名門私房菜(Charisme Pavillon)

一席素菜團年聚餐，大家抽空蒞臨， 共結善綠，選址在灣仔道83號 2樓 一私房菜館， 場內燈光明亮， 氣氛舒適， 佈置以白色為主 ，優雅怡人 服務貼心 。是日素菜: 包括炸茄子， 中華沙律，子薑皮蛋， ，竹笙山藥湯， 素叉燒 ，豆腐煲 ，炸芋圓， 涼瓜猴頭菇。 葡汁 四蔬， 鮮百合鮑魚菇露筍， 菠蘿咕嚕肉， 黑松露炒飯， 蜜汁蓮藕餅 ，……連甜品 :生磨蛋白杏仁露， 共15道菜式 。每款佳餚， 味道令人難忘， 值得一提， 廚師用心炮製 ，選料上乘， 味道適中 ，令人齒頰留香; 個人最愛炸茄子，外脆內軟，炸芋圓，亦見廚師真彰， 恰到好處， 招牌甜品 ，更是非試不可， 回味無窮。

high quality dining

中國飲食文化博大精深，其中「順德菜」在粵菜中有著重要地位，以清，鮮，爽，嫩，滑為特色，而煎釀鯪魚、 均安蒸豬、銅盤焗雞等更是我最喜歡的順德菜式。❣️

聽聞灣仔 『名門私房菜』是一間專做順德菜的老字號，特地訂好位，跟先生食一頓地道順德菜，餐廳裝修雅緻，坐得舒服。❣️

🎯冰鎮鮑魚配燒汁芥辣醬
新鮮的沙律菜上擺上2隻巨型的大連鮑魚，十分吸引眼球。
鮑魚經日本酒醃製，入口軟淋且帶淡淡的酒香味，沾上混合芥末的燒汁同食， 更能凸顯鮑魚鮮味，中日合璧，絕對是創新又獨特的一道前菜。❣️

🎯鑲鑽黃金蝦
巨型虎蝦炸得色澤金黃，外層包上經鹹蛋黃炒香的麥片，入口酥脆且鹹鮮味十足， 虎蝦新鮮又夠大隻，爽口彈牙啖啖肉，令人很滿足！！❣️

🎯古法瓦罉豉油雞
豉油雞用瓦煲盛載，雞皮色澤油亮，令人垂涎欲滴，雞肉除豉油香外，更帶玫瑰露酒的清香味， 火候控制嚴謹，肉質非常嫩滑 。❣️

🎯一口鮑魚雞粒豆腐煲
把家常菜也做得講究，是順德菜的精髓。 這道一口鮑魚雞粒豆腐煲也不例外， 小鮑魚先用玫瑰露酒浸過夜， 入口酒香撲鼻， 雞肉入味之餘跟豆腐一樣嫩滑，食得出的用心製作。❣️

