Crêpe Delicious (Urban Cafe)
營業時間
| 星期六 | 11:00–22:00 |
| 星期日 | 11:00–22:00 |
| 星期一 | 12:00–22:00 |
| 星期二 | 12:00–22:00 |
| 星期三 | 12:00–22:00 |
| 星期四 | 12:00–22:00 |
| 星期五 | 12:00–22:00 |
服務選項
外送
外帶
內用
產品/服務
咖啡
酒精飲料
啤酒
提供素食料理
葡萄酒
用餐選擇
早餐
午餐
晚餐
餐飲服務
甜點
座位
設施
洗手間
適合兒童
氣氛
氣氛悠閒
環境舒適
規劃
接受訂位
付款方式
信用卡
NFC 行動支付
信用卡
情奏紫薯 梗係要叫返個可麗餅啦 上面有大大求嘅紫薯味意式雪糕非常香滑 紫薯味濃郁消暑一流 可麗餅牛油味香濃 帶點煙韌 入面有海量嘅紫薯蓉同麻糬 口感好豐富
芒果千層 千層酥皮超級脆身 牛油味濃郁 夾住好厚招牌嘅芒果意式雪糕 果香味濃唔太甜 一齊食超夾
紫薯意式雪糕奶昔 紫薯味極重 紫薯控必點 加上奶香同紫薯係完美配答
芒果意式雪糕奶昔 比起上面嗰個奶昔明顯冇咁甜 加上芒果嘅酸味同香氣 係一個消暑嘅下午茶
利東街一向都好多好嘢食，今日呢就經過一間食可麗餅專門店Crepe Delicious，原來係嚟自加拿大的， 有兩層高， 環境裝修都唔錯一於入去試下
朱古力榛子 $58
超吸睛的飲品, 奶昔杯边充滿很多花生碎， 不過黐住喺個杯應該都係用嚟裝飾😜 朱古力味好濃沃 又唔會太濟
香蕉士多啤梨朱古力醬法式可麗餅
法式可麗餅 我覺得最夾嘅生果一定係香蕉同埋士多啤梨因為香蕉一定唔會酸 仲加埋朱古力醬喺上面味道超級出色而且佢哋嘅 皮夠薄又有蛋香，正！
四重芝士菠菜酥皮薄餅有驚喜，以千層酥皮為餅底，食落十分香酥鬆脆又唔油膩。
我係鍾意食厚批既人，所以呢個好岩我口味。
鹹可麗餅揀咗美式手撕豬肉，包住份量十足既手撕豬，仲有洋蔥、紅椒同青椒。餅皮微甜煙韌，脆脆地。
甜可麗餅揀咗雙紅吉士$88，再加$38要一球Nutella gelato。
擺盤色彩鮮艷，以吉士醬為餡料，搭配士多啤梨同紅莓，好吸引。Nutella gelato就係食緊金莎甘，好味道。
Let’s have some Crepes!!🤩
靚靚嘅法國可麗餅
真係令人愛不釋手🥰
*士多啤梨吉士Double Red*
新年梗係要喜氣洋洋
叫番啲紅色野 🌹🌹
佢啲吉士醬、士多啤梨
同野紅莓真係打孖上
好creamy 好full 😛
下午茶同朋友嘆番杯咖啡
確實係唔錯㗎！☕️
提提這裡的鹹餡餅亦都一流😍
呢款菠菜起司薄餅有意外驚喜
佢薄切得來又夠哂鬆脆
仲有芝士拉絲效果😋唔會太咸
啱晒我口味😜😜配埋杯
迷人pink lady 嘅奶昔
成件事又繽紛又開心🥳
餐廳裏面仲有買另外一款曲奇🍪
裏面有五六款味道 滿足晒我嘅好奇心
最鍾意嗰塊紅絲絨曲奇 外表玫瑰紅色
食落去軟綿綿有啲似Mrs Field😆😆。
餐廳樓高兩層，環境雅緻高尚，裝潢設計富有格調，軟座卡位令人坐得舒適。餐廳的服務亦佳，店員們友善有禮，殷勤款待，上菜速度快。
這兒有多款傳統法式煎薄餅，甚有特色，價錢亦很大眾化。
情奏紫糬甜可麗餅賣相精緻吸引，薄餅軟熟而有蛋味，不粉也不會太厚，夾心選用新鮮手打的日本紫薯忌廉，混合一粒粒煙韌麻糬，口感豐富。再加上一大球自家製紫薯味意式雪糕，充滿濃郁紫薯味。
每日限量供應20份的芒雪千層拿破崙同樣賣相滿分，以三層金黃酥皮配搭兩層自家製的芒果味意式雪糕取代一般的吉士夾層，酥皮造得出色，非常鬆化，雪糕以呂宋芒芒果新鮮手打果肉製成，果味香濃，酸甜開胃。
拿破崙面層擠上綿滑雪白的忌廉，奶香味十足。伴碟除了有鮮芒果果肉、紅桑子及忌廉，更加入蛋白餅脆脆，伴以鮮芒果醬，盡顯法式風情。
紫薯意式雪糕奶昔以自家製的紫薯配料、3.6 北海道牛奶混合自家製紫薯味意式雪糕而成，口感順滑，啖啖香甜的紫薯味。面層擠上豐富忌廉，再撒上紫薯粉，杯身更利用紫薯醬做出掛杯效果，夢幻感十足。
芒果意式雪糕奶昔同樣利用以自家製芒果味意式雪糕加入新鮮芒果製成，杯中有不少粒粒芒果肉，酸甜開胃而且充滿獨有的芒果果味。
餐廳還發售人氣網店 CookieBoy的美式手工曲奇，大大塊，賣相吸引。
曲奇一共有 11 款口味，包括蘋果批、生日蛋糕、藍莓鬆餅、朱古力粒、燕麥、花生醬牛油、雙重朱古力、夏威夷果仁白朱古力、紅絲絨、宇治抹茶、咖啡核桃，售價為$20@45 克。
曲奇內餡料份量很足，以低卡新鮮材料製成，100% 天然，不含人造色素、調味或防腐劑，其外皮香脆內裏有煙韌口感，甜度恰到好處，美味可口。
同朋友去咗灣仔嘅 urban cafe 食下午茶， 餐廳環境好靚，有上下兩層。我哋獲安排上層座位，上層人不多，感覺更休閒。
👀👀見到佢哋有個新menu幾特別，所以就叫咗你試下。
以鴨做主題既menu好有特色，點了煙燻鴨胸鹹可麗餅，餅皮煙韌，內有鴨肉，蕃茄乾，洋蔥絲等，惹味香濃。
😋京式烤鴨酥皮薄餅， 烤鴨嘅醬汁好似傳統片皮鴨的味道，配上鬆脆嘅薄餅味道好有驚喜 。
甜品揀咗奶凍同埋一球青檸雪葩， 奶凍入口綿滑，奶味香濃。青檸雪葩很酸，食得出的天然味道。
🥤飲品我哋就試咗熱情果梳打及荔枝蜜桃梳打，用上新鮮嘅水果，感覺清新。
又係去食甜品嘅日子啦
今次就選擇去食以加拿大品牌既法式可麗餅專門店
位於利東街係crepe delicious 以urban Cafe嘅形式出現
