Hungry Dino 為食龍

呢間餐廳裝潢幾特別 有少少叢林feel
底層係openkitchen 上層先係進餐嘅地方
一去到攞位 就可以拎住個恐龍牌仔上樓上

我不嬲都幾鍾意食腐皮壽司
今次揀咗5件比較特別嘅口味
蟹膏甜蝦 ($32)
牛油蒜香赤蝦 ($32)
柚子胡椒油甘魚蓉 ($29)
和風汁帶子 ($32)
明太子燒玉子 ($29)

蟹膏甜蝦係我嘅No. 1之選
鹹鹹香香嘅蟹膏加埋creamy甜蝦
兩樣一齊食係非常之夾 勁滿足
腐皮壽司都幾巨型 冇可能一啖食哂
女仔食三四件已經飽咗一大半

明太子烏冬 ($138)
呢個烏冬賣相好靚 而且好好味
鳥冬係有咬口而且非常之掛汁
醬汁creamy得黎唔會覺得漏

蜜糖牛油單骨雞翼 ($69)
雞翼正常發揮 價錢少少貴
如果份量再多啲會更好

柚子菠蘿梳打 ($56)
呢杯同樣係睇得又飲得
最有驚喜係佢片大菠蘿
表頭有薄薄一層焦糖 脆脆地
而菠蘿非常juicy多汁 好解渴

以有趣和異想天開為主題的壽司

這間餐廳之前在網上看過已經覺得有興趣，於是今天就約了朋友到這間餐廳用膳。這間餐廳有兩層，一層是等候區及廚房，上一層則是用膳區。我們登記後職員便給我們恐龍鎖匙扣，上面貼上枱號，我們拿著鎖匙扣便走到樓上交給職員，職員便會帶位。

由於對這間餐廳先前已充滿興趣，所以我已預先想好要點的食物，餐牌上有些菜色已經售罄，幸好我想點的都仍然可以選。由於腐皮壽司的價錢是一件份量，所以我和朋友都可以各自點選自己喜歡的壽司。另外這間餐廳細心的地方是卷物可以點半分，即是四件的份量，非常方便二人同行來吃。

上菜的速度很快，首先要做的事情當然是打卡，腐皮壽司的外觀非常漂亮，色彩繽紛。之後陸續其他小食都上菜了。

我們先吃腐皮壽司，黑松露帶子腐皮壽司($28)是我和朋友都有點，我們大家都讚不絕口，帶子與飯的中間亦加了黑松露醬，非常細心，米飯充滿了黑松露的香味，非常滋味，帶子新鮮亦厚身，啖啖肉，不得不讚是腐皮非常香，這是我第一次吃腐皮壽司，非常充滿驚喜。

我選的蟹膏甜蝦腐皮壽司($26)亦非常美味，蟹膏又濃又甜，甜蝦亦非常新鮮亦很甜美，蟹膏和甜蝦這個配合亦非常好。

朋友選的甜蝦醬厚燒玉子腐皮壽司($26)，在玉子和飯的中間有一塊經過火炙的芝士，亦非常有誠意，朋友說玉子蛋味很濃，非常美味。

之後就吃卷物，我們點選了西雅圖鬼妹($68)，是由牛油果及火炙三文魚腩組成的，我本身非常喜歡吃火炙三文魚，而這裡的是用三文魚腩，更加充滿魚油香，非常豐富，入口溶化，配上本身口感軟熟的牛油果，非常配合，另外本身亦有沙律醬提升了口感。

另外朋友選了加州鬼佬($58)，是蟹肉加州卷。加州卷上面加了蟹肉點綴，所以比起一般吃的加州卷更加有層次，亦把加州卷昇華，整個加州卷口感很清新，很美味。

另外小食方面，本來想點選炸雞，可是炸雞的份量對我來說比較多，於是我們就選了蜜糖牛油單骨雞翼($69)，共有七件，份量剛好。它的牛油是一片的，之後我們把它和雞翼拌到融化。這個雞翼不得不讚，因為它的蜜糖比起平常在外邊吃的蜜糖是更加甜，令整個單骨雞翼的味道提升了，雞翼帶點微辣，整體味道的配合非常滋味。而且單骨雞翼進食亦非常方便，

