鬼金棒香港(尖沙咀店)(Kikanbo)
營業時間
| 星期日 | 11:30–00:00 |
| 星期一 | 11:30–00:00 |
| 星期二 | 11:30–00:00 |
| 星期三 | 11:30–00:00 |
| 星期四 | 11:30–00:00 |
| 星期五 | 11:30–00:00 |
| 星期六 | 11:30–00:00 |
服務選項
外帶
內用
無障礙程度
不支持無障礙停車場
產品/服務
有機料理
酒精飲料
啤酒
用餐選擇
早午餐
午餐
晚餐
餐飲服務
座位
設施
兒童高腳椅
適合兒童
氣氛
氣氛悠閒
付款方式
信用卡
同事介紹過呢間拉麵可以自選辣麻程度，今日咁岩又係附近就黎試試。
門口有一大支鬼金棒掛係到? Lunch Time 時間都唔算多人，只有1/3客，落單係採取QR形式自助落單。
餐廳內?惡鬼?既蹤影隨處可見，仲要播放住鼓聲既音樂，成個feel好似入左地獄咁?
$135 增量叉燒 x 2 辣麻味噌拉麵 慢煮叉燒好厚實，唔會話太多肥膏，條玉米筍輕微火炙過又幾好食喎！yummy
$120 特製麻辣味噌拉麵?
麵無得揀粗幼/軟硬度，係我鐘意既粗麵！
味玉係流心唔夠溏心，可以改進下。
覺得唔夠味既話可以試下落呢支調味粉。小辣對我黎講無乜辣味，反而小麻又OK麻喎！本身覺得呢到冷氣好凍，食完碗麻辣味噌拉麵成個人暖哂！下次冬天黎可以挑戰更辣level!
主打麻辣拉麵 ,拉麵選擇唔算太多。
主要都係主打麻辣拉麵再加一啲特色配菜。
例如:芽菜,芫茜,玉米雞蛋 。
但每樣都非常足料,隔離枱人哋食芫茜拉麵,芫茜都堆到一個小山丘,相信芫茜愛好者一定好鍾意?
落單係用 qr code自助落單,好方便 。
芽菜麻辣拉麵芽菜非常香 ,炒得好有鑊氣。
玉米麻辣拉麵嘅玉米都係有特別燒過,份量好足。
佢個湯底好濃厚,叉燒果然係不負所望係厚身,入口即溶又從化嘅叉燒,都非常入味。
拉麵係比較粗身少少嘅拉麵,可以掛到湯,麻辣更加帶出湯底既香氣。
前幾日想同朋友搵個中間點食野，於是我哋就揀咗尖沙咀嘅鬼金棒。
專食麻辣拉麵嘅鬼金棒，選擇唔算多，來來去去都係嗰幾樣配料嘅combination，有玉米筍、芽菜、味玉（流心蛋）、叉燒，樣樣都好吸引！我每樣都想試下，於是揀咗特製辣麻味噌拉麵，不過睇圖見特製辣麻味噌拉麵得一條玉米筍，我就另外加一份玉米筍；朋友就揀咗味玉辣麻味噌拉麵。
特製辣麻味噌拉麵仲有兩舊叉燒，同出面嘅拉麵唔同，佢哋嘅叉燒係一舊舊，超厚肉，又淋身！流心蛋一樣好出色，勁入味，得一隻都覺得有啲唔夠喉。
而朋友嗰碗一上枱，我哋都有啲嚇親，因為加咗extra嘅玉米筍同芽菜，所以擺盤起黎高過我嗰碗，幾驚食唔哂，咁最後當然都真係食唔哂，份量超多，對於唔大食嘅女仔黎講真係可以食到兩餐?
我哋最怕食到煮到淋身嘅拉麵，而鬼金棒嘅拉麵係煮得超prefect，拉麵比較粗身同有咬口?? 兩碗麵我哋都揀咗小辣配中麻，平時食譚仔10小嘅我居然覺得唔夠辣，但都好好食！！極力推薦大家要加玉米筍同芽菜，兩樣都有烤過，又爽口又吸到湯嘅精華。如果可以，我寧願將一半拉麵換做玉米筍同芽菜呀～ 我一定會為咗個玉米筍同芽菜再返兜鬼金棒！
來自日本東京的《鬼金棒》主打麻辣厚切叉燒拉麵，餐廳佈滿日式鬼怪面具、鬼金棒，甚有特色。主打拉麵的鬼金棒雖然只有數款選擇，但每款都有其鎮店之寶—厚切叉燒?拉麵的湯底更可自選不同程度的麻和辣，即使不吃辣的朋友也可以來吃；其中最辣的鬼增級麻辣更用上最辣的辣椒調製而成，愛辣的朋友可以來挑戰一下！
特製麻辣味噌拉麵：這次選了小辣小麻?湯底顏色好紅，但小辣其實不辣，下次可以試試中辣。湯底醇厚又濃郁卻濃而不膩！經一日慢煮而成的3cm厚切叉燒夠大件，肥瘦分明，入口軟腍，難怪是鎮店之寶?拉麵還配上玉米筍和半熟溏心蛋，溏心蛋咬開金黃色蛋黃流出，十分吸引??！
增量叉燒麻辣味噌拉麵 ：也是選了小辣小麻?額外添加了味玉所以看起來跟特製麻辣味噌拉麵差不多，不過增量叉燒更大件而且像東坡肉，肥美軟腍有油脂香又夠入味，食肉控還可以點2倍增量版，超滿足。粗身拉麵夠彈性，掛湯能力又高，掛上香濃的味噌湯底超棒?
