The Bottle & Steak
營業時間
| 星期六 | 12:00–00:00 |
| 星期日 | 12:00–00:00 |
| 星期一 | 12:00–00:00 |
| 星期二 | 12:00–00:00 |
| 星期三 | 12:00–00:00 |
| 星期四 | 12:00–00:00 |
| 星期五 | 12:00–00:00 |
服務選項
外送
外帶
內用
無障礙程度
不支持無障礙停車場
產品/服務
咖啡
烈酒
酒精飲料
酒精飲料優惠時段
啤酒
葡萄酒
餐點
用餐選擇
早午餐
午餐
晚餐
餐飲服務
甜點
設施
附設酒吧
洗手間
氣氛
氣氛悠閒
環境舒適
規劃
接受訂位
付款方式
信用卡
放假中午去咗「The Bottle & Steak」食午餐，店內裝修以輕工業風為主，採用高腳枱櫈，感覺好chill～星期一至日均設有午市套餐，選擇豐富，定價適中，好抵食
美國安格斯平鐵牛扒
安格斯平鐵牛扒大約七成熟，厚薄適中，牛肉味道頗濃郁！配上特色雜錦沙律菜，口感爽脆，清新開胃又健康。另外仲有橄欖油香草中東包及澳洲雞鹽薯條，邪惡美味，夠晒飽肚
牛油烤慢煮雞胸
雞胸肉質軟腍，一啲都唔鞋，帶牛油及烘烤香，沾滿蒜香沙律醬一同食用，更加滋味
清新果汁🧃
多款樽裝果汁供客人自助選購，有芒果、熱情果、橙汁、菠蘿汁等等，最後揀咗鮮橙汁🧃甜度適中，入口仲飲到唔少橙肉粒
Follow my IG@camera_eats_1st for more food posts.
Lunch抵食呀！
店鋪細細嘅 “The Bottle & Steak”主打啤酒及牛扒，一進入餐廳就被幾個載滿特色手工啤酒嘅雪櫃吸引住，好似一間迷你酒鋪咁。
午市餐牌供應時間為12pm-5pm，星期六、日及公眾假期就會有”Weekend Brunch”，啱晒想食溫泉蛋大啡菇同埋牛扒嘅我🤣🤣(星期一至五套餐冇溫泉蛋大啡菇食㗎)
▫️芝士溫泉蛋大啡菇+火箭菜沙律鬆餅 (HKD88)
👆🏻Weekend brunch 先有呢個菜式供應。溫泉蛋製作絕不馬虎，低溫慢煮超過一小時，半生熟程度掌握得好，切開隻溫泉蛋後蛋白唔會水汪汪。而蛋黃汁就不停咁湧出嚟，同時間將車打芝士、大啡菇及黑松露融合一齊😆😆醬汁2選1，香辣沙律醬味道唔算好重， 為火箭菜沙律加添咗少少味道。
一場嚟到冇理由唔試吓佢哋嘅牛扒，於是就+$48要咗份烤安格斯牛肉。牛肉燒到大約5成熟，賣相都幾吸引。不過肉質有點硬同埋帶筋，呢點確實令人有點失望。
▫️烤美式豬頰肉(HKD68) – 呢個菜式以咁嘅配搭嚟絕對係平價呀！豬頰肉面層燒到有少少焦燶，肉質夠嫩，我哋覺得比牛扒好食好多。除咗豬頰肉仲配有香草中東包、澳洲雞鹽薯條及特瑟沙津。
▫️Carbon Brews Kokomo Beer (HKD42) – 本地酒廠出產嘅啤酒。帶有Pina colada 味道，非常容易入口。
⭐️我哋午市時間幫襯不設加一，晚飯時候會唔會有加一就唔知喇。
西營盤小扒房 飲野食扒好鬼chill 🍻
作為西環街坊，竟然咁遲先發現呢間澳洲小扒房！無法佢喺個轉角位，平時都係上縉城峰嗰條街，所以無發現佢～～～
餐廳主打兩大樣野：手工啤同扒類，我嗰日平日去已見到好多人飲緊野，餐廳好freestyle，坐位都係bar 既setting，後面就有成大個啤酒櫃，比你自己慢慢揀邊款啤酒～
至於野食，我地就揀左個top blade，除左menu，佢仲有個牌仔有得揀是日精選，我嗰日就有澳洲肉眼扒黎試試先～
📍澳洲肉眼扒 8.5 oz $248
油脂豐滿肉身鮮嫩牛味超濃，切開中間仲係粉嫩再加埋啲烤焦味不得了
📍美國安格斯平鐵牛扒 $128
牛扒超大一塊，雖然well done 但肉質都無乾柴依然juicy
📍菠蘿汁
可惜因為唔舒服無得飲酒，下次一定要再黎食住扒飲啤酒
#大口仔在西營盤#西營盤美食#打卡餐廳#打卡美食#西營盤酒吧#牛扒#扒房
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
返左一日工，收工最希望可以chill下，朋友住西環介紹左呢間係第一街既餐廳。餐廳裝修幾別緻，簡單得黎幾舒服，全部都係高枱高櫈，好適合收工飲返一杯。餐牌唔算好多選擇，但係咩都齊，同朋友叫左一個安格斯牛扒，一份鴨腿，一隻虎蝦同車厘茄。主菜都有沙律同薯條做配菜，餐廳最細心既地方係，如果你唔想食薯條，薯條可以改成沙律，好適合減肥或者怕熱氣既朋友。要提一提佢個鴨腿，煮到非常淋，好好食，而個車厘茄作為前菜都好出色，香草味配搭得好好。黎到仲一定要揀佢個手工啤酒，放左雪櫃任你選擇，我揀左一支都係$28，好抵。
Must try in Sai Ying Pun. Great foods and atmosphere, not just delicious they have a great presentation as well 💯 …
高質平價据扒小店👍
1. Grilled USDA Top Blade Steak $128
可以再加$20要多啲安士 叫左medium 都煎得啱啱好 入面都幾粉嫩 點埋個gravy 真心唔錯 牛味幾出 唔會乾 仲有得揀芥末籽醬 我地揀左個甜甜地咸咸地嘅 點呢個就冇gravy咁重口味 清新啲
2. Grilled AUS Pork Rack $158
個豬都正 唔會太肥 但係邊邊都有少少肥膏 煎香左再連肉食 個油脂感幾啱我 大概係九到八比一 口感食落比牛再易咬啲 薯條正常香脆 係鍾意佢個粗幼度
3. Hot wings $68
熱辣辣 有啲香草香 作為小食都幾過口癮
4. Lurisia limonata $28
檸檬味重 偏酸少甜
……………………………………..
