OVOCafe(OVO Cafe)

高質素食餐廳 中西式甜品兼備🍦🥥

早於大學年代我喺灣仔上堂之時，已經知道喺舊灣仔街市度有OVO cafe，不過一直未有機會試。早前終於同大學同學去灣仔懷緬一番，順便試轉埋名、搞咗新意思嘅 OVO Cafe x 大飯糖👏🏻👏🏻

🍽伴素晚餐：前菜+主菜+小食+甜品 $208+
主菜：Impossible meat 芝士薄餅 8吋 $228
Pizza脆薄如餅乾，上面嘅蕃茄肉醬酸酸甜甜，芝士味又唔會太over，令人開胃又唔會覺得太膩，基本上唔講都唔知原來自己食緊素肉🤣

前菜：鮮果沙律碟 及 餐湯
小食：忌廉芝士西蘭花
圖中三位一體嘅就係前菜同小食啦！沙律用料豐富，用上柚子、杏仁、南瓜籽等健康食材，醒胃又有營；雜菜湯都好香甘筍、洋蔥味，落足料又唔會太杰身、太飽肚；忌廉芝士西蘭花都好惹味😋

甜品：蛋白杏仁茶
整頓晚飯之中，朋友最滿意就係呢個蛋白杏仁茶！比起平時嘅蛋白杏仁茶，呢個比較黏稠，質地似燉奶，蛋白嘅份量好多，杏仁味好香🤤

🎃香茅檸檬葉甜椒翠玉瓜茄子南瓜燴飯 $98
見到燴飯以為係汁撈飯，但原來係白飯加一堆汁。唔緊要！縱使一食落口以為係南瓜味嘅咖喱(可能因為落咗香茅)，但呢個飯都幾好食，味道恰好又多汁，仲有好多蔬菜如翠玉瓜、茄子、蘆筍，夠晒膳食纖維🤗

🥥鮮果爺爺 $82
原隻鮮椰皇已入面隱藏住充滿椰子清香嘅寒天果凍，味道唔會好甜；配合埋超級多鮮果如香蕉、芒果、西瓜、菠蘿等等，十分鮮美！爺爺本身係配北海道3.6軟雪糕，不過我哋加咗$10試乳酪雪糕，味道酸酸甜甜，一定要試呀😍

☕️骯髒榴槤咖啡 $58
咖啡好香濃，榴槤球本身亦都好濃郁。當時間耐咗，兩者混為一體之時，雖然咖啡會因為榴槤蓉而變得無咁香滑，但味道係出乎意料地夾，味道唔差㗎👍🏻

🍍菠蘿荔枝梳打 $42
都有好多菠蘿果肉，但味道無榴槤咖啡咁特別同吸引🙈

“Eat good, feel good, do good”

這是在庭園享用素食的感覺。

推介菜式：
– 甘筍湯
– 紫薯甘粟餅
– 瑪嘉烈特芝士
– 呂宋芒果沙冰
– 鮮果爺爺

近年隨著素食日漸普及，素食款式和種類亦層出不窮，雖然自己並非素食者，但不少素食的確令人喜出望外，而OVO Cafe正是其中之一。

OVO其實由灣仔舊街市改建，於2009年拆卸後只保留前半部外殼、外牆、灰柱及階梯，現時已被列為三級歷史建築物，家品店「OVO Studio」、花藝店「OVO Garden」和素食餐廳「OVO Cafe」。

OVO Studio的家品及傢俬大部分均採用環保原料製成，而OVO Cafe亦貫徹OVO Studio理念，致力推廣素食，裝修後更與大飯糖甜品小食屋合作推出一系列素食甜品。

