Mr. Crab by The Captain’s House
營業時間
| 星期六 | 13:00–23:00 |
| 星期日 | 12:00–23:00 |
| 星期一 | 12:00–23:00 |
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–22:30 |
服務選項
外送
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
咖啡
烈酒
酒精飲料
啤酒
葡萄酒
雞尾酒
用餐選擇
早餐
早午餐
午餐
晚餐
餐飲服務
甜點
設施
附設酒吧
洗手間
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
老實說，我等了 25 分鐘才有人來拿我的訂單，服務慢得令人難以置信，令人沮喪，女服務員無法推薦菜單上的任何東西，我不得不提醒她去拿飲料菜單……有一件事確實令人印象深刻但我卻看著女主人一絲不苟地清理菜單（幹得好）。食物還可以，但是服務非常慢！
有特色醬汁，暖暖的，海鮮十分美味。值得一試。
嗌咗個二人餐，兩嗰湯，小食，意大利飯同埋海鮮shake shake同埋甜品，龍蝦湯同周打蟹肉湯，連埋蝦多士同脆口嘅多士。
🔺水牛城雞翼，作為一個雞翼控好滿意呀。
🔺黑松露野菌燴意大利飯，香氣撲鼻，意大利飯煙韌有咬口☺️
🔺招牌既海鮮袋，嗌左青口，八爪魚🐙同埋小魷魚🦑配Lemon Dill Cream Souce🤪味道好惹味，醬汁完全均勻沾上海鮮🦞上，索滿醬汁既鮮美☺️
🔺coconut cocktail 🤩so fresh☺️
現場氣氛相當好，好值得推薦❤️
Wan chai Mr.Crab X 悠閑蟹香西餐🦀😋
難得有個空閒既星期四🤣
黎灣仔行陣街同朋友食下西餐Chill下啦☺️
墨西哥鮮蝦檸檬咯嗲
Mexican Shrimp Cocktail
先有芒甜香中帶紅椒陣辣味覺既前菜打頭陣😆
再配合鮮蝦一齊拌食甚具風味的😋🦐
香煎紐西蘭西冷伴洋蔥汁
Grilled N.Z Sirloin with Onion Gravy
西冷牛扒份量適中肉味濃郁🥩🤩
五成熟既牛扒係剛剛好☺️🐮
原塊煎香能鎖住肉汁肉質滑嫩Juicy之餘唔起根🤤
配合濃香洋蔥汁更帶出扒香鮮味😋🥩
蟹肉卡邦尼扁意粉
Crab Meat Linguine Carbonara
卡邦尼啖啖濃厚Creamy忌廉奶香🤤😋
配以扁意粉係一流既配搭之餘🤤🍝
拌以鮮嫩蟹肉慢煮帶出陣陣蟹肉香🤤🦀
美式蘋果批
American Apple Pie with Ice-cream
以邪惡賣相上枱🤤
焗至金黃脆口既批皮🥧😆
包住微微蘋果肉甜香既內餡🤤🥧
外脆內軟絕佳口感之餘🤩
拌以雪糕一齊食更為邪惡🤤🍨
食物美味 服務態度普通
只試過食lunch，非常一般，對本人來說，無興趣再試😅 …
出色的
特別，但不算太特色，可以一試，一大一細，吃一湯、一頭盤、一甜品、兩意粉和兩飲料，盛惠七百多
呢日黎到灣仔特登黎試呢間MR. CRAB~ 我地7點鐘入坐已經有好多人!!! 真係一定要記得BOOK 位, 如果唔係都食唔到好野~~
餐牌上面都有好多選擇! 但係黎到又點可以唔食佢個shakeshake海鮮袋~! 我地叫左個loster combo 要左隻店員推介既辣汁,辣既程度有三級,我地就揀左mild~ 因為驚太辣都會食唔到海鮮既鮮味~
另外我地仲叫左個taco~ 同埋最後叫多左個甜品~
我地叫既pulled park taco 先上枱~ 入面有好多酸酸甜甜既蕃茄~仲有兩款醬俾你點黎食添, taco 入面有好多菜! 感覺都好健康! 仲有層豬肉包住D 菜, 點埋隨碟附上既醬黎食真係好正!!!!
之前就到海鮮袋! 海鮮就係放左係呢個海鮮袋入面, 連埋我地叫既辣汁一齊shake~ shake 到每件海鮮都沾滿哂醬汁真係好正!!!! 估佢唔到mild都幾辣, 另外仲有樣野估唔到既係辣汁竟然一D海鮮既鮮味都冇蓋過, 反而係仲鮮!!! 同埋隻辣汁真係好惹味, 我食個陣都忍唔住將D 海鮮再沾上更加多既汁! 我地既lobster combo入面另外有八爪魚同埋蝦, 咁當然仲有一大隻龍蝦啦! 龍蝦真係好鮮甜好食….. 講起又想再食…. 八爪魚同埋蝦沾上汁簡直係perfect match! 海鮮袋入面仲有薯仔、粟米同埋香腸, 夠哂豐富! 同埋食完都真係好飽! 黎個甜品真係perfect!
