鬼金棒香港(尖沙咀店)(Kikanbo)
營業時間
| 星期日 | 11:30–00:00 |
| 星期一 | 11:30–00:00 |
| 星期二 | 11:30–00:00 |
| 星期三 | 11:30–00:00 |
| 星期四 | 11:30–00:00 |
| 星期五 | 11:30–00:00 |
| 星期六 | 11:30–00:00 |
服務選項
外帶
內用
無障礙程度
不支持無障礙停車場
產品/服務
有機料理
酒精飲料
啤酒
用餐選擇
早午餐
午餐
晚餐
餐飲服務
座位
設施
兒童高腳椅
適合兒童
氣氛
氣氛悠閒
付款方式
信用卡
平時多接觸醬油拉麵、豬骨湯拉麵，這裡是主打麻辣味噌湯拉麵。
有幾款口味，莞茜、芽菜、玉米筍、溏心蛋，還有增量版叉燒，食肉獸啱晒！
這裡人氣之處還照顧到不算太吃到辣的朋友仔！辣度、麻度有得揀！
我選了玉米筍，細佬選了豆芽，都要加溏心蛋！同樣是小辣中麻！另外店家也有很多不同飲品，我們點了汽水！
湯底非常濃厚，味噌很香，小辣不會太辣，有麻味真的令味覺提升到另一個境界，非常開胃！
厚切叉燒，真的非常厚，五花腩甜甜的，脂肪入口即化，甘香美味！
溏心蛋流心！好滿足！
玉米筍和芽菜都好爽口！
拉麵口感清爽帶有蛋香，軟硬適中！
愛食拉麵的我，較早前已知道東京人氣辣麻味噌拉麵店係香港開店，今日終於去左食。
客人因應自己的口味選擇辣度，若果好似我甘吾食得辣，可以選無辣，我和A先生都吾食辣。
芫荽味噌拉麵(無辣) Miso Ramen with Coriander
增量叉燒味噌拉麵(無辣) Miso Ramen with Big Pork
最後再追加一個肉飯。
叉燒肥瘦分明，又夠淋身，麵質夠彈牙，又夠煙韌，芽菜係即炒，特別脆身。
鍾意食芫荽的朋友，見到成碗麵也放滿芫荽，一定大滿足。
手平時食日本拉麵常食嘅湯底都係豬骨濃湯為基底。??♀️極多莞荽、大大舊肉、有辣有唔辣、有麻有唔麻、辣味增濃湯底，??♀️你又試過未？
.
唔好睇環境同裝修好似好地獄辣feel?，其實辣度好輕同溫和，?即使叫到中麻中辣都只係市面上既微辣。如果特登黎食辣既就嗌爆佢啦?唔係可能會失望。
.
#芫荽辣麻味增拉麵 $110
湯底係辣味增濃湯，食得出有蒜同洋蔥?芽菜，滿滿芫荽鋪滿碗面，形成小山丘，?芫荽味道比較輕，加入湯底有提味作用。?有芫荽同無莞荽相比下有芫荽係會有層次香啲同細膩，亦都無咁易膩。?麵條比平常拉麵粗而且扁狀，幾有彈性同口感。
.
#增量叉燒x2辣麻味增拉麵 $135
湯底一樣。?增量叉燒真係好重量，夾既時候差啲重到夾唔起，岩哂食肉獸，?大口食大舊肉好滿足。雖然咁大舊肉，肉質會鞋身過平時食既叉燒。?勝在香味香濃同大大舊。濃底肉味都香隨之而香濃啲。 .
主打係辣麻味噌拉面, 可以簡唔同程度既辣同麻, 仲要可以分開簡~
聽聞係用左唐辛子同麻油煮好耐, 先有咁既味, 我地都係因為佢既辣, 而過黎試下既!一入到去, 有D寺山修司既味道, 背景音樂係日本鼓樂, 暗黑dark side, 好有氣氛~坐位都相當舒適, 而且好好服務, 會問你想坐邊~仲有圍裙提供, 唔會整到好dirty~
1. 增量叉燒x2 辣麻味噌拉面 (2麻2辣)
湯底十分濃郁, 好有層次, 果然係真材實料, 香料味好香濃, 加上拉麵既質感同一般唔同, 比一般更有嚼感!
2. 特製辣麻味噌拉面 (1麻1辣)
叉燒超級軟腍, 而且本身腌既醬汁十分香又甜, 成件叉燒多肉到要分幾次先食得曬, 但係我地太鐘意食, 所以追加左叉燒~
湯底多D辣, 其實係正D既, 因為香味出勁多, 不過少麻少辣都不失風味~
談起拉麵，大家會對好吃的拉麵有不同的標準，有些會重視其濃香的湯底，有些人看重他的叉燒，要嗰方面取得平衡並不容易，有些能兼顧前者的同時卻忽略了後者。
這個星期五lunch時間，獨自走到了這間?東京過江龍-鬼金棒，一嚐他的日本拉麵。在政府抗疫政策下， 不少食肆大受影響，午市黃金時段亦未能座無虛席，心中不禁覺得感嘆。
說回鬼金棒，整碗拉麵?的各方面質素相當平均，先說湯底，若喜歡麻辣，他有不同的程度供食客選擇，不喜歡麻我只點了小辣，說實感覺其實亦不太辣，可以再嘗試高一級?️；湯底不算太油膩，相信油脂是來自叉燒，厚切的叉燒絕不用擔心質感硬，其軟淋程度猶如炆了兩天的牛腩，一咬即溶，面層的脂肪皮層格外香口，油脂原滿地散發在口腔中?。至於很多時都被人忽略的麵底，我比較喜歡實在的口感，鬼金棒的正合我心意，剛剛熟的程度，同時還有一點挺身的硬度，不會因為長時間浸在湯底中而變得軟淋。
❣️不得不提，我點了這款炒芽菜，額外加上了粟米筍，從來不會覺得炒芽菜亦能如此有鑊氣！粟米筍，亦炒得相當香脆，為拉麵添上不少色彩和分數。
鬼金棒採用自助點餐形式，坐下來後用手機scan QR code會查閱到餐牌, 價錢大眾化，拉麵價錢最平$100，可隨喜好加配不同配料，甚至可點上雙倍叉燒。
在這個感到壓抑的抗疫時期，偶爾為自己帶來一點好吃的，生活還是要好好過❤️
鬼金棒?好型既名
–
平時我就唔多好拉麵既?
但我知道呢間嘅辣度同麻辣度都可以自己調校
所以都忍唔住過咗嚟試吓(˶‾᷄ ⁻̫ ‾᷅˵)
門口同音樂都好有日本嘅格調?
唔知食乜好✨仲可以問職員介紹??
職員就話芫荽辣麻味噌拉麵（?110）幾特別
‼️見到周圍好多人叫芫荽‼️同埋飲哂碗湯‼️
QR code落單都好方便?仲要勁貼心?
