喜滿樓菜館(Joyful Catering Restaurant)

這裏不是很高級，但小菜較經濟， 座位之間交迫窄。

價錢合理 味道不錯 ok

好食唔貴
認住收銀老闆娘，手背有紋身果間就係

少油少塩

少油少鹹 上菜快👍 …

味道好過大酒樓

每年都會煩父親節去邊到食飯慶祝最好， 因為老豆比舊懷舊，有時節日一定想食中菜的， 好彩今次比我係土瓜灣發現呢間中菜店，一於提早慶祝父親節唔洗同人迫。

今次我地一家四口來到叫左下面幾款小菜：

黃金脆涼瓜 – 有新意，因黃金蝦食的多， 用上涼瓜真係小食到， 食落一d都唔苦,甘甘地。

椒鹽白飯魚 – 鍾意炸野的阿哥必點之選，比出面的大條好多。

椒鹽南非鮑魚 – 我鍾意食鮑魚係人都知來到呢到睇相見咁特別緊係要叫返碟食啦， 果然出色。

懷舊梅子荔芋鴨 – 鍾意懷舊的老豆讚口不絕， 話好耐冇食過呢個酸甜鴨的味道了。

濃湯鮮蝦滑浸時蔬 – 媽咪叫的，因為媽咪覺得每一餐都最小要叫一碟菜先可以， 用上濃湯，令到每條菜都好鮮甜。

今餐父親節飯老豆好滿意，仲話下次要約姨丈佢地再食個鴨。

一般

離街市附近開左間近既車仔麵檔，同婆婆買完餸，試下新店先返去。

食d咩劃係紙仔到，有麵有飯，要留意下近門口foamboard，有咩賣哂有咩新品都寫哂係到。

🥢泰式醉雞翼🥢
廚師突然拎左碟雞翼請我地食，好surprise，小店先有既人情味。皮爽肉嫩，帶微微酒香，係超開胃菜！

🥢香滑腸粉撈🥢
試左呢到既特式食品，車仔腸粉撈，醬料係用傳統既豉油、甜醬、麻醬，濃稠度適中，花生醬香味濃郁，不過粉腸質感真係好滑嫩彈牙。

要試佢地既韭菜餃，又鮮又多餡，食完成口韭菜味都值。

🥢冬蔭功湯底🥢
冬蔭功湯底好正好刺激味蕾，超級冬蔭，味道勁似MAMA冬蔭功麵，一定要叫魚腐同枝竹索哂d味。

🥢金錢肚🥢
勁足香料味既滷水汁入哂金錢肚，單食會有少少鹹，牛肚係勁爽唔韌。

喜滿樓菜館 (土瓜灣)
土瓜灣安徽街2號地舖
******
高手在民間@喜滿樓👍美味又健康😋
.
雖然我對土瓜灣區頗為熟悉，但就喺友人嘅介紹下，先至初嚐「喜滿樓菜館」。因為餐廳門面並唔起眼，平日行過只覺佢係一間地道街坊茶記🙈。
.
行到入餐廳先發現原來幾大間，估唔到閒日下午都咁多人食緊，環境正正常常啦，大致上都算乾淨企理。其實下午茶時段只係做到五點，我哋過咗小小鐘，但店員都俾我哋嗌埋，好好人昵☺️。定價方面，早午茶餐同客飯嗰啲偏向大眾化價錢，而小菜類價錢就較高，可能因為唔少菜式都用上靚食材嘅關係啦。
.
秘製醬油厚豬扒飯($58)，作為餐廳名物嘅皇牌厚豬扒果然無令人失望🐷。厚豬扒堅厚堅巨型，大塊過我塊面啊！豬扒肉質既嫩滑又結實，食得出並無用鬆肉粉過份醃製，更絕無臭豬味。除咗豬扒外，仲有一隻荷包蛋🍳同少量椰菜伴碟。🍚白飯份量唔多，對女仔嚟講啱啱好，不過大食嘅叫多飯應該都OK；秘製醬油睇落好深色水，但實際上唔會過鹹、過於纏人。
.
星洲炒米($43/下午茶價)，雖則話係迷你，但份量亦都唔少，足夠當正餐食😜。呢碟星米比起九成茶記好食，分別在於炒得入味兼爽口。鑊氣唔算好勁，但亦免卻咗炒燶痴底同過份肥膩嘅情況。米粉麵質唔錯，粗幼適中，唔易截斷，並無炒到碎濕濕。最後，星米中嘅配料－蝦同叉燒用料亦唔馬虎，蝦肉新鮮彈牙，叉燒唔乾👍。
