HONBO
營業時間
| 星期日 | 11:30–21:30 |
| 星期一 | 11:30–21:30 |
| 星期二 | 11:30–21:30 |
| 星期三 | 11:30–21:30 |
| 星期四 | 11:30–21:30 |
| 星期五 | 11:30–21:30 |
| 星期六 | 11:30–21:30 |
服務選項
室外雅座
無接觸送餐服務
外送
外帶
內用
無障礙程度
無障礙入口
無障礙洗手間
無障礙座位
無障礙停車場
無障礙電梯
產品/服務
小菜
酒精飲料
啤酒
提供素食料理
用餐選擇
午餐
晚餐
餐飲服務
座位
設施
洗手間
適合兒童
Wi-Fi
提供免費 Wi-Fi
氣氛
氣氛悠閒
環境舒適
客層族群
適合闔家光臨
付款方式
信用卡
簽帳金融卡
NFC 行動支付
信用卡
同朋友放工後去左海港城行街~見到間Honbo burger?好多人排隊，於是我地又排埋一份
咁岩排到window seat, 不過天氣唔係好好加上行雷⚡?有d嚇親
但係呢度食物幾好食
我地分別叫左double cheese burger同cheese burger
超大個，cheese fries都好食
朋友仲order左水牛雞翼?
這是Honbo最好的店，海景就是一切，當然Honbo漢堡和其他店一樣好吃。我特別喜歡蘋果派冰茶。
服務
內用
餐點類型
午餐
My fav burger in the town
大名鼎鼎的Honbo尖沙咀的店一直都非常人氣，坐擁讓人讚嘆的無敵海景，尤其係卡位，位置闊落舒適，一有機會就會向身邊朋友大大力推薦，真係好食到返唔到轉頭，就算週一都需要等約20分鐘先可以入座，店內播放著很chill 的背景音樂，一邊欣賞magic hour的晚霞
招牌漢堡扒選用美國牛肋肉、牛肩肉和本地牛腩扒手打而製，油脂非常豐富，再加上本地牛腩，牛味濃厚。據說烤扒的方法用上Smash Style，放在450℃ 的烤爐上，用力壓扁煎脆，連邊緣也帶焦香。
個人首選No.1當然是Honbo 2.0，4x2oz beef patty?漢堡扒夾住melting芝士層層疊，配上酸瓜、洋葱、自家製醬汁，大大啖吃超滿足? The Gold standard 一試難忘，當中的薄脆煙肉好高質，層次分明，吃完罪惡感滿滿。
Buffalo Wings /5 pieces
即點現做，炸得超級酥脆，而肉質很嫩，醬汁酸辣的很開胃
我哋叫咗兩款漢堡包首先honbo 2.0適合一啲鍾意食肉類嘅朋友，因為入邊有成4塊2oz 既手打肉，肉質香濃咬落超多肉汁入面配料仲有芝士、酸瓜、洋蔥適當減低油膩感。另外the gold standard就多左塊香脆既特制煙肉，仲有、芝士、生菜、洋蔥同配上自家製蛋黃醬汁，漢堡包咬落非常香口之餘又唔油膩，口感非常豐富
肉醬薯條方面比較偏鹹不過啲薯條非常脆口，水牛雞翼味道濃郁酸酸辣辣非常惹味。
服務
內用
餐點類型
晚餐
一隻想去嘅漢堡包店?手打牛肉包，肉吾實，鬆散似肉碎，雞扒包煎得香，但雞包比較多汁，要注意
服務
內用
餐點類型
午餐
今日係尖沙咀海港城shopping完要食埋晚餐先走。心思思想食邪惡漢堡，就黎左Honbo，呢度既漢堡真係好特別，非常巨型同足料，所以有返相當價錢，絕對可以滿足食肉獸如我。平日下午一點後到，要等4張枱，好彩等左幾個字就有枱。
原來平日12至3點有午餐餐牌，包漢堡，小食同飲品。一共有9款漢堡揀，主要係牛肉漢堡，都有雞肉同素菜漢堡。小食主要係薯條，都有沙律，漢堡可加配配料，飲品有汽水，Sparkling Water，檸檬水，檸檬茶同啤酒。
正路每人叫左一個餐。
The Gold Standard
Double 4oz beef patty, Double cheese, Bacon, Pickles, Onion, Lettuce, House Sauce $228 另加一
呢個黃金比例漢堡包真係每次都要食，究竟有幾黃金比例？漢堡超大個，真係大到嚇死人。用張紙包好，方便用手食，仲有一支長竹簽固定好。今次想食keto diet，叫左Lettuce Bun，免費轉蔬菜，正呀！生菜新鮮爽脆，下面痴住幾片青瓜片同洋蔥絲，仲有自家製醬汁。之後到香脆煙肉兩塊，下面就係兩塊重4安士嘅漢堡扒同兩片芝士，最下底就係好多片生菜。漢堡扒塊皮好脆，連埋超脆口煙肉，極度香口，為個包帶黎不同口感。漢堡扒仲有肉汁，唔覺太乾。因為牛肉多同有煙肉，所以較鹹，配生菜好夾。
Honbo 2.0
4 x 2oz beef patty, Triple cheese, Pickles, Onion, House Sauce $218 另加一
