Hungry Dino 為食龍
營業時間
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
| 星期日 | 12:00–22:00 |
| 星期一 | 12:00–22:00 |
| 星期二 | 12:00–22:00 |
| 星期三 | 12:00–22:00 |
服務選項
零接觸送貨服務
送貨/外送服務
外賣自取
堂食
無障礙設施
不支持無障礙停車場
產品/服務
咖啡
酒精飲品
啤酒
歡樂時光飲品
餐飲選擇
午餐
晚餐
到會
甜品
設施
洗手間
適合兒童
氣氛
休閒
舒適
用餐規劃
接受訂位
付款
信用卡
呢間d野食幾好味喎…辣味三文魚😍😍 …
🎆柚子菠蘿梳打 $49🎆
柚子味的梳打水加上薄荷葉，杯頂放上一塊冰菠蘿，舒服
🌅紐約黑珍珠 $78🌅
將黑松露放在帶子上，帶子清淡的鮮甜味加上黑松露的香充斥在口腔
🎇牛油果沙律 $89🎇
這款沙律的醬汁調得非常好，酸得幾開胃，沙律菜新鮮無苦澀味，牛油果軟硬度剛好
🌌日式炸雞 $78🌌
皮薄而且炸到金黃色，脆口的外皮加上嫩滑的雞肉
🌠夏威夷肥仔 $76🌠
這個是今天的MVP，芝士及鰻魚汁灑滿壽司上，入口甜味與芝士香角力，無法遺忘的味道
中環個性日本餐廳
餐廳環境裝修很有風格、個性中帶點可愛的日本菜餐廳，很多可愛恐龍🦖擺設和盆栽等。上層坐位寬闊舒適，環境優美，色彩繽紛。
星期五晚上生意很好，非常熱鬧，所以上菜較慢\(◡̈)/記得提早預約，last order為8:30pm，9:30pm關門。提供清水和紙巾，另收加一服務費。
#為食綠寶石丼 $248
有豐富的刺身：三文魚、油甘魚、左口魚、帶子、魷魚、海膽、甜蝦和山蛋黃等，刺身新鮮幾好吃，喜歡他的芥末(* ´꒳`)ﾉ是天然即磨很香那種，不會很辣，另外醬油也不會鹹，沒有蓋過刺身的鮮味～
#懶煮牛小排沙律 $108
細細塊切好的牛小排牛味濃，肥瘦適中偏瘦有咬口，不過慢煮所以不會硬～另外配上惹味咸燒汁，牛味會更特出。沙律有車厘茄、剝皮香橙兩件和少量沙律菜。
#意想不到牛角包窩夫配雪糕 $88
有驚喜，幾好食，推介。窩夫形狀的牛角包酥脆有咬口，細細舊不會膩。還有自家製藍色海鹽雪糕和雲呢拿雪糕很幼滑。左邊淋上濃濃朱古力醬，右邊淋上甜甜的蜜糖漿。
整體食物都幾好吃，另外在openRice見到有很多人吃午餐，有套餐價錢更抵食，晚餐小貴(,,• ₃ •,,)
服務質素：7/10
環境舒適度：8/10
ᶘ ᵒᴥᵒᶅ個人口味評分：8/10
呢間餐廳以大自然同恐龍為主題🦖食物主打飯團、日式輕食同便當。招牌腐皮壽司更有多款口味，夠哂創新🥢
💗黑松露帶子腐皮($28)
帶子肉厚軟熟，味道鮮甜，配上香濃嘅黑松露醬💎
💗炙燒彈彈蝦腐皮($26)
甜蝦彈牙黏糯，以秘製辣醬調味，味道微辛獨特🦐
💗柚子左口魚腐皮($27)
左口魚軟滑細嫩，魚油豐富，帶微微柚子清香🐟
💗炙燒蟹沙律腐皮($25)
蟹柳經火炙後更香口，拌入沙律醬非常夾🦀
💗西雅圖鬼妹($68/ 半份)
火炙三文魚腩肥美柔軟🦈飯卷包住牛油果醬🥑同青瓜條🥒，以少量黑魚籽點綴
💗夏威夷肥仔($76/ 半份)
飯卷包住鰻魚🐠同青瓜條🥒，面頭淋上香甜嘅蒲燒汁同半溶嘅芝士醬🧀
💗避風塘單骨雞翼($69)
雞翼炸得香脆，內裡嫩滑有肉汁🐥加入椒鹽、炸蒜同辣椒炒成，味道辛辣惹味🌶
💗炸串拼盤($158)
🥚炸糖心蛋：蛋黃保持流心
⚪️炸帶子：帶海貝鮮味
🐋炸三文魚芝士串：三文魚調味較淡，內裡包住幼滑嘅忌廉芝士
🥔炸薯仔片：薯仔爽口粉脆
🍘日式咖哩炸飯串：飯團結實煙韌，咖哩香突出，不過味道太沉悶，如果有餡料會更好
🍎脆炸蘋果：蘋果爽脆清甜，以適量肉桂粉調味
💗沙嗲牛肉烏冬($98)
烏冬滑溜彈牙，炒得乾身唔油膩，沙嗲醬香濃惹味🥘肥牛片份量十足，牛味濃郁🐂
💗意想大到牛角包窩夫配雪糕($88)
牛角包窩夫酥脆鬆化🥐分別有兩款口味，一邊係楓糖漿配菠蘿雪糕🍍另一邊係黑朱古力醬配豆腐雪糕🍫層次豐富，甜而不膩
為食龍由外賣店搬左去中環soho區🦖當然要支持下喇🤣我地事先bk左枱先，去到唔洗等位就有得入。餐廳嘅裝修非常有特色，以熱帶雨林為主題，周圍可以見到非常可愛嘅恐龍❤️非常適合打卡📸
✨腐皮壽司（ard $25-27 each)
餐廳最有特色嘅當然係佢地嘅腐皮壽司，款色選擇好多，大部分都係$2x。壽司嘅size都相當大舊，甜甜地嘅腐皮同醋飯又幾match🤣整體黎講都幾好味。
✨德州牛仔卷（$48 half)
除左腐皮壽司外，餐廳仲有好多卷物可以揀，今次我地就揀左呢款德州牛仔卷，入面夾左烤牛肉，配埋特製嘅醬汁，都幾好味😋
✨蜜糖牛油單骨雞翼（$69）
呢個蜜糖牛油雞翼都非常值得一試！雞翼外層炸得非常酥脆，上面淋滿左蜜糖，食落甜甜地咁，好味😋
✨炸雞軟骨配七味蛋黃醬（$58）
相對上面幾款野食，炸雞軟骨就相對普通，炸得比較硬。
良心食店💛中環Soho區必試日本餐廳🇯🇵餐廳以Dino作為主題餐廳設計同佈置勁吸晴好似坐左係森林度食野🤣
–
🥢腐皮壽司
腐皮壽司🍣係Hungry Dino既主打菜😍平時小編去食壽司真係除左細個阿媽話唔可以食魚生食過腐皮壽司之外一直都好抗拒😂但食完Hungry Dino令我對腐皮壽司改觀🤣除左壽司賣相整得幾好之外佢d調味同配搭都做得幾好😋小編試左黑松露帶子/葱吞拿魚拖羅蓉/蟹膏甜蝦/牛油蒜香赤蝦/柚子胡椒油甘魚蓉/明太子厚燒玉子🍣最推介黑松露帶子同蟹膏甜蝦😋
–
🥢西雅圖鬼妹(半份) $68