.
鬼金棒(尖沙咀)
?尖沙咀金馬倫道20號地舖
#鬼金棒 #拉麵 #ramen
無人哋講得咁好食，如果食麻辣寧願去返譚仔。
味道：⭐️⭐️⭐️⭐️⭐️
依家係一間東京過江龍嘅餐廳主打味噌拉麵?
仲被稱為全港最好食嘅拉麵???
❶玉味辣麻味噌拉麵 $100?
唔食辣嘅朋友唔好比佢個名嚇親?
拉麵係可以自己揀辣度或者唔辣
而我就揀咗小麻小辣?
入口嘅時候味噌湯嘅味道好香濃 再帶點麻辣嘅味道 ?
配埋粗麵一齊食簡直係Perfect match??
而呢度嘅叉燒就有啲似中式東坡肉咁樣?
肥瘦夾雜 咬落都相當肥嫩 而且入味?
而最重要嘅糖心蛋都相當出色 帶有流心嘅效果?
❷炒豆芽菜辣麻味噌拉麵 $100
同樣都揀咗小麻同小辣?
同上面提及嗰碗拉麵嘅味道其實都冇乜分別?
唯獨是唔同嘅就係呢碗就冇糖心蛋?
不過有大量嘅芽菜?
芽菜配上拉麵一齊食令到口感豐富左 口感變得爽脆?
❸肉飯 $45
好少見拉麵店會有飯類?
而呢個肉飯就係用咗日本嘅珍珠米??
再配上一舊好似東坡肉咁嘅豬肉?
珍珠米嘅口感軟硬適中 粘而不腻?
但略嫌醬汁比較少 食到最後會變咗食白飯咁?
Ps:尖沙咀、銅鑼灣都有分店?
二訪鬼金棒，肥美嘅叉燒同彈牙嘅拉麵真喺好誘惑?
?莞荽辣麻味噌拉麵 $110 追加味玉, 蔥花各$15
?今次叫中麻中辣, 食落麻味同辣味都唔喺好重?我諗我接受辣嘅程度愈嚟愈高?
芫茜滿滿的??聞落唔會太濃芫茜味, 反而喺青草味多啲?
呢碗都有叉燒?肥美嘅叉燒有8成肥2成肉,
?增量叉燒x2 辣麻味噌拉麵 $135豆芽菜 +$15
?小麻中辣, 朋友話味道都唔算好辣, 但都唔會叫大辣啦??
叉燒超級肥美? 7成肥3成肉左右
拉麵唔會太幼！但又未到烏冬咁粗～質感彈牙唔黏口
湯底味道濃郁, 食多幾啖會覺得好飽?
東京人氣麻辣拉麵店鬼金棒已經進駐香港一段時間，終於有機會嘗試！晚上用餐還有機會需要排隊呢！
可以於店外已經選擇好食物，以便入座後馬上下班，拉麵方面可以自行選擇辣度及麻度，可按照個人喜好選擇，同出面唔同兩款係可以分開選擇，可以要辣不要麻，也可以要麻不要辣。
特製辣麻味增拉麵$120
特製那款會比普通的多一舊叉燒，非常肥美，看到一層層的油脂和肉質，口感鬆軟入味，但又不會太油膩。純麻有一個特別的味道感覺。
芫荽辣麻味增拉麵$110
喜歡吃芫荽的朋友不要錯過，非常爆多的芫荽而且切得非常細小，令整體味道入味。 小許辣及小許麻香是最吸引的，香氣醒位！
拉麵質感比平時吃的不同，比較粗身，可以說是偏向有彈性。糖心蛋也比較香甜。如果喜歡吃日式拉麵也絕對值得一試！
食物質素同味千差唔多，又唔足料都好意思收哩個價，職員態度又差，叫極都冇人應
麻竦味噌拉麵好味
呢間日本過江龍開嚟香港都一段時間
之前睇相見佢好辣咁怕handle唔到?
所以今次都係第一次食
–
?增量叉燒X2辣麻味噌拉麵（$135）
貪心仔黑洞揀咗增量叉燒?
一上枱見到又大又肥美 即刻心心眼?
叉燒厚切口感十足?甜甜地有啲似東坡肉
唔太食得辣嘅黑洞揀咗小辣中麻
湯底入口完全唔覺辣 只係少許麻?
–
?特製麻辣味噌拉麵（$120）
呢款拉麵叉燒size正常 又有流心蛋?
朋友仔嗌中辣中麻
佢食得辣覺得acceptable 飲啖可樂就ok✔️
但黑洞試完覺得堅辣?
拉麵麵質比較粗身 加埋湯底比一般油
黑洞覺得好似食油麵?
–
P.s 整體黎講唔太食得辣嘅朋友仔都可以一戰?
义燒好邪惡 食肉獸記得揀增量?
