ÔDELICE Wanchai
營業時間
| 星期六 | 11:00–22:00 |
| 星期日 | 11:00–22:00 |
| 星期一 | 11:00–22:00 |
| 星期二 | 11:00–22:00 |
| 星期三 | 11:00–22:00 |
| 星期四 | 11:00–22:00 |
| 星期五 | 11:00–22:00 |
服務選項
外送
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
咖啡
酒精飲料
酒精飲料優惠時段
啤酒
提供素食料理
葡萄酒
雞尾酒
用餐選擇
早餐
早午餐
午餐
晚餐
餐飲服務
甜點
座位
設施
附設酒吧
洗手間
適合兒童
Wi-Fi
提供免費 Wi-Fi
氣氛
氣氛悠閒
環境舒適
客層族群
適合團體
適合闔家光臨
規劃
接受訂位
付款方式
信用卡
簽帳金融卡
NFC 行動支付
經理呀KING 態度友善！招呼恰當！因應食客點菜建議出菜次序，對食材處理，烹調瞭解及講解。點左四個食品，好味！尤其係個蕎麥餅。
今日約咗個舊同事，所以落咗灣仔食晚飯，女同事都幾鍾意這間法式bistro 餐廳，今次發現佢個餐牌改變左，選擇多咗。佢嗌左一杯芒果椰子熱情果嘅smoothie ，天然材料，試咗一啖都幾refresh。我自己就叫買咗杯白酒，價錢幾相宜。法式蕎麥海鮮薄餅，外皮加咗蕎麥粉所以顏色較深入口有啲似日本嘅蕎麥味，有帶子，蝦及尤魚圈，香草白汁入口幾好味，充滿牛油香。今日冇食牛扒，吃了煎封大西洋鱈魚，有蘆筍，波菜薦底，少少豆蓉及蒜橄欖油，上碟顏色好吸引，味道清新，魚肉纖細柔嫩，油份幾甘香。新式油封鴨，油分減輕左，鴨肉唔會太鹹，用刀一次整個鴨髀都可以切開，鴨肉嫩滑有肉汁，伴碟嘅羽衣甘藍有煙肉炒個，突別惹味！面仲有少少蘋果醋汁可以減輕油膩感。甜品要咗個白雪公主可麗餅，不是法式正方形一塊，而家似日式捲起白朱古力慕絲，旁邊有士多啤梨汁及開心果。餐廳整體味道輕盈咗，上碟賣相吸引咗，幾好味，二個人吃咗$900， 算正常！
美味的食物，很好的份量
灣仔呢間溫馨法國小館食物幾好食😋，而且價錢合理，算係走親民路線嘅法國餐👍🏻
紅點三文魚他他$145
首先嚟過前菜，呢個三文魚他她味道都幾清新，加咗洋蔥青瓜等少少爽口，仲有creamy牛油果，配上麵包一齊食😋
馬賽龍蝦海鮮鍋$368
呢個海鮮鍋絕對適合我呢個海鮮控🥰，有半隻龍蝦、黑青口、大蜆、盲槽魚同埋魷魚，配上茄汁濃湯汁。海鮮樣樣都新鮮，其中龍蝦肉質好爽😍青口creamy好鮮😋盲槽魚煎得皮好香脆，魚冇骨而且唔腥👍🏻
香橙烤豬腩$218
呢個烤豬腩啲皮好脆😍，肉質鬆化，係一層層嘅五花肉，配上清新香甜嘅橙皮同埋醬汁，唔會覺得肥膩😋。底下仲有羽衣甘藍同埋薯蓉，配上肉汁同埋香橙醬汁好正👍🏻
火焰橙酒可麗餅$88
店員會喺可麗餅上面倒入橙酒然後點火，名副其實係火焰🔥橙酒經過揮發後香甜，配上雲呢拿雪糕同埋新鮮橙肉，用煎得香軟嘅可麗餅夾住一齊食，感覺清新一啲都唔會覺得甜膩😋
飲品方面我哋就選擇左花茶$45/壺，每款有唔同作用，我哋就揀咗舒緩同埋抗壓。都幾大壼，配有蜜糖，仲有1塊餅乾添，幾適合同朋友慢慢飲慢慢傾偈👍🏻
未有得去旅行，唯有係香港食大餐啦。今次去咗灣仔Odelice!食法國大餐。灣仔分店唔算大，只可以坐幾十人🙈 勝在張枱都還算大，可以放得落一整枱食物😍
火腿芝士拼盤 $228
呢個拼盤配白酒最正，白酒嘅香味可以沖淡芝士嘅膩感。呢個拼盤有法國風乾肉腸，豬頸肉火腿，18個月康提法國芝士，勒布洛雄芝士，好豐盛又高級嘅前菜～
低溫慢煮伊利比亞黑毛豬柳 $248
黑毛豬柳用慢煮嘅方式每一口都好軟嫩，底下嘅薯蓉好香奶味，好香滑。配砵酒醬汁，豬柳食落好juicy～
French Duck Confit Galette $140
呢個絕對係著名嘅特式法國菜，第一次食覺得幾新奇。佢係由雞蛋、艾門塔爾奶酪、桃子沙拉組成，味道似食緊蛋餅，除咗鴨肉絲仲有好多配料好多雜菜，感覺好健康😃
火焰燈酒可麗餅 $95
望住佢倒啲火焰酒落個雪糕同可麗餅覺得好靚～ 成個甜品食落甜甜蜜蜜，又有點冰冰涼涼口感好特別～
紅菜頭，蘋果，紅蘿蔔汁 $38
三個水果混合而成嘅果汁隻色好鮮艷，仲好健康。味道唔算太甜，質地好濃稠～
主要食兩款不同的沙律及海鮮意大利飯， 沙律大碟且豐富!
