焱丸水產 Flame Japanese Cuisine(Flame Japanese Cuisine)

太久沒有回我的鄉下日本??了 ??放工約埋同事 飲番杯 食地道日本居酒屋當去咗旅行㗎喇??

地方裝潢擺設猶如置身日本一般 店員服務非常好 還會幫忙燒滨燒??

日本文化-坐低叫番杯suntory ??朋友就叫冰菠蘿燒酎 偷飲一口 酒味淡 加上冰菠蘿 嘅清甜 易入口好啱女士飲??

我倆都是吞拿魚怪 ??就叫咗 本鲔(吞拿魚 )盛盒
分別有中拖羅刺身、赤身刺身 同樣肥美 厚身，另外仲有炙燒吞拿魚壽司?赤身壽司?同吞拿魚蓉壽司 仲有漬吞拿魚添??
各種口味都試勻曬啦

炙燒吞拿魚好香口，魚油好豐富，滲曬落啲飯度 非常香濃 有鮮味??

漬吞拿魚第一次食 可以粘上蛋汁 更加綿口，鮮味更加提升

岩手縣生蠔 日本直送，非常新鮮，配上青檸汁和自家製醬汁 還有濃濃嘅海水味 肥美 ！

蟹籽蟹肉薯仔沙律?分量好多夠曬飽肚 蟹子蟹肉 伴住三薯仔沙律 口感很好 太子脆口，蟹肉鮮甜

當然要試埋滨燒，揀咗松葉蟹膏帆立殼燒 蟹膏配上帆立貝，鮮上加鮮，火侯剛剛好，連湯汁都飲埋呀

另外叫埋三文魚子帆立貝殼燒 另一種風味 同樣鮮甜

甲羅燒亦同樣叫咗兩款口味 蟹味噌甲羅燒和黑松露蟹 甲羅爐燒
可以一次過試曬兩款口味我就喜歡蟹味噌甲羅燒多啲啦 配上青瓜絲一齊食，口感更加豐富仲可以解膩??

鮑魚殼燒 南非鮑先非常大隻 還在動呢 雖然有啲殘忍 但真係非常爽彈牙 鮮甜！店員火候拿捏得剛剛好 爽脆不黏牙☺️☺️

冰燒和小食同樣出色 仲有很多不同種類嘅清酒?生啤 下次可以大班同朋友一齊過嚟happy hour 好適合聚餐 氣氛非常好?

聽過焱丸水產呢個名好耐喇，以水產為賣點，位於尖沙咀棉登徑，近尖東多過尖沙咀，事先同朋友訂咗位都要等一陣，人氣好高。

呢度燒物最出名，甲羅燒同埋燒海鮮相信系吾少人嘅選擇。黑松露蟹肉甲羅燒，甲羅燒本身已經好味，仲要加埋黑松露同埋蟹肉??黑松露味幾濃?仲有蛋黃、青瓜絲、蟹籽、香蔥，攪勻後口感非常豐富，蟹膏十分鮮味。

鮑魚殼燒夠高級，鮑魚黎戈陣仲識郁架?弄熟之後口感有嚼勁，同平時食有醬汁感覺吾同，不過都吾錯。

芝士魚旦黎到戈陣朋友食咗一舊，過咗一陣職員就拎去燒?就咁睇個樣真系吾知要燒定吾洗lol 比想像中好味?芝士好有芝味?魚旦爽口、魚味重。

左口魚刺身冇乜地方食到，口感其實似三文魚，較薄身，新鮮嫩滑。

三文魚牛油果油酢漬，三文魚蓉好新鮮，牛油果整到細細粒，兩樣組合埋一齊好鮮味清新！有沙律菜點綴食到食得開心?

叫得焱丸號壽司仲吾系餐廳招牌菜？有海膽、魷魚粒、吞拿魚蓉、蟹柳絲、雞蛋絲，即系雜錦刺身，鮮味十足，吞拿魚蓉軟綿綿☺️蟹柳絲同雞蛋絲搭配令口感昇華。

烏賊磯燒即魷魚燒?燒完之後燒味好明顯，魷魚好爽口彈牙，呢個都好高汁！

諗住試吓新野就叫花魚，其實似似哋鯖魚，同樣系啖啖肉，不過味道稍為清淡。

朋友叫咗洋梨燒酎，我就叫咗荔枝玉露茶，荔枝玉露茶底部有荔枝粒，有咬口?玉露茶清甜可口。洋梨燒酎我地同職員講吾好落咁多酒，都明顯做到。

想念日本的刺身

終於開關不用再逗留香港，可惜連近歲晚，太多人出外，機票住宿都非常昂貴，唯有留待稍後才出發旅行。
今晚非常想吃日本刺身，便來到尖沙咀這裏的日本料理。
左口魚刺身$168，左口魚屬於白肉刺身，味道鮮甜， 加些自家製醬汁，可以令到左口魚的味道更加濃郁。