最後就是脆炸芝士紫菜粉絲卷($60)，這個紫菜粉絲卷炸得非常鬆脆，味道不錯。

餐廳後面有一幅打卡牆，大家來的時候都會拍照，這間餐廳會有興趣再來的，因為除了打卡外，食物質素亦非常好。

裝修有特色既日式fusion菜餐廳🦕

今日去到中環哩間以腐皮壽司而聞名既餐廳。店舖裝修好花心思，以恐龍為主題，四周既佈置同埋壁畫都好啱打卡。

餐牌上面除左不同款式既腐皮壽司之外，有其他食物可以選擇。

✨🍣腐皮壽司
辣味三文魚 $33
炙燒沙律甜蝦 $30
蔥吞拿魚拖羅蓉 $34
炙燒檸汁帶子 $36
柚子左口魚 $33
炙燒北寄貝沙律 $29

腐皮壽司相當大件，裏面亦有唔少飯，而且幾款腐皮壽司上面都有滿滿既餡料。辣味三文魚醬汁微辣，三文魚鮮甜；炙燒沙律甜蝦充滿火炙香味，甜蝦彈牙；蔥吞拿魚拖羅蓉上層係吞拿魚粒粒，下層係拖羅蓉，口感更豐富；炙燒檸汁帶子新鮮大粒；柚子左口魚入口半融；炙燒北寄貝沙律口感豐富。

🧀️特濃芝士雞肉烏冬 $128
芝士同忌廉味濃厚，但係又唔會覺得好漏，雞肉經過燒製，入口一啲都唔會鞋。

🍹藍海檸檬汽水 $52
入口係酸酸甜甜既檸檬味，開胃又解渴。

整體黎講，餐廳既環境相當有特色，而且腐皮壽司味道亦唔錯，都值得過黎試下。

腐皮御膳
有Set A and B 㨂～ 我㨂左Set A
蟹膏三文魚子：蟹膏嘅味道幾清甜，魚子都係清甜路線～ 我覺得呢一道菜點少少豉油都仲得～
明太子三文魚：因為佢落咗明太子醬，所以本身已經夠晒鹹同鮮味，連豉油都唔使點！再加上三文魚嘅鮮甜，味道層次十足！！
柚子胡椒油甘魚蓉：柚子胡椒好得意～😎 柚子嘅酸，加胡椒嘅少少辣同甘苦，好帶出到油甘魚鮮甜嘅魚肉味，係一款開胃嘅壽司嚟！
和風汁帶子：和風汁醬嘅甜，加大大粒帶子嘅鮮甜可口，兩種味道撞埋一齊簡直係perfect match~~🙆🏻‍♂️
芝士蟹籽厚燒玉子：幾香口，玉子加埋芝士的配搭，冇得輸👍🏼

牛角包雪糕窩夫🧇🍦
雪糕有兩隻味～ 睇顏色就知道，粉紅色嘅係士多啤梨，味道一般，感覺似係雀巢家庭裝三色雪糕嘅士多啤梨一樣～ 不過，另一種係咖啡味雪糕，味道非常出色！配搭埋其他脆脆粒粒入口好正

黑糖玄米拿鐵☕️
我特別地叫咗少糖~ 味道就感覺啱啱好 🙂 黑糖糖漿聚集喺成杯飲品嘅底部🍹所以，飲之前，一定要攪拌先得～ 否則就無味道。喺杯面奶泡上面，有好多玄米，一樣係製造到脆卜卜嘅口感😋

Cappuccino
Espresso嗰shot嘢嘅咖啡味夠晒濃，on top加咗好多奶泡，飲落好creamy，再加上喺奶泡面落咗少少🤏🏻chocolate powder。除咗飲落有少少甜甜地，中和咗咖啡嘅甘苦味之外，一點點嘅朱古力粉撒咗落去奶泡上面，就變到好似一條白色波點裙咁～望落好得意喎！！☺️

