Vie-Won-Won
營業時間
| 星期五 | 11:30–23:00 |
| 星期六 | 11:00–23:00 |
| 星期日 | 11:00–22:00 |
| 星期一 | 11:30–22:00 |
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
服務選項
無接觸送餐服務
外送
外帶
內用
無障礙程度
無障礙入口
無障礙座位
無障礙電梯
產品/服務
有機料理
咖啡
酒精飲料
啤酒
葡萄酒
雞尾酒
用餐選擇
早餐
午餐
晚餐
餐飲服務
甜點
設施
洗手間
適合兒童
氣氛
環境舒適
又要過銅鑼灣做野，終於有機會一試打卡聖地 – 「鬼混」，位於糖街樂聲大廈，一上電梯行入去見到幅貼滿舊海報的店，門面見到間懷舊酒吧，原來就係鬼混餐廳！
餐廳燈光設計偏暗，好有氣氛! 周圍都係骷髏骨裝飾，有如找入咗萬聖節主題餐廳，座位闊落，每張枱都有好靚的花紋，坐Window Seat對出就係電車路，望住電車駛出駛入嘆返個lunch，別有一番風味!
God is Hangry! 餐廳主打Fusion菜，有午餐選擇，價錢銅鑼灣來說尚算正常，同朋友點咗兩個午餐，都不約而同加錢要特飲，因為飲品無相睇名已經夠哂誘惑!
LUNCH MENU幾有彈性，有自由揀3-6款不同的items砌成一個午餐，每樣分量適中，咁就可以試到好多不同的食物，欣賞! 我地揀咗脆炸魷魚圈/ 半熟溫泉蛋/ 牛油果明太子蟹肉/ 薑味燒汁豬肉/海藻芝麻醬沙津配意粉，魷魚圈炸得好脆，但又唔會好乾，食落去爽口彈牙係好味的，我最鐘意食係牛油果明太子蟹肉，牛油果健康又好味，配埋點點蟹肉係絕配，至於個意粉微辣得嚟都幾惹味，要再讚一讚個份量真係預得好好，食哂全部食物好滿意又唔會太飽!
有選擇困難症唔想揀太多，午餐亦有提供特定Menu揀，我就揀咗個好特別的吞拿魚蓉宇治抹茶卡邦尼烏冬，綠茶控真係唔可以錯過，用宇治抺茶crossover卡邦尼烏冬，實在特別，食落有好重綠茶味，極度creamy，烏冬軟硬適中，配合吞拿魚蓉的鮮味，撞落卡邦尼又出奇地亳無違和感，不過呢個食哂就真係有點濟，卡邦尼出品唯一不能解決的特點!
必須要加多小小篇幅講一下那特飲 – 奶蓋鴛鴦走沙冰，熱辣辣的氣溫下叫返杯沙冰消暑是必須的，呢杯鴛鴦奶香幼滑，上枱仲係凍冰冰，唔會太甜，好啱我口味啊! 就算跟餐要加錢都無悔加點，推介！
糖街開左間鬼混係酒吧餐廳x市集x電影體驗館，無論設計、裝修、風格、氣氛、都盡顯玩味，很特別、打卡更一流。餐廳門外有個市集5-7，9-11 Feb2021開放，是吃喝玩樂的好地方。
我們點左臘味鵝肝古斯米伴舞茸菇$228，鵝肝香軟，臘腸、臘肉甘香，小米飯炒得很香，炸舞茸菇很脆口很美味。
雙色蟹粉米粉仔$198，蟹肉清甜美味，米仔粉味道美真不錯👍
吞拿魚他他$128，賣相靚夠特別，牛油果🥑吞拿魚估不到咁夾，口感香滑軟棉。
白朱古力夏洛逸蛋糕$78，不會太甜，蛋味清香。
仲夏野梅沙冰$58，味道香濃。
落神花青檸櫻花🌸梳打$58，清香帶微甜。
地址：銅鑼灣糖街8號樂聲大廈1樓
👍🏻鵪鶉桂花卡邦尼烏冬
第一啖食落去有少少意想唔到，桂花淡既清香配上白汁忌廉底，居然減少咗份膩感。醬汁非常creamy，所以叉起烏冬既時候都做到拉絲，烏冬口感適中，鵪鶉肉質實淨，煎得可口！而且卡邦尼必有既煙肉同蘑菇都好入味～
👍🏻鹹蛋黃薯角
薯角炸得不肥不膩，配上一兜滿瀉既蛋黃醬。蛋黃漿整到鹹香得宜，有大量磨碎左嘅蛋黃粒，食完入口仲有分微甜感！一條薯條一羹醬，添一份邪惡幾份滋味。
👍🏻山渣玫瑰薑茶
呢個配搭好少見，餐廳先把薑搾汁放底，再放上薑片，玫瑰花同山渣片，飲落薑味都幾香，帶點山渣既酸，不熗喉之餘仲非常舒服，小編建議上枱後焗多5分鐘先飲！
👍🏻奶蓋鴛鴦走沙冰
鍾意飲奶茶或者愛啡嘅人一定會喜愛呢一杯飲品，面頭有一層好厚帶鹹身嘅奶蓋，配上微苦但脆口既咖啡豆，飲落去唔太甜，撈一撈底更加散發出好濃郁嘅咖啡餘香。沙冰打得好幼細，飲完真係透心涼。
👍🏻👍🏻餐廳非常用心佈置，有大量打卡位
💡餐廳定時定候會舉辦展覽同event
帶有恐怖主題的漂亮裝飾〜愉快的晚餐體驗，非常舒適！
呢日去開銅鑼灣，經過糖街呢間戲院，發現竟然有間鬼屋主題嘅餐廳，好奇心驅使之下就入左去食飯。
一如到餐廳發現都幾大間，同埋雖然係鬼屋主題，但又裝修得幾靚。
水牛芝士氣球沙拉$128
見好多人介紹過呢個，望落又好靚，同埋朋友話佢好有興趣篤爆個氣球，所以就叫左份黎試下啦。估唔到呢個沙律除左抵得之外，仲好食得，有好多我鍾意嘅材料喺入面，包括好多粒水牛芝士、煙三文魚、紅莓、黑莓同埋牛油果等，食落又清新，又豐富。
麻辣芝士麵伴大頭蝦$178
本身以為芝士麵會係公仔麵，點知原來係意粉，有驚喜。意粉痴住拉絲嘅芝士，撈埋幾好食，辣度唔高，朋友就算唔鍾意食辣都接受到。大頭蝦又兩隻，烤得好香。
鵪鶉桂花卡邦尼$168
呢個好好食！桂花味好香，同埋係卡邦尼烏冬，仲每條烏冬都有芝士拉絲。食落係甜甜地，好好味。有兩件鵪鶉肉，我都係第一次食，味道有少少苦但唔難入口，幾特別。
佛手柑伯爵茶奶凍$68
呢個奶凍都好靚好精緻。上層應該係佛手柑果凍，好清香。下層係伯爵茶奶凍，好軟滑，奶香同伯爵茶香十足。隔離仲滿佈曲奇餅碎，增添口感。同埋啲曲奇餅碎都好食。同埋呢個甜品唔會好甜，啱曬我地。
Honey Lemon（熱）$40
朋友叫左呢個飲，佢係用茶壺上，可以自己倒出黎飲，幾好。
呢間餐廳唔係得個睇字，食物都好食，下次再黎食。
試業中嘅vie-won-won，氣氛唔错。今次只試咗兩杯咖啡，味道中規中矩，服務幾好又坐得舒服。下次會再嚟試埋d食品。
味道 ⭐⭐⭐
環境 ⭐⭐⭐⭐
服務 ⭐⭐⭐⭐
早喺一月已經聽過鬼混呢間餐廳，今次終於的起心肝同朋友嚟食🥺！餐廳主題走詭異歐陸風格，牆身有好多裝飾同擺設可以俾大家打卡，裝修靚之餘，食物質素亦好好，有得影有得食一舉兩得😈！
吞拿魚他他🥑 $128
大力推薦呢個呢個吞拿魚他他🐟！除咗賣相好靚，幾樣食材配搭嘅層次都夠豐富～牛油果熟得啱啱好，唔會硬更加唔會熟到爛。同一般吞拿魚他他唔同嘅係，佢加上咗三文魚子同cracker，令成件事嘅口感層次更加豐富，三文魚子唔腥，而cracker就算擺耐咗仍然保持脆口。上面幾塊係炸白吞拿魚，一個前菜可以試齊生食同炸白吞拿魚兩種煮法，好抵食🤤呢個吞拿魚他他用咗柚子醋做dressing，酸酸甜甜作為entrée非常開胃👍🏻
威靈頓白吞拿魚🐟
威靈頓牛柳就食得多啦，威靈頓白吞拿魚就真係第一次見！同威靈頓牛柳唔同，呢個菜式無加ham同蘑菇，而改用一層薄薄嘅薑蔥，初初我都好怕薑蔥同吞拿魚嘅matching會好奇怪，畢竟通常中式蒸魚先會咁配搭嘛🤣但食落口其實無想像中嘅怪，反而幾新鮮幾夾。外面酥皮香脆，裏面吞拿魚亦焗得啱啱好，肉質仍然嫰滑唔會過火，切開時唔會散！推薦鍾意食魚嘅人試下呢個創新煮法～😆
