真係勁飽。但係我自己就覺得呢間香香官煮係可以一試再試嘅，因為食物新鮮又夠特別，下次可以同一班朋友過嚟食。

朋友聚會來到尖沙咀的“中間點”, 看報導知道最近開了間宮廷為主題的火鍋店。預訂左晚飯時段，入到去餐廳，即刻俾張龍椅吸引住！

座位寬敞，每張枱用磚面鋪成, 店員細心介紹餐單, 再送上前菜和醬料架。幾位朋友商量左一陣，點好湯底和食物。

今次點了花膠雞湯鍋， 上枱的時候係雞湯和雞分開上的， 要了半隻雞，半隻雞已夠四個人食，份量充足。

手打蟹籽鮮蝦丸，新鮮到好似食緊新鮮蝦咁，蟹子加上的口感，好彈啊！

響鈴拼盤, 係原味和蛋黃味的響鈴，第一次食蛋黃味的響鈴，好蛋黃味香濃，味道創新。

脆腩片，稍稍滾一滾就食得，肉質鮮嫩幼滑，油份充足！

西班牙黑毛豬, 豚肉味出眾，紋理細緻！

香香公主肉丸拼盤， 有齊四款手打肉丸，個人推介松露鵝肝肉丸，松露香濃，鵝肝惹味。

頂級雪花牛肉，厚度適中，脂肪分佈均勻，一定要試！

花雕浸牛肉, 上菜時店員加入乾冰製造煙霧效果，別具風格！

加上新鮮的雜菜拼盤, 為宮亭式的打邊爐，畫上句號。

總結，香香宮煮環境有如置身皇宮之中，店員有禮，食物水準優質，想在尖沙咀搵地方打邊爐，一定要來！

睇到介紹覺得呢間火鍋餐廳好特別, 好有中式宮廷感覺, 環境佈置用具等都好似好靚, 一於約朋友黎試試
一入到餐廳, 見到好大張好有氣勢既龍椅~
仲有好多套可俾客人著上身既宮廷服~
著住宮廷服坐係龍椅道影相真係好有公主FEEL

餐廳環境幾大, 空間寬闊, 有好多座位~

餐前小食 & 醬料 ($25/位)
平時好多餐廳淨係醬料都要$25位, 呢道$25仲包埋小食, 好驚喜
4款小食一D都唔簡單~ 有鮑魚呢!!!
鮑魚新鮮, 蜜糖芥末醬冇搶去鮑魚既鮮味~
麻辣木耳絲唔算超辣, 唔食辣既我都食到

9宮格醬料
每枱都有自己既9宮格, 感覺好乾淨

消暑冬瓜瑤柱鍋 $198
好靚既冬瓜瑤柱鍋!!!
上枱有陣陣既煙飄出, 好有動感勁吸睛!!
冬瓜鍋入面材料豐富, 有蝦, 瑤柱, 素翅等…
個湯非常之鮮味~
飲完之後真係返唔到轉頭, 好少湯底係咁咁咁好味!!!

職員幫忙必開個冬瓜

未開始打邊爐淨係飲個湯底都已經好滿足

酒香陳年花雕浸牛肉 $118
花雕酒香味濃~
花雕浸牛肉味道出奇地夾..
牛肉軟腍得黎有咬口

陳年花雕醉雞 $78
花雕醉雞好入味, 陣陣酒香~
雞肉新鮮嫩滑, 每件都啖啖肉~
個底仲有芽菜墊底添

響鈴拼盤 (即炸響鈴+黃金響鈴) $78
係我食過最脆最新鮮既響鈴!!!
即叫即炸每件都卜卜脆!!!超好味
黃金響鈴幾重蛋黃味, 最岩蛋黃控~
就咁食或者浸湯都係咁好食
必點之選!!!!!!!!!!

竹笙 $68
每條都好乾淨~
而且又滑爽口

唐生菜 $32
非常新鮮, 十分脆口~~

今餐豐富又美味既火鍋宴

呢道既食物水準超高~
完全係物有所值!!!

