Rimi Café
營業時間
| 星期二 | 12:00–23:00 |
| 星期三 | 12:00–23:00 |
| 星期四 | 12:00–23:00 |
| 星期五 | 12:00–23:00 |
| 星期六 | 12:00–23:00 |
| 星期日 | 12:00–23:00 |
| 星期一 | 12:00–23:00 |
服務選項
外送
外帶
內用
無障礙程度
不支持無障礙座位
產品/服務
小菜
咖啡
酒精飲料
用餐選擇
午餐
晚餐
餐飲服務
甜點
座位
設施
洗手間
適合兒童
Wi-Fi
提供免費 Wi-Fi
氣氛
氣氛悠閒
環境舒適
客層族群
跨性別友善空間
適合團體
適合闔家光臨
規劃
接受訂位
付款方式
只收現金
環境舒適，更有榻榻米的位置！！
點了一份豬肋骨的套餐和單點了兩款小食與朋友共享：）
套餐包有餐湯和蒜蓉多士～
是日餐湯為南瓜忌廉湯：）
兩份小食先到：
椒鹽燒賣和雞軟骨！！！
兩款都香口惹味，味道不錯～
豬肋骨很大份！！
肋肉肉質鬆軟，更有香烤的風味～
伴旁的香烤薯仔也好吃呢！！！
這裡的飲品也很出色啊～
朋友住係mk 果頭，就決定搵下MK既cafe
見到openrice 評價不錯，而且有95折，就即刻揀左呢間
一入去就見到有Staff企係度歡迎我地
Staff既態度好好，而且好nice，叫佢地都會即刻應
我地就揀左對窗坐既卡位，見到樓下既景，
舖頭裏面有Xmas既deco，好有氣氛，啱哂去打卡，
仲有d boardgame 可以比客人玩，已經打算遲d再約多d fd 一齊去食嘢+玩
我地去既時間係Lunch 同tea既交界
所以2類既set 都揀到
Lunch set 我地就叫左卡邦尼意粉，芝士焗吞拿魚長通粉
意粉既份量都幾大，蛋香同埋d 卡邦尼汁都幾濃!!
而長通粉個味道幾特別，芝士係有小小甜果一種，啱啱好中和左吞拿魚既小小鹹，唔會太膩
Tea set 方面就叫左炸雞翼配薯條
炸雞翼啖啖肉，薯條新鮮炸出黎，熱辣辣而且脆口，推薦!!
飲品方面，作為朱古力控既我地
就叫左朱古力誘惑同埋奶蓋朱古力
朱古力都幾濃，唔會好似出面果d好水好稀 ，真係有落足料，好抵讚👍🏻
總結黎講，Rimi係一間抵食又好玩，同朋友聚會一流既cafe!!
天氣好熱…想找個地方慢慢hea、慢慢傾…又想有得玩又有美食…咁多要求得唔得㗎?🤔
這天就去了旺角一間樓上Cafe，環境十分舒適休閒，一邊是梳化卡座，另外一邊是塌塌米座位。餐廳設備齊全，除了供應免費Wifi同免費手機充電，更有各式各樣的board games桌上遊戲🤩
店員安排了我們坐最chill窗口位，我哋就點了下面嘅美食😋
🔹️椰菜花忌廉湯配蒜蓉包
忌廉湯好綿滑，椰菜花打得好幼細好易入口，味道好香濃。蒜蓉包更是烘得超香脆好味，絕配!
🔹️鮮蝦蒜辣炒天使麵
鮮蝦份量十足，既鮮甜且爽彈，天使麵配上鮮菇蒜片同辣香，超級醒胃惹味。
🔹️BBQ汁燒豬助骨配薯菜
豬肋骨係原條上，超重量級! 豬助骨肉質好嫩好有咬口，加上自家製BBQ醬汁好入味，拌上新鮮薯菜，真係好食到要encore!
🔹️Mocha配上超美花花圖案💮
Make my day😊
🔹️珍珠奶茶
服務
內用
餐點類型
午餐
性價比高嘅小店
難得早放，所以一早約咗呢日同男朋友去食個late tea～上網搵下有咩食嘅時候見到呢間cafe，重點係發覺佢喺Openrice book枱有95折😆扑鎚！
登打士廣場都有唔少cafe，呢間就喺20樓全層，所以都相對有啲空間，呢度裝修以綠色同紫色為主，加埋一齊又有另一番感覺。
餐牌豐富，而且lunch供應時間去到5點，所以lunch同tea都可以揀。
叫咗lunch set 卡邦尼意粉、tea set 伯爵茶千層蛋糕、另外散叫咗蜜糖雞中翼、炸薯角、芝士焗西蘭花。
卡邦尼意粉
好多cafe都係會加cream，不過呢間有驚喜！因為個蛋汁濃，感覺正宗，我好鍾意呀！😍😍
蜜糖雞中翼
蜜糖好夠，所以甜甜嘅雞翼，肉質都好滑嫩而唔癡骨。不過一開始食要小心，因為即叫即整，好熱辣辣😋
炸薯角
同樣地都係好熱辣辣，好正，外脆內軟！雖然只係叫咗細份，但份量都唔少，好抵食！
芝士焗西蘭花
同樣即叫即整，呢個等嘅時間耐咗少少，擺上枱時仲見到啲芝士熱到卜卜卜卜咁～呢個芝士份量剛好，所以無太膩嘅感覺
伯爵茶千層蛋糕
上碟都俾到surprise，以為只係一個小碟裝住件cake，但畫埋公仔👍🏻👍🏻伯爵茶味好夠，千層口感又好好～～
Set可以選四季春茶系列或烏龍茶系列，我哋分別叫咗百香果烏龍茶同蜂蜜四季春茶。
睇相可以見到烏龍茶比較濃，甜味較重，而蜂蜜四季春茶就清啲。
總括來講呢間cafe所有嘢都好食，而且價錢唔算貴，食得好超值👍🏻
Rimi cafe係油麻地登打士廣場20樓嘅一間靚靚cafe😍
一入門口已經見到好多聖誕裝飾，門口仲有個櫃可以比人借boardgame玩，如果一大班人嚟食就可以等野食嚟到之前玩/亦都可以食完哂野先一齊玩👏🏻而且boardgame嘅種類有好多～👏🏻
食物方面，餐廳提借左啲set dinner，方便一大班人share野食。如果你係比較細食嘅，亦都可以散叫餐，再加啲小食同野飲😋
我同朋友分別叫左個BBQ汁燒豬肋骨配薯菜(+$19包埋餐湯+蒜蓉包+飲品一杯）&小食就叫左個椒鹽雞軟骨😋😍
第一樣嚟到嘅係餐湯同蒜蓉包，餐湯係南瓜湯🎃好多瓜果肉，好重南瓜味😍幾好飲！蒜蓉包亦都好香脆～
之後就輪到雞軟骨🤤雖然每粒都好細細粒，但佢個份量好多，脆卜卜！好好食👍🏻
然後就輪到期待已久嘅主菜😍😍豬肋骨超級大份！而且啲肉好嫩滑，唔需要用好大力切啲肉已經可以分到啲豬肋骨出嚟食👍🏻
飲品方面，我同朋友都叫咗杯芝士奶蓋嘅嘢飲，我個杯係芝士奶蓋紫薯鮮奶，朋友個杯係芝士奶蓋宇治抹茶，兩杯芝士奶蓋都係好厚，同埋甜甜地好好飲😋😋😋👍🏻
全間餐廳整體嚟講都唔錯，加上佢有聖誕裝飾嘅佈置，12月近聖誕呢啲時候去真係好有節日氣氛🥰😍
煙三文魚雜菌芝士麵的雜菌有烤炒過香味十分濃郁。卡邦尼意粉好像加了一點蛋黃醬很香，但是煙肉量為鹹了一點。 黃芥末雞翼是在炸雞翼上加了一點黃芥末，做法好像很簡單，但是味道也挺不錯。
星光有很多的茶葉混合在一起，再配上一點蜜糖，蜜糖的份量可以自由控制，非常的好。茶葉分量非常多，就算飲上很多次，加水味道也不會很淡。
蜜瓜奶昔有點像韓國蜜瓜雪條的味道，是我喜歡的味道，雖然比較普通但也很欣賞。
– 二人餐 $269
包小食 餐湯餐包 主菜 飯/意粉 同嘢飲 其實都幾抵食 百幾蚊 可以食咁多嘢 平時淨係食到一個意粉/飯
餐湯+包
係南瓜湯 都幾濃嘅南瓜味 好甜 唔會太稀太稠 啱啱好 個蒜蓉包就正正常常
小食：蜜糖芥末雞翼 +$5
都有六隻 每隻上面吱勻左蜜糖芥末醬 個醬味道偏甜 芥末味唔算好出 個雞翼又熱辣辣焗好 幾juicy
卡邦尼意粉
個醬好香蛋味 唔會好似坊間個啲咁白汁咁creamy 所以幾鍾意 不過煙肉就未話煎到十分香脆 勝在多又均勻鋪滿成個意粉 意粉口感正常 彈牙
Bbq 豬肋骨配薯菜
好大份 真心抵食 bbq汁幾惹味 係偏甜左啲 肉質咬落都正常 易咬開易切 唔韌 又唔會太乾 呢個價錢包埋其實好抵
嘢飲
叫左水蜜桃同芒果四季春 都係一般係cafe會飲到個隻味 within expectation 係甜啲啲
……………………………….
