竺扶大班燒味 (灣仔)(Chukfo Taipan Restaurant (Wan Chai))

黯然銷魂鴛鴦飯
全港首創!! 傳說暗然銷魂飯終於唔只係睇電視, 現實都食到啦
波蘭黑毛豬叉燒質素高, 算幾厚切, 肉質口感好冧易咬, 肥美香口甜甜地
煎蛋好正正子好撈飯, 兩大隻脆燶邊晶瑩剔透, 有流心
冰燒鳳凰雞無骨, 食得勁方便, 幾似蜜汁雞不過輕微比較乾
一定要沾秘製鳳凰辣汁, 非常惹味但每次唔好沾太多, 都幾辣

燒鵝五寶飯
自設太空爐令燒鵝皮脆甘香, 化皮入口即溶肉嫩調味剛好, 真好耐冇食咁高質燒鵝
燒腩仔皮亦鬆化算幾好

凍羅漢果茶
店員推薦左幾次, 最後都係試左
完全冇後悔, 好夠濃, 非常足料
而且只有天然甜味, 飲得出冇加糖
推介大家加錢試一枝

鐘意肥义嘅要試，例湯都好ok.

• 古井燒鵝 + 叉燒飯
叉燒一入口就諗到食神入面：好好味嘅叉燒啊
雖然係偏甜同無燒烤嘅感覺 但佢入口有種即化嘅感覺 相比之下燒鵝就失色咗少少

鵝油撈粗好好味！

燒鹅靓，燒腩仔胞皮好味加埋例湯都正，靠得住。

#港式eatcovery #灣仔eatcovery

💡本土良心燒味店💛
相信大家細細個已經開始食燒味飯，比人感覺係頹食，但今次依間燒味店就打破小編對頹食燒味既觀念，令小編眼前一亮😋

🍽 黯然銷魂鴛鴦飯
全港首創嘅黯然銷魂鴛鴦飯，鴛鴦飯入面有半肥瘦叉燒、冰燒鳳凰雞、煎雙蛋，份量多到遮住曬啲飯😂
🐖叉燒係用左波蘭黑豚肉，每一塊都好厚肉，啖啖肉，肉質偏腍身，一啲都唔乾。每一啖都食到濃濃嘅蜜糖香汁，加上微微嘅焦味燶邊，配上大將燒肉汁，非常juicy，真係無敵！
🐓冰燒鳳凰雞，每件切雞幾乎係無骨嘅，啖啖都係肉，燒雞肉質亦好鮮滑，外層仲經過輕微嘅烤焦，好脆口。加埋個秘製鳳凰辣汁，酸酸甜甜，更加開胃。
🍳流心煎蛋打孖上，蛋漿撈飯，將成個飯昇華咗，保留左黯黯銷魂嘅精粹☺️

🍽 乳豬五寶飯
五寶飯入面有乳豬、油雞、叉燒、玫瑰紅腸、鹹蛋半隻，鋪滿曬成個碗
🐖乳豬外皮燒到好脆，肉嘅部分唔多，但夠嫩！配埋燒肉汁，一流👍🏻
🐖半肥瘦叉燒唔洗多講，肉質淋得黎有咬口。
🐓油雞肉質嫩滑，帶小小油脂，夠香口。加埋半隻鹹蛋，撈飯一流。

🍽 鵝汁菜心
菜心充滿著香濃嘅鵝汁，令平時唔鍾意食菜嘅男小編都食左好多。

🍽 西洋菜蜜棗煲豬腱湯
一飲落去就感受到家既味道，西洋菜湯味濃郁，而且一碗湯入而有三舊豬腱，煲完湯嘅豬腱食落去依然鮮嫩，完全唔鞋口！（每日都有唔同款式嘅湯，平時無湯水飲嘅朋友仔可以黎試下🤣）

ps/餐廳位置雖然比較隱蔽，係灣仔街市既角落，但價錢大眾化，而且好味，值得小編下次會再encore。

@chukfotaipanrestaurant

味道：⭐⭐⭐⭐
服務：⭐⭐⭐⭐
環境：⭐⭐⭐⭐

📍 竺扶大班燒味
灣仔三角街2-3號華欣閣地下3號舖

#灣仔美食 #灣仔 #港式 #好西 #平民美食 #灣仔食咩好 #燒味 #叉燒 #貴妃雞 #黯然銷魂鴛鴦飯 # 乳豬 #hkfoodie #food #foodie #hkigfood #hkinstagramfood #西洋菜湯 #雙拼 #燒味飯 #半肥瘦叉燒 #五寶飯 #流心煎蛋 #鳳凰辣汁 #竺扶大班燒味

