Cuisine Culture
營業時間
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
| 星期日 | 休息 |
| 星期一 | 12:00–15:00 |
| 星期二 | 12:00–15:00 |
| 星期三 | 12:00–15:00 |
服務選項
外賣自取
堂食
產品/服務
酒精飲品
啤酒
葡萄酒
餐飲選擇
午餐
晚餐
到會
甜品
設施
洗手間
適合兒童
氣氛
舒適
用餐規劃
接受訂位
付款
信用卡
喜歡油封鴨，香脆可口。
午餐份量夠，質素幾好
中環午餐好地方，價格便宜
食物很好價格合理服務很好
雞腿令人印象深刻！
非常美味和實惠的價格點
噪音。人群和緩慢的服務
性價比高
大食妹同朋友仔前兩日去左中環嘅Cuisine Culture食法國大餐🇫🇷食呢啲咁有儀式感嘅野食, 當然要由appetizer🥗食到dessert啦🍰
❤︎
#焗古也芝士洋蔥湯
首先上枱嘅係焗古也芝士洋蔥湯🧅洋蔥湯醇厚香甜, 洋蔥嘅甜味毫無保留地釋放出黎🤤中間仲加左芝士🧀, 洋蔥湯嘅熱力令芝士呈現半溶狀態, 配上吸收左洋蔥湯嘅多士🍞, 超級好食🤗
❤︎
#法式焗蝸牛
法式焗蝸牛🐌就配搭上蒜蓉🧄牛油🧈, 口感偏軟🧐
❤︎
#海鮮墨魚意粉
朋友仔就最鍾意海鮮墨魚意粉🦑海鮮墨魚意粉嘅海鮮種類幾多, 有大蜆🐚、帶子同蝦🦐, 醬汁應該係龍蝦湯🦞大蜆味道鮮甜, 聽店員話大蜆係即日係街市買嘅, 咁講究真係抵讚👍
❤︎
#法式地道鴨腿配鴨油煎薯仔
大食妹就至愛法式地道鴨腿配鴨油煎薯仔🦆鴨腿肉質軟嫩, 骨肉分離, 鴨皮酥脆味道微咸, 鴨油味愈食愈突出, 煎薯仔🥔同沙律菜🥒都好有誠意呢😽
❤︎
#提拉米蘇
而甜品提拉米蘇裏就加入左杏仁粉, 同外面食到嘅好唔同呢😲
您可以舒適地坐在這裡，避開工作日中環常見的瘋狂人群。食物的份量令人滿意，但我對他們推薦的炭燒豬排配意大利面有點失望，因為豬肉就像 3 塊叉燒一樣。
Cuisine Culture
中環隱世法式西餐廳
每到週末，總係要搵啲好嘢食吓relax一下。今次就俾我喺中環蘭桂芳附近搵到間隱世法國餐廳。餐廳環境氣氛唔錯，雖然早早地6點鬆啲就到咗餐廳，但都已經有幾枱食客喇。
Appetizers：蘑菇多士。多士焗得好脆，面頭一陣薄薄嘅牛油，就咁食都已經好香。將磨菇同忌廉汁放上多士面食，即刻變成另一種風味。
Soups：焗古也芝士洋蔥湯。洋湯好甜，整個湯都好鮮味。湯焗得熱熱咁上枱，芝士仲可以拉到絲嫁。
Pastas：香蒜牛肝菌意粉。牛肝菌香味濃郁，意粉口感煙韌，整就菜嘅食材雖然是簡單，但味道絕對不能看少。
Main Course：香煎時令魚柳拼海鮮配海鮮汁。今日唔太想食紅肉，所以叫咗依個海鮮同魚做主題嘅主菜。今日嘅時令魚柳係鱸魚，魚柳好新鮮，亦都煎得好香。其他海鮮有帶子，大蝦同大蜆。大廚活用了海鮮嘅鮮味，整個course嘅海鮮都鮮味好食。爐魚柳底下仲有薯蓉，薯蓉滑溜而帶牛油香。
Desserts：是日甜品。隨便咁點咗是日甜品，原來一啲都唔隨便。甜品分別有無花果撻、雲呢拿雪糕同焦糖燉蛋。無花果撻面頭有大大片嘅無花果肉，撻身係吉士。撻底脆口非常，記得一定要連埋撻底一齊食。雲呢拿雪糕混有nuts，比一般西餐廳嘅齋雪糕球用心。焦糖燉蛋做得非常好，焦糖厚薄適中。可以一次過食三款甜點，真係好好嘅ending。Good Job!
