睿和牛燒肉
營業時間
服務選項
外帶
內用
無障礙程度
不支持無障礙停車場
產品/服務
小菜
烈酒
酒精飲料
啤酒
葡萄酒
用餐選擇
午餐
晚餐
餐飲服務
設施
洗手間
氣氛
環境舒適
客層族群
適合團體
規劃
接受訂位
付款方式
信用卡
睿和牛燒肉 的菜單價錢、相片和推薦菜色
「看星星，一顆兩顆三顆四顆，連成線。」
靜望星空，遠觀天際，或者係煩囂既都市生活中，
唯一可以尋找到一刻既寧靜。咁係咪姐係要去下郊外、
離島？咁又唔洗，近近地由銅鑼灣行去大坑，
都足以令你有一晚舒舒服服既感覺。可能你會覺得
洗唔洗去到咁偏僻呀，但你咁諗實在太天真。
事關其實地理位置上，呢個地方絕對係好就腳，
所以今晚黎到呢間「睿和牛燒肉」黎食返一餐
和式盛宴，而呢間餐廳係同隔離「睿居酒屋」
互通，一條龍試勻哂燒肉、刺身、壽司、串燒，
絕對夠哂方便呀！👇
–
📌枝豆 – $20
👉簡單既一枝豆做前菜，但內裡既心意非常到位。
平人食開都係以鹽煮，但呢到既老闆堅持用鰹魚
醬油令每條枝豆都相當入味，呢樣係欣賞既！
–
📌火炙安格斯牛肉沙律 – $188
👉呢款沙律特別之處係利用清新既沙律菜做底，
再擺放以火槍輕灼牛肉表面，大概去到五成熟左右，
配上微微帶酸既醬汁，一齊撈勻。成個口感變得非常夾，
牛肉入口嫩滑，仲保留到肉汁，質感岩岩好，相當好食！
–
📌薄切伊佐木刺身 – $188
👉我地揀左平時好少會嗌既伊佐木刺身，黎到既時侯
見到賣相就知道師傅既刀功唔錯。每一塊刺身薄切
細膩如一，色澤均勻、晶瑩透亮。而入口亦有驚喜，
唔會話魚味偏淡，反而鮮甜有咬口，帶陣陣油脂香味。
配上柑橘醋汁，完全唔需要額外既醬油調味，食得過。
–
📌特上雜錦壽司拼盤10貫 – $588
👉食得刺身如果無壽司硬係爭咁d既，呢個10貫壽司
拼盤就滿足哂我既慾望。當中包括時令既牡丹蝦，
非常新鮮，入口爽甜就基本啦；赤貝鮮甜肥美，
真係食極都唔厭；墨魚亦都唔錯，比我想像中更加
有煙韌有咬口；帆立貝新鮮份量巨大，口感一流；
深海池魚作為我最愛既白身魚之一，口感爽滑清甜，
不油不膩；開始輪到相對較濃味既油甘魚腩味道甘香，
油脂入口濃郁，唔錯；左口魚邊質感厚身，
魚味香濃彈牙；中拖羅顏色粉嫩，魚香岩岩好，
肥瘦適中；大拖羅入口既天然油脂非常豐富濃郁，
質感肥美，真係食完返尋味；最後既燒鰻魚壽司
Size就夠哂長啦，賣相非常靚仔，食落亦唔錯，
燒得嫩滑有彈性，好食！
–
📌塩燒日本銀杏 – $88
👉以原粒連殼燒既銀杏，師傅咁做主要係想保留返
銀杏本身既水份，咁樣燒完出黎食既時侯就唔會乾身。
而銀杏得金黃無苦澀味，食得過！
–
📌串燒 –
▪ 白鱔 – $68
▪ 厚燒牛舌 – $58
▪ 珍寶多春魚 – $58
▪ 芝士免治雞肉棒 – $48
▫ 白鱔當然係其中最重要既串燒之寶啦，呢到燒得
皮脆肉嫩，咬落啖啖都係肉。調味適中，鹹鮮味豐富，
好食；牛舌果然夠份量，每塊都係夠厚身，食落肉質
爽滑有咬口，牛香味亦好出；珍寶外春魚燒到金黃
帶少少焦香，魚肉滑溜結實，完全無得輸；
最後雞肉棒用雞肉配加埋雞軟骨製成，經芝士燒過
變得更加濃香，沾上生雞蛋一齊食，更加滑溜。
–
📌雜錦天婦羅 – $288
👉識嗌既一定要嗌雜錦天婦羅，當中唔少得炸蝦、
炸南瓜、炸舞茸菇、炸魚柳、炸蕃薯。師傅處理
每樣炸物既生熟度都岩岩好，炸漿夠薄，
食落唔會太油，食得過！
–
📌木魚花蜆湯 – $40
👉肥美多汁既蜆肉配上清酒、昆布、木魚花一齊煮，
蜆肉食落啖啖清香，質感嫩滑煙韌。成個蜆湯鮮甜
中帶淡淡既海水味，值得一試！
今晚同朋友遊車河, 剛巧遊到大坑一帶, 雖然唔係旺區, 但有唔少食肆小店, 就泊好車嘗試發掘隱世美食。
轉角位一間佈置什有日本居酒屋既餐廳—睿和牛燒肉
店內裝修簡樸, 店員更指出隔離店既睿和居酒屋係同一餐廳, 所以除左烤肉, 更同時可以點串燒、炸物、熱食等等…
細看Menu, 果然選擇不少啊!
