焱丸水產 Flame Japanese Cuisine(Flame Japanese Cuisine)
營業時間
| 星期日 | 12:00–15:00 |
| 星期一 | 12:00–15:00 |
| 星期二 | 12:00–15:00 |
| 星期三 | 12:00–15:00 |
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
服務選項
店外取貨
外送
外帶
內用
無障礙程度
不支持無障礙座位
不支持無障礙停車場
產品/服務
小菜
兒童菜單
咖啡
宵夜
烈酒
酒精飲料
啤酒
葡萄酒
用餐選擇
午餐
晚餐
餐飲服務
設施
洗手間
氣氛
氣氛悠閒
環境舒適
客層族群
適合團體
規劃
需要預訂
接受訂位
付款方式
信用卡
海鮮新鮮, 服務親切。
閒日晚市嚟到尖沙咀搵嘢食
朋友話想食磯燒
即管嚟呢度一試
鋪頭唔算大
主打海產磯燒
另設有魚生同少量嘅熱食
格局以居酒屋為藍本
另外設有酒類飲品
門口有咪錶位方便泊車
但鋪位多
車位少
所以要泊到都唔係易
食物質素方面
時令刺身厚薄適中
款式雖然唔算多
價錢偏貴
但勝在新鮮
尤其吞拿魚
海膽用細膽配紫菜
可惜紫菜上碟嘅時候已經唔太脆
炸雞滑流流
又夠大粒
熱辣辣非常好
汁燒銀雪魚、魷魚
雖然都係雪藏魚
份量唔算大件
入口滑流流
汁燒嘅魷魚
相對入口就鹹好多
同埋份量真係好少
配菜既洋蔥同野菇仲多過魷魚
主打磯燒海鮮
會有服務員幫你燒同上碟
海鮮拼盤
有鮑魚、蜆、帶子同生蠔
另外再點左個長腳蟹
海鮮超新鮮
甜味十足
燒熟程度岩岩好
入口冇鞋既感覺
但蟹膏方面
就煮得太浠
最後叫咗個冷麵同埋炒飯
炒飯誠意推介
入口味道剛剛好
炒飯得又乾又好食
一行5人買單成3800
其實都算幾貴
但以質量來講
雖然碟碟都好細
但唔算差
一買一賣
海鮮佢地自己有魚缸養
新以論新鮮真係冇得輸
但如果以價錢比較
其他地區可能會略勝一籌
高級海鮮
Very good seafood bbq restaurant in Hong Kong! Environment is very good, foods very fresh and high quality! They will serve you as Japanese bbq style. Enjoy your time there!
價錢中上，食物質數比價格之上，會再幫襯
nice cosy casual place to try different niche sake
宵夜之選
Good service and tasty food.
海產新鮮, 貝殼類磯燒有職員幫你燒埋, 最重要係支持同路人嘅黃店, 一定要懲罰多啲
Freshly grilled seafood. The staff will help with cooking
Very popular— waited over an hour without booking. But well worth it! Lively atmosphere, efficient service and so so much seafood to choose from. The grilled abalone and squid was a definite highlight. Will definitely be back.
睇返相簿先記得 原來幾個月前生日間正嘢唔記得左post??
·
每次經過棉登俓都會見到一間日本居酒屋，都係好full又排哂隊，所以一直都未左機會食，估唔到今年生日朋友話知我想食，已經一早book左，同我去食慶祝生日? 開心屎寶寶了?? 甲羅燒係必點嘅，好出名好多人食過都讚好? 所以一定唔可以放過機會，一口氣點左蟹味噌甲羅燒($68) 、黑松露蟹味甲羅燒($68)、鮑魚穀燒($68/隻)同白蜆殼燒($80)
–
放喺爐上睇住新鮮甲羅燒，絕對知道無叫錯? 勁足料好飽滿，店員會不時過嚟幫手睇住進度，好勤力?絕對係心機野！一食簡直crazy?? 成個口腔都係滿滿既蟹膏，入口即溶❤ 撈埋啲蟹肉一齊食，鹹中帶甜，非常juicy！
–
睇住燒既過程鮑魚不停扭動同掙扎，食嗰下真係有鮑魚既原汁原味，鮮味加埋口感簡直一流? 嚐到何謂真正鮮甜，肉質軟腍有嚼勁，絕對無燒到過火，係我食過最好味既鮑魚?
