福岡漢堡扒(Fukuoka Hamburger Steak)
評分：4.1 
地址 : 香港尖沙咀厚福街11號厚福街10A號
Address : 厚福街10A號11 Hau Fook St, Tsim Sha Tsui
訂位電話 : +852 6480 1989
附近：尖沙咀餐廳
營業時間
| 星期日 | 11:30–23:00 |
| 星期一 | 11:30–23:00 |
| 星期二 | 11:30–23:00 |
| 星期三 | 11:30–23:00 |
| 星期四 | 11:30–23:00 |
| 星期五 | 11:30–23:00 |
| 星期六 | 11:30–23:00 |
服務選項
外帶
內用
無障礙程度
不支持無障礙停車場
產品/服務
酒精飲料
啤酒
用餐選擇
午餐
晚餐
餐飲服務
設施
洗手間
適合兒童
氣氛
氣氛悠閒
規劃
接受訂位
今次黎食個Quick Lunch再掃街，
主打石燒漢堡扒，總共有6個口味，
有唔同Toppings；另外亦有幾款丼飯選擇，
要留意返Weekend無提供Set。
芝士蛋和⽜漢堡扒 $110
套餐包沙律、白飯、泡菜、麵豉湯
漢堡扒選⽤澳洲和⽜，店員建議煎3秒再返轉，
我就會煎耐啲，其實唔會鞋口，
仲好多肉汁，肉味香濃，
漢堡扒有先調味，另外可以自行蘸醬油。
每次取適當份量的漢堡扒，
再放上石燒，我中意壓扁再燒至金黃。
東武里牛丼 $88
見到有唔少人食呢個，所以叫左黎試下。
雖然牛粒無Menu的多得誇張，
但實物份量亦不少，大概有11-12粒，
每粒都好大下，再加個大蛋黃，賣相係幾靚仔。
牛粒有嚼勁，配上紫洋蔥、香蔥、Wasabi，
食落有種辛辣感，中和返牛粒的膩感。
——————————————————————
美味指數：⭐️⭐️⭐️⭐️
抵食程度：⭐️⭐️⭐️⭐️
回頭率：⭐️⭐️⭐️⭐️
韓國No1嘅漢堡扒餐廳?試試先，用料係澳洲和牛，配料自選有芝士菠蘿蒜片，每位加20蚊可以任飲啤酒汽水，好抵！
芝士控嘅我，揀左和牛漢堡扒配芝士蛋，朋友就揀左蒜片蛋
啲蒜片炸過所以好香口不過唔多
舊熱石溫度好夠，每次夾少少肉放喺熱石，再壓平佢，牛油咇出黎渣渣聲?
充滿油香嘅和牛配芝士更正！ 店員好貼心主動換熱石?，食埋跟餐??就岩岩好
自己煎真係過癮啲同滿足感大啲，獨立貼地嘅抽油煙囪都好加分?
今次終於畀我食到福岡漢堡扒，位於尖沙咀厚福街11號地下A號舖， 韓國人氣過江龍石燒漢堡扒專門店。 這間石燒專門店在韓國各地有超過30間分店?， 食材選用100%澳洲和牛， 果然真材實料??！ 一場嚟到我當然要試下菠蘿煙肉和牛漢堡扒$120，還有月見味噌牛丼$88、檸檬茶$15。▫️▫️▫️
?菠蘿煙肉和牛漢堡扒?～餐套已經包括沙律、泡菜、麵豉湯與白飯，整個組合非常豐盛。生菜絲清脆爽口， 淋上麻香十足的胡麻醬， 越食越開胃。泡菜味道酸香，麵豉湯濃郁而不死鹹， 加上每粒白飯晶瑩通透， 配上和牛漢堡扒一起吃，增添美味。 講返主角菠蘿煙肉和牛漢堡， 底層的雞蛋豐厚焦香好味，還有蔥香和鮮甜的菠蘿， 這裏的和牛漢堡扒是自己燒的，扒外脆內嫩?，又有肉汁， 配上海鹽和燒肉汁， 另有一番滋味。
?月見味噌牛丼?～月見即丼內的溫泉蛋和特色醬汁，先將蛋汁拌入淋了醬汁的白飯裡，配上香濃多汁的牛肉一起享用更滑順香醇?，還有菇類和蔥花，就成為簡單又美味的牛丼了！
?檸檬茶?～ 店內有多款飲品選擇， 我就選了雀巢檸檬茶$15， 喜歡酸酸甜甜的味道。?
今次算是還了心願，尖沙咀厚福街真是一個美食天堂。?