🎯生磨蛋白杏仁茶
即點即磨的杏仁茶，入口杏仁味道濃郁， 略帶少許杏仁的天然苦澀味，混合半生熟的蛋白絲，養顏暖胃，甜品的首選。❣️

名門私房菜地方唔大，全店只有約10張枱，裝修簡約舒適。

杏汁豬肺湯
今晚嘅湯私房中菜最常見的杏汁豬肺湯，豬肺清潔得非常乾淨，口感爽滑，配上鮮豬肉同杏仁汁燉成，非常滋潤。😍

冰鎮鮑魚
每一次黎名門私房菜我地都必點呢款冰鎮鮑魚，鮑魚非常厚身，肉質軟腍帶有微微酒香，配上餐廳秘製醬汁，味道一試難忘。😋

黃金蝦多士
蝦多士亦係名門其中一款招牌菜，滿滿彈牙蝦滑加上原隻鮮蝦炸至金黃香脆，配上用牛油炒香的鹹蛋黃蓉，非常邪惡而惹味。😆

蜜餞藕餞煎金蠔王
名門的金蠔絕對配得上叫做金蠔王，超級大隻，蠔肉肥美飽滿，色澤金黃通透，入口帶有蜂蜜甜香，炸脆了的藕片味道都唔錯。👍🏻

秘制陳皮豬肋骨
豬肋骨厚肉，肉質彈牙，陳皮味濃，一碟有六大件，份量十足。

順德鯪魚釀尖椒
尖椒8隻入面有2隻是辣的，順德釀鯪魚鮮美嫩滑，同尖椒味道好配。👍🏻

蕃薯糖水
最後食埋碗蕃薯糖水，我地三個都非常滿足。😍

近排食得日本菜&西餐多，係時候轉一轉口味食返中菜先。食中菜又唔想普普通通咁搵酒樓，於是就搵吓私房菜，搵吓搵吓就搵到間喺灣仔勁多人推介嘅名門私房菜，於是就碰碰運氣睇吓訂唔訂到位，原來星期日係要提早好多時間訂位，於是就揀咗喺星期一。網上睇到有D菜式要提早預訂，於是訂位時就順便訂埋青芥冰燒雞。

呢晚點咗嘅菜式包括：
1）冰鎮鮑魚配燒汁芥辣
2）青芥冰燒雞
3）黃金蝦多士
4）秘制陳皮豬肋骨
5）蜜餞藕餞煎金蠔王
6）上湯浸菜心

冰鎮鮑魚配燒汁芥辣嘅鮑魚好鮮味，食落去嘅時候感覺好彈牙。

青芥冰燒雞，呢個暫時係我人生中食過最好味嘅手撕雞，配料入面有海蜇、青瓜絲之外，最特別係加咗酸薑絲同埋炸芋頭絲，每一啖都有炸芋頭絲口感脆脆地好特別，而醬汁帶有少少酸辣，絕對好啱夏天食。

黃金蝦多士，我覺得應該改個名叫黃金礦蝦多士，蛋黃多到不得了，而且蝦多士香脆彈牙再配埋黃金蛋黃，蛋黃控必食！

秘制陳皮豬肋骨望落外表無咩特別，但食落時感覺有幾種似層相識嘅味道，最初只係食到果皮味，但食食吓又食到另一隻甘甘地嘅味道，問下職員先知原來用咗三款唔到味道嘅果皮嚟整先可以整到一舊骨有幾種味道。

蜜餞藕餞煎金蠔王呢隻簡直係王，比起平時見到嘅仲要大隻好多，煎到好甘香，蜜糖味又唔會搶哂隻蠔味。

呢餐飯真係每樣都好驚喜，搞到我想8月媽媽生日帶佢嚟呢到食生日飯。

從一開張，到家陣………鵝掌都係咁上下水準，真係唔知係咪佢地特式……我想講，我今次係第二三次嚟。老實之前真係唔係咁對我口胃。
講真今次都算有驚喜，個藕餅和鮑魚真係見得人～嚟呢處唔食就真係浪費。极力推介！！！
一年後2021再嚟，有驚喜，好多味都好好食， 柚皮 鮑魚 豉油雞🉐！ …

