御滿屋日本料理(Superior Manya Japanese Restaurant)
營業時間
| 星期二 | 12:00–15:00 |
| 星期三 | 12:00–15:00 |
| 星期四 | 12:00–15:00 |
| 星期五 | 12:00–15:00 |
| 星期六 | 12:00–15:00 |
| 星期日 | 12:00–15:00 |
| 星期一 | 12:00–15:00 |
服務選項
外送
外帶
內用
無障礙程度
無障礙入口
不支持無障礙停車場
付款方式
NFC 行動支付
信用卡
刺身，壽司，冷盤較失望，熱食則不俗
打風喺屋企冇咩好食，趁打完風放假梗係要去擦餐勁，放題就係不二之選！最後揀咗旺角呢間御滿屋日本料理。之前已經試過荃灣店質素唔錯，而旺角店喺正旺角地鐵站非常方便。紅日午市都只係$208食足三個鐘，性價比高。
食物選擇方面都非常之豐富，有刺身、壽司、串燒、天婦羅、鐵板燒、一品料理同埋各式沙律、前菜同甜品。質素亦都唔錯絕對唔係交行貨。
壽司款式特別，好似有鵝肝伴帶子、海膽吞拿魚茸、火炙和牛、黑松露赤魚、柚子油甘魚、海膽醬燒平貝等等。海膽吞拿魚茸壽司，海膽鮮甜，撈埋綿滑嘅吞拿魚茸，係唔錯嘅配搭。柚子油甘魚壽司，柚子胡椒醬清香辛辣，帶出油甘魚嘅魚油香。火灸蒜蓉和牛壽司，牛肉入口即融，油花四濺。
刺身方面都算新鮮，亦有大目吞拿魚、大赤蝦、北海道帶子等貴價 貨，用冰鎮形式上枱，肉質鮮嫩。
燒物方面有紐西蘭羊鞍、海蝦、鰻魚、扇貝、牛肉、菠蘿等。其中燒羊鞍值得推薦，羊架稔身，面層烤得香脆，裡面keep到juicy。另外海蝦亦都好鮮甜。
炸物方面有虎蝦、蟹棒天婦羅、吉列蠔、炸相皮奶等等。吉列蠔做得出色，外層金黃香脆，蠔嫩滑鮮味。炸相皮奶亦都非常有特色，估唔到喺放題都有得食。
食飽飽仲可以去甜品櫃拎d甜品杯醫飽埋另一個胃，每位仲可以叫一杯雪糕，除咗有常見嘅Dreyer’s同Haagen Dazs，仲有Movenpick可以揀。
飲品方面有平時一般都會有嘅汽水、果汁、茶、啤酒之外，最喜出望外嘅當然係有apple cider。
。
。
御滿屋日本料理
旺角彌敦道655號胡社生行1樓
。
。
旺角放題，眾多當中試左呢間，5點入座，食足2粒鐘，$198加一每位。MK放題，緊係要沖沖沖，上碟算快，味道合格，叫左既都會比到。
最後要一讚，最尾杯熱茶一定要飲，解冬解飽飽滯滯。
行經旺角見有人派宣傳單張，晚市日式放題5-7點$175，覺得真超級抵。餐廳用QR code 落單，真方便快而準。
入門口處是自助吧，有螺肉 、無骨鳳爪 、鮮蝦🦐超肥美的蜆、葡撻、炸雞塊等⋯最特別有朱古力噴泉⛲️超正。
刺身 、火炙壽司、天婦羅🍣壽司等⋯每樣食物都很新鮮美味👍👍
飲品有梅酒、清酒🍶各式汽水🥤茶，真選擇夠多
甜點和水果，放滿整個櫃。
重點推介冬菇花膠，名貴材料 ，燒羊扒肉味香濃，燒菠蘿，又香又甜。
總結：食物新鮮，味道佳、選擇多，服務不錯，我們會回頭再吃。
地址：旺角彌敦道655號胡社生行1樓
差吾多成年無食過放題，不過食親放題都吾系為左魚生刺身，而系為左榴槤波波。
🥢榴槤波波🥢
炸到金黃香脆，內裡軟糯香甜，熱乎乎既榴彈肉醬，極力推介，雖然食甘多易飽肚又吾抵，但真系好好食手，次次黎都食一打。
🥢竹笙瑤柱蟲花鮮蝦魚片粥🥢