我地叫左個apple pie with ice cream… 呢個apple pie 真係好正… 個tart 皮勁酥脆, 連埋雪糕食真係…………..我都唔識講… 大家自己去試下啦hahahaha
去完玩具街再係附近搵食，比我再次遇到Mr. Crab by The Captain’s House 餐廳，即刻入去食我念念不忘的海鮮袋。
餐廳主打新奧爾良式的海鮮袋seafood Combo，除了海鮮袋，亦有二人、四人套餐和單點的美國地道菜式可以選擇。
酥皮蟹肉蠔周打蜆湯（$98）
酥皮蟹肉蠔周打蜆湯，酥皮金香酥脆，飲得出好足料，啖啖的鮮甜味，湯底Creamy 幼滑，香草包和酥皮吸盡湯汁，非常滋味
路易斯安那蟹餅（$128）
蟹波煎到金黃香脆，入面滿滿的蟹肉，食到一絲絲的蟹肉，鮮香味脆。
Combo A ($398可選擇3種海鮮）
蜆、海蝦、墨魚仔（檸檬刁草忌廉醬汁）
一上枱，見到脹卜卜的海鮮袋，之後侍應會先帶上手套在客人面前幫忙shake shake 。
我個人最喜愛海蝦和蜆，海蝦爽口彈牙，蜆肉大大粒，沒有沙，粒粒飽滿，配上檸檬刁草忌廉醬汁，味道濃郁又不會蓋過海鮮的鮮味，除了海鮮，亦配有粟米、大大粒薯仔和粟米，索晒D醬汁，非常惹味。
Devil Chocolate ($68)
賣相吸引，朱古力上有兩粒大大粒棉花糖，朱古力味道濃郁。
Fairy Lady ($78)
酒味都易入口，都非常適合女士。
羽衣甘藍藍莓沙律 $138
色彩繽紛材料豐富，除了羽衣甘藍和藍莓外，還有黃菜頭、青瓜、牛油果、藜麥、芝士、紅莓乾、無花果乾、松子，配搭新穎。
燒牛肋骨配薯條 $498
原條牛肋⻣分量比想像中多，用上低溫慢煮的烹調方法來處理，油脂分佈平均，外皮香脆，有炭火燒烤味，內裏牛肉色澤粉嫩，鮮嫩多汁，入口腍滑富牛味，簡單配岩鹽，已經好味，值得一試。
脆炸蒜香蜜糖雞翼 $88
外皮香脆炸至金黃色，肉質保持嫩滑，雞翼有蒜蓉牛油香，表面有一層蜜糖香甜。
朱古力紅桑子慕絲 $58
香濃醇厚的朱古力慕絲，入口幼滑濃郁，底層有紅桑子醬，原粒紅桑子經玫瑰荔枝糖水糖漬，醃漬後酸度減低，層次更豐富，甜而不膩，讓人停不了口。
🥢Signature Combo A
可以在指定海鮮類中自選三款，然後再揀選喜愛嘅口味
揀左海蝦、海蜆、八爪魚配Lemon pepper sauce，檸檬有提鮮作用，而黑椒可令海鮮味道提升😋。
餐廳非常貼心，order好食物後就為客人送上濕紙巾、即棄手套及圍裙🤗
除咗自選三款海鮮外，配菜仲有粟米、薯仔同脆皮腸😋。
海蝦🦐蝦頭同蝦身緊緊連接住，非常新鮮鮮甜、海蜆隻隻都脹卜卜、八爪魚🐙細細隻好得意，入口有咬口之餘，慢慢咀嚼後鮮味就開始爆發😆。其他配菜薯仔、粟米同脆皮腸索左啲汁都非常惹味。
🥢Buffalo sauce chicken wings
外皮炸漿炸得非常脆身，但入邊雞肉仍保持juicy，蘸埋個醬汁，相當惹味。
🥢Shrimp & mushroom truffle fettuccine
蝦份量唔小，鮮甜爽脆；寬麵軟硬適中，入口煙韌有口感，配以忌廉醬汁，加埋濃濃味道嘅松露嘅味道，令寬麵味道提升至極點⋯⋯而且醬汁杰度balance得非常好，做到掛汁嘅效果👍🏻
我和蟹先生的一個午餐約會🦀
1. 香脆軟殼蟹扁意粉 $118
軟殼蟹炸得好香脆 意粉幾彈牙 仲有好多粒好新鮮嘅蕃茄仔 幾鮮甜 個醬汁都夠 酸酸甜甜 中和左啲炸嘢嘅油膩感
2. 蟹先生全日早餐 $138
好豐富 有包 蛋 煙肉 腸仔 薯餅 茄汁豆 菇 同crab cake 雖然個crab cake唔大份 但係蟹肉好多 再加上煎香左 真係一啖一滿足
3. 餐湯 沙律 蘋果汁 （lunch set包）
沙律正常 餐湯今日係忌廉湯 幾香濃順滑 蘋果汁幾新鮮 應該鮮榨 酸酸甜甜 唔錯
Overall 推介指數：4/5
Lunch set百幾蚊仲有啲海鮮食下 都幾抵食 環境都坐得舒服 幾多卡位 鍾意西式海鮮嘅朋友都可以試下
聖誕節既時候由於夜晚禁堂食，同朋友晏就出左去灣仔諗住食飽之後就去利東街睇下燈飾💡行去利東街時見到‘Mr. Crab by The Captain’s House’，呢間人氣海鮮餐廳想食好耐🤤，就入去啦！
係有兩層的，門口果層係專外賣，而行上一層就係堂食。坐定後看看餐牌，見到有聖誕套餐 ，梗係要應下節啦！
聖誕套餐首先嚟到嘅梗係湯啦～睇落好濃嘅龍蝦湯，再配上麵包，烤得香脆。
小食有5款，一場到無可能唔叫海鮮後食下呀😂就叫左法式煮青口（+$30)，有白酒牛油🧈/香草忌廉/龍蝦湯汁，因為有龍蝦湯🦞所以就叫左香草忌廉。青口大大粒應該都有8-10粒左加，每一隻青口既肉質都充滿香草忌廉汁，正🤤仲有蒜蓉包拎黎點下有剩既香草忌廉汁～
🐮炭燒美國肉眼五成熟，燒到見到烤紋好靚呀，又傳來一陣陣炭燒嘅香味，都好厚下咁，仲有牛油果沙律同薯仔粒同露荀。
主菜外仲有蟹肉蟹膏南瓜意大利燴飯😍姐係蟹蟹飯，呢個好味呀～啲飯軟硬適中，每一粒飯都蟹肉蟹膏而且d醬汁包曬每粒飯，仲有青瓜係飯入面，食既時候會更有咬口～不得𣎴提有勁多芝士片
仲有甜品同餐飲，甜品是紅莓芝士餅，細細件面頭上落左士多啤梨醫～
餐飲叫左frozen cocktails 🍹(+48) ，好有夏威夷感覺，有3隻顏色😍
臨近聖誕食返個聖誕餐開心下先，同朋友去開灣仔見間餐廳有個聖誕餐就去試吓。
餐湯有龍蝦湯：有濃濃嘅龍蝦味配埋香草飽好好飲。
小食有黑松露薯條：成兜薯條都係黑松露醬配埋個沙律醬好正呀…..