🌝幾抵食 嘢食又熱辣辣上 仲有好多啤酒任君選擇 都幾chill
🌚位置遠左啲
油封鴨脾是法國經典菜式，現以輕食形式侍奉。鴨皮薄身輕煎，略帶脆口，鴨肉嫩滑酥香，鴨味不算太濃，怕鴨騷味的亦可接受。
午餐配有中東包、薯條及沙律。中東包搽上牛油烘熱，酥脆微暖，淨食亦不寡口。
雞鹽薯條很特別，著條很幼身，灑上雞鹽，很惹味香口，與點茄汁或黑松露醬感覺不同，食味比較輕盈。
沙律微微放上芝麻醬調味，每一啖入口均感受到。
餐飲同樣特別，可以揀選梳打水，有氣零卡路里感覺上是較健康的選擇。
最近有朋友到過西環一帶的壁畫打卡影相，無意中發現這一定主打扒類及手工啤的小店「The Bottle & Steak」，極力推薦，因為氣氛不錯，定價相宜，難得不收加一服務費。餐廳雖然地方不大，但裝修頗有特色，帶點工業風，氣氛卻十分休閒。
全場焦點，相信是餐廳尾的大型凍櫃，放滿一支支果汁、汽水、梳打水、手工啤，款式方面林林總總，無一百，都有六、七十款。主餐牌就只得一版，分類為Grills、Surf、Sides、Snacks、Kids Menu，務求貴精不貴多。此外，開放式廚房上面，幾塊黑版所列的都是是日特別推介，不妨留意一下。
「Compal」是一個葡萄牙品牌，其果汁賣點是以新鮮水果製造兼無添加，芒果汁（$18）味道香甜，芒果味濃郁，質感不會太稀；熱情果汁（$18）則酸爽清香，配牛扒是很夾的。
先來一客「墨西哥脆辣雞翼鎚」（$68），一客6隻疊得整整齊齊，伴上自家製蛋黃醬。雞鎚吃來香脆不油賺，不過，原來真是頗辣，刺激感十足，但一口雞鎚肉，一口凍果汁，又很爽喔。
其實主菜均伴有不少沙律菜，不過，加多一些蔬菜類伴菜，減低罪惡感而已。「烤香草車厘茄」（$38）整整一大碟，看似平平無奇，其實非常好吃，一來熱呼呼茄味濃縮，二來粒粒都爆汁，灑上香草，份外清新。
老友的心水選擇就是「美國安格斯平鐵牛扒」（$128），大大件，厚厚身的牛扒，烤得焦香又帶一身坑紋，外觀吸引，還伴有很多薯菜，賣百多塊錢，真心抵。老友說牛扒不俗，又腍又滑，五乘熟做出來剛好，又香又富肉汁，佐以少少法式芥末，食味一流。
這一道「法式油封鴨腿」（$128）很花功夫，先經過慢煮，再煎封。的確，鴨腿做得非常有水準，外皮酥脆香口，真是一點也不膩，而肉質極之嫩滑細緻，帶有鴨肉的獨有羶香，個人覺得非常好吃。沙律菜亦新鮮爽脆，加了少少欖油和黑椒調味，而粗薯條亦都香脆好吃。
Grilled USDA FLAT IRON STEAK
帶住明顯炭烤坑紋既flat iron,牛扒肉身都幾厚肉.內裏肉身仍然保持粉嫩,咬入口充滿肉香而且相當juicy.flat iron唔會烤得過熟透,每啖都感受到濃郁牛味及陣陣炭香.我自己覺得係牛扒面上加少少香草同鹽已經好夠味.
BBQ PORK JOWL WITH CHILLI MAYO
平時食西餐都好少見到有豬頸肉既菜式,估唔到呢到有！豬頸肉切成一片片,口感相當爽脆香口,帶出一陣陣豬肉油香.配上辣勁十足既chilli mayo味道都幾夾而且更惹味.
Olive oil & herbs pita bread
午餐配菜其中之一,麵包相當夠份量,微微烤香,面層鋪滿香草,而內裏抹上牛油.入口唔會過乾,帶橄欖油及香草既香味.
Aussie-style chips
配以粗身薯條,薯條炸得香脆而且入口充滿薯香.炸得乾身唔會油膩,即叫即炸所以薯條更脆口唔會腍左.
Mixed green salad
沙律配上黑醋汁相對較清爽,酸香既醋汁充份除去油膩感得黎又開胃.
Apple juice & Soda water
晚上想找個寧靜又能暢飲的地方，還能把自己餵飽，那這地方，應能滿足大家了～
烤香草車厘茄～每粒均很飽滿，多汁，滿滿的一盤，很濃郁的番茄甜味～
澳洲豬鞍架～豬鞍架的邊位，都連帶著一層油脂的，跟肉一起同吃，豬肉的肉汁跟油脂的甘香完美混合，旁邊還有粗著及黑醋沙律～
牛油扒珍寶虎蝦～很厚肉大隻，蝦殼的香味都燒得浸入蝦肉，很香～
黑松露芝士大啡菇～一刀切下去時，心情都很療癒，溫泉蛋都湧出蛋液，頂部的半溶芝士同時間流到菇的內層，吃素的朋友也能吃得很豐富～
暖朱古力布朗尼蛋糕～蛋糕出來時都是暖笠笠的，朱古力香濃，外層微脆而內裡煙韌～
支裝蜜桃及橙汁～雪櫃有幾個，飲品量驚人，我選的這個是濃縮果汁，很香很濃～
平時都成日去西營盤，呢排見第一街開咗呢間新開嘅餐廳，外牆有幅好靚嘅壁畫，就忍唔住同朋友夜晚嚟食下啦。
🥩Roasted Beef $158
牛肉大約有八片，每片都大大片又有厚度。牛肉每片都牛味濃郁，食落有肉汁，配埋芥末籽醬好夾。另外亦都有homemade gravy、mixed salad同埋Aussie-style chips。Mixed salad作為配菜，為呢碟牛增添一啲清新感。另外Aussie-style chips外層炸得非常香脆，薯仔味亦都好出，亦都唔係普通咁用鹽調味，調味粉嘅味道好獨特好香。
🐷AUS Pork Rack $158
Pork Rack肉質鮮嫩，唔會鞋，無論係切落去定係咬落去都好軟淋，好味。同Roasted Beef一樣，都係配有homemade gravy、mixed salad同埋Aussie-style chips。
🍋Macario Lemonade $22
呢到嘅飲品一啲都唔貴，呢個望落咁靚嘅Lemonade都只係要$22一支。飲落唔會好甜，幾好。
🍹Compal Passion Fruit $18
呢支熱情果汁好好飲，熱情果味好濃，酸酸地又唔會好甜，仲要只係$18。
呢到原來唔收加一，西餐廳黎講都算少見。慳慳埋埋每人又可以叫多支野飲，開心。
餐廳整體佈置以工業風 黑色主色
在窗邊掛有小燈飾 吃飯時增添氣氛
餐廳裡有個很齊全的酒櫃
能按你喜好去挑選酒品 也可以問下服務員
採用開放式廚房 可以看到廚師的用心
7.5oz Ribeye
餐盤配有豐富的沙律 粗薯條
整盤的份量是
牛扒切成的厚度剛剛好 3成熟
牛質還呈現粉紅色的 很鮮嫩
很容易就可以切開
餐廳會提供另外的醬料
每種醬都讓牛扒呈現不同的口味
Cauliflower Steak
素食者也有新菜式
將椰菜花切半 用簡單的調味去烤焗
整體的感覺像很大塊的牛扒
菜汁在焗烤也包含在內
旁邊有粗薯條 沙律
Cheesy Portabello Black Truffle Onsen Egg
啡菇的中間加雞蛋和芝士去焗烤
雞蛋會呈現半流心狀態
與芝士融化的過程中
啡菇能沾到蛋液和融化的芝士
會有點鹹鹹味道
蛋白讓啡菇焗烤過程 不會太容易變乾
呢間餐廳裝修行工業風✨，無意發現呢間lunch menu好抵食‼️($60-$100) 食完覺得比想像中仲要好味，「法式油封鴨髀🍗」係必食😍：
–
1️⃣「法式油封鴨髀🍗🦆($98)」
必點‼️估佢唔到肉質滑到咁😍，好香口好juicy，橄欖油香草中東包好鬆軟，充滿牛油香味🥖🧈，澳洲雞鹽薯條微脆內軟🍟，仲有特色沙律🥗~ Duck confit: juicy and tender, delicious, highly recommended!!👍🏻
–
2️⃣「烤美式豬頰肉🐷($68)」
好特別‼️ 豬頰肉夠嫩夠肥美，配辣沙律醬🌶好惹味🤪同樣跟餐有🥖、🍟、🥗～BBQ pork jowl: perfectly grilled, tender and fatty, goes well with the chilli mayo! 👍🏻
–
3️⃣「Fruit Juice🧃(lunch set +$0)」
100%蘋果汁，正🤣~Apple juice
［西營盤］The Bottle & Steak
.