水準之上

正宗順德功夫菜，十分美味

以順德菜為主軸的菜館，碟頭足夠，又不失細緻的味道。釀鯪魚是我至愛，魚肉甜而彈，不是很多店舖願意做的心機菜。
陳皮骨和生炒骨，展示廚師處理味道的功架。

從未試過食私房菜好開心今日可以嘗試，同朋友去咗灣仔一間叫名門的私房菜是正宗的順德菜
地方潔淨光猛、比較寧靜可以好好享受今晚的晚餐
首先第一道菜是冰鎮鮑魚-鮑魚有口感而不韌蘸上秘製的燒汁芥末醬真的很棒！
第二道菜是黃金大蝦-脆香的大蝦上面鋪滿軟滑的醎蛋黃令口腔充滿了滋味的醎香而大蝦新鮮肉厚沒有被搶走它的原味道！手工唔算複雜但超正！
跟住便是順德名菜順德煎釀鯪魚-工夫多大家都知道今晚這味菜做得好好魚肉十分彈牙聽老闆講魚肉的比例都十分之多所以好有魚味之餘又能做到彈牙真的唔簡單
生浸豉油雞-雞肉滑同時帶出好香醇的玫瑰酒味
不得不提欖角肉排-肉排好出色有淡淡的欖角味又加咗少少蜜糖食起上來脆脆地十分好味
最後是哈哈哈哈芥蘭煲選用蝦乾蝦球蝦膏醬令每根芥蘭都充滿濃郁的蝦膏味香噴噴非常爽口
連甜品蛋白杏仁茶都好認真製作，用杏仁生磨而成不是用杏仁粉，老闆好貼心知道一般人唔喜歡太甜處理得剛剛好不太甜，我下次一定會叫多幾個朋友再來品嚐這店高質素而正宗的順德菜👍

令人回味的私房菜

出外用膳慣性會去集團式經營的食肆，但每間分店的菜式和味道都差不多，欠缺新意。要吃些特別菜餚，私房菜是不錯的選擇，今午來到灣仔一間主打順德菜的食肆用膳，店舖相當濶落，環境舒適，員工態度友善。揀選了四人超值鮑魚午市套餐。
前菜有酸薑皮蛋，相當懷舊的小吃，椒鹽茄子外脆內軟，非常美味。
冰鎮鮑魚 – 混合醉雞汁、紹興酒、洋葱碎及乾葱碎，將鮑魚浸於汁料中，放入冰箱數小時，鮑魚相當入味軟滑。
瓦罉鼓油鷄 – 瓦罉存熱久，煮出來的鼓油雞十分惹味，雞肉嫩滑。
煎釀鯪魚 – 順德出名的菜餚，鯪魚味道鮮美、肉質嫩滑，可惜多骨，煎釀鯪魚是把魚肉和魚骨起出，留下魚頭、魚尾和皮囊，將魚肉剁爛釀入魚身，回復魚的形狀，絕對是一道手工菜。
蝦籽柚皮 – 柚皮又是順德菜粗料精做的精神，柚皮重複浸水多小時，待柚皮軟身及消去苦澀味後，再以鯪魚肉、豬腩肉、蝦米、瑤柱等煮成的上湯燜上多個小時。最後將燜好的柚皮淋上蝦子和蠔油煮成的汁液，味道之美，令人回味無窮。
最後還有木瓜雪耳糖水，盡享美味的一餐。

