晴空日本料理(Seikuu)
營業時間
| 星期日 | 12:00–15:00 |
| 星期一 | 休息 |
| 星期二 | 12:00–15:00 |
| 星期三 | 12:00–15:00 |
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
服務選項
店外取貨
外送
外帶
內用
產品/服務
酒精飲料
啤酒
用餐選擇
早午餐
午餐
晚餐
餐飲服務
甜點
氣氛
環境舒適
規劃
需要預訂
接受訂位
???????????
空sora
煙燻鯖魚
汁燒魷魚
吞拿魚面珠燈
牛油炒大蝦
???????????
前菜：分別有磯煮鮑魚、右口魚。鮑魚煮得好軟腍☺️撈埋鮑魚肝醬一齊食，鮮味upupup，右口魚中間包紫菜再淋上酸汁，酸mimi 幾開胃
刺身：分別有白象拔蚌配松露油同令和之怪物。前者爽口彈牙，後者係生蠔一種，size大過隻手掌，好滑好甜。
壽司6貫+手卷：分別有吞拿魚腩、金目鯛、海鰻、牡丹蝦、右口魚邊、海膽、拖羅手卷。最鐘意食吞拿魚腩、海膽，拖羅手卷手卷，油脂豐富，味道好rich
湯+甜品： 湯係蜆肉湯，食完咁多涷野暖暖胃啱晒。甜品係抺茶roll cake 同抺茶布甸，我特別鐘意個布甸，震騰騰質感好治癒?
除咗omakase, 都可以散叫。。
我地叫咗天婦羅稻庭烏冬、鱈魚乾、汁燒魷魚筒、富士灣小白蝦 share 食?♀️ 烏冬熱辣辣滑dodo, 鱈魚乾好脆口，佐酒一流。小白蝦就爽口彈牙，口感比較清新
有心的日本料理，用心做食材新鮮菜式特別，價格中位服務優良。特別推介秋刀魚刺身及原條燒喜之次，期待下次光顧可以一嚐沙甸魚刺身。另外重點一提午市OMAKASE性價比極高而且價錢平，中午想食餐好啲這個是必然的選擇。
“Lunch Omakase Course”($398)
“晴空特選刺身丼”($178)
尖沙咀韓國街近幾個月開咗間日本料理
聽聞呢道嘅Lunch set幾抵食
所以趁住週末過嚟試吓?
必點嘅一定係Lunch Omakase Course
包咗沙律,茶碗蒸,刺身5点,寿司6貫,手卷,甜品
咁多嘢食都只係$398好抵?
首先嚟咗沙律同茶碗蒸
茶碗蒸超級超級滑?入面都好足料?
刺身5点有活赤貝,間八,油甘魚,拖羅,生蠔?
每款刺身仲有成2件?
其中油甘同拖羅仲會分成普通同炙燒?
一次過食到2種口味真心正?
生蠔大大隻好鮮甜?加上蔥花,醬油味道更豐富
之後就到咗壽司同卷物?
有大拖羅,真鯛,深海池魚,鰻魚,海膽,鮮北寄貝
卷物就係蔥吞拿魚蓉小卷
食得出每款都好新鮮?而且壽司飯好有空氣感☺️
另外就叫咗晴空特選刺身丼?
叫丼飯都會包咗沙律,茶碗蒸同甜品?
呢個丼入面嘅魚生超級多超級豐富?
除咗上面提到嘅刺身
仲有三文魚,蝦,蝶魚,鰹魚?
而下面嘅飯都唔簡單
因為係加咗紫菜,蛋,蟹柳,菇
平時食魚生丼最怕就係下面個飯超dry
今次完全冇呢個問題☺️唔落豉油撈飯都ok?
甜品方面係黑糖蕨餅
配上黃豆粉味道香甜而唔膩
真係十分滿足?
優質食材，廚師很有心思製造每一道菜，會再去
美味。 物有所值。
炙燒魚生飯, 各種魚生有各自的味道, 下面的醋飯亦加了不同的伴菜, 整碗吃下來味道十分豐富.
喺韓國餐廳林立嘅金巴利街竟然有日本料理鶴立雞群? Lunchtime入到去仲要坐滿人，想嚟嘅話book定位就會穩陣啲?