呢間餐廳簡單直接
同個名一樣
嚟呢度就係飲酒同鋸扒
酒櫃好大好多款
客人自己行去揀手火土十口弓戈
水田人人弓口月口十
講講食物先卜月食都人女肉
.
美國安格斯平鐵牛扒
食剩指數:0/100
牛扒5成熟
有香草有鹽調味
口感唔韌有肉味
表面有焦香
仲有牛扒醬同女田土手手口大月廿竹日用幾款唔同嘅芥末醬揀
每份肉都配薯條同沙律
沙律幾fresh
薯條係粗果款
整體唔錯
.
法式油封鴨腿
食剩指數:0/100
油封鴨腿唔會好油膩
鴨皮煎得香脆
肉質唔會好乾好柴
香味幾獨特
呢個都係有配薯條同沙律卜一牛扒口水田
.
欖欖油炒西蘭花苗
食剩指數:0/100
叫左個sides
第一次食西蘭花苗
質感脆脆地
無草青味
幾爽甜
.
Pineapple apple sider @dbbeer
食剩指數:0/100
呢度咁多款
揀啲未飲過既酒先
揀左呢隻Pineapple Apple Cider
佢寫住係拎左2021 World Cider Award 銀奬
用台灣既鳳梨釀製
有好香甜既鳳梨味同Apple Cider既酸甜味
甜甜既氣泡酒好chill
.
Carbon Brews Kokomo
食剩指數:0/100
Carbon Brews係我幾喜愛既香港牌子
呢款有椰子香、菠蘿香、雲呢拿香既啤酒
入口口感順滑
酒感比較重
少少酸味加埋幾好
홍콩 가성비 좋은 레스토랑 🤩中文在下面👇🏻
홍콩섬에서 싼 레스토랑 찾기 힘들지만 이번에 가성비가 높은 레스토랑 찾아서 기뻐 기뻐 😋
오늘메뉴:
우텐더 🥩 고기가 아주 고소하니까 소스 안 찍어도 맛있다!!! 감자튀김을 바삭바삭하니까 짱이다! 점보 새우는 추가하는데 맛있고 싱싱한다!!!
버터 치킨구이🐔고기는 부드럽고 소스과 함께 먹으면 고소하다🥰
西營盤特色西餐！🤩
安格斯牛板腱扒
– 伴碟有沙律，中東包同薯條，薯條外脆內軟，份量十足。😍
– 塊牛好高質，好重牛味，調味好好，唔沾烤汁已經好好味。🥩
加咗烤珍寶虎蝦，好香好爽口，值得加錢一試！ 🦐
牛油烤慢煮雞胸🐔
– 同樣有伴碟🥰
– 肉質唔錯，好香烤焦味，加埋醬汁，絕對係重口味之選！
店內有個大雪櫃，裝滿各種飲品及酒，每款飲品都有詳細介紹，亦都可以叫店員介紹! 而且性價比極高，冇加一！
個人認為如果你係重口味，呢間舖頭一定係首選！
呢日就同朋友黎到第一街嘅轉角餐廳
主打食牛扒等等嘅輕鬆西餐🥩 仲有個大酒櫃俾客人揀返枝手工啤🍺
店名完全反映左佢地嘅特式😎
.
🌟USDA Top Blade Steak ($128)
我地點左Medium 呢款牛肉邊位有少少跟
只要食之前切左佢就啖啖Juicy 牛味濃郁😋
再點埋特製gravy就更好味🥰
.
🌟Brazilian Grilled Pork Shank ($158)
我地鐘意食到多D原汁原味所以揀左Grill
豬寸骨有3件 雖然份量比較精緻 但係好有質素👍🏻
.
餐廳放左一列大雪櫃 客人以自助形式拎啤酒😆
而且好細心咁自製左tasting card 方便客人揀選適合自己口味嘅手工啤😍
服務
內用
餐點類型
晚餐
🥩 Meat Friday 鋸個扒 🥩
終於嚟到星期五, 點都要食返啲好嘢獎勵下自己💆🏻♂️ 西環幾多餐廳選擇, 今次去咗第一街轉角位呢間工業風小店鋸扒. 呢度主打安格斯牛扒, 另外飲品櫃嗰邊都有好多選擇, 鍾意飲咩自己攞😆
收工時間嚟到, 雖然店內未係好多人, 但外賣單都幾多, 見到唔少人放工過嚟等攞外賣🙃
最後叫咗五成熟嘅八安士美國安格斯牛板腱扒同大啡菇.
