Grill

原本諗住簡單食個飯，但見到有串燒，
就沒停到手了😂

LUNCH SET：
選左個 泰式青咖哩牛腩飯
牛腩 不錯，唔會話好乾或者咬唔開=)
青咖哩好香椰香，拌飯👍

另加左 1/4 海去骨南雞
雖然只係1/4份，但份量已經不小，
而且去骨後，既滑且啖啖肉，夠哂滿足😍

最後，加點左幾串串燒：
豬、牛、雞
三樣正常，但配埋佢D醬汁，香辣得黎好惹味=)
其中牛比想中好，以為會燒到乾身或韌，
但燒果個不錯，都仲有肉汁，燒得岩岩好=)
另揀左：
雞皮、白豬肉腸、白鱔
雞皮 – 燒完好香，再配埋飯食既話，更好味=)
白豬肉腸 – 一咬開就彈D肉汁出黎 – 正
白鱔 – 肉質很好，有機會可以試埋配其他醬汁是如何😉
💗💗菠蘿💟💟
最正係E樣=)
燒完之後，更加清甜，
下次經過🙆會想再叫黎食😋

個人好鍾意食咖喱

泰式青咖喱牛腩飯
味道鮮甜
海南雞飯冇骨，分量剛剛好

海鮮柚子沙律分量大碟, 口味超爽😋用料很多,有墨魚仔、蝦、腰果…

呢間有唔同種類嘅串燒, 件件都好吸引,最後揀咗呢四件

🧡雞肉串燒生熟度剛剛好，沙嗲汁可以更濃
🧡豬頸肉肉質好幼嫩, 酸辣汁非常配合
🧡牛仔骨令口感和味蕾都得以滿足
🧡個人覺得大虎蝦最好食,又香又新鮮😍佢唔係淨係得個樣，入面有好多肉，蝦膏都多

最後，焦糖燉蛋很甜

總結一下，佢嘅食物質素係唔錯，服務態再友善啲就更加好。

以前黎中環都成日會食呢間串燒，今次都係好想再寫多一次食評比佢，因為太好食又抵食啦。

今次叫左泰式酸辣豬頸肉沙律 ＄65
佢既沙律夠哂辣，加埋佢地出名既燒豬頸肉，真係非常香口而且調味一流。

半隻去骨海南雞 ＄135
超級大碟而且抵下有好多煮熟左既菜作為配搭，非常健康，而且佢既醬汁都好一流，保留原有風味，雞肉既肉質亦好新鮮。

泰式串燒配炒飯及雜菜 ＄70
超級抵食，每次黎都係必點之選，炒飯足料而且夠香，水份火喉控制得岩岩好。

今次試下叫佢出名既燒牛仔骨 ＄43
真係好好味，不論味道同燒烤火喉控制都好好，唔會過熟，燒點都好食過煎。

焦糖燉蛋 ＄36
最後想試下佢呢間既甜品，所以叫左呢一個試下，味道唔錯，價錢亦唔貴，值得一試。

今日經過中環呢間串燒店，俾佢透明玻璃嘅廚房吸引咗，外面就可以望到好多串燒喺度燒。
前菜方面嗌咗無骨鳳爪沙律$58，鳳爪酸酸辣辣，佢嘅辣度的確幾重，亦都有一啲蘿蔔是芹菜等等，食落口非常開胃凍凍地咁。
主食方面叫咗一個串燒拼炒飯$69，呢個價錢來講幾吸引，有豬雞牛各一串，個炒飯就有少少豆做配菜，個炒飯非常有泰式風味。
串燒來講價錢都好合理，而每一串我哋都覺得唔錯。比較特別嘅係有燒白鱔，佢用咗微辣嘅薑蔥醬，口感啖啖肉，唔會柴。另外叫咗兩串牛肉，雞肉，豬頸肉，燒魷魚鬚。
飲品就叫咗青檸梳打，同埋Tiger beer。

好幾次經過這間店，都被他的串燒所吸引，終於都忍唔住要試下啦，其實原來除咗串燒，仲有泰式沙律和海南雞

點咗兩款泰式沙律都幾大碟，泰式酸辣豬頸肉沙律($65)和柚子海鮮沙律($70)， 兩款都做得唔錯，前者酸辣惹味，主要由芹菜、蔥和芫茜做成沙律再配搭燒香過的豬頸肉片，後者酸酸味味好開胃，有好多柚子粒之餘，仲有魷魚、蝦和蜆肉， 加埋清爽嘅青瓜絲，簡直食到停唔到口～～

