瘋狂小面(Crazy Noodles)

中環正宗重慶小面😋

鍾意重慶麻辣既朋友必定要過黎呢間品嚐一碗小面💁🏻‍♂️ 蔥蒜醬醋辣椒調味既麻辣素麵 最著重調味既湯底吸唔吸引 呢間真係正宗好食辣味令人垂涎三尺、汗腺洞開👍

🍜 瘋狂燒白面 （紅湯）Noodles with Pork Belly
湯底可以選擇紅湯/白湯 紅湯就係滿滿既麻辣🌶️ 所謂「燒白」就係一道四川地方特色菜餚 實際其實係五花肉 而且好特別既係五花肉口感肥而不膩 咸鮮得黎帶種微甜 超級好食 再配上湯底花椒辣椒配搭得淋漓盡致😋

🐓 泡椒鳳爪 Chicken Feet in Pickled Chili Sauce
泡椒浸滿全隻鳳爪 非常入味 麻既味道較重 鍾意損骨既我鳳爪真係好好食

🍨 成都老冰粉 Chengdu Jello
糖漿＋黑白芝麻＋花生＋山渣＋提子乾等等
當味覺仲有陣麻同辣既時候 結尾食一碗冰粉 即刻解麻解辣👍 甜甜地令人大快人心😁

推薦程度🌕🌕🌕🌕🌗

📸Ig: @mroolong

神級的辣

星期六想食辣的癮起，就search下外賣平台有咩辣嘢好食，見到呢間想去好耐嘅餐廳出了款「沸騰鍋」，仲要註明不是水煮，真係好特別，就決定order來食下有幾辣！

$258沸騰二人豐盛套餐可以選🐟魚或牛，而我當然選了🐟！

餐廳包裝得非常好，就算攞到幾論進，呢個packing都一定唔會漏，仲好保暖。

還包了一個加熱器，真係懶人恩物，就咁放在下面整熱就ok，仲可以keep住暖住食（雖然熱食更辣😂）餐廳還送了圍裙，好細心☺️

煲滾後打開少少已經聞到撲鼻而來嘅辣香味。

煲入面都有十多塊魚肉，而且肉質新鮮，魚肉滑嫩，食落去滲出魚的微甜香味，再有少少椒辣味，好有層次感。

另外入面仲有厚午餐肉、好多款不同的菜如旺菜、芽菜、金菇、蓮藕，全部都吸收曬d 辣香惹味，真係比水煮有更辣的層次，係一種留在口中的辣😝特別喜歡他們的旺菜，煲溶了味道微甜，幾好食😋

最後緊係要解解辣！

店員還說跨區都送到的～下次再來辣下！

如果您正在尋找一些辣面來溫暖您的靈魂，刺激您的味蕾，或者滿足您對辣面的渴望，那麼 Crazy Noodles 就是您的不二之選。數月或數年以來，我一直想來這裡，但因為我不在中環工作，所以我唯一的機會就是在休息日來。所以我做了。我們到達的時間已經過了午餐高峰時間，大約是下午 1:30，但我可以想像如果我早一個小時去的話會排很長的隊。

麵條選擇很多，但經典簡單。辣度也隨您的喜好而定，您甚至可以為某些菜餚選擇不辣。但是你來這裡是為了香料，SPICE。

我們點了擔擔面（普通）和酸辣湯配紅薯面（也是普通）。對於飲料，酸梅汁和羅漢果（羅漢果）茶。配菜是棒棒雞，甜點是成都冷布丁。

這裡的擔擔面是合法的。天哪，他們很好。用足夠麻木的馬拉完美調味。麵條甚至還不錯。沒有湯，是上海人的版本。這是四川版。一旦我建立了對香料的耐受性，我一定會選擇額外的辣椒和額外的香料。但目前對當前水平非常滿意。

酸辣粉很好吃，對我的水平來說有點太辣了。如果我再次訂購，我會選擇不那麼辣的。紅薯面比較難嚼，個人比較喜歡米線米線（可能是廣西風味勝過重慶風味）。對於這兩種麵條，我們都加了一個煎蛋（9 美元），我覺得這很值得！

最後，成都涼粉（冷布丁）是消除辣味的完美方式。我品嚐了它的甜味和涼爽的效果，並喜歡小山楂片山渣餅！

柳暗花明又一「川 」

最近中環街市翻新後，好多人都專誠黎到打卡，之後又可以行下樓梯街，一舉兩得。之但係，行完一日，又好想搵番一個地方坐定定食番一餐，唔駛企係街市入面覓食可以有咩選擇呢?

