川燒 串燒·酒埸 Chuan Shao Yakitori Sake & Wine Bar

氣氛好熱鬧 !!
今晚約朋友在銅鑼灣食晚飯, 去了 川燒 串燒·酒埸 , 這裡主打串燒物加飲酒, 氣氛好熱鬧.

有格調, 裝潢走日式居酒屋設計. 金黃色的燈籠好搶眼, 日式清酒, 梅酒有很多選擇.
我們食串燒, 點了啤酒 Hoegaarden Draft Beer, 好清涼, 來個碰碰杯 !!

大家睇餐牌, 串燒食材多, 有豬, 牛, 羊, 雞, 也有海產. 可選會刺激味蕾…..辣辣川味.
於餐單內, 各點所好. 牆上黑板有是日時令食材推介. 食物即叫即燒, 師傅在為客人準備燒物.

鹽燒豆腐 ~ 賣相好靚, 燒得表面有焦香, 入口帶豆香, 吃得健康.

燒芝士翠玉瓜 ~ 翠玉瓜爽口加上燒香芝士, 味道更上一層樓.

燒豚肉荔枝卷 ~ 荔枝肉飽滿, 豬油滲透入荔枝, 香口惹味.

燒豚肉生菜卷 ~ 好有創意, 豚肉包住生菜嘅串燒真係第一次食. 豬肉汁及生菜混埋一齊, 味道清新而爽脆, 一啲都唔油膩. 卷面上有沙律醬, 囗感味道真一流.

鹽燒大海蝦 ~ 蝦肉緊緻, 厚實, 有.嚼勁.

蒜蓉燒大虎蝦, 巨形大蝦, 蝦肉肥厚, 爽彈帶焦香. 蒜蓉味濃. 一人一隻, 鮮味十足.

雞翼串, 雞翼外皮燒得香脆, 雞肉鮮嫩, 多食兩件都得.
牛舌串, 燒得很好, 肉質少少韌, 要慢慢咬.

燒白鱔, 剛燒起好熱, 外皮燒得很香脆. 肉鮮結實, 肉厚, 肉質細嫩, 香口惹味.

特級燒牛仔骨, 要趁熱食, 牛仔骨調味好, 牛味夠香.

燒黑豚芝士五花腩 ~ 黑豚五花腩最討人喜愛, 肥瘦適中, 無粗糙纖維, 芝士燒香加上五花腩肉汁香濃, 油脂滲出. 非常美味.

這間串燒店, 客人非常多, 氣氛熱鬧. 師傅控制火侯相當好, 處理出色, 食材品質優. 價錢中肯, 系居酒屋首選.
大家食串燒加飲酒, 輕輕鬆鬆享受了一個夜晚

銅鑼灣新開左一間串燒店，裝修非常新穎，用咗日本燈籠，威士忌，清酒酒樽做牆身裝飾，燈光非常柔和，好啱一班朋友過嚟食飯傾偈飲酒

✨燒鮮白鱔$68
白鱔非常新鮮，外皮燒到金黃色，好香口，肉質彈牙，魚油脂豐富

✨燒手打免冶雞肉棒$48
雞肉好嫩滑，好有肉汁，雞肉串燒到每邊金黃色，配合埋橙黃色嘅蛋黃一齊食，好creamy

✨燒特級厚切牛舌$58
牛舌有三片，非常之厚身，裡面一啲根位都無，十分爽口

✨燒豚肉荔枝卷$32
估唔到荔枝加豚肉個口感係咁清新，荔枝嘅酸酸甜甜，可以解到豚肉嘅油脂感，食落無咁重罪惡感

✨燒豚肉生菜卷$52
超特別嘅配搭，生菜好爽脆，可以中和豚肉嘅油膩感，，絕對值得一試

✨燒麻辣羊肉串$38
羊肉串一啲都唔羶，燒得焦香，油份平均，加埋孜然粉，仲更加惹味

✨秘製醬燒麻辣鴨舌$28
鴨舌韌性十足，越嚼越有滋味，做下酒菜一流

✨川香肉碎燒茄子$56
食燒烤一定要叫茄子，調味非常出色，蒜蓉，辣椒🌶️，孜然粉非常香，非常惹味

✨日本炸池魚$48
送酒一流，池魚肉質肥美，炸到好鬆脆

✨川燒豆腐$28
豆腐做到外脆內軟，加上木魚，豆瓣醬，䓤花一齊食更滋味

✨燒麻辣田雞串$46
田雞的肉質軟嫩可口，田雞沒有多餘肥肉，加埋青椒做調味料，辣味十足

✨青檸話梅梳打$32
酸酸甜甜超開胃，十分解渴

川燒 串燒·酒埸
地址: 灣仔駱克道399號地舖
電話: 36188278