驚安燒肉商店(Gekiyasu Yakiniku)
營業時間
| 星期日 | 12:00–00:00 |
| 星期一 | 12:00–00:00 |
| 星期二 | 12:00–00:00 |
| 星期三 | 12:00–00:00 |
| 星期四 | 12:00–00:00 |
| 星期五 | 12:00–00:00 |
| 星期六 | 12:00–00:00 |
服務選項
外帶
內用
產品/服務
小菜
酒精飲料
啤酒
用餐選擇
午餐
晚餐
餐飲服務
甜點
設施
洗手間
適合兒童
氣氛
環境舒適
客層族群
適合團體
規劃
接受訂位
付款方式
簽帳金融卡
NFC 行動支付
信用卡
「決定我心情…好似播放梗出色嘅Vinyl。」
等我話你聽人既心情係好決定你既胃口，
即使明知間餐廳好正，但同時你著緊既反而
係同邊個去食，睇坐你對面果個係邊個。
講真食餐飯，你估真係純粹至在食野咩？
果一兩個鐘咪又係吹水佔大部分時間，
所以同對的人做對的事咁就實無死。
試下即刻約埋班Friend去尖咀新開既
平民燒肉店「驚安燒肉商店」，
你就會明我講咩！?
–
?牛 類 –
▪ 九 宮 格 燒 牛 盛 合 – $288
▫ 黎到新店一定走唔甩最經典既「九宮格
燒牛盛合」，無辦法之前試過一次覺得幾
好高質，食過返尋味。一次過食到九款
精選部位，包括頂級牛小排、厚切牛舌芯、
A4和牛三角。呢幾個部位食落特別爽彈，
牛味最重，當中牛舌芯份量十足，相當抵食；
而另一part主攻黑毛牛仔骨、汁燒護心肉、
一本壺漬牛肋肉、辣漬翼板肉、紫蘇漬
一口牛梅花。主要以醬汁、醃料提昇肉既
鮮味，最鍾意佢個一口牛梅花，份外爽甜，
一啖過相當滋味，整體可謂高質之作。
–
▪ 特 大 薄 切 牛 舌 – $68
▫ 呢個牛舌同厚切有少少唔同，首先以份量
黎講，呢個價錢已經值回票價；而薄切質感
上特別爽脆，而且完全唔韌，真係食唔停口呀！
–
?海 鮮 –
▪ 鮑 魚 – $28/隻
▪ 廣 島 蠔 – $28/2隻
▪ 大 虎 蝦 – $28/隻
▫ 雖然話燒肉係王牌之作姐，估唔到海鮮
亦有睇頭，由自己親手燒，享受住中既樂趣。
廣島蠔燒完鮮味相當突出，食落肉汁豐富，
完全唔乾；鮑魚口感煙韌，唔會好難”趙”開；
大虎蝦性價比極高，啖啖肉夠哂惹味。
–
?飯 類 –
▪ 飯 團 – $18
▫ 整返兩個飯團是常識吧，除左白飯外，
仲食到芝麻、紫菜碎，再拆起獨立包裝既
紫菜，包住一齊食，口感更加豐富！
–
? Gekiyasu · Yakiniku
?尖沙咀金馬倫道48號中國保險大廈3樓C號舖
午市七折
I have to scan with my phone to look at the menu. If you don’t bring your smartphone, don’t go there because no service and menu and you cannot order.
價格合適，食物非常好吃！
????
烷肉皮脆肉嫩，其他食物也好味。
燒肉幾好食
環境舒適，食物新鮮，價格適中，服務熱誠，衹是90分鐘時間用餐太趕，顧得吃忘了傾談，但仍會再去吃的！
午市有7折
試左九宮格燒牛盛合，紫菜月見飯同野菜六盛合
九宮格燒牛盛合：牛肉ok冇太大驚喜，但醃左的三款牛都唔好食，冇牛味醬汁亦過咸。似bbq場的牛肉咁。
月見飯：正正常常
野菜六盛合：還好，偏貴
簡單而言，同普通燒肉店差唔多，唔洗特登去食
愉快的烤肉，趁lunch彈過去一粒鐘，密密燒牛舌，口感爽脆?~~ …
The stove was making noises but the staff said it’s normal. And you need to expect to sit with strangers even though the restaurant is 30% full. Food was decent.