我會贈你一句:柳暗花明又一『川』，講緊既係當你願意花力氣行十幾級樓梯入去搭LIFT上1樓之後，你就會見到一間好有風味同特色既隱世『川』式麵店。

一入去，你會發現整間舖頭既裝修都好有中國風，特別欣賞既係佢牆身用左灰磚牆紙，營造中國街頭感覺，配合番古式燈罩，的確好有係中國街頭食碗小麵既風味。

今次我地2個人黎到，1人叫左1個麵餐，麵餐有分A+B 或 A+B+C /D 或 A+B+C+D，另外佢仲有好多細項可以選擇，例如加料 / 加麵 / 加(少)辣 / 加(少)麻 / 走乜走物，仲有白湯岩D唔食辣既，都幾貼心，岩晒個人份量同口味，豐儉由人。

我地1個叫左A+B+C ，1個叫左A+B+C+D，其中一碗加左麵同辣，結果，叫到成枱都係野食，好豐富，哈哈哈

招牌豌雜麵 少辣(4星)

豌雜麵，係一碗撈麵。香濃既肉燥加上炸黃豆同花生，的確一絕。好辣之人可以再加辣，因為少辣左略嫌唔夠喉(後悔…)。麵底用上拉麵，彈牙煙韌，撈完之後好掛汁同肉燥，配合炸黃豆，加少少花生同蔥花，添補香氣，甚為妙也。可惜既係，如果炸黃豆能夠再脆D，就值5星了! 撈完之後，有D淋左了，不過兩害取其輕麻!

瘋狂肥腸麵 紅湯加辣加麵(4.5星)

加完麵好大碗，真係DOUBLE左! 個拉麵口感唔錯，仲好彈牙，的確值得加底! 雖然碗湯好似好紅，但絕對唔係死辣入唔到口果種，個湯都好有香料味，食得出爆炒過一輪，下個苦功! 最值得讚既係肥腸，原本呢碗麵只係值4星，就係啲肥腸令佢好食指數加左半星!

本身我地其中一個人唔太好豬腸，因為通常出街都會食到好肥同好羶，但呢條肥腸被喻為『人生第一條唔抗拒再食既肥腸』，原因就係完全唔肥同冇羶味(所以就有半星加)。聽講店家真係每一條肥腸都有睇過，保證肥美，而且用人手刮走內壁脂肪，減少油膩感同羶味，同時令肥腸更乾淨，真係可以食得安心! 係加料推介!!

鐘水餃 (4星)

呢個係其中一個C既小食，要另加$32蚊，一碗有6粒。原先以為都大粒既，但原來係迷你一口餃，岩晒女仔食，對於男仔黎講就要大粒D啦…XD! 大家千祈唔好睇佢紅油滿溢，其實唔食得辣既人都好岩食嫁! 因為佢用左甜醋做底汁，中和左辣味，食落去內餡仲甜甜地，加上有勁多芝麻，又香又甜! 仲有一個用處就係可以用黎打卡呃LIKE，等人以為自己食得好辣!

棒棒雞 (3.5星)

呢款同樣係C類小食，但要加$32的! 呢個比起水餃就食得到麻同辣了，而且D雞去晒骨，切到一片片，一口一舊，好適合食肉系既男女生! 值得欣賞既地方係，雖然加左麻辣，但D雞既肉味無被掩蓋，仲反而因為辣而釣左D雞肉味出黎! 加上毫不姑寒既蔥花，不錯呢!

成都老冰粉 (4.5星) 大推必叫!

呢碗冰粉可以被稱為神級冰粉。千祈唔好睇佢細細碗，絕對不能睇小! 首先，呢碗冰粉係解辣救星(如果朋友食唔到辣，又誤食左辣野，比呢碗佢食，一定加分)。冰粉既質感極滑，滑得黎仲要係有水嫩般既彈性。再者，呢碗冰粉既神來之筆既係佢既配料，有山楂片、提子乾、花生粒、芝麻同酒釀，分開食令冰粉有不同味道既層次同口感，酸、甜、香、咸、脆，甚為豐富! 真係後悔冇叫2碗要同人分呢!

