何蘭正 Ho Lan Jeng(Ho Lan Jeng)

65 Peel 何蘭正絕對是鎮上最酷、最古怪的酒吧之一，這個好玩的地方充滿魅力和個性。您可以期待五顏六色的霓虹燈、奇特的標誌和大量復古裝飾！供應多種精釀啤酒和雞尾酒，搭配美妙的飲品和最酷的氛圍，沉浸在獨特的氛圍中，享用美味佳餚！這裡是悠閒小酌和豐盛菜餚的好去處！

三文魚韃靼 (HK$148)
這是三文魚韃靼配三文魚籽、飛魚子和芝麻，韃靼和酥脆的油炸餛飩皮很相配。

西瓜肉絲 (HK$178)
又甜又粘的叉燒外面有一點焦糖，裡面有一點焦糖，裡面又好吃又嫩，配上涼爽多汁的西瓜，給這道菜增添了新鮮的味道。

鱸魚 (HK$248)
鱸魚烤得恰到好處，皮脆，肉質細嫩，配上紫菜泥和蒜蓉雞蛋豆腐出奇的好。

油條（98 港元）
這些美味的油條讓人上癮，搭配榛子巧克力醬、檸檬蜂蜜馬斯卡彭醬，是一道完美的甜品，可以立刻滿足你對甜食的渴望。

黑牛 (HK$118)
將一直以來最受歡迎的 Cha Cann Teng Black Cow 換成酒精雞尾酒，加入 Nata de coco、Jack Danel’s 威士忌、可樂和一勺 Haagen-Dazs 巧克力冰淇淋。威士忌和巧克力的味道毫不費力地搭配在一起，讓人感覺舒適而充滿活力。

印度淡啤酒（80 港元）
淡淡清爽的精釀啤酒，帶有果味。

是一家本土酒吧，門口使用了昔日陪伴港人成長的霓虹招牌非常搶眼。

裝潢充滿懷舊感，甚具香港特色，讓大家回味往時光陰。

主打本地手工啤酒，貫徹「鬼佬涼茶」的主題。

酒吧主打摩登fusion菜式，以西式方法烹調再融入港式元素，玩味十足。

雙籽三杯風味三文魚他他(三文魚籽，飛魚籽)配香脆雲吞皮
三文魚他他加入了洋蔥、三文魚籽和蟹籽，入口散發著香濃的麻油味又帶有少許辣勁，口感豐富，味道清新又惹味，與香脆可口的雲吞皮一起吃，十分香口。

卡邦尼亞式臘味炆和牛臉頰肉配煎腸粉
牛臉頰肉牛味濃郁，肉質非常柔嫩細緻，軟腍又不失口感。入口富有彈性和膠質，但不會覺得膩口，令人回味無窮。

24小時慢煮伊比利亞叉燒，酒香獅頭鵝肝配溫泉蛋，香噴噴豬油撈飯
香氣四溢，叉燒肉質細膩緊緻，口感嫩滑鬆軟；鵝肝肥美嫩滑，細緻綿密，入口即化。豬油撈飯充滿油香，香口惹味，但沒有油膩感，非常美味。

很好的價格。好吃的食物。海鮮有很多選擇。很好的中式湯。

品嚐精釀啤酒和美食，放鬆身心的好地方。我在香港最喜歡的酒吧之一。

何蘭正【中環玩味十足fusion】

中環都係一個美食雲集嘅地方，行經雲咸街，見到超級吸晴嘅「何蘭正」招牌，於是have a go，期待一個高質dinner 😊

順德風情雙籽三文魚他他配香脆雲吞皮 （$128）
– Wow 🤩 呢個係佢一上檯我哋嘅感嘆表情，滿滿嘅三文籽同香脆薄身嘅雲吞皮，三文魚他他都係鮮味十足，濕同乾嘅配搭超級無敵好食，一啖接一啖，停唔到口😋

香煎澳洲和牛臉，配沙爹金菇汁，櫻花蝦煎腸粉 ($182)
– 和牛臉肉質香軟細膩，鮮嫩多汁，一啲都唔會柴，表皮香口，淋身嘅牛肉有種入口即溶嘅感覺，而且調味得宜，鹹淡適中😆
– 腸粉都唔惹少，煎得超超超好食，表皮微焦，內裏軟滑，仲食到啖啖嘅櫻花蝦，香口惹味💛

