OMG Mamaday Cafe
營業時間
| 星期日 | 12:00–22:00 |
| 星期一 | 12:00–22:00 |
| 星期二 | 12:00–22:00 |
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
| 星期六 | 12:00–22:00 |
服務選項
外送
外帶
內用
產品/服務
小菜
咖啡
酒精飲料
啤酒
葡萄酒
雞尾酒
用餐選擇
早餐
午餐
晚餐
餐飲服務
甜點
設施
洗手間
適合兒童
氣氛
氣氛悠閒
環境舒適
規劃
接受訂位
付款方式
信用卡
弟弟說今晚在家打麻雀，為了節省媽媽煮飯的時間，他叫我直接買外賣回家吃，那麼可以多打幾回麻雀，於是我去了Mamaday外賣他喜愛的唔好抱咁大期望蒲燒鰻魚蛋包飯。
我一共買了兩款小食及兩款小食，分別是記住，期望愈大，失望愈大，蜜糖芥末雞翼，普通到無得再普通既炸魷魚圈，有蟹Go又有蟹肉的蟹蟹蟹意大利扁麵與唔好抱咁大期望蒲燒鰻魚蛋包飯。
愛吃雞翼的話千萬不能錯過記住，期望愈大，失望愈大，蜜糖芥末雞翼，雞翼外層香酥，內部雞肉軟嫩多汁，沾上蜜糖芥末醬汁更是絕配，香辣帶勁，非常過癮。
普通到無得再普通既炸魷魚圈則使用超肥美的魷魚圈，裹上炸粉，炸至金黃酥脆，魷魚圈紮實彈牙，不管直接吃，還是醮點些沙律醬品嚐，均十分美味。
是晚我最喜歡非有蟹Go又有蟹肉的蟹蟹蟹意大利扁麵莫屬，蟹肉，蟹膏，蟹籽和蟹鉗給得不手軟，意大利扁麵與香噴噴的蟹膏，蟹肉極搭配，鮮美無比，蟹味吸附在意大利扁麵上，我一口接一口吃過不停。
唔好抱咁大期望蒲燒鰻魚蛋包飯我加了28元升級做原條鰻魚，油亮的鰻魚平鋪在蛋包飯上，抹上香濃醬汁，香氣撲鼻而來，忍不住食指大動。
鰻魚肉質細緻肥嫩無骨刺，甜甜鹹鹹的醬汁超下飯。蛋包飯煎得蠻漂亮，是大家普遍接受的半熟程度，雞蛋吃起來滑溜得很。
之前已經黎過呢到一次～佢既裝修實在好特別，好有香港特色，而且menu都寫得好得意。記憶中佢無lunch set，無set既情況下價錢有少少略貴，不過當中都有唔少吸引既食物同飲品～
基本嘢：肉食者沙律
其實就係炸雞加沙律菜～好耐無食過炸雞啦??炸雞既數量剛剛好，粉漿唔厚，有肉汁，肉質都幾滑嫩，調味簡單樸素都幾好食～沙律菜既份量係超。級。多～連我一個喜歡食沙律菜都覺得個量真係好多?食左好耐?醬料係胡麻醬～沙律菜都新鮮。
Cappuccino
啡味比較nutty，夠香濃，奶都算滑，幾唔錯啦～杯既圖案都好特別，就同成間店鋪一樣風格～
最遺憾既係…食唔到好想試既紫薯蛋糕，希望下次有機會遇到佢啦！
【玩味高質！再訪Mamaday?】
無錯，小編又去mamaday了? 今次去左尖沙咀既分店試下究竟質素係咪一樣咁好? 一如既往mamaday既裝修都係充滿搞怪玩味，牆壁擺設都係滿滿打卡位? 而且都坐得幾舒服?
? 有蟹GO又有蟹肉的蟹蟹蟹意大利扁麵 ($128)
其實見到圖已經覺得呢個好吸引，而佢都確實冇令小編失望！? 不得不說佢既蟹肉真係好多?️ D蟹肉仲多過意粉? 食落每一啖都充滿蟹肉，而且蟹膏味都好濃，非常推介呀?
? 辣架傻豬豬豬頸肉泰式肉碎蛋包飯 ($118)
Mamaday既蛋包飯都係用左日本進口雞蛋? 所以蛋味濃郁而且好滑? 辣肉碎同蛋包飯好夾，辣辣地好惹味，配埋豬頸肉真係大滿足? 呢個泰日fusion菜式真係有驚喜又大份?
? Chocolate Latte ($48)
小編絕對係比個杯吸引左而order佢既? 杯碟寫住 真係符合餐廳盞鬼既風格?? 熱朱古力既味道都好濃郁? 仲有可可粉係面，朱古力控必try！
*另收加一服務費
味道：?????
環境：?????
價錢：?????
Mamday向來玩味十足?，適合與朋友來拍照打卡。上次去銅鑼灣分店，覺得食物味道不俗，今次和朋友來到尖沙咀分店，覺得整體裝修比銅鑼灣更精緻??。
??食物:4/5
整體適合打卡，食物味道也不錯。
▪️有得食手打漢堡仲想點？
漢堡比較薄身，牛味不算太突岀，配上生菜、蕃茄、芝士及醬汁，整體清新美味不會膩??薯條粗、份量多。
▪️美利堅合眾國草饌牛扒扒扒
慢煮牛扒不能自選熟度，牛味濃、肉質不算太韌可接受。另配有蝦片、沙律及芝麻醬烏冬。
▪️手工紫薯窩夫
午餐優惠價$38加配，一碟有2件，窩夫中規中矩，比較有驚喜的是忌廉，味道接近奶蓋，帶少許咸香，非常特別?
▪️梳打
朋友點的梳打，造型十分特別，適合打卡?
?搜尋特色CAFE，今次去呢間位於尖沙咀人氣長期高企，等CACA去睇下點解咁受歡迎啦！
?入到去成間餐廳嘅環境色彩鮮明，好有街頭藝術風呀！
?喜歡打卡嘅朋友仔注意喇，TOLIET門外最多特色怖置，絕對係影相靚位！睇攝影大大幫我影左幾多靚相^^
??CACA今次食乜野？
?點解個個都叫軟殼蟹PIZZA架：
芝士多到呢，熱辣辣食超濃郁芝士味，每塊PIZZA上都有軟殼蟹，仲要面頭一隻大大嘅，口感好豐富呀！
?有蟹GO又有蟹肉的蟹蟹蟹意大利偏麵：呢個都係好高質又足料，不斷食到蟹肉，整體係香甜味，而且分量係二人UP呀，所以好飽飽呢~~~
☕️甜甜酸酸洛神花茶：呢個花茶好驚喜喎，唔太濃，帶有甜甜花香味，細細杯慢慢飲
?焦糖脆脆咖啡沙冰：呢個係招牌必試，本身就好中意焦糖，咖啡沙冰飲落好爽^^
有良心又咁有創意嘅餐廳
已經book mark咗好耐
今日嚟到都係好多人排隊??
睇OpenRice已經見到好評如潮 好多人忍唔住有期望嘅
唔好抱咁大期望蒲燒鰻魚蛋包飯
當然要叫番個
睇下究竟應唔應該有期望???
呢個名真係改得好有智慧 令人先放低期望
再俾個超乎期望嘅驚喜客人 原本真係諗住普通鰻魚滑蛋飯味?