–
燒到中途有個少少趣聞同大家開心share? 我可以保證哩度既鮑魚絕對新鮮！點解？有一隻求生意志極強既鮑魚bb，喺燒既過程無停過掙扎，不停扭動想逃出生天，結果佢成功脫殼而出，殼肉分離，飛彈三尺高後跳喺我隻碟度?? 最終佢雖然能夠逃離被燒熟既厄運，但最後都係被要送去堆填區? 雖然我地被佢既一聲巨響嚇親，但都十非欽佩佢既求生精神！????
–
另外仲叫左個五點盛($280)，包括三文魚、吞拿魚、油甘魚、魷魚及海膽?? 估唔到魷魚最有驚喜? 第一次食到咁爽脆既魷魚? 唔會腍到一pat pat，好有嚼勁?所以新鮮刺身永遠都係最受歡迎既item，食幾多次都唔會厭? 鯨吞一輪後，再叫多個北海道海鮮炒飯($78)炒飯裡有滿滿既三文魚籽同爽彈魷魚，炒到好香好有鑊氣，我地食到一粒都無剩??
·
·
? 焱丸水產
尖沙咀棉登徑23號華楓大廈地下5＆6號舖
支持香港人嘅餐廳！性格比高，個個食飽4個人埋單都唔駛$300一個人。野食全部都好好食，老細員工又好人。一定好快會再返去幫襯。見鋪頭生意好好，大家最好book定枱去食！❤️
.
又去左食焱丸水產啦?今次有少少肚餓就入左黎
男朋友終於考完試 決定同佢賀一賀佢
黎到不得不點甲羅燒 話晒咁耐無去日本 點都會掛住?
店員會幫手燒埋 唔洗怕自己唔識燒
蟹膏蟹肉蟹籽mix勻 食落咸香味十足
新鮮鮑魚食落彈牙 果然活水產一食就知龍與鳳?
.
另外點左海鮮炒飯 雲丹海苔芋天婦羅 麻醬蕃茄豆腐沙律?
海鮮炒飯粒粒分明 味道唔會太咸 份量有成3,4碗
加左蟹籽增加口感 熱辣辣炒好最正??
雲丹海苔芋天婦羅超特別 係紫菜包住海膽 紫蘇葉同芋蓉 再拎去沾粉脆炸
從來都無係其他地方食過 脆卜卜 入面海膽入口即溶?平時唔係太過喜歡食天婦羅既我竟然食左三件！
.
下次一定會同成班朋友黎個水產大餐?
尖沙咀這間日本餐廳真心不錯，佈置真的像進了日本當地開的餐廳外，食物味道亦不俗。特別是刺身幾新鮮同好食，其中特別推介刺身5盛，有油甘魚，海膽，帆立貝，三文魚同吞拿魚，而小妹很喜歡海膽，無腥味，入口鮮甜，而油甘魚啖啖魚，非常肥美。
另外，焱丸號壽司賣相雖然不算吸引，但味道就有驚喜，吞拿魚碎，海膽，蟹肉，蛋絲，三文魚籽等製成，混合後，可一次過食到不到刺身，加上三文魚籽的層次感。
點了兩個甲羅燒，店員好細心幫忙燒，蟹味噌甲羅燒蟹肉味很香，而黑松露蟹肉甲羅燒，散發出濃厚的黑松露香，與蟹肉很匹配。
至於，鮑魚殼燒，燒起來的時候，看到鮑魚還郁郁下。鮑魚很新鮮，入口彈牙可口。帶子磯燒帶子大大粒，倒了少量酒一併燒，燒完後也能鎖住汁液，美味可口。
雲丹海苔天婦羅，炸到脆卜卜，但又不過太過多油份，外有紫菜包着，雖海膽用來炸，但食落亦有幾分清甜，作為全晚的Happy Ending。
以往母親節都會在外地渡過，今年就疫情關係惟有留港消費。阿女提議请我食浜燒，特地揀選了一間內裡裝修有如魚市場，即叫即製。因餐廳 捧場客唔少，所以晚市要分二輪。雖然食肆主打浜燒，但亦有不少刺身和各類美食。
首先來兩個前菜，蟹子蟹肉薯仔沙律和辣味豆腐。
沙律份量很多。薯仔軟綿綿配上鮮甜蟹肉，又有脆卜卜的蟹子，口感增加不少。
豆腐外脆內滑，辣味夠非常惹味；食時都要小心因豆腐炸後非常熱。
刺身三盛
分別有凡立貝、三文魚和油甘魚等。各欵刺身皆肥美鮮甜，是我的至愛。
焱丸號壽司
話明是壽司何解又見唔到飯呢？原來廚師用料十足，完全把主角蓋過。材料包括海膽、 蟹肉、 帶子、吞拿魚、 蟹柳和蛋絲，撈埋一齊食有多種口感。
海膽帆立貝燒
帆立貝大大隻好厚肉。因燒烤時間控制得宜所以肉質嫩滑，加埋海膽則鮮上鮮。
蟹味噌甲羅燒
甲羅燒是今晚重點之一。蟹肉、蟹膏、蟹子、鵪鶉蛋和香蔥用蟹殼盛上，然後在客人面前燒; 隨即香氣四溢。