地點在尖沙咀中心地段，離港鐵算近，環境舒適，闊落，抽煙系統很好，室內不會大煙大油，日本和牛 A4 肉眼上蓋，九宮格燒牛盛盒，紫菜月見飯，柚子漬雞肉山，芝士年糕 配煉奶（這個好好味?），全部都唔錯，中午所有食物有七折，就抵食好多，晚上沒有折扣。。。。（中午先來唷???） …
a relax restaurant with good price especially at lunch time
新店到訪?
人氣九宮格，可以品嘗九款不同的肉品，賣單有七折好抵食 …
高質抵食日式燒肉 開張7折優惠 啤酒買一送一
– 九宮格牛肉 ($280) ? 九種唔同品種嘅牛肉 有啲原味 有啲醃咗醬汁 各式其式 燒起上嚟 色香味俱全 食落超滿足
– 虎蝦 ($28/隻) ? 蝦肉爽脆鮮甜 保留咗食材嘅原汁原味 香口
– 芝士蠔 ($28/两隻) ? 熟嫩嘅蠔身 沾上軟糯嘅芝士 簡直芝味無窮
– 雜菜 ? 菜品新鮮 如果火喉掌握適宜 外脆内軟 味感清新 同肉類一流配搭 再配上Sapporo 生啤 ($48)? 買一送一 夫復可求
– Beef nine ways combo ($280) ? this combo has nine cuts of beef, some original and some with their house sauce, these high quality cuts are super satisfying on the grill
– Prawns ($28/pc) ? these prawns are huge and fresh, with a mild sea salt taste
– Cheese oyster ($28/2 pcs) ? the oyster flesh is soft and tender, and it goes well with the melty cheese
= Mixed vegetables ? a wide variety of fresh vegetables, it’s crispy on the outside and soft on the inside, great to cut through the meat. goes well with the refreshing and light BOGO Sapporo beer ?
??九宮格盛合
包左9款高質素既肉類：A4和牛、Prime牛小排、安格斯牛仔骨、厚切牛舌腩、薄燒頂級肉眼、汁燒護心肉、生薑燒骰仔牛梅花、壺漬牛肋肉、芫茜辣漬小牛扒。
厚切牛舌腩油花滿滿，食落帶有好重既油脂香。A4和牛建議食得生既朋友可以唔洗燒太耐，食落會更多汁而且帶有好濃郁既牛味。
醃肉既醬汁不會太鹹，而且醃得好入味。芫茜辣漬牛小扒跟得上而家個股芫茜風，不過食落都無咩草青味。生薑牛梅花薑味幾出，肉質亦都好淋。
??燒活鱔串
上枱嘅時候睇唔到佢嘅油花，到放上爐就感受到佢既油滋滋。由於好搶火，所以燒嘅時候要轉多幾下，避免魚皮痴左落鐵盤！自己燒出嚟嘅鱔的確魚香香盛！
??黑松露漬雞肉山
好少食到黑松露配雞肉嘅配搭，雞肉先用黑松露浸過，所以肉質已經有好濃香既菇味，雞肉好嫩亦不失爽口。而且$38有呢個份量的確誇張！
??日式味噌黑豚五花
有肉有雞當然要加多一份豬，亦都因為餐廳嘅醃料味道選擇繁多，所以想試多幾款醃肉 。黑豚五花一層厚厚既肥豬肉好邪惡，但好爽口！
?? 紫菜月見飯
價值$28好高性價比！生蛋加上海量紫菜飯素，再撈上特製醬汁。甜甜、香香、脆脆，仲可以加入滿有油花既牛肉，多一份滋味！
???? 餐廳抽風系統做得好好！食完都無咩油煙味。
? 記住由淺色燒到深色，由淡味到濃味。
食物新鮮。服務好
環境衛生
食材新鮮
食完身上沒有油煙味非常好
筲箕灣人氣燒肉店於尖沙咀開咗新店啦?