除咗omakase，呢度都有相對平價嘅lunch set，每個套餐都附有沙律、茶碗蒸、味增湯同甜品送?
·
ʜᴋᴅ 140
多款魚生刺身角切後再微微炙燒，三文魚、帶子、甜蝦、吞拿魚、油甘魚、海膽，每樣都有啲?啱晒乜都想試少少嘅人?要讚係佢每款都新鮮，海膽都鮮甜唔苦??以前食過油甘魚腥味重就有啲怕咗，不過呢度就完全無問題?
·
ʜᴋᴅ 160
三文魚、甜蝦、帆立貝、海膽砌得靚靚仔仔? 三文魚仲要係近腩嘅部分所以油脂感好豐富?甜蝦同帆立貝都非常鮮甜?仲有唔少三文魚子，每咬爆一粒都好爽，完全唔腥唔過鹹?
·
用醋汁調味更加清新，酸酸甜甜非常開胃?上面仲洒咗啲炸薯絲，增加咗脆口嘅感覺?
入面混入咗香菇片同瑤柱仔，食到淡淡鮮味，表面仲有一層瑤柱絲同芡汁?
蕨餅洒上黃豆粉，淋上黑糖漿，食到好香豆味?
［尖沙咀］晴空日本料理
.
壽司10件 手卷
食剩指數 : 0/100
呢個set有10件壽司+1個手卷
分別係炙燒銀鱈魚、魚籽牡丹蝦、真鯛、燒海鰻、馬糞海膽、拖羅、北海道活帶子、油甘魚、左口魚邊
全部都好新鮮
其中最最最出色係馬糞海膽
鮮甜唔腥
海膽味好濃郁
要知道香港食到好食既海膽真係唔易
其次係牡丹蝦
口感好爽甜
仲要再加埋魚籽
鮮味層次提升到唔洗點醬油
炙燒銀雪魚鯛魚果啲都好少食到
係季節食材
今次食到真係好唔錯
魚既油香同壽司飯好夾
另外仲有個手卷係香蔥拖羅蓉手卷
拖羅蓉好綿滑
外面紫菜好脆
.
炙燒魚生丼
食剩指數 : 0/100
另一個set係魚生丼
有三文魚、吞拿魚、左口魚邊、帆立貝、鰻魚、銀鱈魚
全部魚都炙燒過
油脂香味好出
口感都更軟滑
飯底一啲都唔hea
加左蛋絲、蟹柳、紫菜、菇
就咁食飯都好有味道
.
Set有茶碗蒸、麵豉湯同甜品
.
茶碗蒸
食剩指數 : 0/100
蒸蛋質感滑溜
表面有一絲絲蟹肉
中間平時係雞肉
佢轉左放貝柱
多左一份鮮味
.
食完兩個set之後
忍唔住外賣多set返屋企食
個海膽高質到我揀丼都要呢個海の幸丼set
.
海の幸丼
食剩指數 : 0/100
呢個丼有三文魚籽、三文魚、馬糞海膽、魚籽牡丹蝦、帆立貝
丼飯底同炙燒一樣有好多料
魚生同飯係分開裝
返到去魚生keep到同堂食一樣質感
鮮味無乜影響
Good quality of food and service!
All the sashimi are fresh, especially the scallop and uni are remarkably nice ??
Though it’s a Japanese food restaurant, the ambiance is quite local which make it hard to tell if i like it or not.?sorry to say.
Overall, this is quite good. I would recommend to try the lunch omakase first??Great deal.
【晴空】
一間性價比幾高既日本餐廳?? 佢個午市set包曬前菜，丼飯同甜品?
前菜有一個沙律?味增湯同茶碗蒸
茶碗蒸有淡淡既蛋香，食落口都幾嫩滑，但如果再咸小小就更好?
我哋分別叫咗兩個丼飯
天婦羅丼? ?$160
呢個天婦羅丼飯都整得幾岀色，炸漿唔厚粉令到個天婦羅炸得啱啱好，夠脆之餘又唔會油膩，而且唔使點汁都已經好夠味。不過敗筆位係啲飯，唔夠粒粒分明?有d濕咗既感覺?