認真。。麻麻。。食物種類太少。。價錢。。大家將就既唧。

恐龍控必到🦖
餐廳位於中環，有兩層，一入嚟店員會安排座位，接過寫住座位編號既恐龍匙扣，走上二樓，就會有另一店員提示坐邊，轉彎上樓梯亦見到唔同恐龍主題既掛畫及佈置，第一次嚟都幾有驚喜。

⭐️ 腐皮壽司
餐牌主打腐皮壽司，揀食咩都諗左好耐。最後分別揀左芝士蟹籽厚燒玉子、柚子胡椒油甘魚蓉，同埋炙燒甜蝦壽司。壽司都幾大件，外面既腐皮微甜濕潤。特別鐘意油甘魚蓉，好鮮甜幾有口感。

⭐️ 鹽燒三文魚鯺
即叫即燒，所以要等耐少少先上菜。魚皮好薄脆，魚脂四溢，肉質滑嫩，而且魚骨唔算多。餐廳有酒類飲品，多人食的話，叫杯酒飲真係一流。

⭐️ Blue Lemonade
賣相幾靚，上面仲放左片檸檬，fresh得嚟都幾開胃。

花式卷物腐皮壽司 《為食龍》

明太子三文魚$26
外皮有甜甜的腐皮包住，因為有明太子關係，所以三文魚有少少辣味，味道方面更有層次🏻

蔥吞拿魚拖羅蓉$27
平時都幾鍾意食吞拿魚拖羅蓉，呢款個人覺得都幾新鮮，呢一款都係有甜腐皮包住，所以都幾特別！

柚子左口魚$27
十分推介左口魚🏻🏻因為有用火槍輕輕燒過，所以會有炙燒香味，令到左口魚嘅油香更突出，而且少少既柚子味，又會帶番啲清新香氣，鍾意左口魚嘅朋友不妨一試🥰🥰

加州鬼佬（4件）$58
平時食加州卷最驚就係好乾，呢一款有好多沙律醬，而且內餡同上面又都有滿滿蟹絲，用料方面真係一啲都唔孤寒🤣

紐約黑珍珠（4件）$78
黑松露醬配上帆立貝，呢個冇得輸嘅組合，帆立貝非常新鮮，但有一點點甜味，加上一大羹黑松露醬香濃嘅味道，四件真係唔夠食！

西雅圖鬼妹（8件）$128
呢一款係炙燒牛油果三文魚腩，每塊三文魚腩都燒得啱啱好，炙燒完有烤過香氣，半生熟口感，更加有入口即溶嘅感覺，因為油脂都燒咗出嚟，真係超級正🤩🤩

為食龍卷 $168
我覺得呢款係黎為食龍必要叫既卷物‼️一次過可以食唔同款式！啱晒貪心嘅我，每一款都好好食，一啲都唔會馬虎，而且配搭好多花樣，唔會好單一只有一種刺身，呢方面嘅用心，真係不得不稱讚🏻

為食龍顧名思義這店有好多👉QQ恐龍
無論壁畫、擺設、任何角落都找到。
地方好寬闊，可以選擇不同背景用餐😉每個角落都好靚。
今日食咗午餐:迷你火炙海鮮刺身丼配搭冷烏東麵
天氣咁熱，即食凍烏東，湯味濃又夠凍，好正。
迷你飯嘅刺身有：呑拿魚、左口魚、帶子、玉子，刺身新鮮，彈牙又大片。
飲品：奶蓋白肉烏龍
底部係烏龍茶
白色嘅係奶蓋（甜）
有3粒丸子🍡係白玉（煙煙韌韌嘅糯米糍)澆上去嘅粉末👉係用威化餅壓碎，整到質感似(木糠)好花心思嘅飲品。

清幽森林風餐廳

_____
好味指數：🌟🌟🌟🌟
抵食指數：🤑🤑🤑🤑

所以自己一個食飯都要食得有格調🙆🏼‍♀️呢間係中環半山嘅餐廳平時經過會好容易忽略佢，但當你見到就知佢係個Hidden Gem💎餐廳裝修以恐龍為主題，配合各種植物令你恍如置身係原始叢林入邊🦖