百零蚊有兩塊扒+沙律+澳式薯條其實好抵🙌🏻 牛扒幾大塊下, 無論配自家製燒汁定係佢哋另外再提供嘅芥末醬都一樣好味✨手工薯條落咗chicken salt真係好好食, 澳洲嘅回憶返哂嚟! 另外沙律份量幾多, 夠哂用嚟中和返啲熱氣嘢食✨
大啡菇上面嘅芝士火炙過嚟, 一切開芝士同菇中間有溫泉蛋, 加上黑松露嘅香味, 食落口感非常豐富同滿足✨
呢度仲要係唔收加一, 可以嗌多支啤酒一齊happy Friday 🙌🏻
💛個人必食推介: 安格斯牛扒
返食指數: 🥑🥑🥑🥑 (5🥑滿分)
#美國安格斯牛板腱扒 ($128)
#黑松露芝士溫泉蛋大啡菇 ($48)
@thebottleandsteak
_________________________________________________________
📍The Bottle & Steak (西環)
西環西營盤第一街5號地舖
#instafood #instafoodie #foodiegram #drinkdrinkeateatuide #drinkdrinkeateatguy #第一街 #西環 #西營盤 #西環美食 #西營盤美食 #食好西
話說今日我咁岩行開西環，突然收到朋友收到既訊息，佢問我係邊到，想約我食飯，我同佢講我係西環，跟住佢話佢又係西環。既然咁岩都係西環，就約埋大家一齊食飯了。 😂
我同佢一路行一路行，行行下走到去第一街，係第一街既門口咁岩見到一間幾靚既西餐廳，叫做The Bottle and Steak，見好耐未食過牛排，就決定入去。
間餐廳門口望入去一眼睇得哂，入去比較狹窄。啲椅子係無背既，無得挨住，有少少覺得坐得唔舒服。
餐廳既侍應有一個，一個人負責哂全部既客人，而入面廚房只有一個男廚師。
餐牌有一份，共兩頁，我鐘意佢夠簡潔，唔洗有太多選擇。對於選擇困難症既我絕對係一句好事。
諗佐一陣，我決定佐叫一個美國安格斯牛板鍵8安士 ($128)，友人就叫佐個法式油封鴨腿。
(1) 美國安格斯牛板鍵8安士 ($128)
呢個餐包埋薯條同埋沙律菜。牛排我地叫佐五成熟，賣相一流。個牛枝鍵煮得好林， 五成熟得黎又唔會有好多血汁，岩岩好。咬落去係每啖都有香濃既肉汁。薯條既分量好夠，叫完已經飽到一個點。真係大滿足。 除佐佢提供既燒汁之外，佢仲會提供埋mustard 醬比你點。 😋
(2) 法式油封鴨腿 ($128)
呢個鴨腿睇openrice食評好少人叫，就叫佐呢個黎試睇下味道如何。
本身以為鴨腿好硬冇咩肉汁既，點知食落去唔單止唔硬，仲好juicy 添。呢個真係有啲驚喜! ☺️
(3) 墨西哥脆辣雞翼鎚 ($68)
份量非常之夠，有6隻雞翼鎚，絕對係夠食! 配上白雪雪既辣醬黎食，別有一番風味。至於味道呢，就算唔點醬食，都覺得幾香口。 🤤🤤
至於飲品呢，可以比你選擇任何既飲品，佢標價係標佐係飲品上面。我地選佐蘋果味飲品，友人選佐一支酒。
總括而言，呢間餐廳既性價比係幾高既😝
服務
內用
餐點類型
晚餐
Great food and service , the staff are friendly and has good knowledge of the beer.. a pretty chill vibe . I like how you can take a look at different beer before ordering.
餐點類型
晚餐
Been here two times. Decent portions. The pork rack and chicken were both juicy, although the pork was a bit too salty for me both times — still flavorful and perfect with beer. I think both the steak and pork rack I had were prepared sous-vide. The steak was more medium with a hint of pink, although we ordered medium-rare. Tried the chicken wings this time — crunchy with a kick! The staff is helpful in guiding you through their selection of craft beers from all over the world. Reasonable prices — no service charge, but they definitely deserve a tip!
性價比世一嘅一街牛扒
餐廳位於第一街同西邊街交界，位處西營盤高級餐飲區嘅邊陲，價格自然亦都比較親民，難得喺香港，仲要係中西區，鋸個扒只係一百蚊左右，真係豉油西餐都做唔到，而且仲要唔收加一添；餐廳最入係放滿嚟自世界各地唔同手工啤嘅雪櫃，種類之多，堪稱一絕。
臺北熊讚蜂蜜啤酒 (DB Beer Taipei Honey)，DB Brewery 成立於2005年，酒廠為咗提升臺灣精釀啤酒嘅釀造水平，巨資引進咗歐洲全套嘅釀造設備，堅持使用頂級品質嘅德國麥芽，釀酒師更加係擁有德國註冊釀酒師執照。釀酒師選用美式 LAGER嘅酒譜，喺糖化時就加入大量嘅龍眼蜜一齊釀造，創造出柔美又多層次嘅口感以及奶油般嘅綿密泡泡。酒體呈淡金色，香氣為帶一點蜂蜜全麥餅乾的麥香，入口同樣可以喝到帶點全麥餅乾的麥味，最後可以感受到蜂蜜的風味。
挪威煙三文魚玫瑰，新鮮嘅沙律菜上面係煙三文魚，廚師將三文魚砌成玫瑰花嘅形狀，賣相相當精美； 沙律菜新鮮，只係簡單以千島醬調味已經非常好食。
墨西哥脆辣雞翼鎚，雞腿外皮微脆，帶有墨西哥式嘅微辣味道相當之討好。
三重芝士中東包，上網見到其他食友嘅相裏面中東包爆脂嘅情況即刻忍唔住嗌番一過嚟試下，三重芝士嘅效果真係唔嘢少，芝士味極濃；中東包口感非常軟熟，同同樣軟熟嘅芝士好夾。
Moon Dog x Lervig – Kveik Aussie Hopped Hazy IPA， 嚟到呢度蜂蜜啤飲哂，我地轉戰下一款啤酒。Moon Dog Craft Brewery係一間澳洲嘅新興酒廠, 採取批次性釀造特殊酒款為名, 每款特殊主題嘅釀造都十分具有特色,呢款啤酒加入咗最新鮮嘅澳洲啤酒花同埋古老嘅挪威超級酵母，呢個釀造組合結集嘅挪威同澳洲最好嘅酒，具有濃郁嘅柑橘同熱帶風味，非常順滑。
美國安格斯平鐵牛扒，終於嚟到我最期待嘅牛扒，估唔到大約100蚊嘅價錢塊牛扒嘅質素都會咁高，牛味香濃，油脂平衡，性價比相當之高。
153
📍The Bottle & Steak
今日放假嚟咗港島呢邊閒逛 呢頭有好多扒房 我隨便揀咗呢間😺 星期一至日都有lunch set🫢 覺得呢度嘅lunch set都幾抵食 因為有澳洲雞鹽薯條 橄欖油香草中東包 同埋特色沙律🥗 樣樣都有得食 唔駛只係揀一款配菜😝
1️⃣美國安格斯牛板腱扒
2️⃣法式油封鴨髀
呢間扒房都幾高性價比 兩樣食物都好推介 如果平日嚟包埋嘢飲仲更加抵啦😉 等我下次閒日放假再嚟過先🫢
服務
內用
餐點類型
午餐
超值牛扒小店！牛扒同小食都好有質素而且價錢平。廳餐雖然面積唔大但坐得舒服。
美國安格斯牛扳腱
這份扒簡直係性價比之王，只係$128
配有沙律及薯條。 簡直係超值，塊扒高質，肉汁超豐富，仲好香牛味，絕對吾係因價就貨，而係誠意之選。超好味道。
法國蜜糖香草烤雞
烤雞好香蜜尚味，即使係雞肉裡面，都一樣好重蜜糖味。 個雞煮既時間亦岩岩好，一樣好滑。
墨西哥脆辣雞翼槌
小食黎講，總共有6件。
辣辣地，仲係新鮮炸起，配酒或者就咁食，
都一樣咁正，吹住水一件又一件。
黑松露芝士溫泉蛋大啡菇
一向都鐘意食大啡菇。配芝士仲有溫泉蛋蛋汁就更加犀利。一切落去啦片溫泉蛋汁湧出黎，真係好正。菇仲有好多汁。芝士又香濃。
橄欖油炒西蘭花苗
係左咁多肉，食少少蔬菜。都幾好味。西蘭花苗好爽脆添。
餐廳吾大，但勝在好free.