去骨海南雞1/4($70)望落好滑，食落都真係好滑，唔算好肥， 不過略嫌雞味淡咗啲

泰式串燒炒飯及雜菜($70)有豬牛雞串燒各一，可以試曬三款串燒，炒飯顏色好深，初頭以為會好濃味，但其實不然，味道帶點香料味和辣辣地

另外再點了牛仔骨($43)、雞肉($18)和豬肉($18)，肉本身嘅質素應該唔錯 ，燒嘅時間易控制得好，唔會太乾身

呢間是一間位於中環既泰式串燒鋪，趁平日特登黎幫襯，價錢好大眾化
未入到門口已經聞到香味，黎到當然要叫串燒，一口氣叫左招牌的，白鱔，大蝦，牛仔骨，仲有露筍
白鱔非常香口，啲油脂標晒出嚟，十分好味，大蝦有隻手掌咁大，而且好多膏，蝦肉亦好新鮮彈牙，出乎意料！牛仔骨都燒得好靚，同好淋，露荀係好細支果隻，新鮮！食落好香甜
另外仲叫左去骨海南雞，雞件好香滑，食落因為無骨，好鮮同好滑，是我食過最好食的海南雞，仲叫左柚子海鮮沙律，有小墨魚，蝦同蜆，材料好足，好抵食，是一間好值得推介嘅泰式串燒
最後叫埋焦糖燉蛋
焦香味嘅脆面 滑溜溜嘅蛋 放係最後食超正

Grill Thainan Chicken

地址: 中環和安里1號地舖

串燒飯

炭燒的豬肉、牛肉和雞肉串燒，即叫即燒香噴噴，豬牛雞肉處理得很好，沒有雪味，新鮮可口，肉汁豐富，記得趁熱食！泰式醬汁的飯，又香又辣，很開胃，推薦！串燒醬汁香甜為主。

雞飯

雞肉新鮮嫩滑，蔬菜配料不錯。
泰式酸辣醬酸辣度不錯，甜豉油增加層次感。海南雞飯口感煙韌，不鹹，不油膩，好味道。

木瓜手撕雞

木瓜絲新鮮爽口，加了泰式醬汁酸酸甜甜，勁 Fresh，加了紅蘿蔔絲也不錯，甘甜的味道和木瓜很夾。手撕雞雞味濃厚，不肥膩， 健康之選！

泰式無骨鳳爪
配料有香蔥、紅蘿蔔絲和芹菜。鳳爪口感煙韌， 連筋位也可以吃。清新的醬汁，特別醒胃。

炭燒白鱔

炭燒的白鱔超級香，廚師精心炮製，沒有骨，白線預先醃製，很喜歡青色的醬汁，酸辣為主，很出色！

炭燒牛仔骨

牛仔骨肉汁豐富，搽滿了特製的酸辣醬汁很美味，餸啤酒一流，必食！

中環多嘢食不嬲都知，不過好多都唔平，今日經過呢間串燒店唔算貴，而且見到入面滿座口碑應該都唔錯嘅，就選擇咗入來！

串燒類型都算多，連平時唔係好多地方有嘅白鱔呢度都有，不過價錢就貴少少，要成$60/串，不過真係好鍾意食嘅關係都叫咗3串。食落好肥美，無骨，燒到面頭香脆，少少焦，值得推介。

豬頸肉同雞肉食落唔嚡口，配埋酸酸辣辣嘅醬汁好正，真係夠晒辣！

大虎蝦，蝦頭有好多蝦膏，虎蝦大隻多肉，蝦肉唔霉。

除咗串燒以外，呢度仲有其他泰式炒粉麵飯同海南雞，我哋叫咗半隻海南雞，份量都幾多，雞肉嫩滑無骨，雞皮爽脆唔肥，雞皮亦唔貴，配埋海南雞醬，正！

.
《Grill ขุนทอง》
之前喺中環返工成日都經過呢間幾有名氣既串燒店！大大個店名好吸睛🤣 行街行到餓餓地一於去試下～😂 呢度首先要喺出面既收銀度落左單先，然後先入去搵位坐等店員出餐～ 入到去會見到好colourful 既人像畫，幾有特色！同埋可以打卡🤣