.
喜滿風沙雞($178/半隻)，雞類小菜一定要預訂先有得食，好彩同行友人係熟客仔，早一日留咗，否則就無機會品嚐😳。老實講，我開初心諗有冇咁巴閉呀，要訂之餘，半隻雞仲賣成差唔多兩舊水？不過食完第一啖雞之後，我就覺得係物有所值！
.
首先，風沙雞賣相吸引😍，色澤金黃。炸雞面鋪上大量金沙脆脆，即係酥脆嘅炸蒜粒。廚師控制火候得宜，如果蒜粒炒得過火就會產生苦味，但呢度真係一丁點苦都無。再者，炸蒜粒炸得夠乾身，粒粒分明，放咗半個鐘仍能保持脆身。🐓主角雞肉亦同樣出色，皆因所採用嘅雞種肥美肉厚，皮薄肉嫩；油炸後香脆得嚟竟然仲可以油都唔多滴，簡直難以置信，大大減低食炸雞嘅罪惡感👻。
.
飲品方面🥤，我哋要咗凍奶茶，凍飲加$3。奶茶嘅調味恰到好處，唔會太甜，茶底亦唔會太澀。
.
總括嚟講，高手在民間，要食好味小菜唔一定要去大酒樓或者酒店中菜廳，嚟喜滿樓都得，懷舊同創意菜式一應俱全😋。今日嗌嘅三樣食物都好有水準，味道夠濃夠香，但並唔代表一定係多油多鹽重口味，其實健康滋味都可以好惹味㗎🥢！

超級好味道😋😋😋 …

今日約咗朋友去何文田體育館做運動，運動後一齊去食D嘢、放假悠閑又想食好嘢，捐窿捐罅揾嘢食⋯⋯
行吓行吓見到門口有間食肆，餐牌寫住小鹽小糖，而且價錢仲好抵食，一向我都幾鍾意食中菜，所以又走入去睇吓有乜好嘢食先，坐低已經聽到廚房炒餸的蓬蓬聲鑊氣，未食已經知道一定掂👏👍
————————————
價錢仲係平過自己煮👏
又夠鑊氣，
仲係好健康、小鹽小糖….
估唔到有間咁好食嘅小炒，小炒要夠鑊氣.先可以食到中菜嘅固中奧妙，呢到比到我食到奧妙中的中菜👍
—————————-
🟪例湯🥣：
青紅蘿蔔🥕豬🦴骨：
夠火喉、無味精、清潤又清甜
—————————-
🟫皇牌必吃主打：
秘制醬汁厚豬扒煎蛋飯：
嘩！大大塊又厚厚的豬扒，秘制醬汁味道適中，咁大塊豬扒都唔會（鞋口），大大塊、睇吓隻荷包蛋嘅比例就知道塊豬扒有幾大塊，大件夾抵食，超值又好食😋
————————-
🟧黃金脆蝦：
可以食到甘香咸蛋王的味道，又脆口、蝦🦐又大大隻，肉厚又彈牙的質地，就知道是用新鮮蝦蝦泡制，街坊價錢、街坊生意，住喺呢區嘅人真係有口福👍
—————————
🟥招牌欖角骨：
愛吃🐷豬的我又出場了，好彩只是愛吃豬，而不是懶惰🐷豬，否則就⋯⋯😂
材料靚，用一字骨做，半肥瘦的部位，廚師👨‍🍳又做得出色，一咬落口是脆脆的外皮，吃落有點像拔絲的感覺但又不會太甜，咬落裏面的肉質鮮嫩爽口，欖角的味道溶入拔絲中的一字骨混合，我一吃就已經讚不絕口、超like👍👏😋
—————————-
🟩小炒王：
材料夠多又足，又香又好味的小炒，韮菜、韮王、腰果、叉燒、魷魚🦑、豆腐乾⋯⋯等等。
啖啖足料、啖啖夠味
——————————
每碟餸菜都足料又大碟、平民街坊嘅價錢，大廚的又夠鑊氣又好食😋、地方坐得也是寬闊、位置也是方便，住係附近一定知道，而我呢個路痴也覺得好方便，交通工具嚟講，沿線地鐵🚇都去到，何文田站A出口向士瓜灣方向一直行，唔使十分鐘，食完又行返去地鐵站🚉、真係超方便，下次如果再約朋友一齊喺呢度做運動，又可以再來吃👏👏⋯⋯
———————————-
開心🥳⋯⋯簡單喜滿樓
街坊價錢……..足料食物
開心🥳⋯⋯就係咁簡單
————————————

