香香宮煮
營業時間
| 星期日 | 12:00–00:00 |
| 星期一 | 12:00–00:00 |
| 星期二 | 12:00–00:00 |
| 星期三 | 12:00–00:00 |
| 星期四 | 12:00–00:00 |
| 星期五 | 12:00–00:00 |
| 星期六 | 12:00–00:00 |
服務選項
外帶
內用
無障礙程度
不支持無障礙座位
不支持無障礙停車場
產品/服務
宵夜
酒精飲料
啤酒
用餐選擇
午餐
晚餐
餐飲服務
甜點
座位
設施
洗手間
適合兒童
氣氛
環境舒適
客層族群
適合團體
規劃
接受訂位
付款方式
簽帳金融卡
NFC 行動支付
信用卡
貴，份量少，食物質素一般，主打嘅花膠雞湯底好淡
今晚約了一個素食的朋友一起打邊爐，她很喜歡一些特色的火鍋，今晚便選擇了這裏和她共度一個不一樣的晚上。
由於好朋友喜歡喝酒，便選擇了獺祭45大吟釀720ML$488，這款來自日本的清酒，雖然不是頂級的，但是在香港都很有名氣，平常在超市買到都要差不多$200至$300 ，在這裏以這個價錢來說，非常抵喝。
由於這裏的清酒，大部份都是凍飲，侍應很窩心用熱水筒幫我們暖清酒，熱飲味道不算濃烈，易於入口，香氣四溢。
花膠雞湯鍋，材料十足，貨真價實，味道清甜可口，用來作為素食的火鍋湯底，非常合適。
蜂巢冰豆腐$48，冰豆腐吸收了湯底的鮮甜味道，入口溶化，是火鍋必點的一道配菜。
生根 $38，喜歡吃硬的，只需1分鐘便可進食，煙煙靭靭。如果喜歡吃腍一點，放在湯裏十數分鐘，非常好吃。
炸芋頭$48，芋頭經過炸過之後，吸湯能力非常之好，味道比想像之中更佳。
公主油炸鬼$68，油炸鬼釀滿墨魚滑，加上三文魚子的味道，放在雞湯內味道更佳。
三絲素菜餃$78，材料全部以素菜為主，味道清甜可口。
第二次嚟香香宮煮，今次食午餐，不過都係咁既菜單！回宮食飯！
公主醬料每位$26！少少貴，但係佢有蒜油同埋芝麻，應該就係貴係依兩個色才到。蒜油芝麻加咗落去有少少代替左平時芝麻醬既感覺，不過蒜油呢就比較出個味道！
泰順公主之泰式冬陰功卜卜蜆湯鍋 $198
大量唐芹重味升級！咁當然仲有蕃茄香茅依啲香料去配搭個冬陰功。佢有得揀小辣、中辣同大辣，我哋就揀咗小辣。南薑都有，濃辣整全！
仲有好多蜆肉，食每一粒蜆肉都係冇沙頭，清理得好乾淨！
手切封門柳 $228
外賣有啲似牛展，不過食落去就冇牛展厚實，反而係有一種牛柳嘅軟！
點埋嗰個蒜油汁一絕好食，帶出牛味！
黑麥皮韭菜豬肉餃 $58/4
雖然得四粒，但係每一粒都好爆Mon。外皮係重重嘅黑松露顏色，香既！
入邊係韭菜同埋豬肉，比例都啱啱好，唔會話菜多肉少！因為係冬陰功湯底嘅關係，韭菜嘅味道冇清湯咁出，但多一份辣香。
松露芝心墨魚丸 $68/4
又係一個松露，哈哈！
墨魚丸好彈牙，中間有一層芝心順口溶化晒！
即炸響鈴 $68
可能因為職責嘅關係，一上枱好香嘅，香味，每一條都係金黃色，總共6條！食響鈴一定要夠快，一落鍋幾秒就要上嚟，咁稻香加冬陰功味都冇維和感，少少辣！
薯粉 $22
首先處理過，之後落火鍋就可以快啲食到！就算係煮內阻，都唔會爛乜濟，ok喎！
尖沙咀其中一間超級美味火鍋
即興約打邊爐，諗起呢間香香宮煮，之前有朋友推介過，試吓先。
上到餐廳，Full house，等咗大約15分鐘，終於有位，好彩有卡位，坐得都舒服。
睇下餐牌，湯底用咗古代皇帝公主名做主題。
友人揀咗建寧公主特色卜卜蜆鍋，個鍋好靚，淺紫色❤️蜆份量都多，太約有一斤。
再來一個海鮮拼盤，呢個價錢嚟講，抵食，海鮮新鮮，大隻，仲有6款咁多，每款有4份??
樣樣都想試就叫咗餃子?
拼盤，餃子拼盤有驚喜，勁多料??
香香宮煮。肉丸拼盤?
香香宮煮。響鈴拼盤?
半熟五花腩?
賣相和食物質數都唔錯，特別係海鮮拼盤，滿意之選，想坐得舒服，建議book位時講明要卡位，服務態度好，店員親切，主動，值得一試！
超靚打卡火鍋店 冬陰公卜卜蜆鍋好惹味
呢間火鍋店既宮殿式裝修好靚，
除左擺盤好華麗?
