一緒一番酒場
營業時間
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
| 星期日 | 休息 |
| 星期一 | 12:00–15:00 |
| 星期二 | 12:00–15:00 |
| 星期三 | 12:00–15:00 |
服務選項
外帶
內用
不支持外送
無障礙程度
不支持無障礙停車場
產品/服務
小菜
烈酒
酒精飲料
啤酒
葡萄酒
用餐選擇
午餐
晚餐
餐飲服務
甜點
設施
附設酒吧
洗手間
氣氛
環境舒適
客層族群
適合團體
規劃
接受訂位
付款方式
信用卡
🎌核心地段日式酒場
.
香港人真係好鐘意食Omakase🍣，最近多了不少主打Omakase嘅鮨店！位處於中環核心地段嘅🌟一緒一番酒場🌟亦順應潮流，增設Omakase Set，當中包含了店家主打嘅日式串燒！🍢
.
🍣Omakase Lunch Set $500
前菜、茶碗蒸、刺身3款、壽司5貫、串燒3款、湯品及甜品！
.
🥗前菜
日式高湯突顯了蔬菜和菇類嘅鮮甜味，唔錯！
.
🍲茶碗蒸
以柚子作為調味，內含大大舊蟹肉，蒸蛋結實！
.
🐠刺身3款
💗帶子 – 肥大肉厚，適量嘅檸檬汁帶嚟清爽嘅感覺！
🦐牡丹蝦 – 肉質軟綿，入口甘甜，新鮮！
🐠右口魚 – 大大塊薄切配柚子皮調味，還有炙燒過嘅裙邊，油香滿滿！
.
🍣壽司5貫
🦑魷魚 – 以青檸同埋鹽調味，甜美而且脆口！
🐠油甘魚腩 – 油香豐盈！
🔥炙燒銀鱈魚 – 燒出了油份，格份香口！
💕中拖羅 – 既有吞拿魚嘅鐵酸味，又帶有肥油香！
💛海膽 – 份量夠多，口感Creamy！
.
🍢串燒三款
🌿秋葵 – 燒出了甜味，是日最佳之作！
🥩牛頸肉 – 幼嫩多汁！
🐓雞肩肉 – 結實而香口！
.
🍲湯品及🍧甜品
麵豉湯及柚子雪葩！
.
📍一緒一番酒場
中環士丹利街11號Stanley 11 26樓
.
無意中發現同事升咗職🤭咁唔屈佢請我食飯都講唔通啦😌😌😌今日就揀咗中環呢間開業無耐嘅餐廳，午市主要做Lunch Set，晚市就飲酒為主，仲有串燒、刺身，連 Omakase都有😏下次再屈佢Omakase都好
出Lift就係餐廳，黑色格調裝修，落地玻璃窗望中環境，望住食飯都幾舒服。枱面常用擺咗好多消毒用品，非常貼心。
Lunch Set 包咗 ：
前菜 – 清新爽脆嘅沙律
麵豉湯 – 調味啱啱好，唔會太咸
茶碗蒸 – 足料又夠滑嘅日式蒸蛋
煮物 – 今日嘅煮物皇帝菜配微甜嘅湯
同埋配一大碗白飯😌講開又開你哋識唔識朋友係飯桶？我至少識4-5個，有時都幾驚嘆佢哋嘅食量。
🍱一番爐端燒串燒拼盤$178
– 八爪魚仔、牛內裙、蒜香豚肉、明太子沙律雞肉串、燒豆腐、燒冬菇
中間係Open Kitchen，可以睇住師傅即叫即燒，串燒上枱已經聞到香噴噴。
牛肉軟淋肉味濃，豚肉帶少少肥，重蒜香。雞肉夠嫩，配明太子沙律惹味。八爪魚🐙有嚼勁，豆腐同冬菇微微燒焦，配醬汁勁香口。
🍱特盛刺身定食 $488
秋刀魚 – 係時令嘅刺身，微微火炙過帶出油香而且魚日嫩滑