唐揚八爪魚
八爪魚彈牙有口感，薄薄脆漿沾上沙律醬和檸檬汁佐酒一流。
炸蓮藕片
蓮藕一向少食，今次師傅以薄薄的藕片炸後感覺像薯片，好有親切感。
三文魚雜菇牛油燒
白桃梳打
疫情關係去唔到日本，唯有去一間充滿日式風味嘅居酒屋，調解一下思鄉情懷。
餐牌食物款式選擇甚多，前菜，小食，壽司，刺身，串燒，浜燒等等，應有盡有。
✔️刺身五盛?
五款刺身，吞拿魚及三文魚都屬厚切，有脂肪的芳香。油甘魚食落肉質帶爽，味道甘甜。海膽一片一片，入口即溶。帶子厚肉，肥美鮮甜。
✔️焱丸海鮮沙律?
新鮮沙律菜配上角切魚生，倒上店家酸甜的沙律汁，清新開胃。
✔️辣味豆腐?
豆腐外脆內嫩滑，面頭加上了孜然粉及辣粉，香口惹味，作為小食最合適不過。
✔️蟹味噌甲羅燒?
✔️黑松露蟹肉甲羅燒?
最令人期待的蟹肉甲羅燒，蟹籽，蟹肉，蟹膏，香蔥，鵪鶉蛋等所有材料撈在一起，蟹膏味濃郁，加了鵪鶉蛋令甲羅燒更香滑，味道一絕，令人想無限encore ?
✔️帶子磯燒?
兩隻大帆立貝，燒完唔會縮水，仲有鮮甜湯汁，啖啖是肉，滿足！
✔️鮑魚殼燒 ?
兩隻活鮑魚上枱時仲新鮮生猛，鮑魚口感彈牙，烹調時間剛剛好。
✔️北海道海鮮炒飯 ?
食返個炒飯作為結尾，炒飯炒得個乾身，粒粒分明。
Went here ages ago.
There were quite a few things I wanted to eat including the crab roe where you have to grill it but in the end I got the omelette and tuna rolls because I couldn’t be bothered to watch it grill.
The menu was really annoying because it was in Japanese style Chinese and Japanese.
The seaweed omelette I ordered came within a flash.
I couldn’t really taste the seaweed even though you could see it and the texture was not that fluffy.
Anyway, found egg shell in it which was white, therefore they use white eggs!
Apart from the food, the staff were really nice.
Expensive Bad food.
Seafoods were not fresh and quite pricey.
Not recommended.
Almost the worst I have had in HK
來趟日本小旅行?- 焱丸水產Flame Japanese Cuisine
日本直送海產
裝潢格調-日本居酒屋風
日本的浜燒店，良心小店?
中午有lunch set，價錢不算太貴
海鮮好鮮味，仲有專人喺你枱旁為你烹調燒物
-金倉魚蓉丼$120，魚蓉及飯嘅份量頗多，配上麵豉湯、沙律、凍豆腐、茶碗蒸。金倉魚味道鮮甜，這個份量非常足夠
– 海膽凡立貝燒-海膽同凡立貝非常之好食
【尖沙咀飲食】鮮到嘴邊?
The barbecue was great, the staff will serve you and you don’t need to turn the food yourself.
