Mr. Crab by The Captain’s House
營業時間
| 星期六 | 13:00–23:00 |
| 星期日 | 12:00–23:00 |
| 星期一 | 12:00–23:00 |
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–22:30 |
服務選項
外送
外帶
內用
無障礙程度
不支持無障礙入口
不支持無障礙座位
不支持無障礙停車場
產品/服務
小菜
咖啡
烈酒
酒精飲料
啤酒
葡萄酒
雞尾酒
用餐選擇
早餐
早午餐
午餐
晚餐
餐飲服務
甜點
設施
附設酒吧
洗手間
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
Bookmark左呢間位於灣仔既Captain’s House好耐, 最近終於有機會同朋友去試下. 餐廳係食美式海鮮餐為主,款式選擇都幾多,我同朋友都叫左唔少野share.
路易斯安那爆谷蟹餅($108)
呢款蟹餅叫做爆谷蟹餅既原因我覺得係因為佢睇上去似一粒大大粒既爆谷,蟹餅既外面都炸得幾酥脆,食落有非常鮮甜既蟹肉味,分量唔算多,一啖食一舊,味道都唔錯.
美式韃靼他他 ($98)
他他由生牛肉同埋特調既醬料煮成,配埋麵包一齊食.雖然牛肉係全生, 但食落並唔會有未煮熟既食物既怪味, 反而有少少似食緊日式魚生咁, 感覺上都幾新鮮.
黑松露海蝦忌廉汁寬條麵 ($118)
黑松露同忌廉既配搭經典又好味,入面加左野菌同蝦, 寬條麵軟硬度控制得岩岩好,而且非常掛汁,都值得一試.
碳燒原隻波士頓龍蝦($418)
如果要講期待值最高既,一定係呢道波士頓龍蝦, 龍蝦比我想像中細隻少少,但兩個人食就岩岩好. 龍蝦煮得都算鮮嫩, 食落有濃郁既焦香味,配合埋檸檬汁食味道相當夾,都算冇令人失望.
特濃咖啡芝士蛋糕 ($58)
呢件expresso cheese cake可以話係相當抵食, 價錢唔算好貴但相當有份量. Cheesecake食落有淡淡既咖啡味,但又唔會太苦,味道控制得岩岩好.
非常好吃😋😋
工作人員也很友好。 🤗🤗
週末高質brunch🍳
相信好多人都聽過Mr Crab嘅shake shake海鮮袋🦞原來而家佢哋推出左brunch set😌 brunch menu有多款款式，all day breakfast 、egg benedict、意粉、甚至burger都有，而且性價比幾高👍🏻 仲可以upgrade至特飲同加$45有沙拉同甜品添😋
–
Louisiana Gem🧡
呢款egg benedict配搭埋煙三文魚同crab cake真係好正！相信鍾意食海鮮嘅朋友都會好鍾意❤️ 尤其係crab cake真係出乎意料咁足料，超多蟹肉🦀，調味亦好惹味😍 旁邊仲有沙律中和下🥗整體食落更清新易入口
–
Crab Meat Linguine Carbonara🍝
意粉份量幾多，而且意粉上面嘅蟹肉都唔少。白汁食落好creamy幾惹味，配我最愛嘅蟹肉食味道一流呀🤤 意粉配料仲有煙肉、洋蔥、芝士片等，所以口感都幾豐富👍🏻
–
飲品方面我地趁weekend就決定叫特飲試試😁 分別係mocktail Virgin Sangria 同 Jasmine Apple Lychee Iced Tea🍹兩杯味道都好清新，virgin sangria 就比較fruity d，iced tea就會有茶嘅清香，配埋brunch一齊食好夾😌
–
另外，餐湯同甜品都好高質，特別係餐湯旁邊仲有一片脆麵包點湯一齊食，好滋味😋 而藍莓pudding 就為呢餐brunch 畫上完美句號～
是日沙律及餐湯
雜菜沙律非常新鮮，餐湯係蕃茄湯，鮮甜濃郁，酸酸甜甜好開胃。
蟹先生全日早餐 $138
All Day Breakfast 大堆頭，材料豐富，有香腸、煙肉、薯餅、多士、蘑菇、煎蛋、茄汁豆、煙三文魚沙律、仲有招牌蟹餅，所有食材配合得好好，整個蟹餅充滿蟹肉，回味無窮。
南瓜雜菌意大利飯 $108
南瓜甜味配上意大利飯，軟硬適中，加上芝士碎味道更突出。
是日甜品 $38
跟餐可以優惠價加甜品，今日係朱古力蛋糕，口感煙韌，裡面帶流心，十分滿足。
可以配埋餐湯同是日甜品🍮
今日的餐湯系椰菜花湯，味精清清地，唔會heavy ☺️
甜唔藍莓mousse 相爛出色，藍莓味出，mousse 好滑😖
法蘭克福腸juicy 彈牙，滑蛋份量斷估最少有三隻蛋🥳
名物蟹餅同想像中口感唔同，唔系平時脆口實牙，而系鬆散型，蟹味濃😏
Souffle Pancake 略嫌size 偏細，不過朝早起身胃口未開食落岩岩好
配埋球雪糕perfect
幾經辛苦終於捱到星期六，可以訓到自然醒，唔洗趕住起身。訓醒嘅時候已經日上三竿，係時候去嘆個正嘅brunch。
我同朋友叫左兩份brunch set。
Tortilla De Patatas 西班牙蛋餅$128
西班牙蛋餅一上檯已經聞到好香嘅煎蛋香。入面除左雞蛋之外，仲有薯仔、洋蔥同埋chorizo，口感豐富。薯仔嘅清甜配上chorizo嘅鹹香，加上蛋香，好好食。呢份蛋餅好大份。另外配上Mexican avocado & corn salad，可以解膩。
Louisiana Gem 路易斯安那寶石$128
呢個類似Egg Benefit，但唔同嘅係佢個底唔係English muffin，而係crab cake，而我地都係因為見到crab cake所以揀呢個嘅。Crab cake完全冇令人失望，啖啖都係足料蟹肉，唔會加上其他多餘嘅野。Crab cake上面係Romaine lettuce、煙三文魚同埋poached egg，一切開啲流心嘅蛋汁流曬出黎，再配埋荷蘭醬真係一流。同樣地，呢個都係有Mexican avocado & corn salad咁，感覺清新。
Latte+$20
呢杯係朋友飲嘅，因為佢好鍾意飲咖啡，就加左$20轉飲latte，佢話好好飲。
Devil Chocolate+$38
呢杯望落好fancy，係一杯好飲嘅朱古力，再加上棉花糖同埋朱古力pocky，好似食左份甜品咁。
呢餐係一餐非常令人滿足嘅brunch！
〖美式海鮮🐟餐廳，白酒海蜆夠大夠鮮甜😋〗
呢間位於灣仔嘅美式海鮮🦞餐廳，餐廳設計以船艙⚓️為主題，一入門口你就會見到一個大魚缸，內裡養咗唔少生猛海鮮，阿拉斯加長腳蟹🦀、麵包蟹🦀、龍蝦🦞等任君選擇。店內主打海鮮袋($398起)，呢款係新奧爾良嘅特色美食，海鮮膠袋內裝有已烹煮好嘅海鮮，之後就加入唔同調味料，上菜前，再由侍應👨🏼🍳喺你面前Shake勻，情況就好似Shake Shake 薯條咁，非常獨特嘅食法🙂！不過阿叔之前已經食過一次，今次跟朋友就嚟食吓其他海鮮主食先。😄
.
