人和月雞煲火鍋店Moonerchicken Hot Pot

我哋今次試新嘢 試咗個「特級滿足吃到飽$298」火鍋套餐

前菜竟然有得揀 仲要係有酸菜魚、麻辣雞煲或者韓式芝士雞

個酸菜魚無令我失望 雖然佢唔係主角-打邊爐 但係佢嘅份量都十分大 無骨魚片好嫩滑 配料芽菜、紹菜、豆卜等亦十分足料 酸辣嘅比例都調較得好好 啱晒香港人想食酸辣嘅口味????

依度肉類、蔬菜、丸類選擇都有好多款式

值得一讚嘅係佢哋有自家製嘅涼茶????

?????滿分的一餐

?店員超有禮貌，給力！
?食材超新鮮，牛靚海鮮鮮
?雞煲好食～
?食物份量按人頭，咁就唔會浪費嘞～
?適合三五成群，尤其食得嘅男生?

地方唔算好大，簡單舒服嘅環境，適合朋友聚會

我地揀咗C餐 SRF極黑黃牛海鮮大滿貫

+$58升級酥皮麻辣芝士雞煲，今期仲免費送冰鎮鮑魚。

影完相～店員會幫你用刀?開佢～
揀咗小麻小辣，下次可以升級辣度?

海鮮拼盤啲蝦仲郁㗎！所有食材都新鮮勁好食囉！蜆甜無沙！扇貝不得了！

好靚呀啲牛～～～

日本廣島蠔！必食！

自助吧選擇都唔少，飲品櫃款式多，仲有玻璃樽可樂?仲有教主OOHA~~❤️

食咁多嘢梗係要飲返杯洛神花茶，酸味味～開胃消滯??飽到試唔到個火鍋粉?

呢個甜品conner，有豆腐花，有芋圓，涼粉，紅豆，蒟蒻等等

食得是福，唔好浪費，自整一碗迷你台式甜品?

火鍋放題 任食120分鐘
第一轉食酸菜魚、雞煲先
更可升級選酥皮麻辣芝士雞煲、烤魚?等等
食曬即轉湯底打邊..?
有藥膳養生湯底、胡椒豬肚、野菌冬瓜盅、椰香青檸香茅、川式麻辣湯等….
?牛魔王最愛
有和牛、安格斯牛肉 、牛胸爽、牛展、牛小排 封門柳 牛板腱…..?
亦有時令海鮮，魚片、海蝦…
自助區有幾十種配料任君選擇
甜品區有雪糕、豆腐花、芋圓等等，仲有自家製無糖飲品，桂花烏龍茶、洛神花茶、菊花蜜… 汽水等等

?我今日首選酥皮麻辣芝士雞煲
上枱巳聞到勁香，當店員切開時，嘩….. 超級邪惡既芝士係非常多，酥皮撈埋D汁雖然勁邪惡，不過勁好食?，又香又辣
雞肉嫩滑,好食到想追加一鍋

每位都係$298
食足120分鐘好滿足?

#cassiegotst
–
香港天氣正式入秋啦！秋冬最岩同朋友聚會去食雞煲或者打邊爐。今次瘦編去咗尖沙咀試吓依間新開張嘅「人和月雞煲火鍋」，可以一次過滿足你兩個願望。☺️
–
餐廳有三款套餐選擇，瘦編揀咗中價位【特選滿足吃到飽】。首先頭盤有麻辣雞煲、韓式芝士雞煲同酸菜魚選擇。瘦編揀咗韓式芝士雞煲，雞件沾上大量韓式辣椒醬，表面仲有大量芝士碎。開火之後芝士就開始溶，做成拉絲嘅效果，好正。食完之後可以通知店員，揀埋湯底就可以打邊爐！湯底有6種選擇，瘦編就揀咗胡椒豬肚湯底，胡椒香味好濃，仲有爽口豬肚可以食！??
–
首先每枱會有一盤美國極品級靚牛併盤，一次性供應，之後可以叫自己套餐包嘅食物。最深刻係有特級牛胸爽，香港唔係好多打邊爐嘅地方會有，口感好爽，正！另外其他牛肉都唔錯，高級雪花肥牛油脂分佈比例平均，肉質好嫩。牛下肩同牛板腱嘅肉味都好重！任食款式仲有好多選擇，牛、豬、雞、海鮮樣樣齊，用QR code落單好方便。另外出面仲有蔬菜、丸類、飲品同甜品設自助區，甜品區好驚喜！有芋圓、小丸子、涼粉、紅豆等等好多配料，熱辣辣豆腐花勁正！大家一定唔可以錯過！
–
味道評分▶️????? (4)
抵食評分▶️????? (5)
回購評分▶️????? (4)
–
➡️ 人和月雞煲火鍋店 (尖沙咀)
? 尖沙咀海防道38-40號中達大廈3樓
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie

一大班人聚會，都離不開火鍋燒肉放題? 今次我同朋友就嚟咗呢間位於尖沙咀嘅餐廳，試下佢地嘅任食火鍋！佢地嘅店員好殷勤，服務唔錯！佢地嘅放題有分幾個set，我地就叫左$298 set A 精選牛肉吃到飽?

