長阪燒 Nagasakayaki

燒三文魚飯團 燒明太子飯團 🤌🏻
飯團混入三文魚肉＋芝麻＋紫菜碎，食落外面脆卜卜，裡面軟熟，味道豐富，有啲米餅嘅味道；明太子飯團顏色鮮艷有魚香，偷偷地教大家一個食法，就係一啖飯團加一啖茶，食落去就好似食緊茶漬飯咁樣，好清香！

松葉蟹膏多士 🤌🏻
用蟹膏來搽麵包真係好吸引！麵包會吸哂蟹膏既精華，蟹膏入面應該有落到蒜蓉，而且蟹膏味道唔同平時食到既大閘蟹或者膏蟹個種，不油不膩，奇香無比，

油甘魚壽司 真鯛壽司 🤌🏻
沙爸一定要食的，佢話幾欣賞佢啲飯有溝豉油，但油甘魚就
同平時出面食存乜分別，就覺得唔抵！

即開生蠔🤌🏻
生蠔一定要食即開先會新鮮，當日時令生蠔會放門口當眼處，味道的確不錯，但少貴

茶碗蒸 🤌🏻
蛋味香濃 口感夠滑 配料就有冬菇瘦肉等
如果配料可以再多啲就更好

🚩長阪燒 (旺角)
旺角砵蘭街189號2樓

#addifoodie #addifoodie旺角
#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫

食物新鮮，價錢合理

一睇 menu
就feel 到出事

又爐端燒，又壽司，又拉面，又天婦羅，又燒物
即係冇樣精

落 order
阿姐其實都幫手
但明顯個餐廳係用茶餐廳方式去 run
硬係粗聲粗氣果隻
點壽司想要劍魚腩
阿姐冷冷咁講左句「冇劍魚腩」
拎起個丼嘅 menu
都未開始講
阿姐又補「丼，而家冇架喇」
咁你又放個 menu 係度？😅

嘢食一般
唔難食，亦唔係好食
呢啲價錢係咁上下
個蒸蛋起哂泡

仲有食到一半有煙味
未必係伙記食煙
因為餐廳個設計問題
只要任何人係後樓梯食煙就會攻入來

總結
嘢食一般，體驗可以話係零分

美味的食物/漂亮的裝飾

味道好但招呼差。
訂位打算食好d。但中午有大量位。
1330入坐卻把所有客人堆在一邊。只給我很少的二人卓。
為何不給我較舒適的卡位或bar檯？
因為檯太少亦坐得不舒適。於是求其點兩個set lunch 丼便算。
有無下次光顧？應該無。
雖然好食，但已經唔係平，安排不好。
去茶餐廳無咁嬲

進入長板燒，即看見裝著自家製嘅梅酒瓶，梅酒加冰超正。
地方可分三個佈置
坐吧枱，就能看到厨師所作料理。
坐日式畫作，向上望有一隻隻飛鳥(我改名為不得鳥😆)好想捉佢哋落嚟😝
坐入布幕，最啱情侶💑好浪漫，所以各有特色。
1)法國白川生蠔4隻$118
入口清甜(唔使落檸檬汁)好想食多幾隻呀⋯⋯
2)宮崎楚蟹肉水菜(水種嘅菜)沙律$58
拆出嘅蟹肉係好幼滑，蟹肉甜，上面放上蟹籽，再夾埋水菜嘅爽口，呢款沙律好好食。
3)松葉蟹膏多士$118
松葉蟹膏味道濃厚，蟹膏嘅油脂好香，配搭脆脆的多士Yummy
4)鹽燒油甘魚鮫$88
皮香脆肉嫩，油甘魚鮫切開時重係出煙，要襯熱食，唔好攤凍，咪浪費左厨師嘅心機。有碟魚醋，沾一沾黎食，感覺冇咁油膩，如果怕魚腥味嘅朋友，可以沾左先食，咁就好好味😋
5)雜錦天婦羅$128
分別有:秋葵、蝦、南瓜、蕃薯、茄子、花菇
薄薄的粉漿，炸得出色。
6)美國牛小排$178
切到一小片，也不是全熟，一啖一片，碟上有柚子燒汁，沾上汁食，令你味蕾有另一番味道，好食😋
7)好吃的三文魚，厨師在底部放上蘿蔔漬物(酸酸的)好醒胃，三文魚上面係蛋黃醬(甜甜的)配搭三文魚，就唔覺膩。

