令和鍋物酒場

餐廳有和風感覺，座位非常寬敞，防疫措施都有準備好，我地都坐得幾舒服同食得安心。 店員好有禮貌，服務熱心。食物方面推介清酒生蠔，非常之新鮮，口感唔錯，＄２８一隻係超值。燒廣島生蠔芝士味都幾出，燒起熱辣辣都幾香口。日本Ａ４和牛（１００ｇ）入口好軟腍，幾多汁好味，店員掌握火喉功力都唔錯。加＄２５變ｓｅｔ，包埋蟹膏飯、野菜沙律同味噌湯，非常滿足。三色刺身拼盤幾抵食，有吞拿魚、油甘魚、三文魚厚切各三片，我比較鍾意油甘魚，魚香同魚油味係三款裡面最好。我地對餐廳供應的食物質素都幾滿意～值得再去！

不錯的居酒屋，很有日式風格，是和朋友聚會的好地方。食物很美味而且價格合理。但由於時間限制，這次我們無法品嚐清酒。以後肯定會再來。

7:30前埋單就有85折，今日星期六大約5點去到walk in就有位。貴為居酒屋大量酒水比你選擇，而酒櫃面d酒仲半價先。
講到食物串燒種類就比較少，剛燒好拎出嚟係熱辣辣嘅但可能冷氣出風真係比較大一陣好快又凍哂lu.
服務又快又好。
味道 ⭐⭐⭐⭐
環境 ⭐⭐⭐⭐
服務 ⭐⭐⭐⭐👍

喺Facebook已經聽聞過呢間餐廳，一直都好想試呢度嘅芫莤湯底👅出到嚟個顏色好靚好綠😍鍋底可以自選配搭其中一款肉類，我哋就揀咗M6澳洲和牛。套餐會有齊蔬菜、日本豆腐同埋葛絲，我哋另外追加咗生蠔同埋烏冬。本身都擔心唔夠食，但最後我哋兩個女仔都食到捧住個肚咁走。清酒仲有半價優惠👍🏻👍🏻very good! …

可能剛食完壽喜燒不久，覺得不夠，心裏總有少少掛念，剛好見到網上推介，放工來到了令和酒場回味一下！

雖然是星期一，可是人氣旺盛，來幫襯的人真不少。坐低先來一杯令和自家製的梅酒。這家令和分店有幾個大酒櫃，放滿了各式各樣的酒，供客人選擇，而且價錢也十分實惠。

顏色金黃剔透，入口香甜，梅味濃郁。蜜柑鯛刺身薄切顏色晶瑩剔透，入口魚味不算濃郁，但肉質爽口，點上少許檸檬汁，食其鮮味。

鮟鱇魚肝有四件，厚切的它食落不膩，配自家製醬汁，食落甘香肥美。

螢光魷魚滑嘟嘟，小小的一隻，渾身爆膏，好好食！

到了主角日本A4黑毛和牛上枱，
樣子絕對令人驚喜。牛肉的質素很靚，細緻的白色脂肪紋掛在嫩紅的肉，看得出的肥美。跟餐有歌野菜豆腐盤，是食完壽喜燒打邊爐食的。

來這裏食壽喜燒，店員會詳細教你如何燒得好。她會在你面前示範一次，然後再讓你自己實戰。

先用肥豬肉把洋蔥、大葱等爆香，然後就落少少壽喜燒汁，再在鍋內放上一塊和牛，將之拖熟。

然後再蘸上蘭王蛋漿，真係好好味！和牛夠肥美，滿滿的牛香、油香，再加上蛋香，令人食唔停口！

牛肉的份量不少，食完壽喜燒再食一鍋熱辣辣的蔬菜解膩，暖笠笠，食完好滿足！這個小店出品的壽喜燒，估唔到咁高質，絕對是冬天必食的好物！

芫茜鍋 濃濃既芫荽味，不過完全無蓋過其他食材既鮮味，食得出雞，牛，蔬菜既原味

返工臨近派合約嘅季節，心情都特別緊張。因為疫情，上年已經凍薪了，日日諗究竟今年仲有冇得加人工定係飯碗不保呢？
所以放咗工，我就同同事嚟到旺角呢一間酒場大食一番。佢好有居酒屋酒場嘅格局同風味，可以暢所欲言同舒緩心情。
二人套餐嘅選擇有松、竹、梅三個唔同嘅價錢。當然分別係有唔同質素嘅食材啦！不過其實計返落三個都好抵食，我哋就揀咗中價嘅「竹」。$588總共有成八樣嘢食，真係食到捧住個肚走咁飽啊！