店內花卉、盆栽等自家培育設計的植物琳琅滿目，加上樓底甚高感覺彷如世外桃源。

我們分別點了Impossible Meat 漢堡($248)及素石斑漢堡($245) 兩款「伴素晚餐」，每份均已包括前菜、主菜、小食及甜品，物有所值。

鮮果沙律碟有香蕉、芒果、火龍果、紅桑子等色彩每款均甜美新鮮，配以加入蜂蜜烘得香脆的穀麥片及堅果令口感更加豐富；而是日餐湯則為南瓜湯，真材實料充滿香甜南瓜蓉。

川辣脆炸杏鮑菇＋鹽酥素雞髀前者加上孜然及辣椒粉香辣惹味，而後者則為炸腐皮，鹹中帶甜且豆味香濃，若能炸得更加鬆脆乾爽定必更佳。

黑松露薯條灑上黑松露粉本身已經馥郁醇香，再配上黑松露蛋黃醬相輔相成更加濃郁。

Impossible Meat漢堡或其他漢堡均可以$20轉為素包及素芝士，素漢堡扒質感鬆軟多汁幾可亂真，配以番茄、洋蔥、生菜及芝士絕對能夠媲美一般牛肉漢堡。

素石斑漢堡麵包烘得外酥內軟有如「脆豬」一樣，素魚柳仿造出真魚柳的絲絲肉質而脆皮則近似麥樂雞，不過整體豆味為重仍難完美演繹出真魚柳神韻，值得一提的是菠蘿香甜多汁絕對為點睛之筆。

鮮果楊枝甘露用上香蕉、西瓜、火龍果等新鮮水果而非以罐頭雜果濫竽充數，楊枝甘露芒果蓉香甜天然，與椰汁拌勻後兩者平分秋色。

另加$20將其中一款跟餐甜品升級至芒果迷城乳酪軟雪糕，芒果肉、芒果汁加上芒果雪糕球三重奏，與椰奶忌廉融為一體更加醇厚，更有星星蒟蒻、西米及水晶增添口感。

菠蘿椰椰 ($75) 以原隻鮮椰皇寒天果凍加上新鮮菠蘿及北海道3.6軟雪糕，底層寒天果凍以椰青水製成味道清甜，更可以刮出椰皇果肉相輔相成，而由於芒果迷城乳酪軟雪糕令人意猶未盡，故再加$10將北海道3.6軟雪糕轉配為乳酪雪糕，細滑綿密且酸甜有致。

漢堡🍔🍔好好食😋😋
黑松露野菌燉飯都煮到啱啱好，好入味🥣🥣
仲有好多小食、沙律菜，都好新鮮🥗🥗
甜品都好出色，心太軟🍦🍦外脆內軟，楊枝甘露味道啱啱好好鮮甜😄😄 …

食物好精緻，味道唔錯。不過份量可以再多啲
服務
內用
餐點類型
午餐
建議的餐點

朋友帶路去佢去開嘅OVO Cafe，啱啦我都想去好耐，見過人地打咭環境好靚！ 😁😁😁

叫野食，想食咩都可以自己揀，自己拼成一個set，包你一定啱食，仲有埋甜品，成件事好圓滿。地方又坐得舒服，樓底夠高好有空間感，好似喺花園開餐咁。

雖然係素食餐廳，但選擇夠多，完全唔「齋」！ 👍
服務
內用
餐點類型
午餐
平均每人消費金額
HK$100-150
餐點：5
服務：5
氣氛：5
建議的餐點
Soup Vegan

高質素食餐廳 食梅菜pizza 天貝burger 🍕🍔

上次同朋友嚟食OVO，我哋都覺得環境咁多花草好舒服，食物又唔錯！今次我又帶咗位食素嘅朋友嚟，我哋都依然一致表示滿意，同埋店員都好nice🤟🏻

伴素晚餐：前菜+小食+主菜
🥗前菜：鮮果沙律碟及是日餐湯
鮮果沙律有芒果、西瓜、菠蘿、柚子、火龍果等，新鮮之餘又色彩繽紛！餐湯係南瓜湯，滿滿天然嘅南瓜香甜味道😊

🍢小食：OVO沙嗲
有兩塊印尼(素)蝦片同兩串沙嗲素肉，味道唔辣。素肉串燒個質感同真肉無咩分別，真係好好食😋

🍕主菜：梅菜薄餅 $188
我咁大個女都未食過梅菜pizza，真係好有驚喜，出乎意料地好好食！梅菜個種甜同有厚度嘅爽脆同餅底個種餅乾質地嘅脆薄令到口感層次好豐富，加上經典不敗嘅蕃茄粒、芝士、流心蛋陣容，必試🤩