嘗盡甜酸苦辣的「公主」

話說我男人每月都要食幾次火鍋，作為一位跟得夫人，呢個星期咁岩收早左，就去左尖沙咀的新火鍋店打邊爐。地點非常方便，地鐵站行5分鐘到就到。場內係富有古典的中式宮庭的設計，完全演繹到香香呢個名。

坐低當然要混醬啦，生蒜同炸蒜係加的。重點係個蒜油，真係超級香口！我只係係我的醬油碟落左一羹仔，點牛肉食真係好正！

餐廳有多款公主級湯底，除了有養顏的花膠雞及惹味的黑椒肉蟹湯底外，仲有我今次叫的芫荽山湯鍋(又叫崇德公主)。鍋內芫荽真心唔少，如果鍾意食餐的人可以試試。

食火鍋點可以唔叫手切肉呢？從呢客手切新鮮牛面肉的顏色，就睇得出佢夠曬新鮮。但由於手切的關係，都係做唔到切到好薄，加上肉質較咬口，所以食落唔多夠淋。

餐廳有多款餃子可以選擇，我們就要左一套八隻的香香宮煮餃子拼盤。入麵包括四款餃子：韭菜豬肉餃、黑松露蟹肉餃、蟹黃餃及鳳尾鮮蝦雲吞。

係四款餃中，我最鍾意黑松露蟹肉餃。黑松露味的味道剛剛好，唔會蓋過蟹的鮮味，整體非常夾。另外，鳳尾鮮蝦雲吞放左一隻蝦係中間，旁邊用上多汁的豬肉包住，入口鮮甜。

即炸響鈴係名乎其實的即炸！上菜時，已經聞到香氣撲鼻。由於每層之間的空位唔少，所以浸落湯幾秒後，仍然保持到中間有層次及口感。

熱辣辣的自家製作炸魚皮，由於係新鮮炸起，口感特別鬆脆。尤其係大家食緊濃味的湯底！

由早幾個月的一次火鍋，我開始識欣賞鴨血。今次見到餐廳都有鴨血賣，二話不說就叫左一份。一份有八塊的鴨血，食落口感夠軟滑，而且味道唔腥。

餐廳的手打丸比其他火鍋店更彈牙！手打墨魚丸內釀了一粒鵝肝。甜酸苦辣丸，一份齊曬四味：甜有桂圓豬肉丸、酸有檸檬豬肉丸、苦有涼瓜牛肉丸、辣就當然係放了辣椒的牛肉丸。

食完一個熱辣辣的火鍋，我就食埋一碗凍冰冰的雪耳糖水，即時降溫又滋潤！

去到現場睇個環境真係好靚！仲有好幾套古裝借比客人影相打卡。另外，店員服務態度好好，值得讚賞！

鍋底推介長平公主豬軟骨蕃茄湯鍋 ，蕃茄味幾濃郁！有唔少配料，例如薯仔、紅蘿蔔同西芹等。

肉類有好多選擇！我哋揀咗頂級雪花牛肉，加上乾冰效果，令個賣相好有氣勢！肥牛嘅色澤好靚！紅嫩～相信係新鮮靚料。

鹿兒島和牛粒 $138
原來又會用上乾冰效果，真心吸睛?（之前乾冰效果陸續有嚟)，和牛粒切割成粒粒立方體，好正咁。加上乾冰效果突然咗主角！

陳年花雕醉雞 $78
店員喺我哋面前撒上花雕酒，又令我好期待食呢！果然高質！而且算抵食！！雞肉好嫩滑，花雕酒味濃郁！好入味呀。

手打鵝肝墨魚丸 $98
好高質！墨魚丸口感非常彈牙！新鮮食材??入面加咗鵝肝夾心，比較特別！令味道增添一份層次感，又令粒丸「升呢」???

上星期剛剛從北京回來， 當地天氣非常寒冷基本上經常都吃火鍋， 返回香港之後，朋友約我到香香宮煮吃晚飯， 我心想又是吃火鍋?？ 不過我真係幾鍾意打邊爐的， 反正之前沒有試過香香宮煮，今次一於去試下。 店舖位於尖沙咀非常方便， 走進店內簡直一大驚喜?， 裝修風格好像故宮一樣， 當晚我坐的卡位是慈寧宮， 非常有特色。 先點一個豬軟骨蕃茄湯鍋$198， 飲品有天地一號$18， 火鍋配料酒香陳年花雕浸牛肉$128， 日本廣島蠔$98， 豬肚$48， 美濃水蓮$58， 羊肉片$58， 薯粉$22，公主醬¥$25一個。

❇️一坐低店員送上前菜和醬料， 前菜有四款， 花生，蕎頭，麻辣木耳， 最驚喜的還有鮑魚一隻。

❇️豬軟骨蕃茄湯鍋～ 湯底裏面有蕃茄，薯仔，西芹，洋蔥和豬骨， 材料豐富。

❇️天地一號～ 近排食得太多肉， 飲天地一號感覺可以消膩。

❇️酒香陳年花雕浸牛肉～ 牛肉本身質感軟滑， 帶點陳年花雕芬香撲鼻。

❇️日本廣島蠔～ 一碟有四大隻肥美的廣島蠔， 鮮甜新鮮。?