其實呢個即係火炙牛油果三文魚腩壽司🤣半份就有4件其實佢係卷物黎咁會切開4小舊咁😉三文魚腩燒到好香但就唔太食到牛油果🥑味😂
–
🥢明太子燒飯團 $42
見隔離用個杯仔裝起個飯團🍙幾特別又想試下🤣明太子一向配飯團都係正既再加上燒焦陣味勁香😍
–
🥤奶蓋白玉烏龍 $48
呢杯野賣相勁吸引叫杯黎影相打卡都唔錯嫁😉
新派創作腐皮壽司
最近在IG經常看到這間店有很人光顧，而且腐皮壽司的賣相很吸引，我和朋友先預約晚上的時間，那時候人流不太多。
位置：在中環扶手電梯不斷上，直到過了大館和蘭桂坊街，在BakeHouse的下面。
環境：整棟建築物以玻璃窗作外醬，在電梯旁並不顯明，需上樓梯到門口及一樓的大廳。地舖有吧台和左右兩邊的廚房，地下不開放座位，一樓的面積很大，靠近收銀櫃一邊是四人的卡位，並有木拱門，四周都圍上假攀藤植物，紅磚牆上裝飾有霓虹燈和小飾物，佈置得相當出色而舒適，亦有打卡座位。
服務：桌上已有齊備的餐具，無論上菜和收碟都快手，只是沒有位置可以放袋。
晚市：餐單上沒有套餐，都是個別點叫。
腐皮壽司系列：所有標示的價錢是一件壽司的份量。雖然只是一件，但每件份量大，三至四件都夠女士吃飽了。所以我們只是單點自己喜歡的口味。
蔥吞拿魚拖羅蓉$27、柚子左口魚$27、蟹膏甜蝦$26
以上三款是朋友點叫，魚蓉是切粒而不是攪碎，是增加口感，左口魚可見有少少火炙，魚油味突出，鮮香的蟹膏和鮮甜的蝦很配合，朋友說這三款都好吃，叫我下次試試。
芝士蟹籽厚燒玉子$26和海膽三文魚籽$54
厚燒玉子有濃郁的蛋香和軟綿的口感，而海膽鮮甜，跟三文籽一起吃，有口感又有鮮甜海鮮味道。不過腐皮壽司定價有點貴，不捨得叫太多，想吃其他東西。
西雅圖鬼妹（半份四件）$68
即是火炙牛油果三文魚腩卷物，上面舖有黑色的蟹籽，下面是半熟三文魚腩，中間是脆口的牛油果，難得吃壽司的牛油果不是軟綿，增加口感。
日式炸雞$78
我認為這份炸雞是必吃推介，因為雞肉是真正充滿肉汁和嫩口，我沒有點沙律醬吃，已感到滿足，薄層的炸皮配充滿肉汁的炸雞，調味則好，不會過鹹，值得一試！
焦糖雞蛋布丁$62
這份甜品是賣相一流，但味道和質感其實跟森永布丁差不多，但價錢相差大，下次應該試有特色的甜品。
Chill 級恐龍🦖🦕
今日約中環OL 食Dinner, 佢介紹下就到咗為食龍 Hungry Dino ! 🍱呢度裝修好Chill吓，就似Penthouse 入面養咗恐龍咁🦕🦖！
Dino 嘅壽司係好Stylish嘅鬼佬壽司 ！ 🏝
好似💍邁亞密富婆咁，舖滿牛油果🥑卷著肥美的魚生，真係又豐富又Rich! 💰
🤠德州牛仔～ 有瘋狂的蛋黃醬卷著烤牛肉🐂, 係好Creamy 美味嘅壽司🍣！
🍣呢度嘅腐皮壽司係名物，件件都超大，腐皮配壽司飯味道也很夾！我最愛係炙燒檸汁帶子，豐满得來又帶點小清新🍀，不容錯過！
黃金吉列蠔🦪～ 鬆化脆脆，裡面係濃滑的蠔肉….正啊！🔥
🐥避風塘單支鷄翼👉🏼夠晒香辣惹味🌶️ 夠晒蒜香🧄！
蟹膏蟹子飯團🍙～重料的蟹膏蟹子撈埋燒得焦香的飯團👉🏼一個大滿足的恐龍奇遇記🦖！
我嘗試了外賣壽司。壽司看起來不錯，味道也不錯。我最喜歡烤比目魚。此外，我喜歡可愛的包裝。佈景帶來歡快的感覺。將再次訪問。
食物只是平均水平。
很不錯。
太糟了
銅鑼灣間為食龍之前無做，好傷心。原來佢喺中環你開返，仲變得大咗好多同埋闊落咗。暫時係試業階段，就要book位同埋只限現金交收，所以大家記住帶夠錢嚟食😂 餐廳好得意，因為餐廳分兩層，當時店員就安排咗一個有Number嘅恐龍仔鎖匙扣俾我上去，幾cute🦖 我覺得佢裝修幾靚同埋環境主要係森林feel 亦有唔少恐龍裝飾。店員嘅態度都好好，有禮又友善。
為食龍最出名應該就係腐皮壽司，大概廿零蚊一件，有好多款式。我同朋友隨意揀咗10個唔同款。佢上碟都攞得幾精緻，食慾大增😜。
黑松露帶子 $28
除咗帶子表面有黑松露醬外，壽司入邊都有喎，其實都多醬。配埋帶子，黑松露味相對較出。佢嘅腐皮就薄身帶甜，但唔會搶晒壽司嘅味道，成隻船仔咁裝住啲壽司餡。
柚子左口魚 $27
我幾乎次次食壽司都會叫左口魚，貪佢魚鮨多。今次左口魚就配咗柚子，唔係好明顯咁加咗柚子碎係表面。🤓佢係火炙左口魚塗上柚子汁，輕輕帶味，格外清新，可以減輕左口魚油脂感，夏天食就啱晒。
蒽吞拿魚拖羅蓉 $27
蒽吞拿魚唔講以為係吞拿魚粒粒壽司添，原來佢分兩層，第一層有好多吞拿魚粒，厚身大粒，第二層係拖羅蓉，一次可以食晒兩款口感😍。味道幾正常發揮，不過佢整體都好足料，啲餡滿滿的。
蟹膏玉子壽司 $26
玉子厚身，大大舊放係壽司上，玉子表面仲有火炙咗嘅蟹膏，聞落更香。壽司中間原來仲有一層芝士片係入邊，邪惡！
蜜糖牛油單骨雞翼 $69
呢個雞翼之前見有foodie介紹，所以就決定揀佢。當日有七隻嘅單骨雞翼，雞翼外觀幾似脆香雞翼，真係幾脆🤪。醬汁嘅牛油味重，真係好香但唔會好膩嘅，甜甜地又惹味。我同朋友都幾欣賞，估唔到小食質素都幾好。
黃金吉列蠔 $69
有四件炸蠔，唔會話好大舊，不過食落好鬆脆。炸蠔用麵包糠作炸皮，幾鬆脆。雖然炸皮唔算真係好薄，不過食落唔會「漿」口或者淨係皮。蠔仔本身都重蠔味同多肉。
黑糖玄米茶拿鐵 $46
黑糖玄米拿鐵會俾好高分，本身都擔心黑糖會太甜，不過一般比較少見呢個組合，特別啲，所以一試！原來係玄米拿鐵上有好多玄米脆粒，成杯飲品嘅層次豐富💕。首先可以飲到玄米拿鐵味，滑身，中間仲有啲抹茶調味，底部就有層黑糖漿，啱晒打卡。
為食龍 @中環
.