高水準的私房菜

順德菜看似家常菜，但工序繁多，甚少會在家烹製，所以今天來到位於灣仔的名門私房菜品嚐。用餐環境舒適，枱與枱之間並不會太貼，職員殷勤有禮。

我們點了酸薑皮蛋和椒鹽茄子粒作為前菜小吃。前者開胃，後者惹味。

夏日炎炎，喝碗冬瓜薏米湯消消暑，不錯。

冰鎮鮑魚賣相吸引，鮑魚稔滑，帶有淡淡花雕酒香，連墊底的生菜都新鮮爽脆。

蝦籽柚皮屬工夫菜，賣相看似簡單，但要做到柚皮軟稔入味並不容易。這裡處理得宜，一點苦澀味道都沒有，讚。

順德菜少不了著名的煎釀鯪魚。外皮煎至香脆，內裡釀了滿滿的鯪魚肉餡料，十分滋味。

古法瓦罉豉油雞也是入味非常，雞肉仍能保持滑嫩，送白飯一流。

最後有木瓜雪耳糖水作結，滋陰潤肺，十分滿足。

朋友早前訂了這間私房菜約埋我一齊食。原來今次有新嘢，哈哈。
冰燒雞 : 是一道涼菜，有雞絲，海蜇，青瓜絲仲有好脆口的炸芋絲。全部都同山葵汁，真係好好味，又凍凍地，大熱天時好啱食。 😍😍
蒸柚皮：柚皮完全入曬煮汁的味但又食到柚皮的香味，好正。唔係好咸又完全冇苦味，入口唔洗咬就幾乎可以吞。 👍👍
啫啫芥蘭：芥蘭嫩甜，用蝦醬炒熟，好香口。間中有蝦乾一齊食，更濃味。 😋😋
原條𫗵鯪魚：鯪魚外皮炸得香脆，鯪魚肉紮實而且食到陣陣的老陳皮味，好開心再食到經典的順德菜。
名門炒鈑：炒飯上枱已經香噴噴，雖然已經接近飽，還是吃光了一整碗。飯好乾身，有叉燒粒，但最好味的是有好香口、微辣真係好好味。用砂鍋盛著炒飯真是有用，可以保持溫度好耐，正。 💯

老火靚湯：湯完全冇味精，飲起上嚟有一種家的感覺，非常好飲。

酥炸茄子：茄子被薄薄嘅蛋黃漿包裹住，炸嘅火喉控制可以話係大師級，完全保留到茄子新鮮而有汁滲出嚟。

冰鎮鮑魚：名貴就唔駛講，鮑魚煮得稔但亦不失煙韌爽口嘅感覺，最重要就係佢秘製醬汁，完全帶出鮑魚新鮮嘅味道。由於係冰鎮，食起上嚟非常清新。

子薑配流心皮蛋：皮蛋有別於一般黑色嘅賣相，仔細睇起上嚟係啡色一塵嘅，好有皮蛋味道，如果同子薑一併放進口，好容易清除皮蛋濃烈嘅味道。

秘製豬肋骨：問咗老闆，呢味餸用咗陳皮醃製，味道非常特別而且超級好味， 加上以炸嘅形式，烹調功夫可見一班。肉質方面，豬肋骨有些油脂，食落爽口有溶化嘅感覺，但煮得好稔，非常滿足。

頭抽豉油雞：師父用上玫瑰露去煮，雞肉新鮮嫩滑，呢度菜可以話係我咁耐以來食嘅豉油雞當中數一數二嘅菜式。

釀鯪魚：雖然呢度菜唔係一啲名貴菜式，但絕對係用心之作。師父將打好嘅鯪魚肉，釀入原條魚之內，再經香煎以達致皮脆嘅感覺。咁樣嘅食法啖啖肉，冇晒食到魚骨嘅煩惱。

上湯浸菜心：菜心新鮮，冇苦味。上湯浸煮後，菜心吸收哂上湯嘅味。

炸鮮奶：外面炸到金黃色，十分香脆；內裏仍保持流心狀態，值得一讚

腐竹薏仁糖水：養生有益嘅糖水，個個都啱，仲要好食，而且煲到d 料爆哂，用心程度值得嘉許。

呢間餐廳真係值得再嚟，性價比高！

名門私房菜 (灣仔)
灣仔灣仔道83號2樓

冬瓜盅
當造原個冬瓜好消暑，個盅好足料，蝦碌肉質爽脆鮮甜，煲湯瘦肉唔少得，仲有田雞！所有精華凝聚於湯水之中，真係相當消暑解渴。

芋絲手撕雞冰鎮鮑魚
極度鮮甜嘅冰鎮鮑，大大隻一啖落去清爽，入口彈牙又柔軟。拌入咗足料手撕雞，雞肉嫩，唔少得爽口海蜇，有脆卜卜芋絲，各種配菜百味交雜之中帶濃烈Wasabi，獨特！

鮮榨牛奶及炸蓮藕餅
酥炸大良牛奶，外層酥脆，內裏軟滑鮮奶以蛋白凝固，帶香濃椰汁味，略呈糕狀口感，味道好有層次；炸蓮藕餅係兩層薄切蓮藕中間夾鮮肉嘅設計，非常香脆嘅餅層有陣陣鮮肉香，相當好味。