吧枱都有位放袋?又有圍裙唔驚整污糟
–
辣度?️ & 麻度：
無｜小｜中｜高｜鬼增（+?15）
–
?特製辣麻味噌拉麵（?120）
（中辣小麻）
麵嘅軟硬度煮得好適中?煙煙韌韌✨
有麻味‼️好惹味好滋味‼️
玉子仲係流心‼️肥叉燒?好正‼️
雖然肥膏好厚?但係又會忍唔住食完一啖又一啖?
最後將佢哋食晒?好香豬油味?
甜甜地嘅醬汁好夾✨肉質鮮嫩而且林身✨
.
?增量叉燒X2辣麻味噌拉麵（?135）
（小辣無麻）
朋友就鍾意個湯底多D?
因為佢本身就係唔鍾意食麻嘅人
見佢碗拉麵有兩舊好大又厚身既叉燒
真係double size…但就比較少肥膏
–
友人就鍾意我個拉麵嗰個叉燒多啲
話肥膏好食?我就鐘意食佢舊叉燒多D?
–
坐吧枱見到師傅炒飯好猛火實係好夠鑊氣
可惜拉麵太足料(;´༎ຶД༎ຶ`)個胃實在無位食
店內吃麻和吃辣的level有小、中、高、還有鬼增，亦都有無辣給完全不能吃辣的人，5個程度，任君選擇，如果對麵條有軟或硬的要求，可以再提出。我們order左增量叉燒X2辣麻味噌拉麵，還有特制辣麻味噌拉麵，首先介紹下兩者的分別先。
「增量叉燒X2辣麻味噌拉麵」
大大塊厚肉叉燒肉質軟淋，叉燒肥肉部分甘香，入口即溶，湯汁都很濃郁入味，一口叉燒一口濃湯，食落啖啖齒頰留香。
「特制辣麻味噌拉麵」跟其他的辣麻味噌拉麵的分別，就是調味跟湯頭味道，它用了更多的不同種類的香辛料，使湯頭味道改變，變得層次分明，辛辣的感覺都很不同，不是一昧又麻又辣就作罷，我自己就比較喜歡這個特制的湯底。
鬼金棒以辣麻拉麵馳名，辣與麻分開自選程度，於日式拉麵中實屬少見。友人辣與麻均大愛，專程與友人到訪一開眼界。
鬼金棒裝修很特別，運用紅與黑兩種強烈對比色，加強其個性。鬼面具、鬼公仔加狼牙棒，再加上播著打鼓聲，感覺很日式。
餐牌主要有八款拉麵，玉米荀辣麻味噌拉麵及芫荽辣麻味噌拉麵感覺上較多蔬菜，好像健康一點，就每樣叫了一碗，再另加味玉及豆芽菜。日式拉麵沒有流心蛋，感覺上就不是日式拉麵，所以味玉是必加的。友人叫了中辣中麻，我怕辣只叫了小麻小試牛刀。
芫荽辣麻味噌拉麵
拉麵上枱時真的嚇了一跳，拉麵猶如小山丘般，芫荽豆芽菜真的多得有點嚇人。友人說芫荽清新香氣中和了辣麻味道，下次可以叫大辣大麻品嚐到其真功夫。
玉米荀辣麻味噌拉麵
玉米荀份量真的不少，普通一般份量只有一條，此碗沒有數過，不過應該超過十條。豆芽菜份量更與拉麵差不多，每啖入口均混合著拉麵與豆芽菜。玉米荀豆芽菜用大火炒過，迫出水分，增加香氣，入口清爽宜人。味玉蛋黃真正流心，濃杰黏口。
鬼金棒的叉燒很厚的一大塊，有點像去皮的東坡肉，燉得軟滑甘香，入口鬆化。
一開明啲鼓聲撲面而來，墻上面裝飾住啲面具，好似驚嚇你唔走咁。
麵嘅配料有芫茜、大豆各種各樣名貴嘅嘢食，辣度可以分開麻同辣來揀，估佢係整左唔同麻湯再加辣。叫左小辣芫茜拉麵同玉子拉麵。 玉子拉麵嘅湯底感覺唔辣唔麻。隻蛋微微略生，煮多15秒就非常好。
試完玉子拉面既湯底再試芫茜湯底係一種驚訝，成碟滿泄既芫茜完全改變左本來既輕麻辣味，加入左芫茜獨特既味道但係並唔屹突，如果大豆果啲都係暗示湯底既變化會令人想試試。叉燒5肥5瘦，食落頗有口感。
兩個加埋2百一十。
想同日本拉近距離話咁易，去了新開的鬼金棒食返個拉麵先，聽聞係日本人龍拉麵店，以辣麻味噌湯底作招牌，很有特色。店面都幾寬敞，打紅燈和用上不少怒鬼裝飾，甚有日本風情。拉麵配料獨特，可自選辣度和麻度。仲有圍裙俾客人用，唔會彈到d湯成身都係。以QR code落單，幾方便。芫荽辣麻味噌拉麵 ($110) 配料豐富，有大量芫荽和芽菜，叉燒好稔又入味。這個是走辣麻，吃一下基本的味噌湯底，湯頭是拉麵的靈魂，有大骨和蒜味，味道濃郁，但不會很鹹。拉麵份量也剛好，不會太多而吃剩。整體味道都好夾，配料也多元化，不是走傳統拉麵路線。炒豆芽菜辣麻味噌拉麵 ($100)，芽菜做的很講究，須須也有整理過，上層是放生的芽菜，下層是炒過的，口感爽脆，吃起來跟麵很搭。粗麵比較有韌性，這次是小辣小麻，適合吃微辣的人。下次會再試小辣中麻。
鬼增級辣+麻，過癮，叉燒太好食！份量多！
日本東京超人氣過江龍辣麻拉麵店鬼金棒，以辣麻拉麵見稱。
鬼金棒裝修特別，收銀櫃邊同Bar 枱邊擺有多個鬼怪裝飾，Bar 枱上方仲掛有不少的狼牙棒，拉麵店背樂用上鼓聲，增添幾分神秘感。
拉麵湯底用豬骨、雞骨、魚鮮及多種蔬菜熬製超過8小時，可以揀五個程度既辣同麻，甚至無辣同無麻，呢度既辣係特製唐辛子調制，而麻就係和歌山葡萄山椒調成。
我地叫左炒豆芽菜辣麻味僧拉麵同芫茜味僧拉麵。
拉麵煙韌彈牙，起初怕會太辣太麻，我就揀左無辣無麻，但試左朋友既小辣麻，覺得有辣味更好味，小辣麻都得小小辣，好適合我食到小辣既為食鬼。?
拉麵入面有舊叉燒，半肥瘦，入口即溶，好好味。
我推薦大家最少都揀小辣小麻，除非真係滴辣不沾既為食鬼。?