甘凍既天氣系要食返d熱辣辣既野暖下身，食放題食甘飽肚既野系好吾抵，不過好真系好正，想encore，系一鍋海鮮既粥，魷魚、蝦、蜆、魚片加埋瑤柱，又鮮又豐富。
🥢蒲燒鰻魚🥢
鰻魚放題，食到本都返哂黎😂
放題必食刺身，吾會好凍感，切厚多少少就好啦。
食物質素穩定服務態度又好，價錢合理，日本放題第一首選，多熟食產品，適合長者
好耐無食過放題喇！細個成日食 依家人大左食唔到咁多野 就少食左好多🤣 但有時都會有sudden crave
覺得選擇好似比以前少左 🤔 但係野食質素就高左！ 無論係 壽司 手卷 魚生 燒野 同鍋物 都好好食 🤤 最中意係燒波羅 同 炸香芋波☺️☺️ 次次都食得好開心 haha
依家出面仲有好多野係自助形式拎！有炸物同前菜 好似螺肉個d 但係依家疾情嚴峻我就唔敢食了 🙈
第一盆刺身看上去還好。其他食物質素普通。選擇也不是很多。飲口選擇也可。沒影食物相。因為我不吃刺身。如果吃刺身的話。還可以一試。
價錢平，食物普通
年輕服務員的服務不太好，有些烤的食物不夠熱
兩星期內第二次嚟，食物新鮮多樣，特別係如附圖大赤蝦刺身，絕對係我至愛；每人仲會有一杯Haagen-Dazs雪糕埋尾，都幾perfect 😉
價錢非常合理, 食物新鮮,多元化及種類多。
今日嚟咗旺角食放題，一出地鐵站就到好方便。一開始肚餓已經可以係出面嘅area拎野食，有回本嘅凍海鮮🦐，仲有炸物蛋撻仔。嘢飲都有好多choices，有汽水啤酒🍻，我就揀咗飲牛蒡茶消滯。
依到啲食物比較多刺身壽司揀，刺身幾新鮮，我鐘意食甜蝦😀。壽司細細舊食得多都唔驚飽，我可以瘋狂食火炎壽司同花之戀🍣。海膽手卷見到好多人食所以我哋都叫咗，海膽都算新鮮。
熟食都係熱辣辣嘅，我鐘意食牛舌，燒得幾香幾juicy，雞翼同餃子都唔錯🥟。最後除咗出面嘅甜品櫃蛋糕仔，仲有每人一杯哈根大師或者movenpick🍨。
喜歡吃日本嘢吃得盡興，可以選擇放題。記得幾年前同朋友去過御滿屋食得好盡興，前排同佢再去返，質素比之前仲好左！
食物種類都係非常多，仲多左鐵板燒食物選擇，有鐵板羊粒、太子貝同什菜等等。不過無論有幾多熟食都好，都係會點左刺身同壽司先🍣😍
～推介刺身+🍣～
🍣海膽吞拿魚蓉壽司：吞拿魚蓉上面有好鮮甜的海膽粒，而且吞拿魚蓉口感也很好，入口即溶，飯的份量亦適中，一口吃下去有多重享受
🍣花之戀：這裡的三文魚厚身且新鮮，配上滿滿的蟹子，而且不會好多飯，喜歡花之戀配搭的可以食多幾粒
🍣香芒軟殼蟹卷：芒果好甜，配上脆脆的軟殼蟹，是不錯的卷物配搭。
🍣海膽手卷：海膽手卷的海膽是原粒上，而且鮮甜味美，放題海膽來說非常高質
每次放題都最最最期待吃任吃刺身，所以一來就點了一大盤刺身，這裡很好，沒有漏單或給少了份量。
🦐赤蝦：如果喜歡吃肥美一點的蝦刺身，可以點赤蝦，肥美得來好鮮甜，吃下去滿滿的鮮甜感覺。
🍣帶子：帶子刺身是厚切的，而且還很鮮甜，大🈵️足
🍣赤貝：出乎意料的爽甜，頗新鮮的
還點了些火炙壽司，燒得好香，而且整得好精緻。
～其他熟食🍢🌮🌯🍤～
🌟紐西蘭羊鞍：調味非常惹味，吃下去肉質鮮嫩，旁邊的肉還燒得好香，係高質素之作。
🌟西京比目魚：魚肉好嫩滑，配上香燒西京醬料，真係食唔停口！
🌟鐵板羊粒：鐵板是這裡的特色之一，鐵板羊粒燒得好香，一粒粒的嫩羊肉好易入口。
🌟榴槤炸彈：最喜歡吃榴槤炸彈，而且是必吃之選！咬下去好多榴槤流心在內，散發出陣陣榴槤香味，啖啖滋味。
