貴緣小鍋米線(Gui Yuan Noodle)
營業時間
| 星期日 | 休息 |
| 星期一 | 11:30–21:00 |
| 星期二 | 11:30–21:00 |
| 星期三 | 11:30–21:00 |
| 星期四 | 11:30–21:00 |
| 星期五 | 11:30–21:00 |
| 星期六 | 11:30–21:00 |
服務選項
外送
外帶
內用
無障礙程度
不支持無障礙座位
不支持無障礙停車場
用餐選擇
早餐
午餐
晚餐
餐飲服務
貴緣小鍋米線 的菜單價錢、相片和推薦菜色
於紅磡小巷中
平民價抵食米線
服務
內用
餐點類型
午餐
一直都鐘意食米線，見係米線關注組講過呢間貴緣小鍋米線，呢日見放假就坐屯馬線過黎試下
湯底都5款：招牌酸辣湯、秘製麻辣湯、豬骨鮮濃湯、特濃新鮮番茄湯和，青花椒麻濃湯
除剔紙仔，仲可以用二維碼落單好方便
要左酸辣中小辣，腩肉係必食，肉質瘦底肥肉不多，而且煮得入味口感軟腍
螺旋藻爽口吸湯，豬腸夠入味
湯底清而不油 夠酸，又夠熱
米線爽口 屬中幼
試左朋友隻滷水雞翼都幾好味
貴緣雞絲火山是店內皇牌小食，小山般的雞絲
底下夾雜榨菜，面頭灑滿辣椒籽，非常惹味
酸齋
雪凍左，醬汁濃稠適中，好醒胃
🐽 青花椒麻小鍋米線
平時麻辣就食得多，椒麻味湯底真係第一次食，配上濃濃豬骨湯底，豐厚得黎有種陣陣麻香，好過癮
而配料叫左肥牛，炆到好入味既冬菇，用黎吸湯汁既炸響鈴同埋紫菜
🐽 酸辣小窩米線
小窩米線湯底好濃郁，啖啖酸菜嘅味道令到好開胃。配料叫咗轉骨同埋蘿蔔，炆到好林好入味，豆腐卜亦係用嚟吸湯底嘅最佳配料🙆🏻♂️
🐽 蒜泥白肉
豬腩肉切到好薄一片片，蒜蓉亦都切到好細粒，令到蒜香味更加突出，而汁醬亦都好帶出到蒜蓉嘅香味
🍡佢地既湯底同配料選擇豐富， 🐣今次叫左有豬軟骨、滷水雞翼、螺旋藻同豬紅既四餸米線，🍅配特濃新鮮蕃茄湯 🐷豬軟骨入口即溶、🥬螺旋藻吸湯汁一流、🐽豬紅味道濃郁，襯落番茄湯食夠曬正👍
服務
內用
餐點類型
早午餐
好大碗足料 又好味！！
推介招牌酸辣湯底 冬菇好大粒入味
蘿蔔 螺旋藻索哂d湯味🤤 …
《紅磡好味米線-貴緣小鍋米線》
.
要數紅磡有咩好食既米線，唔計連鎖經營既，淨係諗到貴緣。貴緣隱藏係屋苑既樓下，唔係住附近真係唔會留意到。佢裝潢冇乜特別，勝在企理乾淨，冇一般麵店周圍都油淋淋既感覺。加上有得手機落單，的確幾方便。
.
貴緣既Menu 同其他米線店大同小異，有清湯、麻辣湯、蕃茄湯同豬骨湯，近排仲新出左青花椒麻濃湯。除左麵仲有d啲特別既小食，例如有雞絲山、豬肚絲、涼皮條等等。
.
🔹貴緣雞絲火山🔹
雞絲果然夠份量，成座山仔咁。雞絲本身冇乜味道，所以佢既醬汁係好緊要！蒜泥辣汁好惹味，蘸少少好開胃。
.
🔹蒜泥白肉肉🔹
豬肉片得好薄，好爽口，配埋蒜泥辣醬，perfect!
.
🔹特濃蕃茄湯米線配響鈴 魚腐 魚皮餃🔹
米線好唔好食湯頭好緊要，佢講湯底特濃，果然冇呃人，湯係酸酸甜甜既，配料份量足而且味道都唔錯。
.
🔹酸辣紅薯粉配豆卜 滷水雞翼 肥牛🔹
湯底係濃既，鹹度岩岩好，略嫌唔夠酸。薯粉係幼波濃既，爽口彈牙。另一樣抵讚係豆卜係好索湯果款，超正；雞翼亦滷得好入味。
.
服務
內用
餐點類型
午餐
雞絲好食 麵亦夠彈牙 可惜無奶茶或檸茶
餐點：5
服務：4
氣氛：4
今晚揀左秘製麻辣湯米線，中小辣🌶
一向食得辣既我可以應付到呀!😛
湯底惹味，會愈食愈開胃既感覺!
食材方面我就揀左肥牛🥩份量足夠～
我仲揀左多蔥呢! 好惹味😁
服務
內用
餐點類型
晚餐
即叫即煮，成碗熱辣辣上枱
特濃新鮮番茄湯 紅薯粉 （少少辣）
腩肉唔會太肥
紅薯粉 煙靭 唔會太淋
湯底好濃蕃茄味
配埋少少香辣✨
比酸辣湯出色
招牌酸辣湯米線 （少辣）
米線好滑
湯底一啲都唔油！
辣味會多過酸味
冬菇好有食！
好大粒 好厚肉
豬軟骨燜得好淋
好足料
土瓜灣•紅磡街坊足料米線🍜必嗌雞絲山🐔
今日我地去左土瓜灣一間cafe朝聖呀, 當然係唔飽嘅, 咁啱附近有間bookmarked米線, 梗係Go for it!!! NOT BEHIND!!! 🤭
由湯底開始逐樣逐樣揀: 湯底>麵底(米線, 紅薯粉, 米粉) >辣度(唔辣至大辣任君選擇😂), 然後到抵食自選配料肚餓d嗌多幾款都唔肉赤.