飲品有吾少酒，自己出去揀，睇中就自助拎。
相當之free
間唔中都會經過西營盤，不嬲都知呢帶有好多好嘢食，而今次就畀呢間第一街嘅轉角位餐廳吸引咗 – The Bottle & Steak，店名非常直接，睇完menu發覺都只係98蚊一個扒餐，「酒、肉、朋友」😆呢個配搭太正，決定唔做偽文青住，約埋一齊做翻晚食肉獸。
一入門口就見到開放式廚房，聞到濃郁肉扒香味，餐廳行澳洲工業風設計，用餐區係一排排高腳枱櫈，裏面有幾個大雪櫃，有各地嘅手工啤，畀食客自助去挑選，好有格調，似去咗外國小酒吧嘅感覺。
1️⃣美國安格斯牛板腱扒（6安士）配自家制烤汁
Grilled USDA Top Blade Steak (6oz) & Housemade Gravy
店員建議5成熟上枱，牛扒表面有網紋，一切開係鮮嫩粉紅色，煎得好靚，好成功咁封邊鎖汁。肉質細嫩有彈性，豐富油香，牛味重，表面嘅扒鹽同香料令口感層次好豐富。配搭嘅薯條長身同粗條，外皮酥脆而內層鬆軟，沙律加上黑蒜油同黑醋，酸酸甜甜，開胃解膩。
2️⃣ 巴西烤豬寸骨（配沙律及薯條） Brazilian Grilled Pork Shank with Chips and Salad
豬寸骨喺豬後腿嘅位置，表面香脆，有唔同香草嘅味道，而咬落非常軟嫩。店員推介話豬寸骨會比煎豬扒更重肉味同嫩滑，的確係咁。直接揸住食，好啱男仔嘅選擇。
特別想讚下呢個自家制烤汁，牛肉同豬肉都係配佢，味道唔會很濃，有蔬菜嘅甜味，的確吊起到肉嘅鮮味，好夾。
3️⃣台北熊讚蜂蜜啤酒
DB Beer Taipei Honey
以前有聽過呢隻啤酒，係主打用台灣龍眼釀製嘅啤酒。蜂蜜嘅甜味冇想象中咁重，入口散發淡淡嘅甘香，配搭肉類幾適合。
4️⃣Chimay Triple (White Cap)
入口甘苦，感覺有好多層嘅香味，特別出嘅係柑橘同麵包味，味道幾特別。香味唔會蓋過啤酒花嘅苦味，伴餐唔錯。
服務
內用
餐點類型
晚餐
沉醉西營盤街角下的寧靜
如果第二日不用工作，我會在晚餐食會點一杯酒精飲品，特別是吃扒類食物的時候🍸不是因為想喝酒，而是喜歡摸著酒杯思考的感覺，肉類則是送酒的好伙伴👬
今次拜訪的餐廳位於西營盤，位置較高，與地鐵站有一段距離，走過去需要5至10分鐘左右🫣🫣亦因為這原因，餐廳人煙稀少，可以放慢用餐的速度，盡情放鬆😌
環境☘️
餐廳有外國小酒吧的style：裡面是一排排高枱和椅子🪑廚房是開放式的，由應客人的order即時烹製不同主菜和小食🍡最入面有一個大雪櫃，內裡放滿了不同國家的特色手工啤，非常引人注目👀
食物🥩
主菜都是一些常見的肉類食物：如牛扒、鴨髀、豬寸骨等，另外有薯條、雞鎚等小食，款式選擇不算多。不過醉翁之意在於酒，食物只是其次，很多客人都是因為手工啤酒而來🍻
1. 法國蜜糖香草烤雞半隻🐔🍗（$158）
🔸烤雞可選切件或全隻上；雞肉的味道香而滑、外皮香脆，有微微的蜜糖和香草味🌿
🔸薯條做配菜，大條而香脆可口
2. 巴西烤豬寸骨（$158）
🔸豬寸骨顏色呈粉紅、肉嫩彈牙之餘，亦有淡淡煙熏味，美式BBQ醬與豬肉的味道非常合拍
3. La Trappe🍺 （$48）
🔸 La Trappe是由法國的修道院於19世紀開始釀製啤酒至今。啤酒的麥香味重，亦會嘗到花香味🌸
4. Calma x Moonzen🍾 ($78)
🔸本土生產的手工啤酒，混有青檸汁；特別的是，它添加了CBD (大麻二酚），有放鬆身心、寧神安定的作用😌
服務🤵🏼♂️
餐廳職員的態度很好，當我在酒櫃前煩惱該選擇何種手工啤酒時，他用了5分鐘向我介紹酒櫃內來自各地的手工啤酒🍻令我對啤酒知識增加不少，值得讚許👏🏻👏🏻
上菜速度亦很快，不錯😊👍🏼
總結🤓
餐廳在食物的質素、價錢，以至服務均令人滿意。但今次最享受的，是餐廳寧靜而有情調的環境，令我能與友人促膝詳談，感受輕鬆愉快的一晚🌃
#
呢間位於西營盤東邊街嘅《The Bottle & Steak》
顧名思義就係飲啤酒同埋食扒嘅地方啦
適逢小兒生日
就要約了屋企人去慶祝一下
餐廳選用咗高身吧枱嘅設計
對住開放式廚房
最入有一個好大嘅酒櫃
想飲邊一款嘅啤酒都悉隨專便自己揀
當然要介紹呢度叫重點啤酒啦
呢度嘅啤酒習齊各國嘅特色
有比利時嘅啤酒《Tripel Karmeliet》
色澤金黃 泡沬細緻
有啤酒花甘苦 同時帶著柑橘果香
另外如果唔係太飲得苦嘅朋友亦都可以選擇《Ginger Beer》
酒精濃度有4%
飲落偏甜 帶有少少薑嘅香氣和辣味
嗰晚試咗幾款唔同嘅啤酒
每一款都各有特色 不作介紹
大家自行為品嚐一下
呢度嘅食物可謂『平靚正』
主菜都只係百幾蚊
有齊牛 豬 雞 羊 鴨 畀你揀
《 美國安格斯牛板腱》牛扒五成熟 有碳烤香氣
雖然唔算好嫩 但牛味十足
絕對對得起價錢
《 法國蜜糖香草烤雞半隻》
烤雞火候控制得相當之好
外皮金香 雞肉多汁嫩滑
《 澳洲豬鞍架》 金黃色嘅豬扒肉嫩多汁
近骨嘅位置油香十足
加上碳烤形成嘅網紋
睇到已經令人垂涎三尺
另外亦叫咗幾款Side dishes
《 煙三文魚》 捲成玫瑰
唔會太鹹 煙燻香氣突出
跟沙律菜一齊食 成了一個簡單嘅沙律
好味亦健康
今晚亦都有幾款蔬菜選擇
《 烤車厘茄》同埋《 芝士焗大啡菇》
份量大 同時亦健康美味
車厘茄 外皮脆卜卜
灑上香草汁海鹽
襯牛扒的絕佳選擇
呢間餐廳價格非常抵
可以品嚐到各款啤酒之餘 同時又有高質食物
絕對要搵多啲機會試唔同嘅啤酒至得
服務
內用
餐點類型
晚餐
Please explain me if this is a local standard. If you expect a steak-like steak, this is not a place to go – tasted more like a cha chaan teng meat dishes. Overall foods are 2/5. And the sits are too close to each other. Just take beer here..