右口魚/ 魚邊 – 火炙過之後魚油又香又夠濃
醬油漬吞拿魚赤身 – 魚肉甘香，醬油漬更加帶出到魚肉嘅鮮味。
拖羅 – 差唔多入口即溶，食完個口係滿滿油脂香！
野生油甘魚 – 食落口感細緻味道甘甜。
深海池魚 – 重魚油脂香，肉質鮮嫩肥美
金目鯛 – 魚皮微微火炙過，入口鮮甜重油脂香。
石恒貝 – 師傅表示呢排當造👍🏻清甜爽口
北海道馬糞海膽 – 入口甘甜濃郁
牡丹蝦 – 彈牙！鮮甜又爽口
🥺食緊時見人哋邊食邊飲酒，如果唔係下晝仲要返公司我諗都會屈同事叫埋酒😌
☝🏻一緒一番酒場
📍中環士丹利街11號Stanley 11 26樓
【中環 Ι 高級日式料理𝐿𝑢𝑛𝑐ℎ 𝑆𝑒𝑡刺身盛宴】
中環新開既日式料理餐廳，中意食日本野既朋友又多一個選擇☺️ 餐廳主打廚師發辦壽司及刺身、串燒同清酒！係中環返工試下佢個lunch set先🥰 食物採用時令食材，席前可以望住師傅預備食物，又一番風味~
𝐿𝑢𝑛𝑐ℎ 𝑆𝑒𝑡 午市定食 🇯🇵
(均配有前菜、麵鼓湯、茶碗蒸、煮物)
▪️特盛刺身定食 $488
師傅挑選時令刺身，並會逐一介紹刺身款式同產地，建議我地食既先後次序，先蝦貝類如此類推：✦石垣貝 ✦牡丹蝦 ✦碟魚 – 鋪上柚子 ✦深海池魚 ✦金目鯛 – 魚皮微微燒過 ✦油甘魚 ✦火炙左口魚裙邊 ✦火炙銀鱈魚 ✦中拖羅 ✦海膽
全部都好厚切新鮮！海膽非常鮮甜，本人好中意❤️ 拖羅、火炙唔洗講⼀定都係我至愛，好中意魚脂感同入口即溶既感覺🥰 另外刺身全部都好彈牙有肉感食到鮮味☺️
▪️特盛雜錦魚生飯 $248
性價比好高既選擇，2百幾蚊就可以食到時令靚刺身！有三文魚籽、牡丹蝦、拖羅、金目鯛、帶子、海膽、火炙銀鱈魚等等，好高質🤩
⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄
想睇更多美食分享 歡迎follow Instagram and like @vivianeat.hk ❤️
工作日午餐套餐的新鮮生魚片和壽司！
日本餐絕對係健怡人士最佳選擇🤩🤩🤩🤩
低脂高蛋白，moderate碳水，營養均勻
特盛刺身定食
菠菜、沙律、麵豉湯、茶碗蒸、再加刺身盛和一份白飯，盛惠$488大元
刺身盛既刺身真係十分新鮮，最深刻既莫過於海膽同深海池魚，魚香味餘味回甘。
而且餐廳十分igable，滿分推薦。
中環美食何其多，呢日lunch time就去咗呢間開業無耐嘅日式餐廳食lunch，上到樓見到格局好似食omakase咁全部都係坐係吧台，可以望住師父即席製作🍣。呢度位於26樓，樓底好高，仲有大大個落地玻璃可以望住出面，空間感好大。除咗壽司刺身，呢度仲有啲熱食料理🍱加埋啲日式居酒屋嘅畫作，夜晚嚟應該會有啲似置身日本咁😻😻
皇帝菜、沙律、麵豉湯、茶碗蒸
每份定食都會跟呢四款前菜，超級豐富，茶碗蒸好滑有蛋香同海鮮湯嘅香味，好食。
特盛刺身定食
超級豪華嘅刺身定食，刺身有石垣貝、牡丹蝦、大拖羅、金目鯛、深海池魚、燒銀雪魚、紫海膽、鰈魚，全部都係厚切，食落好新鮮🤩大拖羅油脂感剛好，入口有油香；海膽係時令嘅紫海膽，份量都好多下，好鮮甜；銀雪魚輕輕燒過，油脂出晒黎，食落好香口，其他款式水準都幾高😗😗