但個鰻魚汁調得真係唔錯 無論係質地同味道都好滿意
滑蛋蛋漿亦同鰻魚味好夾 外賣都咁好食( ඉ́ .̫ ඉ̀ )
想像唔到堂食暖笠笠質素會幾好食 仲有蛋有魚夠晒健康
蟹膏又有蟹肉蟹蟹蟹意大利扁麵 由於我太鍾意食蟹所以食後感好主觀
有蟹肉有蟹鉗有蟹柳應該就係蟹蟹蟹 ???
除咗蟹味之外就有蒜香味 爆到個意粉好香 意粉偏乾身唔油膩有咬口
不過講驚喜就鰻魚飯比較驚喜??
不過講到最驚喜一定係佢個甜品 唔甜紫薯芝士蛋糕?
喺餐牌上見到佢標榜唔甜 就毫不猶豫咁叫咗
個蛋糕總共有四個層次 餅底 紫薯芝士 紫薯忌廉 真紫薯
美中不足地方係唔太適合外賣 由於食物冇分袋裝嘅關係
蛋糕比其他熱食嘅熱氣搞到塌咗 未能打卡俾大家睇
平時冇特別喜歡紫薯甜品?
但今次味道同質感上層次豐富 亦帶有紫薯天然甜味
最想encore係呢個甜品??
· ?
· A restaurant with lots of photo-taking spots (interesting decorations)
· relatively easy to locate
· waffles are good …
滿是人生哲理的餐廳老闆
我沒有跟餐廳老闆傾談過，但已知悉其人生哲理— 凡是盡興即可，可必著重成果？wow~ 對於過於執着或壓力過大的人來說，實在是大道理！這哲學貫穿餐牌、牆上海報與佈置，而圖案風格帶點六、七十美式，雙眼於整餐飯時間也在忙碌，除了食物，還有不停看MaMaDay的哲理分享!
好邪惡既咸蛋牛油果蟹肉比薩咩叫減肥 $132，抵食絕妙的食物名稱，就像是一句句子的形容詞，實在具追看性。而食物本身亦非常有新鮮感，咸蛋蟹肉牛油果？我想不出還有那一家餐廳有售！味道是既驚喜又好味，本想點軟殼蟹pizza，但原來這款的蟹肉量已經好滿足。
明太子味薯條 （大）$68，又一超特別的味道，首次以明太子醬配薯條。
是是但但窩夫（紅豆）$78，是是但但即是日精選，窩夫足料好味，外脆內軟，而且不太甜！
打卡聖地Mamaday之前已經嚟過，雖然呢間餐廳叫『麻麻地』但食物質素一啲都唔麻麻地?
成間餐廳裝修都好IGable, 每個位都係打卡位
? 都幾辣手的泰式打拋豬肉烏冬
之前喺銅鑼灣分店已經食過，一直都念念不忘
今次再食果然冇令我失望~
個烏冬又真係幾辣?而且好入味
肉碎份量幾多，帶微辣，好惹味?
燒雞翼我鐘意食~一次過叫咗2 款嚟食
?微辣
係全翼雞翼，辣度真係微辣，
外面炸得香脆，內裏juicy ~
?避風塘
避風塘炒蟹就食得多，避風塘雞翼就第一次食
呢款雞翼係中翼，炸蒜舖每一隻雞翼
外面炸成金黃色，非常香脆，食咗咁多雞翼都唔油膩
愈食愈辣，但辣得過癮！
餐廳好適合幾個朋友一齊嚟食下嘢、傾下計
最重要係可以打卡影相?
特色的港式玩味Cafe
位於尖沙咀玩味十足的主題餐廳。裝潢別出心裁，各款標語令人會心一笑，很有創意，入面的擺設、碗碗碟碟都是古靈精怪。餐牌食物名稱都很搞笑，貼切的形容每款菜式。由於蠻滿座的，每枱進食時間限時為90分鐘。
Lunch Set
每日都唔同的湯：南瓜湯
濃郁的南瓜味香甜，湯黏稠綿密，不會呈水狀。
壹舊麵：XO醬燒帶子長通粉
XO醬炒的長通粉，帶辣味，加上粒粒蝦米，很香口，不過份量不太夠。帶子幾粒，大大粒又厚肉，煙靭爽彈。
壹舊飯：唔好抱咁大期望蒲燒鰻魚蛋包飯
滑蛋很吸引，蛋漿金黃，滿滿地覆蓋飯上，再灑上鰹魚絲，鋪上半條鰻魚及掃上甜甜的鰻魚燒汁，味道是預期中的鰻魚飯味，不過開胃非常，性價比高。
永遠令你驚喜的餐廳
疫情放寬，今日同朋友去尖沙咀搵食。
因為好早，所以我們去左人氣餐廳 mamaday !
因為平時超級難book，大家都好鍾意充滿新潮同玩味性十足的裝修同食物。
有蟹Go又有蟹肉的蟹蟹蟹意大利扁麵Crab Crab Crab Meet Crab Butter Fettuccine $128
第一次食，不得了的驚喜！
✔️顏色搭配又好colourful ，未食已經好開心
✔️幾條蟹肉排得好靚，足料
✔️蟹肉蟹籽份量好多，令到鮮味十足！
✔️意份的軟硬程度剛剛好，口感彈牙富嚼勁又唔太膩
唔好抱咁大期望鰻魚蛋包飯$124
✔️每次必點！+28蚊仲可以有原條鰻魚添!正常版只有半條鰻魚, 但今次我2個女仔就要半條就夠，因為會好飽
✔️ 超肥美嘅鰻魚，加上鰻魚汁又甜甜地
✔️蛋包飯用半熟滑蛋，唔會炒到熟曬，令到啖啖飯都有滑蛋包住??????
✔️配上木魚碎入米飯, 非常惹味!
飲品方面，絕對係?
黃金阿婆塊皮 Golden Apple Frappe $48
✔️青蘋果超清新又唔會酸
✔️令你食到甘個位，可以refresh 一下???
朋友係牛油果?fans ,佢叫左
Avocado Frappe $48
佢話用新鮮牛油果整，
因為仲有少少牛油果粒粒
而且勁飽肚！
真係好喜歡來mamaday ,因為佢有無數個打卡位可以瘋狂影相！
有得食，又有得影，仲可以放鬆心情！
我覺得 mamaday 唔應該叫mamaday 應該叫jengjengday
佢潛伏係鋪頭唔同既港式玩笑真係好正好痴線?
特別係打開餐牌 唔同菜式名都勁有唸頭
我真係好似睇書咁 睇晒成個餐牌?
.
-食物叫左?
唔好抱咁大期望蒲燒鰻魚蛋包飯
呢個飯有半條鰻魚同埋一條鰻魚揀
今次淨係叫咗半條 留下肚食其他食物
鋪頭作為cafe 尼個飯都整得幾大兜
男人成個食完都夠晒飽
而且鐘意佢上面鋪面晒滑蛋同木魚
成個飯無論賣相同埋口感都即刻升華咗
.
-有蟹膏又有蟹肉的蟹蟹蟹意大扁麵
衝著佢有蟹膏蟹肉而叫?
無令我失望
擺盤靚 堆到成座小山丘
上面鋪滿蟹籽
仲見至少6條完整嘅蟹肉
食落啖啖蟹滋味
.
-記住．期望越大．失望越大雞翼（微辣風味）
以為size 係普通雞翼
點知係原隻雞中翼
Suprise 即刻多咗幾啖肉食?
雞翼即炸 熱辣辣
外面脆口 裡面juicy 好食呀
.