我什至沒有在這裡吃過飯。我在晚上 8:00 走進來，但那個人說他們會提前關門進行清理。就在這時，我們身後的一個女孩說她已經預訂了進去。太糟糕了！
之前女朋友話好想食Crepe 所以放工就去咗Odelice 到食晚餐順便食甜品
我自己叫咗杯紅酒 女朋友就叫左花茶 配埋Honey同埋曲奇 好潤喉清新
前菜叫咗個番茄茴香酒煮蜆 顯要都算好大隻亦都好鮮甜夠新鮮 配上濃郁蕃茄汁都冇掩蓋到顯肉嘅鮮味 作為前菜剛剛好夠輕巧
主菜有馬賽龍蝦海鮮鍋 材料非常之豐富有半隻龍蝦 黑青口 蜆肉 盲曹魚 同魷魚 就咁講已經知道個鍋好夠鮮味啦全部海鮮嘅精華都去晒個湯底到 龍蝦爽口彈牙 完全唔會煮過火 青口好新鮮亦都洗得好乾淨 至於魚方面 魚皮煎得好香脆 魚肉都有咁上下嘅厚度食落去好有口感 我覺得呢一度係嚟到必食嘅菜式之一
嚟到食法國菜一定要嗌個法國油封鴨腿啦 鴨腿肉好嫩滑 醃料味道亦到位 旁邊仲有煎蘋果 可以解膩 亦都有羽衣甘藍炒煙用作配菜
今次你嘅重點係Crepe 我哋叫咗個火焰橙酒可麗餅 店員會喺啲酒上面先點火 再淋落個可麗餅同雪糕上面 真正嘅冰火交融 酒香配上雪糕仲有香橙嘅淡淡牛油香可麗餅 係絕配
服務
內用
餐點類型
晚餐
⭐️Odelice。灣仔平民法國餐⭐️
味道指數：😋😋😋😋😋
扺食指數：💲💲💲💲💲
環境指數：😍😍😍😍
💰人均消費：$500
~~~~~~~~~~~~~~~~~~~~~~~~
雜錦凍肉拼盤 (⭐⭐⭐⭐⭐)
先來個前菜，呢個拼盤頗為豐富，包括法國鴨肉醬、意大利火腿、法式火腿、風干榛果肉腸，再配以酸菜，口感不俗，涼浸浸、酸酸地，令胃口大增。
薄荷茶配蜜糖 (⭐⭐⭐⭐💢)
飲品要介紹吓呢個都幾特別嘅薄荷茶，有蜜糖再有塊餅，飲落有提神舒緩嘅作用，用嚟餸菜都係唔錯嘅選擇。另外個茶壺幾特別，打卡都唔錯。
香橙烤豬腩 (⭐⭐⭐⭐⭐)
呢款烤腩係主菜嚟嘅，配羽衣甘藍、薯蓉。賣相非常精緻，豬腩外皮鬆脆，配橙配搭都非常特別，再加埋一啲羽衣甘藍嘅沙律，再有少少薯蓉填肚，幾滿足。
牛脊肉配法國鸭肝 (⭐⭐⭐⭐⭐)
呢款係採用新西蘭牛脊，配黑松露醬汁。鴨肝鬆軟可口，用料上乘，平民價錢食到法國餐，值得一試。
法式可麗餅 (⭐⭐⭐⭐⭐)
作為甜品係唔錯嘅選擇，因為呢款出邊唔係成日有，所以就點左。可麗餅其實由一個薄餅底組成，上面有雪糕，係用火炙燒嘅，冰暖交加口感都幾特別
~~~~~~~~~~~~~~~~~~~~~~~~
Odelice! 灣仔蘭杜街2號地下9號舖
推介菜式：牛脊肉配法國鴨肝，法式可麗餅
👍🏻地點方便
👍🏻法式風情
👍🏻價錢合理
Odelice!灣仔不嬲係慶生嘅好選擇，今次好友生日又揀左佢👍🏼
雜錦凍肉拼盤 $165
風乾榛果肉腿，意大利火腿，法式火腿，因其中一款火腿沽清，轉做煙三文魚😍酸種麵包脆脆的，配法國鴨肉醬都幾正。
法國油封鴨腿 $195
原隻上，油封這個烹煮方式令到鴨肉更軟嫩🥰🥰，味道香濃，唔錯唔錯。
伴碟都唔馬虎，羽衣甘藍，焗新薯，蘋果酒醬汁，蘋果個味調得好好食，為整個菜式加點清新嘅感覺☺️👍🏼
🐄香煎法國鴨肝佐新西蘭牛脊肉200克 $328
呢個牛脊肉超好食‼我地叫咗五成熟，️肉色好粉嫩，肉質超軟腍😚，冇筋又唔嚡，牛味香濃，黑松露醬同牛脊肉又好夾，唔會搶左牛味，推介🫶。鴨肝小小的一片，甘香不膩😋，唔會食到成口油。薯蓉亦軟滑好食😄
🍊火焰橙酒可麗餅$88
可麗餅淋上橙酒，再營造火焰🔥飛舞，視覺效果唔錯😍，可麗餅質感煙韌，冰凍嘅雲呢拿雪糕混合濃烈嘅橙酒，味道變得柔和清新，唔錯♥️
Detox 排毒$45
花草茶全採用法國有機田園的優質植物、花卉和乾果。呢杯Detox有留蘭香薄荷,迷迭香,百里香, 金錢草,蒲公英，鐘意迷迭香嘅就啱晒，可按喜好加蜜糖調味🫶
單點仲可有全單八五折🤭
美味 Brunch Set 😃
灣仔～Odelice
Odelice 有幾間分店都有不同特色，今次嚟位於灣仔呢間，品嚐下 Brunch Set！一入餐廳內就感覺到寧靜舒服，Brunch Set 都頗多選擇！😄
🍴半隻龍蝦炒蛋 ～ 賣相已經好吸引 🤩，隻蟹鉗好大隻兼啖啖肉，又甜又彈牙，配合埋牛油果沙沙、炒蛋、荷蘭醬汁、布里歐修麵包，真係冇得彈！👍🏻😋
🍴班尼迪克碗 ～ 食材非常豐富，有淋甜燒茄子、薰煙茄子蓉、香滑牛油果、車厘子、哈羅米芝士，當然還有主角煙三文魚啦…撈埋荷蘭醬汁、還有布里歐修麵包，真係食得開心又滿足！👍🏻😘
🍴香蕉船可麗餅 ～ 雲呢拿+士多啤梨雪糕，配合濃味朱古力醬、脆脆焦糖花生、香甜香蕉，食完滿足晒！👍🏻😍
這間餐廳星期六日有brunch set，brunch包有主食同湯或飲品。
我跟朋友點了一份半隻龍蝦炒蛋及班尼迪克碗，估唔到咁好食，份量都好足。
朋友最後仲點了甜品香蕉船，岩哂大人細路。
服務
內用
餐點類型
早午餐
好耐好耐之前食過呢間餐廳，時間兩年，翻返嚟食，仍然係好滿座！
明明係平日嘅晚上，但係都full House🤭
今次我哋食左蕃茄煮蜆，牛脊肉配法國鴨肝，香橙烤豬腩，另外仲叫咗個士多啤梨Tiramisu另外仲叫咗一個sy❤️❤️❤️😌
今次我哋仲試咗花茶😍😍😍
先來個蕃茄煮蜆，頭盤來講，佢嘅煮蜆份量算好多，而且蕃茄味酸酸甜甜，好開胃👏🏻👏🏻👏🏻
然後不得不讚嘅係個牛，雖然睇落細細份，但係其實好厚切，食完半碟都好飽，而且個鴨肝超級好食😍😍係入口即溶㗎😍😍😍
至於個香橙豬腩，我覺得硬咗少少，但係嗰香橙汁好開胃，估唔到香橙同豬腩咁夾😍😍😍
最後係個甜品，中間有少少海綿蛋糕做得好鬆軟😍😍好好味，士多啤梨一啲都唔酸😍😍
最後花茶，本身唔太好花味嘅我都好接受到佢，而且仲可以添飲😆😆😆
都係嗰句，下次再黎試埋其他菜式❤️❤️❤️
曾經帶朋友來吃午飯都很滿意！今天就帶另一個朋友試晚餐。我哋點了….