呢間隱世餐廳性價比高，免加一，我同朋友坐到last order睇埋佢哋關門，因為真心chill，得閒可以再同朋友嚟食個飯飲下嘢
美國安格斯平鐵牛扒$128
牛扒五成熟，比較薄身，帶有少少焦香味，兩面都有網格烤痕，不過不失啦，唔會話好驚艷，但係呢個價錢嚟講不能要求太多，配菜有薯條同沙律菜
值得一提嘅係佢配有三個醬，英式mustard(辣)，法式mustard(酸)，芥末籽
Chocolate brownie $48 (+15有雲呢嗱雪糕)
成餐最鐘意！朱古力味好濃，唔會話甜到漏，食落去又脆又軟，口感好豐富，仲有啲nuts添，好有驚喜
黑松露芝士溫泉蛋大啡菇$48
啡菇岀水，溫泉蛋又係水，最後成碟都係水，溫泉蛋可以再熟啲，不過睇住啲蛋汁流出嚟係幾療癒嘅
牛油扒珍寶虎蝦
虎蝦肉質鮮嫩，唔梅，彈牙，唔腥，唔會有太多調味蓋過蝦嘅鮮味
重點有個大酒櫃，可以自己揀飲咩，每款酒都有label例明酒精濃度，價錢，產地，仲好貼心寫埋係咩味，啱晒唔多熟手工啤酒，但又想試試嘅朋友
服務
內用
餐點類型
晚餐
top beer and food selection, great service and value!
I like the evil friess here
This shop isn’t too bad, having around ten tables in total, you can sit in high chairs, the environment more like causal style
Duck Confit in classic french bistro recipe not having strong duck flavor
US Angus Top Bode Steak in 8oz having good beef flavor, but a bit too hard to eat
Grilled Aus Pork Rack moisture infused won’t be too salty i like the side area which having better fat ratio and the texture is good, even not too tender but quite chewy, best meat in the day
They have two types of fries, one is thin and one is thick one, and i would say the thick one is super good, super crispy and yummyyy i’m love in haaa, thin one having stronger seasoning which is good too, evil fries are my favorite heree
Duck leg and beef steak is soso, but i quite like crispy fries in good seasoning
Taste 3.5
Service 4
Envir 3
Hygiene 2
Value 3
bottle and steak
服務
內用
餐點類型
晚餐
The Bottle西餐
難得放假，去咗西營盤同朋友食lunch
好耐無嚟呢區，見到呢個在corner位嘅餐廳，感覺唔錯，價錢又好吸引，就入咗呢間The Bottle 食西餐😆
我哋一人點咗個set（包薯條、沙律菜、包）再加塊煙三文魚，餐飲可以選支裝果汁👍🏻👍🏻
我哋各自選咗熱情果汁同桃汁，味道可口清甜
估唔到食飯好快就上，仲要熱的👍🏻
美國安枱斯牛板腱扒
賣晒吸引，都幾大塊，有鮮肉味，肉質唔會太乾，唔錯
牛油烤慢煮雞胸
意想不到的雞胸肉嫩多汁又不硬，配上蒜香汁又美味
沙律菜鮮甜、薯條係粗身果款，好食
餐廳裝修比較簡單，但有簡單美，下次有機會都會再嚟
Various choices of beer and comfort food with best price. Great place to have fun with friends
服務
內用
餐點類型
晚餐
餐點：4
服務：4
氣氛：4
奇趣架craft beer 蠔味啤酒同食左油封鴨
牛排太多筋，難切，難咬。
服務
內用
餐點類型
晚餐
餐點：3
服務：4
氣氛：5
西環之友帶我食平靚正牛扒✨
去到餐廳見到座無虛席
好多外國人飲住啤酒鋸緊扒，相當有氣氛😜 …
餐廳位於西營盤站附近，係間decent嘅澳洲扒房，今日食咗Lunch Set 美國安格斯牛扒鍵扒 (配澳洲雞鹽薯條+橄欖油香草中東包+特色沙律+餐飲 )$98
牛扒都煎得幾好🐄，啱啱好5成熟，幾多肉汁和重牛味，配埋醬汁幾正。跟餐的薯條幾粗有口感🍿，加咗調味粉幾惹味，中東包都幾好食，香草味幾重，沙律菜都幾新鮮🥗
服務
內用
餐點類型
午餐
餐廳環境昏暗🌟但又好有氣氛，餐牌好多味道都好吸引🤩呢度好特別冇drinks menu嘅，飲品喺係出面揀✨
._.
｜法式油封鴨腿｜
油封鴨腿表面脆，但裏面鎖住肉汁，香滑夠味，薯蓉味道香滑又好食😋
·
｜澳洲慢煮鴕鳥扒｜
味道濃味肉質嫩滑，有咬口但未至於去到韌👍🏻配埋佢個燒汁，勁夠味！💕
·
🦑｜脆辣魷魚條 (6 PCS)｜🦑
魷魚條炸到勁香脆，伴碟嘅辣醬，辣得好過癮🥵整體係好食
·
🍑｜桃味果汁｜🍑
桃味香濃又唔會太甜
._.
Good value for money. Decent portions. I really liked the gravy that was served with the chicken. Great selections of beers. Laid back atmosphere.
餐點：4
服務：4
氣氛：4
非常優質美味的牛扒，價格平宜，又吾洗加一，值得再來。
餐點類型
晚餐
A cozy place for food consumption!
The variety of beverage choices here means that you can drink whatever you want, even you are not allowed to drink alcohol!! The excellent ambiance with music makes you feel comfortable and have a chit-chat with friends.