秘製陳皮醬烤骨
適量控制老陳皮嘅澀、九制陳皮嘅甜、酸陳皮嘅甘，加上各種陳皮本身嘅果酸，營造出陳出不窮嘅味道層次感，選用咗黑毛豬肋骨位肉，歷時烹煮將陳皮醬嘅味道鎖入肉汁之中，肉質肥瘦均勻，口感同味道都極具層次，時而入口即溶，時而彈牙軟熟時而爽口，香濃肉汁於齒縫間遊走，太美好！

碧綠翠珊瑚
以膏蟹嘅蟹膏同蟹肉拌入碧綠翠嘅蘆筍之中，可謂妹仔大過主人婆，店家好有心機咁拆咗兩隻膏蟹作為配角，蟹肉非常鮮甜，蟹膏相當肥美，拌入爽口鮮嫩又多汁嘅主角蘆筍之中，味道非常match！好一道碧綠翠珊瑚，妙哉！

油浸筍殼
順德菜油浸筍殼，非常有份量，鮮味十足，嫩滑肉厚，同海魚有得揮嘅淡水魚！魚皮經過油炸脆卜卜，可以聽到師傅切開嘅時候清脆嘅索索聲，外皮甘香酥脆到潮州粉麵嘅炸魚皮都可以行埋一邊。最正就係香脆魚皮同嫩滑魚肉一齊入口，嗰種口感同鮮美簡直上晒頭！

啫啫雞煲
香味濃烈，係極為濃味嘅菜式，醬汁稍為偏鹹，下飯菜不二之選！雞肉非常入味又嫩滑軟熟，斬雞技術好重要：無碎骨，抵讚！各種葱頭配菜都非常惹味，名為啫啫雞煲除咗上枱時啫啫聲，當然就係保温能力，一直keep住好夠熱，正！

名門炒飯
自家調製香辣XO醬，好足料嘅炒飯，飯同配料參半咁滯，非常惹味好食，雖然味道無啫啫雞咁濃烈，但毫不遜色唔會有被搶味之嫌，實屬難得！飯炒得好粒粒分明，水份剛好，由於煲上經餘熱烘過，有份外嘅飯焦甘香，配料亦有部分帶脆，相當可口。