福岡漢堡扒
地址: 尖沙咀厚福街11號地下A號舖
是一次有趣的體驗……在熱石上自行烤製的 Honbo 肉末，搭配米飯、沙拉和即食味噌湯。肉非常多汁，唯一的問題可能是餐廳煙熏得很厲害哈哈。不過對於這個概念，無可厚非。
新口味 可以一試
美味的食物，良好的服務，
食物被油浸得很深，不管你選哪一面，都被油覆蓋了就沒味道了。
餐廳的通風還不錯，但還遠遠不夠，準備好在接下來的一天裡聞起來像烤牛肉。
座位是你在任何餐廳都能找到的最糟糕的座位，肩並肩，背靠背。必須移動很多次才能讓其他人坐在更深的地方，n 服務員路過。
要提尖沙咀坐爆曬既漢堡扒店一定係食厚福街呢間，之前食過lunch set都好好味，今晚食埋真漢堡扒，原個和牛波波加埋芝士 同香葱灑係面，煎扒既時候可以溝埋一齊仲有拉芝效果添，爆一爆啲香葱又更加好食，和牛仲有
混左啲蒜蓉所以再惹味啲，鋪底既有芝士滑蛋，前菜則有韓國泡菜食，醒醒胃，酸辣度啱啱好，佢每張枱都有抽油煙管，唔會食到成間餐廳都油煙味，非常貼心既設計，朋友叫左個墨西哥辣椒和牛漢堡，有青椒紅椒等配料，整個組合都好合佢心水，因為佢中意食辣個種刺激既味道，唔夠飽仲有大大碗和牛乒乒乓拌飯，用韓式辣醬將生菜、太陽蛋、肉碎、珍珠飯撈埋一齊食，材料非常新鮮啲生菜好爽甜，飲品推薦蜂蜜柚子茶，冬天飲完成個人暖笠笠而且十分潤喉??
福崗漢堡扒
依間係韓國好出名的石燒漢堡扒，係遍地美食既厚福街開業啦，點都要試下。講明唔多唔少都有少少偏心?因為小編朋友係入做
裝修係日式裝修，一人一個抽煙所以店內唔會好大煙好臭
一於試下佢二人餐?餐套有和牛漢堡扒，仲已經有丼飯、沙律、泡菜、面豉湯、飲品
餐廳用左100%澳洲和⽜，食落牛肉juicy ⾁味濃郁，同埋每次煎攞少少漢堡扒唔好太貪心放在⽯⾯上輕輕煎兩⾯就可以。同埋依度店員keep住幫你換熱石??
另外推介一下店小食炸雞，香口有肉汁鮮嫩????由於太飽結果食唔晒個飯，但撈埋蛋汁牛肉飯更香滑。
整體來講性格比都高可以去一試??
今天和老公二人世界
我們兩個是在韓國認識的
今天剛好是認識紀念日
所以想去韓國餐廳懷念一下
平時韓燒吃得多
所以想選擇一些另類特色的韓國餐
經過厚福街見到有一間燒漢堡扒的店
覺得很有趣便去試試
他有別於一般韓燒
但是以鐵板燒上面有一個小原石加熱後把漢堡扒放上去燒
當石頭不太熱的時候便可以叫店員換另一個
因為小原石傳熱快所以連同鐵板燒上的蛋也會弄熟
我們點了二人餐
二人餐包括：
♥️芝士煙肉和牛漢堡扒
上面有六小片煙肉
蛋旁有菠蘿！
可以增加鮮甜味
?芝士蛋蒜和牛漢堡扒
和牛漢堡扒份量非常大
一大個圓球
上面的芝士也很多
燒到半溶狀態十分滿足
?芝士泡豚丼
???很大的一碗
我和老公都吃不完
芝士份量好足
如果趁熱吃會有接絲
?金橘檸檬特飲+$18
同樣是king size
金橘檸檬味很解渴
?蜂蜜柚子茶+$10
老公說喝完喉嚨非常舒服?
加上味道不會太濃太淡
份量剛好
$376+10%服務費
? 福岡漢堡扒 (尖沙咀)
尖沙咀厚福街11號地下A號舖
#韓式泡菜 #燒漢堡扒 #厚福街 #韓燒 #紀念日 #周年紀念 #周年禮物 #拍拖日 #celebration #ceremony #couples #foodie #yummy
自家煎漢堡?
漢堡最想嘅就係平時漢堡包入面嘅漢堡扒，但第一次食淨係漢堡然後仲要自己煎，好食又好玩，新奇又有趣?
見到佢有四個兩人套餐，我哋揀咗特別推介(Ver.4) $376，其實四個二人套餐都係有兩塊漢堡扒，飯同埋嘢飲。
只係漢堡扒嘅配料唔一樣或者個飯唔一樣。
店員會問係咪第一次食，然後教我哋遲少少上塊板度3秒反轉再3秒就食得。
菠蘿煙肉和牛漢堡(M)
朋友表示鍾意食菠蘿煙肉，味道比較清新，而且菠蘿好甜。如果將啲蛋同埋菠蘿都放落去燒會更加香，加埋一齊係幾好食
芝士蛋蒜和牛漢堡扒(M)
我自己就比較鍾意食呢個，因為我比較重口味，食到好香嘅蒜蓉味
細心為係佢會不斷幫我哋換更熱嘅板，以防我哋掛住玩板唔夠熱燒唔到，每次最期待就係換咗新嘅時候啲聲，同埋真係好快就熟，啲芝士仲拉到絲?
芝士泡豚丼
超大碗，兩個人都食唔晒。
唔係得個樣，好足料芝士豚肉泡菜，勁香泡菜味，好飽都仲想食，但係真係份量太多了??