主菜有炭燒美國肉眼：我叫左七成熟，煮得啱啱好肉質好好，要講一講個沙律整得好清新好味😋
仲有個黑松露海蝦忌廉汁寬條麵：黑松露汁煮得好Creamy，蝦🦐都好多隻好彈牙。
甜品紅莓芝士餅：芝士整到淋淋的，一入口即溶，細細件成個餐就好完美喇。
最近愛上吃蟹， 煮出美味的蟹料理絕不是容易的事。 自問廚藝沒有天份， 當然要 外尋美食 滿足自己的願望。 搜尋了 這間舒舒服服的 蟹料理餐廳。
本來想選擇海鮮袋 ，非常吸引 可選不同海鮮 有蟹又有扇貝， 而且可以自行選擇醬汁。 但因為份量太多， 擔心 眼闊肚窄 吃不到其他食物， 店員很好推薦了蟹飯。
原隻鐘拿蟹意大利飯
第一次吃這款 蟹， 外殼是比較硬實， 肉質是比較鮮甜， 帶點海水味道， 最愛就是蟹鉗啖啖肉， 烤過的檸檬 作為醬汁 酸酸 甜甜， 清新滋味。 蟹蓋之下隱藏了很多蟹膏😍😍， 把蟹膏拌意大利飯一起吃， 更加美味。
路易斯安那蟹餅
蟹餅全是蟹肉絲製成的😍😍， 外層鬆脆 用麵包糠包圍著， 內裏軟軟的全是 真材實料的蟹肉， 滋味無比。
油封鴨肉絲 鵝肝慕絲多士
無花果是油封鴨的 perfect match， 鴨肉絲 鬆嫩 配上無花果的清甜， 是不錯的餐前小吃。
芝士蟹肉薯條
金黃香脆的薯條， 配搭微辣 滋味的醬汁 和大量芝士， 翻開芝士 原來隱藏了大量蟹肉😁😁， 可惜薯條太多， 醬汁有點不足夠， 如果可以再多一點醬汁就好了。
同小女友喺灣仔食飯，去左呢間食海鮮出名嘅Mr crab by the captain’s house。
呢次叫左個二人套餐，佢哋包左一客海鮮袋，前菜，意粉同埋兩杯紅白酒。
Seafood combo ：嚟得呢度一定要叫返個海鮮袋啦！呢個套餐嘅海鮮袋可以揀三款嘅海鮮，佢哋分別有海蝦，海蜆，馬尼拉蜆，藍青口，小龍蝦，翡翠螺，小八爪魚，小墨魚仔，如果仲想食豪啲嘅話仲可以加錢選擇埋原隻龍蝦，阿拉斯加蟹腳同鱈蟹腳添。
我哋呢次就揀左藍青口，馬尼拉蜆同埋小墨魚仔，加埋lemon dill cream sauce 。佢哋用嘅海鮮夠哂新鮮，肉質口感都係彈牙爽口。
而呢個醬汁同海鮮非常夾，可以更加突出左海鮮應有嘅鮮味。
路易斯安那爆谷蟹餅：呢次我哋加左錢upgrade 左個前菜，而呢度嘅蟹餅賣相非常精美，蟹餅表面就煎到金黃色，香脆嘅外皮入面包含住滿滿的蟹肉，口感十足，味道極為鮮味。
黑松露海蝦忌廉汁寛條麵：黑松露忌廉汁creamy，其黑松露味濃郁，香氣撲鼻海蝦爽口彈牙，加埋寛條麵熟度啱啱好，硬度適中，做到醬汁完美掛喺麵條上。
Daily Tiki ：我哋決定加錢將套餐嘅紅白酒轉左呢個，我哋完全比佢嘅杯吸引左，用嚟影相打卡一流，而入面係有橙汁，西柚汁同雪碧，係款果香味濃嘅特飲。
Mr Crab 而家推出咗二人同四人套餐，二人套餐$688就已經有齊海鮮袋、小食同埋飯/意粉類，計落真係抵好多，我同朋友就一於揀咗二人套餐。
我哋覺得嚟到應該係食蟹，所以選擇咗加$10嘅路易斯安那爆谷蟹餅。當切開蟹餅之後，真係覺得絕對值得加$10轉換蟹餅，因為真係真材實料，啖啖充滿着一絲絲嘅蟹肉。
Seafood Platter總共有三款醬汁可供選擇，包括有Mr Crab Cajun Sauce, Lemon Pepper Sauce & Lemon Dill Cream Sauce。當中佢嘅signature Cajun Sauce 其實就係最傳統嘅味道，Seafood Platter 正正係起源於路易斯安那州新奧爾良入面嘅法國裔加拿大人Cajun，所以係最正宗嘅味道。不過因為朋友唔食得辣，所以我哋就揀咗檸檬刁草忌廉汁。海鮮方面我哋就揀咗海蝦、翡翠螺、小墨魚仔，全部食材都好新鮮爽口。此外，袋內除咗有自選嘅海鮮，仲會有粟米、新薯同肉腸，配合埋醬汁一齊食真係好好味！
套餐亦包括咗一個飯或意粉，我哋就揀咗蟹肉蟹膏南瓜意大利燴飯，啖啖充滿南瓜香味，中間亦夾雜着一絲絲嘅蟹肉，真係滋味無窮。
餐飲揀紅白酒唔使加錢，配合埋今餐嘅全海鮮蟹宴，同朋友絕對飲得杯落啦！
#與蟹先生有個約會
鬧市區有間餐廳以🇺🇸美國和海鮮為主題的美式餐廳，無論環境和食物都值得支持和品嚐美食呢！🦀🦐
位置在灣仔的Mr. Crab by The Captain’s House 最出名是海鮮類的例如龍蝦套餐：波士頓龍蝦、海蝦🦐、蟹、青口、鮮魚等等。😋😋🦀
海鮮烹調得恰到好處，鮮味十足，配以特色醬汁，香濃惹味，停不到口呀！
另外餐廳環境確實不錯，和朋友來慶祝生日都一定難忘啊🌷🌷❤️
今日同朋友喺灣仔行完街，經過Mr. Crab，見到佢嘅裝修打造得好特別就上咗去食個下午茶。 佢嘅下午茶套餐大約都係70到90蚊，飽之餘都非常抵食。
墨西哥雞肉餡餅($68) 份量都ok。而且好有墨西哥風味。佢另外配咗酸忌廉醬同牛油果醬，個人覺得點牛油果醬味道一流！
慢煮紐西蘭西冷片三文治（$88）佢嘅西冷片較多，可以兩個人share食。西冷片都幾有咬口，再配上蕃茄同菜，味道唔錯。
而甜品係Brownie， 朱古力味非常濃，甜度適中，唔會好漏。
最後嗌咗杯Double Happiness，野莓同士多啤梨味，酸酸甜甜，飲到最後仲會有士多啤梨碎可以食。Asian Punch 就有荔枝、薄荷同青檸味，好Fresh。
灣仔利東街行過少少見到呢間食西式海鮮嘅餐廳，佢地個logo係卡通蟹都幾得意，同埋有2人餐，都唔太貴，所以就入去試吓。佢地入面嘅裝修都係以海洋做主題，d坐位都坐得舒服，唔會有侷促感。
其實2人餐都有幾多選擇，佢地個海鮮袋，可以比我地選擇3種海鮮，我地選擇咗馬尼拉蜆，海蝦，小墨魚，而醬汁方面就係Mr,Crab cajun source，呢個汁都幾辣，配上海鮮又幾夾，等咗一陣終於上菜，佢係用一個大袋入住晒d海鮮，店員喺我地面前shake shake將d海鮮同醬汁mix勻，一打開袋，除咗見到海鮮之外，仲有好多配料喺入面，分別有薯仔、粟米、腸仔，d海鮮都好新鮮，馬尼拉蜆都係第1次食，原來都幾鮮甜，海蝦都彈牙爽口，而墨魚仔都好嫩滑，一d都唔韌。
黑松露薯條，薯條炸得非常香脆，佢都有跟埋一個黑松露沙律醬比我地，個醬勁香黑松露味，配薯條食一流，除咗個醬香之外，薯條上面都仲有好多黑松露粒粒，真係好足料。
蟹肉卡邦尼意粉，個意粉沾滿卡邦尼汁，非常creamy,意粉上面有勁多蟹肉，煙肉粒粒，呢個意粉勁好食。
呢度嘅Nachos除咗面頭嘅牛油果醬、酸忌廉、蕃茄粒之外，仲可以配上鮮甜嘅蟹肉同埋小龍蝦，食落口感更加豐富，多咗一種鮮甜味！
All Day Breakfast最點睛嘅就係有塊小蟹餅，滿滿嘅蟹肉，香味十足。
意大利飯配上粗身嘅美國蘆筍，咬落新鮮又脆口！加上一片芝士薄脆，可作點綴之餘又為燴飯提昇層次！醬汁煮得香濃又結身，加上野菌呢個最佳拍檔，Yummy!
