Lady Nara
營業時間
| 星期日 | 11:30–22:00 |
| 星期一 | 11:30–22:00 |
| 星期二 | 11:30–22:00 |
| 星期三 | 11:30–22:00 |
| 星期四 | 11:30–22:00 |
| 星期五 | 11:30–22:00 |
| 星期六 | 11:30–22:00 |
服務選項
無接觸送餐服務
外送
外帶
內用
產品/服務
小菜
咖啡
用餐選擇
早餐
午餐
晚餐
餐飲服務
甜點
設施
適合兒童
氣氛
氣氛悠閒
環境舒適
客層族群
適合團體
規劃
接受訂位
付款方式
信用卡
【Background】
係尖沙咀海港城的「Lady Nara」為泰國曼谷米芝蓮「Nara Thai Cuisine」嘅姐妹店?以粉紅Pink Pink為主色調，裝修充滿少女夢幻感，卡位圍繞住藤椅設計，既有空間感，打卡度更係爆燈！而窗邊一排座位，可以隨時飽覽維港景色，真係無論坐係邊到都值得！岩哂各位男士帶埋另一伴黎，比個驚喜佢?
────────────────────
【拋豬引肉碎煎蛋飯 $98】
泰國經典肉碎煎蛋飯選用最近至Hit嘅新豬肉代替豬肉碎，以傳統方式炮製，口感味道不變之餘，食得更健康?新豬肉碎加入香草，辣椒等炒香，質感同豬肉碎有9成相似，嫩滑多汁，送飯一流?
.
【黃咖哩大蝦 $168】
大蝦先落油鑊炸至酥脆，食落更香口但肉質Keep到彈牙，圍繞住大蝦的是黃咖哩蛋花，啖啖水嫩又滑一滑，更帶濃濃嘅咖哩香同椰奶香?可以配搭蝦片食都吾錯架?
.
【黃薑雞肉沙嗲 $88】
以黃薑醃製而成嘅雞肉串，雖然黃薑味不算突出，但勝在口感軟嫩鮮美，又帶微微焦香，隨碟有兩款醬汁，一款係濃郁沙嗲醬，一款係酸香開胃汁
.
【泰式奶茶 $38。蘆薈香茅茶 $48】
濃香順滑嘅泰式奶茶不作太多介紹，識飲一定必嗌佢?反而蘆薈香茅茶比到吾少驚喜我?淡淡嘅香茅味又帶點檸檬果酸，味道特別又易入口，仲好fresh添～仲有蘆薈粒做咬口，極力推薦呀?
.
【Remark】
✔️ 加一服務費
✔️ 餐前小食蝦片 $15
✔️ Waiter有禮好Nice
✔️ 打卡度好高
想食泰菜又想有海景，就要黎ladynara??
絕對係性價比超高，座位舒適，環境優美，設有打卡位，花花牆鞦韆必定要留個紀念。
泰式雞肉炒金邊粉
$128
金邊粉不會過度油膩，加入砂糖辣椒?️，煎香的雞肉，簡直有泰式街頭小食嘅感覺??能夠在環境優美的餐廳享用此金邊粉，實在大力推介
紅咖喱牛肋肉配白飯
$128
咖喱香濃美味，牛肋肉炆得很淋，肉質滑?咖喱適合香港人口味，不會過辣，加入車厘茄等香料，有少少甜味配白飯一流
黃薑沙嗲雞串
+$28
雞肉燒得香口，沒有雞皮，不會過度油膩
配上沙嗲花生汁和酸汁一流
椰青
+$38
基本上每次食泰式嘢都會飲椰青❤️❤️味道唔使多講，清甜可口，飲完仲可以食埋新鮮椰子肉，天然健康美味
午市套餐包了冬陰功湯和肉碎生菜❤️令整個泰式餐更加完美
一碗熱辣辣的冬陰功湯，酸酸辣辣非常可口
肉碎沒有半點肥肉，配上新鮮生菜?，清甜美味
員工服務好好，有海景位
Nice food
泰•高水準靚景佳餚???
今日同朋友慶祝生日? 知佢鍾意泰國菜，精心挑選了位於海港城的「Lady Nara」。
餐境環境佈置超靚又有海景，打卡留念絕對一流。 除左裝潢靚，網上餐廳的食物評價亦很高，相片亦十分吸引。對今晚的慶生聚會萬分期待。
平日晚上大約七點鐘黎到，差不多全場爆滿，可見其人氣呢。
–
食物選擇很多?????
先奉上餐前小食，炸蝦片厚身又脆香
–
❤️大蝦柚子沙律
天氣濕濕熱熱，最適合點這款沙律。 柚子很爽甜，大蝦相當彈牙。沙律醬味道豐富，魚露、香料、青檸等材料，營造酸香清甜的層次感味道，亦是這道菜的靈魂。非常醒胃美味，充滿泰色風情。
–
❤️黃咖喱軟殼蟹
很喜歡泰式的黃咖喱。 咖喱口味不辣微甜，其獨特香氣，總是令人難以抗拒。
這道咖喱招牌菜，其質感濃稠得宜，充滿香氣。 軟殼蟹相當有份量！ 炸得酥香脆口。
另加配了薄餅，薰點咖喱汁來吃，極緻享受。
–
❤️泰式蝦餅
每次吃泰國菜都愛點炸蝦餅?圓滾滾的蝦餅外層色澤金黃香脆，肉質彈牙無比。點上甜酸醬來吃，更添味美。
–
❤️香脆芝麻豬頸肉
豬頸肉紋理漂亮，愛其爽彈口味。加了芝麻，份外香口。
係海港城洗完消費卷，係呢間泰式x西式餐廳嘆個下午茶☕️，全店都係粉紅色?，近窗邊仲有一排峇里渡假風設計既座位，每枱都有兩張高身藤籃木椅，想打卡記得request坐窗邊位，食住甜品欣賞海景。
.
