御滿屋日本料理(Superior Manya Japanese Restaurant)

第一次食滿屋集團既 buffet ，坐低見到兩大本落單紙，真係非常興奮。
有系統地編排。有刺身，壽司，灸壽司，卷物，小卷，煮物，天婦羅，炸物，串燒，燒物，一品料理，甜品等等。外面仲有熱葷，沙律，chocolate fountain, 咁多野食都吾知邊度食起。不過我兩公婆吾係大食既人，亦吾想浪費食物，都係小量咁 order ，好彩食物都係精緻型，咁我地可以食多d 款式。我地分好多次落單，呢度D侍應都好nice。👍

飲品有兩大雪櫃既啤酒汽水任飲，我估有成廿款，hogarden 都有，另外自助冷／熱清酒，梅酒，好細心地有熱櫃供應維他奶，檸檬茶，亦有幾款自助日式茶包可以沖，兒童至老人家都照顧到，真係帶埋 bb 都有熱水沖奶😅。

地方大 食材多選擇 服務好 價錢公道 可說物有所值

朋友生日話要食放題，於是book左呢間，貪佢位置夠方便，好彩一早book左位，因為都幾full下。二百幾蚊食兩個鐘，其實食左一個鐘都無已經飽，之後傾下計再慢慢食。

呢間啲野食種類都有好多選擇，我地一坐低就即刻叫刺身食，最鍾意就係三文魚同帶子，三文魚厚切同大大粒既帶子有驚喜。海膽手卷、海膽魷魚、芥末八爪魚軍艦，細細件容易食，而且可以食多幾款。

食完刺身就開始食熱食，我地嘗試每樣都叫少少，可惜選擇太多，個胃太細。
吉列蠔、貓山皇榴槤炸彈: 熱辣辣，外面炸得香脆，入面係濃濃既榴槤蓉;
鐵板牛油香蒜帆立貝: 幾香幾好食;
日式牛肉他他燒: 呢個幾好食，要連埋啲蒜一齊食;
牛肉烏冬: 個湯幾鮮甜，牛肉夠淋，唔錯;
芝麻雞翼：雞皮炸得好脆，但肉質仲係好juicy;
燒紐西蘭羊胺: 肉質夠淋，好香好好味;
蒲燒鰻魚: 細細舊但都厚肉，味道幾好;
香辣咖哩炒蟹: 少辣但香濃，蟹腳都多肉;
瑤柱鮮蟹肉粥: 粥底有好多粟米粒，所以好甜;
鮑汁燴花膠: 放題竟然有花膠食都幾驚喜，花膠夠淋身，唔錯;
辣酒煮東風螺，唔算太辣，但都幾惹味;
天婦羅炸蝦: 炸粉唔算厚身，炸蝦幾好食;
最後每人限食一杯雪糕，我揀左限量版Haagen-Dazs。

整體黎講，服務態度係好好，每個店員都好有禮貌同快手，而且每次落單都無漏單，
食物質素都唔錯，尤其是刺身係好新鮮好味，我同朋友今餐都好滿意，食得好開心。

同家人第一次到旺角御滿屋食放題，種類非常之多。
飲料有好多種：有清酒、梅酒、汽水果汁還有支裝嘅啤酒，我選咗啤酒配串燒非常之夾
首先必點刺身：厚切三文魚、吞拿魚、大亦蝦、甜蝦、大大粒帶子等。非常新鮮甜美👍。
我最喜歡火炙壽司：火炙三文魚腩、火炙鰻魚、火炙香芒大蝦壽司、帆立貝壽司，每件小細細的，吃多也不會覺得太飽。
燒 牛舌、羊鞍燒得剛剛好。鹽燒海蝦，蜜味雞翼同黃金帆立貝也不錯。
吃了太多肉，可選一些較為清淡啲，例如燒菠蘿非常多汁清甜，燒翠玉瓜也不錯。最後當然要食甜品啦，有Movenpick 雪糕😋心食。

日式放題。食物質素穩定。

服務好,員工盡責,環境舒適,食物唔錯

午餐定食好吃

要早一點叫菜!最後一小時叫菜永遠不會來的!!