/𝑀𝑟.𝐶𝑟𝑎𝑏 𝑏𝑦 𝑇ℎ𝑒 𝐶𝑎𝑝𝑡𝑎𝑖𝑛 ℎ𝑜𝑢𝑠𝑒 🇭🇰/
#sa灣仔篇
➖➖➖
➖➖➖
呢間店坐車成日都經過
但又係每次都食到飽所以一直bookmark 左
都係依家先知原來係有brunch set 食
種類有少少似平日cafe 咁
不過有幾款就有蟹嘅食材 較有特色
包一杯coffee or tea
另外亦可加$轉野飲/要湯+甜品
➖➖➖
1️⃣忌廉湯
忌廉湯幾稠身但忌廉味就唔算重
較為淡口 反而鍾意法包多啲 幾有香草味
口感香脆 🥖
➖➖➖
2️⃣蟹肉卡邦尼意粉 $128 🌟
入面蟹肉碎另外亦有煙肉碎
較為多 仲有芝士 充滿咸香❤️
掛汁✔️而且都真係幾入味 韌度剛好
如果蟹肉份量再多番d 就更佳😊
➖➖➖
3️⃣路易斯安那寶石$128
配料就好似egg Benedict 咁
有煙三文魚、生菜、水波蛋同
佢嘅底部用左crab cake
黎代替平時嘅muffin/toast 💛
最鍾意就係佢底部嘅絲絲蟹肉～充滿鮮味🤤
➖➖➖
4️⃣甜品 chocolate mousse
雖然幾啖就食晒 不過朱古力的確夠濃
而且幾軟滑🤤🤤
➖➖➖
蟹肉蟹膏南瓜燴意大利飯🦀🍛
平時食risotto最驚啲飯煮得唔熟或者太熟🥘 呢間真係住得啱啱好 😍每一粒飯都啲滿咗醬汁同埋蟹肉絲 😋食落口感豐盈又足料🍊 南瓜味甜甜的，但食落又唔會好膩 👍讚
流心芝士牛肉漢堡🍔
賣相十分靚仔🥰一上枱直情嘩出嚟😍😍😍黑色嘅麵包感覺好型格：芝士／煙肉／蔬菜／牛肉／酸瓜等，口感好有層次😆 牛肉生熟程度剛好🤗 burger lover必點 👍仲配咗少少沙律同埋自家炸薯片💗 正
加18蚊仲可以要各款咖啡☕呢度啲咖啡同出面coffee shop有得比👍仲拉埋花
加38蚊就有甜品🍰
是日甜品係 Tiramisu，都幾點甜但配埋咖啡就啱啱好喇
走入餐廳就感受到海軍風氛圍，裝飾擺設多與海、船有關，好岩注重餐廳環境同鐘意海鮮/西餐的人～
海鮮袋
餐廳入口已經見到魚缸，坐低毫不猶豫要食海鮮袋! 係十幾款海鮮入面揀左蜆、青口、海蝦，蜆肉飽滿，海蝦肉質彈牙結實，檸檬汁令海鮮鮮味提升，非常滿足🥰
脆炸雞翼（燒烤醬）
一碟5件大大隻雞翼，絕對稱得上皮脆肉嫩，仲淋上惹味燒烤醬好滋味😋
蟹肉蟹膏南瓜意大利燴飯
有粒粒南瓜🎃同一條蟹鉗仔，蟹唔搶鏡頭，呢個risotto好食在於佢Creamy既醬汁配合煙韌飯粒～
Sparkling wine
House wine 仲有紅/白油揀，呢杯Sparkling wine幾易入口飲完微醺感覺良好☺️
Mr. Crab的午餐套餐包括每日沙拉和湯、主菜以及咖啡或茶，價格從HK$98 – HK$168不等，在該地區吃一頓正宗的西式午餐相當划算了！
蔬菜上有相當多的沙拉醬，玉米湯是奶油狀的，帶有一絲牛奶的味道，與薄薄的一片麵包完美搭配，味道像佛卡夏麵包。
蟹膏蟹肉南瓜燴飯絕對是我的最愛！蟹肉分量足，螃蟹的味道很突出，南瓜和洋蔥則給燴飯帶來了一絲甜味。我喜歡上面的帕爾馬干酪的味道，它為濃郁的奶油燴飯增添了另一層味道。
新西蘭烤肉店沙朗牛排也很令人滿意——喜歡牛排上的燒烤味道與黑胡椒肉汁的混合，而且燒烤痕跡實際上讓它更具吸引力！我們點了五分熟的牛排，但牛排稍微偏向五分熟的一面，但質地對我們來說仍然很好。牛排還配有薯條以及烤茄子和西葫蘆片。
我已將套餐飲料升級為精選無酒精雞尾酒，而魔鬼巧克力絕對是魔鬼般的！誰能拒絕淋上鮮奶油、巧克力糖漿和火星巧克力棒的冰巧克力呢？
當天的甜點是松露布丁，它確實令人驚嘆——我從來沒有在任何甜點中吃過松露，但它出奇地好！上面的蜂窩太妃糖也增添了額外的味道，為一頓有價值的晚餐畫上了完美的句號。
{Set Lunch 抵食😝}
#kong_girl_foodie出街食
同 @kong_boy_foodie 去灣仔食嘢☺️
餐廳門面好吸引☺️
.