天寒地凍, 聽聞食辣可以促進血液循環, 令身體可以暖一點。係網上得知近排尖沙咀有間東京過江龍拉麵—鬼金棒, 湯底以”辣與麻”兼重口味打響名堂, 絕對吸引愛辣既我地去潮聖。
餐廳內鬼怪裝飾+暗淡燈光營造了地獄麻辣氣氛, 而且對比一般傳統拉麵店, 地方闊落得多!
檯面上放了餐具、水, 更有一次性紙圍裙供食客享用, 非常貼心。Scan QR code落單, 每款拉麵均是同一味噌湯底, 再自選 “辣與麻” 程度, 兩者分別由零至激辣五個level, 不要辣、不要麻, 就是味噌湯底的原味道。另外更可自選走配料/額外加錢多加食材、配料。每個step既選擇, 都能滿足不同食客口味。
【莞茜辣麻味噌拉麵】HK$110
“辣與麻”做招來, 絕不敢輕視佢地既程度, 所以初次食, 還是選少辣少麻。
面層滿佈嫩綠莞茜, 很少見莞茜跟日本拉麵扯上關係呢! 這個配搭新鮮又驚喜~ 湯底味道果然濃郁, 雖然只選了最低LEVEL的辣麻度, 口中慢慢散發濃郁麻辣香, 可能是少麻關係, 舌頭上的”麻”每一口只維持短時間, 想過下口癮, 淺嚐”麻”的感覺, 建議揀少麻。拉麵質地QQ帶點彈牙, 稍為索左少少湯汁, 一夾起, 配搭莞茜、芽菜一齊食, 層次豐富, 更多了清新既莞茜香。呢款拉麵只有一件叉燒, 叉燒肉比油層多, 不會肥膩, 質地林得可以一絲絲咬開。
朋友胃口較大, 所以就揀左最大份量呢款【增量叉燒x2辣麻味噌拉麵】HK$135
呢款拉麵沒有莞茜, 只有蔥粒, 叉燒double, 能夠滿足喜歡食叉燒既朋友…
除左拉麵, 更供應少量飯類,
【肉飯】HK$45
standard 飯碗 size, 焦點在於叉燒, 唔好拉麵既朋友, 又想試叉燒, 就食飯啦!
芫茜控必試!!! 麻辣豬骨湯底啱晒重口味嘅朋友? 大嚿叉燒好好味，一試難忘！ …
呢日去左尖沙咀附近做野，過左好忙好忙既一日，搞到都幾晏先收工，個人胃口麻麻，所以想搵啲快食嘅野，咁就可以快快趣返屋企訓覺~
於是男朋友就提議去食拉麵，搵左一陣就見到呢間鬼金棒，見到介紹話係黎自東京既過江龍，所以就定去試下~
因為果陣都夜，超肚餓所以我地好快就點餐，呢度點餐係用QR Code既所以好方便~ 呢間拉麵店係主打辣麻拉麵，其他拉麵店可能成個Menu得一兩款辣嘅拉麵，但呢度係每一款都係麻辣湯底，仲可以揀不同嘅辣度同麻度！！！
不過因為我同男朋友都唔食得辣，所以我地剩係揀左小麻~
因為唔太肚餓，所以我揀左最少餸既辣麻味噌拉麵~ 個湯底好出色，好濃味，因為本身我比較重口味所以岩曬我！
至於男朋友就揀左比較特別既芫荽味噌拉麵，雖然落左好多好多芫荽，但係都芫荽都冇搶走左本身湯底既味，夾得岩岩好！
不得不提既係舊叉燒係超高質，平時我見到咁大舊叉燒一定驚左唔敢食，因為通常都好”鞋”~ 不過呢舊岩岩相反，好冧好入味，食到停唔到口！
高質既拉麵店，下次想食拉麵會再黎食~
之前有同事??♀️講起尖沙咀有間食辣嘅日本過江龍?拉面店?想試下, 所以今晚收工就決定去一戰? E間拉面店主打用混合多款辣椒?為主嘅味噌湯底?, 辣度同麻度由零到鬼增都可以自由選擇同配搭, 另有唔同配料s可以自己添加, 所以岩哂唔同人嘅口味! 揀好之後就可以用手機落單?!
值得一提嘅係E到設有即棄圍裙可以用嚟著住食拉麵, 咁就唔怕比d辣湯彈到成身都係??
增量叉燒X2辣麻味噌拉麵?
小妹叫左中辣中麻?, 一上枱已經聞到好香嘅味噌湯味同叉燒味, 湯頭質感濃稠, 味道非常濃郁但唔咸, 中辣唔算好辣, 所以比較中意食辣嘅朋友仔可以食高或者鬼增級數嘅辣度, 佢嘅芽菜同粟米荀非常爽甜脆口而且幾吸湯, 原全明白點解佢仲有另外出兩款淨粟米荀同炒芽菜拉麵, 因為真係幾好味!? 拉麵麵質口感彈牙, 掛湯能力亦唔錯!?
最最最值得一提嘅係佢嘅叉燒?, 絕對有別於平時食到嘅, 叉燒好厚身, 有微微焦香, 肉嫩鮮甜多汁, 層肥層瘦, 口感軟腍, 一d都唔會覺得膩, 非常非常好食?, 完全係滿足感爆滿, 極度推介!???
芫荽辣麻味噌拉麵?
只睇個碗嘅芫荽已經夠哂吸引一眾芫荽控?, 真係多到以為自己係綠色大草原食緊草?? 芫荽幾新鮮, 一開始係淡淡嘅芫荽清香, 浸多陣落湯到, 好快就已經入哂味, 愈食愈濃?! 芫荽版嘅辣麻味噌湯係有另一番風味, 雖然芫荽味濃郁但卻無因為咁而搶左味噌嘅味道, 味道幾平衡!??
總結: 食物質素非常好, 而且食完都無果種好口渴嘅味道, 環境舒適乾淨, 店員服務態度良好, 價錢亦唔貴, cp值幾高, 值得推介!!????
這是我近期第二次吃鬼金棒
你就知道他的麻辣湯底到底有多魅力
.
今次就挑戰高辣高麻
我點了這碗芫荽拉麵上菜的時候真的十分誇張一大堆芫荽
識落還是那種麻辣的味道麵條很入味
而且因為伴了芫荽每一口都大有芫荽的香
不過可惜的是即是要我叫這個超辣，其實一點感覺也沒有……他還有一個最辣的鬼金辣但是要加$15，我當然不會這麼蠢去加錢
可能是我太能吃辣，所以才會覺得不辣吧
鬼金棒
尖沙咀隱世日本??拉麵?餐廳裝修風格很有特色，自己一個人來可以坐吧臺，跟朋友一起也可以坐四人臺。餐廳裡面寬敞舒適。最特別的地方是開放式廚房，食物的準備過程，盡收眼底。
.
餐廳防疫措施做得很嚴謹，進門量體溫?️酒精消毒。坐下之後，還有服務員給紙巾?包裹口罩?
.