🦞白酒忌廉藍青口($138)，新鮮青口，尺寸雖然未算好大，但味道鮮甜😋，加上白酒忌廉汁，味道香濃又唔會太膩👍🏽。
.
🍖美國炭燒醬豬肋骨($238)，雖然餐廳以海鮮為主打，但估唔到呢份炭燒醬豬肋骨🐖都唔錯，份量十足之餘，肉質又夠軟嫩，一大班人食都啱！☺️
.
🍝白酒海蜆扁意粉($138)，大大隻海蜆擺滿意粉上，賣相吸引🤤。海蜆肉質結實爽嫩，味道非常鮮甜，香濃蒜香味再加上少少嘅白酒味道，食得好滋味！
Blue monday要番工唯有食個靚lunch happy下啦！揀左係利東街嘅MR.CRAB👀👀 lunch set 都係百零蚊已經食到呀🙏🏻🙏🏻
.
跟餐salad好fresh! 加左檸檬汁同olive oil特別開胃👏🏻
.
洋蔥湯咸度適中，底仲有d甜甜洋蔥添🧅🧅
.
叫左份西冷要5成熟，扒又幾厚幾大塊！都幾腍嘅唔會太熟添🥳 薯條係粗薯特別重薯味😍
.
另一個叫左芝士流心burger🤤🤤🤤 包包外脆內軟，入面漢堡扒勁厚又好juicy!!中間仲要超多芝士流出🤤🤤 配左d薯片又可以加落包一齊食增加口感，非常之出色呀💗💗
.
叫左杯甜左d嘅mocha & cranberry juice 埋尾，好滿足勁full👻
#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食
在香港要說到地道正宗新奧爾良，非The Captain’s House莫屬
第二次光顧了，因上次沒有品嚐到招牌菜海鮮盤
不論門外門內也有招牌的龍蝦仔LOGO
臨近新春門外也擺放新年桃花
旁邊可以看到生猛的海產水箱
龍蝦湯 Lobster Bisque – $88
真材實料用上大量新鮮蝦殼及蝦肉長時間熬製
質感濃稠，鮮香濃烈的滋味、還有淡淡的酒香
還有原隻小龍蝦及外脆內軟的麵包
酥皮蟹肉蠔周打湯 CM & Oyster Chowder – $98
金黃色的酥皮層次分明酥脆掉渣
裡面熱辣辣的濃湯採用豐富鮮甜的蟹肉及蠔
濃郁的湯汁與奶酥味相互交纏，口感很幼滑
黑松露海鮮忌廉汁寬條麵 Shrimp and Mushroom Black Truffle Fettuccine – $138
散發濃郁的黑松露飄香
忌廉汁增添順滑感
還有不少原隻鮮甜彈牙的蝦肉
寬條麵掛汁能力高且口感更佳
Mr. Crab 熱海鮮盤 (3款海鮮) Mr. Crab Seafood Boil Platter (3 kinds of the seafood) – $398
源自美國加州 California 的「海鮮包」
可以自選海鮮和汁料，三、五、七款海鮮，價錢各有不同
選擇了三款 (扇貝、松葉蟹腳、海蝦)
海鮮加入膠袋內煮，搖勻醬汁後用手進食，切合加州人陽光和隨意的感覺
一切由店員將海鮮與汁料shake好再開封
扇貝肉極厚實，柔滑多汁的軟嫩口感，肉質彈性口感鮮甜
松葉蟹肉質軟嫩，有甜味
裡面熱辣辣，還有原個薯仔、粟米和腸仔等
配Lemon Dill Cream Sauce 檸檬刁草忌廉汁帶出清酸的感覺，吊出食材的鮮味，增添一份層次
店內有提供高品質的膠手套，有明顯的凹凸紋增加摩擦力，以及濕紙巾和鐵桶
蒜蓉包 Garlic Bread – $68
金黃香脆外脆內軟的雙重口感
每片之間有蒜蓉、牛油和香草
黎到灣仔 緊係要去呢度🤪
裝修偏海陸風⛵️⚓️坐得好舒服😌
理場即撈海鮮 保證新鮮🌟
二人套餐$688
Seafood Combo可自選3款海鮮+1個調味料
小龍蝦300g/ 小墨魚仔300g/翡翠螺300g
小龍蝦🦞 第一次係香港食 產地有保證☺️
但原來較少龍蝦肉 不過肉質就幾彈牙🤩
小墨魚仔🦑 配個辣汁 好香又爽口😚
翡翠螺 鮮甜厚實既螺肉 好好味😋
法式煮青口 另加$30
配白酒牛油汁 牛油味香濃🧈青口份量多🥳
蟹肉蟹膏南瓜意大利飯
足料重本蟹肉蟹膏意大利飯😍好豐富好滿足!