✅ 網烤牛小扒伴唐揚炸雞定食
小朋友先做選擇，我一定係要哂牛同雞🤤我鍾意定食嘅一個原因就係佢有種喺日本食飯嘅感覺🇯🇵有小菜主菜飯，夾一夾餸再配一啖飯感覺好和風🍱而佢啲牛扒嘅份量都幾驚人，而且烤得軟嫩有口感，配埋燒汁味道更突出🐮炸雞都非常香脆可口，再多幾件都食得落🐔配埋魚糕同海帶成餐飯好滿足

✅mocha
另外加$28叫咗杯mocha☕️咖啡同朱古力味平衡得好好，亦唔會過甜🍫朱古力醬喺杯入邊，可以自行按喜好攪拌

之前一直都好想黎到為食龍既腐皮壽司,難得今日收工係中環附近又趁住時間仲早既時間就去到試下佢地既名物.先係餐廳門口已經好有古典森林feel,而門上掛住為食龍既霓虹燈大招牌.內裏經reception登記後會走上一條充滿草葉既樓梯到樓上坐位,內裏空間大而且樓底好高,充滿氣氛.

腐皮壽司
腐皮壽司底份量好大,腐皮味道香甜帶少少醬油香.而腐皮包裹住既珍珠米壽司醋飯飽滿而且粒粒分明,入口軟糯煙韌.

炙燒甜蝦腐皮壽司
甜蝦香甜,肉質彈牙而且帶有回甘.甜蝦上加左少少沙律醬及蛋黃醬後再炙燒令入口更香.

柚子胡椒油甘魚蓉腐皮壽司
油甘魚蓉唔會打得太碎,入口亦然帶有嚼勁.油甘魚蓉新鮮甘香,配上柚子既橘香及胡椒那辛香感令油甘魚鮮味更突出.

炙燒北寄貝沙律腐皮壽司
北寄貝切成細粒後拌上沙律醬再經炙燒,味道帶有陣陣焦香.北寄貝爽彈帶點煙煙靭靭既嚼勁.再配上蟹籽令味道更鮮香而且加上沙律醬入口更滑.

炙燒蟹沙律腐皮壽司
厚厚一疊既蟹沙律夠晒份量,除左蟹柳外亦有蟹籽所以入口充滿啖啖鹹香又脆卜卜.

蔥吞拿魚拖羅蓉腐皮壽司
腐皮壽司內有角切吞拿魚及吞拿魚蓉帶出雙重口感,吞拿魚新鮮唔會腥.魚肉質飽滿彈牙,味道又甘香.

西村焙茶朱古力
焙茶味好濃,帶出好香既茶香.同時朱古力味亦都好濃郁但又唔會骨甜.焙茶及朱古力味平衡得唔錯,各自既味道都好突出.

不錯的午餐套餐！步入式座位不太難

SoHo 的餐廳，環境和氛圍都很棒。椅子很舒服，用餐區光線充足，裝飾精美。

種類繁多的日本風味食品，食品比其他餐廳少，但對大多數人來說絕對足夠了。

我們點了一份蟹肉飯，蟹味很濃，看得出來他們做這道菜的時候不惜工本，這在城裡是很少見的。如果您喜歡螃蟹，絕對值得一試。

我們點的奶油烏冬面很棒，奶油味濃郁。他們給了我們大量的魚子，這使得這道菜比其他餐館更有味道。絕對推薦。

我們點的薯條還可以。對我來說有點太濃了。

鑑於美妙的用餐體驗和優質食物的豐富部分，價格是公平的。我們花了 444HKD 吃了一頓 2 人的午餐。

會推薦並會再次訪問。

特濃芝士鰻魚 $43
根據朋友既評語😂，好重芝士好正，芝士多得黎，鰻魚又好大片😍。

辣味三文魚 $30
唔辣，反而腐皮既甜味有少少蓋過左啲辣味同三文魚既鮮味。不過好在好多三文魚，好抵食😂。

蔥吞拿魚拖羅蓉 $30
我本身以為啲吞拿魚會打到爛咁，原來佢係上面有啲角切吞拿魚，下面先係吞拿魚蓉。同三文魚一樣有同樣嘅情況，就係魚味比較淡，腐皮嘅甜味蓋過咗魚嘅鮮味🥺。