同其他火鍋店唔同，佢地啲set 除咗火鍋，仲會有4款頭盤選1(包括雞煲同酸菜魚等)～ 頭盤唔岩心水，依家仲有3款時令主菜，包括自家製原創酥皮芝士雞煲、椰青青茅青檸烤魚，麻辣/藤椒烤魚～ 想食清少少就揀咗青檸烤魚！

想講個烤魚好大條，食完都半飽！個湯真係好好飲，椰汁味濃好香口！我地拎咗嚟碌蜂巢豆腐真係超級正! 食完烤魚就可以轉火鍋湯，我地轉左藥膳牛乳～ 但冇咩牛乳味～ 覺得都係椰汁青檸個湯底好食啲！轉完火鍋湯就會上一大盒牛，寫晒邊啲打邊啲幾好！牛嘅質素屬正常發揮～ 佢地仲有多款甜品同飲品選擇！

終於開返晚市，就得放肆一下！
今次去左尖沙咀的打邊爐放題「人和月」~
簡直係邪惡與健康的糾纏！
先來一個邪惡頭盤：酥皮麻辣芝士雞煲
平時像酥皮湯就飲得多，
但今次係酥皮鍋呢！
成塊咁樣上，入面係麻辣雞煲~
我自己就會叫少辣因為通常都會越煲越辣~
不過食晒呢度D雞之後同平時嘅食法唔同，
可以再叫另一個湯底換走左個煲~
食完D咁刺激嘅，我地就叫返D健康養生嘅！
送多個冷盤醉酒鮑魚~ 衝擊下條舌頭再出發..
鮮甜入味，都幾唔錯！
主食：藥膳養生牛奶湯+SET A精選牛肉
奶白色的治癒感，我仲食到好濃味嘅藥材味，
特別推介俾鍾意食得健康少少而又養生的朋友~
另會先上一盤嚴選美國高級牛肉，
排得好靚仔，相機食先~
肉質鮮甜好味，仲可以一次過食到唔同部份嘅牛，
識食嘅你知道點揀啦~
有牛下肩、牛板腱、金錢展、牛胸爽、雪花肥牛，
呢碟嘅牛係尤其新鮮，唔夠嘅之後都可以再任叫：
牛板腱、金錢展、牛胸爽、雪花肥牛
日本豚肉、五花片
花雕醉雞件
脘魚片
墨魚滑
蟹籽蝦滑
海蝦
無限量添加蔬菜菇類、甜品糖水、飲品添~
特別推介：
頭盤牛隻、脘魚片、海蝦
非常新鮮同嫩滑！爽口鮮甜、正！