巨峰提子特飲$18.00
見到個杯有少少嚇親，勁大杯，所以唔貴
蜂蜜紅棗茶(凍)$10.0
朋友話我身體咁差要飲紅棗茶喎
厚福街的福岡漢堡扒，一直令我們很好奇，身在香港吃到福岡的漢堡扒，未能去旅行，也可以感受一下日本味道吧。
二人餐蠻抵食的，兩個女生叫了有沙律的餐$318，加$18還有超大杯的特飲，選了西柚口味的。
基本配備是雞蛋漢堡扒，可以有蒜、菠蘿、煙肉、芝士等不同配搭。手打漢堡是澳洲和牛，形成球狀，軟綿綿，用剷將它分小份，放在熱石烤，剛送來的熱石很熱，肉放上去產生的油煙有專門吸煙的管道吸走，熱石隨時間慢慢降溫，所以煎多久就要視乎石多熱。
煎熟了的和牛漢堡，多汁又嫩又香，配珍珠米吃，和椰菜絲，還有麵豉湯，一人一份。
另外還有忌廉芝士沙律二人份享，份量比想像中的大，沙律菜新鮮爽脆，忌廉芝士雖不易平均分散在菜中，但它實在很香濃，成為了焦點。
每次o係尖沙咀唔想煩食咩就一定會蕩到厚福街，加上當日天寒地凍但又唔想打邊爐，見到呢間石燒野，啱晒！
今日去尖沙咀行街，行完食埋晚飯先至返屋企?，朋友決定去之前食過嘅福岡漢堡扒?
行完街好肚餓，所以決定叫2⃣️人餐，套餐包括1人1份和牛漢堡扒?一個丼?仲有2️⃣罐罐裝飲品或者加?1️⃣8️⃣轉特飲?
佢哋嘅和牛真係好味，今次試咗上次?️嘅特別口味「菠蘿煙肉和牛漢堡扒」，同芝士蛋蒜和牛漢堡扒。菠蘿加埋和牛一齊食又幾fresh ，中和咗肉嘅膩??
而丼飯係芝士泡菜豚肉丼，好大份，飯量十足‼️選用珍珠米?加埋足料嘅泡菜?芝士?豚肉?啲芝士仲拉絲添㗎?
同朋友喺尖沙咀行街，夜晚就決定去試下福岡漢堡扒。 我哋兩個人嗌咗個二人餐，我嗰個就係芝士蒜和牛漢堡扒，而且加咗個柑桔檸檬特飲。
成個用餐體驗好特別， 搓到一個圓球的和牛漢堡扒，分量都幾多， 之後放喺燒得好熱嘅石頭上面燒，容易操作，唔會燒燶，陣間可以控制脆皮程度，煎出嚟嘅漢堡扒仍然有肉汁，有濃郁嘅牛肉味，加埋旁邊的蛋， 還有一片片的蒜，口感十分豐富。
柑桔檸檬特飲唔會太甜，可以中和返和牛的油脂感覺， 令人感覺十分清新。
另外這個套餐還有一個芝士泡豚丼飯， 醬汁香甜，有芝士和菜，豚肉唔會韌， 值得一試。
坐位比較近, 漢堡扒好味, 有特色可以一試。
聽講呢間餐廳係韓國嘅過江龍， 當然要去一探究竟?
餐牌嘅種類款式都好多， 我同朋友2個人 所以就揀咗個二人套餐，當中包括兩個黃牛漢堡扒一個忌廉芝士沙律，飯和2杯飲品。
當中一個和牛漢堡扒是菠蘿煙肉，而另一個是芝士蛋蒜。 我個人就中意芝士蛋蒜比較多， 因為味道濃郁一些。 而且我覺得相對match , 相反另一個漢堡扒有菠蘿的甜味點綴， 個感覺係比較fresh !
煮食類我哋揀咗一個芝士泡豚丼， 熱量爆登既一餐，好多cheese, 好正。
飲緊酒揀咗烏龍茶， 解解膩?
尖沙咀厚福街真係一個揾食好地方 。今日嘅晚餐就同朋友去咗“福岡漢堡扒“， 化身半個廚師半個食客。
我哋點咗一個二人餐 $338，有兩份芝士蛋蒜漢堡 中size，加一個月見牛味噌丼飯 ，加15蚊仲有大大杯梳打。食物份量十足 ，就算係好大食嘅都相信會食得飽 。
漢堡下大概有一個女仔嘅拳頭咁大， 旁邊有一塊熱石， 而且店員會好細心咁耐不耐就會主動更換。 用個剷剷起自己啱心水嘅大細，然之後放落熱石到，每邊煎三四秒到就食得 ，再用芝士蛋包裹住漢堡，口感會更加豐富。
而個牛丼飯亦都好似圖片一樣，充滿曬牛肉 。牛肉味幾出， 有牛味，唔似某啲大集團一樣得個樣。
個人覺得15蚊加一杯梳打係幾抵嘅，因為杯梳打真係好大杯。
枱面嘅設計已經有一個煙通對住塊熱石 ，大部分嘅油煙都已經畀佢吸走，所以唔怕會食到成身味，樣嘢係一個加分位。
今日lunch time同同事出去食晏，同事想試呢間漢堡扒，一於陪下佢啦！
我哋叫咗個最好賣嘅二人套餐 $338
有兩份芝士蛋蒜和牛漢堡扒
上枱時漢堡扒賣相圓碌碌，用個小剷整開再放落熱石度燒?，每邊燒幾秒就食得，和牛肉質鮮嫩富牛脂香，肉汁好豐富，連埋芝士蛋同蒜片食更滋味?