蘑菇吐司、洋蔥湯、巧克力蛋糕超級棒！愉快的生日晚餐。
好吃的食物
好味！ ！ 😋😋
湯正！牛扒一般。。。
好的
這個地方有點難找，因為標誌不是露天的。食物有點乏味。只有一個人在房子前面工作，這使得為所有客人提供服務變得困難。
食物普通，枱與枱太密，勁油煙味
今日我生日，男朋友專登book咗一間法國餐廳同我食飯。位置喺樓上舖頭，細心搵就可以了！
首先叫左龍蝦湯，超級濃味，好有蝦蟹味，湯好杰身！前菜用法式焗蝸牛開始，一上枱就聞到好香香草味，仲有薯蓉托底，田螺肉質比較淋，隻隻都好肥美多肉有汁！火候啱啱好，利用餐廳細心配搭嘅食蝸牛專用夾同埋鉗，好易甩出黎。
主菜分別叫咗黑松露醬野菌意粉同慢火煮紅酒和牛面肉。意粉方面，黑松露醬非常入味，野菌超多，意粉相對硬身，食落去口裏面徘徊住黑松露嘅香。同時，意粉煮嘅時候明顯用咗橄欖油，除咗更加健康之餘，整碟意粉都變得更加色香味俱全！
至於和牛面肉（利用慢火煮牛肉，已經知道能夠鎖住肉汁更加淋軟）今次試牛既面頗部份，口感超正！好易咬同時不失牛既嫩度。特別想讚一讚個醬汁，紅酒味道未到完全揮發，加配大量番茄，廚師建議法包一齊食，又真係幾夾喎！
最後梗係唔少得有甜品啦，餐廳知道我生日仲幫我插上蠟燭寫上happy birthday，超級驚喜。特別想賺餐廳嘅雲呢拿雪糕裏面包含果仁同合桃，奶香幾重！好味！
中環樓上法式私房菜
自從在中環上班後，就很喜歡這個地方，不但有懷舊的港式餐廳，亦有新派的創意料理。這次就來到樓上法國菜的私房屋，這是我人生中第一次，實在很特別。
位置：雖然位於旺區，但門口相當隱密，就算經過都不察覺這是入口，因為是位於唐樓上的第二層，如果不是朋友帶路，真是不懂路！
環境：佈局呈長方形，右手邊是水吧和廚房，可以見到數位師父正烹調食物，但又不會聞到油煙味。左手邊便是一行行的座位，木桌木椅，牆上掛上大大小小的畫作和相片，佈置得相當有心思。環境色調較陰暗，可能這也是法國的情調吧！
夢菜：
龍蝦湯配法式麵包$88
味道很濃郁，但我最欣賞的是麵包上的一點「畫龍點睛」之作，就是在麵包上塗上檸檬汁，這點檸檬汁發揮了刺激味蕾的作用，中和了濃湯的鹹味，使人更加開胃。
法式焗蝸牛$98
香料味非常重，感覺是品嚐香料多於蝸牛，但其實我不是很明白蝸牛其實有甚麼地方值得吃，而蝸牛肉質較軟綿，我不太好這類食物。
主菜：
法式地道鴨腿配鴨油煎薯仔$189
這是朋友點叫，原本我是不吃鴨肉，因為我不喜歡鴨肉的騷味。朋友給了我一點鴨肉品嚐，第一口時完全不覺有騷味，第二口就有淡淡的鴨味，肉質偏乾但不油膩，後來服務員解釋這是因為廚師特意將肉弄乾，這樣才不會滿口油膩，的確是！旁邊的薯仔更出色，雖是用鴨油烹調，值完全沒有騷味，非常香口。
