板神鉄板燒日本料理 (灣仔)(GodofTeppanyaki (Wan Chai))

🥂嘆住海景食高質鐵板燒(下)🍽
#悲傷小姐愛日餐 #悲傷小姐出沒灣仔#悲傷小姐出沒銅鑼灣 #悲傷小姐出沒觀塘
—————————————————————
呢間餐廳主打各款鐵板套餐，設有開放式廚房，客人可以邊睇大廚即席料理，邊歎美食傾計👩🏻‍🍳今次就試咗💲7️⃣8️⃣0️⃣嘅椿·席前鉄板燒(一人前)
💗前菜
🫓鱈魚乾：口感薄身香脆
🥒麵醬青瓜：食落爽中帶鹹，略帶青瓜嘅草青味，味道較奇特
🥢水雲：海藻幼細黏滑，味道偏酸開胃
💗季節沙律
🥗火腿沙律：火箭菜略為苦澀，火腿帶燻燻香，以清爽嘅柚子醋汁調味
💗刺身三款
🐟油甘魚：肉質爽口緊緻，魚油欠奉
🔥金目鯛：肉質爽滑纖細，輕炙魚皮突顯其魚脂香
🦈赤身：肉質結實軟滑，魚味濃郁
💗南非鮑魚
鮑魚口感鮮嫩彈牙，帶海水鮮味🐚
💗白鱈魚
鱈魚以香草牛油煎至金黃焦香，魚肉柔嫩細滑，油脂四溢🐋
💗大蝦
大蝦爽彈鮮甜，加入蝦膏做成嘅醬汁，食落甘香味濃🦐
💗A5和牛薄燒
和牛薄片油花呈雪花紋理，肉質軟嫩細膩，肉味同油香十足🐃包住大量蔥花同炸蒜片，口感非常豐富🧄
💗蔬菜
有蘆筍🎍、紅椒🫑、蘑菇🍄同玉米荀🌽，味道清甜解膩
💗炒飯·漬物
炒飯加入牛肉碎🐮﹑ 洋蔥粒🧅、紅椒粒🫑、蔥花、紅蘿蔔粒🥕同雞蛋🥚，食落乾爽焦香，粒粒分明，黑椒味重。附上千本漬同牛蒡漬，食落爽脆酸甜🥙
💗湯品
麵豉湯鹹香味濃，加入海帶、豆腐同大蔥煮成🍲
💗甜品
🍞焦糖多士：以牛油同砂糖煎香麵包，簡單又美味嘅組合
🍎日本人氣青森縣蘋果味卷蛋：鬆軟濕潤嘅蛋糕捲住幼滑清新嘅蘋果忌廉

這間omakase鐵板燒，在網上見評語不俗，食物有質素且價錢性價比高，這晚來一試。
餐廳環境舒適，裝橫格調高雅，一邊吃一邊看到維港景，讓人賞心悅目。

我們離遠可欣賞到大廚即席泡製的鐵板燒，熟練的手勢絕對是一種表演，吸引人欣賞，值回票價。

選了一人前鐵板燒$780，包括十道菜，有廚會一道道菜為我們準備，讓我們品嚐完一道才立即安排下道菜，令客人可細心品嚐及享受每道菜，這就是日本人餐桌上的禮儀，體貼入微。

先來前菜
別緻的日式容器讓人有驚喜，先吃爽口的麵豉青瓜、再來有醒胃微酸醋漬水雲、最後是甜度高鮮味的高糖蕃茄。各種均是日本特色蔬果，開胃美味。

煙三文魚沙律
煙三文魚濃而不咸，新鮮清爽的沙律菜配酸甜沙律醬汁，配搭剛好。

刺身三款
鱆紅跟油甘魚的味道相似，稍稍欠油分，肉質則較爽口。
黑鯥都是質感較爽，魚油味濃，配上輕辣的蘿蔔蓉作調味，增加鮮味。
鰈魚：魚油脂分布較濃，火灸後魚油香較突出，入口即溶化，回味無窮！

燒白鱈魚
來到鐵板燒菜式，白鱈魚屬海鱸魚，深海魚魚油豐盈，肉質燒至剛好，每口充滿魚油魚香，魚肉滑不滑口，最正係沒細骨，啖啖滋味。

南非鮑魚
店員預先有遞上食材給我們看，鮑魚Size超大，新鮮貨色仲郁緊。
燒的熟度真是控制得宜。大廚仲勁細心將肉切成小件 方便客人一口一件享用。肉爽彈無比，沒太多調味，燒後的鮑魚鮮味滲出，吃得出原味道，食指大動！

大蝦
大蝦size 有手掌咁長，燒後最引人入勝就係蝦汁的香味，有點似龍蝦湯，濃郁鮮香。細心已將蝦切件，控制燒的程度及方便吃。肉質鮮彈不特止，仲有將蝦肉跟碟上的蝦膏一齊吃，濃郁味道於口中久久不散，滋味爆發。

A5和牛薄燒
店員會咨詢客人食牛的熟度偏好，我要的5成熟，也跟我要求達到了。
A5和牛脂肪分佈均秤，脂肪分怖剛好油分不會太膩。薄切的A5和牛包住蔥粒和炸蒜片，牛不但嫩滑又香，雙重口感更是吃得幸福。仲有些燒蔬菜伴碟，豐富滿足亦減輕油膩感。