壽司定食
壽司有9件，另外仲有蟹柳卷，魚生同刺身定食嘅款式同質素都差唔多，另外仲有爽口嘅魷魚、炙燒右口魚等，都係精選嘅時令款式。
人均消費：$350
推介指數（10分為滿分）：8分
一緒一番酒場
中環士丹利街11號Stanley 11 26樓
🇯🇵🏮一緒一番酒場🏮🇯🇵
📍中環士丹利街11號Stanley 11 26樓
覺得晏晝食日本嘢抵好多😂 喺中環返工嘅有福了‼️
環境充滿日光 仲可以睇埋中環嘅景🥳
午餐百幾蚊起 有串燒刺身壽司好多選擇( ˘͈ ᵕ ˘͈ )
超級放鬆全部都係吧枱 師傅會喺你面前整埋睇表演咁😍
❣️前菜•麵豉湯•茶碗蒸•煮物
午市配咁多嘢🦦 每樣都用靚餐具上 心情即刻好😂
茶碗蒸有柚子幾特別甜甜地😆
重點係呢個慢煮牛舌‼️👅 同朋友都覺得超好食🙆🏻♀️
煮到好軟好入味 有成三四塊 蘿蔔都勁好食😂
❣️特盛刺身定食 $488
有赤身中拖 右口魚 銀鱈魚 金目鯛 深海池魚
牡丹蝦 油甘魚 大拖 海膽🐟🐠
海膽同大拖羅都係入口即溶 超級肥美🥰
今次仲有當造嘅石坦貝 口感同埋味道有啲似象拔蚌 爽口彈牙😚
淨係食呢三款刺身已經值回票價( •̀∀︎•́ )✧︎
拖羅仲有赤身中拖 雖然冇大拖羅咁肥美 但油分適中又無筋👍🏻
右口魚同銀鱈魚係我最愛嘅肥魚 燒過更香( ˙༥˙ )
❣️壽司定食 $208
呢個價錢有八件壽司同卷物😍
紋甲魷魚壽司比較少食到 口感爽口彈牙😋
拖羅同埋炙燒右口魚十分肥美 同刺身一樣正🤤
都有金目鯛 鯖魚 拖羅 呢啲普通日本餐廳少見嘅魚🐟
中環抵食兼有水準的Omakase
仲未有得飛日本，唯有係香港食住日本嘢當飛左，以解思鄉之愁⛩🇯🇵
。
店舖裝修明亮雅致💡食物採用時令食材🌟可以近距離睇住師傅預備食物😚好刀功🔪好健談添，仲好nice添🧑🏻🍳
。
前菜好豐富😚
🥣麵豉湯：昆布、紅、白蘿蔔片，好足料 味濃而不咸
🥚茶碗蒸：好特別係入面加左小小柚子
🍅麻醬番茄：清甜爽口
👅蕃茄燜牛舌：軟嫩唔堅韌
。
🍣特盛刺身定食
lunch黎講呢個價錢真係好抵🥳
🐠金目鯛:油脂含量適中，滿滿的肉感，完全是入口即化的感覺，油香充滿整個口腔
🐠深海池魚:脂厚油香，入口魚油甘香細膩，刺身能帶出池魚令人齒頰留香的油分。
🐠左口魚刺身:火炙令油脂充份釋出，味道香濃
🐠左口魚邊:是我喜歡的之一🧡這個經過師傅的火炙將魚油都被迫了出來，吃起來特別香滑，滿滿油脂感
🐠左口魚裙邊:口感既肥美又爽口
🐠油漬吞拿魚:含豐富魚油鮮味濃，甘香鮮甜！
🥢海膽:味道鮮甜帶有回甘
🦐牡丹蝦:肉質爽脆中帶彈性
。
🍱一緒浦燒鰻魚飯
鰻魚有份量🌟燒得邊位帶焦，吃起來更是香口🤤鰻魚肉非常軟腍，有點碎骨，非常入味。 飯面鋪上煎蛋非常豐富， 米飯圓渾有咬口，帶點黏而挺身🧡
同事又搵到靚地方食lunch
呢度樓底高，超大落地玻璃，夠光猛，咁岩好好天 nice view
日式型格居酒屋格局🏮，中間一個大嘅開放式廚房，所有位置都係吧枱，大家都可以欣賞師傅即時製作料理