套餐已包2杯紅酒白酒有汽酒
Devil Chocolate (套餐加配:$38;原價:$68)
全晚最矚目嘅飲品🥰賣相好👍🏻打卡一流😏
味道方面 好濃味既朱古力🍫mix朱古力奶🥛
蟹先生原來都有Brunch食🍳
*****
星期六同朋友行街，大家都晏起身，出到嚟原來佢都未食嘢🙈。汕頭街好多餐廳排哂長龍，我哋決定行番出大街食「Mr. Crab」，皆因佢有Brunch Menu。
餐廳喺一樓，要行樓梯上去的，樓梯間佢想營造到讓你好似置身喺船艙一樣⚓️。另外，牆身亦畫上海洋生物。午餐時段唔多人，我哋獲安排坐喺卡位，不過座位有啲啲窄。外籍店員隨即為我哋送上Breakfast & Brunch餐牌🍴，内裡有十一款早午選擇，價錢劃一$128，另外再加錢就有湯、飲品同甜品。
是日餐湯係忌廉湯，再加片麵包🍞。兩份主食賣相唔錯，而且份量十足，食完幾乎飽到夜晚😳。
路易斯安那寶石Louisiana💎，齋睇個名真係唔知乜嚟，不過有行細字寫住有蟹餅，咁就無問題啦！估唔到原來呢道菜嘅造型同Egg Benedict賓尼迪蛋咁似啵。蟹餅代替咗Muffin鬆餅做底，因此形狀比較扁同大塊。蟹餅上面再有煙三文魚同荷蘭醬水波蛋🍳，成個組合好正。另外，伴碟嘅沙律菜🥗亦同樣出色，有牛油果、粟米粒、洋蔥粒同青紅椒粒，食落清新滋味。蟹餅入面真係充滿一絲絲蟹肉㗎🦀！
蟹肉卡邦尼扁意粉Crab Meat Linguine Carbonara🍝，蟹先生嘅出品果然樣樣都有蟹，呢碟意粉並不例外！不過重點係卡邦尼醬味道濃郁，扁意粉十分掛汁，又多煙肉碎🥓。
特濃咖啡芝士蛋糕Espresso Cheese Cake($58)，蛋糕好味道啵😋，面頭有啲咖啡粉忌廉，而下面嘅芝士蛋糕咖啡味恰到好處，唔會太苦或太濃烈☕️。再者，蛋糕口感唔會過實，食哂成件都無飽滯！
飲品方面，我哋要咗Frozen Snow($68)⛄️以及Shake Shake Iced Milk Tea($58)，兩杯都大大杯😛，前者有荔枝味，但陣味唔會太過人工。
總括嚟講，雖然我無喺蟹先生大擦一頓海鮮，但就反而試咗佢其他菜式，同樣都有蟹，哈哈。Brunch價錢正正常常啦，唔算太貴嘅😜。
Mr. Crab by The Captain’s House (灣仔) 📍
灣仔莊士敦道74-78號一樓及地下C號舖
呢間餐廳🍴主打shake shake 海鮮🦞袋，門面大大隻蟹🦀公仔，非常iconic ，但今次特別D ，約左同事食其set lunch 🥗 。
餐廳🍴樓高兩層，整體佈置充滿海洋風，有好多關於海鮮的裝飾，如八爪魚🐙馬賽克打卡牆，仲有一大個藍燈水箱內有大量生猛海鮮🦞龍蝦鮑魚等。
Set lunch 包是日沙律及是日餐湯+ 主食+ 咖啡或茶 ☕️
今日是日餐湯忌廉湯，湯頭比較濃稠，飲落偏甜，加上適量香草🌿增加層次，餐包比較軟身，調味重手左比較咸，所以蘸上湯汁食可以中和咸味🧂。
法式紅酒🍷燴牛尾（ 可選白飯 🍚/ 法包🥖）：法包烘得香脆無比，脆到一地面包碎😂牛尾份量不少，甜甜地帶酒香的紅酒沒有揮發🍷燴入肉質軟糯帶根筋的牛尾，仲有適量水牛芝士做到拉絲效果，薯仔🥔做伴碟，連皮煮做到掛汁效果，醬汁調味得很好，帶酒香又有甜道，不錯，好送飯，紅酒仲有抗養化功能。
脆炸雞胸肉漢堡🍔：漢堡好大個，大過我手掌✋🏽女生一個人難KO，搵朋友分享就最好，底部用上新鮮沙律🥗菜不是普通生菜🥬有火箭菜等加上熔岩芝士，雞胸肉用上炸吉列魚柳方式，香脆可口，外脆內軟，整體咬落有層次，芝士味香濃，雞肉嫩滑。
Innovative tea : 有四款選擇，簡左櫻花🌸味，有真櫻花🌸作點綴，啫喱粒帶甜，整體無咩味😂
總結：
性價比高
環境舒適
#灣仔#mrcrab#法式紅酒會牛尾#脆炸雞胸肉漢堡#lunchset#innovativetea#sakura🌸#cozy
灣仔呢間餐廳出面有一隻蟹嘅標誌，係海鮮為主嘅餐廳， 一直都好想試，今日終於同朋友嚟呢一度食lunch。 餐廳風格簡約舒適， 座位亦都好寬闊，喺疫情嘅時候， 同其他客人都可以有一段距離，感覺好安全。
因為係海鮮為主嘅餐廳，當然要試下佢嘅海鮮，我哋叫咗一個經典白酒忌廉藍青口， 忌廉味濃重，青口亦都好新鮮。
主菜方面，朋友叫咗路易斯安那寶石， 我叫咗蟹先生全日早餐。 路易斯安娜寶石有 poached egg, 煙三文魚, crab cake, 佢嘅 crab cake 真係好好食，係用蟹肉整成。至於個全日早餐, 真係好大碟好豐富又好多嘢食, 最重要係佢都有呢度最出名嘅crabcake, 呢個價錢有咁嘅質素同咁多嘢食, 真係好抵食。
野人方面朋友叫咗個 Double Happiness， 係cranberry嘅果汁。 我就叫咗一個 Frozen snow, 兩杯都好好飲。
🐟美國海鮮菜😋 • Mr. Crab by The Captain’s House
.
Mr. Crab by The Captain’s House
📍灣仔莊士敦道74-78號一樓及地下C號舖
.
主打美國菜及海鮮😍 食物質素婆高而且職員服務殷勤，食得好非常開心😊
.
🍕炭燒煙鴨胸薄餅 (12”) Grilled Duck Breast Pizza $218
: 薄餅厚度適中，而且煙鴨胸烤得啱啱好，唔會過熟，口感彈牙🤩 薄餅邊香脆，唔會想放棄個批邊😝
.
🍴法式煮青口 Sauteed Black Mussels (Butter White Wine/Creme Herbs/Lobster Bisque) $168
: 揀咗龍蝦湯🦞 味道頗濃郁😍 食完仲可以點蒜蓉包食，吸收晒湯嘅精華🤤
.
🐟香煎比目魚 Pan-Fried Halibut Fillet $268
: 皮煎到好香脆❤️ 肉質嫩滑，下面仲有好多薯蓉同蘆筍😋 質素非常高，唔比其他高級餐廳遜色👍🏼
.