森林風🌲和食黃店cafe💛
.
環境有特色，好森林，好多綠色草，葉，樹，
牆壁，桌面都有啲恐龍仔小擺設做裝飾。
咁啱坐係風口下，凍到往生，其間已有店員嘗試調較冷氣，但冇乜分別。
✨味道79分，環境80分，服務78分。
.
🔸辣味三文魚腐皮壽司($26)
🔸炙燒檸汁帶子腐皮壽司($28)
腐皮甜甜地，盛載往飯同滿滿既魚生。
三文魚食到少許辣味，食落油潤。
帶子肉好厚，口感好豐盈，微微檸汁香。
.
🔸西雅圖鬼妹飯卷($68/半份)
半份有四件，姐係火炙牛油果三文魚腩飯卷，
面頭有塊厚厚既火炙三文魚腩，
上面加左啲魚子醬，飯卷中心有牛油果。
.
🔸德州牛仔飯卷($48/半份)
都係四件，飯卷中心卷著洋風烤牛肉，
表面有燒汁，沙律醬調味，幾夾。
.
🔸焦香芝士泡菜炒飯($92)
偏鹹左啲。較底部有好多拉絲芝士，濃郁芝味好正。
炒飯好夠色水，有部份飯有金黃色焦焦地既香口。
.
🔸日式檸檬茶($49)⭐️
係為食龍特調黎。好清新，好香檸味，酸酸地，
有橙，有檸檸，亦有青檸，同時茶味都出。
.
🔸西村培茶朱古力($55)⭐️
大推⭐️朱古力味好濃郁，同時伴著濃濃既培茶香，
唔會太甜之餘，朱古力同培茶味各自參半，好正！
.
💈中環些利街2-4號LL Tower地舖及1樓
呢間以腐皮壽司做主打嘅Hungry Dino為食龍係銅鑼灣開業嘅時候已經好受歡迎，我自己都食過幾次😂，佢嘅腐皮壽司餡料好豐富又足料，魚生又新鮮，不過鋪位就比較細，只有少量立食位置，而家搬咗去中環新舖之後地方大咗好多，可以坐低慢慢食👍🏻菜式選擇都豐富咗，有唔同卷物、刺身、日式料理選擇。呢度嘅裝修貫徹恐龍style，入到去好有故事入面叢林嘅感覺，好得意，仲有唔少森林動物嘅figures同擺設，周圍都可以係打卡位。不過呢日我坐嘅卡位燈光比較橙，所以影相就麻麻地🤣
腐皮壽司－炙燒檸汁帶子、蔥吞拿魚拖羅蓉
腐皮壽司係佢哋嘅起家之作梗係要試下，新店多咗好多款式，配搭唔同魚生同配料。檸汁帶子勁厚肉又鮮甜，經過炙燒之後有油脂香，不過檸檬味就冇乜，被腐皮嘅甜味蓋過咗。吞拿魚個個都好足料，面頭好多新鮮嘅吞拿魚粒，底下仲有唔少拖羅蓉，滿足晒去唔到日本食新鮮魚生嘅慾望🥰🥰
卷物－西雅圖鬼妹
佢哋嘅卷物全部都改咗個好盞鬼嘅名🤪呢個西雅圖鬼妹聽落就好似火辣辣咁🔥其實係火炙牛油果三文魚腩，厚身肥美嘅三文魚燒過之後油脂出晒嚟，面頭仲有少少黑松露點綴下都唔錯。
炙燒左口魚蟹膏飯
非常推薦嘅魚生飯🙌🏻平時食火炙左口魚都好鍾意佢油脂豐腴嘅感覺，呢個版本食落就比較彈牙，不過邊邊位都食到油脂感，好正，最正係份量唔吝嗇嘅蟹膏，勁鮮甜好重蟹味🦀而且蟹膏經燒過，好香焦香味，無論味道定口感都令人好滿足。
雞軟骨餃子
另外仲叫咗個小食有啲熱嘢食下，呢個餃子煎得好香口，入面餡料就正常發揮不過都夠juicy唔會乾，點埋蛋黃醬一齊食就啱啱好。
人均消費：$200
推介指數（10分為滿分）：8.5分
鎮上美味可口的豆腐壽司！
想去呢間打卡餐廳好耐，終於約到朋友同我嚟食。呢間餐廳裝修以恐龍為主題，好似置身侏羅紀公園咁，非常有特色，啱晒影相打卡。
.
🍣腐皮壽司
餐廳主打腐皮壽司，有二十幾款之多，件件都大大件，爆曬餡。我地叫左：
▫️牛油蒜香赤蝦 $33
呢件係必叫！牛油蒜香味好濃，加上蝦肉新鮮又彈牙。
▫️黑松露帶子 $33
帶子味道鮮甜，又夠厚身，配上黑松露醬，好香濃。
▫️明太子燒玉子 $29
玉子食落香甜，加上明太子醬更惹味。
▫️炙燒蟹沙律 $30
炙燒後的蟹肉，更加充滿香氣，不錯。
▫️蔥吞拿魚拖羅蓉 $29
上面有粒粒吞拿魚和拖羅蓉，新鮮又充滿魚油香。
▫️芥末沙律炸蝦 $33
炸蝦新鮮，炸得香脆，加上芥末沙律醬更惹味。
.
蜜糖牛油單骨雞翼 $69
單骨雞翼進食方便，而且新鮮炸起非常香脆，又不會好油膩，如果蜜糖再多點就更好。
.