香蒜牛肝菌意粉$138
雖然是很簡單的食材，但只要烹調方法適當，也能成為一碟美食。呈上時已有一陣陣的菇香和蒜香，加上熱辣辣進食，味道入口時更濃。
是日甜品$78
這個就普通了，只是焦糖燉蛋、雪糕和馬卡龍，味道跟其他餐廳沒什麼分別！
這是一種你不應該抱有太大期望的西餐廳。只比茶鎮堂好一個檔次。
今日中午12點幾去，可能仲早所以冇訂位都有枱。疫情下佢地多外賣，人手有限下見到佢地有少少手忙腳亂，堂食預左要等下。
叫左set lunch，沙律係正常油醋汁，如果轉碗上會比較方便食; 主菜叫左rib eye 5成熟，份量足，夠淋唔會太多筋位，焗薯同菜唔馬虎。唯一覺得堂食冷氣唔太夠。
如果您以前從未吃過法國菜，那就太好了。
美味的食物、位置和服務
𝙩𝙝𝙚 𝙥𝙡𝙖𝙘𝙚 𝙩𝙤 𝙜𝙤 𝙩𝙤 𝙬𝙝𝙚𝙣 𝙮𝙤𝙪’𝙧𝙚 𝙘𝙧𝙖𝙫𝙞𝙣𝙜 𝙛𝙧𝙚𝙣𝙘𝙝 𝙤𝙣𝙞𝙤𝙣 𝙨𝙤𝙪𝙥!😋
.
唔講唔知原來蘭桂芳下面有間隱世法式私房菜，古也芝士洋蔥湯果然係餐廳扣牌菜，香濃肉湯超足料落左好多洋蔥仲有埋拉絲芝士，飲完都幾飽肚！焗蝸牛好香牛油同香草味肉質軟滑，係薯蓉硬左少少；意粉同鴨腿都不過不失，鴨油煎薯仔就幾唔錯，索哂鴨油香又煎得酥脆，啲薯仔仲甜甜地！臨尾食埋個蘋果批做結尾～
跟朋友在中環隨便四處走走，竟誤打誤撞找到間隱世高性價比的平民法國西餐廳，3位數字就食到法國🇫🇷4-course menu，非常親民😍
店員的服務態度非常好，好落力照顧好每一台的需要。而餐廳是open kitchen方式，可以見到師傅們都在埋頭苦幹炮製美食😝
餐廳還有優惠，紅酒白酒買一送一，可惜早已和朋友喝了happy hr才來，所以沒點了。
🦞龍蝦湯：一上碟已聞到陣陣好香的龍蝦味，喝下去更濃龍蝦味，再點上配了的蒜蓉包，非常滋味。
🌟法式焗鍋牛：向來都非常喜歡吃鍋牛，所以點了這個appetizer。擺碟精緻而且上菜快，鍋牛底下是好香的薯蓉。鍋牛的香草味調味亦非常入味，忍不住把所有汁都一起吃了。
🌟鮮大蜆意粉：蜆相當大，而且用上新鮮的蜆，好鮮甜。意粉則浸上濃香的白酒汁，還有黑椒、蕃茄粒和蒜粒調味，好惹味。
🌟法式地道鴨腿配鴨油煎薯仔：鴨腿煎得好香，皮好脆，肉質也不錯，夾少少肥一起吃好香。薯仔則是以鴨油煎過的，好香。
🍮朱古力心太軟配雲呢拿雪糕：甜品做得最出色👍🏼👍🏼👍🏼心太軟外脆內軟，還有非常濃香的暖心朱古力流出來🤤🤤😋忍不住將所有朱古力醬都食曬。
在中環這個價錢能食到法式4 course晚餐，真係非常難得！
食物味道不錯, 但買相一式一樣, 定價可接受.