🌝嘢食大件夾抵食 想用百幾蚊去試咁多嘢食 可以一戰
🌚有啲沙發已經有啲舊
……………………………….
📍 Rimi Cafe
旺角登打士街43H號登打士廣場20樓
超級好味，材料十足，正宗味道，芝士味濃，牛肉好味，口感實在，Deliveroo能叫外賣
服務
外送
餐點類型
晚餐
今次我特別要介紹登打士廣場20樓的Rimi Café。在地理位置、裝修設計、環境氣氛、食品和服務質素各方面等等都值一讚再讚。順便一提在Openrice訂座有95折。
我和媽媽上去吃午餐。出𨋢已是優雅紫色的大門和門框，貼有不同顏色的海報，旁邊擺了一張白色小圓桌、雜誌架。前面有個幾層高的木架放置著很多Boardgames、公仔。坐下來感覺好舒適悠閒。室內是一片綠油油的天花，牆身佈置簡約，有整潔的紫色坐椅，又有大大張的餐牌。
我們點了：
1. 巴馬火腿薄餅（10吋），薄餅外脆內軟，上面鋪滿鹹香 Parma Ham 配上 juicy 芝士蕃茄醬，令人一試難忘，口感和味道超好！個人首選推介，勝在新鮮出爐。
2. 煙三文魚配忌廉雜菌天使麵，試了才知材料豐富，味道好好且不油膩。
3. 伯爵茶千層蛋糕，放在唧了朱古力公仔的白色碟上，令人看見便開心。
4. 熱紫薯牛奶，口感滑滑夠creamy，甜度適中。
5. 雲呢拿蘋果果粒茶，茶裏浸泡著蘋果肉＋洛神花＋玫瑰果＋雲呢拿＋葡萄＋肉桂，另加蜂蜜，喝了真的醒胃提神消滯。
埋單約$320. – 價錢合理。Rimi Café 非常適合親朋知己聚會吃喝玩樂~
好耐冇試過咁開心，約到朋友平日去cafe食下午茶，朋友話呢度有間良心餐廳做緊抗疫特價幾抵食，就試下，Set lunch 指定餐單任食都唔使一百蚊一位，不得了
首先上台嘅南瓜湯蒜蓉包，南瓜湯蘑溶咗，依然仲有一粒粒嘅口感，加上落咗洋蔥調味，唔會話太甜，層次豐富，蒜蓉包好夠熱
各人可以自己揀沙律，我哋揀咗凱撒沙律同埋日式芝麻醬沙律，原本諗住細細份，點知係勁大碟咁上枱，芝麻醬沙律亦有豐富嘅蟹柳，同埋沙律菜都好新鮮爽口
重點就係雞翼小食，一碟有齊曬四種口味，蜜糖雞翼蒜蓉雞翼香辣雞翼蜜糖芥末雞翼，我特別鍾意香辣雞翼，加好多七味粉調味，非常刺激，雞翼都啱啱煎起，熱辣辣，一碟有成16隻，好似去咗雞翼吧
再上檯嘅仲有主菜香草烤春雞同埋燒汁豬肋骨，豬肋骨勁大條，都肉質整得好夠淋， 仲有成十格，不過真係太大份，燒春雞比較好味，算係嫩滑多汁
仲包兩杯飲品，朋友揀咗呢杯薑母烏龍茶比較特別，另外都可以揀四季春系列
咁嘅價錢食到咁多嘢，仲要質素都唔錯，特別係雞翼好明顯見到用心做，良心餐廳有機會真係要支持
今日專程黎到旺角食Rimi Cafe☺
位於登打士廣場20樓, 一開lift門就見到好多pepe連豬
係一間良心小店 店員姐姐好好招呼, 滿滿歸屬感~
店內好有氣氛, 左面係for客人玩既坐地板設計, 右面係卡位主要for食野
大玻璃好透光, 又可以望到窗外環境
大量款式board game提供比客人玩
我地Lunch time黎到, 唔洗等位, 但而家用OpenRice Book位有95折
叫左個2人餐: 包1x小食, 1x飯/意粉, 1x主菜, 2x飲品, 餐湯+飽
蒜蓉多士&南瓜湯
多士好脆, 好香牛油蒜蓉味
濃郁既湯, 南瓜味好香
椒鹽雞軟骨
份量多, 加上椒鹽好香,
新鮮炸出黎好脆好好食
芝士焗香檳芥末汁牛肉飯
大量芝士包住d飯
每食一啖就有拉絲, 超正!!