又係格仔餅又係窩夫窩夫 $128 (香橙朱古力脆脆)
窩夫外脆外軟，入面重有d朱古力粒粒，上面還有黑朱古力脆片和香橙片，賣相好colourful。
成日喺網上見人食呢間喺中環蘇豪區嘅Dino主題餐廳，於是我都約我個朋友去試下晚餐。
餐廳嘅裝修好有心思，入到去有啲似一個森林咁，仲有好多打卡位，都係Dino做主題嘅佈置，真係好得意。
唔講唔知，原來呢度係食日本嘢㗎，而腐皮壽司亦都係呢度其中一樣招牌菜。
我哋叫咗多款腐皮壽司，同埋一客蜜糖牛油單骨雞翼。
啲壽司嚟到嘅時候真係好吸睛呀，大大件，色彩配搭好靚好精美。
我哋叫咗：
蟹膏厚燒玉子： 蟹膏嘅海鮮味，配上甜甜地嘅燒玉子，好食。
牛油蒜香赤蝦： 呢個配搭簡直係無敵呀，個蝦勁香。
灸燒甜蝦： 灸燒過香啲，蝦又甜甜的，好食!
柚子左口魚： 魚嘅味道幾香，有少少入口即化。
灸燒蟹沙律： 味道好清新
黑松露帶子： 個帶子厚切鮮甜，仲有黑松露調味。
牛油果三文魚 & 蔥吞拿魚拖羅蓉： 啲魚生份量都幾多㗎。
我食咗五件腐皮壽司，已經差唔多飽喇，因為真係估唔到佢都幾大份。
個雞翼到喇! 炸得好靚呀，食落口又香又脆，啲肉仲好juicy㗎!
呢個真係必點呀，我同朋友都忍唔到口啊，話咁快就清曬。
唔怪得呢度咁多人食啦，咁有特色又可以打卡，嘢食又好食。呢間餐廳畀人感覺好有活力好young，係一個好有趣嘅體驗。
恐龍控必到🦖
餐廳位於中環，有兩層，一入嚟店員會安排座位，接過寫住座位編號既恐龍匙扣，走上二樓，就會有另一店員提示坐邊，轉彎上樓梯亦見到唔同恐龍主題既掛畫及佈置，第一次嚟都幾有驚喜。
⭐️ 腐皮壽司
餐牌主打腐皮壽司，揀食咩都諗左好耐。最後分別揀左芝士蟹籽厚燒玉子、柚子胡椒油甘魚蓉，同埋炙燒甜蝦壽司。壽司都幾大件，外面既腐皮微甜濕潤。特別鐘意油甘魚蓉，好鮮甜幾有口感。
⭐️ 鹽燒三文魚鯺
即叫即燒，所以要等耐少少先上菜。魚皮好薄脆，魚脂四溢，肉質滑嫩，而且魚骨唔算多。餐廳有酒類飲品，多人食的話，叫杯酒飲真係一流。
⭐️ Blue Lemonade
賣相幾靚，上面仲放左片檸檬，fresh得嚟都幾開胃。
星期二夜晚同老公去中環食晚飯。
餐廳佈置好有特色，無論男女都好適合黎食。
蔥吞拿拖羅蓉腐皮壽司、柚子胡椒油甘魚蓉、蟹膏甜蝦腐皮壽司、柚子左口魚腐皮壽司。 腐皮味道好出，甜甜的，上面既魚生都唔錯，無雪藏味。
醬油忌廉芝士飯團鹹鹹的，調味唔錯。
特濃芝士雞肉烏冬係芝士撈烏冬，每一條烏冬好掛晒芝士汁，超級邪恐，雞肉都好嫩滑。
奶蓋白玉烏龍賣相好吸引，白玉煙韌，佢好特別既係撒滿消化餅碎，跟住一層甜奶蓋，一層凍烏龍茶，好有層次。
我想說這是香港裝飾最好的餐廳之一。餐廳的每個角落都可以在 Instagram 上發布。
他們的食物也很好。雖然他們的豆腐壽司很有名，但我覺得他們的壽司卷更好吃😋
除了壽司，他們家的croffle也出奇的好吃！喜歡 croffle 的酥脆和分層。🤤
新奇又好味既腐皮壽司🍣
呢間見過好多人post過 所以都想試一排 今日咁岩去開中環 所以就決定去食呢間～🙈🥰
腐皮壽司全部放曬係同一碟到～ 打卡👍🏻 而且啲餸都好足料 同埋感覺到佢無hea 啲客 因為每隻味都各有千秋 每款味道都好唔同！😍 呢點令我有啲驚喜😋 不過價錢有啲進取🤔
炙燒沙律甜蝦 $30
我覺得呢款最好食 最岩我口味 甜甜的 沙律同甜蝦好夾！
牛油蒜香赤蝦 $35
蒜香超重味 估佢唔到！
蔥吞拿魚拖羅蓉 $34
正常～
柚子左口魚 $33
炙燒檸汁帶子 $36
呢個連個飯都偏酸啲😂😂
奶蓋白玉烏龍 $62
白玉好煙韌🥳 奶蓋味偏咸味個種🤔 不過奶蓋我覺得可以多啲🙈
明太子烏冬 $138
壽司捲和放大壽司
呢間人氣嘅腐皮壽司-為食龍由銅鑼灣到而家到中環都開咗間分店☺️..個環境真係幾舒服樓底高空間感好夠。如果日頭嚟嘅話都應該幾靚..咁啱要喺中環解決晚餐所以就嚟咗試吓..估唔到腐皮壽司加埋其他嘢又意外地夾
明太子三文魚/明太子牛油果三文魚 $30/$33
三文魚都幾肥美，夾埋我最鍾意嘅明太子同埋牛油果應該唔會輸😆😆。
蟹膏甜蝦 $32
蟹膏本身我都幾鍾意食嘅，但係呢度嘅蟹膏就ok la..未去到好好食😛，加埋甜蝦又唔錯bo.