地方闊落，選擇多，價錢親民，九龍人有口福啦??
九宮格燒牛盛盒?
係店內王牌，一次過可以試勻9款唔同口味同部位嘅牛肉
分別係牛小排，辣漬翼板肉，一口牛梅花，牛小排，A4和牛三角，牛護心肉，肉眼，厚切牛舌同果漬牛肋條
樣樣都有啲，夠晒豐富，最啱晒心大心細/有選擇困難症嘅朋友，咩都可以試下，唔流驚食唔晒?
厚切牛舌厚度十足，肉質柔軟，細嫩爽彈，口感一流?
頂級牛肉眼壽喜燒?
肉眼好大塊，份量十足，油脂分佈均勻
輕輕一燒再點蛋黃同黑松露壽喜燒醬汁，入口嫩滑，味道香甜帶黑松露香，好惹味
廣島蠔2隻?
蠔肉飽滿， 口感滑溜，入口蠔味濃
燒活鱔串?
鱔魚厚身肥美，外脆內軟有魚汁，爽彈香口
菠蘿串?
入口無渣，甜美多汁，解膩一流
秋葵?
色澤翠綠，軟嫩清爽，脆口又解膩
一口甜薯串?
的骰小巧，入口綿滑粉糯，味道香甜
CP值超高，鍾意食燒肉嘅朋友快啲約埋三五知己去吓啦?
?????????? ???????? ????? ?? ???? ?????? ?????? ??? ?? ???? ??? ????! ??? ??????? ?? ?????? ?? ??????????? ?????? ???? ??? ????? ?????? ?? ???? ??? $288 ???? ??? ????? ???? ???? ????????? ???? ?? ???? ??? ???????. ?????? ???? ?? ?????????? ??????. ???? ?????????? ????? ???????
.
終於試到驚安燒肉商店啦? 之前一直聽人講啲牛靚又抵食，但筲箕灣真係好遠，尖沙咀新分店夠晒就腳～ 必點既有九宮格盛合，A4和牛同厚切牛舌腩勁多油花，食落真係成口都係油脂香? 另外仲有啲醃肉，生薑牛梅花、汁燒護心肉、芫茜辣漬牛小扒、壺漬牛肋肉等等；另外壽喜燒都係切點，三大塊頂級肉眼，燒完點埋佢個松露壽喜燒肉，成個味道昇華哂！雞肉山大大碟堆到咁過都係38蚊，不過調味清淡啲，可以點返佢哋本身提供嘅三種醬～ 其他嘢食都唔差，每樣都係十幾廿蚊可以每樣叫啲嚟試吓，不得不提嘅係佢哋抽風系統好好，食完個身一啲油煙味都冇，依加新張期間仲有七折好抵食！
食物新鮮，可惜限時只有90分鐘很趕。
食物新鮮
4百幾蚊食飽兩個大人。雞肉山好抵食一定要試
好耐都冇食燒肉啦??
今次黎到尖沙咀既驚安燒肉商店，聽聞cp值好高，所以都好期待～～
而家午市仲有7折優惠，好抵食❣️❣️
–
?九宮格燒牛盛合 $288✨
呢個九宮格係必點的????
每格有唔同款牛肉，分別係黑毛牛小排、辣漬翼板肉、一口牛梅花、prime級牛小排、A4和牛三角、牛護心肉、肉眼、厚切牛舌及果漬牛肋條～～相當豐富，款款都咁好味??
而當中厚切牛舌係我既至愛❤️❤️
食落肉脂味十足，軟腍有口感，仲好juicy！！
–
?特大薄切牛舌 $68✨
食完厚切，我仲叫左碟薄切牛舌！！估唔到份量咁多，仲好大碟??
雖然係薄切，但都好有口感～～
燒到個邊微焦就最正，好香口❣️❣️
–
?柚子漬雞肉山 $38✨
呢個雞肉山都好抵食！！
大大舊雞肉，肉質嫩滑，仲有d柚子香??
–
?日式味噌黑豚五花 $68✨
五花肉肉質肥美，醃料甜甜地，好入味～～
差唔多一個人食哂成碟??