🍭雞中翼($22)
🍭魷魚鬚($25)
🍭牛仔骨($43)
🍭豬頸肉($22)
🍭雞肉($18)
🍭豬肉($18)
🍭牛肉($18)
🍭有機蘆荀($22)
🍭大花蝦($70)
串燒叫左以上幾款～ 因為我唔係太食得辣所以走左辣汁，如果加埋應該會更加惹味！店員大推牛仔骨同大花蝦！牛仔骨真係有料到，香口嫩滑，我好快ko 晒🤣 大花蝦就超大隻，不過啲肉就老左啲～ 另外我覺得豬頸肉、雞中翼同埋魷魚鬚都唔錯！

🍭泰式酸辣鳳爪沙律($58)
🍭 龍眼冰($25)
因為太想食無骨鳳爪喇所以點左呢款，但我食第一啖已經後悔了因為好辣下🌶 仲要後尾因為行開咗問嘢俾佢地收走左杯龍眼冰🤣 辣我流晒鼻水⋯ 不過係好食好惹味！杯龍眼杯都好飲～

這是搭配飲料的美味又經濟的一餐。沙爹醬非常可口，我可以說與新加坡的沙爹風味不同。

兩個人淡淡的喝了幾口，點了不到10串。
菠蘿和魷魚非常好吃。其他東西也很美味。

點的是在店裡吃的，結果都是一個個單獨包裝在一個紙袋裡，有點小失望。我想要一個盤子。

他們的烤串已經做好了。我的訂單是 1 隻雞肉和 1 根牛肉串。他們讓我等了 15 分鐘。收銀台的胖中國女孩極度種族歧視和粗魯！在那裡等的時候看到她對家傭很粗魯，但對中國人和白人很好！糟糕的服務和價格過高！

之前經過呢間餐廳時，已經俾佢放係櫥櫃既食物吸引左，玻璃既櫥櫃放左好多燒好既串燒，又可以睇到店員正在燒串燒既情景。今次終於約到朋友一齊食試下啦。
🍴燒菠蘿：燒過既菠蘿好甜，加左泰式既醬汁，別有一番風味，而且菠蘿仲要去左皮，落就更加方便啦。
🍴牛仔骨：食牛最驚韌，但呢個牛仔骨就冇呢個問題，而佢既汁非常野味，真係會食上癒。
🍴豬頸肉：燒得好香脆，有口感。
🍴白鱔：第一次食燒既白鱔，魚肉好嫩滑，仲要配泰式既醬汁，好特別。
🍴海南雞：皮滑肉嫩，而且雞唔會好肥，冇多餘既脂肪。
🍴焦糖燉蛋：估唔到有甜品，表面焦糖脆面，燉蛋又香又滑，唔會膩。食完串燒食返個甜品中和下，真係唔錯既選擇。

呢間泰國餐廳之前啱中環，而家踩撚埋過黎銅鑼灣，又唔响Google 登記無人知有呢間鋪，整體好食唔使介紹，但係雞肉有雞肉萎縮現象，比以前條J肉細左D , 唔加價縮J肉大家明白， 味道依然可以一屌！

成日經過蘭桂坊都見到Grill
長期排長龍 串燒味道好香
今天趁有時間終可以一試

#豬頸肉泰式沙律
偏辣 豬頸肉厚薄剛好
沙律菜好新鮮又爽甜

#海南雞 (1/4 隻)
極之嫩滑
皮薄爽滑
雞肉味道濃郁
附有黑醬油 辣椒醬
用來蘸點雞件同吃，更添美味

串燒叫了好幾款
辛辣度可以自由選擇

#有機露荀 鮮甜爽口 保持得到脆綠
非常鮮甜
#魷魚鬚 好惹味 有咬口

個人超級推介 #白鱔
肉質非常嫩滑 油香十足
火喉控制得非常好

另外 #雞中翼 #牛肉
賣相 味道 都非常唔錯

飲品 #Mojito
採用大量薄荷和檸檬
清新又酸甜的口感
沖淡了酒精的濃烈
喝起來清爽又開胃
減低串燒的油膩感

琴日又係我銅鑼灣食神微服出巡嘅時候，今日嚟到中環，條街喺鏞記上邊好容易搵。嚟到呢間餐廳個名幾特別，叫Grill ขุนทอง….外賣同堂食一半一半。主打套餐或串燒。