食物質素仲要唔錯，
簡直係朋友聚餐之選！
泰式冬陰公卜卜蜆湯鍋：
呢個湯比卜卜蜆更好飲，
因為有冬陰公既酸辣味，
又有超多卜卜蜆食，
D蜆好鮮甜，全部都仲痴住殼。
玉面公主四國牛肉拼盤：
有日本飛驒和牛、澳洲和牛、
本地手切牛肉&頂級雪花肥牛。
飛驒和牛味道比一般和牛更濃郁，
肉質細嫩、入口充滿油花香味；
而本地牛就肉汁豐腴，入口帶甜。
魚滑雙拼：
有黑松露墨魚滑+蟹子蝦滑，
可以一次過試哂2款，
食得出係自家手打，
味道鮮香，口感爽彈。
蜂巢冰豆腐：
有好多粒，會吸哂湯汁，
我地煮到佢好淋好入味，
食果陣要吹凍少少再食，
否則好易燙親?
美濃水蓮：火鍋店比較少見既菜，
口感爽脆，唔太吸油，
重點係低卡高纖，係健康之選。
薯粉：怕唔夠飽就叫左，
紅薯粉外表晶瑩剔透，
口感煙韌Q彈，
吸湯一流，
餐廳有個湯殼係有個隔隔，
夾粉食好方便?
–
香香宮煮♨️
“就算係夏天 都唔會影響我打邊爐既心！”
– 林芝蓮曰
一入到去就會被古代宮廷風既裝修吸引左眼球
最有趣既係門口會有個打卡區 仲有一啲宮廷服 同龍椅做道具
餐廳由每個卡位什至餐牌既聖旨設計都做到一致宮廷風 幾有特色
一坐低會有個自助調味九宮格
有個平時少見既炸蔥油 幾香口
打開聖旨會有好多湯鍋選擇
其中店員最推介既係
花膠雞湯鍋同特色卜卜蜆鍋
而配料就介紹手切本地牛肉
同自家製既餃類同手打丸
特色卜卜蜆鍋 （$198）
份量足料 卜卜硯又新鮮
加埋大量既蔥同蒜 令湯底又鮮味又惹味 係開始打邊爐都忍唔住飲左2啖湯
手切本地牛肉 （$238）
每片牛肉都又大又算厚 唔會係碎上
好有牛香味 滿足既味道~
酒香陳年花雕浸牛肉 （$148）
同名一樣 真係超有酒香味
即使淥完都唔會冇左陣酒味
加埋湯既鮮味 真係好唔錯
但對比手切牛肉黎講就細片啲 份量就中等
深海龍躉片 （$128）
魚肉係厚身 新鮮又爽口
黑松露蟹肉餃（$78/4pc）
當晚最有驚喜！平時亦都好少會見到
呢個真係超級足料 誠意十足！
黑松露香加爆多既蟹肉 = 非常滿足✨✨
蓮藕片 ($42）
一樣份量多 都對得住個價錢既
刀削麵 ($38)
正常闊身面 連埋湯底都係夾既
自家製竹蔗茅根 ($68)
份量比想象中多 都有5-6杯 係有少少甜
餐廳環境係幾有特色 但座位會有少少逼
店員都會好有禮貌同耐性去介紹食物
整體都覺得唔錯 會再回頭既餐廳
–
香香宮煮
尖沙咀加拿芬道16號金輝大廈1樓
食物質素不俗，但服務就有待提升
打邊爐最緊要個湯~ 叫左平陽公主~ 即係消暑冬瓜瑤柱鍋
呢個公主真係仙氣滿滿, 大冬瓜切左鋸齒形, 材料滿滿, 店員會幫手切開等我地易D食
冬瓜肉/蓉入晒個湯, 好清甜下火!
花花公主牛魔王拼盤
好大碟, 咬落鮮甜肉味重
油花分佈均勻, 入口即化, 份量仲好多!
個脆鯇腩片好新鮮, 冇骨爽口, 手打蟹子鮮蝦丸白雪雪大大粒, 食得出真係手打自家製
咬落仲有D蝦肉粒仔
傳哀家懿旨——香香宮煮
聽過朋友介紹呢間餐廳好幾次，今日就跟朋友嚟呢度打邊爐。一去到上樓梯到入餐廳門口，都充滿宮庭嘅味道。門口嗰個牌匾係宮廷風，一入到去門口又有個龍椅同好多宮廷服，我估冇疫情關係應該可以被人着嚟影相
而餐具同埋座位都係古典風，連個Menu都係呀！我哋喺懿旨度落咗單，叫左個卜卜蜆鍋。鍋底係胡椒味，有超多粒蜆，洗得好乾淨，粒粒冇沙！所有食物都好新鮮，高質！
手切匙皮牛肉
手切頂級安格斯牛肉
脆鯇魚腩——真係食落去脆口㗎
手打鮮牛丸——我以為會係打到彈牙嗰隻，不過佢個質地似牛肉球
響鈴拼盤——黃金響鈴超好食
手打蟹籽蝦滑——除咗打咗蝦滑出來之外，佢仲有一粒粒蝦肉
韭菜豬肉餃
松露芝心墨魚丸——食呢個嗰陣要小心啊如果唔係會被啲芝士焫親
蜂巢冰豆腐——超入味好好食！
呢度啲員工服務態度都好好！我哋仲聽到有其中一個宮殿入邊嘅客人係咁播mirror嘅歌?一路聽住mirror嘅歌一路打邊爐?正！
#jagalai #hkfoodie #foodie #尖沙咀美食 #tstgourmet #香香宮煮 #うまい #早食早享受 #相機食先 #先食為快
呢間火鍋店係古代裝修??有多個打卡位，例如門口嘅皇帝椅?連menu都設計到聖旨咁?