–
?飯團(+蟹膏) $20✨
第一次燒飯團，原來將飯團燒到個面脆脆地就食得??
咬落好香口，加埋蟹膏更加惹味～～
–
?芝士年糕 $28✨
呢個芝士年糕都唔錯！！燒到金黃色之後就食得～～
口感外脆內軟，內餡係鹹香芝士～～點煉奶食好好味❤️❤️
–
?紫菜牛肉汁飯 $24✨
碗飯面頭鋪滿紫菜～～裡面就有飯素同牛肉汁，撈勻之後好送飯????
–
?日本忌廉泡芙(4粒) $12✨
最後一定要食埋甜品先夠滿足??
我地叫左奶油味泡芙，食落好creamy，入口即溶，好正～～
–
飲品方面，我地就叫左柚子梳打($28)同青檸菠蘿梳打($28)～～2杯梳打都大大杯，十分解渴??
港島吃貨系列? — 驚安燒肉商店✨ 又一間必食嘅燒肉良心店?
#90cp黃店篇? #90cp銅鑼灣篇 #90cp日本篇
➖➖➖➖➖
三月底嗰陣時咁啱放假 結果就搵咗呢間開咗冇耐嘅燒肉店試吓佢? 點知又真係幾正 除咗牛角之外大家有多一個選擇?
美味指數 ?: ⭐️⭐️⭐️⭐️
環境指數 ?: ⭐️⭐️⭐️⭐️
服務態度 ???: ⭐️⭐️⭐️⭐️⭐️
翻兜指數 ?: ⭐️⭐️⭐️⭐️
(五粒星為滿分?)
✨ 九宮格燒牛盛合 $288
呢個基本上係必定要試? 一次過滿足晒你九個願望 可以試到九種唔同嘅牛肉? 當中小編最記得嘅係以下嘅三種?
? 牛舌 (老闆話呢個係稀有啲嘅)
的確冇出邊嗰啲牛舌咁鞋 而且牛味好出?
? 牛三角
呢個應該係出邊omasakea 先至會比較常見嘅部位? 店員建議我哋喺網邊燒 佢嘅油脂分布都好靚 食落都非常淋 唔錯?
? 橫膈膜
呢個嘅肉味相對冇咁出 不過點左燒肉汁之後就真係非常出色 係異常地夾? 佢仲有另一隻青檸汁 點燒牛肉食都係唔錯 食落好清新特別?
除咗呢個九宮格之外 我哋都亦都叫咗一份柚子汁雞肉山 ($38) 同埋一份特大薄切牛舌 ($68) ? 佢哋嘅份量一啲都唔小 如果大家你想散叫嘅話個人都覺得算抵食?
? 紫菜月見飯 $28
呢個基本上係牛角飯嘅翻版? 不過佢嘅醬汁比起牛角飯多 食到最抵可能會有啲鹹 建議大家盡力撈勻先好開始食?
? 芝士年糕 $28
店員推介之下叫咗呢一個芝士年糕 同樣地都係要燒一燒先嘅? 佢中間嘅芝士味係非常之濃郁 配搭嘅醬汁係煉奶 可以話係邪惡到極點? 對於小編嚟講 佢口感好似就略嫌有啲粗鞋 而且芝士味好似多得滯? 不過當作甜品來講都真係值得一試嘅幾特別??
?Total: $464
✅ 個人覺得其實散叫都抵食嘅 佢啲嘢都算大份 加上我食過排三月底午市仲有7折 真係抵到爛? 另外佢嘅店員服務態度都非常出色 又或者可能咁啱我食嗰個時間冇乜人 佢哋都好主動過嚟介紹?
?溫馨提示?大家嚟之前可以睇吓有冇折頭? 同埋如果大家有心想嚟食晚市 真係一定要book!! 因為聽店員講晚市好似已經full到7月黐孖筋?
???日式燒肉店??#黃店 ?