最愛❤️的地方是拉麵全都可有辣度選擇?️可以根據自己的口味選擇麻辣的程度，還可以額外加配料。
.
特製麻辣味增拉麵?$120
份量很大夠料，味增湯濃郁，拉麵?勁道，有兩塊特大叉燒肉，入口肥美多汁。最喜歡的是那顆溫泉蛋?外皮很彈，內心柔軟流心❤️咬下去，融化在口裡，溫暖在心頭～
.
味玉麻辣味增拉麵?$100加芽菜$15
我特意選擇了中辣和重麻口味，額外加了芽菜，讓整個麵吃起來，口感更加豐富。湯底味道濃郁，所以拉麵?就很入味，吃了很有滿足感。
.
.
.
鬼金棒 (尖沙咀)
尖沙咀金馬倫道20號地舖
鐘意食拉麵既朋友，相信對「鬼金棒」都唔會陌生，今日經過尖沙咀分店，當然要幫襯~
呢喥既拉麵係出名，但拉麵湯底就更加厲害，同東京本店既一樣， 獨創五級自選辣麻結合秘製濃厚味噌湯底，當中超人氣地獄辣麻味噌拉麵即叫即製，湯底更加用多款辣椒調味而成，當然，有胆量可以挑戰下，但我唔嗜辣，無勇氣嘗試，最後揀咗零麻辣。
特製味噌拉麵 & 增量叉燒味噌
其實兩款基本上係一模一樣，只係前者多咗一隻流心蛋，味噌湯底濃稠適中，味道鮮甜清爽，一d都唔油膩，叉燒經
多種香料醃製，再慢火燜煮過夜，肥瘦各佔一半，味道甘香，超入味，肉質腍滑，香而不膩，100分!
提外話，個人好鐘意店內既佈置，以黑色為主調，配上日本日式傳統既鬼怪面具，以及鬼金棒飾物，充滿日本風。
麻辣米線食得多 , 今日黎到尖沙咀鬼金棒試 ? 麻辣拉麵 ? !!! 食店提供 8 款拉麵選擇 , 麻辣湯底係重點 !! 有得揀麻度同辣度 , 非常貼心 !! 食店提供圍裙 , 食麻辣湯底最驚整污糟淺色衫 , 帶左圍裙 , 大家可以盡情啜拉麵 !! ??
增量叉燒 x 2 辣麻味噌拉麵 ($135)
男友好肚餓 , 所以叫咗呢個增量版 ! 見到個賣相已經流曬口水 ?? , 食慾大增 , 叉燒大大嚿 , 非常好食 ! 好多拉麵店都係比得幾片叉燒 , 1 d 都唔夠喉 , 呢度係一大磚 ! 非常入味 , 又唔會太鹹 , 帶少少甜味 , 煮到好軟腍 , 用筷子輕輕夾開就得 , 肥膏入口即溶超正 ?? 拉麵比較粗身, 口感帶點煙韌 , 掛湯能力唔錯 ! 個人幾喜歡呢款麵質 ! ?
味玉辣麻味噌拉麵 ($100)
半熟蛋都一樣出色 , 入味又唔會太鹹 , 特別想提呢度拉麵有好多芽菜 , d 芽菜好香同埋一啲渣都冇 ?? !! 比大家做返個參考 , 食開 10 小辣嘅我舒適地完成中麻中辣湯底 , 下次可以挑戰中麻大辣 ??
整體嚟講 , 無論湯底 , 拉麵定係叉燒都做得出色 ! 大家一定要試下個叉燒 , 雖然好邪惡 ?? , 但真係好好食 ~ 唔鍾意食拉麵 , 可以揀叉燒飯 ~~ 同埋特別鍾意佢嘅麻度同辣度都有得選擇 , 可以調配 1 個啱自己嘅麻辣味噌湯底 !! 強烈推介大家嚟試下 !! ????
鬼金棒係東京其中一間拉麵名店
佢嚟咗香港咁耐都未試過 所以就搵日去會一會佢喇?
位置非常方便易搵
店內有吧枱有普通座位任君選擇
枱面仲備有圍裙 咁就唔駛驚啲湯汁彈到啲衫啦
餐牌方面當然全部都係辣麻拉麵啦
不過可以自選啲配菜
揀好之後就可以scan qr code自己落單喇
✨特製辣麻味增拉麵 $120
筆者唔係好食得辣 所以都係揀小麻小辣過下癮就算
食落唔算太辣 陣麻味仲好香添
下次可以食高一級嘅麻辣
呢款特製拉麵好多配料 啱晒咩都想試嘅筆者
拉麵係屬於扁身啲正方啲嘅 口感幾好
而嚿叉燒真係超驚喜超好味阿???
一般嘅叉燒就圓形薄薄一片咁
呢個係成嚿東坡肉咁
個醬汁好味 而啲肉呢又入晒嚟又好juicy喎
肥瘦得宜 真係超好食阿
而隻溏心糖仲要流心添㗎
✨增量叉燒x2辣麻味增拉麵 $135
呢碗嘅分別就係配菜係兩塊大叉燒而無咗隻蛋
而呢塊大叉燒真係好大 成塊扣肉咁
食肉獸真係唔可以錯過?
總結嚟講 所以碗拉麵嘅單價好似比較貴
但其實勁多料 性價比嚟講都幾高嘅
特別係真係要嚟試下佢個叉燒
推薦鍾意食麻辣嘅人嚟試下?