🍔徐伯天貝漢堡配薯條 $120
天貝100%由發酵大豆製成，充滿豆香，含高蛋白同維他命B12，好有營養！天貝漢堡比起平時啲漢堡食落無咁油膩，配合埋徐伯指定要用嘅菠蘿汁，真係好少會食burger會覺得咁清新😉

🍫北海道3.6軟雪糕朱古力香蕉西多士 $58
好少食到呢個組合：三大件暖暖哋嘅西多士外層香脆、充滿蛋香，一咬開入面係香濃嘅朱古力醬；配合埋冰凍而細滑嘅軟雪糕、香甜味美嘅香蕉，搞到我哋好想再要多份西多，非常出色😍

☕️沖繩黑糖鮮奶咖啡 熱 $44
賣相係靚靚心形拉花；味道方便，黑糖嘅香甜同咖啡嘅甘香混合得恰到好處，唔錯👍🏻

🌹七色花茶 $68
好少見到餐廳有七種花嘅花茶咁有誠意，所以點選咗呢個齊集洋甘菊、玫瑰、金盞花、桂花、胎菊、茉莉花、高原綠蘿花嘅花茶，味道好清香。另外一讚嘅係店員主動加熱水落茶壺，非常細心💯

一顆試伏的心 – 梅菜窩蛋pizza

本來諗住點個tea set打發時間，都係cake or snack + 杯black，點知見到梅菜pizza??? 得嘅咩？雖然律敦治就響隔離…好啦，已經習慣中伏，我就點呢嗰pizza會會佢…

黎到，超薄pizza，上面一隻窩蛋，咁如果我一篤爆個黃咪流向四方八面? 薄批又dip唔到…想點??

跟住響無任何positive expectation 吓食咗兩啖…得wor，我嘛嘛地梅菜，不過嗰鹹酸味同車里茄唔同，鹹味又同芝士撞得出嗰分別，茄仔就因而更甜，加埋d蛋液就令口感和味道再豐富濃厚d，食度一塊接一塊。

呢個的確係大膽嘗試，更加清楚係，第二度一定無呢個配搭。 😅

btw, Americano 係chocolate帶未酸。☕
餐點：3
服務：4
氣氛：3

終於介紹素食，今次介紹位於三級歷史古蹟——舊灣仔街市入面嘅素食主題餐廳，邊個話素食淨係食菜，配上Impossible Meat一樣咁滋味~

瑪格麗特芝士薄餅 $118

瑪格麗特芝士薄餅香脆可口，豐富茄醬，濃烈芝士，每一啖都能夠感受到薄餅酥脆同芝士濃郁。雖然論配菜而言，薄餅略嫌少少單調，但整體而言，薄餅酥脆可口，茄醬同芝士鮮美濃郁，味道不錯。

好味素食
好鍾意個環境
係有綠植下用餐比較放鬆

見過好多人喺呢間度打卡 覺得環境幾靚
所以忍唔住嚟試吓✨ #OVOCafe
呢度樓底好高 好有空間感
好似去咗一個田園森林🌿度食嘢😍✨
同埋呢度主打係食素食
但係食嘅嘢 唔會覺得齋
如果想試吓素食 可以嚟呢度
食物質素都有水準

我鍾意呢度嘅Lunch Set 同Tea Set
除咗前菜、主菜同飲品
佢仲有小食、甜品可以合併喺套餐
即係一個餐乜都有得食
仲要唔係得一兩款選擇 #多元化

前菜👉🏻芒果柚子沙律
小食👉🏻忌廉汁芝士西蘭花
甜品👉🏻楊枝甘露
飲品👉🏻+$22 玫瑰岩鹽鮮奶咖啡

主菜👉🏻✨lmpossible Meat美堡 $165✨
漢堡扒係植物肉製作而成
完全俾佢呃晒 好似食緊真肉咁
滿足晒素食者 想食肉嘅慾望
漢堡包都烘到好香口 外脆內軟
加左新鮮生菜、半融芝士、蕃茄…
健康又好食