牛油蒜香赤蝦 $32
好好食，一來牛油味好重，食落好香😍。兩來隻蝦好新鮮，好鮮甜同肉質爽，仲要好大隻👍🏻。

醬油忌廉芝士飯團 $46
好大舊飯團😍。飯團嘅外圍用醬油yam咗醬油再燒，外邊脆卜卜，裏面暖粒粒，流心芝士好食☺️。

避風塘單骨雞翼 $69
都幾抵食啵！單骨方便又快捷。啲避風塘炸蒜粒粒好食，雞翼都好入味。我諗我下次都會再叫👍🏻。

明太子烏冬 $138
我地一見到心諗，睇落咁乾既，原來啲明太子醬係晒個底到，一撈混個烏冬就好正😆。每條麵都可以掛到啲明太子，仲要好飽肚，兩個人share食岩岩好。

為食龍 (中環)🦖

中環些利街2-4號LL Tower地舖及1樓

喺IG上面成日都見到呢間餐廳嘅身影
今日終於成功book到位一試
全間舖頭都用恐龍做裝修🦕
每一個角落都係打卡位 忍唔住周圍瘋狂打卡📸

呢度最出名係腐皮壽司
當然要點返幾件嚟試吓
個份量都幾大件 好足料 試咗以下款式

🍣明太子三文魚$30
加咗明太子辣辣地 同三文魚又幾襯

🍙蔥吞拿魚拖羅蓉$30
吞拿魚好新鮮 切成粒狀 好容易食

黑松露帶子$33
帶子新鮮 黑松露嘅份量都唔少

🦀炙蟹膏厚燒玉子$29
蟹膏燒咗之後好香 玉子好滑

🐥避風塘單骨雞翼$69
炸得好香脆
而且單骨雞翼好容易食
又唔會太辣 避風塘調味好惹味🌶

🐣蒜香醬油炸雞$89
呢份炸雞真係今晚嘅MVP 一定必點
炸雞炸得好香脆 而且份量幾多
最重要係佢個醬油汁調味 充滿蒜香 食落好滋味

🍮焦糖雞蛋布丁$66
呢款甜品都唔錯 雞蛋布甸好滑
焦糖唔會過甜 幾值得一試😍

喜歡這裡的裝修，食物一般，但是閒逛的好地方。

香港中環｜新式腐皮壽司🍣
《為食龍 (中環)》
📍地址：中環些利街2-4號LL Tower地鋪及1樓
.
平常香港的傳統腐皮壽司🍣我也不太感興趣，但朋友說SoHo開了新餐廳，我就陪她一試。誰知這日料相當有驚喜，改變了我一向對腐皮的印象。
.
餐廳樓高2層，底層是入口，主要為廚房。上層裝潢也挺特別，有好多小燈和植物🌳，很有森林精靈🧚‍♂️的感覺。Booking很full，建議及早在whatsapp訂座。
.
黑松露帶子$33，腐皮微甜，有點濕潤，配以帶子刺身的鮮甜，加上黑松露芬香味道非常濃郁👍🏿
.
蔥吞拿魚拖羅蓉$30，肥美吞拿魚配以香蔥，無得輸。
.
蟹膏甜蝦🦐$32，蟹膏份量不少，蟹味濃。炙蟹膏厚燒玉子$29，不及前面這個，但價錢也相對較便宜。蟹膏三文魚子🍣$46，2種都是較貴的食材，味道也不錯。
.
柚子左口魚$32，辣味三文魚🍣，明太子三文魚$30，這兩道都是比較傳統的配搭😎
.
⭐️性價比：4/5星
💰人均：$200港元
💕關注【香港美食餐廳攻略】，尋寶美食優惠一起吃吃吃！喜歡的請給贊和收藏❤️

中環附近見客之後搵食❤️
呢間兩層高餐廳以恐龍為主題
係主打食腐皮壽司丫
我幾鍾意個裝修😌入到去有一種relax嘅感覺
（呢度仲有提供酒類飲品🥂真心幾適合傾偈飲嘢嘅地方）
我哋叫咗辣味三文魚，蟹籽玉子芝士，蔥吞拿魚茸，牛油蒜蓉赤蝦，黑松露帶子❤️
見到有左口魚蟹膏呢個配搭幾特別😜
（因為唔係度度地方都有左口魚丼丫）
呢碗份量都唔少，而且左口魚加埋蟹膏一齊食都唔錯🧡 不過都幾飽😂因為呢兩種食物嘅油脂都比較重丫
見到好多人嗌呢杯嘢飲（奶蓋白玉烏龍）
我又試埋一份😂
杯飲品非常IG able😆