黑松露帶子/灸燒檸汁帶子 $33
帶子都算厚肉帶點鮮味，灸燒檸汁配搭得幾好👍🏻😸
柚子左口魚 $32
我覺得呢個柚子左口魚係最好食😽😽，柚子酸酸甜甜加埋左口魚入口即溶嘅感覺成件事好夾。
避風塘單骨雞翼 $ 69
雞翼炸得幾香脆，但係避風塘嘅味就真係唔係好夠，如果再重未啲會好啲。
明太子烏冬 $138
嚟到嘅時候原來佢係熱撈嘅忌廉烏冬，雖然望落去係有啲簡單😹，但整體都幾好味嘅因為入邊有生雞蛋紫菜撈埋一齊仲有主角明太子加埋日本嘅讚岐烏冬當然唔錯啦👍🏻
店舖環境舒適佈置得好靚，有森林及恐龍做主題好得意😍😍😍
食物很創新，腐皮壽司代替紫菜估唔到會咁好味，令到個飯嘅味道更加出，有甜味！🍙
黑糖玄米茶拿鐵 ☕
冰唔會好快溶晒，黑糖味幾濃但係唔會過甜甜，玄米脆脆，好特別！🥰
焦糖雞蛋布丁🍮
布丁賣相吸引，細細件好精緻，布丁嘅雞蛋味非常濃郁！ 下面嘅焦糖醬汁較甜😍
芝士拼盤🧀
一口芝士有三件非常濃沃嘅芝士味，芝士雞柳幾大件而且炸得好香脆非常吸引👍🏻👍🏻👍🏻
特濃芝士鰻魚 $43
根據朋友既評語😂，好重芝士好正，芝士多得黎，鰻魚又好大片😍。
辣味三文魚 $30
唔辣，反而腐皮既甜味有少少蓋過左啲辣味同三文魚既鮮味。不過好在好多三文魚，好抵食😂。
蔥吞拿魚拖羅蓉 $30
我本身以為啲吞拿魚會打到爛咁，原來佢係上面有啲角切吞拿魚，下面先係吞拿魚蓉。同三文魚一樣有同樣嘅情況，就係魚味比較淡，腐皮嘅甜味蓋過咗魚嘅鮮味🥺。
牛油蒜香赤蝦 $32
好好食，一來牛油味好重，食落好香😍。兩來隻蝦好新鮮，好鮮甜同肉質爽，仲要好大隻👍🏻。
醬油忌廉芝士飯團 $46
好大舊飯團😍。飯團嘅外圍用醬油yam咗醬油再燒，外邊脆卜卜，裏面暖粒粒，流心芝士好食☺️。
避風塘單骨雞翼 $69
都幾抵食啵！單骨方便又快捷。啲避風塘炸蒜粒粒好食，雞翼都好入味。我諗我下次都會再叫👍🏻。
明太子烏冬 $138
我地一見到心諗，睇落咁乾既，原來啲明太子醬係晒個底到，一撈混個烏冬就好正😆。每條麵都可以掛到啲明太子，仲要好飽肚，兩個人share食岩岩好。
餐廳：為食龍
地區：中環
地址：中環些利街2-4號LL Tower地舖及1樓
日期：3/8/2021
時間：19:30
人數：2人
等位： 0mins
價錢： ＄488
前排去食甜品嘅時候經過間餐廳見到個名幾得意😂於是上OpenRice search見到原來係日式料理並評價唔錯就book左，入到去發現原來餐廳有兩層，地方都幾大下而且環境裝修得非常有特色😙
我哋睇完餐牌覺得啲名非常新穎搞笑😂，純粹好奇分別嗌左西雅圖鬼妹（$68/half)、夏威夷肥仔（$76/half）同為食龍卷（$168)，小食方面嗌左日式炸雞（$78）、蒽吞拿魚拖羅蓉兩件（$54/2pcs)、總共$488。
西雅圖鬼妹原來係火炙牛油果三文魚腩😋，三文魚腩用火熗燒到表面焦焦地，經炙燒後魚油滲出，食落軟滑甘香，魚脂充滿口腔，極之美味。
夏威夷肥仔係芝士鰻魚🤤，芝士同燒汁多到滿溢，一入口帶陣陣芝士香，同肉質結實既鰻魚味道好夾，加上燒汁香甜，一試難忘🥺
而招牌為食龍卷係綜合多款刺身👍 陣容鼎盛，當中包括有：三文魚、吞拿魚、油甘魚、炸蝦、蟹柳，每啖都非常滿足😝
日式炸雞亦炸得非常香脆，配搭沙拉醬更令人吃不停😆但如肉感更嫩滑多些就更好了🙈
蒽吞拿魚拖羅蓉既吞拿魚多到滿溢腐皮都包唔曬，而尼款脂肪比例較少，質感較腍，魚味好濃，加上拖羅蓉肥美香滑，中和得剛剛好😚
六點之後冇堂食，於是我前幾日就同朋友喺下午五點鐘去呢間餐廳食個early dinner。
見到呢到有好多款腐皮壽司，唔係好多地方有，我地就叫左幾件黎食。
明太子芝士蛋黃三文魚$35
腐皮壽司大大件，表面嘅三文魚有好多，都幾足料。味道鹹鹹甜甜，幾特別。
蟹膏甜蝦$34
呢款係朋友食嘅，我見佢蟹膏同甜蝦嘅份量各半，望落好吸引。
炙燒檸汁帶子$36
帶子好大隻，食落鮮甜，燒過之後好香。
柚子左口魚$33
左口魚有略略炙燒過，食落油脂感好豐富。
夏威夷肥仔 (Half)$78
呢個好邪惡，menu上面都寫左要我地stop thinking about diet. 比起平時嘅鰻魚忌廉芝士卷，呢個嘅芝士份量係多好多好多，食落超級creamy同埋超濃芝士味，好好食。
西雅圖鬼妹 (Half)$74
有牛油果、三文魚同埋韓式泡菜醬汁，呢幾樣食材加埋都幾夾，好食。
為食龍😆😆
同朋友去中環去完大館，見到為食龍係附近，就入去食晚餐😍😍
西雅圖鬼妹(Half) $68😋
其實佢係火炙牛油果三文魚腩，三文魚好大件，又新鮮，而且配搭牛油果，好好食❤️
德州牛仔(Half) $48😋
呢個係牛肉卷物，牛肉夾埋醬汁，正，而且賣相都整得好靚✌️🍣
銀雪魚西京燒$158😋
銀雪魚煎到好香，魚好有鮮味，再配埋沙律醬，好yummy😝🥰🥰
焦香芝士泡菜炒飯 $92😋
炒飯入面有好多芝士同泡菜，份量十足，仲炒到好夠鑊氣💕💕💯
奶蓋白玉烏龍$52🍡🥤
好得意，飲品係有一串白玉丸子，再配合奶蓋烏龍，奶蓋厚厚的，而且味道濃郁😘😘
餐廳環境：🏝️
入到去好似去左森林，好靚，可以同恐龍影相，係同朋友傾計的好地方⛱️🌠
地址：中環些利街2-4號LL Tower地舖及1樓
整體評分：5/5
味道：5/5
抵食：5/5
環境：5/5
ℍ𝕦𝕟𝕘𝕣𝕪 𝔻𝕚𝕟𝕠 為食龍 🦖
好鍾意呢間餐廳嘅裝修，有好多打卡位，好靚既燈光，落地大窗，樓底又高🥰之前已經黎食過一次dinner，今次再嚟食Lunch!
Lunch Set 12pm-3pm
🥢腐皮御膳+ 3切鮭魚刺身定食 $176
蟹膏三文魚子|明太子三文魚|柚子胡椒油甘魚蓉|和風汁帶子|芝士蟹籽厚燒玉子
🥢腐皮御膳+ 3切鮭魚刺身定食 $176
蟹膏三文魚子|炙燒北寄貝沙津|柚子左口魚|蔥吞拿魚拖羅蓉|明太子厚燒玉子
前菜係蒜味海帶同豆乾，2碟都好味😋
刺身幾厚切，腐皮壽司食落甜甜地，就咁食都好夠味，唔需要再點豉油。我特別鍾意柚子左口魚同芝士蟹籽厚燒玉子。左口魚火炙過有魚油香🤤只係略嫌柚子胡椒油甘魚蓉上面個綠色醬有啲過鹹，除此之外全部都好食👍🏻
🍹白桃檸檬汽水 +$42
🍹蘋果白桃梳打 +$42
男朋友同我講話我之前好鍾意嘅間銅鑼灣日式腐皮壽司店居然開咗新餐廳呀!!
