三鍋

本地打邊鍋文化變得四季恒常化，只要心癮起就搜搜附近有咩好選擇，呢晚就揾到鄰近鵝頸橋旁邊商廈，走私房格調既三鍋食火鍋菜。

古法沙嗲鍋
夏天打邊爐比較喜歡剛勁味道的湯底，可以瞬間提升味覺敏感度，香滑沙嗲湯底會係不錯選擇。水滾時鍋底的沙嗲醬香翻動起黎，隱約間還散發出陣陣花生香味。店家仲加入幾片冬瓜肉，有助緩減燥熱，食後都不擔心有口乾問題。

本地白鱔片
嚴選肥美肉厚既部位切割，燈光之下顯得白嫩水盈透亮。整片鱔肉放在滾燙沙嗲湯煮熟，肉質開始收縮變得挺身彎曲，一睇就知係新鮮貨。熟透後漸變實色可趁熱食，咬落超爽脆冇泥味，加配少少醬油芫茜伴吃味道更佳。

美國特級雪花肥牛
色澤紅潤唔太薄切，脂肪在牛肌間呈現如雪花狀細緻紋理。肉厚可以放入湯煮約1分鐘，肉既組織會漸變成淡粉紅色，食落唔會有外熟內生兼滲血水問題，質感依然Juicy軟滑仲好夠牛香。

可以配店家既秘製四川醬食，醬汁味道有點似豉椒爆香既氣味口感不太辛辣，同時間唔會掩蓋牛肉原味道，結合上黎幾夾！

牛骨髓
中式邊爐菜一定點內臟夾湯食，新鮮牛骨髓外觀白淨水潤，軟組織夾起甚有張力。煮熟後沒有明顯萎縮，索湯熱騰騰，入口超滑溜又冇內臟異味，幾鮮甜嫁！

手工四寶丸
精品手工丸每款口味各兩粒，有蝦丸、鯪魚丸、豬肉丸、墨魚丸組成，粒粒彈滑嚐鮮。蝦肉丸尤其鮮爽彈牙，啖啖香濃蝦味。豬肉攪碎搓成丸狀，軟滑無筋，肉汁豐盈。

即炸響鈴
外層金黃鬆脆，香炸成大大卷，入湯幾秒速食，由外到內均勻掛汁，咬落依然輕盈帶脆，感覺有如氣態般稀薄。

香港人一年四季都鍾意打邊爐，近年各式各樣的火鍋店開到成行成市，不過質素就有點參差。

最近有朋友介紹咗間叫「三鍋」嘅綜合火鍋店俾我，據說餐廳主打各類新鮮食材，除了海鮮、刺身外，還有各式手切本地肥牛、手作餃子、自家製丸類等供應，啱曬兩口子撐檯腳。

一坐低店員就會先奉上醬料架讓客人自行混醬，醬料款式雖然唔多，但最基本嘅都有齊，而醬芥方面，每位都只係 $15，定價合理。

揀咗個香茜皮蛋湯 ($98)，湯底用料都算幾多，除咗滿滿的芫茜外，仲有皮蛋、馬蹄等，一滾起，第一時間飲碗湯，味道好清甜，真係忍唔住要再飲多碗。鍋內的芫茜當然也不要錯過，條條青蔥翠綠，看樣子就知道很新鮮。

配料方面，貴精不貴多，只係揀咗幾款，包括有西班牙黑豚梅肉 ($138)、脆肉鯇魚腩 ($98)、鮮蝦水餃 ($78)、唐生菜 ($38)、稻庭烏冬 ($48) 同 王老吉 ($15)。