炒飯，漬物，湯品，甜品。
利用簡單食材，牛肉粒，蛋、蔥，甘筍粒，珍珠米用鐵板炒香，粒粒乾身，功夫少啲都唔得，完美的示範。最後甜品是蛋卷仔，就完滿一頓豐富鐵板燒之夜。

感受到由食材開始已用心選料，全部尤其肉類海鮮都新鮮足料。
到製作一絲不苟，享受體驗到日本餐廳達至完美體現標準，令食客回味，且性價比高，我會再來。

美女廚師的鐵板Show

今晚是慶祝妹妹大學畢業，所以特意來到此吃一餐鐵板料理，都是我們沒有吃過的。

位置：距離灣仔地鐵站約十分鐘的腳程，A出口再轉右一直行。

環境：全層都是其餐廳，面積相當大，門口設有等候座位，室內以淺色木為主，配以柔和的燈光，大部分座位都有窗景，可望高樓大廈，氣氛放鬆寫意，另設有包廂，播放懷舊的英文歌曲而非日文歌！ 抽風系統相當不錯，完成沒有聞到油煙味，而廚師的鐵板位置都坐落在客人面前，可以看到整個烹製過程，相當療慰享受。

服務：桌上除了基本的餐具及餐墊外，還有口罩套和放物箱，相當體貼！店員上菜時，會提及食物名稱及品嚐淡至濃味食物的次序！服務周到！不一得一提是其裝潢、設備媲美五星酒店級的洗手間，坐廁選用日式多功能馬桶，洗手盤旁邊有棉花棒、獨立包裝牙縫線和漱口水，吃完還可以仔細清潔牙齒才離開。

晚市：我們選擇了較便宜的椿‧席前鐵板燒(一人前) $780，今次是一個年輕的女師父在我們面前烹煮，雖然她帶了口罩，但以女性的直覺，她一定是美女，好可惜未能見真面目。

前菜：
三式小食：三文魚籽豆腐、梅子青瓜、自家醃製的蒜頭，由清淡的滑豆腐開始吃，到酸溜溜的梅子青瓜，最後是濃味的蒜頭，最好吃的竟然是蒜頭，完全沒有蒜頭的辛辣嗆鼻味道。

不過不失的火腿柚子醬沙律，有兩片薄火腿和酸甜開胃的柚子醬。

刺身三件：赤血引、間白和鰈魚，三件刺身都是厚切，當中最濃郁和經過火炙的是鰈魚，亦是最好吃，其次是白到反光的間白和較有嚼口的赤血引。

重點必吃：
海鮮：新鮮到仍不停舞動的南非鮑魚，只配少許醬油和牛油在鐵板上燒，肉質爽滑彈牙，不需要加添任何調味料！
緬甸有膏的大蝦：蝦頭和蝦身分別開來燒，蝦身切開四小塊，經過牛油和自家製醬汁炮製，非常惹味，而蝦身本帶有膏。當中蝦頭是最多膏，煎得很焦香，完全不用加調味料，已是非常香口。
法國白鱈魚配香草牛油：肉質很嫩滑，魚油味很濃，加一點檸檬汁添微酸可解膩，口感比鱈魚更紮實。

蔬菜：蘆筍、紅椒、蘑菇和玉米荀，你絕對想像不到一個小小的蘑菇在鐵板上烤，中間出水，更為突出菇香，這是最美味的湯。

A5和牛（五成熟）夾雜炸蒜片和香蔥，下層有麵包吸油
其實吃到這段，我已經有七成飽，雖然不想浪費食物，但真的吃不下那塊麵包。見證著和牛沒有添加調味料，牛香已經很突出，再加炸蒜片和香蔥，增加口感和香味。吃完後已沒有胃口吃飯了。

漬物和麵豉湯

炒飯
我們要求只要了一碗炒飯，炒飯有蛋絲、蔬菜粒和牛肉粒，炒得很香口，有鑊氣，是不錯。

甜品：焦糖啤梨蓉蛋糕
焦糖味濃郁，妹妹很喜歡，我就認為有點過甜，中間有少啤梨蓉來沖淡甜味，但不夠，而上層的焦糖慕絲綿滑，配下層較紮實的蛋糕。

總括而言，食物質素媲美廚師發辦，而價錢是相當貼地，是慶祝的好地方。

去了灣仔板神鐵板日本料理，服務非常好，而且好有質數，價錢對得住質數，性價比高！
前菜份量剛好，唔會太多整飽個胃，味道酸香，胃口大增！
最正刺身有碟魚，經過火灸處理，非常重魚油香！入口有溶化既感覺！間白質感爽彈，厚切又新鮮！
白鱈魚味道帶幾香既牛油味，唔會有油膩感覺。邊位煎到香脆！肉厚得黎幾嫩，幾高質！
南非鮑魚，高質爽又彈！煙煙unun, 唔會有乾柴感覺，keep到彈性非常重要。
燒大蝦，非常大隻，8寸長，蝦頭有膏香味道幾濃郁，蝦肉肉質好新鮮。廚師配上特製醬汁，更令蝦既鮮味滲出！層次感更多。
和牛炒飯，粒粒分明夠鑊氣亦好乾身，口感層次夠多，蛋絲，葱粒，和牛等配料！香而不膩。