午餐好抵食，百幾蚊起好多選擇，串燒刺身壽司等，每個lunch set都配有前菜，麵豉湯，茶碗蒸
我地order左個燒鰻魚飯，厚厚既鰻魚，配上鰻魚汁，蛋絲，
特盛刺身定食，好豐富呀，銀雪魚、石坦貝、拖羅、深海池魚、油甘魚、北海道帶子、牡丹蝦，件件都厚切，非常新鮮，帶子同牡丹蝦一向都係我至愛，新鮮肥美，另外銀雪魚、碟魚輕輕燒過，入口甘香細膩，充滿油香。
大拖羅滿滿嘅油脂就更加唔使講啦，留返最後慢慢嘆
中環午餐性價比超高選擇
朋友最近介紹，喺中環Stanley 11頂樓有一間主打日本高級食材嘅餐廳，環境開揚兩面都係落地玻璃，中開係一個開放式嘅廚房，食物質素亦相當高。當日中午時段去到，現場都有唔少人用緊餐架！😳餐廳提供lunch set同Omakase兩種選擇，而lunch set最平二百蚊有找😳朋友冇介紹錯真係一個唔錯嘅推介。
。
。
🔘 特選刺身定食| $268
評分: 🌕🌕🌕🌕🌑
評語: 午市定食包括前菜、麵豉湯、茶碗蒸同主食。而主食特選刺食拼盤嘅時候的確令我眼花撩亂😳眼前全部都係高級日本食材，牡丹蝦、帆立貝、油甘魚、金目鯛、深海池魚等等呢啲出名嘅刺身都會食到。係食用前廚師都會逐樣為你解釋同介紹食用次序，都幾細心架。而由於開放式廚房嘅關係，師傅會係你面前處理食材，再加上開揚嘅景觀，成件事都幾正幾好feel😛
。
。
🔘 特盛雜錦魚生飯 | $248
評分: 🌕🌕🌕🌕🌑
評語: 食材上大致上同特選刺身定食一樣，而且仲多左海膽同大大粒嘅三文魚籽，口味上更加貼近香港人口味😝當中最推介帆立貝同吞拿魚腩，夠晒新鮮肥美。海膽更加係鮮甜好食，好想再encore食多份😛😛
。
。
🔻中環核心地帶，環境開揚，如果夜晚食會更好feel
🔻食材夠晒新鮮，全部空運到港
🔻店員同師傅都細心有禮
推介指數: ⭐⭐⭐️⭐️
係平日節奏相當急速既中環原來都有慢活又舒適既空間,今日黎到呢間位於26樓上既日本餐廳嘆返個lunch!餐廳內3邊都圍繞住open kitchen可以一邊等待食物既同時又可以欣賞廚司準備食材,令整個氣氛都慢活落黎,暫時忘記餐廳外急速既節奏.
前菜:芝麻醬沙律菜
麵豉湯:味道唔會過鹹,充滿住昆布及油揚絲.
茶碗蒸:茶碗蒸上加上一片柚皮令味道帶一陣清新柚香,相當開胃.蛋漿嫩滑,蛋味夠濃再配上高湯令味道更香濃.
煮物:熱拼木耳及紅蘿蔔絲,帶一陣麻油香,相當清爽.
特盛雜錦魚生飯
店內推薦既特盛雜錦魚生飯果然豐富！壽司飯上鋪滿10款刺身充滿豪華感.刺身包含牡丹蝦|三文魚籽|金目鯛|海膽|帆立貝|鯛魚|時令白身魚刺身.每款刺身都充滿光澤又飽滿,入口鮮甜甘香,肉質彈牙濕潤.底下壽司醋飯呈淡赤色,米飯帶點綿糯又煙韌口感,醋香剛剛好唔會過嗆,配搭刺身帶出提鮮作用.
一番爐端燒串燒拼盤
拼盤內有6款串燒排得整齊,每款燒成金黃色帶點焦香又唔會燶.6款爐端燒串有日本蕃薯|仔|秋葵|五花腩肉|牛排肉|雞肉|墨魚. 牛排肉質嫩香,燒得剛剛好唔會過韌又不帶筋,咬入口仍然juicy.雞肉同樣保持細嫩不柴.五花腩肉逼出腩肉豚脂,所以入口都唔會過份油膩.墨魚彈牙煙韌,好有咀嚼感.