❣️蟹肉卡邦尼意粉 $128
配沙律同南瓜湯
意粉質地啱啱好，汁都好夠👍🏻👍🏻
好creamy
.
❣️Nevil’s chocolate +$38
超濃嘅朱古力奶加cream 😍👍🏻👍🏻
.
📝總結
Lunch set好抵食㗎！
餐廳仲有好多位打卡🥰
.
❣️食完俾分時間❣️
🌟食物: 7/10
🌟環境: 7/10
🌟服務: 7/10
🌟打卡: 7/10
🌟推介: 710
.
📍 Mr. Crab by The Captain’s House
灣仔莊士敦道74-78號一樓及地下C號舖
#香港 #香港美食 #美食分享 #香港吃貨 #hkfoodie #hkfood #hongkong #hkig #灣仔美食 #灣仔
過一段時間又來食過
今次感覺就退步左好多
係訂左8點
樓下同事話有位有台可以上得樓
到上左樓經理又話冇台
足足等左35分鐘
同樣都係點海鮮盤
今次既螺肉好多沙
墨魚仔就真係手指尾頭咁細既墨魚仔
蝦、帶子正常出品
少辣都比正常偏重同辣
摩天輪既炸盤
侍應話冇魚柳
問介品介意其他餸既部分加返多d
咁其實都冇咩選擇唯有好
點知一上台
其他部分冇多左
一來已經見到有一格係全薯條上
無言
點左杯特飲
侍應又話杯特飲唔知冇左咩原料
要搵代替品之類
其實自己最後飲咗啲咩都唔知
蟹肉意大利飯份量想像中少
唔係唔好食既
蟹膏都好重味同香
整體來過幾次
早兩年前來
欣賞呢度海鮮新鮮
又細心有洗手位同圍巾
但而家人多左
侍應雖然都係咁nice
但廚房出品好似退步左
#cassiegowanchai
–
灣仔利東街有一間「Mr. Crab by The Captain’s House」，舖位唔係好顯眼，但係上到去之後絕對有驚喜！餐廳門口係一個細細地鋪，以船艙作設計藍本，上到樓上就見到好大個魚缸，養住好多海鮮！🐟
–
雖然依度出名新奧爾良特色美食 嘅「海鮮袋」，不過因為瘦編同朋友唔想午餐食海鮮，所以就試吓其他野食。重點推介大家試吓依個烤牛肋條，油脂分佈好平均，一上菜就有陣油脂嘅香氣，肉質好嫩滑，配上炸薯條同沙律，依個主菜超級豐富！😋
–
另外小食方面，揀咗好開胃嘅水牛城辣雞翼，即係Buffalo Wings，絕對係雞翼界的「熱浪」，每隻雞翼都好肥大，食落有少少辣味，但又未去到舌頭發麻、大汗疊細汗嗰種辣，會令到你一口接一口食唔停。😆 飲品方面都好用心，分別叫咗杯凍mocha同熱cappuccino，熱飲上面有好靚嘅畫，味道啱啱好，為依一餐畫上完美嘅句號。❤️
–
味道評分▶️🌕🌕🌕🌕🌗 (4.5)
抵食評分▶️🌕🌕🌕🌕🌑 (4)
回購評分▶️🌕🌕🌕🌕🌗 (4.5)
–
➡️ Mr. Crab by The Captain’s House (灣仔)
📍 灣仔莊士敦道74-78號一樓及地下C號舖
–
IG: @cassiecwy/ @cassiegetfat
FB: @cassiegotravel
OP: cuisine_revolution (Lv4)
DianPing: cassiegetfat (Lv6)
TripAdvisor: cwycassie
食物很好，大比目魚很好，但大比目魚湯是垃圾和可怕的
𝘿𝙖𝙞𝙡𝙮 𝙊𝙮𝙨𝙩𝙚𝙧 $42
蠔肉爽脆清甜🦪，連裙邊都好爽口，好好食！
不過掛住傾計唔記得左問品種( ͡ಥ ͜ʖ ͡ಥ)
–
𝙇𝙤𝙗𝙨𝙩𝙚𝙧 𝘽𝙞𝙨𝙦𝙪𝙚 $88
龍蝦湯味道比想像中淡😛，但幾有驚喜既係，湯入面有隻小龍蝦🦞同蟹肉多士。多士好香口，沾湯食都唔錯。
–
𝘾𝙧𝙖𝙗 𝙈𝙚𝙖𝙩 𝘾𝙝𝙤𝙬𝙙𝙚𝙧 $78
質感濃稠Creamy🤤，忌廉味重，
真係飲到有一絲絲既蟹肉🦀，好飲！
–
𝙈𝙧.𝘾𝙧𝙖𝙗 𝙎𝙞𝙜𝙣𝙖𝙩𝙪𝙧𝙚 𝘾𝙤𝙢𝙗𝙤 $390
𝙎𝙝𝙖𝙠𝙚 𝙎𝙝𝙖𝙠𝙚海鮮有大中細三個𝙎𝙞𝙯𝙚⛱，我地兩個人食細𝙎𝙞𝙯𝙚岩岩好。𝙎𝙞𝙜𝙣𝙖𝙩𝙪𝙧𝙚 𝘾𝙤𝙢𝙗𝙤有蜆、蝦🦐、青口、粟米🌽、豬肉腸同薯仔🥔。蜆肉同蝦都唔錯，蜆鮮得黎唔會有沙🏝，蝦肉爽彈鮮甜(˶‾᷄ ⁻̫ ‾᷅˵)～
–
醬汁有四款，有辣有唔辣🤹🏻♀️。𝙇𝙚𝙢𝙤𝙣 𝘿𝙞𝙡𝙡 𝘾𝙧𝙚𝙖𝙢 𝙎𝙖𝙪𝙘𝙚配海鮮幾清新🍋，酸酸甜甜帶微微忌廉香，雖然味道比較清淡，但更加食到海鮮既鮮甜味🌊，點薯仔都好惹味！
–
𝘾𝙧𝙪𝙨𝙩𝙚𝙙 𝘾𝙝𝙞𝙘𝙠𝙚𝙣 𝙇𝙞𝙣𝙜𝙪𝙞𝙣𝙚 $108
係我最中意既Creamy意粉😋，蛋香同忌廉香都好濃郁，而且扁意粉非常掛汁🍝。朋友就中意食個脆雞塊🐔，香脆唔油膩，同埋份量都好多，成五六塊LOL😂。
⭐龍蝦湯
一喝便知龍與鳳， 香濃而且質感濃稠，是用了大量龍蝦熬製。
⭐酥皮蟹肉蠔周打湯
酥皮焗得金黃酥脆，吃起來十分香口。 這個湯用料豐富，有啖啖的蟹肉。
⭐蒜蓉包
用了十足的蒜蓉包，每一塊也有十足的牛油和蒜蓉。
⭐Mr. Crab 熱海鮮盤
檸檬刁草忌廉醬汁清新可口， 檸檬汁中和了忌廉醬的膩， 而且不會蓋住海鮮的鮮味。 扇貝一份有三隻大隻，新鮮，吃起來肉質結實。鮑魚彈牙可口。翡翠螺鮮味十足。
⭐黑松露海鮮忌廉汁寬條麵
黑松露醬濃郁香口，十分creamy，配上大大隻的鮮蝦，為這天的晚餐劃上完美句號。
鮮甜美味蟹先生
今日難得出灣仔接男朋友，就順道食個brunch
