家賀屋刺身寿司專門店(Harvest House Sushi)

黃店，支持！

優質的日本食品和合理的價格

野食ok 係侍應服務態度好一般
追餐好似千古罪人咁喝：係要等嫁啦
講真呢個餐廳價位都唔係算平
或者係我對日式餐廳期待太高😵
唔怕受氣可以黎食，赤身同油甘魚都高質

豪華的午餐，價錢稍貴但物超所值

食物不錯，點了壽司與刺身丼，每款都新鮮，最驚喜竟然是燒薄切牛肉丼，但丼飯份量略少，女士也感飯量不足！
主打刺身壽司類，燒物等，沒有拉麵類這種！

高品質套餐。高CP值！

日本嘢剩係魚生新鮮已經夠曬
當然佢個Set嘅其他嘢都好有水準
抵食!

2020年7月底，武肺第三波政府唔肯封關，全港餐廳禁堂食，香港人慘到要踎街食飯，買個外賣支持下。#康復香港
A take away lunch set in late July when HK was hit by the third wave of Wuhan coronavirus. The HK government restricted people from dinning in all restaurants while refused to close the borders to ease the pandemic. Many people just having their meal in the street.

不錯的

魚生新鮮

如果行開灣仔想食日本料理，這裡應該都係一個唔錯嘅選擇！
今晚行完灣仔電腦諗住行埋去188時，朋友話肚餓想食刺身同壽司，當然有好介紹！
雖然餐廳位置門面唔係好靚，但內裡裝修企理，座位舒適，完全同大廈出面唔同，加埋在灣仔區絕對係一間老店！夠晒江湖地位！落餐都係掃QR code 有圖又清晰，十分方便！
壽司會有激安壽司，大大件加埋十分新鮮，所以先點了一輸，滿足朋友嘅欲望！
有超肥美嘅三文魚腩、爽口彈牙赤貝、彈牙鮮甜嘅特大赤海蝦、肥厚嘅劍魚腩，魚味濃郁嘅油甘魚、肉質結實嘅立魚，同埋超肥美嘅火炙左口魚裙邊，一次過上枱朋友邊食邊讚新鮮大件！
食完一輪壽司就係另一個戲肉特選刺身盛-時今鮮魚附，有五點新鮮刺身，當然常見嘅三文魚、吞拿魚必有，新鮮肥美，還有魚味濃郁嘅金目鯛、煙韌彈牙嘅八爪魚同埋刺甜嘅大甘蝦！
朋友同我都覺得要加杯啤洒先似在居酒屋內嘅感覺，店員推介了麒麟一番榨嘅冰啤，有不同口味配搭，我就選擇了紅柚味，冰啤上加入了紅柚味，入口冰涼解熱，同埋有香濃嘅紅柚味，感覺清新！
加埋隻特大 時令生蠔，大大隻，入口肥美蠔味濃郁，一啖入口就係最完美！
邊飲邊望吓手機嘅旅行照片，真係分外回味！
當然要加埋個甜品蜜桃雪葩，香濃嘅蜜桃味嘅雪葩，香滑又有濃郁桃味，真係一個滿足嘅晚上！

價格合理的日本餐廳。生魚片很新鮮，壽司特價只要 13 美元/件，很划算。吃完壽司再吃點熱食總是好的，我覺得烤魚是個不錯的選擇😋

講起灣仔區既日本菜，好多人都會聽過家賀屋，一來食材都係由日本築地直送，保證新鮮，二來性價比高，價錢親民但食材唔馬虎，吸引左好多人放工去光顧☺️
.
火灸中吞拿魚腩丼 $238
本身吞拿魚油脂已經比較多，再加上用火輕輕燒過，更加將油脂逼出，而且香味芬香，超級有食慾🤤而且成個丼飯都放滿左中吞拿魚，超抵食！
.
刺身盛 $198
我以為$198既刺身會係普普通通得幾片，但令我喜出望外，唔單止有6款刺身（油甘魚、吞拿魚、大甜蝦⋯）而且刺身仲要係厚切😋
.
薄燒牛舌 $80
本人係非常喜歡食牛舌，爽口又有口感，呢度既牛舌肉嫩多汁，超級好味，而且配埋洋蔥食，又係另一個口感👍🏻