【味淋河豚魚干】HK$78
河豚魚干甜甜地, 入口林而不痴牙, 點沙律醬食, 送酒一流!
串燒亦款款驚喜又出色!
【芝士免治雞肉棒】HK$48
免治雞肉棒上既芝士內層為半溶狀, 帶乳酪奶香, 跟免治雞肉棒溶為一體, 雞肉棒內裡有些少軟骨碎增加口感, 點上雞蛋汁食, 正!! 極為推介!
【牛肋骨】HK$88
帶些少咬口, 肉味濃而keep到少少肉汁, 表面有甜甜地既燒汁, 惹味~
牛肋骨$ 88
【照燒羊架】HK$156@2隻
羊架都幾大件, 一刀切時, 有少少血水滲出, 肉質頗嫩又juicy
壽司質素更令人喜出望外!
【吞拿魚三貫】HK$198
分別為拖羅, 中拖羅同赤身
三款都很有份量, 竟為厚切, 飽滿口感同時更食出豐富魚油, 赤身甘香, 而最令人讚不絕口就係肥美拖羅! 入口油香四溢, 勁正!!!
【火灸三貫】HK$188
同樣為厚切刺身壽司, 包括有火炙三文魚，吞拿魚及和牛, 經火灸後, 迫出魚油, 魚油味更加豐富, 配上香蔥, 多點香口; 和牛表面輕輕燒過, 依然嫩紅, 質地嫩亦帶有牛脂香, 超喜歡!
【鹿兒島黑豚紙火鍋】HK$228
紙火鍋中有多款菇菌同埋蔬菜, 湯底清甜, 豚肉為白肉, 入口更加鮮嫩, 烏冬幼滑, 配上胡麻醬一齊食, 味道更加提升!
睿 和牛燒肉*
好朋友住大坑幾年，有好多美食，知我鍾意食和牛，冇得去日本就帶我去隱世小店食燒肉！門面有特色，推門見到人氣爆燈。
枝豆、🦐 蝦
一坐低店員就奉上熱茶和前菜，枝豆吃起來很入味，蝦酥脆可口，美味呀！
深海池魚薄切 $268
薄切深海池魚肉質柔軟，鮮嫩多汁，卷起蔥粒、wasabi 醬一起食，酸辣的味道，清新鮮甜。
吞拿魚三貫 $228
吞拿魚三貫壽司質素也很好，赤身、中拖羅、大拖羅，鮮味十足、入口即溶，質感好嫩滑，魚油充滿口腔，非常美味。
特上和牛盛合 2人前 $988
二人食份量非常豐富，熱烈期待，擺盤漂亮、有層次又有氣勢。店員介紹了特製醬油、椒鹽、味噌醬料，然後我們便開動了。
特上和牛盛合，真係好正：
特選和牛厚切西冷
特選和牛厚切肉眼
和牛三角嫩肉
和牛嫩肋眼上蓋
和牛牛排肉
厚切牛舌
肉色充滿光澤，又靚又肥美，粉嫩肉色，非常誘人！自己燒要小心掌握火候，我會先鎖緊肉汁，兩面燒得有一點點的焦香味，食落去好幸福的感覺。
肉味非常濃郁，油脂感厚，入口即溶，好味到爆！整體肉質不錯，靚和牛我一向喜歡原汁原味，不用沾醬汁也夠好味了！
餐廳細小，座位緊張，氣氛就像日本的和式牛肉小店，比較熱鬧，記得最好訂位。我下次再嚟嘅時候會再試多啲其他菜式，喜歡大坑💕
大坑高質和牛燒肉店
位於大坑安庶庇街, 一間高質和牛燒肉店, 是睿居酒屋之分店, 店鋪相連, 主打日式燒肉、涮涮鍋選用日本頂級A5和牛、每日日本直送刺身壽司、特式日本料理及日本清酒。
凍日本蕃茄配柚子汁 $⁶⁸
水份滿滿的蕃茄, 加入酸甜柚子汁, 相當開胃。
冰頭甘醋漬 $⁷⁸
即是三文魚頭軟骨, 很有咬感, 遇上香橙更絕配。
深海池魚薄切 $²⁶⁸
肉質緊實爽口, 略帶點油香, 魚味濃郁, 味道相當鮮甜。
和風汁煮螺 $⁷⁸
螺肉️爽滑味美, 配上特製和風醬汁, 味道一流。.
