深宵食堂-旺角

好味呀, 但上菜時間就長左少少

服務好，環境好，菜品質量還可以💛 …

適合細食人士

環境好舒服，一邊天花鋪左櫻花，另一邊就係油紙傘，好日本風情！播住日文歌，啱哂feel！

👉🏻厚燒牛舌（1串）$38
超級推介！！真係好厚肉，口感好夾，調味唔會過鹹！

👉🏻芝士年糕（2粒）$38
又係高度推介！一咬落口好軟綿綿，外皮燒脆左少少，但入面暖笠笠嘅芝士滲岀，真係好好味！

👉🏻煙肉荔枝卷(1串）$38
煙肉好大塊，連埋荔枝係入面好清新！

👉🏻脆炸日本大腸(1串)$32
上面淋左芥茉漿，真係令個口感錦上添花！

👉🏻冰燒菠蘿$38
冷暖交融，好啱最尾當甜品食！

👉🏻吉列廣島蠔$38
有四隻咁多！全部都好肥大，多汁！

👉🏻松露三文魚焗大啡菇 $52
呢個組合幾特別，松露味唔係好突出，不過三文魚同菇嘅鮮味融合一齊，估唔到都幾好食！

👉🏻魷魚大板燒$42
又好貼心分左四份，份份都好足料！

👉🏻牛油蒜香蟶子皇$52
極力推介！好新鮮，一d都唔腥，唔會燒得過哂火變韌！

👉🏻甲羅燒$78
蟹膏冇得輸，味道濃郁，脆多士伴食，真係會食唔停！

👉🏻荔枝玉露$32
不過不失，唔會死甜！

👉🏻柚子茶$30
好多柚子，非常好！

服務員好有禮，今餐食得好開心！

入到去就係濃濃既日本氣息，
木系裝修，櫻花，明亮既環境，宮崎駿既電影海報，
有種置身於居酒屋的感覺，
坐下來就開始回想去日本旅行的片段～

來這裡一定叫串燒， 我地叫左豚肉露荀串, 大蔥雞肉串, 煙肉荔枝卷, 呢幾款雖然係得一串, 但食完就會知道真係值得同埋唔算貴。

仲點左雞泡魚干(HKD$78), 送酒必備小食, 呢個作為前菜, 一路食一路飲住啤酒等野食到, 正!

煙肉荔枝串燒(HKD$38)
煙肉不會過脆，還保有柔軟的口感，包住暖暖的荔枝，
一咬爆汁，得意的口感，咸甜咸甜的，真係要點來食。

豚肉蘆筍卷(HKD$38) 柔嫩既蘆筍被煎到脆口既豚肉包住，很甜，又是爆汁之串。😆

炸魷魚(HKD$58)
係炸得好脆系列, 係個D外脆內軟既朋友, 分量都夠多, 中意食香口野既都會叫黎食。😍

蟹肉海膽炒飯(HKD$88)
因為我見人地叫既烏冬唔係好大碟, 所以就叫左呢個做主食, 起碼兩個人都夠食。
面頭有滿滿既蟹籽同真係有海膽蟹肉係到,撈埋飯一齊食好好味。最重要係佢既炒飯炒到乾身，唔會濕。

除左紙仔上面既野食之外, 記得睇牆上既menu, 因為係深宵限定, 我仲搵左好耐點解冇玉子燒,😂
原來係牆上面既menu到, 鬼馬啦!!
玉子燒好大份, 中間芝士有拉絲, 熱辣辣加埋柔軟既口感, 係完滿既句號。

呢度仲有得食海鮮類既野, 例如辣酒煮蜆, 大虎蝦, 燒聖子, 燒扇貝等等,
因為就當我地差唔多食完既時候, 見到隔離檯既人有叫呢幾樣, 賣相都好吸引。
我同朋友就開始諗點解自己冇叫到,唯有下次黎食。

Book左檯同朋友去呢度食野😋係油麻地地鐵站一出 行幾步就到 好方便👏店員都好nice 做野好快手👍安排我地坐係窗邊位置 一低頭就見到成條彌敦道 一邊傾計 一邊食野 好舒服🥳

芝麻八爪魚 （$48）
酸爽既八爪魚 入口即溶又開胃🤤

芝士年糕 （$38）
必試！！芝士唔肥膩 暖暖地既半流心芝士 香甜又有口感🫶🫶

炸洋蔥圈（$38）& 炸魷魚 （$58）
炸物都做得非常出色 香脆唔油膩🫰魷魚香噴噴 爽口彈牙 份量十足 好抵食👏

魷魚大阪燒（$42）& 一口台灣腸（$38）& 牛油燒蕃薯仔（$28）
香滑既魷魚+郁下郁下好得意既鰹魚乾 & 切成一口一口既蜜糖腸 & 肥嘟嘟既紫薯仔 食落飽肚又美味 大滿足！😋