店除左有勁大嘅外賣甜品及咖啡吧
仲有兩層室內地方
大家係利東街行完之後好好食個甜品
事不延遲先講吓啲甜品先啦
我地叫左一個可麗餅
兩杯奶昔
仲嗌左個雪糕甜品
首先梗係講吓個可麗餅先啦
佢真係有好多好多唔同嘅形式唔同口味
眼花撩亂之下我哋就揀咗個雙紅吉士
雙紅係包左兩隻唔同嘅紅生果一個係士多啤梨一個係紅桑果
上到嚟個樣當然係打卡先啦
士多啤梨同埋紅桑果酸酸甜甜
再加埋個又香又話覺得吉士
真係好好味
見到佢地係用手工意式雪糕整咗奶昔
我地就叫左兩杯
一杯我哋就叫咗芒果另外幫就叫咗朱古力榛子
奶昔榛子好香濃全口榛子味
但最開心竟然唔會覺得好樓
芒果就真係有新鮮芒果個味道
完全唔會係假嘅
相信可能係意式嘅雪糕
起到好大嘅作用
椰焦風情
係焦糖加係椰子雪糕
椰子個香真係好突出
再加埋焦糖
好食到停唔到口
可以食一個甜品下午茶
真係好幸福啊
Crepe Delicious全新推出芒果與紫薯口味嘅甜品
紫薯控、芒果控又點可以放過😜
🌠Mango Gelato Napoleon 芒雪千層
推薦！全港首創😜份量好大件，成隻手咁長😆
入面芒果雪糕有啲似雪葩嘅口感，第一口酸酸再變甜
好爽！好岩夏天食~配拿破崙酥皮薄而脆而且有2 層，食落先脆後嫩滑，好有驚喜！
🌠Mango-go 芒果意式雪糕奶昔
超級大杯，很有夏天感覺！鮮芒果味很濃，而且很多芒果粒，奶昔口感濃厚，整體味道清爽
🌠Purple Mochi 情奏紫糬
紫薯可麗餅~來Crepe Delicious又怎可不吃可麗餅
今次推出期間限定紫薯口味！紫薯採用日本紫薯製成，紫薯忌廉混合3,4顆麻糬，口感煙煙靭靭，味道淡淡的甜味！再配一大顆紫薯雪糕，紫薯味非常濃郁，紫薯控不要錯過！
🌠Purple Sweetie Gelato Shake 紫薯意式雪糕奶昔
打卡之選~紫薯配3.6北海道牛奶製作而成，口感順滑而富香濃紫薯😄再配豐盈軟滑忌廉，微甜而不膩~
離開時，還買了Cookie boy的Cookie✨一袋六款
老闆兼廚師是Ryan Zimmer曾擔任JW萬豪酒店行政糕餅總廚，每天純人手新鮮製作，當然是實力保證
第一次黎依間餐廳已經好有驚喜！見佢最近推出鴨胸系列，點左京式烤鴨puff pizza。係一個非常酥脆美味嘅Pizza，餅底真係好特別，係好多層嘅酥皮，好鬆化。
鴨肉分量幾多，仲有青瓜同芝士添。
即刻影低佢哋餐牌，有其他puff pizza選擇， lunch或者下午茶，黎個Pizza飲杯咖啡，相信會超級正！
佢哋嘅gelato都好味，好似係每日新鮮製造，而且每日供應嘅口味可能都有唔同，要留意番當日嘅餐牌。貪得意揀咗生日蛋糕味gelato, 都幾得意，口感比較creamy，有少少似棉花糖同蛋糕味。
Follow me on IG@camera_eats_1st for more food posts.
另一間加拿大過江龍
Crepe Delicious 都係嚟自加拿大㗎，曾經喺加拿大生活嘅人一定認識呢間食店。初初對呢間食店期望唔係太高，因為之前喺加拿大食過覺得麻麻地。唔知香港嘅水準係點呢？
呢度嘅Lunch set 唔錯，價錢包括餐湯(我光顧當日嘅餐湯係南瓜湯)、主菜 (四選一）、同埋飲品。想叫甜品就要加錢喇。午市套餐只限星期一至五供應。
▫️腸肉蘑菇酥皮薄餅 (午市套餐價：HKD118)
第一次食酥皮薄餅，上枱時塊薄皮已經切開咗四件，方便進食。酥皮薄皮好鬆脆，一點油膩感都冇。好多腸肉+蘑菇呀舖滿晒喺薄餅上面。咪睇佢細細塊，食完都幾飽㗎。
▫️甜品我哋加錢叫咗份 「紅茶匯聚法式可麗餅」(+$58)
甜品單點要$88，跟午市套餐加錢點只需$58，份量一樣所以覺得幾抵食。
加錢叫甜品嘅原因係一場嚟到冇理由唔食佢哋出名嘅crepe嘛😝可麗餅非常重蛋味，我仲食得出有香濃嘅茶味呀。原來呢份甜可麗餅跟一球品牌自家製意式雪糕呢。
▫️經典意式肉丸 (HKD88)
兩份午餐實在太多喇，於是散叫咗一份小食。6大粒意式肉丸上面放咗好多芝士再加埋肉醬一齊焗，勁cheesy😋
美味的薄餅配冰鎮啤酒！ 💖🏃♀️⛰🏃♀️⛰💖
好地方，乾淨，質量好的薄餅
這次在利東街覓食，看到有家吃可麗餅的專門店，還有主食供應。店舖共有兩層位置，環境簡約挻舒服😚。餐牌上大部分食物也是自家製😍，另一推出了新產品🤤。
–
💥四重芝士菠菜 HKD$98，用了四款不同口味的芝士/菠菜/蘑菇製成。薄餅外皮用酥皮製成，口感酥脆煙韌🤤。剛剛做出來還可做到拉絲效果😍，味道雖然簡單，但很喜歡吃這個特別的薄餅😎。
–
💥黑松露雜菌意大利飯 HKD$108，用黑松露/野菌/巴馬臣芝士製成。裡面的野菌份量十足，所以口感更豐富
😋。黑松露味濃郁，意大利飯口感煙韌，吃完這個很飽肚😆。
–
💥飄雪冬碟 HKD$98，用玫瑰味可麗餅/日本白桃/紅薄製成，面頭有玫瑰鮮奶油/白巧克力片/巧克力蝴蝶/紅莓醬，夾層有吉士醬。可麗餅的賣相很吸引😍，用來打卡和吃也是不錯的🤭。忌廉微甜不會感到膩，因為是微糖配方，可以吃得健康點💕。
–
另外我們點了熱朱古力咖啡和Gelato Shake的朱古力口味。咖啡有美美的心型拉花😍，咖啡味道濃郁挻好☕。用Gelato做的Shake味道不會很甜，朱古力口感幼滑🥰。食物質素不錯，價錢中等。
利東街相信大家都唔陌生，番新左之後有好多好嘢食喺入面🤩🤩🤩今次自己一個過去想靜靜地食個lunch享受下me time，就嚟咗利東街入面嘅呢一間食法國可麗餅嘅餐廳啦🥳