烏梅汁 (4星)

最後，B類飲品值得推薦既係烏梅汁。酸度適中，一飲落去潤喉醒神，解辣之選。

2022.02.16

今日經開附近做野，又見天氣凍❄️想食下辣野🌶上OP搵到呢間
曾經住過中上環區既我
竟然唔知道士丹利街（中上環既美食街）原來呢間樓上川菜餐館已經開左三年🧐

餐廳裝修係中式設計⛩而且座位多又闊落☺️都幾岩三五知己一齊黎開餐🥢好可惜疫症無堂食晚市🥲

不過好左餐廳呢期新推出沸騰二人豐盛晚餐🔥 $258
有沸騰鱸魚 🐟或 沸騰牛肉🐂（二選一）
白米飯x2🍚
配套
加熱架、加熱器🔥、圍裙、筷子匙羹🥢🥄

今次我就揀左沸騰牛肉🐂店員好細心咁講解呢個沸騰鍋係用新鮮辣椒紅油作為底料加上唔同既新鮮食材：白菜、芽菜、金針菇、蓮藕
土豆片、萵筍，午餐肉，仲有唔同既乾辣椒、花椒粒🌶最後用高溫滾油將辣椒爆香倒入鍋內令到有沸騰效果而且係現場我係睇到卜卜聲😆

而我最欣賞係因為返屋企都要半個鐘⏳而餐廳利用密實錫紙食具盛裝，所以返到屋企都仲係好熱辣辣🔥而天氣凍所以用埋跟餐送既加熱器一路食一路沸騰食到尾都係熱嫁😚食辣油最驚辣油彈到落件衫到，著番佢地俾既圍裙就可以安心食用囉❤️
而咁大份既沸騰鍋兩個人食到好滿足🥰每樣食材都好新鮮又足料👍🏻辣味好香濃🌶

怕辣既朋友仔就可以學我咁加$10 要碗成都老冰粉，解辣解麻好幫手💁🏻‍♀️

今次我仲買左紅燒素腸 $32 俾兩老加餸🙃
唔好俾佢個樣呃到以為係鵝腸呀🦢其實係加上紅燒湯汁既特色豆製品，好入味嫁😆

麵條很有嚼勁。非常辣的湯，不應該喝，因為辣椒油會讓你咳嗽。鹵豬腸軟軟的，味道不錯！

貴，份量少，味道還可以

–
瘋狂小面🍜

近排發現好耐冇食過麻辣麵
有少少口痕 去開中環 就睇下附近有咩岩食
咁岩search 到呢間瘋狂小麵就係附近
咁就試下中環既麻辣麵係點先！

✨瘋狂套餐 （$103）
– 包麻辣麵 野飲 小食同甜品

🍜瘋狂肥腸麵套餐（白湯）
大家都知啦 腸類食物如果處理得唔好
真係好大陣味架🤮
見佢有廚師推介 令我決心一試
佢有辣同唔辣俾你揀 揀左唔辣既白湯
白湯睇落濃郁 飲落濃濃雞湯味 好順喉
再加上有落少少類似胡椒既調味料
令成碗湯升華另一層次✨
呢度既麵叫小面 面質彈牙 十分爽口
肥腸每一舊都大大舊 好厚身 😍
同埋最重要係冇任何異味 絕對可以大啖大啖放心食😋

🍜瘋狂碗雜麵（撈麵）
如果你去過重慶或者成都
佢地既小面主要以撈麵為主
豌豆蓉十分綿密 辣得黎小小麻
越食越想食 一口接一口✨
勾起以前去重慶既回憶🥲
今次揀咗少麻少辣 如果係鍾意食辣既人
建議加辣加麻 相信可以更接近當地既味道✨

🥒蒜泥青瓜（+$10）
小食類別選擇都唔少青瓜切到大大粒
十分青甜爽口 加上小小蒜泥味
直接增加青瓜青甜味 真係好好味💞
如果唔鍾意太重口味既 都唔洗驚成陣蒜味

🐣泡椒鳳爪（+$10）
如果你係嗜辣朋友 相信應該可以滿足你條脷
佢既辣唔係死辣 而係泡椒果種越來越辣
慢慢滲出來🔥 鳳爪帶骨 肉質彈牙 可以一試💞

🥣成都老冰粉（+$10）
呢碗甜品 晶瑩剔透 賣相吸引
涼粉係啫喱口感但冇味 主要靠糖水去調味
淡淡桂花味道 加上有花生同芝麻提子乾去配合 🤌
每一啖都有多重口感 襯托返涼粉自身特色✨