食物好新鮮!好美味!? …
???焱丸水產?……新鮮甲羅燒
尖沙咀棉登徑，街道短短，但都有好幾間高質素的日本餐廳，今晚朋友帶我去「焱丸水產」，試呢度的新鮮水產。餐廳有有日式居酒居?感覺，二人枱都好大張，坐得好舒服。
頭盤先點，麻醬蕃茄?豆腐沙律
沙律菜、蕃茄新鮮清甜，加上豆腐豆香，拌上日式芝麻醬，酸甜醒胃。
刺身5盛
有油鮨豐富三文魚，吞拿魚，鮮甜海膽，帶子，油甘魚，整體非常新鮮，味鮮甜。
焱丸號壽司
鮮甜海膽、滿滿的蟹柳、絲絲蟹肉絲、綿密鮮甜吞拿魚蓉、彈牙粒粒魷魚，咸香三文魚籽，配以入口軟糯壽司醋飯，味甜味美
蟹味噌甲羅燒，黑松露蟹肉甲羅燒
店員將放係蟹蓋入面嘅蟹膏、蟹肉、蟹籽、鵪鶉蛋等一齊撈勻，再放在上火爐，重覆數次，店員每次重覆撈勻動作，就聞到超香蟹香味，入口蟹香味濃郁香滑，而黑松露蟹肉甲羅燒，就更多咗黑松露超獨特香味。
鮑魚、帶子磯燒
飽魚非常新鮮，上台時仍然不停蠕動，入口有咸咸海水味，有咬口，肉質爽彈。
帶子肉質軟腍清甜， 帶子裙邊彈牙，非常好味。
最近點咗冷烏冬
烏冬口感彈牙，配上蘿蔔蓉，烏冬汁，味清爽。
青蘋果颱風乳酸、白桃梳打
青蘋果味濃香，，兩杯酒品都帶有酸酸甜甜，非常清爽消滯。
燒海鮮一流，有店員為你服務，咁就唔怕自己唔識燒，攪到燒唔熟或者over哂啦！
刺身新鮮好味是必須的，不用多說。
甲羅燒實在太正！ 一定要食！ 再叫埋啤酒或燒酒一齊食，wow！ ！ 果種正法，好難用文字表達⋯⋯ 能與身邊人享受美食真係好幸福，enjoy????????
They will change the food for you if you found funny smell from your food. Overall it’s a nice place.
浜燒刺身係我其中之一嘅最愛，真係回味中！
▶️刺身
甜蝦、帶子、三文魚及油甘魚刺身
全部都好新鮮，甜蝦好甜；帶子有鮮味；三文魚及油甘魚都好肥美～
▶️ 岩手縣生蠔
蠔幾肥美，帶有海水味～
▶️ 焱丸丼 (湯、蒸蛋、沙律、前菜)
超豐富，賣相都好得！有海膽、魚籽、蟹籽、吞拿魚蓉、蟹肉、蛋絲等。味道好鮮味，全部撈飯好食！
▶️甲羅燒：蟹味噌味 及 黑松露蟹肉味
店員會幫我地燒，松葉蟹膏夠香，撈蟹籽、蟹肉、鵪鶉蛋食～
▶️鮑魚殼燒
好新鮮生猛，仲郁緊！肉質新鮮，
▶️松葉蟹膏帆立殼燒及三文魚籽帆立殼燒
兩款都好食? 帆立貝大隻爽口！
▶️飲品叫咗菊水吟釀及菠蘿燒酎
菊水吟釀酒味都算濃；菠蘿燒酎反而有果香易入口
日本餐廳要襯埋一套日本風嘅衫去?
食物款式好多選擇?要花少少時間去揀嘢食因為有選擇困難症???
我同朋友2人叫咗好多嘢食，首先就係刺身拼盤～
三文魚同帶子都鮮甜，因為食得有啲要求???
鮑魚殼燒同海膽帆立貝燒比我印象都幾深刻～鮑魚係新鮮到喺度郁緊?
松葉蟹膏帆立殼燒、黑松露蟹肉甲羅燒
蟹膏好香，上面仲有啲青瓜絲令到佢唔會覺得好漏??
呢間餐廳一定會翻食????