?
▫️湯底：雍穆公主.花膠雞湯鍋半隻 $298
雞湯味道超級濃??湯底清甜，花膠份量都好足！每一塊都好厚?雞肉肉質都好唔錯！加落湯之後食都幾味?
▪️桂花/珊瑚雙拼 $138
爽口彈牙，帶d鮮味??
▫️手打鮮牛丸（4粒）$68
幾好味，不過cp值唔算高?
▪️豬頸肉 $48
擺盤好靚?成朵玫瑰花咁，肉質都ok架
▫️冰菜 $48
呢款菜比較少見，好特別，外觀上望落出面真係有冰?咁?而口感亦都好特別，咬完係口感似潺菜，味道似菠菜?
▪️響鈴拼盤 $88
即炸同平時食開個啲炸左好耐嘅響鈴好唔同！好脆身好多，另外有黃金響鈴，咸蛋黃味濃，好正?
▫️山水滑豆腐 $32
▪️薯粉 $28
佢係扁身嘅薯粉，可惜有少少碎，放落湯後好難夾返
??永和宮的美味盛宴??
今日帶爸爸??去威? 兩父女行街睇戲食飯，帶佢黎尖沙咀依間「香香宮煮」火鍋店。
知佢一向喜歡歷史，對歷代皇宮史亦有一定認識，所以我相信，佢一定會喜歡這間餐廳。裝潢走宮殿風，大門口有張金燦燦龍椅給人打卡拍照。
我和爸爸??穿梭到「永和宮」歎火鍋盛宴。
–
餐廳的特色湯底有很多選擇。
最後爸爸選擇了我至愛的
❤️「雍穆公主·花膠雞湯鍋」❤️
佢說我這個中女要多吃花膠補充骨膠原?
火鍋湯底確實優質！ 加入厚切花膠，滾起後先嚐一碗，味道甘香；再加入鮮雞件，湯頭多了份鮮香。雞件亦很嫩口，肉質彈牙。
–
火鍋配料亦很出色
❤️蜂巢冰豆腐
呈網狀的質感，像海綿般吸盡鮮湯，所以吃下去爆汁美味。
–
❤️鮮淮山
呈白色條狀的淮山，口感爽脆。
–
❤️香香公煮餃子拼盤
鳳尾鮮蝦雲吞、黑松露蟹肉餃、韭菜豬肉餃及蟹黃餃
餃子皮薄餡多，每款味道突出，味道由淡至濃排列去品嘗。 漂亮的鳳尾蝦蝦肉爽彈；黑松露蟹肉十分香口，蟹肉真材實料。
最愛是蟹黃餃??蟹膏、蟹籽、蟹肉 ！ 味道十分鮮香。
–
❤️脆鯇腩片
片片厚切，魚皮煙煙韌韌有咬口，肉質彈牙！
–
❤️半熟五花腩
脂香油豐，肉質咸香，十分惹味！配送彈牙的日本稻庭烏冬，很滿足。
–
❤️自家製竹蔗茅根
消暑又解渴
試試呢間宮廷風嘅火鍋店?～裝修貴氣十足，仲有得cosplay坐龍椅打卡。
.
?椰子雞湯$298
一嚟到就聞到香甜嘅椰子味，一路食覺得椰子簡直係源源不絕。鮮甜又清香，淨飲湯都一流，而且雞肉比想像中嫩滑。
.
?鴨血$58
嫩滑得嚟又有啲Q彈。雖然配椰子雞湯都好味，但麻辣湯先係絕配。
.
?雜菜拼盤$98
一盤包括唐生菜、油麥菜、金菇、木耳、番茄?。雖然望落價錢幾貴，但係大概有其他火鍋店三、四碟嘅份量。
.
?羊肉$58
肥瘦適中，夠羶味又嫩滑。
.
?蘭州拉麵$38
拉麵吸收晒湯底嘅甜味。加埋醬料架嘅芝麻、炸蒜、芫茜好惹味。
.
?香香宮煮 (尖沙咀)
尖沙咀加拿芬道16號金輝大廈1樓
宮廷中品嘗特色火鍋料理
走進火鍋店的大門，即能看到格外顯眼的龍椅，以及寫著【 正大光明 】的牌扁，還有古裝給客戶穿上在此打個靚卡，十分特別。
雍穆公主 花膠雞湯鍋
花膠及雞的份量十足，湯底鮮甜，而湯底亦愈煮愈稠，更加濃厚。
手切頂級安格斯
油花分佈平均，入口油香十足。
真龍蝦豚肉餃
龍蝦豚肉餃肉質鮮甜，爽口彈牙。
蟶子皇
蟶子皇肉質亦夠鮮甜，夠新鮮
香港人真係對打邊爐有一份情意結的，無論一年四季喺火鍋店都會見到座無虛席嘅情況! 今日就嚟到充滿宮廷色彩嘅《香香宮煮》，體驗一下皇帝式嘅打邊爐！???