❇️豬肚～ 豬肚份量好多， 質感爽口。

❇️美濃水蓮～ 平時打邊爐好少有水蓮， 草青味重， 口感爽脆。

❇️羊肉片～ 羊肉片稍為味道普通。

❇️薯粉～ 薯粉吸收了豬骨湯底的味道，好吃。

很喜歡香香宮煮店內的特色裝修， 完全感覺自身宮廷一樣， 店員服務周到， 食材新鮮， 絕對是一間性價比高的火鍋店。??

香香宮煮
地址: 尖沙咀加拿芬道16號金輝大廈1樓

清朝環境吃火鍋，卜卜蜆鍋 鮮嫩湯底甜，本地手打牛肉有筋咬口好，整體水準好。

話說朋友小聚會佢哋話想打邊爐～之後我哋揀咗呢間新開位於尖沙咀嘅火鍋店，其實比佢哋環境同埋餐具所吸引到‼️係以宮廷作設計主題！玩味濃！好得意咁?店主有個必影位！係皇座呀！金碧輝煌，好有氣勢！?
.
湯底、食物同飲品嘅選擇都多??
好多湯底都有特色！最後我哋揀咗長平公主豬軟骨蕃茄湯鍋 $198
會唔頹，仲幾足料??蕃茄味幾濃郁！豬軟骨都唔錯，伴有好多薯仔?同埋其他配料～
頂級雪花牛肉 $298
太吸引喇！?賣相誇張、有氣勢！?加上乾冰效果令到更加吸睛！?肥牛好鮮嫩，感覺夠新鮮，肥瘦分明，牛味重??
.
鹿兒島和牛粒 $138
除咗肥牛，我打邊爐好鍾意點和口粒！
呢碟和牛粒望落都吸引?不過唔夠juicy呀?
澳洲帶子片$98
唔錯～夠新鮮！打邊爐食帶子又幾好喎！?
.
呢間店嘅丸類全部標明係手打架！搞到我每款丸都好想試下?之後揀咗手打鵝肝墨魚丸 $98
墨魚丸超級彈牙！內餡有鵝肝夾心，令味道更豐富同埋更高級?好高質??
.
陳年花雕醉雞 $78
雞肉嫩滑、入到花雕酒嘅味！好食呀！好想再嚟多一碟?
爽脆豬潤 $58
豬膶夠爽嫩，可以一試！
竹笙 $68
好大條！吸咗滿滿嘅番茄湯，真係好好食！?
薯粉 $22
煙韌！去到今次打邊爐嘅尾聲食就岩晒喇?我哋加埋蕃茄湯底一齊食，變咗蕃茄湯薯粉，更加正?
.
整體嚟講，呢間火鍋店嘅環境同餐具真係好正！食物嘅上菜速度快！而且高質、好味?店員嘅服務態好好??呢餐打邊爐，大家都食得好滿意❤️一定會再嚟～

皇上皇后食餐飯, 就緊系要高質素d 啦! 本宮之所以來到香香宮煮, 無他既, 要接待外國既大使! 經商討, 我地選了胡椒酸菜魚鍋, d 湯濃度高, 絕不油! 魚松香邊爽口彈牙, 芽菜連湯超棒! 點了個牛魔王拼盤, 七款牛肉都不錯, 肉質軟, 食到不同部位: 牛展, 牛舌, 肥牛等。當中最愛一口和牛, 咬口軟, 有牛甘香, 牛骨髓夠特色, 同樣爽而甘。

除了牛拼盤, 我地還遺了餃子拼盤和肉丸拼盤。餃子款式新頓, 所有餃都是皮薄餡靚, 最特別是蝦尾餃, 原只鮮蝦做餡, 啖啖鮮蝦肉。仲有超香既黑松露蟹肉餃, 濃郁! 丸里中我們特別推介手打鮮牛丸, 絕非普遍貨式, 整粒充滿牛的油甘味, 食完想再食! 所有丸都是重料做的, 彈牙有料, 實滿意! 食得飽飽, 飲番杯薏米水解解, 正架都! 下次出巡再來! 祝朋友回國平安!