為食龍會為食友！

跟好友鄭大小姐工房 Cheng’s Factory的艾華斯，自從上年五月第一次見面後一直也沒有機會再見，終於在上星期可以相約出來再聚好好的詳談大家近況。

方便在港島區工作的她我特意選上位於中環的這間為食龍，是一間超可愛的日式餐廳。

甫踏進餐廳服務員先遞上一個卡哇伊的恐龍檯號牌給我，拿着它拾級而上到用餐區便會有同事為我安排座位。

時間約得比較早6:30pm來到還未有太多客人，正好方便我影一張餐廳環境照給大家欣賞。

終於等到華斯來到大家一同看餐牌研究吃什麼，這兒連餐牌也十分有細節我覺得大人跟小朋友也會很喜歡。

看見餐牌第一頁便介紹這兒招牌的腐皮壽司，我們本想點四款口味來分享，但不知有多大件還是安全計先點兩款！我們一人選一款分別是炙燒蟹沙律腐皮壽司＄32和柚子胡椒油甘魚蓉腐皮壽司＄30。

我們聰明地將兩款腐皮壽司變成了雙色口味，那便可以同時間品嚐得到兩款的口味了，吃下腐皮有韌度不會過甜米粒亦非常軟熟，炙燒過的蟹柳加上沙律醬這個組合絕對沒有不好吃的可能，而油甘魚蓉吃下去頗有鮮味挺有驚喜。

然後送來的是和風水晶刺身沙律＄146驟眼看價錢不便宜！但其實內裏有頗多份量的魚生粒，配上爽口爽口的海藻及胡麻醬，口感清爽味道鮮甜吃罷後也覺得值回票價。

大家都知我是一個徹頭徹尾的鰻魚迷！看見這兒有日式鰻魚蛋包飯＄198加上好友艾華斯亦非常有興趣，所以又能如我所願可以品嚐我喜歡的鰻魚飯了。

這個日式鰻魚蛋包飯甫上檯我倆的眼睛經已突因為真的非常大份，可幸我們起初當機立斷點少兩件腐皮壽司否則應該要打包回家了！

原條的蒲燒鰻魚賣相靚仔之餘味道亦不俗，鰻魚吃下有咬口亦沒刺醬汁調得不過甜，蛋包飯面層賣相挺嫩滑可惜內裏熟了一點點，否則這個日式鰻魚蛋包飯可說是完美了。

難得能跟網友變成好友這份情誼我會好好珍惜，而且我還有很多地方要跟艾華斯好好學習，期待下一次再出來撐枱腳交流兼談心。
服務
內用
餐點類型
晚餐

Happy Friyay ~ I can eat like a dinosaur today~ Roar 🦕🦖

好多打卡位嘅一間恐龍店😍 腐皮御饍一次過有晒五款味道，好鍾意colorful🌈嘅感覺，啱晒我呢啲乜嘢都想食嘅foodie 😋其中最鍾意食嘅係左口魚同埋蟹膏三文魚🍣籽腐皮卷。喺腐皮卷上面加咗咁多材料，口感十足🤤

男仔都唔使驚唔夠食，有好多前菜，海苔同埋油浸腐皮卷都好好食。不過另外加嘅黃金吉列池魚對比好滑嘅西京燒之下相對失色。

另外有一個套餐個名叫忽然好富貴刺身定食當，好似好吸引，不過一個要$300 ，可能下次忽然富貴嘅時候先再試食啦😛

꧁☬小編食左咩☬꧂
✅銀鱈魚西京燒汁和風汁沙律定食
✅腐皮御饍+吞拿魚腩卷
⭕️黃金吉列池魚（跟餐加$28 ）

(◔◡◔) ♥ 人均傷害💰： $200♥

午餐套餐有點貴，但質量足以彌補
服務
內用
餐點類型
午餐

📍#老屎忽係中環

#oldszefood #老屎忽 #老屎忽食飯 #老屎忽搵食 #老屎忽都要OT #中環

本身係銅鑼灣做外賣 係中環開咗鋪一段時間終於有機會食到 一入到去已經見到好多綠色樹木 木系裝修 仲有鋪頭既signature恐龍🦖 鍾意恐龍嘅朋友仔應該會幾鍾意🤪