舖頭一入到去感覺好chill,好有喺外國嘅味道🥳原來佢有兩層，我上咗上一層坐，又有卡位🥳地方寬敞坐得好舒服🤩🤩🤩
今次叫咗一個鹹嘅可麗餅同埋一杯咖啡，加埋都係$150左右，chill吓來講都唔算好貴！
甜嘅可麗餅甜品大家就聽得多，有冇諗過可能餅都可以鹹食呢？今次我就叫咗呢一個芝味三文魚可麗餅🥰🥰🥰脆脆嘅可麗餅皮，裏面有勁多三文魚同埋芝士粒粒，重點係仲有我最愛嘅牛油果同埋菠菜🥰🥰😍😍😍所有嘢配埋一齊10分完美🥳佢仲要勁足料，冇食一啖都食齊晒咁多樣配料🥳🥳🥰🥰絕對抵食！
當然唔少得嘢飲啦！叫咗杯ice latte,味道正常啦！
利東街活化左之後
開咗好多唔同嘅餐廳
今日就試咗依間
專食法式薄餅嘅Crêpe Delicious
餐廳有兩層，裝修幾有美式風格
嗌咗紅茶匯聚同紅粉佳人
前者可以配埋一球意大利雪糕
咁我就揀左藍莓芝士蛋糕味
酸酸甜甜嘅雪糕配埋紅茶吉士
同法式薄餅嘅味道好夾
另外嘅紅粉佳人擺滿荔枝同紅桑子
生果食得出係新鮮唔係罐頭貨色
粉紅色餅皮仲有淡淡嘅莓香
賣相吸睛，味道又清新
唔係一般地方可以食到既口味
整體味道唔錯，口味又多變化
鐘意食法式薄餅既可以一試！
味道好，口味國際化
灣仔囍帖街見到呢間餐廳，被門口嘅雪糕同曲奇吸引咗入去。
入到去原來仲有樓上一層，好開揚，環境好舒適。原來除咗甜品，Menu仲有好多款主菜可以揀。
Double Red應該是招牌菜，顏色好sharp, 無論影相同口感味道都好正，pancake薄薄幾層，口感煙靭，加上新鮮士多啤梨．紅係有質數嘅甜品，值得一試。
Chocolate Forest 朱古力好香濃，最喜歡食呢種雪糕，好creamy好香滑。
Coconut Gelato椰子香味，唔太甜…好味。
Pink Lady係士多啤梨奶昔，面層加上軟滑嘅忌廉，Yummy
前日陪朋友去行街，行行吓開始想食下啲甜品，就去咗呢間Crepe Delicious食Sweet Crepe同飲Milkshake啦！
💜Purple Mochi 情奏紫糬 $98
呢個Crepe嘅中文名好靚，於是我地兩個女仔就忍唔住揀左呢個啦。加上我本身都超級鍾意食麻糬，見到呢個英文寫住Mochi，即刻超期待呢款。Crepe上面有好大球紫薯味嘅雪糕，旁邊淋上紫薯醬同埋紫薯粉，紫薯味勁香濃。Crepe中間夾住牛奶麻糬，口感豐富。
🍰Mango Gelato Napoleon 芒雪千層 $88
拿破崙中間夾住厚厚嘅芒果味Gelato，味道酸酸地，唔會太甜，好好食。層層嘅酥皮配上軟滑嘅Gelato，口感一流。旁邊嘅芒果醬同芒果粒都好好食，更加加強左呢款甜品嘅芒果味。
🍠Purple Sweetie Gelato Shake 紫薯意式雪糕奶昔 $58
灑上紫薯粉嘅忌廉嘅紫薯味已經好濃，攪勻落下面嘅奶昔後，成杯飲品嘅口感非常Creamy，奶香十足。
🥭Mango-go 芒果意式雪糕奶昔 $58
飲落係好天然嘅芒果味，上面嘅忌廉好滑好有奶味，成杯奶昔味道酸酸甜甜好清新。上面有少少芒果粒，啲芒果粒就酸少少，比較適合攪勻埋落去杯奶昔入面飲。
食完甜品感覺好滿足啊，仲好飽添！
這法式甜點店位於灣仔囍帖街中，環境舒適乾淨，跟好友相聚，過來吃個下午茶，度過一個悠閒的下午。這裡以法式可麗餅為名，主打當然是可麗餅。另外還有很多法式甜品。
芒雪千層
芒雪千層蛋糕切好長方形狀，中間夾心是芒果味的意大利雪糕，雪糕入面以芒果果肉製成，不是人造果汁的味道，酸酸甜甜，開胃非常。伴盤的佈置精緻，旁邊有新鮮的芒果果肉及脆脆的蛋白小餅，再塗抹上芒果醬，色彩鮮艷，很吸引。
紫薯意式雪糕奶昔
飲品方面，來個雪糕奶昔。紅粉菲菲，夢幻非常，帶少女情懷的粉紅色，手機先吃，先打打卡。以北海道牛奶及紫薯雪糕打製而成的奶昔，嚐到啖啖的紫薯香氣，本身日本的奶脂含量高，所以牛奶味道醇厚濃，上面擠上忌廉，灑上紫薯粉及淋上紫薯醬，十分澎湃。
利東街呢條街佈置得好靚，間唔中都同囡囡嚟打下卡，行到攰同佢去咗 Crepe Delicious食個下午茶。
店舖座位好舒適，有兩層，我哋坐喺上面嗰層，氣氛輕鬆，店員也很nice。
💜Purple Mochi 情奏紫糬 $98
粉紫色紫薯為主題既甜品，賣相好靚。一球粉紫色嘅紫薯大利雪糕喺可麗餅上面，可麗餅包住軟糯嘅麻糬同紫薯蓉，紫薯味超出。
💜Purple Sweetie Gelato Shake 紫薯意式雪糕奶昔 $58
紫薯味勁濃郁，又香又滑。
🥭Mango Gelato Napoleon 芒雪千層 $88
拿破崙酥皮中間夾住芒果味Gelato，味道微酸不會過甜。 酥皮好香脆，碟邊仲有啲芒果粒粒
🥭Mango-go 芒果意式雪糕奶昔 $58
天然芒果嘅香味，奶味濃郁，好creamy。
臨走仲買咗餐廳嘅 @cookieboyhk 美式曲奇返屋企慢慢品嚐。
手工製作嘅曲奇，不加防腐劑，新鮮製造。 有11種味道可以挑選，例如有蘋果批味，藍莓鬆餅，朱古力，花生醬，燕麥提子，白朱古力果仁，宇治抹茶及咖啡合桃等等。
我最鍾意咖啡合桃，咖啡味道香濃，仲有合桃果仁香。
大家都可以買嚟試下❤️
那些年去過法國留學後🇫🇷，一直對Crepe 念念不忘，就連最簡單的Nutella Crepe都已經覺得是甜品界的極品，這晚就來到位於灣仔的法式可麗餅專門店 Crepe Delicious 重拾法式風味🥖。
情奏紫糬 $98
期間限定紫薯可麗餅新款式，配上一大球紫薯雪糕🍨，餅底是法式薄餅的靈魂，這款Crêpe厚薄適中，口感煙韌，裡面夾滿新鮮手打的日本紫薯忌廉及QQ彈韌的麻糬粒🍡，帶有天然粉糯的紫薯甜香，甜度亦不會過高🍠。