板神一直都喺我bookmark入面，見咁多好評一路都好想試，今日膽粗粗自己一個過咗嚟食

板神午市主要提供鐵板燒亦有提供其他午市套餐，我今日就揀咗特選套餐 – 美國牛肉薄燒！

沙律+前菜
沙律非常之新鮮，襯上煙鴨胸同沙律醬，鹹鹹酸酸，好開胃！

大蝦
名副其實嘅燒大蝦，隻蝦非常之大！啖啖肉亦都好彈牙，千祈唔好忽視啲醬汁，濃郁嘅蝦膏味用嚟點大蝦真係無得輸呀！ 另外其他餐廳好多時候蝦尾最後一節蝦殼都會保留，搞到要自己剝蝦殼，呢度就非常貼心完全無蝦殼嘅煩惱。

法國鵝肝
套餐有三款選擇，分別係帶子、銀鱈魚同鵝肝。我就揀咗鵝肝！上枱時見到唔同顏色嘅漢堡造型都幾有驚喜，平時通常都係放喺多士上面，見到餐廳都幾有心思! 鵝肝食落口油脂感豐富，咬開一半都見到啲油流緊出嚟！

薄燒美國牛肉+季節野菜
套餐有唔同等級嘅牛肉同可以揀薄燒同厚燒，豐儉由人，我食嘅係最平嗰個餐。牛肉生熟度揀咗medium，入面包滿葱，啲葱食落口非常之香！另外季節野菜重點推介香菇！非常juicy 爆汁！

牛肉粒炒飯+麵豉湯+漬物
炒飯粒粒分明，非常乾身香口唔油膩！

甜品+咖啡
因為太飽嘅關係，完全無問佢甜品係咩而直接揀咗咖啡！佢最後送埋個焦糖多士，焦糖面脆脆哋又唔會太甜，用嚟襯咖啡簡直係天作之合

邊歎美食邊欣賞美景確係爽！ 價錢亦相當合理! 第一次遠距離欣賞鐵板燒都算係幾特別嘅體驗！

最近聽朋友推介呢間餐廳食物環境同服務都好唔錯，專登book咗嚟食下！

兩個人揀咗樁席前鐵板燒，10樣食物每人$780，可以睇到靚景嚟講，呢度算係一個好選擇！

先嚟嘅係前菜，有菠菜生食、醃製生蒜同埋蟹膏蟹肉豆腐，餐廳職員教我哋順次序咁食，就可以食到淡味至濃味。其中醃製生蒜令我印象好深刻，食落唔似食緊生蒜，一啲都唔臭同辣，仲帶點甜添！蟹膏蟹肉豆腐就好鮮甜！

再嚟雞肉沙律，配上堅果沙律醬，食落好新穎，好香嘅堅果味！個醬汁冇得輸，其他地方食唔到！

剌身有三款，深海池魚好新鮮，爽口又彈牙。鰈魚魚味重。拖羅厚身唔會有根。

南非鮑魚，燒得好香好林身，而且唔會乾，入口仲食到鮑魚嘅鮮甜，唔需要再特別點醬汁！

白鱈魚，配上香草蒜蓉牛油汁，再輕輕加少少鹽吊味已經好足夠，食落皮脆肉嫩！

車海老，足足有手臂咁長嘅大蝦！蝦肉燒得啱啱好，再配埋特製醬汁，夠晒鮮甜又爽口。

A5和牛薄燒，3成熟嘅牛配炸蒜片同香蔥，捲埋一齊食口感特別豐富，而且味道超夾，滿滿嘅幸福感！

牛肉炒飯，炒到粒粒分明，夠乾身，食到好飽

甜品，師傅為我哋炮製砂糖烘麵包，慢慢將砂糖加熱成焦糖，麵包食起上嚟甜甜地又夠香脆，正！仲有奶凍添！

上星期日202011.29一家三日第一次幫襯，遇到個中年女侍應，佢一D衞生常識都無，因佢加茶時，每隻杯同個 水壺頭係零距離，等於每隻杯的杯邊都同個水壺頭有親密接觸，我立刻要求換杯，佢背住我大聲話 :有菌woo
之後所有服務態度就急住收碟，又話自己隻手5夠長，未能夠把碟放在座卡位內的枱上，要客人雙手接收食物。
我真係食到一肚氣，就算係免費，都一定無下次。

祝大家好運，不要遇到我的經歷

上網見到灣仔有間穩世日本高級鐵板燒，喺軒尼詩道油站後面，就專登去睇下有乜咁好食，結果超乎預期，超級好食，非常值回票價。

第一道係前菜，有沙律，有豆腐魚子，蒜頭，好新鮮，好開胃 但未算最正。之後就真係黎料luu，廚師走左出黎喺我地面前開始”表演”。第二道菜有三款刺身，有吞拿魚赤身，好新鮮好好食，非常有海水味，完全唔洗點任何醬汁都好好食。果然食材新鮮係比所有野都重要。

第三道菜係全晚最貴嘅南非鮑魚，廚師將鮑魚切開三份，再加啲醬汁，簡直係絕配，非常有咬口，好好食。

第四道係白甘鯛，依個真係重點，廚師先用油將魚鱗炸到鬆脆，再放上鐵板剪香，咬啲魚鱗索索聲，但魚肉好多汁好嫩滑，完全唔似係煎過咁，好好食！

第五道菜係好巨型嘅大蝦，廚師拆肉非常熟手，一睇就知係老江湖。佢將蝦膏同肉一齊煎香，好濃郁嘅味道，完全唔洗加醬料都好夠味好好食。

第六道菜係日本A5和牛薄燒，和牛當然冇得同喺日本食到嘅比，但喺香港黎講已經係中上水平。入面放左啲蒜片同葱，簡直係絕配。

最後有個炒飯，炒得好香好好食，唔夠飽仲可以叫個廚師煮多啲你食。仲有個味噌湯，味道好濃郁，同喺出面飲到嘅好唔同。最後甜品係個蛋糕，自家出品，唔係太甜，放喺最後食啱啱好，正！