仲夏夜莓沙冰
雜莓乳酪沙冰顏色好靚💕由新鮮水果blend製，表面已經有新鮮嘅紅桑子同藍莓。整體覺得杯沙冰都幾smooth，即是有乳酪都唔會話好甜，酸酸甜甜😝，啱晒配合成餐飯。
一直都好想食呢間位於糖街製片廠裡邊嘅鬼屋主題餐廳，早排終於去咗打卡😍裝潢風格相當玩味，無論係裝飾定擺盤都好有古堡氣氛，零舍鬼馬🤩
–
🐠 前菜嘅柚子燒左口魚邊
都幾有驚喜，一咬開爆珠就充滿柚子味，放喺脆片上一齊食用手食特別有東南亞風情😆
–
🦑 蝦蝦麻辣芝士麵拌
將魷魚設成薄片，撈埋意粉一齊食，撈埋帶有麻辣香，好過癮🌶
–
🐽 鬼混醬豬肋骨
認真抵讚！表面燒得好正，帶啲焦香，肉質超軟嫩，咬落去啲肥膏位度非常邪惡，肉汁咇晒出嚟，隔離放住原個烤蒜頭，可以切啲出嚟拌埋嚟食，十分惹味😆
–
🥛佢有提供過食各樣嘅酒類飲料，款款都好吸引，但只係我哋咁啱唔想飲酒，就揀咗兩杯奶類嘅飲品，同樣咁出色🙈
奶昔充滿早餐風味，充滿胚芽好立克味道！奶蓋鴛鴦走沙冰鴛鴦味好出，上面一層厚奶，味道香濃🤗
–
⭐ 參考價錢︰
柚子燒左口魚邊（二人份）： $78
蝦蝦麻辣芝士麵拌： $178
鬼混醬豬肋骨： $198半份
早餐奶昔： $72
奶蓋鴛鴦走沙冰：$68
🍌 抵deal 指數：7/10
💰 人均消費：$330
依間位於銅鑼灣糖街既餐廳係Mamaday既姊妹店，環境及食物質素都有唔錯。以鬼怪主題貫徹於同一層既餐廳、市集及戲院，從正門入口開始已經有不少恐佈詭異既裝飾，玩味感十足。餐廳空間感大，而且周圍都有復古既裝飾，好岩打卡✨可惜的是原本想食既水牛芝士沙律及奶凍都未有供應，所以就試了其他菜式。
❀ 威靈頓白吞拿魚
威靈頓牛柳就食過，威靈頓吞拿魚真係第一次食。酥皮焗得好香脆，魚質好嫩好juicy。比較驚喜係酥皮包住既配料係薑蔥，係好特別既fusion菜，但味道整體較清淡
❀ 雞肉桂花卡邦尼
好驚喜！原本以為係卡邦尼意粉，一上枱發現竟然係本人最愛既烏冬。烏冬幾煙韌，醬汁好多，煮得夠入味👍🏻加上桂花既香甜味道唔錯，但雞肉略為乾身
❀ 白朱古力夏落逸蛋糕
依個甜品幾有驚喜，中間既蛋糕餡有白朱古力慕絲及藍莓醬，加上抹茶脆脆，酸酸甜甜幾好味😋
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
👅味道：⭐️⭐️⭐️⭐️
📸環境：⭐️⭐️⭐️⭐️💫
🤵服務：⭐️⭐️⭐️⭐️
💎CP值：⭐️⭐️⭐️⭐️
⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆
銅鑼灣鬼怪主題高質Fushion菜
餐廳喺正戲院樓上，上電梯比大堆鬼片海報包圍
電影感十足，周圍仲用好多恐怖裝飾佈置
連餐桌同碗碟都係精心揀過配合番主題
大家覺唔覺得，主題餐廳總有陣伏味
呢間真係少有地咁高質，而且好味得好有驚喜
柚子炙燒左口魚
呢個雖然得兩舊，但味道超班
燒過嘅左口魚大家都知油香幾勁
加埋上面嘅柚子爆珠，酸酸味味中和番
連埋鬆脆蝦片，係一個超高分嘅前菜，必食！
鵪鶉桂花卡邦尼烏冬
如果滿分係10分，我會比11分！
個醬汁好Creamy同Rich，芝士較多食落較酸
反而無一般嘅唔滯，一啲負擔都無
最特別係加咗桂花嘅關係
所以仲有種獨特嘅花香
烏冬麵質係我鐘意嘅偏軟偏淋
鵪鶉肉嘅肉質結實，煎香後表面金黃
混醬單骨雞翼
我哋揀咗腐乳味加芝士醬，口味一啲都唔奇怪喎
兩樣重口味嘅加埋一齊有種獨有嘅和諧
首先腐乳味係醃入哂雞翼裏裏外外
唔會得個外層有味，唔知醃幾耐先做到
點埋個芝士醬，重口味得黎又好滿足
我仲叫咗個棉花糖焦糖咖啡
上面層泡沫都融合哂粒粒棉花糖
真係未食過咁好味嘅主題餐廳，必定會回訪！
農曆七月咁熱，係探險納涼好時機！
俗語話點都要做個飽鬼，
去鬼混時先食個有六款小菜嘅雜錦套餐，一定可以混得如魚得水。我揀咗鯖魚，魷魚，炸牛油果，吞拿魚蓉，炸雞，牛面珠肉，配橄欖油蒜片炒意粉。
自選菜色由蛋類、沙律、炸物、肉類、海鮮共21款可以揀，選擇困難嗰啲可以食牛扒，如果唔係可能要揀一世。
銅鑼灣抵食set lunch‼️ 一份set lunch (from $116)有湯/沙律 另外可以揀一款主食加幾樣配菜 仲包埋飲品添🥂 配菜有好多選擇 非常高質 有海膽汁魷魚薄片、牛小排、牛油果明太子蟹肉、炸蝦天婦羅、黑毛豬等等 好豐富😍 餐廳擺盤得好靚呀😋
飲品除咗跟餐嘅Americano同烏龍茶之外 仲可以加錢叫特飲🍹 今次叫咗白朱古力綠茶沙冰同埋香蕉花生milkshake🍌 餐廳嘅裝修都好用心 好多擺設 成個環境好舒服☺️
鬼混 (銅鑼灣) #cteateat_高質推介
Halloween 必去🎃🎃🎃
高質Cafe，裝修餐牌食物都以鬼混為主題。餐廳偏暗，掛滿唔同壁畫、四圍都係骷髏骨，同陰森植物，好鬼秘，影相影左好耐❤️
又係一間有環境又有味道嘅Cafe！推介之作！😍😍
餐牌係fusion 菜，價錢貴少少，但環境同食物義對得住個價錢。
地址：
銅鑼灣糖街8號樂聲大廈1樓
味道👅: 8/10
服務💁🏻♀️：7/10
環境🌾：9/10
人均消費💰：$300
去咗呢間以鬼怪為主題嘅餐廳食午餐，佈置幾用心，週邊都有好多鬼怪擺設，幾有氣氛嘅用餐環境👻
午市套餐包沙律或餐湯二選一，咖啡或茶一杯，如果揀其他飲品就減$20
choose your own (6 items) $158
呢個自選餐好彈性，可以試多幾款，餸揀了脆炸魷魚圈、牛面珠配甜酸菜、日本產的魚子、牛油果明太子蟹肉、海膽汁魷魚薄片及吞拿魚蓉配山芋蓉，主食揀了麵包，烘到好脆口，我揀嘅餸有幾款配埋麵包食都好夾
美利堅合眾國西冷牛扒 $178
牛扒外層帶點焦香味，伴菜有炸得鬆脆嘅薯角，棷菜花，雜菌等，幾適合喜歡原汁原味嘅朋友
沙律
單係沙律已經好吸引！唔係平時普通淨沙律菜既沙律,加上各款新鮮水果既沙律顏色更鮮艷而且更健康.
是日餐湯-南瓜忌廉湯
Creamy又帶南瓜自身香甜味.
西式版車仔麵
可以先揀一份主食然後按個人喜好再挑選幾多款配料.配料選擇都幾多一共有21款一定滿足到大家既要求.主食一共有5款,由輕食既麵及至burger,米飯,烏冬同意粉都可以選擇.
今次就先揀左烏冬再配上4款配料.
烏冬係以冷烏冬再拌上少少明太子及日式胡麻醬而成.冷烏冬滑溜彈牙,加上胡麻醬後入口更濃稠香滑,帶點焙香芝麻味之餘亦帶淡淡明太子既鮮香,相當開胃又好適合咁熱既天氣下食用.
醬油漬日本蛋黃
被醬油漬過既蛋黃變得晶瑩而且濃稠,入口混合醬油鹹香及蛋黃香味,作為配茶配搭任何一款主食都相當搭配.