?月見味噌牛丼飯
好大碗，肥牛同菇菌份量都好多，中間仲有隻溫泉蛋，撈勻嚟食好豐富
套餐包兩杯飲品
仲可以加錢轉特飲
巨峰提子特飲+$18
蜂蜜柚子茶+$10
兩杯飲品都唔會太甜，巨峰提子仲要好大杯，食完肉肉減膩一流?
福岡原來食韓國扒
經過厚福街好多次，成日見到呢間福岡漢堡扒，以為呢間野係日本嘢。
呢個下晝喺尖沙咀食飯。口袋中儲了幾間餐廳，諗起呢個都唔錯，一於選擇呢間。
入到去，我即刻諗起張家輝嘅名句，亞視嚟嘅。
因為我諗住入嚟係會食日本嘢，但係原來佢係韓國菜。
乜韓國都會鍾意咁樣食牛扒？我唔知道，但係有幾得意，每張枱有兩個風口位。
呢兩個風口位原來就如韓國菜上面嘅煙囪一樣。
都係主要用嚟吸走啲空氣，等啲油煙霧留喺你身上。
我叫了一個兩人餐，有和牛扒，芝士和牛扒，仲有一個沙律。兩個飯，兩個飲品。
店員話一個餐一定飽，絕對夠食，開頭我都唔相信，但食落去原來好足料。
和牛煎黎煎去幾好玩，食落去味道都幾濃郁。
加咗芝士當然係另一個層次。
忌廉芝士沙律都唔錯，可以清除牛扒帶嚟嘅油膩感。
食完竟然一啲都唔會好有油煙味，每人都係$150到，值得推介。
今日同朋友約左係尖沙咀見面～
朋友話懶得諗去左厚福街，咁我地就揀左去食哩間—福岡漢堡台。
哩間漢堡扒專門店之前睇人話係韓國黎既「過江龍」，CP值極高！所以就黎食哩間！
我同朋友揀左個二人餐 ver.4
菠蘿煙肉和牛漢堡扒
芝士蛋蒜和牛漢堡扒
芝士泡豚飯
野飲*2
首先芝士蛋蒜和牛漢堡扒，個漢堡上面都有埋芝士一齊燒！未整都覺得好正！
本來一開始唔太識識點玩
後尾發現原來有個鏟仔可以幫手鏟d肉上塊石上面
一開始好手忙腳亂，不過慢慢就識點整！
漢堡食落非常鬆軟，完全同平時食既急凍漢堡好唔同！唔好以為細細舊肉，睇落好少份量，其實自己燒燒下食落非常多漢堡扒仲配左個汁去調一調味！齋食都已經好正！再配埋個汁同蛋！好好食！
食完個漢堡扒已經好飽，但我地仲有個
芝士泡豚飯
個芝士味非常重，芝士既甜味中和左泡菜既辣味！雖然好飽，不過我地都食得曬！因為好好食！
食完曬之後，我地完全飽到郁唔到！但係非常滿足！份量好大又抵食！絕對會再幫襯！
好耐之前食過一次福崗漢堡，已經俾佢深深吸引住，早前經開尖沙咀，要去食過返尋味。
今次點左兩人套餐ver .2，會包兩個和牛漢堡、一個拌飯和兩杯飲品。
開餐前會先來沙律和麵豉湯。
今次我想食下辣，所以揀左墨西哥辣椒和牛漢堡，辣椒嘅份量都幾多，個人覺得辣度都算強，夾埋一d辣椒和和牛漢堡一齊烤熟，入口更加惹味。食石烤漢堡嘅好處就係每一件嘅生熟程度都自己控制，第一件想食五成熟，第二件想食焦香酥脆都完全不成問題，當石頭熱度不夠，可要求店員更換，相當窩心。
和牛乒乒乓拌飯，份量都頗多，配料除左有雞蛋、肉碎和菜，還有韓式辣醬，個人鍾意將蛋黃拌落去飯到，入口先會更加細滑。
大熱天飲杯金橘檸檬特飲，真係爽到震。
今晚出去了尖沙咀厚福街搵食，見到這裡開了間幾特別嘅餐廳，個名見到福岡，本身諗住食日本嘢，行過去再望原來是鐵板燒，又幾特別，於是入去了，枱上有個曲型嘅東西，望望其他枱，一在鐵板上燒個個東西就會抽走啲油煙！望望餐牌有套餐或散點，大致都係差少少，但今晚想多吃，於是就點了兩人餐，兩人餐亦有買四款組合，就點了兩人套餐(Ver.4)，分別在於個丼上，同埋個漢堡配有菠蘿煙肉，其他大致上差不多，落單掃二維碼，選擇清晰方便，追加不同食物時可以一次過點選，今晚就係跟餐項目，沒有加上什麼小食，因為兩個鐵板加埋個飯應該十分滿足！
落單後，先上麵豉湯同沙律，等一陣就上埋個菠蘿煙肉和牛漢堡扒，一落枱店員位即將抽氣對正鐵板上嘅燒石，可用枱上嘅鏟加埋匙羹將和牛漢堡扒一少部分放在燒石上煎，再用鏟壓下煎熟，而在鐵板上放了一球生的和牛漢堡而旁邊就放滿了蛋漿，加上鮮菠蘿粒，整晚都好忙，切出和牛漢堡到燒石上煎，加埋上面有香濃芝士絲遇熱溶化個重口感超正！芝士泡豚丼分量十足，大大碗，上面放滿了豚肉，大大片混雜埋香濃芝士同香辣泡菜，飯身亦十分彈牙，邊煎邊別真係手口唔停，有點忙嘅感覺?，而飲品就升級了西柚特飲，冰凍透心加埋梳打水配上西柚汁，入口份外清涼！哩個份量真係十分滿足飽滿，下次可以單點再試吓其他小食！