鬼金棒係我食過咁多間拉麵店最鐘意啲一間?店舖嘅裝修都好合我心意??因為彷彿好似身處係日本嘅街道咁?鋪頭嘅門口已經掛起咗成枝大大嘅金棒，真係超級型??一入到去仲有好多日本傳統嘅妖魔鬼怪?室內環境仲係暗暗黑黑帶有一點燈光，好有feel??呢到值得一讚嘅就係佢仲提供咗即棄圍裙?真係唔怕食到彈到自己件衫呀??坐bar枱仲可以自己re-fill飲用水??十足日本餐廳配置??
佢地呢到嘅拉面只有一款主打味噌湯底，但仍可以自選麻度同辣度，有五種嘅麻同辣嘅程式可以簡?我地一碗揀咗少辣、另一碗揀咗少麻，食落去味道迴異、各自精彩?
?味玉辣麻味噌拉麵 $100 （+$20加麵底）
如果湯底係一碗拉麵嘅靈魂，呢款本店唯一嘅味噌湯底就好似為咗拉麵賦予咗生命?味濃咸香嘅味噌湯加入埋粒粒香蒜?? 而拉麵口感軟硬度都好適中?令人不經不覺將一口又一口拉麵送曬入口?每一啖麻湯都為味蕾帶嚟一下刺激??味玉真係一咬就見到佢啲流心，半熟嘅溏心蛋真係我嘅favorite?熟度控制得十分之好????
?增量叉燒X2辣麻味噌拉麵 $135
一上菜好難唔將焦點放喺舖面嘅兩大塊增量叉燒上面??叉燒經長時間烹調已經完全煮腍，而半肥瘦嘅組成??亦都可以滿足到唔同口味取向嘅食客?第一口微辣熱湯已經俾人一種先聲奪人嘅感覺?呈微橙色嘅少辣味噌湯同剛才一款少麻風味截然不同?好似要同叉燒各爭一日長短。邊個出色啲呢？留返俾大家試完之後落個定奪?
麻辣、香茜，兩樣都好港式
湯底夠熱，麵質唔錯
芫茜控恩物 – 芫茜辣麻味噌拉麵
我同另一半都幾鐘意拉麵，又好好芫茜，係關注組見到呢間日本拉麵店個拉面好誇張，咁岩係呢頭就試試，叫左
(1)芫荽辣麻味噌拉麵 $110
叫左中辣中麻，身為芫茜控，見到碗面滿滿既芫茜鋪滿整個拉麵，好興奮，芫茜食落好清新，浸落味噌湯底又另一種食法，另外配左一舊磚咁厚既叉燒，叉燒肥瘦均勻，咬落肉質相當淋滑，充滿脂香。湯底麻辣度唔高，不過幾野味，下次可以試下大麻大辣? 雖然碗面好大碗，不過$110唔包半熟蛋(另加$15)已經唔算平，包左就抵D。
有機會想食辣野會再來食，收藏起來先?
人均: $100 – $150
抵食: ???
味道: ?????
服務: ??♀️??♀️??♀️??♀️??♀️
環境: ?????
第一次食麻辣的拉麵,湯底非常至正,我這次只是要小辣小麻,估計可以接受他們的中辣,所以下次要試試中辣.
如果著淺色的衣服到訪,也不怕湯汁弄污衣服,因為他們會有圍裙放在桌面給你使用,真貼心呀??? …
東京人氣過江龍辣麻拉麵?
–
?沒有立場資訊
–
?增量叉燒辣麻味噌拉麵($130)
塊叉燒真係好厚好入味，越食越香，肥瘦比例適中，而且肥肉入口即化?至於個麵就夠煙韌又彈牙，湯底嘅味道幾豐富同濃厚，小編揀咗小辣同埋小麻，味道唔會死辣而且麻得好過癮，就算唔食得辣嘅朋友都可以揀唔辣！小編另外加咗隻蛋，隻蛋好入味，熟度啱啱好，而且大隻得嚟仲要係流心，蛋黃係橙色幾特別!!另外粟米筍幾大條同幾爽口，芽菜幾粗，食落可以令口感更加豐富，整體來講幾推介!!
–
?特製辣麻味噌拉麵 ($120)
一樣都有叉燒，不過冇增量叉燒嗰塊咁大塊，湯底會鹹少少，味噌嘅味道比較重，不過份量都係一樣咁大碗，麵、配菜、蛋都同之前嗰碗差唔多，不過小編個人比較鍾意食增量叉燒拉麵多啲！小編同朋友另外再加咗舊叉燒，味道比拉麵裏面嘅叉燒鹹少少，不過一樣都係食落好香~
–
呢間拉麵喺日本都係人氣拉麵舖，平日人流都多，餐廳幾有日式風味，裝修同背景音樂都好日本feel?同埋上菜好快，食物質素都唔錯，不過除咗拉麵同埋飯就冇太多小食可以選擇，但係個人覺得都幾值得一試!!仲有拉麵嘅辣度同埋麻度都可以自由選擇，由唔辣到鬼增辣都有，總共有25種配搭，鍾唔鍾意食辣都可以試吓~
–
味道 8.5/10
服務 8/10
環境 8/10
回頭率 8.5/10
總評 8.25/10
人均消費 $140?