牛肉好軟腍, 一d都唔會overcook
個汁好特別, 係出面無食過, 酸酸地又幾開胃
飲品 – 藍天白雲
係荔枝沙冰+奶蓋+雲尼拿雪糕
好靚呢杯野飲, 又好飲
奶蓋小小咸溝埋甜甜既沙冰, 岩岩好
旺角有好多cafe，今次就去咗Rimi cafe，因為係openrice訂位有九五折，而且見到佢又有board game玩，野食都好似唔錯😌
入到去發現大部分都係卡位，就算我哋得兩個人都安排咗坐卡位，好多小擺設係牆上，好簡約舒服。cafe坐得舒服真係好重要😚 每枱上都會有放口罩既紙袋同埋大玻璃樽既水俾你自已斟水，值得一讚！
餐飲方面都無令我哋失望。我地叫咗兩個Lunch set，分別係經典嘅卡邦尼意粉同埋煙三文魚配雜菌忌廉天使麵。兩個麵既份量都唔少，而且有好多配料！味道唔比岀面西餐廳一份百幾蚊既差👍🏻價錢一份$100唔洗，性價比好高😍
跟餐仲會送烏龍茶或四季春系列野飲品。我就補差價叫咗杯香蕉朱古力加cream，朱古力味道都夠濃，強力推薦加忌廉令飲品更滑，鐘意甜既唔可以錯過😍😍朋友就叫咗金桔檸檬烏龍茶，朋友話好清甜同好香金桔檸檬味，唔洗少甜都好飲！
食晒主菜傾咗陣計又口癢，主菜非常滿意所以想再叫d小食試下🤤巴馬火腿配芝士焗薯蓉，鹹香既火腿加埋邪惡拉絲芝士，好有驚喜，真係必點！！😍仲有小食一定唔可以缺少嘅炸薯角，叫咗小份。炸得好酥脆又無油饐味，傾住計食份量啱啱好😊
Cafe食物多數品質唔太好而且偏細份，志在有個地方吹下水。而今次終於搵到間唔洗食定野墊肚，都可以上去食得滿足既cafe！坐得舒服又好味，女仔們一定要試下😋
Chill一chill 聚腳好去處
難得放假但又撞正天氣凍又落雨 所以同閨蜜去間Cafe坐下 傾吓計算
我地open rice見到Rimi Cafe有95折 所以就book咗呢間
一到達 出lift門已經有職員歡迎我哋😃
感覺親切🥰🥰
入到去嘅環境好舒服 有兩邊可以選擇
我哋揀咗坐卡位 方便女仔傾小秘密🤪
由於就嚟聖誕節快樂🤶🎄 店舖都有聖誕裝飾同埋聖誕樹 好有氣氛🤩
女仔可以嚟打卡😌
Menu有好多嘢選擇 有埋圖片供應
簡潔清晰🤓
我哋兩個女仔揀咗2個Lunch Set
Lunch set 會送埋烏龍茶或四季春茶系列
由於飲品方面有超多選擇😛
我地補差價 另外選擇左
荔枝乳酸 & 芝士奶蓋胚芽阿華田
由於本人是芝士奶蓋控 極度推薦呢到既芝士奶蓋系列!!!!
杯飲品有好多芝士奶蓋 啱晒我！😋😋😋
食品分別 我地order左
煙三文魚配忌廉雜菌意粉 & 卡邦尼意粉🍝
意粉份量大 兩個女仔都食唔哂🙈
另外我哋加咗小食
蒜香雞中翼(3隻)
蒜香味濃 香脆可口👍🏻👍🏻
最後女仔當然唔少得甜品啦🍰
我哋叫咗抹茶千層蛋糕
茶味香濃 不是太甜
啱晒我哋女仔食😍😍
整體感覺環境舒服 一定會再返嚟👍🏻
一入到去座位都尚算寬敞，牆身都有好多擺設，好多都好有心思。
餐牌上既食物都有好多種類，大多數西式為主，飲品都係以台式為主，睇咗好耐，終於揀到，因為太多選擇，有選擇困難症。2人餐超級抵食！$269就有小食(多款選一)﹑主菜(多款選一)﹑2杯飲品，仲有餐湯同蒜茸包(2份)，有部份既小食﹑主菜同飲品都要額外加返少少錢。
餐湯係甘筍湯，好濃郁，蒜茸包好脆！凱撒沙律，份量好大，食菜都會飽，麵包脆，菜又爽口，搭配醬汁，非常完美。青醬雞絲炒闊條麵，呢個都麵值得一讚，因為我放咗一排先食，麵都冇糊，麵吸晒汁，好味！
雞翼拼盤配蜜糖芥末醬，雞翼同雞槌，仲有薯條，全部都炸到好金黃色，賣相好吸引，好香口但又唔會有油溢味。芝士焗薯蓉配巴馬火腿，呢個好多芝士，份量好足，薯蓉本身冇味，但有芝士加埋巴馬火腿好正！
聚會的好地方。棋盤遊戲系列雖然不是很大，但確實可以讓您度過一段愉快的時光。食物高於平均水平。個人最喜歡的是百香果泥和雞翅拼盤。
環境舒適，沙發柔軟，是聚會喝茶的好地方。價格合理☺️☺️👍🏼沙拉很大份，可以吃2人份，雞翅多汁又好吃😋👍🏼 …
旺角就最多cafe選擇，今日咁岩係旺角做嘢，就約個朋友食個快lunch
Rimi cafe位置都幾方便，係登打士廣場，比較近油麻地地鐵站。上到去發現有啲似party room feel，有好多board game玩，幾岩三五知己聚聚。
我地叫咗兩個set lunch再加個小食，每個餐都會配返精選餐湯蒜蓉包，同飲品。
經典凱撒沙律加煙三文魚
因為我地都唔太肚餓，所以就揀咗個沙律。沙律啲菜好新鮮，超級大盤。麵包粒好香脆，加上芝士粉同沙律醬好味。另加嘅三文魚份量都幾多，煙三文魚油香豐富，同個沙律都好夾。
卡邦尼意粉$
另外就再叫咗個意粉share，蛋黃汁均勻咁撈勻每條意粉，好濃郁。煙肉十分香脆，加埋洋蔥口感豐富。意粉亦都軟硬適中，幾有口感。
椒鹽燒賣（小）
平時蒸燒賣就食得多，椒鹽炸到外皮好脆，但入面仲有煙煙靭靭嘅感覺。灑上椒鹽前粉，味道都幾惹味，好食。
我地都補咗差價轉特飲
芝士奶蓋宇治金時$56）補$17
奶蓋好creamy，超級邪惡。宇治金時有好多紅豆，甜道適中，同綠茶嘅回甘中和返，好夾。
芝士奶蓋珍珠奶茶$54）補$15
呢杯朋友嘅，佢話都好好飲。
呢到價錢合理，又有野玩，如果係附近，都幾岩同朋友食飯一聚
一入到黎已經覺得呢間cafe裝修得好雅致
環境又舒服
而且一入門已經見到個boardgame櫃
好適合一大班人嘅聚會
野食方面
主食叫左個煙二文魚忌廉雜菌天使面
天使面煮得好煙韌
而且忌廉汁亦都好掛到面
份量啱啱好
芝士焗風琴薯仔係一道好有驚喜嘅小食
焗薯上面嘅應該係忌廉醬
夾埋啲忌廉醬個感覺有啲似sour cream薯片
下面仲有塊炸到脆左嘅芝士片？
蜜糖雞中翼係必叫
啲雞肉好軟腍蜜糖烤得啱啱好
至於飲品
叫左杯芋頭奶昔
好似好少見cafe會有芋頭嘅飲品
而我又係個芋頭控
所以諗都唔諗就叫左
飲落好似食緊芋頭雪榚咁
會encore
落雨日都想出去同朋友玩，但又唔知去邊好？Boardgame cafe都係一個唔錯既選擇! 依間boardgame cafe係旺角登打士大廈，有日式塔塔米，亦有普通沙發式座位，環境舒適，重點係可以任坐! 玩幾耐都得!
今次叫左2人餐，total $372，跟餐配湯+面包+飲品
🔸️BBQ汁燒豬肋骨配薯菜
– 豬肋骨很大份，烤焗後的薯仔香口，BBQ汁很惹味，肉質諗軟! 刀一切就能切到底，以boardgamw cafe黎講，食物質素及味道不錯!