好服務。中環超值法國菜
Romantic 🥰🥰🥰
有人一入到去第一句係同我講好耐無食過咁正式既西餐
然後我回佢一句呢到好岩慶祝節日，你睇吓人哋個個都1pairpair🥺
其實我之前已經食過一次，但好掛住佢個洋蔥湯，所以再黎食
焗古也芝士洋蔥湯 $68@1
上次飲已經勁鍾意，本身我對洋蔥湯麻麻哋，但佢啲芝士真係過分拉絲，每飲一啖你都可以拉到好長嘅絲，真係好出色，而且入面嘅麵包浸左湯都唔會話淋到食唔到，但唔知係咪有對比之下，覺得冇上次個味咁香，但芝士依然係好足夠，好拉絲🥰🥰🥰🥰
法式焗蝸牛 $98
食法國菜梗係要食蝸牛，嚟到嘅時候勁香嘅蒜蓉味，而且好細心配有食蝸牛嘅用具，好方便就可以食到，仲有我最愛嘅薯蓉，一齊食真係好Yummy😋😋😋
黑松露醬野菌意粉 $138
一嚟到就聞到勁大陣嘅黑松露醬味，絕對唔係平價嗰啲黑松露味，而且俾咗勁多黑松露，好足料，朋友都話好好食
慢火煮紅酒和牛面肉 $248
慢火煮嘅嘢真係冇得輸，而且仲要係牛嘅面珠燈，夠晒入味夠晒林，唔係太鍾意食用嘅我都表示好好食，而且去配有兩塊麵包可以點汁食，點左汁個麵包都係唔會話林得滯食唔到，我好滿意呢個肉，出色👍👍👍
女人有兩個胃，雖然已經好飽，但最後梗係要叫個甜品做結尾
酥皮蘋果批配雲呢拿雪糕 $78
個甜品有特別點汁，令到成個甜品加分，雖然睇落去份量唔多，但真係好夠食。睇落個樣唔係話真係好吸引，但個批好脆，而且唔會話過多嘅玉桂粉味，配埋雪糕一齊食冇得彈，好好食呀真係
環境好好，雖然地方唔大但係舒服，店員好細心，不斷幫手加水碗碟，論盡嘅我唔小心自己整污糟咗件衫，佢見到都即刻同我講可以去廁所洗一洗，好窩心🥰
香港已經好難搵啲咁細心咁好客嘅店員，價錢唔貴，值得幫襯👍👍👍👍
中環區咁多外國人同OL，給予一種有好多高檔東西嘅感覺，今次黎到呢間法國菜餐廳，位於大廈內而食物質素都唔差，性價比真係相當高。
🔷法式焗蝸牛 💰98 💙65/100
Baked Snails with Garlic & Herbs in French Style
作為前菜好開胃，因為佢個醬汁味道強烈。好少食蝸牛而呢到竟然有供應，食落唔淋唔硬，另外仲有啲薯蓉喺底固定個蝸牛殼，都幾細心。
🔷焗古也芝士洋蔥湯 💰68 💙95/100
Gratinee French Onion Soup Toast & Gruyere Cheese
洋蔥湯真係好高質，估唔到個芝士又會焗到咁拉絲，咬落仲煙煙韌韌咁，而且份量都好重手，對個湯難以忘懷。
🔷燒蜜糖檸檬芥茶籽黑毛豬排骨配香蒜薯仔 💰219 💙78/100
Roasted Iberico Spare Ribs with Honey, Lemon & Mustard Grain served with Garlic Potato
蜜糖配檸檬又幾夾，而且佢哋嘅咪系微微食得出，又唔會覺得好單調。豬排骨燒到肉汁鎖住左係到，而外面卻又香黃帶焦，不過油份都存在。
🔷黑松露醬野菌意粉 💰138 💙80/100
Spaghetti with Wild Mushrooms & Black Truffle Paste
面頭有一匙羹嘅黑松露，拌埋意粉咁樣嚟食真係好香溢嘅黑松露味。意粉質感有少少似手工嗰種，都好煙韌。
🔷Tiramisu 💙85/100