整體黎講 雖然唔係街鋪
位置係中環旺區都唔算難搵
中環既朋友返工食lunch都多個選擇
–
📍瘋狂小面 (佳德商業大廈)
中環士丹利街66-72號佳德商業大廈1樓
–
#lamchelin
#lamchelin_中菜
#lamchelin_central

我今次揀嘅『蕃茄牛肉更面套餐』和『酸菜豬肚麵套餐』都屬於普通及酸爽的麵。套餐好抵食，有A+B，A+B+C，A+B+C+D三種選擇，A為小麵，B係飲品，C係小食，D係甜品，有2個選擇，重點來了，甜品之一係『成都老冰粉』，我同朋友都係為佢而來，冰粉上有山楂碎片，提子乾，酒酿，冰涼的老冰粉配埋呢D真係透心涼，同時亦係解辣，解酸佳品。
『蕃茄牛肉麵』湯底精心製作唔會夾其，豐富茄味惹人愛; 『酸菜豬肚麵』的四川酸菜以及用川式香料燜煮而成的豬肚，亦好有特色。

好耐冇食過辣野，呢幾日天氣轉涼，好想食啲辣野暖下個身。但夜晚又冇得堂食，想趁熱食都難。好彩見到瘋狂小面有呢個$258嘅沸騰二人豐盛套餐，配埋加熱架同埋加熱器，可以喺屋企熱辣辣咁食辣野之餘又唔洗自己洗碗。仲有埋圍裙添！

可以揀沸騰鱸魚或者沸騰牛肉，我就揀左鱸魚。鱸魚份量都唔少，食落好滑。另外配料仲有大白菜、芽菜、金針菇、蓮藕、土豆片、萵筍同埋午餐肉，都幾豐富。兩個人食曬個餐本身包埋嘅兩碗白飯之後都仲有好多餸淨，正。

呢個沸騰鱸魚嘅辣度啱啱好，食落夠香夠麻夠辣之餘，又唔會掩蓋左食材嘅鮮味，食落好惹味好過癮，唔係死辣嗰種。

我地食左差唔多兩個鐘，個湯都仲係keep住熱辣辣咁滾緊，好有堂食嘅感覺。下次辣癮起而又仲未有堂食嘅時候再食先！

行開中環，知道附近有間食辣好正嘅餐廳。全部都係啲重口味食物。餐廳環境四正，座位都幾多，有舒服四人卡位😃 麻辣菜式選擇多，可以自行配搭面(A)，飲品(B)，小吃(C)，甜品(D)😄

我揀咗A+B+C嘅配搭 $93

瘋狂大排面
揀咗紅湯，個湯真係好濃郁，香辣重口味，辣得好有層次，小小麻油香，香口辛辣味～唔會係死辣死咸個種味道。呢個湯配涼面真係一流。

蒜泥青瓜
蒜頭切得唔算太細，青瓜充滿蒜香味，食落爽口又惹味😍

如果你渴望一些去的好地方
辣條！餐廳非常寬敞，服務員非常樂於助人和友好！湯麵出奇的好吃，雞肉也值得一試！肯定會再次訪問👍🏻

呢排天寒地凍、個社會狀況又咁，放工都係買外賣隱陣啲。凍冰冰，食熱辣辣火鍋就最正路喇！呢個沸騰鱸魚鍋嘅火辣程度，我要比5個辣佢！

Fish Fillets Pot in Hot Chili Oil
Set comes with
– Rice × 2
– Heater
– Rack
– Apron × 2
– Cutlery
▪︎沸騰二人豐盛套餐 連白飯 x 2
・可選沸騰鱸魚 或 沸騰牛肉

▪︎配套
・加熱架、加熱器、圍裙、筷子匙羹

>呢個鍋除咗主角滑溜鱸魚之外，仲有大白菜、芽菜、金菇、蓮藕、土豆片、萵筍，午餐肉，幾豐富。外賣返歸可以用附送的加熱器和架㷫住個鍋，可保持大概兩小時都係滾嘅狀態，正！鍋湯底用各種不同乾辣椒、花椒粒、新鮮辣椒紅油製作，店員先會灒滾油爆香鍋中辣椒油，用錫紙封鍋才交給客人外賣拿走。拎到返屋企個鍋仲係微熱