–
?鬼金棒
尖沙咀金馬倫道20號地舖
(其他分店：銅鑼灣謝斐道530號地舖)
#米食日本菜 #米食拉麵 #米食尖沙咀 #米食銅鑼灣 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup
秋風起，凍凍地就想食返啲暖嘅野，食拉麵就岩哂！ 佢拉麵款式唔算好多，主要都係食佢嘅麻辣湯，不過唔食辣嘅人都可以點唔麻唔辣，放心。 同友人一人叫左一款拉麵。 芫茜辣麻味噌拉麵 （+味玉$15） 爆多芫茜！！係真係每一啖都會食到好濃嘅芫茜味。拉麵麵質偏粗，掛汁能力好高！雖然冇得揀軟硬度，我覺得佢係偏硬，岩哂我口味!
舊肉亦都煮得好淋，脂肪部分入口即溶。炒豆芽菜辣麻味噌拉麵 豆芽嘅份量係真係多到你唔敢相信，多到同麵嘅比例可能係1:1，所以每一啖都食到好爽口嘅芽菜，食到最後一啖都仲有芽菜，好滿足！ 自己食開譚仔3小辣，就覺得叫小辣唔夠辣，下次可以叫中辣。佢個味玉都好值得加嘅，煮得剛剛好，入面蛋黃流心效果做得好好?值得一試！
–
同??老公去睇期待已久嘅”黑寡婦”
去睇之前要醫下肚
去左附近一間食拉麵嘅鬼金棒
?增量叉燒辣麻味道味增拉麵 $150
入邊有兩舊大叉燒
真係好大舊絕不欺場?
由於老公食唔到辣
所以就叫咗唔辣，但係就少麻
幾好味
個拉麵質感唔錯、幾有口感
個味增湯底都唔錯
?玉米筍辣麻味味增拉麵 $100
好少見拉麵配搭玉米筍
所以就叫來試吓
我就要左少麻少辣湯底
唔錯、少少辣仲反而更加惹味
再加埋玉米筍中和d 辣味
而且口感好特別
呢個拉麵都有一舊好厚嘅叉燒?
Overall 環境唔錯
而且個拉麵份量都幾大
值得encore
過江龍拉麵店越開越多，各有特色賣點，是次拜會了東京人氣的鬼金棒，主打辣麻味噌拉麵，夠獨特。
湯底的麻及辣度可分開選，由於初嚐，保守些選了小麻小辣。
芫茜辣麻味噌拉麵 –
個人並非芫荽控，但見到拉麵店都有芫荽拉麵便忍不住點了見識下，另追加了玉米筍及味玉。份量多得像一座山，鋪得又高又滿。小麻小辣其實只是微辣，帶著芫荽香，很惹味。玉米筍有點清甜，至於味玉，內裡蛋黃半凝固，充滿蛋香，十分推薦。叉燒有別於平時吃的薄薄一兩片，這裡的是厚切，半肥瘦，又腍又入味。
玉米筍辣麻味噌拉麵 –
別一款選了玉米筍，追加豆芽菜及味玉。沒有芫荽但有洋蔥粒，令整個拉麵更香口。用上粗身麵條，軟硬度適中，掛湯一流。
拉麵出色，下次再來時要挑戰中麻中辣。
行街每次經過都會被佢門面鬼金棒道裝飾吸引注意，今次終於約到同朋友仔黎食下?呢到係用QR CODE手機落單，介面簡潔易用，我同朋友分別叫左增量叉燒X2辣麻味噌麵($135)、玉米筍辣麻味噌麵($100)、追加味玉($15)*2、可樂($15)、雪碧($15)
裡面有普通坐位同埋BAR枱位，BAR枱位仲可以睇師傅煮添?呢到D裝飾都充滿住日本鬼怪，就埋D碗都有呢D圖案
玉米筍辣麻味噌麵：呢到嘅拉麵主打味噌湯底，而且佢麻同辣嘅程度可以分開選擇，由無至高，甚至極為嗜麻辣嘅朋友仔仲可以加錢揀鬼增(+$15)程度，保證食得過癮?今次我就揀左小麻小辣湯底，湯底濃郁，少少辣辣地啱晒我?玉米筍份量夠多，爽脆清新，仲有件叉燒仔可以食?
增量叉燒X2辣麻味噌麵：大食嘅朋友當然點增量叉燒先夠滿足，胃口細D嘅朋友仔真係唔好亂點??呢到嘅叉燒非常之厚身兼大件，而且肥瘦位置分佈得好靚，咬落去唔會鞋口，食落口夠晒軟腍，啖啖肉非常滿足?拉麵軟硬度恰當，配合埋小麻小辣嘅味噌湯黎食好惹味?
味玉：溏心蛋半熟程度啱啱好，咬開入面嘅黃蛋味濃郁無比，真係必定要追加黎食?
可樂、雪碧：食辣野一定唔少得飲汽水，雪得夠凍，解辣一流?
呢到免加一，拉麵份量足，水準唔錯，難怪就算平日晚市時段都咁多客人幫襯，所以想食碗高質嘅拉麵就要預左花D時間等下位?