新鮮到味👍 …

朋友介紹。超好食。服務一流。好貼心。

朋友知我鍾意食日式野🎎，生日飯揀咗呢間長板燒🎏貪佢呢到乜都有得叫，生蠔，刺身，即日空運到港嘅刺身魚，壽司，爐端燒，串燒，鍋物🍲，炸物，大部分嘅日式料理都有，而且環境非常大，裝潢佈置都行日本風🎐 除咗有啲包廂窗邊位，即使係Bar枱亦都好有格調🥂
🦪日の雪花4隻+🍹無酒精飲品一杯
產自北九州生蠔，鮮甜帶榛子味，蠔身飽滿，口感清爽😋
🐡雞泡魚肝
熱辣辣上枱，夠淋同埋好夠多蜜糖🍯
🍞自家製炒蟹膏配多士 $128
好似大排檔嘅咖哩炒蟹味道，辣辣地好惹味🤩多士烘到外脆內軟，同炒蟹膏好夾
🦀甲羅燒 $68
相比炒蟹膏呢個就抵食好多😅 但就不解多士又冇餅乾又冇，就咁一個甲羅燒其實本身係for 客人點食呢？🫣 好彩有叫份炒蟹膏係有多士，就用番嚟做底🤡蟹膏鮮甜好食嘅
🐔提燈 $48
串燒界嘅珍品「燈籠」，有食過嘅應該就知其實係雞嘅卵巢同未孵化嘅蛋，食落雞蛋口感又有肉質嘅香，呢到一串仲幾大串添👍🏻
🍖月見雞肉棒
生雞蛋配甜甜地嘅醬油同雞肉棒夾，有肉汁
🦴雞軟骨
呢個有d 乾，同埋比較細粒，冇乜肉
🧀芝士年糕
炸得岩岩好，脹卜卜🥠外脆內軟，好煙韌，芝士餡飽滿濃郁，正
🍸海膽海鮮杯
一杯細細杯有一片加拿大海膽，三文魚子，吞拿魚蓉同牡丹蝦🦐各少少，撈埋一齊都幾鮮甜, 係啲肉少咗啲🤏🏻
🍣 各壽司
大致上都夠新鮮同肥美, 比較突出既係個油甘魚腩,肥美厚肉魚脂味重，中拖羅反面CP值唔高🫣唔夠肥同冇乜油脂味比較淡，其他都正常發揮
服務
內用
餐點類型
晚餐

不錯日式料理

服務態度好，不停介紹食物
餐點類型
晚餐
餐點：3
服務：4
氣氛：4

一向少係旺角食飯，誤打誤撞比我搵到間好餐廳。無論服務態度、食材質素、廚師調製味道等等，係旺角嚟講都算另眼相看。
日本白酒，酒身帶有果香？少女甜，唔濃烈。

少食生蠔，但原來日本蠔可以咁清甜嫩滑，加少少檸檬汁無遮蓋新鮮美。
厚切吞拿魚刺身，啖啖肉唔油膩，豐富肉地。
串燒牛肋，雞肉等調味清淡，但肉原有鮮味就如泉湧，好正。
燒菠蘿噴射式果汁，好清甜開胃。
日本粉嫩燒蕃薯好似蜜糖咁甜，追住食。
服務
內用
餐點類型
晚餐
平均每人消費金額
超過 HK$500
餐點：3
服務：4
氣氛：5

午市198套餐好抵食，三點前先有
服務
內用
餐點類型
午餐
平均每人消費金額
HK$200-250
餐點：4
服務：3
氣氛：3
建議的餐點
海膽 海鮮杯

– 一位前同事邀請我去旺角的日本餐廳。原本我們計畫晚上8點吃，但朋友遲到了，我們決定等一下再點。然而，每隔五分鐘，就有工作人員問我們想吃什麼。他們推薦牡蠣，我們回答說我們會先看看。三分鐘後，另一位工作人員提出帶我們出去看魚並做生魚片，但每條魚的價格在500到1000多美元之間。我說我們再看一下。一盤鮭魚壽司已經30-40塊了，最後我們決定點菜單上的串串套餐，但工作人員要求單點。他們還說串串味道很重，應該先點生魚片。由於煩人的工作人員和我的朋友害怕粗魯，我們最終只點了一些壽司、小菜和牡蠣。 😵‍💫
– 食物：當天的牡蠣來自法國。雖然個頭不大，但是很新鮮，有大海的味道。牡蠣打開得很好。壽司很新鮮，味道適中。串的味道一般。當然，我明白他們是居酒屋，所以不能直接與壽司店或串燒店相比。
– 環境：店面很大，裝潢很有心思。有些座位私密性高，而且寬敞。
– 總結：結帳大約每人300美元，食物其實還可以，但是價格有點貴，工作人員有點煩人。我希望他們能有所進步。

常班少
地址：旺角砵蘭街189號2樓
電話：25916669
服務
內用
餐點類型
晚餐
平均每人消費金額
HK$300-350
餐點：3
服務：2
氣氛：2
建議的餐點
Sashimi