呢個Honbo 2.0 都轉左Lettuce Bun。生菜下面足有4塊較薄既漢堡扒同3塊熱熔芝士，雖然肉眼唔係好分得清，但係見到超多漢堡牛肉，真係食極都有。下底有洋蔥絲同青瓜，加上自家製醬汁，呢個漢堡相對更濕潤，而且肉汁更多。因為無左煙肉，同埋漢堡扒相對無咁脆皮，所以感覺上冇咁鹹香同脆口。
Chili Fries 跟餐 加$30 另加一
Chili Fries 用隻碗上，份量好多。唔怪得要加$30，原來好多料。幼身薯條上面加左好多少少辣嘅肉醬，仲有紅腰豆，同大量車打芝士片，同少少蔥花。呢款薯條加左大量配料，主要唔係食脆口薯條質感，係食豐富嘅材料。枱上面有茄汁同黃色芥末醬俾你自己倒，不過完全無需點其他醬料。
Cheese Fries 跟餐 加$20 另加一
Cheese Fries都係用隻碗上，幼身薯條上面加左好多熱熔芝士，鹹香四溢，又香又滑，完全夠餸薯條食，食落鹹中帶少少酸。另外仲有少量辣醬。
Mike’s Lemonade 跟餐 加$10 另加一
叫左兩杯Mike’s Lemonade，大大杯，係非常酸嘅青檸水，仲加左4片青瓜同薄荷葉，味道非常醒胃。一定要食埋青瓜片。
總括兩款漢堡，鍾意鹹香脆口可選The Gold Standard ，鍾意熱熔芝士同濕潤口感可選Honbo 2.0。
食哂所有野真係超飽，食完先減肥。
?The Gold Standard?$178
Double cheese & Double 4oz beef patty仲有煙肉、生菜、洋蔥，勁豐富
牛肉係手打牛肉 食落有質感啲多汁啲，加埋sauce整體好食唔漏
?HONBO 2.0?$168
2塊4oz 手打牛肉，三倍芝士仲要係溶化狀態，非常好食?呢個價錢其實係值嘅
?Cheese Fries?$58
勁多芝士醬，好好食！值得叫
?Buffalo Wings?$78
辣辣哋，好多隻，係抵嘅
?Mike’s Lemonade?$38
好鍾意檸檬酸酸嘅味道，提神解暑解膩
▫️黃金堡 The Gold Standard $178
▫️Honbo漢堡2.0 $158
兩個漢堡都超厚 想一啖咬落去都有難度?
黃金堡有2x4oz牛肉?配雙層芝士
而honbo 2.0就係4x2oz牛配三層芝士?
牛肉超香好厚身 咬開中間係粉嫩色 夾住芝士半融好正?
兩款burger都有酸瓜 洋蔥?
黃金堡仲會有煙肉? 同生菜?
煙肉煎到好脆身 生菜爽口 酸瓜切到好薄一片片(本身唔太鍾意酸瓜 但切薄左覺得易入口!)
服務
內用
餐點類型
晚餐
因為而家早咗日落
如果唔係坐窗邊個景會更靚
座位比較少 所以平日都要排隊
THE GOLD STANDARD($178)
有提供cut burger in half服務
咁就可以share 試晒兩款包
麵包鬆軟 然後有兩層足料肉堡
香口有肉汁 清爽蔬菜平衡返
食完都唔會覺得有膩意
TERIYAKI CHICKEN BURGER($98)
橫切面切得好靚 同樣地都好食
照燒醬汁入味 雞扒厚身嫩滑
唔食牛嘅人 可以嗌呢個雞包
SWEET POTATO FRIES $38
我會用蕃薯塊嚟形容
幾塊可以砌返原個蕃薯出嚟
唔算脆身但綿密香甜
個dip辣辣地 幾夾
BUFFALO WINGS $78
越食越辣 幾惹味
APPLE PIE ICED TEA /ARNOLD PALMER($38)
飲品都幾特別 前者有玉桂香味
難怪個名叫蘋果批冰茶
後者係檸檬水加上茶
所以呈現漸變效果
包子不錯，牛肉餅多汁。他們的普通漢堡肉餅的大小有點薄（4 盎司）。下次可能需要訂購雙層肉餅。
紅薯薯條很大，配上辣醬。
超級美味的食物和美景??
服務
內用
餐點類型
午餐
呢間人氣漢堡店曾經入選Bloomberg全球的最佳漢堡之一，尖沙咀海港城分店重有海景，環境幾chill！
.
DOUBLE CHEESE BURGER $158
入面有兩塊4oz重的牛肉漢堡扒，牛味香濃，肉汁豐富。加上豐富的配料：雙層芝士、酸瓜、洋蔥、生菜和秘製醬汁，真的大滿足！
.
THE GOLD STANDARD $178
比上面提及的漢堡多了兩塊惹味煙肉，令到個漢堡包更加惹味。
.
CHEESE FRIES $58
薯條新鮮炸起好香脆，薯條的底部有好多芝士醬。
.
BUFFALO WINGS $78
雞翼外脆內嫩，味道酸酸辣辣幾惹味。
.
APPLE PIE ICED TEA $38
味道好似蘋果批，帶蘋果和肉桂味，飲落香甜。
.
ARNOLD PALMER $38
即係iced tea加lemonade，係漸變顏色都幾靚。
香港Top?Burger ? 店???
Honbo一直都係我心中香港最好食嘅burger ?尖沙咀呢間對住維港嘅，裝修景色再推高餐廳嘅層次?