野飲我推介佢自家製的：洛神花蜜、蜜蜂菊花蜜
微甜清香，好有媽媽FEEL的自家製感覺，
解辣易入口~ 我都飲左兩大杯！

今日俾朋友拉去食火鍋， 話已經好耐冇出街打邊爐喎， 好吧，就陪她去吧。今次佢搵到間位於尖沙咀的，仲係食完雞煲再打邊爐，一次過滿足兩個願望。

餐廳都幾新， 地方好乾淨，雖然唔算大但座位幾寬敞，我地被安排坐卡位，坐得舒適。

我地選了海鮮大滿貫， 頭盤就要麻辣雞煲。麻辣雞煲少辣，惹味得嚟唔會辣到條脷冇感覺， 食得好舒服。

值得一讚係佢食完雞煲之後會換上湯底俾你打邊爐， 唔似出面咁就咁放湯落雞煲度打咁油。我地揀左懷舊沙爹湯底，因為朋友重口味，嘻！

火鍋會先上兩份食材， 分別是海鮮同牛肉。海鮮有扇貝、飽魚、海蝦同幾款蜆貝。牛肉就有黑毛和牛、牛小排、封門柳、牛下肩、牛胸爽、肥牛等等， 其中有啲仲可以添加。

肉類嘅質素唔錯，牛肉中我最愛黑和牛同雪花肥牛， 因為入口特別香滑。

另外可以用QR code再點其他野食， 我地除左追加牛肉之外，仲加了醉雞件同黑豚五花片， 反而其他太飽肚嘅丸同餃子就少點。

蔬菜我朋友一向唔食， 所以我只夾了我自己的份。

餐廳仲有一個自助區， 有多款火鍋配料、甜品， 主食及醬料，應有則有。

確實係考驗腸胃嘅地方。

限時放題,價錢中上,食品新鮮。

天氣開始咁凍你會唔會想同我打…
打… 打邊爐啊?
今次就介紹一間120分鐘任打嘅餐廳
就係人和月雞煲火鍋店 ($298/$348)
除咗可以打邊爐仲可以食雞煲 一定食到飽?
頭盤除咗可以揀雞煲之外
仲有酸菜魚同埋韓式芝士雞?
雞煲裏面嘅雞肉啖啖肉 嫩滑得來帶點香濃
雞醬惹味香同撲鼻 令到雞肉超級入味??
食完雞煲之後 就可以揀湯底打邊爐
我就揀咗藥膳養生牛奶湯同懷舊沙嗲濃湯
氣血差嘅就可以選擇前者 後者夠香濃帶少辣
$298呢個餐 有兩款靚牛食 牛下肩同牛板腱
下肩位比較多筋絡同油花 軟嫩適中
板腱肉質細嫩啲 食落口就比較有韌勁
其他任食嘅選擇都好多 例如牛胸爽 墨魚滑
平日打邊爐嘅配料都應有盡有 飲品都係
最正係有豆腐花食 最後食一碗就夠哂飽?
–
裝修環境：✨✨✨✨✨
服務態度：✨✨✨✨✨
食物質素：✨✨✨✨✨
(5個✨為滿分)
唔信我嘅可以自己去試試?