炸薯條配辣蕃茄醬，蒜味蛋黃醬 ($70)
– 炸薯條一上檯就visual炸裂😎金黃嘅粗薯條🍟油香味撲鼻而來，咬落去外脆內軟，綿密得嚟又熱辣辣，真係正啊，連埋兩款惹味嘅醬，尤其係蒜味蛋黃醬，風味頓時倍增，超級推薦😋

冰沙都係夏日之選：咸梅西瓜冰沙 ($58)、
越式椰子冰沙($68)，咸梅西瓜冰沙極級消暑，以西瓜清新嘅甜味為主調，又有咸梅作中和，甜中帶咸，好好飲啊；越式椰子冰沙椰香味濃郁，甜蜜蜜，冰涼透心，好滿足啊😚

餐廳裝潢超有氣氛，而且播歌選擇超級有品質同格調，好有rhythm 🥳食物水平高，用餐環境好，冇得輸😜

喜歡像美食一樣的融合，燒烤豬肉飯很好吃，味道也很豐富。即使有 eatigo 折扣，份量也很小而且價格過高

中環型格港式Fusion Cafe X 酒吧 – 何蘭正🍺
．．．．．
「鬼佬涼茶」呢4個字大家都唔會唔識啦！何蘭正係SOHO舊店已經好出名，宜家更細舖搬大舖，下畫做CAFE，夜晚係酒吧，仲加左好多型格打卡位，一入到黎已經覺得好有feel 🥰 酒吧版既何蘭正，由以前開始我已經好鐘意，所以我呢次係專登黎試下下午CAFE版既何蘭正☕️
．．．．．
睇完餐牌後，真係好多菜式都好吸引、好想食！左揀右揀，最後就決定試「24 小時慢煮伊比利亞叉燒煎蛋豬油撈飯」、「黃金脆炸雞」同「炸薯條」。仲叫左兩杯咖啡。而我係等緊食既時候，就去左打卡😆
．．．．．
「24 小時慢煮伊比利亞叉燒煎蛋豬油撈飯」(圖1,4,5) 睇個樣已經好吸引！個慢煮伊比利亞叉燒好肥美，肉質軟淋又有濃邊，配埋隻日本煎太陽蛋好好食！而個豬油撈飯，你唔好睇佢好似好深色就以為好重口味，其實食落係少少甜甜地咸咸地，入口冇咩油膩感架。
．．．．．
小食方面(圖2)，我好鐘意呢度既「炸薯條」呀！炸得香脆少少辣，配埋辣茄汁同蒜味蛋黃醬，真係食唔停口同好岩送酒(好壓韻🤣)。但可借「黃金脆炸雞」就有少少乾，如果雞肉可以JUICY D就正！

富有特色既一間主打Fusion菜酒吧～新舖環境寬闊，裝修以舊式香港為主題，有手繪畫既玻璃外牆及霓虹燈牌，設計別出心裁。除左環境靚，食物同樣高質素。可惜當日無駐場甜品師傅，食唔到想試好耐既泡芙。

❀ 何蘭正式班尼迪克蛋
同平時食開egg benedict唔同，配料有香甜又juicy既伊比利亞叉燒，酸酸甜甜既菠蘿及呈半流心狀態既溏心蛋，口感非常豐富！而且底部用上烘得香脆既開邊長棍麵包，菠蘿既清香味中和油膩感，整體味道與叉燒及溏心蛋配搭得好好，好有驚喜

❀ 香煎澳洲牛面珠漢堡包
依個漢堡包味道好特別，熱烘烘既漢堡包配上厚厚既牛面珠及金菇，再塗上沙嗲醬，好惹味！ 牛面珠肉質炆得好腍，沙嗲醬味道亦好突出。薯條烤得香脆可口，仲配有茄汁及沙律醬~

❀ 咸梅西瓜沙冰
依杯西瓜沙冰消暑一流，西瓜好清甜，每啖都有滿滿既西瓜肉，好正！最特別係沙冰上灑上咸梅碎，甜中帶咸，咸梅味唔算太突出

⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
👅味道：⭐️⭐️⭐️⭐️
📸環境：⭐️⭐️⭐️⭐️
🤵服務：⭐️⭐️⭐️⭐️
💎CP值：⭐️⭐️⭐️💫
(5⭐️為最高分)
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆

咁多人都食過何蘭正食fusion菜，今次終於到我去喇

24小時慢煮伊比利亞叉燒配煎日本太陽蛋，紅洋蔥漬，香噴噴香蔥豬油撈飯

店舖既必食菜色之一，其實即係黯然消魂飯😂大大件既厚切叉燒，咬落去肉質軟稔，好少地方有得食既豬油飯又香又邪惡

法式焦糖女兒紅獅頭鵝肝燉蛋配牛油多士

好特別既小食，又有鵝肝既鹹香，又有滑既燉蛋既甜，仲有d酒味tim，加埋d莓果既微酸，幾種唔同既味道竟然好夾喎，如果可以再多幾塊多士就好喇

煎封智利白鱈魚柳，台灣龍膽石斑魚柳，釀鎚揼海虎蝦膠，配蒸陳村粉及蕃茄海鮮汁

餐廳日日都有唔同既是日靚魚是日煮法。今日我地就咁岩係食2種唔同既魚柳，都煮得幾爽口入味，蝦膠好彈牙，仲可以試埋陳村粉tim

餐廳仲有其他好多款特別既野食，下次再搵埋班fd一齊上黎happy friday先😋
。
。
何蘭正
中環雲咸街29號東方有色大廈2樓
。
。

☕️️ Cafe for chilling — 何蘭正✨ 又係咪真係好撚正？🤫
#90cp黃店篇💛 #90cp中環篇 #90cpCafe篇

➖➖➖➖➖

放假都要返嚟中環就係為咗去影相😂 又要喺中環附近覓食 結果就嚟咗呢間bookmark咗都一段時間嘅cafe 試一試😌✨ 位置上其實有少少難搵😂 不過一入到黎見到佢嘅裝修 配搭埋霓虹燈牌🏮 又真係幾有feel😎

美味指數 😋: ⭐️⭐️⭐️⭐️
環境指數 🏖: ⭐️⭐️⭐️⭐️⭐️
服務態度 👨🏼‍🍳: ⭐️⭐️⭐️⭐️
翻兜指數 💫: ⭐️⭐️⭐️⭐️
(五粒星為滿分💯)

✨ 24小時慢烤伊比利亞叉燒 | 豬油撈飯 | 煎蛋韓式紫菜 $178
作為招牌菜 佢叉燒飯真係一啲都唔失禮😛 佢嘅飯炒得粒粒分明 有少少豬油撈埋一齊 更加突顯到佢粒粒分明嘅感覺😙 慢煮叉燒肥瘦亦都適中 可能因為慢煮嘅關係 食落感覺都唔太油膩 都真係算唔錯!!🤤 而且佢嘅蛋係半流心 吉穿佢撈埋啲飯食又係另一種享受🤫 最抵死係佢仲有啲韓式紫菜 撈飯食搞到好似食緊韓式拌飯咁 感覺好似將中式日式韓式撈埋晒一齊 好新奇🤣

✨ 香煎澳洲牛面珠 | 沙嗲醬 | 金菇菜薯條| 漢堡包 $138
雖然佢係用澳洲牛 但係加咗沙嗲醬之後感覺就好似食緊沙嗲牛一樣😍 情況就好似將漢堡包crossover 沙嗲牛肉麵咁!! 🍔🍜 非常有新鮮感🤤 牛肉都好淋 但有少許嘅辣 但係已經非常出眾!! 加埋非常煙韌嘅薯條做配菜 簡直冇得輸🙌🏻

✅ 見識少嘅我覺得菜式嘅配搭都好新穎😍 而且餐廳嘅裝修都好啱打卡 幾有特色✨

❓性價比方面就真係見仁見智🤭 女朋友就覺得唔算太抵食 不過我就覺得ok啦 起碼都叫值得一試🙊

💡溫馨提示💡作為路痴會覺得佢嘅入口幾難搵😂 大家去嘅時候不妨東張西望下 當你經過一棟白雪雪嘅大廈 應該就會見到佢嘅指示牌😌 跟手入去搭lift上2樓就啱㗎啦!!

