The Ground Kitchen
營業時間
| 星期六 | 11:30–15:30 |
| 星期日 | 11:30–15:30 |
| 星期一 | 11:30–15:00 |
| 星期二 | 11:30–15:00 |
| 星期三 | 11:30–15:00 |
| 星期四 | 11:30–15:00 |
| 星期五 | 11:30–15:00 |
服務選項
外帶
內用
產品/服務
咖啡
酒精飲料
啤酒
葡萄酒
雞尾酒
用餐選擇
早餐
早午餐
午餐
晚餐
餐飲服務
甜點
設施
洗手間
適合兒童
氣氛
氣氛悠閒
環境舒適
規劃
接受訂位
付款方式
信用卡
簽帳金融卡
NFC 行動支付
信用卡
Excellent food with a touch of artistic flare.
老闆兩公婆好好人、最緊要啲野都好好食又靚。 食左幾次都好高水準👍 …
Awesome experience with this small hidden gem! Staff is nice, happy to chat and recommend you food. Slow-cooked iberico ham is just right and the clam linguini are all very well flavoured. It’s not purely white wine sauce but you can see these are all made with passion. Last but not least, you can see how well they paint the birthday message on the dessert plate ❤️
A small but very cosy restaurant and more importantly serving tasty food. Come early as it’s quite fully booked even on a Sunday morning!
Best Fine Dining Restaurant in Town.
Good and Tasty food,
Relax atmosphere,
And the most important thing: Reasonable Price!
I definitely recommend this restaurant to my friend!
Quaint restaurant with amazing food. Fantastic and fresh ingredients, which the restaurant spared no expenses on. Great experience and a rare find in Hong Kong.
估唔到兩個後生仔可以做到咁嘅菜式！食得出心機！ 酒店嘅菜式！誠懇嘅招待！
食物、服務和佈置都好！
Cuisine specialist.
見到大大個藍色門面，加埋好friendly嘅老閭娘同我地介紹晚餐菜式，果然係有水準之作，同屋企人或另一半喺度撐枱腳都好適合。
哩度嘅食物真係物超所值，皆因用料新鮮，份量足夠，淨係前菜小食嗌左嘅帶子他他都可以一行4人分黎食。 帶子他他食落有個好清新嘅味道，清香嘅青瓜汁入面原來都加左熱情果汁，甜甜酸酸，好開胃。配埋墨魚脆片一齊食，又香又脆，好回味。忌廉煮青口配嘅忌廉汁，有好香嘅白酒味之外，青口亦非常新鮮。主菜油浸三文魚配雜菜清湯係一個完美嘅組合，黑毛豬嘅肉質夠晒嫩口，原來係用左全橡果餵飼嘅豬肉，更有特製醬汁作點綴，味道特別之餘，亦唔會蓋過肉味。仲嗌左 Prime Rib Eye，14安士厚切嘅牛扒，唔太大食的話，兩個人share再嗌其他小食都好夠。加埋嘅特製醬汁食好惹味，仲有碟上嘅紅菜頭蓉亦都唔簡單，原來都係自家製的，好有心機，食嘢最滿足就係可以完完全全清晒碟上面嘅所有嘢！甜品嘅焦糖燉蛋，除左擺盤靚之外，仲要係有香橙味嘅燉蛋，好值得一試！相信哩度係一間良心企業，老闆娘仲介紹佢地用嘅飲管係用小麥造嘅，而唔係嗰啲唔環保嘅膠飲管佢地用嘅檸檬仲要用蜜糖浸過，而唔係普遍飲開嗰啲糖漿溝出黎的，味道甜甜酸酸嘅檸蜜梳打同熱檸蜜。
同班中學同學gathering試咗喱間餐廳，環境清幽，食物上碟好靚又好味，性價比好高，一定會再黎！
Here become my top 1 western restaurant lately. Friendly environment with high quality foodies. You can feel all the details and matching of favours design by chef. It tastes even better than how it looks. Surprised by the pricing, just same as those casual dining nearby. 👍🏻 …
Delicious food at a reasonable price!! Friendly staff and special homemade drinks
老闆和老闆娘都十分友善😁。裝飾都漂亮，牆壁是令人感到舒適的天藍色，而且所有裝飾都是老闆和他的家人一手一腳自己做的。不單如此，那裏的食物也是十分美味😋。是間又漂亮又有內涵的餐廳片是個吃下午茶的好去處，所以本人極度推薦大家去嘗試😊 …
這是一間細少的家庭式小餐廳。面積不大但陳設頗標緻，坐位都算舒適，但餐枱面積略扁細了少少，所以放了餐菜及飲品後就有迫的感覺。食物味道不錯。午餐是三道菜，菜款常有轉換。有自家製的餐湯，今次是雜菜牛肉湯，非常清甜，全不覺有味精。主菜有多欸供選擇，我選了脆炸鱸魚配炸薯角配他他醬。魚炸得外脆肉滑，仍保持多汁，可惜覺有少少魚腥味，在此扣了分。但配醬汁後就好味道 另一選擇是蘑菇忌廉炒龍蝦,法包，沙拉。味道相當好但龍蝦肉略為少了一點點。免費飲品是自家製洛神花黑杞子茶或花茶。洛神花茶非常好飲。其它如要咖啡之類就要另加費用。該餐廳逢星期一至五免收加一，假期才會收服務費。但要注意餐廳不收信用卡，以現金支付。餐廳偶有已炆好但未上餐牌的紅酒牛尾可共客人選購回家慢慢享用，免卻自己烹調的工夫。