Chengdu Jello (Cold Dessert) +$10/pc
成都老冰粉

>跟套餐+$10有一碗，用佢嚟解辣無得頂！冰粉涼浸浸又滑又Q，配料有花生、提子乾，黑白芝麻最香口，甜度適中幾好味

位於上環呢間川菜小館，推出期間限定嘅沸騰二人豐盛套餐，大家可以選擇沸騰鱸魚或者沸騰牛肉，套餐亦包白米飯兩碗，兩碗冰粉，兩罐soft drink。今次選擇左加多寶，係香港比較少見，配打邊爐一流，套餐盛惠$258。
🌸🌸🌸🌸🌸🌸🌸🌸🌸🌸🌸

比較特別的是，今次買呢個外賣送左d配套，入面包括加熱架、加熱器。

取外賣之後，返到屋企先整熱佢，避免客人住太遠，會怕凍左既問題👍🏻

而加熱器可令到沸騰鍋保持最少兩小時又熱又滾的狀態👏🏽

而包裝方面都相當高級，用了豪華的金色，包裝密實，湯汁不會溢出，好貼心。

🍀 沸騰鱸魚
配料有大白菜、芽菜、金針菇、蓮藕、土豆片、萵筍，午餐肉，配料真係幾多！

入面仲有鱸魚片，而魚片起骨，食落都幾嫩滑。配料同埋魚片完全吸收湯汁精華，尤其係菜類，辣得好過癮，喜歡吃辣的你不能錯過！

湯底方面使用新鮮辣椒紅油作為底料，用各種不同乾辣椒、花椒粒，帶點川菜的風味。辣味好足，味蕾好似玩過山車咁

🍀成都老冰粉18$
食完辣野不少得來一碗冰粉，呢碗冰粉都幾特別，配料有花生同有提子乾，黑白芝麻粒等。老冰粉都幾滑溜，是解辣好幫手。

記得係重慶火車站食嗰碗重慶小麵， 嗰種麻香到而家仍然記憶猶新。
好難得嚟香港搵到相似嘅味道， 仲要喺中環鬧市當中， 完全係一種緣分。
同地道嘅重慶一樣， 呢度嘅招牌菜就係 瘋狂肥腸麵。 唔好以為叫做肥腸就好肥， 因為佢用咗 特殊嘅手法令到肥腸變得一啲都唔肥， 再用特殊嘅川香調味料醃製而成， 係真正正宗嘅川式肥腸。 湯底係香濃嘅重慶麻辣味， 配搭特殊口感嘅小麵， 絕對會食到上癮。

即使出到嚟中環都想食返川菜，搵咗間食擔擔麵嘅試下，食多啲辣野🤪

主菜叫咗一個撈麵同一個湯麵，我就叫咗瘋狂擔擔面，上面有大量麻辣肉醬同花生，將啲麵好快咁撈埋一齊就食得，勁方便。我唔算好食得辣，所以只係敢叫小麻小辣。個麵硬度適中，擔擔面醬香麻惹味，唔會一面死鹹，搞到我勁快就清咗碗麵。

阿媽叫咗瘋狂大排麵，湯底濃郁，辣度適中，大排骨醃得好入味，啲麵連埋湯汁飲落去好爽。

小食幾推薦泡椒鳳爪，香辣勁道十足，不過唔食得辣嘅人就唔好叫。另一個加錢試吓佢嘅棒棒雞，佢個香料既辣同湯麵個隻好唔同，層次感再出啲。

食完啲比較重口味嘅嘢，一定要嗌啲甜品refresh下，四川冰粉應該係一個唔錯嘅選擇，個texture 幾似日本蒟蒻咁，透明滑嘟嘟咁，上面再加黑糖漿同果乾一齊食，十分解辣🙃

呢排因為疫情關係，好多時都係屋企煮飯。但係煮煮下就發現，四川菜真係好難喺屋企煮到嗰個味道。今日喺中環收工，上OpenRice搵吓有冇咩正外賣買返屋企食，就發現咗呢間瘋狂小面。

最後決定咗叫佢個沸騰鱸魚套餐（$258），佢本身跟咗兩個白飯，本身我都有擔心唔夠食，問店員使唔使再加啲嘢。然後佢話一般唔太大食兩個人都夠！另外讚一讚店員，因為我話怕太辣，問佢可唔可以小辣，佢同我解釋話小辣就真係冇咁好食，所以一律都唔會做比客人，鍾意舖頭嘅堅持！