唔係猛龍唔過江！日本“鬼金棒”落戶香港，等我們一班拉麵的擁躉有機會唔使長途跋涉到日本才能嚐試到正宗的“鬼金棒”拉麵啦！
店內裝修帶點紅色，那特別的擺設、音樂、碗匙也有點「鬼」的味道。
枱上細心地放有即棄圍裙。
先說拉麵的湯底，是味噌湯底。 主要區分兩類，就是麻和辣。 兩者又分五個級別：無、小、中、高、鬼噌，適合不同要求的口味。 無論選擇那種，湯底都是一樣濃郁好味，拉麵一樣煙韌彈牙。
可供選擇的配料也很多，包括玉子、豆芽、玉米、葱花、芫荽和义燒。
芫荽香口、新鮮，非一般街市貨色，很多的，密鋪湯底面層。
燒肉弄得香甜、有肥有瘦，夠厚身，非常滋味！
鬼金棒絕對是值得一試的拉麵！
這家日本過江龍已經開了一段時間了，看到這天沒有人排隊所以決定一試才行。環境燈光柔和冷氣挻涼快，夏天很舒服呢?。這裡是以自助掃碼下單的，可以按自己想吃的辣度和剔除不吃的配菜。
?特製辣麻味噌拉麵(自選辣度) HKD$120，這個是走蔥花和小辣走麻版本，所以顏色不會太紅。湯底味道濃郁很香，而且不會感到太油。拉麵麵質適中剛剛好，配菜有叉燒和溏心蛋，夾開看到流心效果蛋味挻香?。
?增量叉燒辣麻辣拉麵(自選辣度) HKD$135，這個是中辣走蔥花小麻版本，顏色略為深色一點。湯底味道差不多但帶點麻的感覺。這碗拉麵的重點當然是增量叉燒，份量比正常版本更厚和大件?，看到一層層的賣相，肉質腍身煙韌挻不錯。
這家拉麵店的食物素質不過不失，而拉麵份量感覺挻大碗的。看到店員服務有禮貌，價錢中等。
之前已經試過銅鑼灣戈間既鬼金棒，啱啱開戈陣個勢真系不得了，完全系街知巷聞既地步，好多人喺門口等位，就連我同朋友share呢間餐廳，佢都竟然表示佢聽過。時至今日我又再次幫襯喇，不過今次系去尖沙咀分店，都有興趣試吓分店嘅質素系咪同樣咁正。
最值得一提嘅系，餐廳主打麻辣，而麻度同辣度竟然系可以分開揀架，真系夠曬特別，咁大個女都未試過麻度同辣度分開嘅拉麵。當然客人都可以選擇吾辣，另外加$15就可以試吓「鬼辣」，我諗系特辣嘅意思。拉麵共有8款，價錢都系百幾蚊左右，值吾值就見仁見智，要食咗先知。另外仲有幾款叉燒飯咁，大家有興趣都可以試吓。
裡面嘅環境完全符合餐廳名「鬼金棒」嘅主題，近天花嘅位置有大量既紅色雷鬼頭，非常霸氣呀！裡面仲播放激勵人心而且又好有節奏嘅背景音樂。
? 增量叉卷X2辣麻味噌拉麵 $135
男朋友點嘅系增量叉卷X2辣麻味噌拉麵，作為食肉獸嘅佢我諗呢款對佢黎講系必點嘅。叉燒嘅份量真系有明顯咁增加，系有兩大件，叉燒嘅口感都可以話系啱啱好了，有口感吾會太軟，擺落湯入面都非常入味。
? 味玉辣麻味噌拉麵 $100
自己就叫咗款味玉辣麻味噌拉麵，相比起上一款，其實就冇咁多叉燒，不過同時系多左隻蛋既。市面上好多拉麵都附送溏心蛋一隻，質素通常都不至於太差，喺呢度直頭系做得超好??裡面既蛋黃真系呈現流心嘅狀態！雖然吾會話好似正宗溏心蛋咁甜，不過咁樣都算吾錯，蛋味都好香濃。
湯底方面，我揀左小麻中辣嘅，有得麻度同辣度分開揀真系幾特別。個湯一睇落都知好濃味，事實亦如此，好適合重口味嘅人去食?麻度同辣度都ok嘅，不過對於我呢個本身都吾系好食得辣嘅人黎講，個麻辣度都系爭敢啲，或者下次可以試吓中麻大辣。
「鬼金棒」為過江龍拉麵店之一，係東京超人氣拉麵店品牌，今次一嚐，果真與別不同，仲非常地道。店鋪外嘅招牌已經相當突出，具日本「地獄之門」文化嘅感覺，入到店內的主題色以黑、紅為主，仲有啲「鬼臉」放左係頂部。同時間，最有Feel嘅莫過於店內的音樂，如置身其境般食緊拉麵，都幾過癮。
?味玉辣麻味噌拉麵 ?100 ?80/100
?芫茜辣麻味噌拉麵 加味玉 ?110+15 ?85/100
?湯底：
兩款辣度都要左小辣及中麻，下次可以挑戰下再辣啲。湯嘅辣度會接受到，湯底均是味噌口味，有加入到雞肉及豚骨去熬製，所以搵到湯底包含左些許碎肉，味道上仲相當濃郁、稠身添。
?麵條：
至於麵條方面，屬偏粗身嘅麥麵，質感都相對上有咬口，口感分明，不會很容易就變得淋哂。
?叉燒、味玉、配菜：
叉燒非常非常淋，入口溶化，肥瘦分怖分明，醃得好入味仲吸到哂湯底嘅精髓。味玉亦都好有流心效果，蛋白亦都入哂味。到配菜部分，要左滿滿嘅芫茜，以碎狀分怖哂整碗拉麵，整體感覺相當豐富及出色。
喜歡食辣嘅 ? …
呢間鬼金棒初頭開個時已經好想食， 見到openrice 食評都唔錯， 今日星期日特登留定個肚去食晏mad 離遠都已經望到大大個招牌 唔怕睇唔到
值得一讚係可以用qr code scan 點餐， 十分方便。湯底有分麻度同辣度， 由零開始一共有四級， 望到大家既食評大讚辣得過癮， 麻得夠香， 可惜本人唔太食得辣， 唯有食唔辣
玉米荀麻辣味噌拉麵 (無麻無辣） 見到有咁多玉米荀 真係未食已經加哂分flower初頭我對肉冇咩期望 以為好細塊， 估唔到都有咁大舊五花腩！ 玉米荀有微烤過， 烤完更加香， 配上味噌味， 簡直係精髓。試一試個湯底， 估唔到無麻無辣都我都係一個小驚喜， 咸味適中， 有香濃味噌味， 配上多多爽口芽菜，比夠十個like
鬼金棒拉麵，主打麻辣味噌湯底，味道濃厚又刺激。 辣同麻係呢度的主打，所以可以選擇不同程度的麻辣度，各有5種辣度及麻度，第一次食唔敢叫太刺激，只係揀左小辣小麻，個人認為可以食再高一級都仲得！ 拉麵送上時，聞落好香，入口味道香辣麻又有層次，湯頭濃厚，飲落都順喉。 芫荽辣麻味噌拉麵（$110），滿滿芫荽鋪滿拉麵上，為辣味再添香味！ 另一碗玉米荀辣麻味噌拉麵（$100），玉米荀份量加倍，而且炒過後更香更入味，叉燒香味四溢，富有油香，同濃味拉麵非常夾！
食日本拉麵要正宗嘅我 今日搵到間正野 首先覺得佢裝修有心思 因為卦左好多日本鬼怪同埋金色狼牙棒 同佢鬼金棒個名襯到絕?
講番野食 佢好專門咁做幾款嘅拉麪同肉飯 冇其他小食嘅 我係莞茜控 所以即叫莞茜味噌拉麵 值得一提嘅係湯底麻同辣程度可以轉 我中意辣（但其實又唔太食得辣?）但討厭麻 就可以揀小辣走麻 貼心又有特色? 上到枱就見到一片綠草坪? 因為成個碗係鋪滿晒莞茜！正到！? 個湯好香濃 筆一羹加一大堆莞茜飲落去 係天堂?