最後一提係店員嘅服務質素，非常周到，友善不在話下，見到你杯茶就飲哂就會立即refill。廚師會解釋每道菜嘅做法同食法，同佢有講有笑，非常好嘅一次用餐體驗。雖然個餐唔算太貴，但性價比黎講依間餐廳我會俾9分。

好吃的食物。壯觀的景色。強烈推薦用於特殊場合。

很久沒吃鐵板燒，友人介紹灣仔一間餐廳，比我們之前吃過的omakase鐵板燒價錢較相宜，而且環境很好，氣派高雅，有空間感又有高空城市景色看，賞心悅目。

我們選擇一人前鐵板燒$780有十道菜，一道道菜為我們新鮮準備，待我們吃完再上下一碟，vip級享受。

前菜
吸引我們的先是盛栽食物的容器，充滿心思，有麵豉青瓜、醋漬水雲、高糖蕃茄，依次序吃，先是爽口的青瓜，再到酸微微水雲及甜度很高的蕃茄。

季節沙律
是日款式是煙三文魚沙律，濃味的煙三文魚，配上新鮮清爽的沙律菜，剛好得到平衡，沙律菜中有酸甜沙律醬汁，很開胃。

刺身三款

分別有鱆紅、黑鯥及鰈魚刺身，鱆紅，鱆紅外型和味道都似油甘魚，肉質爽口帶鮮味，黑鯥也是爽口口感，以少少辣來調味，帶出其鮮味，最後吃油脂較重的鰈魚，加上火灸過，魚油在口中融化，香味迷人。

白鱈魚
開始鐵板燒菜式，白鱈魚燒到的熟度剛剛好，魚肉十分滑溜，它沒有細骨也吃得方便，每口都有魚油和魚香，滿足。

南非鮑魚
大大隻的鮑魚，細心的切好小件，讓我們可以一口一件，帶點嚼勁的口感，有爽彈的感覺，也滲出鮑魚特有的鮮味，非常吸引。

大蝦
上菜時已立即聞到濃郁的蝦香味，滿心期待，蝦隻本身都好巨型，所以切開幾小件，既方便調較熟度，也方便進食。蝦隻肉質新鮮，有蝦的鮮甜味，加上少少黑椒調味，最重要是蝶上滿佈蝦膏，將它沾在蝦上，十分惹味香濃。

A5和牛薄燒
燒之前細心的問我們想要的熟度，也做到所要求的，我選了半成熟，A5和牛脂肪分佈平均，燒過後卻不會覺得油膩，牛肉香和牛脂香平衡，薄薄嫩嫩的A5和牛包著新鮮蔥粒和蒜片，真是幸福的滋味。旁邊細心的附了點燒蔬菜，不用怕吃肉會膩。

炒飯
在鐵板上，簡單的以蛋、蔥、牛肉、甘筍粒、珍珠米製作的日本鐵板炒飯，一點也不平凡，那撲鼻的香氣，令人不禁將飯都大口吃進肚子裡，雖然已經飽了。

由頭帶到尾，每道菜都用心製作，選材一流，無論是海鮮和肉類都令人滿意，碟和碗都很漂亮，有日本人追求美的體現，整體性價比高，值得回頭。

特選牛肉薄燒套餐,主菜：鵝肝，帶子，銀鱈魚中三選一
套餐配有沙津，大蝦及牛肉，炒飯，漬物，麵鼓沙及甜品。

銀鱈魚被煎香後，會加上香草牛油才上碟，魚皮爽卜卜，魚肉嫩滑。
大大件的帶子煎香後會加上魚子醬及金箔。
魚子醬只係錦上添花，因為帶子本身質素很好，不需要任何調味都食得出鮮甜。
大蝦超巨型，蝦頭及蝦身都有超多蝦膏。
從兩至三刀就已經幾大蝦起晒殻，又挑出蝦腸就睇得出師傅手法純熟。
牛肉一被放上係爐面，師傅就即刻加上蔥蒜，卷起，切件上碟。牛肉嫩身，肉香多汁，

由帶位入房，到望住師傅為你烹調的每一道菜，鐵板燒最好係可以每令你得到滿滿既服務感，有預約既我地被帶入包廂，30樓的景觀可以望到灣仔銅鑼灣既城景。同時又同師傅有個近距離接觸。今日呢餐飯食得好滿足呀😋😋😋

重點係依家lunch指定套餐仲有優惠，抵食好多😎😎😎

朋友說帶我去他之前吃過很不錯的鐵板燒餐廳，說要跟我慶祝生日，看了一下，還在公司附近，那就更加方便了！

椿．席前鐵板燒（一人前）（７８０元）
這類型的鐵板燒真的是第一次吃！餐廳今天給我位置很好，看出窗可以看到銅鑼灣那邊的夜景，邊吃美吃邊賞夜景，真的很爽！

前菜
一共有三款，分別是醃蒜，芝麻醬菠菜和蟹肉豆腐。

醃蒜這個非常特別，平常如果要我吃下一整粒蒜，我真的會吃不下的，但這裡不同！這蒜吃起來很爽脆，沒冇平常的蒜的辛辣口味，吃起來挺清爽，有點像蘿蔔的樣子，但配的醬汁又為你提供了一點辣的味道，真的很意外的一道前菜。