–
??九宮格燒牛盛合??288
• 厚切牛舌腩
• A4和牛
• Prime牛小排
• 安格斯牛仔骨
• 薄燒頂級肉眼
• 汁燒護心肉
• 生薑燒牛小扒
• 壺漬牛助肉
• 芫荽辣漬牛梅花
??黑松露漬雞肉山??38
??黑松露牛油果沙律??（?尖沙咀店限定✨）?38
??野菜六盛合??58
??鵪鶉蛋串??12
–
覺得呢間啲肉類都幾抵食 九宮格啱晒我呢啲選擇困難症嘅人 次次叫朋友揀食咩但最後個波都係比返我?
A4和牛油花分布平均 牛舌冧得嚟幾彈牙 醃肉汁味啱啱好唔會搶咗牛嘅鮮味?
雞肉山真係山咁高有好多舊?肉質都嫩滑不過覺得黑松露再以再重手少少?
反而個沙律嘅黑松露就好夠味 分量啱啱好 而個野菜六盛合我就覺得少咗啲?
–
埋單每人二百幾覺都幾抵 因為通常食呢啲單點都好易叫好多食好貴 但佢啲肉都幾大份幾抵??用手機落單??而且上菜都幾快?
〰️〰️〰️〰️〰️〰️〰️〰️〰️
驚安燒肉商店 (尖沙咀)
?尖沙咀金馬倫道48號中國保險大廈3樓C號舖
?#7eating尖沙咀#7eating黃店#7eating日本菜#7eating筲箕灣
食物質素不錯。牛九宮格可以合理價錢試盡牛不同部位，外加環境舒適。可謂價廉物美！
性價比超高日式燒肉店 要Encore?
終於有晚市堂食！第一晚就去食燒肉，我地四人一枱叫左好多款肉?太多款喇我講返幾樣深刻啲既?
?九宮格燒肉盛盒$288
相當吸引嘅九宮格，擺盤啱晒打卡?第一次黎就梗係要試吓啦?不過呢一路燒嘅時候有幾款都唔知係邊隻肉，如果有個牌仔寫返就好啦，好食嗰啲就再encore！印象深刻嘅有厚切牛舌腩?質感好正?生薑燒骰仔牛梅花同壺漬牛肋肉都好入味?
?特大薄切牛舌?$68
比起其他燒肉店，佢份量真係超多，好大碟，牛舌愛好姐必點！不過始終係厚切好食好多?
?汁燒護心肉$72
?日本A4和牛西冷$168
脂肪分布幾靚?食落好軟淋，小心唔好燒過龍啊?
?柚子漬雞肉山$38
超大份嘅雞肉山，個人覺得真係抵到癲?我地四個人每人都食到幾舊?雞肉相當嫩滑，唔需要點醬汁都夠味！
?豪州和牛大腸$48、和牛第一個胃$48?
內臟系列，脂肪比較多，我自已就嘛嘛咁肥，試一次就夠?
?紫菜月見飯?$28
味素加咗日式醬汁同埋蛋，撈埋超好食?
比起其他日式燒肉店，今晚既燒肉相當高質，性價比超高，叫咗勁多款肉，又一人一杯嘢飲，每人大約$300，好正，呢間絕對要再嚟?裝修又好似日本咁☺️另外要讚下店員服務好好??話說坐低無耐睇緊menu個陣，聽到隔離枱個男人好似飲醉酒咁講野又大聲又無禮貌，店員主動問洗唔洗調位，驚我哋覺得太嘈俾左角落頭間房俾我哋，好貼心???
?#驚安燒肉商店 (#尖沙咀美食)
尖沙咀金馬倫道48號中國保險大廈3樓C號舖
? Nice lunch experience with friendly & helpful staff. It is renounced with beef but I don’t eat beef so can’t comment on this but others said its nice. I like the scallop & rice most. Chicken portion is huge.
The restaurant is spacious and quiet during my visit.
Happy 🙂 ?