抵食樓上日本野

今日特別想吃日本野，記得之前有朋友推薦過我響灣仔有間日本野「家賀屋」唔錯，今晚就一於試下。

先來一個🥢特選刺身盛-時令鮮魚附($198) – 包有以下六款特選刺身，廚師發辦築地鮮魚、特大赤海蝦、本鮪赤身、油甘魚、三文魚和日本八爪魚，所有魚生都十分新鮮

另外，還點了🥢特大北海道厚岸蠔 ($68) 每隻大約重 150g 超級大隻，又肥美，蠔肉爽甜，好軟嫩，蠔味濃郁，超讚～！

除了魚生，我和朋友還點了壽司： 🥢特大赤海蝦、🥢赤貝、🥢三文魚腩、🥢象拔蚌、🥢空運立魚、🥢味燒鯖魚、🥢燒海鰻、🥢劍魚腩、🥢油甘魚、🥢芥辣粒貝、🥢芝士飛魚籽，全部都是$13 一件，十分抵食。

肥美三文魚腩、赤貝爽口彈牙、特大赤海蝦彈牙鮮甜、劍魚腩十分肥厚，油甘魚魚味濃郁、立魚肉質結實，全部大大件，十分抵食

🥢生燒白鱔(2串) $98 – 白鱔外表燒至微脆，肉質卻保持多汁軟嫩，味常美味。

🥢鹽燒鰝鰺魚頭鮫($78) – 鰝鰺魚頭鮫用上鹽燒既方法，除咗表面香脆，亦帶出魚油香味，魚汁同魚油包圍住魚肉同魚皮，十分惹味

🥢低糖玉子燒(冷/熱)($35) – 蛋皮香甜厚身，層次分明

我們還點了兩款麒麟啤酒，顏色好靚，打咭必叫，
🥢麒麟一番榨冰啤蔓越梅口味冰啤 ($88)
🥢麒麟一番榨冰啤青蘋果口味冰啤 ($88) – 我覺得青蘋果口味比較是我杯茶

🥢菠蘿雪葩($68)
非常冰涼值得一讚，好有菠蘿味，酸酸甜甜👍🏻

🥢蘋果雪葩($55)

冰涼雪葩為今晚的日本之旅畫上完美句號😬

推薦焦糖玉子燒$38 有熱或凍.
抵食～～

樓上舖居酒屋
成日係灣仔經過都會見到呢間餐廳，呢日終於有機會去試下🤣
上到去發現餐廳座無虛席，好彩仲有兩個位～
侍應服務態度超好，經常保持笑容🥰，收碟換碟嘅效率高，經常會加水～

🍱師傅特選寿司定食＄380
包括有 味憎湯、沙律、吉列廣島蠔 2隻 和 壽司7點，壽司分別有 燒大拖羅、深海池魚、魴鮄、牡丹蝦、燒左口魚、海膽、赤背刺身～
呢個set感覺非常之抵食，因為包括曬沙律、前菜、湯 和 主食，當中燒大拖羅和左口魚 油花都好豐富😋，牡丹蝦好黏口👍🏻，赤貝刺身都好新鮮亦都爽口👍🏻

🐟鹽燒吞拿魚鮫 (大)＄238
第一次食吞拿魚魚鮫🤩，大size真係好有份量，魚皮燒得極香脆，整個魚鮫燒得非常有火候，魚肉熟透但又唔鞋口，魚皮落鹽去燒帶咸香，蘸埋蘿蔔酸汁食 味道比較清新😋

🐟炸三文魚皮＄35
魚皮薄切去炸，新鮮炸起好香脆乾身，仲脆過薯片😮

🐟三文魚腩刺身＄78
厚切好肥美，油花好香口，持續係口腔好耐😍

🦪岩手縣 米崎蠔 (L)＄78
分左2大啖食😋，味道好鮮甜😍，一啲都唔咸，咬落好爽口，配酸醋啫喱更帶出鮮味又唔膩

🍣彩虹壽司卷＄128
有8件，沙律菜牛油果反卷上放上不同刺身

🍰朱古力心太軟＄48
朱古力漿流心好正，又唔會太甜😋

🍮水信玄餅＄38
配有黄豆粉同黑糖漿，口感唔錯，為晚餐畫
上完美句號🥰

食材十分新鮮，必定要試一次

價錢不低 但不算高質素
角砌十分搵笨 都後悔點了
炸魷魚 很好吃 不算貴
鰻魚飯還好啦但不算怎麽
又未算很差 只是這個價錢應該更高質呢
同區日本食店不多 沒選擇的情況下算是有選擇

相信喺灣仔返工嘅朋友，對呢間家賀屋一啲都唔陌生！已經聽過唔少朋友介紹佢😆 佢啲食材由日本築地直送，真係超級新鮮！lunch set定食都係～$100左右，包海帶味噌湯、田園沙律同曰式燉蛋😆真係超級抵食！性價比極高！Lunch Set有好多選擇～丼，壽司Set等等，總有一款係啱你嘅～～