一坐底就有一兜蝦脆片食，味道幾正，又可以醫肚，$15一兜，下午茶有14個款式揀，仲有多人套餐。
.
?軟殼蟹和牛漢堡配薯條 $178
值得試??，和牛漢堡juicy爆汁，軟殼蟹幾新鮮，又大隻，啖啖肉份量好大個，兩個女仔可以share食，仲好貼心咁幫你切開一半。
.
?海鮮冬陰功意大利飯 $178
Risotto質地好食，濕潤得來又有少少硬身，一粒粒分明既口感，冬陰功味唔會太濃烈。
?泰式奶茶Tiramisu $88
值得試??，好食又好睇，比一杯cream自己淋落去，畫面好治癒，食落去好濕潤，啲蛋糕索晒啲奶茶醫，好yummy。
.
另外值得一讚嘅係佢啲飲品唔會太甜??
約埋閨蜜一齊食個午餐，
我哋都鍾意去泰國，
而家冇得去，
唯有食餐泰國菜頂下癮。
餐廳裝修風格好有度假風，
仲有個花花鞦韆可以坐吓。
我哋坐咗窗邊位望出去見到郵輪泊位，
景觀開揚感覺好舒服。
我嘅係香茅烤雞扒午市套餐，
有沙律配冬蔭功湯，
另加$18轉泰式奶茶。
烤雞扒皮脆肉嫩，
又香又有肉汁，好味。
沙律爽脆配埋特式醬汁夠健康。
冬蔭功湯味道酸酸辣辣，
最欣賞佢有新鮮草菇，
個湯有佢先至有靈魂。
泰式奶茶夠香，我鍾意。
加錢加咗兩個小食，一個係炒通菜，
通菜好爽脆又惹味。
一個就係蝦餅，
蝦餅裏面有蝦肉，
口感彈牙，點埋個汁仲好味。
閨蜜叫嘅泰式豬肉炒金邊粉午餐，
配沙律、蕃茄忌廉湯、熱檸水。
我都有試咗少少閨蜜個金邊粉，
金邊粉配菜都好足，煙煙韌韌好味。
食完嘢我哋仲喺度影咗好多相添。
位於尖沙咀海港城的Lady Nara?? 主打泰菜~ 之前一直人潮多，所以現在才去一探?
今次三點前往，原本一心打算吃野餐下午茶set.. 但原來已經沒有了? (真的應該先做功課)
如果想確保有得坐我圖中有海景窗的位置記得先預早打去訂坐！而另外鞦韆的位置不坐人，所以在等待食物時可先打卡~
以下是我較推薦的飲食:
?salted egg french fries
不是很濃的味道，所以吃多也不會膩。配上粉紅色的點醬~ 少女感加分?
?mange sticky rice
泰菜中，我個人必點的芒果糯米飯
推薦???? 芒果甜，配上椰汁及糯米飯很好
?rose pu-er tea
整個teapot上，打卡漂亮~
?Lady Nara (尖沙咀)
尖沙咀廣東道3-27號海港城港威商場3樓3303號舖
竟然俾我發現咗呢間餐廳 ? Lady Nara
一入到去坐低就覺得好舒服
因為佢嘅座位比較闊落
同其他座位之間嘅距離都比較遠 所以都幾舒服 咁啱我嘅位嘅後面係有塊大玻璃
如果6點幾食應該可以睇埋日落 ?
下次我應該會book再早啲d今次失策咗…
一嚟到就俾咗蝦餅我地
我想講佢嘅蝦餅係加咗少少黑胡椒 會令到人哋忍唔住不停咁食
不過佢比嘅份量都比較多
今次就叫咗佢嘅生蝦、芒果米卷、紅咖喱、薄餅仲有杯芒果乳酪飲品 ?
生蝦真係好好食 一定一定要叫
米卷加上佢既醬汁甜甜地 個軟殼蟹都好食 ?
不過個紅咖喱對於我嚟講就比較甜
如果你好鍾意比較 重奶味嘅咖喱
咁你應該會好鍾意食
同埋佢嘅牛腩係超級林
本身唔打算叫嘢飲 但最後忍唔住叫咗杯芒果乳酪 都真係幾好飲 臨走嘅時候仲可以去佢嘅打卡影相
Excellent food, generous quantities, spacious seating, super organized and efficient.
Best deal in Harbour City. We will be back
尖沙咀夢幻下午茶
放假嚟到海港城行街行到有啲肚餓，見到呢間咁粉紅又充滿少女心既餐廳，就忍唔住入嚟食番個港女下午茶。原來呢個下午茶係同日本化妝師品牌合作而推出，二人份量既tea set價值$458，仲會附送品牌既皇牌體驗試用裝，都真係又食又拎。?
坐低後，店員會送一份蝦片小食，香脆得嚟又唔會太濃味，啱哂開餐前過下口癮。
High tea最令人享受既環節，相信係送上精緻餐點既一刻，而且挑選既食材同用色都好粉嫩，配合番餐廳主題，直頭係視覺既享受☺️
⭐️ 鹹點
分別有迷你粉紅漢堡、野菌松露忌廉撻、香煎BBQ煙肉雞球卷、羊奶芝士吐司配草莓果醬、芒果蝦肉米紙卷。西式得嚟又帶點泰式風味。
⭐️ 甜點
泰國青檸芝士撻、茉莉花焦糖布丁、紅桑子慕絲白朱古力唇膏、棉花棒棒糖、柑桔果肉啫喱撻。焦糖布丁好出色，有淡淡既焦糖味但同時充滿花香，唔會太甜。
呢盤分別有提子英式鬆餅、玫瑰粉紅英式鬆餅、胭脂霜牛油曲奇、唇膏牛油曲奇、紅唇牛奶朱古力。玫瑰鬆餅好鬆化，配埋奶油忌廉一齊食，味道好夾。
RMK體驗套裝
跟餐每人送一份試用裝，內有化妝袋、Base、Liquid Foundation、Cleansing Gel、Redemption gift card，食飽仲有禮物收，有氣有力可以繼續shopping了?