芝麻菠菜，這個我還以為是平常日本那種芝麻醬，怎知道原來是用上了黑芝麻來弄成的，所以吃起來很香芝麻味，配上非常嫩的菠菜，很清新！

蟹肉豆腐，這個能吃出蟹肉的鮮甜味，又有豆腐嫩滑的口感，滿口都是蟹肉的香味！

季節沙律
這個是煙雞胸沙律，而這個沙律醬非常特別，沒有在其他地方吃過這味道的，但味道很不錯，酸甜口味，配上嫩嫩的雞胸肉和爽脆的蔬菜，配合得很好！

刺身三款
今天提供的三款刺身分別是鰈魚，間八和金木鯛。

鰈魚肉質細膩，不過魚味較淡，主要吃他的質感！

間八吃起來鮮滑細膩，而且有油香，味道不錯！

金木鯛經過火炙後，魚皮帶點焦香，部分魚肉半熟的狀態，吃起來魚香十足！

南非鮑魚
這個鮑魚真的非常新鮮，在鐵板上的時候還是活的，而且也挺大的一隻！師傅只用上了簡單的豉油來調味，用來突出鮑魚的口感和鮮甜味，吃起來非常爽滑，重口味的還可以配合岩鹽一起來吃，味道更豐富！

白鱈魚
這個白鱈魚味道非常好，師傅慢慢地用鐵板將魚肉煎後，煎得表面金黃香脆，內裡還保留到魚肉的嫩滑和肉汁，最後再配以香草牛油汁，令到魚肉的味道更加豐富！

時蔬
蔬菜都很新鮮，只用上簡單的調味，能吃到蔬菜本身的味道和口感，都挺嫩和多汁！

大蝦
這個大蝦真的非常大的一隻，差不多有手掌那麼長，肉很厚，肉質彈牙，再配以師傅弄的蝦頭汁一起吃，就已經非常夠味了，不用再加其他調味料！

而且這個還配合了蝦頭一起來吃，蝦頭煎得焦香，蝦膏香濃，還有一點點蝦肉，很好吃！

Ａ５和牛薄燒
這個應該是全場最佳了，大大塊Ａ５和牛的薄切，放到鐵板上，然後放上炸蒜和蔥花後，就馬上捲起來上菜了！太久又會太熟，我叫了五成熟，來到剛剛好，吃起來牛肉超嫩滑多汁，又有好濃的蔥香和蒜香作點綴，非常好吃！

炒飯．漬物
炒飯先用油將牛肉煎香，然後再用同樣的油來炒飯和炒蛋，加上了大量蔬菜和蔥花,再配以鹽和黑胡椒來調味，吃起來粒粒分明，很香！

湯
這個是味噌湯，挺濃的，也很多料，有海帶，豆腐。

甜品
這裡提供了２款甜品給我們，一款是師傅自製的，另一款是由餐廳提供的。

多士
這個是師傅自製的，師傅先用牛油慢慢烘香多士，然後再放上大量的白糖在上面，再將多士反面，用熱力將白糖慢慢溶化，多士就慢慢沾滿了白糖溶液後，就可以上桌了！多士外表金黃香脆的，非常誘人，外面是白糖形成的脆殼，吃起來非常香口，又有一絲絲的甜味，又有牛油香，很不錯，只有２塊完全不夠吃！

紅桑子慕斯蛋糕
這個吃起來酸甜香奶，有紅桑子淡淡的清香，甜而不油膩，不錯！

環境寬敞兼保留私人空間，坐位攻略：基本上每個位都可以睇到高空樓景，更可遠眺睇到跑馬地。卡位靠近落地玻璃大窗，夜景尤其靚；廚師為主要近距離欣賞師傅手藝，夜景方面只能睇到部分。另外設有包廂，有沙發同電視，好大！

🔺椿。席前鐵板燒一人前 ($780)

🔺前菜 – 梅味啫喱、醃漬蒜頭、蟹子豆腐

擺盤好精緻，味道既話最鐘意蒜頭，濃味肉汁配上爽口又唔會腥既蒜頭，係比較少見既前菜。梅味啫喱略嫌過酸，帶上有種螺肉既腥味。蟹子豆腐則算不錯。

🔺季節沙律

🔺刺身三款 – 赤血引 間八 蝶魚
每款刺身都極厚，起碼有一隻手指的厚度，口感一流。而且刺身唔係一般連鎖食到既款式，都係第一次聽呢d名。最鐘意食係赤血引，加上有灸燒魚皮部分，魚皮變得更脆和香口。它的油脂比拖羅少，製成刺身食用甘甜味道更勝拖羅，濃而不膩。加上焦香味道，更有層次感。

🔺南非鮑魚
終於入正題！可以睇住廚師煮野食既過程真係好有氣氛，好似食omakase咁。廚師話佢地有個水缸養住d水產，務求serve客人都係最新鮮🤤所以舊鮑魚仲係好新鮮仲郁緊！煮既時候見廚師加左牛油和小小醬油🤔，件鮑魚非常彈牙，完全無腥味，微微帶醬油香，就算完全不點其他sauce已經好好食！

p.s 廚師勁好手勢咁將個鮑魚起殼，每個動作都好流暢好似睇緊表演咁🤣

🔺白鱈魚
加左香草牛油落去煮，肉質比銀鱈魚結實，但都好香牛油香又唔會太油膩。

🔺大蝦
佢已經起哂蝦殼，好香胡椒香味，加上本身個蝦已經好新鮮、彈牙，真係好食。最後個蝦殼都無浪費到，煎完後蝦的膏更香！

🔺A5和牛薄燒
有得簡幾多成熟，咁我地就簡五成，包上大量蔥同脆蒜片，仲好貼心咁放係塊麵包上面吸走和牛既油，咁食落無咁油膩，呢d細節位係要加分既。

🔺炒飯、漬物
加左和牛粒、各種蔬菜同雞蛋落去炒，非常香口。

🔺湯 – 普通麵豉湯

🔺甜品 – 焦糖啤梨蛋糕
我個人最怕食到太甜既焦糖，但呢個帶濃濃焦糖香味卻一點都唔會過甜，加上啤梨爽脆的口感，平衡焦糖的甜度，講真比好多酒店的甜品有過之而無不及，好多酒店甜品都係得個樣又好甜。