生牛肉薄切 ：生牛肉很軟而且有肉味，火箭菜很新鮮，還有巴馬臣芝士碎跟蘿蔔仔，配上芥茉醬和黑松露醬汁，超好味！
牛脊肉配法國鴨肝：牛脊肉五成熟很鮮嫩和很有牛味，鴨乾煎得外脆內軟，配菜有很甜的洋蔥，而蒜頭這樣煮口感像薯仔，好味；薯蓉好creamy
法國油封鴨腿：油封鴨好嫩好入味，配埋羽衣甘藍、薯仔和蘋果。原來蘋果跟油封鴨好匹配，蘋果甜甜地又少少酸，好開胃同時減低油膩感
蕃紅花啤梨蛋糕：啤梨微暖，蛋糕不會太甜，質感又不會太厚實。
白酒：食法國菜點要點wine😌我們選了白酒，算是大杯，而且易入口
服務
內用
餐點類型
晚餐
今日係星期一blue Monday 所以我約咗個朋友出嚟食吓飯聚下舊傾吓計
我哋兩個都係港島區返工嘅所以就搵咗個中間點喺灣仔嗰度食飯
呢間餐廳喺OpenRice嘅排名都幾高所以你試吓
😀
除咗一般嘅單點菜式以外而家晚市都會做緊$788.2人餐選擇都非常之多不過今日我哋就選擇咗散叫
逢星期二嘅時間亦都會有青口放題啱晒鍾意食海鮮嘅朋友仔！
望吓餐牌嘅選擇亦都非常之多三心兩意嘅我哋就係前菜同埋主菜，甜品都揀咗啲嘢食
前菜方面我哋揀咗雜錦凍肉拼盤
拼盤當中包括左風乾榛果肉腸，意大利火腿，法式火腿，法國鴨肉醬，再配上搽咗牛油嘅酸種麵包，仲有一盤嘅橄欖🫒
由淡味去到濃味都有，再配上麵包一齊食簡直係Perfect match
之後我哋叫咗一個龍蝦海鮮鍋
上碟嘅時候覺得好震撼！
因為估唔到份量係有咁多嘅！當中嘅海鮮包括左半隻嘅龍蝦，青口盲曹魚，魷魚同埋蜆:D
海鮮充滿着蕃茄嘅湯汁非常之好味😋
而且魚肉非常之嫩滑
又夠厚身
整體海鮮都非常之新鮮:D
另外我哋就叫咗一個法國油封鴨腿
即係原汁去相機再配上一個炒咗嘅羽衣甘藍同埋焗薯仔配上蘋果走醬汁食落去係好清新！
令我帶有驚喜嘅鴨肉質好嫩，味道香濃好Juice:kiss:
最後當然唔少得㗎係甜品啦一個叫做火焰橙酒可麗餅:D
佢會喺可麗餅上邊淋上一啲嘅產走然之後仲有一個火焰嘅效果出嚟視覺上係幾吸引嘅！煙煙韌韌嘅可麗餅配上雲呢拿雪糕同埋香甜嘅橙食落去都好柔和！
最後我哋各自叫左杯嘢飲我就係叫咗抗壓花茶，飲落去係淡淡的花香非常之容易入口再可以自己配埋蜜糖
朋友收帶咗朱古力🍫
濃厚嘅朱古力味，令到自己好似置身於朱古力嘅噴泉入面:D
服務
內用
餐點類型
晚餐
大眾化的法式小館
法國菜給人的印象是浪漫、美味和奢華，法國人享受美食，更視之為藝術，高級法國餐廳消費昂貴，非一般人可以光顧。今天來到灣仔蘭杜街一間法式小館「Odelice」午膳，這間始創店是一位法藉老板主理，由於口碑好，在香港設有四間分店，精選法國優質食材，創作出融合法式風味的精緻菜餚，為食客提供美味且價錢大眾化的法式用餐體驗。星期六的推介是brunch set:
Benedict Bowl – 燒茄子、煙燻茄子蓉、牛油果、車厘茄、溫泉蛋、煙三文魚和布里歐修麵包。材料豐富，布里毆修是法國著名的麵包，外皮金黃鬆脆，內裏柔軟，配以溫泉蛋同食，相當滋味。
龍蝦芝士焗蝴蝶粉 – 龍蝦新鮮彈牙，芝士香濃軟滑，焗至金黃色，令人垂涎欲滴，回味無窮。
士多啤梨提拉米蘇 – 兼具柔滑與苦甜滋味的提拉米蘇加上鮮甜美味的士多啤梨和意大利甜酒，非常美味，不愧為餐廳的招牌甜品。
餐飲揀選了混合紅菜頭、蘋果和紅蘿蔔汁，清甜味美。
我喜歡這家餐廳，這是與朋友和家人一起去的完美場所！
服務
內用
餐點類型
晚餐
🍖 不一樣的法國菜體驗
之前去過荃灣分店，記得食飯同用餐環境都唔錯，唔會好似傳統法國餐廳咁好拘謹。今次就同港島的朋友嚟灣仔分店食晚飯，個用餐體驗同食物質素同之前去荃灣分店的一樣高質，食得自在，環境舒服。
兩個人食，就叫咗一個頭盤，兩個主食同一個甜品share 食。朋友仲叫咗杯紅酒，我就飲花草茶。呢個份量啱啱好，唔多唔少，好滿足。
頭盤 – 雜錦凍肉拼盤：呢個係朋友指定的菜，話配紅酒一流。呢個拼盤個份量十足，有風乾榛果肉腸、意大利火腿、法式肉腸、法國鴨肉醬和酸種麵包。一次過食不同國家的凍肉，最特別係見到鴨肉醬，同麵包一齊食，個味道好夾，唔會覺得鹹。
主食 – 牛脊肉配法國鴨肝和法國油封鴨腿：牛脊肉配法國鴨的牛脊肉叫咗五成熟，估唔到廚師火候同時間掌握得好好，個牛脊肉切開個肉仲係紅紅地色，塊牛脊肉好嫩口，有肉味，而鴨肝就入口即溶，兩者夾在一齊，充滿層次感。法國油封鴨腿，都係好嫩口，最特出係配菜，有清新酸甜的蘋果，中和咗肉的油膩感，焗新薯外脆內軟，加埋羽衣甘藍平衡了肉同菜的比例。