朋友大肚，所以飲蘋果汁。
我就飲咗奇異果乳酸梳打，乳酸正野啦，有好多益生菌，促進腸道嘅蠕動，而且甜甜又大杯，好味道！

是日沙律
麻醬三文魚子凍豆腐配海葡萄
豆味濃郁嘅豆腐，而且超滑，滑溜溜地sir落喉嚨，配埋有海水味嘅海葡萄同埋鹹鹹地嘅三文魚子，喺口中爆發。佢個車厘茄開邊度亦都好甜。

自選前菜一：枝豆
深信食日本餐都會必叫嘅，脹卜卜枝豆，而且係下酒嘅好物：）

自選前菜二：唐揚炸雞
薄薄嘅炸粉漿住喺雞肉嘅出邊，新鮮熱辣上枱。雞塊帶有少少雞皮，炸左之後特別香口，雞肉又保持滑嫩多汁！

雜錦天婦羅
炸漿特別薄而且脆，咁樣已經贏咗啦！佢嘅天婦羅有好多選擇，除咗炸蝦，仲有秋葵、冬菇、南瓜，包羅萬有，總有一款你都鍾意！

自選串燒兩串
雞軟骨：香脆又有嚼勁，食落軟骨口感爽脆無渣，而且帶有啖啖肉絲，雞味濃郁。
金菇肥牛卷：色香味俱全，搽咗少少燒汁，特別惹味。

刺身四品
油甘魚、三文魚、吞拿魚、赤蝦
所有刺身魚類都係厚切，食落口感特別豐富，而且沒有雪味，新鮮鮮甜。
澳洲M七和牛牛肩壽喜燒
和牛牛肩肉又大塊，而且你可以留意到每一片牛肉嘅雪花花紋，所以可想而知，入口嫩滑無渣，而且帶有充分嘅油脂香氣。

我最鍾意壽喜燒嘅甜豉油湯底，因為所有蔬菜同埋肉類都可以吸收晒湯底嘅甜味。

蔬菜拼盤都好比貨架，有好多唔同嘅類型，金菇、豆腐、冬菇、京蔥、娃娃菜、生菜？洋蔥、本菇同埋粉絲。

每人買單都係三百幾蚊，真係物超所值！有前菜、刺身、天婦羅、主菜同埋飲品都包曬，真係太滿足。

旺角尋寶, 尋到呢間居酒屋, 無論格局, 店員都好有FEEL
餐廳都幾大, 不過每個AREA都有隔開, 好有私人空間㗎

燒和牛他他其 ($78) ❤️❤️❤️❤️❤️
好鍾意食tataki, 唔怕食生既可以一戰, 連埋d蔥食, 配少少酸汁好開胃

四色刺身盤 ($126) ❤️❤️❤️❤️❤️
百幾蚊黎講都幾抵食, 刺身大片又新鮮

燒和牛舌 ($38) ❤️❤️❤️❤️❤️
好香~~夠晒厚!! 牛舌識食一定係要厚!

燒廣島蠔 ($48) ❤️❤️❤️❤️
好新鮮, 燒得岩岩好唔會縮晒水乾晒咁

軟殼蟹天婦羅 ($58) ❤️❤️❤️❤️
原隻上, 好靚, 炸粉唔會好厚好油, 幾出色

白SUNTORY ($68) ❤️❤️❤️❤️

做得居酒屋, 當然係要賣酒, 呢到幾個大雪櫃, 你諗酊諗唔到既都有, 所有清酒半價!! 好抵呀!!