巨峰提子梳打 （$38）
濃郁既巨峰提子味 甜甜地又涼快 邊食串燒邊飲 勁正🫰🫰

窩夫與蝦子餅有一段時間沒有吃過串燒了，星期日在旺角逛街後去深宵食堂開餐。

餐廳佈置很有心思，窩夫特別喜歡牆上的宮崎駿動畫海報。

除了落單紙上的燒物、炸物和一品料理等，還要留意黑板上的「深宵限定」。

打頭陣是厚燒牛舌($38)，一串有三塊，爽口彈牙。

鹽燒雞軟骨($28)的鹹度剛剛好，不會燒得太乾。

甲羅燒($78)上鋪了大量蟹籽，口感卜卜脆，蟹膏鮮甜，拌勻後塗多士來吃，十分滋味。

川燒茄子($68)很大條，加了大量蒜蓉和辣粉，非常惹味。

香蒜焗蠔($52)同樣加了大量蒜蓉，香氣撲鼻，焗蠔熱辣辣的，要小心燙嘴。

汁燒雞髀菇($28)切得厚厚的，爽脆多汁。

芝士蟹肉玉子燒($78)份量足，滲出淡淡蟹肉的鮮味。

冰燒菠蘿($38)的賣相吸引，一咬下去發現原來是冰凍的。

飲品方面，點了一杯巨峰提子梳打($38)，味道不錯。

旺角居酒屋小店💛

晚飯時間黎到旺角彌敦道575號，潮流特區斜對面覓食，基本上全幢都係以食為主！3樓就有呢間深宵食堂，聽個名都好特別，炸物串燒再叫杯酒，再慢慢暢談真係別有一番風味！

#香辣豬頸肉 $58
主要以七味粉烹調，豬頸肉肉質爽勁，肉邊都香脆！

#和牛串 (2串) $68
和牛串肉汁豐盛，脂肪比例平均厚肉，好有咬口！

#吉列松版牛 $58
精華在於個醬——酸汁，令到吉列炸粉一啲都唔太膩，但呢款松版牛既味冇咁重。

#炸洋蔥圈 $38
送酒精選，炸得脆！

#魷魚大板燒 $42
好多木魚花既大板燒，蛋味較濃！

#蟹肉海膽炒飯 $88
蟹肉炒飯再鋪上三文魚籽同海膽，蟹肉唔多炒得還好，海膽4口都夠新鮮！

#黑松露炒烏冬 $58
呢款都算係咁多款較為出色，黑松露醬較重口味，炒烏冬醬汁偏甜唔錯！

#麒麟啤酒 $48

環境裝修優美，服務都好，食物就好似每食一啖都好似吸乾啲口水，一定要叫野飲or酒黎配搭！整體都好舒服，好適合慢慢同友人食住串燒、炸物，再飲酒吹水！

#深宵食堂
📍旺角彌敦道575號Ladder Dundas 3樓
@midenight.mk

#mroolong #foodieoolong #foodie #hkig #hkfoodie #hkfoodstagram #hkfoodblogger #hkfood #foodielife #foodiehk #life #foodiegram #foodpic #travelhk #香港美食 #旺角美食 #居酒屋 #串燒 #炸物 #彌敦道575號 #相機食先

深宵串燒最好食
來到小小的居酒屋，環境充滿日式風情，在櫻花下食串燒，實在好溫馨，而且食物質素不俗，價錢都算經濟。

豚肉蘆筍卷 $38
豚肉薄薄煎得香口，捲住鮮嫩幼身的蘆筍好爽口，沾上醬汁好味到不得了。

大蔥雞肉串 $32
大蔥燒得淋身味道甜美，雞肉質嫩多肉汁雞皮燒到無晒油的，好味好味。

川燒茄子 $68
茄子大條肉質軟嫩，可拉出長長的茄肉絲，佈滿了蒜蓉，蒜香味濃厚惹味十足。

炸魷魚 $58
賣相普通看落細細條無咩期待，但食落有驚喜喎，炸粉不厚，魷魚圈軟彈口感而且相當美味，作為下酒菜很適合。

吉列廣島蠔 $38
有四件相當抵食，炸粉適量，蠔身大小一般，蠔肉有汁，沾上黑醋無咁膩。

魷魚大板燒 $42
佈滿了木魚絲好有動感，淋了燒汁和美味的蛋黃醬，粉餅厚身有適量的魷魚，口感味道唔錯。

汁燒鱈魚櫻花蝦石鍋飯 $98
小食唔夠飽的，都仲有個石鍋飯打底，石鍋熱度好夠，耐了依然保溫。軟滑的鱈魚塊點整都咁好味，一小堆櫻花蝦帶來酥脆香口，加上濃郁汁燒香菇碎，撈飯食好正。