🍜
特濃新鮮蕃茄湯x紅薯粉x中小辣x豬軟骨x滷水大腸
CS!! 湯底會唔會超多蕃茄🍅🤩👍🏻, 濃香豬骨base湯底每日新鮮熬製, 即刻呷幾啖先. 平時食得米線多, li度有健康紅薯粉點可以錯過?? 仲要比米線更加滑捊捊同索湯底味道呢, 紅薯粉食落有甜味ga. 由於店家都好細分個辣度所以我揀中小係exactly啱哂我口味, 要辣, 但唔想噴火辣🔥🌶️.
•
豬軟骨&滷水大腸都食得出店家嘅用心製作, 豬軟骨勁易咬, 大件抵食; 豬腸腍軟乾淨.
🍜
招牌酸辣湯x紅薯粉x 秘製腩肉x 肥牛 x 豬紅
3餸嘅紅薯粉面頭放滿配料, 份量perfect又好味.
🌋
貴緣雞絲火山
其實之前喺fb gp見到有人order過好吸引, 我地揀li個雞絲火山真係特別, $27好大座”山”, 無估到街坊小店都會有咁打卡able嘅菜式, 巨多雞絲, 加埋秘製辣🌶️醬特別有四川風味. 本身個汁都調得好好味, 勁推介2個人一齊食happy sharing.
🐷
蒜泥白肉肉
另一推介小食, 蒜泥加左辣汁所以有色, 好食.
一直都有留意米線關注組嘅介紹，今日終於可以一睹米線嘅風采😂
秘製麻辣紅薯粉 $61
入面分別加咗$30點咗3個肉類，包括滷水雞翼，豬軟骨，秘製腩肉(3個都見人好推㗎)首先要讚咗湯底先，個味同外面麻辣有分別，食完一啖令人上癮，想不停繼續食😝唔會太麻太辣令人唔舒服👍🏼紅薯粉好滑有咬口👍🏼入面仲有啲芽菜，韮菜，炸醬，好豐富❤️三個餸黎講，滷水雞翼好入味好滑，有2隻都大隻㗎！豬軟骨，好高質!又係浸到淋哂，好多collagennn好正！秘製腩肉有小小辣嘅，但係佢唔會整到個湯肥哂👍🏼👍🏼
特濃新鮮蕃茄米線 $52
里碗就加咗$18要肥牛腐竹!!諗住點都同蕃茄match到haha🤣肥牛份量非常之多，唔係求其俾幾條你！果然同蕃茄湯好撘👍🏼腐竹溝啲湯都好正！湯底來講，佢有小小似南記蕃茄湯，不過我見到好多蕃茄係底，真材實料!!米線亦都係我鐘意嘅口感，正😝
貴緣雞絲火山 $27
超正！勁多雞絲！絕對係心思菜，入面加咗啲咸菜，令個小食咸咗小小🤣🤣但份量都打卡位都值得一叫🤣👍🏼
皮蛋豆腐 $24
性價比非常高！！豆腐好滑，有5舊，仲有啲皮蛋碎喺面🤣仲見到佢加咗啲蒜蓉碎係面，個味都好香！
我哋最後加咗$9要咗一支綠茶❤️
=======================
貴緣小鍋米線 (紅磡)
紅磡崇潔街20號地舖
=======================
服務
內用
餐點類型
晚餐
土瓜灣米線 2吋厚冬菇皇！
.
先講下湯底，我選了蕃茄湯底，應該是用茄膏再加蕃茄製的🤔 同事選了酸辣湯底，一喝有一種熟悉的味道，很像尖沙咀某米線鋪的湯底，味道不錯的。
.
螺旋藻有點像海帶，爽口，索了湯幾好食。
另一甚少在米線鋪吃到的是冬菇皇，看到2吋厚的冬菇，很驚喜😃 冬菇很稔，相當入味，沒有被湯蓋過冬菇本身的香甜。
蘿蔔又大又入味，唔會太老，亦都無渣，抵讚👍
腩肉微辣唔錯，切薄片，碟算太肥，中規中距。
.
小食方面，我們點了皮蛋豆腐，麻辣汁都幾夾。豆腐入口即溶，皮蛋雖然不是冰花皮蛋，但都幾香。唯一可以改善下擺盤以及份量。
.