✅生酮/低碳人士
🔸️煙三文魚配忌廉雜菌天使麵
– 煙三文魚ok! 唯天使面略乾，可以多加醬汁! 味道不過不失。
🔸️芝士焗西蘭花
– 無諗過小食既西蘭花都咁多! 芝士忌廉足夠，一開頭仲有拉絲效果! 西蘭花新鮮滾熱，應該即叫既焗!不錯!
🔸️5星⭐評分
好食指數:⭐⭐⭐⭐
整體份量:⭐⭐⭐
性價比:⭐⭐⭐
打卡度:⭐⭐
餐廳環境:⭐⭐⭐⭐
✅生酮/低碳人士
✅適合想坐底傾計的朋友
#food #foodie #foodporn #foodphotography #foodpics #foodstagram #foodblogger #foodstylist #foodart #foodlove #foodshare #foodphotos
旺角呢間cafe其實幾年前就去過🤩🤩有boardgame玩又有得食，而且環境好靚，佈置簡約，所以我都好中意💕💕
一入到去店員就安排我坐窗口位，正啊🤪之前去都冇得坐窗口位，今次去到餐廳唔算多人，所以好好坐。而用openrice book位有95折，所以價錢都算合理。我同男朋友中意食小食多d, 所以淨係叫咗一個set lunch share，係特式雜菌燴飯。本身諗住燴飯一定好膩😂點知原來唔係wor 有好清新嘅菇菌味，而且樣樣菇嘅份量都好足夠，燴飯汁好夠，唔會太乾，但又唔會d飯爛哂，所以我都好中意，同男朋友一人幾啖，好快就清哂💕💕💕🙈🙈 套餐包一杯39元飲品，都可以加錢轉其他飲品，我就轉咗呢杯oreo朱古力😍餐飲一樣咁大杯，上面鋪滿oreo碎，朱古力味都好濃郁🤤 跟住就叫咗兩個小食，一個係椒鹽燒賣，新鮮炸起脆卜卜，份量都好多，調味唔算重。另一個係巴馬火腿芝士焗薯蓉，巴馬火腿鹹香味好充足，薯蓉底唔算好濃味，但混合芝士同埋巴馬火腿就啱啱好🙈薯蓉好細膩棉滑～好creamy💕食完正餐就當然到甜品時間，叫咗兩件千層蛋糕，分別係美祿同埋抹茶。美祿嗰件較甜，美祿味好香，不過我較喜歡抹茶嗰件，抹茶唔太甜，反而茶味更加出眾。而兩件千層蛋糕都同樣層層分明，cream同餅皮比例做得好好。總括而言，我幾鍾意呢間店舖嘅氣氛，真係好啱拍拖去or一大班人去gathering 😘
同朋友約好行旺角 行到攰攰地 搵左間cafe坐下
食到個勁勁勁抵食 限時任食set! 88蚊任食～
有榻榻米坐最正 有埋cushions真係坐得幾舒服
坐低傾下計 食下野 唔覺唔覺又兩三個鐘
仲有任食chicken wings同野飲
野食都OK嫁
雞翼有蜜糖 蒜香 香辣 同蜜糖芥末
又有燒豬肋骨同烤春雞 蒜蓉包 餐湯同沙律
仲有各種四季春 烏龍茶特飲
熱情果四季春最好飲 好重果汁味 甜甜地酸酸地幾開胃 野飲都係任飲 就唔怕傾到口乾啦
旺角有不少樓上Cafe, 而這天小編來到了Rimi Cafe, 餐廳除了有不少boardgame可供玩樂，亦設有類似榻榻米的位置，十分適合與朋友一起到訪，餐廳佈置簡約，而座位舒適～
#BBQ汁燒豬肋骨配薯菜 $124
午餐中有BBQ汁燒豬肋骨！外層燒至香脆，醬汁味道剛剛好滲入肋骨內，肉質頗嫩而肋骨肉也頗容易分離～
味道小評分：😋😋😋😋/5
#卡邦尼意粉 $95
另外點了一個午餐主食，卡邦尼意粉使用了忌廉烹調，醬汁頗為creamy但味道偏淡，但煙肉的味道十分突出
味道小評分：😋😋😋😋/5
#蜜糖雞翼 $38/3隻
蜜糖雞翼燒至金黃色，香脆而內裡保留肉汁，不會太乾
味道小評分：😋😋😋😋/5
#炸曲薯條 $36/小
小編最喜歡的炸薯條🍟💕剛剛新鮮炸好的薯條，內裡略為濕潤，可以多炸一段時間，不過份量亦頗多～
味道小評分：😋😋😋😋/5
🌟喜歡可以Like&Follow, 有你的支持是小編的動力🌟
整體味道指數：👍🏻👍🏻👍🏻👍🏻/5
性價比：💰💰💰/5
環境：💕💕💕/5
服務：✅✅✅/5
打卡指數：📸📸📸/5
⬆️小編個人都很喜歡到處拍照打卡，特設打卡指數，並盡量附上推薦打卡位置💜
ʚ RIMI Cafe ɞ
同朋友係旺角行街，想搵一間舒適嘅cafe食lunch，上到黎見到餐廳嘅佈置好有心機呀😍有榻榻米座位可以比人玩boardgame，可以一班fd上黎玩😆因為就黎萬聖節，餐廳都佈置得好有氣氛，樓層高所以窗邊位超正！🤩
ஐ —-ஐ —-ஐ —-ஐ —-ஐ —-ஐ —-ஐ —-ஐ
我地嗌左個party set $269 ，包小食、兩份主食、餐湯、蒜蓉包同兩杯野飲🤤
❀ 南瓜忌廉湯、蒜蓉包
南瓜忌廉湯好濃郁呀，蒜蓉包都好香脆，雖然唔係主食但都絕對唔會hea，非常好
❀ 芝士焗西蘭花
西蘭花分量好多，表面嘅芝士唔會太漏，入口有股淡淡嘅芝士味。
❀ 意式青醬雞絲炒闊條麵
好有驚喜嘅闊條麵！軟硬適中而且有咬口，搭配青醬，超好食，真心推薦大家試一試！！！😍
❀ 辣肉腸薄餅
薄餅表面加左大量芝士，每一啖都好滿足，仲有超多辣肉腸，不過個人覺得有少少鹹。薄餅邊邊位好香脆，好似餅乾咁，整體都唔錯。
❀ 朱古力鮮奶咖啡、蘋果烏龍茶
咖啡好靚，飲落都開心d，重點係都幾好飲🤣烏龍茶好清香，十分解渴~
服務
內用
好耐都冇去過樓上cafe 一時癮起去咗旺角呢間Rimi Cafe
餐廳闊落 全部都係梳化位坐得好舒服
環境明亮整潔 Staff都好有禮貌
二人餐 $368
二人餐仲包埋餐湯同蒜蓉包