#令和鍋物酒場 #reiwanathan #旺角美食 #旺角

成日係旺角行街都未試過呢間🤣好鬼失敗🤣我地7點去到都等左陣先有得入！大家記得book位🥺

清酒生蠔🦪

要咗2隻，生蠔好creamy，浸sake除左好夾之外仲可以有d殺菌消毒效果架👍🏻

鮟鱇魚魚肝

我個人係超愛鮟鱇魚魚肝🥰呢度雖然好平，但質素都唔錯！入口又滑又濃味！

芝士酒盜

又一道我好愛嘅starter🤪估唔到呢度咁多相對少地方有嘅petite dish👍🏻咸左少少，不過好味的，配酒會balance翻😊

另外仲叫咗一個野菜豆腐鍋配M6和牛，食完兩個人都夠晒飽，因為佢個椰菜，和份量好多，牛肉都唔少，而且價錢好平。

📍 令和鍋物酒場 (旺角)
旺角彌敦道613號飛達商業中心1樓

食物味美，日本酒類繁多。

餓底👭今晚去居酒屋🍶
現場氣氛好好 色彩繽紛
做緊過百款清酒🍶全場半價👍
啱哂鍾意平時飲兩杯既朋友🍶🍻
食物款式多 價錢合理
石燒 鍋物 串燒 刺身……等
仲有芫茜控必試嘅火鍋呀😚
今晚叫咗串燒肉鍋物🍢🥘

#燒和牛舌
厚切軟嫩爆汁😋
#燒多春魚
焦香脆口👍
#燒冰火菠蘿
唔夠焦糖化 當生果食也不錯👌

#牛肉可樂餅
鬆脆 牛肉多啲會更好👉👈

#美國安格斯牛肉火鍋250g
壽喜燒湯底 唔醎味道啱啱好👍
牛肉油花幾靚 肉質偏軟有彈性
灼到7~八成熟 食落滿口甘香🤤
飲品都抵飲
#青檸梳打
#自家梅酒

芫茜控必食。
日本酒控必到。

良好的食品質量和合理的價格

今日黎到久違的屋酒屋 呢間好勁 5點正一開開就塞滿人 唔book位就要等下先啦🤪

由於我地都幾餓 就叫左三款主食 首先係美國安格斯250g嘅牛肉鍋 鍋入面一早已經有好多蔬菜 而牛肉份量其實好多 而見紅卜卜 油脂分佈仲好均勻😍 呢味有菜又有肉 有均衡嘅營養🤪

另外一道係石板燒豬西冷 店員一開始會放一塊已經燒到好熱嘅石板上枱 然後幫我地燒 我地就可以因應自己中意嘅時間上碟 有樣野好佩服 就係塊板其實冇火喺下面 但我地試左半個鐘後都仲可以令到啲肉吱吱聲 😱 豬肉燒香之後 非常彈口 惹味呀🤗

最後一道主菜係蒲燒鰻魚丼 佢價格set得唔太高 但用料就一啲都冇姑寒！舊鰻魚又大又厚肉 幾乎冚住咗成個碗 熱辣辣食落去啖啖肉 加埋香甜嘅日式燒汁 大滿足😍😍

太耐無去旅行，好掛住日本的味道，一於去日本居酒屋，解解思念之情。今日同家人黎到令和鍋物酒場食晚餐，到達餐廳已感到滿滿日本風情。電話掃一掃QR Code就有電子餐牌，一見了然，電子自助下單，十分方便。我們點選了美丈夫氣泡柑橘酒 ($239)，五色刺身盤 ($195)，清酒生蠔 ($28/隻)，燒廣島生蠔 ($48)，芝麻雞翼 ($38)，角切雜錦魚生丼 ($118)，炸櫻花蝦 ($58)，鍋-A4日本黑毛和牛 ($298), (追加)鍋-油揚 ($18)，生雞蛋 ($10)，串燒拼盤 ($138)及一口燒蕃薯仔($15)。

黎到居酒屋當然要叫返支酒先盡興啦! 宜家令和鍋物酒場食全場酒類半價，咁抵當然要試一試啦! 職員推薦左美丈夫氣泡柑橘酒俾我地，原價$478，半價後$238。平時都偏愛柑橘味產品，這支氣泡酒正合我們心意，原材料是高知產柑橘，酒精濃度是微微的6%，適合我這易醉人士。入口果香味濃，配上冰球，飲落夠凍先夠爽，真心無介紹錯！雪櫃酒類繁多，可以慢慢挑選自己喜愛的酒。