鬼金棒 (尖沙咀)
?尖沙咀金馬倫道20號地舖
?今日行足全日尖沙咀， 7:00左右嚟到金馬倫道，今次選擇食鬼金棒棒拉麵，原來已經來港已經兩周年啦，一於試試先
??增量叉燒x2辣麻味噌拉麵$135
??味玉辣麻味味噌拉麵$100
拉麵配有大量芽菜、蒜蓉、蔥花、粟米條 、拳頭甘大的叉燒、秘製辣味湯底，睇睇鬼金棒特色，另外拉麵必須選擇配菜、辣度、麻度
?秘製辣麻味噌湯底
味噌加上豬骨、雞骨、海鮮熬製超過10小時，集齊甜酸苦辣，有不同層次的辛辣味道，濃郁湯汁加湯力十足的麵條使鬼金棒重魅力的要素
可自行添加拉麵胡椒，提升香氣
?拉面追加配菜
味玉（糖心蛋）/豆芽菜/玉米筍/蔥花$15
拉麵芫荽$20/增量叉燒$35
?辣度可選
無辣/小辣/中辣/高辣 （免費）
鬼增辣$15
?麻度可選
無麻/小麻/中麻/高麻（免費）
鬼增麻加$15
?可以走蔥/走芽菜/走玉米筍/走韭菜
?餐廳環境店舖比較特別，附近擺設都有牛鬼蛇神面具，都幾有殺氣，餐廳有四人桌和吧枱，大家可以用QR code落單，另外有圍裙可以帶住黎食野，唔怕整污糟，非常貼心
?溫馨提示：餐廳冷氣非常大可以帶定一件外套
餐廳係新假期必吃食店2020
外賣自取拌麵送秘製叉燒
另設大肉飯及肉碎飯外賣
@Kikanbo_hongkong
#鬼金棒 #辣麻味噌拉麵 #大肉飯# 辣麻伴麵
美味指數：⭐️⭐️⭐️⭐️
環境指數：⭐️⭐️⭐⭐️
服務態度：⭐️⭐️⭐️⭐
翻兜指數：⭐️⭐️⭐️⭐️
（滿分為 5⭐）
#全力食｜#密密食｜#情侶檔搵食｜#小店推介｜#餐廳推介
食物好得，麻辣味夠，差燒好正
服務態度接受唔到 （只限一人，其他絕對接受）
雖然餐牌上寫的是麻辣味噌拉麵，但點餐時可選不辣的。喜愛濃味噌的會喜愛這裡的湯底。推薦：增量叉燒、味玉（最愛流心蛋）
近排唔知點解食野口味轉曬，可能因為睇戲都睇得多鬼片，今日就睇完套兇煞順便食嘢都搵返啲有環境有少少feel嘅先親返~
一去到家麵舖門口都已經畀個名攝一攝魂，鬼金棒聽落都勾魂咁，入面嘅裝修特色都好多
日本鬼道嘅公仔，好似有d鬼屋地府嘅感覺~
我喺openrice食咗咁多間餐廳，有呢種感覺都係第一次，幾過引~
我一去到間餐廳嘅門口已經畀佢個支
狼牙棒吸引住~再入到去畀佢啲天花板側邊嗰一排列嘅鬼父面嚇一嚇，令到我睇睇完恐怖片都仲有啲餘韻
我哋叫咗個招牌芫茜拉麵同增珍量叉燒拉麵再配埋追加玉子，老實講今次係我第一次食芫茜味嘅拉麵，成個碗上面都鋪滿曬完西幾乎一啖一啖芫茜，芫茜配辣或者唔配辣我都覺得都好夾，配埋嚿半肥瘦嘅叉燒簡直係一絕~
值得一讚嘅係餐廳非常細心會提供圍裙畀我哋以防啲麵湯彈親件衫~
湯底好味，合重味人仕
星期日中午12點到此用膳，不用排隊。以拉麵店而言，店內座位數目尚算多，環境舒適。
特製麻辣味噌拉麵
麻度(中麻), 辣度(中辣) $120
另加莞荽 $20
拉麵的麵條是比較粗身，入口咀嚼時彈牙。是次選擇了中麻和中辣，進食時覺得像小麻和小辣。所以，下次會選擇大麻和大辣，增加滿足感。
增量叉燒辣麻味噌拉麵
麻度(無麻), 辣度(無辣) $115
由於有小孩子同行，所以，其中一碗拉麵是無辣無麻的。似乎拉麵有一定辣度會更為美味。
肉飯 $44
飯的份量不多，可是，配搭了拉麵的叉燒，若加上拉麵的湯變成撈飯，效果出奇地好。
湯底濃厚 辣味十足
如果食得辣既朋友 建議中辣叫起
增厚叉燒真係好正? …
係尖沙咀工作時成日都會被鬼金棒門外的裝修吸引到，今日和同樣鐘意食拉麵的朋友仔來到鬼金棒試一試
雖然係日本過江龍，但鬼金棒主打麻辣拉麵，運用上不同種類辣椒加上味噌湯底而成
▫️芫荽辣麻味噌拉麵
初次嘗試點了小麻小辣，感覺似⚫️仔10小辣，食得辣既朋友仔可以挑戰中辣以上，湯底偏濃杰配上粗身的麵條，掛湯力十足，叉燒係厚切五花腩，軟腍肥美，加上滿滿芫荽山，芫荽控和重口味愛好者必食
▫️味玉辣麻味噌拉麵
朋友唔食得辣所以就叫左走麻走辣，相比之下的確有辣麻口味係較為出色，但味玉真係一百分，蛋味濃郁又流心
最後仲留意到原來不同的辣度就會用不同顔色的碗，小辣係白色，大辣係紅色，地獄鬼級就係黑色，下次食就可以八卦下其他人食咩辣?