🍣腐皮A 吞拿魚腩茸卷 ($178)
有食過銅鑼灣外賣嘅朋友應該知道依到最出名係佢哋嘅腐皮壽司 lunch有兩個腐皮set揀:
A: 蟹膏三文魚籽, 炙燒蟹沙律, 柚子胡椒油甘魚蓉, 和風汁帶子 & 明太子厚烧玉子
B: 蟹膏三文魚籽, 炙烧北寄貝沙律, 柚子左口魚, 蔥吞拿魚拖羅蓉 & 芝士蟹籽厚烧玉子
兩個set只有少少分別 大家可以視乎喜好選擇😋 每件腐皮壽司都好足料 餡料同飯嘅比例分配得好好 而且腐皮好薄 好出色🥰 我自己推薦蟹膏三文魚子😜

🐟銀鱈魚西京燒伴和風汁沙律定食 ($164)
兩舊大大舊銀鱈魚 燒得好淋 配埋沙律醬一流👍🏻

🍹奶蓋白玉烏龍 ($42)
大大粒白玉配上鹹香芝士嘅奶蓋 而且奶蓋面頭仲有d木糠粹 鍾意飲奶蓋嘅朋友一定要叫🤘🏻

🍹宇治香時拿鐵 ($42)
茶底好重抹茶味 而且好多紅豆 記得飲之前要攪勻

📍為食龍 (中環)
中環些利街2-4號LL Tower地舖及1樓
服務
內用
餐點類型
午餐

中環店樓底好高 又全部都係落地玻璃 坐得好舒服☺️

腐皮御饍＋迷你吞拿魚腩茸卷 $178
每件壽司都爆晒餡🤩
腐皮係一個點啜
功能上可以食得方便啲
味道上帶少少甜味
又唔會搶咗fo🤪
不過就係…..有啲唔夠飽😂

網烤牛扒伴唐揚炸雞定食 ＄178

美麗的餐廳，良好的服務
服務
內用
餐點類型
晚餐

呢度裝修好靚, 食物都幾特別, 定價黎講係中上水平🤭

西雅圖鬼妹(半份)🍣($80)
個名相當吸引, 再見到用左輕輕烤過既牛油果, 三文魚腩, 秘製泡菜汁整成既一款卷物, 食落好香口感好豐富, 今次半份係4件, 全份8件($150) 絕對值得一試😍

西檸蜜糖單骨雞翼🐓($79)
炸到好鬆脆好juicy既單骨雞翼配上濃濃既西檸蜜糖汁, 食落格外開胃🥰

三文魚籽稻庭冷烏冬🍜($158)
呢個撈烏冬既質地相當彈牙, 配上日式醬油, 三文魚籽, 紫菜絲, 生蔥, 薑蓉, 味道好豐富, 呢啲天氣食會覺得好清爽🤤

抹茶提拉米蘇🍰($108)
呢個tiramisu完美地擺左係個四方木盤度, 面頭舖滿抹茶粉, 成個係兩層鬆軟既蛋糕中間夾左厥餅, 令到口感帶少少煙韌, 成個甜品既抹茶味都好濃郁😍

黑糖玄米茶拿鐵☕️($52)
面頭一層厚厚既奶泡溝埋微甜既黑糖玄米茶味都幾濃郁, 暖暖地飲落好舒服😌

焙茶楓糖拿鐵 🍯($54)
楓糖既清甜配上濃郁既焙茶味Lattee, 食完飯飲一杯真係好滿足😎

呢度既食物質素比我想像中有驚喜, 由主食到甜品都相當滿意, 絕對會再黎試下其他食物☺️
服務
內用
餐點類型
午餐