?
呢間人和月主打有唔同 level既火鍋放題 有好多唔同既火鍋湯底任選一個

我就揀左
?特選 298 蚊餐
首先頭盤可揀酸菜魚 麻辣雞煲 韓國芝士雞
我點左麻辣雞煲??️ 雞煲 好足料 佢既香料同平時花椒八角有 d唔同 仲有 d泡椒所以夠香辣 而且佢既醬汁帶 d甜 所以夠甜辣 唔錯??
?然後再用湯底打邊爐 點左蕃茄粟米甘筍濃湯?? 好足料 酸甜開胃又夠清新 要黎打邊爐就可以好食得出本身打邊爐料既味道 任食既野包括 肉味濃既牛下肩 ,牛板腱，彈牙 既 金錢展 , 爽口肥美既牛胸爽 , 雪花肥牛? 黑豚肉 五花腩片?,佢牛同豬既質素好好 淨係食呢 d都值回票價
花鵰醉雞好香花鵰味雞肉彈牙 ?海蝦?足料既 墨魚滑 蝦滑 新鮮既 鯇魚片 ??佢幾款餃好似粟米餃 木耳餃同韭菜餃都十分新鮮 皮薄餡靚? 正
?出面既食物都有得任拎 唔同菜 炸魚皮 魷魚 午餐肉 豆卜 蟹柳 各類菇等等
?仲有精選甜品 同飲品好似洛神花茶 菊花麥 冷泡茶等等 甜品可以自己拎芋圓仙草 仲有芝麻糊豆花 都唔錯?
#火鍋 #放題 #打邊爐 #豆腐花 #芋圓 #芝麻糊 #肥牛
Score 平均分
Taste 味道：????????
Present 外觀：????????
Decor&Hygiene 環境衞生：????????
Value for $ 性價比：????????
Service 服務：????????
~~~~~~~~~~~~~

# #尖沙咀 @moonerchickenpot
?吃到飽火鍋放題, 送一款頭盤 (四選一) + 火鍋湯底! A-E餐任君選擇, 我哋最後要C餐 “SRF 極黑和牛海鮮大滿貫” $398, 長者 $298!

?頭盤有雞煲、酸菜魚、卜卜蜆、芝士雞等, 但我們被 “椰青香茅青檸烤魚” 吸引住, 所以 +$58 來個2人份, 食飽飽再轉湯底食火鍋! 當日是鱸魚, 肉質好厚好滑無腥味, 個湯底清甜到可以飲用, 濃濃的香茅味, 我飲了2大碗!

?之後換湯底食火鍋, 選了胡椒豬肚湯, 超濃胡椒味, 豬肚件份量超多, 又腍又滑又無臭味, 超讚!

?海鮮一客: 日本扇貝、大連鮑魚、鮮海蝦、蜆及青口! 鮮甜味美, 隻鮑魚仲郁架!

?美國牛肉大滿貫一客: SRF金標極黑和牛、極上安格斯牛小排、手切美國封門柳、嚴選美國牛板腱、嚴選美國牛下肩、精選美國金錢展、特級美國牛胸爽、高級美國雪花肥牛! 睇相都知高質素吧!

?另外可透過QR Code 無限量添加美國不同部位的牛肉、日本黑豚肉、醉雞件、海鮮、魚片、餃、鴨血、花膠等! 至於丸、蔬菜、響鈴等就自取！

?仲有任飲自家沖製茶飲, 正’s! 甜品係雪糕及豆腐花, 有大量配料可加配!

?之後見到隔離枱個 “原創酥皮麻辣芝士雞煲” 勁吸引, 個酥皮望到都覺脆, 偷聽到隔離枱話個雞煲勁好味, 下次一定一定一定要試!

?值得一讚係所有店員都超好禮貌, 雖然隔住口罩, 但仍然感受到她們那親切的笑容!
.
.
.
#人和月雞煲火鍋 #尖沙咀美食 #火鍋 #放題 #雞煲 #打邊爐 #foodies #hkfoodie #igfood #hkfood #greatfood #foodblog #foods #food #foody #foodieHK #美食 #香港美食 #食 #食評 #吃貨 #食好西 #相機食先 #instafood #instagood #ilovefood #yummy

還錢

火鍋已好掂,麻辣雞煲更不可抗拒!

香港正步入轉夏入秋的時節,捉住夏天的尾巴,約局食飯最精彩的是來個麻辣火鍋!正如冬天食雪糕,與夏天食火鍋(尤其是麻辣的)都有特別的風味;有朋友下午來電約局晚餐,原本意向是西餐,但我想起有好友推介了近期在尖沙咀開張不久的放題火鍋店,遂提出轉站於此,朋友聽後也同意,我就馬上打電話先去訂位;

約定飯局在7點鐘開始;其實食店的選址還真的很好,從港鐵尖沙咀站九龍公園出口處行過去只消數分鐘的步程;
(其實只要一站於海防道的街頭或街尾,都很容易抬頭就望到「人和月」的巨型招牌!)

因朋友早到一步,已經入內就座了;我從大廈的電梯上去,一開門就有個明亮的環境出現在眼前,掃了出行碼量了體溫就可進入食肆;大概食店走的是摩登舒適路線,首先有明亮溫暖的燈光,映照著以木紋色調的牆飾為主軸,呼應了餐枱的木色,配搭著綠色的座椅,從門面以至整個室內環境,都予人一種明亮簡潔的感覺!