其實吃過這麼多拉麵我覺得這一間算是普通的，它的味道蠻重的所以不太適合我的口味，我比較偏向於日式拉麵是走清淡然後微微醬油風，不過，他的辣並不是很辣，建議可以從中辣吃起，叉燒肉的部分我也覺得一般大概在我吃過所有的叉燒肉中只能算是中等水平。主要是廚師的態度非常差我不知道為什麼他有這麼大的能力這麼囂張因為又沒有很好吃，服務的水平也一般。主要是看網路上很多人評價太高了，所以要平衡一下，我覺得大概只能給到3.5顆星左右。
鬼金捧
天氣轉熱之後都有一排無食拉麵～ 今日唔知點解突然好想食。記得之前經過金馬倫道有一間拉麵店，好快就搵到。當時下午一點鐘，無咩客，不過到我地碗麵到時，開始坐滿。
開放廚房一眼睇到，店內燈光比較暗，不過加埋祭典音樂，在望望牆上掛門「魔鬼頭」感覺又幾激昂。
QR code 落單的確幾方便，仲有紙圍裙供應。menu 好簡單，都係叉燒拉麵，同埋以辣為主。
價錢亦是合理範圍。
當中仲有芫茜拉麵?
我名另一伴分吃點了「味玉麻辣麵豉拉麵」同「增量叉燒拉麵」，增量款既叉燒有兩大塊，而且超厚。
湯底唔錯，落單時可以簡大中小辣或者唔辣。拉麵質感亦係我鐘意既粗圓身拉麵，口感好煙靭?叉燒唔係簿簿一片片既，係類肉豚角煮（東坡肉）咁，肥美之餘又唔會食到成口油～～ 半熟玉子好夠味，如果唔夠仲可以追加～
我哋點咗兩款拉麵，一款要麻辣，另外一款無辣。
增量叉燒麻辣味噌拉麵
我哋叫咗增量叉燒，另外辣度係少辣小麻。先飲一啖湯，帶淡淡嘅麻辣香，非常濃郁。兩塊叉燒非常厚切，大啖咬一口，油香味濃即溶，而肉質軟稔，非常出色。增量粟米筍份量多，有火炙過，所以食起上嚟，份外焦香爽口。拉麵麵身彈牙，掛湯一流。
炒豆芽菜味噌拉麵
另外點了一碗炒豆芽菜味噌拉麵。湯底帶着濃濃的豬骨味，喝上去感覺豐厚，濃稠。芽菜炒得剛好，爽口無草青味。每啖麵都夾雜芽菜，一軟一脆嘅口感，開胃得很。
另外，亦追加咗一份味玉，即是流心蛋。流心蛋好出色，值得一試。鮮橙紅嘅蛋黃呈半流心狀態，蛋味甚濃，而蛋白部分好軟滑，好味道！
麻辣拉麵店
位於尖沙咀既拉麵的確都唔少 眼見呢間好評如潮 ~~就去試試佢~~
中午時間 我同老公就出左去食!!! 可能還早 人唔算多
跟一般日本餐廳一樣都有Bar 台 可以睇住大廚煮野
望見餐牌 以為一定要叫麻+辣
原來係可以選擇不麻 不辣 岩我唔食麻辣既人
內裡環境乾淨 餐廳選用即棄獨立包裝木筷子 比較衛生
餐廳亦都好貼心 有圍裙提供
芫茜無麻無辣味噌拉麵 HK$110
芫茜控的我 當然要選擇呢碗啦 超正既芫茜加上濃湯底 係絕配
由於芫茜味噌拉麵係無蛋
我另加+ 味玉 HK$15
特製小麻小辣味噌拉麵 HK$120
唔太食得麻辣 又想有小小麻辣感 應該都可以接受既程度
麻辣汁掛上拉麵 的確係野味 會令人不停係甘食~~~
另加+ 芽菜一大碗HK$30
不夠麻
辣還好
蛋很好
麵合乎口感
叉燒一般
水杯有點糟
放袋的位置不大
沒有調味料
沒有餃子
然後就是不夠麻
??
再訪 日本過江龍拉麵店 Kikanbo
鬼金棒的拉麵麻度、辣度隨自己喜歡任你配搭，今日同阿妹二訪呢間多人讚不絕口嘅拉麵店?
?玉米筍辣麻味增拉麵 $135
（小麻、無辣、增量叉燒）
份量依然大大碗好多玉米筍，玉米燒香咗好正?今次想唔食辣所以點了小麻、無辣都咁好食！增量叉燒大到要兩個人分?
?增量叉燒辣麻味增拉麵 $130
（小麻、小辣、玉米筍）
呢到嘅叉燒份量唔係一片片而係大大嚿，肉質入曬味好鬆化，小麻小辣剛剛好??麵條彈牙有口感仲會掛住滿滿濃湯,由於喜愛玉米筍所以再加添?