最後落完單嘅時候見到有冰粉賣，已經好耐冇食過，所以就加咗兩碗，加埋兩罐加多寶，total $318就埋單啦！

欣賞呢一個外賣自取嘅setting，佢配埋加熱架、加熱器同圍裙。我係真係可以返到屋企沖完涼，慢慢再攤開啲嘢嚟食。

拎出黎睇個鍋比我想像中仲要大，入面有大量旺菜、金針菇、蓮藕、薯仔、萵筍、午餐肉，當然仲有好多無骨嘅鱸魚片！唔知係咪因為我放咗成個鐘先至慢慢食，啲材料好似特別入味。乾辣椒香味好正，都夠麻🤤

另外我哋發現咗一個新嘅食法，就係當佢火鍋咁食😂我哋差不多食晒個鍋啲料之後有少少意猶未盡，喺屋企搵咗啲芝士腸同埋蟹子丸放入去淥，發現佢比嗰個燃料真係好夠力，我地食足差唔多兩個鐘佢都仲未熄火！個沸騰鍋當佢係火鍋湯底咁食都唔錯，成件事即刻好抵

最後不得不提，佢個冰粉都幾正！好多人會將冰粉當飯後甜品咁食，但其實一路食辣，一路食住冰粉解辣先係正確做法😛唔信你真係試吓，佢嘅解辣能力比牛奶更高

好滿足嘅一餐！

出色的風味和客戶服務。少一點肉湯但完美的丹丹。中等香料有輕微的四川胡椒味，但不會讓人難以抗拒。工作人員很友好，很細心。裝飾很好，就像所有餐廳一樣，由於到處都需要塑料隔板而受到影響。我會一次又一次地回來。

餐廳裝潢有心思，中國風設計又型又企理！Menu 主打套麵食套餐，包括：A（拉麵）＋B（飲品）＋C（小食）＋D（甜品）嘅組合，自算配塔，豐儉由人，價錢大約$78-$116不等。

🌶️瘋狂牛肉面🍜 $116 （加飲品同小食）
除左湯底可以揀白湯或紅湯，仲可走揀辣味，麻味，走蔥芫茜、花生之類，我就點左紅湯少麻同普通辣，湯頭香味濃郁！少左麻但辣味依然勁香！牛肉鬆軟嫩滑，忟得入味而且咬落有韌度，最驚喜係麵質！餐牌寫”新鮮水麵”唔係浪得虛名，口感彈牙！一食愛上！

🌶️瘋狂肥腸面🍜$78 （跟飲品）
同事果碗係普通乜都唔加唔減，好明顯色澤上紅D，食落都係辣小小！用滷水煮過的大腸洗得好乾淨，食落有咬口，好香又入味！原味湯底更掛湯，湯頭麻度同辣度平均！好味！

🌶️捧捧雞 +$32
一望落去辣油浸住以為好辣，其實係還可以接受嘅辣，雞肉有雞髀同雞胸等，細細碟嘅捧捧雞份量都好足！推介！
🧃飲品- 冰糖雪梨汁同酸酸甜甜嘅烏梅汁，兩款都清甜好味！啱哂飲完辣嘢飲！

我喜歡這家麻辣燙麵館！您可以選擇您喜歡的食物辣度！性價比還是很不錯的！

有小朋友陪我一齊食瘋狂小面，呢度係填紙落order，一份麵填一張紙，可以依照自己想食幾多，order幾大份套餐。

我要左酸辣粉套餐
一份正宗重慶酸辣粉，BB辣BB麻口味，連小朋友都食到，加$20嘅大排有三大件，即係我哋平時食嘅豬肉一字排骨，排骨入味，同香濃嘅酸辣湯底好夾，大量嘅蔥、芹菜、蒜、滷肉碎、炸花生，配上薯粉，啖啖都充滿口感👍🏻

小食 蒸蛋
～口感好似豆腐一樣咁滑溜，每日新鮮製造，限量供應，蒸蛋沒有過多的調味，中間有啲滷肉碎，混合一齊食已經夠味。

別有一番風味✨✨

好評應該都係買返黎，一睇就係打手文筆。
味道還可，份量好細，叫左個牛肉麵，牛肉得4舊。
仲要加一服務費，樓面態度一般，顧住玩手機，埋單多謝都無一句，以後唔會黎。
服務
內用
餐點類型
午餐

湯底很棒！
服務
內用

食物還不錯。
服務
外帶

食物質素下降咗好多，店員態度差
服務
內用
餐點類型
晚餐