今日經開土瓜環搵好野食😛今次就試下中菜小炒啦 呢間店係標榜健康啲既 少油少鹽 估唔到食中菜都可以冇咁邪惡🤣

一坐低就會有湯飲😍今日係南瓜湯！好清甜😋食到少少南瓜同紅蘿蔔🥕 表面唔會好多油 好似屋企煲既老火湯 唔係味精湯！

因為早食所以可以試到個厚豬扒包$38
豬扒比起出面既真係厚好多 個包烘得好脆 搽咗牛油所以食落會更香 呢個價錢好抵食！👍🏼

另外仲叫左2個小炒

首先係避風塘鮮魷 🦑$98 🌟🌟🌟🌟
呢個好有驚喜！ 炸到表面金黃色 好脆 個炸粉一啲都唔厚 亦都唔會好油 係好乾爽既 鮮魷炸得岩岩好 好嫩 一啲都唔韌 最驚係好似橡筋咁 個人諗為必點！⭐️

小炒王$88
份量好多 堆到成座小山咁 材料有菜圃 腰果 叉燒 豆干等 好惹味但又唔會咸 我地冇配飯食都岩岩好👍🏼

最後仲外賣左個招牌芝麻雞添 $178
即刻既話個外皮好脆 肉質又嫩 撒滿芝麻令隻雞更香 就算雞胸都唔鞋！果然係招牌

土瓜灣一向多美食
而家年紀越嚟越大
開始想試返香港獨有嘅口味
黎左呢一間外表平實嘅粵菜餐廳
本身我係畀佢下午茶38蚊嘅豬扒包吸引
食咗之後 覺得好好味所以就晚飯都喺嗰度解決埋😂
餐廳嘅裝修同普通香港嘅茶餐廳冇乜分別
非常之有親切 原來都有唔少親報紙傳媒訪問過佢哋
老闆放棄高薪厚職返咗嚟香港追夢
目的就係想整一間好食嘅港式茶餐廳
.
✅厚切豬扒包
個包係到好脆嘅
可以參考我幅圖 但同時地個包又唔會好乾
咬落去仲好煙韌😊
豬扒冇偷工減料有兩塊
加埋秘製醬汁同蕃茄肉
豬扒份量多之餘咬入去仲好juicy有肉味
亦唔會整到非常之熟 反而仲幾嫩滑
非常飽肚👍
作為下午茶好抵食
✅蜜椒薯仔牛柳粒
薯仔係炸到脆卜卜
外層仲有蜜糖衣 食入去非常惹味
牛肉粒約八九成熟 所以仲keep到啲肉汁
口感煙韌 但唔會過硬
成個菜嘅感覺就係好濃沃好香口
✅咸魚煎肉餅
鹹魚同肉嘅比例係啱啱好
鹹魚香令到個肉餅 更加有鮮味
師傅應該有處理過
所以咬入去幾彈牙 唔會過份油膩
反而仲食到少少脆嘅感覺
呢樣幾難得
✅馳名芝麻雞
老闆有同我傾幾句佢哋揀嘅係比較大隻嘅雞肉
比較濃雞味有微甜香
預先處理再沾上大量嘅芝麻一齊炸
個感覺就係食緊芝麻餅加嫩滑嘅雞肉
非常香口 芝麻脆卜卜帶出咗雞肉嘅嫩滑
非常多層次嘅感覺☺️
真係一個好有誠意嘅菜式
冇諗過一間平實嘅茶餐廳可以有咁嘅質素
本身諗住食個平平哋嘅便飯
居然有酒店中菜館嘅咁質素
一定會再去encore👍👍