➖➖➖➖➖
📍 何蘭正 (中環)
中環雲咸街29號東方有色大廈2樓

講到呢間「何蘭正」，飲食界嚟講應該唔陌生，聞名不如見面，今次特登約姊妹到此一遊，希望鬼佬涼茶/招牌霓虹燈下打下卡咁話，距離地鐵出口有啲遠，特別行上去遇比較多斜坡同樓梯，不過沿途可以撞唔少壁畫、塗鴉等等，真系幾啱邊欣賞邊邊打卡再搵路，有種異國旅行嘅風格​
​
🌹炸雞配泰式辣醬 $92​
𝐓𝐚𝐬𝐭𝐞: Size系半原塊炸雞同冇骨，入面食到肉質嘅嫩感，冇太多油脂，配埋酸甜嘅泰式辣醬，非常配合，似柚子醬配少少泰式香料嘅醬汁帶微辣，唔系平時食開嘅泰式辣醬​
​
🌹慢煮伊比利亞叉燒配九州溫泉蛋韓國紫菜香蔥豬酒撈飯 $178​
𝐓𝐚𝐬𝐭𝐞:不得不讚呢味餸系我至欣賞，飯嘅味道唔系十分似香蔥豬酒撈飯，反而幾似鰻魚燒汁嘅飯味，連同溫泉蛋、紫菜原本已好夠微甜同開胃，配埋作地好似微燒過嘅半肥瘦叉燒，真系入口覺得超幸福，叉燒蜜汁入味冇蓋過肉味👍🏻真心唔錯​
​
🌹香煎虎蝦球配九層塔，花雕日本蟹味噌手工扁意粉 $192​
𝐓𝐚𝐬𝐭𝐞: 一上枱建議先撈定意粉，因為呢款扁意粉比較乾身，有好香嘅九層塔味，面頭放咗唔少九層塔，虎蝦球作伴系面，相當有睇頭，不過蝦味就真系冇乜，而係花雕酒香日本蟹味噌方面，令到麵更加入味，仲因為意粉加咗辣味調製，令人愈食愈停唔到​
____________________________________________​
🌹成人紅豆冰 $118​
𝐓𝐚𝐬𝐭𝐞: 有加到Rum入去，需攪勻後先飲，配埋紅豆味、奶味，相當之適合女性口味，系杯偏港式口味嘅茶記cocktail 哈哈😄​
​
🌹黃金朱古力奶昔 $118​
𝐓𝐚𝐬𝐭𝐞: 呢杯酒精味道最淺，基本上唔系好飲到有酒精嘅味道，朱古力特別在用黑朱古力製作，固然朱古力香濃得嚟唔會過甜，非常之好飲​
​
🌹芝麻花生湯丸 $118​
𝐓𝐚𝐬𝐭𝐞: 唔使講呢杯造型系打卡專利，以萬壽無疆中式杯襯托，好似返咗去古代皇朝咁，非常有玩味，味道上加咗酒精後類似杏仁茶嘅味，而裡面的確有粒糖丸同芝麻花生系飲品中，非常獨特嘅設計，中式糖水系列cocktail​
​
𝙋𝙨: 呢到系冇非酒精類飲品，除咗水之外～​
____________________________________________​
🌹西班牙油炸鬼，榛子朱古力醬，焦糖煉奶$98​
Churros系好經典西班牙、古巴、哥倫比亞嘅下午茶，起源唔清楚。有人話由中國帶到歐洲改良而成​
​
𝐓𝐚𝐬𝐭𝐞: 有加上沙糖，配埋榛子朱古力醬、煉奶加埋雲呢嗱雪球，冰火交融仲感覺超級好味，Churros外脆內軟，味道真系略似油炸鬼，不過造型系花頭吱出嚟嘅貌相​
​
餐廳系裝修設計上、餐牌design上加咗唔少Fusion元素，令人提升新鮮感，另外夜晚嘅氣氛，霓虹燈招牌更令人有種上海灘感覺，帶Chill嘅氣氛，系個適合飲嘢、打卡、同朋友傾計嘅去處​
​
但未必系個適合用餐地點，公道地評論食物質素唔錯，但份量安排上系偏精緻，而價錢set up略高，不過以呢到環境、食物、氣氛、甚至員工服務態度講讚得一值，非常細心留意客人需要，即使系忙嘅時段，有開到眼界​