焗混芝士薯條 $78
芝士與肉醬向來是天衣無縫的配搭，表面舖滿澎湃焦香芝士🫕，每條炸得金黃酥脆的厚切薯條都沾滿拉絲芝士，芝味無窮，肉心軟綿細密🍟。
瑪格麗特 $88
長青不敗的經典口味Margherita材料非常簡單，蕃茄醬汁🥫配上柔軟香滑的Mozzarella及水牛芝士，灑上羅勒葉作點綴🌱，pizza餅底變成爽脆蓬鬆的酥皮🥐，不像普通pizza般厚實，入口更有層次感，牛油香氣濃盛🧈。
店內還有曾任香港 JW 萬豪酒店行政糕餅總廚 Ryan Zimmer 👨🍳主理的美式手工曲奇 Cookieboy，每日新鮮製作🥣，不加防腐劑，而我這個朱古力迷最愛的當然Double Chocolate Chunk，裡面夾雜著粒粒朱古力，美式曲奇質地偏向軟身🍪，外層鬆化脆口，內裏則是濕潤並柔韌的口感，雙重朱古力散發深醇濃郁的可可韻味🍫。
今天來這裡吃晚飯，這是薄餅浪潮🌊嘗試了他們的意大利面，也嘗試了主菜，但我們更喜歡他們的配菜。總的來說，是一群朋友聚會的好地方！
評分：7/10
地點：灣仔
/
下午茶時間經過利東街，係門口見到依間有gelato而且入面好似坐得幾舒服，所以就同左朋友入去試吓！
入到去先發現原來依家唔係淨係食甜品，仲有Pizza意粉ribs果啲食，選擇好豐富不過今日就係過下口癮，所以嗌咗甜品算。
試咗佢春季限定嘅情奏紫糬（$98），大大個紫薯gelato已經好吸引，幾鍾意呢度嘅雪糕滑得黎又唔會好甜，一入口就食到紫薯味，味道又唔假。可麗餅入面有用紫薯整成嘅cream同原味mochi，味道夾得黎口感都特別啲。
芒果千層（$88），呢個好有驚喜因為個陷係芒果雪糕黎，依間個雪糕係芒果味好重，奶味偏少，所以好fresh！而個千層就用酥皮整成，酥皮牛油味好香，配埋酸酸地嘅芒果雪糕幾好食。
值得一提嘅係依度仲有曲奇餅賣，軟曲奇黎，口味都幾多元化，口感鬆軟，買番屋企食都幾唔錯。
依間甜品舖都充滿驚喜，推介！
Nice French crepe x Italian Gelato
♦️Purple Mochi 情奏紫糬 $98
擺盤嘅忌廉花花唧得好靚，唔捨得食
餅皮軟熟薄身，餡料嘅紫薯蓉好香，mochi煙韌，配埋意式紫薯雪糕，口感豐富
♦️Mango Gelato Napoleon 芒雪千層 $88
拿破崙層次分明，酥皮脆又薄，一咬即碎，夾上兩層芒果雪糕，冇傳統拿破崙用吉士咁甜膩
Beverage 飲品
♦️Purple Sweetie Gelato Shake 紫薯意式雪糕奶昔 $58
紫薯味好香，奶昔濃稠度適中，飲落好滑
Mango-go 芒果意式雪糕奶昔 $58
奶昔用芒果gelato打成，好有誠意，加入左芒果醬同芒果粒，賣相、味道更佳
Sweet Delighted Crepe❤️ in Lee Tung Avenue💫
.
.
呢間Crepe Shop🍴 之前係旺角MOKO 吃過覺得不錯，今次黎到灣仔利東街🏮，想舒舒服服食個tea，當然又黎左呢間。
雖然店舖不大，但樓高2層，望返內行園利東街景，係店內食飯都感覺好舒服。而且Menu 多元化，選擇很多一定能滿足你個胃。趁住午後，就分享點選左2款Crepes & 2 杯Coffee☕️。
l[Double Red Sweet Crepe]l $88
雙紅吉士
食Crepe 個人更喜歡吃甜。而呢個更是滿滿少女心😍。 Slice strawberries, raspberries, vanilla custard topped w/ strawberries sauce，砌成一個勁靚藝術品。用上鮮莓🍓 一層層鋪上真係好靚，而Custard 不太甜，又治癒又好味既甜點。
l[The Cowboy Savoury Crepe]l $118
牛仔部落
另一款咸點亦不錯，皮帶點脆口，而內裡滿滿餡料🐮。Roasted beef, butter letture, stir-fried onion, Mozzarella cheese topped w/ tuna sauce. 同樣豐富又滋味。
最後2杯滿香濃既Coffee☕️，l[Americano Coffee]l $32 & l[Mocha Coffee]l $35，為呢個下午茶劃上完美句號。下次黎Lee Tung Avenue 可以再試試喔。
.
.
×××[Crêpe Delicious]×××
©灣仔皇后大道東200號利東街地下G26及F26A號舖
.
.
我們吃的晚餐很有趣，食物很好，強烈推薦披薩，脆皮是其中一種。
走到充滿喜慶日子嘅利東街，經過呢間甜品店門口有雪糕、曲奇餅櫃，好吸引💕好有小時候既雪糕屋感覺🍨。剛好是下午茶時間同媽媽入去試吓。
餐廳有兩層，上層透光感覺比較relax
睇睇menu除左甜品仲有小食、主食，仲有combo set~ 不過本身係比雪糕櫃吸引左，所以都係點甜品啦！
睇店名就知呢度主打Crepe，有咸有甜既做法，咸的有d似sandwich，薄薄既班戟皮包住牛肉、牛油果雞肉等餡料。
而甜的，有配上鮮果或雪糕。
媽媽係紫控，一見到《情奏紫糬》就決定好了。
我無寫錯㗎，係麻糬既糬，呢個crepe係由紫薯、麻糬做出嚟嘅。
最上層係一大球紫薯gelato，低脂既gelato，口感綿密，可以盡情食～
班戟皮包住紫薯蓉、煙煙韌韌既麻糬，整份甜品好香紫薯味!