起駕！到坤寧宮食火鍋
今日約左表哥補祝生日? 我book 左依間「香香宮煮」? 最愛既火鍋店之一。 鍾意佢好多特色既湯底、多款式既食物、友善既服務同宮殿既裝橫。 每次同朋友黎光顧，大家都食到好滿足。
–
餐廳地點位於加拿芬道金輝大廈，The One商場對面，地段相當方便。 一入餐廳，就仿如穿梭到古代，去了清朝。遠離了尖沙咀繁華喧鬧既大街。 門口有張九五之尊既龍椅及宮廷服裝給客人影相留念?️。 室內亦劃分了不同的卡位，亦以歷代帝皇命名。 所用的餐具器皿亦有著古典風。
–
雖然疫情漸穩定，大家都沒有鬆懈?? 入座前職員會替我們量體溫、派酒精濕紙巾及替我們約餐具再一次加熱消毒，食得十分安心。
–
餐廳的湯底款色多，今次我們選擇了「 特色卜卜蜆湯鍋」
蜆的份量多，入口軟嫩無沙；加入新鮮芽菜、芹菜。湯底鮮甜香不算濃味，一款很適合炎夏時份的火鍋湯底。
–
「香香宮煮肉丸拼盤」
有五款：鵪鶉蛋豬肉丸、手打鮮牛丸、
鵝肝墨魚丸、蟹籽鮮蝦丸及蟹籽墨魚丸
丸子粒粒飽滿很彈牙，款款都有驚喜，例如墨魚丸裡釀了鵝肝餡。
–
「鮮淮山及竹笙 」
淮山健脾去濕又健康，口感很爽脆；竹笙同樣營養價值高，養生美顏，外型瘦長呈網狀，咬下去有爆汁既口感。
–
「西班牙黑毛豬 」
色澤新鮮，肥瘦均勻，肉質鬆化
–
「陳年花雕醉雞」
十級推薦！ 雞肉放在鍋裏滾熟後，入口依然酒香撲鼻、嫩滑可口。
–
「美國桶蠔」
每次火鍋都愛點美國桶蠔，喜歡其巨無霸既size ，即使熟了亦不會縮水；而且肥美肉厚味甜。
–
最黎來一客彈牙薯粉！大滿足?
–
「自家製竹庶水」夠哂冰凍！解渴又消暑?