位置喺中環嘅蘇豪區
成間舖頭裝修都好適合打卡🥺超級靚
而且喺中環區來講佢哋嘅價格親民
可以試到好多樣唔同嘅嘢食呀❤️
而且知道佢哋呢一間新嘅餐廳會有酒精飲品提供
有時同朋友chill 1 2 杯都OK😎
首先我哋要咗兩個好得意嘅卷物
夏威夷肥仔半份
份量都幾多而且擺盤都幾得意
👍上面仲有佢哋嘅特製醬汁加埋醬料
我好鍾意佢哋嘅卷物上面會有啲蟹子
食落去好有口感同層次
第二個要咗西雅圖鬼妹半份
佢哋嘅上面係有火炙左嘅三文魚
同少少木魚❤️
所以成個香味都好突出❤️
女仔都會好鍾意食
之後我哋要咗四件佢哋全店最著名嘅腐皮壽司
辣味三文魚💕呢個係之前舖頭已經係必嗌item
三文魚嘅魚又香加埋辣味真係好match
特別入口即溶嘅油脂真係好juicy
再加埋腐皮帶有少少甜味
🥺👍
甜蝦加蟹膏❤️
呢個最滿足感既組合都係我常點之品
蟹膏有新鮮同濃厚嘅咸香🥺
但係甜蝦又有清新嘅甜味
兩隻感覺食起上嚟就好新鮮
之後吞拿魚拖羅🥺
呢個係男朋友最鍾意嘅🤭
佢話拖羅嘅肉質好好 入口即溶
而且都好推介灸燒檸汁帶子
感覺好清新❤️❤️
我哋要多咗個蜜糖芥茉炸雞😍
佢哋嘅炸雞即係做到每一件都有佢哋特製嘅蜜糖芥茉🥺👍
新鮮炸起嘅感覺超級好食
食落去油膩感唔重而且帶有香酥既味道 ❤️👍
去到女仔最鍾意嘅部份就係甜品
我要左牛角包窩夫配雪糕!!!
雪糕仲要係我最鍾意嘅海鹽味💕🥺
而且顏色係淺藍色㗎 極度適合打卡🥰💋
佢哋嘅牛角包仲覺得好鬆脆
側邊有朱古力碎同糖粉
所以多層嘅層次加上牛角包本身已經好香牛油味
所以我真係好滿足❤️
呢一間我已經約好咗其他朋友之後會再嚟❤️
我相信女仔一定好滿意喺呢一度聚會
最近ig好多人打卡呢個餐廳，所以今日我都黎朝聖一下！餐廳的裝修得幾精緻基本上每處都係打卡位，而且周圍都擺放左精緻小巧的小擺設，非常可愛
餐廳最出名的就係腐皮壽司，我地分別叫左三文魚，蝦，帶子和鰻魚等的腐皮壽司！
首先每款壽司都非常足料，每舊都好似我手掌坩大舊，腐皮壽司壽司甜甜地無點醬油都好夠味。加上滑溜的牛油果配三文魚口感非常滿足。
和風汁帶子：帶子肉質肥厚，味道非常鮮甜完全唔腥！
鷄軟骨餃子：呢個鷄軟骨煎得剛剛好，外皮帶少少脆！裏面的鷄軟骨令整個餃子非常有口感，點上醬油更惹味。
意想不帶牛角包窩夫配雪糕：呢個甜品令人覺得很有驚起，因爲我不知道我食緊的是牛角包樣的窩夫，還是真的牛角包！！！！
香港中環｜新式腐皮壽司🍣
《為食龍 (中環)》
📍地址：中環些利街2-4號LL Tower地鋪及1樓
.
平常香港的傳統腐皮壽司🍣我也不太感興趣，但朋友說SoHo開了新餐廳，我就陪她一試。誰知這日料相當有驚喜，改變了我一向對腐皮的印象。
.
餐廳樓高2層，底層是入口，主要為廚房。上層裝潢也挺特別，有好多小燈和植物🌳，很有森林精靈🧚♂️的感覺。Booking很full，建議及早在whatsapp訂座。
.
黑松露帶子$33，腐皮微甜，有點濕潤，配以帶子刺身的鮮甜，加上黑松露芬香味道非常濃郁👍🏿
.
蔥吞拿魚拖羅蓉$30，肥美吞拿魚配以香蔥，無得輸。
.
蟹膏甜蝦🦐$32，蟹膏份量不少，蟹味濃。炙蟹膏厚燒玉子$29，不及前面這個，但價錢也相對較便宜。蟹膏三文魚子🍣$46，2種都是較貴的食材，味道也不錯。
.
柚子左口魚$32，辣味三文魚🍣，明太子三文魚$30，這兩道都是比較傳統的配搭😎
.