點埋紫薯意式雪糕奶昔先係絕配！！
同樣用上紫薯gelato雪糕跟鮮奶攪拌成奶昔，既香又滑溜。
我一向有選擇困難，經店員介紹點了每日限量20份既芒果千層。
係Napoleon 既做法，千層酥皮夾住用呂宋芒自家造既芒果gelato。我地影左好耐相，不過酥皮依然香脆，gelato部份都唔會好似普通雪糕咁溶，hold得好好。芒果Gelato 既甜酸度比例剛好，跟酥皮一齊食酸酸甜甜香滑既口感，加埋香脆酥皮，整體有層次。
有芒果甜品要配埋杯Mango-go先夠prefect match!! Mango-go 同樣係用gelato打成奶昔，幼滑得黎酸酸地唔會好膩既感覺。
走既時候我地都揀左d 自家美式cookies 試下。 十多款味道，我地買左6款$100。
最中意係blueberry muffin,有燕麥、藍莓乾，比較有口感。另外Uji-matcha 好有茶香仲有d紅莓味道，好香脆。
呢間餐廳採用新鮮入口原材料，提供多款甜鹹可麗餅🥞仲有小食同沙律、反傳統嘅酥皮薄餅、意粉同飯類☕️
💗芒雪千層($88)
酥脆嘅拿破崙先雪藏至少24個鐘，再烘焗大約1個鐘以上🧈以自家製芒果Gelato作夾層，味道偏酸冰涼🥭面層擠上綿滑嘅忌廉，伴碟仲有鮮芒果果肉、紅桑子同蛋白餅脆脆🍒
💗紅茶匯聚($88)
班戟漿由加拿大直接進口，餅皮厚薄啱啱好，食落軟熟煙韌，蛋味香濃。以幼滑嘅紅茶吉士作餡料，啖啖清幽嘅茶香🫖搭配朱古力脆脆同焦糖醬，口感大增🍫伴食焦糖Gelato，入口帶微苦酒香🍨
💗士多啤梨意式雪糕奶昔($58)
以低脂低卡嘅新鮮士多啤梨Gelato🍓加入3.6 北海道牛奶製成嘅奶昔，味道香甜自然，大量忌廉令質感更順滑🥛
💗芒果意式雪糕奶昔($58)
以新鮮芒果Gelato製成嘅奶昔奶香味十足🍦飲落酸甜適中，芒果味真實，質感細膩🥭
下晝同朋友去到喜貼街附近見到開左間專食crepe 大家宦係甜品控就二話不說入左去啦
我地叫左個甜可麗餅 情奏紫糬-呢個口味好創新 未係其他地方食過 除左紫薯醬仲有紫薯蓉 仲要不惜工本好多 基本上兩個女仔share 都夠 仲有紫薯gelato 好香唔會太甜太漏
芒雪千層-賣相極好 我同朋友都好驚歎 份量好大 係兩大舊拿破倫 個皮好脆 平時食開係吉士醬 估唔到配gelato 一樣夾
飲品 叫左兩杯 分別係
紫薯意式雪糕奶昔-好濃好好飲 好飲到一口氣飲左大半杯 紫薯味香到呢 用埋gelato 打出尼 超香奶味
芒果意式雪糕奶昔-好靚 濃到feel 到好足料 同朋友都好喜歡
我吃了叫 Tea Break 的甜薄餅（紅茶蛋奶凍配碎塊和焦糖醬），它很美味，清淡新鮮的紅茶奶油，而且不太甜。焦糖冰淇淋是一個很棒的組合。
Best Crepe in the town!
Tea break crepes ($88)
茶味香濃 不會過甜 crepes 質地煙韌 再配上caramel 醬
每個crepes 都配揀一款 gelato 任你選擇 我就揀左strawberry 同 banana 口味
Strawberry 帶點甜酸的感覺 配上crepes 非常清新 每球份量都好大
Roasted spring chicken with French fries 🍟
一上枱就香氣撲鼻 熱辣辣 新鮮焗起 切開有雞汁 啖啖肉 外皮夠脆但不油膩
質地軟熟 不會過老
薯條份量多 咬落有薯味 會忍唔住食多幾條😛
服務員態度：“你的用餐時間爲75分鐘，你入來的時候沒人告訴你嗎？”
下午時、外面人不太多。 我朋友因塞車遲到，我先到樓上，叫了一杯咖啡等。等到差不多20分鐘，服務員【LoLo】過來大聲説：“先生請你叫餐，我們限定時間爲75分鐘”。當時我非常驚訝，因爲之前沒有任何標題或寫明進餐時間爲75分鐘，所以我問：“請問在哪裏寫明的？”。服務員說：“你進來的時候沒人告訴你嗎？” 當場全部人望住我和她的對視。當時在進餐的外國人並沒有遭到這樣的待遇，難道本地人就要受到這樣的對待嗎？ 以後不再回來！
在美麗的李東大道上有美味的冰淇淋，涼爽的氣氛和樓上舒適的座位，2 勺 48 美元，如果你貪吃的話 3 美元 58 美元 哈哈 芝士蛋糕冰淇淋很豐富而且很好吃，焦糖很驚訝，香蕉就像班諾菲 😛
灣仔利東街有一間主打法式可麗餅的西餐廳「Crepe Delicious」, 我被他們的可麗餅吸引而來。
可麗餅全部即叫即製，有甜和鹹的選擇， 口味各有特色。我們在鹹的Savoury Crepe選了「Hokkoaido Scallop 日本北海道帶子」$138，帶子鮮甜爽口，內裡餡料有蟹肉及芝士等等，超惹味。甜的選了賣相一流的「Pink Delight 粉紅佳人」$88，配搭用了士多啤梨、紅莓及荔枝，色彩繽紛，味道層次豐富，香、甜和酸混合在口腔內，很美味，值得前來一試。
另外Puff Pizza「Yo！Margherita 瑪格麗特」$88
Pizza底酥脆可口， 番茄醬汁及四款不同口味的芝士混合一起非常惹味，他們的薄餅也真錯。
今日去到Crepe Delicious食個afternoon tea，感覺真係喜出望外。
首先，位置方面真係十分方便，店舖正正位於灣仔利東街嘅入口，喺地鐵站行過去都只不過係2分鐘嘅路程。店舖嘅地方都幾大一共有兩層，今次我哋直接上咗2樓嘅卡位坐。佢個樓底好高，環境10分舒服而且又唔會有壓迫感，呢一點必須讚一讚。