一邊欣賞夜景一邊嘆Omakase，世上仲有比這更幸福嘅事嗎🥰最近去咗中環依間開業僅半年嘅日本餐廳，透過落地玻璃可以望到城景，夜晚食飯勁有氣氛！而且每個座位都係bar枱位，可以欣賞師傅即席炮製料理😎
• 廚師發辦晚市套餐 $1180/一位
前菜有一兜仔嘅芥末八爪魚，味道方面相信都唔需要特別說明🙈～而原本提供嘅生蠔因為當晚唔夠生猛嘅關係改為拖羅配紫蘇葉。拖羅經炙燒後加上即磨粉紅岩鹽，調味適中，拖羅油份好重，但略嫌燒得over咗少少，唔太食到入口即溶嘅感覺😗
刺身方面有當造嘅石垣貝、牡丹蝦、右口魚薄切及油甘魚，每一款都好新鮮！右口魚上灑上柚子碎，食落更添一份清香✨
當晚壽司分別有深海池魚、金目鯛、銀鱈魚、大拖羅、鯖魚及海膽，質素不俗！當中前四者均簡單以醬油及芥末調味，沒有太多花巧，更能食到魚料嘅鮮味。鯖魚則佐以梅醬，味道有點太濃，不太對我胃口。海膽使用札幌產「進」鐵盒海膽，無任何添加劑，因此唔會食到一般海膽所用作防腐嘅明礬味，味道全屬海膽本身嘅清甜呢😚
至於串燒環節，則有數款較少品嚐嘅動物部位。最愛和牛小腸，口感Q彈有油香，唔會過份肥膩！雞掌心外表燒至薯片般香脆，內裡軟骨爽口，極惹味！同場仲有雞邊肉、小洋蔥、秋葵及韓式牛肉，水準都一樣好高！
吃過串燒後，店員端上濃厚雞湯同烏冬。最後仲有兩件小蛋糕，聽講係同香格里拉酒店用嘅係屬同一貨源添☺️
餐廳係BAR 枱型式, 每個食客都對住廚師調理, 有另一番享受
前菜已經好豐富, 有湯, 沙拉, 茶碗蒸, 仲有個關東煮,
麵豉湯, 配料非常多, 洋蔥, 紅蘿蔔, 口感特別豐富, 入口鮮甜
茶碗蒸, 蛋香非常濃, 入口香滑, 有柚子皮加持, 令味道有更多層次
關東煮係蘿蔔, 吸滿湯頭既精華, 好JUICY, 同香甜
之後就有壽司SET, 有帆立貝, TORO, 三文魚, 深海池魚, 金目鯛, 魷魚, 鯖魚, 三文魚,
新鮮的鯖魚油脂多，炙燒鯖魚，能吃的肥美的肉質和魚油原味,
toro, 色澤粉紅、入口即化、香味久久不散的，肉質鮮滑而帶有濃郁的特有香味
深海池魚口感嫩滑， 肉質爽口，魚味突出
金目鲷 , 油脂含量適中，肉質細膩，味道鮮美
呢度嘅日式午餐性價比好高，特盛刺身定食（$488）有多達九款刺身，由貝殼類、白身魚，去到較重口味嘅拖羅同海膽都有🤩全部都好新鮮而且仲會根據時令有所唔同！如果想食平啲仲有好多款午餐可以揀，松葉蟹肉丼（$208）成碗鋪滿蟹肉、蟹膏同蟹子，口感勁豐富啖啖都好滿足！ …
D͙e͙l͙u͙x͙e͙ ͙A͙s͙s͙o͙r͙t͙e͙d͙ ͙S͙a͙s͙h͙i͙m͙i͙ ͙S͙e͙t͙
🍱特盛刺身定食 $488
有成9種唔同嘅刺身，份量十足，師傅會逐一介紹返有邊款刺身，再教你由貝殼類開始食到較重口味嘅拖羅同日本海膽，日本海膽都分好多種，最貴同最靚嘅一定係呢款白海膽🤩口感濃郁，甜度又高🤤而金目鯛肉質細嫩，味道鮮甜，石垣貝味道清甜且口感爽脆….啲刺身真係好高質
S͙n͙o͙w͙ ͙C͙r͙a͙b͙ ͙M͙e͙a͙t͙,͙ ͙P͙a͙s͙t͙e͙ ͙a͙n͙d͙ ͙R͙o͙e͙ ͙R͙i͙c͙e͙ ͙B͙o͙w͙l͙