竹 壽司定食Set B 加$15配湯烏冬
呢個壽司定食都好豐富，有海帶麵豉湯、田園沙律、日本燉蛋，同六款壽司（本鮪赤身、空運立魚、三文魚、油甘魚、特大赤海蝦及汁燒海鰻）燉蛋好香滑，同麵豉湯一樣都有料～壽司都算大嚿，仲要好新鮮好鮮甜！加咗$15烏冬，佢嘅湯底同關東煮湯一樣，所以就咁食個烏冬都好夠味！呢個價食到真係超值‼️大推😆

關冬煮手打烏冬配照燒雞扒
喺日本餐廳食嘅照燒雞扒，根本冇得輸😆 雞肉好嫩滑，加埋照燒汁真係好惹味😆關東煮入面都有四至五件唔同嘅材料，都好入味～令人有種唔夠食嘅感覺😆

佢lunch set真係超抵！有機會都會想試吓佢唔同lunch set😆

【家賀屋刺身壽司】
呢間位於灣仔嘅日本餐廳主打刺身壽司🍣
仲有朋友極力推薦啲冰啤酒🍻
先講下啲刺身👇🏻

「山葵柚子漬水母刺身」
水母刺身即係海蜇！
口感比平時食嘅海蜇更爽口彈牙😍

「特大北海道厚岸蠔」🦪
隻蠔真係有手掌咁大😳
肉質非常肥美，口感較ᴄʀᴇᴀᴍʏ！
有獨特嘅鮮甜味，
完全無金屬味的😋

「真鱈白子軍艦」
白子即係鱈魚嘅睪丸🤪
講出嚟會有啲尷尬，但其實都無咩嘢！
仲幾好食添👍🏻
質感好細滑，入口即溶，非常鮮味！

「家賀壽司+火炙左口魚壽司」
有齊三寶🤩3樣我都鍾意食😋
碎吞拿魚腩+赤蝦+海膽！

「紅柚冰啤酒+接骨木花冰啤酒」
頂層嘅泡沫好似思樂冰！
非常挺身，唔會咁快就消失左👍🏻
紅柚味好突出，夠ʀᴇғʀᴇsʜɪɴɢ！
反而接骨木花就無咩特別😛

就在人來人往嘅灣仔道一幢商廈樓上， 餐廳提供多款日式料理，壽司🍣，時令刺身。

鰝鰺薄造-池魚王刺身$198
魚味好濃， 吞了之後的甘甜味還留在口腔， 非常新鮮所以一啲都唔腥。 厲害是不用點醬汁都感受到魚的香甜。👍😍

特大北海道厚岸蠔
季節性限定， 北海道直送。
也許是我吃過的蠔當中最重最creamy 的 一隻。 淨重150 g，好飽滿好肥美， 非常鮮甜 ， 海水鹹味沒有蓋過蠔的甜味 ， 滑溜而且非常creamy. 😍😋

還有多款激安價壽司， 每件$13蚊， 非常抵食～
🍣特大赤海蝦壽司- 入口甜美， 冇雪味 ，feel 到係新鮮嘅貨色。
🍣 三文魚腩壽司- 肉質結實肥美， 鮮甜度有驚喜！
🍣芥辣粒貝軍艦- 切粒嘅貝類好爽脆， 沒有腥味， 超喜歡～
🍣劍魚腩壽司- 非常厚切， 肉質相當肥美～ 魚油豐富 ，有種吃toro嘅感覺。 絕對係平民版嘅Toro ～
🍣 立魚壽司- 味道較清爽， 肉質細緻。
🍣油甘魚壽司- 略為細件， 但肉質輕柔富鮮味。

原條海鰻壽司$38 兩件， 長長的蓋著壽司飯， 有手掌咁長，海鰻肉質特別香甜，掃上適量鰻魚汁更添惹味。😉😊

青蘋果味 麒麟一番榨 冰啤🍺🍺
啤酒打起的泡好冰凍， 啤酒淡身混入了淡淡嘅青蘋果味， 好易入口，  酒精度唔高， 女士們也會喜歡。😍

感動滋味道🐷

家賀屋絕對係灣仔街坊都識嘅日本菜，搬咗舖之後同朋友再試一次，果然冇失望而回！

首先order咗一份北海道海膽，有50g同100g可供選擇。兩個女仔食50g都夠，而且有配御飯同紫菜，有種DIY嘅感覺😚 海膽勁新鮮，入口鮮甜，食完極回味，即刻想再食多件呀！第一次試到日本質素嘅海膽(˶‾᷄ ⁻̫ ‾᷅˵)❗️