總括而言，部份餸菜都有特色，如果經過土瓜灣可以一試。
餐點：4
服務：4
氣氛：4
平民化的食品，品質及性價比適中，大眾化的價格，是上班及學生的優先之选，喜愛麻辛味度的也極力推薦。份量適中，配餸不算多，但按價格比例來衡量也算是不過不失，午飯時段，等位的人也不少。
服務
內用
餐點類型
午餐
餐點：3
服務：3
氣氛：3
建議的餐點
秘製腩肉豬肚米線
見紅磡呢間評語好好，即管來試一試
好方便地係用QR code落單，咁就唔驚落錯單啦！
▶️ 豬骨鮮濃湯紅薯粉 ($29）
呢款湯底比較清，鍾意佢唔似味精湯 食完唔會好口渴
紅薯粉幾滑捋捋同埋彈牙，不過覺得佢偏易斷少少，如果在煙韌啲就好食喇🥢
勝在幾掛湯，絕對夠味。
🍲每碗都包芽菜、韭菜、酸菜
芽菜嘅份量多到每一啖都有，咬落超清脆👍🏻不過酸菜就幾乎冇
– 甜酸齋($9)：呢個係麵筋整嘅，而個醬就係茄汁加白砂糖同醋，所以食落又甜又酸，超級開胃😋麵筋本身好索湯 一咬就爆汁 (呢個會分開上，可能係想保留佢嘅甜酸醬味)
– 冬菇皇 ($9)：估唔到冬菇都可以咁好食🍄因為好大舊，所以都好索湯，而且菇味好香，有啲似盆菜入邊嗰啲冬菇。超級推介加呢個！食完就知有幾好食🤤(每份有三大嚿）
– 蘿蔔 ($8)：呢個似關東煮入邊啲白蘿蔔。雖然蘿蔔硬身咗少少，但係食落甜甜地，微微帶啲苦味🤏🏻都唔錯(每份有三大嚿）
– 螺旋藻 ($9)：比較少見嘅配料。係日式拉麵嘅海帶/海苔，份量多到佔咗成個碗表面嘅三份一😆咬落好有質感，少少爽口，增添左另一種口感層次，同紅薯粉好夾
▶️ 蒜泥雞絲山 ($24)
呢個係其中一個招牌小食，一堆雞絲放起生菜上面。雞絲真實份量更加多
🐔 本身雞絲冇咩味，食落都幾似肉鬆 係比較乾身而唔係滑嫩嗰隻手撕雞
旁邊俾嘅醬汁鹹鹹地，帶麻辣味道🌶️ (唔食辣建議唔好點咁多醬🙈)
如果唔想咁乾可以抌落米線湯度食。
–
配料高質足料，湯底新鮮熬製而唔太鹹
紅薯粉就一般，可能米線會好食啲
環境唔錯，坐得舒服嘅，只係舖頭比較隱蔽，平時比較少留意 (加太賀附近)
服務幾好 啲姐姐好Nice☺️上菜又快
價錢都相當抵食，齋麵底$30，然後可以自己自由選擇加幾多配料。我同朋友每人叫咗四款都係大概$55左右一碗 絕對夠飽！
係米線關注組見到有人推介呢間米線店，黎開土瓜灣決定要試下☺️
甜酸齋作做為開胃菜就最好不過😚咬落口好多酸汁噴出，超級過癮😚
真係好鐘意蒜泥白肉，浸滿醬汁嘅五花腩，再加上香蒜同辣油，味道令人醒神😍
第一碗跟紅薯粉，餸就係雞肉絲、肥牛、炸響鈴。第二碗係米線配螺旋藻、秘製腩肉、豆腐卜、豬軟骨。必點腩肉同螺旋藻，都係比較多人會叫嘅！腩肉夠薄身，肥瘦均勻，吸晒湯底嘅酸辣味，好好食😋螺旋藻爽口健康，食唔停口😬湯底係小鍋米線嘅酸辣湯，好鐘意佢夠酸，但又唔會好咸，個湯底真係做得唔錯！
👧🏻隱世小店中搵到有風味既小鍋米線🤤
–
店鋪裝潢十分簡潔 有少少大陸既感覺😂🤭 米線既配料選擇都算多 每樣都唔錯 值得大家去試
👧🏻就簡左
🍴豬骨鮮濃湯 (無辣) 另外就加左4種配料: 鹵水大腸、豬紅、生根同甜酸齋💁🏻♀️幾中意個豬紅 好滑 無咩腥味 另外甜酸齋就同平時既味道相約 係唔錯的 但好少見食小鍋米線有得簡 幾特別🤭
朋友就簡左
🍴秘製麻辣湯(小辣)配紅薯粉、豆卜、魚皮餃、魚片頭同菜心💁🏻♀️中意麻辣既朋友要黎試! 湯底的麻味都好重😆 另外幾中意佢個豆卜 好淋好吸味 配呢個湯底 一流👍🏻
小鍋米線既份量都幾多 如果想試多d唔同既配料就記得叫少粉 或者可以叫芽菜底🍲
🍴 蒜香醬油雞翼 $27
係單邊雞翼 好方便🥰 好中意佢隻蒜香醬油 好香蒜味🧄❤️
🍴蒜泥雞絲山 $24
蒜泥同雞絲山係分開上的 雞絲點麻辣油加蒜泥 口感同味道唔錯😋 望住座山慢慢變少 好有滿足感😂😂
🥤杯裝凍豆漿 $9
同大陸、台灣早餐既杯裝豆漿一樣🤭有種懷舊既感覺🫡豆味幾重
📍貴緣小鍋米線 @紅磡崇潔街20號
服務
內用
餐點類型
晚餐
米線控不能錯過的！
湯底共有5種口味，分別招牌酸辣湯、秘製麻辣湯、特濃新鮮蕃茄湯、豬骨鮮濃湯及青花椒麻濃湯，可選辣度或走辣，同時照顧到不吃辣的食客。麵底可選米線、紅薯粉或米粉。
自選配料款式多，約有4、50款，自由配搭夠靈活，每款配料價格8元至10元不等。
小食方面亦多達10款。
貴緣雞絲火山
雞肉軟嫩不乾柴，秘製涼拌醬汁火辣惹味。
麻辣鮑片
鮑片口感清新爽口，麻辣醬鹹鮮香辣。
服務
內用
餐點類型
午餐
餐點：5
服務：4
氣氛：4
呢間米線幾足料🥰 難怪係土瓜灣名物啦🍜 六點半嚟到 已經全部爆滿咁濟😮 建議大家早少少嚟
服務
內用
餐點類型
晚餐
抵食唔貴，而且多選擇
【紅磡街坊打工仔必食米線】🍜
《貴緣小鍋米線》
紅磡一向都好多好嘢食，其中貴緣小鍋米線係唔少人都推介過嘅餐廳，店鋪地方唔大 ，所以座位有少少迫~
點餐方便會先揀湯底麵底，之后再揀餸~ 其中一位小編係第2次嚟，特別提大家如果中意食酸，可以叫嗰陣特別加酸!!!