一對對美食充滿熱誠的香港夫婦，為了擁有一間屬於自己的餐廳，便在澳洲居住和工作一段時間，儲蓄了足夠的金錢和經驗，便回流香港。
而先生曾在高級食肆工作，所以烹煮食品的方法和食材，都是跟足高級食肆模式進行，味道保持了一定的水準。而太太負責對客人和管理餐廳運作，男主內女主外，各司其職。
這個看似電視劇情，不過原來活生生發生在香港西區的一條斜路上。(以上是用餐時，跟老闆夫婦閒聊時得知的)
店內裝修以簡潔為主，給人有一種在法國小店的感覺。
凍檸蜜，檸檬和蜜糖的味道香濃，非常適合秋天這個季節，喝完感覺喉嚨很舒服。
巴馬火腿24個月、水牛芝士、蜜瓜$88，火腿鹹香味十足， 水牛芝士味道鮮美，蜜瓜香味，三者同時放在口中，鹹、甜、鮮，味道層次豐富，作為前菜，實在是適合不過。
法式香草薯蓉焗脆皮田螺$128， 遠看像一朶花，田螺被自家製的脆皮包著，這個造型很有心思，而田螺肉煙煙靭靭，薯蓉的牛油和香草味道濃郁，是廚師就自打成，不是購買現成的貨源。 小小的一道配菜，做得十分有心思💕。
是日例湯$58，是牛肉湯，廚師以牛扒的邊位煎香後，跟紅蘿蔔及西芹煮成牛肉湯，味道清甜帶著濃郁的牛肉味，而伴碟的番茄、三文魚子，給人一種清爽的口味。
油封鴨腿(美國無激素)德國酸椰菜花、燒薯菜$198，鴨腿肉一絲的軟腍，吃到香味之餘，還有一點甜味。原來廚師以三日時間醃制鴨腿，再以一日時間油浸，鴨腿肉軟腍，每一口都層次感豐富，而伴碟的蔬菜，有部分都是高價貨。
值得一提，還有一塊以土豆絲製成的伴碟，又香又脆。
松露野菌意大利飯$168，黑松露的香味十足，聽廚師解釋，他用上了15%的黑松露醬，所以比平常吃到的香味更加濃，而且還有酒的香味，飯質軟中帶點嚼勁，是正宗意大利的做法，雖然是簡單的一道意大利飯，不過都可以吃到廚師的滿滿心意💕🥰。
法國巧克力布朗尼$58，內地有夏威夷果仁、榛子、杏仁， 巧克力味道香濃，甜度適中，吃著會感覺廚師👨🍳的心思。
雖然這𥚃不是高級食肆，不過廚師堅持以最好的食材和相宜的價錢，為客人提供食物，真是一試難忘，期待下次來吃價廉物美的午餐。💕💕💕💕💕
📍 The Ground Kitchen
西環一向都係搵食既hidden gem黎，有好多隱世小店值得大家發掘。西營盤水街有間藍白裝修的小清新餐廳，充滿北歐同希臘風情。臨近紀念日慶祝，經朋友推介，決定同C先生黎Ground Kitchen慶祝下。
➖➖
餐廳位於西營盤同香港大學站中間，比較隱世。外觀用咗藍白裝修，位置都幾多，好有渡假feel！原來兩夫婦店主係從澳洲回流，之前喺澳洲經營一間原來兩夫婦店主係從澳洲回流，之前喺澳洲經營一間被選為當地Top 20嘅cafe。質素實有保證。
➖➖
📌 香蒜忌廉蜆肉天使麵 $188
今日冇曬蜆，轉左青口。擺盤幾靚，有好多蜆，仲要係用大蜆，大大隻啖啖肉。好濃蒜香，一上檯已經覺得好惹味了。意粉煮得唔錯，掛晒汁。忌廉汁好creamy，好有奶香。
➖➖
📌 慢煮西班牙全橡黑毛豬 $298
擺盤好精美，黑毛豬散發迷人香氣。煮得啱啱好，完全唔會過熟而太軔。黑毛豬帶少少脂肪，食落有油香，仍然保留肉汁，好Juicy，口感非常好。仲以為side dish係potato puree，點知係茴香蓉，帶點清新，中和左油膩感
➖➖
📌 Tropical Island $48
顏色好夢幻，very photogenic，而且味道好天然，有pomelo and pineapple 同lemon，幾足料，而且酸酸甜甜好香果味！！
➖➖
📌 巴馬火腿 水牛芝士 蜜瓜 $98
擺盤超級精緻。Parma ham唔會好咸，整成花形，可以同埋蜜瓜n 芝士一齊食。
➖➖
📌 Crème brulee
黎得咁靚既地方食餐飯，點少得甜品呢! 呢度既creme brulee份量都多，面層個薄薄既焦糖脆配上香滑既燉蛋，真係mark an perfect ending for the meal
➖➖
地址： 西營盤水街47號地舖
推介指數👍🏻👍🏻👍🏻👍🏻👍🏻
抵食指數👍🏻👍🏻👍🏻👍🏻
(5個👍🏻為滿分)
食物製作用心,有賣相,味道佳
好耐之前已經被小店 @thegroundkitchen 搶眼嘅藍色門面吸引，趁住放假就約埋朋友一齊去食lunch😋
🐚蕃紅花忌廉煮鑽石蜆（$128）
鑽石蜆夠大隻又脹卜卜，加入蒜粒、蕃茄仔及洋蔥粒一齊煮增添味道及口感😋而醬汁食落酸酸地，口感有啲creamy，味道勁濃郁，好似飲緊濃湯咁，超鍾意個汁👍🏻
🌽香濃粟米忌廉湯（套餐跟配）
湯如其名般香濃，有陣陣粟米嘅天然甜味，絕對係用新鮮粟米煮成👍🏻粟米粒無blend到好爛，食落一粒粒有口感，加埋忌廉口感更滑更creamy，配埋好靚嘅花花伴碟，好睇又好飲😋
🍔焦糖菠蘿雞扒漢堡·薯角（$158）
竹炭漢堡包夠厚身，口感外脆內鬆軟，食到粒粒芝麻香👍🏻雞扒仲大過漢堡包，外層煎得焦香，肉質嫩滑juicy，配埋烤過嘅焦糖菠蘿及他他醬，菠蘿嘅酸甜清新中和咗雞扒嘅膩感，他他醬就令整個漢堡更加惹味😋而新鮮炸起嘅薯角非常香脆可口，蘸他他醬同食真係好好味😋
🍝63°C溫泉蛋和牛肉醬天使麵（$168）
面層佈滿烤焗過嘅芝士，味道與肉醬意粉無太大分別，天使麵都幾掛汁，將溫泉蛋與天使麵撈勻後，每一啖都充滿蛋香，整體味道不錯😋
🍮法式焦糖燉蛋（+$38）
賣相幾精緻，脆口嘅焦糖配埋滑溜嘅燉蛋幾好食，最鍾意味道唔會好甜，一人份量啱啱好👍🏻
🌼菊花杞子茶（套餐跟配）
菊花都幾多，而且比我平時多數見嘅大朵，所以菊花味好清香突出，最重要係有清熱明目功效，呢款是日花茶非常合我心意🥰
☕️意式即磨咖啡（套餐+$10）
咖啡好香，奶味都幾重，加咗少少花瓣點綴後賣相更加分不少，飯後嘆返杯靚咖啡確係唔錯👍🏻
餐廳不但以花作佈置，就連每道菜都加入食用花裝飾，真係好靚好啱打卡📸另食物好味又高質，完全感受到廚師嘅用心製作，絕對值得推介❤️👍🏻
// The Ground Kitchen 🍽 //
.