今次黎試呢間位於中環既特式fusion菜～～
雖然我未去過佢地既舊舖，但之前一直都聽聞佢地既野食同環境都好高質😍😍
所以今次新舖開張後我即刻拉埋朋友去試試😆😆
–
🍖24小時慢烤伊比利亞叉燒飯 $178✨
呢個叉燒飯係佢地既招牌，在場好多人都有點～～
叉燒肉質偏肥，口感好軟腍，咬落去仲好有油香味！！
另外仲有煎蛋同韓國紫菜～～
撈勻之後配豬油撈飯食真係超邪惡🤤🤤
–
🍔香煎澳洲牛面珠漢堡包 $138✨
burger配沙嗲醬都幾特別～～
牛面珠好嫩滑，配沙嗲醬有種沙嗲牛肉既感覺🤣🤣
面頭鋪滿金菇菜同酸洋蔥，口感豐富～～
薯條都好香脆，食完好滿足❤️❤️
–
☕️Mocha $50✨
呢度既咖啡可以揀要nutty定fruity既咖啡豆～～
我就揀左要fruity，飲落有少少酸，咖啡味濃郁😋😋
–
🍹Iced Lemon Tea (Black) $45✨
朋友唔飲咖啡就揀左要凍檸茶～～
茶味好濃，味道唔會太甜，都唔錯👍🏻👍🏻
–
我幾鍾意佢地既裝修，偏懷舊港式風📸📸
裡面有好多打卡位～連餐具都好特別，好有心思😍😍
員工們都好nice，下次會想再黎🤗🤗

非常美味且有創意的食物，良好的服務，啤酒足夠冷。

見到好多人試呢間係中環蘭桂坊附近嘅fusion菜「何蘭正」。第一次來食😆 睇吓係咪真係咁蘭正😍 餐廳環境玩味十足，有幾個霓虹燈打卡位，背景音樂好大聲好有feel，夜晚好多人，好熱鬧🥳

點左呢一碗二十四小時慢煮比利亞叉燒，煎日本太陽蛋，紅洋蔥漬，香蔥豬油撈飯，個名有啲長😍 其實即係叉燒飯，點解呢個叉燒飯值$178？因為個叉燒真係好蘭正！半肥瘦叉燒一咬落去肉質好軟冧，唔會乾，甜甜蜜蜜，好高汁！試咗你就明㗎啦！將太陽生雞蛋撈落豬油飯，香氣四溢回味無窮🤤

另外點咗呢個275g煎封軟嫩美國頂級甘香牛臂西冷，配慢烤日本椰菜，配川味香辣淡忌廉汁。店員會比唔同g數我哋選擇，熟度就固定左係五成熟，佢哋話係食落最軟嫩嘅口感👀 果然冇錯，牛肉食落真係好軟，帶有點嚼勁，牛味濃，配個醬汁非常juicy好味😋

“24小時慢烤伊比利亞叉燒|豬油撈飯|煎蛋|韓國紫菜”($178)
“香煎澳洲牛面珠|沙爹醬|金菇菜|薯條|漢堡包”($138)
“Latte”($45)
“Dirty”($40)

何蘭正仲喺peel st.嗰陣已經好想試
但一直搵唔到機會
之前冇啦啦話結業嚇咗一跳
好在好快就搬咗嚟新舖,面積大好多☺
仲有幅畫得超靚嘅落地大玻璃😍

嚟呢道必叫嘅一定係個慢烤伊比利亞叉燒煎蛋飯🐷
叉燒咬落外面脆脆地入面軟腍☺肥瘦程度適中
配上隻煎得超靚嘅煎蛋同豬油撈飯真係超邪惡😈
好食到三扒兩撥就食哂全個飯🤤
真係唔怪得會成為呢道嘅招牌菜🤩

另一份叫咗沙爹澳洲牛面珠漢堡🐮🍔
呢個又係不得了😍
漢堡包中間夾住3片厚厚嘅牛面珠肉
食落十分腍滑仲一啲都唔韌😍
沙爹醬味道超香濃🤤少少辣之餘仲好有花生香🥜
食為沙嗲牛關注組成員表示滿意🤣
跟漢堡包會有埋薯條🍟
薯條炸到十分金黃香脆,好正🤩