食物方面，職員先送上五色刺身盤 ($195)，有三文魚，吞拿魚，油甘魚，石蝦同帆立貝，刺身厚切口感十足，且食材新鮮鮮甜，是這餐豐盛晚宴的序幕。

小前菜，開胃醒神。

清酒生蠔 ($28/隻)超驚喜，生蠔大隻肥美鮮甜，蠔味重，配想清酒浸生蠔約30秒，味道更有層次感。清酒生蠔只需$28一隻，味道極佳，新鮮味甜，性價比十足。

燒廣島生蠔 ($48)適合喜歡熟食的朋友，燒廣島蠔配上微溶芝士，滋味十足。不過比較起上來，我還是比較喜歡清酒生蠔，鮮甜富層次的口感，令人難忘。

芝麻雞翼 ($38)熱辣辣香噴噴，鍾意食雞翼，必定要點這款，外脆內軟，一碟有3隻，小朋友最愛，雞翼永遠是受歡迎的。

角切雜錦魚生丼 ($118)當然就是多款魚生混合角切飯，拿不定主意，樣樣魚生都想試下，這個角切雜錦魚生丼正好選擇。各類角切三文魚，吞拿魚，帆立貝，魚子，青瓜等等，顏色鮮艷豐富，食材新鮮，魚生份量不少，賣相口感都能滿足。

炸櫻花蝦 ($58)脆卜卜香口，大人小朋友都喜愛。大人佐酒一流，小朋友最愛香口食物，點會錯過呢？

鍋-A4日本黑毛和牛 ($298)大大鍋，我們選了豬骨湯，仲有 (追加)鍋-油揚 ($18)，生雞蛋 ($10)。鍋-A4日本黑毛和牛賣相十足，肉質脂肪分佈均匀，非常吸引。A4日本黑毛和牛，入口軟滑，味蕾大享受，好像置身於日本當地咁。

串燒拼盤 ($138)及一口燒蕃薯仔($15)各類串燒的配搭，燒得香口，有雞翼，雞皮，雞軟骨，大蔥豚肉串，金菇牛肉卷，秋葵，煙肉車厘茄，大蔥，仲叫埋一口燒蕃薯仔，正正子。

一餐豐盛的晚宴

埋單約$1400

食物只是一般…

睇黎我真係太掛住日本🇯🇵又食日本嘢🤣今次同兩個朋友三個女仔去試呢間位於旺角嘅居酒屋🏮，店裏面有好多日本燈籠同埋旗幟做裝飾，令到人有一刻感覺好似置身於喺日本🇯🇵

餐廳主打當然係日式料理，招牌係火山石燒牛、串燒同埋鍋物。而且仲提供超過100種嘅梅酒，清酒🍶

我哋叫咗A4日本和牛鍋、火山石燒澳洲M6和牛、日式炸雞、和牛牛筋煮、芝麻雞翼、蟹膏飯、抹茶蕨餅、柚子芝士蛋糕、三杯梳打同埋一杯辣椒梅酒

咁多款食物質素都好平均，但我最佢哋嘅和牛🤤A4和牛霜降油花分布均勻，肉質軟嫩，入口後肥而不膩🤤而澳洲M6雖然冇細膩嘅口感，但勝在牛味濃郁、口感多汁😋和牛牛筋煮呢個非常入味，而且筋位軟腍，口感滿滿