皇牌大赤蝦刺身，赤蝦刺身足有半6cm以上，爽口彈牙，加點日本豉油和芥辣令到赤蝦更加美味可口。

蟹味噌甲羅燒$68，芝士蟹肉甲羅燒$72。兩種甲羅燒，都有蟹膏、蟹籽和蟹肉，不過味噌格羅燒多了一層味噌的香氣，而芝士甲羅燒，就多了一層芝士的味道，兩款都非常美味，加點青瓜絲，便可以平衡甲羅燒的濃郁味道。

香蔥吞拿魚蓉三文魚籽卷$120，吞拿魚蓉味道鮮甜，配合三文魚子的鹹香味，不用添加醬油， 便已經非常之美味。

白桃梳打$52，白桃?味道濃郁，加上梳打之後，甜度適中，非常配合這頓日式晚餐。

餐廳內籠就好似置身日本一樣，枱凳、牆身同佈置都似足喺日本?? 瞬間有旅行感覺

Lunch Menu都好多選擇?
今次試咗超豪華12件壽司盛 ?
三文魚、鯛魚、大拖羅、鮪魚赤身2件、白身魚2件???珍寶海赤蝦?香蔥吞拿魚蓉軍艦、蟹膏軍艦?魚子軍艦、西冷牛肉壽司?

初初有啲擔心12件壽司會太多，但呢度每一件嘅飯團算細（但肉唔細?） , 就算女仔都可以食得晒12件? 總括嚟講，每件都新鮮彈牙，魚一啲都唔腥。有少少可惜海膽賣晒，不過轉左就快滿瀉的蟹膏軍艦都好滿足? 西冷牛肉壽司勁大件，記得趁熱食?跟餐仲有沙律、麻醬豆腐、麵豉湯同茶碗蒸? 雞蛋夠滑，滿滿餡料仲有蝦添！

另外當然唔少得試吓佢嘅磯燒?
每次去日本都會去24小時連鎖餐廳食甲羅燒? 今日竟然比我喺呢度見到佢，仲要有原味、芝士味同黑松露味可以選擇? 唔使諗，即刻試咗兩隻新味！ 落完單好快就上枱??職員仲會幫手燒?睇住佢將鵪鶉蛋倒落去蟹膏再同蟹籽等配料撈勻，真係流晒口水???蟹膏味道超級濃郁，芝士味有存在感，但又唔會蓋過咗蟹膏嘅鮮味，一啲都唔腥。黑松露都一樣，初初都擔心黑松露同芝士會蓋過咗主角蟹膏的味道，但係佢哋配合得天衣無縫絕?對會因為呢一味餸而encore呢間餐廳

餐廳位於棉登徑嘅盡頭，如果唔係睇到網上嘅介紹，平時都好少去呢度搵食，估唔到入邊別有洞天，有依間都幾好評嘅餐廳。舖頭入邊裝修成日本嘅居酒屋，每個座位都有一個燒烤爐，可以享受店員為你即燒嘅海鮮。餐牌上面嘅選擇亦都好多，刺身、壽司、各款熱食應有盡有??

同朋友每人點咗一杯飲品先，青蘋果颱風乳酸造型幾特別，有一條冰凍左既青蘋果，味道似青蘋果味嘅汽水?微酸幾開胃?白桃玉露就適合茶控，有果香唔會太甜??

先點幾種水產試一試個爐仔? 首先係好適合打卡既兩款甲羅燒，分別點咗蟹味噌同芝士蟹肉既口味。蟹殼都唔算細隻 蟹膏蟹子份量十足，而且燒熟後蟹膏味道濃郁 整體對得住價錢。芝士味嘅甲羅燒都好有特色 唔會搶咗蟹膏本身嘅味道，值得一試。

另一款水產係烏賊，燒到剛剛好熟透唔會過火 所以咬開口感仍然係彈牙而濕潤，特別欣賞佢喺燒製過程加入嘅醬汁，令到味道清淡嘅烏賊變得好香口。

最後點咗兩隻燒虎蝦，一樣份量十足，味道鮮甜。

試咗幾款燒海鮮 都想食埋餐牌上其他種類嘅食物，燒物方面揀左鹽燒三文魚鮫，魚皮燒到香脆，喜歡啖啖肉嘅可以食背位既三文魚肉，而喜歡魚油甘香就可以食近魚鰭同腩位既肉 相對軟滑好多，一個菜式就可以食到三文魚嘅兩種口感～

刺身方面，拼盤五盛每樣有少少，都係一個唔錯嘅選擇。魚生有吞拿魚、三文魚、油甘魚，加上帶子同海膽，全部入口鮮甜 感覺清新。仲可以嘗試吓帶子夾海膽嘅奢華食法 ?