飲品方面叫咗杯latte同dirty☕
Latte要咗nutty啲而dirty就要fruity啲
一次過試哂2款味道☺2杯入口都十分順喉😚

每日唔同既special menu,
你肯洗錢食嘢一定唔好錯過
冇寫係menu, 要另外問

很棒的啤酒，優惠和服務

食品有創意，服務態度都好好
所有都唔錯，除左個鵝肝多士

由有趣而細心的工作人員提供的融合美食實際上味道極佳 🥰寬敞的場地，漂亮的裝飾 😍

食物飲品Fusion配搭好有特色
飲品選擇唔少 賣相精緻 味道亦唔錯
環境唔錯 玩味十足 打卡一流
服務唔錯 價錢可以

✨更詳盡食評＞IG：@hy_food_10

必定要到訪嘅堅係好L正嘅何蘭正🥂💯
.
忙碌嘅八月令我每日都身心倦疲，放假要同朋友Chill吓吹水🥂，放鬆心情。我哋呢日去咗中環嘅「何蘭正」食晏，自從佢喺蘇豪搬咗嚟蘭桂坊呢邊之後，我都冇嚟過。
.
餐廳環境比起舊舖更佳，座落於大廈二樓，可以閲覽雲咸街同藝穗會一帶嘅景色，景觀開揚🏙，自然光線充足。店內嘅裝修當然亦不乏打卡位，如霓虹燈同左青龍右白虎等。座位之間有一定距離，空間感十足。
.
午市時段所提供嘅食物菜式選擇唔多，但樣樣都好精緻🍽，而且價錢亦都合理。再者，呢度唔使收加一服務費㗎。不過店員們嘅服務態度絕對值得稱讚👍，佢哋全部都好有禮貌同活力，招呼周到，令客人感到滿意。
.
嬌嫩美國雞胸丨麻婆風辣冷豆腐丨香醋鼠耳($118)，我本身對呢道菜冇乜期望，純粹諗住雞胸啱食而已，而菜式造型亦未算太有驚喜，不過一食就令我心動起來💓。我無諗過麻婆汁嘅麻味咁強，而且又夠鹹。唔食得辣嘅人更應該試吓，因為你會感受到麻辣嘅「麻」係乜嘢味。🐔雞胸份量好多，肉質一啲都唔嚡，有嚼勁，更有飽肚感。另一邊係肉鬆豆腐，豆腐滑溜溜的，配合埋醬汁食好入味🤤，而上面仲有啲爽口木耳添。
.
何蘭正式荷蘭汁丨伊比利亞叉燒丨菠蘿丨溏心蛋丨開邊法國長棍麵包($168)，呢個係類似Eggs Benedict嘅菜式，不過係改良版。🥖麵包底唔係用上傳統嘅英式鬆餅Muffin，而係改以法包Baguette取替，法包本身都唔錯，一啲都唔硬，脆軟兼備。醬汁採用荷蘭汁，味道好濃烈，偏酸，而且好似仲有種食材加咗落去，但我講唔出係乜。法包上面放咗三件肉嫩嘅叉燒🐷、甜甜嘅菠蘿粒🍍同埋溏心蛋，🥚溏心蛋流心效果一流，味道比起水波蛋香，成個組合夾埋無得輸！
.
隨上面份主菜奉上一客沙律🥗，味道正正常常啦。
.
焗金文畢芝士丨薑汁黑糖丨炸蕃薯仔丨薑味雪糕($148)，我由落單嗰刻到上菜時都好猶豫佢究竟係咪甜品嚟⁉️。甜品賣相吸引，中間圓形一大件似足近嚟大熱嘅巴克斯芝士蛋糕，但佢其實真係一嚿芝士嚟，仲要係鹹嗰種🧀。就咁食完全唔似甜點，但配合埋其他食材(如甜薯仔、紅桑子、果仁以及白玉丸子)一齊食，鹹鹹甜甜同時夾擊，感覺幾得意。分開上嘅薑味雪糕則帶來冰凍感🍨，而浸薑味突出而不膩，微微辛辣，令人愛上。
.
飲品方面，我哋都嗌咗咖啡☕️，分別係Shakerato (w/ handmade ginger syrup)($58)同埋Dirty($40)。前者即係冰搖咖啡，以酒杯奉上，面頭有好多泡沫，啲泡甜甜哋，帶少少薑味，下低就係凍Espresso。後者係髒髒咖啡，佢就無強烈嘅顏色對比，但口味都算細滑，而且唔會太苦啱晒我。咖啡豆可以揀Nutty啲或者Fruity啲，不過無比較下，我都唔係好分到，唔識飲。
.
題外話，我好欣賞餐廳將好多香港元素混入在內🇭🇰，就例如啲餐具好有港式茶餐廳特色，哈哈。
.
總括嚟講，何蘭正堅係好L正啊💯，佢係中環必定要到訪之一嘅餐廳。以前未嚟過，或多或少都有啲擔心佢係咪得個樣嘅打卡店，但食過之後你應該唔會失望呢。菜式設計新穎，味道令人滿意😋。如果夜晚嚟嘅話，就更加要嘆嘆佢嘅手工啤喇，推介🌟！