店舖需要裝修一下,
光線不太好！
典型黃店，服務態良好，性價比ok,唯一缺點於中午前往時，餐廳內有一些怪味
是香港模擬日本磯丸水產的一間店舖， 食物質素ok但價錢偏貴。 限時用來懷緬日本旅行是可以的。
甲羅燒超好味，超濃味，推介！
鮮味無窮 ~ 焱丸水產
難得可以晚上出外用膳,就要食好些,相約妹來到焱丸水產食大餐。
店裝潢好有日本風格,以漁船為主調, 好似置身於日本當中。
【刺身3盛】
這拼盤是時令三款刺身,分別有帆立殼、油甘魚、三文魚。
帆立殼有著濃郁鮮甜,有彈滑爽嫩口感;
油甘魚口感厚實滑嫩,帶細緻甘甜;
三文魚油脂分佈平均,入口魚油厚重 。
【焱丸號】
送上焱丸號 以為全部是刺身,
見外面舖上滿了多款豐富刺身,
有海膽 ､ 沙律元貝 ､ 吞拿魚榕 ､ 蟹肉､ 蟹柳及大大粒魚子,
配上蛋絲,最底是海膽壽司及魚子壽司, 滋味非常。
這款又可食刺身, 又可食壽司, 十分滿足。
【三文魚中卷】
三文魚中卷色彩豐富,餡有三文魚、白及紅魚子、
蟹柳、蛋、牛油果及沙律醬,味道及口感不錯。
【醬汁焗原雙魷浜燒】
這盤是已燒好,濃甜的醬汁被魷魚吸收,惹味而味濃,
配菜有什菇及洋蔥同食,會更美味呢!
【黑松露蟹肉甲羅燒】,【蟹味噌甲羅燒】
味噌甲羅燒就要燒, 松葉蓋載上了松葉蟹肉、
蟹膏、 魚子、蔥絲及鵪鶉蛋,而另一款多了黑松露。
燒時把鵪鶉蛋倒出與食材攪拌,直到燒到乾身就可以食。
匙出來蟹膏充滿鹹鮮濃郁,仲有魚子粒粒口感,
蟹膏在味蕾中不斷四散。
【海膽帆立殼燒】, 【松葉蟹膏帆立殼燒】
這二隻巨大帆立殼, 啖啖鮮甜味。
海膽帆立殼燒,味道清甜,帶出帆立殼肉質鮮甜;
而松葉蟹膏帆立殼燒,帆立殼與鹹香蟹膏好配合,滋味無窮。
【烏賊磯燒】
這烏賊即是魷魚尺寸有手掌咁大, 店員放係爐燒,
又掃上燒汁,接著切開魷魚再燒一陣,就可以上碟。
入口好有濃濃魷魚鮮味,口感彈牙軟稔,並有陣陣焦香味 。
【炸蓮藕片】
這蓮藕片非常薄,食落去非常香脆可口,
口感好似食緊薯片,是佐酒必點小食。
【梅酒加冰】,【菠蘿燒酌】
梅酒~ 好重梅味,好飲呢!
菠蘿燒酌 ~想不到菠蘿與燒酎好合襯,好香甜清新。
焱丸水產
尖沙咀棉登徑23號華楓大廈地下5&6號舖
日本風味燒海鮮
今日下午在尖沙咀吃飯，餐廳以木系裝潢，貼滿了日本海報和燈籠，很有日本風情。
下午時分，餐廳已經有不少客人，氣氛熱鬧。
我們主要點了一些燒物。
⭐️松葉蟹膏帆立殼燒
店員會幫客人燒，松葉蟹膏配上帆立貝，帆立貝燒過之後連同帶子裙邊，入口很滋味，松葉蟹膏配上帆立貝味道濃郁鮮甜。
⭐️海膽帆立貝燒
海膽配上帆立貝同樣出色，海膽燒過之後味道香淡而鮮甜，帆立貝入口軟腍。
⭐️蟹味噌甲羅燒
甲羅燒有蟹籽和味噌，燒好之後味道濕潤，很棒。
⭐️黑松露蟹肉甲羅燒
多了一陣黑松露的味道，味道鮮甜。
⭐️辣味豆腐
炸豆腐炸得薄脆，入口香軟，好味道。
⭐️岩手縣生蠔
岩手縣生蠔非常肥美，蠔味出眾。
而家因為疫情關係所以冇得去日本旅行，放工就約咗個朋友去 幻想自己去咗日本 所以相約去食日本菜。
一推門入去好似平行時空感，覺得自己去咗日本，不論牆上貼上嘅油畫以及裝修都彷如日本格調風！黃色嘅燈光份外柔和舒適。
唔好講咁多放工好肚餓即刻整嘢食
以下係今次叫嘅食物
1/麻醬番茄豆腐沙律
前菜食個沙律refresh 下先yeah
2/刺身五盛
刺身非常新鮮，海膽啖啖鮮海洋味！！一讚，每啖滿足
3/焱丸號壽司
Wah! 有魚子拖羅蓉蟹肉撈住一啖食?