甜品 – 上次食椰香蕉糖烤布蕾，對佢念念不忘，諗住今次可以再食，好可惜賣晒，就叫咗士多啤梨提拉米蘇：好特別的Tiramisu, 因為無咖啡，但有新鮮的士多啤梨同士多啤梨醬，酸酸甜甜。
呢間餐廳d 食物高質之外，個環境仲好好，職員好細心，服務好好。
服務
內用
餐點類型
晚餐
番茄茴香酒煮蜆
蜆肉乾淨沒有沙子。將蜆肉起出，伴隨醬汁一齊吃，蕃茄汁帶出蜆肉的鮮味，茴香味增加了香味，層次豐富突出。
馬賽龍蝦海鮮鍋
材料豐富，有半只龍蝦、黑青口、大蜆、盲槽魚、魷魚，混合蕃茄醬煮熟之後，既能保持食物原有的味道，蕃茄醬更加帶出海鮮的鮮味，配合得天衣無縫。
香橙烤豬腩
腩肉油脂分布均勻，一層油一層肉，口感不韌，細味咀嚼滲出香濃的豬肉香味在口中蕩存。豬肉本身吾咸，可以配合香橙醬一起吃。
馬賽龍蝦海鮮鍋
材料豐富，有半隻龍蝦、黑青口、大蜆、盲槽魚、魷
魚，混合蕃茄醬煮熟之後，既能保持食物原有的味
道，蕃茄醬更加帶出海鮮的鮮味，配合得天衣無縫。
火焰橙酒可麗餅
玩味十足，橙酒遇上火焰，熱度上升，火熱遇上雪糕
融化雲尼拉雪糕，
一熱-
一 凍一齊食，有散發的橙酒
味，的確鎖魂。
花茶Anti-Stress
中國人的飯後一杯茶，勝過神仙，也適合於西餐。
杯解壓花茶，味道千變萬化，難以形容，包含：香
茅、薰衣草、玫瑰花瓣、蘋果乾，不同熱度飲和不同
甜度飲都有不同感受，越飲越精神，越飲越輕鬆。話
題乜變得多左。
價格合理，有一些不錯的菜。
服務
內用
餐點類型
早午餐
誠意滿滿的法國菜
今晚約了好友去灣仔食飯，專登揀一間高質嘅法國餐廳，叫做可以在忙裏偷閑
，順便chill 下。
晚餐有套餐食，其實選擇都好多，所以性價比係吸引！
蕃茄茴香酒煮蜆
前菜食咗個酒煮蜆，蕃茄味香濃，酒味甘香，蜆肉口感Q彈。
馬賽龍蝦海鮮鍋
海鮮鍋包羅萬有，最開心係有大大隻龍蝦🦞，龍蝦肉味鮮甜，吃落去啖啖肉，令人非常滿足👍🏻！
其他海鮮仲有黑青口、帶子、盲曹魚、魷魚等，當中值得一贊係盲曹魚煎得十分香口。
香橙烤豬腩
豬腩肉質夠腍，柔軟嫩滑，脂肪分佈適中，而外皮烤得香脆，仲要配搭羽衣甘藍薯蓉，再加上少許香橙汁，完全令味道再度昇華。
火焰橙酒可麗餅
可麗餅係我認為係呢間餐廳必食嘅食物，今次揀咗橙酒味，而其酒味濃烈，連同雪糕一起食，即刻好易入口。
飲品方面，朋友話要減下壓，所以佢揀咗舒緩法國花草茶，而我就飲蘋果西打起泡酒，味道帶點清甜。整體而言，呢餐晚飯令我和朋友都非常滿足呢！
服務
內用
餐點類型
晚餐
又嚟到odelice 食晚餐🍽️🍴，之前嚟到都會點返以前食過覺得好食嘅菜式。今次食下餐牌其他未食過嘅嘢先😍
🍹熱帶風冷凍茶飲
芒果、熱情果及羅勒🌿，水果味道天然。
🍸 rosemary grapefruit G&T
這杯cocktail造型幾girly， 漂浮著幾塊🌹玫瑰花瓣，味道清新，由氈酒及西柚香甜酒調配。
🐌法國香草蝸牛配薯糰丸子
好少食法國蝸牛，口感爽滑都唔錯，薯糰丸子煙煙煙煙靭靭好得意，配香草醬好夾。
🐟香煎三文魚配燒茴香薯蓉日曬番茄醬汁
三文魚煎得皮脆肉嫩，燒茴香幾得意，口感爽脆😍
🍊香橙烤豬腩
烤豬腩好肥美，外皮脆到似薯片，肉質鬆化 ，香橙醬汁令到成個菜都冇咁漏，配健康嘅羽衣甘藍同車厘茄。😍
🍋法式蛋白霜檸檬撻
蛋白霜滑溜，檸檬撻香甜清新。
餐點：5
服務：5
氣氛：5
灣仔區這間法國餐廳應該很多人都會認識，屹立於灣仔蘭杜街已經超過8年，法國老闆第一間開既店，直到現在已經有3間店舖，可想而知美味程度保持一貫水準
由以前舊有裝修直到今日既新裝修，改了不少風格，摩登時尚，座位闊落了不少，比以前舒適得多
Brunch Menu 選擇多，價錢夠大眾化
Topoical Passion Iced
熱情果加芒果味道很清涼，有種涼快嘅感覺，最啱夏天季節
椰子咖啡
將咖啡椰子汁打成沙少冰既效果，香濃咖啡帶一點椰子味道，正
Egg benedict $160
63°C 溫泉蛋，流心蛋黃面上用火槍炙過，有一層焦香味，誠意之作，其他配料亦夠新鮮
龍蝦芝士焗蝴蝶粉 $258
半隻大龍蝦，新鮮鮮甜，超級香濃厚厚芝士鋪滿蝴蝶粉，夠惹味
Criepe $75
最後當要食甜品做總結啦，每次來都必點甜品， 焦糖醬朱古力醬配雲呢拿雪糕既可麗餅，不太甜，啱我口味
真的很喜歡這間法式小店
服務
內用
餐點類型
午餐
Brunch時間去，點了點了班尼迪克碗小清新之選!
食材有燒茄子，煙燻茄子蓉，牛油果，車厘茄，63度温泉蛋，荷蘭醬汁，布里歐修麵包配煙三文魚
我覺得最特別既係麵包!🍞
用了布里歐修麵包，有別於一般，咬落去好軟同融化😋
配上蛋汁真係好好食!