▪️▪️▪️▪️▪️▪️▪️▪️▪️▪️▪️
🔸秘製酸辣湯紅薯粉(+秘製腩肉&鹵水豬肚) $51
紅薯粉幾有彈性口感幾好~ 腩肉整得幾入味，但係腩肉出乎意料之外唔係太肥，如果唔鍾意食肥肉肥嘅可以試下!! 😆鹵水豬肚鹵水味十足，算係幾唔錯！ 另外餸同埋麵底都真係幾大份 ，尤其係紅薯粉多到差啲食唔曬🤣
🔸秘製酸辣湯米線(+蘿蔔，雞肉絲&冬菇皇) $58
冬菇大嚿度到有啲嚇親，加幾蚊就有三舊冬菇其實真係幾抵。蘿蔔整到幾入味，同埋都好甜! 雞絲好似成座山咁高，浸落湯去食都唔錯
🔸重慶口水雞翼 $27
重慶口水雞翼幾辣幾好食🐔，亦都唔會有死辣嘅感覺，如果下次再嚟應該都會再叫 ~🥰
🔸蒜泥白肉肉 $27
蒜泥白肉肉嘅醬汁整得幾好食，少少辣又幾有香味🤪，不過白肉偏薄，鍾意食厚身啲嘅可能要留意~
杯裝豆漿x2 $9/1
豆漿正正常常九蚊價錢都幾合理!🤣
▪️▪️▪️▪️▪️▪️▪️▪️▪️▪️▪️
不設加一收費
▪️▪️▪️▪️▪️▪️▪️▪️▪️▪️▪️
今次幫襯📍紅磡崇潔街20號
服務
內用
餐點類型
晚餐
街坊小店，但一試難忘，肉碎好好好好味，腩肉吾會好油，真係值得再去，對比起九龍灣，荃灣，旺角，都好好多，而且食完吾覺口干，大家不妨試下，食完已經想諗幾時再食🤭
服務
內用
餐點類型
午餐
建議的餐點
秘製腩肉豬肚米線
首先叫咗個米線配雞翼，紫菜同雞絲，佢份量勁足料，佢嘅雞絲同紫菜多到就快滿出嚟🤩🤩
而小食好好味，而且都幾抵食，佢一碟生菜先13蚊，口水雞翼同蒜泥白肉都係$27
當中佢嘅口水雞翼勁好食，佢嘅汁唔係一般嘅辣油，而係有啲有大量蒜蓉同少少辣嘅汁，佢個汁好食到差啲想要多一份🥰🥰🥰
服務
內用
餐點類型
晚餐
紅磡必嚐的辣面，幾年前我在附近工作時經常來這裡吃午飯。令我驚訝的是，它在最近的社交媒體帖子中變得很流行，這就是我重新審視它的原因。
麻辣湯味道好極了，而且很熱！你可以選擇辣度，我選擇了溫和的。食材的選擇範圍很廣，我推薦雞絲和酸甜麵筋。
店面很小，排隊的機率很大。但總體來說，值得一試！
服務
內用
餐點類型
午餐
平民小店，秘制腩肉超級出色，醬汁甜甜地，同個酸辣湯底好夾。青麻椒湯底麻而不辣，成啖放入口好好味，墨魚丸入面有大大粒墨魚肉，好有咬口，螺旋藻好健康，而且配搭湯底好入味。雞絲山大大座，啖啖手撕雞配埋個蒜泥醬好正
餐點：5
服務：5
氣氛：5
繁忙餐飲街上的小麵店，供應貴州風味米麵和小吃。麵條和湯底都不錯，但小吃很一般。
餐點：4
服務：4
氣氛：3
平時都係叫外賣返屋企食多，今次第一次堂食，又幾有風味😋佢湯底正都唔洗多講，d小食都有驚喜！
同老公叫左一人一碗米線，佢叫左秘製麻辣湯米線+秘製腩肉，貢丸墨丸蘿蔔，湯毫不留情地超滿，又超濃郁，材料好足，一人食完都夠晒飽！我就叫左特濃新鮮蕃茄湯米線+扎肉魚片頭同豬血，清清地蕃茄味又幾香🤤
小食叫左蒜泥白肉同蒜泥雞絲山，個蒜泥白肉夠薄切，微辣得嚟好過癮！雞絲山好澎湃，勁高身，食夠都仲有😂除左可以撈蒜泥食，仲可以撈自己湯底食，好滿足！
我地一人一杯豆漿，甜度剛剛好，豆味幾出，食完個米線飲啖豆漿真係好爽🤩
餐點：5
服務：5
氣氛：4
More reviews on Instagram: poorjjfoodie
麻辣湯麻香突出，聞落好似雞煲嘅麻辣味🤪
辣度溫和，中辣只係大約譚仔三小
湯底唔算好油膩杰身個啲，食完都唔會成口油
酸辣湯夠晒酸好開胃，小小辣基本上冇乜辣度，就算唔食得辣嘅朋友都完全食到
推薦配料：炸醬、冬菇皇、腩肉(啱唔鍾意太多肥膏嘅人)
✍︎︎
QR code落單，咁就唔怕點錯餐😎
🍜招牌酸辣湯 $31
湯底醒神開胃(⁎⁍̴̛ᴗ⁍̴̛⁎)
揀小小辣唔算有辣度，酸味十足，唔會得個鹹字
+$9 甜酸齋(另上的唔洗浸到索哂湯汁，每次食車仔麵見到都會叫，竟然連米線都有就直接揀，份量頗多幾開胃)