一個月內食左兩次，第二次食物質素差左幾多，例如本身天婦羅超好食，第二次就失哂手。不過有野飲送，服務態度依然好好

抵食日式放題

行出旺角基本上周街都係日式放題，但係要搵一間又平質素又高嘅放題就唔係咁容易喇。

而御滿屋屋算得上係我食過咁多間放題其中一間CP值最高嘅，價錢公道而且食物質素非常高。

一嚟到緊係點刺身先啦，依度所有刺身都好新鮮，特別係三文魚，超肥美。甜蝦都好鮮甜，另外帶子都好好好食，唔會有雪味。

食放題就當然唔少得壽司同埋天婦羅啦，呢度嘅火炙左口魚燒得好好食，魚油嘅香味非常出。海膽手卷都好正，細細件，食幾件都唔會好飽。

仲有我最鍾意既日式牛肉鍋，湯底超甜😍😍😍

炸物都好多選擇，點左炸雞翼同埋炸蠔，外脆內軟，忍唔住追加左幾件🤤🤤🤤

依個燒鵝肝係必食！超香！

依度實在太多野食喇，未試哂就飽哂，下次要再黎先得！

受抗疫影響, 好多餐廳都會推出折扣優惠黎吸客, 呢間都唔例外

一出地鐵站口, 就會有傳單姐姐派價目表同折扣卷俾你｡ 睇睇先 … 平日一至四晚市黃金時段任食2個鐘都係收 $228 一位, 用埋張 9 折 Coupon, 埋單 $230 都唔洗, 認真抵食

自助區
有前菜、沙律、冷盤、炸物、熟食、湯、甜品、水果任拎, 飲品櫃入面有罐裝、支裝 & 包裝飲品, 而且仲有 1 櫃嘅酒精類飲品任飲, 熱飲櫃有 3 款飲品, 就連清酒同梅酒都係任飲, 熱茶區除左有茶包外, 仲有龍眼蜜同柑桔蜜添

刺身
一共有 13 款刺身揀: 甜蝦、吞拿魚、三文魚、大赤蝦、松葉蟹棒、油甘魚、希靈魚、北海道角螺、鮑片、北寄貝、北海道帶子、玉子 & 赤貝｡ 個人非常推介大赤蝦、帶子同三文魚, 因為真係非常肥美, 一定要叫多幾 Round 至夠喉

壽司/ 手卷/ 軍艦/ 卷物
款式非常多, 有黑松露牡丹蝦壽司 (必食)、辣炸京蔥三文魚壽司、黑松露油甘魚壽司、海膽花竹蝦壽司、蟹膏皇帝蟹腳壽司(必食)、三文魚壽司、秘醬厚燒玉子、火焰牛油蒜蓉三文魚、火灸芝味和牛、鹽燒左口魚邊、芝士蟹棒黃金燒、火灸鰻魚、花之戀、鵝肝伴帶子壽司(必食)、忌廉芝士玉子燒、海膽吞拿魚茸壽司(必食)、海膽手卷(必食)、龍蝦沙律手卷、麻辣蜆肉手卷、香蔥吞拿魚軍艦、山葵八爪魚軍艦、黑松露櫻花魷魚軍艦(必食)、蟹子軍艦、黃金小卷、香芒忌廉芝士加州卷、千島蝦卷、意大利黑醋雙重芝士鰻魚卷、芝士軟殼蟹卷(必食)、海鮮火焰三文魚卷

炸物/天婦羅
炸物有忌廉蟹肉棒 (外脆內軟) 、吉列炸蠔、芝麻雞翼 (唔油膩, 夠乾身)、貓山王榴槤炸彈 (入面有味道香濃嘅流心榴槤蓉) & 吉列多春魚｡ 天婦羅方面有 5 款, 分別係虎蝦 (蝦肉大大舊好彈牙)、鯛魚 (冇骨啖啖肉)、溫室南瓜、有機蕃薯仔 & 秋葵 (第一次食, 超正)

串燒/ 燒物
串燒方面, 必食鹽燒牛舌 (非常爽口彈牙)、鹽燒雞軟骨 (餸啤酒一流)、沙嗲雞串同燒有機鮮菠蘿 (燒好都仲係Juicy)｡ 燒物有燒紐西蘭羊鞍 (一 D 都唔羶)、西京比目魚 (大推, 燒完非常香滑, 唔配醬汁都好好味) 、鹽燒鯖花魚 (魚味濃)、蒲燒鰻魚、捧捧海苔雞肉 & 黃金燒帆立貝

一品料理
燕窩海鮮粥 (海鮮材料份量十足) 、雪花肥牛鍋、辣酒煮蜆、御品鮑汁燴花膠 (非常滋補)、牛肉烏冬 (烏冬有咬口) & 麻辣紅油豬耳

鐵板
避風塘炒雞軟骨 (惹味十足) 、鐵板三色香辣炒牛柏業、和風汁牛柳粒 (肉質淋身)、鐵板和風牛舌 (非常爽口)、XO 醬蜜糖豆炒象拔蚌 (估唔到又幾好味) 、牛油炒粟米 (味道香甜) 、黑松露炒雜菌 (健康之選)