4/蟹味噌甲羅燒
5/黑松露蟹肉甲羅燒
甲羅燒及海鮮都係專人燒比你食，燒得好都考功夫㗎，因為我食過甲羅燒，燒得唔好成個都好燶。今次 恰到好處，濃濃蟹香，有碗飯黎撈黎食都正！
6/鮑魚殼燒及帶子
鮑魚黎到仲郁郁下架，非常新鮮！非常彈牙?
7/冷烏冬
個烏冬好大碟，同埋麵質好彈牙
8/青蘋果颱風乳酸
呢杯介紹大家飲，menu無架?
人氣浜燒，因難訂位，所以已多年沒有來用餐了。滿足可以吃回以前的滋味。
大概成一年半冇去日本，真係令人懷念當地嘅磯燒，喺香港都可以食到磯燒，而且青出於藍
先食個前菜，豆腐蕃茄沙律 ,日式芝麻醬，令沙律整體嘅質素提升不少 ,香甜嘅蕃茄，再加爽脆嘅沙律菜，非常之開胃
話梅燒酎，越飲越覺得香甜，好容易醉，微醺既感覺，最啱就同朋友，吹吹水，慢慢傾，講飲講食就最啱喇
刺身就點選咗三文魚，油甘魚，帆立貝，真係好鮮甜，q彈感覺，點 點埋醬汁一齊食，真係令人回味無窮 ,油甘魚好肥美，亦都好厚切，三文魚 新鮮 ,嗰個魚脂感非常飽滿，食完好有滿足感
最開心最正嘅就係有服務員為我哋烹調，將甲羅燒燒到火喉非常之均勻，鮑魚原來黑鮑，第一次食，咬落去非常的q彈，熟到啱啱好 ,好香甜既甲羅燒，蟹子咬落去非常爽脆，再加入口即溶嘅蟹膏，真係令人回味無窮
價錢稍貴
Rude and long wait time and the food tastes horrible. Not authentic Japanese food at all, it’s a typical Hong Kong restaurant.
焱丸水產甲羅燒?
同朋友慶祝生日，知佢平時最鍾意食燒烤、貝殼類同剌身，今晚比個驚喜佢，一次過滿足佢三個喜好?。
焱丸我都去過好幾次，每次都令我食到捧腹而回?。棉登徑成條街食肆臨立，中、日、西式都有，焱丸水產位置係成條街最唔起眼嘅尾尾端位置，但係經常爆滿要等位嘅，可見佢嘅口啤應真唔錯??。
餐廳裝修好和風、日本居酒屋?格局，每枱勻預先擺放好燒烤爐，桌面餐具都好乾淨整齊。
?先點刺身同壽司
三文魚、油甘魚、赤身、帶子、海膽 – 海膽色澤金黃，入口柔軟甘甜，完全唔會有苦澀味，而其他刺身全部厚切，超富口感，三文魚同油甘魚，充滿油花甘香，赤身原全不含油脂，肉質較實有咬口、帶子厚切肥美?。
?壽司擺碟好特別，先係海膽、魷魚粒、吞拿魚蓉、蟹柳絲整齊鋪滿係壽司飯上面，呢個擺碟超靚，必要影相打卡攞like?，後面仲鋪滿蟹肉同蛋絲架?。
重頭戲甲羅燒，店員好細心幫我地將兩個盛滿蟹膏嘅殼放上燒烤爐上面，先將鵪鶉蛋倒入蟹膏入面，再用一支鐵捧將殼內蟹膏、蟹肉、蔥花、黑松露同蟹子一拼攪拌，大約等左10分鐘倒終於有得食啦?，用匙羹一啖一啖放入口，嘩?非常滿足，所有配料混合埋一齊，首先係蟹子不停在口腔迫迫卜卜爆發，跟住蟹膏嘅咸鮮味充斥整個味蕾，好食得太過份啦?。如果呢個時候有碗白飯就prefect啦?。
鮮鮑魚同帶子，比隻鮑魚嚇親，上枱仲不停蠕動，新鮮程度爆晒燈，入口軟糯有鮑味，仲有咸咸地嘅海水味道?。帶子非常肥美，燒過後更加鮮甜，側邊橙色果舊野，好鬼軟滑。
最後點左個冷烏冬，入口冰冰涼涼，烏冬軟滑煙靱，連個烏冬汁都好講究架，加入蘿蔔蓉，蔥花同芝麻，增強個汁嘅味道?。
白桃梳打，青蘋果颱風乳酸，兩者味道都帶酸酸甜甜，最岩用黎消消滯；今晚呢個晚餐安排，朋友非常滿意，大家都飽到捧住個肚?。