同埋麵包本身帶甜，所以更好食呢!😁😁
服務
內用
餐點類型
早午餐
好耐冇去旅行，朋友話帶我去一間充滿法國氣息嘅餐廳，感受一下異國風情。
餐廳位於蘭杜街。牆上掛滿壁畫，裡裡外外充滿法式風情。
主打法式料理，由平日的早、午餐、下午茶 到晚餐以至Brunch 都有供應。
班尼迪克碗
燒茄子，煙燻茄子蓉，牛油果，車厘茄，63。溫泉蛋，荷蘭醬汁，布里歐修麵包配哈羅米芝士。麵包外邊脆內軟綿，溫泉蛋流心嫩滑。哈羅米芝士口感外脆內軟，充滿彈性，帶陣陣鹹香。
龍蝦芝士焗蝴蝶粉
充满芝士味，蝴蝶粉撈勻焗好嘅芝士，非常美味，而且口感有嚼勁。龍蝦新鮮大隻，啖啖肉。芝士還有拉絲的效果。
香蕉船可麗餅
餅皮軟綿的餅皮，加上雲呢拿雪糕同士多梨雪糕，灑上香脆花生碎，不甜不膩焦糖醬及細滑濃香香蕉朱古力醬，完美嘅香蕉船。
Avocado, Banana & Oat Milk Smoothie
牛油果，香蕉，燕麥奶沙冰，味道香濃，口感幼滑。
熱帶風凍飲茶
熱情果，菠蘿汁，芒果，羅勒，配搭非常清新。
悠閒法式午餐🇫🇷✨
上星期日約咗朋友喺銅鑼灣行街，打算物色黎緊慶祝朋友生日既禮物。
行到去金鐘同灣仔交界，我地發現一間別緻嘅法國餐廳，而且menu睇落幾吸引，於是我地好快就拍板決定入去試菜。我地大約一點半入座，週末呢個時間好適合食返個brunch😋
當日餐廳高朋滿座，喺我地享用午餐既兩個鐘內，都不斷見到食客輪流轉。為左唔好影響到其他人，我地等到前面嗰枱食客一走就快手影左張室內環境相 🤣 餐廳牆上掛左唔少同法國有關既畫報，走一種簡約風格。
Weekend brunch set餐牌十分簡潔，一頁囊括曬各種不同既菜式，包括飲品、主食同甜品等等。除咗咖啡、奶茶等經典飲品之外，餐廳仲提供健康飲品例如果汁同smoothie~ 🍹
我地點左all day breakfast、龍蝦炒蛋toast 同埋一客甜品，另外仲點左兩杯飲品。
All day breakfast $135
我點左一道All day breakfast，食材包括香滑炒蛋🍳、烤焗薯🥔、煙三文魚🍣、牛油果莎莎🥑同埋烘到脆卜卜嘅酸種麵包多士🥪。
煙三文魚份量十足，鮮味肥美，魚油豐腴，同牛油果莎莎醬🥑好相配👍🏼
每一樣食物都好新鮮好好味，我最中意佢個牛油果莎莎醬🥑，口感香軟細滑，牛油果味道濃郁，可以搽喺多士上面，又可以配埋煙三文魚一齊食👍🏼
Odelice! 用黎整toast既麵包係sourdough toast，酸種麵包口感同味道都比一般麵包更豐富🍞 要做呢款酸種麵包，廚師要預早大約一星期預備酸麵種。加左酸麵種嘅麵包氣孔比較不一，所以toast 嘅表面有唔少不規則嘅花紋。
半隻龍蝦炒蛋 $258 🦞🍳
朋友點嘅係半隻龍蝦炒蛋，我地都覺得佢既造型似egg benedict，因為表面既蛋黃依然係流質狀態，而且食到好似荷蘭醬既味道🍳荷蘭醬係法式料理五大醬料之一，酸甜清香，富有奶油嘅味道。
我地最期待既係佢嗰半隻龍蝦，龍蝦肉質鮮嫩，爽口彈牙，用黑胡椒調味後都依然品嘗到佢既鮮味。
香蕉船 Banana split crêpe $95
第一次見到crêpe係以香蕉船既形式呈現，我地都覺得好有創意，外觀非常吸睛。
Crêpe 盛載住香蕉🍌、士多啤梨🍓同埋兩球雪糕🍦。雲呢拿雪榚同士多啤梨雪糕表面淋左朱古力醬同埋焦糖醬，另外仲灑左少許焦糖花生，真係甜上加甜，貫徹左法式甜品既獨特風格 🇫🇷
紅菜頭蘋果紅蘿蔔汁 $42
朋友點左一杯紅菜頭蘋果紅蘿蔔汁🍎🥕，佢話好fresh 好好味，而且好符合佢崇尚健康既生活方式。
牛油果香蕉燕麥奶沙冰 $48
我就點左杯牛油果香蕉燕麥奶沙冰，味道比想像中更好飲！Smoothie入口細滑，香蕉味道突出，同牛油果好襯，而燕麥奶就令成杯飲品既口感更smooth! 🥑🍌🥛
餐廳氣氛休閒舒適，適合中意慢活嘅人。而且食物質素亦都唔錯，店員既態度親切有禮，難怪一直都咁受大眾歡迎。
服務
內用
餐點類型
午餐
同朋友嚟咗呢間喺灣仔嘅法國餐廳食飯，價錢都幾親民。餐廳採用寶藍色嘅裝修，燈光足夠，環境唔錯。
蕃茄茴香酒煮蜆 ($135)
蕃茄茴香酒呢個組合都係第一次食。食落酸酸地好開胃，可以食到淡淡嘅香草味，而且啲蜆隻隻都飽滿冇沙，係個唔錯嘅開胃小菜。
牛脊肉配法國鵝肝 ($328)
係完美嘅配搭，鵝肝同牛脊肉都好食。牛脊肉煎到五成熟，切開入邊仲係紅紅地，牛肉非常嫩口同埋牛味濃郁。鵝肝外面輕微煎封，入口即溶。配菜方面，側邊有好creamy嘅薯蓉，同埋原個蒜頭，非常高質。
香橙烤豬腩 ($218)
豬腩半肥瘦，外皮鬆脆，肉質亦都唔乾硬。配以橙皮絲同橙汁，令豬肉少咗肥膩嘅感覺。配菜有雜菌、羽衣甘藍、車厘茄同埋薯蓉，吸收晒肉汁嘅香味。
士多啤梨Tiramisu ($78)
平時好少食水果味嘅Tiramisu, 估唔到呢個款式幾清新, 而且少咗咖啡同傳統Tiramisu嘅酒味, 比較鮮甜。
Rosé ($85)
幾啱女仔飲, 而且同法國菜好夾。
排毒有機花茶 ($45)
朋友比較鍾意fresh嘅飲品, 佢就揀咗排毒花茶。有留蘭香薄荷、迷迭香、百里香、金錢草、蒲公英。其中薄荷味比較突出，而且仲可以送埋蜜糖，飲完好身心舒暢。
呢間法式餐廳一直都有朋友推介我去食,不論係餐廳既氣氛同食物既口味都有幾唔錯既評價.餐廳可以選擇既款式都幾多,而且去既當晚咁啱係佢地星期一既牛排放題,差唔多每枱都enjoy緊呢個promotion.
夏名布里昂牛排 Châteaubriand (600g)
作為法國名品牛排菜式之一既夏名布里昂牛排.牛排肉質嫩腍且不帶肉筋,中間呈粉嫩色既肉質,入口滑嫩豐肉香.
蟹肉辣肉腸意粉
以炸軟殼蟹拌上辣肉腸,意粉帶點微辛香而且相當惹味.
煎封吞拿魚簿片 Tuna Carpaccio
吞拿魚肉身飽滿且富彈性,配上車厘茄及橘子肉更清新.
Brittany Mojito
清新又充滿薄荷香氣
GLS-Pear Cider
入口清爽易入口.