Nothing gets me more delighted than dining in a soothing ambience with relaxing fragrances!🙌🏻 We were lucky enough to stumble upon this hidden gem in Sai Ying Pun to try out their 3-course lunch menu that serves with tomato & beef soup and with either a glass of roselle tea with black goji berries or daily floral tea.🍴🍹
.
▪️Black Truffle Scrambled Egg Croissant & Stir-Fried Mushrooms w/ Herbs▪️[HK$158]
Being a huge fan of black truffle and crispy pastry, ordering this drool-worthy dish was certainly a no-brainer!💯
The croissant was super crispy and flakey, stuffed with some savory stir-fried mushrooms and a perfectly creamy scrambled egg, and topped off with some aromatic black truffle paste!🥐 Such a pleasant dish to savor!
.
▪️Grilled Scallops w/ Beetroot Purée Risotto▪️[HK$188]
I’ve never had a risotto that uses beetroot purée for such a distinctive color before, and it was beyond expectations!😍 The texture and consistency of the risotto were so al dente and creamy, and the flavor was undeniably palatable; not to mention that the succulent scallops went impeccably well with the savory risotto.🤞🏻
.
▪️Mixed Berries Panna Cotta▪️[HK$68]
An Italian dessert that uses gelatin to thicken a portion of vanilla sweetened cream, layered with crushed Oreos and a bunch of frozen mixed berries, serving as a sweet way to top off the enjoyable meal.🥄
.
// 10% Service Charge 💞 //
早前看到西環這家藍色大門的店舖被吸引，看到菜式擺盤尤其精美，某日相約友人來這邊吃個午餐。
先來的是跟餐的花茶，暖呼呼的冬季喝進去很舒服。接著來的是餐湯，擺盤美絕了，那秋葵切跟擺得太完美，雜菜牛肉湯也做得很好，一點也不馬虎。
波士頓龍蝦·鮮茄忌廉天使麵 $238
我吃過早餐才過去，便讓友人跟我分享一個餐。還好分享了，因為份量很足，龍蝦下面的天使麵有很多呢！龍蝦有半邊，肉質彈牙又多膏，配上濃郁的鮮茄忌廉真的很不錯！
帶子他他·墨魚汁脆片·熱情果香茅汁 $98
我們另外點了一個前菜來分享，帶子新鮮，配上其他蔬果口感層次豐富，加上三文魚籽則又好看又味道更深層次，無論是直接吃還是放在墨魚汁脆片上吃都很不錯！
法式焦糖燉蛋 $68
焦糖燉蛋非常滑嫩帶橙香，中和了膩度，不錯！
環境、食物及服務也不錯的小店，有機會再來！
好舒適，適合聚餐
西營盤生活氣息也是很不錯的，不是特別嘈雜也有很多好吃😋的。今天放工就過來嘗試這間 Ground kitchen。地鐵🚇站出來，走了10多分鐘，又走錯路，還好今天天氣比較好，剛剛下過雨。如果是打太陽天，又是中午的話，我就絕對退縮了。餐牌總的來說比較小資，為了提升一下生活質量，自己也算是很用心了。
曾經有朋友問我，100圓以內的西餐廳介紹，我想了一下，確實有但是不在香港。普遍來說，香港西餐廳好吃😋的一只手✋可以數出來。但是如果想要換換口味，調劑一下生活，還是可以的。
餐湯
忌廉湯，奶味濃郁。
蕃紅花鮮茄大蝦天使麵 268
適合比較空閒的時間段過來。餐廳空間不算很大，今天特意選人少的時間過來，才不回很擁擠。坐著也舒服。
食物味道還不錯，屬於比較精緻類型。對於我這樣胃口的朋友，有點不夠吃。
口味比較偏重，放了很多意粉醬。喜歡重口味的朋友，可以看過來。
The Ground Kitchen
西環西營盤水街47號地舖
Food was top notch but portion was exceptionally small for the price