蒜片香辣牛肉片
牛肉片帶微微辣香,蒜香味濃.牛肉帶嚼勁又唔會好肥膩,相當惹味.
吞拿魚蓉配山芋蓉
吞拿魚蓉綿密,入口啖啖肉,再加上山芋蓉令口感更香滑.
日本產的魚子
充滿海洋鮮香既魚子一咬開外衣,內裏既海洋鹹鮮精華迅即滲出,相當fresh又鮮甜.
美利堅合眾國西冷牛扒
牛扒質感嫩滑唔會乾柴而且入口帶嚼勁得黎又唔會咬唔開.牛味香唔會好淡,每啖都食到肉汁,配上底下吸引左肉汁及牛脂既蔬菜更香.配上粗身薯角帶點香辣又惹味.
香蕉花生奶昔
杯上既香蕉微微燒香後香蕉面帶一層焦糖面而變得香脆.奶昔底帶粒粒沙冰,味道帶住好濃郁既花生醬香,雖然味道好濃但飲完又唔會好膩. 沙律
單係沙律已經好吸引！唔係平時普通淨沙律菜既沙律,加上各款新鮮水果既沙律顏色更鮮艷而且更健康.
係銅鑼灣搵到呢間食Fusion菜嘅餐廳
見餐廳裝飾好有格調，有種神秘色彩
環境又幾闊落，唔會坐到好迫
Menu都幾多選擇
侍應一開始就好細心問我地飲咩水
注意有氣同無氣礦泉水係要額外收費
前菜揀左柚子燒左口魚邊
炸蝦片上面放左燒左口魚邊、青瓜粒，爆爆珠
食落幾清新，青瓜粒中和左左口魚既油膩感
仲有鬼混蕃薯條，揀左話梅粉
酸酸地幾開胃，不過就有少少唔夠熱
另外叫左燒牛骨髓伴麵包片
麵包片好香脆，骨髓嘅牛脂油好多，油份幾香
主菜叫左薑蔥炒龍蝦米仔粉
中式加西式都幾有新意
薑蔥味唔會好濃，龍蝦肉爽身
米仔粉有少少似食緊飯，口感唔錯
最後甜品叫左佛手柑伯爵茶奶凍
奶凍滑身，仲有少少莓果伴碟，好滿足！
剛好10月是萬聖節月吧，所以更覺得這次分享的餐廳很切合主題
說的是位於銅鑼灣的 鬼混 Vie Won Won
可網上訂座，如果想吃三層架下午茶~開始時間是在2點半，亦要提前預約
所以我們只是散點了呢～或者下次有機會再來吃Tea吧
在門口已經能感受到和店名頗有感的氣氛，絕對很適合影相打卡的喔！
我們的座位在靠窗位置～話
說店員見我們拿著一袋二袋還主動拿張椅子給我們放東西呢
餐廳內在的環境是帶古堡味道，若是晚上來應該更有氣氛!?
連桌子、一杯一碟都有放心思選的吧?
食物方面，主打的是Fusion菜~味道的配搭幾有新意的
但朋友說單看菜名很難選擇，
因為感覺很微妙且想像不到會是什麼味道那樣子 (笑)
飲品方面，山楂玫瑰薑茶 ($58) – 熱飲個杯好細~要倒很多杯才喝完?
凍飲其中的奶昔好像幾吸引，和朋友各點一款
早餐奶昔 ($72) & 野梅奶昔 ($62) – 口感都算幼滑農厚的呢
我是選野梅那款，甜度不算很高
另外一位朋友點的是 – 桂花金橘蘋果沙冰 ($64) 看起來都吸引
小食點了兩款～混醬單骨雞翼 ($76)
其實有配腐乳醬，但朋友話不敢試就選了芝士醬
雞翼炸得很脆口，肉質還是很嫩滑～而且本身都有調味，
所以再沾醬吃就更惹味囉
柚子燒左口魚邊 ($78 / 2人份) – 魚肉很滑，而且充滿柚子的味道
燒過的左口魚邊會更香，但底下那脆片就很快稔掉了 …
主食點了一個烏冬、一個飯，兩款口味都很有趣的
鵪鶉桂花卡邦尼烏冬 ($178) – 每一口都帶著甜味，但吃落又不會太膩。
話說朋友話那塊葉吃起來很像薯片！我初頭以為是裝飾不能吃 …
紫薯泥飯配香煎帶子($186) – 紫薯味很香很濃，不過相對沒前者那麼甜
而且基本上每口飯都可以吃到紫薯粒的喔～香煎的帶子有三粒。
最後還點了 – 鬼混醬豬肋骨 ($198 / For Half)
半份都有四支骨！外皮烤得頗香，
肉口感軟嫩還有豐富的肉汁，再加上燒烤醬十分惹味喲
Total：$1069 (已計加一服務費)
本來有打算吃甜品，但以上四個人吃已經很飽就放棄了呢
提早感受Halloween既感覺
好給力既一間餐廳，無論係裝潢定餐具🍴都係一致既standard，感受到老闆既堅持同心機，入到嚟成個感覺好似去咗鬼屋咁，但氣氛係唔恐怖，加上地方好寬敞，又有日光之下，成個感覺反而係令人放鬆心情🤩
🌟薑蔥炒龍蝦米粉仔 $218🌟
開頭聽個名以為米粉仔係條狀米粉咁，原來係好似飯粒咁，嚟到既時候已經香氣撲鼻，香噴噴🤩好夠獲氣👍🏻雖然話係薑蔥，但味道唔似中式果隻咁濃烈既薑蔥味，但又好好味😋同埋影咗一陣相，個米粉仔都無變凍，功勞應該係隻碟度🤩
🌟白朱古力夏洛逸蛋糕 $78🌟
未食已經覺得好好食咁，個樣好靚!旁邊既脆脆都食得，味道甜甜的😋開頭以為白朱力味道會好甜，通常白朱古力都會過份甜，呢個反而唔會👍🏻
🌟野莓奶昔 $62🌟
顏色好靚既一杯野莓奶昔，驟眼睇似士多啤梨🍓，飲落係用咗唔同既莓製成既奶昔，味道唔係化學甜，裡面用咗新鮮莓肉，口感滑溜豐富👍🏻
啱啱先知原來銅鑼灣有個以鬼怪為主題嘅市集x體驗館x餐廳！呢間vie won won以樓上cafe黎講真係幾高質，位置闊落，每張枱同枱之間都幾遠，坐得幾舒服，而且景觀幾開揚，見到銅鑼灣鬧市，裝修都幾有心思，幾適合閨蜜一齊食個飯飲杯野girls talk ☺️
餐牌都幾多選擇，而且好打卡-able😍我地下午茶時間黎，叫左一個小食，一個main dish，同一個甜品。
先講main dish: 龍蝦湯配脆米伴海鮮 $228
一見到有龍蝦湯飯就即刻決定左要叫🤣🤣 龍蝦湯用茶壺裝住，食既時候先倒落d脆米度，唔會浸到淋哂，龍蝦湯味道好rich，海蜇頭珊瑚蚌好爽口，配上脆卜卜既脆米，有d似飯焦，口感好有層次！
小食就叫左混醬單骨雞翼 $76 ，我地揀左腐乳味，幾特別，佢係新鮮炸起，食落熱辣辣，口感外脆內嫩，令人食唔停口～
甜品叫左佛手柑伯爵茶奶凍 $68， 賣相超靚，上層既啫喱好有花香，而下層既伯爵茶奶凍好滑溜，伯爵茶既茶香同佛手柑既清新互相配合～
整體無論食物環境都幾唔錯，仲要係銅鑼灣鬧市好方便，食完野仲可以去隔離既電影體驗管/期間限定市集行下參觀下，下次試埋佢d飲品先！
童年的鬼混回憶
餐廳位於充滿童年回憶嘅糖街 ceo 隔離一樓，呢度除咗餐廳之外仲有一間玩密室逃脫嘅鬼屋，地下仲有一間戲院添，同細個完全唔同。