今晚去海港城食泰菜?呢度以粉紅色做主調?佈置華麗，有不少打卡位，特別係佈置得好靚嘅花花鞦韆，非常適合女士們到訪?
一坐低，侍應就捧上一籃蝦片（$15），可以一邊食一邊慢慢點菜，唔使餓親個肚?我哋嗌咗幾樣野分別係??
?沙嗲豬肉串燒$88
火喉啱啱好，肉質嫩滑juicy～
?燒豬頸肉配青木瓜沙律$128
豬頸肉外層香脆，木瓜沙律清新可口，賣相亦不錯～
?菠蘿海鮮炒飯$128
餡料豐富，二人份量剛剛好～
?泰式明爐魚$268
肉質鮮嫩，要小心有少少魚骨，
配多碗香茅湯俾你淋落去，就咁飲都好好味?
?鮮芒果沙冰$55
真材實料，芒果味濃郁，正！
整體來講食物有水準，而且唔會太辣，想食泰菜又怕辣嘅不妨一試?
Lady Nara~
又來到開心週未啦～
今日午餐就食豐富D！！！
Happy Friday 既好心情天氣持續到週末！
Surf & Turf and Fries
Grilled USDA Prime Top Blade Steak & Lobber Tail
???
US Prime 牛肩扒?珍寶龍蝦尾?配薯條?
呢個餐真係超級豐富！
大大條淡淡肉龍蝦尾～
燒過後有預預焦香肉質又彈丫！
牛排肉味濃肉都仲有肉汁～
不過就有小小overcook 啦～
叫左Medium就成變左7成～
所以呢到扣左小小分～
Tai Bolognese Spaghetti with fried egg
泰式肉醬意粉
??
呢知味道都係預期之內～
水準不過不失～
泰國風味肉醬意粉兜亂?
餐廳行走少女風、有吊椅比食客打卡、有大玻璃對住海景食個TEA，爽YY??
炭燒豬頸肉配木瓜沙律?
擺盤非常吸精??果然岩曬打卡?、豬頸肉份量足夠，有少許炭燒及煙燻味道，豬頸肉本身已用香料醃製過不用點裝汁都夠味道。木瓜酸甜，口感清爽，微辣。
椰子大蜆煲????推薦
大蜆新鮮大大隻?配料有草菇、大量椰子味道清甜??帶有椰子香味仲加左香茅帶帶微酸??
蝦餅
蝦餅本身就好難好食?但係呢間嘅蝦餅size夠大隻同埋入面蝦肉係實蝦肉，唔係粉????
甜品-泰式奶茶Tiramisu
呢個推介最好食?芝士香濃、帶帶奶香、蛋糕用泰式奶茶?，茶香味濃??
人均消費大概$3xx
環境?????
食物???
Lady Nara位於尖沙咀海港城，是泰國曼谷米芝蓮泰菜Nara的姊妹品牌，主打泰式Fusion美食，餐廳內甚多打卡位，餐廳佈置擺設用上大量粉紅色元素，少女心大爆發。
食物方面可以說是西餐配上泰式味道，非常特別。
芝士松露薯條，新鮮熱辣即炸，松露百搭，最特別的是粉紅色的醬汁。
蟹肉長通粉，大量蟹肉蟹子配上泰式醬汁食汁，味道新鮮。
必點推介冬蔭海鮮意大利飯，將西方意大利飯配上泰式冬蔭醬汁，大蝦青口魷魚新鮮，好食。
甜品當然要叫人氣泰式奶茶Tiramisu，口感獨特，軟綿綿，奶味較濃。
Must try
Nice
華麗感之下午茶
用上木製個寶箱盛載
盒內都放滿閃閃寶石 賞心悅目
????????? ????????? ??? ??? $488 ??? 2
第一層鹹點
心水推介煙三文魚他他雙色包、三文魚籽配柚子沙律
均伴以泰式辣汁 清爽惹帶點微辣
玫瑰法式火腿煙肉蛋批、炸蝦天婦羅粉紅漢堡
夠香口 幾好味 One bite size亦啱啱好！
第二層甜點
亮點就係比利時大師Frederick Blondeel 出品嘅朱古力
分別包括：55% Chocolate Brownie、海鹽焦糖朱古力、牛奶杏仁碎榛子朱古力
朱古力入口比想像中淡一點 會唔會過分濃甜
而兩粒朱古力又外脆內軟 真心不錯
Raspberry Macaroon 外層也有朱古力 酸甜層次豐富
草莓慕絲香檳椰青啫喱杯 則是比較清淡嘅一款甜點
另外仲有令我最驚喜嘅Scone
碎朱古力味鬆化可口
與另一款加入班蘭口味 亦非常不錯
配以菠蘿果醬及厚滑質感嘅奶油忌廉
Tea or coffee?
分別揀咗茉莉花茶、伯爵紅茶
平時好少一次過食咁多朱古力
飲啖茶解膩就最夾啦
一講起粉紅餐廳，個腦已經諗起幾間出名嘅打卡餐廳?其中一間就係Lady Nara?佢地將泰式fusion菜，之前未食過，真係唔知泰式fusion到底係點，又驚怪味??
·
平時lunch太多人去嘅關係，我又係特登請假先食到佢嘅lunch?lunch time walk in大約等20分鐘左右啦，原本同職員講左想坐窗邊，但最後唔知點解佢會俾左中間好大張果啲籐椅位我??我見果啲位都ok就算啦?
·
1️⃣脆皮芝麻三文魚配香辣忌廉汁($168)
三文魚皮真係脆皮??煎得好香，點埋下面白色果啲香辣忌廉汁又真係唔錯，幾惹味??我未食過辣嘅忌廉汁，仲擔心好怪，但食完真係覺得唔錯?
·
2️⃣冬蔭煙肉忌廉意粉($138)
見到好多人黎呢度都係食呢個意粉，A先生就叫左黎試下，估唔到carbonara加左冬蔭公都ok喎??幾香，食落都唔錯?