甫坐下來,朋友跟我說已屬意挑選餐牌上提供的三種套餐的其中之一–提供高質肉食的大滿貫;然後我細看一遍,以及詢問店員後,發覺真的非常吸引;這食店的套餐是以芝士雞煲/麻辣雞煲/酸菜魚作前菜,之後換上另一款湯底來打邊爐(火鍋),而大滿貫套餐就會奉上時令海鮮拼盤及優質美國牛肉拼盤各一;朋友意向先來個招牌麻辣雞煲,之後再轉麻辣火鍋,決定好就馬上落單;

之後店員遞上一張二維碼點餐紙,掃描後進入點餐主頁就可看到各式海鮮肉類可供點選;

選了中辣小麻的麻辣雞煲,以鑄鐵鍋盛載,蓋上玻璃蓋在電磁爐上加熱,店員還另外遞上一大碗醬汁,方便重口味人仕再加強其味道;趁雞煲加熱之際,我到放題區去拿一些蔬菜類的食材,以及食店自家製的飲品回來;放題區除了放著多款的新鮮菜蔬菇菌之外,還有一些響鈴,肉丸,炸麵及烏冬等等,還真是豐富!

返回座位後,此瞬間的麻辣雞煲已成香氣四溢的美食,尤其是店員打開煲蓋的一刻,其香味馥郁,包裹著雞肉透出煙燻味的花椒醬汁氣息飄散在空氣中,朋友及我聞到這股香氣都即刻將雞件夾起送往口中,但熱度太高,還是要稍等降溫;之後一經咀嚼,嫩滑的雞肉肉汁極之豐潤,在花椒的麻香與泡椒的辣勁包圍之下,由鼻咽至口腔到喉嚨,都感受著恰如其份的麻辣刺激與深度美味的多重體驗,一下子就開啟了味蕾上的奢華之旅!之後再加少許醬汁,鑄鐵鍋的熱力揮發,雞肉在味道上更加入木三分,不消多久,這個值得給予六星的麻辣雞煲就給我們清掉!在我個人味覺歷程中,就算撇除了價錢,此店的招牌麻辣雞煲,可以說暫時是香江境內同類食物中質感與味道上數一數二的,完全是驚喜之作!

珠玉在前,換上麻辣火鍋也沒有令人失望,皆因湯底與食材使然!
時令海鮮拼盤與美國牛肉拼盤的擺盤賣相精緻高雅,風格上將中式技巧與日式禪意融為一體,實為打咭妙品!
先來調個醬油,芫茜是指定動作的主角;此刻要忍心一些,將新鮮得還在挪動裙邊的鮑魚放在滾熱的麻辣湯底中,善哉!之後陸續放入了日本大扇貝,北寄貝,花甲及大隻活海蝦;
海蝦最快熟,當插入竹簽的蝦身由灰色全然變成橙紅色時,即時拿離湯底,剝去其殼輕輕蘸上醬油後,爽滑彈牙的肉質,醬汁的鹹味帶出海蝦的鮮甜,滲透入肉裡的麻辣味隨後而至,形成了極佳的層次感!
花甲肉質爽彈而味鮮,麻辣湯底賦予了刺激感;
北寄貝的本味極之鮮且濃,質地比花甲更爽更滑,如此美味的鮮貝有麻辣味加持,不點醬油來品嚐已滿足了味蕾!
來自日本的大扇貝肉質豐厚而綿滑,一梳梳的貝肉在舌尖上透出海洋氣息與麻香辣勁交集出的美妙滋味,朋友為之大加讚賞!
海鮮拼盤壓軸的主角–大連鮮鮑已屆嚐味時刻,撈起降溫片刻,將鮑魚蘸上醬油,十分彈牙的肉質在醬油的加持下,鮮味加上麻辣味融和得來又極盡本能地討喜味蕾,如此濃艷版的鮑魚實在是我輩偏重口味人仕至愛!

接下來該到美國牛肉拼盤上場,嚴選素材加上擺盤細緻美觀,各款肉類上面放著名稱牌子,日式工匠般的藝術感,特別讓人眼前一亮!
此刻店員為麻辣湯底加上豬骨濃郁,待一滾起,先來涮上特選封門柳;封門柳的肉質十分嫩滑,中等的肉味與麻辣味互相輝映,又是一道美味的風景!
胭脂色調的極上黑安格斯牛小排其肉質與雪花般的脂肪,真達高級和牛質素,涮了數秒再蘸上醬油,溶化在口中的牛肉與油份,展現出濃香的肉味,肉汁與牛脂被麻辣味放大了,瞬間爆發的火花在味蕾上蔓延!高級雪花肥牛有較多的牛脂,嫩滑的肉質,咀嚼數下也融化了;嚴選牛下肩,牛肉本味更濃厚,但肉質也相當滑溜,有麻辣湯底加持自是美味!涮特選金錢展的時間稍長一些,麻辣味亦更濃一些,蘸上醬油更突顯其本味!特級牛胸爽有點似可咀嚼的牛脂肪,口感相當特別!一次過品嚐這麼多款式的高質素牛肉,怎能不滿足到一個點呢?

用手機點上的放題海鮮肉類也相當有質素,尤其是爽彈的墨魚滑,爽滑的鴨血,彈牙的急凍花膠,味濃而嫩滑的日本黑豚肉等等,逐一品嚐後真讓人飽到一個點!

最後來個食店自家製的豆腐花,來為這個放題晚宴畫上完美的句點!

從食店的用餐環境,至店員的親切服務,到食材食物的極妙滋味,再加上其超值的價錢,不得不引用潮文一下–此店不紅,天理不容!