🥗羽衣甘藍藍莓沙律 Superfood Salad $138
: 大量羽衣甘藍旁邊有藜麥、牛油果、藍莓、無花果乾、及紅莓乾好健康😜
成日行經莊士敦道見到The Crab by The Captain’s House都想試下，今日終於同朋友一齊食啦！
法式煮青口($168)
青口大大粒啖啖肉，好肥美😋夠新鮮，冇沙。有三種汁揀，我揀左香草忌廉汁，食落又香又creamy～重有又香又鬆脆嘅蒜蓉包🥖添！
私心推薦「羽衣甘藍藍莓沙律🥗($138)」
呢個沙律食材超豐富！有火箭菜、羽衣甘藍、 牛油果、藜麥、金黃色甜菜頭、青瓜、菲達芝士、蘿蔔、松子、藍莓、紅莓乾、無花果乾。係咪好多食材呢～牛油果🥑夠曬熟，好腍，有d鹹鹹地。沙律加埋藍莓、紅莓乾同無花果乾，甜甜地又有咬口。
炭燒煙鴨胸薄餅(12吋)($218)好大個呀！
煙鴨胸厚身得黎好腍。配菜有京蔥同青瓜絲，正好平衡芝士的油膩感。
香煎比目魚($268)
外層塊皮煎得微脆，魚冇骨，啖啖肉，鮮味十足。
下面有薯蓉、蘆筍同埋忌廉魚湯。蘆筍又大又粗，食落爽脆。
來到港島吃個午餐，這家Mr Crab堂食在樓上，午餐套餐選擇也不少。
午餐包括每人一個沙律及餐湯，當天的是粟米沙律及紅蘿蔔湯，前者大大份夠足料，後者上台熱騰騰而且夠濃郁，胡蘿蔔味香。
香煎紐西蘭西冷配黑椒燒汁（$168）建議7成，我們要了5成感覺可能7成更好吃！牛肉味重，黑椒燒汁夠惹味，可選薯條或米飯，份量也很大！
流心芝士牛肉漢堡（$148）比想象中份量大，就是芝士沒有想像的多！他們把番茄、生菜放上面擺盤特別也挺好看的。麵包很大、女生可能吃不完呢！
跟餐包咖啡或茶，升級了Jasmine apple lychee iced tea (+$38)，不會太甜，蘋果味比較突出。
走之前來一份是日甜點（+$38），真的是抱著肚子離開的！
灣仔特色高質素海鮮西餐廳 抵食午市brunch
早排同朋友去開灣仔，之前見到網上有好多人推介呢間位於灣仔利東街附近專食蟹嘅專門店，今次黎食午餐，餐廳亦有提供brunch Set💜 味道都唔錯㗎😄
_
Brunch Set 統一$128，套餐有多款選擇亦會包飲品，亦可加錢轉飲品和甜品
Mr.Crab All day breakfast
全日早餐有多款配料包括蟹餅、薯餅、煙肉、腸仔、煙三文魚沙律、蘑菇、茄汁豆等等，另外蛋有三款煮法選擇，今次小編同朋友就揀咗炒滑蛋，味道不錯十分豐富，特別推介蟹餅，外皮香脆內裹充滿蟹肉🧡
_
流心芝士牛肉漢堡
呢款漢堡有驚喜！牛肉十分厚切仍然保留肉汁，流心芝士食落去更加惹味，旁邊亦有沙律，有助解膩
Rose Tin $58
Sakura Tin $58
餐廳有提供多款特色飲品和Cocktail選擇，今次叫嘅呢兩杯都係特色茶飲，飲品嘅擺盤非常靚打卡一流，兩杯味道都好清新，小編比較鍾意Rose Tin，玫瑰味較香濃
朋友至理名言，用美食寵愛自己，是生活中的小確幸，忙碌的生活之餘，需要舒適的空間悠閒地享受愜意午餐，所以她挺愛去Mr. Crab by the Captain’s House吃個brunch，美食輕觸味蕾的霎那，瞬間壓力都被釋放。
簡潔有力的美國露笋黑松露野菇燴意大利飯蘊含無窮美味，黑松露香氣在上桌後瀰漫空氣中，還未吃進嘴裡，便溢滿口水。水嫩的大啡菇一咬下立即噴汁，嫩綠的露笋清甜無比，意大利飯裡的野菇豐富飯的層次，黑松露醬汁完全包覆飯粒，風味十足。
最近我似乎有愛上Mocha的趨勢，這裡的Mocha第一口巧克力味蠻重，隨後咖啡香緩緩釋出，是杯口味多變的咖啡，推薦大家一喝。
路易斯安那寶石非一般班尼迪克蛋，底下除有煙三民魚外，還搭配不常見的路易斯安那特色蟹餅，蟹餅炸得金黃香脆，絲絲蟹肉口感細緻鮮甜。
班尼迪克蛋真是誘人又邪惡，刀子一切，蛋黃汁立刻汩汩流下，尚未開動，先讓眼睛飽覽一下。班尼迪克蛋，煙三文魚，蟹餅一同入口，各種滋味交疊在一起，好不過癮。
雖然旁邊的雜菜沙律是配角，看起來不是特別華麗，但數種新鮮嫩綠的沙律菜混搭滑潤的牛油果，清甜的粟米，酸甜的蕃茄仔的表現優秀，清新開胃。
路易斯安那寶石配上一杯Latte，是一場優雅又享受的下午茶饗宴。Latte上頭的奶泡厚實而綿密，朋友說出乎意料地好喝，咖啡的甘醇和柔順的牛奶搭配起來相當和諧。
仲記得好幾年前係美國🇺🇸，親戚帶過我去一間餐廳食shake shake海鮮袋，每人都倒曬一大堆海鮮🦞🦐🐙🦀係枱，餐廳充斥shake shake同剝殻聲😆
今日嚟到Mr. Crab🦀 , 我終於可以感受返昔日情懷la~~ 😎
灣仔店既裝修風格好有特色，樓梯旁整幅牆都係海洋馬賽克，又有水泡等裝飾，上到一樓門口就係碼頭風的大蟹仔logo~ 真心靚！
除咗signature既shake shake海鮮拼盤，menu仲有好多唔同種類既野食～ 樣樣都好鬼吸引～ 不過為免眼闊肚窄，都係order幾樣嘢先~ 😛
龍蝦湯 （配蒜蓉包）
有隻小龍蝦喺度浸溫泉♨️ 好香，如果再濃d我會更加鍾意~
酥皮蟹肉蠔周打湯（配蒜蓉包）
個酥皮焗得好靚又酥脆，朋友勁like~ 蠔味濃且帶淡淡蟹肉鮮味～
蒜蓉包蘸湯係不二之選～😆
主菜嚟啦～
海鮮拼盤 Signature seafood combo
我哋揀咗3種海鮮，鮑魚仔、扇貝同埋海蝦🦐～ 配以檸檬叼草忌廉醬汁～
店員上台之後會幫我哋撈勻佢～
我本身對鮑魚唔太大興趣，因為驚有啲韌，但係呢度嘅鮑魚仔又有驚喜地整得好稔身；扇貝size都幾大隻，海蝦都算鮮甜～
本身海鮮袋入面已包左粟米🌽、薯仔🥔、同埋香腸～ 個醬汁creamy得嚟帶微酸，我哋食得好滋味呀～
黑松露海蝦忌廉汁寬條麵
黑松露好香、海蝦肉🦐都幾爽、忌廉汁掛晒係軟硬度剛好的寬條麵上😆雖然已經飽咗八成，😋😋但都堅持要食埋佢呀！