呢間餐廳裝修好別緻，藍藍的海洋風吸引左我入去試一試高級啲既lunch先
叫左兩個午餐，有餐湯，沙律及飲品
沙律同餐湯，無咩特別既沙律，個汁是醋及沙律油都幾開胃，清下味蕾。個沙好似忌廉湯，但飲落有驚喜，有好鮮既海鮮味，啲海鮮肉打碎左，好鮮甜
法式紅酒會牛面頰配法包-個牛面頰好大碗，燜到好冧，無牙都食到，保留牛的原味，仲入晒個汁同啲配菜個度，個薯仔又係好冧，好肉薯蓉咁，好正，面頭仲有芝士加持，仲邊有得輸呢
龍蝦蕃茄汁煮青口配飯-呢個目測有超過十隻青口，同出面唔同，啲青口是新鮮的，質感是軟軟（不是急凍的硬身）確是好難得食到不是急凍貨，個汁仲勁，本身都龍蝦汁仲加埋青口鮮味，好在是配飯，可以撈盡晒啲汁呢。
是日甜品加38蚊，好大個似奶凍既，但我食完諗都唔到係咩味，不過就好好味，消甜又唔會滯住，係一款好清爽既甜品
最近是Cappuccino同 ice latte，中規中矩, Cappuccino應有的厚奶泡😋及咖啡香味，很滿足呢。
前排去灣仔食野經過見到Mr Crab覺得幾吸引 星期日諗住黎啖個靚Brunch~Brunch menu上面既都係 $128 包餐飲😊
✨Crab Meat Linguine Carbonara
好耐冇食carbonara 難得有蟹肉就嗌左😂蟹肉份量唔算多 芝士味比較濃郁所以有少少蓋過左蟹味🙈但整體都唔錯 意粉掛到汁 食落係好creamy😆
✨Mr Crab All Day Breakfast
平時好少食港女早餐😂今次望落幾豐富 除左基本雙蛋 多士 腸 煙肉 茄汁豆 沙律 薯餅 煙三文魚 蘑菇 仲有少少牛油果同蟹餅😛
個人最鐘意蟹餅 啖啖蟹肉仲好香🤪如果想份量大啲可以揀Louisiana Gem就有兩塊大啲既Crab cake😊
Btw見到main menu好正😂
如果有機會再黎會試下😊
當你有個好鍾意食海鮮嘅朋友，你每一餐就會同佢食海鮮😂😂所以我就特登揀咗呢一間食蟹嘅餐廳，全部都係海鮮，食到你唔想食為止😂
Lunch set都幾多嘢食，價錢都唔算好貴 個沙律用嘅蔬菜都好新鮮，而且啲粟米好甜。個南瓜湯唔係好濃郁個種，不過咁樣都可以冇咁heavy。呢個crab cake真係一定要試吓，成舊都係蟹肉，勁足料！！！真係超級超級抵食！
呢一個三重三文魚意大利飯，個香草味比較重，但係佢有熟嘅三文魚粒、煙三文魚同埋三文魚皮，好少見到啲餐廳會用埋三文魚皮黎煮，都幾特別！
呢一個蟹肉煙肉卡意粉，食落口好creamy，而且個味道都比較濃，奶味比較重
奶油醬貽貝味道不錯。然而，嘗試了檸檬奶油醬中的海鮮組合3，味道一般
貽貝，蛤蜊，蝦，蝸牛 OK
扇貝有彈性
蟹腿只是乾燥和有彈性
小龍蝦渾濁味
配菜土豆沒有煮熟
6 牡蠣和白葡萄酒組合是值得的
一直覺得利東街好浪漫🌹
散步完就去左食呢間人氣Shake Shake海鮮袋
一值以為好貴既餐廳， 點知原來都唔係太貴
叫左杯Mojito ，調得好好飲
好多薄荷葉同埋酒精份量都唔姑寒，落得好重手， 岩哂酒鬼既我
叫左兩款生蠔🦪 Coffin Bay同Saldanha Bay
兩款都好鮮甜同重海水味
餐湯叫左蟹肉龍蝦湯
好大碗岩哂兩個人Share， 龍蝦味好濃烈，好好飲
之後當然係重頭戲Shake Shake 海鮮袋 “Signature Combo” $390
海鮮有青口、蜆、蝦
同埋薯仔波、粟米🌽、同豬肉香腸
叫左招牌既Mr Crab CaJun Sauce 汁
d汁辣辣地好香牛油味，好好食😋
估唔到海鮮都可以咁樣食架，食到lam lam 利
粟米有驚喜， 索哂d汁好正。
之後叫左Parmesan cheese 薄脆雞扁意粉
個雞外皮脆脆地有d Garlic既香味， 口感幾特別
雞肉出奇地唔乾， 幾滑幾冧，個汁有d cheese同cream咁，幾邪惡，好食！
埋單一人$300 幾 好滿足，
終於試到咁人氣既海鮮袋
灣仔午飯時間好多人，當天剛剛在入境處辦完事，想找個地方落腳吃飯，來到利東街附近，見到這家Mr. Crab，樓下是專門做外賣的，如堂食可以到樓上，我們循樓梯上去，樓梯設計頗特別，大大小小的水手設計，有一種入了船屋的感覺。🤣
午餐套餐是主食+餐湯+沙律+咖啡或茶（可另加$38升級特飲）
黑松露海蝦忌廉汁寛條面 $128
一上台就聞到陣陣黑松露的香味，入口更齒頰留香，用料豐盛，海蝦爽口彈牙，寬麵軟硬度適中，十分不錯👍。
蟹肉沙律漢堡🍔$118
漢堡造型吸引而且非常大份，漢堡內夾住沙律及大大塊的軟殼蟹肉，入口鬆軟爽脆，薯片炸得香噴噴，吃下去覺得卜卜脆，相當美味。
Devil’s chocolate
造型好可愛，外面的滴落效果都是用真朱古力做出來的，但不會融化，相當特別。
Mr. Crab by The Captain’s House (灣仔)
灣仔莊士敦道74-78號一樓及地下C號舖
朋友話呢間嘅Brunch正，
帶埋🐽🐽黎試下！
Brunch Set有九款，
全部都係$128咋！
仲包埋drinks！
灣仔區黎講算親民啦🥰！
🐽🐽揀咗意大利班尼迪克蛋！
最愛一🔪蛋黃湧出來嗰下，
食落仲好香滑😛！
每一層都係🐽🐽favor ❤️!