杏仁茶
濃郁杏仁味，有蛋白花，甜而不膩。

腐竹糖水
有足料西米薏米，腐竹全溶於水中，比豆漿更細滑，甜度剛好，清涼。

名門私房菜
今日約到老死同埋佢另一半，一齊出嚟食個晏，忙裡偷閒。

老火靚湯：完全冇味精，非常足料，火候亦都非常十足，飲完一碗，直程唔夠喉。

酥炸茄子：屬於一個錢財，但亦都非常認真處理，博博嘅外脆表層，包裹軟滑既茄子，口感一流。如果可以有個秘製醬汁點下，相信更佳。

冰鎮鮑魚：唔好虧待自己，下晝都要食得好，鮑魚肉質爽蛋，完全唔會韌，係廚師嘅火候控制技術高超。

子薑配流心皮蛋：皮蛋靚之餘，個子薑仲要係自家製作，唔會太酸，平衡到皮蛋獨有嘅味道。

秘製豬肋骨：之前已經食過，印象非常深刻，所以一定要再要多一次，

頭抽豉油雞：隻雞本身嘅質量都非常高，有雞味，又夠滑，加上獨特嘅調味，口腔充斥玫瑰露嘅香氣。

釀鯪魚：手工菜，魚皮保持完整性，起肉功夫一流，絕對無食到骨/疑似骨的物體，魚皮鬆脆，而且魚肉略帶彈性，反而如果巿個特調醬汁，定必提鮮。

炸鮮奶：前所未試過咁香椰絲味，估計應該係炸漿，再點椰絲去炸，造成吉列嘅感覺。入面嘅鮮奶，凝固程度傾向奶凍質地，外皮同內涵，造成強烈嘅反差，十十滿足

腐竹薏仁糖水：老闆驚我哋唔夠食，仲送多一個自家製糖水俾我哋，當然係唔會馬虎啦。粒粒薏仁都好大粒，仲有少少煙韌嘅感覺。

呢間餐廳雖然有一啲歷史，但年輕嘅老闆，保留到餐廳嘅人情味，周不時走埋嚟同我哋傾偈，亦注重食客對菜式嘅評價，係一間有愛又有實力的餐廳。
服務
內用
餐點類型
午餐

服務一流，親民好傾
普洱茶夠濃香，去油解膩

[ 冬瓜盅 ] 冬瓜清甜，夏天食最啱，田雞超鮮甜，蝦質鮮嫩，冇落味精，足料，飲左三碗

[ 芋絲手撕雞冰鎮鮑魚 ] 味道同做工極為複雜，Wasabi、紫姜、青瓜絲、海蜇，鮑魚極大隻，爽口彈牙。甜、甘、辣豐迎滋味，一定要喺呢度先有得食

[ 鮮榨牛奶及炸蓮藕餅 ] 牛奶有椰汁蛋白嘅細滑，外脆內軟，甜而不膩，蓮藕餅夾層之中有肉餅，咬落去嘅時候確一聲非常之脆，食上癮，內外都酥化鬆脆

[ 秘製陳皮醬烤骨 ] 老陳皮、九制陳皮、酸陳皮三款精製而成。味道層次好豐富，甜、甘、酸齊晒，肉質嘅層次都好豐富，有五花腩嘅感覺食到不同層次嘅豬肉質感

[ 碧綠翠珊瑚 ] 蟹膏蟹肉炒蘆筍，拆咗兩隻大膏蟹先有呢一碟菜，真材實料，蘆筍係黎自澳洲，清甜爽脆，蟹膏粒粒有咬口，蟹肉拆得好仔細，啖啖肉，正😄

[ 油浸筍殼 ] 勁大條，賣相好震撼，師傅切開嘅時候索索聲，睇住佢表演都覺得賞心悅目，食落口外脆內嫩，除咗講好好食😋同係咁食，真係正到爆

[ 啫啫雞煲 ] 勁香，翻起食物嘅時候發出jer jer 聲，持續左成分鐘，煙霧彌漫，雞肉鮮嫩，唔會黐牙，送飯就最啱啦

[ 名門炒飯 ] XO醬炒飯，自家製XO醬，又有鹹香又辣，送多過飯，大滿足

[ 杏仁茶 ] 香滑，濃郁杏仁味，有蛋白花，甜而不膩

名門私房菜
灣仔灣仔道83號2樓
服務
內用
餐點類型
晚餐

冰鎮鮑魚燒汁，杏汁燉白肺湯，鮮蟹肉瑤柱乾釀蟹蓋，鮮菠蘿咕嚕肉，名門炒飯，蛋白杏仁茶
服務
內用
餐點類型
晚餐

今晚表姐請食生日飯😍😍又帶我食好野😇😇，係灣仔A3出口超方便。7點來到都已經超滿座😊😊
#冰鎮鮑魚，店員先加上燒汁。燒汁比較濃，帶上wasabi,先咬一口，鮮美彈牙。不用加燒汁都食到飽魚鮮美😍😍😍
#杏汁燉白肺湯 杏仁味突出。香濃，豬肺乾淨，好滋補養顏潤肺湯，都幾想飲多碗
#菠蘿咕嚕肉 菠蘿係用菲律賓新鮮菠蘿，特別夠酸，咕嚕肉外脆，酸酸甜甜。碗飯一流。
#啫啫生菜煲 上枱時香噴噴，有
蒜片，麵豉每樣材料都好嘢未，生菜同爽脆清甜。正
#花蟹瑤柱洋蔥焗蟹蓋 脹卜卜花蟹肉。洋蔥，瑤柱，整體來講係超級一流，啖啖蟹肉香。瑤柱咬口，洋蔥香脆，每啖每啖都超正。可加一點點喼汁會更提升。
#杏汁蛋白茶 超香杏仁，滑滑蛋白，每啖都有呢2種香味，不太甜。好滿意