🦀松葉蟹丼 $208
Wow 😮 成碗都鋪滿晒松葉蟹肉、蟹膏同蟹子，每啖飯都食到松葉蟹嘅味道，松葉蟹肉好軟嫩，蟹膏又唔會腥配埋脆卜卜嘅蟹子真係不得了
Lunch Set 仲包埋前菜，茶碗蒸、麵豉湯、泡菜同沙律🥗
另外佢哋仲有串燒、生蠔、Omakase🍣⋯⋯
加上員工親切有禮💕同埋呢度嘅落地大玻璃望出去個夜景一定好正😎
有機會要夜晚再嚟試吓
臨過年想食餐好，嚟到呢間位於中環鬧市頂樓嘅一緒一番酒場，食返個Lunch omakase ～餐廳係開放式吧枱設計，側邊係落地大玻璃，感覺幾開揚。午餐時間坐滿晒，人氣十足！幾位師傅感覺好有熱誠，同食客好多交流，氣氛好和諧～
OMAKASE LUNCH SET廚師發辦午市套餐 $500/ per person，其中包含咗前菜、
茶碗蒸、刺身三点盛、壽司五貫、串燒三枚、湯物同埋甜品，非常之豐富！
前菜：胡麻豆腐蟹柳沙律
香滑豆腐配上蟹柳同埋昆布，淋上胡麻汁，簡單又開胃。
茶碗蒸
溫度保持得好好，熱辣辣咁，冬天食最啱！
刺身三点盛
刺身三款包括有北海道帶子、赤蝦、油甘魚，帶子好厚切！三款都非常之鮮甜～
壽司五貫 🍣
其中有深海池魚壽司、金目鯛壽司、大拖羅壽司、青魚壽司配紫蘇梅醬同埋海膽壽司。個人最鍾意海膽壽司，海膽好大嚿又新鮮冇腥味，紫菜又夠晒脆！另外拖羅壽司油香十足，都係入口即溶～
串燒三串
食完壽司同埋刺身仲有串燒！三串包括有燒甜薯、蒜香豚肉同埋鹽燒雞肉，肉味濃郁，口味各有特色～好惹味！
食完串燒之後仲有麵豉湯，同埋甜品櫻花雪糕作結，太圓滿了～～
今日去左位於中環鬧市頂層嘅一緒一番食lunch omakase 一開𨋢門就見到位於26樓嘅餐廳兩面落地大玻璃 樓底又夠高 採光到十足 景觀夠晒開揚 可以欣賞到城市面貌
lunch omakase價錢係$500/位 而lunch set大概$188-$208之間 以呢個地點黎講 性價比都幾高 而且餐廳員工都好有禮貌 每上一道菜師傅亦會稍作介紹 非常細心
˜”*°•前菜、茶碗蒸•°*”˜
一坐低已經極速送上前菜麻醬番茄🍅 以及茶碗蒸🍵🥚
番茄夠晒冰凍 清新 爽脆🧊
茶碗蒸雞蛋口感偏實正 面頭有一小片柚子皮🍊 食嘅時候有淡淡柚子香 都幾特別
˜”*°•刺身三點🦐•°*”˜
師傅話進食次序先食牡丹蝦 然後凡立貝 最後係油甘魚
牡丹蝦夠新鮮 連蝦頭都好有鮮味 一啲都唔腥
帆立貝厚切非常鮮甜 飽滿 軟嫩
油甘魚肉厚肥嫩 魚肉細緻甘甜
˜”*°•壽司五貫🍣•°*”˜
深海池魚•紫菜醬
池魚魚肉通透有光澤 配上鹹鮮味濃郁嘅紫菜醬 非常umami
金目鯛•柚子胡椒
金目鯛色澤鮮豔 肉質清爽細膩 配上柚子胡椒 口腔一股清新
醬油漬拖羅•岩鹽
以醬油漬熟成嘅中拖羅 肉質更鬆化 魚油依然非常豐富 簡簡單單配上少量啱鹽 更顯鮮味
醋鯖魚．紫蘇梅醬
梅子嘅酸同魚味濃郁嘅鯖魚意外地合拍 果酸同醋酸為味蕾帶黎衝擊
海膽
份量慷慨 海膽柔軟細嫩 鮮甜回甘
˜”*°•燒物三枚、麵豉湯•°*”˜
分別有雞肉串燒 和牛串燒同埋甜薯串燒🍢