Good value great taste
筲箕灣的人氣燒肉店激安燒肉工房早前終於在尖沙咀開設分店，「激安」在日文中意指價格非常便宜，而顧名思義這裡的燒肉亦以價廉物美作招徠，絕對是連鎖燒肉店以外的不二之選。
餐牌上有超過十款牛類選擇，九宮格燒牛盛合 ($288) 就已經包括日本A4和牛西冷、厚切牛舌芯、Prime牛小排、黑毛牛仔骨、生薑燒小牛排、汁燒護心肉、壺漬牛肋肉等九種，可以淺嘗滿足三心兩意。
黑松露漬雞肉山 ($38) 以黑松露油醃得相當入味，黑松露味濃郁之餘雞腿肉嫩滑多汁。
另外點了兩款驚安推介款式，特大薄切牛舌 ($68) 雖不及厚切牛舌芯口感豐富但同樣油香四溢。
日式味噌黑豚五花 ($68) 肥美豐腴，加上味噌鹹中帶甜油而不膩。
食物質素有驚喜!
正正常常 拼盤不錯
早排爆左一輪瘡，好返就食個燒肉賀一賀佢
九宮格嘅排場相當熟口熟面，今次豪少少就食個和牛餐！
一向食飯都有選擇困難症，呢款九宮格就啱哂我啦～
我去嘅時候有$288 同埋$588兩款擇，
因為未食過另一款，就難以將兩個餐作出比較，
九宮格上菜時店員未有解釋應該邊款開始食，
??我就胡亂燒燒就好??
和牛牛肉非常嫩滑完全無筋膜，油脂分怖平均，
有幾種就重油香，另外有幾款肉味比較重
因為無要求店員介紹個九宮格邊款打邊款，
基本上除左牛舌我真係分唔出食緊邊個位⋯
不過食食吓嘅時候諗起去日本食和牛會蘸蛋液，
就突然間覺得如果有就好啦～
牛油蒜蓉金菇& 淮山份量頗多，
金菇個蒜蓉超級多，我驚變口臭仔就自減左一半蒜蓉，
淮山係巨大厚切版，其實燒淮山真係好好食，
呢樣嘢好食之餘重對身體好，我每次見到都必點！
而燒活鱔串就較遜色，鱔有點泥味，
而且調味單調，除非真係好想食，
否則一律建議不點～
環境好 味道佳 服務不錯 價錢可以接受
服務態度十分良好，店員有禮貌，
幾乎沒有油煙味，烤爐上的抽風系統很強勁。午市食物七折，好抵食。而且食物質素高。推薦！
驚安燒肉商店 Gekiyasu Yakiniku @ 尖沙咀 Tsim Sha Tsui
?Shop C, 3/F, China Insurance Building, 48 Cameron Road, Tsim Sha Tsui
?尖沙咀金馬倫道48號中國保險大廈3樓C號舖
一路都想試呢間日式燒肉店，見而家做緊午市七折就去試下
和牛九宮格盛合都幾值得試
兩個人食，每樣都可以試下
和牛九宮格盛合 $588
(鹿兒島A4和牛西冷, M9和牛內裙肉, 鹿兒島A4和牛腩, 宮崎A4和牛上蓋, 牛匠岩手A4友三角磚, M9和牛牛舌, 牛匠岩手A5和牛貝肉, A4和牛粒, A4和牛肋條)
厚燒橡果黑毛豬 $68
柚子漬雞肉山 (半份) $28
百香果梳打 $28
Sapporo生啤 $48 (買一送一)
折後$627
Sony A7ii + Sony FE 40mm f2.5G
服務態度好,食物性價比高
豬頸肉幾好食, 但係杯巨蜂乳酸梳打不似預期
Great value and surely tasty ? …
午間時段有7折更底食，食物味道也好，服務也好
Excellent food at this price point.
午飯有7折，抵食。食物質素中上
柚子雞山,燒年糕,好味,正,正,正,好嘢要講三次,性價比高,值得再去
良心小店
個人感覺擺盤係幾靚、份量小，而且質素普通。
❃ 五目九宮格盛盒 $328
第一次嚟咩都想食吓，就叫咗呢個最basic嘅九宮格，有齊曬牛、雞同豬肉～質素我覺得同價錢成正比，牛肉味都重，有啲位會有筋，係腩位會比較軟身☺️另外五花腩調味甜甜哋幾好食，不過超級薄?