「??公主駕到 傳哀家懿旨 宮廷主題火鍋?」

入到店有啲似時光倒流嘅感覺⭐️有點像番左清朝一樣?門口有龍椅比人打卡 #氣勢十足 ?餐牌模仿聖旨?每個卡位都改左一個宮名⛩?彷如回到古代一樣? …

胡椒酸菜魚鍋($298)，上枱已聞到陣陣香味，已經急不及待想食，當然一定要等煮熟左先食，有豬肚和魚塊，相片影落好少，但其實湯底下面有好多件。

之後加醬料，九宮格咁，好靚，另外前菜居然有鮑魚食，好少有，口感爽，好味。

響鈴拼盤($78)，有原味和鹹蛋黃味，極加推介鹹蛋黃味，一定要必食，好濃郁鹹蛋味同響鈴一齊食好夾，淥一淥之後，半脆半腍口感層次豐富。

珊瑚、桂花蚌雙拼($138)，兩者都非常爽口有咬口。

牛骨髓($68)，比較少打邊爐地方有牛骨髓食，有人鐘意有人唔鐘意，我就好鐘意食，滑溜溜既口感，可以成條吮入口，不過小心熱。

手打蟹子蝦滑($108)，蝦滑夠彈牙，用料十足，不過價錢有點偏貴。

脆鯇腩片($88)，吃完鍋入面既魚塊之後，好似未夠喉，再叫多碟脆鯇，爽口彈牙。

雜菜拼盤($78)，清清地之選，有晒唔同疏菜，吸晒湯汁。

牛舌片($118)，擺設都好講究，成朵玫瑰花咁，牛舌味濃郁，口感軟腍。

出前一丁($22)，食返個公仔麵做結尾，滿足晒，飽晒。

主菜的火鍋鍋底點了麻辣鴨血鍋，小辣的辣度，也會愈食愈辣。
不吃牛的也可點這個西班牙黑毛豬，肉及脂肪分佈得宜，有豬肉的嫩香味道。
甜酸苦辣丸，是內裡包了圓肉(甜)、檸檬(酸)、苦瓜(苦)、辣椒(辣)的豬肉丸和牛肉丸。外層牛肉丸的味道會較突出，牛味濃郁。
紫菜腐皮卷較特別，是一層紫菜一層腐皮的卷起再炸，外皮炸香，內裡仍保持腐皮的嫩滑。

今天三位女性好友相約我到尖沙咀吃火鍋，皆因他們說從網上看見這間火鍋店以中式公主為主題，頗為吸引，說要到此打咭拍照留念，所以今天我們便到此用膳。

餐廳裝潢極富心思，入內有一個宮殿佈景可供食客拍照，而且有提供各款服裝，相當用心。餐廳內裏亦有不同的廂房提供，是以皇后及妃嬪居住的地方命名的，例如慈寧宮及延禧宮，原本以為我們會用膳於延禧宮，但店員說為我們安排了皇后居住的慈寧宮進餐，於是我們便擺架過去。

餐廳相當注重衛生，用膳前會先提供一盆熱水把碗碟清潔乾淨，亦有提供酒精搓手液、濕紙巾以及口罩套。而且餐廳連細節位的造型也顧及到，牙簽筒恍如一顆金蛋，外型精美。菜單亦製作得猶如皇上的聖旨，餸菜名稱則是使用清朝公主的名號改成，整體感覺恍如重回清朝時代。

雍穆公主 花膠雞湯鍋
花膠雞湯鍋色澤鮮艷，呈現深黃，湯底可以如湯飲用，入口雞味濃郁，稠密黏口，雞肉及花膠用料充足，雞肉上桌時是已煮熟的，因此放進湯底煮一會兒便可食用，味道嫩滑鮮美，雞味香濃，花膠厚身大塊，軟滑清香。

公主油炸鬼
公主油炸鬼頂部加有一層蝦膠，然後再於蝦膠表面放置大量蟹子作點綴，色澤橙紅金黃，甚是吸引，口感爽彈香脆，嚼勁十足。

玉面公主 四國牛肉拼盤
剛上桌時是有乾冰的，因此有白煙冒出，是供女士們拍照的好機會。牛肉拼盤分別有四款，是日本飛驒和牛、澳洲和牛、韓牛頸脊柳、頂級雪花肥牛。四款牛肉各有不同，入口肉質新鮮，日本飛驒和牛味道濃郁，肉質細膩，入口即化。澳洲和牛味道甜香鮮美，嫩滑多汁。韓牛頸脊柳油脂分布平均，入口油香肉味濃，肉質嫩滑。頂級雪花肥牛甘香嫩滑，鮮甜彈牙。

香香公主餃子拼盤 八粒
餃子拼盤有四款口味，分別有韭菜豬肉餃、黑松露蟹肉餃、蟹黃餃、鳳尾鮮蝦雲吞，全部均是自家製及包製餡料的，入口用料豐富，飽滿新鮮，皮薄餡嫩，味道鮮美。

香香公主肉丸拼盤 十粒
肉丸拼盤共有五款口味，分別是鵪鶉蛋豬肉丸、手打鮮牛丸、手打鵝肝墨魚丸、手打蟹子鮮蝦丸、手打蟹子墨魚丸，另外我們還額外點選了四粒勁辣牛丸，肉丸均是手打的，因此入口彈牙爽口，而且用料新鮮，味道濃郁，貨真價實。

龍鬚菜苗
龍鬚菜苗碧綠新鮮，是來自台灣的，因藤蔓狀似龍鬚而得名，氣味清香，口感清脆嫩滑，味道清甜爽口。

自家製竹蔗茅根
竹蔗茅根是自家製的，用料新鮮充足，入口冰涼順喉，味道清甜濃厚，而且有清熱潤肺，滋補排毒的功效，火鍋後用作解膩滋潤最適合不過了。

整體而言，食材新鮮，用料飽滿豐富，味道出色，環境舒適衛生，裝潢及佈置富有心思，很適合與朋友到此拍照留念，是聚餐的好地方。

從朋友口中得知香香宮煮火鍋店甚具賣點，不論裝潢餐具以至菜單都大玩宮廷風。店舖門口先見大匾額，內進更發現有一張金漆龍椅，旁邊廂座有如東宮西廳掛有橫匾刻上名稱，猶如古代皇宮既小縮影!