而家餐廳外賣自取仲有八折～真係好抵喎！你都買個海鮮袋返去shake下啦~
今日周日晏左起身，為左唔想自己整早餐，決定出去食🤣見灣仔囍匯附近有間開左一段時間食蟹同龍蝦好出名既餐廳，所以同屋企人過左去試下🥰
——————
🐽 蟹肉卡邦尼意粉
卡邦尼意粉平時就食得多，加埋蟹肉一齊食就無咩試過，意粉落左重重既忌廉，一d都唔會好乾身，煙肉碎有預先煎過，令到有多個脆脆既口感，感覺好正😆每一啖都夾雜住蟹肉既鮮味，簡直係味蕾既衝擊！
🐽 傳統班尼狄蛋
賣相好吸引，用料好多！煙肉大塊到夾唔曬，內裏中夾雜住菠菜同炒磨菇，上面有埋精粹水波蛋同埋醬汁，唔錯🤣
❤️Shake Shake 海鮮袋😋
朋友一向係海鮮愛好者，
所以今日帶了她來到這間風評不錯的海鮮店試一試。
晚市十分熱鬧，幸好一早訂了枱，
二人餐有最出名最特別的Seafood Combo，一份小食及一份主食。由於滿心期待這一餐，所以一早留了肚，選了這個份量十足的二人餐。
Seafood Combo 可選三款海鮮，我們分別點了海蝦、翡翠螺及藍青口，醬汁選了辣味Mr. Crab Cajun Sauce 。小食選了最愛的黑松露薯條。主食則選了蟹肉蟹膏南瓜意大利燴飯。餐飲選了sparking wine,海鮮配美酒的確係最佳選擇。
餐廳人數雖然不少，但上菜速度十分快捷。Seafood Combo新鮮熱辣送上枱，待應還預留時間讓我地拍照，十分貼心。
海鮮份量十分足料，醬汁十分惹味，甜甜辣辣的，配上啖啖肉的海蝦，十分開胃。翡翠螺肉質彈牙，好好味，值得推介。配菜還有薯仔、甜粟米及咸香意大利香腸，配上醬汁，滋味無比。
黑松露薯條新鮮熱辣辣上枱，粗直薯條，份量多，黑松露醬也足夠，好食到停唔到口。
蟹肉蟹膏南瓜意大利燴飯香甜美味，米飯煙韌有咬口，香甜味道濃旭，十分喜愛。
Sparking wine容易入口，酒味不算濃，不錯。
餐廳環境十分舒適，充滿海洋氣氛，大部分都係卡位設置，係一個舒適晚飯的好地方。
今日相約友人逛街，行到4点幾開始有些攰和肚餓，啱啱行到Mr. Crab門口, 等我入去睇吓有乜好食先。餐廳佈置別具風格，令人猶於置身於船倉內，頗為輕鬆寫意。之前來Mr. Crab都是吃dinner，想不到原來也有Tea Set 供應，而且選擇頗多，價錢大約為$58-$88，非常抵吃，和友人商量後決定一人order一個tea set, 再叫多一份小食，咁就當食埋晚餐啦。Devil’s Chocolate $38/glass~以Chocolate, milk, 大量的cream和2片Mar’s bar 拖肥朱古力組成，雖然係極度邪惡，但又冰凉，朱古力味又超濃郁，真係非常開心又滿足。Crab Meat Marinara Linguine$78~以蟹肉，洋葱，red chili, 蕃茄乾和蕃茄蓉煮成醬汁，蕃茄味非常濃郁，蟹肉鲜甜，扁意粉煙韌又彈牙，十分滋味。New Zealand Sirloin Sandwich $88~紐西蘭西冷牛片肉質柔軟而富彈性，肉味香濃，配蕃茄，生菜，Cheddar Chesse, Mozzarella Chesse, 芝士流心，和自家製蜜糖芥末醬非常配合，非常美味可口。Side dish有脆脆薯片和自家製酸菜, 酸菜可自行加於三文治中，增加口感。Classic French Mussels$138~青口飽滿肥美，海水味濃郁，Sauce以蒜， 橄欖油，番茜， 百里香， 洋蔥 ，牛油，忌廉和白酒做成，用脆脆麵包蘸來吃真是十分美味，好正。
我們幾乎可以在這裡品嚐到海鮮的額外美味。 Signature Combo 經過精心調味和完美烹製。優質的食物和優質的服務。
Mr. Crab by The Captain’s House
📍灣仔莊士敦道74-78號一樓及地下C號舖
.
主打美國菜及海鮮😍 食物質素婆高而且職員服務殷勤，食得好非常開心😊
.
🍕炭燒煙鴨胸薄餅 (12”) Grilled Duck Breast Pizza $218
: 薄餅厚度適中，而且煙鴨胸烤得啱啱好，唔會過熟，口感彈牙🤩 薄餅邊香脆，唔會想放棄個批邊😝
.
🍴法式煮青口 Sauteed Black Mussels (Butter White Wine/Creme Herbs/Lobster Bisque) $168
: 揀咗龍蝦湯🦞 味道頗濃郁😍 食完仲可以點蒜蓉包食，吸收晒湯嘅精華🤤
.
🐟香煎比目魚 Pan-Fried Halibut Fillet $268
: 皮煎到好香脆❤️ 肉質嫩滑，下面仲有好多薯蓉同蘆筍😋 質素非常高，唔比其他高級餐廳遜色👍🏼
.
🥗羽衣甘藍藍莓沙律 Superfood Salad $138
: 大量羽衣甘藍旁邊有藜麥、牛油果、藍莓、無花果乾、及紅莓乾好健康😜
灣仔呢間Mr Crab就正正係電車站🚊出面，好方便，🍽上黎發現都幾多位，食物除左海鮮都仲有好多其他西餐食物。
美式韃靼他他（$98）
前菜時間，揀左呢個滿載嘅他他，🍞配脆麵包，一啖入口先食到最完美嘅口感🤤，滑溜而又帶最真實嘅牛味🥩。
路易斯安納爆谷蟹餅（$108）
蟹餅亦有脆身嘅外層，🦀入面嘅蟹肉真係好多！
黑松露海蝦忌廉闊條麵（$118）
呢個汁係幾結身，🥛令每條闊條麵都佈滿芝士、蘑菇仲有黑松露味。
炭燒原隻波士頓龍蝦（$418）
黎Mr Crab當然要食🦞龍蝦，超大隻！肉質唔洗講當然係超鮮甜彈牙😋，而且又好離殼。旁邊嘅係溶牛油可以調味，不過其實就咁都已經好夠味。🍟另外配炸薯條，都真係條條脆身！
特濃咖啡芝士蛋糕（$58）
咖啡味☕️係幾出，🧀芝士係美式嘅厚身又濃郁，整體幾滿意。
環境相當不錯，私人舒適的推車座椅彼此分開。服務高效周到，提供一次性圍裙、手套和濕巾供使用。我們看到許多其他食客點了他們的 Seafood Boils Platter，有些人點了很多螃蟹！很高興在港島找到另一個吃海鮮包的地方！