晴空特選刺身丼 ?$180
呢款刺身丼飯嘅特色係每份刺身只會比一到兩樣，而且當中嘅刺身都幾有特色: 池魚，真鯛，金目鯛等等共有十幾款，務求令到客人可以食到唔同類別嘅刺身，都相當有誠意??
壓軸黎啦！佢哋嘅甜品?我係極度推薦大家試試? 不過留意番啦⚠️ 呢個抹茶奶凍甜品係要book枱嗰陣註明要轉佢，如果唔係佢會出返當日嘅甜品架啦?
奶凍面鋪咗抹茶，奶凍甜甜地同抹茶嘅苦甘味互相balance翻? 而且奶凍亦有好濃既奶香味，我超級鍾意❤️
整體黎講，以一百中既價錢食到成個丼飯套餐都算係幾抵食，性價比幾高?
?INFO
評分?: 8/10
價錢:人均$170
地址?:尖沙咀金巴利街8號地下1號舖
營業時間?:
?星期一至日
12:00-15:00
18:00-22:00
?晴空日本料理
openrice訂枱有88折，所以去試下?
bar枱有6個位，我book個陣冇要求到，所以坐普通4人枱
店員得1個，但勁好服務態度，好有禮貌，同不停幫我地加水??
廚師推介二人套餐 $1480
角切刺身配酸汁
有2款魚刺身，每款1-2粒，配埋個酸汁幾開胃
野菜沙律
炙燒既醬油漬三文魚，皮燒得脆但有幾片燶咗，再加沙律菜，粟米，車厘茄
小食3種
豆腐餅，明太子雞翼，軟骨餃子
正常發揮，豆腐餅口感特別d，外脆內軟
廚師推介刺身五點:
拖羅，三文魚，牡丹蝦，帆立貝，油甘魚
全部都厚切，新鮮嘅
拖羅:略嫌有根，都入口即溶
三文魚:正常發揮，但呢個價位唔期待係比平價既三文魚
牡丹蝦:黏口有彈性，面頭加咗疑似魚子醬嘅物體但食唔到味
帆立貝:夾埋個昆布食幾好食
油甘魚:正常發揮?
秋刀魚刺身 $268
喺壽司關注組睇得多特登過嚟試
秋刀魚依加當造，非常肥美，油脂感足，爽彈既肉質?
壽司8貫 (每人4件) :
拖羅，海膽，深海池魚，火炙金目錭
拖羅:又係佢，呢件無咁多根
海膽:少少甜，無苦澀味
深海池魚: 肉質細緻爽口帶油份
火炙金且錭: 質感爽滑、入口甘香
精選和食2種
汁煮魚頭:魚頭肉滑，蘿蔔入味，略嫌個汁太重甜味
蒜片炒牛柳:正常發揮，蒜片好好食，略嫌牛肉有啲韌
大蜆清湯
蜆肉厚身，湯清甜，解膩一流
甜點
蜜瓜:清甜好味?
海鹽焦糖卷蛋:焦糖唔會死甜，唔錯
2個人埋單$1713
雖然刺身同壽司都有拖羅，但係重複覺得好膩，如果改做其他刺身或者貝類會開心啲?
餐廳另有omakase $880/$1100，但我就覺得食二人套餐抵食啲
個套餐勁多嘢食，兩個人飽到嘔，CP值還可以?
聽講lunch set都幾抵食，可以一試?
今日訂咗一點位佢畀咗人要我喺街度等咗35分鐘都冇位
仲學人做日本餐 omakase
我唔係預料有半島酒店imasa嘅服務
不如改造日本茶餐廳算吧
面對疫情來勢洶洶，各行各業大受打擊，不少餐廳都需要暫停營業，由兩位80後港人創辦的晴空日本料理不但沒有因而放棄，更轉危為機推出外賣omakase套餐。
雖然晚市暫時禁止堂食，但午市亦有八款套餐可以堂食或外賣自取，更包括沙律、味噌湯及甜品，包裝整潔衞生。
豪華海之寶石丼 ($138) 用上三文魚、油甘魚、吞拿魚、三文魚子等，色彩繽紛賣相精緻，刺身雖然份量不多但均新鮮鮮美，連白飯亦加上蛋絲、紫菜及牛蒡粒更加豐富。
近幾年愈開愈多omakase (廚師發辦)既日本餐廳, 搞到我都忍唔住要去食下, 食左當去左日本一轉! 呢度有2款omakase course可以揀, 分別係晴 ($880) 同空 ($1180), 我就揀左晴黎食!