我真的很喜歡他們的牛排。簡單地烤，但它有很濃的燒烤味。絕對有興趣回來享用周一的牛排自助餐。貽貝太可怕了。幾乎所有的人都有一些海草/苔蘚的東西，這真的很噁心。也不喜歡可麗餅。還有一個韃靼，它只是一堆無味的原料，加鹽會更好。
餐點：4
服務：5
氣氛：5
晚餐去了Odelice食西餐！ 款式多而且幾特別！
法國生牛肉他他
牛肉質地煙煙韌韌，好新鮮，餐廳用了100克阿基塔牛脊肉， 鹹度剛剛好， 配麵包食令味道更出！👍🏻
香煎三文魚
三文魚煎得好香脆， 啖啖肉厚身無骨，唔會太油膩！ 配燒茴香，薯蓉及番茄醫，好吸引！🥰
香橙烤猪腩
豬腩肉肥瘦均勻，肉汁juicy, 淡淡香橙味！腩肉下面墊了羽衣甘藍, 及香滑嘅薯蓉，份量剛剛好！ 😋
法式蛋白霜檸檬撻
檸檬撻賣相吸引，無想像中咁酸，略甜，但都好清新！ 好啱食完主餐食呢個甜品👍🏻👍🏻👍🏻
Tropical Passion 熱帶風
有熱情果同芒果，酸酸甜甜！🥰
Passion Colada
呢款cocktail用了白朗姆酒， 檸檬香甜酒， 椰奶，熱情果，橙汁及檸檬汁！ 酒味唔會太過濃，加了水果好香微甜！ 👍🏻
餐點：4
服務：5
氣氛：4
最近約了姊妹放工後小聚，想找一個食物質素佳又環境清靜的餐廳，便想到位於灣仔蘭杜街的Odelice法式餐廳。
長形的餐廳內座位擺設在兩旁，牆壁掛滿法國圖片，在柔和的燈光下，客人可盡情地享受充滿法式風情的晚餐。
一如以往，我們點了大家喜愛的食物開心分享😋。
🥩 Steak Tartare 100g 生牛肉他他
這款經典法式前菜，用上新鮮牛肉拌醬，肉質幼滑，軟腍多汁，帶點微辣；配以鬆脆法包🥖，作為前菜一流。
🐟 Salmon Fillet 香煎三文魚
三文魚皮脆肉嫩，營養價值高，加上新鮮檸檬汁，加添香氣；燒茴香味道香甜，配以幼滑薯蓉、蕃茄醬汁， 十分美味。
🐏 Lamb Shank 慢燉羊膝
慢燉烹調方式令羊膝保持肉質多汁嫩滑，廚師預先把羊膝拆肉，肉味香濃細膩。
拌入新鮮的羽衣甘藍🥬、甜滑的新薯🥔、煙煙韌韌的薯糰丸子外表微脆、內𥚃軟糯；再加上傳統羊肉汁，層次感豐富，美味香甜，配搭盡顯心思。
🍰 Pear & Almond Tart 啤梨杏仁撻
以往甜點通常會叫佢哋做得出色的可麗餅，今次就試吓啤梨杏仁撻，估唔到一樣做得好好味，半個透明熟透啤梨，加上焦糖醬，放上香脆杏仁，味道甜甜的，不錯的選擇。
🍸 Passion Colada
這款由熱情果、橙汁、椰奶、檸檬汁、白朗姆酒和檸檬甜酒混合而成的雞尾酒，清香味甜。
🍹 Tropical Passion Ice Tea 熱帶風
由熱情果、芒果和羅勒集於一身的冰茶，清甜解渴。
整體而言：地點方便、食物質素佳、環境舒適、適合朋友或情侶共聚的好地方。
服務
內用
餐點類型
晚餐
頭盤<>
食法國菜點可以唔食法式蝸牛?!
餐前酒
飲少少酒除咗開胃仲令人心情愉悅.
甜甜哋, 唔會太苦, 容易入口.
主菜<>
開邊龍蝦大大隻啖啖肉, 鮮甜彈牙!
青口新鮮嫩滑, 盲槽魚脆而香口.
多士吸收哂蕃茄雜菜湯嘅精華, 超滿足!!
主菜<>
聞到淡淡嘅砵酒香味.
鴨腿超軟嫩, 用叉一撥就開!
甜品<>
簡直係視覺和味覺結合嘅藝術!
一次過可以品嚐到橙酒嘅香氣, 加上焦糖嘅甜, 雪糕嘅泠涷.
<>
味道清新唔澀, 加少少蜜糖更加滋潤.
服務
內用
餐點類型
晚餐
😋美味法國晚餐
🏠這家餐廳很受歡迎，建議預先預枱，以免白行一趟。餐廳環境舒適，侍應生服務殷勤。
🥭熱帶風是一杯凍雜錦果汁，熱情果甜，芒果香，加入羅勒的飲品很特別。
🥥椰香熱情特飲，含有白朗姆酒和檸檬香甜酒，再加入椰奶、熱情果、橙汁和檸檬汁，是一杯味道層次豐富的水果甜酒。
🐌法國香草蝸牛。蝸牛彈牙惹味。醬汁含有羅勒和橄欖油。薯糰丸子含有薯仔蓉和麵粉，口感煙韌。
🐟香煎三文魚，三文魚剛剛熟，肉嫩多汁。燒茴香鮮甜。薯蓉美味，口感綿滑。日曬蕃茄醬汁帶點酸味。
🍖慢燉羊膝，賣相壯觀，羊膝已被切開，變成很多件一口羊肉，羊膝口感嫩滑，羶味輕微，恰到好處。羽衣甘藍鮮嫩，營養豐富。薯仔外層被烤過，特別香口。薯糰丸子口感煙韌。
🍽火焰橙酒可麗餅，是法式甜品，賣相美觀。可麗餅軟軟帶點煙韌，橙味香濃，酒味清淡，連同橙肉及雲呢拿雪糕一起吃，很美味。
😀總結：環境舒適，食物美味。
* o.delice
😋餐廳：Odelice! (蘭杜街)
🏠地址：灣仔蘭杜街2號地下9號舖
☎️電話：25202311
#foodie #food #foodpic #foodphoto #yum #yummy #delicious #tasty #相機食先 #手機食先#hkfood #香港美食 #美食 #hkig #ighk #odelice #灣仔#法國菜 #可麗餅
服務
內用
餐點類型
晚餐
✨Beef & Truffled Mushrooms Galette $135
呢度嘅galette好大份好足料，而且係gluten free😎 一黎就聞到陣陣黑松露嘅香味，薄餅面頭見到滿滿嘅松露忌廉汁、牛肉碎粒同埋雜菌🤤中間加左emmeental cheese，口感比較厚實，芝士味濃郁，好岩配搭味道偏淡嘅蕎麥薄餅😚 薄餅底煎得幾好，有少少焦香同微脆！係值得推薦嘅菜式👅
–
✨Smoked Salmon Benedict Bowl $160
好豐富同埋用心嘅一盤，食到好滿足🤩 egg benedict同smoked salmon係我至愛🫶🏻 呢間分量非常唔吝嗇，smoked salmon有3塊好大塊！比較特別嘅係個煙熏茄子蓉，由洋葱、蒜同埋茄子整成，味道特別，仲可以配埋燒茄子一齊食😙燒茄子外皮焗得香口，口感十分軟腍 🍆另外仲有牛油果車厘茄他他🥑 全部都好好味🥰