-士多啤梨奶昔
奶昔夠濃夠凍先好飲
尼杯奶昔做到呀
飲到好似食緊雪糕咁開心
-73.5%朱古力最好飲
叫尼杯野飲係睇中佢隻杯
勁港式風味 另外上面貫徹佢地港式玩笑風格
碟上寫住「痴痴呆呆」
杯上寫住「坐埋一台」
.
前排經過tst，又突然好想食mamaday，就去了tst分店。mamaday這間餐廳就係好味道到，幾時都想食?雖然只是6點幾，但已差不多滿座了，完美展現mamaday絕不麻麻哋！
尖沙嘴的餐廳比cwb的大一點，而且佈置也頗特別的，非常搞鬼?
好邪惡嘅咸蛋牛油果蟹肉比薩咩叫減肥果然pizza如其名，非常邪惡！除濃香的芝士味外，還有啖啖咸蛋香味，除蟹鉗外還配搭了好多蟹肉，還有牛油果香，帶來味覺多重享受?薄餅皮都好脆～
辣架傻豬豬豬頸肉泰式肉碎日本蛋包飯個名超搞笑?味道都好好，豬頸肉口感爽滑，配上香滑的日本蛋，和甜甜辣辣的肉碎粒，辣得來好過癮！最欣賞的是肉碎是一粒粒的，不會好粘好膩的感覺。
最後嘆返杯清香茶，大?️足！
ps 店員還跟我們說最近在旺角開了no money so lonely，作為mamaday fans，有機會真的要去食下?
尖沙咀這間餐廳裝修得好有特色，色彩繽紛令人好有活力嘅感覺。
生姜燒豚肉蛋包飯：滑蛋上面鋪滿豚肉碎醬汁煮得好香，用佢撈飯加埋滑蛋真係好正，最緊要係有汁??????
XO醬燒帶子長通粉：用左好多XO醬煮所以好濃味帶足料?長通粉吸晒d醬汁正正正，帶子都有數粒。
加左個小食脆炸魷魚圈：炸得好脆呀，一個個魷魚圈加埋沙律醬一齊好好食?
飲品叫左杯Dirty: 沖得好好飲，咖啡味好香濃，有d奶好易入口，唔太大杯過下口引。
Great food with large portion. Need to pay more visit to try more dishes, but it’s really difficult to walk-in.
聞名既黃店 #黃色經濟圈
裝飾環境 具特色兼雅致??
外賣自取 賣相一樣甘??有誠意?
而今次食左同上一次不一樣的美食?
炒你魷魚薄片沙嗲香港製造蝦籽撈麵 $118
另加 ($18) 原隻軟殼蟹?
Lone time no eat 蝦籽麵!?好懷舊啊?
麵質一啲都唔乾、唔硬! 值得一試?
軟殼蟹 好好好大隻? 有肉又有膏?
炸薯條? 小:$45/大:$68
口味可選其一 (原味/明太子/芝士粉)
即炸粗薯條? 係我既必點之一?
經典又好脆 包保食到Lam Lam 俐?
士多啤梨奶昔? $48
只有甜味+奶味既士多啤梨奶昔?
放心唔係好甜既抹茶沙冰? $48
唔會好甜 唔會好濃嘅抹茶沙冰
一間sell玩味嘅餐廳，餐牌、菜式、裝修都好有特色，好似係「好邪惡既咸蛋牛油果蟹肉比薩」就用咗咸蛋黃做材料，但係唔會好膩，墨汁燉飯亦都用咗墨魚滑，幾特別，甜品都值得一試
OMG搞鬼有趣餐廳
之前去過銅鑼灣果間已經覺得間餐廳好特別玩味重，今次就嚟到尖咀店睇吓有冇唔同
裝修同樣搞鬼，七彩繽紛，杯杯碟碟亦精心挑選?
Lunch menu-食物名夠曬創意，可以加錢要小食甜品
冬陰公虎蝦扁意粉$128-好香嘅酸辣味，意粉硬度適中，虎蝦夠大隻易去殼?
XO醬燒帶子長通粉$138-長通粉索晒啲汁辣辣哋咸香XO醬味，仲有爽彈帶子?
餐湯+$8-「我到底飲咗啲乜」南瓜湯連啲南瓜蓉味道香濃唔錯
原味薯條+$18-熱辣辣夠香脆??
蜂蜜紅茶-甜度剛好
終於可以試到人氣食店「MaMaDay」了，在這疫情嚴峻的日子，仍然高朋滿座，可以想像餐廳有幾咁吸引，因我一早已訂了位，所以不用等。進入餐廳，簡直是眼花繚亂，到處是古靈精怪的壁畫和裝飾，襯托得異常好看，店主一定花了很多心思。打開餐牌一看，繼續是眼花繚亂，食物名字全部寫上反意思，要細心思考一下才明白過來。
《真心無乜驚喜黑松露意大利扁麵》$106
香濃的黑松露，食後另人齒頰留香，扁麵軟硬適中，麵上鋪上炸物，口感更豐富。
《唔好抱咁大期望蒲燒鰻魚蛋包飯》$124
加$28可以升級全條鰻魚，但我怕食唔晒，所以沒有升級。鰻魚肥美厚肉，燒汁的濃度也剛剛好，全部飯用滑蛋覆蓋住，加少許木魚花，份量十足。
《Yakult Frappe》$48
益力多柚子沙冰，超級凍，味道清新，酸酸甜甜的，可以解膩消滯。
MaMaDay裝修有趣，食物質素高，會再帶朋友來。
Tasty food and funky environment ? Can get really good pics from there ?? …
???? ??????? (尖沙咀)
淨係聽佢哋個名???????就已經覺得好趣緻啦，其實佢地入面所有既裝修設計一樣咁有心思咁得意！? 佢地本menu design得好有玩味，每一款菜式嘅名都好搞笑，?淨係睇個menu都已經睇得好開心！而佢哋裝修得好七彩繽紛，上至一杯一碟，下至一張餐巾都有經過design，整體感覺好match，令客人感覺好輕鬆！? 而今次係我第二次到訪Mamaday啦，好好彩平日既下午時間黎唔洗等位，決定要試多幾款野食！
????? ???????:
▪️唔好抱咁大期望蒲燒鰻魚蛋包飯 (升級版) ($124 + $28升級原條鰻魚)
唔好抱咁大期望之下果然極具驚喜！? 原條鰻魚極大條，一上到黎已經勁吸睛，而且仲燒得好香添！鰻魚比我手掌長少少，厚度都有返咁上下，食落好肥美好嫩滑，鰻魚汁亦都好正！?至於蛋包飯又點少得蛋呢~蛋既份量好多，食落好滑好滑，一啖蛋包飯再配上一啖鰻魚超夾！
▪️記住，期望越大，失望越大···雞翼 (芝士粉) ($68)
作為一個稱職嘅芝士控當然要選擇芝士粉啦！? 佢地會用上三款唔同既芝士，令整體芝士味非常香濃！雞翼外層十分乾身爽脆，一咬之下入面肉質香嫩，仲會有少少肉汁，熱辣辣食既話更加正，所以唔好淨係掛住打卡啦！?
▪️焦糖脆脆窩夫 ($78)
本身以為呢個甜品冇乜特別，但係真係好推介！?窩夫會配上海鹽味雪糕、奶蓋同埋焦糖脆脆，超級豐富！自己一直都好鐘意食咸味既雪糕，估唔到會配上海鹽味雪糕，感覺好驚喜！窩夫做得外脆內軟，加埋哂d配料一齊食，層次非常豐富~~而且焦糖脆脆好好食?