一入到大門口就見到一張龍椅同好多唔同嘅宮廷服，店內位置都以什麼什麼宮來命名的！就連Menu 都用上聖旨嘅設計！令人有置身於古代中！坐低後我哋點左個麻辣鴨血鍋，配料就點左手切肥牛、蟶子皇、餃子拼盤、瑤柱干貝滑同薯粉！另外仲叫咗啤酒添！個鍋底入邊除咗有鴨血之外，仲有豆卜、木耳及好多芫荽蒽，辣到適中，非常之惹味！手切肥牛油脂分布平均同非常之肥美，而蟶子皇都好爽口彈牙！餃子拼盤就有蟹粉餃子、黑松露餃子、蝦尾餃同韭菜餃！我個人最喜歡食蟹粉餃子，蟹粉味濃又足料，下次再嚟會單點呢個！第一次食瑤柱貝干滑，雖然唔係好食得出瑤柱味，不過肉質係超級彈牙的！最後食嘅薯粉就非常之入味！爽呀！加埋杯啤酒真係冇得輸！埋單時仲送上小小的奶凍！大滿足！???
早幾日見到朋友post相，見到裝修好古代咁，好奇佢邊到，原來係間打邊爐黎。
上到黎有個打卡位，可以換衫影下相。
建寧公主特色卜卜蜆煲 $198
蜆唔算大但數量都幾多，我地食極都仲有，蜆肉彈牙，味道鮮甜。
新鮮海蝦 $88
大大隻，新鮮爽口彈牙。
即炸響鈴 $68
脆卜卜，浸一浸就食得，吸哂湯汁好食。
手打蟹子墨魚丸 $98
不愧為手打，勁彈牙，味道調得剛剛好。
香香宮煮雜菜拼盤 $88
都幾多選擇，有油麥菜，生菜，蕃茄，木耳，金菇，娃娃菜。
自家製竹蔗茅根 $68
呢個壺好搞鬼，竹蔗茅根清甜，透心涼。
好正嘅陳年花雕醉雞 ?
餐廳宮廷式設計，好特別！一坐低就有「聖旨」。打開聖旨，睇睇有咩食先！
呢度嘅火鍋湯底及配料都非常多選擇！
▶️冬瓜瑤柱鍋$198
湯底揀咗消暑嘅冬瓜瑤柱鍋，夏天啱哂！唔會咁熱氣?冬瓜上有西芹、蝦?、素翅點綴，賣相超靚！ 之後店員就會幫你切開冬瓜。
▶️陳年花雕醉雞$78
呢一個花雕醉雞非常出色，淥熟咗之後點豉油花雕味仍然非常突出！雞又夠滑，好有驚喜！
▶️西班牙黑毛豬$158
呢個賣相幾靚，肥瘦適中，黑毛豬味都幾香！
▶️爽滑豬肉丸4粒$68
豬肉丸夠新鮮，入邊有少少軟骨咬口，幾好食！
▶️黑麥皮韭菜豬肉餃4隻$58
韭菜餃大大隻、脹卜卜，非常足料！韭菜味超級香！
▶️即炸響鈴$68
即炸響鈴夠新鮮幾脆，又唔會太油膩！
鍾意呢度佢餃類、丸類都可以揀細份，就可以試多啲唔同款式。
餐廳門口有個位可以打卡，仲有唔少宮廷服裝試穿影相，真係幾特別！
食物十分有驚喜，食材新鮮，味道十分好，服務員有禮貌。 雖然價格略貴，但是值得再來。
小編平時自己都好鐘意同朋友打邊爐，早排見介紹話尖沙咀呢間火鍋店味道唔錯，佢哋午市仲有特價套餐，一個價錢已經包晒所有野，環境都幾闊落，卡位仲有分咗啲古代宮座名，值得一試?
_
泰順公主泰式冬陰公卜卜蜆湯鍋 $198
湯底方便有好多選擇，今次就揀咗卜卜蜆湯鍋，卜卜蜆分量唔少，另外仲可以揀辣度，小編同朋友都幾鐘意佢個湯底，下次試埋其他口味先
_
牛舌片 $128
牛舌片味道唔錯，食落去爽口彈牙，如果分量可以再多啲會比較好
_
日本廣島蠔 $98
有四隻，大大隻食落有鮮味，鐘意食蠔既朋友仔可以試吓
_
韭菜豬肉餃 4粒 $58
餐廳有提供多款口味的餃類選擇，韭菜豬肉皮薄餡料豐富，值得一試
_
其他配料：
唐生菜 $42
香香宮煮響鈴拼盤 $78
薯粉 $22
打邊爐嘅地方好多， 但呢間真係又好食又抵食又啱打卡?一入到去見到張點菜單已經覺得好得意?
打邊爐竟然仲有前菜食～個涼拌鮑魚好好食，蕎頭我都好鍾意❤️
特色卜卜蜆湯底?
啲蜆又大粒又多，多到兩個人根本食唔曬，我諗起碼都有超過50隻蜆～只係$198，超抵！湯底好清甜，仲要咁多蜆但係一粒沙都食唔到
酒香陳年花雕浸牛肉?