有清香咖啡味，非常香，Cream嘅質感配埋蛋糕真係食得出入口即溶。
非常非常好的有禮貌、細心的工作人員。由於預訂了 2 人，所以沒有等待時間。食物的份量很不錯，而且擺盤也很棒。肯定會再次訪問並強烈推薦它！
4個人分了幾個頭盆再加3個主食， 當然重分了2份甜品， 滿意的一餐
「心裡說不，身體卻很誠實…」外表就傷心，內裡就不甘，理想同現實永遠都唔成正比，橫掂都係啦，今天起不到星際，從當天的個體，成為今天的各位；
收起煩惱再將時間擠呀擠，放開懷抱再將團火keep呀keep，面對法式誘惑「Cuisine Culture」心底有咩煩惱我都不理，I don’t know…👇
–
📌A P P E T I Z E R S –
▪️ Mixed · Mushroom Toast – $89
▪️ Gratinee French Onion Soup Toast · Gruyere Cheese – $68
▫️ 前菜先黎個「蘑菇·多士」，中間濃郁既忌廉蘑菇配搭即叫即烘既多士，兩種配搭得宜，多士又夠脆口，味道幾夾；而招牌菜「焗古也芝士·洋蔥湯」亦係黎呢到必試，熱辣辣法式麵包浸住係洋蔥湯上，加上密麻麻既芝士，令成個湯帶出淡淡既鹹香；個湯入口亦夠濃稠，果然無令人失望。
–
📌P A S T A –
▪️ Spaghetti · Porcini & Garlic – $138
▫️ 主菜方面我揀左一個意粉，一個MAIN，呢個「香蒜·牛肝菌意粉」充滿住濃香既牛肝菌味，意粉炒得夠乾身，口感煙煙韌韌，好有咬口；牛肝菌亦夠爽彈，成個意粉食落亦唔會太重油膩感，呢點抵讚。
–
📌MAIN · COURSES –
▪️ Traditional French Duck Confit · Duck Fat Potato – $189
▫️ 另一款主菜亦係極高人氣既「法式地道鴨腿·鴨油煎薯仔」，鴨腿一切開好容易做到離骨狀態，外皮夠脆身，肉質完全極腍滑，呢點要讚；另外薯仔煎得外脆內軟，吸收哂鴨油既精華，份外入味。
–
📌D E S S E R T S –
▪️ Apple Pie · Vanilla Ice-cream – $78
▫️ 最後甜品整返個法式經典既「酥皮蘋果批·雲呢拿雪糕」一大個酥皮包住香甜既蘋果肉，批底食落唔係腍身，反而好鬆脆；加埋雲呢拿雪糕一冷一熱，成個口感夠哂firm呀！
–
📎 Cuisine Culture
📍中環德己立街12號業豐大廈2樓203號舖
估唔到喺中環商廈有間高質隱世法國餐廳😂 約會拍拖慶祝紀念日都好岩feel
是日餐單如下：
Lobster Bisque 龍蝦湯
好濃郁嘅龍蝦🦞味 ，配兩個細的蒜蓉包，連埋啲湯一齊食，好滿足😂
Baked Snail with Garlic & Herbs in French style 法式焗蝸牛
肉質好嫩，仲有啲QQ口感，下面嘅薯蓉有好香的蒜香牛油味道，一齊食都好夾
Traditional French Duck Confit & Duck Fat Potato
法式地道鴨腿配鴨油煎薯仔
鴨腿皮好脆，肉質好嫩之餘一啲都唔乾，仲有好多肉汁，另外個薯仔好好食！！😍外面都整到好脆，好香😍👍🏻👍🏻👍🏻👍🏻推薦
Seafood with Black Ink Spaghetti
海鮮墨魚意粉