今晚幾位好友相聚，當中朋友極力推薦灣仔「名門私房菜」，地方算合適，朋友都在不同地區過來，大家異口同聲說方便，真係好似做廣告🤣🤣。

不過酒樓地方不是很大，注要有二間房、一個大廳，👆🏻記得預早訂位。

爵士湯@密瓜、雞、瘦肉、螺頭燉湯
稱得上爵士湯，當然有翻咁上下架勢堂🤣，就連當中爵士、名人和富豪都會指定要飲的湯。
今日我們都去品味－吓，先看豐富湯料，蜜瓜、雞、瘦肉和螺頭燉製而成👍🏻。

店員介這個「爵士湯」最適合在秋冬時節養顏養生飲用，不過飲落又真係好清甜，－點都不肥膩，我們就連煲湯的雞件和螺片都吃光了😋。

冰鎮鮑魚配燒汁芥辣醬
日本酒醃製的大大隻冰鎮鮑魚，既消暑又醒胃，以爽滑彈牙的口感，再加上自製酸味嘅燒汁芥辣醬，更能帶出鮑魚鮮味，口感豐富。👍🏻

荔芋香酥鴨 $638/隻（預訂）
必食之選！正係荔芋已經贏晒😋
軟香嫩滑，夾雜香酥炸成的無骨鴨件，不知不覺，－件又一件。😘😘🍻

生煎鯪魚餅 $198/例
正宗順德小吃，金黃色的鯪魚餅，入口入口軟稔甘香，最適合座酒🍺。

糯米飯炒糕蟹 $888/隻（預訂）
原隻大糕蟹炒薑、蔥、糯米飯👍🏻👍🏻
蟹糕、蟹汁等完全溶化在糯米飯內，加上醃製的薑、蔥，香氣濃郁，糯米飯吸收所有榚蟹和薑蔥精華，份外惹味，我覺得糯米飯才是大主角🤣🤣。

鍋燒無錫骨 $578/例（預訂）
聽店員講，這個無錫骨係以新鮮靚食材 “黑毛豬” ，軟嫩度適中，
加入黑糖錯更能提升料理的層次感！

臘味飯（時令煲仔飯）$778
秋風起食臘味！
油鴨肶拆肉+潤腸+香爆葱雞球+冬菇.. 份量十足！
陣陣飄香，除咗臘味的味道，還有少許焦香味(飯焦)，飯焦香脆可口👍🏻，整體來講，煲仔臘味飯色香味俱全😘😋😋。

薑汁番薯糖水
餐點類型
晚餐

第一次食順德私房菜，今晚有幸品嚐高質順德菜，確實有口福！

餐廳地方雖不太大，但令人感覺舒適寬敞。

餐廳經理招呼周到親切，推介一些特色菜給我們，非一般順德菜可媲美！

馳名爵士湯 $688～ 即蜜瓜螺頭燉雞湯，第一次飲蜜瓜湯，淡淡蜜瓜味，風味十分清新，加上份量十足的螺頭及鮮雞，湯頭濃厚，整體口味清淡不油膩！

冰鎮鮑魚配燒汁芥辣醬 $98/隻～ 鮑魚鮮甜爽口， 隻隻飽滿肥美，清食已很美味，但配上燒汁芥辣醬，別有一番風味！

荔芋香酥鴨 $638～必食之選！:love::love:

這是一道手工功夫菜，ㄧ口咬下能體驗到四種口感同時充滿在嘴裡的滿足感 !!