啲牛肉好有入味，錄熟完之後仲食到酒味，牛肉份量都多；另外仲叫咗個手切封門柳?好有牛味好好食，一啲肥肉都冇，但我就鍾意花雕浸牛肉多啲
香香宮煮肉丸拼盤??必叫！
成餐飯最驚喜係個丸！手打蟹籽鮮蝦丸勁彈牙，松露芝士墨魚丸味道同啲芝士勁夾，一咬就爆出黎～最估唔到係個爽骨豬肉丸，有啲一粒粒嘅嘢喺度好特別?係食過係咁多間邊度入面最好食嘅丸，物超所值～
公主油炸鬼?
第一次試呢個配搭好特別?攤凍少少之後啲油炸鬼係脆脆地，鮮蝦滑勁彈牙，仲有好多粒蟹籽?
呢間餐廳我會俾90分?價錢合理得來份量又多，啱晒同一大班朋友仔嚟打邊爐?
環境都算有特色以宮廷名字，門口重可以有龍櫈坐，重有宮廷服飾比你穿著拍照，員工有禮貌整體都好好，食物都可以，一定睇得吓先啦～價錢算是中上價錢，不過有環境又有服務又美麗當然會價錢都貴一點啦～?????? …
夏天都阻止唔到我我去食打邊爐嘅決心，一大班朋友食飯，就緊係要烚下烚下先夠開心，今次朋友介紹黎左呢間食字嘅香香宮煮，睇下係咪真係咁香先。
舖頭裝修幾有古代宮廷FEEL，建議有機會黎食嘅可以著返古代服裝，咁打卡起上黎都零舍入型入格。
雍穆公主 花膠雞湯鍋
呢個公主容顏唔錯，唔只睇落去皮光肉滑，就連食完佢嘅人都會皮光肉滑。而白滑嘅雞湯睇得出用料十足。
手切封門柳
厚度適中，咬落口肉質彈牙。
自家製足料竹蔗茅根
自家製係唔同D嘅，特別解渴。
真龍蝦豚肉餃
好少食到用龍蝦肉整成嘅餃，呢度都係第一次。
價錢算中上啦，三個人食咗$1600，試下都幾開心既
服務
內用
餐點類型
晚餐
係，無睇錯，我又去打邊爐啦?話說朋友仔本身勁中意睇啲宮廷爭鬥劇，好耐之前已經俾依間「香香宮煮」深深吸引左，因為門口有個打卡位可以俾大家著下宮廷服影相。至於餐廳環境，舖位唔算好大，但勝在位同位之間都算闊落，可以舒舒服服咁打邊爐。
黎到最重要既緊係野食，湯底既選擇都幾多下，有「花膠雞」、「冬瓜瑤柱」、「椰子雞」等等，最後叫左個都普遍多人叫既「建寧公主特色卜卜蜆鍋」。湯底黎到果時見到有好多蜆，食極都仲有咁，而湯底都唔算太咸，所以食完都唔會太口渴。配料當然就唔少得「手切頂級安格斯牛肉」，夠油花之餘又夠厚，食落唔洗點任何醬汁已經覺得好香口。另外必食嘅就係「陳年花雕醉雞」，醉雞黎到已經聞到一陣好香既花雕味，雞都好滑??至於嘢飲，「自家製足料竹蓆茅根」一渣都可以斟到5杯到，既清涼又甜，岩哂依家既天氣。
像有種置身於在清宫廷的感覺，可惜是比較短暫，始终地方太少，食物一般般，合格。
這家店呢三年食過最好嘅火鍋店，一入去感覺好似返咗內地 海底撈，這家 牛肉拼盤多種牛肉味， 三個人去一個細拼盤都可以價錢都係中上
中意個炸響鈴！好正鹹蛋黃，金黃色太吸引❤
建寧公主·特色卜卜蜆鍋?成個鍋都係蜆呀⋯⋯?又大粒又鮮甜，仲有芫荽、芹菜同芽菜，超級之好味?食完仲可以用返個湯底打邊爐，d湯好鮮甜?
頂級雪花牛肉?雪花好均勻，616就食得牛肉味又濃。
即炸黃金炒響鈴?即炒嘅響鈴熱辣辣脆卜卜，最正係加左鹹蛋黃炒好香好惹味。小食都一流??
豬頸肉?卷到成朵花，賣相靚到呢，616爽口。
桂花蚌/珊瑚蚌?好新鮮，兩款都係爽口野??