本身見 a la carte 個 menu 非常吸引，不過伴侶話好耐無食過 high tea，就陪佢 high 下。
個 high tea set 陣容鼎盛，有八款鹹甜美點，賣相滿分，一開始首先食哂啲咸點先。
日本和牛多士，和牛入口溫熱，一啖咬落去油脂同埋牛味傾刻爆發，令人非常滿足。
煙三文魚牛角包，牛角包非常酥脆，有好香嘅牛油味，裏面除咗煙三文魚之外仲有新鮮嘅青瓜、蕃茄同埋生菜，清新之餘仲同個牛油味道相輔相成。
鴨肝朱古力馬卡龍，初時以為個馬卡龍係甜嘅，點知一入口原來係鹹嘅，令我非常驚喜，鴨肝嘅香味原來同朱古力係咁襯嘅。
忌廉芝士野菌酥皮盒，酥皮盒賣相精緻，一口一啖，芝士野菌同酥皮從來都係絕配。
野莓果醬比利時窩夫，窩夫到上枱嘅時候都仲係保持到個脆度，值得一讚，野莓果醬個甜度啱啱好，果味濃郁。
日向夏柑檸檬茶忌廉蛋糕，嚟自宮崎縣嘅日向夏屬於柑橘類水果，味道有啲似柚子又有啲似檸檬，氣味清新，食味偏酸帶甜，一刀切開裏面嘅忌廉必哂出嚟，酸甜嘅味道非常平衡而富有層次。
星期二放假約左舊同事係銅鑼灣食lunch。
餐廳提供午市套餐，包湯或者沙律，飲品可以揀黑咖啡或者烏龍茶。我地叫左兩個套餐，再叫多一個甜品。
是日餐湯係蘑菇湯，味道濃郁，好正。
沙律有雜菜同水果。
一份揀左烏冬配烤焗味噌鯖魚、蒜片香辣牛肉片、牛油果明太子蟹肉、吞拿魚蓉配山芋蓉。
烏冬幾大碗，撈左芝麻醬，口感變得滑身，幾好食。
呢碟我最鍾意食蒜片香辣牛肉片，牛肉軟腍，調味幾好。鯖魚原條上，幾多肉，其餘兩款都唔錯。
另一份揀左麵包配溏心蛋(日本產)、唐揚炸雞、黑醋野菌沙律、黑毛豬、牛面珠配甜酸菜。
麵包脆卜卜，黑毛豬就普通，不過其它四款味道都幾好，值得揀黎食。
白朱古力夏洛逸蛋糕賣相精緻，好吸引。蛋糕鬆軟，甜忌廉帶牛奶味，又有啲脆脆同莓類，口感豐富，甜度適中，好滿足。
我地兩個都揀烏龍茶，一熱一凍。
【鬼混】#銅鑼灣 #fusion
銅鑼灣糖街以前有個錄影廠，好多年前發生過一場大火，從此造就咗唔少鬼故事……
以上嘅背景小故事就係今次食嘅呢間銅鑼灣fusion菜式嘅一啲小設定。有餐廳嘅裝潢都可以睇得到有刻意添加一啲鬼魂、宗教等等嘅元素，令到成個詭祕嘅氛圍營造得非常之獨樹一格。
原來呢間餐廳嘅lunch set非常抵食， 百零蚊嘅價錢居然可以食到一個full set，有幾款配菜，又有湯又有沙律，仲有嘢飲，真係好正。
我試咗炸牛油果、吞拿魚蓉、糖心蛋、天婦羅蝦、西班牙黑毛豬、蟹肉牛油果；我嘅朋友就揀咗鯖魚、芝士焗蔬菜、八爪魚、溫泉蛋。如果可以同朋友一齊share嘅話，一餐飯最多可以食到12款菜式，真係好豐富。
我哋都覺得蟹肉牛油果真係非常正，而令我最印象深刻嘅就係八爪魚。印象中從來未食過呢一種半軟半硬嘅八爪魚，畢竟以往食嘅八爪魚從來都係硬繃繃韌韌地，而今次嘅八爪魚居然真係可以令我想像到佢喺水入面游動嘅柔軟姿態，呢種淋種帶韌嘅口感真係好微妙、新鮮、吸引，一試難忘。
✨推介：黑毛豬、蟹肉牛油果、八爪魚、吞拿魚蓉
———————————————
#鬼混
鬼混 (銅鑼灣)
銅鑼灣糖街8號樂聲大廈1樓
Viewonwon
趁就黎 #萬聖節
介紹間非常有👻氣氛嘅餐廳
一入門口就係昏暗吧檯位置
佈滿骷髏骨頭 ☠️南瓜
經過圓拱門口就係用餐區
感覺好似入左古堡咁
神秘之中又帶有情調
檯上有粉紅晶石燭光
杯碟 餐具 餐牌 都很有設計
玻璃窗上 印了餐廳名字的巧思
#鬼混 #viewonwon
食物方面都好出色
#柚子燒左口魚邊
左口魚 肉香嫩滑 油香十足
新鮮不用多調味已經很美味
建議配上脆脆一齊食 口感很有層次
#吞拿魚他他 賣相精緻
最底層係吞拿魚
中間有牛油果
薄脆片上有炸白吞拿魚柳加魚子
一次過試哂生熟製法吞拿魚
配搭有心思 而且味道非常夾
#薑葱炒龍蝦米仔粉
足料龍蝦肉 非常彈牙可口
米仔粉軟硬適中
吸收哂醬汁的精華
甜品 #佛手柑伯爵茶奶凍
甜而不膩 又香又滑
仲有特色 #Cocktail
冰冰轉菊花茶
回魂夜
門口以復古大宅風格配合骷髏骨設計門口既bar枱位 已經好有奇幻氛圍 入到餐廳內部鬼異得黎又好有中古vintage既古典風 連啲吊燈同餐椅都好玩味 我地坐果張係不規則的😂
.
▫️美利堅合眾國西冷牛扒 $178
😋👍🏻：👅👅👅👅👅💛/5分
Lunch set可以揀粟米湯/沙律🥗 沙律用左黑醋同好多水果襯托 酸酸的好開胃～
估唔到個牛咁大塊 望到都已經流晒口水🤤🤤 切開既肉肉粉粉的 口感好軟嫩且充滿肉感 熟度同油脂感都剛好 牛味濃郁得黎好有肉汁😚 估唔到會咁好食desu🥺🥺 點完個南瓜醬(?)味道更香濃～ 薯角都外脆內軟 仲有好多露筍雜菇伴碟去解膩😛
.
▫️lunch set 6 items $158
😋👍🏻：👅👅👅👅/5分
Lunch可以根據自己喜好係20款dish自選3款以上黎做platter 我地好大貪地揀左max既6款🤫 一上碟就覺得砌得好靚🥺 每樣都有佢自己的小角落🥰
每個set都可以揀配紫菜飯/意粉/包/burger 最後我哋揀咗要烏冬 估唔到會有埋明太子醬😍 同埋係冷烏冬黎😆 揀咗款半熟溫泉蛋 即刻打埋落去撈😛 成個口感勁creamy爽口 明太子再帶少許辣咁～
Main我地揀左烤焗味噌醃鯖魚&薑味燒汁豬肉片 前者估唔到會咁大條😳 沾左差唔多半個碟 焗至金黃色 個皮帶少少脆身 鹹度剛好且魚質好嫩滑😚 後者微微燒過 充滿焦香味同油脂感
仲揀左三款炸物 竟然會有炸牛油果🥑😳 第一次食 比平時食既更加軟熟 味道好香口同時唔會太油膩 仲要左脆炸魷魚圈同炸蝦🍤都好香脆同彈力 炸衣都唔會太厚😛
.
▫️奶蓋鴛鴦走沙冰 +$48
😋👍🏻：👅👅👅👅/5分
跟餐會有Americano/oolong tea或者轉其他飲品-$20🙆🏼♀️ 好少見奶蓋鴛鴦就試了～ 奶蓋超厚的估唔到都好奶滑🤤 將鴛鴦整咗做沙冰 依然都飲到濃滑既咖啡香 且味道唔會過甜 配搭得幾好😚
.