另外我好鍾意呢度嘅氣氛，加上裝飾同埋日本嘅音樂，真係好似喺日本咁🥳可能我真係太掛住🇯🇵🤣la

整體黎講都好滿意👍🏻推介👍🏻

🇯🇵旺角高質居酒屋 A4和牛壽喜燒🇯🇵
◽
今次要介紹嘅餐廳係位於旺角嘅令和鍋物酒埸。店內以燈籠等作裝飾，令人彷如置身於日本一樣。每逢有客人到達，店員都會擊鼓歡迎。整體而言，性價比高且款式多樣，值得推介。
Reiwa ShabuShabu & Sake is a Japanese izakaya located in Mong Kok. You would feel like you are in Japan with the lanterns and the warm welcome from the staff. On the whole, the pricing is competitive and the dishes are of a wide variety.
◾
A4日本和牛鍋物 (200g) (A4 Wagyu Hotpot) $298 + $98 薩摩雞 (Chicken)
A4和牛質感嫩熟，配上壽喜燒湯底微甜嘅味道，已能襯托出和牛香。另配有野菜豆腐盤，能中和和牛嘅油膩感。以依個價錢而言，極為推薦。
The A4 wagyu is attractive with its marbling and soft texture. The sweetness of the sukiyaki soup brings out the aroma of the wagyu beef. The assorted tofu and vegetables neutralize the greasiness of wagyu. This hotpot is highly recommended at this price.
◽
蜜柑鯛魚薄切 (Snapper Sashimi) $128
鯛魚配上檸檬以及海葡萄，味道帶微酸，感覺清新、開胃。
The snapper sashimi tastes refreshing and appetizing with a few drops of lemon juice.
◾
汁燒16吋日本大魷魚筒 (Squid) $98
魷魚筒份量慷慨，與醬汁味道搭配。
The squid is served in a large portion and matches well with the sweet sauce
◽
清酒煮蜆 (Clam with Sake) $68
蜆肉厚身，完全冇沙，清酒帶出蜆嘅鮮味。
The clams are thick and fresh. The flavour of sake enriches the taste of clams.
◾
日式炸雞 (Karaage) $48/ 軟殼蟹天婦羅 (Soft Shell Crab) $58
兩款炸物都好出色，即叫即炸，質感香脆，炸雞富肉汁，而軟殼蟹味道唔腥。
Both karaage and soft shell crab have a crispy texture, which is mouth-watering.
◽
清酒生蠔 (Oyster with Sake) $28
吃前先將生蠔浸泡在清酒中，食法新穎卻又意想唔到咁襯。
It is unexpected tasty when the oyster is soaked in sake.
◾
和風辣汁煮螺 (Japanese Style Chilli Hot Snail) $38
較為失望，辣汁味道唔突出，且質感較韌。
The snail is quite disappointing, as the texture is tough and the spiciness is not outstanding.
◽
鹽燒雞翼 (Chicken Wing) $24/ 燒和牛舌 (Ox Tongue) $38
比較推薦和牛舌，食落彈牙。
The ox tongue skewer is more recommended, as it has a chewy and springy texture.
◾
燒冰火菠蘿 (Pineapple) $25
外層甜而脆，菠蘿十分多汁，一份完美嘅甜品。
the pineapple tastes crispy and juicy at the same time. What a perfect ending.
◽
令和鍋物酒場
Reiwa ShabuShabu & Sake
📍旺角彌敦道613號飛達商業中心1樓
📍1/F, Fee Tat Commercial Centre, 613 Nathan Road, Mong Kok
#fooodninja_hk_mongkok
#photoninjasis

#reiwanathan #wagyu #a4wagyu
#shabushabu #sukiyaki #japanesefood #sashimi #oyster #tamagoyaki #abalone #foodiehk #mongkok #hongkongfoodblogger #foodblogger #foodblog #相機食先 #海膽 #令和鍋物酒埸 #打卡日常 #居酒屋 #香港美食 #旺角美食 #旺角

有水準但性價比一般

令和～呢個名字，你會諗起D乜嘢，我就第一時間諗起日本，令和呢個稱號相對於日本人糸非常有意義，日本新王登基就會更换年號，令和就糸日本新年號*初春令月 氣淑風和* 吾知道呢間～令和居酒屋～ge老闆會吾會糸日本人，真糸好想去日本玩! 而家維有望梅止喝go go go 去令和居酒屋享受日本美食……

鹿兒岛蕯赤雞鍋配野菜豆腐盤
特別在芫荽湯底，吾糸一般就咁放幾棵芫荽落去就算，糸将芫荽搞碎同湯底混合埋一起會更香更燶味，芫荽又名香菜，對身體好有益處，.将雞肉放入湯内滚熟，芫荽香氣巳浸透肉內，入口更香滑