灣仔內街的一間唔錯嘅燒味茶記。

金牌藍帶燒味飯🍚

叉燒飯係我由細到大到最愛食物之一，又點可以錯過呢間咁出名嘅藍帶燒味飯😆
真係會令我不斷回頭嘅原因就係 – 叉燒
記得之前睇一次食驚為天人😂我覺得同mott32啲叉燒真心一樣，但價錢真係平好多。

瘦叉飯$48
瘦都做到唔乾唔鞋，重要係嫩嘅，價錢又抵食，邊到搵先😂

叉鵝瀨$58
燒鵝我哋認為就正常發揮啦。但個瀨粉就差小小了，胡椒粉落得重手左，有啲搶味。😫

所以下次都係食翻飯最安全😆

推薦？🟡🟡🟡🟡🟡䉀渣價錢食到5星級味道嘅叉燒。絕對可以一試再試😋

比一般燒味店用心，質素中上。

local worth siu mei restaurant

黯然銷魂飯配埋個鳳凰辣汁真係錦上添花，自己唔係好好燒味飯都食晒成碗飯。
朋友仔就話個五寶飯，可能係香港最好食既😂
後來一睇原來係藍帶大廚炮製，難怪咁好食。
環境坐得好舒服，最緊要乾淨。
一定會再encore！

食物很普通。價格小許偏貴。

黃金燒味店 🏆 竺扶大班燒味⚜️📍灣仔
____________________________________________
最有代表性嘅香港美味，當然係燒味飯啦！
呢間位於灣仔街市入邊嘅燒味店，黃金色彩嘅外表真係好吸睛，亦都吸引咗好多住附近嘅人嚟買燒味，品質一定好唔錯啦！好特別嘅就係店入邊嘅員工制服係非常得意用心，係一啲充滿公仔圖案嘅衫🐷店員亦充滿人情味會不停同顧客傾偈😆
_____________________________________________

🎖𝓜𝓲𝓼𝓼 𝓛𝓲𝓸𝓷𝓷🦁推介

店舖嘅招牌主打係全港首創嘅黯然鴛鴦銷魂飯🍚
半肥瘦叉燒加冰燒鳳凰雞再加多🍳兩隻太陽蛋，
簡單得來十分分好味👍🏻👍🏻

🐦🐷燒鵝五寶飯🍚
五寶飯嘅份量真係唔可以睇小，燒鵝外皮燒得香脆，肉又唔會太肥膩，加埋特製嘅燒鵝醬汁真係好惹味😋另外仲有招牌燒腩仔，外皮好酥脆，點埋芥辣醬，酸酸地越食越開胃，叉燒半肥瘦適中再加埋玫瑰紅腸同半隻鹹蛋，好滿足👍🏻大力推介

🐔🐷乳豬五寶飯🍚
燒乳豬份量好多再配埋豉油雞、叉燒，玫瑰紅腸同鹹蛋，乳豬外皮少許硬，豉油雞唔會太鹹又唔肥，加埋秘製蔥油真係好唔錯喎！叉燒就偏瘦，啖啖肉👍🏻啱晒唔鍾意食肥膩嘅女士們

回頭率：78%
燒味來講都幾高水準，而且份量足👍🏻🏆不愧係金牌燒味🥇
_____________________________________________

义燒肥瘦均勻好食!义油脾滑!服務態度好!因腳傷未癒鹅脾留下次先

燒鵝好好味，皮脆肉滑味道剛剛好，長輩試左都話得！下次指定買呢間。講完！,

我最喜歡當地粵式燒烤的地方！最好的之一

🥂平民價星級燒味🍽
#悲傷小姐愛茶餐廳 #悲傷小姐出沒灣仔
—————————————————————
呢間餐廳由藍帶總廚主理🏅自設太空爐，每日新鮮出爐各款燒味🔥
💗黯然銷魂鴛鴦叉飯 ($68)
叉燒選用波蘭黑毛豬🇵🇱以山楂水鬆肉8個鐘，肉質更加柔軟鬆化🐖先用大火燒香表面，再用慢火烤鎖緊肉汁，過程中會上兩次麥芽糖同蜜糖，以大火燒至燶邊，肉味特別濃郁，醃得入味帶蜜香🍯
無骨雞扒燒至外皮焦香，肉質嫩滑彈牙🐓蘸上秘制鳳凰辣汁，味道酸辣開胃，泰式風味十足🌶
太陽煎雙蛋邊位焦脆，半熟流心蛋黃配上甜豉油，撈飯係絕配🍳
💗鵝脾燒腩仔雙拼 ($132)
燒鵝選用9個月大嘅佛山黑鬃鵝🦆先加入陳皮炒醬，再風乾8個鐘，用米酒擦面後再燒。鵝皮光滑香脆，肉質細嫩多汁，肥瘦適中，帶鵝油甘香。蘸上自家製酸梅醬，有助解膩🫒
燒腩仔選用荷蘭豬仔🇳🇱鹽燒豬皮金黃鬆脆，肉質肥瘦相間，鹹香腍滑，油脂剛好🐷
💗冬瓜薏米白豆煲豬骨湯 (+$6)
老火靚湯標榜無加味精，味道都幾清甜，不過有d鹹。入面有少量湯渣，真材實料🍲