今日呢個南瓜湯非常之濃郁 口感綿密
蜜糖雞翼 (6隻) +$8
雞翼juicy得嚟好嫩滑 外皮脆卜卜
蜜糖好香甜 調味適中
黑松露牛肝菌雜菌燴飯 +$15
Risotto飯粒飽滿 咬落煙煙韌韌
面頭有豐富嘅芝士片同黑松露
再加埋味道香濃嘅牛肝菌
口感層次豐富
墨西哥辣肉醬肉丸 (20粒)
肉丸都好有驚喜 每粒都大大粒好有咬口
辣肉醬蕃茄味香濃 仲有粟米同埋豆 食落都好惹味
芝士薯條 $65
仲加咗個小食 無諗過個薯條會咁大份 大大份啱晒一大班朋友一齊Share
厚切波浪紋薯條熱辣辣 食落香脆可口
配埋濃郁嘅芝士醬超正
藍天白雲
外面好靚 面頭有粒雲呢拿味雪糕
用奶蓋整成白雲 藍天係荔枝味嘅沙冰好香甜 睇得又好飲
Oreo碎朱古力
朱古力味超香濃
服務
內用
餐點類型
晚餐
RimiCafe 分開左右兩間房，感覺就似日與夜。一邊放有榻榻米，落地玻璃，又提供 board game，感覺可以輕輕鬆鬆過一個下午☀️。另一邊就係餐廳潢，sofa 坐位，感覺係夜晚同朋友開心聚餐🌙。
今次叫咗二人餐 $368，包括餐湯配蒜蓉包、小食、主菜同兩杯飲品。份量好有驚喜，最後食唔晒，要打包帶返屋企🙈
服務
內用
餐點類型
晚餐
平均每人消費金額
HK$200-250
建議的餐點
Chicken Wings
坐得舒服，地方夠大
俾人感覺都乾淨
食物都唔錯好大份收費都合理
同朋友聚會係唔錯既選擇
服務
內用
餐點類型
晚餐
好好坐嘅樓上Cafe 食物有質素
推介外脆內軟嘅椒鹽燒賣 同好濃厚嘅Oreo奶昔🤤 …
好抵食 環境舒適乾淨 可以同朋友玩住Board Game 慢慢傾 🙆🏻♀️🙆🏻♀️ 我地嗌咗個二人餐 份量超多好抵食～
🌀薯仔忌廉湯配蒜蓉包
忌廉湯入面飲到粒粒薯仔粒 真材實料 奶味偏重幾Creamy
🌀 蜜糖芥末雞翼 & 蒜蓉牛油焗雜菇
蜜糖雞翼炸到外脆內軟 雞翼偏大隻 啖啖肉～ 雞翼有醃製過 單吃也不錯 但淋上蜜糖芥末醬後 味道酸酸甜甜更加開胃🙆🏻♀️
我就最鐘意個焗雜菇 切片雜菇十分厚身 食落有咬口仲幾Juicy 牛油香相當出眾!
🌀 黑松露牛肝菌雜菌燴飯
飯粒軟硬適中 有一匙黑松露醬置於燴飯上 記得撈勻之後先食
黑松露味道會更出色 雜菌份量好多
食落味道唔會太濃 比較清新 冇咁heavy💓
🌀 法式寶雲酥羊架配薯菜
羊架厚身大件 真係要多幾個人share🙈 外皮微微煎香 再灑上 大量麵包糠同茴香調味 肉質嫩滑唔會韌 一切就切開啦!🍴
薯菜- 椰菜花 翠玉瓜 甘筍等雖然無點調味 但微微煎香已經好好食 中和羊肉油膩感☺️☺️
環境舒服 而且都冇限時 可以同朋友慢慢傾計 慢慢食
餐廳無論主食 小食同飲品 選擇都非常多 而且性價比好高🙆🏻♀️
服務
內用
餐點類型
晚餐
餐點：5
服務：5
氣氛：4
啲嘢有水準～
幾好坐
鐘意蜜糖雞翼🤪
餐點：5
服務：5
氣氛：5
💛 一直喜歡支持小店，今次黎左旺角既樓上Cafe 邊chill邊嘆野食。Cafe環境舒服乾淨，一邊係榻榻米區，有270度靚景，可以俾一大班人放鬆玩Board game。另一邊係卡位區，私隱度高，岩晒同朋友慢慢傾慢慢食。
✨二人套餐($368)✨
食物質素同性價比都好高，水準比一搬樓上Cafe高出唔少。配有餐湯，蒜蓉包，飲品(四季春或烏龍茶系列，其他補差價)，小食同兩款主菜。
🔹南瓜忌廉湯配蒜蓉包
南瓜湯夠晒Creamy，味道濃郁，唔係一般罐頭湯嘅味道。
🔸雞翼拼盤配薯條 (+$30)
大大碟一共18隻，雞翼煎到外脆內軟，咬落仲啖啖肉。本身已經有調味，直接食都好夠味。配埋蜜糖芥末醬，食落酸酸甜甜更豐富左個層次感。
🔹煙三文魚配忌廉雜菌天使麵
幾有心思，將煙三文魚擺成玫瑰造型，而且味道唔錯，食落滿滿芝士同忌廉香。天使麵口感亦十分爽彈有嚼勁。
🔸蒜片牛柳粒
以小食黎講份量一啲都唔少，一口一粒，入口好Juicy亦唔會韌。
🔹朱古力誘惑
份量好足，賣相吸引，朱古力味道唔會好甜但好濃郁。
🔸飄雪 (花茶系列)
有桂花，紫羅蘭，金盞花等六種花，好香花味，飲落好relax，加埋蜜糖十分滋潤。
服務
內用
餐點類型
晚餐
平均每人消費金額
HK$150-200
建議的餐點
Salmon Mushroom Pasta Chicken Wings
二人餐包括有:蜜糖芥末雞翼,、黑松露牛肝菌雜菌燴飯、紅酒燴牛肋條配意粉、餐湯同蒜茸包，套餐仲有兩個飲品。
首先店員送上餐湯及蒜茸包，餐湯磨菇忌廉湯，口感都算不錯有磨菇粒粒。另外配上脆脆的蒜茸包，都不錯。另外特別推介，佢地既蜜糖芥末雞翼，香口香脆又飽滿。黑松露牛肝菌雜菌燴飯都非常濃烈黑松露香味忌廉味同口感非常濃厚。紅酒燴牛肋條配意粉的牛肋條及紅蘿蔔煮得都幾淋身。份量相當大份抵食，勁飽。
場地上有都幾特別，分開左兩個區域。一個區域有一啲矮枱同坐墊專比坐地下玩board game，好適合一班人一齊黎一邊玩一邊食。另一個區域就係比人用餐傾計的。
餐點：5
服務：5
氣氛：5
今日收工約左朋友聚一聚😝😝想搵個好坐嘅地方休息下，所以最後選擇咗樓上cafe。
我地兩個女仔點咗個二人餐慢慢食～包括咗餐湯、餐包、前菜、2道主菜同埋餐飲，十分豐富。
餐湯係南瓜忌廉湯配蒜蓉多士，飲落順口，多士脆卜卜，開哂胃🤣