第一層酥油-酥

第二層芋泥-綿

第三層鴨肉-嫩

第四層鴨皮-香

是一道真正考驗大廚們廚藝的料理，真的不要錯過！

糯米炒糕蟹 $888～另一招牌菜，一睇賣相，已經口水直流，大大隻糕蟹，加上香蔥蒜蓉一起炒糯米飯，飯底吸收了糕蟹流出嚟嘅精華，鮮香味美，色香味齊晒！必食

鍋燒無錫骨 $578～ 以黑毛豬為食材，加入黑醋調味，酥香入骨，甜鹹適中，腴而不肥！

麵醬啫啫唐生菜 $148/例～用自家製麵醬炒新鮮唐生菜，特別濃香惹味！

最後的香滑杏仁糊為這頓令人讚嘆的晚餐劃上完美句號！
餐點：5
服務：5
氣氛：5

早聞順德為魚米之鄉
有各種鮮美河鮮
加上廚師巧手工藝
令順德菜穩佔廣州菜代表一席位
今日得到好友邀請
試試順德手工菜

杏汁炖白肺湯
杏香飄然而至
味道非常濃郁
但又滑不溜口
令人留下深刻印象
湯料都一同上桌
豬肺被清潔得白軟
廚師一定用左唔少時間準備

冰鎮鮑魚拼青芥冰燒雞
每人一隻冰鎮鮑魚
爽口入味
青芥冰燒雞用上手撕雞手法
雞絲混和芋絲青瓜絲薑絲等等
口感豐富
味道豐富
尤其芋絲脆炸後多添脆爽口感
若嫌芥末味淡仲可以另加醬汁
又是另一種口味👍

鑲鑽黃金蝦
大大隻虎蝦炸起
外層再裹上黃金麥片
鹹蛋黃味唔會太突出
淡淡襯托虎蝦嘅鮮味
蝦肉彈牙實淨
相當新鮮!

鮑汁柚皮扣鵝掌
又一道出名花工夫嘅菜式
柚皮本身唔值錢
但原來經過層層處理後
味道堪比貴價食材
是日柚皮厚實口感柔綿
入口無苦澀
給人一種幸福滋味🥰🥰🥰

順德煎釀鯪魚
師傅要先將鯪魚肉起肉打膠
然後將魚膠釀回完整鯪魚皮中
再原條香煎切段上碟
魚皮焦脆
魚肉鮮香有彈性
而且無骨
個個食到讚不絕口！

秘製陳皮醬烤骨
肉質細嫩爽甜
飽滿肥美
配上酸酸甜甜嘅陳皮醬
竟將油膩轉化如無物
個個大大件咁食都甘之如飴😂

上湯浸菜芯
一輪大魚大肉後
總要有青菜點綴
菜芯嘅爽甜用高湯最能突出

秋天最合宜嘅生炒臘味糯米飯
糯米飯入味
而且唔會成結塊
個個都想多添一碗呀！

多謝朋友邀請先可以試到此等傳統粵式美食

友人回港己兩星期，下星期又要回國，臨別餞行，預約了一間中式私房菜館，有傳統懷舊菜式，相信長住外國的他甚少食到，今晚一定要令他難忘。
螺頭燉翅骨湯
夠火候，翅骨溶化，膠原十足。
鮮甜味美。
蜜餞蒜盞煎生蠔
選用了湛江十六頭金蠔，蠔膏飽滿，甘香。
焗釀蟹蓋
蟹肉，瑤柱，洋蔥… 一絲一絲，口感豐富。
順德煎鯪魚
絕對鮮味無窮，完完全全真材實料手工菜。
上湯浸菜心
生炒臘味糯米飯
炒得粒粒分明，沒多餘油份，臘腸，潤腸、蔥花味道特顯，有水準。
蛋白杏仁茶是今晚整頓飯的完美句號。

食品選擇多， 從主菜到甜品都好好食，提供二人至十二人枱，尤其適合一大群人聚餐。可以一再光顧的餐廳。
服務
內用
餐點類型
午餐
餐點：5
服務：4
氣氛：4
建議的餐點
陳皮骨

價錢有點偏高，那個豉油雞也只是普普通通，没什麽特别吸引。
服務
內用
餐點類型
晚餐
餐點：3
服務：4
氣氛：3