個意粉底都係用咗龍蝦湯，所以成個意粉都好有鮮味🥰 材料都係帶子、青口同蝦等。
Apple pie with Vanilla Ice-cream
脆皮蘋果批配雲呢拿雪糕
批好鬆脆，都唔算好甜，所以好岩我口味
另外，餐廳職員服務都幾好，食完一碟都會同我地換一隻碟👍🏻見到佢地仲有set lunch 中環返工的朋友都可以去食個靚lunch🥰
Cuisine Culture
地址: 中環德己立街12號業豐大廈2樓203號舖
設計華美，空間寧靜，高級舒服嘅法國餐廳
溫馨氣氛，抵食嘅法國菜。午餐唔使$100, 晚市都好多優惠，菜牌選擇豐富，餐酒買一送一，中環樓上好餐廳。
這是一個封閉的空間。他們以合理的價格以美味的食物留住顧客。大部分很適合分享。
全無拘束感既法國菜，有我喜歡既法式洋蔥湯，熱辣辣好窩心，美中不足既係有少少廚房既油煙味
質量好，價格合理的午餐套餐
不過座位有點擠
今日例湯
香草烤全鱈魚配土豆泥
烤伊比利亞豬柳配蜂蜜芥末配烤土豆
環境 👌🏻 服務 👍🏻 食物 👌🏻 …
5人分了2個頭盆， 2個湯， 2杯餐酒， 4個主食再加5個甜品， 美味， 滿足
一間充滿親和感覺的法式餐廳🥰，職員十分友善及細心，值得推介
最欣賞「焗古也芝士洋蔥湯」味濃口感豐富；「香草焗田螺」是大人小朋友最愛；主菜品嚐了「慢火煮紅酒和牛面肉」配埋餐廳House red wine ，完美配搭；「黑松露醬野菌意粉」無論意粉或黑松露分量十足，意粉軟硬恰到好處；最後食埋甜品「酥皮蘋果批配雲呢拿雪糕」，蘋果批大少少焦香，混合埋雪糕一起吃，十分滋味。
一間性價比十分高的法國餐廳👍。 …
洋蔥湯好好飲，呢個係全晚最好食的
蝸牛ok，略嫌太咸
Duck confit一般，味係有ge，企係有d乾。不過伴碟的薯仔好好味
蟹肉沙律幾好,夠fresh
甜品萍果批好食，岩岩焗好非常脆，夾埋雪糕食好正
記得記得切勿叫house 紅酒，勁難飲一大陣藥水味，買一送一都千祈唔好叫
《Cuisine Culture》
成日都覺得法國餐係好貴😮💨，今日我男朋友就帶我嚟咗呢間位係中環性價比高嘅餐廳！而且唔單止價錢實惠，而上菜速度都比一般嘅法國餐更加快，啱晒我呢啲冇乜耐性嘅人！
🦞龍蝦湯 HK$88
龍蝦味好香濃，湯既質地都濃稠，絕對唔稀！
🐌法式焗蝸牛 HK$98
好香牛油味！蝸牛好軟熟，唔會太硬咬唔到！薯蓉就無乜調味料，所以感覺都幾淡口！
🥩慢火煮紅酒和牛面肉 HK$248
牛面肉真係好軟熟，最重要係佢紅酒真係落足本，食到好香濃紅酒味！岩哂我呢啲酒鬼🤣🤣
🦑海鮮墨魚意粉 HK$168
可能之前幾道菜實在太好味，就顯得呢個菜式比較失色！墨魚麵比較清淡，不過就有幾多海鮮黎搭救！意粉唔算太軟，比較有咬口！
🍎酥皮蘋果批配雲呢拿雪糕 HK$78
呢個菜式絕對絕對十分推介！酥皮超級脆！餡料好香酒味，夾埋甜甜地既蘋果好好食🤤🤤而且暖暖地配埋凍冰冰的雪糕好正！雪糕仲有nuts, 正！
🔸🔸🔸🔸🔸🔸🔸🔸🔸
🍽 Cuisine Culture
📍 中環
💰人均消費: HK$350
🕊餐廳傳送鴿: @cuisineculturehk
🔸🔸🔸🔸🔸🔸🔸🔸🔸
#ivykomenu
#hkfoodie #foodie #hkblogger #hkfoodblogger #hkinfluencer #hkkol