@kikanbo_hongkong
⛩尖沙咀金馬倫道20號地舖
味玉麻辣味噌拉麵（小辣）
— 叉燒 ★★★★☆
— 拉麵 ★★★★☆
— 湯底 ★★★★★
— 味付蛋 ★★★☆☆
— 配菜 ★★★★☆
特色麻辣拉麵?
同朋友叫咗兩款唔同拉麵，佢唔食芫荽但我就好鍾意芫荽?
❤️芫荽辣麻味噌拉麵 (小麻小辣)
店員一放低就聞到好香嘅麻辣味?
叉燒同平時食開嘅日式拉麵一片片好唔同，呢度有啲似台式嘅控肉，煮得好淋，油脂部分入口即化，完全唔覺得膩?
玉米筍燒烤過既香味完全cover左果陣草青味，比起平時食既玉米筍好食好好好多！?
麵條偏粗身，口感彈牙！搭配充滿麻，辣，芫茜味既湯底，好香好特別?
❤️特製辣麻味噌拉麵追加增量叉燒 (小麻小辣)
朋友追加左叉燒，非常厚身，賣相都幾震撼?
溏心蛋蛋黃呈現深橙紅色，蛋香味濃郁！真係要日本靚蛋先做到?
通常特色既料理一係就好好食，一係就好中伏?
好彩今次係前者? 值得encore既拉麵！?
增量叉燒辣麻味噌拉麵（中麻小辣）
兩件巨型size既秘製叉燒，已經佔了大半個碗，岩哂食肉獸。叉燒咁大件咁厚身但都炆煮得非常入味，肉質好夠腍，且肥瘦均等 。
腩位既油脂雖然邪惡但真係食得好和味。湯底睇落好深色，但飲落又唔會太咸，係值得一試。
莞荽辣麻味噌拉麵(中麻中辣）
滿滿的莞荽掩蓋全碗麵之上，真係重口味之選，莞荽獨有既草青味亦會噴鼻而來。湯底比想像中清而且唔太油膩！加左隻味玉，細細啖咬一下，橘紅色既蛋汁已經流哂出黎。雞蛋醃製得非常講究，蛋白既醬油香得過份，食完仲有少許少甜味留係嘴角邊。兩碗都用上粗身既拉麵 ，掛湯效果特別好！
????麻度同辣度都可以揀，而且每一個湯底師傅都會開鑊炒香佢。（食得辣嘅人可以叫中辣以上）
????餐廳環境有唔少赤鬼、青鬼既擺件同塗鴉，好有去咗去日本嘅感覺～
?芽菜即時炒，好有鑊氣。
?叉燒油脂甘香， 淋滑入味。 …
位於尖沙咀黃金地段 內裡暗黑風格??
好有去左日本食拉麵店既感覺～
? 增量叉燒 辣麻味噌拉麵
中麻 中辣?
叉燒大大件肥瘦佔半 增量肉感?
炆煮得入味 肉質軟腍
油脂在口腔中溶化掉 有驚喜??
3.5⭐️
▪️芫茜麻辣味噌拉麵? $110（小麻小辣）
芫茜不夠多
▪️味玉+$15（OK，未算好入味）
▪️麵質粗身煙韌?️?口，似北海道拉麵/油麵
▪️拖羅叉燒雖厚身，但非常入味，正斗！?️
▪️有芽菜送麵??
▪️湯底味濃，不算鹹
一分錢一分貨，足料加大件⋯⋯
增量叉燒辣麻味噌拉麵 $115
冇諗過增量喺咁大份叉燒，而叉燒喺半肥瘦，食落嘅口感軟滑，唔會太韌都唔會太淋，加埋面頭嘅脂肪，添加嘅油脂，真喺超滿足。
芫荽辣麻味噌拉麵 $110
份量超重，最啱芫荽嘅你哋，濃濃嘅芫荽加半份叉燒，我諗你食完一定抱住個肚返屋企，同埋2碗拉麵嘅煙韌度啱啱好。
最吸引嘅喺佢嘅濃湯底，飲得出喺足料，都唔會令你太口渴，當然一份錢一份貨啦☺️☺️
?尖沙咀金馬倫道20號地舖
G/F, 20 Cameron Road, Tsim Sha Tsui
☎️24812889
⏰11:00 – 00:00 （星期一至日）
其他分店：
銅鑼灣謝斐道530號地舖
非一般麻辣湯拉麵
? 芫荽辣麻味噌拉麵（小麻小辣加味玉）
芫荽控注意‼️ 滿滿嘅芫荽喺面，如果你鍾意真係必試。
如果你唔食得辣都唔需要擔心，佢係可以俾你揀麻同辣嘅不同程度，湯底濃郁但係唔會過鹹，面嘅軟硬程度係適中，叉燒有少少似中式紅燒肉 ?
佢同其他拉麵店唔同嘅位係入面有好多配料，好多好多豆芽玉米筍同蔥，糖心蛋必加 ❤️
?味噌沾麵（小麻唔辣加增量叉燒味玉）
睇菜單嘅時候以為沾麵冇叉燒所以加叉燒，嚟到先發現原來佢係有既，增量叉燒仲要超大舊，最後係因為佢飽到傻左 ?
個人黎講比較喜歡食沾麵，可能因為冇辣度所以比起上面個拉麵更加能夠感受到麻，特別又好食 ?