The Gold Standard $178
食得honbo一定要食2層以上牛肉嘅burger，雖然係貴啲，但先食到個分別，再加上煎得好香嘅煙肉，增加成個包嘅香味，生菜洋蔥酸瓜同醬汁所有野做個完美嘅平衡?
Honbo 2.0 $168
4層牛肉3層芝士係濃郁之最，4層煎香嘅薄牛肉有8面脆面，全口充滿純粹嘅肉同芝士，雖然漏但係最滿足嘅??
蕃薯條 $38
好新鮮嘅蕃薯切成粗條之後加糖喺面再拎去炸，配辣辣地嘅醬幾惹味
水牛辣雞翼 $78
雞翼炸得香脆再加酸酸辣辣嘅醬汁，仲有香葱增加香氣～
蘋果批冰茶 $38
好鍾意呢個～唔太甜係清甜，仲有肉桂味，係飲得嘅蘋果批?
Mike’s 特調檸檬水 ? $38
好濃好酸嘅檸水，啱哂食比較漏嘅burger?
朋友一直推薦哩間過江龍漢堡店，收工即刻沖到海港城啦?！
嘢飲叫咗Apple Pie Iced Tea?同Cola?。Apple Pie Iced Tea味道偏酸，茶底好香。
The Gold Standard?哩個係招牌漢堡黎嘅，麵包烘到好脆，2件4OZ牛肉?真係不得了，大到足有6cm厚，雖然睇落煎得好焦，但食落好juice好重牛肉，而且仲有一粒粒啲口感，搭配埋自家醬汁，真心好味?。
Honbo 1.5份量唔似The Gold Standard更大，因為size細左，哩款漢堡更易入口，一啖過可以食到麵包?，青瓜?，牛肉?同洋蔥等所有食材，勁like！
Sweet Potato Fries?, 蕃薯條切得好厚身，食落唔算好脆口，不過蕃薯勁甜，點埋特制醬汁，好味！
Buffalo Wings?，雞翼炸得脆啵啵，淋上酸甜醬汁好惹味。哩間漢堡味道真心好味，下次一定要黎打卡海景位TIM?！
服務
內用
餐點類型
晚餐
好鍾意食漢堡包，而Honbo 既手打牛肉漢堡，令人回味！仲有無敵海景。
推介：The Gold Standard
有兩塊4安士的手打牛肉漢堡扒及咸香煙肉片,仲有半溶芝士，牛味濃郁！正！
尖沙咀❣️Honbo配上美麗海景
要搵高質漢堡包，都要做好多research，或者要試好多唔同舖頭先可以搵到合適自己口味一款?Honbo係本人既頭三甲… 仲要而家係海港城就可以食到，啱晒我呢啲尖沙咀返工嘅打工仔?放工去食返個comfort food?
?The Golden Standard
?Honbo 2.0
?Cheese Fries
?Buffalo Wings
?Arnold Palmer
?Asahi Draft Beer
好味指數：9.5/10
Honbo
尖沙咀廣東道3-27號海港城港威商場2樓2602號舖
———————
#hk #hkig #hkfood #hkfoodie #burger #fries #buffalowings #honbo #tst #tstfood
一直聽呢間漢堡好食 但未搵到機會去試 今次試完終於明白點解會排隊啦～
漢堡鬆軟 牛肉煎得非常香口 但咬落都Juicy 一拎起個包已經滴晒啲汁出嚟??而且肉味濃?❤️
薯條即叫即炸 熱辣辣非常香脆?
– Honbo $98
– 雙層芝士漢堡$158
– 芝士薯條$58
– 水牛辣雞翼$78
– Arnold Palmer $38
Bookmark左好耐想去食
推薦黃金堡!!! 勁大個之餘又好味
漢堡扒又夠juicy 啖啖肉超正!!!!
肉醬芝士薯條 越食越辣 好過癮
整體食物質素好高, 好想再食?
價格過高，評價過高和糟糕的服務
當我們還在吃的時候，服務員沒有問就拿走了我們的盤子兩次。漢堡送達後 10 分鐘，她試圖強迫我們離開。
服務
內用
餐點類型
午餐
?Honbo漢堡包專門店?
一直都好鍾意Honbo嘅漢堡包，之前一直去開灣仔間分店，所以一聽到開左新分店就即刻去支持一下依間黃店? 新分店一如以往都係以美式快餐店為主題，坐得舒適之餘仲有海景睇?
–
?Honbo2.0 漢堡2.0 $168
4x2onz 牛肉/3x芝士/酸瓜/洋蔥/自家製醬汁
因為本人比較大食，所以叫左個份最大份嘅?d牛肉好Juicy, 牛味好重?啲麵包用牛油烘過，好脆口?同埋真係好足料，冇令我失望！食嘅時候小心啲汁流晒出嚟?
–
?The Gold Standard 黃金寶 $178
2x4onz牛肉/芝士/特製煙肉/酸瓜/洋蔥/生菜/自家製醬汁
兩份加大牛肉配生菜同埋特製煙肉，口感一流?生菜鮮味亦都襯托出牛肉嘅鮮味
–
?Chili Fries 辣肉醬薯條 $78
好鍾意honbo啲薯條，熱辣辣，配埋啲辣肉醬，夠晒野味
–
?Buffalo Wings 水牛辣雞翼 $78
Buffalo wings 都幾辣，好惹味同開胃
–
?Draft Beer 生啤 $78
餐廳提供兩隻生啤選擇，我叫左杯brooklyn brewery? 果味好出，幾易入口
–
?Arnold Palmer 檸檬水配檸茶 $38
combines iced tea and lemonade
朋友揀咗新出嘅Arnold Palmer 嘅飲品, 加$38可以配Gin/ Whiskey?佢係mixture of lemonade 同 lemon tea, 第一次飲依個combination, 幾特別，但味道有少少淡
–
?Honbo (尖沙咀)
尖沙咀廣東道3-27號海港城港威商場2樓2602號舖
我很喜歡 Honbo ~~~ 很多，但這一個可能是我嘗試過的最糟糕的一個。中環或灣仔要好得多
??