另外點左三文魚壽司拼盤，有五款不同口味既三文魚壽司 面頭放上海膽、三文魚子等食材增加口感同風味～

最後上菜既係蟹雜炊，剛剛食完一堆生冷嘢，雖然已經飽咗八成，但有個味道鮮甜嘅蟹粥落肚，腸胃即刻舒服好多～蟹腳鮮味十足 仲好多肉?? 為依餐畫上完美嘅句號。
服務
內用
餐點類型
晚餐
建議的餐點
魚生

.
一向好鐘意食日本既磯丸水產 今晚一於食住香港既焱丸水產先！
叫左大蝦鬼殼磯燒 黑松露 芝士甲羅燒同上枱仲郁緊既鮑魚！
每次食呢啲燒水產都要食甲羅燒！
店員好好會幫手燒埋 坐定定就得
我果款加左芝士 食落有啲拉絲感不過蟹肉蟹膏太香會略為蓋過芝士味
黑松露個味會香啲 不過唔會超濃 個人覺得岩岩好唔會搶左做主角
燒鮑魚肉質爽口彈牙 超鮮 大蝦啖啖肉 連蝦頭膏都好味
.
食呢啲海產唔飲酒都要飲返杯梳打 先有日本居酒屋既感覺！
.
漁師2人前盛有多款新鮮刺身 一食落口就知唔同
赤貝超爽口 油甘魚厚切得黎唔腥 有豐富魚油香 拖羅更加係入口即溶 好味到即刻心心眼?
.
最後黎個粟子松茸蟹肉炒飯 呢款唔會重口味 味道較淡 但就食到粟子既甜同蟹肉香～

估唔到入到黎之後
發現呢度嘅價錢都唔係貴而且仲大大份非常之咁抵食

叫咗一款壽司就係焱丸號
冇錯就係同餐廳個名一樣一睇就知道係佢哋最出名嘅菜
估唔到入面嘅魚生配料非常之咁多唔單止有
拖羅魚蓉海膽帶子仲有蟹肉
每一款都非常之咁鮮味而且佢嘅份量仲非常之咁多本身以為佢都係幾件壽司咁樣但佢嘅配料簡直好似刺身份量咁大份

跟住叫咗蟹味噌羅甲燒
就係用上了雪場蟹嘅蟹殼再加上蟹膏
蟹子仲有蟹肉再加上鵪鶉蛋磯燒而成的
估唔到鵪鶉味道令到成個菜非常之咁昇華而且蟹膏嘅味道充斥到成個口都係令人哋帶舉手指公

之後叫左口魚刺身
左口魚就係平時平平地扁扁地嗰隻魚
可能因為佢游水量比較高所以食落非常之咁爽口彈牙而且仲唔會有魚腥嘅味道非常之咁鮮甜而且廚師仲切得非常之咁薄

Delicious sushi and lots of grill options! Very authentic
服務
內用
餐點類型
晚餐

每次好友帶我覓食都唔會令我失望，只有一次比一次驚喜，棉登徑一帶太多嘢食，但係我哋都鍾情正宗水產類。
日本海鮮黎到香港一直質素係有保證，如海鮮由日本直達一定好穩陣。主打浜燒海鮮之外，仲有出名的甲羅燒。店舖佈置充滿哂日本特色，勁有日本feel，每張枱都都設有一個烤鍋，職員仲會幫你原汁原味地燒，very good !

??漁師二人前盛：
當日時令刺身，今日係吞拿魚腩，大蝦，油甘魚，赤背等等，每件鮮味十足，好似坐喺黑門市場食緊嘅感覺?

??蟹味噌甲羅燒 / 芝士蟹肉甲羅燒：前者用味噌調味，配上蟹籽、鵪鶉蛋、蔥同蟹肉，已經好鮮味。後者加埋芝士，味道更加提升，更加香濃。

??鮑魚殼燒：職員慢慢剪開鮑魚，慢慢地燒，最後只加少少醬油，簡單的燒法已經好好，就係想食到鮑魚本身嘅鮮甜，佢又唔會靭口，好稔身。

??三文魚壽司拼盤：三文魚五種食法，原味、火炙、蟹籽、海膽及黑松露，各有特色??