+$10 豬軟骨(軟骨部份比較爽口)
+$10雞肉絲(幼身肉質唔乾身，超級慷慨 多到一邊食米線一邊有雞肉絲)
🍜青花椒麻濃湯 $33
呢間米線店特有麻湯，可自由選擇辣定唔辣，夠哂特別
+$10 腩肉(醃得好夠味，甜甜地，厚薄均勻偏瘦)
+$10 炸醬(自動另上，有醬汁)
+$8 紫菜
小食🍗
蒜泥白肉 $28
呢個小辣，薄切腩肉
但對於唔食辣嘅少爺仔就食兩塊已經食唔到🤣
孜然涼皮條$27
見到呢唔知咩嚟就叫咗，孜然味充足，口感似豬皮條
飲品🥛
食米線配豆漿，特別開心(￣∇￣)
•••••••••••••••••••••••••••••••••••••••••••••••
🔎貴緣小鍋米線
紅磡崇潔街20號地舖
•••••••••••••••••••••••••••••••••••••••••••••••
餐點類型
晚餐
湯頭濃郁，豬腩肉好入味
餐點：5
服務：5
氣氛：5
超惹味米線
推薦青花椒麻濃湯
抵食又好味🤤 …
朋友話關注組極力推介貴緣小鍋米線，既然力推就積係好食啦，我又點會放過食好野既機會😏
.
秘製麻辣湯配紅薯粉 $31
墨魚丸+$8
魚皮餃+$8
秘製腩肉+$10
我叫左小小辣，湯底入面有炸醬，芽菜同韮菜，唔好睇佢碗湯咁紅就以為好辣，食落去唔會太辣又有少少麻味最重要係唔會好油膩，個湯底幾正！紅薯粉煮得岩岩好，煙煙韌韌又彈牙，配菜方面我就揀左墨丸，魚皮餃同腩肉。墨丸彈牙，魚皮餃正常發揮，腩肉肥瘦均勻唔乾身份量都幾多。
.
豬骨鮮濃湯配米粉 $29
墨丸+$8
魚皮餃+8
炸醬 +$10
朋友唔食辣所以揀左豬骨湯，湯底入面有芽菜，韮菜。芽菜爽口，豬骨湯豬骨味濃郁，有香甜味，米粉煮得剛好唔會太淋，墨丸彈牙，魚皮餃正常，炸醬好香口有少少辣同食到豆瓣醬既味，配埋米粉一齊食，正！
.
蒜泥白肉 $27
重口味之選！腩肉係帶軟骨薄薄一片，一啖豬肉一啖蒜，呢個組合無得輸！我覺得佢好食過某米線店😂😂😂
.
蒜香醬油雞翼$27
雞翼係單骨方便食用，雞翼皮上鋪滿蒜泥，肉質嫩滑，好香好入味。
服務
內用
餐點類型
晚餐
作為米線關注組成員之一
之前已經聽過大家推介既貴緣小鍋米線
今日就去左朝聖🤣
小店可以電話落單夠晒方便, 店面都夠唒大
我地叫左秘製麻辣湯底米線
湯底係我超鍾意既麻辣風味
辣得來有麻香, 唔會太油
叫左小小辣已經好過癮, 米線掛唒湯
D香味食每一啖都會散出來🤤
配料都有多款選擇, 平時好少見嘅配料都有
可以揀魔芋條, 螺旋藻夠晒特別,
而豬軟骨就夠晒腍身
另外都叫咗招牌酸辣湯底+紅薯粉
湯底偏酸, 辣味再慢慢滲出🤣
小辣岩岩好, 紅薯粉夠唒彈牙
我哋叫咗秘製腩肉, 豬大腸同埋魚片頭
秘製腩肉調味剛剛好, 豬大腸滷得非常入味
另外都叫咗兩款小食, 包括
重慶口水雞翼同麻辣豬肚絲,
雞翼辣度可能辣小小, 但都一樣惹味,
仲要單骨, 所以較入味, 同夠唒方便
豬肚份量超級大,非常爽口, 一碟超滿足😋
貴緣小鍋米線 🐥
酸辣：幾好食，夠酸，酸同辣度都可以揀
麻辣：可以再麻啲，不過都唔差，揀咗中小辣，但覺得可以再辣啲
👍🏻佢既辣到分得好細😂有抽中小辣果啲
💰$ 31
白蘿蔔🥕：必食，無渣，夠清甜，為你係酸辣/麻辣中帶來清新既感覺，非常推
豬軟骨🐖：夠晒淋同入味，好好食
螺旋藻🌱：份量十足，都幾重藻味，個人幾鍾意，健康之選
豬紅🧱：好食，冇異味
秘製腩肉🐖：普通，唔柴
滷水豬大腸：入味，無異味
炸醬：偏咸，個人麻麻
💰$ 8-10/款
必食‼️份量好多‼️好抵食
雞絲幾入味，但唔會好咸
啲啲鞋姐，但完全可以接受
💰$ 27
白肉比較細塊
有蒜香，但如果更多蒜泥就好🥰
都不錯👍🏻
💰$ 27
好飲，不太甜
💰$18
.__. .__. .__.🐥🐥🐥.__. .__. .__.