經過呢間餐廳最少二三十次，想食好耐，一直以為係日式餐廳，剛剛放假的早上，和外父午飯，就選呢間，因為佢喜歡食日本野。
兩個人坐低想食日式漢堡扒，然後入到黎見到有好多煙囪，好特別嘅設計，似韓燒多過日本野，到那刻才知道，係來自韓國的福崗漢堡扒。
兩個人，唔想諗咁多，最好就係叫個二人餐，一人一個漢堡扒，再加前菜沙律，再加一個湯，又有個飯，仲有飲品，連特價都係$318，有得玩有得睇有得食，講真，時下餐廳，有幾多可以做到。
先上線的忌廉芝士沙律，大份到你以為佢係求其做俾你，但忌廉芝士比例剛剛好，對比以前普通餐廳吃到的求其沙律水準進步得多。
原來個煙囪係主力用吸氣，主力係用來吸煎完漢堡扒嘅蒸氣，等你嘅人同身體都唔會有油煙味。
雞蛋和牛漢堡餐同芝士蛋蒜和牛漢堡扒餐，各有千秋，我自己愛上芝士蛋蒜和牛，味濃好多，口感也強得多。
有需要唔夠食可以加湯加飯，包你食到飽，整體水準都好好，重點夠平夠特色，又好玩，愛好同女朋友煮飯仔，最好。
唔怪得當日都差唔多全場滿座，怪就怪我好嘅口味太不錯而又獨特，就算選小店，都選擇一啲值得推介嘅俾你。
不過依然唔明白，點解係來自韓國，有人可以話我知嗎？
服務態度良好，價錢偏貴
又有得玩又有得食?
福岡漢堡扒?一間主打石燒和牛漢堡扒嘅餐廳，一入到去就見到一嗰嗰嘅抽風系統係張枱到? 感覺都幾特別??
我哋叫咗嗰兩人套餐(ver3)$338，有兩嗰中size嘅芝士蛋蒜和牛漢堡扒，牛丼飯、沙律?、湯，再包兩罐汽水?但我就加咗錯轉特飲，因為見到其他食評都好大杯好抵飲，果然名不虛傳? 杯百香果特飲+$18大到嚇死我? 蜂蜜柚子茶+10超級足料☺️ 通常呢啲凍飲一加咗冰就會好淡，但佢仲係好好飲?
入正題嘅和牛漢堡扒都好好食，真係第一次會咁樣自己煎? 不過溫馨提示，一係將佢推入啲，一係唔好着短褲? 因為佢太juicy會彈到? 同埋記得嗌飯，唔好諗住就咁食和牛漢堡扒就會飽? 除非你好細食?
最近留意番韓國的餐廳，朋友介紹話呢間福岡漢堡扒好食，主打石燒和牛漢堡扒， 選用100%澳洲和牛，俾埋爐具客人自己煎漢堡，好食得黎又好玩。除咗一系列嘅漢堡扒外，亦有意粉和牛丼選擇。
第一次聽到以爲係來自日本福岡，但朋友話其實韓國餐廳。店外面已經係寫韓文。我地三個朋友六點幾黎到度都有位，人唔算多，不過7點半走個陣已經8成滿啦。想食就早D黎蘿位啦。
呢度嘅漢堡扒用澳洲和牛，價錢唔會好貴，最有特色就是個漢堡扒成個肉波波咁，有三款size可以自己配搭，好得意咖。雞蛋就可以搭配芝士、菠蘿、蒜片咁。
我地叫左一份二人餐，菠蘿煙肉和牛漢堡同芝士蛋蒜和牛漢堡，另外再加一份芝士蛋和牛漢堡扒。 今次話明石燒，就自己落手落腳去煮啦，自行調節牛肉生熟程度去煎，但是一開始都難控制火候咖，好容易變曬碳咁。。。
塊熱石其實都幾熱咖，最好黎到之後等一等先，之後盡量將波波肉切成一塊塊薄片咁黎煎，輕輕將佢煎一煎，三秒就好反一反啦，跟著不停咁樣重複煎，其實都幾好玩，自己控制火候啦。到識得控制火候已經燒曬啦。石塊唔夠熱可以麻煩店員換過一塊，慢慢燒。
煙肉有驚喜，好香好好未。D牛肉好滑，唔鞋口，食到停唔到口啊！ 我地幾個朋友食曬個肉球都已經好飽啦，再加兩杯飲品啦，蜂蜜柚子茶加西遊梳打。 個人強烈建議一定要配番一杯凍飲，好清新，冰夠曬多，但實在太熱氣啦，有杯凍飲先解到喝。
今日同朋友黎到厚福街搵食
見到呢間寫住福岡就令我諗起係福岡食過既美食
就令我地決定入去試下！
——————-
有多款漢堡扒選擇，配料任意配搭
實有一款岩你口味
亦有套餐適合多人分享
————————-
叫左個二人餐，好抵食
先有麵豉湯，沙律?