總結，鬼混主打fusion菜 估唔到會咁高質🥺 個牛牛真係好正🤤 platter自選既idea都好特別 可以試多幾款🤭 環境好有心思去設計出玩味既奇幻古堡風格😍 周圍都好igable同坐得好舒服desu～
Bookmark咗想黎好耐既餐廳
去開銅鑼灣做野，做完野順便搵個地方食下野
呢間餐廳係係糖街戲院
以鬼怪做裝飾既餐廳
裝修充滿暗黑風格，比較另類又型格
一入問口有吧枱位置，可以飲下酒chill下
也不乏有小清新文青風
大量既裝飾品營造風格
到處都係打卡位
由於我當日5點幾黎到，太早，所以無人
麻辣凍蜆
涼拌既麻辣蜆，微麻辣，味道非常惹味
凍蜆肉身肥同飽滿
索哂啲麻辣汁，而且味道好新鮮
仲有八爪魚腳，爽口彈牙
應該要配番枝啤酒就會好夾
水牛芝士球沙律
呢個咁大既波其實係水牛芝士整成嫁
不過係唔食既，上面仲鋪咗小小既金箔作裝飾性
拎開個芝士球
下面係雜果加牛油果配水牛芝士沙律🥗
仲有煙三文魚
酸酸甜甜好開胃
仲叫咗炸粟米片配芝士醬單骨雞翼
粟米炸咗之後食落更加香脆
而且炸得好juicy
點埋芝士醬就更惹味
不過食食下有啲油膩
仲叫咗杯野莓奶昔
好肥但口感好滑呢🙈
銅鑼灣主題餐廳
首先裝修係好華麗同神秘，餐廳有介紹原來片廠鬧鬼，用返鬼做主題即刻覺得好恐怖😂
上食物前侍應拎左支聖木係我地面前燃點，話可以去除負能量，好有儀式感👏🏻
我地當日叫左tea set
有三層、低層咸點、中層係甜點、頂層係窩夫，每件都好精緻👍🏻
咸點
日本和牛多士-和牛好有油脂👍🏻
煙三文魚牛角包
鴨肝朱古力馬卡龍-呢個好特別，小編詞窮唔識形容
忌廉芝士野菌酥皮盒-好香牛油菇味👍🏻
甜點
士多啤梨蛋白卷-蛋白卷好軟、士多啤梨味勁重👍🏻👍🏻🤤
日向夏柑檸檬茶忌廉蛋糕-食落好似芝士蛋糕😳？
斯里蘭卡紅茶焦糖燉蛋-茶味濃郁，燉蛋好滑好嫩
比利時窩夫配野莓果醬-味道酸酸甜甜
另外叫咗
番薯薯條
薯條即叫即炸，味道可口配埋呢個話梅粉另有一番風味。
麻辣凍蜆
除咗蜆肉仲有八爪魚觸鬚，食落唔辣但係夠麻，非常滋味有驚喜👍🏻👍🏻
食完之後憑卷仲有可以去糖街製片廠果邊換禮物👍🏻好好體驗
鬼混 (銅鑼灣) 🥰
今次經過銅鑼灣，嚟試左呢間幾出名既鬼混餐廳😆
蝦蝦麻辣芝士麵伴 $178 🍤
中意食辣既朋友可以叫呢個！超惹味😆好有芝士味，但一啲都唔漏！食得出隻蝦係好新鮮既海蝦🥰調味調得好好！超好食❤️個麵唔會話太辣，大家嚟到一定要試下😆
燒汁日本A4和牛燉飯 $228 🍚
A4和牛煮得啱啱好！有啲入口即溶既感覺😆個飯好入味，同埋好多料，磨菇都有好多，而且份量都啱啱好💛
鬼混蕃薯條 （海苔粉）$68 🍟
係由蕃薯條炸成，超特別！係鹹鹹甜甜既😆而且上面海苔好多，配搭起上嚟好正❤️食厭左薯條，可以嚟試下呢個蕃薯條🍠🍠🍠除左海苔味，仲可以揀話梅味架！
野梅奶昔 $62 🫐
奶味香濃，梅味好重😆入面有啲硬乾果，唔會酸，甜度啱啱好🥰有多重口感
Still Water $68 🧊
餐廳佈置比較古典、玩味，播既歌都係比較古典既歌💛坐落好寬躺，入面有個好大既窗，望到出面環境，都幾舒服😆慶生都好適合！
一嚟到侍應會問你要tap, sparkling 定係still water, 服務都唔錯架😆
餐牌設計都幾特別，款式都幾多元❤️
地址：銅鑼灣糖街8號樂聲大廈1樓
整體評分：5/5
味道：5/5
環境：4/5
抵食：4/5
Vie Won Won鬼怪主題餐廳👻食物高質又鬼馬 呢間要再嚟😍
Lunch hour is the best hour of the day, agree?
餐牌見到呢句野，真係十分之認同，尤其是係返工，午餐呢段時間真係抖一抖鬆一鬆個人💆🏻♀️🥴
🔸沙律、餐湯
午餐跟沙律或者餐湯，我哋兩個人叫咗各一。勁鍾意個沙律🥗唔係普通沙律菜加醋或者芝麻醬個種，而係有幾款生果，而且擺得靚靚，睇到都開心，又好食😚😚時日餐湯係比較稀既冬陰功湯，飲落唔似冬陰功而係有啲雞湯味。
🔸美利堅合眾國西冷牛扒🥩$178
牛扒賣相都唔錯，要咗五成熟啱啱好，肉質軟淋，而且好多肉汁超Juicy! 另外配有薯角、蘑菇等配菜。
🔸Choose your own lunch :3 items $116
呢個自由搭配嘅午餐，可以揀3至6款食物，再加主食。主食揀左烏冬，上枱先知原來係明太子撈冷烏冬，勁好食😍啲醬汁好足夠，令烏冬沾滿明太子醬。我就揀左三款食物，牛油果明太子蟹肉🦀牛油果應該加咗少少檸檬汁，配上鮮甜的蟹肉，好食！茶葉滷牛小排好入味，真係好似茶葉蛋嘅味道🐮炸蝦天婦羅就正正常常🍤
🔸桂花金橘蘋果沙冰💯🍹
跟餐有烏龍茶或者咖啡，如果叫特飲就減$20 ，一場嚟到就梗係飲特飲啦😛十分推薦呢杯！金橘蘋果味酸酸甜甜帶有桂花香氣，又靚又好飲，夏天飲就更爽！
🔸西芹檸檬青蘋果梳打🍸
呢杯比杯清新，而且加左檸檬可以減少西芹的草青味。
一睇啲擺設、餐具，都睇得出係，Mamaday 系列嘅餐廳，但我覺得呢間係更高層次😝啲杯杯碟碟又好靚！我食物有質素，見到主餐牌啲嘢食都好吸引，下次一定要再嚟試吓😎
趁萬聖節去鬼混
今日再黎呢間鬼怪主題餐廳食lunch
呢度真係岩哂萬聖節黎 打卡一流
佢地最近仲推出咗個tea set
望見隔離枱D野食好鬼吸引
Choose Your Own 6 Items ($158)
Soup of the Day係香甜南瓜湯
我同朋友一人揀咗6款再交換食
我特別推薦以下幾款
明太子烏冬 份量好多仲撈得好好味
炸牛油果 炸粉薄牛油果好creamy
牛面珠配甜酸菜 口感似牛舌幾好味
茶葉滷牛小排 炆得軟腍而且好入味
慢煮八爪魚 好厚肉 慢煮完好易咬開
牛油果明太子蟹肉 三個食材配搭得好好
餐飲可以揀Americano或者烏龍茶
朋友揀咗玫瑰薑茶 味道好夠薑
我最後仲加多個Yogurt Cup 好滿足
最後想特別讚吓餐廳嘅餐具同器皿
全部都好靚好精緻 望見都開心
星期一至五中午設有午市套餐，可以從20多款食物裏面自選3-6款食物，因應所選款式數量而收費，豐儉由人。Lunch Set包咗餐湯或沙律，另外可從烏冬、飯、意粉、麵包裏面任選配一款
藥膳冬陰功湯
泰式冬陰功湯加入藥膳，味道獨特，湯裏面有少量菇菌及雞肉
雜菜沙律
沙律菜新鮮爽脆，配上酸酸辣辣的醬汁，好開胃呢
吞拿魚茸配山芋蓉
吞拿魚茸頗肥美，有魚鮮味，配上日本山芋蓉，口感黏黏的
黑毛豬
舖左少量芝士焗香的黑毛豬扒厚薄適中，豬味特別濃郁，帶芝士香
蒜片香辣牛肉片
半肥瘦嘅牛肉片加入辣椒及蒜片炒香，非常香口惹味，佐飯一流
烤焗味噌石斑
加咗日本味噌一齊烤焗嘅石斑魚，魚皮微微香脆，魚肉鮮嫩滑溜
茶葉滷牛小排
牛小排脂肪比例較高，肉質香軟，充滿脂香
牛油果明太子蟹肉
一大球蟹肉在上層，下層則是熟度剛好的軟滑牛油果🥑好足料
日本珍珠米飯配紫菜飯素
珍珠米粒粒分明，有米香，配上紫菜飯素更加滋味
日本產糖心蛋
選用日本產的雞蛋，糖心效果極佳，蛋味濃郁
黑醋野菌沙律
新鮮野菌雜菜沙律配上黑醋，感覺健康
日本產的魚子
魚子飽滿又大粒，鹹香中帶鮮味，也是佐飯一流
芝士焗西蘭花
加咗芝士及白汁一齊焗香嘅西蘭花🥦好好食呢
熱烏龍茶
跟餐有熱或凍烏龍茶可供選擇，入口係清雅脫俗的烏龍茶香
西芹檸檬青蘋果梳打
翠綠的梳打特飲加入左青蘋果、西芹及檸檬🍋，口感清新，酸甜解膩