在灣仔做嘢咁耐都唔知原來有間非常出色嘅燒味飯，真係有啲走寶嘅感覺！

燒味店由藍帶師傅掌廚，叉燒用上波蘭黑豚肉，而且價錢非常合理，真係食過最高性價比嘅燒味飯！😍

最impressive的是蜜汁叉燒飯一打開盒已聞到好香嘅燒叉燒味，而且本身肉質非常好，唔駛死落蜜汁調味，非常難得！每件叉燒都係厚切的，少少肥，口感淋香一d都唔乾唔鞋，有肉汁，真係食過返唔到轉頭😋😋😋😋

黯然銷魂鴛鴦飯同樣非常出色，冰燒鳳凰雞有燒香味，好有咬口！一定一定要點酸梅醬食，他們的酸梅醬是超好食，超酸中帶超香梅味，非常惹味～就算是平常不吃醬料都會食曬！仲有秘制的鳳凰辣汁也非常惹味～

大班玫瑰豉油雞飯是店員特別推介的，真係推介得好好，雞皮有淡香玫瑰豉油香，配上滑嫩雞肉，簡單中見心思。

古井燒鵝飯的燒鵝皮薄脆，肉質香，配上口感香口、軟硬適中的飯，質素好好。

下次lunch要來堂食高質燒味！（因為座位都OK，佈置又ok）

大班燒味、認真惹味！

燒味店一向給人一種較灰暗的感覺，但剛剛行經灣仔三角街，就見到一間金光閃閃的燒味店 – 竺扶大班燒味店。

新派燒味店環境乾淨企理，真係食都食得放心！

講到明全港首創黯然銷魂鴛鴦飯，當然第一時間要落單啦。

店內一樣燈光耀眼，金鐘罩燒鵝、銷魂叉燒皇、霹靂火燒腩、飛天貴紀雞，淨係睇名都知勁！

黯然銷魂鴛鴦飯 / 金牌四寶飯 / 紹香豉油雞
淨睇賣相，都相當吸引！

黯然銷魂鴛鴦飯
黯然銷魂鴛鴦飯當中已包括半肥瘦叉燒、冰燒鳳凰雞、煎雙蛋，而且份量真係不少。

其中半肥瘦叉燒邊位微微燶邊，入口軟腍，肥瘦適中，原來他們是利用了波蘭黑豚肉制成，難怪那麼肉味香濃，啖啖甘香。

而冰燒鳳凰雞原來是一燒雞，那肉質嫩滑，入口啖啖肉，配上秘制鳳凰辣汁，更是錦上添花，非常惹味。

最後還有煎雙蛋，輕輕切開蛋汁滑出，更添飯香。

金牌四寶飯
四寶飯中有半肥瘦叉燒、切雞、玫瑰紅腸、鹹蛋半隻，非常豐富。
鹹蛋蛋黃漏油、紅腸煙韌有咬口、叉燒肉嫩甘香、連切雞都多肉嫩滑，真係非常抵食。

紹香豉油雞
叫了2款飯餐已有多款配餸，但都不忘叫半隻肥美紹香豉油雞。

鼓油雞整得好食一d都唔易，浸醃太耐肉會老身，不夠會成帶血雞，但他們處理得剛剛好，肉質嫩滑多汁，更有一種鮮甜味道，正。

好味, 不貴, 地下好跣

茶餐廳食物一向都好有香港嘅地道風味，前排經過灣仔就試咗呢間茶餐廳——🌟竺扶大班燒味🌟 @chukfotaipanrestaurant ，點左佢哋招牌嘅燒味飯試吓💕入到去茶餐廳環境都算寬敞，燈光光猛，長身都有唔少裝飾㗎🤩
·
🐖｜黯然銷魂飯｜🐖
傳說中嘅黯然銷魂飯😆而呢度嘅黯然銷魂飯，裏面嘅叉燒的確好好食👍🏻肉質淋身夠入味，原來佢哋嘅叉燒係用咗波蘭黑豚肉，怪唔之得咁好食👍🏻
·
🐥｜冰燒鳳凰雞飯｜🐥
呢個鳳凰雞肉質淋身，再配埋呢間店秘制嘅鳳凰辣汁，味道好夾😋而且份量多，可以一試👍🏻
·
套餐+$6 仲有是日老火靚湯，一個星期七日唔同湯款式，今次我哋呢個係——西洋菜蜜棗煲豬腱湯🐖老火湯夠味，而且碗湯都好足料㗎🤩
·
@chukfotaipanrestaurant
📍竺扶大班燒味
📍灣仔三角街2-3號華欣閣地下3號舖