🦪自家吉列炸蠔：外皮好脆，入面的蠔鮮甜，非常unexpected。
最開心的是，餐廳還有haagen dazs雪糕食！
～飲品～
飲品種類繁多，無論汽水、解茶、清熱飲品、甚至係sake 同梅酒都有！
以這個價錢，吃到如此質素的食物，真的好超值+大🈵️足！
一般
放題，質素好，抵食
如果想在放題期間享用酒類飲品, 它會是你的好選擇; 否則, 以相類價錢可在其他日式放題店食到更好的刺身和熱食
食物新鮮
食物很多很難吃，根本不想放入口，不如不要做，浪費食物。很多錯單漏單，更嚴重的是出現生雞翼，刺身也不太新鮮，帶子有很多沙。雪糕只能叫1杯，這叫放題？職員態度極差、沒有禮貌，食物砸到桌上就走，根本毫無服務可言。隔壁桌的隔板直接倒下，座位也不舒適，歌很大聲很吵。不會再吃，永不錄用。
食物質素十分一般，不可以算是一般以上，只可以以算是“D减”，環境十分擠迫，但職員服務不錯。食放题時間只可1.5小時可算合理，如想食飽飽後再坐一會便被邀請離場，所以不宜久坐。
1)交通方便
2)食物品種多
3)服務不斷改進
4)價格合理
5)食物美味
食物質素弱，與價錢不無關係。
價錢比較貴
同朋友即興食放題，一間餐廳近地鐵站嘅一定係呢一間！食物種類好多刺身種類，仲有油甘魚等等。壽司個人覺得最好食係佢嘅火炙三文魚，而且啲飯唔會好大舊！出面都有唔同嘅前菜同熟食，每一款都好啱我胃口，仲有啲菜俾你選擇！
星期一都咁多人嚟食，餐廳上菜速度超級快，啲甜品除咗有平時見到嗰啲，仲有其他曲奇餅，飲品嘅選擇都好多！雖然佢啲串燒唔係話特別多，但係質素都唔差！最後仲有杯Häagen-Dazs，食完成個人都好滿足🤩
疫情限聚二人一檯，食物質素差，魚生剌身選擇少，甜品很粗，海膽腥、花之戀也腥、牛柳粒鞋皮咁，雪糕限叫每人一小杯，幸好熱食搭夠，羊架、炸蠔、串燒雞軟骨都不錯，最驚喜是炸榴連丸和芝士丸，外面熱、內心軟！食飽啲，兩點至四點，特價$176 +10%，用qr code 落單，是日人少，但上菜仍有些慢！
垃撚圾，on9到一個點，好多員工都冇腦，經理都係，嘢食仲要唔好食，0分
就快新年，咩都未準備，旺角就岩哂，咩都齊哂，食個放題跟住要大出血喇🛍
一一✋🏻自助專區✋🏻一一
有沙津、熱湯、甜品、飲品等等😝飲品櫃既選擇都幾多，我最愛既啤酒都有🍺
一一🐠刺身&手卷🐠一一
不得不提赤蝦刺身🍤夠哂鮮甜又大隻👍🏻而海膽手卷既海膽份量都算多
一一🍙壽司🍙一一
壽司🍣好彩全部都係細細粒，可以食多幾款，唔會飽到食唔到😁
一🍳鐵板燒&串燒🍳一
鐵板燒包括薄燒牛肉、雞軟骨、牛舌、燒鰻魚、燒菠蘿🍍、燒羊架等等
一一🍘炸物🍘一一
炸芝士年糕、炸榴蓮係我最愛😋熱辣辣芝士鹹香味濃，炸榴蓮超大陣味，超正🤣
一一🍮甜品🍮一一
雪糕係限定每人一個，如果唔夠滿足可以去甜品區有木槺布甸，芒果布甸，朱古力慕絲，綠茶布甸，小蛋糕等等🍰
款式都幾多，但略嫌部份布甸類口感有點吾夠滑🤪
所有食物都好快上枱，唔需要等好耐👍🏻
最緊要佢有好多地方放題係冇嘅，例如辣子雞、冬菇花膠、整體食物質素都唔錯，又有唔同Level 價錢選擇，平有平食貴有貴食😆
呢排番工無啖好食 放工難得約朋友食飯 想咩都食啲
又想食刺身又想食羊架又想食芝麻雞翼
朋友第一時間就推薦呢間放題
呀 我記得早幾個月都食過 絕對值得再訪
如是者我哋就黎左呢間餐題放任吃了！