#hkfood #hkfoodlover #hkfoodstagram #hkigfood #hkeat #hkrestaurants #香港好去處 #食好西 #香港美食 #食評 #手機食先 #香港餐廳 #餐廳推介
#central #centralfood #中環 #中環美食 #中環餐廳 #中環法國菜 #香港法國菜 #平價法國菜 #蝸牛
今晚去中環接友人放工，順道晚膳。友人對中環一帶非常熟識，揀選了一間法式嘅西餐廳。
位置於中心地段，一幢舊式商廈內。
焗法式地道古也芝士洋蔥湯
質感非常濃稠，比起平常飲的更濃，果然地道烹製法。
充滿著洋蔥嘅清甜，又有芝士嘅惹味。
焗法式蝸牛
好香，肉質嫩。牛油和香草調味得宜。
黑松露野菌意大利麵
黑松露醬份量恰到好處，不會太搶。野菌類多，口感足，好味。
燒蜜糖檸檬芥末籽黑毛豬豚肉
黑毛豬肉切了一片片容易食用。肉汁豐富。
焗麵包布甸
甜品不錯啊！雪糕溶化於麵包布甸，一冷一熱，正！
中環其實有很多樓上有質素食肆，”Cuisine Culture “是其中一間我認為性價比非常高的西餐廳。
餐廳佈置雅緻，燈光柔和，座位舒適，令人十分放鬆，是一個朋友聚會的好去處。
法式地道古也芝士洋蔥湯$78~洋葱煮至焦糖色，
焗洋葱蓉軟腍又香甜，配上半溶的古也芝士，無論口感和味道都很配合，一流！
龍蝦湯$88~龍蝦味十分香濃，質感濃稠，味道鮮甜，配蒜蓉多士十分美味。
法國巴約訥火腿提子沙律$148~紅黃車厘茄配巴約訥火腿，新鮮提子和沙律菜，咸香綿軟的火腿和新鮮的蔬菜，感覺健康清新。
日本鮮帶子檸檬汁初榨橄欖油意粉$188~
日本帶子又大粒又鮮甜，表面煎至金黃，肉質嫩滑彈牙，很美味。
意粉軟硬適中，配蒜片，番茜，蒜頭，車厘茄，pepper和羅勒，汁帶檸檬的酸味，很fresh很清新，好好味！
法式地道鴨腿配鴨油煎薯仔$208~
鴨腿表皮煎得十分香脆，鴨肉軟嫩juicy, 帶點咸香，
好正！
配菜有薯仔，沙律菜和車厘茄。
皮蘋果批配雪糕$78~蘋果批的酥酥皮焗得很酥脆，蘋果片清甜，配吉士醬，再配上一球Almond 雪糕，整體組合很完美。
非常好的食物和家庭熱情的服務
非常合理的價格
中環CP值最高
適合家庭樂或者朋友小聚，以性價比嚟講好抵食，但如果係對食物同環境好有要求就未必滿足到你。
服務
內用
餐點類型
晚餐
餐點：3
服務：4
氣氛：3
田螺和洋蔥湯還不錯。
服務
內用
餐點類型
午餐
餐點：3
服務：2
氣氛：2
中環平民法國菜
呢間係中環地鐵站3分鐘路程既法國菜絕對有驚喜！
頭盤：法式焗蝸牛🐌
一碟有六隻，兩個人Share岩岩好
蒜蓉味好濃，蝸牛肉大大粒，味道唔錯
湯：焗法式地道古也芝士洋蔥湯🥣
洋蔥湯原盅焗，熱辣辣！
洋蔥香甜濃厚，加上可以拉絲嘅芝士同埋麵包，食落好有滿足感，一定要叫！👍🏻👍🏻👍🏻
主菜：燒蜜糖檸檬芥末籽黑毛豬豚肉配香蒜薯仔
黑毛豬煎得外脆內嫩，一D都唔會韌，配上糖檸檬芥末籽醬汁，正好中和左豚肉既膩，恰到好處！
一碟5件上碟時已經切好左，好方便👍🏻
香蒜牛肝菌意粉
意粉煮得唔會太腍，不過我覺得個蒜香味可以再濃D
甜品：是日甜品
焦糖香蕉煎到脆卜卜，加上冰凍嘅雪糕。正好為呢一餐畫上完美嘅句號。
服務
內用
餐點類型
晚餐
平均每人消費金額
HK$200-250