▪️豆腐豆腐豆腐咖啡 ($56)
聽佢個名咁得意，其實就係咖啡再加豆腐雪糕~ ? 一上到黎緊係要先食一啖雪糕，味道好清甜！☕️加埋咖啡之後，雪糕慢慢溶入去，令到咖啡都有淡淡既豆腐味，感覺好特別！
▪️放心唔係好甜既抹茶沙冰 ($48)
抹茶味道好香好突出，飲落去感覺好fresh好解渴，不過我就都係覺得甜咗少少啦??
呢間餐廳想嚟打卡好耐，難得平日夾到男朋友放假我又早放，決定揀mama day 試吓先(聽聞其他舖頭要排好耐隊，好彩平日下午茶時段唔係好多人），一入到去，已經比整個餐廳環境吸引住，我不停拎起手機影下餐牌，又影下擺設！今日叫咗三款食物～
唔好抱咁大期望蒲燒鰻魚蛋包飯
首先想讚吓條鰻魚，（本身唔係好鍾意食鰻魚,所以冇加錢叫全條，但係我後悔了），鰻魚好厚肉，配上帶有奶香既日本炒滑蛋，味道一絕！加上珍珠米托底，米粒滲入咗鰻魚汁嘅味道，真係要讚一句好好食。
避風塘口味雞翼
雞翼有七隻，性價比算係唔錯。炸蒜密舖雞翼既面頭，炸粉拿捏得幾適當，入口好脆，配上熱辣辣既雞肉，除咗越食越辣，仲越食越過癮。
焦糖脆脆窩夫
除咗窩夫之外，更加配有焦糖脆片，芝士奶蓋和海鹽雪糕，每一啖窩夫都有好豐富嘅配料！
窩夫外脆內軟，加上凍冰冰嘅雪糕，真係冰火相融！
佐敦站附近的mamaday cafe 有別於在銅鑼灣的分店，主要提供輕食如蛋糕，貝果，而且係自助形式。
?貝果有?藍莓味和番茄?味選擇，而且各自配以不同口味的cream cheese,分別係黑松露味(左)同洋蔥味(右)
貝果拷的十分酥脆，不過單食略乾?，需要配上cream cheese享用，喜歡黑松露要試試黑松露cream cheese，黑松露味突出。而藍莓貝果本身的藍莓味道相對弱，番茄味則比較出。
?飲品方面，我地order咗豆腐咖啡，裡面有一球豆腐雪糕，好適合夏日享用。?❄
?第二杯飲品是抹茶latte，打開蓋子還有心心拉花?抹茶和牛奶融合得很好，推薦大家??
Ps這裡有兩隻可愛小貓咪，好乖㗎，大家記得關好匝門，以免貓咪逃出
呢間黃店已經撐咗唔止一次，今次平日放假嚟咗呢間位於尖沙咀嘅分店，避咗條人龍?
–
餐廳設計相當玩味，坐得舒服，又好多超正嘅打卡位～每道菜嘅名稱都非常有心思，好有創意，夠哂搞鬼，充滿歡樂嘅氣氛?
–
? 點解個個都叫軟殼蟹比薩架？
薄底Pizza好脆口，上面大量千島醬?突顯到軟殼蟹嘅鮮味，一切開仲有蟹膏，啖啖肉～
–
? 求其是但乜都炸啲啦
呢款Fries Platter 同個名完全唔同，一啲都唔求其，有炸蝦、薯條、炸魷魚圈同炸芝士，即叫即炸，脆卜卜?
–
☕️ 焦糖脆脆咖啡沙冰
賣相十分吸引，焦糖同咖啡味係絕配，好夾，沙冰啱哂夏天飲，清爽過人☀️
–
⭐ 參考價錢︰（另收加一）
點解個個都叫軟殼蟹比薩架？：$138
求其是但乜都炸啲啦： $98
焦糖脆脆咖啡沙冰：$48
? 抵deal 指數：9/10
? 人均消費：$150
?超靚既cafe X高質食物?系列‼️間餐廳有超多打卡位❤️仲有好多幽默位
—
▫️餐廳：Omg Mamaday
▫️地點：全香港有3️⃣間分店
?此為：尖沙咀加連威老道29號信基商業中心2樓(港鐵尖沙咀/尖東站 B1 出口, 步行約4分鐘)
▫️營業時間⏰:
星期一至日 12:00-22:00
▫️價錢：～$100+
—
美味：????
環境：????+0.7?
價錢：???+0.76?
—
??同fd之前食過依間❤️之前去親都要等1小時以上，今次等佢一開門就去??裝飾靚到好crazy?由門口到牆壁，廚房同碗碟都好有心機❤️menu都打得卡??
—
食物方面，叫咗2樣嘢
?「可能會失望溫泉蛋明太子扁意粉?」
價錢：$112?
分數：????
一啲都冇失望wo?有3大條蟹柳?焗得又脆又香☺️☺️加埋明太子同溫泉蛋♨️又夾又好食??仲好creamy?夠晒味
??仲叫咗
?「真心冇乜驚喜黑松露意粉」
價錢：$106
分數：???+0.9?黑松露味都幾濃?仲有兩舊炸菇?但唔太多餸，有啲plain?
—
#好西 #打卡 #mamaday #café #summervibes #cafe #正餐 #夏天美食 #HongKong #HK #foodie #尖沙咀 #coffee #alldaybreakfast #instagood #bestoftheday #amy_in_tst #尖沙咀黃店 #美食 #pizza #cafe #dinner #chill #黃店 #黃色經濟圈 #tstcafe #pizzalover
有蟹GO又有蟹肉嘅蟹蟹蟹意大利扁麵：扁麵系正宗啲意大利扁麵那種硬度，如果想軟D要提前同侍應講，麵很有嚼勁滑溜。蟹籽料足，蟹肉新鮮，蟹膏鹹香，讓整個餐檔次都唔同哂。
美利堅合眾國草飼牛扒扒扒：賣相很好，掀開兩塊炸蝦片，紅色啲紅桑子，深藍色啲藍莓，綠色啲沙律菜，棕色啲牛扒，白色啲烏冬。呢度餐有葷有素有生果，營養充足。牛扒肉質較結實很有嚼勁，但是很嫩。兩大塊蝦片很酥脆，沙律用芝麻醬沙拉很清新開胃。冷烏冬加佐芝麻醬沙拉，口感清爽Q彈。
店名系MAMADAY，真啲唔止麻麻D！
約朋友下午茶，要找個適合談天說地的餐廳，先被Mamaday 的環境吸引，坐下更覺得地方比想像中大，就算有分隔板都仍然覺得舒適自在。
下午茶只有pizza、小食、甜品、飲品，但也足夠了。
黑松露野菌pizza $116,薄脆的批底，黑松露毫不吝嗇，每片pizza 上面都有一撮，黑松露香氣上桌已聞到，吃下更加回味；配料有野菌、洋蔥、蕃茄仔等等，有香菇味又爽口。
炸雞翼$68,微辣原味，炸得超好，雞皮爽脆得很！灑上芝麻更香口。裏面雞肉肉汁多，滑嘟嘟；連著雞翼尖，炸得夠透更惹味，超喜歡爽脆香口感。
窩夫$78,見到餐牌有一款叫是是但但，問職員是什麼，原來每日不同，今天是紅豆肉鬆窩夫，聽著覺得特別，就試這款口味。意想不到的好吃哦！窩夫餅底鬆軟，煙韌有口感，中間夾著肉鬆，肉鬆本來微微鹹味，但配著糖浸麼紅豆的甜味，原來很相配！有紅豆香又有肉鬆煙韌口感，吃得很感動哦！紅豆份量超多，被我這位甜品控完全吃光光。有一球雲呢拿雪糕畫龍點睛。還要讚特製的牛奶cream，灑上玫瑰花瓣，的確吃得出玫瑰香味和奶味。整道甜品除了有口感，香味的層次也很豐富，很有驚喜！
雖然是樓上餐廳，但人氣也很旺，接近晚餐時間，越來越多人，而且氣氛很好，是個朋友歡聚的好地方。
Tasty fusion cuisine. Eye catching decoration
朋友很久之前已經說想到這間餐廳吃，因為她說這裡的裝潢很特別?想來這裡打卡～便相約了今天來這裡吃午餐～
這裡充滿歐美風格的裝飾，有種即興和隨性的感覺?