今次我哋點左一個crab avocado salad 作為鹹點，由於我哋本身只係一心想食甜點，誰不知見到隔離枱嘅主食都相當吸引，忍唔住叫咗嚟食，佢個份量都幾大，蟹肉亦都非常足料，再加上牛油果同蕃茄嘅配搭整體感覺同味道都非常之唔錯。
隨後我哋點嘅Double red crepe同兩杯Milkshake都到齊。今次我哋叫咗一杯紫薯味同一杯士多啤梨味。兩杯milkshake 都好好飲，紫薯味同士多啤梨味都好出。至於個double rep crepe，佢係由士多啤梨同紅桑子兩種水果去整，再配上吉士醬，好有滿足感。值得一提嘅係佢個皮，因為我之前都食過好多crepe，而呢個皮底比較有少少煙韌，對於我呢啲鍾意有口感嘅人真係一流。
而家佢哋仲做緊食物買三送一嘅優惠 （最平嗰樣免費），買任何食物仲可以以半價換飲品，兩個優惠可一齊使用添！同幾個friend黎食會好抵食！
「海面折射了星辰，描繪遠路的指引。」
眼見香港愈黎愈多過江龍黎到香港分一杯羹，
就連加拿大既法式可麗餅專門店品牌
「Crêpe Delicious」都係灣仔最浪漫既
利東街，誓要掀起港人對法式班戟既熱誠！
而且佢地既班戟全部都係原材料直接由
加拿大進口，加上有成兩層咁高瞬間
成為打卡熱點，基本上已係人生贏家！👇
–
📌Savoury · Crepes –
▪ The Smoked Duck · Savoury · Crepes – $118
▫ 法式班戟最獨特之處就係鹹甜兩可，
呢款新推出既「煙燻鴨胸·鹹可麗餅」
絕對係必食之崸。當中餅裡面加左主角
煙鴨胸外，仲有意大利青瓜、水牛芝士、
紅洋蔥、蕃茄乾，食落集合幾種唔同口感，
層次突出；加上鴨胸肉香十足，質感唔韌；
配搭薄薄既餅皮，蛋香瞬間爆發。
–
📌P i z z a –
▪ The Peking Duck · Pizza – $108
▫ 另一款人氣「京式烤鴨·酥皮薄餅」，
將中西融合當中，大廚先自家製酥皮做底，
再將中式既鴨胸肉配搭秘製京醬，兩者
夾埋一齊食，份外惹味。而鴨肉一入油香
豐腴，加上底層pizza既酥脆，口感相當特別！
–
📌D e s s e r t s –
▪ Panna · Cotta -$48
▪ Strawberry · Gelato – $38
▫ 甜品方面都有驚喜，前者「意 式 奶 凍」
以小瓶子盛載，賣相吸引；雲呢拿mousse
入口夠哂幼滑，紅桑子味好突出，唔會太甜，
食得過；而後者「意 式 雪 糕」口味選擇
好多，我揀左我最鍾意既士多啤梨，
味道相當正宗！
–
📌D r i n k s –
▪ Iced · Mocha – $38
▪ Lychee · Peach Soda – $38
▫ 最後飲品揀左「朱古力·咖啡」同埋
「荔枝·蜜桃梳打」，鍾意mocha既你
一定要試；而梳打蜜桃甜味夠突出，加上
冰凍既感覺，又可以解膩，亦係唔錯既選擇。
–
📎 Crêpe Delicious · Urban Cafe
📍灣仔皇后大道東200號利東街地下G26及F26A號舖
Crepe Delicious係正利東街，今日就黎食番個早餐。黎得呢度梗係食Crepe啦。今日就揀左個吞拿魚Crepe，餡料好似平時啲吞拿魚三文治，有吞拿魚碎，又有半溶芝士，當然唔少得生菜、番茄呢啲，外面當然係煙韌嘅Crepe。
整體件Crepe味道豐富，口感煙韌，真係食到停唔到口🤩。
另外點左被檸檬蘇打，口味清新，朝早嚟個refreshing嘅開始。
餐廳有兩層，位置闊落，一到中午時份就超多人。另外仲有甜品，下次再試。
舊喜貼街經重建後前幾年開始已經變成今天既有特色又漂亮的行人街，晚上大紅燈籠亮燈時，充滿浪漫喜慶氣氛，很適合拍拖。
Crêpe Delicious位於步行街中間位置，上下兩層，餐廳時尚、簡潔、舒適。
Chorizo Supreme 西班牙辣肉腸，混和了Cheddar cheese, Mozzarella Cheese and Buffalo Cheese, 三種芝士和蕃茄醬溶為一體，伴隨車喱茄和西班牙腸，味道香濃，最特別的是它的餅底是千層酥皮，真是忍不住嘴巴的邪惡。
Hokkaido Scallop 日本北海道帶可麗餅，這個是招牌出品，可麗餅裹著生菜、蟹肉Mozzarella Cheese，香濃柔軟鮮味，餅面三粒用牛油煎封的帶子，鮮甜好味。
Double Red 雙紅吉士，可麗餅鋪上士多啤梨和紅莓和香滑的吉士醬，賣相超棒，漂亮得不捨得吃。
灣仔法式可麗餅😎
呢間係位於灣仔利東街 個日約左朋友 唸住傾下計 所以就揀左呢間黎食啦～
Purple Mochi 情奏紫糬 $98
呢個啲麻糬超足料 每一啖都有一粒 加埋紫薯cream 幾好食 不過如果無咁甜同埋紫薯cream有少少紫薯粒會更加好味同埋更有口感更有層次及豐富😍
Mango Gelato Napoleon 芒果千層 $88
呢個係一個類似拿破崙既甜品🤓 中間夾住左芒果雪糕 好凍🥶🤣 呢個係個酸酸甜甜既芒果味既甜品
Purple Sweetie Gelato Shake 紫薯意式雪糕奶昔 $58
Mango – go 芒果意式雪糕奶昔 $58
兩杯我地都覺得甜 但紫薯味都幾濃 鍾意紫薯又係螞蟻人嘅應該會好鍾意❤️
法式可麗餅好難找到一間我鐘意的，不是過於焦，又做得不夠焦，要表面煎得啡色兼少少脆口，口感又要軟腍，哈哈….真難！