廢話就講完，講我成日講嘅揸車先，呢頭泊車都困難，我直情唔敢揸車來，嗰啲位揸車來直情係找死，千幾千唔好揸車！

嘢食都係叫咗招牌大家睇相啦，我可以講咁，中環區好難搵中低價又可以落肚的東西，佢價錢又唔係貴，論服務同環境就唔好講。

論食物好食。其他都正路。嘢飲都無乜特別，有幾特別自己睇圖片

又到我最着重嘅服務時間，作為米豬年食評家，除了食物出品，我們都睇環境服務整體配搭，我就覺得嗰啲外藉人士。有禮貌嘅都係對住外國人，每每見到對住中國人，都有啲變臉。唔緊要啦幾百年，我哋都俾人恰慣左，習慣咗。完全唔緊要！作為咪豬蓮食評家係有嗰句講嗰句！

總括而言，經過咪食下！食品可以！

呢一間東南亞菜餐廳之前係中環食過幾正😜，今日黎到銅鑼灣見到就即刻再食啦🥳
.
串燒配泰式炒飯 $69
呢度嘅午市套餐都幾抵食🌟，仲會包埋一杯飲品。呢個套餐有雞肉、豬肉、牛肉三種串燒😝，而且個炒飯都非常惹味🤩
.
去骨海南雞飯 $69
海南雞肉非常嫩滑，配上泰式辣醬更加好味😋
.
串燒豬頸肉$25+白鱔$65+菠蘿$22
串燒方面就揀左呢三種😗，白鱔非常肥美，另外菠蘿真係超級甜同多汁😍
.
冬蔭公湯 $40
呢一個湯同樣都好高質😛，特別係香料味十足，超級香😎
.
飲品:凍檸檬茶+凍奶茶

因為呢度最出名係串燒所以我都叫咗唔少嘅串燒 滿足一下肉食獸既自己

串燒叫左雞肉$20 牛肉$20 白鱔 $60 豬頸肉 $25

最好食來講我覺得係白鱔 燒到脆而且無骨 一啖一舊肉！

豬頸肉咬落去爽口彈牙 都幾入味 好明顯之前係有醃製過而且一路燒嘅過程都有加醬

雞肉牛肉都好香嘅醬味 一的都唔馬虎 唔係平時其他地方燒完係咁以一層醬 食得出廚師係一路燒都有轉 受熱均勻 食落去唔會有燒焦嘅情況

因為我冇叫到佢走醬嘅關係 嚟到嘅時候已經有少少酸酸地嘅醬汁 個人就覺得OK嘅不過如果唔想食呢隻醬汁嘅朋友仔仲有記得叫佢走醬然之後問其他醬汁了

總括嚟講呢間嘢串燒唔錯而且地方又坐得舒適又有冷氣 所以如果要我出街同朋友食串燒或者宵夜吹水我一定會揀呢間
服務
內用
餐點類型
晚餐

唔係第一次食呢間餐廳，一直都覺得佢係中環呢個地段嚟講好抵食，而且味道好！今日嚟嘅時候，見到一啲應該係印傭喺度食嘢，證明真係好有家鄉風味！

前菜嗌咗一個有柚子海鮮青木瓜沙律，海鮮都多嘅，有啲細嘅蜆、墨魚仔同埋蝦，仲有腰果。個汁嘅味道都恰到好處，同埋好大碟，食嗰啲串燒/比較辣嘅食飯嘅時候，食下呢個沙律就好好啦！

Main我地嗌咗個串燒飯，有三串串燒，雞牛豬，個豬肉非常令人驚豔！好淋，好好食！個飯唔係普通白飯，係炒過類似印尼炒飯咁，個飯都好好食！另外嘅散嗌咗幾串串燒，魷魚鬚、 泰式魚餅同燒菠蘿，魚餅本來係調咗味，偏辣嘅，所以嗌咗一杯青檸梳打。燒菠蘿我就嫌佢燒得唔夠燶，但整體全部都好適合我呢啲鍾意濃味嘅嘢嘅人！ 另外再嗌咗四分一隻海南雞，覺得佢可以有少於半隻嘅選擇都幾唔錯！

整體加埋野飲都係300蚊多啲，好抵食，一道覺得會食唔曬，但最後都有努力清曬佢！
服務
內用
餐點類型
晚餐
餐點：5
服務：4
氣氛：4

平平地又幾好味喎！
服務
內用
餐點類型
晚餐
餐點：5
服務：5
氣氛：5

/
Grill ขุนทอง (中環)

呢間嘢好似長期都人多, 收工經過見到唔使排隊就果斷揀佢!