這間餐廳的菜單名稱都很搞鬼?帶點揶揄諷刺感?就連餐廳的名字也是～嘲諷餐廳的食物質素麻麻地?在充滿沮喪和氣餒的社會氛圍下，能有這樣的黑色幽默?總算為生活帶來一點兒的色彩?
?好邪惡既咸蛋牛油果蟹肉比薩咩叫減肥
這樣的配搭從來沒有試過，於是點了這個來吃。想不到味道非常之好吃? Pizza面舖滿蟹肉，是真的蟹肉並不是蟹柳肉！而且還有大大隻蟹鉗，廚師果然重手?絕不吝嗇??♀️想不到焗熟了的牛油果，都非常之香滑～餅底加入了鹹蛋，第一次吃鹹蛋味的pizza，超好味?
?記住，期望越大，失望越大⋯雞翼
不知道店主改這個名，是否曾經吃過超難食的雞翼呢？?還好我沒試過?我們選擇了蜜糖芥末味，芥末和蜜糖的比例剛剛好，不會搶了彼此的味道??還是…因為沒有期望，所以沒有失望，其實不怎麼好吃呢？?說笑而已啦?
?平凡到無得再平凡既炸洋蔥圈
究竟如此平凡的洋蔥圈，如何變得好吃呢？?雖然炸洋蔥圈並非什麼高難度的菜式，可是這個炸洋蔥圈的size都比較大，而且不易散開，表面也不會有層厚厚的炸粉??加上份量也不少啊?
?唔甜的紫薯蛋糕
這個是限量的～幸好還有✌?這個蛋糕和餐牌一樣?真的不算太甜?飯後甜品也不怕膩?而且超多紫薯蓉?香濃的紫薯味一點死甜的味道都沒有！太好吃了?
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
好邪惡既咸蛋牛油果蟹肉比薩咩叫減肥$132
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
記住，期望越大，失望越大⋯雞翼$68
（蜜糖芥末）
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
平凡到無得再平凡既炸洋蔥圈$65
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
唔甜的紫薯蛋糕（限量）$48
??????????????
Mamaday (尖沙咀)
尖沙咀加連威老道29號信基商業中心2樓
一間充滿玩味嘅Cafe
約咗朋友係尖沙咀 行咗陣有d肚餓 去咗厚福街果邊搵有咩食 好似間間都食過哂 於是上網search下 係一街之隔有間Cafe覺得幾吸引
上到去唔算係D好文青cafe嘅裝修 不過就好鐘意佢地d裝飾 例如牆角有d位置係用Lego砌出嚟 Menu方面亦都好有心思 首先你未必會知道自己想叫咩食 但一定會睇哂佢Menu上嘅所有文字 過癮程度同無制限OT編集団の行動綱領一樣 十分之抵死
有蟹go又有蟹肉的蟹蟹蟹意大利扁麵 $128
故名思意係一個蟹膏蟹肉蟹籽嘅意大利扁麵 仲有兩隻蟹鉗仔 個意粉軟硬度適中 蟹膏撈匀成個意粉再食
！！！！薯薯薯薯薯……條 明太子(小) $45
雖然係細Size 份量都夠我地兩個食 係個薯條上面有一篤仔明太子 另外再另上一兜明太子 正過點茄汁食
普通到無得再普通既炸魷魚圈 $68
炸得勁鬆脆 唔會太乾身 配埋個沙律醬一啲都唔好通
Cappuccino H $48
上枱以為只係一杯普通嘅Cappuccino 以為係一個寫住“萬壽無疆”嘅杯碟 認真啲睇原來杯碟寫住“痴癡呆呆坐埋一枱”
放咗無薪假咁耐有一段冇見同事，今日約埋出嚟尖沙咀行街！佢話想食Mamaday好耐但每次都好多人排隊！今次趁住餐廳剛剛開門可以即時入座??
唔好抱咁大期望蒲燒鰻魚蛋包飯$124（升級原條鰻魚+$28）：
我本身係鰻魚控當然要升級，見到原條鰻魚好有滿足感！鰻魚厚身肉質肥美，嫩滑中帶有少少嚼勁，無任何細骨亦都無腥味！鰻魚汁比外面食嘅鹹咗少少！雞蛋採用日本進口，蛋味香濃而且嫩滑搭配埋珍珠米，好快清碟?
有蟹GO又有蟹肉的蟹蟹蟹意大利扁麵$128：
呢個真係不得了，有蟹肉、蟹膏、蟹柳同蟹籽仲有蟹鉗，的確係鮮味十足！醬汁香氣十足，每一啖扁麵都掛上滿滿嘅醬汁同大量嘅蟹肉，鍾意食蟹嘅一定要叫❤️
平凡到無得再平凡嘅炸洋蔥圈$65：
粉漿略嫌厚身但勝在炸得金黃酥脆，外脆內嫩！洋蔥好惹味，熱辣辣配埋沙律醬邊有可能會唔好食?
餐廳無論裝修同食物名稱都玩味感十足，好適合影相打卡??
打卡熱點，攪笑又有愛??
放假同家姐去尖沙咀行下街，周圍搵下好野食，行到咁上下，Search下openrice 最多瀏覽餐廳，見到Mamaday（尖沙咀）店係5甲之內，鍾意周圍試新野嘅我，緊係要緊貼市場，即刻打電話卜位啦?。
一入到餐廳第一感覺，好色彩繽紛，每個角落都係打卡位，鍾意打卡攞like嘅朋友一定必到，全場裝修攪鬼得黎又好有創意，就連餐牌設計同食物名稱都攪鬼過人，令人留下深刻印象。
?美利堅合眾國草飼牛扒扒扒?