師傅有 heart

好食

喜滿樓菜館是土瓜灣的小菜館，走平實的路線，推行少鹽少油的健康飲食，店員熱情有禮，而且頗具人情味，因此深受街坊歡迎！

例湯 – 青木瓜甘筍南北杏煲唐排
清甜的靚湯，入口順滑，喝後不會感到口渴，證明冇落味精，抵讚！

午餐 – 魚香茄子肉鬆 $58
上菜ja ja聲，熱辣辣又香噴噴！茄子保留了亮麗的紫色，配以大量肉碎，咸香味濃而且超級惹味，最起碼可以食到兩碗飯！

喜滿小炒王 $88
内含韭菜、韭黃、蝦乾、腰果、魷魚、菜脯、豆腐等，超級足料而且極具鑊氣，佐酒一流！

避風塘鮮魷 $98
見到啲炸蒜同埋乾辣椒，已經令人食指大動！魷魚的粉漿薄而脆，魷魚炸至僅熟，一啲都唔靭，仲好鮮味！

餐飲 – 凍檸茶

可樂 $10

好味

好食，態度好

新派酒家

戰戰競競的午餐，還好過到。😅 …

平均水準

位於土瓜灣安徽街的「喜滿樓菜館」開業兩年多，家人一直都想試，今天終於能和家人來品嚐這裡的小菜。「喜滿樓」不是位於大街大巷，也沒有輝煌的裝修，能吸引客人再次光顧的原因，當然是味道好，食材新鮮和招呼有禮啦！
店舖內外貼滿餐牌，其中一張是熱賣排行榜，有二十幾款撚手小菜，當中有很多懷舊小菜，也有創意菜式，而排第一是「芝麻雞」，咁受歡迎，當然要試下啦！
首先每人棒上一碗例湯，今晚是紅蘿蔔合掌瓜煲豬骨湯，材料十足，絕無味精，清甜好飲
「芝麻雞半隻」$178招牌菜芝麻雞，雞皮上滿佈芝麻，芝麻黐得好實，沒有一粒散出來，一向不吃雞皮的我，都忍不住吃了幾塊，非常香口。而剛剛熟的雞肉則鮮嫩幼滑，點上芝麻醬一起吃，絕對美味。
「京都一字骨」$88一字骨味道帶點酸甜，細細舊容易入口，只是份量略嫌少了些。
「秘製醬油厚豬扒飯」$58這塊厚豬扒就很夠份量，成隻碟咁大塊，煎得非常香口，還有一隻太陽蛋，很是吸睛，醬汁亦有別於一般豉油，撈飯非常好吃。
「枝竹鯇魚煲」$88鯇魚煎得很香，有超多的枝竹、豆豉和薑葱，很惹味。
「濃湯浸生菜」$58清甜的生菜加奶白的湯汁，非常夾配。

今晚小妹收工去左土瓜灣拎野之後打算行去何文田站搭車, 經過E間菜館門口聞到幾香, 於是就決定買埋外賣番屋企同媽媽食🤣 餐牌實在係太多選擇, 仲有掛版寫埋今日精選, 最後經過左一輪十五十六大細心, 小妹決定揀3個餸番去😋! 每個餸係即叫即炒, 而且都會跟一個白飯🍚同老火湯🥣, 份量相當足! 值得一讚嘅係飯餸過左一個鐘都仲係幾熱👍🏻
🌟青紅蘿蔔南北杏煲唐排🥕🐖🍲
老火湯無咩味精, 味道清甜多料!
🌟新加玻酸辣炒蝦🦐
炒蝦大大隻, 而且數量唔少, 醬汁味道微酸帶辣, 開胃又惹味!
🌟喜滿小炒王
小炒王炒得幾夠鑊氣, 韭菜口感脆嫩, 腰果香口, 魷魚爽口彈牙, 豆卜絲吸哂d汁好入味, 仲有叉燒絲, 味道咸咸香香, 非常好餸飯!
🌟蜜椒薯角牛柳粒🥔🐂
黑椒味幾香, 炸過嘅薯角隔左一個鐘都仍然外軟內脆, 牛柳粒軟嫩入味, 加埋蜜糖🍯好滋味!😊

你要有充分的時間， 才可以等待他們的美食， 我只係叫了兩餸一湯， 呆坐45分鐘， 各位可以考慮下啦。