一叮燒

高質隱世惹味串燒店🔥

今日放工之後黎到位於筲箕灣既串燒店。串燒店行懷舊風，牆上貼上各種海報，而地點超就腳，一出筲箕灣地鐵站B出口行多幾步就見到。

哩到既串燒有肉類、菜類及海鮮類，仲有啲店舖特色食品，而且店舖菜式會因應季節調整，以確保食材既質素

✨哩到既串燒其中一大特色就係堅持保持食物鮮味，所以大多食材都不經醃製，而且盡量少加調味料，所有海鮮更係當天新鮮送到，所以有啲係限量供應～

🦪海鮮類
蒜香燒扇貝 $48隻
蒜香半殼北寄貝（限量）$60隻
蒜香蟶子皇（限量）$78隻
蒜香鮑魚 $48隻
鹽燒6頭大虎蝦 $88隻
蒜香燒蠔兩隻 $65份
蒜香珍寶蠔 $65隻

扇貝新鮮，充滿蒜香；北寄貝肥美大隻，鮮甜多汁；蟶子皇同蒜香鮑魚同樣新鮮爽彈；六頭虎蝦大大隻，肉質彈牙；燒蠔採用日本蠔，肥美新鮮；而西班牙大蠔超級大隻，真係成隻手掌咁大，入口完全食到食材本身既鮮甜，超級好食，超推薦👍🏻

✨哩到既串燒另一特色就係全部係店主手工串製，而且所有雞製品全部都係採用無激素系列。

🥩肉類
脆口雞軟骨 $18串
日本雞皮 $18串
雞腎 $18串

雞軟骨同雞皮同樣香脆惹味，而雞軟骨既size更係比坊間其他店舖既大粒；雞腎保持爽脆。

🐟特色類
魷魚一夜干 $75份
炸豆卜6粒 配蒜泥鹽汁 $22份

魷魚一夜干好咬香口，炸豆卜配蒜泥鹽汁相當夾，兩樣都好岩送酒。

🍹飲品
哩到有好多來自台灣、韓國、日本既手工啤酒，餐廳會定期轉換不同產地及牌子，黎緊會入英國既品牌。不過今次我無飲酒，揀左完熟白桃梳打同富士山柚子汁，兩款都香甜解渴。

整體黎講，店舖既串燒選擇多樣，而且食材超新鮮，係我食過既串燒店入面，質素真係數一數二咁好，鍾意食串燒既話，都好推薦去哩間串燒店試下。

同女朋友黎過幾次真心唔錯
串燒幾好味🤤尤其係汁燒雞翼同雞皮
D西班牙蠔都好飽滿
手工啤都有唔少選擇
小店黎講性價比好高👍
服務
內用
餐點類型
晚餐

朋友推介我嚟一叮燒，話呢到啲嘢食同啤酒好正🤓 今日老遠嚟試下係龍定鳳🤣 果然有驚喜‼️驚喜在手工啤同海鮮🦪

老實講我平時就唔飲啤酒嘅，但朋友話係必試，因為市面上好少買到🥹 我問老闆有咩好推介係易入口🤓 佢推介我台灣手工啤@苗栗草莓啤酒 $48，聽到士多啤梨🍓都驚係藥水味，但佢原來係草莓鮮榨成汁，所以真係好好飲😳 好易入口🥰 仲有同牌子@台北熊讚蜂蜜啤酒 $48 都好好飲！仲要唔貴‼️女仔嚟到都可以楂住支酒過下癮🍻

好多地方食燒烤類食物變咗食孜然粉、調味料嗰啲，但係呢到你可以食到海鮮嘅鮮🦪 見到嗰餐牌海鮮類好似都唔平，但食落真係覺得好抵🤤

蒜香燒蠔(2隻) $65 & 原味/蒜香珍寶蠔 $65/隻 – 普通蠔嚟自日本🇯🇵，而珍寶蠔係西班牙🇪🇸，其實佢普通蠔都唔係縮水蠔，都已經好大隻，珍寶蠔係佢double咁大😂 女仔/中意一啖食落去應該會中意普通蠔多啲，價錢都親民啲🤓 呢個絕對係必食之選‼️仲要嗌半打只係$168(28/隻)‼️

蒜香聖子皇 $78/隻 – 佢好有良心，如果啲聖子唔夠大，佢唔會返貨🤓 就算自己去街市買都真係好少可買到咁大隻😍 可能”相”反映唔到，但真係好大隻😍 啖啖肉😍
北海道扇貝 $48/隻 – 調味適中，火候啱啱好，都值得一試
魷魚一夜干🦑 $75/份 – 好多地方食魷魚都咬到牙都軟埋，呢啲燒完有口感之如，仲要軟嘅😍 一邊送酒一邊飲啤酒🍻真係好正😎

佢啲海鮮真係好值得食☺️ 山長水遠嚟到食都真係抵😍

價錢經濟，海鮮新鮮，地方略細
服務
內用
餐點類型
晚餐
平均每人消費金額
HK$200-250