呀媽叫左增量叉燒味噌拉麵 其實鬼金棒9成食物主角都係舊叉燒 呢碗嘅分別係佢舊叉燒大一倍? 佢係用左咸甜比例調得好好嘅汁煮左好耐而成 因為佢size唔細 但可以入口即溶?? 油脂部分滲出好甘香嘅味道 omg 腩肉控必試！
最後都加左個肉飯share 試試佢 其實都係果個腩肉 不過佢冇湯 所以汁嘅甜味食得出會濃少少 甜啲啲 送飯good
很久沒去食拉麵啦?⠀⠀⠀
今次去呢間主打食辣麻拉麵的鬼金棒試試，⠀⠀⠀
辣度同麻度都可以分開選，啱哂愛食辣麻味的朋友?！⠀⠀⠀⠀
⠀
?特制辣麻味增拉麵⠀$120⠀⠀⠀⠀
呢款拉麵的湯底比平時食到的都更濃郁，⠀⠀⠀⠀
再加上辣麻味，好惹味，而配料就有勁厚⠀⠀⠀
叉燒同流心的玉子，好好味，再配上蔥花、⠀⠀⠀
玉米筍、炒香豆芽菜，好滿足呢☺️！⠀⠀⠀⠀
⠀⠀⠀⠀
?增量叉燒x2辣麻味增拉麵⠀$135⠀⠀⠀⠀
原本一件叉燒已經好大件，⠀⠀⠀
呢款仲要有double勁肥美又厚身的增量叉燒，肉質好再軟淋又入味，好邪惡但好正⠀！⠀⠀⠀⠀
啱哂食肉獸呀！?⠀⠀
⠀
?P.S 唔食辣的都可以選走辣走麻，⠀
另外除左增量叉燒吸引外，如果愛莞茜/玉米筍都可以試試，有整碗都係滿滿的莞茜/玉米筍的款式?⠀⠀⠀
⠀⠀⠀⠀
我地兩個人叫左
一碗少麻少辣既特製辣麻味噌拉麵加多玉米筍
特製果碗除左莞荽，有哂所有配料，叉燒仲有兩舊
特製果碗，雖然係少辣，個湯底明顯都係紅紅地色，睇落都有d嚇到唔太食得辣既人。
飲一飲個湯，係好濃既味道，既然底湯既味噌同油脂既香味，又有蒜同其他配料既香味。
辣就唔算好辣，係有做到少辣既效果。麻就係用花椒油花椒粉，香就一定香。???
配料好豐富，炒過既芽菜同燒過既粟米心，都食得到果種炒香左同炙燒過既香味。
溏心蛋既生熟度唔錯，有流心，不過呢個係基本。蛋其實有醃過，但可能因為湯頭比較濃味，唔太食得到醃過既味道。
叉燒係比其他鋪頭唔同，唔係一塊塊，而係大大舊既豚角煮。我諗佢可能都係好似普遍日本人咁用壓力煲去炆，所以炆得好林好入味。
味道甜口，豬肉入口就化
唔怕肥膩既人，間中食下真係嘆??????
麵係比較粗身，唔係太硬，同湯底都幾夾，都會食到好飽
至於唔辣果碗，因為冇左辣既醬料，麻既感覺就出好多。喺佢呢個湯，佢既花椒味出好多，麻感唔係太強，但真係好香花椒味
湯夠濃、味道特別、配料同麵既份量都唔少，每人一百三十左右，物有所值
【芫荽愛好者必試✔】
本來都麻麻哋芫荽，但係最近知道呢碗拉麵非常出名，路過尖沙咀，店舖都好突出好易認，所以決定一試
「芫荽麻辣味增拉麵?」$110
佢嘅辣度&麻度都有得個別選擇，我就叫咗中辣小麻，但係其實佢嘅中辣都只算譚仔嘅五小辣，食得辣嘅朋友其實可以試吓特辣，應該都唔會太勁
第一淡食落去，滿滿嘅芫茜充斥着口腔，加上佢咸咸嘅湯底，其實唔會食到腥味，我立刻有種愛上芫茜嘅感覺?加埋佢偏硬嘅拉麵，我覺得配搭恰到好處，佢仲有一舊叉燒，半肥瘦都好惹味，好快地我成碗都食晒，從此重口味嘅野食，芫茜應該佔一席位
「增量叉燒辣麻味增拉麵」$135
而男友就叫左增量叉燒，就係2舊超大的叉燒，唔係好食得辣嘅佢，小辣都食得到，所以怕辣人士唔洗驚?唔好比個夠嚇到，盡情食啦
吃光光，但沒喝光光，看看那油花就知道不會喝的
叉燒普普，糖心蛋普普，湯底普普，反而麵條軟硬度剛剛好?
百元拉麵店比比皆是，要有回頭率就要看店家了
辣的部分沒吃，所以就不評論了
食物：湯底足料，拉麵掛湯
環境：空間感足，清潔衛生
服務：服務員態度很好
日本鬼怪風地獄拉麵。湯底即叫即煮，可以見到廚師係個穫度煮湯底，氣勢十足。
呢度主打辣味味增湯，亦有分唔辣同唔同程度嘅辣度。麻度都有得選擇。因為睇完網上評論話中辣都唔辣。所以我哋叫咗大辣大麻同大辣小麻。
#芫荽辣麻味增拉麵 $110
大辣湯底對於平時食開中小辣既我，岩岩好，夠辣又唔會over左。大量芫荽係面，夾埋湯底一齊食好清香。鐘意麵條既彈牙同質感。大大舊肉，但肥肉比例好多，雖然香口但係對女仔來講比較抗拒，只係食咗瘦嘅部份。
#味肉辣麻味增拉麵 $100
日本糖心蛋真係好好食，蛋味香濃又滑。叫親拉麵都一定會要。湯底都係一樣只係大麻大辣，但感覺上大麻同小麻唔會差太遠。食完之後嘴邊都會有少少麻痹嘅感覺，好正。
日本 #過江龍 拉麵店係香港已開到第2間分店? 專門食辣同麻既拉麵? 辣同麻分 (無、小、中、高、鬼增+$15)
#增量叉燒X2辣麻味噌拉麵 ? ($135)
賣相吸引? 叫左小麻小辣? 麻辣程度可接受? 增量叉燒極為厚身? 但肉質一啲都唔韌? 帶半肥瘦調味剛好? 麵條非常粗身? 掛湯力一流??
#特製辣麻味噌拉麵 ? ($120)
呢碗就係無麻無辣? 岩哂唔食辣既朋友? 湯底非常濃郁☺️ 充滿香蒜味✌?叉燒細舊啲但同樣厚身?? 肉質軟淋? 溏心蛋流心程度高? 非常滋味?
因為坐近吧台位所以好容易望到廚房的製作過程,真係好夠火喉 仲會經常會望到紅紅烈火,廚師拋穫的場面認真厲利!