⭐️性價比：4/5星
💰人均：$200港元
💕關注【香港美食餐廳攻略】，尋寶美食優惠一起吃吃吃！喜歡的請給贊和收藏❤️
森林系主題貫穿整個中環店, 燈泡💡和霓虹燈牌用燈一流, 加上大量透光玻璃窗令拍照的光線充足☀️ 影出來的招牌腐皮壽司更色彩繽紛🍣 上面的topping是新鮮的魚生非常豐富🐟 其左口魚真是油甘得百吃不厭, 而第一次吃的北寄貝沙律很有驚喜😍, 有咬口得來不會像平時那些太韌而無味. 火炙更是連腐皮邊也帶點焦香, 反而更甜了🔥
另一個熟食定食是烤得嫩腍有肉汁的牛扒🥩, 是剛剛好的粉嫩紅. 唐揚炸雞粉漿薄而肉嫩多汁🍗 這個份量比較多, 配魚糕和海帶結前菜既有營養又一定夠飽🤰
人氣腐皮壽司－由銅鑼灣小店搬到嚟中環SoHo樓高兩層嘅大店，食物飲品款式更多、設計更有心思，周圍都有綠色植物裝飾同得意嘅恐龍仔，無論食物定環境都好吸引！
每件腐皮壽司都好大件又足料，腐皮嘅甜味幾突出，配味道濃啲嘅刺身會更正。三文魚好肥美，撈明太子或者拼牛油果味道都好豐富；海膽三文魚子係我最鍾意嘅配搭，不過矜貴嘅材料就由價錢反映番lu🙈；蟹膏好夠鮮味，少許蓋過咗甜蝦嘅味道。
辣味三文魚食得多，今次就試試辣味呑拿魚－拖蘿蓉口感好綿滑，加咗辣更惹味，紫菜好重麻油香，仲有啲細細粒咬落爽脆嘅醬油蘿蔔漬物，成個組合撈飯一流，兩個share嚟食又唔會覺得好膩。
除咗壽司丼物外亦有炸物小食－吉列蠔炸起好酥脆，炸粉比較厚但蠔肉鮮美，點日式蛋黃醬都唔錯。
中環附近見客之後搵食❤️
呢間兩層高餐廳以恐龍為主題
係主打食腐皮壽司丫
我幾鍾意個裝修😌入到去有一種relax嘅感覺
（呢度仲有提供酒類飲品🥂真心幾適合傾偈飲嘢嘅地方）
我哋叫咗辣味三文魚，蟹籽玉子芝士，蔥吞拿魚茸，牛油蒜蓉赤蝦，黑松露帶子❤️
見到有左口魚蟹膏呢個配搭幾特別😜
（因為唔係度度地方都有左口魚丼丫）
呢碗份量都唔少，而且左口魚加埋蟹膏一齊食都唔錯🧡 不過都幾飽😂因為呢兩種食物嘅油脂都比較重丫
見到好多人嗌呢杯嘢飲（奶蓋白玉烏龍）
我又試埋一份😂
杯飲品非常IG able😆
成日見*Hungry Dino*喺IG洗版。心思思想試好耐🤩。
餐廳裝潢以恐龍🦖做主題。可以一試與🦖聚餐😬。
餐廳樓高兩層。每個角落充滿打卡位😍。
店舖主打腐皮壽司。單單腐皮款式有二十五款。腐皮壽司逐件計。大大件為食妹👧🏻食四至五件飽曬😌。
腐皮整成個兜仔甘。盛載著壽司飯同餡料。為食妹👧🏻推介蟹膏甜蝦+炙蟹膏厚燒玉子❤️。
蟹膏鹹香同甜甜嘅腐皮好夾🤪。
我哋仲叫咗黑松露帶子。日式炸豬扒。牛油果三文魚。炙燒北寄貝沙律。
🐽仔仲追加咗芝士蟹籽厚燒玉子😲。
人氣腐皮壽司立食小店最近搬舖，新店落戶中環而且有堂食，地方大樓底高，設計以森林同恐龍為進題，尤其吸引眼球
餐廳周圍滿佈綠色植物擺設，帶有濃厚嘅叢林風格，加上大大嘅落地玻璃同浪漫昏黃嘅燈飾，空氣中充滿住寫意閒逸氣息，仿如置身喺東南亞一樣
除咗主打嘅腐皮壽司外，仲加入咗多款日式料理，包括：卷物、刺身、小食、日式定食、甜品等，選擇豐富。
腐皮壽司
份量十足，件件爆餡，材料多至滿瀉，好吸引！
夏威夷肥仔(芝士鰻魚)
卷物可以揀半份或全份，半份嘅話就可以試多啲唔同口味。
芝士份量非常澎湃，完全遮住卷物，入鹹香惹味，認真邪惡！
奶蓋白玉烏龍
賣相打卡一流！白玉丸子口感煙韌，甜度適中，茶味清香。
周不時都見到d friend 係IG share，今日襯住早收工，未到6點就黎等開門，諗住閒日加上早d應該可以順利食到！去到門口已經俾佢嘅門面同裝修吸引住，自問係森林系fans🤣見到入面好多綠色植物已經心心眼😍
事關我係第一個入到去，把握未坐爆人嘅moment 影左幾張相，坐低左冇耐就已經full 左7788，餐廳入面嘅擺設都勁靚勁得意，好多恐龍元素，超級IG-able
話晒都係掛住腐皮壽司所以黎，所以我地都係主力order左腐皮壽司，總共叫左8件，Number 1 choice 係炙燒北寄貝沙律，食落好爽口，甜甜地嘅沙律醬加上面有少少辣花椒，食落好有層次😋
另外芝士蟹籽厚燒玉子都好正，玉子燒加埋芝士蟹籽係冇得輸嘅組合
特別中意柚子胡椒油甘魚蓉嘅柚子胡椒，令到成件腐皮壽司有清新嘅感覺
最後係蔥吞拿魚拖羅蓉，上面係吞拿魚粒粒，下面係拖羅蓉，一次過滿足2個願望😆
整體來講食物都好新鮮，配搭上都好有心思，最緊要係要eat like a dinosaur，大大啖先可以食到個配搭真係有幾正🤩
蜜糖芥末炸雞🍗
炸雞純粹真係為食，見到炸雞好吸引就order埋炸雞，但好有驚喜，首先味道岩岩好，唔會太甜，夠脆肉又夠juicy, 食到最後d雞都仲 keep到個脆，十分欣賞👍
唔少得嘅就係好多人都推介嘅奶蓋白玉烏龍
個樣好靚，白玉有輕輕燒過，口感好QQ，奶蓋唔係超級杰個隻，飲落唔會太甜，烏龍茶味好香，面頭仲面d脆脆，飲落好crunchy !推介😋
佈置很有心思～食物跟環境都不錯！！💕💕
壽司飽滿，脹卜卜！！ …
等待 45 分鐘 16 壽司。
價格過高的食物和服務不如該地區的其他餐廳。
食品新鮮，可以推介。
呢間人氣壽司外賣店由銅鑼灣搬咗去中環開設餐廳，恐龍主題加上森林系裝修，好有興趣去試吓！餐廳樓高兩層，周圍滿佈綠色植物，每一個角落都有恐龍擺設和裝飾，相當有心思🦖
.
🍣 腐皮壽司 $29-$36不等
招牌腐皮壽司有十多款口味，試咗蔥吞拿魚拖羅蓉$34、柚子胡椒油甘魚蓉$29、炙燒北寄貝沙律$29、牛油蒜香赤蝦$35、芝士蟹籽厚燒玉子$29。壽司色彩繽紛賣相吸引，每件都脹卜卜好足料。魚生用料新鮮，腐皮唔會太甜膩，同魚生嘅鮮味好夾！另外兩款玉子、沙律口味本身已帶甜味，同腐皮味道更加無違和，總括幾款味道及口感都不錯。
.
🧀 夏威夷肥仔 Half$78
特式卷物可以叫半份或一份，等大家可以試多幾款口味。夏威夷肥仔入面包住鰻魚及忌廉芝士，面鋪上蟹籽及滿滿半溶芝士，再加上香甜醬汁及沙律醬，味道濃郁。
.
🐟 炙燒左口魚蟹膏丼 $188
丼飯份量足料，左口魚肉質肥美，口感軟嫩細膩，輕輕炙燒更突出魚油脂香，蟹膏炙燒過增加香氣，味道更濃郁，雙重滋味！伴飯食唔使加豉油都夠味，可惜飯粒略濕咗少少。
.