廚師推介
鐵板芝麻斑、美國薄燒牛肉、鐵板鵝肝 (必食, 配埋脆多士)、鐵板安格斯牛仔骨、竹笙瑤柱蟹肉翅 (味道唔錯) 、鮮奶蘆薈燕窩燉蛋 (蛋味香, 唔會好甜)

雪糕
最後, 每人可以 Order 一款雪糕, 我就揀左 Haagen-Dazs 嘅焦糖脆餅

性價比高嘅御滿屋放題🍣飽到捧住個肚腩走🤩
*****
見好耐無食過放題，年尾就同個大食friend放
肆一下，去信和買完毒毒模型後，行去雅蘭隔離胡社生行，啱啱好夠鐘食宵夜嗰轉😌，平啲嘛，同埋可以食到餐廳收舖，唔使趕住交枱比下一輪，但可能阻住人收工🙊。
.
去到雖然唔使等位，但都發現坐滿哂人！店員好好，見有四人枱啱啱執好，就安排我哋坐！胃口頓時大開，因為唔使驚張枱唔夠位擺，可以大擦一餐😝。點餐紙好鬼大本好厚，有成13-14版，每版叫一樣都有排食！
.
嗱嗱聲點第一轉先，之後再出去行下睇下有乜飲有乜食。飲品櫃都有成好幾座，有勁多款枝裝茶揀，啱哂消滯👍，仲有好多韓式罐裝飲品。當然可樂、檸檬茶嗰啲都唔少得，啤酒亦有🍻。除咗雪櫃外，熱櫃都有，入面有鮮奶、維他奶、薑茶等，飲完暖笠笠。另外🍵茶包亦提供比你慢慢自己沖。比較估唔到就係連熱清酒🍶、梅酒等都有得任飲，梅酒甜甜哋唔錯！不過有唔少杯仔個邊都崩咗，都小心揀。
.
行完一轉啲食物已經上咗唔少，好彩坐4人枱，哈哈😄。首先係刺身，拼盤賣相雖然唔算好澎湃，但都幾唔錯。我哋每款🐟刺身都叫咗2片試下，好似得1/2款無咗。除刺身外，有我至愛嘅火炙壽司系列😍，火炙香蔥三文魚腩壽司同火炙蒜香牛肉壽司，2樣都好味。🍣壽司飯細細粒，唔會塞到飽咗。另外，叫咗黑松露牡丹蝦壽司🦐，幾大隻。紅玫瑰🌹(即係呑拿魚配魚子卷)同海膽拌吞拿魚茸[中下圖]，各2件，細細件，味道正常。
.
鐵板鵝肝🦢，放題都竟然有鵝肝食，真係不得了，細細嚿鵝肝放上多士仔到🍞，幾香口，鵝肝都算係入口即溶，不過我麻麻地餐廳用上黑醋。
.
日式牛肉他他燒🐮，肉嘅熟度啱啱好，非常Juicy肉嫩，配埋蒜粒好好食。鐵板岩燒牛舌👅，肉質唔韌，厚薄適中。鐵板牛柳粒🥩，似中式黑椒牛柳粒嘅味道，一客份量都唔少，入面仲有青椒同洋蔥。
.
燒紐西蘭香草羊鞍2件🐏，抵叫之選，出面一件最平都$38，有微微羊羶味👌。鹽燒鯖花魚🐟(1件半條)，份量啱啱好，無乜骨。鹽燒海蝦2隻🦐，有竹簽串住，蝦肉彈牙。
.
避風塘黃金炒蟹🦀，味道其實幾惹味，但喺街食蟹有啲煩，畢竟有殼。雪花牛肉鍋🍲，除咗牛肉外，有蛋有粉絲，好味😋，份量唔算好多，可以嗌。瑤柱鮮蟹肉粥🥣，味道都鮮甜，粥底夠綿，不過建議最後先食，因為比較大鍋。
.
鹽燒雞軟骨1串🐔，正常。鐵板牛油香蒜帆立貝🐚，汁燒唔錯。黃金芝士帆立貝🧀，芝士沙律醬好多，但帆立貝較為細粒。
.
滋味一口芝士1粒🤣，放題好處數量可以嗌一。芝麻雞翼1隻🐔，雞全翼嚟，好食，但飽肚。牛油炒粟米🌽，啱小朋友(即係我)食🤣。
.
燒有機日本蕃薯仔🍠1串2粒，可以一人一粒。虎蝦天婦羅🍤，尚算大隻。溫室南瓜天婦羅🎃、帝王蟹棒天婦羅🦀，炸得唔錯，食得出係即炸。
.
自助區除咗有飲品外，仲有唔少熟食同熱食，例如牛腩同雞球等，啱哂長輩級👴XD，種類都算多。餐廳亦不乏冷盤如蜆、蝦、日式前菜等。呢到連朱古力🍫噴泉都有，可以點生果同棉花糖，但建議最後先玩，因為好漏下。
.
我哋拎咗啲菜食下，中和下🥬，等可以回復戰鬥力。另外，我哋仲食咗蟹籽、中華沙律、腐皮、葡撻🥧同麻辣豬頸肉🐷。
.
甜品方面，主要喺2個甜品櫃到拎🧁🍮。全部都細細件，幾精緻，胃食嘅我哋差唔到每款都拎咗件。印象中全部都無過甜嘅問題，其中紫色嘅香芋同綠色嘅蜜果味布甸🍈，最好食。
.
落單紙叫嘅有鮮奶蘆薈燕窩燉蛋2碗🥚，份量唔少，蛋味都算頗濃。芝士奶蓋茉莉花綠茶1杯🌼🍵，茶味ok，但奶蓋放耐咗，發現係用奶粉整，少少怪🙈，一般。
.
🎊彩蛋就係一人有一客雪糕，Haagen Dazs/Movenpick/Dryer’s三揀一🍨，一杯平極都要廿幾蚊，值回票價。
.
其實食兩食就已經好飽，真係眼闊肚窄🙈，但有啲食物真係幾好食，所以encore咗，包括牛肉他他、鵝肝、火炙壽司、天婦羅蝦等。
.
以前我有段時間好抗拒食放題，因為覺得唔平同埋食物質素差。不過近年來嘅放題店都令我大大改觀，今次亦一樣。我食呢個宵夜時段，價錢按人頭計都只係200頭一位($190+10%)，而且食到超多種類嘅嘢，因為每樣食物都可以一件起、兩件止。更重要嘅係其實食物質素一啲都唔差，可能因為多人叫，所以啲食物係即整，新鮮送上。餐廳亦冇漏單嘅問題👍，店員服務態度都幾好，好主動積極幫我哋收走食完嘅碟，如果唔係四人枱都唔夠擺🤣。餐廳環境同衞生都屬正常水平，可接受範圍之上。
.
總括嚟講，呢餐真係大滿足😋，捧住個肚走。如果要食放題，呢間一定on the list，性價比高！邊個話放題唔可以好食？👍