打邊爐既調味環節同樣講究，單睇面前狀似九宮格既調味醬油盤，配料齊全兼且有白芝麻粒及陳醋，當中盛載豉油既小器皿甚有睇頭，驟眼睇都有幾分似古代皇室飲宴常見既青銅鑄製餐具。

前菜四小碟，包含角切鮑魚粒、蘸子薑、咸香花生、辣木耳絲，用來作餐前小吃開胃至極，特別嗜辣的皇上對辣木耳絲更是讚口不絕，沒有辣油浸泡但香辣風十足且惹味

氣派十足既香香宮煮，意想不到就連竹蔗茅根水都用上玩味十足既仿雕花壺，而非一般既透明壺入樽，還有手中既三腳杯子，置身其中係咪好有一種回到遠古時代宮殿飲宴既奢華感覺?

公主今晚想吃得輕口味一點，選擇左當中推介的豬軟骨蕃茄湯鍋底。此店用上傳統既彷古中式炭火鍋盆，當然今天沒有用上木炭取而代之的是電磁爐，不過亦不失可觀性及重拾宮庭風呢
呢度牛肉類款式多兼且有牛刺身供應，既然黎得到要感受宮庭Feel，緊係要點推介既酒香陳年花雕浸牛肉。黑色小缽放入數片色澤紅潤既牛肉切件經已甚有睇頭，店員更係我們面前順時針傾倒手中果瓶陳年花雕酒到肉面，濃郁飄香之餘更因花雕酒與乾冰交融後泛起縷縷白色煙幕，認真吸睛!
建議可先別馬上吃，牛肉能夠隨時間越久酒香效果更加厚實，就算放到湯面灼熱過後，入口時散發出既花雕酒味依然芳香無比，肉味足尤其中間既軟筋質感特別爽口。
棉花魚肚夾蕃茄湯非常match，魚肚吸湯能力強，一片入口盡收湯汁既鮮甜精華。
何解檯上放了一把亮麗既金絞剪刀?店員教路一下原來是把美濃水蓮分解成數截以方便煮吃。 水蓮本體擁有又長又纖幼既外觀特質，店方為它蜷曲成一個優雅形態恍如小美術品，但下湯前宜先剪開分數次食用，不然會有一種好看不好吃既錯覺。

打邊爐又怎少得禽類內臟，公主首選既必然係鮮鵝腸，呢度既鵝腸跟其他火鍋店食到的作比較，明顯會保留腸壁既脂肪而且腸身略有點質感，放湯煮熟後不會太韌有如柴皮般粗糙，咀嚼時帶點脆彈且鮮味足，絕無腥味或潺滑之嫌。
手打鵝肝墨魚丸可以有四或八粒選擇，用上新鮮爽滑既墨魚肉再沾上少量蟹籽成品，外層雪白彈滑味道鮮極，咬開時就發現內層包入精緻小片鵝肝，兩重鮮味交織一起絕對係不錯既搭配!
海產類今晚只係選擇左桂花珊瑚雙併，一個價錢兩種配搭。當中以桂花蚌鮮甜味較突出，配合蕃茄湯底簡簡單單地嚐其原始既味道，完全不用沾點醬料佐味。
今晚沒有麻辣湯相伴既緣固，喜愛鴨血既皇上就一改慣例點左一份厚切午餐肉，別以為午餐肉沒有什麼特別之處，驚喜既地方係店方竟把午餐肉切成一把扇狀並且用竹籤連接，加點想像力都有幾分似古時公主納涼用既扇子，絕對配得起香香宮煮呢個主題。
午餐肉表層經炸過不油膩，放湯前可以咬一角試試，感覺還挺熱兼且香脆，但下湯時切忌放太久否則肉質變軟破壞質感噢