今日揀左灣仔Mr crab食lunch，雖然餐廳最出名係海鮮shake shake袋，但原來午市都有套餐可以點，包一份沙律、餐湯同飲品，仲可以加錢upgrade要cocktail或者特色飲品，平均一份套餐都係$100頭，都唔錯
田園沙律
沙律有青瓜、番茄、粟米同沙律菜，醬汁落得有點多，建議倒少一點會更好
餐湯
湯是南瓜忌廉湯，奶味重過南瓜味，不過幾滑，麵包加左少許香草☺️邊位微脆，中間比較鬆軟
黑松露海蝦忌廉汁寬條麵 $128
看似好細碟，但實際份量都幾多，寬條麵掛滿濃郁忌廉汁，麵條煮得不錯，唔會過腍或過硬，黑松露亦加了很多，好香好好味😋
蟹肉沙律漢堡 $118
比較輕盈既漢堡，啖啖蟹肉搭上清新既番茄同青瓜，仲有薯片伴碟，造型相當不錯🥰漢堡包好脆口，入口完全唔膩，這個組合自己食哂一個都唔會覺得好邪惡
灣仔呢間分店之前晚飯試過佢既shake shake 海鮮袋，今次就去埋再試佢既weekend brunch 先～～～
佢地有weekend brunch ,價錢一律 $128, 餐唔包野飲，大家可以加錢加湯/沙律, 餐飲同甜品～
蟹肉卡邦尼意粉：餐廳自家鮮製嘅，好重重麵粉香，做到Al dente，其忌廉汁濃厚，令到每條意粉都沾滿醬汁，再配上鮮拆蟹肉，每啖都能品嘗到有絲絲蟹肉，而配料仲有香脆可口嘅煙肉粒，口感層次豐富！
蟹生生全日早餐：呢度嘅全日早餐 非常大份，會令人十分之滿足，裡頭包括左有一條烘烤嘅牛油多士外，有即叫即炸嘅薯餅，有香脆可口嘅煙肉，香煎香腸，清爽可口嘅沙律，炒嫩滑蛋，茄汁焗豆，香草煙三文魚，仲有店內最signature嘅鮮蟹肉蟹餅。
跟住我地 upgrade 左兩杯野飲：
Devil’s chocolate+ Double Happiness
Devil’s chocolate：外觀極為邪惡，但係飲落有啲似朱古力牛奶，而杯面上仲有兩塊mars朱古力條，可充當小甜點。
Double happiness ：係杯滿滿濃郁士多啤梨嘅飲品，飲品中亦充滿住士多啤梨果肉，清新果味極為香濃。
是日甜品：法式焦糖燉蛋，焦糖面香脆，燉蛋嫩滑，調味得宜，即使加上焦糖都不會過甜。
美味海鮮大會！
美味的海鮮，價格合理
趕得到堂食完結前食個early dinner，見仲有tea set 所以就冇叫海鮮餐。
蟹肉瑪格麗特扁意大利粉 ($78) + Yellow Alert (+38)
精緻份量，蟹肉鮮美，意大利粉有嚼勁，番茄味香濃，帶點微辣，都幾惹味。
Yellow Alert 有芒果蓉，菠蘿汁同椰子奶，非常清新解膩。
迷你夏威夷漢堡蓋飯 ($88) + Devil Chocolate ($+38)
黑椒汁好有特色亦好味，偏辣，隻蛋係煎到只係燶邊，其他位岩岩好。漢堡牛肉厚實，非常柔軟易切開，全塊肉係煮得岩岩好熟。廚師手勢唔錯! 飯既份量可當晚餐。
Devil Chocolate ，幾欣賞佢杯邊外係整左drip (滴落效果)，而且真係唔會溶，唔會搞到成手係但又好岩打卡，另外有綿花糖同朱古力條，飲落有朱古力味但唔算好濃。
成間餐廳都有d gimmick，除左最受歡迎既海鮮袋之外，tea set 都可以一試!適合有充裕時間享受既朋友
愛吃海鮮的人很有福💫
呢間比起尖沙咀大好多，而且更有特色。係船長擺設，勁鍾意船長風。上樓梯就好似上緊郵輪一樣🛳
叫左個2人餐 $688🍱
Seafood combo （簡3款）🐙🦑🦐🦞🦀
有11款海鮮可以俾你選擇，當中有三款比較貴嘅海鮮就要加錢，如果唔想加錢就可以喺個8款度揀。因為我哋唔係好中意食加錢果啲海鮮，就冇揀到。
我哋揀咗小龍蝦，海蜆同埋翡翠螺。本身蜆有兩款，我哋問咗店員佢話呢隻比較鮮甜同埋大隻，所以我哋揀咗海蜆。
叫小龍蝦嘅原因因為前排好hit,但自己到而家都未食到，所以要叫一叫黎食，雖然小龍蝦冇乜肉，但係佢好爽口唔會話好鹹，加埋佢嘅汁我覺得好好食。蜆同螺就同平時差唔多就唔介紹啦。
Sauce方面揀咗Lemon dill cream 🍋🥛
因為另外嗰兩款一個係辣嘅，另一個係胡椒味，我對呢兩個味都麻麻地。
我揀嘅呢個係檸檬汁好香，推介👍🏻
除咗海鮮之外入面會有少量嘅香腸，薯仔，粟米
Appetizer
脆炸雞翼（蒜香蜜糖味）🍯🍗
食落比我想像中出色，一咬落去係超級脆，同埋食到個面好香嘅蜜糖味
Pasta or risotto
蟹肉卡邦尼扁意粉🦀🍝
食都有蟹肉而且好香嘅忌廉味
呢個建議快啲食，因為如果卡邦尼凍咗嘅話就會變得杰身。
House Wine🍾 🍸
Champagne & White wine
食海鮮仲好體貼有晒厚嘅手套，濕紙巾同埋防止整污糟嘅圍裙
All day breakfast ($128)
以前覺得食All day breakfast好唔抵 因為自己都整到 但係越大越鐘意食 依家基本上去cafe都會叫🤣呢個all day breakfast有crab cake架！雖然唔係好大個但好脆口好好食！
Crab meat carbonara ($128)
係我中意好creamy既carbonara 😍 仲有幾generous portion既蟹肉！好快就清哂成碟🤣
Brunch set都幾抵！不過下次都係想食返海鮮🤣🤣
星期日去咗Mr. Crab 🦀 食個靚brunch 🍳好開心🤩
💕經典白酒忌廉藍青口$138
藍青口非常鮮甜美味😍，加上恰到好處嘅🥂白酒忌廉汁，更能提升藍青口嘅鮮味，勁正！ 🥰旁邊香脆的法包🍞都唔好錯過呀，可以點白酒忌廉汁，好滋味！十分推介！👍🏻😘
💕路易斯安那寶石 $128
用上炸得金黃鬆脆的蟹餅🦀，代替平時普通嘅麵包🍞，非常驚喜！整件充滿啖啖鮮甜蟹肉🦀，再加上香滑嘅荷蘭醬及水波蛋🍳，真係有意想不到嘅美味！🤩