–
✨Chocolate “Moelleux” Cake $85
呢薦‼️如果去一定要叫呀🤣古力味勁濃郁，口感好嫩滑好似布丁咁，有入口即溶嘅感覺！而且個蛋糕入面都有好多杏仁片，食落味道同口感都豐富左😍😍上面嘅cream都好滑，配埋蛋糕一齊食中和下超濃嘅朱古力味冇咁容易膩😛呢個真係好好味，絕對會encore🙌🏻
–
✨Tropical Passion Ice Tea $40
熱情果味同薄荷味都突出，好fresh👀🍹
–
✨Mad Mango Smoothie $48
芒果味好重，甜度適中，沙冰好滑☺️🥭
服務
內用
餐點類型
早午餐
位於金鐘呢間法國西餐廳之前食過一次，近排裝修完menu都轉左黎睇下有無咩特別新野食
裝修完餐廳闊落左好多，坐得更舒適，價錢依然親民
Clams Pastis $135
作為starters黎講 呢個番茄茴香酒煮蜆係幾好既選擇
酸酸地好開胃
蜆肉新鮮 分量都吾少
Foie Gras Tenderloin $328
係鴨肝配牛肉
牛肉我地揀左medium
岩岩好 無overcook 肉質粉粉嫩嫩
入口柔軟
鴨肝味道好香 無騷味
讚呀！
Pork belly $218
香橙烤豬腩
係西式燒腩仔
燒到外皮超脆 肉質都彈牙
配上香橙汁意外地夾
本身都有d 擔心會好苦澀
結果完全無！
羽衣甘藍&薯蓉都整得好lum 配上香橙汁好好食
第一次清曬d配菜
Crepe Suzette $88
火焰橙酒可麗餅
係crepe 上面淋上點左火既酒精
好睇又好食
橙酒crepe 無甘濟 幾特別
Soothing Tisarom $45
有舒緩功效既茶
有水果&花香
House white $75
微甜吾錯
放耐左都吾酸
📍Odelice （wanchai）
🍽 黑松露牛肉雜菌薔麥薄餅+ 班尼迪克碗+
朱古力”Moelleux”‘蛋糕+Tropical Passion
😋 已經係第二次嚟食(≧▽≦)佢哋嘅brunch set一路都好出色～
🍕 黑松露牛肉雜菌薔麥薄餅
係牛肉漢堡、埃文達芝士同松露忌廉汁嘅組合！松露味濃得嚟再配埋熱溶芝士都唔會覺得食到好濟，得閒一兩啖夾埋啲配啲蔬菜，小蕃茄食有樣好fresh嘅感覺~而且薄餅內軟外脆，食落好正
🥗 班尼迪克碗
有燒茄子,煙𤑛茄子蓉，牛油果，車厘茄,温泉蛋，荷蘭醬汁同布里歐修麵包～另外可以再係芝士/三文魚/義大利火腿裡面揀一樣。覺得配料好豐富！
🍰 朱古力”Moelleux”‘蛋糕
熱brownie好甜，再加上雪糕 帶嚟多重口感🫶🏻
🍹 Tropical Passion
口感清爽
呢間法國菜餐廳無論係菜式餐單同裝修都非常清新，選擇亦都非常豐富，每次經過見到都有新嘅菜式，而且大部分嘅選擇都係健康輕盈。
🥩🥙 黑松露牛肉雜菌可麗餅 $135
呢個法式薄餅係用無麵質嘅蕎麥粉製成嘅鹹味香口可麗餅，薄薄地捲起切成粒粒既牛肉漢堡同磨菇，加上撈埋香口松露忌廉汁，每啖都回味無窮。另外亦配咗酸醋同沙律菜，食落唔會咁dry。
🐟🥚煙三文魚班尼迪克碗 $160
初頭睇個名以為係一個沙律碗，原來係法國奶油多士上面加一隻溫泉蛋，配菜非常豐富，有茄子蓉, 牛油果, 車厘茄同自選既三文魚，除咗色彩繽紛，味道亦都好清新開胃。
🍰 法式蛋白霜檸檬撻
主打酸甜清新既檸檬餡及焦香既蛋白霜，作為最後一道菜就岩岩好。不過我個人唔太鍾意鋪上面嘅粒粒糖霜，個口感同蛋白霜唔太夾而且過甜。
服務
內用
餐點類型
午餐
餐點：5
服務：5
氣氛：5
週末放假出去鬆一鬆👩🏻❤️👨🏻難得一齊放假，特登搵個浪漫啲嘅餐廳食個brunch🍴
法國餐廳Odelice!位於灣仔蘭杜街，呢邊人流唔算多，絕對係繁囂中嘅寧靜，可以靜靜地享受我哋嘅悠閒假日🥰
店內設計亦相當舒服，燈光柔和，牆壁掛上法國油畫，有情調又別緻🇫🇷
我就order咗黑松露牛肉雜菌蕎麥薄餅🥙入面啲餡料有漢堡牛肉，芝士，松露忌廉汁，店員一拎到嚟已經聞到勁香濃嘅松露味，薄餅做得好好，入面已經搽好哂松露汁，配埋香濃嘅牛肉真係好夾😜
女朋友就叫咗Benedict Bowl，用料好豐富，有燒茄子，牛油果蓉，車厘茄等等，煙三文魚，除咗煙三文魚仲可以選擇配哈羅米芝士或意大利火腿。麵包做得好鬆軟，一切開啲蛋漿就流哂出嚟😋配料樣樣都好新鮮，仲有大量嘅煙三文魚，好完滿😜
花生朱古力可麗餅
一嚟到見到已經嘩咗聲，因為真係整得好靚好吸引，由花生醬、朱古力醬、花生碎、朱古力雪糕做成，所有嘢都好夾之餘，又有花生增加口感，加埋可麗餅夾埋一齊食真係好完美😚
飲品都有好多選擇，叫咗一杯紅粉菲菲，有紅石榴+香梨氣泡酒，少少酒精度啫，酸酸哋，好易入口好開胃😋朋友就揀咗神奇芒果沙冰，有芒果+熱情果味，夠曬清新。
週末約了三五知己，一致贊成去灣仔的法式小店食 brunch。
Benedict Bowl –
63度的蛋充滿蛋香，上面加了少計荷蘭醬灸，荷蘭醬稍凝固，沒半點膩感。伴以燒茄子、牛油果、車厘茄及幼滑茄子蓉，食材豐富新鮮。
龍蝦芝士焗蝴蝶粉 –
半隻龍蝦，肉質結實彈牙，味道鮮甜，非一般超市貨色可比。伴以芝士焗的蝴蝶粉，沒有過膩，軟硬度適中。
紅菜頭、蘋果、甘筍汁 –
以新鮮蔬果即榨，天然的清甜，清新健康。
椰子咖啡沙冰 –
打得幼滑的沙冰，香濃咖啡裡充滿椰香，醒神。
Crêpe –
法式crêpe 是每次來都必點之甜品，煙韌的可麗餅上加了焦糖漿及朱古力醬，再鋪上烤得脆口之杏仁片，還有雲呢拿味雪糕，食不停口。
這次法式聚餐，教人回味。
法國生牛肉他他🥩餐廳選用100克手切金髮阿基塔牛脊肉🐄牛肉新鮮煙韌😆
馬賽龍蝦海鮮鍋🥘海鮮種類豐富😍有半隻龍蝦🦞黑青口、大蜆🐚盲槽魚🐟魷魚，真係超滿足，配上酸甜蕃茄雜菜湯🍅🥕幾好味🤤
.