·
呢兩個都係lunch set，會跟湯/沙律+飲品，我地一人叫一樣，我試冬蔭蘑菇湯，A先生試泰式辣肉腸水牛芝士沙律??個湯勁大碗，有冬蔭公味，酸酸地幾開胃?沙律都唔錯?如果唔洗等位，可以再食??
A popular new restaurant offering modern or western food with nice display. It’s a bit overprice although the service was okay. The lunch was about $200-250 per head included drinks.
Very ? …
? 夢幻粉紅泰料理 ?
於海港城四處逛到晚上，肚子打鼓了，隨即想起這裡有家Lady Nara「打卡必去」的少女風泰菜，最適合全女班去朝聖下。
一進去感受確是不一樣，整間是粉紅色做主題，環境裝潢上自然很夢幻繽紛，孔雀椅能帶給食客泰國風情的感覺?
餐廳主打的是「新泰式料理」，我們點了3人份量的菜式：
? 泰式素春卷： 素食人士都適合，蔬菜餡料切絲，沾上自家泰式蘸料，春卷炸得剛好不會過火。
?海鮮肉碎粉絲沙律：有大蝦配上每條分明的粉絲，撈了泰式酸辣汁，是清新keep fit 的感覺。
?芒果軟殼蟹米紙卷：是夏日必點菜式，生菜、紅蘿蔔、泰國芒果、軟殼蟹，用米紙卷包著，吃多也不怕肥。
?原個菠蘿炒飯： 加上鮮菠蘿、汴鮮、鮮提子乾、炸腰果、豬肉鬆配搭而成的炒飯很香口，味道酸酸甜甜。
?蝦醬肉碎炒河：端上桌已覺得很香，爆香蝦醬再落河粉去炒得均勻，是不辣的，小孩也適合，拌菜是木瓜絲。
朱古力控一知道泰國曼谷過江龍???? ???? 聯同比利時手工朱古力大師???????? ???????? 合作推岀下午茶，諗都唔洗諗就衝左去食。今次下午茶以首飾盒為主題，加埋靚靚海景位，媽咪嘅少女心瞬間爆發！
甜鹹點均花左啲小心思，令佢有少少泰式嘅感覺~ 基本上毫無伏位，不過朱古力控就嫌朱古力嘅比例低左啲。
ChocoLady下午茶 HKD488 for 2
♠️ ??????? ♠️
?煙三文魚他他雙色包 配泰式辣汁
?玫瑰法式火腿煙肉蛋批
?三文魚籽柚子沙律 配泰式辣汁
?炸蝦天婦羅粉紅漢堡
四款鹹點味道都唔錯~ 原來粉紅漢堡同雙色包分別用上紅菜頭、番茄、菠菜做上色，全天然唔怕食左色素落肚。
煙三文魚他他雙色包 完全係一個塞滿三文魚他他嘅柱體！加上泰式辣汁，辣辣地好開胃。紅色麵包 番茄味意外地突岀，單食會覺得實左少少，但值得一讚嘅係唔會比三文魚整得太濕。
玫瑰法式火腿煙肉蛋批 酥皮香脆，蛋滑得黎唔會好似平時個啲咁實咁硬，充滿鹹香。
三文魚籽柚子沙律 有泰feel喔！醬汁偏甜，味道超熟悉，帶洋蔥同魚香，估唔到撈埋多汁唔苦嘅柚子又ok喎。仲有三文魚籽增添一絲鹹香。
炸蝦天婦羅粉紅漢堡 天婦羅皮厚薄適中，醬汁辣辣地好惹味，又唔會蓋過蝦味。不過唔知係咪因為擺到好後先食，炸皮唔太脆。
— — — — — — — — — — — — — ⠀⠀⠀
♠️ ????? ♠️
?草莓慕絲香檳椰青啫喱杯
?紅桑子馬卡龍耳環
???????? ????????
?55% 朱古力布朗尼
?海鹽焦糖朱古力
?牛奶杏仁碎榛子朱古力
?????
?碎朱古力班蘭英式鬆餅
?碎朱古力英式鬆餅
配菠蘿果醬及奶油忌廉
多款甜點之中，朱古力控就最鍾意Frederic Blondeel嘅岀品！牛奶朱古力意外地唔會太甜，加埋啲脆脆好正！Fill滿濃郁海鹽焦糖醬嘅朱古力就岩晒螞蟻人，略嫌無乜海鹽味。朱古力布朗尼濕潤綿密。
啫喱杯同馬卡龍就正常發揮~ 草莓慕絲味道毫不人工，柚子肉份量極多 但偏苦左啲，搶左香檳椰青嘅風頭。馬卡龍外層酥脆，唔算好煙韌，勝在紅桑子嘅酸味突岀，一解甜膩感。外面嘅朱古力就未能起畫龍點睛嘅作用。
英式鬆餅 外層酥鬆，內?唔會過乾，略嫌中間唔夠香軟。班蘭香氣淡雅，容易被好甜嘅菠蘿果醬同碎朱古力蓋過。
夜晚堂食一開返即刻搵下有啲咩打卡餐廳！今次呢間係海港城睇住維港景食泰菜??
鮮茄冬陰忌廉湯$68
蕃茄味好濃落咗忌廉口感更加creamy，酸酸地幾開胃
冬陰煙肉忌廉意粉$128
係濃味版嘅卡邦尼意粉?食得出冬陰功嘅酸味好輕微嘅辣味唔食得辣嘅都可以試下??
咖喱牛肋骨$158
香濃泰國香葉香料味，d汁撈飯一流?牛肋骨件件都好大舊又唔會韌??
泰式奶茶意大利芝士餅$88
打卡必叫?真係好濃泰奶味再加上佛系奶凍口感更細膩?可以encore❤️
如果要坐打卡位可以打電話book位問下可唔可以有冇近窗邊?睇住日落食飯好正?
花花世界「泰」過美???