🍽 竺扶大班燒味 (灣仔)
灣仔三角街2-3號華欣閣地下3號舖

適逢一年一度嘅書展，🐽又點可以錯過！難得嚟到灣仔梗係要捐窿捐罅搵美食啦！今次就搵到一間遠近馳名嘅餐廳-竺扶大班燒味💛試一試佢哋首創嘅黯然銷魂鴛鴦飯以及作為測量燒味店嘅指標-燒鵝瀨😋☺️

🐽作為一個食燒味長大嘅香港人，豬豬偵探一直尋覓一碟好食嘅燒味飯……一碟燒味飯最重要係咩？係燒味嘅火候、係飯嘅口感！可惜好多餐廳的燒味飯都良莠不齊，一係就燒味燒到乾「噌噌」，一係白飯煮到淋「擗擗」。好食嘅燒味挭係有啦，但係價錢就貴到飛起😅明明燒味飯最吸引嘅地方就係平易近人嘅價錢，以及食落去口腹皆滿足嘅味道。恰好呢間餐廳就做到一碟好嘅燒味飯🤩

黯然銷魂鴛鴦飯 $68
黯然銷魂鴛鴦飯係以坊間嘅黯然銷魂飯為藍本嘅加強版，除咗本身嘅叉燒、太陽蛋，呢度加入燒雞作配搭，無骨冰燒鳳凰雞配搭上佢自家製嘅鳳凰辣汁非常惹味😋

呢碗飯分量十足，厚切叉燒足足有四件，採用咗波蘭黑豚肉，色澤亮麗肥瘦適中仲帶有焦香燶邊，肉質爽滑鬆軟，係一舊超高質嘅半肥瘦燶邊叉燒💯打孖上嘅太陽蛋煎得金黃香脆，透亮的蛋白、半熟流心蛋黃配搭上濃厚嘅甜豉油，用嚟拌白飯食簡直係絕配🤩

古井燒鵝配上湯瀨粉 $52
這裏的燒鵝採用支持太空爐燒製，每隔1小時新鮮出爐！務求令食客們可以食到最多汁香脆的燒鵝。

燒鵝一上桌已經傳來陣陣煙燻燒鵝香，令人垂涎三尺，激發起強烈嘅食慾。鵝皮赤紅帶光澤，皮下有一層薄薄的脂肪，一口咬下去酥軟交織，先食到表皮香脆皮薄得如紫菜，然後油花和肉汁在口腔裡四溢，伴隨着陣陣的煙燻香氣及香料味，讓人意猶未盡。

燒鵝配瀨粉，這是🐽最喜愛嘅配搭，清而不淡嘅瀨粉配搭肥美的燒鵝，簡直就是絕配。呢到嘅瀨粉滑身有口感，唔會碎濕濕。湯底帶有胡椒味，麵條吸滿了湯嘅味道😋

聽聞係全港最好食嘅叉燒？😂
***************************************************
~古井燒鵝+叉燒雙拼飯($58) 🦢
大鄉里出城出到灣仔完全唔知有啲咩好食🤔，朋友就話帶我去食全港最好食嘅叉燒🐖。講到咁梗係要試吓啦🤤。全港最好食就唔知喇😏，因為我就好少食叉燒嘅😂，不過就真係我食過叉燒入面最好食嘅😎。蜜汁完全融入咗落舊叉燒到入晒味🤤，而且叉燒瘦得黎又唔係乾到爆👍🏻(btw佢有得揀半肥瘦，但我個人鍾意食瘦叉🤪）。另外燒鵝係脾黎🍗，啖啖都係肉，但係如果可以冇咁肥就perfect啦😉。有睇開我嘅人都知我好鍾意食飯🍚，而我最鍾意食嘅飯係硬硬地有口感嘅。想講呢度啲飯真係一流🤩，再加埋啲勁好餸飯嘅叉燒令我就不知不覺咁食咗好多🌝。飲埋杯奶茶之後我覺得我自己食滯咗😅。

凍奶茶(+$7)

✨其實我原先見到下午茶嗰餐係$48覺得好抵🤑，所以冇叫到另一個有蛋同叉燒嘅飯🍳。點知愚蠢嘅我唔記得同個店員講話要下午茶😅。所以大家如果係諗住慳錢食下午茶嘅記得落單嗰陣同店員講👨‍🍳， 不過就冇咁大碗囉😂。

極喜歡這店的叉燒，推薦黯然銷魂飯，及自家羅漢果茶。

Yummy Cha Siu and Roasted goose.