Honbo @honbo.hk
尖沙嘴 Tsim Sha Tsui
.
晚餐
.
再次到訪☺️
7點嚟到 啱啱好唔洗等位
不過今次就坐唔到?邊位嚕
.
– Honbo 2.0
諗住肚餓叫個2.0 點知真係好大份
食到一半已經飽飽
有4層肉 加上醬汁 最底有青瓜同洋蔥 都幾豐富
但如果有多啲配料 例如蕃茄同菜 會更開心
可以減少食肉嘅heavy感覺
.
– The Golden Standard
呢款雖然只有兩層肉 但每層比Honbo更厚
仲多咗煙肉同蔬菜配料
份量更多
.
– Sweet Potato Fries
上次試過 覺得好味
今日再食過?
蕃薯條係軟身嘅 上面鋪咗少少糖 甜甜地
食落唔會好膩 好味道
.
– Buffalo Wings
有點辣 唔食辣嘅朋友要留意了
但雞翼味道唔錯 炸皮厚度都適中
.
– Apple Pie Iced Tea
蘋果+玉桂味嘅茶
本身唔太好玉桂味 但飲多幾啖又幾好味
甜甜地 又清涼 都幾解渴
.
– Arnold Palmer
凍檸蜜?
叫咗少冰 甜冰都好適中
.
burger嘅份量真係好多
兩人叫兩個包 兩個小食 都唔係好食得晒
有部份拎走咗 又食多餐?
係美國生活過既人大概都認爲漢堡係其中一樣comfort food 、最近經過海運，就俾【Honbo】既漢堡店個名吸引左、藍白設計。而且外面睇上黎就係復吉漢堡店風既設計。餐廳座位唔算多，所以平日 dinner hour 都需要排隊。
黄金堡-2x4oz 牛肉、2x 芝士、特製煙肉、酸瓜、洋葱、生菜、House sauce：
屬於係我個人比較鍾意既乾身漢堡，牛肉 juicy 牛味濃，芝士溶曬、洋葱、生菜都好多，而且
House sauce 有少少微辣，好惹味。不過唯一美中不足 bacon 唔係crispy bacon ，但都幾好食。
雙層芝士漢堡-2x40z 牛肉、2x 芝士、酸瓜、洋葱、生菜、House sauce：
同黄金堡一樣，只係少左 bacon， 所以可以按自己喜好叫。
Chili Fries：薯條分量好多，chill sauce 都多。微辣、好開胃。
Buffalo Wings：搭配 blue cheese sauce，完全就係好美式。雞冀既整法都好美式不過味道會偏辣。個人超級推薦呢款！
Mike’s特調檸檬水：味道唔算太甜，而且加左青瓜所以非常清新解渴既檸檬水、推薦！
蘋果批冰茶：cinnamon 味比較重，而且整體偏甜。
好chill既海景Burger店! 最鐘意照燒雞堡加芝士牛肉，雞扒嫩滑厚實，加埋no.1既芝士牛肉同沙律醬，啖啖肉又juicy!
水牛辣雞翼有份量，辣肉醬薯條好滿足，burger必配！
Mike’s 特調檸檬水好清爽，蘋果批冰茶有特別風味!
服務
內用
餐點類型
晚餐
Honbo曾被Bloomberg選為「全球最佳漢堡2020」唯一入榜的香港代表，分店開完一間又一間，今次就來到尖沙咀海港城分店，靠窗卡位坐擁維港景致，醉人景色盡入眼簾，夕陽時份還可觀賞維港在餘暉與霓虹燈交替中的多重變化，倒映在遼闊的海港裏，熠熠生輝。
Honbo 2.0 $168
新鮮自家製漢堡扒口感扎實，保留著飽滿肉汁，牛味濃厚。由4塊2安士漢堡扒、酸瓜、三重半溶芝士和洋蔥組成，使用加州式smash style的烤扒法，將肉球放在攝氏450度的烤爐上，再以鐵板大力壓扁煎脆，更能提升焦香。
Teriyaki Chicken Burger $98
全天然薯仔牛奶麵包由本地麵包廠製造，口感鬆軟有彈性。無骨雞扒啖啖肉，肉質嫩滑，裡面還夾著海量洋蔥、生菜和日式蛋黃醬。
Sweet Potato Fries $38
厚切番薯條質地粉糯密度高，真材實料，天然香甜，呈現豐滿甜薯的原汁原味。
Chili Fries $78
薯條雖是薄切，混合味濃鹹香的肉碎，惹味無窮。
飲品則選了有蘋果乾的肉桂紅茶Apple Pie Iced Tea $38 和以Lemonade及檸檬茶混成分層的Arnold Palmer $38，正好可以中和一下吃完這麼多肉食的膩感。
服務
內用
餐點類型
晚餐
行過港威商場見到呢間
裝修非常簡約
不過一睇就知係食burger嘅
又可以望住個海食
.