用木製托盤上枱，擺碟好靚，有兩塊好鬼大嘅蝦片，沙律?菜同烏冬伴碟，主角牛扒扒扒?係預先切好一件件，入口都非常嫩滑有口感，但如果再生些小口感會更佳，蝦片亦成亮點，蝦味極濃，而且炸得好乾身，一啲都唔會油膩，又脆又香。
呢頭先同家姐對塊蝦片讚口不絕，估唔倒order果份烏冬，都有蝦片作伴碟，實在太好啦?。
?都幾辣的泰式打拋豬烏冬? – 究竟打拋豬係咪黎架?原來係豬肉碎?，呢個好有泰國菜feel，烏冬又軟，入口滑嘟嘟，個汁帶辣，開胃又醒神，每啖烏冬都掛上豬肉碎，又香又有肉嘅鮮味。
?你今日飲左益力多柚子沙冰未丫?沙冰有強勁益力多味，感覺飲左好多益生菌落肚，有益腸胃?⋯⋯。
?青檸可樂好好好唔抵呀?個名超攪笑，成餐飯真係比啲攪鬼食物名稱笑到我傻，真係留下深刻印象。
裝修五顏六色，亦有很多充滿玩味的裝飾， 嚟呢度除咗可以刺激視覺感受之外， 味覺也絕對有驚喜
單是咖啡也至少有十款選擇，溶掉了的棉花糖咖啡($56)上層有一半都是棉花糖溶， 好似食糖咁，非常甜絲絲，下面是creamy的latte，感覺 似是喝咖啡又似是食甜品，幾得意
甜甜酸酸的洛神花柚子茶($48)柚子味比較重，味道比較酸
生薑燒豚肉蛋包飯($112) 基本上係兩個女仔嘅份量，滑蛋很厚，富蛋香，豚肉又多，又夠燒汁，生薑味亦夠突出，唔錯
跟餐加$42有紫薯窩夫，外貌和menu上的有點出入， 沒有menu上有玫瑰花瓣的漂亮， 味道不過不失
跟餐的南瓜湯和沙律每款加$8， 每款都幾好，值得一試
之前好多人推介Mamaday 話好多打卡影相位，所以我就同仔仔來潮聖一下。
一入門已經比佢不同的裝修吸引了，好多靚位影相連仔仔都忍唔住叫我幫佢影幾張:D 。呢到除左太量打卡位吸引人外，佢餐牌都好有特式， 仔仔睇完話好得意。
最後我和仔仔叫左以下3款美食：
有蟹GO又有蟹肉的蟹蟹蟹意大利扁麵～個名夠哂長， 一來到已經睇到超多蟹肉， 仲有兩隻蟹鉗，又有蟹棒和蟹籽超豐富，每一口麵都有蟹超誇張。
又係黑松露野菌比薩好悶呀！ ～ 一個薄底pizza 上面有好多野菌和芝士， 最正係上面有一茶匙黑松露醬，黑松露超香而皮夠哂薄脆。
唔甜我紫薯蛋糕 ～ 好靚的紫薯蛋糕， 上面係紫薯，下面係芝士，好滋味。
今次叫左呢3款已經覺得食物質素好高，仔仔已經話下次要再來食其他食物。
今日同朋友仔黎食下午茶
叫咗幾樣野食同野飲 每樣都好好味
好邪惡既咸蛋牛油果蟹肉比薩咩叫減肥 ($132)
個名已經解釋咗佢有幾好味 咸蛋黃同芝士呢個配搭好邪惡 仲有鮮味蟹鉗 唯一唔鍾意佢D牛油果 熟咗嘅味怪怪地
唔甜的紫薯雪糕 ($48)
作為一個港女 對紫薯兩隻字係完全冇抵抗力正如佢個名 真係一D都唔會太甜 雖然味道出色 不過以呢個價錢黎講 大細件喇
73.5%朱古力最好飲 ($48)
第二樣嘢唔敢講 但熱朱黎講 我都算半個專家 因為只要餐飲有熱朱揀 我都一定會揀佢
而呢度嘅熱朱絕對係我飲過嘅top 3 至於係咪73.5% 我真係飲唔出 但佢好香濃又滑 而且唔會甜 加埋個一流賣相 下次黎實encore
夠唔夠薑蜂蜜菊花茶 ($46)
呢杯清清地嘅花茶 飲得出三個味而且飲落喉嚨好舒服 養生之選
好fun既環境基本上佔哂嗰兩粒星 成個環境係好有趣 設計得好靚 好啱打卡
但啲野食…我絕對唔會encore…
素食沙律：菠蘿+藍莓+raspberry 加沙律菜 加半枝芝麻沙律醬（好鹹?
蒜蓉虎蝦pizza: 中式蒜蓉蒸蝦 加 芝士超薄底pizza 好蒜 但隻蝦本身係無味 無醃過既冰鮮蝦 個芝士係幾香 但成件事係好割裂 蝦還蝦 蒜還蒜 芝士還芝士 個底薄得黎係林哂 得個邊係脆 但好燶
玉子豆腐豆漿蟹肉燉飯：份量比一般risotto多 亦都幾蟹肉下 但 無乜味 有啲黑椒點綴下 有（蟹柳味）蟹棒 但真係plain豆漿囉我諗 個玉子係炸得陣油味好重 面頭個炸蟹蓋都係現成嗰啲產品黎 老實講 有啲唔開胃
基本上啲食物都好濟
野飲煥然一新！我見佢drink menu都好多野揀
Mai Tai: 一個字 藥水味 係 真！藥！水！味！咳藥水味
Yoda’s body fluid: mint味好搶 簡直為我成餐帶黎一點慰藉
好啦 總結 華而不實 好唔抵
【?Encore尖沙咀玩味極濃黃店Cafe Lunch Set – Mamaday】
真係食完又再食！每次黎到坐唔同枱都覺得好有新鮮感，因為Everywhere都是打卡位呀！?
#shirley帶你去尖沙咀
·?XO醬帶子扁意粉 (HKD 138)
味道食落都幾辣架，而XO醬就好香濃！帶子肉質厚實但咬落軟嫩?唯一美足不足係本身想食嘅長通粉賣哂了，下次會再試！
·?生姜燒豚肉蛋包飯，好味 (HKD 112)
菜式名真係好獨特架！雖然本身唔係太鐘意食薑嘅味道，但加左調味料之後甜甜地好好味！豚肉肉質唔老，炒蛋都好嫩滑，流心蛋汁配埋飯食真係好正～～
·?香蕉朱古力奶昔 (+HKD 28)
面頭放左焦糖香蕉，係我鐘意飲嘅味道呀！裡面仲有粒粒嘅香蕉肉?
·?73.5%朱古力最好味 (+HKD 28)
話明73.5%就緊係高濃度朱古力啦！所以唔鐘意飲太甜朱古力嘅就岩哂啦??真係極香濃嘅朱古力味呀！
今次Encore終於唔洗等位，感動流涕呀簡直?