歐陸風情餐廳靚爆西營盤🌸💐🌻🍀
水街呢間藍色小屋，斜路底遠遠就睇到🌻入面嘅擺設都係好靚，令人好放鬆。
蕃茄牛肉雜菜湯🍅
完全係真材實料嘅感覺🥰好多鮮茄蓉同牛肉粒喺湯入面，酸酸地好鮮味🥰擺盤靚到不得了。
法式牛骨洋蔥湯🧅
肉味超濃灌注成個湯😊仲有超級多煮到好淋好入味嘅洋蔥🧅洋蔥控必試。上面仲有片包，影完相都仲好脆。
慢煮加拿大保濕豬鞍🐷，燒意大利雜菜🥕
呢道菜就好似藝術品一樣，好似砌咗個仙境出嚟🥕從未見過啲配菜可以擺到咁靚😍又入味。豬鞍豬味好濃，三片厚切煮得剛熟，唔會好韌。
西班牙海鮮飯🦑
呢個海鮮飯超級無敵好食😍個飯超香（好似有龍蝦嘅鮮味？🦞）啲海鮮好新鮮，特別鍾意個大蜆，好juicy，一咬bit哂啲汁出嚟。呢個係第1個想完想即刻再食一碟嘅飯🤩
洛神花黑杞子蜜🌺
仙氣嘅造型真係好靚，啲冰嘅反光面係紫藍色，好神奇😁酸酸地幾涼。
客製化黑醋畫，費用係捐比智障人士宿舍，贊助舉辦活動同食物架💁♀️。
手繪意大利黑醋畫🌸
喺呢度order甜品，至少提早一日將你想要嘅圖畫（線條）send比餐廳，佢地會根據難易度報價，到時畫咗黑醋畫嘅碟會連order咗嘅甜品上🍮
我好鍾意呢個服務💁♀️因為又可以自主決定自己嘅product, 又可以捐錢幫到人😋男朋友咁啱唔鍾意食蛋糕，每年都爭扎買唔買生日蛋糕比佢😆今次可以加落自己鍾意嘅甜品度，又唔使特別諗store個蛋糕喺餐廳要切餅費。真係一舉數得。最重要係畫得好似，好可愛呀😆😆
焦糖燉蛋🍮
都幾大份😄😄焦糖好夠焦香，燉蛋夠蛋味之餘，有陣檸檬酸酸地嘅味，好食。
雜莓意大利奶凍🍓
奶凍好creamy🥰好香奶味，雜莓好冰凍😍😍仲有啲曲奇定朱古力碎，幾襯。
公司開張小食，非常精美，好食，安排細心妥善
之前路過呢間餐廳已經畀藍色嘅外牆吸引，店內裝修雅致，難怪最近成為打卡熱點。食物賣相講究，而且質素唔錯，Lunch set包餐湯同花茶，雖然定價較高，但睇得出店家落左唔少心思。
🍽蕃茄牛肉湯 Beef Tomato Soup
呢款係是日餐湯，第一次見餐湯有伴碟，而且仲係三文魚籽同各種蔬菜，唔只擺啲食用花裝飾下就算。味道似較清嘅羅宋湯，有蘿蔔粒、蕃茄蓉同大量牛肉碎，足料。
🍽香煎鯛魚柳•黃金粟米脆餅 Pan-Fried Sea Bream with Sweetcorn Fritters ($248)
鯛魚柳個皮煎到金黃香脆，魚肉質感偏實淨。配菜超有驚喜，脆餅嘅材料有粟米蕃茄薯仔等，香口得黎唔太油膩。
🍽波士頓龍蝦•鮮茄忌廉天使麵 Grilled Lobster with Angel Hair in Creamy Saffron Tomato Sauce ($238)
半邊波士頓龍蝦新鮮彈牙, 有好多蝦膏，最啱用黎撈麵。鮮茄忌廉醬微甜creamy，感覺有落海鮮一齊煮，有啲似龍蝦汁。醬汁份量充足，而天使麵好掛汁。
🍽 法式焦糖燉蛋 Crème Brûlée ($68)
焦糖面燒到脆身，帶橙酒嘅味道，燉蛋蛋味香濃，質感幼滑，高質。
☕️洛神花黑杞子茶Roselle Tea with Black Goji Berries (Iced +$5)
花茶亦係呢度嘅主打，除左跟餐嘅款式外，可以加錢轉特飲，見隔離枱飲蝶豆花檸檬蜜顏色好靚。當日我地叫洛神花黑杞子茶，酸酸地幾開胃，仲有降血脂明目嘅功效。
帶子他他 •墨魚汁脆片•熱情果香茅汁
帶子肉甘甜,入口爽彈.配上飽滿新鮮又晶瑩剔透既三文魚籽,壓破魚籽後,濃郁又富有海洋鮮味既魚油徘徊係口腔與帶子肉融和從而提將鮮味昇華.
配搭熱情果香茅汁,味道酸酸甜甜,清新味蕾,真係一道十分出色既開胃菜.
內裏亦帶西式蘿蔔,爽脆鮮甜,為帶子他他增添口感.
墨魚汁脆片香脆鬆化,墨汁味十分香濃,配上帶子他他帶出三重鮮味.
蕃紅花忌廉煮鑽石蜆
鑽石蜆味道富海洋味,鹹香鮮甜.
蜆肉肉質厚,外面爽彈但內裏creamy,入口慢慢帶出帶陣陣奶油及堅果既餘韻.
底下醬汁充滿蜆肉精華,以蕃茄,三文魚籽及淡淡龍蝦殼配合餚製既湯汁,鮮味及風味十足,用黎沾蒜蓉包一流.
黑松露薯蓉
薯蓉唔會打得過份細滑而失去薯仔原有既口感.
薯蓉內加上牛油令入口更creamy更滑之餘亦減低薯仔原本較粗糙既質感.
係香滑軟綿既薯蓉內仍帶部份薯粒,充份保留薯香.
黑松露既濃菌為味道較為平淡既薯仔增添一陣香而不過濃既菌香味.
美國無激素油封鴨腿
油封鴨腿皮薄身,油份係鴨腿皮上慢慢迫出,帶出陣陣油香,入口味香又唔會過油.
鴨腿肉質嫩滑濕潤,肉柔軟得黎又不失肉既嚼勁.
味道鹹香,香口既鴨油係口腔內化開.
鴨腿下鋪滿酸椰菜絲連同鴨腿一齊食,多添份爽脆感之餘,酸味平衡返鴨腿既膩滯感.
作為拌碟既配菜亦都花足心思,用上各種款西式蘿蔔,富有色彩,入口爽甜解膩.
雜莓意大利奶凍
層次感相當豐富既奶凍.
底層奶凍入口滑溜,一放入口內好快就滑入喉嚨內,奶味香濃又唔會過甜.
奶凍上抹上一層雜莓醬再係雜莓醬上灑上大量oreo碎.酸酸甜甜既莓果醬唔會帶好化學既感覺,帶天然莓香,為甜品減低甜膩感,無咁heavy.
Oreo碎及莓果乾為奶凍增添份曲奇香及鬆脆感.
Galaxy Fantasy
圓圓既冰粒內加入藍色碟豆花,令飲品賣相變得夢幻.
自家漬既檸檬蜜甜度平衡得好好,令檸檬蜜唔會過甜之餘又飲到檸檬清新既酸香味.最欣賞係檸檬蜜唔會漬得過火而令到有苦澀味.
Red Stunner
洛神花同樣味道酸酸甜甜,可以化解主餐內既膩滯感.