.
Impossible 漢堡 ($118) : 即是素肉漢堡，好食喎～～完全同普通burger冇分別！另配埋兜醬嚟食，正正子 ^_^ 啲生菜都cut哂邊，好整齊，好搞笑
.
.
芝士薯條 ($58) : 正啊，個底仲有好多芝士，撈勻咗可以每條薯條都沾到芝士
.
.
Apple pie iced tea : 幾解渴解膩，唔會太甜啱啱好
海港城原來開左HONBO都唔知, 個VIEW仲好正有海景!!?2個人叫左2個burger, 2個sides同埋飲品~黎到honbo梗係要試下honbo 1.5!另1款就叫左cheese burger~?
cheese burger睇落比起honbo大少少, 不過其實肉既份量係少d, 佢既漢堡扒好juicy, 好淋滑, 牛肉味好濃好好食, 而醬汁既感覺唔會好heavy, 食完唔會覺得油膩!??
honbo 1.5 既肉會多少少, 連埋醬汁比起cheese burger相對就濃味d, 都好好食! ?
sides方面叫左蕃薯條?同埋buffalo wings, 蕃薯條超級粗!好脆口, 面頭仲有d甜甜地既感覺, 令到蕃薯條更加甜~
buffalo wings 都幾辣, 如果唔食得辣真係要諗清楚, 佢仲係有d酸酸辣辣感覺, 好惹味架!?️
海景配burger，超厚牛肉
–
?辣肉醬薯條 $78
?水牛城雞翼 $78
?HONBO 2.0 $168
?THE GOLD STANDARD $178
?MIKE’S 特調檸檬水 $38
?蘋果批冰茶 $38
–
放假同男朋友去海港城行街shopping，見到灣仔一間人氣burger店竟然開咗分店，當然要食啦，分店仲有日落海景睇，超寫意呢！
Honbo 2.0有四塊2安士嘅漢堡扒再加三層熱到溶嘅芝士，仲有酸瓜、洋蔥同祕製醬汁，係好經典美式漢堡嘅味道，外觀望到已經流晒口水！另外黃金堡就係兩塊4安士嘅牛肉，再另加香煎煙肉，成個包望落更加大同邪惡，我係一啖咬唔晒成個包嘅?
小食試咗辣肉醬薯條，男友大讚好味仲食唔停口！水牛城雞翼夠香夠辣，面頭有藍芝士醬仲更加正呢！飲品選擇唔算多，叫咗特調檸檬水好夠酸，解膩一流；另外仲試咗蘋果批冰茶，好有肉桂味夠晒特別。
喺呢間餐廳度食嘢可以飽冷無極靚海景，超誇張！
其實一個漢堡包餐來講百幾蚊有個包一個薯條一杯嘢飲都唔錯呀！喺海港城仲可以嘆住個seaview來講算入門級價錢?！
同埋呢度個漢堡包都好大個，男仔都夠飽！牛肉食落都幾Juice，而且又夠厚，都幾滿足！
環境很浪漫，可以欣賞海景。而且漢堡是真正的美式風格，超級享受雞翅和奶酪法式火燒。如果您喜歡奶酪，那麼漢堡和火爐一定適合您！飲料也很特別。
服務
內用
餐點類型
晚餐
早幾日同朋友去開海港城嗰邊，經過就比呢間嘢吸引咗? 因為佢個長身主要都係用藍白色設計，自己好鍾意藍白色，加上佢係喺海景隔離，好有情調?
我哋一人叫咗一個漢堡包一款小食同埋一款飲品?
漢堡包推薦黃金寶！又有牛肉、又有煙肉、又有芝士，啱晒選擇困難症嘅人，即係我? 2.0就淨係牛肉同埋芝士，鍾意食肉嘅人可以食！
番薯條都好好食? 係真係厚切！食落去甜甜地咁，冇薯條咁邪惡?
飲品蘋果味同埋檸檬味個杯各有各好飲，比較私心檸檬嗰款因為酸味比較出?
最佳漢堡 名不虛傳！
✪ Honbo 2.0 ⌫?168
由4塊2oz牛肉漢堡同3倍芝士製成嘅Honbo 2.0? 牛魔王最愛！多層爆餡！牛肉漢堡煎得好香，肉汁鎖住係入面，牛味香濃，有嚼勁好滋味！漢堡包包皮香軟，充滿牛油香。漢堡夾住半溶芝士，配上酸瓜、洋葱、自家製醬汁，超正！
✪ The Gold Standard ⌫?178
由2塊4oz牛肉漢堡、特製煙肉同2倍芝士製成嘅黃金堡? 比起Honbo 2.0仲要再厚啲，要大大啖咬先得～呢個漢堡加埋煙肉，更加香☺️
✪ Cheese Fries ⌫?58
薯條炸得香脆。芝士醬超香濃，而且好多醬。要盡快食，因為芝士醬凍咗就會痴住個碗！
✪ Buffalo Wings ⌫?78
外皮香脆，沾滿特製辣醬，上面再加咗藍芝士醬！愈食愈辣? 超惹味！
✪ Mike’s Lemonade ⌫?38
有氣檸檬特飲，酸酸地，好開胃！
✪ Arnold Palmer ⌫?38
見到兩層分層，係有氣檸檬水同檸檬茶，混埋一齊飲酸酸地唔會苦澀。
個景好靚?