我哋揀左75品套餐 因為怕太多選擇都食唔到😂
前菜拼盤🍱
呢度放題出邊好多前菜類嘅野都可以自己夾 除左我夾左 辣味螺肉 芝麻八爪魚 蒜味墨魚仔 中華沙律等等 仲有泡菜 魚糕 好多唔同野揀 不過我就唔記得影低😅
凍海鮮🐚
除左前菜之外 仲有凍螺凍蜆 海蜇夾😇
刺身
電話Order 真係落幾多就比幾多 另外蝦好鮮甜 仲有泰式生蝦點
壽司🍣
好多唔同款 一口一舊 唔會好多飯 比例拿捏得幾好 唔會怕會好濟
炒蝦？🦐
全名我唔記得哂 但爽口彈牙 我一個人都食左兩碟😜
炸物拼盤🍤
其實係自己拼😂 有芝麻雞翼 炸蠔 芝士年糕 炸鮮奶 全部都熱辣辣新鮮炸起 雖然熱氣但好值得食
燒物🍢羊架, 雞軟骨, 牛舌, 燒菠蘿
全部都正常發揮 好食😂
燒菠蘿係袋幾多次都想狂啪嘅野😍真係好好食🤤
爆谷🍿
呢間放題最正係有埋爆谷比你自己攞 食到好飽都忍唔住拎兜黎過下口癮😋粒粒都佈滿糖漿 香甜可口美味😇
雪糕🍦
呢度雪糕只可以計人頭數 一人一杯 有Movenpick haagendaz 我就揀左焦糖燉蛋味 Yummy！
總括黎講 同朋友諗唔到食咩又咩都想食嘅時候可以食下呢間放題 兩次嘅體驗都無參差 良好水準 店員服務態度都好好 見我哋太多碟係枱 黎菜果時另一個店員會幫手排版收碟
每次黎食都好開心好滿足😃😁
真心上野好慢食到張枱冇晒野之前點果d都味黎食物質素不太理想
抵食夾大件！
疫情好轉食下放題，旺角御滿屋日本料理，如果一班人去食，佢哋重有大枱可以坐埋一邊聊天。
我唔蝕底，就一開始要叫🤣各式魚生、泰式生蝦、北海道角螺、松葉蟹棒、火炙黑椒廣島蠔、鹽燒牛舌、美國薄燒牛肉、芒果加州卷。。。
御品鮑汁燴花膠，一定唔少得，花膠厚到可以用刀切。嘩！花膠上枱嘅時候重係出緊煙，正。
竹笙瑤柱蟹肉翅都要叫，唔係好杰撻撻，好足料。
清酒、梅酒任飲自助區，好酒嘅你就唔好錯過啦⋯⋯
除咗自選外，佢重劃分專區，有飲品櫃(好多選擇，盒裝飲品🧃罐裝飲品)
炸物、甜品、生果、
雪糕專櫃，超多雪糕🍦
佢重有部爆谷機呀⋯⋯小朋友好開心🥳
上菜慢，魚有腥味
抵食放題，刺身幾新鮮，芝麻雞翼超正
對於這種類型的地方來說還可以，但我更推薦豪華迪亞基亞而不是這個地方。有些訂單需要 1 個小時以上才能到達，這種情況發生過多次。有些食物也太鹹了。總的來說，味道還不錯。
新裝修之後地方環境都算好,坐得好舒服,如果卡位設有充電設備就更加一流,食物出品都唔錯,如果要嚟最好五點鐘嗰個時段,因為冇咁多人,食完七點鐘走,門口已經企滿人等候。
難食
食物美味，性價比高，員工服務很好
有很多症狀可供選擇。有很多飲料，包括啤酒和清酒。
御滿屋日本料理
地址: 旺角彌敦道655號胡社生行1樓
電話: 36223338
=====================
都成2個月無食放題啦，夜上無了堂食，街上與及商場都冷清清，好想食日本放題架關係，就兩個人去左中午食，亦都一樣豐富又開心。
用OR點野食, 刺身壽司同即做的熱食。
食放題回本之位, 刺身點了三文魚, 蝦,
見到有創作壽司, 不妨又試下點來。食放題通常唔想太多壽司飯, 店家都考慮到呢點, 壽司細細舊。
比較特別有花膠, 麻辣小龍蝦等菜式, 味道不錯, 若來食放題建議大家都一定要試。小龍蝦個汁惹味, 花膠成一大塊整到好腍。
串燒通常我都是點雞軟骨、豬肉串、 牛舌、羊架、燒饅魚。熱辣辣在冬天食更覺幸福同暖入心。