前菜: 水母刺身
其實即係海蜇, 係水母既一種, 幾爽口, 配埋好有咬口既蟹籽同底下既醋食好開胃! 最上面用左幾片黃色菊花花瓣點綴, 食得又睇得!
刺身會有3款: 鰈魚簿切
貌相已經好靚好吸引! 鰈魚簿切包住新鮮紫菜, 放d蔥夾埋食, 清得黎又帶出魚既鮮味! 最上面放左紫蘇花, 除左花莖之外, 其他位置都可以食, 好出既紫蘇葉既味道!
沙甸魚卷
沙甸魚都好肥美, 而且無魚腥味。內有黃瓜同葱, 可以中和返肥膩感。
燒燻鯖魚
鯖魚加左少許醬汁輕輕燒燻過, 魚肉好滑, 油脂豐富再配炸蒜絲同洋蔥, 好味道!
鹽燒拖羅
呢個絕對係成個course之中最鐘意既一道菜! 拖羅加左岩鹽輕輕燒過, 好肥美, 入口即溶, 油香滿佈口內! 再配紫菜、紫蘇葉、山葵漬, 減低油膩感, 成個配搭好balance! 聽店員講紫菜比一般較厚, 係廚師精心挑選, 睇得出每道菜都好精心準備!
和食: 汁煮魔鬼魚
魔鬼魚魚肉同樣好嫩滑, 魚骨煮到好淋, 可以食埋! 用魚湯浸住蘿蔔, 蘿蔔非常入味, 配埋一齊食更美味!
壽司6件:
中拖羅、深海鯖魚、秋刀魚、大拖羅、馬糞海膽同牡丹蝦
每件壽司都好新鮮, 飯細刺身肥厚! 秋刀魚係時令, 所以特別肥美! 牡丹蝦都幾大隻, 幾有鮮味, 再配埋燒過既蝦膏, 可以增加蝦既味道!
手卷: 葱吞拿魚手卷
手卷內有黃瓜和櫻花蝦, 櫻花蝦炒過所以咬一小啖已經好香好重蝦味!
湯: 大蜆湯
花形海帶好靚! 大蜆湯好清甜蜆肉肥美, 完全無沙!
甜品: 哈密瓜 配自家製厥餅
厥餅好有煙韌, 同出面食既好唔同!
omakase
蠔非常好食
熟嘅感覺上爭d
刺身壽司都好好食
好味，很有心制作食材，會再去? …
poor food quality, no value for money
晴空日本料理位於尖沙咀金巴利街8號地下1號舖，餐廳係好出名的韓國街附近，非常易找。
餐牌有Lunch Omakase Course ，Lunch Set ，價錢親民。
Lunch Set 均附有沙律、茶碗蒸和甜品
茶碗蒸入面有蟹肉絲、冬菇、帶子，蛋味濃郁，滑溜溜，充滿鮮味。
豪華海之寶石丼
魚生非常豐富，有三文魚、吞拿魚、油甘魚、牡丹蝦、三文魚籽、金目鯛、海膽等等食材，切成一粒粒厚切的魚生，魚生鋪滿在米飯上，魚生非常新鮮，微微炙燒，魚生完全唔腥，質素好高，完全不手軟的飽滿份量令我每啖都食到鮮甜美味的魚生，令人回味無窮。
甜品
焦糖蛋卷
食物賣相精緻、刺身新鮮！
熟食及甜品都非常好味? …
我食兩次後都肚痛，朋友都一樣，我不會去了? …
銀雪魚西京燒定食
蒸蛋：超滑
銀雪魚：正常，魚很滑，味道剛好
白飯：唔夠熱，最怕食唔夠熱嘅飯！
麵豉湯：超級、超級咸
甜品：本來想試個個人都話好食嘅綠茶奶凍，2個星期前訂位時已經remark咗，但去到時侍應才臨時通知冇，非常令人失望。如果餐廳可以一早通知，我覺得感覺反而會好一點。
原來係中環鮨野師傅主理，以居酒屋價錢食到omakasae嘅質數??