好耐冇食放題，上網睇過食評呢間食物質素不錯又多選擇，於是今次帶個尼香港旅遊既朋友食下香港既日式方題🙂
首先頭一兩次都係點刺生，甜蝦赤蝦池魚都唔錯幾新鮮，唯獨帶子大粒得驚人😱食落都有咸鮮帶甜，可以再叫呀！
見到有海膽手卷當然要每人兩個先啦🤣
海膽同飯既比例係二比一，可以一啖食哂。幾有海膽甜，紫菜好夠脆👍🏻👍🏻
然後當然係壽司啦🙂火炙三文魚係必點，幾重油脂香👍🏻火炙芝士蟹棒壽司既芝士厚得驚人🙊蟹棒分量都唔細，同壽司店有得揮。
仲有出面比較少有既和牛壽司，不過就普普通通。
炸物方面有係放題好耐冇見既一口芝士，同好少見既車輪捲。炸得外脆內軟，芝士味好濃😋😋😋
天富羅既炸粉唔算好厚，炸蝦都幾大隻。
飲品選擇算多，酒精飲品除左有白啤仲有冷熱清酒同梅酒。清酒好易入口，不錯。每人跟一杯雪糕，有以上牌子選擇。食到呢到大概都回本喇🧐
整體上食物質素都不錯，種類好多。食物上枱速度幾快，冇漏單。人手都好足夠，總有一個店員係附近。不錯呢😋😋

絕對好吃。食物的質量非常好。海鮮和魚都很新鮮。價值很大！我肯定會再次來到這種類型的餐廳並會推薦給任何人

食物很好而且多樣化。服務很好，環境也乾淨。受到推崇的！

放工約左個好耐冇見嘅朋友，諗住大家都好耐冇食放題，就揀左間放題等自己都放縱一下！

刺身夠新鮮，每件都係厚切，啖啖肉，令人食完想再食！

壽司幾靚仔，最推介吞拿魚海膽壽司，海膽係甜嘅而吞拿魚好香，兩樣刺身夾埋一齊食好正！另外芝士炙燒蟹棒係我第二最愛，芝士溶溶地，蟹棒大大條，咬入口係成個口都full左，好滿足！