好開胃
——————
?芝士蛋蒜和牛漢堡扒?
呢到既特色係上菜時漢堡扒是生的
會有一塊熱透既石板
自己放上面煮熟
非常有趣
岩哂對烹調有興趣既我
可以發揮我既小宇宙
和牛漢堡扒肉味濃，好香口
好惹味
——————
?月見味噌牛丼飯?
牛既份量好多
好足料
將蛋撈均食，好滿足
—————-
福岡漢堡扒 (尖沙咀)
尖沙咀厚福街11號地下A號舖
食物和環境都馬馬虎虎。擁擠和不愉快的座位。猜測主要成本用於租金
不過不 失
?自助式石頭燒
?今次來到尖沙咀厚福街覓食，其實短短的厚福街，就有很多不同種類的餐廳了，而且每間餐廳都很有水準，這間就是其中之一。
?兩人套餐?348
菠蘿煙肉和牛漢堡扒
芝士蛋蒜和牛漢堡扒
芝士泡豚丼飯
兩個和牛漢堡扒都十分有特色，可以一邊燒一邊食，自己控制烹調時間。店員也定時幫客人換石，達到最佳效果。由於是和牛，肉質非常嫩口，味道也十分香口，再配上菠蘿，增加口感和味道！
豚肉丼飯由於有甜辣泡菜拌在一起，所以味道甜甜辣辣，份量也很多，兩個人食就剛好！
?東武里牛丼飯
懶得自己燒既可以嗌呢款丼飯??
厚切牛肉粒燒至外皮香脆內裡嫩滑
份量仲好慷慨 中間仲要配隻生蛋撈飯
實在太滋味喇?
?芝士蛋和牛漢+菠蘿
漢堡扒係用澳洲和牛 加埋配料
搓成既和牛波波形 賣相好搶鏡?
肉質嫩滑油脂平均同牛味濃
底下配有半熟蛋加菠蘿?
旁邊有個剷仔 可以逐少放起熱石燒
生熟度由自己調控?
最好係每份餐前都有條抽氣管
減少食完果陣油煙味?
店員亦會定時主動幫忙換舊熱石??
丼飯份量夠多但太咸，男店員態度唔好會背後講客人壞話，無回頭
??【 福岡漢堡扒 】??
⋄
—————⧫♟⧫—————
⋄
兩人套餐（Ver.2）($338)
⋄
?墨西哥辣椒和牛漢堡扒(中)
?芝士蛋蒜和牛漢堡扒(中)
?和牛乒乒乓拌飯
?罐裝飲品x2
⋄
┄ ┄ ┄ ┄ ❖ ┄ ┄ ┄ ┄
⋄
?地址：尖沙咀厚福街11號地下A號舖
⋄
⋄
#hkig #hkfoodie #hongkongfood #hkfood #hkfoodporn #hongkongfoodie #instafood #foodblogger #hkfoodbloggers #hkfoodies #相機食先 #hkiger #hkigers #ilovesharingfood #openrice #香港美食 #hkinfluencer #foodiehk #discoverhk #ccrreami尖沙咀 #福岡漢堡扒 #漢堡扒 @hambageu.hk
厚福街一向都係覓食好地方，呢間韓國餐廳主打石燒和牛漢堡扒，仲要選用100%澳洲和牛，當然要試下
兩個人叫個二人餐最方便化算，乜嘢都有，除咗主角石燒和牛，仲有泡菜、面豉湯、自選罐裝飲品同一碗飯，男士都一定夠飽。
每個座位都有抽氣管，餐廳亦都唔覺好大油煙
雞蛋和牛漢堡扒
石燒和牛漢堡扒弄成一個波，有啲蛋鋪底，舊石十分熱，要小心啲，將漢堡扒切開放喺熱石上，教學話每三秒翻一翻，果然冇錯，唔會過燶又保留肉汁。漢堡扒牛味濃又夠肉汁，調味夠，唔洗點任何嘢都夠味。
忌廉芝士沙律
大大舊忌廉芝士，仲有三塊好脆嘅麵包，沙律菜配柚子汁好清新，剛好中和漢堡扒嘅油膩感，食咁大舊肉，有返啲菜都感覺健康啲
食嘢嘅中途舊石難免唔夠熱，店員都主動幫我地換舊熱石，而且店員態度都好親切，值得一讚
好想飛過韓國的話，過嚟福岡漢堡扒，好食好玩之餘，又有播韓國防彈少年團嘅歌?超正，佢哋主打係石燒和牛漢堡，選用100%澳洲牛，客人自己煎，我叫左兩人套餐，包括:菠蘿煙肉和牛漢堡、芝士蛋蒜和牛漢堡、芝士泡豚肉飯(芝士可以拉絲?好開心)兩杯飲品。佢哋嘅澳洲牛真心好食?，但要留心，每次煎1/4份量就好了，亦唔好煎過龍喎⋯⋯?聽聽下歌，一個唔留神就會煎燶咗?所以要小心啲啊！我嘅飲料係巨峰提子梳打，唔太甜又大大杯，我鐘意?下次再玩過 …
中午時間嚟到見到有二人套餐好抵於是我哋就叫咗個C餐，包括兩份石燒漢堡扒，前菜，湯，月見牛肉飯，兩杯飲品，飲品方面我哋加咗$18專特飲
座位上每人都有個迷你抽油煙系好貼心
麵豉月見牛肉飯
份量非常之多，牛肉佈滿整個飯，而且仲有金菇同配菜類非常之豐富
石燒香蒜芝士和牛漢堡扒
除咗巨型嘅漢堡扒之外旁邊仲有芝士同蛋，好似去燒烤嘅爐邊蛋一樣
用小鏟子鏟出適量漢堡扒放上熱石上面燒，一邊燒啲油分迫晒出嚟好香！
唔使煎得太耐已經食得，入口超級香牛肉味，肉質一啲都唔會鞋，旁邊仲有啲泡菜、燒汁同埋鹽可以方便自己調味，同朋友嚟食係最好不過一路玩一路傾偈一路食
喺香港第一次見呢種食法 石燒肉見得多但係未見過combine漢堡扒 味道唔錯 但我個餐嘅煙肉菠蘿同啲肉痴唔埋 好似冇咩關係咁
店員好有禮貌 會主動幫客人換舊熱石 仲有講解應該點食
良好的服務和良好的體驗
極差的服務態度，要客人受氣!!一種不可一世的態度！從未試吓有如此差的用餐經驗！
而收費並不便宜，罐裝汽水收費$15另加10%服務費，厚福街有更多餐廳選擇
有得玩又有得食?嘅韓國和牛漢堡排? 可以自己燒控制生熟度? 地獄廚神嘅我都玩得唔錯㗎? 而且唔洗怕燒到周身油煙味?店家貼心地?喺每個座位設有獨立抽氣煙抽走油煙?