呢間餐廳嘅裝修好特別，鬼屋做主題，天花板嘅油畫，好有心思，好啱去打卡。
我地叫咗兩個lunch set，每個都會有湯或者沙律。
Choose Your Own
呢個好特別，總共有21款可以揀，有好多都好想試，所以我地揀咗6款：醬油漬蛋黃、炸牛油果、脆炸魷魚圈、茶葉滷牛小排、牛油果明太子蟹肉、海膽汁魷魚薄片
6款裏面我最鍾意炸牛油果同埋牛油果明太子蟹肉。炸牛油果係將牛油果去炸，炸衣好薄，表面好脆口，入面香軟。牛油果明太子蟹肉，牛油果好creamy搭埋明太子鹹鹹地，好搭。
美利堅合眾國西冷牛扒
牛扒外層帶點焦香，肉質軟腍。而且佢係一塊好有厚度嘅牛扒，份量十足。 伴菜仲有炸薯角、蘑菇同埋蘆筍。
奶蓋鴛鴦走沙冰
上面有一層濃郁嘅奶蓋，搭配鴛鴦，飲落好特別。
山楂玫瑰薑茶
因為有山楂，所以飲落甜甜地，仲帶點玫瑰嘅香味。薑味聞落幾重，但飲落就幾乎唔覺有。
午餐lunch set可以揀3-6款唔同嘅食物配搭
啱晒咩都想食啲嘅我😌
我哋一個沙律 一個湯
主食可以揀麵包、漢堡包、飯、烏冬或者意粉
比較少見漢堡包做主食，我試咗漢堡包🍔
我叫咗6個唔同嘅items～
茶葉滷牛小排，牛油果明太子蟹肉，牛面珠配甜酸菜，吞拿魚茸配山芋蓉、炸蝦天婦羅🍤同海膽汁魷魚薄片
本身都冇抱太大期望去食🤫
因為個人覺得大部份呢一類型嘅餐廳
都係食地方食氣氛比較多😜
但係出乎意料之外係滿意😮
一嚟到即刻試咗佢個牛小排，肉質柔軟不失油香
熟度亦啱啱好！
炸蝦天婦羅炸醬唔會太厚又脆卜卜😌
海膽汁魷魚片好有咬口 個樣好似有魷魚味嘅闊條麵
煙煙韌韌好好食👍🏻
另外個漢堡包打開好有誠意喎～～除咗麵包烘過
入邊有芝士生菜青瓜😎係值得一讚
另外叫咗一個西冷牛扒
叫三至五成熟，雖然嚟到係熟咗一啲
但係切開已經感受到牛扒嘅軟熟
食落超級有驚喜😮肉質非常柔嫩
而且肥瘦適中，口感细嫩多汁且不失咬勁
薯菜係粗身薯角，新鮮炸出內軟外脆👍🏻
仲有雜菌、蘆筍
望落去個份量覺得唔大，但係食完好飽😂
飲埋白朱古力抹茶沙冰
山楂玫瑰薑茶
好滿足❤️
就快到萬聖節la☠開始想感受下萬聖節既節日氣氛👻琴日出完event就去左位於銅鑼灣糖街以鬼屋做主題既Vie Won Won食個high tea🥰由門口開始到餐廳無個角落都好有鬼屋既感覺同埋佈置直係好正啊，尤其仲意天花板既油畫，好有心思既佈置👻
為食餐單:
Afternoon tea set☕ $398(set for 2)
兩位女士下午茶當然唔少得high tea☕依度既high tea供應時段由2點半至5點🕝仲有唔同人數既tea set揀添，如果4個人黎，叫個set for 4只係$666😍叫個tea set仲附上一舊聖木，職員會點火燒一燒然後就有好幽香既木香，依d木香係可以淨化心靈，享受relax悠閒既high tea😉
tea set好豐富，好靚啱曬打卡之餘仲好好味呢🥰
日本和牛多士🥩
和牛一咬好香和牛味同牛既油脂一齊滲出，好香好軟好正😋多士焗得好香脆🥰
煙三文魚牛角包🥐
煙三文魚好新鮮好美味，牛角包香軟，中間夾住三文魚、生菜等材料，清新又好味既咸點🤩
鴨肝朱古力馬卡龍🥧
依個係我好仲意既咸食😋好特別又好香，味道好match又勁好食🥰鴨肝咸香又滑同一層朱古力疊住夾係甜甜馬卡龍中間，一咬食到多重味道，咸鴨肝同甜朱古力好夾，依隻馬卡龍真係我至愛❤
忌廉芝士野菌酥皮盒🍄
好香菇野菌味，酥皮酥脆，一啖食落口好正🥰
季節限定士多啤梨蛋白卷🍰
蛋白卷好滑好creamy，唔會太甜好香蛋白同忌廉味，仲有香甜既士多啤梨呢🍓
斯里蘭卡紅茶焦糖燉蛋🍮
好似盆栽既甜品🪴面頭有d脆脆既茶粉，仲有莓點綴🍓下面既焦糖燉蛋好香滑😋
野莓果醬比利時窩夫🧇
窩夫好香脆甜度適中，淋上野莓果醬，酸酸甜甜非常好味🥰野莓果醬食落好天然有粒粒果肉啱曬我，喜歡天然既水果味道呢🤩
日向夏柑檸檬茶忌廉蛋糕🧁
帶點酸既夏柑同檸檬茶味，蛋糕好軟滑😋
伯爵茶🫖
我就揀左伯爵茶，一個靚靚茶壺配茶杯咁上枱，伯爵茶清香帶點花味😉
烏龍茶🍵
烏龍茶茶味香，好relax😉
食完個high tea，仲有張coupon俾客人去對面既鬼混商店換番枝聖木做紀念品帶番屋企添😉
Bocconcini Balloon Salad水牛芝士氣球沙拉🥗 $128
依道沙拉好吸睛，有個用水牛芝士整成既大氣球係沙拉上面，氣球上面仲有d食用金箔裝飾添😍影完相就可以拮爆個氣球，好好玩，睇住佢慢慢漏氣，真係又影得又玩得又食得🤣個個氣球餐廳就唔建議食la，因為係tasteless ga😉沙拉就係用osmanthus dressing，酸酸甜甜既沙律汁混埋好fresh好開胃，仲有几塊新鮮三文魚同埋牛油果😋沙律有紅莓、黑莓、柚、火龍果mix埋，全部係我仲意既生果，酸甜互補好味🥰
今日我同朋友就去咗樂聲大廈嘅鬼混食午餐！鬼混餐廳嘅裝修好有特色，有唔少畫作同植物。餐廳提供唔少fusion 菜式，又好味又吸引。
1. Choose your own (4 items)
主食方面，我哋揀咗Seaweed Sesame Rice。個飯面頭佈滿飯素，好味。配料方面，我哋揀咗溏心蛋、唐揚炸雞、牛面珠配甜酸菜同慢煮八爪魚。溏心蛋整得好好，蛋黃好流心，仲採用日本產嘅蛋。唐揚炸雞有四件，炸得好脆。外皮一啲都唔油，裏面嘅雞肉好Juicy。牛面珠好淋，配埋甜酸菜一齊食都幾特別。慢煮八爪魚煮咗12小時，好軟淋，調味好惹味。
2. Choose your own (4 items)
到另外一份食物，主食我哋揀咗Udon。烏冬份量多，每條都沾滿日式芝麻醬。配料方面，揀咗溏心蛋、海藻芝麻醬沙律、炸蝦天婦羅同烤焗味噌醃鯖魚。溏心蛋甜甜地，有流心狀態。海藻沙律嘅蔬菜好新鮮，仲有紅桑子同火龍果，好fresh。另外有兩隻炸蝦天婦羅，炸皮好薄，蝦肉彈牙。烤焗味噌醃鯖魚好大條，魚肉好香好滑。
Soup of the day
今日提供咗雜菜湯。雜菜湯蕃茄味濃，裏面有煮到淋晒嘅蘿蔔、洋蔥等等，面頭仲有啲芝士。
花生香蕉奶昔
花生同香蕉依個配搭好正，平時都會自己整依款多士。飲落去首先會飲到花生味，然後香蕉味會慢慢出嚟。兩樣嘅味道都好濃，飲完之後好飽😂！
桂花金橘蘋果沙冰
天氣實在太熱，朋友揀咗飲沙冰。沙冰蘋果味比較重，配搭住金橘同桂花，味道好fresh，簡直透心涼！
臨近萬聖節必去、超有氣氛、嘢食更加超班，係我近期食過最好食嘅西餐！
一次點會夠，如果俾我揀我會encore 10次～
🔹🔹🔹🔹🔹🔹🔹🔹🔹🔹🔹
🔸慢煮八爪魚沙律🥗 $152需要+1
呢個沙律不得了，成條八爪魚腳上😱
實在太誇張！八爪魚腳啖啖肉，
賣相超打卡，味道方面，
面頭有啲孜然味，食落都算軟身，
出奇意外咁有鮮味！
配埋蔬果沙律好開胃，依家諗返都流口水🤤
🔸蝦蝦🦐麻辣芝士拌麵$178需要+1
呢道菜真心好fusion😍
唔係普通西餐食落去嗰種油膩嘅感覺，
佢用咗類似譚仔嗰種四川麻辣，
但唔會太辣，反而花椒八角配料味比較出，
我都係第一次食四川麻辣配芝士，
估唔到咁好食，完全唔膩，
份量唔多，但好驚喜！
🔸佛手柑伯爵茶🍵奶凍$68需要+1
呢個我更加鍾意，完全啱晒我胃口！
賣相精緻，雙層係佛手柑味嘅啫喱，
下層係伯爵茶嘅奶凍，唔會互相搶味，
反而係先試到佛手柑嘅香甜，
之後係伯爵茶奶凍嘅後勁！極富層次感，
最最最估唔到嘅係連旁邊嘅抹茶曲奇碎，
同埋nuts，亦勝人一籌！