💛三文魚腩刺身
鐘意三文魚嘅人千祈唔好錯過！件件厚切，超級肥美😋大滿足呀！！！

💛壽司🍣
黑松露帆立貝壽司
超絕好味，每次來店都一定一人一份😚濃厚嘅黑松露加上鮮味帆立貝，完全係絕配呀😋入口即化，勁creamy😋😋

💛火炙左口魚裙邊壽司
火炙後迫出咗左口魚嘅油脂，好惹味呀，超重油脂香，打開曬胃口🥴忍唔住要叫多一份

其他壽司水準都好高，食得出貴店嘅誠意同對食材嘅執着🥰

💛蔥吞拿魚茸丼飯
吞拿魚腩俾得一啲都唔孤寒😘厚厚吞拿魚茸覆蓋咗係整個丼飯面，夾埋啲蔥一齊食，好好味呀，呢個丼加埋定食都係百幾蚊，超值架🥰

💛炸物都係高水準發揮！我哋叫咗一份魷魚鬚同池魚仔。 魷魚鬚炸得非常鬆脆，炸池魚仔十分甘香，仲有少少似多春魚嘅味，送酒一絕，好味！

💛燒油甘魚鮫
雖然等咗20分鐘，不過係值得等待架！肉質非常之甘香，再加上配以酸汁，熱辣辣非常之好食！

最後店員推介有當季限定嘅秋刀魚刺身，不過我哋太飽，食唔曬。不過眼見同場都有好多客慕名而來，下次可以試吓😊一定會再光臨嘅高質小店！

店員有keep住加熱茶比客人，雖然好忙但服務態度非常好，值得一讚👍🏻👍🏻環境氣氛都十分適合聚會，慢慢坐低傾計☺️

【CP值超高。好味日本菜🇯🇵】
雖然香港有無數嘅日本餐廳
但要搵到好食、價錢又合理嘅就真係好少
今次我分享嘅哩一間位於灣仔嘅家賀屋
刺身、壽司都非常新鮮！😋
羅拖正到呢！❤️燒吞拿魚鮫都好好食！
超對值得再嚟！

🔸麒麟一番榨冰啤－西瓜味🍉（$88）
🔸麒麟一番榨冰啤（$78）
第一次飲冰啤，原來啤酒上嘅泡泡係好幼嘅冰嚟，令啤酒keep住凍冰冰。我試咗西瓜味，味道少少甜，幾易入口。

🔸酒淆三味（$85）（推🌟）
超喜愛！有麵豉青瓜、鰹魚醬漬蒜頭、牛蒡醬油漬，三款送酒小食都好好食！

🔸刺身：
▫️特大北海道口岸蠔（$68/隻）（推🌟）
真係好大隻！超級肥美！要分三啖先食得哂😂，好鮮甜、好creamy ！
▫️山葵柚子漬水母刺身（$85）
口感好爽脆！山葵同柚子清新又香，感覺好開胃！
▫️三文魚腩刺身（$75）
肥美有油香，軟綿綿又彈牙。

🔸壽司：（推🌟）
▫️真鱈白子（$35/件）
▫️家賀壽司（$45/件）
▫️火炙秋刀魚壽司（$38/件）
▫️秋刀魚壽司（$38/件）
4款壽司都好好食！白子超creamy！家賀屋壽司係甜蝦、海膽，鮮味十足！秋冬嘅秋刀魚最肥美，魚油、魚味都香濃！

🔸特選鮪盛（$238）（推🌟）
赤身、中拖羅、大拖羅👍🏻
赤身非常甘香而冇魚腥味，唔會鞋口。連平時唔食赤身嘅我都大讚！中拖羅、大拖羅好香魚油味，入口即溶，超好食！

🔸鹽燒吞拿魚鮫（$150）（推🌟）
超大件成舊T bone咁，鹽燒過啲魚油迫哂出嚟，非常香滑，又無魚刺，魚鮫膠質位都好香！

🔸冷稻庭手打烏冬（$58）
烏冬爽滑彈牙，口感冰涼，有蔥、姜蓉、Wasabi、鵪鶉蛋同鰹魚汁作調味。

🔸菠蘿雪芭（$68）
🔸蘋果雪芭（$55）
正！2款嘅生果味都超香、好似食緊生果咁！菠蘿雪芭入面仲有少少菠蘿粒，有咬口又香！

一流的日本餐廳，供應正宗的日本料理。新鮮的生魚片和美味的熟食。物有所值。預訂是首選。適合大人群。

一家性價比很高的日本餐廳。其中一些魚是每天從日本新鮮運送的，由築地四條的出口商之一直接供應。絕對建議提前預訂午餐時間。