秘製漢堡汁好食，蕃薯條勁粗身??
整體唔錯～
服務
內用
餐點類型
晚餐
包比漢堡牛肉好味, 漢堡牛肉非常多筋,(特色黎㗎, 定係我地唔好彩?)
餐點：1
服務：3
氣氛：4
漢堡扒非常多肉汁， 麵包亦很鬆軟
服務
內用
餐點類型
其他
餐廳主打美式漢堡，只係牛肉漢堡都有唔同選擇，雖然相信塊漢堡扒都係同一配方，但中意脆口既可以簡薄身既2oz，脆邊位會比較多; 中意牛肉味濃既可以簡4oz，口感有翻一定厚度。
建議晚市去要早啲先可以霸到個海景窗位，餐廳只有約8張枱，7點打後開始排長龍。另外，套餐只在平日 12-3pm 供應，包小食(唔使加錢既可選薯條或蕃薯條)同飲品，覺得比較抵食。
?The Gold Standard 黃金堡 $178
有2塊4oz 牛肉，肉味幾濃，特製煙肉非常脆口，油脂同半溶芝士相輔相成，好彩有酸瓜、洋蒽同生菜平衡下，唔係會有啲膩。
?Impossible Burger 素肉漢堡 $118
個横切面好正，包肉菜比例接近1比1，女仔都可以一手拎著，一啖咬落食到所有材料，都唔易散晒。唔講會以會食緊真肉，口感都做得好似，食到有肥膏位，但相比下，素肉扒會比較鬆，肉味冇咁濃。
?水牛辣雞翼 $78 ‼️推薦‼️
雞翼即使沾滿醬汁，都食到脆口既雞皮邊。醬汁味道豐富，酸辣互相沖擊，又有藍芝士醬既突襲，會食上癮。但一份得5隻，有點少貴。
?蕃薯條 $38
厚切黃心蕃薯條，唔脆口，但帶少許溏心既質感。中意配既自家製醬汁，似帶辣味既千島醬。
飲品方面簡左兩杯Old school classics
?Arnold Palmer $38
新推出。一半檸檬汁加一半檸檬茶，酸勁十足，好岩配漢堡同煎炸食物。
?Apple Pie Iced Tea $38
建議簡少甜，飲落有陣陣肉桂味，蘋果肉桂一直係perfect match，但男友覺得有啲似中藥味，未必人人中意。
歡迎follow IG: fatsnow02?睇更多分享?
呢間Burger 店真係超好質，海港城店有海景，位置仲要好闊落。
The Gold Standard 有2塊4安士嘅牛肉漢堡扒??及2塊芝士??，仲有煙肉和生菜等配料?。2塊超厚既漢堡扒超級Juicy，煙肉都好好味。
Honbo 2.0 有4塊2安士牛肉漢堡扒????及三塊芝士???，每塊漢堡扒都煎到好香，配埋Honbo 嘅祕製醬汁真係好正。
服務
內用
餐點類型
晚餐
環境非常悠閑，食物質素亦很好，但明明寫住星期一至五下午12時~3時， 買漢堡包會包一個小食給一杯飲品，但最終收錢是當收套餐價錢
餐點：4
服務：3
氣氛：4
喺海港城嘅Honbo 十分之出名, 一直都想試今日終於有時間一嘗心願。入到餐廳，見到佢原來可以望到海景已經覺得好relax，不過夜晚出面個海好黑睇唔係好到海景，下次lunch嚟嘅話應該會更chill。
佢有套餐，所以就嗌咗兩份套餐， 套餐係包一個漢堡，一個小食同飲品。
我地嗌咗個雙層芝士漢堡， 裏面有兩塊四安士牛肉， 芝士， 酸瓜，洋蔥，生菜同自家製醬汁。 成個漢堡勁大個，而且十分juicy, 咬落去牛肉汁必曬出嚟，十分好味，而且佢個醬汁亦都好惹味。
黃金堡再豐富啲， 除咗有兩塊四安士牛肉，仲有特制煙肉， 佢亦都有芝士，酸瓜，洋蔥，生菜同自家製醬汁， 口感更豐富， 基本上一個包已經超飽，好滿足。
佢嘅水牛辣雞翼偏辣， 十分惹味，不過唔食得辣嘅人就慎選，佢嘅雞翼炸到好脆配埋辣醬汁 十分好食。
辣肉醬薯條， 呢個冇得輸。配埋芝士同辣肉醬，脆脆嘅薯條，變得十分香口。
飲品方面我哋叫咗個lemonade 同 Arnold Palmer。 Lemonade係檸檬汁， 唔鍾意太甜嘅朋友呢個係一個幾好嘅選擇， 至於Arnold Palmer 其實係lemonade 再加檸檬茶, 呢個甜度會偏甜少少, 味道都唔錯。
餐點：5
服務：5
氣氛：5
黃昏過來最好，可以一邊欣賞日落美景,一邊享受美國高質漢堡。