鹽味和牛串燒最好食 咬落滿口油香 肉質軟熟
雞肉帶有麻油香味 燒得外脆內軟
甜薯夠晒軟綿綿🍠
˜”*°•甜品🍰•°*”˜
最後以藍莓芝士蛋糕做作結 濃濃芝士味 蛋糕份量都唔少
今日黎到中環同朋友聚舊當然要一齊食個lunch，朋友同我一樣都好鍾意食日本菜，去到office附近嘅地方，位於中環 Stanley 11 頂樓嘅一間日本料理餐廳 — 一緒一番酒場，樓底高落地大玻璃窗，景觀十分之開揚眺望成個中環中心景色🏙
特選刺身定食
明顯擺盤充滿心思，各種食材互相搭配，sashimi包括：牡丹蝦、北海道帶子、九洲真鯛、深海池魚、野生油金魚、醬油漬赤身，全部都好新鮮厚切👍🏻
壽司定食 (8件3卷)
和風擺盤flat lay影相好靚，打卡之選📸 neta包括：北海道帶子、中拖、墨魚、深海池魚、金目鯛、野生油金魚、醋漬鯖魚、醬油漬赤身、蟹柳卷，並且用上赤醋造手握醋飯akashari，讚！
認識我嘅朋友都知道，大部分種類嘅魚生我眼觀就可以肯定魚種，再入口品嚐已經可以百分百確認，而家等我逐一詳述下🤤
🔴牡丹蝦：肥碩甘甜、甘味舌上留香棉長
🟠北海道帶子：新鮮珍寶尺寸、肉厚爽口而鮮甜
🟡九洲真鯛：幼嫩肉質、清爽口感而不乏脂香
🟢深海池魚：極尚鮮味、魚脂香氣四溢而鮮嫩
🔵野生油金魚：肉質幼滑肥嫩、入口魚脂滿溢
🟣醬油漬赤身：保持到魚鮮同時淡出醬油嘅鹹香
⚫️醋鯖魚：肉質細軟幼滑、經過醋漬甜味更鮮
⚪️金目鯛：肉質細膩充滿淡淡魚脂芬芳
🟤中拖：魚脂甘香豐富充滿口腔肉質細嫩
🔘墨魚：爽脆口感、切花處理無嚼筋
每款定食配有前菜、麵豉湯、茶碗蒸、煮物✨ 麵豉湯內有食材洋蔥、紅蘿蔔、白蘿蔔漬、海帶、蔥花，茶碗蒸蛋味香濃內有嗚門卷、蟹柳、香菇、白合，絕無戲場有意思！
無論食材到餐廳環境，加上師傅同服務員都特別用心，下次一定會再黎，食串燒拼盤或者魚生丼🥰
位於中環嘅一緒一番酒場 個景都唔錯 採光度十足呀 每個位置都可以望到師傅即席整～
Lunch omakase包左 茶碗蒸 沙律 刺身3款 壽司5款 串燒3款 湯 同甜品
刺身：北海道帶子 牡丹蝦
野生油甘魚
由較淡嘅帶子食起 好厚肉鮮甜 牡丹蝦質素都好好 鮮味十足 油甘魚魚油好香
壽司：深海池魚 金目鯛 吞拿魚醬油漬 中拖羅 北海道紫海膽
食完吞拿魚醬油漬再食中拖羅 個口感魚香都唔同左 完全無筋 脂肪都唔錯
紫海膽無馬糞海膽咁濃 係較清甜 個人幾鐘意 仲要咁多塊 一口咬落去 超creamy😍塊紫菜仲要炙過好脆口
串燒： 豆腐 雞翼 牛三角
串燒做得非常好 時間控制得好 雞翼好juicy 調味恰好 仲保留到雞肉嘅味道 牛三角係好稀少 一隻牛只取得兩part 雪花好多 油脂充滿口腔 牛味亦非常濃郁 超正！
最後仲有個湯同椰子雪糕 成餐超滿足🥰
𝗟𝘂𝗻𝗰𝗵 𝗢𝗺𝗮𝗸𝗮𝘀𝗲 𝘀𝗲𝘁 $𝟱𝟬𝟬/𝗵𝗲𝗮𝗱
好👍🏽
餐點：4
服務：5
氣氛：5
讓我想起高層的東京風格餐廳。良好的氛圍和美味的食物
食物好味道，師傅好好傾，每次黎呢到食飯都好開心😂
服務
內用
餐點類型
晚餐
平均每人消費金額
超過 HK$500
餐點：5
服務：5
氣氛：5