都有一段時間冇去食雞煲，近排係尖沙咀發現左一間除左可以食到雞煲頭盤外，之後仲可以用其他湯底打邊爐，頭盤另外仲有酸菜魚，卜卜蜆等多款選擇，將套餐升級2人份需加$58，就可以食到更加特別嘅酥皮麻辣芝士雞煲或烤魚，用咁抵嘅價錢就食到多種款式煲類及湯底火鍋，真係好滿足，而且入到去環境整潔，地方闊落，座位舒適，感覺輕鬆自在

澳洲M4和牛海鮮大滿貫$398

酥皮麻辣芝士雞煲
酥皮食落酥脆鬆化，配上香滑惹味雞煲，配搭新奇又絕配

懷舊沙嗲濃湯
沙嗲味道香濃，而且帶點甜味

海鮮盤
有扇貝，海蝦，鮑魚，青口，蜆，青口，每款海鮮都十分新鮮，味道鮮甜，而且套餐還會送蒜蓉牛油鮑魚，味道香口

美國牛肉大滿貫拼盤
裏面有多款牛肉，如有牛肉味濃郁嘅澳洲M4和牛，雪花分佈均勻嘅安格斯牛小排等，以及其他部位不同牛肉，非常豐富

另外可以掃碼下單，食肥美廣島蠔，嫩滑脘魚片，彈牙海蝦等，還有自取區，可取有菜類，丸類，菇類等配料，打完邊爐再食返杯雪糕就完美

不籽是雞煲的雞煲店，人和月雞煲可以滿足大家，兩小時任吃吃到飽飽又滿足☺️。這裡的選擇有很多，酸菜魚、烤魚、卜卜蜆及期間限定口味。吃完頭先再吃火鍋，吃到捧著肚子走不是夢哈哈。
–
?晚市精選牛肉吃到飽A餐 HKD$298/位，可以任飲任吃兩小時，套餐包括頭盤、火鍋湯底、自助火鍋配料、小食、飲品及甜品。頭盤四選一，也可在期間限定的三選一。然後會來一盤牛肉拼盤，套餐裡的牛肉也有。
–
重慶麻辣烤魚
麻和辣度也可選擇，而且味道很香?。烤魚大大條肉質嫰滑鮮味，啖啖肉的口感挺好的。點了少辣味道不會太辣，湯底味道濃郁很香花椒味，豆卜吸入湯汁挺香的。
–
牛肉拼盤
套餐裡的牛肉也有，包括頂級美國封門柳、精選金錢?、嚴選牛板腱、高級五花肥牛及特級牛胸爽。肉肉紋理分明色澤紅潤，肉質鮮味爽口，帶油脂挺香口。較喜歡吃牛板鍵，肉質有入口即化的口感?。
–
自助火鍋食物及飲品
火鍋食物和飲品也有很多選擇，任吃吃到飽感覺很可以?。自家制飲品有三款，選擇了蜂蜜菊花茶，味道清甜潤喉，吃辣的飲這個來中和一下。這裡有OOHA飲品和枝裝汽水，每一款口味也有?。
–
?人和月雞煲火鍋店
尖沙咀海防道38-40號中達大廈3樓
服務
內用
餐點類型
晚餐

不過不失的 放題 火鍋 雞煲

人和月雞煲火鍋店

好耐無去食雞煲，搵到間好特別既雞煲，而且仲係放題，於是入去食晚餐?

? 酥皮芝士雞煲

酥皮即整即焗，香脆煙韌，配上芝士，真係食到唔停得口，雞肉唔會太辣，太咸，調味岩岩好，而且有好香醬料味道，雞肉炒完肉質一樣鮮嫩多汁，配上酥皮芝士一齊食，令口感更加豐富，必點?

? 前菜

前菜竟然有黑糖糍粑，好少地方可以食到，而且仲可以任食?，除此之外仲有燒豬頸肉，涼拌青瓜
豆腐，味道唔錯?

? 胡椒豬肚湯

食完雞煲轉湯底，有8款湯底可以揀，我揀左胡椒豬肚湯，胡椒味道濃郁，豬肚份量多，而且爽口彈牙，打邊爐用呢個湯底真係無得彈?

? 牛肉 x 蝦滑

牛肉新鮮，肉質鮮嫩，好濃既牛味，牛下肩最出色，唔會太肥，牛肉既比例較多?
牛舌芯爽口，切得唔會太厚?
雪花肥牛脂肪都唔會太多，味道濃郁?
蝦滑爽口，新鮮彈牙?

? 雪糕

雪糕係用本地製造，有4款味道，蜜瓜，士多啤梨?，伯爵茶，豆腐?
4款雪糕好岩香港人既口味，唔會太甜，食多幾杯都唔會過份?
服務
內用
餐點類型
晚餐

午市就一般，午市一人鍋如果質素同晚市一樣的話就唔係咁好。

份量係足嘅，不過啲料真係好參差。
魚皮唔脆，所謂響鈴直頭係腐皮卷，又係唔脆，仲要韌。
湯底選了胡椒豬肚，太單一，連豬骨都無真係淨豬肚，但啲豬肚又唔太好味。
主食嘅豬肉都幾嫩。 菜盤都唔差。烏冬就一般貨。 整體份量好足。
但醬料欠奉，有一罐飲品。

期望晚市會好啲，見啲食評網就好多正評。

今次嚟到尖沙咀海防道成日見到樓下有個餐牌好似幾好食咁嘅雞煲火鍋放題，咁今日得閒就上去試下先，
上到去服務非常之好，我哋見到有一個好特別嘅雞煲就係用酥皮嚟整出嚟嘅酥皮麻辣芝士雞煲?，簡咗bb辣我啱啱好怕辣嘅我都頂得順