✨鮮果牛角窩夫配牛乳軟雪糕✨配桂花烏龍茶(熱）$78
呢個窩夫有驚喜 價錢唔貴 但係分量十足
佢嘅牛角和窩夫好趣好香口
淡淡的牛油香味 再配牛乳雪糕一口一口配搭
鍾意食甜品嘅一定會鍾意
周邊仲有勁多鮮果 大大粒芒果
健康d 而且口感更加豐富
服務
內用
餐點類型
午餐
平均每人消費金額
HK$100-150

【#莎拉灣仔搵食】素食推薦｜Green超自癒的素食Cafe

素食餐廳越嚟越多，大家都為減碳出一分力👍🏻呢間餐廳真心推薦，食物好味，環境舒服走園藝風格🪴有好多松柏

Impossible Meat肉醬扁意粉 $142
Jumbo set 包前菜·主菜·小食·甜品·飲品

🍝主菜Impossible Meat肉醬扁意粉
素肉醬配上芝士，熱辣辣好正！其實你唔同我講佢係素嘅，真係食自己食緊素👍🏻
🥗前菜 沙律
沙律菜新鮮
🍢小食OVO 沙爹
應該係扮緊沙爹雞串，沙爹醬味香濃有花生粒，素肉唔嚡口👍🏻
🫘甜品紅豆抹茶麻糬
覺得有少少似蕨餅，抹茶粉有茶香。
🍹飲品鮮果+熱情果梳打
有誠意，鮮果起碼有四款西瓜、菠蘿、芒果同橙👍🏻夏天好啱飲，唔會好甜。
呢個價錢五樣嘢CP值超高

🧇🍨笨朱窩夫配3.6牛乳軟雪糕 Tea Set $88 ✅必食item✅
香蕉·朱古力醬窩夫·沙律·軟雪糕
窩夫有驚喜🧡似窩夫酥，外面質感似牛角包少少酥，入面就香軟。香蕉🍌唔會熟過燶1 Pat Pat ，沙律菜新鮮。3.6牛乳軟雪糕香滑。 #afternoontea

🍵七色花茶+$28（原$68）
7款花🌼洋甘菊·玫瑰·金盞花·桂花·胎菊·茉莉花·高原綠蘿花
有誠意唔係就咁茶包咁hea，其中高原綠蘿花就比較罕見。覺得呢杯茶好夾cafe 嘅園藝風格，飲落口好舒服唔苦。

🍨鮮果芭菲杯 $72
鮮果有紅色火龍果、西瓜、芒果，底部有水晶粉幾爽口，透心涼3.6牛乳軟雪糕配士多啤梨醬。#夏日美食

有自助斟水區，個水壺顏色好靚🧡

📍餐廳地址：OVO CAFE (灣仔)
灣仔灣仔道1號地下

#hk #hkig #hkfood #852food #foodstagram #ImpossibleMeat
#香港 #香港素食 #香港美食 #灣仔美食 #素食餐廳 #窩夫 #七色花茶 #高原綠蘿花 #3.6牛乳軟雪糕 #松柏 #園藝風格
#莎拉生活 #hkinfluencer
服務
內用
餐點類型
午餐
平均每人消費金額
HK$150-200

感覺走進一個小花園🌻🌹🌷名字很特別的（找素）看見名字就知道是吃素的地方。配合環境設計，用木材🪵做桌椅☺️感覺舒服的，是需要自行用手機📱下單的，但服務員💁事先沒有說明，需要詢問才知道的，這方面欠缺細心。
味道方面一般吧！
服務
內用
餐點類型
午餐
平均每人消費金額
HK$200-250
餐點：3
服務：3
氣氛：4

全日早餐、日式咖喱流心蛋飯、花枝餅及沙嗲雞串，味道豐富，並且傳統概念中淡而無味；此外，清新水果茶（熱） 果香出衆，自然的味道，心水推薦。
服務
內用
餐點類型
午餐
平均每人消費金額
HK$150-200
餐點：5
服務：4
氣氛：4