“辛苦得來志在食”，真係十分認同呢句說話。辛苦OT完，梗係要搵返啲好嘢食啦。
呢間火鍋店以古代宮廷做主題，一入大門，已有龍座讓客人打卡，旁邊還有古代宮廷服提供。
呢度嘅湯底有好多款選擇，我地揀咗”雍穆公主” – 花膠雞鍋。鍋底用料十足，有5、6塊花膠同半隻雞。湯頭好香濃，雞肥瘦適中，肉質嫩口，花膠爽口彈牙，絶不馬虎。
即炸黃金響鈴 – 香脆響鈴被鹹蛋黃包裹着再炸，多咗份鹹香，令人食唔停口。
玉面公主四國牛肉併盤 – 包含日本和牛、澳洲和牛、本地手切肥牛和頂級雪花肥牛。2隻和牛油脂分佈平均，入口較溶化; 本地肥牛係四者入面肉味最濃，帶有微微牛膻味; 雪花肥牛則相對有咬口。
龍蝦鮮肉餃 – 以蛋皮包著啖啖龍蝦肉，比一般餃子彈牙，好香龍蝦味。
手打松露芝心墨魚丸 – 超彈牙手打丸，淡淡松露香，加上中間溶透嘅芝士，絶配！
呢度嘅火鍋食材選擇多，質素高，最大賣點係湯底一流。打邊爐前一定要先飲2碗湯試佢嘅湯底。
齊齊入宮打邊爐
今日帶朋友去尖沙咀一間樓上餐廳「香香宮煮」食打邊爐?，我們二人叫了：
1️⃣ 特色卜卜蜆鍋 $198
卜卜蜆鍋 有大量沙白蜆，分量非常之多，新鮮而且大大隻，朋友食到停唔到口，哈哈
2️⃣ 花花公主牛魔王拼盤 (大) $498
牛魔王拼盤 有9款不同的牛食物，包括：
1. 頂級安格斯牛肉：肉質細緻，肉味出眾
2. 手切本地牛肉：食落口好有牛味
3. 新鮮牛展：的確係新鮮
4. 頂級雪花肥牛：肉質鮮嫩而又不油膩
5. 日本和牛：肉質軟嫩，有入口即化的口感
6. 牛黃喉：第一次食，估唔到非常爽口
7. 牛肉粒：好有口感
8. 牛舌花：原來用嚟打邊爐都唔錯
9. 花雕酒浸牛肉：花雕醉雞就食得多，原來花雕酒浸牛肉都唔錯
3️⃣ 即炸黃金炒響鈴
即炸黃金炒響鈴 炸得好脆口，非常好食
服務
內用
餐點類型
午餐
??Hong Kong
Average expense pp: HKD$ 400-500+
?Address: Tasty Hotpot Palace, Tsim Sha Tsui香香宮煮
宮廷風打卡中式火鍋你有試過未，除咗可以着古代服裝坐住龍椅椅打卡，火鍋味道同樣出色！首先入座延禧宮，坐低揀鍋底一定要揀花膠雞湯鍋，湯頭非常鮮甜，係原完隻雞熬出嚟，另外會附上一大碗花膠同埋半隻三黃雞，雞肉好滑，花膠大件爽口，對皮膚又好?
火鍋配料超多選擇除咗叫基本蔬菜好似金針菇、萵筍，強烈建議點佢哋嘅手打牛丸、手打蟹籽蝦滑、瑤柱乾貝滑，真心好高質，爽口彈牙，真係可以食到啖啖蝦肉，瑤柱滑好似食緊原粒瑤柱，落料十足。我自己個人另外非常鍾意食鵪鶉蛋，入口流心，好香口！炸油炸鬼都非常出色，入面仲會夾住蟹籽蝦滑。另外值得一讚嘅係，員工服務態度好殷勤，間唔中就會主動幫我哋加湯底，客人自然會食得開心啦✨
一次已足夠！！
如果有心嚟呢到試下，我都強烈建議你係Openrice book咗枱先，一嚟有折，二嚟一定唔洗等位? 公主油炸鬼係我首選嘅前菜? 大家試過就明? …
裝修好有特色，火鍋配料新鮮美味，特別推介手切牛肉，下次會再嚟
服務
內用
餐點類型
午餐
服務非常好，店員友善！
食物好味！
服務
內用
餐點類型
晚餐
Themed with Chinese princess, this hot pot restaurant is an interesting place to visit! Customers can wear the emperors and Princess’s costume while eating. Food on the menu is named after princesses as well which is pretty cool!
服務
內用
餐點類型
晚餐
食物新鮮，質量可以
✅香香宮煮
連個名都咁過癮?呢間火鍋店用左宮廷做主題
一入門口已經有多套古裝服可唔租借打卡?
?泰順公主. 泰式冬蔭功卜卜蜆湯鍋 $198
呢個湯底入口好香甜 帶有少少辣
有蕃茄係入面所以會有少少酸酸地既味道
但又唔會過於酸 洽到好處！??
話明卜卜蜆 啲蜆既份量係超級多！！！！
多到啲蜆殼可以堆滿一個大碗啊?
每隻蜆都大大粒 啲蜆肉都好鮮甜?
淨係湯底都好足料 有勁多料可以食??
滾到最後個湯底仲好清甜 好有蜆既鮮甜味添?
性價比超高啊！！！
?即炸黃金炒響鈴 $88
新鮮炸起 面層有滿滿既蛋黃醬 食落又唔會太咸??
就咁食已經好好味 再將佢放入湯底3秒
即刻索哂冬蔭功既味道 仲正啊??
?手切頂級安格斯牛肉 $238
仲要每一塊既厚薄都好均勻 幾秒就熟啦?
食落口勁重牛味 食完仲有牛既after taste係到添！
?雙拼手打滑 $128
蟹子蝦滑 & 黑松露墨魚滑
雙拼滑就揀左呢兩款 兩款都意外地高質?