，濃濃嘅芝士再加埋個好正嘅酥皮跟住淨係食個雞煲已經流曬口水?有半成飽，跟餐仲有一個好多唔同部位嘅靚油脂牛肉食，食完雞煲會轉過另一個湯底唔使食咁多油幾好，今次我嗌咗一個椰青香茅青檸湯，一黎到試左佢D湯好飲，之後先再放野食落去，話明係放題出面梗係有好多唔同嘅嘢食有菜有即食嘅嘢食不過款式唔算勁多，但係蔬菜類同嘢飲嘅款式就相對好多，另外仲有得嘟qr code加食物，都係平時啲基本嘢有肥牛有蝦滑有墨魚滑有餃子，雖然係基本嘢但係亦都唔差嘅?，最後仲有個雪糕可以食，不過我哋飽得滯已經冇食，裝修方面好舒服唔會坐得逼逼澀，最重要係服務超好?，價錢都合理，性價比好高?

#好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #人和月雞煲火鍋店 @人和月雞煲火鍋店

人和月雞煲火鍋店
尖沙咀海防道38-40號中達大廈3樓
服務
內用
餐點類型
晚餐

首創酥皮麻辣芝士雞煲放題

呢排天氣開始轉涼，又係時候打邊爐食雞煲啦

今次仲可以試下火鍋店首創既酥皮麻辣芝士雞煲，再加埋海鮮盤、靚牛肉打邊爐，一次過滿足我三個願望

餐廳裝修以港式火鍋店為主，店內設有大量卡位，坐位寬闊，用餐舒服

晚市火鍋放題包括有一個頭盤 + 海鮮盤 + 火鍋湯底

頭盤可以四選一，有招牌麻辣雞煲、老檀酸菜魚、韓式芝士雞、味鮮卜卜蜆，最近仲有升級食法轉做酥皮麻辣芝士雞煲、椰香香茅青檸烤魚、麻辣烤魚或藤椒烤魚

火鍋湯底可以八選一，湯底有辣有唔辣，清甜養顏，剌激麻辣都有，任君選擇
服務
內用
餐點類型
晚餐

難得今晚準時走，就跟朋友放工去尖沙咀搵食。 佢帶左我去一間新開嘅任食火鍋。係海防道嘅樓上店唔太顯眼，都係要朋友帶先知上樓有得食任食火鍋套餐，仲要唔貴，好大份。

餐廳簡約裝修，店員服務非常親切。如果早些到，仲有窗口卡位坐，非常舒服。

餐廳嘅海鮮拼盤超抵食，但因為我哋唔肚餓所以冇加$198叫。只叫了精選牛肉吃到飽Set A. 提供一份美國高級牛肉一客（美國牛板腱、牛下肩、金錢展、牛胸爽同雪花肥牛），之後可無限追加日本豚肉、五花片、魚片、墨魚滑、蝦滑同醉雞件。

唔夠仲可去自助雪櫃任拎蔬菜、菇類、豆腐、腸類及丸類。 食唔夠飽，仲有公仔麵、韓國辛辣麵拎。

同任飲無酒精飲品，有餐廳自家製酸梅湯、洛神花茶及無糖青茶。

首先可選原創酸皮麻辣芝士雞煲/椰青香茅青檸烤魚/麻辣烤魚或藤椒烤魚。 仲可以選味鮮卜卜蜆。

食完頭盤，就可轉火鍋湯底打邊爐。 我哋選了藥膳養生牛奶湯，飲落好重紹興酒味、好補身。

烤魚非常新鮮、超大條鑪魚。店主將魚劏開，無乜骨。肉質非常新鮮滑溜，香茅味超夠香再搭上椰青嘅清甜味，好有置身泰國嘅感覺。

不同部位嘅牛肉，脂肪比例都不同。 可以一次過品賞牛既不同部位，對於有選擇困難症既人來說，非常好?? 尖沙咀來講，呢間自助火鍋CP值超高。

食飽左，仲可以出雪櫃任拎雪糕食，獨立包裝非常衛生。下次再會返來encore!

邪惡酥皮麻辣芝士雞煲＋海鮮＋牛肉打邊爐，一次滿足三個願望?

Set C 澳洲M4和牛海鮮大滿貫（$398/位），
120分鐘嘅火鍋放題，
包一款頭盤＋一款火鍋湯底＋40多款火鍋配料＋飲品＋甜品。

?頭盤
酥皮麻辣芝士雞煲?
酥皮焗至金黃酥脆，
將酥皮和雞煲二合為一～裏面嘅芝士激多，勁拉絲！?
酥皮吸晒雞煲精華，和芝士融為一體，啖啖邪惡好芝味！
雞件採用雞髀肉，厚肉多汁，香辣惹味～

?火鍋湯底
椰青香茅青檸湯！
食落好清新，酸酸地幾開胃，同海鮮或肉類都好夾！

?海鮮盤
雖然只有一客，不過勝在夠鮮！多樣化！量足！
有鮑魚、青口、日本??扇貝、鮮海蝦、大蜆、深海龍躉片，
龍躉片好大塊，肉質爽彈鮮甜，超正！?

?美國牛肉大滿貫
有超過8款澳洲或美國高級牛肉：
澳洲M4和牛、極上黑安格斯牛小排、手切美國封門柳、嚴選美國牛下肩、嚴選美國牛板腱、高級美國雪花肥牛、美國特選牛舌心、特級美國牛胸爽⋯⋯?

另外，仲有冷盤、蔬菜、丸類、飲品、甜品等在自助區，
飲品除了罐裝汽水，仲有養生自家飲品。
甜品有芋圓、小丸子、熱辣辣豆腐花等自行拼配，正！☺️
服務
內用
餐點類型
晚餐

終於出糧而且天氣轉涼仲唔係時候食雞煲打邊爐??肥仔同朋友就嚟咗依間位於尖沙咀嘅雞煲火鍋放題 人和月雞煲火鍋店食餐好嘅?

我哋揀咗SET C又有澳洲M4和牛又有海鮮，而且係自助Bar可以自由選擇火鍋配料小食同飲品，打邊爐之前仲有一個頭盤?