特製辣麻味噌拉麵
熱騰騰的拉面遞係面前,望住碗內豐富的食材真係令人唾延欲滴,聽人講拉麵精華所在係個湯底,當然第一時間飲番啖先啦,果然充滿濃濃的味噌味仲帶點微辣,真心唔錯幾惹味,但湯底始終偏油不可渴太多怕剌激到腸胃,因為本人腸胃容易敏感, 另外講講拉麵的質感同份量,因為餐牌沒有其它麵選擇同埋不可以選擇面的份量,如果可以改善下這一方面的問題可能會更好。
但值得一讚的係,麵好有”趙”口 唔會煮到好似漿胡甘”林”哂!
最後講講食材叉燒同溫泉蛋,叉燒可能太
瘦咬落去好硬,仲會”痴”牙但勝在同湯的味道好夾,浸一浸湯再食味道更佳!溫泉蛋蛋黃控制得剛剛好, 咬開個時蛋黃醬流出黎邊食邊飲湯味道真係好食到難以形容!!
增量叉燒x2辣麻味噌拉麵
上菜個下真係比肉的份量嚇親! 增量果然唔講得笑,細胃的朋友千奇唔好嗌 因為我怕你地會浪費食物,因為真係好足料,店主果然冇呃砰! 食拉麵第一啖都係指定動作飲湯先,本人選左少辣飲落口真係唔會太辣仲飲到好香蒜味同蔥味,不過本人都係覺得有點油,不宜喝太多湯! 第二先講講肉的質感,望落去一層層的肉同油脂分佈相當平均,咬落口仲有入口即溶的感覺相當唔錯, 這款拉麵如果同大胃的朋友去食真係值得一試!!!
正，有鬼屋氣氛！音樂好聽。
再來鬼金棒不經不覺又相隔了幾個月，時間可真過得太快！今次入座，最記得就是一要挑戰高一級的小辣！
響應新抗疫政策實施，所以甫進店就必先量度體溫和用酒精搓手液搓手。侍應姐姐仲貼心遞上紙巾俾我地包口罩！
雖然午市已過，但下午茶時間都不時有人黎食！而點的拉麵亦好快上枱。一如上次，我地點返同樣的拉麵！滿滿的芫荽最得我心，而增量叉燒則是朋友所愛。
滿滿的芫荽香，一片青綠色伴上麻香，就是吸引我的原因。拔開芫荽，見到肥美軟稔的叉燒肉，小麻小辣，原來更加過癮，感受到舌頭點點的麻痺感！
朋友也是點增量叉燒麻辣味噌拉麵，同樣是小麻小辣，她也是肉狂，所以那肥美叉燒的確是她的茶！橙黃色的湯，香麻並重。
可能胃口大開，我們追加了一個叉燒飯，份量不大但可過足口癮，當然是為了食多一啖肥美的叉燒肉而點的。食拉麵當然要飲汔水，微辣再加上碳酸衝擊，使人精為之一振。上次點的是不辣，今次點的是小辣，一級級挑戰，下次再挑戢中辣!!!
雲南米線日本版?
#正宗的比較好吃 #四不像 …
Spicy ramen from Tokyo in Hong Kong, love the open style kitchen and lovely ambiance taking us back to Japan! 分五種麻度及五種辣度，我們試了中麻中辣及中麻高辣，絕對滿足辣癮！喜歡濃味湯底的絕對不能錯過喔！一個拉麵不夠飽想多吃點肉的還可以多加一碗大肉飯！
尖沙咀哩間拉麵店? 我已經久仰大名想食好耐? 佢地係以?麻辣拉麵作為主打，仲有佢地既芫荽拉麵真係好出名?? 我知道並唔係太多人接受到芫荽既味道，但係如果你係芫荽控既話，就一定要你試下啦?
·
☆ 芫荽辣麻味噌拉麵 HKD$110
超喜歡食芫荽既我，見到哩款拉麵真係相當興奮? 興奮程度直情係想大聲尖叫?? 啲芫荽多到係蓋哂成個碗麵，聞到成碗麵都好香芫荽味? 湯底叫咗小麻小辣，個人覺得我應該可以接受到大麻大辣小麻，小辣真係唔係幾夠喉? 幸好撈勻芫荽後，令麻辣味更加突出，而麵條既質感軟硬適中，掛湯能力都幾高? 估唔到原來又麻又辣既拉麵係咁好食?
·
☆ 增量叉燒辣麻味噌拉麵 HKD$115
朋友話好肚餓，所以叫左哩款增量份量既叉燒拉麵，叉燒非常大嚿，仲要打孖上?? 五花肉瘦肉同肥肉比例十分均勻，用筷子夾起都感覺有啲重，非常邪惡?? 口感整得十分軟腍，朋友話好彩叫左增量，食得非常滿足?
·
?鬼金棒
尖沙咀金馬倫道20號地下
增量叉燒x2麻辣味噌拉麵加芫荽
又想食多叉燒，又想食芫荽，唯有叫增量叉燒再加芫荽。呢度既叉燒唔係平時一片片既日式叉燒，而係一件件既滷肉！！勁豪氣。叉燒又淋又入味，加上應該用左腩肉位置，啲油脂味道超正。
鬼金棒
小時候，最喜歡的傳說故事，就是桃太郎
也許是因為一套動畫，機甲桃太郎
這是暴露年齡的行為⋯⋯
因為桃太郎的傳說，有一句日本的諺言：鬼に金棒
「素手でさえ強い鬼に金砕棒を持たせると、一段と強くなる
強い者が勢いを増して、さらに力がつくことの喩え」
意思大概是惡鬼的力量就已經相當可怕了，如果此時再給他一個狼牙棒，鬼的力量就變得更加強大了⋯⋯
簡單來說就是如虎添翼的意思
其實當年，桃太郎去鬼島打鬼，為民除害的時候，没有看過回魂夜，不知道打鬼要用朱古力，捉鬼要用保鮮紙⋯⋯
話說回來，用鬼に金棒去形容鬼金棒的拉麵是絕對合適的
湯頭，是以味噌為底味的，相當濃郁
每一碗湯都跟據不同的客戶要求而現煮調配的
像我的鬼增麻鬼增辣，和友人的不麻不辣，都是可以的
麵，是用北方的麵，較為粗身
由湯頭，到麵，再到配菜，都是相互配合，完全體現鬼に金棒的意思
這原應該是一碗道北風味的拉麵，來到香港時竟然特意的配合了香港的天氣，在湯頭的溫度上作出調整，上枱就是入口的溫度，是店家對食客的一份心意
最後再來一碗大肉飯，簡直完滿
要知道，世界上就好吃的飯，就是豬油拌飯
道北風的拉麵本來就是油脂重香，再加上油香飯作結，是完美
P.S. 最後一提，相信大家都知道，日本人對辣的定義是很誇張的，這碗鬼增麻加鬼增辣，大概等於坦仔山少辣的程度吧
特製辣麻味噌拉麵?，辣得超過癮！☺️
仲記得之前第一次食「鬼金棒」嘅時候係銅鑼灣排隊入去食，
『麻』和『辣』嘅味道幾獨到！
我諗香港冇咩邊到有咁重口味嘅拉麵?食架啦！??