秋刀魚刺身、炸鰈魚、吞拿魚壽司set係excellent !
Must go again
一餐滿分的壽司要考慮 環境、食材的質素、處理嘅方法同師傅嘅刀工、缺一不可。晴空就是一間用心的日本料理，常與朋友餐聚，宴福無邊。 鮨津樂??誠意推薦。 …
食物很新鮮，好味且高質，而且賣相好靚啊！已經光顧好幾次了，會繼續光顧的。
疫情下的晴空美食
壽司Omakase店愈開愈多，但在疫情抵下，他們還以親民價錢製作有質素嘅日本料理可謂難得??。
就算點趕時間都會肚餓，買份外賣回去慢慢歎！
豪華海之寶石丼套餐
當中套餐已包括多款角切魚生、壽司飯、沙律、味噌湯及甜品，真係相當吸引。
沙律?
看似簡單沙律但絕不普通，沙律入口爽脆，再加上點點芝麻沙律醬，味道香濃，非常醒胃。
壽司飯?
飯粒飽滿，還有蛋絲、紫菜等，食起來更時口感滿滿，令人開胃！
豪華海之寶石丼?
再來當然要講超豐富嘅海之寶石丼，當中有多款角切魚生 ，淨睇賣相都殺哂…魚生色澤鮮艷，肉質嫩滑、油份充足，味道甘香，啖啖鮮味。
海膽質感柔軟，入口即溶，濃郁甘甜；三文魚子鹹香爆脆，味道鹹鮮。
焦糖蛋糕?
蛋糕口感綿綿，焦糖味突出！
最後發現晴空日本料理 @seikuu_tst 佢地有做埋團購開團，留意佢地嘅IG夾岩日子，填好表格，就可以輕輕鬆鬆、簡簡單單拎到咁美味嘅刺身啦??，涉及嘅團購開團地點仲越來越多，都咪話唔方便??
本身諗住去食韓國野，點知見到新開左間日本野，最後都入左去食，刺身壽司幾新鮮，唔食生野都有好多其他選擇
Nice meal
【韓國街高質日本料理】
尖沙咀韓國街又有新餐廳登陸，但唔係韓國餐廳，而係高質日本菜「晴空」? 馬上去睇睇我哋食咗咩先?
◭ ?魚刺身配酸汁
?身刺身味道好清甜，配酸汁，食完胃口大開，作為前菜非常合適
◭ 開運壽司12貫盛合
有大拖羅、中拖羅、深海池魚、油甘魚、銀鱈魚、牡丹蝦、北海道海膽、三文魚子、右口魚邊、鯛魚、章紅魚、帆立貝
每件壽司非常新鮮?拖羅油脂分有平均，好肥美，牡丹蝦爽甜彈牙，海膽又好鮮甜?
◭ 味噌和牛根
和牛根肉質軟嫩，味噌醬汁配埋珍珠米，簡直一流?
◭ 日式炸雞
炸雞外脆內軟，肉質保持鮮嫩，同時又鎖住肉汁，每一口炸雞非常juicy!!!
◭ 脆炸原條鰈魚
炸得好香脆原條鰈魚，啖啖魚肉，沒有太多魚骨，大家可以放心食☺️
「晴空」仲有好多特式日本美食，馬上打電話訂位啦?
每隔兩個禮拜女朋友就會嘈住想食日本嘢，所以口袋裏永遠要裝着幾間日本餐廳，今日嚟到尖沙咀，入到去樓底好高感覺舒服，服務人員態度殷勤，食物質素都幾高！
喺餐牌上見到比較少見嘅粟米天婦羅，所以今晚就叫咗一份，椒鹽味道好香，食落不油不膩，非常香口！
另一份煎炸食物要咗脆炸富士灣小白蝦，食落鹹鹹香香，細細條不過蝦味好重，叫返支酒去配搭真係一流。
香辣吞拿魚特卷都係私心之選，飯卷實淨，面頭有沙拉醬攪拌左嘅吞拿魚蓉同炸蒜絲，食落無咩魚腥之餘仲好夾味，餘韻帶有小小辛口感。
晴空開業嘅時候已經有聽過?終於嚟食啦。鍾意個天婦羅飯啲飯有飯焦?天婦羅炸漿好薄又脆，新鮮鮮甜 …
超級好味，性價比極高??