水煮蛋、mushroom、巴馬火腿、
食到🐽🐽滿足到見牙唔見👀！
蟹肉卡邦尼扁意粉～
我鍾情卡邦尼！creamy得黎夠滋味😋！
一人一杯檸檬茶解膩走唔甩😆！
Mr Crab下午茶食品都好ok
Mr Crab食海鮮係主打菜式，但今次下午茶時段見到佢哋啲下午茶都幾抵食，就入去試下d下午茶餐。
Order左迷你夏威夷漢堡蓋飯、和蟹肉瑪格麗特扁意大利粉，甜品order了意式咖啡芝士餅，另外叫咗兩杯特飲分別係菠蘿特飲及荔枝沙冰特飲。
個漢堡扒蓋飯上面加咗隻太陽蛋，連埋蛋漿、漢堡扒、同埋飯一齊食，會食出唔同嘅層次。當然佢哋嘅特製醬汁亦都提升咗個味道，主角係漢堡扒就真係好juicy。
而蟹肉扁意粉就有滿滿嘅蟹肉加茄醬，畀我有種清新嘅感覺，鍾意食蟹肉嘅朋友一定要試。
個咖啡芝士蛋糕亦都畀到我驚喜，咖啡味好出但係又不失適量甜品嘅甜度，最緊要個芝士餅夠厚。
兩杯特飲，夏天飲就啱曬而且絕對係打卡之選，下次嚟我會試下佢哋嘅海鮮拼盤。
一直都好想試Mr.Crab既shake shake海鮮，同男人拍下拖就決定一於試下
脆炸雞翼 (配水牛城汁) $88
(美味指數: 😋😋😋😋)
炸雞翼外脆內juicy,配水牛城汁酸酸甜甜，但我最中意都係旁邊既藍芝士醬，好惹味，芝士控一定中意
Mr. Crab 熱海鮮拼盤 (Combo A) $398
(美味指數: 😋😋😋😋)
黎Mr.Crab點可以唔食海鮮拼盤，有11款基本海鮮，4款醬汁。而Combo A可以自選3款海鮮，我地揀左海蝦、蜆同八爪魚仔。另外仲有薯仔、香腸、粟米做配菜。醬汁就揀左檸檬忌廉汁。店員會係你面前shake一shake海鮮袋，檸檬忌廉汁酸酸地好開胃，又能夠提升海鮮既鮮甜。
黑松露海蝦忌廉汁寬條麵 $118
(美味指數: 😋😋😋😋)
寬條麵既忌廉汁好creamy，大蝦夠彈牙
Fairy Lady $78
Fuchsia Sea $78
(美味指數: 😋😋😋😋😋)
特飲酸酸甜甜，果香味重
😋整體食物質素：4 / 5
💰性價比：3.5 / 5
👍推薦指數：3.5 / 5
再戰海鮮袋🦞今次灣仔店captain👨🏻✈️ 🚢
—————————————————————
Set for two / $688
.
《Seafood Combo》
多款海鮮中自選了3款:
– 波士頓龍蝦🦞
– 海蝦🦐
– 本地蜆
上碟時店員成個禮物袋咁shake
配上我最推介既檸檬牛油汁🍋🧈
檸檬既突顯海鮮鮮甜爽口 又balance牛油的油膩感
龍蝦又大隻又爽口 成隻蟹鉗拆出黎食
原來袋入邊除咗有海鮮仲有薯仔🥔粟米🌽
.
《路易斯安那式蟹餅》🦀
呢度灣仔店個做法同尖沙咀店又唔同喎今次唔係一大塊用鐵板上
而係分開細細個ball咁炸
不過依然係好多好多蟹肉 勁足料
.
《黑松露海蝦忌廉汁闊條麵》🦐
每條闊條麵都掛滿sauce
肉眼都見到一點點黑松露 香氣撲鼻
.
《house wine》🥂
一路食海鮮一路飲返杯白酒就最match
.
