天虹養生餃子店

好耐無嚟東大街搵食，今次專登嚟試下呢間近排有唔少好評嘅「天虹養生餃子店」。餃子平日就食得多，但係以七色彩虹做賣點就不常見。

原來餃子皮是選用了七種天然嘅蔬果顏色萃取而成，再精選配搭了七種不同口味嘅餡料，既健康又養生，而且最重要就係所有餃子都無不添加味精及人造色素，讓人吃得安心。鮮艷的色彩異常吸引，創意無限有睇頭！

紅餃=紅菜頭 (玉米豬肉蘑菇餃子)
橙餃=胡蘿蔔 (木耳豬肉椰菜餃子)
黃餃=薑黃 (甜咖哩沙葛雞肉餃子)
綠餃=菠菜 (雞肉雞蛋芹菜餃子)
藍餃=蝶豆花 (合掌瓜豬肉菇片餃子)
靛餃=梔子 (魚肉涼薯豬肉餃子)
紫餃=紫薯 (韭菜豬肉紫菜餃子)

朋友帶我黎呢間餃子舖，位置確有啲難揾😅我相信唔係老街方都幾難揾到黎😔不過唔緊要，好食嘅野就算係難揾啲都唔會咁易令人放棄嘅！

餐廳價錢都幾大眾化，一啲都唔貴，好抵食。

今日唔係好肚餓，所以叫左七色餃子試吓🤗淨餃子，每款一粒，都只係$38，計返都只係$5左右一粒🤔都幾抵食，而且個湯底仲好好飲。

紅色🥟係用紅菜頭整成，餃子皮沒咩特別味道。餡料方便，粟米嘅香甜味好突出，應該係用新鮮粟米先做到呢個味道，伴隨小小蘑菇嘅香味。紅餃係7款里邊，我第2鐘意嘅味道。

橙色🥟係用紅蘿蔔整成，皮自帶香甜味，椰菜做餡嘅口感唔錯，而且餡料都幾多。

黃色🥟係用黃薑整成，自帶獨特香氣。餡料幾獨別，係用日式咖哩做調味，再配沙葛、雞肉做餡料，口感同味道都好夾。係我最鐘意嘅頭三甲之一。

綠色🥟係用菠菜整成，餡料主要係芹菜。我個人覺得幾好味，鐘意香芹味嘅朋友應該會好鐘意，相反就可能就唔太啱食😅因為芹菜嘅香味…真係幾個人…

藍色🥟係蝶豆花加工上色，餡料主要係合掌瓜同豬肉。佢榮登我心目中嘅榜首，真係好驚喜！

靛色🥟係槴子加工整成，我最估唔到槴子本身係黃白色，點解可以整出黎變左靛色🤔🤔🤔好神奇！呢款我個人就麻麻地，可能因為我食黃餃后食，覺得味道比較淡。

紫色🥟係紫薯整成，自帶好淡嘅微甜味。韭菜比例很多，新鮮、味道香濃👍🏻好味！

色彩繽紛 | 可愛🌈彩虹餃子

今日去筲箕灣東大街搵食，思思突然間話見到彩虹🌈好靚，原來係一間新開用彩虹🌈做主題餃子🥟店。咁特別我哋梗係要試下啦！

店舖裝修 地板塗上彩虹🌈，天花是藍天☁白雲，令人心曠神怡。主打七色餃子🥟，由不同🥕🥬蔬果🥑🍏打成汁做顏料製成餃子皮，天然純正無添加，七種顏色併成美麗彩虹🌈 。

❤紅：紅菜頭 有助抗癌降血、解毒保肝、抗氧化

🧡燈：胡蘿蔔 有助增免疫力、益肝明目、延緩衰老、護肝潤腸、祛斑護膚、防癌抗癌

💛黄： 薑黄 有助制發炎、抗氧護心、降固醇、預防糖尿、降低血脂、防癌抗癌

💚綠：波菜 有助增強抗病力、營養豐富、抗缓衰老、改善貧血、通腸利便

💙藍：蝶豆花 有助抗氧化、增強記憶、治療 焦慮、鎮静解鬱、抗炎護膚

❇靛：梔子 有助降低血壓、清熟降火、護肝利膽、止血消腫

💜紫：紫薯 有助增強免疫力、抵禦疲勞、降低血壓、保肝利便、補血養生、防癌抗癌

食材有不同膳食功效，滋陰養生降血壓， 各適其適！呢排開party 🥳成日食咁多煎炸和生冷嘢❄ ，啱曬我哋！餃子🥟方面，可要齊七隻顏色或自行選擇喜愛款式，十分貼心！

彩虹🌈餃子🥟 色彩繽紛賣相吸引，口感煙韌，皮薄餡料多汁，食材天然👍🏻，確係健康 膳食😋之選。見到招紙推廣，而家做緊 $39 包餃子、主食🍜和飲品🥤，價錢實惠🤩cp值高！