總結：
推薦‼️扺食，啲餸幾高質🥰
環境：🐥🐥🐥/5
服務態度：🐥🐥🐥🐥/5
食物質素：🐥🐥🐥🐥🐣/5
性價比：🐥🐥🐥🐥🐣/5
回頭率 :🐥🐥🐥🐥🐣/5
服務
內用
餐點類型
晚餐
–
{土瓜灣小鍋米線🍜}
🤤招牌酸辣湯米線🤤
偏酸之後先有辣嘅後勁！湯底幾重口味 極多芽菜同肉碎等等配料 個米線軟硬適中唔錯嘅🤓
腩肉: 嚡口啲同埋瘦肉偏多
滷大腸: 好多嚿 係偏淋嗰種🫡
豬軟骨: 咬到有膠質😛有3嚿都幾多！
豬紅: 有咬口 大大嚿😚唔散🥰
👖褲評: 8/10
🤤蒜泥白肉🤤 ($27)
超重口味！個汁少少辣但可接受嘅 同平時嘅差不多😍不過再多肉啲~
👖褲評: 8.3/10
🤤 蒜泥雞絲山 🤤 ($27)
雞絲份量多 但偏碎同散 食落有啲乾勝在有個醬搭救🫡個醬點返蒜泥白肉嘅適合啲！
👖褲評: 7.8/10
米線同蒜泥白肉都推介！經過嘅可以一試☺️
性價比: 8/10
服務: 7/10
環境: 7.5/10
🚩 貴緣小鍋米線 🚩
地址: 紅磡崇潔街20號地舖
#fuudjai #fuudjai紅磡 #fuudjai港式 #fuudjai土瓜灣
特色雞絲米線
酸辣同青花椒麻湯底都好出色 酸麻同辣味好平衡🤤最推薦冬菇皇 炆到好稔嘅豬軟骨 同入味油脂滿滿嘅豬大腸🫶🏻小食貴緣雞絲火山調味好夠 肉質加埋秘製醬汁好濕潤 份量好足料🤍整體好抵食
服務
內用
餐點類型
晚餐
而今晚我地order左：
🔆 招牌酸辣湯米線 配 秘製腩肉、雞肉絲、螺旋藻同炸響鈴（大辣）（$69）
店家自製既秘製腩肉帶微辣，切成薄片入口肉質軟淋。雞肉絲份量十足👍，索咗湯之後係好好食😋😋😋。螺旋藻見佢幾特別，食落有少少似海帶咁，爽爽地。響鈴吸咗酸辣湯底之後都好吸引。
店家既酸辣湯底有炸醬、酸菜、韭菜、芽菜同蔥，酸同辣既平衡做得好好👍👍，唔會偏咗去某一邊，整體既味道都好匹配。
🔆 秘製麻辣湯紅薯粉 配 鹵水大腸、豬軟骨同冬菇皇（中辣）（$60）
鹵水大腸切細件，大腸都鹵得入味。豬軟骨🐷肉淋而軟骨爽脆，而且炆得入味。冬菇皇🍄上枱已經切半，但都見到係好大隻厚肉。店家將冬菇炆得淋滑入味，加上又夠厚肉。秘製麻辣湯底有炸醬、韭菜、芽菜同蔥，都係用上豬骨湯底再逐碗煮，味道麻得嚟又唔會好搶。
🔆 甜酸齋（小食$24）
麵根用上甜酸汁炆煮後，再雪凍就成為呢一個小食，麵根炆得夠淋又入味。
🔆 麻辣鮑片（小食$24）
仿鮑片再配上麻辣醬就成為呢一個小食，仿鮑片本身已經有味道，配上麻辣程度適中既醬汁，簡簡單單咁一個小食都唔錯。
🔆 豆漿（$9）
🔆 汽水🥤（$9）
🔆🔆🔆🔆🔆🔆🔆🔆🔆🔆🔆🔆🔆
👉🏻 店家有QR code落單，想要咩配料，走咩配料，同埋辣道都可以自選，十分方便。
🔆🔆🔆🔆🔆🔆🔆🔆🔆🔆🔆🔆🔆
服務
內用
餐點類型
晚餐
跟住米線關注組搵食🫶🏻冇介紹錯！
推薦青花椒麻濃湯，純麻好正，唔太食得辣都食到👍🏻樣樣餸都好正！ …
位於土瓜灣既雲南米線店，繁忙時段基本上都一定滿座
每次見太多人就唔想去排隊轉食其他餐廳
當日見人比較少，12點幾過到去大概等左十分鐘就入得(⁎⁍̴̛ᴗ⁍̴̛⁎)
-招牌酸辣湯 $48💰
佢係比起出邊偏酸少少，但對我黎講岩岩好好醒胃🫶🏻
而且湯底好濃厚，米線又掛湯好好食！叫左兩款餸
食咩都必定會叫豬紅，煮得好入味，又唔會過鹹
冬菇大大粒好厚身，咬落好多汁炆得好入味
-青花椒麻濃湯 $51💰
少見呢個味，叫左小辣，花椒味好香
比例岩岩好，完美演繹香，麻，辣
叫碗就叫左秘製腩肉同豬紅，腩肉偏瘦但勝在軟腍
雖然好食，但比起酸辣湯都係遜色左少少😝
-麻辣鮑片 $24💰
佢既麻辣醬個人覺得好普通，有啲鹹
味道有少少似李x記既麻辣火鍋湯包味😂
不過鮑片好大塊唔會好冰凍幾好食既！
-杯裝豆漿 $9💰
早餐叫杯豆漿感覺健康啲😆
唔會好甜，都飲到豆味
服務
內用
餐點類型
午餐