頭盤當然揀個最特別嘅 酥皮麻辣芝士雞煲啦??熱辣辣新鮮焗起，用刀切開酥皮果下香味同蒸氣一齊湧出嚟，即時食欲大增?酥皮配合芝士同少少麻辣嘅醬汁一齊食真係好惹味，雞煲份量一啲都唔少，雞肉鮮嫩味道豐富，仲食得出香料味?️

主菜邊爐就揀左 藥膳養生牛奶湯做湯底???湯底呈乳白色，味道就偏咸左少少，餐廳會先上一客海鮮盤，有鮑魚、大蝦、青口等等，另外會上一客牛肉大滿貫，種類都唔少架?

食得差唔多，當然要食甜品啦，有雪糕同一啲自家製嘅糖水甜點?由其係豆腐雪糕我幾鍾意食

餐廳位於3樓，環境寬敞舒適，我地被安排坐喺卡位，仲可以望到窗外街景，呢度平時都非常滿座，120分鐘任飲任食，頭盤＋火鍋湯底＋飲品＋甜品，還有幾十款配料供應，唔怪之得長期都爆?

晩市有五個價錢嘅套餐選擇，由$298至$598之間，今次叫左精選牛肉吃到飽 $298 /位，頭盤有4款可以揀，包括麻辣雞煲、味鮮卜卜蜆、韓式芝士雞煲、老壇酸菜魚，而家期間限定仲有多3款可以加錢升級?包括酥皮麻辣芝士雞煲、椰青香茅青檸烤魚，見到好多人都叫酥皮麻辣芝士雞煲，賣相相當吸引，不過我地驚太飽食唔到其他食物，所以就選擇左味鮮卜卜蜆。

1️⃣ 味鮮卜卜蜆
一上枱俾個份量嚇親，有好多蜆同蝦?蜆肉好肥美，而大蝦都好鮮甜，仲加入大量蒜粒和芹菜，湯底非常鮮甜，而且仲有大量粉絲，吸哂啲湯嘅精華，呢個頭盤真係好正??

2️⃣ 野菌冬瓜湯
食完雞煲就可以揀湯底打邊爐?最終揀左野菌冬瓜湯，餐廳將一大片冬瓜嘅中間挖空，然後放喺中間，入面仲有野菌、杞子做配料，好推介大家飲下啲湯先，非常清新鮮甜?

3️⃣ 美國牛肉大滿貫?
之後店員就會遞上一盤牛肉拼盤，包括：高級雪花肥牛、美國特選牛舌心、特級牛胸爽、嚴選牛板腱、嚴選牛下肩。所有牛肉都已經薄切好，牛下肩滿佈雪花，油脂分布好平均，而牛板腱食落就好有質感，牛味好濃郁，所有牛肉都只需輕輕涮幾秒就已經食得，好令人回味?

4️⃣ 其他配料
除左牛肉外，仲有好多其他配料可以用 qr code落單，任點任食，如：日本豚肉五花片、花雕醉雞件?嫩滑脘魚片、蟹籽蝦滑、芝士牛肉丸等，當中十分推介芝士牛肉丸，牛味濃之餘，入面仲有滿滿嘅芝士?而喺自助區亦有好多配料同小食，有濃汁牛丸、馬啼黑椒貢丸、花枝丸、豆腐卜、響鈴、山根、菇類同蔬菜，應有盡有?

5️⃣ 飲品
飲品都有好多選擇，餐廳仲設有自家飲品，蜂蜜菊花露、烏梅綠茶、鹹柑桔，開胃又可以清熱當然有汽水等罐裝飲品?亦可加錢叫酒精類飲品。

6️⃣ 甜品
鍾意食台式甜品嘅朋友記得留肚，因為餐廳有仙草凍、芋圓，仲有好多其他配料俾你加埋一齊食，包括薏仁、椰果、咋喳、紅豆?等，糖水甜度仲可以自己控制，非常有台灣特色。另外，仲有雪糕?木桶豆腐花、生果等，真係食到好滿足。

總的來說，呢間餐廳真係十分推介?可以一次食到火鍋之餘，仲有雞煲、烤魚等，食物種類又多，價錢都好合理，而且特別要讚嘅係店員非常友善，服務殷勤，下次一定會再黎?
服務
內用
餐點類型
晚餐

天氣開始凍啦！又係時候想打邊爐同埋食暖笠笠嘅雞煲啦！終於俾我係旺角鬧市搵到呢間一次過滿足哂2個願望嘅樓上餐廳！

我地嗌咗個M4和牛餐！一黎到就睇睇自助區有咩野食先，有自家製冷泡茶，推薦荔枝紅茶，解膩一流！我飲咗3杯?

熟食區有啲炸物，仲有冷盤，因為人太多，好快就清哂啦！

邊爐料嘅選擇都好正路，但我建議大家都係留肚食返手機點餐嘅野啦！

首先黎嘅係麻辣雞煲！其實仲有烤魚揀，不過今日特別想食雞煲，所以就冇揀其他了。雞煲質素非常唔錯！2個人嘅份量黎講啱啱好，雞件好滑好入味，食完有少少唔夠喉添！好彩仲有邊爐！食得慢侍應都好貼心咁幫你用碟裝起，怕你冇時間打邊爐呀！

靚和牛同靚海鮮各有一盤，真心係新鮮同好食?！完全對得住個價位?而且種類唔一樣亦都唔怕食到濟，到真係食完呢2盤主菜，其實已經飽咗8成。

但手機落單嘅菜式都唔錯㗎！推介蝦滑同墨魚滑！各款牛肉都唔錯、不過就細塊咗啲。

消費夠金額仲有得抽獎，我地抽中即影即有，有其他客人就抽到一盤靚牛，羨慕死人啦！

TIPS 1: 估唔到閑日嘅晚上呢度到已經爆哂場！大家過黎食一定要book 定枱啦！

TIPS 2: 黎呢度食野有2個鐘時間，大家一定要先諗好食啲乜，唔係就會因為選擇錯咗次序而得不償失啦
服務
內用
餐點類型
晚餐