一上到去已經好多人，餐廳主題氣氛好濃厚。職員好快就俾左個調味架我地自己調醬汁。
枱面放左一卷「傳哀家懿皆」，原來係點餐紙，好有設計感。
我地叫左莞茜山湯鍋，莞茜個份量真係好多，如果鍾意莞茜朋友一定大愛。
我地叫左一份餃子拼盆同埋肉丸拼盆，餃子同埋肉丸都好新鮮。
然後重有手打黑松露魚滑，黑松露味道好香，味道好濃郁。
公主油炸鬼好特別，吸左好多湯汁，好夠味。
另外我地重有花雕醉雞同埋海蝦，海蝦好新鮮同好大隻。
肉方面我地叫左西班牙黑毛豬同半熟五花腩，自己好鍾意半熟五花腩，味道好香同埋好有口感。

香香宮煮
雍穆公主花膠雞湯鍋
呢間店大玩中國宮廷式裝橫 佈置有氣派 仲可以更換宮廷衣服 可以做公公或娘娘 扮吓皇上都得可拍照留念 着住嚟食都仲得? 極有心思 就連每一件嘅擺設器皿賣相都好古色古香 都好有回到古代感覺 整體氣氛都令你感到好似係宮中入面享用御膳一樣

雍穆公主花膠雞湯鍋 我哋就叫咗半隻雞 湯底嚟到之後先飲兩碗湯 香濃重雞味黃油湯 好鬼正 唔覺有味精 正 ??之後就放咗半隻雞落去加埋花膠? 食材新鮮 雞味濃郁 入口香滑 啖啖肉加埋花膠 認真絕配
鐵扇公主牛魔王拼盤 竟然有飛驒牛 色澤非常粉嫩 滾到半成熟入口溶化 肉香又有酒釀牛 好入味 酒既香味仲有其他款式牛拼盤真係要?唱首歌，牛….全部都係牛??特別既部位都有 牛胸尖 入口爽脆 口感好似食緊軟骨咁
有我至愛牛骨髓 營養之選入口軟滑營養價值很高食完咁多熱氣野之後就飲番杯
自家製足料竹庶茅根 清熱氣之選 味道清甜怡人
再食番舊厚切午餐肉 ?炸得香脆 就咁食都好食 味道唔會太咸 
香香宮煮響鈴拼盤 黃豆味重外面入口爽脆香甜 入面仲有陣陣既鹹蛋黃既香味 朋友話3秒定律 的確係正既 

朋友相約話要打邊爐，搵到呢間以宮廷為主題嘅火鍋店，之前喺北角都試過一間唔錯，所以都幾期待。

七點幾嚟到已經好多人，座無虛席。無論裝修、擺設同menu都好古代。卡座有有唔同宮殿嘅名，而menu係用懿旨為名，玩味十足。

一坐低店員即刻送上send一坐低
前菜，有驚喜，竟然有原隻鮮鮑魚切粒，切合宮殿般高級。醬料有九款，乾淨以整體咁擺放，加分位，另外豉油壺好似古代斟酒嘅壺咁，好得意。

⭐️花膠雞湯鍋
侍應係將湯底同配料分開上，然後係你面前加入花膠同雞。雞件係半熟雞，需要放入雞湯再煮熟，見到個樣已經知道質素好靚，肉質嫩滑，連雞胸都唔會太鞋，花膠永遠都係女孩子嘅最愛，充滿骨膠原，所以成個湯底滋潤又養顏，同埋雞湯真係好好飲，金黃色雞湯飲落唔會覺得油膩。

⭐️酒香陳年花雕浸牛肉
一上枱已經見到佢嘅仙氣十足，用咗乾冰做陪襯。牛肉灼一灼就得，花雕酒香令牛肉更加有鮮味，並帶有淡淡的酒香。都只不過係百幾蚊，性價比高。

⭐️餃子拼盤
有韭菜豬肉餃、黑松露蟹肉餃、蟹黃餃、鳳尾鮮蝦雲吞。鳳尾蝦用咗原隻鮮蝦做餡, 啖啖鮮蝦肉。黑松露蟹肉餃， 黑松露味香濃，我自己最鍾意嘅係蟹黃餃，配搭最match。