雖然小貴，無論壽司串燒，炸物也相當出色好吃就括出去。唯一較预期失色是松葉蟹蓋多士味道似炒咸鱼粒，$128真係叫多幾串串燒好過。
餐點類型
晚餐
平均每人消費金額
HK$200-250
餐點：3
服務：4
氣氛：4

通關之後有好多人都去咗日本旅行，朋友就帶我黎呢間餐廳，享用住日本既高質食材，以解思日之情。

我哋坐喺吧枱，面前就係各種嘅海鮮食材，可以即揀即切即刻品嚐刺身，正正因為材料新鮮，由日本直送，所以佢先敢放喺大家面前，任由大家挑選。 餐廳最近做緊季節限定，有唔同嘅生蠔set，我哋揀咗四隻生蠔配乳酸梳打(或配一杯白酒)（$138）

生蠔即叫即開，四隻生蠔都非常之大隻同肥美，食落好鮮甜好Creamy，亦保留住海水嘅天然鹹味，值得推介。

海膽海鮮杯（$96/1）
我哋叫咗兩杯，一人一杯，海膽杯嘅賣相好精緻，雖然睇落細細杯，但係材料好豐富，除咗有海膽之外，裏面仲有吞拿魚、三文魚籽、蟹肉等等。

海膽既甘香又鮮甜，吞拿魚完全冇筋，口感味道都好好，三文魚籽唔會腥，蟹肉好新鮮鮮甜，配上杯底嘅壽司飯，更能突出食材嘅鮮味。

釧路活海鰻（$158）
呢個真係好有驚喜，係今晚全場嘅MVP。呢個活海鰻同平時一般食開嘅鰻魚分別非常大，平時食既鰻魚好軟好稔，好似食緊一堆脂肪咁，無咩口感。但呢個活海鰻，燒到外脆內軟，內軟係有口感既軟，魚肉肉質好彈牙，加上鰻魚獨有既香甜，令人欲罷不能。

溫泉蛋沙律（$38）
想食菜又見呢個沙律平平哋就叫咗，劃破溫泉蛋令蛋汁流出真係好治癒，再將蛋汁拌入蔬菜，但味道就冇咩驚喜。

北海道松葉蟹蓋（$136）
呢個賣相雖然麻麻，但內藏乾坤，啖啖鮮味嘅蟹膏配上蒸蛋，味道相輔相成，相當鮮甜。

鵝肝大黑菇（$108 ）
鵝肝係我嘅最愛，點樣整都好食，但呢個幾有創意，整到好似漢堡包咁，以兩片厚厚既大黑菇扮作漢堡包皮，內裡就夾住肥美既鵝肝，幾特別。

有機菠蘿（28/2片）
以燒菠蘿作為我哋今餐嘅ending，菠蘿好鮮甜好多汁，可以將油膩感同飽濟感一掃而空。
服務
內用
餐點類型
晚餐
餐點：4
服務：5
氣氛：4
建議的餐點
海膽 海鮮杯

搵夥記十叫九唔應 唔夠錢請人不如唔好開啦 叫到佢嚟就黑口黑面 食龍肉都冇味
餐點：1
服務：1
氣氛：1

今日放假專登約朋友去旺角行街睇戲,睇完戲喺附近搵啲嘢食下,朋友帶咗我去食一間日本菜,有刺身同串燒,食物質素好好。
長板燒 ,地址旺角砵蘭街189號2樓。
上到餐廳地方好闊落,裝修得好有日本風情,好有格調。
旬彩會席御膳 198元

前菜海螺小食,入口青甜爽口,肉質爽口彈牙。

刺身三點
吞拿魚,鮮帶子,甜蝦。
帶子 味道清甜,口感綿綿,入口非常幼滑
拖羅油脂分佈均勻,魚味香濃,滿口都係有花香味
蝦size大隻,味道好鮮甜肉質爽口彈牙。

三貫壽司盛
三文魚壽司,雜錦壽司,吞拿魚肉
吞拿魚蓉配上三文魚籽,將個鮮味更加突出,魚肉清甜,三文魚籽味鮮,兩者配合得啱啱好

精選爐端燒
燒翠玉瓜,雞翼,豬腩肉
雞翼燒到好靚,雞皮燒到金黃色,入面嘅肉質仲係好juicy,翠玉瓜燒到啱啱好,有少少焦香,咬落去味道清新多汁。

雜錦天婦羅
蝦,茄子,秋葵,菇
天婦羅炸到金黃色,香口惹味,配上蘿蔔蓉醬汁減低油膩感。

叉燒烏冬
湯底濃郁,叉燒份量多,配上海苔,大蔥,烏冬煮到啱啱好食落去有咬口,唔會太腍。
餐點：5
服務：5
氣氛：5