位於海港城港威商場既「Lady Nara」，係米芝蓮傳統泰菜 Nara Thai Cuisine既姐妹品牌，融入左西式料理的元素。另外既重點餐廳既裝修係勁岩打卡呀?
餐廳是以度假風格為主題，好舒服懶洋洋嘅感覺? 每一個位都好適合打卡? 另外都係一個花花千秋位置，喺依個位影相勁靚?
好開心坐到係落地玻璃嘅位置，坐座張手工籐編孔雀椅，望住依個維港景在享受依一餐下午茶? 完全度假feel十足??♀️
?泰式牛肉船麵 $138
黎到心心眼? 有牛肉片、牛?、牛柏葉、手打牛肉丸、牛根，十分足料，?牛味又好濃，手打牛肉丸食落仲有肉汁出來。仲有一碗炸豬皮?，脆卜卜加埋個船麵湯底好濃郁又回甘，個湯底我差唔多飲曬！
?芒果糯米飯 $88
食泰國嘢點會少得芒果糯米飯呢?
椰汁林換咗糯米飯上?
而芒果?係好甜一啲都唔酸
?蟹餅配粟米青木瓜沙律 $158
蟹餅都有大舊，咬食落個感覺有少少似厚身版嘅薯餅，食到有蟹肉絲，蟹餅嘅底下有粟米蕃茄粒。旁邊都有木瓜沙律，不過份量唔算話好多，都適中既。
?鮮芒果沙冰 $55
?鮮椰子沙冰 $55
飲住沙冰太陽透過落地玻璃投射啲光入嚟，好似去咗泰國沙灘咁樣?️ 沙冰夠晒清涼?
?蝦片 $15
蝦片嘅份量都好多同大塊?
炸得好香脆，食到停唔到口呀?
而且又唔油膩，等d野食黎到之前有個好食既小食食住先?
Good place
–
???? ???? ?
記得好耐之前有係沙田食過Nara Thai
但就未食過佢既姐妹品牌 – Lady Nara
淨係聽個名都已經覺得好少女?
而餐廳內既裝潢都係同名一樣
周圍都好粉紅粉紅 有花 岩晒打卡
呢度有別於Nara Thai 既傳統風格
會係主打特色歐陸菜式並加入泰國元素~
?蝦片 （$15）
蝦片嘅份量其實都幾多 幾大塊
同埋炸得好香脆 唔會覺得好油膩
開餐前口痕必食 會停唔了口?
?泰式生蝦（$138）
生蝦會放有苦瓜條 小辣椒 蒜片做擺碟
成個賣相都係好精緻 簡潔~
蝦肉新鮮肥美肉質都好結實
好鍾意配埋酸酸甜甜嘅生蝦醬汁
令生蝦味道更上一層樓 ?
?花膠海鮮冬陰功（$228）
上枱嘅時候 店員會喺你面前加入湯
可以清楚睇到加湯前既足料配料
有大大嚿花膠 青口 大蝦 帶子
所以飲落鮮味都好突出 有微微辣 幾惹味
?黃咖哩炸軟殼蟹（$198）
好鍾意個黃咖哩煮得好軟綿香甜
咖哩味好香不過唔辣 所以好啱啲食唔到辣嘅朋友
而且炸軟殼蟹都炸得好唔錯 鬆脆juicy!
另外係嗌呢一個軟殼蟹嘅時候
店員仲提議我哋可以加$35薄餅點咖哩
試過之後真係覺得好彩有聽店員介紹！！
因為真係好好味 夾咖哩一齊食冇得輸~
整體黎講 我覺得送每一樣都好唔錯
而且份量都好足料 唔怕會食唔飽?
–
?Lady Nara
尖沙咀廣東道3-27號海港城港威商場3樓3303號舖
–
#lamchelin
#lamchelin_thai
#lamchelin_tst
Overrated, and won’t go again!!!
The mussels taste funky and left a bad taste in the mouth. The steak was over cooked.
Roasted chicken and crab balls are normal.
Nice food
哩間泰國過江龍Lady Nara，將曼谷嘅新泰式料理帶到香港，話說個名叫Lady Nara?真係名副其實，餐廳裝潢以粉紅色?同木色?為主調，行專為女性設計大自然花園嘅舒適慵懶風，仲有手工籐編孔雀椅，倚窗邊可眺望維多利亞港的一角?，十分愜意。
▶️炭燒豬頸肉配青木瓜沙律($128)，豬頸肉燒得外脆內嫩，點上泰式醬汁，好快就清碟。而個青木瓜沙律好清新，酸酸甜甜，配豬頸肉食非常解膩。
▶️青咖哩雞?($138)，青咖哩充滿椰汁味且吾辣，而且雞肉份量不少，送飯一流！而我就好中意裡面的泰國茄子，青咖哩要有泰國茄子，就好似黃咖哩一定要有薯仔一樣，正??！
▶️菠蘿肉鬆海鮮炒飯?($128)，哩個菠蘿炒飯材料豐富，除了一般的提子、新鮮菠蘿肉、腰果、肉鬆等，還有還有細粒嘅鮮帶子，飯炒得剛剛好，吾會軟爛，令口感頗豐富。
▶️鮮椰子沙冰?($55)，裡面有攪碎的鮮椰子果肉，飲落有細細粒椰子，口感特別，椰子味濃。
▶️芒果糯米飯?($88)，每次食泰國菜都一定要食埋芒果糯米飯先算完滿。糯米飯上枱時溫熱，淋上香濃椰漿，配埋個熟透嘅芒果，為一餐飯劃上完滿句號。
店內還有藤椅鞦韆可以打卡?。可惜因疫情關係，下午茶暫不供應?，等開返好想試下佢嘅tea set，倚窗傍海真係好chill架！??