3 times I passed by this restaurant hoping to get a seat but it was too crowded. Finally I have managed to turn this pandemic to my benefit and try it out when there are less people out. I still was told to wait for an hour. There are plenty of stuff around so we killed an hour easily. The food was amazing. The seafood are exotic and fresh. Servers will prepare grill for you so I didn’t get to ruin their food that is a shame.
After all a delightful experience and I cannot wait to visit again.
Fresh & Oishiiii Izakaya? My Dining Travel?
.
.
又心思思掛住旅行❓ 留在港 最佳騙自己方法，就是來個味覺之旅?。呢一站黎到日本居酒屋?，重投一下漁市場，吃一下高質新鮮活水產，寵壞一下味蕾，感覺都一樣不錯喔。
.
✨刺身3盛 $160 ✨甜蝦刺身 $68
✨松葉蟹膏帆立殼燒 $80
✨三文魚籽帆立殼燒 $80
✨蟹味噌甲羅燒 $68
✨黑松露蟹肉甲羅燒 $68
✨鮑魚殼燒 $136 ✨岩手縣生蠔 $136
✨焱丸丼 (湯、蒸蛋、沙律、前菜) $108
.
刺身? 滿有光澤新鮮肥美 & 甜蝦? 晶瑩剔透；磯燒水產???? 亦新鮮非常，在熱鍋網上跳舞，新鮮水產就是簡單煮已經很好吃，滿是鮮味?；生蠔? 肥美大隻肉厚而鮮；丼飯刺身亦滿滿，好多海膽?、魚子蟹子、拖羅蓉、蛋絲，味道融和又好吃。
✨菊水吟釀 $49 ✨菠蘿燒酎 $58
飲品方面，同朋友太高興分別點選2杯酒品細嚼，有Sake?， & 燒酎?菠蘿味易入口，岩女仔飲，但其實酒精vol 都不少喔。
跟朋友在港居酒屋共聚，享用了一頓盡興的午餐。
.
.
×××[焱丸水產 -Flame Japanese Cuisine]×××
©尖沙咀棉登徑23號華楓大廈地下5&6號舖
.
.
本來想去雲來軒但去到才知道結業了，行前少少但見到焱丸水產，本以為是磯燒但原來也有很多選擇，價錢超合理，食材一流。
入來有種感覺像台灣的日式料理，會再去食其他的品種。
今年父親節食好一點，適逢也是爸爸的正日生日? 知道爸爸喜愛日本海鮮菜，所以揀左這間❤️❤️
「焱丸活貝大盛」 鮑魚，生蠔，帶子，大白蜆， 每款新鮮? 而且店員會幫助煮理????
「蟹肉玉子燒」內有蔥花一併為蛋卷?? 再夾有蟹肉，柚子醬調味??
「辣味妹豆腐」好滑溜????
「蟹味噌甲羅燒」超喜愛，香香的蟹膏???
「甜蝦刺身」尚算大隻??
「活北寄貝刺身」爽口??新鮮??
「野菜湯烏冬」湯烏冬，好窩心?
「冷蕎麥」略略唔夠冰凍?
「三文魚中卷」食日本野，點會唔叫壽司???