熟食, SALAD前菜, 飲品同ICE CREAM 都係放在自助區。SALAD前菜有好多冷盤海鮮, 海鮮鮮甜。
見到有HAAGEN-DAZS / MOVENPICK 一人一杯, 仲有好多隻味添呀。甜品蛋糕做到細細份, 一口一件。
因為上網BOOKING 有優惠，二百蚊都唔洗就。加上我鐘意食日本野, 同刷得架朋友食飯, 日式放題會係首選。
原來呢間已經重新裝修過，全部都係卡位，坐得好舒服！一入門口員工會問你食邊個set,有分ABCD，我地揀左A餐試下先，有75樣食物可以揀。
坐低用QRcode落單之後，就可以係出面拎小食，食住等。出面食物好多，有前菜小食，又有海鮮，仲有炸物添！
飲品櫃，款式真係花多眼亂！茶類，汽水，果汁。仲有啤酒，Apple cider都有，出面真係好少見！
刺身
赤蝦，三文魚，赤貝，榮螺肉，帶子，八爪魚，甜蝦，虎蝦。。。。。。真係好多種類。。。啲赤蝦真係好大隻！！甜甜的又鮮味，勁好食！赤貝好爽脆，帶子鮮味，呢3種真係大推！我食左好多轉
壽司
每樣都點左一件試下，我覺得係啲飯差左小小，因為啲飯好淋，一patpat咁太濕。不過全部細細件，一口一件岩岩好。推介海膽手卷，鮮味唔腥好食！
竹笙海皇羹
呢個真係不停order！勁好食！好足料，竹笙好多，個茨汁又做得好，仲有好多素翅，我應該食左3碗！！
鹽燒類
燒魚，一整條上，啲骨好幼，燒得好香。燒雞軟骨，硬左小小，同偏咸。燒鰻魚，雖然係細舊，但好肥美厚肉。。。
花膠冬菇
超大片花膠，無腥味好滑
羊架
推介！燒得好香，無羊騷味，肉質偏淋。。
海鮮粥
一鍋上，熱辣辣。個粥煮到好綿又有鮮味。我自己食哂一鍋，暖笠笠
最後有一人一杯雪糕，完美！
普通，食物不多
約咗朋友喺旺角食晏，友人提議嚟胡社生行呢間「御滿屋」，講起上嚟都已經有好耐冇食過放題，就一於齊齊放縱下。
餐廳開咗好多年，但係店內裝修仍然頗新淨，環境光猛闊落，坐得挺舒服。放題有 A B C D 餐可供選擇，揀咗經典 Set A，每位只係 $228+10%，就可以任飲任食三小時。
先出去自助區行一圈，除咗自助飲品同 Salad Bar 吧外，原來呢度仲有炸物、小吃、冷盤同熟食等供應，而且花款都幾多。
返埋位後，友人已經點來了不少刺身同壽司，馬上開餐。幾款刺身都好新鮮，三文魚厚切肥美、赤蝦彈牙黏糯、帶子甘甜味鮮，而北寄貝亦韌中帶脆，非常爽口。
火炙壽司方面，幾款嘅質素都唔錯，三文魚頗大片，而且燒得啱啱好，入口即溶。海鰻肉質細嫩，經火炙後迫出油脂，加上香甜可口嘅鰻魚汁，很滋味！火炙醬汁牛肉壽司水準亦一流，牛肉嫩滑無筋，入口甘香豐腴。
燒汁鮑魚仔軍艦爽口鮮甜，夾埋青瓜一齊食，更加清新。
燒物、串燒同炸物都點咗好幾款，燒羊鞍肉質嫩滑，入口散發住淡淡羊羶香。牛舌質感幼嫩，鹽燒後吃起嚟入味又爽脆。有機菠蘿兩面都輕輕燒過，咬下又甜又多汁，正。
另外呢兩款一品料理：御品鮑汁燴花膠、台式蒜香貝柱炒水蓮，亦絕對唔可以錯過。花菇厚肉大隻，入口菇香濃郁；而花膠亦香滑黏嘴，充滿骨膠原。貝柱肉質有彈性，水蓮清脆爽口，入口啖啖蒜香，好惹味！
雖然已經食到好飽，但點都要滿足一下甜胃，出去攞咗啲曲奇餅、小蛋糕、布甸、奶凍等，款款都好吸引。
另外每人還可以自選一款雪糕，我哋揀咗 Häagen-Dazs 嘅夏威夷果仁 同 岩鹽焦糖咖啡雪糕杯，兩杯都各具特色，入口香甜又冰凍，為午餐完美作結！