尖沙咀·來自曼谷的最強網美餐廳
In Instagram-worthy Thai Restaurant
インスタ映えするタイ国のレス料理店
昨日屯門河出現約2.5米的龐然大物，疑似鯊魚背鰭一度露出水面，嚇得市民心慌慌，紛紛報警處理。有經驗漁民和生態專家表示龐然大物為近年因模樣萌醜而爆紅的「翻車魚 (Mola mola)」，相信只是誤闖香港河域。或許萌醜未必是你那杯茶，但位於尖沙咀的「Lady Nara」是公認的網美打卡餐廳，其專為女性設計的夢幻少女風，結合以泰式靈魂混搭全球特色的新潮料理，絕對能同時滿足你的視覺與味覺。
環境：
✨餐廳走專為女性設計的大自然花園風，氣氛舒適慵懶，以粉色、白、啡及湖水綠為主調，配搭幾何形狀與溫柔色調的餐具、泰國海運來港的手工籐編孔雀椅，打造別出心裁、時尚優雅的氛圍。
服務：
✨當天午市人流極多，職員態度和藹親切，上菜速度亦令人滿意。
食物：
? 軟殼蟹和牛漢堡配薯條 ($178)
✨從照片可見，份量十足！
✨大大的原隻軟殼蟹炸得十分酥脆可口，配搭厚厚的和牛漢堡肉、芝士、蕃茄、生菜等，咬下去肉汁四溢，很滿足！
? 鹹蛋黃薯條 ($78)
✨粗薯條掛上鹹香的鹹蛋黃醬，帶微微牛油脂香，再配上少女粉紅的紅菜頭蛋黃醬，惹味誘人。
? 玫瑰奶茶流心蛋糕 ($78)
?筆者推介之「呃Like首選」！
✨呈少女粉紅的心太軟賣相獨一無二，尚算做到外脆內軟，切下去，帶玫瑰花香的奶茶內餡湧出，伴檸檬黃的雲呢拿雪糕吃十分搭配。
? 草莓乳酪特飲 ($68)
✨顏色浪漫漂亮，能喝得出草莓的清新感，質感幼滑涼快，輕怡不甜膩。
? 小食 ($15)
✨東南亞地區常見的蝦片小食，表現一般。
之前有食過lunch, 今次來食晚飯。
芥有蝦皮， 估唔到好脆好香口～ 似係剛剛做好咁， 朋友都讚好～
同朋友一同叫左芒果沙冰， 芒果味好濃郁， 甜度稠度都剛剛好～ 面頭仲有花花，賣相開心～
蝦刺身之前食lunch 都食好， 因為好食 所以再翻叫?
椰汁雞好濃郁， 仲有火滾住上台， 食到一半服務員也很貼心， 主動幫我地關火， 可能因為怕煮太耐會太濃～
我最喜歡thad Thai, 賣相既很吸引， 食喜好夠味， 仲有三種不同調味料供選， 不過我無加， 也覺得十分夠味?
最後是菠蘿炒飯， 好正宗， 無可挑剔。 我最喜歡佢既肉鬆， 配料好足夠， 味道多層次又很搭～
好耐冇出去食晚飯啦，
難得依家有機會，
梗係要搵間又靚又想試架啦
最後揀左呢間，
門面好似西式但其實食泰式fusion菜
餐前小食係蝦片，
好香脆仲有少少胡椒味，
好快就清晒成盤
點左個芒果軟殼蟹米紙卷，
有好大隻軟殼蟹喺上面
中間有菜、紅蘿蔔、芒果、軟殼蟹，仲有d香葉，
口感層次好豐富，
爽口又帶少少芒果味，
做前菜岩晒
然後叫左個燒豬頸肉配青木瓜沙律，
豬頸肉燒得幾香，
不過薄左d！
但配埋個汁酸酸辣辣幾好食
青木瓜沙律好爽口，
但中間夾雜住辣椒，
D辣椒都幾辣
點左個黃咖喱魚柳，
呢個味道都幾濃，
但就唔辣既，
所以都點多左個薄餅黎食
薄餅上枱果時仲熱辣辣，
好酥好香軟，
兩個人食岩岩好
然後點左個泰式炒金邊粉，
呢個造型好可愛，
係個菠蘿呢
份量都唔少，
兩個人都食唔晒
整體感覺唔錯，
餐廳靚而且食物都好食，
份量算大，
見到唔少客人都要打包，
下次會再去試下其他野！
#ladynarahk 是Nara Thai 的副線，主題是少女風，粉紅粉綠色的佈置，再配合沙發卡座、孔雀藤椅，還有藤椅鞦韆，同好朋友一齊食飯兼打卡???
我點了一個二人set $506 都好夠份量，仲有甜品?
?Lady Nara 芝士肉醬粟米片，這個尚粟米片帶有歐陸風，還配有特別的粉紅色醬，很少女感，好靚，菠蘿莎沙醬、香北辣椒醬來代替傳統的辣肉醬及酸忌廉，好好味?
?香脆蝦餅，一碟有三件，好香蝦餅味，入口好彈牙、不會乾身??
?蟹肉長通粉，灑滿了芝士，又有很多蟹肉，撈埋蟹籽一齊食好夾，好濃蟹肉味???
?青咖哩雞配印度薄餅，青咖哩不會好辣，帶椰汁香味，最正係配印度薄餅沾滿青咖哩汁一齊食，塊薄餅亦都好香又夠油酥???
?芝士蛋糕，這個芝士蛋糕食落又唔會好膩，甜度適中???
Lady Nara Hong Kong
地址：尖沙咀廣東道3-27號海港城港威商場3樓3303號店
服務質素惡劣
Lady Nara 最近聯乘日本美妝品牌RMK，推出期間限定的「原味滋泰下午茶」，每位惠顧的客人可免費獲得RMK精選皇牌體驗套裝（價值$760）???。
今日約埋家姐一齊去嘆下午茶兼打卡。餐廳環境優雅，有招牌打卡位 -藤椅鞦韆和孔雀藤椅，我們揀了窗邊座位，可以欣賞維港海景。
除了靚景，食物也毫不遜色，造型相當精緻，最搶眼應該係紅唇牛奶朱古力，十分誘人，味道剛好，不會過甜。其他甜品質素都很高，芝士撻滲發青檸清香，鬆餅鬆化美味，胭脂霜牛油曲奇和唇膏牛油曲奇造型可愛，漢堡精緻可愛，真係靚到唔捨得食，還有棉花棒棒糖，勾起了無限的童年回憶……
原味滋泰下午茶 For 2 / $458
迷你粉紅漢堡???