店內主打係牛肉為主的漢堡包,亦有素食和雞肉的選擇， 不過我們還是點了牛肉漢堡。
我們點了黃金堡及雙層芝士漢堡，
兩款都有2塊4oz 牛肉,芝士,酸瓜,洋蔥,生菜及自家製醬汁, 而黃金堡更多了塊煙肉， 牛肉內裡充滿肉汁夠晒juicy,外表微微香脆,配料豐富,口感豐富。
另外除套餐加了一個芝士薯條，芝士半溶狀態的淋在新鮮熱辣的薯條上面, 更另配有一小碟微辣啲千島醬,配合一起食口感豐富惹味。
另亦點了水牛辣雞翼，用上比較厚肉的高質雞中翼, 外皮香脆, 內裡肉質保持嫩滑,醬汁有少少辣,十分惹味。
飲品點了檸檬水和蘋果批冰茶，檸檬水檸檬味突出,不會過甜,夠曬開胃解渴。蘋果批冰茶很特別。蘋果乾鋪在肉桂味的冰茶上面,蘋果乾鮮甜好味,茶味甜甜地, 夠曬清涼解渴。
服務
內用
餐點類型
晚餐
再訪Honbo，自從開咗尖沙咀海港城分店之後真係好方便，但尖沙咀店唔大，大概 7:00左右已經要係門口排隊。如果想坐係可以睇到海景既卡位打卡，就要早啲去啦
餐廳使用既漢堡肉、麵包都係自家製。亦曾入選全球最佳漢堡的漢堡店
The Gold Standard
呢款較Hobo 2.0 更多餡料，有bacon, pickles, onion& lettuce. 口感同味道豐富，有蔬菜冇咁易覺得膩，個包好鬆軟。不過太厚了，一啖係咬唔晒全部料 haha
Honbo 2.0
呢款好啱食肉獸，中間4層2oz牛肉同芝士，每啖都係肉同芝士，beef patty 煎至焦香。beef patty 就厚過包啦，不過比較易膩，如果覺得食唔晒試下HONBO 或者HONBO 1.5
Sweet Potato Fries
呢款係蕃薯切粗條炸，外沾咗糖粒，食落甜甜地
Buffalo Wings
味道酸酸辣辣
Arnold Palmer ??$38
底下係Lemonade 上面apple pie ice tea
呈漸變色，如果覺得Lemonade 太酸呢杯就啱晒
我同朋友仔都喜歡食burger，會搵好食嘅burger，見到呢間入選過全球最佳漢堡，衝去試下先。
好，坐低睇下有咩好食先。
黃金堡，見到個burger都興奮，三個口都一啖咬唔晒，要揸得好好，小心爆汁。
煙肉炸得好脆又香口，芝士熱到半溶，仲有厚厚生菜。
Honbo 2.0，係有4x2oz嘅牛肉呀，牛肉食落有牛味，而且肉質之間鬆得番有粗粒牛肉口感，仲有爆多醬汁，超正，食burger最怕就係乾爭爭！
芝士薯條，薯條又粗又大條，外脆內軟，個醬汁微辣，好惹味。
水牛辣雞翼，唔算好辣，食落啖啖肉，除左雞皮脆，雞肉都入味。
蘋果批冰茶，見個名咁得意，試下先，飲落係水果茶嘅味道，上面係dried apple，都幾好飲。
?非常美味的漢堡，還擁有無敵海景 …
星街我最中意嘅漢堡店?進駐海港城喇
———————————————————————
《Honbo漢堡2.0》?
次次去親honbo我都會點signature “honbo”
就咁honbo唔夠邪惡 就要夠2.0啦
Honbo 基本款係2塊2oz既牛肉
Honbo 2.0就係足足4塊2oz既牛肉!!
焦香! 飽滿! 彈牙! 多汁!
中間夾住漏出黎既芝士?邪惡到極致
底下有洋蔥?提升甜度
酸瓜去油膩感 配埋自家製醬汁 成件事 正
.
《The gold standard 黃金堡》?
呢款食肉獸必點 有2塊4oz既牛肉
仲有特製煙肉? 又有肉感又有脆感
同樣有芝士、酸瓜、洋蔥 還有生菜?包羅萬有 一個人真係食唔哂
.
《芝士薯條?》
跟餐+$20就可以加配芝士薯條
極極極邪惡 真係好多芝士??
基本上係將熱溶咗嘅芝士醬淋落粗薯條到
每條薯條都沾滿芝士 滋味十足
.
《水牛辣雞翼》
炸雞翼外皮有好多蔥
味道香辣 因為淋左少少sour cream 帶少少酸
既惹味又開胃
.
《Mike’s lemonade》
青瓜?薄荷葉?加檸檬水?
.
《Arnold Palmer》
冰茶?加檸檬水?
.