小窩米線走肉仲可以生酮
特濃新鮮番茄湯 ×1 -米粉,少粉,走辣（無炸醬），螺旋藻，生根，冬菇皇HK$60.00 – 第一次食米線有得叫螺旋藻。平時食開spirulina powder，今次試吓原條啦，有啲似海帶不過冇「腥味」。螺旋藻呢啲superfood真係為呢碗米線加好多分！冬菇皇好大粒，炆得好淋👍🏻
戴返個頭盔唔肯定個湯底係咪素把一個？🪖
素食仲有辣筍絲、腐竹、蘿蔔、金菇、木耳絲、生根、豆腐卜、韮菜、芽菜，各項菜類。比較特別有紫菜、炸響鈴、魔芋條、榨菜片同甜酸齋🥳
仲可以免費走麵轉芽菜底生酮一下🥳
豬骨鮮濃湯-無辣 ×1- 米粉,正常,肥牛 HK$39本來阿仔碗肥牛有菜$8，老公話散叫$12多好多😂 碗米粉芽菜多過米粉，食到阿仔牙牙聲，仲走過黎拎我啲米粉。
招牌酸辣湯-紅薯粉、小小辣、秘製腩肉-微辣、肥牛$51 ，老公話正常發揮。
服務
內用
餐點類型
晚餐
平均每人消費金額
HK$50-100
人氣米線關注‼️
今次我地來個米線放題🤪試匀全間餐廳人氣野食😋
蒜泥白肉肉$27
好出色嘅白肉，係好薄切軟腍唔爽口嗰種，蒜泥磨得夠幼，帶點甜酸辣，食不停口的😝
甜酸齋 $24
甜酸度很好，好開胃，每塊都好入味均勻
涼拌青瓜 $24
爽口又香辣開胃，份量好大
蒜香醬油雞翼 $27
雞翼肉質較結實，很重蒜辣味，但略嫌唔夠入味
米線價錢約$50-60，麻辣同酸辣湯都各有特色，層次好獨特，唔係一味得個辣字同酸字，係濃而厚實嘅湯底
-秘製腩肉: 微辣，肉質軟腍唔會太肥，值得推介！
-鹵水大腸: 夠入味
飲品得罐裝同樽裝飲品
零系可樂 $8
蜂蜜雪梨茶 $8
玉露綠茶 $9
服務
內用
餐點類型
晚餐
平均每人消費金額
HK$50-100
身為米線關注組成員之一，鯊仔今次決定試呢排其中一間人氣米線店——貴緣小鍋米線，網上評論特別推介螺旋藻同雞絲火山，今次就試咗螺旋藻~
小酸辣小鍋米線配螺旋藻、貢丸同肥牛 $58
叫咗小辣，味道先辣後酸，個人唔算好食得辣，小辣已經啱啱好，湯底越食越好食，酸同辣配搭得啱啱好，螺旋藻爽身掛汁，貢丸彈牙爽口，米線份量都大碗，整體味道唔錯。
小酸辣小鍋米線配肥牛、蘿蔔同甜酸齋 $58
甜酸齋唔係間間米線鋪都有，甜酸齋食落口感好軟熟，而且味道酸酸甜甜好開胃，蘿蔔入味而且煮得好稔，鯊仔強烈推介食甜酸齋同蘿蔔。
皮蛋豆腐 $24
豆腐口感幾滑，加上蒜香麻辣汁好惹味，皮蛋爽口，配上滑溜嘅豆腐，皮蛋切粒方便食，但如果皮蛋份量再多少少會更滿足。
性價比非常高👍🏻
📍貴緣小鍋米線 位於紅磡隱世小窩米線，主打即叫即煮，用料十足，價錢親民，值得一試！
招牌酸辣湯
腩肉 肥牛 雞肉絲
腩肉帶辣，肉質不肥膩，湯底唔油，超大碗 滿足！
特濃新鮮蕃茄湯底 推介👍🏻
豆卜 豬軟骨
豆卜完全吸收蕃茄的精華，豬軟骨入味不韌，湯底超濃郁，飲埋湯都唔口渴😋
蒜香醬油雞翼
蒜味十足，雞翼開邊，岩哂我
蒜泥白肉👍🏻👍🏻👍🏻👍🏻
必食！ 醬汁甜甜的，腩肉非常入味淋身
皮蛋豆腐
豆腐滑溜，皮蛋配有辣醬好惹味
今日同屋企人食依間位於紅磡嘅貴𡟇小窩米線🍜最值得一讚嘅係佢哋真係即叫即做，全部面都新鮮滾熱辣咁送上枱😽
佢有唔同款嘅面底同埋配料可以俾大家揀😗今次我哋試咗特濃蕃茄湯底（$31）同埋豬骨鮮濃湯底，豬骨湯底好濃郁，而蕃茄湯底酸酸甜甜咁幾開胃😚佢嘅配料都好多，有成差唔多50款比我哋揀😍
我哋另外嗌咗佢哋嘅皇牌蒜泥白肉，每一塊五花腩都有超重蒜味而帶有小小微辣🤩
呢間米線店應該算係區內人氣比較高嘅餐廳!! 最近仲以雞絲山而越嚟越岀名🤣 佢嘅舖面唔算大 位置唔算多 但都唔會坐得好逼~ 另外用QR code落單 唔洗等店員黎先落到單, 又可以慢慢揀餸好方便~ 除咗米線之外佢哋仲有唔少小食嘅選擇~