芝麻雞翼夠香脆，不過熱氣野淺嘗就算啦！後面嘅海膽手卷係必食！海膽好甜！

花膠炆得好冧，好入味，食完再食補下！

碗仔翅一d都唔馬虎，入面有竹笙，個味又岩食，差在佢冇提供紅醋！

炒蜆非常之辣，真係食得辣先好叫！我食左兩粒頂唔順咁辣！

燒物

天婦羅嘅秋葵好正！仲有個炸魚都唔錯！

估唔到放題都有鵝肝多士食，個鵝肝同多士都整得岩岩好，脆卜卜！

蒲燒鰻魚

呢間御滿屋係極高CP值，有好多不同種類嘅野食同飲品，而且仲要係高質！我同友人都好滿意，食到飽飽，開心回家！

寫纸數量來到不啱數揾侍應但睬你

食物新鮮、多款式、值得一試

這地点很好，食物都合水準，

食物質素差，刺身沒有味道，不新鮮，熟食也很一般，完全不會讓人想再吃一次。送餐尚算快捷，但經常遺漏訂單，反映後也沒人跟進，整體讓人失望。

旺角掋食放題🌟
人均$200蚊 就可以食到放題😍
仲可以坐到好多人 環境都幾寬敞👍🏻

刺身選擇好多 新鮮
有高質既油甘魚、油甘魚
唔算大塊 但都算厚身

冷盤選擇有特色
鳳爪、蜆、鴨胸、蝦都唔錯
而基本野既螺肉、中華沙律 都一樣齊曬😼

壽司🍣
推介 鰻魚玉子燒😚
有特色+好味😋

熟食 全部都好熱辣辣 脆卜卜
天婦羅 炸蝦🍤好大舊
個炸粉唔會太多 剛剛好👍🏻

榴槤炸彈
炸得好岀色 真係好似食緊榴槤甘 好香😝

羊架+扇貝
味道幾岀色😋
釀製得好入味 偏向重味道

甜品選擇非常之多
幸福嘅感覺🥰

飲品櫃

好多野食選擇，如果上菜速度快點就更好

高質種類豐富嘅日式放題😋

記得仲係學生嗰時成日都會過嚟食放題，而家畢咗業過咗一排又再過嚟食真係別有風味😂 感覺種類更加豐富，食材就都係咁高質👍🏻 地點亦都好方便，旺角站嘅E1出口就係，行過去真係1分鐘都唔使呀😛
–
首先入去見到嘅係自助區，有冷盤、沙律、前菜、炸物、蛋撻等，仲有爆谷機可以任攞爆谷添呀🍿飲品區真係超多選擇，汽水、無糖茶、韓國飲品等應有盡有。除咗無酒精飲料之外，佢哋仲有日本清酒、梅酒、啤酒等任飲，真係超爽呀🍻
–
放題食物有足足兩本，種類非常豐富，有刺身、壽司、串燒、炸物、主食、小食等等。刺身非常新鮮，其中最驚喜係帶子刺身，食落非常香甜🤤 炸物炸得幾香口，唔會太油，其中我最鍾意水牛芝士條，可以做到好誇張嘅拉絲效果🧀 所以我都加咗單幾次😆 炸蝦天婦羅🍤見到好多檯都有叫，每條都大大隻，炸粉唔會厚👍🏻 小食非常推介蜜糖炸雞，味道就好似出面食嘅韓式炸雞咁，炸得唔錯，值得一試👍🏻 放題包每一位一杯雪糕，可以揀Häagen-Dazs或者Movenpick，真係落重本😍
–
另外，雖然我哋分開加咗單好多次但係都冇出現過漏單，真係抵讚👍🏻 下次cheat day再過嚟食啦～

吃飽了真好。

同朋友行街行到好累，諗住食餐飽，但係又揸唔到主意食乜，最後因為我哋好鍾意食日本嘢，所以揀咗日式放題。朋友建議下，我哋想試吓呢間都幾出名嘅滿屋。

一入門口見到有好多嘢，飲同埋自助吧，選擇又多，真係開心。

其實一坐低見佢哋有兩本簿，有好多日式壽司，刺身，天婦羅甚至熟食，林林總總都俾你點，好多選擇啊。

我最喜歡他們的鰻魚卷，海膽手卷，刺身亦非常新鮮，最驚喜係連黑松露焗菇都10分好味。

最開心係可以不斷encore，而且上菜速度算快，唔使驚有排等。

其實我哋order咗好多，
真抵食。

細個今次先知道原來佢哋有宵夜時段，如果我下次放工，可以過嚟盡情食個飽。