Honbo (尖沙咀)
?尖沙咀廣東道3-27號海港城港威商場2樓2602號舖
————————————————————————————
#尖沙咀美食 #尖沙咀 #尖沙咀好去處 #tsimshatsui #tsthk #tsimshatsuifood #tsimshatsuihongkong #852ig #香港好去處 #香港美食 #香港美食指南 #hkfoodie #hkfoodieblogger #hkgoodfood #hkgoodfoodblog #hkigers #hkig #hkigfoodie #食左先講 #hkigblogger #presslogicholiday #presslogicgirls #新假期 #相機食先 #香港打卡 #打卡熱點 #honbo #honbohk #habourcity #海港城
港威商場近海邊的一排，店舖座位位置不算多，窗口旁邊的位置可以看到海景。
黃金堡 | $178
兩塊4安士牛肉、煙肉、芝士等，牛肉味道濃郁而且有點汁，感覺好juicy。
漢堡2.0 | $168
辣肉醬薯條 | $78
水牛辣雞翼 | $78
Arnold Palmer | $38
Apple Pie Iced Tea | $38
⭐️@honbo.hk
?推薦給想吃正宗漢堡的人！
它位於港口城市Gateway的一角。它具有美式氛圍，享有大海的美景。
?水牛翅和芝士薯條
他們給了我們 5 個翅膀，上面覆蓋著水牛醬和細香蔥。我們還點了一些芝士薯條，非常適合我們的飲料
?經典麥克斯檸檬水
?特色蘋果派冰茶
如果您正在尋找與眾不同但非常美味的東西，我建議您嘗試蘋果派冰茶。
⭐️⭐️⭐️⭐️漢堡！
我訂購了 Honbo 1.5。他們有 3 種 Honbo 漢堡（Honbo、Honbo 1.5、Honbo 2.0），它們的牛肉大小各不相同。漢堡被預訂得非常完美，多汁可口，配以奶酪、泡菜、洋蔥和醬汁。這是我最近嘗試過的頂級漢堡之一，下次我要嘗試看起來不錯的“黃金標準”。我們還嘗試了照燒雞肉漢堡，搭配非常美味的醃製雞肉餅。對於不想吃牛肉的人來說，這是一個不錯的選擇。
服務
內用
早前公佈亞洲五十大漢堡中，全港共有五間漢堡店入圍，而Honbo正是其中之一；除此之外更是2020年Bloomberg全球最佳漢堡當中唯一上榜香港代表。
由最初灣仔一間默默無聞的小店做起，直到現時分店已經遍及尖沙咀等地，當晚來到尖沙咀店更大排長龍，人氣之高絕對不容置疑。
水牛城辣雞翼 ($78) 雖然裹上大量醬汁令外層稍為濕軟，但炸得透徹仍然保留微微脆度，辣中帶酸並加上大量蔥花更加惹味。
辣肉醬薯條 ($78) 炸得香脆乾爽毫不油膩，辣肉醬酸酸辣辣並混有紅腰豆增添口感，再加上半溶芝士碎層次豐富。
HONBO 2.0 ($168) 顧名思義是HONBO招牌漢堡之升級版，足足有四塊兩安士牛肉及三塊芝士，牛肉標榜結合本地牛腩、美國牛肋肉及牛肩肉，果然油香十足之餘肉味同樣香濃，由於每塊牛肉均以高溫壓扁煎香，故能達至邊位焦脆但仍出乎意外地保留豐沛肉汁。
值得一提的是薯仔牛奶麵包同樣自家製作，可見整個漢堡由上而下均一絲不苟，抹上牛油烘過充滿牛油香，質感鬆軟而又富有彈性，配上酸瓜、洋蔥及自家製醬汁，樸實無華卻不負所望。
黃金堡 ($178) 雖然只有牛肉及芝士各兩塊，但事實上每件牛肉已經相當於HONBO中兩塊之厚，口感更加豐富故此亦各有千秋，肉味香濃而中心保持粉嫩，煙肉煎得焦脆香口並配上自家製醬汁更加濃厚，洋蔥微甜而酸瓜微酸再加入生菜恰好能中和油膩感。
蘋果批冰茶 ($38) 甜度稍高但肉桂香氣馥郁芬芳，更帶陣陣冰涼感相當清爽。
Arnold Palmer ($38) 其實是以一位美國職業高爾夫球手命名的經典飲品，主要以冰紅茶及檸檬汁調配而成，檸檬酸味濃郁天然。
之前喺尖沙咀放工去海港城食咗呢間bookmark咗好耐嘅漢堡包店?好好食啊?
//
?雙層芝士漢堡 $158
呢款漢堡有2塊4oz牛肉、兩塊芝士、洋蔥、酸瓜、生菜同自家製醬汁?好豐富啊，牛肉超juicy?食完之後個包裝紙剩咗勁多肉汁?
?黃金堡 $178
黃金堡同雙層芝士漢堡嘅餡料一樣，但多咗煙肉?牛肉味依然係超濃而且勁juicy?煙肉唔會太乾而且幾煙靭令到成個漢堡更香口?正啊?
?辣肉醬薯條 $78
呢度嘅薯條係幼身嘅?較為濕潤，而上面鋪滿晒芝士同辣肉醬?食落唔會太辣之餘，仲有啲腰豆同蔥?口感味道都好特別✨
?水牛城雞翼 $78
雞翼識落熱辣辣，水牛城醬汁鹹鹹地而且仲有啲辣?好惹味，雞肉都幾嫩滑?非常推薦
?MIKE’S特調檸檬水 $38
呢款特調檸檬水酸酸甜甜?除咗檸檬仲加咗青瓜同薄荷，令到成杯飲品更加清爽?
?蘋果批冰茶 $38
一上枱就見到有兩塊蘋果乾做裝飾?飲落有淡淡的肉桂香?真係好似食緊蘋果批咁，但唔會太甜??
整體評分
味道: ????.5
環境: ????.5
服務: ????
抵食: ????
喺香港我食過覺得最好嘅漢堡包店！漢堡包好食，非常香！仲有impossible meat同埋換咗lettuce bun嘅選擇！大推gold standard(但女仔嘅話可能會太大份), 煙肉超正，牛肉好香好juicy。chili fries 係墨西哥風味， 辣辣地好惹味，唔使次次食松露薯條或者芝士薯條，有啲新意！overall食物好食，環境好，音樂好聽，仲對住個大海景，100分！
服務
內用
餐點類型
晚餐
餐點：5
服務：5
氣氛：5