我地嗌左兩碗米線 一碗係招牌酸辣湯 另一碗係秘製麻辣湯 兩碗湯底我地都係揀左小小辣 飲落都真係微辣程度 唔太食得辣既朋友都完全唔需要擔心🫶🏻米線質地爽滑 唔會煮到過稔👍🏻最怕就係米線質地太稔 一食落口就變左一pat咁🫢
配料方面 招牌酸辣湯果碗 揀左滷水雞翼、豬紅、蘿蔔、生菜，滷水雞翼好入味 咬開入面既肉都滷到上晒色，豬紅質地實淨 唔會一夾就散開，蘿蔔冇渣 味道偏甜，生菜好新鮮好索湯😋
秘製麻辣湯果碗 揀左秘製腩肉、滷水大腸、冬菇皇、墨魚丸配料，腩肉本身係微辣既 調味唔錯幾惹味，滷水大腸份量好大方 件件都好大舊，冬菇皇超厚身超入味 煮得好稔調味甜甜地 個人認為係試過幾款配料入面最正既😻
小食方面試左皮蛋豆腐&蒜香醬油雞翼
皮蛋豆腐個汁係麻辣汁 不過都唔會太辣 豆腐好滑 配埋皮蛋呢個組合本身就係冇得輸
蒜香醬油雞翼有大量特調蒜蓉醬喺面 調味啱啱好唔會太咸幾香 雞翼係開好左半隻上 食得好方便
服務
內用
餐點類型
午餐
平均每人消費金額
HK$1-50
餐點：4
服務：5
氣氛：5
地方乾淨整潔
服務
內用
平均每人消費金額
HK$100-150
餐點：5
服務：5
氣氛：5
建議的餐點
菜心秘製腩肉炆冬菇腐皮米線
星期五晚人流都幾多，無論堂食定外賣。個人覺得店鋪可以加強衛生，因爲當日地面有d滑，差小小就跣到… 🫠
–
✅招牌酸辣湯米綫(小小辣), 豬軟骨、滷水豬肚、蘿蔔、螺旋藻。味道比顏色無咁深，不過都好在唔油膩，味道上偏淡，叫左多酸就啱啱好啦🥰 小小辣只要輕輕的辣，可以吊起成碗的味道。米線唔會好軟，質地唔錯。有大量的配菜例如芽菜、韮菜。豬軟骨已經炆到軟，但可以更入味🫣豬肚切條保留到口感。螺旋藻就係大量海帶咁，叫左即刻健康左🤣 蘿蔔好好食‼️好清甜，同埋有淡淡薑味，用薑去癖白蘿蔔的寒，又煮到軟晒🤤
–
✅青花椒麻濃湯薯粉(小辣), 雞肉絲、炸醬、秘製腩肉、響鈴。呢個湯底比較少有，係出面的米線店少見的選擇。湯底唔係以辣為主，而係麻😳 飲落唔會覺得好濃味，但個嘴會自然麻痹咁，好重花椒味道，好刺激😏 薯粉煙韌但唔會好吸湯。雞肉絲份量多，唔會係滑，但吸湯一流。腩肉偏瘦，可以更入味🫢 最好食係炸醬‼️甜甜地加d豆瓣醬咁，濃味得來唔太油/鹹，要來撈米線一流！
–
🆗蒜泥白肉。白肉夠薄同大片，肉同脂肪的比例恰當，食落肥的位置都唔覺得好肥膩🤪 不過調味上可以更好。鋪面的蒜泥份量唔多，感覺整體唔夠蒜😶雖然望落夠油，但味道唔夠香，亦都唔太辣，希望可以更濃味😌
–
必叫的餸個人覺得有炸醬、蘿蔔、螺旋藻😚兩碗的麵量都唔係好多，配菜比麵多好多，食完竟然覺得唔重罪惡感😝
服務
內用
餐點類型
晚餐
平均每人消費金額
HK$50-100
✨中女獨食難肥日誌 ✨
貴緣小鍋米線 中女食土瓜灣
作為米線關注組成員，經常留意關注組動向，近來book mark了土瓜灣貴緣小鍋米線，今晚一行四人來個米線大餐！
招牌酸辣湯
店員提醒辣湯不會好辣，嗜辣的中大辣打上，立即要了個酸辣大辣，大約譚仔二小辣左右，酸菜好味！餸的話東菇非常厚肉入味，蘿蔔好甜無渣！
秘制麻辣湯
麻辣湯中小辣夠麻，但比起酸辣油。秘制腩肉好吃，不會肥。魚皮另上，好大碟，浸湯吃一流！
豬骨鮮濃湯
不吃辣的也可選豬骨湯，配上螺旋藻清清淡淡。
蒜泥白肉肉 $27
好多蒜泥，腩肉片薄薄的，不錯
蒜香醬油雞翼 $27
想不到雞翼幾辣，是生蒜的辣，蒜好多！
甜酸齋 $24
甜酸齋好甜好好食，推薦！
涼拌青瓜 $24
最後要了個青瓜，酸酸地好開胃
服務
內用
餐點類型
晚餐
平均每人消費金額
HK$50-100
米線關注組冇介紹錯，果然好食😋必叫豬軟骨、滷水大腸、豬紅、貴緣雞絲火山、蒜泥白肉肉！
服務
內用
餐點類型
晚餐
平均每人消費金額
HK$50-100
建議的餐點
Sliced Pork Belly with Garlic Pork Tender Bone Spicy Soup