✤♡ 視覺與味覺並存的餐廳 • 必定再訪 ♡✤
▫️
Bookmark了這間餐廳一段日子，終於有時間來‼️👏🏻👏🏻 餐廳採用藍白色歐陸風設計，就像置身國外般，佈置很有心思‼️🕌
▫️
餐廳食物的擺盤很精美，很適合打卡‼️📸 ʟᴜɴᴄʜ ꜱᴇᴛ包有餐湯＋主菜＋花茶‼️🌻 另外，也可加不同的價錢來享用餐包、沙律、甜品等多款美食‼️😻
▫️
❥$𝟭𝟴𝟴 紅菜頭帶子意大利飯🥘 這個用紅菜頭煮成的ʀɪꜱᴏᴛᴛᴏ顏色很美，和金黃色的帶子形成強烈對比‼️👍🏻 三顆金黃色的帶子輕微煎過，口感很嫩滑‼️👅 ʀɪꜱᴏᴛᴛᴏ的飯粒有點嚼勁口感豐富，香濃的醬汁很ᴄʀᴇᴀᴍʏ🧀 用紅菜頭煮成的ʀɪꜱᴏᴛᴛᴏ帶點清甜的味道，裡面還加了三文魚籽，多了一份咸香、減低了飽滯感‼️👍🏻
▫️
❥$𝟭𝟵𝟴 明太子海膽長通粉🍝 單是海膽醬煮成的長通粉已非常滋味‼️😻 淋上了明太子後咸咸的味道和海膽的鮮味很搭‼️😋 每條長通粉都被濃濃的醬汁包裏著，很美味‼️👍🏻
▫️
❥蕃茄牛肉雜菜濃湯🥣 蕃茄牛肉雜菜煮成的湯很清甜‼️用了食用花、三文魚籽等來伴碟，小心思中足見店主的用心經營‼️💖
▫️
❥跟餐+$𝟮𝟴 苦酒青檸檬汽水🍹 每顆圓滾滾的冰塊中都加了食用花，令人賞心悅目‼️🧡💛💚 酒精濃度很低，只喝到青檸檸檬清新的味道，冰冰涼涼剛好適合炎熱的夏季‼️🧊
氛圍很好 食物品質不錯 但注意只可用現金及fps過數
The food was made with heart and the presentation of food was artistic. The pricing was reasonable and the service was sincere. But the seating was a bit cramped
呢間隱世小店係近期食過最滿足的一餐🥰 每一道菜都感受到廚師的用心，完全係視覺享受😍 重點係食物質素同擺盤精美程度絕對媲美fine dining 級數😌
慢煮熟成美國黑安格斯牛柳 $388
呢個tenderloin雖然好厚身而且啖啖肉，
但係生熟程度拿捏得非常好🤤
唔會食落好韌之餘，仍然保留到濃郁既肉汁🥰side dish係佢哋自家製既薯仔千層批🥔
口感軟綿綿咁，面頭烤到金黃色好香脆🤪
就算係拌碟既蔬菜都絕不馬虎，無論係
排位定係顏色搭配，都令人眼前一亮🤩
明太子海膽長通粉 $198
呢個pasta真心推薦😳 完全顛覆咗平時
出面食海膽/明太子意粉嗰種感覺😂
絕對唔係就咁將海膽放喺意粉上面就算，
食落既每一啖都係好濃郁又鮮甜既醬汁🤪🥳係會令人食到停唔到口！ 仲要有海量既三文魚籽增強口感🥰 真係好出色🥺🙌🏻
帶子他他·墨魚汁脆片·熱情果香茅汁 $128
前菜揀呢個一定唔會後悔的😌 賣相精緻其實已經好加分💯 鮮甜既帶子加埋芹菜、蘋果粒、三文魚籽等等加埋熱情果香茅汁酸酸甜甜真係好開胃🤤 放上墨汁脆片食真係個耳目一新既組合😌墨汁脆片超鬆化🤩 大愛呢個appetizer !
香煎鴨肝 $88
酸酸甜甜既藍莓黑醋汁加埋炒香左既焦糖洋蔥，同鴨肝一齊食正正可以中和返個油膩感👍🏻 肥美而且入口即融既鴨肝配上脆卜卜既多士好惹味😍
蕃茄牛肉雜菜濃湯
呢個濃湯可能係我飲過最靚既一個🤤
色澤吸引，牛肉令到整體鮮味十足❤️
酸甜度適中而且好解膩，真係會開左個胃🍅🍲
最後既甜品為呢餐寫上最完美嘅句號🤪
兩款都有個小木片做底托真係好靚✨
法式焦糖燉蛋 $68
質感好幼滑👍🏻面頭薄薄一層既焦糖好香脆😊 而且唔會太甜🥰蛋香濃郁🥳
冧酒提拉米蘇義大利蛋糕 $88
呢道既tiramisu 好重酒味，而且每啖都好綿密🥰 濃郁既expresso加埋幼滑既mascarpone cheese真係好match🙌🏻
Galaxy Fantasy Soda $58 | L.L.B $48
兩杯飲品漸層顏色真係好夢幻，真係超級IG-able👍🏻而且好特別用上藍色既冰塊😍
第一杯用上蝶豆花同自家漬檸檬蜜🍋🍯
味道天然，酸酸甜甜真係岩唒夏天飲用☺️
LLB雖然有時少許苦酒，但有青檸檬平衡返，所以整體都係酸味較重🤩 唔錯呀😆
餐廳仲有即食真空包賣😍買返去後只要簡單翻熱就食得，而且係標榜冇味精同冇防腐劑🤓價錢好合理，岩哂繁忙既上班一族，掃返幾包看門口先得😌
.
.
📍The Ground Kitchen (西環)
西環西營盤水街47號地舖
今日男朋友話想去Chill下，我又見自己好耐都冇揸住部相機周圍影吓，我哋就去咗西營盤啦🤣🤣
見到呢間餐廳都幾多人讚話佢嘢食唔錯，所以就決定入去試吓！餐廳內部裝潢都比較田園風，背景音樂同佢嘅裝修風格都襯得幾好！
見到餐牌都比較多嘢食揀，但因為我想食西班牙炒飯嘅關係，所以就其中一個叫咗餐，另外一個就叫咗散叫！
🍡洛神花黑杞子蜜HK$48
洛神花味好香，酸酸甜甜好開胃！
🍡Latte （跟餐+HK$15)
第一眼見到好特別，我都係第一次見啲冰係藍色，飲落口相對上奶味超重，咖啡比較苦，以咖啡黎講稱唔上係好飲🥲🥲
🍡蕃茄牛肉雜菜濃湯
牛肉味鮮甜，甘筍都煮到好淋身，好香雜菜味，雖然話係蕃茄，但味道唔會太酸，真係煮得好好飲！
🍡慢煮加拿大保濕豬鞍 HK$268
好耐無食過個豬鞍可以咁軟同咁嫩，配埋醬汁真係好好食！肉質好有彈性，切開後睇到啲肉嘅顏色粉粉嫩嫩咁！另外仲用左黃蘆筍，秋葵，紅蘿蔔做配襯，好似好田園咁，賣相一流！
🍡西班牙海鮮飯 HK$238
香口料重，飯粒保留到有濕潤嘅感覺，唔乾身！口感唔錯！同埋呢個西班牙海鮮飯真係有超級多嘅海鮮，真係滿滿嘅一盤，有青口，帶子，魷魚，大蝦，蜆同辣肉腸！！
魷魚好有咬口，帶子好嫩好滑，
辣肉腸一開始好惹味，愈咬就愈辣🥵青口雖然細細隻但好清甜，唔會有苦味！
🍡Tiramisu HK$48
食咗一啖意大利芝士嘅cream，好滑好綿，而且一啲都唔甜！再挖深啲，冧酒嘅味道出晒嚟，好濃烈，爭啲以為自己飲緊烈酒啊！但呢個Tiramisu真係好好食！
🔸🔸🔸🔸🔸🔸🔸🔸🔸
🍽 The Ground Kitchen
📍 西營盤
💰人均消費: HK$ 310
🕊餐廳傳送鴿：@thegroundkitchen
🔸🔸🔸🔸🔸🔸🔸🔸🔸
#hkfoodie #foodiehk #foodie #hkblogger
#hkfoodblogger #feedfeed #hkfood #hkfoodlover #hkfoodstagram #hkfoodpic #hkfoodblog #hkigfood #hkgirl #hkeat #hkinfluencer
#hkkol #hkrestaurants #香港好去處 #食好西 #香港美食 #食評 #手機食先 #saiyingpun #saiyingpunfood #西營盤 #西營盤美食 #cafe #coffeeshop #西餐 #打卡餐廳
Tasty dishes. To be a little picky, the seasoning is quite heavy i dishes I had, in the corn soup, salad, and angel hair noodle.