日本A4黑毛和牛
肥瘦平均，肉質新鮮，黑毛和牛真糸冇得輸，店舖职員會親手糸坐枱面前烧熟，可以話糸先用嗅覺品嘗，再用味蕾細味，香滑多汁A4黑毛和牛，必食

日式居酒屋🏮有得玩有得食
成日經過旺角呢間居酒屋，裝修和風日系
好似去咗日本咁，吊滿燈籠小裝飾～

Shake海鮮桶🦞
見到新出左呢款好特別，又未試過！
超級多海鮮！我就揀咗芫荽醬～
一嚟到真係嚇親，超多芫荽🤩🤩
有超大隻龍蝦、蝦、扇貝、青口、八爪魚、南瓜、粟米～沾滿蒜蓉芫荽醬～

清酒生蠔🦪
呢個配搭好特別，可以浸喺清酒30秒
食落好清新，仲有淡淡清酒嘅香味

天婦羅拼盤🍤
呢個啱晒我咩都想食嘅人！
天婦羅蝦、秋葵、茄子🍆炸粉好薄

仲有唔同嘅串燒🍢即叫即燒
大蔥雞肉🐥牛舌🐮

柚子左口魚邊🐠
呢個食落超fresh☺️☺️
左口魚邊啲油脂都迫哂出嚟！好正

黑白啤｜生啤🍺
超大杯！！配日本菜一流！

臨走個陣仲有啲硬幣送番🪙
可以玩夾公仔機！仲夾到優惠卷添呀

📍 令和鍋物酒場 (旺角)
旺角彌敦道613號飛達商業中心1樓

#旺角美食 #香港美食 #旺角日本菜 #日本菜 #串燒控

地方充滿日本風情，食物很好，招呼不錯，值得赏試。

旺角日式居酒屋🏮必食石燒日本和牛

哩間居酒屋真係每次行經彌敦道都會見到佢既閃閃燈牌，今日終於同朋友入去試下。居酒屋環境設計有日本feel，天花掛左好多燈籠同旗幟，前後位置仲有特色卡位。

餐牌上面非常多食物可以選擇，亦有唔同既套餐，而家仲做緊所有清酒、梅酒半價優惠。今次我同朋友就叫左個二人餐加啲串燒share。

✨松（二人餐） $688
是日沙律
前菜兩款（四選二）
什錦天婦羅
四色刺身盤
石燒日本和牛150g或鍋物日本和牛150g
海鮮鍋物配豬骨湯

🥗是日沙律
沙律係芝麻醬豆腐加上小蕃茄及三文魚籽，夠晒清新開胃。

🍣前菜（四選二）
我地揀左日式炸雞同和牛他他，炸雞份量唔少，配有蛋黃醬，入口略乾，而和牛他他鮮嫩可口，醬汁味道微酸，非常開胃。

🍤什錦天婦羅
天婦羅有炸蝦、番薯、南瓜、茄子同粟米芯，炸皮夠薄，唔會油膩。

🐟四色刺身盤
刺身盤入面有三文魚、吞拿魚、油甘魚同赤蝦，四款都好新鮮，赤蝦亦大隻，而且肉質彈牙。

🔥石燒日本和牛150g（或鍋物）
店員會係你面前即燒，仲會即時問你想要既熟度。日本和牛牛味相當濃郁，入口油脂滿溢，口感軟嫩，接近入口即溶，非常好食，超好食推介👍🏻

🫕海鮮鍋物配豬骨湯
豬骨湯香醇，配有多款海鮮，包括海老、烏賊、扇貝、廣島蠔同蜆，仲有一大兜蔬菜同菇，非常豐富。

🍢串燒
明太子醬燒帆立貝（二本）$58
鹽燒和牛舌 $38
明太子雞翼 $28@1

帆立貝明太子味濃郁；和牛舌爽身好咬又惹味；明太子雞翼表皮香脆，雞肉嫩滑好味。

🍹荔枝乳酸 $33
🍹梳打蜜桃乳酸梳打 $33

整體黎講，餐廳環境寬闊，幾有日本feel，而且食物種類多樣，幾適合同朋友黎聚會。

🌟溫馨提示🌟
🔺7:30前結賬有八五折優惠
🔺10點後入座亦有八折優惠
🔺9點後加$48就有清酒、梅酒、啤酒放題
🔺食滿$200可以有一個coin，喺門口既夾公仔機抽獎，禮物都幾豐富