日本蠔刺身 $⁹⁸/隻
是岩手縣令和の怪物, 彷彿像手掌般大, 嫩滑鮮甜味道, 再帶點濃厚蠔味。
特上和牛盛盒 $⁹⁸⁸
是兩人前套餐, 非常豐富, 包括特選和牛厚切西冷、特選和牛厚切肉眼、和牛三角嫩肉、和牛嫩肋眼上蓋、和牛牛排肉及厚切牛舌, 全部肉質軟腍, 入口即化, 整體高質, 食肉獸必試!
睿和牛燒肉 (大坑)
📍大坑安庶庇街8號地舖
去咗間好好味嘅日式燒肉店，前菜嘅柑桔醋配海蜇同鱈魚魚竿，刺身同壽司，連個和牛燒肉都係咁高質同新鮮。
今日為左慶祝朋友生日，選擇左好有Feel既大坑橫街餐廳和牛燒肉！
黎到呢邊，店鋪細細，得4張枱，所以一定會BOOk位啊！！
先叫左一個汁煮枝豆，枝豆有汁煮過，入曬味啊！邊傾計邊食岩曬，好快清曬HAHA～～
呢間店同旁邊既居酒屋同一間既，所以食燒肉之外都可以叫D日本料理食既～～超多選擇！！
之後叫左一個牛油果醬吞拿魚沙律，好多牛油果醬啊～～岩曬我呢個牛油果愛好者！吞拿魚都預先有汁撈埋，所以好夠味，同牛油果醬同沙律菜好夾！成碟好快清曬～～
之後就叫D壽司食下先！我地叫左吞拿魚腩，深海池魚，銀鱈魚，蟹籽，帶子。。真係好新鮮既魚味！好似去左日本食壽司既感覺啊！每舊壽司都預先加入WASABI，唔食既朋友記得同店員講！
我最鐘意就係帶子同吞拿魚，鮮味十足～～
終於～～主角燒肉到啦！！我地叫左呢個特上和牛盛合：2人前
有和牛厚切西冷/和牛厚切肉眼/和牛三角嫩肉/和牛嫩肋眼上蓋/和牛牛排肉/厚切牛舌
和牛三角嫩肉係比較油脂重，但食落不會太油膩，因為真係一分錢一分貨～和牛既油脂都係靚油，所以又重牛味！好食～～
和牛牛排肉就係比較薄，肥瘦分佈均勻，入口即溶～～
呢份牛舌，事先已經一刀刀𠝹好有紋，所以燒既時候不會收縮得太厲害，食到牛既精邃～
肉眼同西冷就不再話下，肉質軟熟，入口充滿牛既肉香同油香味，點一點點鹽，就十分好味！！
特別要提下，呢到抽風好好，走時不會一身燒肉味～～而店員都好有禮，用心介紹食材同時常加茶～！大滿足！！
食物還可以，但絕對不值這個價錢。 2人份，我們點了壽司和燒烤的混合物。
進入後，我們注意到該區域非常緊湊。我們首先註意到工作人員專用區域相對骯髒，需要好好清潔一下。我男朋友向我保證這可能是清潔區，並試圖讓我放心。
儘管食物看起來不錯，但真正讓我們感到噁心的是，女服務員開始在我們面前剪指甲……
👍🏻前菜
以鱈魚乾，枝豆，汁煮螺揭開序幕。鱈魚乾好香口，薄如薯片一樣，更加可以點上沙律醬！汁煮螺微微的辛口好滋味，螺肉爽彈滑嫩嫩的。
👍🏻刺身
池魚薄片，每片厚薄均一，配備咗酸汁、蔥花同自家製的芥末醬，入口滿腔魚脂香～
新鮮北寄貝即開即上枱，鮮味滿溢，厚嫩得過份，色澤極為透白帶亮澤感；冰頭甘醋漬口感彈牙得黎帶點嚼頭，入口酸度較高，但相當甜美，屬三文魚頭軟骨位置，值得一試；油甘魚腩毫不吝嗇的厚切，魚味好濃；太刀魚經火炙後逼出油分，入口軟腍；燈黃色的日本海膽入口即溶，甘飴萬分。
👍🏻特上和牛盛合 2人前