❃ 紫菜月見飯 $28
飯好大碗，紫菜量好多，蛋黃好濃郁，食燒肉一定要配飯??
lunch有keep住做7 折優惠，呢度環境氣氛都好好，乾淨坐得舒服，抽風都ok，食完都唔會成身油煙味，staff都好有禮貌☺️
燒肉選擇多多，主角當然是美味和牛，當晚吃得相當滿足。提提港島人，總店設在筲箕灣，不用過海～而兩間店的午餐時段和外賣自取更有7折優惠，燒肉控立即出發！！！
◽️ 五目九宮格盛合 $328
一盒有齊九款肉，適合心多多的朋友仔，油分較多的、肉味較濃的、肉質較厚的通通有齊，大愛鹿兒島A4和牛腩及宮崎A4和牛上蓋，燒一燒立即食得，牛魔王朋友表示相當滿足，其他肉類還有後腰脊肉A4、安格斯霜降牛、壺漬牛肋肉、厚切牛舌腩、Prime牛小排、味噌五花腩、柚子漬雞肉，一個盛合帶來多重滿足，必試！
◽️ 和牛多士 $228
看到相片即刻忍不住落單，上桌令人眼前一亮！以A4和牛配自家製醬汁，五成熟的和牛相當厚，咬下嘗到肉香，吃過油而不膩，還有一點金箔增加華麗感。
◽️ 和牛沙巴當壽喜燒 $148
選用了接近肋骨的部位，油花分佈均勻，由店員席前燒製，將和牛沾一沾壽喜燒汁後置於一口白飯上，建議一口把它吃光，和牛油香在口中綻放，特別將和牛疊了幾層令口感層次更豐富。
◽️ 小牛排 $68
由於有秘醬壽喜燒醬汁，所以特意多點一份小牛排，小牛排牛味重，蘸點醬汁更好味。
◽️ 栗子豬五花 $48
豬五花油脂豐富，帶來滿口油香。
▪️ Sapporo生啤 $48
吃燒肉當然要飲啤油，當天更有買一送一優惠，超爽！
激安燒肉商店是最近食過最好食燒肉店。人氣極高就算係疫情期間都是日日滿座非常之受歡迎，食物高質素好新鮮。唯一缺點就係燒烤爐燒得太慢又限時90分鐘，時間完全不夠，食得好趕，不能夠慢慢享受美食。
我們一班朋友聚會提前了十日預約才訂到枱。地點尖沙咀金馬倫道34號，離地鐵站步行約五分鐘左右。
環境闊落坐得舒適，裝潢古式帶新穎，簡潔型格的黑色作為主調，吊燈散發昏黃燈光，帶出日式燒肉店的熱鬧氣氛。
Scan QR code就可以落單簡單又方便，價格方面大好眾化。除了燒牛肉、豬肉、雞肉外也有燒海鮮，鮑魚、大虎蝦、廣島蠔、活元貝等等，還有日式串燒等等推介美食。
活鮑魚$28/隻 ，上枱鮑魚戳落仲識郁，十分新鮮生猛，肉厚鮮甜無比美味。
大虎蝦$28/隻 大大隻，非常新鮮，肉質爽彈鮮甜。
廣島蠔$28/隻 ，蠔味非常濃，燒完之後雖然有變小，仍然十分肥美。
活元貝$28/隻，鮮甜嫩滑，飽滿多汁厚實鮮甜，分別叫了芝士和蒜蓉，我較為喜歡蒜蓉味道較為惹味。
厚切牛舌芯$78 爽彈口感外，牛脂亦十分豐富，入口即化，肉香十足。
厚燒橡果黑毛豬$68入口肉香軟嫩，吃起來帶甜味。
柚子漬燒雞肉$38，柚子香氣清幽，雞肉吃落口又滑又嫩。
價格相宜的燒肉餐廳，食物分量多，適合喜愛吃肉的朋友。餐廳經常滿座，宜預早預約，用餐時間一個半鐘。
未夠鐘交枱就催人埋單，服務態度認真一般，但食物質素唔算差，只係份量少咗啲，人均$3xx都叫做有4-5成飽，過隔離小食街補返碗粉都ok既。但尖咀食物質素高嘅燒肉店，何知佢一間？點解唔幫襯間服務態度好啲既呢？所以只此一次，永不再幫襯。