中午在中環雲咸街何蘭正午餐，餐廳環境幽靜，內裡分為幾個不同主題的風格，有用較為中式的木枱及木製方櫈，亦有教為西式的膠椅。牆上有唐詩字畫，亦有「鬼佬涼茶」等燈飾。
餐廳以中西合璧的風格，裝潢如是，食品亦如是。
飲品方面，我要的是Rose，是汽酒一類。朋友要的是芝麻花生湯丸，上面是中式的芝麻味奶蓋混有花生碎及小粒湯丸，下層卻是Whiskey及Bailey’s混合的雞尾酒。
蒜苗爆炒蝦球、蒜蓉牛油帆立貝配櫻花蝦燴稻庭烏冬及鰹魚忌廉汁，材料豐富，除了標明的食材外，還有翠玉瓜、茄子、蘿蔔及小粟米等，相當入味。
香煎紐西蘭雞胸、油封幼嫩牛舌配炸美國薯仔及香噴噴羊肉及雜菜咖喱醬，雞胸入味不柴，厚切牛舌也十分腍滑，羊肉配咖喱醬確是做得到香噴噴的。
法式提拉米蘇多士、香蕉果茸、雲呢拿雪糕及桂花糖漿，不同一般法式西多用鮮奶蛋漿浸隔夜麵包再用牛油煎的硬身，而是用咖啡蛋漿浸Lady Finger的濕潤，配以桂花糖漿，既是熟悉的味道，又很新穎。

荷蘭正回歸啦， 之前見到ig 有唔少foodie fd 都有食， bookmark 左。

🐽24小時慢煮伊比利亞叉燒飯   CharSiu Rice w seaweed $178
差唔多每枱都會點 ，叉燒厚身得嚟肥瘦適中，經過慢煮，口感更為軟腍，比一般中式叉燒無咁油膩。太陽蛋流出蛋汁，配合豬油撈飯，飯粒特別香滑。不過，豬油味唔算突出，紫菜碎偏淋。

🍔龍膽石班魚柳|芫茜|醃奇異果|皮蛋他他醬|薯條|漢堡包 Giant Grouper $168

漢堡包帶少少脆身，上層鋪滿芫茜，再之後食到石斑魚柳，幾厚身同大件。醃奇異果同皮蛋醬同漢堡包幾夾，更令整體更為開胃。 薯條用咗「福」字嘅中式杯裝， 中西合璧。 薯條偏硬身，可以點茄汁同沙律醬。

☕️雲尼拿棕樹糖冰咖啡 HLJ Vanilla Palm Sugar Coffee $58
咖啡係以棕樹糖調製，之後店員親自倒入雲呢拿，配合深啡色嘅冰 ，其實係用espresso製成。奶味比Mocha 更香濃，容易入口。

☕️Mocha Nutty $50
正常水準，個人鍾意棕樹糖咖啡嘅甜味多啲。

🇭🇰中環雲咸街29號東方有色大廈2樓
港鐵中環站 D1 出口, 步行約4分鐘

第二次訪問菜單已更改，但感覺食物質量下降了很多。整體氛圍很棒，啤酒種類繁多，但食物很一般。
酸辣湯裡的蛤蜊很好吃，但我吃完這頓飯後很口渴。

特式Fusion菜，正！