唔錯既地方，同朋友慶祝既話會再黎。

自從上次去了銅鑼灣旗艦店吃過Omakase，
知道它另有鐵板燒就一直念念不忘。
女朋友為了一解我的雙思之苦，
就訂了灣仔分店給我這食肉獸解饞。

出了電梯，就看到這間充滿日本房舍氣色的餐廳。
與旗艦店截然不同的裝璜令人眼前一亮。
如果說銅鑼灣旗艦店給我感覺是充滿神秘的感覺，
灣仔這間店就給我寧靜舒適，又不失莊皇的感覺。

店員帶我們來到一間相當大的房間，
並安排我們在吧檯落座。
吧檯面向大玻璃能一覽中區境色，
吧檯背後還有數張梳化及茶冗，
詢問下得知原來店舖設置多間大小不同的獨立房間，
能夠給客人包房作宴會之用，分別有不同的最低消費。
這晚碰巧沒有預約，所以得以用來接待散戶。

首先，店員送上一式三款的前菜，由很精緻的器皿盛裝，
包括青瓜絲、水宏及蕃茄，都是十分清新的味道。

火腿沙律：
另一款前菜，生火腿配搭火箭菜，沾上檸檬汁十分開胃。

刺身拼盤：
再來一客三款的壽司拼盤，
分別有深海池魚、赤身及澗白。
深海池魚不愧為 Omakase 的常駐將軍，
永遠都有人種別緻的爽滑鮮香，
厚切的赤身十分爽口，
而澗白很有嚼頭，即使不用醬油亦鮮味十足。

接下來，就開始鐵板燒的料理，
大廚在夜空的背景下表現著純熟凌厲的刀法，
亦是相當賞心悅目。
除了欣賞出色的刀功，
師傅亦會為會道菜式作出介紹及推薦吃法，十分體貼。

南非鮑魚：
應該是全道餐單最貴的食材之一，
鮑魚個頭十分之大，師傅將鮑魚細膩地切開，
令鮑魚每一部份都受到均衡的熱力，再沾上牛油及醬油，
鮑魚煎得爽嫰之餘，牛油的香味亦留在齒䶝中久久不散。

白鱈魚：
亦是十分厚身及大份量，每面都煎得十分香脆，
本身對魚類不太感興趣的我也是讚不絕口。

大蝦：
還是個頭很大的大蝦，師傅先是細心挑出蝦腸，
再專門將蝦頭的蝦膏用來煎釀蝦身，
令到香脆的蝦身充滿蝦膏的鮮味，一試難忘。

A5和牛薄燒：
師傅會細心地詢問想要的生熟程度，以及是否吃蔥蒜。
原來師傅先將大量的蔥蒜炒熱，
再用和牛將蔥蒜包著成卷，十分別出心裁。
除了和牛的牛味香濃，更感受著蒜片的爽脆，惹味非常。

炒飯及漬物：
師傅用上大量蔥粒及牛肉粒去製作炒飯。
炒飯粒粒分明，牛肉粒爽口彈牙，很是出色。

最後是甜品：
麵豉湯就不用多說，而甜品是 Tiramisu 。
但最想不到是，師傅聽到女朋友無意中說起想吃多士，
竟然專門再弄一個焦糖多士給我們，真的十分體貼友善。
而多士更是煎得十分香脆，完滿的為晚餐劃上句號。