·
?芝士蛋和牛漢堡扒 HKD$106/S
?墨西哥辣椒和牛漢堡扒 HKD$120/M
·
店家採用澳洲和牛漢堡扒? 成粒波咁嘅和牛漢堡扒可愛又吸引? 和牛漢堡扒?以蛋醬墊底，自己切出適量漢堡扒，放喺附上嘅迷你石頭上煎熟，熱石好夠熱? 所以記得要用鏟壓實同埋隔幾秒就要反一反，唔係就好易燶㗎啦！漢堡扒煎熟後脂香濃厚? 芝士碎?仲有拉絲效果添? 而另一款則加入辣味醬汁及墨西哥辣椒? 辣中帶酸，食落更加開胃，仲中和咗漢堡扒嘅油膩感呢~
·
漢堡扒分別有S、M、L size 選擇✅ 而每份漢堡扒仲包埋飯、沙律、麵豉湯及泡菜小碟，女士們叫S size都好足夠呢?
·
?福岡漢堡扒
尖沙咀厚福街11號地下A號舖
肉汁Juicy的漢堡扒
好鍾意呢D食石燒漢堡扒既小店
因為佢既漢堡扒超級JUICY!
唔好以為漢堡扒冇咩變化，其實選擇都唔少
最正係呢到每個位都有好勁既抽風機，所以你入去都唔會聞到有油煙味
而且裝修簡單得黎環境又舒服，乾淨坐得又舒服，就算食住石燒都唔會覺得焗促
呢到有泡菜、湯同沙律作為前菜
芝士蛋蒜和牛漢堡扒
極力推薦，呢個漢堡有勁多肉汁，而且充滿蒜香 上面仲有邪惡既芝士
想煎到ｊｕｉｃｙ既漢堡其實都唔難 只要每次唔好煎太多，而且一兩秒就要好反
遲左就會好快燶，因為舊石真係好熱！
另外強烈推薦大家落埋呢個墨西哥辣椒 佢唔係好辣，但係個辣味係好有層次
令成個漢堡都昇華左
月見味增牛丼 而呢個丼飯亦都非常有水準
牛肉好嫩，而且好入味，撈埋蛋汁就又有蛋香又滑
百香果特飲
百香果味好香，而且唔係好假果隻糖水味
鐵板漢堡diy
鐵板終於唔係剩係得豬牛雞?，今次試吓漢堡肉。
叫左芝士蛋蒜和牛漢堡扒同菠蘿煙肉?和牛漢堡扒。
我比較鍾意?食菠蘿煙肉和牛漢堡扒，比較清新，唔算好濃。
芝士蛋蒜就比較香蒜味，重口味人士啱食。
而且因為煎嘅時間唔長?，所以啲芝士仲食到可以拉絲?。
店員仲不斷會幫我哋換咗唔夠熱嘅爐?，服務挺好的。
夠熱嘅爐你只要放去3秒再反轉3秒就已經食得，如果唔係就會有燶味。
好玩又好食?，技巧性唔算高，但係要快。
芝士泡豚丼泡菜迷要叫，碗飯好大碗?，除咗飯多肉同埋泡菜都多。超級香泡菜味?，上面仲要有好多嘅芝士。
整個餐真係唔貴又好食?，啱晒我呢啲鍾意食肉食飯嘅人?
⛳地址: 尖沙咀厚福街11號地下A號舖
?味道：8/10⠀
?環境：8/10⠀
?抵食：8/10⠀
✨推薦：8/10⠀
? 分類 #FOODIE
✏️ Instagram 搜尋：foodie_raaoooy
✏️ Openrice 搜尋：YuenKW0620
✏️ 大眾點評 美食誌搜尋：raaoooy
#foodie #food #foodporn #instafood #foodphotography #foodstagram #foodblogger #yummy #foodlover #delicious #foodgasm #homemade #instagood #foodies #foodiesofinstagram #healthyfood #tasty #love #dinner #foodpics #lunch #cooking #dessert #bhfyp #breakfast #yum #chef #healthy #foodblog #bhfyp
厚福街一向都係覓食好地方，呢間韓國餐廳主打石燒和牛漢堡扒，仲要選用100%澳洲和牛，當然要試下?