蝦滑足料又彈牙 食到啲蝦都好新鮮！
墨魚滑都食到墨魚粒 同埋黑松露個味都幾出?
?餃子拼盤 $128
餃子拼盤一共有4款唔同既餃 每款有兩隻
有特別既蟹黃餃 食落真係滿滿既蟹膏味?
仲有龍蝦豚肉餃 咬開後真係見到有龍蝦肉㗎！?
仲有韮菜餃? 同帶子餃
入面又係好足料 有原粒帶子㗎?
?蓮藕 $48
食火鍋當然要食蓮藕啦? 索味又爽口！
?白鱔片 $108
呢個真係必點啊 超新鮮！
完全冇腥味之如 仲好爽口
淥完完全唔鞋口啊！仲有好有魚油既香味
滿滿骨膠原???
味道: 8.8/10
賣相: 8/10
地址: 尖沙咀加拿芬道16號金輝大廈1樓
環境和食物都出色
香香宮煮係尖沙咀都開業了一段時間，今日終於都約到朋友仔同我一齊食啦
作為一個重度宮廷劇愛好者，一入店就即刻有種擺駕回宮的感覺 haha 因為門口除了大大個香香宮煮的牌匾外，仲有張龍椅和宮廷服俾大家打咭用
當然打咭同話題性係重要，但最重要一定係食物素質，唔係環境幾靚都無用
▫️長平公主•豬軟骨蕃茄湯鍋
▫️酒香陳年花雕浸牛肉
▫️手打黑松露墨魚滑
▫️香香宮煮響鈴拼盤
▫️蜂巢冰豆腐
▫️竹笙
▫️香香宮煮雜菜拼盤
▫️自家製薏米水
平時食得花膠雞，麻辣湯悶悶地，今次叫蕃茄湯酸甜度剛好，湯底夠濃又多料，不錯的選擇
其實配料質素新鮮，特別推薦響鈴拼盤和黑松露墨魚滑，調味唔會太重手食到食材原來的味道
另外，侍應服務都好細心，見我將手袋放係櫈上面就主動幫我用保護罩包住避免湯汁彈到非常細心
餐點類型
晚餐
Good decorations and environment. The beef and dumplings taste good!
#香香宮煮
尖沙咀加拿芬道16號金輝大廈1樓
$450/head
#麻辣 #鴨血鍋 湯底燶厚 有麻有辣有誠意 #酒香陳年花雕浸牛肉 牛肉半肥瘦 又滑又嫩又有酒香 #蜂巢冰豆腐 份量充足索曬湯底好好味 #鮮花豬頸肉 上枱眼前一亮 好靚 #餃子拼盤 蟹肉 韭菜 蟹黃 龍蝦 二人邊爐嗌拼盤啱啱好隻隻味都試到 隻隻味都好值得試又大粒 #即炸黃金炒響鈴 熱辣辣超好味又鬆脆 唔捨得飲湯就咁食咗兩條 #豬皮 又係索湯好好味 #松露芝心墨魚丸 超好味, 松露同芝士互相配合但又唔會搶左對方既味不得了
#香香 #tasty #hotpot #火鍋外賣 #火鍋晚市 #hotpothk #打邊爐 #hkig #香港好去處 #尖沙咀 #hkfoodie #yummy #food #中國風
香香宮煮，位於尖沙咀加拿芬道金輝大廈，餐廳以傳統中式宮廷設計，更有以宮殿為名的卡座位，打卡位處處而且玩味十足。
火鍋湯底選擇非常多，而且每款湯底均真材實料，二人晚餐選擇了雍穆公主花膠雞湯鍋，材料差不多有半碟花膠，半隻雞的份量，雞湯味道非常濃郁，雞肉嫩滑，配滋補花膠，確實超值。
手切頂級安格斯牛肉，肥瘦適中油脂分布均勻，入口軟嫩而且肉味香濃，必點推介。
小食方面有即炸黃金響鈴，響鈴咸蛋味道足，脆卜卜即食或浸湯均可，一味二食。
服務
內用
餐點類型
晚餐
素食餐點
有蔬菜選擇
喺尖沙咀嘅樓上火鍋店香香宮煮，佢哋採用中國宮廷風作主題，所以裝修同埋所用嘅餐具，菜牌都別具特色。
調味料九宮格
用九宮格嘅盤呈上九款嘅火鍋調味料。
雍穆公主•花膠雞湯鍋：湯底本身用咗原隻鮮雞熬製，熬至金黃色，而另外上檯仲會附送半隻三黃雞，所以湯中有好濃嘅雞味，而花膠都好大塊，份量好足，令雞湯有滿滿嘅骨膠原，極為滋補。
手切頂級安格斯牛肉：用咗安格斯嘅牛肉，仲要人手切，令肉嘅質感會更好，而本身肉嘅質素極好，油脂分布均勻，肉味濃郁，入口即化嘅口感。
日本稻庭烏冬：打邊爐點都要食主食，而佢哋嘅稻庭烏冬嚟自日本，口感夠哂彈牙，同花膠雞湯味就好夾。
脆炸黑松露午餐肉：第一次見有帶黑松露嘅午餐肉，而午餐肉經過油炸，令外皮更為香脆，再拎嚟打邊爐，更容易索哂啲湯汁，令午餐肉更好味。