⭐️半熟五花腩
切成薄片，一層脂肪一層肉嘅五花腩脂香肉嫩。

⭐️香香油炸鬼
入面釀蝦滑，唔知係我唔識煮定係點，淥一陣又會覺得個油炸鬼皮好硬， 淥得太耐又好淋，所以我覺得叫響鈴會比較好。

最後以油麥菜作為終結。

香香宮煮係一間又有得玩又有得食嘅火鍋店 呢到嘅裝修風格好宮廷feel 有多套宮廷服提供 連童裝都有 鍾意影相打卡嘅朋友仔 記得換返套宮廷服影返張相留念
玩完之後準備開餐 先調配自己喜歡的醬料 每位醬料費$25
卜卜蜆鍋 鍋中有大量香芹，蒜頭，辣椒 湯底越滾越出味 加上有大量卜卜蜆 海水嘅鹹味 和蜆嘅鮮味 令整個湯底都變得非常濃郁 極度鮮甜 蜆肉又厚又肥 而且冇沙 非常推介這個湯底
打邊爐又點少得牛肉呢 賣相非常精緻 擺盤漂亮 仲有乾冰增加煙霧瀰漫效果 肉片色澤紅潤 非常新鮮 雪花細緻而且均勻 肉味重冇雪味
白鱔片 魚脂豐富 肉質細滑 一點滑也沒有 啖啖肉方便又易吃
手打鵝肝墨魚丸及手打牛丸 粒粒都大細均勻 而且大粒 自家製手打丸類夠曬彈牙 牛丸有爆汁效果 食落好juicy
厚切炸午餐肉 餐廳好細心用竹籤拮住 一來賣相好睇 二來可以浸一浸就食得 午餐肉嘅香味 非常獨特 特別係炸過嘅更加香口 是我每次打邊爐都必點的
花雕醉雞 醃得好入味充滿濃濃的酒香 味道是香的 沒有半點苦澀味 仲有紅棗和杞子增添了一份養生的感覺
黃金炸響鈴 新鮮熱辣炸起香味撲鼻而來 蛋黃沾滿了整條響鈴 口感鬆脆 入口即化 我和朋友都讚不絕口 這個必定要點
廣島蠔 蠔肉有手板咁大 灼完之後有少少縮水情況 肉身夠厚好creamy 裙邊帶點爽脆 鮮味十足
湯底經過一輪海鮮及肉類嘅洗禮之後 基本上唔需要再點任何醬料已經好夠味 一於叫番個烏冬 吸收湯底嘅精華 連湯都飲埋 實在太好味

星期三跟家人去了一間以宮廷主題的火鍋店，一進門就有一張金黃大龍椅和古裝服飾供客人拍照，相當搞鬼，店內的每個卡位亦以宮殿名稱命名，菜單是哀家懿旨，很有趣呢！

一坐下來就有精緻小食提供，我們邊吃邊選食物。

我們點了黑胡椒肉蟹濃湯鍋，店員倒了酒入鍋，然後點火，胡椒蟹經過火燒後更加香口惹味，蟹同非常嫩滑，鮮甜美味。另外還有大蜆，沒有沙，好吃。

其後店員倒入湯底，開始吃火鍋。首先我們吃了珊瑚蚌和桂花蚌拼盤，珊瑚蚌很爽脆，桂花蚌亦爽口鮮甜，兩款都很好吃。

再來我們吃了極品雪花牛肉，牛肉鮮嫩，雪花均勻適中，有牛味，火鍋必吃。

手打丸方面，我們選了兩款。蟹子蝦丸用料新鮮，蝦肉爽口彈牙。鵝肝墨魚丸有粒粒墨魚粒，口感爽口，中間還釀了鵝肝，鵝肝味濃而且嫩。

另外我們還點了黑松露蟹肉餃，一咬開非常多汁，很多蟹肉，吃到蟹肉的鮮甜和黑松露的獨特香氣，非常美味。

紫菜腐皮卷，相當有份量，放入湯底稍為煮一煮，吸收了湯汁，不會有油炸味，腐皮有厚度和豆香加上紫菜的香味，口感很好，好吃。。

棉花魚肚，我們在剛開始的時候就放入了魚肚，所以吃的時候吸收了湯汁，軟軟綿綿的。

最後，吃火鍋當然要吃點蔬菜，我們選了較為特別的水蓮，餐廳附上鉸剪方便客人剪短水蓮食用。水蓮很爽脆，很嫩，沒有渣。

總括而言，這火鍋店有特色，食物質素好，適合家人和朋友聚餐，下次再來試試其他鍋。