備註：
?有落場時間，要注意返呀?
?海鮮燒為2人份量， 可加錢轉為3人份量
好耐冇食過浜燒啦！
今晚忍唔住去了尖沙咀棉登徑附近一間浜燒専門店。
由於好耐末來過，感覺餐牌上多了好多款式，隨了燒海鮮，還有其他如剌身，小吃…等。
打頭陣是三款刺身，三文魚，帆立貝，油甘魚，非常新鮮，肥美可口。
焱丸號壽司好特別，隠隱約約的壽司卷在底層，壽司卷上鋪滿海膽，吞拿魚蓉，蟹柳，帆立貝，蛋絲和蟹籽，口感層次極之豐富。
又滑又香的炸豆腐，有少少辣度，增添食欲。
甲羅燒食過多次，加入黑松露是第一次。
蟹肉，蟹膏和黑松露三様加起來，鮮香又濃郁。但又不會搶誰的原味道。
原味帆立貝燒不夠潮，大膽地加入松葉蟹膏和青椒仔，味道更上一層樓。帆立貝熟度恰到好處，滋味！
最後點了一個三文魚什菇牛油燒，食材豐富，香甜美味。
美味日本菜
下午約了尖沙咀朋友聚會，餐廳裝修充滿日本風味，以木為主調，好似係日本咁。
餐牌成寸厚，選擇很多，有壽司、刺身、沙律、燒物等日式料理。
⭐️蟹子蟹肉薯仔沙律
夏天食薯仔沙律最恰當，冰凍過的薯仔就很像雪糕，入口冰冰涼涼，加上孩子和蟹肉增加口感，蟹肉和薯仔的甜味很突出，味道很可口。
⭐️唐揚八爪魚
這一盤八爪魚非常邪惡，八爪魚切片後非常新鮮，如果裹炸粉炸過之後入口香脆，八爪魚很鮮甜。
⭐️焱丸號壽司
看似不經意的壽司很美味，有吞拿魚蓉、蟹柳、海膽、帆立貝和蛋絲。
吞拿魚蓉清爽，海膽甘甜，帆立貝吃起來很軟腍。
⭐️三文魚什菇牛油燒
最後還有三文魚粒配上什菇，雜菇口感不錯。
⭐️熱柚子茶$48
柚子茶可以去油膩，熱飲更健康。
⭐️蘋果燒酒$58
不太像酒，更似水果酒，很順口。
如果你好掛住日本磯燒的話就要黎食啦！
點左兩杯梳打，分別是桃味和巨峰提子味，不會太甜太假，配合脆口小食更佳
焱丸號壽司～最啱食餸多過食飯的我，一見滿瀉的海膽，元貝，吞拿魚腩蓉，蟹柳好新鮮
賣相已經贏哂嘅三文魚牛油果醋漬，好好味，真心推介
最愛的元貝燒，上面仲有海膽同蟹膏添，鮮味十足
不得不試蟹膏燒，配合蟹肉及黑松露，完全帶出蟹膏另一層次，如果有碗白飯仲好
黃金豆腐 ，外脆肉軟，辣味十足
炸蓮藕片，非常脆口，一試唔停
總括來說，食品質素好好，每款烹調適當，看得出廚師好有心機制作，員工新切友善。
正，有Feel，會再黎
只有烏冬熱，其他包括炸物是常溫的，天婦蘿沒味道，蓮藕片超鹹…環境嘈吵，只適一堆朋友聊天…不，是吹水！?♂️ …
食物味道幾好，新鮮，店舖環境乾淨，幾有居酒屋氣氛。
去咗食日本嘢今日～
環境裝修非常充滿日風嘅感覺????
超級餓,,,今次總共叫咗幾樣唔同嘅嘢食！第1樣就係我鍾意嘅刺身拼盤～幾款刺身都非常鮮甜，好啱我嘅口味????????????
仲有嘅就係佢嘅生蠔,,勁新鮮????加上佢上面嘅配料冇得頂~
鮑魚殼燒同海膽帆立貝燒其實我都好鍾意食～喺度郁緊既鮑魚令到我我感受到佢有幾咁鮮?????蟹膏好香，個人都幾鍾意咁樣嘅食法！！
最後我想講嘅就係佢嘅服務態度一流?????????????