Maybe that’s why it’s tasty. But it’s less healthy.
西營盤有好多cafe同小店，想試呢間好耐，見得閒就去左食lunch～ lunch set包湯＋主菜＋飲品。留意返lunch set會定時轉換架
#蕃茄牛肉雜菜濃湯 🥣
擺碟好靚🤩蕃茄味同蔬菜味令人好開胃，仲有好多牛肉粒粒，牛肉味都好濃，balance得好好😋
#紅菜頭帶子意大利飯 🍝
好少見用紅菜頭整意大利飯，粉嫩顏色既risotto 又估唔到幾好食喎😙係用意大利米，risotto軟硬度煮得岩岩好，好creamy，好聰明咁加左三文魚子，三文魚子係口入面爆開🤪間中夾雜住啲鹹香，令整體冇咁膩👍🏻三粒帶子帶點鹹香唔會過熟
HKD188
#明太子海膽長通粉 🍝
作為明太子控既小妹，見到menu有呢個即刻心心眼😍明太子醬係個面度，配埋海膽醬汁又幾夾。長通粉火侯都控制得幾好，一樣配埋三文魚子，唔腥，令整體有多種口感同味道
HKD198
#法國朱古力布朗妮 🍫
想試埋甜品，就叫左個Brownie，微暖朱古力Brownie唔硬夠鬆軟，仲有榛子粒係入面
#洛神花黑杞子茶 🏵️
跟餐可以叫既花茶值得一讚，酸酸甜甜好開胃
#薄荷菊花茶 🌻（是日花茶）
黎到見到大大朵菊花浮係水中，好靚呀🤗淡淡薄荷味加菊花，夠清爽，仲有杞子係入面，可以明目添😎如果大家想飲凍飲，我見隔離枱個杯凍飲入面既冰係藍色架，可能係蝶豆花冰💐
係一間有要求同用心對待食物既小店👍🏻
星期一至五免加一
The Ground Kitchen
西營盤
IG: fafafoodie
好的
Very stylish decor and comfy. Tried their 3-course lunch sets, tasty~ Staff are friendly and patient to explain about the dishes and drinks. Bought a vacuum pack of salty ox tongue as well, look real yum. Thanks to the waiter for the detailed guide and suggestion on sides that match! Looking forward to visiting the restaurant soon!
I have a very important dinner here. This is very cozy place. The food here are delicious and the garnishing, presentation are both incredible. The boss lady here is a nice and cheerful person. I had an incredible time.
We went there for lunch with pretty high expectations after reading all the excellent comments. We ordered Urchin Pasta and Lamb Chop. The food is good, though not as good as we hope. Service is good but the hardware is somewhat not very well maintained. The pasta was served on a plate with a crack on the edge.
We will probably try their dinner in a not too distant future and hope we can get a even better experience.
西營盤歐陸小店
今次已經係二訪呢間藍白小屋，西環有好多隱世美食，但我對呢間小店情有獨鍾，食物真心高質而且賣相好精美，值得一訪再訪❤️
叫左兩個Lunch Set包餐湯+主菜+花茶
🍅蕃茄牛肉雜菜濃湯
擺盤好精緻，有蕃茄、牛肉碎同雜菜粒，味道酸酸地幾開胃，牛肉味好出🐮
🍚紅菜頭帶子意大利飯 $188
粉紅色嘅意大利飯真係未試過，呢個飯驚艷到我😳帶子煎得金黃香口，加左三文魚籽令到口感層次更加豐富，意大利飯嘅軟硬度控制得啱啱好，重點係醬汁creamy得黎又唔會好漏，令人不自覺食完一啖又一啖😆
🍝明太子海膽長通粉 $198
海膽醬汁杰身濃厚，食落每一條通粉都沾滿左醬汁，海膽醬味道鮮甜又濃郁，亦都加左大量嘅三文魚籽增添鮮味同口感
🍰Tiramisu +48
Mascarpone cheese打得好軟滑，比起一般食開嘅更加重冧酒味，但又唔會好苦澀，係近期食過最好食嘅tiramisu😋
🍋Galaxy Fantasy +38
呢杯係蝶豆花檸檬蜜梳打，顏色好夢幻😍 味道酸酸甜甜，波波冰用左碟豆花同花瓣整成，非常igable📸
🍹Red Stunner +38
洛神花黑杞子蜜梳打，入口酸酸地幾開胃，味道清新
值得支持的小店， 食物精緻美味， 環境令人舒服
「西營盤隱秘精緻西餐廳✨，大家同草根妹妹一齊去尋寶啦🍴」
香港出名多好嘢食好餐廳🍴🇭🇰，不過大家未必知道西營盤入面有間非常隱秘嘅精緻西餐廳✨，大家準備👌🏻同草根妹妹一齊去尋寶未😋？
.
Main
主菜一共叫咗2款，分別係大蝦天使麵🍝，同慢煮熟成羊仔架🐑，想試吓佢吔嘅澱粉質，同時食埋佢哋嘅肉類😌。
.