黑豚梅肉嘅色澤好靚，雪花紋路有致，肥瘦比例亦啱啱好，肉質鮮嫩彈牙，加上片片都切得厚薄適中，入口脂香肉濃，口感十足。

食海鮮河鮮類食物，新鮮最重要，碟脆肉鯇魚腩就完全符合晒要求，魚肉非常新鮮，肉質結實，爽脆得嚟又有彈性，魚味一流。

手工鮮蝦水餃味道亦唔錯，餃子大大隻，外形脹卜卜，內餡紮實飽滿，蝦肉彈牙味鮮，汁豐味美。

最後以蔬菜同稻庭烏冬作結，唐生菜新鮮爽脆，味道清甜；烏冬份量十足，滑溜得嚟又有韌勁，食落有彈牙感。

順帶一提，餐廳設有獨立 VIP 房，除咗打邊爐，仲可以約朋友嚟麻雀耍樂。

大鍋湯邊爐
三鍋

地址：灣仔告士打道229-230號宇宙商業大廈2樓

舌頭味蕾轉了偏重口味，打邊爐$138 胡椒豬雞湯，有得飲湯熱身先，豬肚要清乾淨好費時間架，煮到腍中帶爽，個鍋湯好大，仲有豬皮蕃茄！

混沾醬先

$138 西班牙黑豚肉梅肉一碟，遷就喜歡豬肉架我，一碟兩人份量，食得出肉質靚，滾兩滾一熟食得

$108 4寶丸，有豬牛蝦墨魚

菜入面打邊爐都會食濃味架蔬菜$38 油麥菜同菠菜苗各一。

醬料茶芥$15 一位，菜$15 枝，啤酒$25

三鍋【灣仔惹味火鍋之選】

近排對火鍋幾着迷，今日過咗灣仔搵朋友仔食飯，見到呢間火鍋店，望落幾唔錯咁，於是就同朋友一齊上去食dinner🤤

湯底叫咗古法沙嗲鍋($98)，沙嗲王極為香濃，濃郁到不得了，而且沙嗲嘅香好突出，一上枱就令人食慾大增🥰

美國特級雪花肥牛 ($198)
– 雪花肥牛一上枱就已經超級吸睛，肥肉切片薄身，而且油脂分布均勻，煮熟後入口即融，同埋分量十足，食得超級滿足🥰

稻庭烏冬 ($48)
– 麵食方面叫咗烏冬，烏冬質地彈牙，而且煮熟之後索晒湯汁嘅精華，掛汁一流，好好味啊😊

手工爽滑墨魚滑 ($88)
– 墨魚滑真心好正，新鮮爽口，彈牙有嚼勁，煮耐咗都唔會老，啖啖都食到好墨魚粒，超級足料，鮮味十足☺️

鴨血 ($68)
– 鴨血整體軟身嫩滑，掛滿沙嗲湯嘅香濃湯汁，極為惹味，佢動L動L嘅口感更係令人為之著迷😍

水魷魚 ($48)
– 水魷魚口感爽脆，而且食落幾新鮮，配搭埋沙嗲湯嘅湯汁，每啖都滋味爆登，超級推薦😎

蜂蜜綠茶 ($18)
– 蜂蜜綠茶清香微甜，飲落幾refreshing，配搭火鍋都幾夾☺️

餐廳空間感特別足，枱與枱之間分隔好大，坐得舒服，食物好食，今次用餐經驗一流😆

好食 回味

三鍋: 港島邊爐九龍價

剛好今日放假，同老婆行街行到攰，銅鑼灣搵地方食飯，兩個人坐得耐休息下就係打邊爐最好，在google裡mark了的三鍋，打過去就有位，唔駛諗。

六點幾都半滿的邊爐店，心諗有乜咁特別，看完價錢就明白了。

可惜得兩個人，如果唔係就可以食勁嘅煲底，隔離枱的花膠雞煲，正到癲。

但兩個人邊有咁嘅能力，就簡單一個邊爐晚餐就算。

古法沙嗲鍋配拼皮蛋芫茜鍋，各有千秋，一個野性，一個下火，中庸之道。

肥牛有幾種，中價的本地手切肥牛，煮起黎，都幾有勁，牛味重，幾夠肉香。

是日精選的有豬天梯，我諗我有好多年無食過，阿姐話好新鮮，唔試會後悔，睇個樣係幾好，不過吃落去同我以前食豬天梯的感覺，有點不一樣。

濃汁牛丸，不知是不是和牛的關係，特別好食，特別彈牙。

也不錯的還有手工鮮蝦西洋菜餃，勁滿足，又大隻，個皮嘅厚度剛好。

加點皇帝菜吃完後，你叫得沙爹，唔食烏冬公仔麵對唔住自己，但吃健康一點，送個淮山麵。

飲杯王老吉，兩個人的簡單，就係咁，唔飲酒，吃完便回家。

叫左咁多野，還是兩百幾一個，坐得舒服，令我想起深水埗長沙灣一帶吃大的火鍋店，值得我再去。

係呀😂我又打邊爐喇🥰今次揀咗呢間，試吓啦🤤

湯底我哋好養生咁揀咗個冇咁熱氣嘅芫茜皮蛋湯😆勁多皮蛋，個湯好清甜🤤唔係味精湯！Very good😋

一嚟梗係叫碟牛，都好多款選擇，我哋揀咗本地手切牛，好食👍🏻好有牛味，感覺真係好似街市即買即切即淥嚟食咁！好新鮮😆👍🏻肥瘦都幾均勻！正！推介👍🏻

之後叫咗幾款都係牛嘅嘢😂濃汁和牛丸😍勁Juice，又彈牙😍好食！食到爆汁🤣🤣瀨尿牛丸咁呀👍🏻👍🏻
之後有牛栢葉，我最愛🤣勁爽，幾新鮮👍🏻好味😋

另外就係韭菜餃，同埋珊瑚蚌😍韭菜餃大大粒，漲卜卜勁足料呀😍好好味👍🏻 珊瑚蚌都好新鮮，勁爽😋以為好少，淥淥吓都發現原來份量都幾多😆👍🏻

最後叫咗雜菌拼盤-有冬菇、金菇、雞肶菇。都唔錯👍🏻另外碟皇帝菜，基本嘢😆👍🏻

不錯，有下次👍 …

Can go try try 🙂
服務
內用
餐點類型
晚餐

食物新鮮，員工招呼好好，值得一試。
服務
內用
餐點類型
晚餐
餐點：5
服務：5
氣氛：5