下次你地想食都可以Book定位先，因為真係會全院滿座架！
–
? Mamaday
地址：尖沙咀加連威老道29號信基商業中心2樓
【令我再一次反思】人氣度與食物質素真的掛鉤嗎？
在尖沙咀和銅鑼灣搜尋餐廳時，”好評餐廳 No.1” 及”好評餐廳 No.3”這兩個icon醒目地放在Mamaday的列表上，立馬將其放入must-try 口袋裡。
幸運地在weekday 不用等位就可用餐，
玩味十足的裝潢及餐具、具幽默感的餐牌確實先帶來不錯的印象，難怪成為人氣熱店。
(1) 黑到爆炸魷魚圈墨魚滑墨汁燉飯 $126 （5/11）
炸蒜好像是用來掩蓋不入味的燉飯
可惜帶來反效果，完全是不協調的味道
燉飯內裡夾雜味道廉價的墨魚滑，如沒有看過餐牌，會以為食緊魚蛋
(2) 點解個個都叫軟殼蟹比薩架？ $138 （6/11）
雖說軟殼蟹炸得頗脆、亦有啖啖肉的蟹身
但份量過多而又重口味的蛋黃醬完全遮蓋了整個pizza的味道
加上Pizza餅底單薄，口裡像只是吃著重口味的蛋黃醬味餅乾而已
總括來說，兩款菜式都像是拿廉價的食材（最好是重口味的醬料）、不用功夫的煮法，加上一個玩味的名字包裝下去的產物而已，談不上什麼廚師功架。加一後埋單接近$300，性價比很低。這間人氣打卡餐廳，真的也只此一次。
＝＝＝＝＝＝＝＝＝＝＝＝＝＝＝
味道：5/10
環境：7/10
性價比：4/10
呢間咁出名嘅打卡餐廳大家一定要試吓，除咗裝修有趣、新潮之外，嘢食都唔錯㗎
玫瑰山楂茶梳打 $46
Rose & Hawthorn Tea Soda
呢個飲品酸酸地嘅山楂味同埋清新嘅玫瑰香味好夾～而夏天加上食炸嘢鍾意飲啲有氣嘅飲品，呢杯梳打茶嘅感覺就健康得黎又啱晒啦！
鹹蛋牛油果蟹肉比薩 $132
Very evil Avo Crab salted egg Pizza
大大個Pizza，仲可以見到蟹肉同蟹鉗?加上牛油果嘅香味～健康得來又有種以為罪惡嘅感覺！另外加埋
咩都炸啲 $98
Whatever Fried Platter
想食下多啲唔同款式嘅炸物叫呢個拼盤就啱晒啦～炸芝士要趁熱食呀，勁香芝士味之餘，熱辣辣仲做到拉絲嘅效果架！至於炸蝦嘅粉唔會太厚，而蝦都幾大隻㗎！另外就係炸薯條?炸薯條冇得輸好香薯仔味！
微辣原味雞翼 $68
Chicken wing original
呢個係炸嘅雞全翼，有埋雞翼尖架，而家好少餐廳會有雞全翼?絕對啱晒鍾意吮骨嘅我呀！加上佢有少少辣辣地嘅味道～好開胃！
日經開尖沙咀加連威老道附近，就去咗 Mamaday OMG Mamaday 食飯。
呢度無論環境食物及menu都甚具創意， 今次order咗”點解個個都叫軟殼蟹pizza㗎”及”唔好抱太大期望蒲燒鰻魚蛋包飯”。 ?
Pizza上面隻軟殼蟹超大隻，切開入面超多蟹膏而且炸得外脆內軟，鎖住個蟹味我最鍾意食。Pizza備有特製嘅海鮮醬汁同埋其他海鮮配料，絕對值得推介。?
鰻魚蛋包飯賣相好靚而且鰻魚燒得啱啱好，既有魚嘅鮮味，魚皮亦都好香脆。蛋包飯混合咗蛋汁嘅味道，令到每一啖飯都提升咗個層次。?
今晚來到一間Mamaday既餐廳食飯，一入去已經覺得裝修好有心思，有好多種主題加埋一齊，但係又唔會覺得太過over, 可見設計師既功力，坦白講，做簡潔易過做多種層次既Mix and Match.
頭盤小食係蜜糖芥末單骨雞翼，醬汁好惹味，好在只係淋係面，唔會影響左雞翼既香脆口感??!有蟹Go又有蟹肉的蟹蟹蟹意大利扁麵，固名思意，姐係好足料，有真蟹鉗、蟹肉、蟹柳、蟹膏同蟹籽，扁麵炒得好香，鍾意食蟹既朋友一定要試下?！肉眼扒仲配搭埋大量沙律菜、藍莓、蔓越莓、冷麻醬烏冬、炸蝦片，簡單來講就似一個All day breakfast既創新版本???！
飲左杯簡稱檸茶既野，好似係檸檬果皮溝烏龍茶沙冰，味道帶點回甘，唔會太甜，係一杯唔錯既特飲??！
今日帶左屋企人黎左這間玩味cafe,又可以坐下,傾下計。裝修好靚，好colourful?,睇下牆嘅積木嘅別緻?，牆邊仲有唔少乾花?同壁畫?桌子同椅子都有精心配搭☺️
睇下餐牌都係精心設計，d野食名都幾盞鬼?
????? ???
生姜燒豚肉蛋包飯+小食脆炸魷魚圈
蛋包飯食落好香同蛋好滑，豚肉用姜汁煮，味道唔會好咸，豚肉嫩嫩☺️
脆炸魷魚圈?魷魚圈炸得鬆鬆脆脆，唔會好厚粉???
軟殼蟹pizza ?
Pizza ? 上面真係有勁大原隻炸軟殼蟹，味道好鮮味，除左軟殼蟹，仲有甜甜菠蘿?，同芝士?
蜂蜜紅茶（跟餐）
蜂蜜紅茶☕️有蜜香味。?
忌廉南瓜湯
湯係用南瓜蓉?加忌廉制成。質感香香滑滑?
呢間位於尖沙咀加連威老道嘅餐廳每次經過下面都好想上去睇下打下卡
今次真係約到朋友黎mamaday啦?
上樓梯已經感驚喜
因為知道只有90分鐘用餐時間
所以一嚟到就嗌左自己最鍾意嘅嘢食先！
之後再慢慢影相
Sweet potato waffle 手工紫薯比利時窩夫 ? $78
窩夫?上碟時熱辣辣
同出面嘅窩夫有啲唔同
入面煙煙銀銀
再點上佢嘅芝士奶蓋同雪糕??
芝士奶蓋真係超級好食?好想再食多次！
Medium 草飼牛扒 配烏冬 $152
牛排嘅熟成程度啱啱好?
上碟已經聞到好香嘅炭燒味?
再加上粉紅色嘅靚靚草飼靚牛
肉質鮮嫩、有口感
隨碟加埋啲沙律菜、紅桑莓同藍莓
沾上魚露 配搭好清新
其實我覺得肉類同埋水果真係非常之夾
紅桑莓同藍莓?帶出肉質口感
非常不錯??
德國水蜜桃花茶 $48
入面有水蜜桃、蘋果、菠蘿，洋甘菊、太陽花花瓣、lemon Myrtle
唔甜，啱啱好！
90分鐘用餐時間中
差不多一半時間用黎影相打卡
你可能會問，有無咁好影？
佢店入面有多種主題Mix and Match
玩味十足不同場景
呢間好有特色既小店我諗好多人都食過
佢最出名除左係店內裝潢特別 仲有每道菜式既名都好幽默 成日都係堂食 今次就試下lunch外賣自取 等左10分鐘就拎得
✨唔好抱咁大期望蒲燒鰻魚蛋包飯 $124
+$28升級完條鰻魚? (用日本進口雞蛋?)
一打開個lunchbox勁開心 真係原條鰻魚 又闊又長 個lunchbox 差d就裝唔曬！?
?鰻魚燒得岩岩好 有勁多燒汁
底層既炒蛋勁⋯⋯滑? 份量又勁多 我估至少用左兩隻蛋！
所以我每啖飯都食到鰻魚同滑蛋 完全唔洗慳住食 真係超級滿足呀???
雖然lunch 黎講係少貴 但其實份量真係好大
魚，蛋，飯 都好多 如果細食既女仔真係可以同人share 因為我都食唔曬d飯?
估唔到外賣既質素都keep得好好
份量同堂食一樣多 又夠熱 好開心☺️☺️?
溫泉蛋明太子意大利粉扁麵 ? $112
麵條其實就唔算好扁? 但係頭先好食? 佢唔算係乾炒意粉嘅style 而係濕濕地嘅明太醬混拌出來嘅? 但味道唔錯!