服務態度非常好，食物和環境一流，二人前$2680，一人前$1280

餐廳的裝修極之華麗, 看著廚師表演他的功架, 十分震撼, 價錢方面, 一個鐵板燒最平由780蚊起 , 份量非常之多, 食到滿腹而走

水雲酸酸甜甜嘅口感, 再加上麵豉醬青瓜, 高糖蕃茄, 先開一開味蕾

之後就食過季節沙律, 番茄再加沙律醬, 青菜爽脆鮮甜的口感, 亦都開胃

之後就食刺身三款, 經過火灸之下嘅碟魚, 油脂豐富嘅感覺大爆發, 咬落去個口感軟嫩細緻

之後再食過油甘魚再加黑目黑鯥魚油甘魚飽滿嘅油份, 不錯不錯

黑鯥肉質鮮甜無比, 口感豐富

喺廚師烹調鐵板燒之前, 黎一個大曬冷, 將南非鮑魚, 白鱈魚, 大蝦 放滿我地既枱前, 好震撼

鮑魚的兩個面都煎金黃色。鮑魚切成一片片，這厚度切得非常均勻, 入口Q彈鮮甜

白鱈魚 入口即溶感覺, 再加上醬汁, 豐富咗味蕾, 真係好正

大蝦嘅擺款非常之有藝術嘅感覺, 煙韌彈牙, 連個蝦膏都出色過人

和牛薄燒, 用上a5和牛, 油脂非常之豐富, 再加上蔥同蒜嘅混合體, 用一麵包去吸油, 食嗰陣唔會覺得油膩之餘, 香味大爆發,

炒飯炒得夠乾身, 再加上a5和牛同, 蔥同蛋一齊炒, 口感豐富

780蚊有埋湯同甜品性格嘅比非常之高

非常出色嘅鐵板燒體驗🌟
.
朋友有好消息宣佈，我哋就順勢食好啲啲🎉。我哋今次去到位於灣仔The Hennessy嘅「板神鉄板燒日本料理」食晚飯，由訂枱一刻以至離開餐廳，成個體驗都無得輸。
.
店員確認訂座資料後，就帶我哋進入廂房坐低。呢間房環境超正，一方面可以睇住個廚喺我哋面前煮👨🏻‍🍳，同時亦能俯瞰銅鑼灣嘅城市景觀🌃，簡直係一種享受。
.
我哋揀選咗價格較為相宜($780)嘅一人前套餐：「椿．席前鉄板燒Tsubaki Set」。套餐有十道菜，份量啱啱好，而且逐一送上，確保食物喺最佳狀態時食用👍。
.
前菜，前菜有三款，攞盤好靚，而且款式幾特別，包括有胡麻醬菠菜、自家醃生蒜頭同羔蟹肉豆腐。🌱菠菜最為普通，後面兩款則好有驚喜；生蒜頭毫無普遍認知嘅臭蒜味，辣辣哋幾開胃。豆腐唔止得面頭有蟹肉🦀，而係件豆腐本身都用上蟹羔整成，所以蟹味特濃。
.
季節沙律，🥗沙律同平日食開嘅有啲唔同，火箭菜做菜底，上面再放有雞胸肉，肉質唔嚡，再配合埋麻醬食，幾清新🐔。
.
刺身三款，包括間白魚、金目鯛同赤身🍣，每片均係厚切。三款都好味，好新鮮；但我自己最鍾意就係外皮經輕輕炙燒過嘅金目鯛，因為魚香味特別勁。
.
嚟到鐵板燒部份，師傅會先將食材展示比我哋睇。海鮮嘅色澤好靚，而且全部都係大大件😍！
.
南非鮑魚，鮑魚超新鮮，當被放上鐵板嘅時候，佢仍然作出最後嘅掙扎，不斷扭來扭去🙈。鮑魚有手心咁大，所以能夠切開好幾片。我最驚鮑魚煮得過熟會變韌，不過幸好師傅駕輕就熟，肉質保持彈性且鮮甜。
.
白鱈魚，🐟鱈魚油份充足，每啖食入口都覺得好滑。鱈魚外皮煎至金黃微脆，面頭仲帶有牛油香草汁，非常惹味。如果所有魚都係咁好食，我就一定會愛上食魚。
.
大蝦，🦐蝦係巨無霸呎吋，一上碟就已經聞到好濃蝦香。蝦用汁煮，幾重味，但亦難得無蓋過鮮味。蝦愈大隻，口感就愈結實爽彈，好味嘅程度可媲美龍蝦。
.
A5和牛薄燒，🐮和牛雖薄，但堅係大塊，佢鋪喺砧板上時能夠清晰見到，油脂紋理分佈平均❄️。師傅喺落手前，會先詢問客人有冇特別要求，好彩有佢提醒，我先記得嗌少蔥！🥩和牛燒至約七成熟，完全做到入口即溶嘅效果。另外，調味恰到好處，和牛入面包住嘅蔥同炸蒜好香口，襯托出牛嘅肉味。呢道菜仲會燒埋拼盤入面嘅蔬菜作伴🌽。
.
炒飯，其實食咗咁多嘢，我已經好飽，🍚最終只係食得落半碗，剩返嘅唯有交比朋友，哈哈。炒飯唔稱得上好驚艷，但水準一啲都唔失禮。炒飯飯粒分明，亦炒得夠乾身，口味唔寡，因為落咗唔少料一齊炒，例如蛋、牛肉、蘿蔔粒同洋蔥粒等。
.
湯，味噌湯為鹹食作結，熱湯暖胃🔥，最難得嘅係唔會太鹹，咁先至好飲㗎嘛。
.
甜品，🍮甜品採用意式奶凍比起雪糕球有誠意。估唔到日式料理店連甜品都整得咁出色，不比西餐廳失色。奶凍口感細滑，奶香濃郁。
.
最後同場加映嘅係師傅額外請我哋食咗焦糖多士🍞，雖則唔係什麼複雜菜式、矜貴食材，但簡單就是美味，而且份心意已經足夠令人開心。
.
總括嚟緊，板神果然不負眾望，其實今次係我第二次嚟幫襯，上次就食觀塘店，兩者味道同樣有水準😋。但講到環境，灣仔店可以講係完勝，價錢當然唔稱得上係平，不過俾咗錢能夠獲得高質享受嘅話，絕對係值得。最後不得不提店員嘅服務係好專業㗎，態度積極有禮，亦係呢餐嘅加分位。推介🌟！