Mr. Crab by The Captain’s House (灣仔)
📍灣仔莊士敦道74-78號一樓及地下C號舖
——————————————————————
#灣仔 #灣仔美食 #灣仔好去處 #wanchai #wanchaifood #hkfood #hongkongfood #852food #852foodie #852ig #香港好去處 #香港美食 #香港美食指南 #hkfoodie #hkfoodieblogger #hkigfoodie #食左先講 #presslogicholiday #presslogicgirls #新假期 #相機食先 #香港打卡 #打卡熱點 #thecaptainshousehk #thecaptainshouse #海鮮餐 #海鮮袋 #蟹糕
質素高既lunch
金鐘區食野太貴好多時去左灣仔食lunch, 今日發現mr crab既lunch好豐富亦都好高質，個環境又舒服！
每人一份lunch set，有沙律，湯加餐包，餐飲，熱食同加錢點了甜品。
睇相都滋味無窮
店員以外籍人士為主。
Lunch set特別抵食，今日心大心細點了軟殼蟹意粉和菇菌燴飯做主食，先有沙律，餐湯，再送上餐飲
主食
幾大份creamy, 其實一個女仔食真係幾飽。
甜品
好脆口但偏甜，有d似食糖粒。
Signiture combo選擇在三款海鮮，分別係波士頓龍蝦，海蝦同埋麵包蟹，試咗佢哋呢度嘅招牌醬汁，cajun sauce，少少辣甜甜地非常好味，完全張signature combo入面嘅海鮮嘅鮮味提升！
香蕉紐西蘭西冷扒配黑椒燒汁，$168。選擇咗medium嘅熟成度，牛肉出到嚟仍然非常嫩滑，而且仲聞到非常香嘅炭火燒烤味，但係視覺同嗅覺都令到食慾大增。
去灣仔利東街買完嘢，原本打算回家叫外賣的，點知比我見到「Mr. Crab by The Captain’s House」。之前已經好想試，那麼就今天吧🤣
「Mr. Crab by The Captain’s House」裝修感覺似在郵輪上，卡位多所以感覺寛躺！
法式紅酒燴牛尾配法包，醬汁很香濃，牛尾煮得夠淋亦很入味，配菜薯仔和紅蘿蔔也很入味，而且亦夠淋！法包烘得很香脆！不過下次配飯應更美味😬
香脆軟殼蟹扁意粉，軟殻蟹香脆可口，調味適中，扁意粉亦充滿醬汁👍🏻
Grapefruit garden – 味道清新，中和咗剛剛食物的濃味！不錯！
Devil Chocolate – 名乎其名🙈邪惡到不得了，有2粒大棉花糖，而且朱古力香而滑😋
BRUNCH SET， 包杯嘢飲統一$128可以一試！
ALL DAY BREAKFAST 一睇就知好大份， 我懷疑佢炒咗3隻蛋， 因為真係勁多
煙肉， 腸仔， 香菇煎得幾香
薯餅香脆可口
其實OVERALL嚟講真係好多一定食得包
不過 CRAB CAKE 明明好好食， 如果大粒D就更好啦～
Louisiana Gem
Poached Eggs 做到流心， 幾好食！
呢份嘅 CRAB CAKE 大塊好多， 仲要有兩塊添
啖啖蟹肉真係好好味呀～
smoked salmon 外仲有SALAD 營養均衡嘅一餐
WEEKEND noon time 餐廳唔算多人
所以上菜都好快手， 又唔洗等位 侍應以英文溝通為主， 親切友善的
食完仲可以去利東街行吓添
🔍Mr. Crab by The Captain’s House
🎈灣仔莊士敦道74-78號一樓及地下C號舖
—–
腸胃炎咗好多日，啱啱好返朋友仔竟然約我食海鮮，一向都為咗食好西豁出去嘅B仔，當然捨胃陪君子。
餐牌選擇好多，懶得細細研究嘅我地直接叫咗二人餐（$688），等野食期間可以先去吧檯隔離嘅大型洗手盆洗個手，再著上餐廳預備嘅膠圍裙，ready好之後，一陣一上菜就可以直接開始食。
🐟Seafood – 「11項選3項」
海鮮選擇眾多，11款當中有3款要俾錢upgrade先可以揀，其餘都唔需要。B仔同友人揀咗海蝦、藍青口同埋墨魚仔。醬汁則在店員推薦下揀咗佢地最signature嘅Mr crab cajun sauce。一大袋脹卜卜嘅海鮮袋，內裡充滿熱騰騰嘅蒸氣，店員熟練咁攞起海鮮袋上下倒轉幾次，之後就幫我哋剪開，醬汁香氣瞬間散開在空氣中，令人不禁吞咗一下口水。調味神似沙嗲加沙茶再加埋蒜蓉嘅Mr crab cajun sauce令整袋海鮮惹味到令人欲罷不能，香香辣辣，濃郁而不掩蓋鮮味，一啖海鮮，一啖House wine，沉醉於美食當中嘅B仔，嘴巴忙碌得完全唔得閒同朋友好好傾計。（✨個人海鮮口味推薦：墨魚仔＞藍青口＞海蝦）。
✨Appetizer -「5項選1項」
雖然唔知其他選項嘅質素如何，不過B仔揀嘅蒜香蜜糖汁脆炸雞翼就真心出色。脆爆嘅炸皮厚度適中，內裡嘅雞翼肉汁豐腴，有KFC嘅香亦有Jolibee嘅嫩。
✨Pasta of risotto -「3項選1項」
蟹肉蟹膏南瓜意大利飯入口細膩綿綿，唔太濕亦唔太乾，絲絲蟹肉伴隨濃厚蟹膏，啖啖都有蟹味齒頰留香。
今日去開灣仔行街，行到利東街附近見到間好特別既餐廳，門口佈置到好似一架船而且有隻大蟹做logo，放是令我好想食海鮮，所以就入去試一試。我地叫了一個二人餐，有一個小食、一寫意大利飯同一個海鮮袋，餐廳好貼心有一個圍裙給我地以免整污糟衣服。
carb cake: 5粒細細粒蟹肉，一口一件，外皮煎得好香口入要蟹肉一絲絲非常重蟹肉味，好好食。
carb paste & carb meat risotto:蟹肉蟹膏加上南瓜去意大利飯上唔油膩，南瓜鮮甜混入意大飯上令整體層次更好。
seafood combo:店員拿起藍色的海鮮袋熱辣辣加上辣汁一搖之後打開就嗅到辣醬味加海鮮味，裡內有小龍蝦、海螺、青口、香腸、粟米同薯仔，海鮮新鮮加上辣汁野味，一定要試下。
灣仔荘士敦道囍匯附近，有一家樓高兩層，以船艙作為裝修主題Mr. Crab by The Captain’s House。朋友相約一起午餐，有8款SET LUNCH，我們點了法式紅酒燴牛面頰和黑松露海蝦忌廉汁寬條麵套餐，套餐配有是日餐湯、沙律和餐飲。是日沙律：有沙律菜、蕃茄同蘆筍等，蔬菜新鮮，醒胃健康；忌廉湯中規中矩，沒有特別驚喜。主菜黑松露海蝦忌廉汁闊條麵：黑松露味濃郁，海蝦鮮甜彈牙，闊條麵惹味掛汁，口感豐富而滿足。法式紅酒燴牛面頰配法國麵包，胡蘿卜、薯仔和牛面頰燜得軟腍加有紅酒芝士好夾，好好味。在虛擬的船艙里享用美味佳餚，太滿足了！點贊👍！