💕Mr. Crab All Day Breakfast $128
好豐富嘅全日早餐❤️，都有一小件蟹餅作畫龍點睛，如果蟹餅份量再多點就更好！😆
💕Frozen snow $68
清甜嘅荔枝味沙冰，有透心涼嘅感覺！☺️
💕Citrus Fantasy $68
酸酸甜甜，好fresh!😉
蟹先生的西餐嘗試
餐廳有兩層，用餐要上一層，裝潢富有美國滑浪風情，不少水手和海鮮的裝飾和擺設，年輕而有活力。
今晚想吃得簡單一些，沒有點海鮮，只點了幾道小食和菜式。
⭐️脆炸牛油果條$78
牛油果切角包裹麵包糠落油炸，入口外面脆裡面軟。
⭐️黑松露薯條$68
薯條配黑松露是無得輸的組合，吃起來很脆。
⭐️美國炭燒醬豬肋骨$238
豬肋骨很大一份，肉質軟腍，醬汁甜甜的，為豬肋骨加了不少分。
⭐️松葉蟹膏番紅花義大利燴飯$128
因為太餓了，所以一會兒就全悉吞進肚子裡。
米飯的硬度適中，蟹味已經融入米飯之中，不太吃得出。
喺Mr.Crab 同朋友食Tea ，叫咗兩個餐，分別係Mini Hawaiian Loco Moco 同Sirloin Sandwich，可以加$38有杯Iced Tea！發覺Plantation Iced Tea 同Jasmine Apple Lychee Iced Tea呢兩杯飲品唔會好甜，帶出水果茶香味！Sirloin Sandwich麵包夠脆，而且薄牛扒夠大塊👍🏻Mini Hawaiian Loco Moco入面塊漢扒夠Juicy！Cappuccino Cheese Cake咖啡味夠濃😋又唔會太甜 …
員工態度好，海鮮也不錯。扒類頗熟，有改善空間。
聖誕前夜午餐 ~ 很棒的服務 ~ 食物供應超級快
我們點了聖誕節午餐，令人驚訝的是食物不多。
湯很美味
翅膀炸得很好而且不太鹹
Carbonara很好吃，奶油味，有真正的蟹肉和大量培根（忘了拍照）
海鮮煮是….. 好的。我們點了中辣 cajun 醬，它太辣了，嘗起來很苦，反芻沒有任何 cajun 的味道……奇怪。玉米……老了，有點……有彈性。海鮮本身很好，土豆也很棒。也許差異醬會更好。
Weekend嘅breakfast & brunch一律$128
卡疆牛肉漢堡
麵包非常之脆，每咬一啖都會聽到清脆嘅咔嚓聲！Burger份量十足，牛肉好厚，但火候控制得好，啱啱好5成，切開仲見到粉嫩色，入口鬆軟juicy。
墨西哥卷餅 (燒烤手撕豬肉或牛肉)
卷餅皮口感脆脆地又有啲煙韌，入口酸酸辣辣，惹味又開胃，味道同口感豐富。
Mocha
咖啡同朱古力嘅味道互相平衡，既咖啡味道又有朱古力味道，而且唔會好甜。
很棒的食物，值得一試！
All day Breakfast 特别在於有一梳梳蟹肉的蟹餅，雖然唔係太大舊；仲有少見的牛油果更添新意。
『龍蝦蕃茄汁煮青口』配白飯，因為有龍蝦汁令到海鮮味更加豐富，送白飯啱啱好。
Espresso Cheese Cake，咖啡味嘅cheese cake真係好特别，原來都幾夾。
平時經過呢間餐廳，以為佢只係賣一袋一袋既海鮮，好豪氣咁用手開餐😂😂原來並非如此
早2日約朋友黎呢間食lunch, 中午都有set lunch
水準令我意外地高👍👍
餐湯周打蜆唔錯，正路
我地叫左個medium rare牛扒，肉質都唔錯
以呢口價計
另外仲叫左個牛肉黑漢堡😂😂呢個高質
個包底又香又鬆軟，漢堡肉夠香 ，絕對可encore
真係好好食，同朋友share都好飽
仲要讚讚服務員服務態度好好～～👍👍👍👍
新奧爾良卡疆醬汁焗八爪魚🐙裝盤好靚，蕃茄仔、薯仔粒、八爪魚粒，用蒜蓉、洋蔥碎、辣椒粉等炒制而成，唔會太辣，有滴滴辛辣刺激味覺，八爪魚好生鮮且好Q彈，真啲好味！風乾火腿及芝士拼盤🧀️火腿片有三種，顏色都唔同，應該係醃啲時間唔同，有12個月同18個月，時間越長越咸香。配佐三種唔同濃度啲芝士片，味道濃郁奇特。蟹肉蟹膏南瓜意大利燴飯🦀️飯粒粒分明，用蟹肉蟹膏、南瓜汁、帕爾馬乾酪、奶油醬拌，食落去唔會濕，都食到蟹肉絲同埋蟹膏，味道偏濃。魔鬼巧克力杯，杯口都係巧克力覺得幾浪費😂唔會好甜，鍾意食巧克力都可以試下。virgin sangria好多水果粒，加埋蘇打水，酸酸甜甜啲好爽口！ …
又係時候黎個海鮮大餐！今餐既地點係位於灣仔既Mr. Crab by The Captain’s House，顧名思義，餐廳以船同蟹爲主題，裝修都幾有特色。餐廳有兩層，地下門口有一隻大大既蟹好易見到，用餐區係二樓。
呢度有做晚市套餐，分別有四人同二人套餐，今次就不如試吓啦。二人套餐包最基本嘅海鮮拼盤，前菜，意大利粉或飯，同兩杯house wine。價錢$688另加一。海鮮拼盤係招牌，有八款海鮮揀三款，包括海蝦，小龍蝦，馬尼拉蜆，八爪魚仔，海蜆，翡翠螺，藍青口，小墨魚仔，全部寫明300g，除左海蝦250g。仲可以加錢升級貴價海鮮。醬汁有三款揀一，分別係招牌新奧爾良卡彊醬汁，檸檬胡椒醬汁，同檸檬刁草忌廉醬汁。前菜都有五款揀，三款唔洗加錢，兩款要加。意大利粉或飯三揀一，都唔洗加錢。
路易斯安那爆谷蟹餅 跟餐加$10 另加一
呢款路易斯安那爆谷蟹餅前菜要加$10，但係的確最吸引！爆谷蟹餅一客五件，一口一件，形狀好似巨型既爆谷！蟹餅熱辣辣但唔會辣親。外皮脆口，入面濃濃蟹肉味但唔過實，加埋d洋蔥片，香蔥同醬汁，好味。
海鮮拼盤 （跟餐）
好快一個藍色大袋就送上。服務員先問你要唔要影張相先，然後係你面前將入面既海鮮同醬汁撈好，再幫你打開個袋。個袋一打開，就見到熱氣騰騰。
今次我地揀左平時少食既翡翠螺，馬尼拉蜆，同小墨魚仔。三款海鮮大概每款有十隻左右。連殼翡翠螺的確新鮮，螺肉鮮甜而唔會太硬。小墨魚仔非常新鮮爽脆。服務員話馬尼拉蜆比普通蜆細但係鮮甜d，見到又真係幾細粒，唔多肉食。其他配料仲有兩舊玉米，兩舊薯仔，腸仔半條切開左幾舊。 醬汁我地揀左從未試過既檸檬刁草忌廉醬汁。因爲檸檬既關係，個汁少少酸酸地，而忌廉令個汁好滑溜，都幾好味！雖然我都係鍾意招牌新奧爾良卡彊醬汁多d！