🍝藏紅花鮮茄大蝦天使麵 Angle Hair Spaghetti with Tiger Prawn and Tomato Saffron Sauce （$238）
餐牌上有2款天使麵🍝，2款天使麵最大分別在於配料用大蝦定係用蜆肉🦐🐚，識揀一定係揀大蝦🦐，雖然價錢貴少少🤏🏻，不過一定值得👍🏻！
大蝦新鮮🦐，肉質爽口👅，有質素！天使麵顏色鮮艷，麵上仲有番茄做點綴🍅，令人胃口大增🤤。醬汁用咗藏紅花同鮮茄，質感偏奶油狀😍，酸甜味更令人開胃🤩。
.
🐑慢煮熟成三十天紐西蘭羊仔架 Slow Cooked Dry Aged New Zealand Baby Lamb Rack with Vegetables （$328）
餐牌上肉類有幾款🥩🍗🍖，不過以吸引程度嚟講，慢煮熟成都可以話係冠軍🏆！熟成肉質價錢一向偏貴💰，難得餐廳標榜用慢煮方式烹調✨，咁一定要試吓啦！
羊仔架一客有2件🐑，旁邊有少許配菜🌿。慢煮羊肉果然冇令草根妺妹失望，無論係顏色、質感同賣相都相當優質💯🤩！肉質細嫩👍🏻，脂肪帶出羊脂甘香🥳，而且感覺唔油膩，輕輕咀嚼幾下就可以👅。
草根妹妹覺得廚師對羊架味道同質素非常有信心❤️，所以羊肉無多餘嘅調味🧂，亦無醬汁。如果原材料夠上乘🌟，根本唔需要太多調味，果然犀利😌✨。
.
Dessert
甜品一共叫咗2款🍮，2款都係法式甜品，正！
🍫法國朱古力布朗尼French Chocolate and Mixed Nuts Brownie （$68）
布朗尼蛋糕驚喜在於入面有夏威夷果仁、榛子同杏仁，🧁，成個甜品即刻貴價哂，抵食😍。
.
🥚法式焦糖燉蛋 Creme Brûlée （$68）
燉蛋上面有層薄薄嘅焦糖🍬，焦糖甜而不膩🤩，連一向唔鍾意食甜品嘅草根妹妹都覺得唔夠喉，要再食🤤！
.
Drink
🍹Galaxy Fantasy豆碟花檸檬蜜，自家漬 ($48/Cold)
🍹Berries Blast草莓蔓越莓特飲 ($48/Cold)
.
The Ground Kitchen (西環)
西環西營盤水街47號地舖
味道：⭐️⭐️⭐️⭐️⭐️
今次嚟到西營盤 發掘呢個地區嘅小店🏬
呢間小店睇落幾文清又幾chill就決定一試下💐
❶香蒜忌廉蜆肉天使麵 $188🍝
平時食開嘅蜆肉意粉都用細細隻嘅蜆肉🌊
但呢度嘅蜆肉就連殼大大隻鋪滿意份表面🤤
而且仲有三文魚子襯托 令到賣相超吸引👀
食起上嚟有忌廉味加上蒜蓉味嘅配合🤙🏻
Creamy同時又唔會太油膩🛢
❷德國脆皮鹹豬手 $298
鹹豬手大大隻 而且外層脆卜卜🐷
個人覺得味道偏鹹🧂
唔沾側邊嘅醬汁都已經夠晒味☺️
旁邊仲有唔同嘅沙律菜 令罪惡感又少咗啲🥗
❸法式焦糖燉蛋 $68
燉蛋面頭鋪上砂糖在經過火槍燒香🔥
形成咗一層薄薄焦糖脆脆😋
整體食落都唔會太甜🍬
做飯後甜品就真係啱晒啦👍🏻
❹菠蘿柚子蜜 $48
飲品簡直係啱晒打卡📸
柚子蜜再加上乾菠蘿嘅組合真係第一次試1️⃣
個人覺得柚子嘅味道比較突出⭐️
菠蘿嘅味道就稍為遜色🍍
嗌左少甜之後 甜度啱啱好🍭
❺話梅陳皮特飲（梳打） $58
old school嘅材料但又別有一番風味🌬
鹹鹹地又酸酸地嘅味道飲起上嚟又幾特別🙊
轉左梳打之後就好似飲緊一杯好健康嘅汽水🍧
小店總係令人充滿驚喜🎁
呢間餐廳真係啱晒gathering👯♀️
食物用心烹調，價錢適中，老闆及老闆娘熱情招呼，值得一去再去。
呢間餐廳無論係環境定係食物質素我都好滿意，完全對得住個價錢，甚至可以話係抵食！而且服務都好好！好適合慶祝節日（大部份女仔嚟到應該都會好開心haha)。最好嘅一點係佢冇逼你一定要叫set可以自由揀想食嘅！不過如果有機會我都想試埋佢平日嘅lunch set!
Nice, quiet, little restaurant at Sai Ying Pun. Sincere cooking and heart warming food. 💖 …
去咗一間充滿歐陸田園氣息嘅餐廳🍽
店內環境非常寧靜舒服🥰
令我最難忘的是那杯「碟豆花檸檬蜜」
淨看外表就已經有一種令人唔捨得攪勻黎飲既夢幻感覺🔮
而且每道菜式都非常精緻，放上了花瓣點綴，令人有置身在田園的清新感覺
無論視覺還是味覺都能令你滿足的一餐🧚🏻♀️
藍白色門面夠晒Eye Catching，餐廳裝潢用上好多摩洛哥風格牆磚、綠色植物，以及藍色椅子呼應主色。柔和微暗黃的燈光意外地營造出Homey/Cozy的氛圍。
《帶子他他配墨魚汁脆片 $98》
比較少有的帶子他他，感覺幾有新鮮感，混合帶子、三文魚籽、紫洋蔥粒等，配上熱情果香茅汁，鮮甜爽脆。墨魚汁脆片亦不欺場，酥脆有餘香。
《法式香草薯蓉焗脆皮田螺 $128》
朋友主動想試田螺，真係太耐無食，特別有意外驚喜🥰口感酥香的脆皮田螺，釀滿蒜蓉香草醬，田螺軟滑，最底配搭薯蓉好香好Creamy。
《香蒜忌廉蜆肉天使麵 $188》
意粉有2-3款選擇，多數配以天使麵，麵條掛汁，香蒜忌廉味好突出。蜆肉有6粒，大大隻啖啖肉，鮮嫩多汁，清洗得好乾淨。
《慢煮西班牙全橡果黑毛豬 $298》
擺盤精美，西班牙黑毛豬油花紋理好靚，肉味芳香濃郁唔臊，呢件肥左少少，不過脂肪滲透肉內，好食到油脂香味。配搭青豆、洋蔥、煙肉粒和Puree，帶有清新感，中和一下膩感。
《雜莓意大利奶凍 $68》
甜品有3款，揀左雜莓Panna Cotta，雜莓有少少Frozen口感，微酸開胃，奶凍質感幼滑，忌廉味好香醇。
Good Presentation & Cook with heart❤️🍔🍽🍹💫
.