總括而言：餐廳有超高樓底，落地玻璃環境開揚，森林系嘅氛圍令人用餐輕鬆又cozy！除咗招牌腐皮壽司外，其他卷物、丼飯、小食及飲品甜品等都幾有創意，味道及水準亦不錯。環境和食物都啱晒影相打卡！
呢間餐廳係以恐龍為主題，裝修有森林嘅風格、擺設同裝飾都好用心！！
🍣腐皮壽司
腐皮壽司最忌就乾爭爭，但呢到既係好juicy~好甜架！
🍣辣味三文魚
三文魚好新鮮，而且油脂分布適中，食落口好好味😋再加埋有少少辣味吊味，更加覺得正
🍣柚子左口魚
左口魚都好新鮮，完全冇腥味，同清新嘅柚子味好夾
🍙蟹膏蟹子燒飯團
燒飯團上面係大大堆蟹膏同蟹籽☺️依家咁啱係蟹既當季，真係勁香，一啲都冇偷功減料
🐟銀雪魚西京燒
好重魚味，但係一啲都唔腥，魚肉嫩口😍
🍚燒左口魚蟹膏丼
試完蟹膏飯團咁好味，停唔到口就叫埋呢個飯，差唔多有三份一碗都係蟹膏，蟹迷絕對唔可以放過！
花式卷物腐皮壽司 《為食龍》
明太子三文魚$26
外皮有甜甜的腐皮包住，因為有明太子關係，所以三文魚有少少辣味，味道方面更有層次🏻
蔥吞拿魚拖羅蓉$27
平時都幾鍾意食吞拿魚拖羅蓉，呢款個人覺得都幾新鮮，呢一款都係有甜腐皮包住，所以都幾特別！
柚子左口魚$27
十分推介左口魚🏻🏻因為有用火槍輕輕燒過，所以會有炙燒香味，令到左口魚嘅油香更突出，而且少少既柚子味，又會帶番啲清新香氣，鍾意左口魚嘅朋友不妨一試🥰🥰
加州鬼佬（4件）$58
平時食加州卷最驚就係好乾，呢一款有好多沙律醬，而且內餡同上面又都有滿滿蟹絲，用料方面真係一啲都唔孤寒🤣
紐約黑珍珠（4件）$78
黑松露醬配上帆立貝，呢個冇得輸嘅組合，帆立貝非常新鮮，但有一點點甜味，加上一大羹黑松露醬香濃嘅味道，四件真係唔夠食！
西雅圖鬼妹（8件）$128
呢一款係炙燒牛油果三文魚腩，每塊三文魚腩都燒得啱啱好，炙燒完有烤過香氣，半生熟口感，更加有入口即溶嘅感覺，因為油脂都燒咗出嚟，真係超級正🤩🤩
為食龍卷 $168
我覺得呢款係黎為食龍必要叫既卷物‼️一次過可以食唔同款式！啱晒貪心嘅我，每一款都好好食，一啲都唔會馬虎，而且配搭好多花樣，唔會好單一只有一種刺身，呢方面嘅用心，真係不得不稱讚🏻
記得記得要訂枱 唔係就會好似我咁星期六6點半去到等到7點45先有枱 成間餐廳都係恐龍🦖😃😃😃 下面個層好似無枱 見大家都係坐上面 兩個人坐豬肉枱😐 不過佢啲裝修真係幾吸引😌腐皮壽司必食！好大件 我食四件飽左 無機會試其他小食/熱食😔 辣味三文魚個辣好韓式🤣 檸汁帶子好 fresh …
餐廳坐位一般，坐椅沒有靠背。服務員都是後生仔，一般服務。食物選擇不多，我選了牛扒炸雞定食，嘩，塊牛扒全熟，咬到牙骹軟，難食！下次諗清楚先再去！
非常鐘意餐廳佈置與設計
以 #恐龍 為主題 非常可愛
無論小擺設 燈飾 牆上壁畫 天花板
都精心安排過
餐廳地下是招待處和廚房
客人需要上一層到用餐區
空間感十足 光猛舒適
播著輕快日文歌
心情也跟著愉快😚
壽司以腐皮為主
有20多款 配搭 即叫即製
試了八款：
柚子左口魚
柚子胡椒油甘魚蓉
明太子燒玉子
蟹膏甜蝦
明太子𩶘魚
炙燒蟹沙律
蟹膏厚燒玉子
蔥吞拿魚拖羅蓉
賣相非常吸引
新鮮足料 漲卜卜
份量不少 女仔食幾件已經有飽肚感
我最鐘意柚子胡椒油甘魚蓉
同埋炙燒蟹沙律
另外叫左
黃金吉列蠔
金黃香脆 即叫即炸
脆口但唔油膩
蠔肉多汁又夠juicy
🦕去到餐廳感覺似置身侏羅紀公園
店內用大量綠色植物及小恐龍裝飾佈置
好鍾意落地大玻璃窗 非常富有特色 暖暖的陽光透過玻璃窗照入餐廳內 好chill的一個下午❤️
朋友們對此店食物評價比較兩極 係上周末終於親身去試試😃
腐皮壽司都比平時見到的大件 餐廳就每款腐皮壽司都已有合適的配搭及調味
🦀炙燒蟹膏燒玉子$32
玉子加埋芝士的配搭 用火槍燒過 日本蟹膏帶咸香
平時其實對玉子及腐皮無特別喜愛 本以為味道會乏味但原來配搭有驚喜 大推
🍋炙燒檸汁帶子$36
帶子上有沙律醬 配合清爽青檸汁 味道層次豐富 配搭得啱啱好
🐟柚子左口魚$33
左口魚尤其肥美 略略炙燒過 油脂感十足 同柚子的味道好夾 大滿足
🧀明太子芝士蛋黃三文魚 $35
三文魚足料 味道鹹鹹甜甜 好食但無咩特別
而明太子醬亦蓋過左三文魚味道
🐠柚子胡椒油甘魚蓉 $29
酸甜柚子加胡椒嘅辛辣 帶出到油甘魚鮮甜嘅魚肉味 非常開胃
🍣辣吞拿魚茸 （4 件）$82
吞拿魚茸足料 但不太食得出辣嘅感覺
食物價錢比較進取 但餐廳既裝潢及食物既配搭會令你感受到用心
推薦大人小朋友搵日去餐廳 感受一下置身原始叢林及品嚐爆餡壽司
為食龍
📍 中環些利街2-4號LL Tower地舖及1樓
用紫菜造既軍艦壽司就食得多，但用腐皮來造既壽司就第一次食。
呢度出名既腐皮壽司，壽司飯用腐皮包住，每一口都有大豆的香，帶點甜甜的味道。腐皮壽司有多過廿款口味，價錢逐件計，可以按自己口味點，好胃口既可以叫多幾款；想食埋甜品既又可以叫幾件留肚再食其他嘢。
腐皮壽司 : 蔥吞拿魚拖羅蓉、柚子左口魚、明太子三文魚同和風汁帶子。壽司上面既魚生份量比一般壽司多，女士係唔可以一啖過將腐皮壽司放入口， 甜甜既腐皮令人好開胃。
灸燒左口魚蟹膏丼 : 左口魚超級肥美，配合鮮甜甘香蟹膏，滋味無比。
窩夫雪糕 : 留肚就係為左食甜品，2件香脆窩夫配朱古力同荔枝2種口味雪糕，食完特別令人覺得滿足。