野菌松露忌廉撻
香煎BBQ煙肉雞球卷
羊奶芝士吐司伴草莓果醬
芒果蝦肉米紙卷
提子英式鬆餅
配紅桑子果醬及奶油忌廉
泰國青檸芝士撻
茉莉花焦糖布丁
紅桑子慕絲白朱古力唇膏
棉花棒棒糖
柑桔果肉啫喱撻
胭脂霜牛油曲奇
唇膏牛油曲奇
紅唇牛奶朱古力
飲品：蝶豆花茶、焙火鐵觀音
好耐冇食過泰國菜，今日係海港城行街就決定試下呢間之前見好多人打卡嘅lady nara。雖然都係nara thai集團旗下，lady nara嘅裝修多左啲少女心，除左有靚靚花花同藤椅，仲有部份座位設計到好似鳥籠一樣，加上有啲位仲可以望到海景，瘋狂打卡無難度?
?小食 – 蝦片 $15
?香脆蝦餅 $58
真材實料啖啖蝦肉，3塊都好足夠了
跟左個甜甜地嘅醬唔係平時食開嘅甜辣醬都幾特別
?黃薑豬肉沙嗲 $88
冇乜肥豬肉都唔會覺得乾爭爭
加埋沙嗲醬一齊食好惹味
?冬蔭煙肉忌廉意粉 $128
好多煙肉、篤穿蛋黃撈埋食好滑好creamy
雖然冬蔭功味冇想像中咁濃不過整體還是配合得唔錯
?黃咖喱軟殼蟹 $198
?白飯 $18
份量超足!! 好多軟殼蟹，炸到好香脆
個咖喱杰杰地好夠味送飯超正?
（唔想次次食咖哩都跟薄餅用嚟撈飯一樣勁好食!!）
?鮮芒果沙冰 $55
大大杯都幾有芒果味，唔會係好假果種人工芒果味
總結：食物份量足，味道不錯，侍應服務殷勤，對住海景環境一流。
呢間環境咁精美嘅泰國餐廳好適合同朋友來打卡? 座位設計好有特色，粉木色系好靚? 星期日晚市都幾多人等位，好彩我哋5點就入座啫，唔係嘅話有排等?
入座都會有泰式炸蝦片小食，辣辣哋香脆可口?
烤杏仁泰式奶茶 $42
我鐘意飲泰式奶茶係因為覺得啖啖充滿奶香而且茶底濃郁，呢杯頂層仲有杏仁奶蓋，味道鹹鹹哋好正❤️
明爐荑梨肉碎蒸烏頭 $268
好耐冇食過泰式魚，原條烏頭一邊已起肉，魚肉嫩滑，湯汁酸甜惹味，肉碎增添口感，用爐熱住每一口魚肉都暖粒粒? 仲配上一碗湯，當魚肉變乾就可加小小變反濕軟同增添味道?
泰式炒金邊粉 $128
煎蛋包住金邊粉賣相一流～ 整散之後食仲熱辣辣㗎～ 金邊粉好有彈性，碟上有糖，花生，辣椒沾來食～好地道??
雖然去到都多人，但等15min都入到。每枱會有一小籃蝦片，勁脆！Menu都好多款，揀左一段時間先決定食咩?
✨軟殼蟹和牛漢堡拼薯條 – 個size比我想像中巨好多，開頭仲驚緊唔夠食，見到咁大嗰刻就驚食唔晒?軟殼蟹係原隻夾落去，有少少微辣，和牛都好juicy好厚身，同個burger好夾，餐廳仲好貼心已經幫我地切左一半~
✨肉碎米粉生菜包 – 都係大大碟，肉碎好入味，米粉沾嗰個特式醬汁好正，連埋生菜夾住好balance唔會膩
✨Crispy Chicken Wings – 個外皮炸得好香脆，雞翼控大愛
✨泰式奶黃湯圓 – 好特別，未食過咁多顏色嘅小丸子，湯底係好香濃嘅椰汁，好滿足?
✨鮮椰子沙冰 – 夏天飲好舒服，好有去左海灘嘅feel, 唔會太甜剛剛好
芝士肉醬粟米片:熱辣辣上枱,nacho焗到好香脆,加上拉絲芝士同辣肉醬,好開胃的小食
Shrimp cake(3pcs):蝦餅好飽滿,口感彈牙,外層炸到金黃香脆,入面keep到濕潤鮮甜
蟹肉長通枌: 個汁做得好出色,濃稠度剛剛好令長通粉掛晒啲汁,而蟹肉又溶晒落個汁度,每一啖長通粉都食到蟹肉的味道
青咖哩雞配印度薄餅: 青咖哩味道好味,但比較稀身,變相難啲點到薄餅,好容易滴到成枱都係
檸檬蛋糕:不過不失,一般的檸檬蛋糕
靚靚打卡餐廳
香茅烤雞：??????????
蟹肉長通粉：????
炒蘆筍：???? …
值得一試，好好服務?? …
環境好靚
It is at a very convenient location, but there is always a long queue. However, it is worth to wait a while. If you are planning to have dinner there, use GuLu app, it will reduce your waiting time. My favorite dishes is their salad with chicken. Their price are reasonable and quantity is very satisfying. And I highly recommended their Tiramisu with milk tea (forgot the proper name) is very heart melting dessert, must try.