今日朋友帶我到利東街呢間可麗餅專門店，保証我滿意。
有鹹食，也有甜食，種類選擇多。
Tea break
看似好甜，原來不是啊！
餡料是紅茶吉士，有清淡的茶香，焦糖醬，朱古力脆脆作為點綴，整體甜度啱啱好。
配以青檸味gelato ，酸酸的味道好開胃。
Mango-go
混入gelato打成的 shakes shakes，沒有一般的膩喉，味道幾清新，好飲！
終於找到我心目中的可麗餅專門店了。
今日同媽咪去利東街買野😍經過見到之前係外國食過嘅意大利雪糕😋又餓餓下就入左去食個tea🤩店面已經好有外國風情🥰裝修都係型格為主🤓👍🏻
睇下餐牌有唔少主食同甜品😍好多都超吸引🥰我地決定叫佢地嘅期間限定甜品款式試下😋全部飲品同甜品多數都用低脂嘅Gelato 做🤩甜品控必食😍
情奏紫糬🍠
可麗餅上面有一球紫糬雪糕😍食落唔算太甜，有濃濃嘅紫糬味🥰可麗餅入面包左日本紫薯cream同麻糬😋😋口感好好👍🏻
芒雪千層🥭
口感好似食緊芒果拿破崙，食落蘇皮好香牛油味，同中間嘅芒果雪糕好夾😋甜甜酸酸咁👍🏻
紫薯意式雪糕奶昔
紫薯奶昔上面係滿滿嘅雲尼拿cream，加上用紫薯雪糕拌一齊飲好滑好香🤓
Mango-go
E杯係芒果控必點，通常出面飲芒果飲品會覺得味道好假，但黎e道一定唔會比到e個感覺你😆因為飲落真係啖啖芒果嘅感覺🥳
整體來講，全部甜品都唔會過甜🥰食完好滿足呀👍🏻
Gelato’s Night
遊完古蹟後，我和朋友都想吃甜品，記得之前吃過一次crep都不錯，所以再帶朋友去另一間crep專門店！
位置：在著名的旅遊景點—利東街座落。
環境：門口以耀目的紅色作主打色，掛上紅燈籠，內有兩層，底層有吧台和出菜位，上層則有卡位，坐得舒服，藍色皮座位配大理石桌，有高樓底和玻璃窗，可望紅燈籠景色！
服務：送上菜單的時候，侍應都會推介餐廳受歡迎的項目及哪些特式菜！亦主動幫我們換餐具吃甜品，服務周到！
晚市：smoked salmon Toast pc $98
我們見此是招牌菜，亦點叫了一客！一份共有四塊，每塊多士上舖有厚厚的芥末豆腐醬，上面則是煙三文魚和切粒蕃茄，咬一口就感到濃厚的芥末味，幾乎蓋過其他食物的味道，所以豆腐醬舖得有點太多，底層麵包經烘乾，非常鬆脆。
Mango Gelato Napoleo uni $88
由此店獨創的軟雪糕拿破崙，共有四層，芒果軟雪糕和鬆餅梅花間竹地排列，上面有忌廉和芒果粒點綴，可惜咬一口就感到牙痺，因為雪糕實在很冰凍，加上當日天氣正踏入春季，不熱不冷，所以此甜品在
夏季品嚐會更好，一口透心涼！
Purple MoChi pc $98
我很喜歡此甜品，你絕對想不到糯米糍和可麗餅是可以如此配搭，而且味道和口感都一流，很有嚼勁，再點紫薯雪糕，增添風味！
Mango-go unit $58
這杯芒果奶昔比紫薯來得清新，亦是跟軟雪糕拿破崙出自相同的食材。上面一層忌廉打得厚，又軟綿，是我的至愛！
Purple Sweetie glass $58
其實兩杯奶昔的賣相是一流，紫薯味道是淡淡的，不過其實這樣喝和吃都是軟雪糕，真是會有點過膩！
之後看到有曲奇餅，亦買了不同的口味，有宇治抹茶味，曲奇面有幾粒紅豆，通常是配搭抹茶的選擇，口感鬆軟，味道屬於偏甜！
—
利東街d餐廳都裝修得好雅致
環境相對地舒服 傾計影相一流
Tea break // 紅茶匯聚($88)
Black tea custard and crumbles topped with chocolate chips and caramel sauce, served with daily gelato
餅皮煙韌富彈性 搽滿紅茶吉士
茶味香濃不甜膩 灑上脆酥增加口感
青檸雪葩 清新酸酸哋 好refreshing
Coconut coma // 椰焦風情($58)
gelato椰香濃郁綿密 scoop都幾慷慨
椰子啫喱?! 滑溜q彈 表面有灑上椰絲
Pack of mixed cookies($100 for 6pcs-45g)
Apple pie / chocolate chunk / macadamia white choco / peanut butter / red velvet /
Uji matcha
同Cookieboy有collaboration
可以直接喺鋪頭買到handcrafted cookies
拎上手幾有份量唔會鬆散 好啱做下午茶小食
———————————————————
Crêpe Delicious (Urban Cafe)
灣仔皇后大道東200號利東街地下G26及F26A號舖
Tea Break Crepes☕️ ($88)
依度嘅crepes有好多唔同嘅味道選擇，甜同鹹都有。我揀嘅依款入面有好多紅茶吉士，紅茶味超重，有一種好清新嘅感覺，仲有啲crumbles增加口感。可以自選一球gelato😍，我揀咗Tiramisu味，食落去比一般雪糕煙韌，同crepes好夾。crepes皮又薄又煙韌，一切開有爆漿effect。
.
BBQ Pulled Pork Pizza🐷🍕 ($108)
Pizza底係酥皮嚟，酥皮鬆脆而不油膩，上面有好多拉絲水牛芝士同車打芝士，BBQ手撕豬肉煮到好腍，仲有啲好refreshing嘅青椒紅椒，好食！
.