The steak here is great. With different kinds of condiment, it is very juicy and palatable! You can’t imagine that you can consume this kind of high-quality steak with only $128 in HK island! Highly recommend!
餐廳在西營盤站附近，轉角位有著光猛的招牌好吸睛。就如其名，餐廳主打不同樽裝飲品及扒類。這裡沒有drinks menu，想喝甚麼都可在雪櫃自選，有過百款酒類及非酒精飲品任君選擇，新產品及每款的特性都有小小的文字介紹。最後跟友人選了兩款港產手工啤，瓶身設計既懷舊又盞鬼。
Ugly Half Toastea 吐司去邊大冰紅
約5％酒精，除了小麥及啤酒花香氣，稀薄液體的質地較平常啤酒輕盈，後段味道還慢慢滲出阿薩姆茶的甘香味道，每一口都是陣陣清香。
NLC Lemon tea cider
把凍檸檬茶變約含5％酒精的酒，直直感受到檸檬、檸檬皮及蘋果混和的清新味道。因為是cider所以喝下去像汽水的感覺，最後段吞下前殺出一下酸酸的味道好醒神。
挪威三文魚玫瑰 ＄58
又厚又長一大片煙三文魚卷成玫瑰花形，份量十足，入口嫩滑又有甘香的鮮味，是沒想到頂的部少量的醬汁頗辣的。
法式油封鴨腿 ＄138
只用基本鹽調味，鴨皮有豐腴油香，腿肉呈深粉色，質感嫩滑、軟稔易切，充滿濃厚鴨香，個人建議不用沾汁吃好好感受原始的味道。
美國安格斯牛板腱扒 ＄138
大概七成熟左右，頂層壓有整齊的格紋散發焦香。中心不是全熟的，牛味濃香、充滿肉汁卻沒血水，紮實的肌肉帶筋腱讓質感更為爽口。點了蘑菇肉汁後，味道增加了甜味又不會太搶，是柔和的感覺。
兩款主菜伴隨的粗薯條滿滿薯肉又香口，完全是吃不停，喝啤酒好夾；另外又有一大堆十分清新的黑醋汁沙律菜，平衡一下減少邪惡感。
橄欖油炒西蘭花苗 ＄58
西蘭花苗是莖部為主，爽硬的口感、青青的味道，感覺介乎於羽衣甘藍及芥蘭之間，是挺特別的，是希望份量能更多啦～
我最喜歡的是他們供應非常多款式的手工啤酒，配上肉類食材又配合，想試不同啤酒自不妨來尋找一下，一定會有適合自己的。
服務
內用
餐點類型
晚餐
平均每人消費金額
HK$200-250
餐點：5
服務：5
氣氛：5
肉眼扒不能錯過，肉嫩爆汁，有多少少budget不防一試！啤酒櫃都令人喜出望外！
🍻 抵食高質免加一小扒房 🥩
–
今次要推介一間位於西營盤既小型扒房— The Bottle & Steak 🍻 本身行到去轉角位見到餐廳外面既menu，純粹覺得價錢親民，同埋食物賣相唔錯，打算平平地据下扒同埋朋友chill下，點知竟然有意外驚喜😋
The Bottle & Steak 主打肉扒同埋飲料，希望食客可以一邊据扒一邊飲返杯輕鬆下。餐廳走酒吧風格，除左bar 枱之外，亦有多張高枱，氣氛十分和諧。
不過由於唔想影響其他食客，所以就唔分享室內既照片，因為當晚實在係高朋滿座 😂
–
餐牌設計簡約，以橙色、黑色同白色為主。除左lunch menu 同regular menu 之外，仲有一個小型餐牌提供多款精選菜式、當日時令高質肉扒同埋兩款特色甜品。
–
我地點左一客餐湯、一道side dish、兩道主菜同埋一道甜品，無意中拼湊出近似酒店扒房既set dinner 🤣
–
1. 黑松露忌廉野菌湯 Black Truffle and Creamy Mushroom Soup $48
平時食西餐，我地通常會點龍蝦湯或者黑松露忌廉野菌湯作為餐湯。今次見到廚師精選既餐牌上面有黑松露忌廉湯，就二話不說即刻點左。
黑松露忌廉野菌湯香濃細滑，truffle 味道恰到好處，而creamy既忌廉令餐湯口感更smooth，每一啖都品嚐到濃郁既野菌味道 🍄
–
2. 脆辣魷魚條 Crispy Chill Squid Strips $58
炸魷魚條絕對稱得上皮薄餡靚，鮮橙色既脆皮好crispy，每一啖都係脆卜卜。魷魚既份量十足，肉質彈牙，充滿魷魚既鮮味 🦑
脆辣魷魚條雖然係油炸食物，但我地都唔覺得好油膩，反而愈食愈過癮，微辣開胃～
呢道金黃酥脆嘅魷魚條真係好適合佐酒，不過我地當晚並冇點到酒精飲品，因為想留肚試菜 😋
–
3. 美國安格斯牛板腱扒 USDA Top Blade Steak $138
第一道主菜終於登場！我地點左medium well既燒安格斯牛板腱扒😍 點medium well 係因為個人仲未接受到太生既牛扒，原本餐廳係推薦我地點medium 🤣
炭燒過既牛板腱扒香氣撲鼻，表面帶有網燒過既痕跡。牛板腱扒係牛扒界中既頭三位，亦係健身人士既至愛。因為牛板腱扒脂肪含量極低，蛋白質含量高，所以好適合muscle building 💪🏼
牛板腱扒帶香軟既牛筋，食落頗有嚼頭。佢既口感比一般既牛扒更豐富，肉質相對地更結實，牛肉風味濃厚。對於唔想食得太heavy 既人黎講，blade steak 真係最佳之選 👍🏼
伴隨住牛板腱扒而來既，仲有薯條同埋沙律菜🥗 薯條薯味濃郁，口感香脆🍟。沙律可以幫助消除油膩感，係完美既配搭 ☺️
–
三款黃芥末醬
食牛扒除左可以沾燒牛肉汁之外，好多時仲會配芥末醬。The Bottle & Steak非常講究，連芥末醬都有三款 👏🏼
由左至右分別係蜜糖芥末醬、芥末籽醬同埋 original黃芥末。試完三種不同風味之後，個人最中意芥末籽醬，佢亦係法國好經典既醬料，同肉類料理好相配 🥩🥓
–
4. 澳洲豬鞍架 AUS pork rack $168
當晚除左高質既牛板腱扒，仲有令我地十分驚喜既pork rack。呢塊厚身既澳洲豬鞍架同樣有網燒過既紋路，賣相非常吸睛 😍
豬鞍架好正，肉質好腍好細嫩，一啲都唔韌，自問冇乜牙力既我都食得好滋味。
由呢一小片肉扒既切割面可以睇得出pork rack有幾腍，非常容易切開，唔會有粗糙既肉碎。
澳洲豬鞍架鬆軟美味又juicy，再加上煎到勁香，配埋特製醬汁真係係味覺既享受 😋
Pork rack邊緣有一小層油脂，個人覺得好香口。呢到既blade steak 同pork rack 無論口感同味道都冇咩可以挑剔，呢個質素真係可以媲美著名既扒房🍽
–
5. Churros with daily ice cream $48
食完正餐一定要點甜品作結！我地點左經典既西班牙甜品— churros，當係彌補喺東京迪士尼食唔到churros 既遺憾 😜
Churros外脆內軟，餐廳選擇淋上少量糖漿而唔係灑上沙糖，唔單止健康啲，仲冇咁膩添😋
最後一個驚喜係嗰球雪糕，竟然唔係老套乏味既雲呢拿雪糕，而係芳香既椰子口味🥥🍦 我地都嚇左一跳，唔太喜歡雲呢拿雪糕既我本來已經打算乾啃churros，食到香甜好味既椰子味雪糕好幸福 🥰
–
雖然當晚冇點到飲品，但都想介紹下餐廳澎湃既飲品櫃。上圖只係其中一個櫃，另外仲有兩、三個咁大既飲品櫃 🤣 除左酒精飲品、手工啤酒🍺之外，仲有果汁🍹、咖啡☕️等等，包保食客揀到岩心水既飲品，one bottle one steak!