原來而家尖沙咀都開左分店～
餐廳有跟足政府嘅食肆人流管制，
進入餐廳前先量度體溫，亦有提供消毒潔手液，
由於而家枱與枱之間最少要有1.5米距離，
所以有機會要排隊呀！要耐心等候。
小編就覺得尖沙咀店感覺更親民，
開放式嘅廚房和用餐吧檯完全沒有玻璃屏幕嘅阻隔，
今次師傅終於可以直接出菜啦，??
仲有日本人店長講好正宗嘅日文歡迎我地，
感覺真係好似返左鄉下咁！?
而家餐廳真係好高科技，
可以用手機scan QR code自助落單，快靚正，超方便！
食麵怕彈到自己件衫，
就可以着店家提供嘅圍裙，咁就唔洗需要擔心啦！
真係好貼心呀！❤️
店內提供5種麻度和辣度嘅拉麵?，
由無到鬼增，無論食唔食得辣嘅foodie都可以滿足到～?
上次食過特製辣麻味噌拉麵（$120），
覺得佢嘅特製辣麻味濃郁得黎又有層次，辣得超過癮，
上次因為係初嚐嘅關係，
保守地要左少麻少辣，不過唔係好夠皮，
今次梗係要升級，挑戰下中麻中辣啦！
小編食開譚仔小辣，中麻中辣就啱啱好啦！
有兩大件叉燒肉，肥瘦相間，
炆煮得軟腍入味，入口即溶，正！?
配菜仲有玉米筍、豆芽菜，
麵條較一般拉麵粗，有啲似油麵，
口感爽彈有嚼勁，不錯吃！
味玉半流心，蛋香十足！⭐️推薦❗️
鐘意食菜嘅foodie不妨試下玉米筍辣麻味噌拉麵（$100），
可以食到叉燒之餘，
又有超多玉米筍，足足有十條之多～
食完辣野，飲杯汽水就gur返晒啦！?
食完拉麵仲未夠飽，仲可以追加個飯～
小編上次食過肉飯，覺得唔夠汁撈飯，
所以今次就揀左肉碎飯（$35），
果然肉碎係會多啲汁，撈飯食一流！? ⭐️推薦❗️
日本拉麵多數人都會食到醬油同、鹽味同豚骨呢D基本口味湯底，其實仲有好多出色又美味湯底或者比較少食到，要食到一碗出色嘅拉麵最緊要湯底係整碗拉麵靈魂，早排行開金馬倫道見到呢間日本過江龍拉麵店，主打係辣麻味噌口味，又真係未食過呢款口味，一於同朋友一齊入去食番餐，餐牌上有八款不同口味嘅人氣拉麵，唔少得有追加配料同追加小碟提供，掃描個QR code 落單相當方便，點咗兩款不同口味同追加配料，我哋坐喺bar枱位可以望住師傅煮出美味嘅拉麵，而且每碗拉麵都會食到荳芽菜即煮即炒鑊氣十足，先來有呢款增量叉燒X2辣麻味噌拉麵，追加埋味玉同玉米筍更加賣相十足之餘，嗰陣麻香辣味特別香，先飲啖香濃又惹味湯底刺激一下味蕾，再品嚐呢件豐厚又肥美嘅叉燒，足足有玉米筍咁高，入口肉質軟滑香嫰，滿口油香口感十足，再食啖沾滿晒湯汁拉麵特別滋味，另一款係特製辣麻味增拉麵，追加埋玉米筍同增量叉燒，口味方面㸃了中辣、無麻，咁當然冇之前咁大碗，但味道一樣咁出色會越食越滋味，又可以食到半熟味玉同爽甜荳芽菜，最後飲埋個湯底已經相當飽滿，咁又品嚐一餐特色辣麻味噌日式拉麵。
鬼金棒內外裝修和怖置都極有日本特色，用了日本鬼、面具和鬼金棒去做裝飾擺設，配合住太鼓既純音樂和紅色燈光。食客可以用電話QR code 下單，非常方便快捷，又唔怕侍應落錯單??。
?️湯底 辣度 同 麻度 都有5個程度選擇，由 無辣無麻 至鬼增(+$15)。
.
?炒豆芽菜辣麻味噌拉麵?100（無辣//無麻）
豆芽菜炒得好香又爽口?，份量比其他拉麵多出大概一倍?。鬼金棒既叉燒同其他拉麵店唔同，好有自己既特色，因爲叉燒係一大舊東坡肉咁?，而唔係一塊塊切片果啲，叉燒肥瘦適中、肉質軟腍 唔鞋口??、醬油醃得好入味?，做得非常出色?。
.
?增量叉燒辣麻味噌拉麵?115（無辣//小麻）
?＋味玉?15
?＋玉米筍?15
增量叉燒係比其他款式拉麵既叉燒大一倍?，拉麵係我中意既扁拉麵?，咬落煙煙韌韌，非常彈牙，口感豐富??。
湯底揀左小麻，少少麻味已經覺得好惹味，唔辣就食到純豬骨湯底既味道，唔會太油，豚肉湯底味道香濃，質感稠密?。
? Bar枱設有凍水位，可以自助斟水
? 有圍裙、牙籤、七味粉、面紙提供
從朋友口中得知呢度有超重口味莞茜日本拉麵，終於都嚟朝聖一下?呢度係用手機QR code落單，超方便!
?莞茜辣麻味噌拉麵 $125?
見到莞茜兩個大字，身為莞茜控點可以唔試吓?，原來仲可以額外再追加莞茜($20)，爽爽?，即係其他款既拉麵都可以額外追加莞茜?拉麵一嚟到就先試個湯底，味道超濃郁帶點麻味，叉燒好軟腍，大大舊的，咬落去係不需花費毫力?追加咗味玉($15)，咬開裡面係糖心蛋嚟，拉麵點可以少得糖心蛋呢?加埋海量既莞茜，撈埋落拉麵一齊食，超滿足☺️
開咗有一大段時間幾鬼金捧，今日終於得償所願可以食返碗拉麵！兩三點去完全唔使排隊開心！
面款有好多種，辣味 同麻味 都可以隨心自己揀！
唔夠食仲可以叫埋我叉燒飯
好鍾意食芫荽嘅我，揀咗芫荽辣麻味增拉麵
比我想像中好清新啊，岩哂我呢個芫荽控！配搭埋芽菜、叉燒一齊食，一啲都膩！越食越開胃！
五花肉肥瘦各半，入口即溶
非常之多嘅芽菜，爽口得來飲滿湯底既鮮味
每一部拉麵都夾埋芫荽，正啊喂！
另外仲叫咗碗辣麻味增拉麵！
同埋味道一流揀咗中辣，唔算話好難越食越過癮，少少辣味提升左成個湯底既鮮味！
鋪頭入面有陣怪味，味道一般，味濃，油膩感重，叉燒有肥有瘦可因應自己口味選擇，但豬味唔夠，未試過可以試下，起碼唔係難食先。