一入到餐廳唔算好大浸油煙味，原來每個座位都有抽氣管，呢個設計好貼心?
食物方面都幾多選擇, 有一人餐, 二人餐同普通丼飯??
我就嗌左個二入餐share
兩人套餐ver3: ($338)
– 芝士蛋蒜和牛漢堡扒（中）x2
– 月見味噌牛丼飯
– 罐裝飲品x2
– 沙律同餐湯
芝士蛋蒜和牛漢堡扒，上台個陣雞蛋已經半熟，漢堡扒上台嗰陣喺全生，搓成球狀，加上蒜片和芝士條係上面，自己切一小部份，放上熱石上面自己煎，和牛肉質鮮嫩?
跟餐有麵豉湯，沙律等，而且可以添加?
食嘢嘅中途舊石難免唔夠熱，店員都主動幫我地換舊熱石，而且店員態度都好親切，值得一讚??
今日去尖沙咀開會，中途有個break 放lunch , 正在覓食時，看到「福岡漢堡扒」於是乎就入去試吓?
芝士蛋蒜和牛漢堡扒，上檯時雞蛋已經熟，跟很多蒜片mix 一齊煎，而且鐵板熱度剛剛好，因為就算食完整見和牛漢堡扒時，雞蛋也不會過火，剛剛好，味道夠惹味?? 和牛漢堡扒上檯時是全生，搓成球狀，加上蒜片和芝士條在上面，自己切一小部份，放上石燒上面自己煎，芝士慢慢溶入牛和入面，很惹味；但不會搶走牛和的味道??和牛肉質鮮嫩?
跟餐有麵豉湯，沙律等，而且可以添加?
好味，新鮮
玩味十足嘅福岡漢堡扒☺️ 佢係一間嚟自韓國的餐廳，主打石燒和牛漢堡扒，選用100%澳洲和牛?? 俾我哋自己煎漢堡，好食又好玩?
如果兩嗰人嚟食我就建議一定要食兩人套餐，仲一定要跟飯嗰隻? 因為就咁食漢堡未必夠飽，同埋漢堡扒送飯更加好食? 仲有就係一定要嗌飲品? 同埋嗌特飲? 因為特飲大大杯，加$10-$18，好足料，完全唔貴☺️
嗰舊石燒板，你食到咁上下仲未食哂，佢仲會幫你換，如果係新鮮熱辣辣俾你，記住3秒就好反轉，咪會燒燶? 如果放咗一陣嘅石頭反而你唔洗咁緊張，我本人就中意食生啲，如果你哋同我一樣，唔洗換都得?
遇到蠻新鮮的烹調方式，有濃厚肉味
價格非常好的質量。招牌菜是生的和牛漢堡包，您可以在小熱石上自行烹製。我推薦大號的墨西哥胡椒。其他菜品質量也不錯，蠻好吃的。
之前同先生食過一次『福岡漢堡扒』後，我就非常喜歡，好玩又好食，這日跟朋友來到尖沙咀行街，晚飯時間拉著她又來食漢堡。?
福岡漢堡，在韓國很受歡迎，百多元就可以食到頂級的澳洲和牛漢堡，真心抵食。
餐牌上有沙律，炸雞，漢堡扒，丼飯可以選擇，仲有幾款2 人餐，漢堡扒有大，中，小份量可以選擇，我每次來都食大份，因為真係好好味～～?
我們分別點了「芝士蛋蒜和牛漢堡扒」，
和 「芝士蛋和牛漢堡扒」。?
?芝士蛋和牛漢堡扒 $125 ( L )
燒熱的鐵板上雞蛋呈半熟狀態，上面放上 肥瘦均勻的澳洲和牛漢堡扒，一個價錢，已包括餐湯，沙律，泡菜，白飯，把漢堡切塊在燒得火紅的熱石上燒熟，熟成度可以自行決定，沾上海鹽和燒汁同食，好好味。??
漢堡扒的油脂豐富，熱力把油分煎出來的同時，漢堡扒表面都燒得香脆，入口牛味濃郁，肉質軟滑，非常非常的香。?
我喜歡把雞蛋也放上熱石上面燒一燒，更香更脆。?
總共換了3 次熱石， 才把大份的漢堡扒燒完，店員很有禮貌，而且沒有嫌麻煩，態度依然良好，抵讚 ！！！??
?芝士蛋蒜和牛漢堡扒 $ 132. ( L )
和芝士蛋和牛漢堡扒味道基本上一樣，
當然，加了蒜片，煎出來就更香，更美味了。朋友跟我一樣點大份，同樣讚不絕口。???
在厚福街食晚飯，而且是頂級的澳洲和牛，都只要價百多元一位， 性價比可說是非常的高，自己煎漢堡好好玩，建議先問店員取圍裙，穿好再煎漢堡，甘就唔怕彈到油啦。???
?福岡漢堡扒
尖沙咀厚福街11號地下A號舖