🍗雞中翼
🥩牛肉
🥓豬頸肉
🍖牛仔骨串
🍍菠蘿
🍢魚餅
🐙魷魚鬚
嚟到呢度串燒就一定要嗌嘅, 可以揀辣度. 我食得辣我fd唔食得辣所以折中揀小辣🤣而推介嘅係菠蘿同牛仔骨串~ 肉燒得好香, 又易咬. 燒牛仔骨好軟腍好juicy~ 串燒我一定會嗌菠蘿, 呢個係純菠蘿肉又好甜好fresh☺️佢嘅魚餅偏辣請注意🤣

🥗柚子海鮮沙律
傳統嘅泰式辣而且好野味，酸酸辣辣，我fd唔食得辣，都繼續食，因為好味lo~

🍛泰式串燒配香辣炒飯
炒飯嘅精髓應該係夠鑊氣, 同埋佢都係好惹味. 串燒有雞牛豬配沙爹醬. 作為主食就啱啱好!

🍸 Mojito & Apple Cider
食串燒冇理由唔飲嘢㗎!!

泰式串燒配炒飯及雜菜（單點$72），包括牛肉串燒、豬肉串燒、雞肉串燒，配以沙嗲醬食用，味道正宗，炒飯內有青豆、辣椒、香葉，食落好香口。

魷魚鬚（單點$25），肉質彈牙，食落有鮮味，味道酸辣。

豬頸肉（單點$25），肉質薄切，食落有咬口，肉味濃香。

白豬肉腸（單點$25），腸衣口感薄脆，帶有胡椒味道。

泰國魚餅（單點$25），帶有香葉味道。

有機露荀（單點$22），口感爽嫩。

牛肉（單點$20），牛味濃厚。

豬肉（單點$20），味道甜鹹。

雞肉（單點$18），肉質嫩滑，食落好Juicy。

龍眼冰（單點$25），味道清甜。

青檸雪碧（單點$20），味道酸甜，飲落好清爽。

作為2022年嘅最後一晚，當然要出去倒數感受一下氣氛。倒數前先去醫下肚，就近㨂咗位於蘭桂芳嘅Grill 串燒店，主打泰式串燒，估唔到又平又好食！
服務
內用
餐點類型
晚餐

和安里串燒好物，惹味之選，串燒質素高

成日經過呢間見到啲火焰，又喺度燒緊串燒，真係好吸引😆 餐廳係主打泰式串燒，仲有好多唔同嘅泰國美食😋 入面嘅裝修好友有街頭風，都真係幾特別✨

柚子海鮮沙律
配料好豐富，有蝦、墨魚仔、蜆肉、柚子及腰果等等✨青木瓜絲、紅蘿蔔絲、柚子及海鮮嘅搭配好清爽醒胃😋呢個好有去咗芭堤雅嘅感覺😆

泰式去骨海南雞（1/4隻）
去骨海南雞真係好方便，去咗骨肉都唔少👍🏻雞肉亂畫仲可以配唔同醬汁👍🏻 呢個用椰菜嘅搭配感覺好健康💕

串燒🍢
揀咗雞肉、豬肉、牛肉、蘆筍及魷魚鬚～ 每款串燒嘅調味都唔同，各有特色💕個包裝都係方便分開唔同味道👍🏻👍🏻👍🏻特別鐘意雞肉和豬肉嘅調味，沙嗲醬有花生嘅感覺好香口惹味😋 牛肉揀咗辣～有辣椒、蒜蓉和甜酸醬，酸辣好醒胃✨彈牙嘅魷魚配酸辣醬👍🏻每串都好好味😋

飲品～
凍奶茶🥤有啲似減糖版嘅泰式奶茶，奶味特別濃郁✨龍眼冰係肉眼見到超多龍眼肉，清甜爽口😆