??牛油黑松露炒野菌：黑松露炒菇係好匹配，互相提香，簡簡單單地炒已經好香，新鮮嘅菇好爽脆。

??蟹雜炊：新鮮嘅蟹腳，清水做底，加白飯煮爛變成粥，再加埋蟹籽、雞蛋同蔥，簡簡單單嘅食材已經令到成個粥非常鮮甜。

??三文魚牛油果油醋漬：新鮮嘅三文魚配上健康牛油果，落少少油醋，這個沙律很清新。

??梅乾highball : 幾粒梅乾加上highball酒，幾襯。

??冰菠蘿燒酎：冰鎮嘅菠蘿加埋燒酒，冰冰甜甜，帶啲酒香。

尖沙咀嘅「焱丸水產」一直多年都好旺，又係我地屋企人嘅賣飛佛日本餐廳，因為裝修同氣氛都好似去咗日本咁，加上一直多年d職員都服務好好，會幫我地燒埋，咁我哋自己就唔會出錯浪費咗食物。

平日星期三晚市7:00pm已經全場滿座，所以我哋每次一定book定枱，walk-in唔好諗住會有位。

先叫個前菜。麻醬蕃茄豆腐沙律，健康一下 ?

屋企人最鍾意食三文魚，所以叫咗三文魚，三文魚腩，帆立貝刺身，全部都好新鮮，同埋厚切。

黎呢度點少得叫佢嘅招牌菜，職員幫我地整個蟹味噌甲羅燒同鮑魚殼燒；
鮑魚新鮮到燒緊時仲係郁緊，新鮮嘅材料唔洗調味已好味，厚肉爽口；
蟹味噌甲羅燒又係好好味～

最後，什錦天婦羅，入面包括多種材料，蝦，蕃薯，青椒，魚，海菭等，炸得唔油同脆口，正～

黎呢度食，永冇失手，非常滿意嘅一餐！！
服務
內用
餐點類型
晚餐
平均每人消費金額
超過 HK$500

出糧更係要食好d, 同事提議去尖沙咀棉登徑嘅「焱丸水產」, 食過話一定唔會令我失望。朋友醒目book定位, 估唔到人氣真係咁旺。
餐廳雖然唔算大，但就好有日式feel ，真係好啱我哋一邊食一邊吹下水，打開餐牌食物種類多選擇！

芝士蟹肉甲羅燒:
香濃滿滿嘅蟹膏配上芝士、蟹籽、鵪鶉蛋，蟹肉、蔥花一同放係蟹蓋內，燒嘅過程我哋完全不用動手，店員在旁幫我哋燒，味道鮮得嚟有芝士鹹香惹味濃郁，亦可配埋爽口嘅青瓜絲一同食減低鹹度。

壽司盛盒$268
有10款唔同嘅壽司，有油甘魚、海膽、帆立貝、熟蝦、火灸左口魚、三文魚、呑拿魚、三文魚子、鯛魚、北寄貝、重加個青瓜絲小卷！壽司好新鮮，帶子同魚都厚切, 壽司飯柔軟度很好,不會散掉！。

鹽燒三文魚:
一上枱就聞到陣陣魚香，魚皮煎得香脆，脆得有聲, 魚肉嫩滑中帶有微微鹽花鹹香，非常惹味。

青蘋果颱風乳酸:
大大杯, 好香青蘋果味，飲落清甜清爽梳打飲品，好味！
服務
內用
餐點類型
晚餐
平均每人消費金額
HK$200-250

十分好吃十分推薦這裏吃
平均每人消費金額
HK$300-350
餐點：5
服務：5
氣氛：5
建議的餐點
雜錦诲產燒 松葉蟹膏

食物質素超高，味道亦好，只可惜要由店員烤嘅食物就…………overcook 同真係燶咗嘅食材差不多每枱都發生，烤過龍但又未到燶咗嘅食物當然味道就遜色囉！但會再幫襯嘅。
服務
內用
餐點類型
晚餐
平均每人消費金額
超過 HK$500
餐點：5
服務：4
氣氛：5
建議的餐點

Ｉ浜燒水產?Ｉ尖沙咀居酒屋?

好在朋友一早訂了枱，估唔到平日晚上都好滿座，近年真的日本居酒屋都很熱門。
餐廳佈置已經好日本感覺，每次去日本都喜愛晚上居酒屋飲?傾下計hea 下?

朋友表示未試過活魚龍蝦刺身?，所以二話不說就點菜了，享受了一餐水產大餐?

▪️活龍蝦二食$580
刺身+煲湯，剌身很新鮮，不過湯略為啖味少許????
▪️左口魚刺身 $158
▪️Tuna $120
▪️焱丸活貝大盛 $368 ♥️必叫♥️
帆立貝，鮑魚，蠔，蜆
▪️黑松露蟹肉甲羅燒 $68
▪️Sapporo $58?x 2

✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿
▫️ 焱丸水產 (尖沙咀)
?尖沙咀棉登徑23號華楓大廈地下5&6號舖
✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿
服務
內用
餐點類型
晚餐
平均每人消費金額
HK$400-450
餐點：4
服務：4
氣氛：4
建議的餐點

Delicious and fresh food here:)
服務
內用
餐點類型
晚餐

服務周到、食品新鮮美味！
服務
內用
餐點類型
晚餐
平均每人消費金額
HK$350-400
餐點：4
服務：5
氣氛：4
建議的餐點