咁耐冇得去旅行，食返個鐵板燒，可以令我一解鄉愁都唔錯㗎

板神是灣仔有名既人氣鐵板燒，想食建議早啲去book位，同埋早啲過到去，咁可以選擇對住師傅嘅位置

我同大少揀咗$780/一人前既套餐
價錢在鐵板燒看來，性價比比較高
餐廳坐落於灣仔 The Hennessy 30樓
具有居高臨下嘅感覺，感覺一啲都唔會侷促

前菜共有三款，都是酸酸甜甜好開胃既小吃，感覺很清新，

火腿沙律 – 沙律係酸酸甜甜非常之開胃，加埋火腿一齊食

三款刺身（間白、深魚池魚、赤身）
刺身是厚切，三大片好滿足，當中我最中意就係深魚池魚，厚切既池魚脂厚肉香，入口甘香細膩。

南非鮑魚 – 鮑魚未煎前重係郁架，足以睇到食材嘅優質
煎既時候竟然有陣陣炭燒既香氣散發出來，再配埋香草牛油🧈入口彈牙有咬嚼勁，就算單吃已經非常之美味。

白鱈魚🐟 – 睇住師傅將肉質亮澤既白鱈魚我煎到變金黃色，但係既油脂，令到魚肉經煎煮後仍然非常之嫩滑同Juicy。

車海老🦐 – 一邊煎嘅時候，被既香氣不斷攻擊我個鼻，不期然吞吞口水，一啖咬落去時，肉質非常之新鮮同爽牙，而且師傅用咗被蝦頭嘅蝦膏做成醬汁淋面，簡直鮮味無窮。

薄燒和牛 – 和牛雪花紋理❄️包着蔥花及香蒜片，油香四溢，

食鐵板燒就算有幾飽點，每次都要食返個和牛炒飯，咁樣先滿足，炒飯乾爽唔油膩，而且粒粒分明。

甜品是Tiramisu，味道幾香滑，但酒味吾夠濃郁
師傅重私人醒左個焦糖多士比我地，就算吾中意食甜既野大少，都大讚香脆可口。

非常唔錯

板神這家店好似係鐵板燒起家的，特別喜歡小店的空間感，一點也不焗促。今日來試下廚師發辦，看看有沒有比鐵板燒更勝一籌。先來兩款前菜是水雲配鮮准山蓉和靜岡蕃茄沙律，用酸味打響頭炮。

刺身方面，常見的有左口魚和左口魚邊、金目鯛深海池魚牡丹蝦相信也不陌生，要介紹的有九繪，質感彈牙，配上酸汁十分驚喜。還有新鮮粒貝，本身鮮甜，加上柚子鹽味道更有層次。

燒物是竹籤魚，魚質偏實淨，也燒得香。

壽司，石鯛配以柚子胡椒，並本來平平無奇的白身魚添上了一份刺激感。我最愛的小肌魚，魚味香濃。黑鯥，比較少壽司店會用到的魚，魚的大小比赤鯥大，所以比較矜貴。值得一題的是，這裏的壽司比較用日本傳統的方法，如鯖魚加上白板昆布，便可見一班。除了其他質素中上的食材，例如北寄貝、鰹魚、海膽和自家熟成的拖羅等，令我驚艷的還有醬油漬呑拿魚，沒有筋的呑拿魚賞心悅目，配上紫蘇葉同吃，是新的食法，那種獨特的香味元勝了。

唯一遜色的是本來最期待的味增湯奉上竟然是凍的，這一點的確扣了分。最後有日本蜜瓜挽回一點分數。

服務到位，食物略偏鹹，價格有點貴。

體面的鐵板燒地方，景色迷人。作為一個不吃牛肉的人，他們非常適應我，並把他們的食物換成了豬肉。扇貝很棒，上面有一點魚子醬。唯一的問題是我們的龍蝦沒有那麼新鮮，但仍然很好吃。最後我也很喜歡糖吐司作為甜點。我們享用了鐵板燒午餐套餐，每人1380美元，總體而言相當昂貴，但對於鐵板燒來說是意料之中的。

鎮上最好的鐵板燒！鮑魚和龍蝦配上特製的醬汁，非常新鮮可口！服務也很棒！

良好的裝飾和美景。食物新鮮又美味，但價格有點高。海鮮比牛肉套餐好多了。服務有點失望。

(*´ω`*)灣仔區抵食牛市鐵板燒

Lunch time同同事放肆啲去食呢間板神，揀左特選鉄板焼ランチセット(lunch set)，不過佢menu既日文呢隻字係錯架🤣，扣少少分唔夠專業。環境就好正，可以望住師傅即刻燒😍，詳細就請睇圖😝。

🔅前菜 & 沙律
沙律同漬物份量啱啱好，酸酸地幾開胃😋。

🔅大蝦
好大隻，蝦肉都幾彈牙，有幾款醬同檸檬點，都幾夾👍🏻。

🔅帶子
睇圖都知佢有幾正！大大粒，係好靚既刺身級帶子，好鮮！簡單黎講就係好正😎！

🔅厚燒A5和牛 & 薄燒澳洲和牛
對比起海鮮牛就普通啲，薄燒和牛加左蔥蒜都夠香既。

🔅法國鵝肝
煎完即食好香好重油分，入口即溶，有個迷你burger夾住就即刻無咁邪惡就唔會覺得好膩，一流👍🏻！

🔅炒飯
炒飯加左蔥蛋和牛碎炒，炒到粒粒分明，好香🤤。不過和牛份量多少少就好🤣。

💬Lunch set係超抵食，過下omakase癮又唔貴，佢既海鮮同鵝肝真係好出色👍🏻，加埋成個環境同景真係好正💛。

🥢板神鉄板燒日本料理 (The Hennessy)
📍灣仔軒尼詩道256號The Hennessy30樓
☎️2816 27281
⏰星期一至日 12:00-15:00 & 18:00-22:00