香脆可口，好吃程度非筆墨所能形容！
🔹🔹🔹🔹🔹🔹🔹🔹🔹🔹🔹
總結就係，所有嘢都係超好食，
回頭度極高，有好多打卡位，
雖然價錢都比較貴，但真係一級棒，
唔試會後悔！
今日約咗朋友去銅鑼灣食午餐，朋友推介呢一間位於戲院樓上嘅餐廳😜
除咗有一啲鬼怪傳說展覽之外 還有一間餐廳，質素還相當之高！😋
約咗一個平日下午來試一試，果然餐廳裝修相當之鬼怪，給人不少驚喜！
裝修得好靚，到處充滿着鬼怪氣息，侍應超級有禮貌，望一望餐單，午餐做緊一個主食再加不同款式配菜，配菜有24款選擇，有沙律、有熱食丶有炸物，令人眼花撩亂🤪
簡單一點的話，可以選擇牛扒或者漢堡🍔
每一個午餐均包括湯或者沙律🥗
我哋選擇一湯一沙律，湯係蘑菇忌廉湯，相當鮮味 味道濃烈好飲
沙律夠清新，配上野莓更加開胃❤️
我叫咗一個主菜再加六個配料
賣相非常精美，令人食慾大開😁
主菜選擇左明太子烏冬，有口感嘅烏冬配上鹹鮮嘅明太子醬，凍食非常正😚
有幾款配菜要特別推介～
牛油果明太子蟹肉，牛油果又夠香，配上清新蟹肉，非常好吃！
另外蒜片🧄香辣牛肉片，將牛肉切到非常薄再用蒜片炒香，少少辣，伴隨着烏冬食，一流！
另外朋友叫嘅美利堅合眾國西冷牛扒，非常大塊，火候啱啱好， 唔會太熟 ～牛味十足，亦都伴隨着薯條丶炒蘑菇同蘆筍 😋
午餐已經包埋飲品🥤，叫咗兩杯凍烏龍茶，清新怡人
再跟住要埋個甜品🍨，叫咗杯乳酪杯，賣相相當精美 乳酪上邊鋪滿了藍莓🫐，中間則是軟滑乳酪， 下陳則有脆片，混合一起吃十分有層次和滿足！
這兒裝修非常有特色，食物質素又高，朋友果然冇介紹錯！
鬼混 Vie Won Won
開始清假, 同朋友平日行下街食下野. 呢間平日先有供應lunch set. 環境幾靚, 日頭黎採光好好, 配合番隔離鬼屋體驗館, 裝潢有d 骨頭、畫作
前菜可選salad 或者湯, 我地叫左各一share 試. 當日湯係mushroom soup, 帶松露菇味頗香濃味道唔錯, 只是份量有點少. salad 超豐富, 除左veggie 仲有我最愛BlackBerries🤤 其他仲有blueberries, strawberries, grapefruit 等, 呢個組合無得輸
Choose Your Own $146 (5 items)
呢款午餐個presentation似all day breakfast, 特別係有12款配料俾你揀, 可以砌出一份獨有嘅午餐.
Rice/Pasta/Orzo/Crystal bread係免費包一款嘅, 選越多款配料價錢就越高… 我地貪新鮮揀左crystal bread, 配料就有日本產魚子、牛面珠配甜酸菜、海膽汁魷魚薄片、薑味燒汁豬肉片同牛油果明太子蟹肉… Crystal bread第一次食, 其實有啲似薄嘅拖鞋包, 烘過後變得好鬆脆. 日本魚子好正, 鹹鹹地又帶啲啲甜味用黎配好fresh嘅牛油果明太子蟹肉好夾. 海膽汁魷魚薄片嘅海膽汁味道就唔太出, 只係為魷魚片添加左dd 鹹味. 而魷魚片就幾Q彈. 兩款肉類嘅味道都好濃下, 尤其牛面珠炆得好腍好入味, 不過配包就有啲唔夾, 覺得配飯或意粉會較好
吞拿魚蓉宇治抹茶卡邦尼亞烏冬 $168
Tuna Uji Matcha Carbonara with Udon
呢個真係幾特別, 要講抹茶味其實又唔算好抹, 只係sauce creamy 中嘗到一丁點澀味應該係茶味嘅苦？味道幾特別都幾難形容, 同平時飲matcha latte/食matcha dessert 認知中抹茶味唔一樣. Tuna 分開食味道會較出, 一齊食存在感不高, 烏冬口感滑溜都唔會太腍
午餐包嘅烏龍茶幾好飲, 無落糖更顯茶味嘅清香.
桂花金橘蘋果沙冰 $64
Citrus Osmanthus Apple Frappe
帶桂花淡淡清香, 同蘋果本身少許清甜, 幾清新好飲
服務都幾好, 環境舒適幾好坐, 係唔錯嘆lunch tea 地方
返工返得悶悶地，放假半天同朋友出嚟hea 下，最近發現原來有間位於銅鑼灣鬧市嘅鬼混餐廳，以復古大宅風格，色彩繽紛的擺設和骷髏骨畫的奇異空間成為打卡熱點🔥食過鬼混午餐充下電先😀😀
Choose your own 午餐：可選3至6款配料，任由你組合，幾好玩喎，還包括餐湯及飲品😍😍
第一步先揀其中一款主食，紫菜芝麻素飯，橄欖油意大利麵，漢堡，麵包脆片及烏冬共五款。
第二步就係揀自己鍾意嘅配菜，配菜共有21款之多，有蛋，炸物，海鮮，肉類及沙律菜等…..
第一次食麵包脆片，一咬落去即碎晒，好crispy😂朋友嘅黑炭漢堡，外脆內軟更配上芝士生菜🥬，應該唔錯😋😋
配料：
醬油漬蛋黃：全用日本蛋，只係少少醬油配合蛋黃，食出蛋黃嘅原味道👍
海藻芝麻醬沙律🥗及黑醋野菌沙律：除新鮮沙律菜外再配上海藻，野菌，三文魚子，紅桑子等，健康得嚟又可以增添口感👍👍
脆炸魷魚圈：香脆外層，鮮嫩魷魚🦑，好香口食唔厭😋😋
海膽汁魷魚薄片：薄薄的魷魚片掛滿海膽汁，鮮鮮鮮🦑
茶葉滷牛小排： 滷得入味又juicy的牛小排，肉質嫩滑😋😋
蒜片香辣牛肉片： 牛肉薄片充滿蒜味又辣又惹味😚😚
Soup of the day & Drink
南瓜湯，南瓜🎃香濃又creamy😋
Americano，咖啡香，冰凍可口😘
Yogurt Cup
純乳酪加粟米片，合桃，藍莓🫐紅桑子，健康有益😊😊
餐廳嘅裝修同商場係一致嘅，都係以鬼屋為主題，餐廳入口有好多骷髏骨，未到10月已經好似Halloween咁樣。
餐廳裝修好似古堡咁樣，唔算驚嚇，感覺係幾特別。
◾️龍蝦湯配脆米伴海鮮
上枱就見到幾個飯團同海鮮
龍蝦湯係個茶壺度要自己倒落去，龍蝦湯本身好夠味同埋好濃，飯團索咗啲龍蝦湯食係好好食
▪️混醬單骨雞翼
揀咗粟米片配芝士醬，鹹鹹香香脆卜卜，做Share Plate一流
▪️氣球沙拉
佢嘅氣球其實就係係水牛芝士，雖然menu叫唔好食塊芝士😂其實波波只有淡淡嘅芝士味，煙三文魚加上鮮甜嘅沙律菜同生果，係幾開胃嘅。
▪️秘魯墨魚條
個炸漿做得幾薄，入邊嘅墨魚幾彈牙，配埋佢個酸辣汁幾好食
▪️洛神花青檸櫻花梳打
▪️丸久小山園玄米柚子梳打
兩杯飲品都係唔算太甜少少酸，呢啲天氣飲真係好爽。
銅鑼灣呢間「鬼混飯堂」出名佈置裝潢別具特色、好適合打卡！📸 夜晚黎到黑麻麻、而且見到周圍咁多骷髏骨💀👻，真係情調十足！😆
除咗打卡之外，呢度嘅食物水準亦唔錯，fusion菜式創新之餘味道亦很好～ 👍🏼
🎂白朱古力夏洛逸蛋糕
蛋糕嘅賣相超美～ 可惜燈光太暗所以影得唔係好靚🙈蛋糕細細個、但係層次好豐富而家好鬆軟～ 上面嘅藍莓同紅桑子好新鮮，內餡有果醬、忌廉同脆脆，唔會太甜味道一流💕
🍷波特菇紅菜頭燉飯
大啡菇入面饟咗芝士+椰菜花，呢個組合幾新鮮、但又出奇地好夾！ 紅菜頭燉飯味道清甜、好健康～
🦞龍蝦湯配脆米伴海鮮
龍蝦湯好香濃，飯焦球浸完龍蝦湯仍然好少許脆脆的，幾香口～ 海鮮配料亦好豐富，有龍蝦肉、蟹肉、海蜇頭同珊瑚蚌！😋
今餐都食得好滿足☺️ 下次想試埋佢哋嘅lunch set，好似好豐富同幾抵食～
之前已經 bookmark 咗呢間裝修咁詭異的餐廳，諗住 Halloween去，又有情景遊戲等，不過 book唔到😫但今日終於特登過黎食個 lunch, 欣賞下呢度的特色佈置，唔止多打卡位，食物都好高質！😍有得睇有得食！
.