難得朋友話想食放題，就即興出發
餐廳位置十分方便，地鐵站𝗘𝟭出口行幾步就到
叫左個最平SET A，$248 120分鐘，過下口癮
外面自取區有唔少熟食，沙律，甜品
飲品方面，出面有多款罐裝及紙包飲品，還有酒精飲品
自助茶水區有熱茶，特別有清酒，梅酒提供
刺身方面嘅選擇都唔少
個人最愛大大粒北海道帶子，鮮甜肉厚
大赤蝦又夠爽甜
手卷細細件一口一件，都唔錯
天婦羅好香脆，炸粉又唔會好厚
另外都推薦鹽燒牛舌
鹽燒海蝦鹽
燒紐西蘭羊鞍
貓山王榴槤炸彈，幾惹味
最後食埋碗牛肉烏冬，好滿足
每位包一杯Häagen-Dazs或者MÖVENPICK雪糕
位置在地鐵站出口，雖不甚寬敞，坐得都頗舒適;食物種類頗多，新鮮及味道不錯;食物出菜效率快，讚。
旺角站一出就到，好方便。一上到去都幾大幾濶落，又好企理，中午時間基本上都好多位，唔洗等。
入到去已經見到長長一排自助食物區，有炸物、前菜、甜品，仲有5-6個大雪櫃一字排開既飲品櫃，汽水、啤酒、茶飲超多選擇。
食日式放題刺身和壽司點少得， 三文魚、油甘魚、赤蝦、帶子、劍魚腩、北寄貝都好新鮮高質，喜歡海膽既就更加唔好錯過！仲有火炙系列，三文魚係至愛，炙燒完油香更突出，encore左幾次。
天婦羅即點即炸，上枱時熱辣辣，炸蝦好好味，蝦肉都幾彈牙。炸蟹柳一絲絲都好有口感，仲有清甜南瓜，雖然成盤炸物，食完唔覺油膩。
燒物都有唔少選擇，除左我好鐘意既燒大蝦同菠蘿，仲有鹽燒雞軟骨、鹽燒雞翼，燒鰻魚、燒北海道帆立貝等，基本都係簡單用海鹽和少少胡椒吊味，食到食物本身既鮮味。
自助食物區有唔少熟食同嘖物，炸雞塊、薯角、沙律、日本海帶、螺肉等等數十款，自由配搭，仲有小朋友會好鐘意既爆谷，有得食有得玩。
食左一堆魚生壽司又坐得凍凍地，點左碗海鮮粥暖下胃，粥底好清好綿，簡簡單單食落好舒服，又有蝦、鮮魷、青口等，好足料，食完個人暖晒。
最後係甜品環節，自助區兩個玻璃櫃放滿一杯杯既甜品，仲有一系列曲奇、椰汁糕等，全部蓋好夠衛生。仲有Häagen-Dazs 和Movenpick雪糕任點, cappuncino味真係好好食😋
食完令我重拾對食放題嘅信心，平日中午任食3粒鐘$228，算係中位價，不過食物質素、環境、衛生都絕對有保證。
成日3日唔夠2日就去食自助餐😂琴晚就自己一條友去旺角御滿屋日本料理食放題，最仲意依度有得任飲我最愛既梅酒，飲到好滿足！職員好nice，咁忙都肯幫我影幅相😉
A經典食飲放題自選2小時 $278/位
入座就可以scan qr code點菜，都可以出去自助區夾野食，仲有部爆谷機添，我就夾左d我好仲意食既微咸海葡萄同甜香適中既brownie食，當然記得去斟枝梅酒番位慢慢飲la!番到位，啱啱點既食物已經上曬枱，上菜速度好快啊！刺身非常新鮮，我首推劍魚腩，魚肉好soft又有好香既魚油味滲出，另外虎蝦天婦羅好香脆又美味，燒紐西蘭羊鞍肉質好靚味道好入味啊！鹽燒牛舌、美國薄燒牛肉、和風牛柳粒、廣島牡蠣、貓山王榴槤炸彈、北海道紅豆牛奶卷都係我至愛，食到encore左几次😂最後食埋杯楓糖合桃味Movenpick就飽飽咁滿足完成依餐😋
午餐選了最貴的D餐, 加一後平均每人約$570元, 食足三小時, 主打海膽及拖羅, 質素不錯, 招呼亦好, 唯獨熟食出品一般, 會再幫襯!