前菜我地就點咗煙肉芝士焗薯，啲hams十分足料，十分實在，同芝士味十分相配～😝
主菜就點咗蕃茄肉醬意粉，鐘意佢嘅汁醬夠多，令每條麵都包裹住酸酸甜甜嘅蕃茄醬～
另外，我地都試咗佢個羊架配薯菜，cp值好高！因為一碟有4舊羊架，而且肉質亦不錯，嫩嫩的羊肉配搭酸酸甜甜嘅沾醬，推薦大家試試～
飲品方面就點左一杯紫上談冰同埋芋香珍珠奶茶，十分冰爽嘅台式飲品～為今餐完美作結😆
服務
內用
餐點類型
晚餐
平均每人消費金額
HK$250-300
餐點：5
服務：5
氣氛：5
旺角樓上café又可以玩board games 。有塌塌米座位。晚上既二人餐 $368二人餐有餐湯，蒜蓉包，前菜，2款主食及飲品
👍🏻💛香港人食得又有嘢玩嘅cafe
👨🏻🍳🤳🏻薯仔忌廉湯配蒜茸包❤️🔥
好suprise嘅呢個湯係非常好飲
飲到真材實料超級細粒嘅薯蓉 入口好香
👨🏻🍳🤳🏻蒜香牛柳粒❤️
牛柳粒肉鬆軟
四季春茶好飲👍🏻👍🏻
不幸的是只有2顆星。服務熱情周到，豬手肘很好吃。不幸的是，剩下的食物幾乎不能吃。酸菜也許仍然是一個口味問題，但土豆泥是袋裝的粉末，西蘭花和球芽甘藍幾乎是生的。我不介意有嚼勁的蔬菜，但這太糟糕了。球芽甘藍的品質也很差。
餐點類型
晚餐
平均每人消費金額
HK$450-500
餐點：1
服務：3
氣氛：2
令人驚喜既二人晚餐：
蜜糖雞翼，雞翼佈滿蜜糖，焗得收乾到啱啱好。
主菜就揀黑松露牛肝菌雜菌燴飯，好香牛肝菌香再加上比較輕微既黑松露香，味道同口感都好好。
另一主菜就揀紅酒燴牛肋條配意粉，牛肋條煮得好腍好入味。
飲品好打卡able，cappuccino & 芝士賴奶蓋胚芽阿華田~
餐點：5
服務：4
氣氛：5
有很多桌遊可以玩 款式好多
可以先食飽嘢再去桌遊嘅位置度玩
二人餐$368食物份量夠大
食物選擇好多元化
餐點美味☺️
服務
內用
餐點類型
晚餐
平均每人消費金額
HK$150-200
餐點：5
服務：5
氣氛：5
想係鬧市中忙裡偷閒，不得不推薦位於旺角內街的Rimi Cafe，它是一間提供board game兼飲食的餐廳，座位可以選普通雅座或者日式榻榻米。在繁忙的都市中，這裡提供了一個寧靜的用餐空間。
今次只得兩個人聚餐，所以揀選款式較多的二人餐分享同放鬆地坐榻榻米。
首先，蒜片牛柳粒令人驚艷。鮮嫩的牛肉搭配香脆的蒜片，不僅口感豐富，還散發出誘人的香氣。每一口都是一個完美的滋味組合。
煙三文魚配忌廉雜菌天使麵同樣出色。天使麵細膩滑順，煙燻三文魚帶出一股淡雅的魚香，而忌廉雜菌則增添了整道菜的層次感。這道菜讓人陶醉其中。
德國腸拼盤豐富多樣，香氣四溢，讓人垂涎欲滴。嚼勁十足的香腸都有其獨特的風味，既有細膩的肉質，又有獨特的香料風味。無論是肉質口感還是調料選擇，都無可挑剔。
飲品方面，青蘋果四春茶為整頓晚餐畫上完美句點。清新的青蘋果與四季春茶融合，口感清爽，是夏天的最佳選擇。
餐點類型
晚餐
餐點：5
服務：5
氣氛：5
兩人份套餐
– 大蒜麵包
– 蟹黃沙拉
– 奶油蘑菇湯
– 番茄醬金槍魚烤通心粉
– 香腸拼盤組合
– 黑糖珍珠奶茶
第一個營業時間超長，直到午夜，是朋友聚會或單獨晚餐的理想場所
餐點：5
服務：5
氣氛：5
朋友話想挽board game, 所以帶我上board game cafe, 佢話食物質素都唔錯就捉咗我上去了。上到去見到地方都係精緻，可以有坐喺蓆仔，亦都可以揀坐喺普通餐桌。門口有旅遊書，仲有個櫃放唔同嘅board game。位置都算係寬敞，見到餐牌都有唔同嘅選擇，就同朋友揀咗二人餐。
先上餐湯，係椰菜花忌廉湯，份量非常足夠，而且上枱時溫度熱辣辣，仲有冒煙，飲落暖入心。味道方面亦都有淡淡嘅椰菜花香味，因為佢blend得好夠，所以入口香滑。
蒜蓉包有半隻手掌咁大，亦都有一定厚度。咬落外脆內軟，表面嘅牛油同蒜蓉味，亦都非常之香口，唔會話好油膩。
小食叫咗蒜片牛柳粒，除咗每一粒大細平均，成碟嘅份量亦都好多，唔係講緊得幾粒，以餐前小食嚟講係超量。牛肉方面，肉質非常之鬆軟，而且熟度啱啱好，唔會要好用力先咬得開。同時間牛肉嘅調味亦好入味，可以好易就品嚐到蒜片嘅蒜香味。蒜片唔會話揸到好窿，揸得啱啱好，所以食到香口嘅感覺。
煙三文魚配忌廉野菌天使麵份量好足，菇嘅數量亦都好多除咗普通蘑菇之外，仲有其他唔同嘅菇種，撈勻左之後可以一啖天使麵入邊有幾舊香菇。煙三文魚亦都有幾大塊，仲會捲到成個玫瑰花咁樣打卡一流，味道方面，煙三文魚風味十足，有淡淡嘅燻木味，味道亦帶微微鹹香，令人食指大動。忌廉汁亦都好濃稠香口，以至每一啖嘅天使麵，亦都充滿着濃濃嘅忌廉香味。香菇嘅清香，洋蔥嘅清爽就令成道濃味嘅菜加入返一個比較fresh嘅口感做點綴，非常完美。
法式寶雲酥羊架配薯仔份量亦都非常之大份，羊架足足有四隻咁多，仲未計伴碟薯仔、蒜頭、沙律等等。佢嘅半碟都住得好有心機全部都有再烤過，而且烤得啱啱好。法式寶雲酥羊架最特別嘅地方，就係會用麵包糠、百里香、蒜蓉等焗香羊架表面。而餐廳成功令到羊架外脆內軟，增加咗羊架嘅口感同味道嘅層次感。羊肉方面，鮮嫩多汁，肉質肥美，非常之滿足。食落去唔會話太重羊嘅臊味，所以朋友都可以食。佢嘅生熟度都係啱啱好，所以咬落去唔會好似咬橡筋咁樣。