–
總括而言，餐廳既氣氛同食物質素都好好，我地都渡過左一個好chill既晚上。真心想推介俾大家，以親民既價錢品嚐到咁有質素既肉扒，仲要唔洗加一，係聚餐既好地方👍🏼👍🏼
服務
內用
餐點類型
晚餐
平均每人消費金額
HK$200-250
工業風嘅裝修風格
多元化嘅酒精飲品
精心烹調嘅美食流
收工聚餐點少得呢到呀！
唔好睇佢一個小小舖面
但每個仔細位都睇出心機
就好似餐碟用咗銻碟 增加工業感
食物方面嘅慢煮羊膝 更加係軟淋淋嘅啖啖肉🤤
最緊要價錢方面 整體性價比好高
絕對係收工happy hour嘅好選擇🤟🏿
服務
內用
餐點類型
晚餐
平均每人消費金額
HK$200-250
餐點：5
服務：5
氣氛：5
Very good steak. I ordered a medium top blade steak. Got it for take out as I remembered I had a nice bottle of wine where I was staying.
服務
外帶
餐點類型
晚餐
平均每人消費金額
HK$100-150
A nice restaurant tucked away in the corner of Eastern Street at Sai Ying Pun that serves good protein and a huge range of beers 😍 We ordered ostrich steak and top blade steak – ostrich was so lean and special, and the steak at medium rare was so tender and value for money, at $138 with aussie style chips and a salad 😎 There’s rarely any restaurants in HK that actually serves ostrich meat, so it was very special how this restaurant does and they did not overcook it.
Fried wonton was a good starter to the meal – fresh shrimp in a crispy shell 🤪
The BEST was actually their churros with sea salt ice cream. Completely stole the show and was such a great ending to our meal. Churros was so crispy, and it was my first time ever trying churros with salt. What a cool concept. We also loved the idea of self serving beers, opening the bottles by ourselves, and putting the bottle caps into the NGO that we wanted the restaurant to donate to! So not only is there good food, there’s also a great ethical business paying attention to its CSR 😊 definitely coming back again!
服務
內用
餐點類型
晚餐
平均每人消費金額
HK$200-250
經開西營盤，於是便一試這間牛扒店～
一入店鋪，就被店後嘅啤酒櫃吸引咗，啤酒櫃有來自唔同國家嘅啤酒可以選擇，眼花撩亂🤩
最後我揀咗呢兩款，一款係來自法國嘅Apple Cider，一款係來自台灣帶Honey既啤酒，兩款都相當不錯！
食物方面，見到除左menu上既牛扒可供選擇外，仲有西冷、牛板腱、bone in rib-eye 等。今次我揀咗9安士既牛板腱，Medium Rare。肉質來講不錯，沒有over cook，而且仲配左大啡菇同西蘭花苗side dish，大啡菇上面有一層芝士，咬落去好多汁。
另外仲點左餐湯，黑松露蘑菇湯，湯入面可以咬到粒粒嘅蘑菇，很有口感！
整體而言，小店係港島區黎講，想食牛扒既話，性價比很高👍🏻👍🏻
服務
內用
餐點類型
晚餐
平均每人消費金額
HK$200-250
今日隊友帶我去食慶生飯❤️
岀到去西營盤 @thebottleandsteak 呢到食，超好氣氛😊重點是近地鐵站超方便
勁鐘意個羊膝🐑慢煮超冧🙈唔知有幾大份量，好彩唔係嗌好多野食，所以唔敢飲酒，驚好頂胃😂佢呢到勁多靚靚酒樽，好吸引呀！
儀式感又點少得蛋糕🥰呢到嘅brownie 好好食！唔太甜，又食到粒粒nuts
服務
內用
餐點類型
晚餐
平均每人消費金額
HK$200-250
西營盤一帶一直都有好多翻新過嘅餐廳都好出名，今日同朋友嚟試咗呢間the bottle and steak。發現餐廳食物質素都唔錯，而且價錢唔貴，值得一嚟。
首先餐廳後面有勁大個酒櫃入邊有好多唔同款嘅手工啤，我哋揀咗兩支唔同嘅啤酒都覺得唔錯。唔飲酒嘅都有好多，非酒精飲品可以選擇。
首先我地叫咗兩個小食，一個係吉列廣島蠔（$58），另一個係墨西哥辣雞翼鎚（$48）。個炸廣島蠔，炸得好香脆，但係入邊啲蠔汁鎖實晒。一咬起嚟勁Juicy👍
而個墨西哥辣雞翼鎚都好香口下。雖然我覺得佢個辣度就未係去到好夠，鍾意食辣嘅朋友，可能就覺得唔夠喉。但係雞鎚都好難會出事既。😂
呢度好特別有一個椰菜花扒（$138），呢度所有嘅扒都會跟薯條同埋沙律。我自己就勁鍾意食椰菜花嘅，貪佢又健康啲，所以就叫咗個試下。個椰菜花切得幾厚，而且煎得唔會過乾。所以鍾意健康，而且想食素嘅朋友都可以試吓呢間扒房。
除此之外，我地仲叫咗個美國安格斯牛板鍵扒（$138）。個牛都煎得幾均勻，唔會太熟。因為勁驚啲扒房會煎到啲牛扒過熟，今次叫咗medium rare岩岩好😉
另外一個比較驚喜嘅地方，就係呢度嘅甜品係西班牙油條配雲呢拿雪糕（$48)，點都要留肚食呀食個甜品。因為呢度個油條係即叫即炸，熱辣辣配埋個雪糕好特別。
呢間裝修比較新潮嘅餐廳係西營盤都幾好食，下次應該會返兜佢👏