.
平日真係好少踏足上環、西營盤一帶吃飯，今日黎開港島，知道呢度有一間粉藍色餐廳🍽 滿有地中海風情既小清新西餐廳，而且附近一帶好清幽靈寧， 感覺好舒服。小店好有人情味，老闆娘都好nice 呀，真係唔錯既體驗💕。
.
就算午餐，餐廳食品一樣精緻。菜式擺盤設計、味道一樣高質滿有水準，真係有驚喜呢。
.
l[手打和牛竹炭漢堡。薯角]l $138
House Special Handmade Wagyu Beef Burger with Potato Wedges
烘脆既竹炭麵包🍔，口感比一般鬆脆。夾著Wagyu Beef🐮 + 特製酸甜洋蔥Mustard醬、紫椰菜，口感豐富。不得不提，薯角超香脆。
.
l[油封脆皮三文魚。白蘿蔔]l $188
Norwegian Salmon Confit with White Raddish
🐟 超嫩滑，熟嫩度拿捏得真好，驚喜呢。油封魚皮亦做到十分香脆，咬下滿香的。而滾圓既白蘿蔔煮成既湯，好清甜又濃濃白胡椒香，加上秋葵片，感覺清新健康。
.
l[雜莓意大利奶凍]l +$38
Mixed Berries Panna Cotta
甜品奶凍超香滑，滿有奶香。面層既雪冰凍雜莓🍇🍓 口感好好，朱古力餅碎佈置亦美美的，未吃感覺像一盆植物💚呢，很治癒 精緻又好吃。
.
l[午餐包括：餐湯+主菜+花茶]l
花茶（洛神花黑杞子茶 / 是日玫瑰花烏龍茶）
養生花茶🌹🌾🌸🍵，吃過一系列美食，喝一杯熱茶，即膩感全消，好舒服呢。就算餐飲都設計成養生花茶，有心思 讚。
.
.
今日晚餐時段又開始啦。。有時間去開港島中上環區，別錯過一間隱秘地中海💙 粉藍色風情既西餐廳喔。
.
.
×××[The Ground Kitchen]×××
©西環西營盤水街47號地舖
.
.
𝙖 𝙜𝙖𝙧𝙙𝙚𝙣-𝙩𝙝𝙚𝙢𝙚𝙙 𝙧𝙚𝙨𝙩𝙖𝙪𝙧𝙖𝙣𝙩 𝙬𝙝𝙚𝙧𝙚 𝙮𝙤𝙪 𝙘𝙖𝙣 𝙜𝙚𝙩 𝙙𝙚𝙡𝙞𝙘𝙞𝙤𝙪𝙨 𝙛𝙤𝙤𝙙 𝙖𝙣𝙙 𝙛𝙚𝙚𝙙 𝙮𝙤𝙪𝙧 𝙘𝙖𝙢𝙚𝙧𝙖 𝙖𝙨 𝙬𝙚𝙡𝙡😍 𝙬𝙚 𝙖𝙧𝙚 𝙝𝙚𝙧𝙚 𝙛𝙤𝙧 𝙩𝙝𝙚𝙞𝙧 𝙨𝙞𝙜𝙣𝙖𝙩𝙪𝙧𝙚 𝙨𝙡𝙤𝙬-𝙘𝙤𝙤𝙠𝙚𝙙 𝙙𝙞𝙨𝙝𝙚𝙨 𝙖𝙣𝙙 𝙩𝙝𝙚 𝙥𝙤𝙧𝙠 𝙞𝙨 𝙘𝙤𝙤𝙠𝙚𝙙 𝙥𝙚𝙧𝙛𝙚𝙘𝙩𝙡𝙮! 𝙨𝙡𝙞𝙜𝙝𝙩𝙡𝙮 𝙘𝙧𝙞𝙨𝙥𝙮 𝙤𝙣 𝙩𝙝𝙚 𝙤𝙪𝙩𝙨𝙞𝙙𝙚 𝙮𝙚𝙩 𝙩𝙚𝙣𝙙𝙚𝙧 𝙖𝙣𝙙 𝙛𝙡𝙪𝙛𝙛𝙮 𝙤𝙣 𝙩𝙝𝙚 𝙞𝙣𝙨𝙞𝙙𝙚. 𝙩𝙝𝙚 𝙢𝙮𝙧𝙞𝙖𝙙 𝙤𝙛 𝙛𝙡𝙖𝙫𝙤𝙧𝙨 𝙖𝙣𝙙 𝙩𝙚𝙭𝙩𝙪𝙧𝙚𝙨 𝙞𝙨 𝙖𝙢𝙖𝙯𝙞𝙣𝙜👌🏽 𝙬𝙞𝙡𝙡 𝙙𝙚𝙛𝙞𝙣𝙞𝙩𝙚𝙡𝙮 𝙫𝙞𝙨𝙞𝙩 𝙖𝙜𝙖𝙞𝙣 𝙨𝙤𝙤𝙣!
.
原本上個月去食但疫情關係佢地晚市停左一排，但終於食到啦🤩 樣樣野擺盤同賣相都勁靚，睇openrice個個都讚佢地啲野食有水準，真係視覺同味覺既享受！前菜試左生牛肉薄切，配白松露蜜糖芥末醬幾好食，有啲唔夠喉🥺 焗田螺食得多，但脆皮田螺真係未食過，脆皮外層配香草田螺同埋底層薯蓉，好香牛油味，切點！主菜佢地幾款肉類都以慢煮為主，所以都要等一陣間，但係絕對值得等！黑毛豬好軟稔，雖然都幾多肥膏但香而不膩，加埋佢地自家調製既醬汁更加帶到油脂既甘香😍 飲品款款都好igable而且價錢唔貴，碟豆花檸檬漬蜜糖酸酸甜甜幾好飲，記得留肚食佢地甜品！