避風塘雞翼$68
雖然餐牌有兩隻辣椒?️? 但其實辣度唔不搶火麻痺咀唇?
豆腐咖啡 $56
值得推介的咖啡☕️ 雖然唔係新鮮豆腐放入咖啡裏面，但係豆腐雪糕?加上咖啡嘅配搭，都非常之襯? 雪糕本身綿 Latte本身滑?? 映襯咖啡少少苦
玫瑰山揸茶梳打有助消化 $46
大概可能因為凍飲，山楂茶同埋玫瑰花嘅味道唔算突出，與一般梳打分別唔大。
牛肩扒沙律 ??$ $98
另外配有小型麻醬烏冬，大量胡麻醬拌生菜? 幾粒藍苺? 紅桑子
牛肩扒是肉質豐富嘅，煎到standard的medium level。雖然咬落去有啲「un」，但係入口係肉味香濃。
真係唔係口響響?
之前一直都想黎OMG Mamaday Cafe
不過真係次次經過αиутιмє都咁多人?
上星期終於真係掟起心肝黎
大約2點到，入面真係???? ?????
前面一張台枱等緊
?就排緊第二張枱
可能臨近開工時間
最後等咗幾分鐘就被安排入座❣️
·
睇佢啲????真係又長又盞鬼又搞野
????? ????又真係幾抵食嘅
最貴 $138有找，不過可惜我地就睇唔啱
所以最後就散叫，叫咗2杯野飲，1份小食，2份主菜
? 點解個個都叫軟殼蟹比薩架 $138
? 可能會失望溫泉蛋明太子意大利扁麵 $112
? 求其是但乜都炸啲啦$98
? 牛油果沙冰口感係杰撻撻的 $48
? 豆腐豆腐豆腐咖啡 $56
·
首先點解個個都叫軟殼蟹比薩架，嬌小而強壯嘅軟殼蟹置於比薩嘅中間，?身軀成功地一開八之餘，件件比薩都包含住佢?嘅身影。?軟殼蟹炸得油香帶點油膩感，配上甜甜醬汁加上酸酸嘅波蘿?又啱啱好，而且依個比薩?屬於薄底，食落又唔會覺得食幾啖就好滯口
至於可能會失望溫泉蛋明太子意大利扁麵，雖然就咁睇就睇唔到溫泉蛋，但其實比上面啲木魚絲遮住咗～可能我地擺在一段時間，意大利扁麵都有啲啲杰身，但無損口感，撈勻埋個溫泉蛋就啱啱好。成個意大利扁麵好鬼??????仲要配埋明太子同蟹棒，好滿足? 雖然就有少少覺得漏，但如果份量可以多番啲啲就好啦?
我地就係樣樣都想點，所以就點咗求其是但乜都炸啲啦！有洋蔥圈?，4粒芝士?，薯條?同蝦條?。我就鍾意配他他醬食啦～
拿～我無飲牛油果沙冰口感係杰撻撻的，所以唔知味架。我見好評不斷所以目標清晰點咗豆腐豆腐豆腐咖啡☕️。即係豆腐雪糕配咖啡，真心嘅，豆腐雪糕唔呃秤，豆腐味又濃又出，配埋咖啡味道都幾特別，??唔錯哦。
·
ⓅⓈ 無記錯好似有用餐時間90分鐘
? 如無意外都會二訪嘅，如果無太多人等緊嘅話，但好似無咩可能?
? 成間店舖裝潢好有特色，又盞鬼，連廁所都係呀?，幾多人打卡?
?? 依間野好有誤導成份?
店鋪店稱麻麻地，啲野食一啲都唔麻麻地哦
呢間玩味十足的Cafe 一啲都唔麻麻地，薑汁豚肉滑蛋飯（$112）薑汁的味道不算很出，但很配合有咬口的珍珠米，滑蛋外表贏曬～美國草飼牛扒扒扒配沙律及烏冬（$152）雖然有小小筋，但味道和肉質都很不錯，還有兩大片脆脆蝦片。最驚喜的是越南滴漏咖啡（$54），咖啡香濃幼滑，冰凍微甜，減卻飯後油膩感。
Mamaday 真心冇乜驚喜? 絕對唔係lor❤️一入到餐廳已經充滿玩味，食餐飯都覺得開心。
真心冇乜驚喜黑松露意大利扁麵106
黑松露的香氣一打開蓋就飄出來，野菌份量也多，面頭仲有炸過的金菇，脆卜卜， 扁面 煙韌有口感， 簡單嘅材料，加黑松露醬，就是好味。
唔好抱咁大期望蒲燒鰻魚蛋包飯124
鰻魚燒得微焦， 肉軟細緻 看口， 醬汁做得剛好，感覺不會太肥膩， 炒蛋份量勁多，配搭咸香的木魚絲，米飯煙韌q軟， 好難唔抱咁大期望wor?。
蜜糖芥末雞翼68
即叫即炸，一口size, 外脆內juicy。配埋惹味的蜜糖芥末汁，無得彈la ?
餐廳佈置大玩玩意， 鬼馬掛畫， 五光十色的霓虹燈，七彩繽紛的乾花，令人目不暇給，十分有心思，令我童心起來，每個角落忙著打卡 ，連餐牌設計精緻，及食物名稱配上得意的菜名，十分鬼馬，令人難忘，我發現原來我張餐枱是用一架「勝家」衣車改裝而成，創夠創意和環保。
吉列石斑一定要配芒果他他醬架!配炒蛋多士(午餐)$108
吉列石斑十番大件厚實，外皮炸到金黃鬆脆，香噴噴，令人垂涎，吉列石斑沾上芒果他他醬，口感一流，亦可減肥膩感覺，仲配上炒滑蛋、烤得香脆的迷你多士及爽甜沙律菜，最喜歡張滑蛋塗在多士上一起吃，整成滑蛋三文治， 令人津津回味。
Xo醬燒帶子長通粉(午餐)$138
長通，粉口感煙煙韌韌，軟硬適中，每粒長通粉都掛滿xo醬汁，散發著刺激辣香，瀰漫口腔，惹味過人，配埋大粒圓潤滑溜的帶子，鮮味十足，每口都惹味 誘人，令人停不了口。
脆炸魷魚圈(追加+$28)
即叫即製的魷魚圈，外皮炸至金黃色，賣相吸引，入口甘香酥脆，口感鮮美彈牙，不覺油膩，沾上沙律醬，別有一番滋味。
蜂蜜紅茶(餐飲) 蜂蜜紅茶，入口 蜜甜，冰爽宜人，十分滋潤喉嚨
Mamaday一啲都唔麻麻地:)
行開尖沙咀想搵間餐廳食lunch,
見mamaday少人就去啦，
平時想去都太多人了！
餐廳裝潢幾funny同colourful，影相幾靚！
叫左個芒果他他醬吉列石斑配炒蛋多士，
石斑魚肉有魚香味，
配住芒果粒同他他醬幾清新，炒蛋都幾滑，
多士係法式麵包，但唔會好硬。
另外叫左溫泉蛋明太子扁意粉，
意粉上面有幾條燒過嘅蟹柳，
意大利粉掛滿明太子醬汁，味道唔錯。
餐飲係附送，有紅茶同美式咖啡揀，
加8蚊就可以另加餐湯或者沙律菜，
沙律菜幾新鮮，南瓜湯都幾香濃。
最後仲加左個柴薯窩夫，
上面仲有一球雲呢拿雪糕，
加埋紫薯蓉黎食好滿足！