朋友放大假，晚市又禁堂食。於是就約佢食午餐。朋友同我都愛好食刺身。於是就揀咗呢間御滿屋。朋友話佢之前食過一次。性價比高。
我地準時十二點鐘就到餐廳。都有幾個客人等緊。自助吧食物款式都算多。除左有冷盤之外，亦都有麥樂雞炸雞呢啲香口炸物。最令我驚喜嘅係。有豬耳同海葡萄食。
飲品櫃選擇都算多。除左基本嘅汽水同紙包飲品之外。亦都有啤酒。而且仲有apple cider飲添。
刺身方面。個人推介必食帶子。非常新鮮。其他刺身如劍魚三文魚等亦都好新鮮。
串燒我推介雞軟骨串。好爽口。其他鍋物都唔差。
最後食埋雪糕。簡直就係勁滿足嘅一餐。
襯前排考完試開始放假，當然要約下朋友大吃大喝，食個放題放鬆緊張嘅心情。
依度食物款式都幾多，除左手機落單，重有不同嘅炸物、甜品和飲品係外面自取。
一口氣點左大量嘅刺身、壽司、手卷。刺身點左三文魚、大赤蝦、帶子，而手卷有海膽和吞拿魚。最後壽司點左火炙三文魚、火炙黑椒廣島蠔、蟹子伴帶子和蟹子壽司等，材料件件新鮮，個人最鍾意當然係大赤蝦，肉質爽彈肥美。
蒲燒鰻魚、椒鹽海蝦，燒紐西蘭羊鞍，羊鞍入口一D都唔羶，肉質嫰滑。
大熱天當然要飲罐清涼爽。
最後來杯Haagen-dazs 雪糕，Cappuccino咖啡味都幾濃，不錯。
位於旺角的御滿屋日本料理，一向被譽為選擇多且性價比高，最近與友人餞別，我們便選了這裡的了75品經典放題。
單是刺身已有相當多選擇，當日的赤蝦的色澤與體形十分吸睛，還選了我最愛的三文魚及劍魚腩，兩款均冰凍鮮味，另外搭配了鮑片、八爪魚、北寄貝、北海道角螺、松葉蟹棒等，每款都很味美喔！
壽司方面我們選了，除了 BeautySearch 最愛的花之戀，我們特別推薦芒果加州卷，原來簡簡單單在加州卷上加上芒果及沙律醬，便能即時令壽司更添滋味，蟹子伴帶子、忌廉芝士軟殼蟹卷也不錯喔！
燒物方面，有我倆最愛的鹽燒海蝦，燒得香口，又入味，另外還有北海道燒帆立貝，彈牙鮮甜，質地厚實，拌入洋蔥青椒等食材，經過磯燒及調味後更為滋味，而蒲燒鰻魚肉質彈嫩、緊實，配上濃郁的醬汁，烤出醬香肉甜，不過份量細少了一點，下單時不妨多點兩片。
驚喜的是會這裡還有，名貴的女士恩物 – 御品鮑汁燴花膠，大大片的花膠，充滿著滿滿的蛋白質及骨膠原，絕對不能錯過！
貓山王榴槤炸彈外皮香脆酥香，内裡的榴槤蓉十分濃郁，咬開時還有令人動心的流心效果，愛好榴槤的絕對不可不吃！
我叫了Set D（每位$570），大拖羅和纽西蘭乳龍蝦鲜甜，海膽沒有苦味，可以一試，松葉蟹鉗刺和花膠完全沒有味道，鵝肝也不錯，上菜速度正常。