蟹肉蟹膏南瓜意大利燴飯 （跟餐）
蟹肉蟹膏南瓜意大利燴飯開頭食落係少少鹹，有微微既蟹膏味，之後越食就越覺甜甜地，南瓜味好濃。燴飯都算有咬口，加上青瓜粒，蟹肉絲，都有口感既。圍邊有新鮮沙律菜同芝士片，為燴飯加添味道同口感。燴飯中間有一隻細細隻既蟹鉗。
套餐包兩杯house wine。我哋冇飲酒，可以免費轉汽水，包括可樂，雪碧，Ginger Ale，Tonic，梳打。又幾好。
三道菜散叫都差唔多要套餐價，即係話套餐變相送兩杯飲品。次次我地都可以兩個人霸一張四人卡位，座位舒適有私隱度。食海鮮配膠手套同膠圍裙比你，服務貼心。期待下次再黎試新野。
📍Mr crab 📍
平時嚟到都係食佢嘅海鮮袋，今日經過見到出咗Christmas set 就黎試吓，雖然冇馳名嘅海鮮袋，但就有炭燒肉眼扒。
龍蝦湯，配上鬆軟麵包，外脆內軟。
焗意大利腸芝士條，原本以為入面係腸，但原來係parma ham包住芝士，味道偏咸，如果用返腸，味道應該會夾啲。
炭燒美國肉眼，五成熟，燒得啱啱好，亦都有炭燒嘅香味，食落唔乾唔柴，旁邊仲有牛油果沙律同炸薯粒，配菜來講好出色！

卡邦尼扁意粉，可能忘記落鹽，所以唔係好夠味。

套餐包埋甜品，紅莓芝士餅。
Mocktail- Frozen Tropical Hawaii，菠蘿味同椰奶味好香。

Hot Choco，香濃。
灣仔球場呢間餐廳一直都係想食嘅 list裹面頭幾位，今日終於嚟食。餐廳坐位寬敞，而且檯與檯之間相隔很開，安全舒適。侍應服務一流，好快已經安排入座。
睇完menu，覺得佢嘅 set lunch好抵，我地決定要 一個黑松露海蝦忌廉汁闊條麵 同一個法式燴牛面頰飯， 兩個set都包咗沙律餐湯同嘢飲， 成件事真係好抵食。 沙律菜好新鮮配黑醋，味道好好。 餐湯係南瓜餐湯，好香南瓜味， 而且好creamy。
主菜方面忌廉寬條麵有好重黑松露味，而且海蝦份量都好多，海蝦亦都好新鮮。 至於法式燴牛面頰牛肉燉得好淋，而且好入味， 香濃嘅蕃茄汁配飯簡直一流。
飲品方面我哋加錢叫咗 一個berry’s world, 一個熱情果沙冰, 基本上兩個味道都唔錯。
總體而言，餐廳質素唔錯值得回顧。
週日心情☀️
🍳路易斯安那寶石 路易斯安那寶石
班尼迪克蛋有3種，我選了這一款，因為下面是蟹餅而不是英式鬆餅🥯煙熏三文魚是我對班尼迪克蛋的口味！！ 🍳荷包蛋一如既往的治愈🥰
材料是蟹餅、長葉生菜、煙熏三文魚、荷包蛋和荷蘭醬。
🍝蟹肉扁麵條Carbonara意蟹肉卡邦尼粉
扁麵條是如此奶油和耐嚼！我真的很喜歡扁麵條上面的奶酪🧀
它與蟹肉、洋蔥、脆培根、奶酪混合在奶油醬中。
🍇🫐🍓熱蔓越莓蘋果酒
有點酸👅這比橙汁更像蔓越莓汁🍓嘴裡能聞到很少的肉桂味。
成分是蔓越莓汁、橙子、肉桂、丁香，配上橙片。
–
西式海鮮二人份☜☜☜
–
在 @mrcrabhk 內嚐了一個性價比不俗的二人餐HKd$688+10%
前菜選了“法式煮青口(白酒牛油汁)”
主菜當然就是店內的招牌：SEAFOOD COMBO
點了海蝦、海蜆和小墨魚仔配檸檬刁草汁
除了有鮮味海鮮，更有香腸、粟米和薯仔在內，十分豐富啊！！！
主食就三選一，那晚選了“蟹肉卡邦尼扁意粉”
這個意粉很有驚喜，雖然份量不算多，但每口都很掛汁，更有絲絲的蟹肉在內derrrrr❤️❤️❤️
隨餐所付的飲品則可點house wine或是soft drink 🙂
–
晚上在灣仔地區能不用800元就能嚐到一頓味道不錯二人份的西式海鮮餐，加上店員服務友善，真的蠻適合兩口子去食飯/慶祝呢✔✔✔
灣仔電車路附近的Mr. Crab店樓高兩層
裝潢充滿海洋風格 好有朝氣
–
餐牌價錢唔算太貴
Weekend嘅breakfast & brunch一律$128
沙律/餐湯+ 甜品+飲品 (+$45)
–
Mr. Crab All Day Breakfast $128
滑蛋 薯餅 牛油果沙律菜 煙三文魚 肉腸
正正常常 都食到好滿足~
不過煙肉太乾 硬到傻左
最好食係件蟹餅 好有咸香味
可惜細細舊 唔係幾夠喉
–
Cajun Beef Burger $128
麵包得好夠脆口 唔會過乾
Burger份量十足 中間牛肉漢堡成半吋厚
而且唔會有太多調味料喺牛肉 保持返牛肉本身嘅牛香牛肉
我地要5成 入口鬆軟juicy
–
甜品 cheese cake 好食!
另外 杯Latte同朱古力都好出色!!
好香濃 好順喉 唔會好甜
–
-Mr. Crab by The Captain’s House
灣仔莊士敦道74-78號一樓及地下C號舖
今日星期六去灣仔探舊同事，一齊去食lunch，雖然間餐廳開左好耐，不過一直都未有試過，今日終於一齊試下。
Brunch menu全部都係$128，我地都各點一份再加錢要杯特飲。
先講特飲，我哋分別嘅classic 同埋grapefruit and Orange mojito, 入面好多薄荷葉，不過都可能因為咁，飲落覺得好重草靑味，有啲苦澀味，個人都接受到，不過朋友就麻麻。
蟹肉卡邦尼扁意粉
都幾有驚喜，蟹肉出奇地多，啖啖都有蟹肉，洋蔥、煙肉帶出香味，而芝士剛剛好香，好creamy ，食落唔會太膩，意粉好扁幼長，質地軟滑，好掛汁，又唔會同芝士黐埋一舊，處理得十分好。
路易斯安那寶石
蟹餅有2塊，上面配上煙三文魚、水波蛋、生菜，加上荷蘭醬。切開水波蛋，蛋汁流出來，連同三文魚荷蘭醬及蟹餅一齊食，好香好味，蟹餅好脆，有蟹鮮味，不過薄左少少，如果厚番d會更好。
雖然飲品係有少少缺點，不過食物幾好味，可以蓋過飲品嘅缺點，我哋兩個都覺得呢餐係值得嘅。