呢度飲品都會包埋，我就同朋友揀咗四季春茶系列，水蜜桃茶唔會話太甜，相反甜度適中，係消暑解渴嘅一大良物。我就叫咗青蘋果味道，我個杯嘅青蘋果味道都係好粥，而且兩杯飲品都係咁大杯，由頭飲到落尾啱啱好！
服務
內用
餐點類型
晚餐
平均每人消費金額
HK$150-200
餐點：5
服務：5
氣氛：4
建議的餐點
煙三文魚配忌廉雜菌天使麵
以前細個成日都同朋友去樓上cafe，貪佢有小角落，又有唔同board games玩，但人大咗就唔知點解好少去樓上cafe。呢日閨蜜咁岩因工作不順利而心煩，然後我又係OpenRice見到Rimi Cafe，於是帶佢上黎鬆鬆，原來佢竟然未玩過「魔力橋」😂😂
教下佢玩，又食下美味二人餐［1款小食 + 1款pasta + 1款派對食物 配 兩份蒜茸包+烏龍茶或四季春茶系列飲品($368)］，估唔到閨蜜話「今晚好忘憂！」而我亦重拾了很多昔日同朋友在樓上cafe度過的時光😍😍
蜜糖芥末雞翼(+$8)🐤🐤
一道美味的烤雞翼，雞翼烤製得非常完美，外皮酥脆，內部肉質嫩滑，口感非常好。蜜糖和芥末醬的比例也很適中，將蜜糖和芥末醬混合在一起，形成了一種甜而微辣的風味，讓人一口接一口的吃下去。
煙三文魚配忌廉雜菌天使麵🍲🍲
非常美味的天使麵，配料包括煙三文魚、忌廉和雜菌，能夠增加豐富口感和風味。煙三文魚的味道較重，配上忌廉和雜菌的醬汁，有一種濃郁的奶香和蘑菇香氣，口感有淡淡的甜味和鮮嫩的口感。至於天使麵口感柔軟，搭配忌廉令整道菜更加滑口。
煙三文魚薄餅🍕🍕
一道非常美味的菜式，餅底酥脆，上面鋪滿煙三文魚，能夠增添餅底的風味和口感。煙三文魚的鹹味和配料的甜味、酸味和微辣味相互平衡，使整道Pizza的味道非常豐富。
藍天白雲(+$20)🏝️🏝️
即是荔枝+奶蓋+雲呢拿雪糕沙冰，外貌漂亮，打卡一流！最初怕味道比較人工化學，點知非常清新，非常適合夏天飲用👍🏻👍🏻
服務
內用
餐點類型
晚餐
平均每人消費金額
HK$150-200
餐點：5
服務：5
氣氛：5
建議的餐點
煙三文魚配忌廉雜菌天使麵
旺角好食好玩樓上cafe
平時去太多普通餐廳，今次搵左間有得玩的樓上cafe。
Cafe有半個場係普通枱櫈，半個場係鋪左軟墊似tatami要坐地下，咁我哋就坐左鋪軟墊個邊，張軟墊都幾舒服😊（不過坐耐左就忍唔住要伸直腳，怪我筋骨太硬🤣）
門口的矮櫃放左好多board game，唔知點解最後我同個friend好認真咁玩手指大力錘🤣
Party set 2人餐 $368
（芝士焗西蘭花，虎蝦蒜辣炒天使麵，紅酒燴牛肋條配意粉）
芝士焗西蘭花的芝士好多，仲拉到絲，西蘭花好爽好脆，食落都好新鮮。
虎蝦蒜辣炒天使麵的蝦擺盤好精緻，蝦都幾大隻，肉質唔算太霉，都幾好食😋意粉有少少辣，食落好惹味，意粉入面仲有好多菇菇，口感好豐富。
紅酒燴牛肋條配意粉的牛肋條係羅宋湯底，牛肉份量好足，起碼5-6塊牛肉，底下仲有好多配菜，有薯仔，紅蘿蔔，椰菜花同翠肉瓜，都估唔到咁細個兜兜放到咁多野。
牛肉煮得好濃味，食落唔韌，好易咬開，其他配菜都吸收哂羅宋湯的味，配埋用橄欖油同香草煮的意粉，一濃一淡，味道配搭得相當好🥰
蜜糖雞翼（6隻） $69
雞翼火候焗得岩岩好，做到外脆內軟的效果，上枱時熱辣辣，清楚見到蜜糖沾滿哂成隻雞翼。雞翼食落外皮好香脆，蜜糖味非常濃郁，裡面的雞肉很嫩，好正呀😍
跟餐餐湯 蕃茄忌廉湯配蒜蓉包
蕃茄湯非常creamy，蕃茄味又好濃。蒜蓉包烤得很脆，蒜蓉味唔濃，配湯一齊食亦唔會蓋過蕃茄味。
跟餐飲品 水蜜桃梳打，芝士奶蓋宇治金時（走紅豆）
梳打唔太甜，水蜜桃味比較淡，感覺好fresh。宇治金時的抹茶底好濃郁，奶蓋同抹茶的味道好夾，會走紅豆係因為怕太甜，而家咁樣真係岩岩好，可以仔細咁品嘗抹茶的味道。😌
Rimi Cafe (旺角)
旺角登打士街43H號登打士廣場20樓
*上述文章只供參考及以當時價格為準
服務
內用
餐點類型
晚餐
平均每人消費金額
HK$200-250
餐點：4
服務：4
氣氛：4
最近去左旺角RIMI Cafe，一入門口就被連豬公仔吸引左🤣 整個環境以紫色為主，分開左兩邊，左邊係可以席地而坐既座位，玩game就最方便! 而右邊就係正常既用餐座位! 我地既晚飯就叫左Party set既二人餐🙆🏻♀️ 分別包左一款小食、兩款主菜、兩份餐湯同蒜茸包、兩杯飲品!
.
🍗雞翼拼盤
超大份量!! 有9件黑松露雞翼同9件蜜糖芥末雞翼，仲有炸薯條同沙律菜，仲有兩大碗醬汁，其實就係黑松露醬同蜜糖芥末醬! 呢個拼盤兩個人食都多得瀉，3個人食都得🤣 雞翼幾香口，兩款醬都好好味! 薯條幾脆，整體唔錯😋
.
🍝煙三文魚配忌廉雜菌天使麵
上邊係煙三文魚堆成既玫瑰花，下面擺滿雜菌，天使麵吸收哂忌廉好入味!! 香而不膩，幾好味!
.
🥩蒜片牛柳粒
長碟擺放蒜片牛柳粒，醬汁幾夾，牛柳粒口感豐富，肉味濃郁!
.
🎃南瓜湯及蒜茸包
餐湯係南瓜湯，南瓜味好出！而且好幼滑👍🏻 蒜茸包好脆！
.
🫐藍莓四季春茶
飲品比想像中大杯! 紫藍色既飲品，飲落好香甜既藍莓味幾好!
.
🍋金桔檸檬四季春茶
呢杯好清新! 而且有少少金桔味感覺好潤，好解渴!
.
呢度無論係同一班朋友來玩，或者同知己來傾傾計都幾適合!