Lunch Menu係自選配搭 mix and match😎
STEP ➀:先揀一款主食(麵/飯等)
STEP ②:揀餸菜組合，價錢按餸菜多少，3-6款各有不同價錢。我就同朋友夾埋試咗8款😂6款為$158, 不過重點介紹下最好味幾款啦❗
.
首先一提，lunch menu配湯或沙律，今日飲蘑菇湯超濃超 creamy, 而沙律包含好多生果好清新，顏色都色彩繽紛見到都開心🤩🌈
.
🟥餸菜🍽️🟧
炸牛油果
⏩炸粉很薄，牛油果炸香更帶油潤，啖啖肉
.
牛面珠配甜酸菜
⏩有 d 似牛腩，但非常粉嫩及稔，有牛味得黎配甜酸菜頗開胃
.
海膽汁魷魚薄片
⏩✨大推！！✨望落以為闊條面，點知係切到超薄的魷魚片，非常有咬口唔韌，加上海膽汁係Double的鮮甜💯
.
吞拿魚蓉配山芋蓉
⏩食吞拿魚最怕腥，但呢個魚蓉魚油香齒頷留香~~配我的撈烏冬一流，而山芋蓉為佢加上點點的清甜唔會太漏
.
黑毛豬
⏩有 d驚喜😂首先面有芝士加添香氣，呢塊小豬柳食落唔乾反而保持到juicy肉汁
.
🟨主食🍝烏冬 & 意粉 🟩
✨烏冬：唔好以為普通凍/撈白烚烏冬呀！有調味架~係明太子汁撈，食落都有 d似麻醬味好開胃，而且份量超多
.
✨意粉：簡直似蒜辣蜆肉意粉，不過走蜆肉版😂夠鑊氣夠辣夠惹味，仲好彈牙，淨食都好好食，一 D都唔Hea!😎
.
🟦飲品🟪
✨ 香蕉花生醬奶昔
一入口係滑滑香蕉奶，之後會㗳到超濃花生醬味，好有層次的味道♥Love
.
⬛是日 Brownie $78⬜
我哋另外叫咗一個 Brownie, 外脆内軟，但個人喜歡更濕潤的，驚喜地配上藍色吸睛海鹽雪糕，冰火交融😂
好食·用心
坐係窗邊卡位，望住外景食野好正！
叫左2 set lunch，$158可自選6款食物，真係好多野食，好豐富！以下只係介紹番特別好味的！
👉🏻蘑菇湯
非常香，一小粒一小粒嘅菇，唔會太大碗，幾好！
👉🏻慢煮八爪魚
慢煮2小時，微煙燻，好彈牙爽口！
👉🏻吞拿魚蓉配山芋蓉
估唔到咁夾，味道好香，口感亦好豐富！
👉🏻牛面珠配甜酸菜
好淋又好滑，真係一試難忘！
👉🏻海膽汁魷魚薄片
軟硬適中，煙煙韌韌！
👉🏻山楂玫瑰薑茶（跟餐+$38）
酸酸的，但同時薑味好強！個茶壺好靚，好啱打卡！
👉🏻野莓奶昔（跟餐+$42）
好奶好creamy，飲得到berry，好中意！
(5星為最高級)
味道:⭐️⭐️️️⭐️⭐️⭐️
環境:⭐️⭐️⭐️
服務:⭐️⭐️⭐️⭐️
衛生:⭐️⭐️⭐️⭐️
抵食:⭐️⭐️⭐️⭐️⭐️
📍銅鑼灣糖街8號樂聲大廈1樓
過完中秋節又到Halloween柴娃娃一起玩的開心日子，今日來咗一間好正的「鬼」餐廳。
脆薯角
最喜歡吃帶皮的薯角，外表卜卜脆之餘也有香草芝士味，薯角比薯條肥所以內裏粉嫩粉嫩，配酸忌廉醬超級好味。
蝦蝦麻辣芝士麵伴
手掌般大的虎蝦新鮮、彈牙、入味唔使講，最驚喜是中西混合，意大利粉用上麻辣醬汁，再加上寬寬長長的芝士，彷彿像宽麵條似的，鹹香煙韌，是我近期最過最好吃的意粉。
西班牙牛肋骨
用男主的方式把牛肋骨煮得鬆軟入味又腍滑，之後烤焗，扔面層的脂肪烤得蕉香，很出色的牛肋骨。
吃完這一頓已經急不及待約朋友在Halloween當天再來一次。
感覺非常之差，非必要不要去
今日約咗一位鬼馬嘅好友聚舊，選了呢間別開生面嘅餐廳。🤪
由裝修佈置、一燈一畫、一枱一櫈，到杯碗刀义，都用心挑選😃，實在目不暇給😍。
食物都令人有驚喜，前菜酸辣沙律夠曬辣、獨特橙香味嘅甘筍湯。至於main course 選了6 items配意粉，勝在可以試到多款不同食物，全部各有特色。
至於鍾意食牛嘅我，見到有US Low bottom sirloin steak，當然一定要試。😎Medium 剛剛好，肉質鮮嫩多汁、夾住少少油脂甘香，確實好味😋。
整體食物十分夠味，喜歡濃味嘅朋友就啱曬。環境舒服裝修獨突，令人難忘，以後又多一個適合同三五知己，出嚟鬼混聚會嘅好地方啦😂🤪🥰。
#鬼混 #銅鑼灣美食
一個有個性的food blogger梗係要去有個性嘅餐廳，呢間餐廳嘅裝潢非常特別，Gothic style 黑沉沉鬼域的感覺，反而係藝術感多過恐怖， 細望之下其實每張枱每張凳每盞燈都唔一樣，非常之有個性
lunch menu要思考一下先明白原來午餐係好似西式碟頭飯咁，先選擇主食，飯、意粉或麵包等，然後選擇自己喜歡的配菜， 前菜南瓜湯和沙律都唔錯
5 items $146，兩個午餐分别點了以下，主菜分別是crystal bread 和飯素白飯
炸蝦天婦羅
脆炸魷魚圈
蒜片香辣牛肉片
茶葉鹵小牛排
烤焗味噌醃鯖魚
牛油果明太子蟹肉
慢煮八爪魚
海膽汁魷魚薄片
吞拿魚蓉配山芋蓉
芝士焗蔬菜
咁多款唔同嘅餸菜擺埋一碟出奇地望落非常之吸引，唔係誇張每一款都係高質，炸的炸得香脆，慢煮的能保持肉質柔軟，調味亦唔單調，有的灑了孜然粉，有的用鹵茶葉， 所以一個午餐都有好多樣化的味道和口感
尤其特別喜歡慢煮八爪魚，海膽汁魷魚薄片和烤焗味噌醃鯖魚
寒冷的環境，優質的食物和良好的服務。
鬼混嘩鬼餐廳
鬼混 Vie Won Won
銅鑼灣 E出口 樂聲大廈
和朋友傾開，銅鑼灣有一間題主題餐廳，Vie Won Won，主題特別，食物質素高，今天抽空一試。
炸魷魚圈
超級香脆，魷魚口感煙韌，新鮮、不太鹹、沒有雪味，處理得很好，不點醬汁也很好吃，一件又一件，很邪惡。 炸魷魚圈配辣醬，辣度不錯，喜歡辣的朋友一定要試。
薑蔥炒龍蝦米仔粉
面層放了番紅花、炸香蔥、香草，十分可口。龍蝦肉很鮮甜、彈牙、蝦味濃沃。米仔粉口感有趣，和配料蘑菇、薑絲、炸香蔥特別夾。
鬼混醬豬肋骨
即叫即烤的豬肋骨香氣撲鼻，脂肪和肉的比例十分好，一口咬下去，整個口腔都是肉汁，比較林的軟骨也可以吃，我喜歡用手拿著肋骨吃，別有一番風味。醬汁鹹度適中，吃完不需要灌水。
西芹檸檬青蘋果梳打
原汁原味的蔬菜生果汁，超級新鮮，飲完感覺好Fresh，健康之選。
This café is phenomenal with all the dark aesthetics and their ambrosial tea set
Afternoon Tea Set
聖木下午茶 $398/2 pax
Seasonal Strawberry Egg White Swiss Roll
季節限定士多啤梨蛋白卷
Sri Lanka Black Tea Crème Brûlée
斯里蘭卡紅茶焦糖燉蛋
Wild Berries Sauce Belgium Waffle
野莓果醬比利時窩夫
Summer Tangerine Lemon Tea Cream Cake
日向夏柑檸檬茶忌廉蛋糕
Cream Cheese Mixed Mushroom Puff Pastry
忌廉芝士野菌酥皮盒
Foie Gras de Canard Cocoa Macaron
鴨肝朱古力馬卡龍
Japanese Wagyu Toast
日本和牛多士
Smoked Salmon Croissant
煙三文魚牛角包
Earl Grey Tea
Iced Latte