先要讚揚餐廳嘅融雪解凍做得不錯，而拼盤包裹一共六款：特選和牛厚切西冷、特選和牛厚切肉眼、和牛嫩肋眼上蓋、和牛三角嫩肉、和牛牛排肉、厚切牛舌。全部來自和牛，更係切得有厚度，食落相當滿足。三角嫩肉肉味較香盛，輕燒兩面入口軟淋。牛排肉油花紋理清晰，口感帶嚼勁。嫩肋眼上蓋肉質口感相對上細緻，但不失油脂感！
極上和牛套餐 $1880+10%
前菜三點:有醬油田螺、甜漬車厘茄同埋麻醬豆腐
刺身5點 (2切):有5款,池魚,油甘魚,牡丹蝦,赤貝同埋大拖羅, 赤貝同大拖羅真係好鮮甜好味
燒肉拼盆:特選和牛厚切西冷,和牛牛柳,和牛三角嫩肉,和牛上肩胛肉,和牛嫩肋眼上蓋
厚切牛舌
所有牛肉類都好香牛油味,好有肉味,抵讚個爐火唔算太大,可以慢慢燒,唔會燒燶,而且抽氣叫得好好,唔會焗住焗住
甜品:焦糖芝士蛋糕同蕨餅,芝士蛋糕幾好味
特上和牛盛合高質，好多雪花😋 四個人都好夠👏🏻 另外仲可以叫居酒屋嘅食物，大推鱈魚干 …
大坑一向俾我感覺好神秘，好多隱藏美食等着去發掘!今日見到一間好有日本風味，裝修到好似日本屋咁嘅餐廳😎好有特色!!
前菜
生水母
店員話唔係成日都有，飛機未必送到😚今日我哋好幸運yeah! 頂層有海葡萄，充滿柚子香味，好清新!! 生水母第一次食，口感好爽口，咬落去爽爽聲，好重梅味!
枝豆
里個就平時都會有!!好入味啲枝豆!佢用咗好多鰹魚汁去浸(我估)所以連個皮都入哂味，好高質👍🏼
小食
味淋河豚魚乾
佢上面用咗一類甜甜地嘅醬去燒，好香又甜甜地好食！最正係佢唔會好似普通肉乾一樣好硬，點埋千島醬一流呀！
西京燒銀雪魚
Wahh上嘅時候熱辣辣!我哋趁熱食個皮好脆🤭而且好多魚油攻出黎!好食😋仲要好靚咁有啲沙律菜拌碟!好吸晴！
刺身組合
我地叫咗大拖羅 牡丹蝦 白海鯛 深海池魚 海螺 子池魷魚🤤
其中大拖羅同白海鯛係最肥美!!建議最後先食，可以將aftertaste留耐啲👍🏼海螺爽甜！牡丹蝦好貼心去咗蝦腸，而且超鮮甜，咬落去好彈牙！子池魷魚入面有啲魚春，個味道有啲似腸仔🤣我最鐘意白海鯛🤭唔係度度有得食㗎，仲要係腩位！
軍艦三貫（海膽 灸燒吞拿魚腩 赤身）
海膽係出乎意料地濃味🤩好鮮好食😋灸燒吞拿魚腩就唔算太肥美嘅，但勝在厚切！至於赤身，魚味最濃最香，聞說係最多鐵質添👍🏼健康又好食
串燒(白鱔 牛舌 雞腿肉 雞腎)
店員仲送咗蛋黃for 點白鱔用🤣點咗之後多咗蛋香同口感唔同咗！不過我都係鍾意食脆嘅所以我之後就無咗點啦😝
牛舌超juicy，都有番咁上下厚度好食！
佢將雞腿肉切成細細粒，一啖一口，啱啱好，唔怕失禮！雞腎就一向咁好食🤭
===============
睿和牛燒肉 (大坑)
大坑安庶庇街8號地舖
===============
服務
內用
餐點類型
晚餐
建議的餐點
Assorted Sashimi
隱世居酒屋 服務好
和牛壽喜燒個lunch set超值超好味
淨係去食呢個都抵
和牛係靚牛，我揀左要西冷，勁重牛味
肥瘦平均油脂感剛剛好
另外追加嘅串燒都好食！
壽司幾好，正常發揮
員工都夠細心
整體黎講係一定會再去食
服務
內用
餐點類型
午餐
平均每人消費金額
HK$300-350
餐點：5
服務：5
氣氛：4
建議的餐點
Garlic Hot Pot Wagyu Sirloin Steak