環境可以，味道可以啦，不過太貴了，一碗面百幾元，太貴、身家豐厚可以一試，星斗市民就回家吃公仔面差不多！
事隔幾個月 鬼金棒 我又嚟啦?係咪越嚟越受歡迎 今次等咗一陣先有位 不過只係10分鐘啫?尖沙咀店比較寬敞 所以就算full house都唔洗怕 佢哋嘅位隔得好有距離 絕對有空間感??
◾增量叉燒辣麻味噌拉麵
◽炒荳芽菜辣麻味噌拉麵
拉麵好足料 好大碗?增量叉燒嘅份量有一大條 肉質三分肥七分瘦 咬落去都好稔 而且好香好入味?因為叉燒真係好大 所以好飽肚 而炒荳芽菜係即叫即炒 食落很爽脆同肥嘟嘟 我覺得加咗佢 更加突出到個香味❣️麵質係我鐘意偏粗身嗰種 食落比較煙韌有咬口 辣度方面就一碗小辣小麻 一碗中辣中麻?
本身見好多人都講呢間日本拉麵好特別
用麻辣風整出日本拉麵嘅味道
去到門口睇到menu以為佢會超級辣
心大心細咗一輪先至夠膽走入去
望完menu原來佢有得揀大辣小辣中辣同唔辣
咁都放心啲
同埋佢除咗辣之外仲有麻度可以揀
當然悉隨專便啦~
拉麵上到抬非常之香
而且賣相都唔錯
啖湯飲落去都幾順口
的確有麻辣嘅味道！
餸黎講佢嘅溫泉蛋算係中上！
跟嚟嘅五花腩豬肉非常好食極之琳推介！
總括而言網民的確冇推錯佢
絕對係另類嘅日本拉麵絕對值得一試
湯底毫無鮮味，似芡汁口感杰撻撻
辣同麻都不足
叉燒口感柴，味道不佳
麵質似味千
呢間餐廳用鬼做主題 周圍有好多特色攞設
裏面有張長吧枱 可以睇住師傅煮嘢 亦有普通座位
餐廳採用自助形式 掃QR code就可落單 幾方便??
枱面有調味料 餐具 紙巾 圍裙同自助水吧嘅
.
每款拉麵?都有得自選辣度同麻度?
✨芫荽辣麻味增拉麵-中辣中麻(?$110)
湯底幾濃郁 而且幾香麻味??
可能因為我食得辣 所以就覺得唔係幾算好辣?
如果食得辣嘅 建議叫大辣以上???
拉麵係粗身彈牙 係我鍾意嘅口感??
而配料方面就有一舊軟腍嘅叉燒 芽菜同芫茜
另外我就再加錢要味玉同玉米旬(?各$15)
每次食拉麵都好期待食個流心蛋??
呢個蛋一咬真係流心嘅效果??而且幾入味?
.
✨增量叉燒辣麻味噌拉麵-小辣走麻(?$115)
果然係增量叉燒 份量比上面個碗真係多啲?
有一長條厚叉燒?煮得幾入味 而且口感軟腍?
如果鍾意食叉燒嘅 真係要叫增量先得?
配料仲有啲芽菜同玉米旬 就咁都幾豐富
但食拉麵點少得蛋呢?所以加錢要埋味玉(?$15)
.
✨雪碧 & 芬達 (?各$15)
驚碗麵太辣 所以叫咗汽水解辣?
叫咗中辣中麻，佢辣嘅程度比其他地方低
連譚X嘅小辣程度都未到
叫咗最平個碗$90，唔使加任何野都非常飽
味道不過不失
?鬼金棒 (尖沙咀)
鬼金棒係一間日本過江龍拉麵店??，佢個名其實係代表着日本嘅狼牙棒武器，餐廳嘅裝修主題都係偏暗黑風格?，好有特色！鍾意食辣嘅你哋一定要嚟挑戰一下，因為佢哋有死神級別嘅麻辣湯底??，不過我就唔係好食得辣啦，所以交俾你地挑戰啦！
????? ???????:
▪️增量叉燒辣麻味噌拉麵 ($115)
呢碗選擇咗中麻中辣，食落非常過癮，?係我嘅接受範圍之內。而味噌味道非常香濃，唔會覺得太過鹹。增量叉燒可以話係佢哋嘅鎮店之寶！?叉燒係慢火煮成嘅，份量好多，肥瘦均勻，脂肪充滿油香，而且好厚肉！?食落肉質夠晒柔軟，仲好入味添！拉麵嘅口感好好，爽口彈牙得黎又夠晒煙韌，非常出色！
▪️味玉辣麻味噌拉麵 (+增量叉燒) ($135)
成日都覺得食拉麵一定要配糖心蛋，所以就揀左呢個味玉拉麵啦！?蛋唔算非常流心，但係都好正！呢碗就加咗增量叉燒，果然份量十足！?湯底同樣非常濃郁，食得辣嘅話下次可以試吓鬼增級！?唔食得既話都可以選擇無麻無辣，自由度超高~
▪️信州白葡萄梳打 ($35)
▪️芬達 ($15)
???????:
?尖沙咀金馬倫道20號地舖
G/F, 20 Cameron Road, Tsim Sha Tsui