脆皮燒豬腩🐖豬腩外表幾脆口😋如烤得更鬆脆就更加好🥺肉質嫩滑juicy👍🏻底下仲墊咗羽衣甘藍及軟滑嘅薯蓉🥬🥔
.
朱古力”Moelleux”蛋糕🍰蛋糕質感軟滑，朱古力濃郁偏甜🍫
.
TISAROM花草茶(舒緩)🫖
.
紅粉緋緋🍹
法國菜平民化，菜式多超好食，價錢亦大眾化，略嫌餐廳太迫太光猛，少了點浪漫氣氛！
餐點類型
晚餐
餐點：4
服務：4
氣氛：2
美妙的小法式小酒館，美味的食物，優質的服務。小巧玲瓏的珠寶…
餐點：5
服務：4
氣氛：3
食物還可以。訂購牛排三分熟。它來自正確的廚師水平。實惠的牛排。
餐點：5
服務：4
氣氛：3
▫️法國菜俾人感覺比較悠閒，放假去食都唔錯😌 灣仔呢間法國餐廳環境幾舒服，擺滿掛畫增添多幾分法國藝術氣氛🇫🇷😌 唔好以為法國菜一定貴，價錢黎講佢都算親民🫶🏻
🍳 Benedict Bowl $160
▫️酥軟既布里歐麵包包住溫泉蛋，一切蛋汁就流晒出黎🤤 配料揀左濃郁鹹香味既意大利火腿🥓 碟邊既蔬菜都好豐富🤩 有燒茄子🍆 可以配搭埋煙燻茄子蓉一齊食，係由洋蔥、蒜同茄子打成蓉，非常香口🧄 仲有車厘茄🍅 同牛油果🥑 全部材料都好新鮮👏🏻
🦐 Mixed Seafood Galette $155
▫️鹹食既crepe用上蕎麥薄餅，配料係虎蝦、帶子、鱈魚同魷魚🦑 薄餅煙韌，海鮮夠彈牙，香濃醬汁配上淡味既蕎麥薄餅味道岩岩好🫶🏻
🍫 Choco-Nut Crepe $75
▫️試埋超邪惡既甜食crepe😍 crepe上有花生醬、朱古力醬、花生碎同朱古力雪糕🍨 花生同朱古力真係perfect match🤤 好欣賞花生碎係用上半粒花生，大大粒好香又有咬口🥜 食埋甜品真係超滿足🥰
🥭 Tropical Passion $40
▫️成分有熱情果、芒果同羅勒，可能加左香草關係味道幾清新🍃 開胃之餘唔會太甜🍹
🍐 Bisou Rouge $45
▫️想飲微量酒精既可以試下呢杯💁🏻♀️ 酒精濃度只有2.5%，非常易入口👄 由紅石榴同pear cider調製而成，味道酸酸地，飲落有啲似車厘子味🍒👀
☕️ Americano $30
▫️食完正餐都係想飲返杯飯後啡☕️ 咖啡味香濃唔酸唔澀，仲有Lotus餅乾🍪 送咖啡一流呀😆
服務
內用
餐點類型
早午餐
有點局促，但在其他方面非常愉快，食物很美味，工作人員非常細心。物有所值的好食物。
服務
內用
餐點類型
晚餐
香草蝸牛在香港未吃過，這間餐廳做得不錯。蝸牛細細粒一啖一口，配以香味四溢的香草，個汁令到蝸牛入晒味，非常可口
海鮮拼盤賣相十分吸引，大大隻龍蝦令人有有驚喜。蝦肉鮮甜，沒有弄得過熟。青口完全沒有腥味。最值得一讚的是特製的醬汁，無論青口或麵包醮在醬汁也非常美味，簡直令人回味！💯
魚塊煎得很香，外皮脆脆的而魚肉嫩嫩
法國油封鴨腿是全晚我和我朋友最欣賞的菜式鴨腿做得相當好，不會過鹹，肉質有硬口而且彈牙，油封的方式卻沒有令鴨腿過膩，可見廚師的技藝高超
法式蛋白霜檸檬撻做甜品正合我們心意，清香🍋味令我們🥰🥰眼
朋友很喜歡熱情果+芒果+羅勒的特飲，不太甜但羅勒香
香茅薰衣草玫瑰花蘋果乾做的特製果茶我很喜歡，香茅的味道令人有紓壓的感覺，那晚真的睡得很好😀
#灣仔美食 #法國菜 #龍蝦 #海鮮
性價比高，環境優美，於是相約舊同事飯聚，順便提早預祝聖誕節。
服務
內用
餐點類型
晚餐
法式小菜，有窩夫，意粉，青口，蕎麥餅&甜品，美味可口！
服務
內用
餐點類型
晚餐
餐點：5
服務：5
氣氛：5
建議的餐點
青口
灣仔蘭杜街有很多小店，這間餐廳法國小店風格，食物高質精緻，週末去食Brunch，陽光從門外射進來，很有週末早晨懶洋洋的感覺。
💯Beef & Truffled Mushrooms Galettes 黑松露牛肉雜菌蕎麥薄餅
用的是埃文達芝士，芝士味濃，牛肉塊狀，一粒粒很有口感，另外配沙律菜，感覺好健康。
💯Benedict Bowl班尼迪克碗
像全日早餐，有很多類食物，parma ham、燒茄子、車厘茄等，最喜歡的是溫泉蛋放在麵包上，滲進濃厚的醬汁，讓人回味無窮。另外牛油果和洋蔥粒攪拌成蓉，無添加純天然。正！
💯法式蛋白霜檸檬撻
極品！檸檬酪餡上散滿一層蛋白霜，口感豐富！
💯Mad Mango Smoothie
💯Bisou Rouge Ice Tea
芒果很新鮮，覺得新鮮榨出來。Bisou Rouge第一次喝，凍飲茶味道不錯。
服務
內用
餐點類型
早午餐
普通西餐，價錢唔高亦同時質素唔特別高