Cappuccino & Latte☕️ ($35)
咖啡意想不到嘅高水準，兩杯都有靚靚拉花，咖啡味香濃，入口順滑。
喺灣仔利東街做新開咗一間cafe裏面咩嘢食都有嘅有主要係食crepe 意粉pizza西餐雪糕咖啡樣樣都有 我今日就揀咗一個crab cake嚟食 蟹肉真係好多牛油果又係好多份量好多價錢唔算貴 crepe嗰方面我就揀咗個甜嘅 佢配咗一球雪糕都係自家製嘅好新鮮好好味裏面有好多apple crumble 價錢方面都唔算太貴店員都好親切有禮識講英文 座位都算多重寬敞篇食嚇都唔少呀 因為食嘅嘢主要都好有質數 最後買咗佢啲曲奇嚟食有好多種口味曲奇外 脆內軟 買嚟送畀朋友都啱曬
今日同朋友去完銅鑼灣shopping，就近近哋過咗灣仔搵嘢食😋，經過利東街發現原來有間加拿大開過嚟嘅crepe店，鍾意食甜嘢嘅我哋都一致認同要入去幫襯下😛
————————————————————————
🔸 情奏紫糬 $98
一心諗住食甜crepe嘅我哋喺店員嘅推薦下，嗌咗佢哋最新出嘅紫薯mix麻糬crepe😆
首先佢嘅賣相好igable，淡淡嘅粉紫色紫薯雪糕擺喺crepe上面，仲要大大球，食落紫薯味好濃郁😌 切開入面仲有幾舊唔細嘅麻糬，將雪糕、crepe、麻糬同cream夾埋一齊食，真係好邪惡好滋味😍
🔸芒雪千層 $88
估唔到呢度除咗食crepe之外，仲有得食拿破崙😚，我哋嗌多咗個芒果拿破崙食！以為啱啱嗰個已經好打卡able，點知呢個仲靚🤤
兩件大大份嘅拿破崙，入面夾住芒果雪糕，超厚😳 佢嘅酥皮食落超級酥脆，同埋個酸酸甜甜嘅芒果雪糕食又幾fresh，又唔太膩👍🏻 不過唯獨是係切嘅時候切到啲酥皮好碎，進食時有啲呢hea🙊
🔸 紫薯意式雪糕奶昔 $58
嗌得紫薯crepe，點可以唔嗌埋杯紫薯奶昔呢😚 又係超大杯，面頭擠咗超豐富嘅cream😆 飲落似以前喺韓國cafe飲到嘅紫薯牛奶，甜度剛好，杯身仲用咗紫薯醬營造左掛杯嘅效果，打卡一流🤤
🔸 芒果意式雪糕奶昔 $58
而朋友都唔執輸，跟我嗌咗杯奶昔，不過就係芒果味，佢話配合返個色tone喎🤣 芒果奶昔同樣面頭都好多cream😛 飲落就比紫薯奶昔更加清新，酸酸甜甜咁，面頭仲有唔少芒果肉，食完啲邪惡嘢飲番啖就啱啱好啦😀
總括而言，呢間crepe店都幾推介鍾意食crepe嘅朋友仔食，雖然係第一次食，但已經覺得個紫糬crepe可以再去encore🤪 鍾意食麻糬嘅你一定要去試試🙈 餐廳有兩層，環境幾唔錯，坐二樓窗邊位置仲可以望出利東街，幾chill幾唔錯🤤
可麗餅、淺黃色披薩和冰淇淋非常好吃。但是條件和餐具都沒有得到很好的維護，我們的一個水杯內部仍然有污漬，蘇打水的玻璃杯有明顯的裂縫，只是沒有到漏水的程度。
為食妹👧🏻俾呢間紅噹噹餐廳吸引咗😍。
餐廳有上下兩層。呢間餐廳黎自加拿大。
主打有鹹又有甜嘅可麗餅😛。
飛唔到喺香港試下先🤩。
上層窗邊位望到利東街😃。好Relax。
鍾意食甜野嘅我揀咗甜嘅可麗餅😜。
Pink Delight
好靚丫🥰。有d唔捨得食。
呢個crepe有我鍾意食嘅茘枝同berries ☺️。cream好滑。
上面仲有🌹花瓣。啖啖🌹花香。😍大愛。
四重芝士菠菜Pizza~
Pizza食得多。Puff Pizza真係第一次食🤭。
酥皮做得香脆。芝口味濃厚。芝迷like爆😋。
紫🍠意式雪糕奶昔～
滿滿🍠味道。飲落幾香滑。甜咗小小。
呢間法式可麗餅專門店嘅可麗餅嘅賣相除咗非常打卡-able之餘，仲係低卡低脂❗️所以我同鍾意食Crêpe嘅朋友就一於試試佢～
▫️
🔸𝗗𝗼𝘂𝗯𝗹𝗲 𝗥𝗲𝗱 雙紅吉士 $88 🌟8/10
Sliced strawberries, raspberries & vanilla custard topped with strawberry sauce
呢個甜crêpe好靚好吸引🔴🟡，好啱影相🤣士多啤梨切片同紅莓鋪喺crêpe上面，配以雲呢拿吉士同士多啤梨醬，酸酸甜甜但唔會太甜，味道啱啱好，特別欣賞佢哋嘅餅皮，薄得嚟煙韌有口感👍🏻
▫️
🔹𝗔𝗿𝗮𝗻𝗰𝗶𝗻𝗶 𝗕𝗮𝗹𝗹 意式炸芝士燉飯球 $88 🌟7/10
係一粒粒炸咗嘅意大利飯配黑松露沙律醬🤣第一次見呢種煮法❗️味道就係炸粉同意大利飯咁，主要係sell特別啦～
▫️
🔸𝗧𝗿𝘂𝗳𝗳𝗹𝗲 𝗪𝗼𝗿𝗹𝗱 黑松露野菌長通粉 $128 🌟6/10
黑松露味聞落好香濃，食落去就冇咁勁，菇類🍄嘅份量算多，長通粉少少彈牙🤏🏻，面頭仲有一堆芝士片，啱晒鍾意芝士嘅朋友🧀
▫️
整體嚟講幾好，值得一試，crêpe仲可以試其他口味，例如Tea Break！
P.S. 原來呢間法式可麗餅專門店源自加拿大🇨🇦，美國、英國、泰國等國家都有分店！
▫️
🖊食物7/10 環境7/10 服務8/10 性價比7/10
🌕Hello我係Moon🌕
經過灣仔利東街嘅時候發現呢幾年嘅變化真係非常之大，😏有一個舊區活化左一部份成為左一個地標，😚仲要裏面充滿着外國嘅色彩，除咗非常適合攝影之外就更適合注重生活品味嘅人去流連一下嘆一瞬間😳
諗唔到食咩嘅話食甜品當然就係不二之選，🤪又好味又夠飽又多層次，🍰啱晒我呢類為食嘅人，😆⋯今晚就俾我發現到 crepe delicious 就有我鍾意嘅食物同埋飲品所以即管去試吓😋
情奏紫薯，😋頂頭就已經係一球紫薯嘅雪糕，🤪下面就已經係一塊無可挑剔滲透住金黃色香味嘅crepe。😚就咁睇可能冇咩特別但味道確係印象深刻，😏尤其是crepe，😍呈現左好高水平嘅烹飪技巧，🤣裏面包住嘅紫薯實在太濃郁，😇再加上每一啖都充滿着蛋香味。😍其實入面仲有麻薯😉真係令到我好驚喜😍
紫薯意式雪糕奶昔- 😌實在係餐廳一大招牌嘅飲品，😍除咗色澤充滿左紫薯應有嘅顏色之外裏面嘅味道亦都充滿着濃郁嘅紫薯味，😚
Gelato 令到成杯嘅口感唔同晒，🤩呢一個材料的確令到平平無奇嘅奶昔突然之間身價貴咗唔少🥳
芒果千層😉- 鍾意食芒果或者食拿破崙嘅人千其唔可以錯過呢一個亦都係餐廳嘅招牌菜。 😍芒果嘅容量的確唔少，🤩但最特別就係本身拿破崙中間就係夾住好似吉士醬之類嘅醬料，🥳但呢一度採用嘅就係芒果溝濃厚嘅忌廉，😎所以一啖食落去除咗有芒果嘅清新同鮮甜味之外就係拿破崙嘅脆卜卜感覺，🥳呢一個就真係要趁凍食，😤喺咀嚼過程就感受到煥然一新嘅感覺，😳芒果完全係充滿咗甜味而完全感受唔到一絲酸嘅感覺。😎亦都再次印證左芒果同拿破崙係一個非常團結嘅組合😜
🌕最後MoonMoon 非常滿足，亦都對紫薯同埋芒果充滿咗熱誠，😍亦都非常欣賞餐廳對食材嘅執着同埋拋開原始，😇不斷去創新同埋加入新元素落去令到賣相同埋味道都處於上升嘅狀態 🌕