餐點：5
服務：5
氣氛：4
Sushi is good. Not the pot.
餐點：4
服務：4
氣氛：3
Omakase CP值高店
飯堂之一，價錢親民，食品高質，由麥茶醬油子薑呢啲細微位都做得好好，推薦
可以食廚師拍板，整體質素不錯！
餐點：4
服務：3
氣氛：3
地方不是特別華麗，位置不什麼顯眼，但食物質素高，服務態度好。
會推薦的日本料理
餐點：5
服務：5
氣氛：5
#eatgood_尖沙咀
今日介紹嘅餐廳位於尖沙咀韓國街附近，非常有趣，喺韓國街邊有間日本嘅小店！小店裝修非常日式，食物價錢都唔貴，竟然見到午市廚師發辦只係$398 ，有五種刺身，六件壽司，又有前菜，包埋甜品真係好抵食，即刻心動入去試吓！
結果係冇令我失望㗎，估唔到撳高CP值咁好食，即刻推薦俾大家！
?沙律 (7/10)
沙律菜爽口，都新鮮嘅，用咗凱撒醬。
?茶碗蒸 (7/10)
蛋好嫩滑，有蟹肉湯羹係表面，好清香嘅蟹味，入面有冬菇帶子，都幾唔錯！
?刺身五點 (8/10)
芥八魚，油甘魚，赤貝，包住紫菜，有魚味，咬落都緊緻彈牙，赤貝好爽口，一啲都唔腥，油甘魚食落好軟腍，燒過嘅魚味更香更出。
?生蠔 (8/10)
生蠔切左兩半，調好曬味，好方便好細心，蠔肉大隻厚身，有微微蠔味同海水味，唔腥！
?炸帶子 (7/10)
炸過，都幾厚身，肉質嫩滑，包住紫菜好爽口，唔錯！
? 伊佐木 (7/10)
魚清香好軟腍，飯係帶微微醋味，但唔出，有微温，唔會好實好散。
?銀鱈魚 (9/10)
魚有炙燒過，好香，有油脂嘅香味，好食！
?赤蝦 (8/10)
好爽口大隻，厚肉，唔腥，幾好食！
?右口魚 (9/10)
油脂好豐富，食落去好有油香，魚肉有彈性，但係唔油膩！
?拖羅 (9/10)
好軟腍有油香，有魚味，好好食！
?海膽 (9/10)
有3,4舊，食落好鮮甜，海膽味好香，好好食！
?吞拿魚葱手卷 (8/10)
吞拿魚入邊間嗰啲蘿蔔乾，食落好爽口，幾好食！
?麵豉湯 (8/10)
入邊有豆卜海帶，好香濃，麵豉味都好出，但唔會好鹹！
?抹茶奶凍 (8/10)
上面有一層抹茶，奶凍好滑，質感有少少流質，甜甜哋，有奶香，係甜咗少少，但加埋抹茶醬苦苦哋回甘就啱啱好，都幾夾！
推薦指數 : 8/10
好少食到omakase三百零蚊有咁高嘅質素，份量都好足，服務好好好有禮貌，亦都好貼心經常加水，主要係食物都好高質，壽司刺身都好新鮮！見到有午市套餐，唔想食廚師發辦都有丼飯選擇都係百零蚊！真心如果想食日本嘢，推薦呢間係尖沙咀嘅日本小店，真係好有誠意好用心去做嘢食都好食！
?晴空日本料理 (尖沙咀)
尖沙咀金巴利街8號地下1號舖
#香港美食 #hkfoodie #食好西 #hkig #hkeat #hkfood #food #tasty #日式
服務
內用
餐點類型
午餐
平均每人消費金額
HK$400-450