巨峰提子梳打 $38
食串燒除左配啤酒，配冰涼梳打也不錯，巨峰提子味不會過甜，亦無藥水味，清爽解渴幾好飲～
服務
內用
餐點類型
晚餐

價格合理，服務不錯喲

下午無野食又難食，同自己煮出前一丁無分別

📍深宵食堂(旺角)
旺角彌敦道575號Ladder Dundas 3樓

深宵食堂呢個名相信都唔陌生，一間係銅鑼灣，另一間就係旺角。今次我就食旺角呢間，地理位置非常方便，係正彌敦道。上到去一開𨋢就已經係食店，地方寬敞舒服，座無虛席，仲不斷翻枱

👉芝士蟹肉玉子燒
💰$78
😋😋😋😋/5
如果有得揀明太子就好喇。不過呢舊玉子燒令我喜出望外，係非常之好食，又香又濃嘅厚蛋，包住一大堆新鮮蟹肉，面層有茄汁寫上深宵二字，小小酸味，十分開胃

👉鹽燒三文魚鰭
💰$58
😋😋😋😋.2/5
一口一件，又脆又好味，唔會乾身，咬落去有魚汁流出嚟，連魚鰭都食埋，點小小柚子醋仲嘢味

👉鹽燒秋葵
💰$28
😋😋😋😋.5/5
面層鋪上木魚絲，一啖咬落去咇到成口都係秋葵汁，木魚似有幻無嘅感覺，好神奇

👉牛肉鍋(牛乳湯底)
💰$128
😋😋😋😋/5
新鮮牛肉配上香濃牛乳湯底，簡直絕配，眼見得幾塊牛肉，但煮完之後係份量好多，一轉色就好夾嚟食，唔係過龍就唔好食，鍋底有椰菜同冬菇，慢慢煮到好淋，好入味

👉軟殼蟹沙律
💰$72
😋😋😋😋/5
新鮮熱辣炸起嘅軟殼蟹，係好味之中再加分，蟹嘅份量有兩隻咁多，配埋一盤新鮮沙律菜，好清新健康

👉深宵冷烏冬
💰$48
😋😋😋😋.3/5
係手打烏冬嚟嫁，份量超多，建議兩人或以上食用，面層鋪上蟹子同蟹柳，仲有大量胡麻醬，真係好好味

👉鹽燒原條五花腩
💰$58
😋😋😋😋.5/5
必食之選，呢個價錢，呢個份量，呢個味道，非叫不可

#kermit食在旺角

《深宵食堂》

店舖雖然唔大，但感覺舒適。木系裝修，加上日式既裝飾品☺️而且係性價比高既好選擇。

✨香蒜和牛粒石鍋飯
和牛柆大小相約，牛味濃郁，油花細密，很嫩滑。加上香蒜粒惹味非常。
配料有雜菌粒同溫泉蛋。石鍋飯與蛋汁拌勻，加上燒汁及微微焦香，讚🫶🏻

✨牛肉鍋（牛乳湯底）
牛乳湯底極濃極滑。牛肉份量都幾多。其他配料仲有豆腐、菇、菜同京蔥。天氣凍凍地食呢個好舒服。

✨厚燒牛舌
一客三件，果然幾厚切。每件都好彈牙。肉味好濃郁。

✨鹽燒雞翼
一客兩隻，外層燒得脆脆，內裡雞肉都保持到嫩滑。

✨唐楊雞軟骨
份量多，每粒都炸到脆卜卜，送酒佳品。

來多一杯巨峰提子梳打，夠味又唔會過甜，爽🥰

😋味道：9/10
💲抵食：9/10（約$400/2人）
✨環境：8.5/10
🌈服務：8.5/10
🫶🏻推薦：9/10

📍地址：旺角彌敦道575號Ladder Dundas 3樓

#深宵食堂 #日本菜 #石鍋飯 #牛肉鍋 #串燒 #旺角美食 #香港美食 #foodiehk #相機食先 #美食推薦 #吃貨 #hkfoodie #好物分享#foodstagram #hklifestyle #majushare_food
服務
內用
餐點類型
晚餐

夜收工/放學去食宵夜嘅好地方，可食到1am，好日式居酒屋feel。比想像中多人，建議訂位
餐點類型
其他
平均每人消費金額
HK$200-250
餐點：5
服務：5
氣氛：5