食物美味?? …
呢間餐廳不嬲係海港城都好有人氣，今日朋友帶我嚟食early dinner 咁就可以容易啲拎到位！
✨lady nara chicken platter （特色脆雞拼盤）
炸雞拼盤分別有芝士雞粒、水牛城bbq 味雞鎚同埋單骨松露脆雞翼，再配上打卡度爆燈嘅粉紅色sour cream source ! 整體來講啲雞肉都幾柔嫩！幾個人Share當小食好抵！
✨ 軟殼蟹牛肉漢堡
軟殼蟹超級大隻而且有啖啖蟹肉，漢堡包係用上甜嘅麵包！而且煎到香脆好有誠意！牛肉漢堡都算幾厚！
✨原個菠蘿海鮮炒飯
呢個菜式海鮮好豐富除咗放係表面嘅大蝦之外，仲有帶子青口同埋雞髀肉！值得一讚就係嗰個菠蘿超級新鮮，記住食到最後刮埋個底嘅菠蘿肉食！超爆juicy !
呢間餐廳甜品都幾出名我哋叫咗
✨泰式奶茶tiramisu
呢個甜品簡直係是日亮點！好濃郁嘅泰式奶茶味而且唔算好甜！超級邪惡！最啱打卡！
✨鮮芒果smoothie
果然係主打係識調理嘅餐廳叫有芒果嘅嘢飲係最穩陣！飲得出係真材實料而且一啲芒果渣都冇，飲品味道一啲都唔人工，好飲！
✨泰式海鹽焦糖奶茶
焦糖泰式奶茶味道比較重！適合啲鍾意甜嘅客人！
Nara 係泰國都好出名，價錢以泰國物價黎講真係算貴。
我冇食過泰國既nara，香港呢間分店我覺得食物質素都算高。
冬蔭功湯好濃郁，酸辣味恰到好處，椰奶極香，令人食慾大增。
蝦餅炸得好脆，蝦肉爽彈，但冇咩蝦味，我覺得蝦類既菜式還好，唔算係好突出。泰式生蝦既汁好食，但生蝦冇咩蝦味，主要都係食個汁既味道。
泰式炒通菜正常，冇咩特別。
黃咖哩蝦，佢既蝦應該係用油泡過，蝦殼酥脆，但可惜既係黃咖哩好似冇咩味道咁。
我地有另外叫印度薄餅黎點咖哩醬，印度薄餅值得推介，脆得黎有煙韌既口感，麵粉味食落好香，必定要試。我地叫左2轉
泰式菠蘿炒飯正常，冇咩好講。
烏頭魚就魚質好嫩滑，有魚既鮮甜味，配埋佢既酸酸甜甜既湯，呢個都係必叫既菜式。
椰子沙冰既椰子味好香，甜度適中，跌度既飲品整得幾好。
夾埋食左$1233，因為有優惠券，扣埋就$739，如果計正價就性價比正常。服務黎講出菜速度算快，侍應禮貌好好，下次有機會會再黎
近期頗喜歡去海港城食野，有間泰式餐廳好岩打卡，早少少去仲可以跟海景食飯，食景又食飯都好chill
叫左呢啲野食
泰式蝦餅
菠蘿肉鬆海鮮炒飯
椰子雞湯
椰子沙冰
整體食物都唔錯，最喜歡椰子雞湯，酸酸地好好飲
餐廳環境不錯，幾個打卡位，籐椅近海景真係要早到先有，亦有秋千位。
地理位置都方便，係何文田搭8號巴士總站落，九龍區2，6號一樣。
泰國粉紅熱餐廳
Lady Nara
地址: 尖沙咀廣東道3-27號海港城港威商場3樓3303號舖
=====================
好耐無堂食啦 ，今日放假一早book 左呢間位卡尖沙咀架人氣打卡餐廳，同女朋友食afternoon tea ,等佢relax 開心下。呢間CAFÉ 係BANGKOK 好出名架, 有泰國同西式菜集於一身，而用了粉紅色架佈置, 吸引好多女生來食野同影相。
有2人tea set 同件裝蛋糕set MENU上也有意粉及泰式美食等供應。
成間餐廳都係以PINK 為主調, 女朋友好鐘意。去個日見到都好多女生去食下AFTERNOON TEA BOX , 好靚又岩打卡。
Lady Nara (尖沙咀)
?尖沙咀廣東道3-27號海港城港威商場3樓3303號舖
晚市雖然冇堂食但都可以食好啲！
本身bookmark左諗住食佢個Tea set
不過今次就試左佢個晚餐先
我嗌左二人餐 $506
芝士肉醬粟米片
唔好以粟米片係前菜或小食就好細份
其實勁大份 而且有足足五盒料同醬
個粟米片仲係脆嘅外賣翻去都冇淋晒
盒沙律仔有少少辣 有菠蘿青瓜粟米洋蔥都幾開胃
香脆蝦餅
外賣放左半個鐘多啲都仲係好脆
咬落係Q厚嘅蝦肉 冇乜粉感而且又夠大隻
食落係好滿足嘅 配埋佢嘅泰式甜酸醬
都幾推介大家嗌嚟試下
蟹肉長通粉
望落去以為好少 其實食到最後啱啱好
長通粉嘅軟硬適中 唔會過龍勁淋
尤其係外賣 太淋真係唔得 好彩佢都ok
佢啲蟹肉同芝士係晒底 要記得撈匀先
撈完就會係好creamy 配埋蟹籽 又幾好食?
青咖喱雞+薄餅
佢個青咖喱係偏辣嘅 香料味都重
我原本冇expect 佢咁辣
不過配埋個薄餅又還可以
個雞都幾滑 食得辣可以一試??
個薄餅好香牛油味 齋食都好食！
我最鐘意就係佢個泰式奶茶意大利芝士餅
泰式奶茶蛋糕大家都以為會好甜
但完全唔會 甜度啱啱好 而且好濕潤
然後個cream望落成杯都係
你以為會好膩 個完全唔會 好好食！
好推介 如果堂食打卡仲開心！
綜合嚟講都幾好??見到佢地入面裝修都幾靚
下次會想試下佢最出名嘅tea set