店內有唔少燈籠及日式旗幟，就好似置身喺日本一樣，一解旅行癮✈️ 非常適合朋友聚會傾吓計，坐得幾舒服，地方乾潔富有日本味道😆
–
店員會將日本A5和牛放喺燒熱嘅石板上，可以按喜好落適量嘅調味，半分鐘就食得🐮 牛味都幾出，口感有層次，又好食又好玩😚
–
海鮮更加出色，廣島蠔肉大大隻，飽滿鮮甜，燒汁醬好提味，甜中帶鹹💖串燒燒和牛舌同一口燒蕃薯仔呢兩款串燒，好有居酒屋feel👍🏻月主食方面，我哋就揀咗和牛鍋燒烏冬，水準都唔錯🇯🇵
–
埋單嘅時候店員話咁啱咁遇上佢哋嘅兩周年慶祝活動，消費滿$200就會有一個遊戲代幣🪙 如果將膠波或者不倒翁公仔夾都落指定顏色格仔內，就會有唔同嘅小禮品🎁 可惜我哋就冇咁嘅抽獎運啦，但係見到前面有三個女仔非常好彩，竟然抽中咗幾張coupon😆

旺角｜日式｜#令和

年頭喺旺角火車站附近食過一間「令和居酒屋」，但原來喺信和附近有間更大嘅分店🥰 可能有地方大，裝修咗幾格卡位出嚟，坐落充更舒適👦🏻🧒🏻❤️

1️⃣ 200g澳洲M6和牛石板燒（$188）
份量幾足，會先用肥膏燒熱塊板，再由專人將和牛燒至你想要嘅生熟程度🍖 雖然餐廳有附上燒汁，但我都係覺得加粗海鹽會比較合適，更能夠釣到和牛嘅鮮味出嚟🥩😍 我哋額外加多咗個蟹膏飯一人一半🍚

2️⃣ 鹽燒三文魚頭（$88）
原來個魚頭係咁多肉食😍 唔會多骨，肉質又嫩🐟 如果覺得唔夠鹹的話，可以落枱面嘅粗海鹽再調一調味🤓

3️⃣ 清酒生蠔（$28）
傳應姐姐話食之前，要將生蠔浸起清酒入邊10秒左右🦪 雖然浸咁短時間清酒無咩可能滲入蠔裡邊，但都掛到少計係蠔外邊🤣 但呢一隻生蠔食落口似筒蠔，比較厚身😌

4️⃣ 鹽燒雞皮（$22）
超脆，燒到啲雞嘅肥膏都無晒😛

5️⃣ 鹽燒和牛舌（$38）
無筋，唔難咬開，比起一般牛舌更重牛味！🐮 果然和牛係唔同啲😝

6️⃣ 明太子雞翼（$28）
雞翼裏面釀有滿滿嘅明太子x 雞肉，唔鍾意吐骨嘅一定好鍾意😆

7️⃣ 蜜桃乳酸梳打（$33）
男朋友話呢杯乳酸梳打出乎意料地好飲🍑 酸甜度適中～

8️⃣ 白桃梅酒（$78）
雖然話酒精濃度有7至8%，但可能白桃味太濃，完全遮蓋左酒精嘅味道😗 想飲酒但又唔鍾意酒精味道嘅朋友可以由此着手🥰 餐廳落咗一大塊冰，所以都唔會有太甜嘅問題出現😌

@reiwanathan
≡※≡※≡※≡※≡※≡※≡※≡※≡※≡※≡※≡
📍 令和鍋物酒場
旺角彌敦道613號飛達商業中心1樓
≡※≡※≡※≡※≡※≡※≡※≡※≡※≡※≡※≡

#旺角 #旺角美食 #吃貨 #香港美食 #香港餐廳 #相機食先 #日本菜
#foodphotography #hkfoodlover #hongkong #hkfood #hkfoodie #foodreview #foodstagram #hongkong #mongkok #mongkokfood #hongkongfood #hongkongfoodie #japanese #foodhunter #discoverhongkong #hkfoodcrew