服務
內用
餐點類型
晚餐
餐點：5
服務：5
氣氛：5
有誠意的cafe
食物好味 環境舒服
超鍾意cafe 嘅心思💕
係側邊劃左一個空閒 可以玩boardgame
提供左多款boardgame 免費任玩
唔怕會被野食整污糟👍🏻👍🏻👍🏻
又有得玩 又有得食
可以約一班朋友 消磨一日☺️
服務
內用
餐點類型
晚餐
餐點：5
服務：4
氣氛：5
呢間Rimi Cafe真係好正啊！今次嚟食嘅主打係佢哋嘅二人餐，其中有德國腸拼盤同卡邦尼意粉。啲食物唔單止好味，仲有啲特別嘅元素，真係令我印象深刻！
首先，餐廳其中一邊係party room，佢哋提供咗桌遊，特別適合情侶共進晚餐。環境都好優美，好適合打卡，相片一定好靚！真係個好浪漫嘅用餐地方。
而德國腸拼盤真係出色到爆！佢哋用咗好多唔同種類嘅香腸，每一隻都有佢獨特嘅風味。食落去，啲肉質鮮嫩多汁，香氣四溢，真係好正！真係好難相信喺旺角咁鬧市嘅地方，可以食到咁中環級數嘅西餐！而且價錢都好合理，物超所值！
卡邦尼意粉亦都唔遑多讓，個醬汁濃郁順滑，配埋啲煙燻火腿同蘑菇，味道層次分明。意粉煮得剛剛好，彈牙又香口，每一口都好滿足！
總括嚟講，Rimi Cafe係一間非常值得推薦嘅餐廳！唔單止食物好味，環境又浪漫靚麗。而且佢嘅德國腸拼盤真係正宗到爆，好驚喜！加埋啲合理嘅價錢，真係令人心滿意足嘅用餐體驗！
服務
內用
餐點類型
晚餐
平均每人消費金額
HK$100-150
餐點：5
服務：5
氣氛：5
食物好味，叫左沙律（好大盤），火腿pizza, 同三文魚天使麵 好味道— 遊戲玩左五秒定律、象棋、啤牌，一邊食一邊玩 三個鐘人均只需兩百元👍🏻好評
服務
內用
餐點類型
晚餐
平均每人消費金額
HK$150-200
餐點：5
服務：5
氣氛：5
Rimi Cafe：品味美食與桌遊的絕佳組合
位於旺角樓上的Rimi Cafe是一家獨特的咖啡廳，提供美味的餐點和令人愉悅的桌遊體驗。這家咖啡廳以舒適的環境和多樣化的菜單吸引了許多食客。我們點了蒜片牛柳粒、意式青醬雞絲炒闊條麵、雞翼拼盤和金桔檸檬四季春茶和提子烏龍茶，共計花費368元。
首先，蒜片牛柳粒是Rimi Cafe的招牌菜之一。這道菜以嫩滑的牛柳粒炒製，搭配豐富的蒜片，散發出誘人的香氣。牛肉的口感鮮嫩多汁，每一口都充滿了濃郁的牛肉風味，而蒜片的香味則增添了一絲特殊的調味。
其次，意式青醬雞絲炒闊條麵展現了Rimi Cafe對意大利料理的獨特詮釋。這道菜以嫩滑的雞絲和炒麵搭配濃郁的青醬，口感豐富而濃郁。青醬的香氣和味道完美融合在一起，給這道菜帶來了一種獨特的風味。
雞翼拼盤是這家咖啡廳的另一個亮點。這個拼盤包括了黑松露雞翼、蜜糖芥末雞翼和炸薯條。黑松露雞翼散發著濃郁的黑松露香氣，蜜糖芥末雞翼則結合了甜蜜的蜜糖和微辣的芥末風味。搭配脆口的炸薯條，這道拼盤給人一種美味和滿足的感覺。這個拼盤的多樣性和豐富度讓人愛不釋口。
此外，我們還點了金桔檸檬四季春茶和提子烏龍茶作為飲品。金桔檸檬四季春茶帶來了清新的金桔和檸檬風味，讓人口感愉悅，而提子烏龍茶則帶有淡淡的提子香氣，回味無窮。這兩種飲品與餐點相得益彰，使整個用餐體驗更加完美。
總的來說，Rimi Cafe是一家以美食和桌遊為核心的咖啡廳。他們的菜單多樣化，從蒜片牛柳粒到意式青醬雞絲炒闊條麵，每一道菜都展現了獨特的風味和精心的烹調技巧。雞翼拼盤的不同口味讓人驚喜不已，而飲品的選擇也很豐富。此外，咖啡廳內提供桌遊供食客享受，這使得用餐體驗更加有趣和互動。價格方面，合計花費368元的價格在這樣的用餐體驗下是合理且物有所值的。
總體而言，Rimi Cafe以其美食和桌遊結合的概念，提供了一個愉悅的用餐場所，值得一試。無論是和朋友聚餐還是與摯愛共享美食，這裡都是一個不錯的選擇。
餐點：5
服務：5
氣氛：5
這次我來到位於旺角的Rimi Cafe吃晚飯。相比其他地方,Rimi Cafe擁有優美怡人的室內設計,也有榻榻米設計, 讓人一進門即感覺放鬆舒適。
首先上代表性的法式蒜蓉包,外表泛金香脆內裡則充滿新鮮溫暖的蒜香。配上清新流暢的忌廉湯,盡展法式風情。
接著上菜的是經典凱撒沙律。生菜葉青翠清新,香滑順口的培根和淋上頂級凱撒汁的完美比例下,讓人品嚐不停。
正餐上場的是芝士焗香檳芥末汁牛肉飯。肉塊柔嫩多汁,芥末芬芳微辛滲入肉中,淋上香濃芝士更顯豐富。搭配蛋飯之下,口感饕足豐富。
最後上菜的香草烤春雞配薯菜,肉質鬆軟Q彈,帶有淡淡香草香氣。薯菜外酥內嫩,與雞肉相搭構建完美口感。
芝士奶蓋珍珠奶茶,珍珠可口Q彈,帶有淡淡糯米香。奶茶濃郁順口,充滿奶香。最吸引人之處在於頂層的奶蓋,奶蓋色澤白滑順口,每一口都可以品嚐到濃郁鮮奶的香甜滋味,回味無窮。
芝士奶蓋胚芽阿華田同樣以奶蓋作為亮點。輕爽甜膩的阿華田下,栗色柔順的胚芽摻雜其中,再配上頂層的奶蓋,能夠在口感與味覺上帶來豐富多變的享受。
相對其他Cafe,Rimi Cafe利用優質材料和巧妙手藝,打造出性價比高的美食及飲品。室內環境也十分舒適祥和，更有桌上遊戲提供，定會推薦給朋友一同前來打卡品嚐。
服務
內用
餐點類型
晚餐
平均每人消費金額
HK$200-250
今次同朋友坐低傾吓偈，就去左旺角樓上餐廳Rimi Cafe屬於年輕人的Cafe，裝修簡約地方大，而且不限時。餐廳都提供多款board game玩😍
💫蜜糖雞翼
一上枱熱辣辣淋上了滿滿的蜜糖醬汁，雞翼本身經過燒烤表面有一層酥脆的外皮，內部則嫩滑多汁，完美配搭
💫虎蝦蒜辣炒天使麵
上碟大大隻虎蝦再加上🌿百里香，口感新鮮芬芳怡人，天使麵細長且柔軟辣靖地好入味，仲有蒜粒和辣椒一起炒，好開胃。虎蝦的鮮甜質地與麵條的口感相互襯托
💫法式寶雲酥羊架假配薯菜
嫩嫩的羊肉排骨烤制得好香口，面有滿滿的香草和調味料，錦上添花✨薯菜可能是烤薯仔及沙律菜，中和一下羊架的油膩感
💫薑母烏龍茶
薑母烏龍茶健康之選，因為加了薑和蜂蜜有獨特的香氣和口感，融合了茶葉的清新和薑辣，蜜糖加以平衡帶來舒緩和和煦的感覺
💫金桔檸檬四季春茶
金桔和檸檬結合清爽的醉甜味和有豐富的維生素C，四季春茶口感清新茶葉不過略嫌甜了一點
服務
內用
餐點類型
晚餐
平均每人消費金額
HK$150-200
餐點：4
服務：4
氣氛：4
黎得呢d cafe唔好對野食太大期望，ok就夠，成班人坐埋一齊玩桌遊同吹水係正
服務
內用
餐點類型
午餐
平均每人消費金額
HK$100-150
餐點：3
服務：3
氣氛：4
建議的餐點
Salmon Mushroom Pasta Chicken Wings