#香香 #香香宮煮 #tasty #火鍋外賣 #hotpot #hotpothk #火鍋晚市 #打邊爐 #folloebackinstantlyu #wwhkfood #ufoodhk #delicious #yummy #hkfoodie #foodporn #hkfood #foodie #foodporn #foodlover #foodkiller #foodpics #ufoodphoto #hkig #foodphotography #美食 #相機食先 #食好西 #吃貨 #photooftheday #大口仔在尖沙咀
宮廷式設計，餐牌喺設計成聖旨，真喺別出心裁。醬料都好多款，香蒜、葱、醬汁等調味，令食物更鮮味。
花膠雞湯鍋
呢個湯鍋有雞又有花膠，好滋補養生，好大塊花膠且份量又多，真材實料。雞塊肉質香嫩又滑，好美味呀！
手切頂級安格斯牛肉
牛肉脂肪分佈均勻，色澤鮮紅色，牛味好濃郁。
脆炸黑松露午餐肉
午餐肉夠香又脆，落去黑松露味好突出。
唐生菜
點新鮮時令菜，口感爽脆。
服務
內用
餐點類型
晚餐
食材新鮮及精緻，價錢係貴少少，但真心好味。
服務
內用
餐點類型
晚餐
呢排天氣涷左好多，想食d暖粒粒既野，朋友介紹左我黎食香香宮煮。係傳統既川辣邊爐類型。裝修好華麗既。一坐低就有個好吸晴既9宮格調味料，重蒜愛好者表示很滿意！用黎點佢地既頂級手切安格斯牛真係超正既? 之後仲有我好鐘意既炸物，包括炸黑松露午餐肉，好好食?
仲有即炸響鈴，吸收左花膠精華湯底好正。
湯底我自己叫左半隻花膠雞湯，已經好入味好濃，埋單人均都係幾百蚊，但都好飽好夠食?
呢間餐廳個名好得意全部都係玩食字，同埋有一種中國傳統同宮廷嘅裝修建築?但其實佢係一間打邊爐店嚟嘅！
建軍公主 特色卜卜蜆鍋 $218
個名好有趣，佢基本上全部湯底都係加咗呢一啲公主嘅名?非常得意同有趣
呢一個湯底都係佢哋店舖其中一大特色，蜆肉非常之多，全部都大大粒，亦都非常鮮甜??♀️
日本廣島蠔 $128
之前喺北角食過一次水準就好高，但今次試嘅蠔質素就麻麻哋?感覺唔算太鮮甜，食落去都唔係好新鮮嘅感覺?希望下次會再好啲啦～～
櫻花蝦豬肉丸 （四粒）$72
呢一個豬肉丸又唔錯??肉味好濃郁，可能係自家製嘅關係，食落去都好新鮮彈牙～
韭菜豬肉餃 4粒 $58
冇乜特別不過不失嘅餃??
手打蟹子蝦滑 $118
食到一粒粒嘅蝦肉，鮮甜好食，呢個推介！！
即炸響鈴 $78
名副其實嘅即炸，等咗一陣先至送上，送到上嚟熱辣辣卜卜脆?非常好吃（不過有啲邪惡同熱氣?）
入到香香宮煮，被餐廳古典風嘅設計吸引住，每件傢俬好特別，同朋友要打咭留念。
花膠雞湯鍋，真材實料，花膠好滑嫩，充滿膠質夠養顏，雞塊皮香肉滑，係冬日滋補火鍋！
手切頂級安格斯牛肉 ，牛肉嘅色澤紅色又新鮮，牛肉好juicy。
脆炸黑松露午餐肉 – 黑松露嘅香味好濃郁，同午餐肉嘅味道好夾又爽脆。
即炸黃金炒響鈴 – 響鈴一層層卷得好密，帶黃金嘅蛋黃香氣，咬落外層脆卜卜，好味道得要再encore。
服務
內用
餐點類型
晚餐
以中式宮廷為主題既火鍋店，店內放有龍椅及宮廷服飾，好啱打卡✨ 不論環境、擺盤及餐具都好有特色☺️
建寧公主·特色卜卜蜆鍋
卜卜蜆鍋勁足料，湯底好清甜，入面有好多大粒又鮮甜既沙白蜆、西芹及芽菜，所用到既粉紫色火鍋鍋具又靚又有特色呢??
手切頂級安格斯牛肉 (細)
每片牛肉厚薄適中，油脂豐富? 食落質感鮮嫩亦重牛味☺️ 輕輕碌下加少少醬料食手已經唔錯
香香宮煮肉丸拼盤
當中有五款丸類，有松露芝心墨魚丸、手打蟹籽鮮蝦丸、手打蟹籽墨魚丸、櫻花蝦豬肉丸及手打鮮牛丸✨ 全部丸都新鮮彈牙，特別鍾意松露芝心墨魚丸，入口好香松露味，咬開入面仲有半溶芝士
南非鮮鮑魚
鮑魚食落口感更彈牙，味道好鮮甜
蟹黃餃
咬開會見到色澤呈橙色，蟹黃味好濃郁，夠晒鮮味??
自家製竹蔗茅根
好大壺呢～味道清甜又解渴