八幡屋涮涮鍋
營業時間
| 星期二 | 12:00–00:00 |
| 星期三 | 12:00–00:00 |
| 星期四 | 12:00–00:00 |
| 星期五 | 12:00–00:00 |
| 星期六 | 12:00–00:00 |
| 星期日 | 12:00–00:00 |
| 星期一 | 12:00–00:00 |
服務選項
內用
不支持外送
無障礙程度
無障礙入口
產品/服務
小菜
吃到飽
沙拉吧
酒精飲料
啤酒
提供素食料理
用餐選擇
午餐
晚餐
餐飲服務
甜點
設施
洗手間
適合兒童
Wi-Fi
提供免費 Wi-Fi
氣氛
氣氛悠閒
環境舒適
客層族群
適合團體
適合闔家光臨
規劃
需要預訂
接受訂位
付款方式
只收現金
信用卡
信用卡
今日去咗旺角試左間人氣放題 ，我去嘅時候係下午茶時間晤洗等好快入座😍
入到去d staff會比你選擇湯底 佢有好多唔同嘅選擇 例如壽喜燒，沙嗲湯，鴛鴦湯，麻辣湯等等😍😍我就試下個壽喜燒 見晤係到到有。
等湯底嚟嘅時候 d職員會預先安排海鮮，肥牛，刺身，正，賣相好吸引😋😋
🦐🦀🐚海鮮+壽喜燒 原來咁match ，海鮮都好新鮮，大大隻，刺身肥美到不得了，下午時間選擇又多，叫多幾次刺身，好快回本🌞
環境好靚 坐得又好舒服 ，等冇咗限聚令約埋一班朋友一齊過嚟食先😍
八幡屋涮涮鍋 (旺角)
旺角彌敦道628號瓊華中心12樓
朋友又有好介紹，即刻舉手報名啦！
聽他說這間「八幡屋」經WhatsApp 訂枱會有買一送一優惠，係19:00前離座或21:00後入座。
任飲任食3小時
任食和牛火鍋放題
任食海蝦、帆立貝、蜆、廣島蠔等9款海鮮
任食新鮮帶子、赤海蝦、三文魚、劍魚腩等12款刺身
平常吃放題多數得90分鐘或120分鐘的，但這間可以180分鐘任飲任食，真的即時心心眼，食物質素很高，海鮮同刺身非常新鮮美味。
今次我們吃得超級盡興又滿足。
因為疫情關係，已經好耐冇出過去食放題，😣😣😣見最近疫情減少左，先至夠膽出嚟食放題，難得可以出街食飯，梗係要出街食翻餐好㗎啦！🌝🌝🌝放題最緊要梗係食物選擇要多，🤩🤩🤩而今日係去嘅呢間餐廳，就可以同時滿足我幾個願望！🥳🥳🥳因為呢間餐廳可以任食火鍋，海鮮，燒物，炸物嘅放題餐廳！選擇真係超多啊！😋😋😋而且餐廳更主打任食任飲足足三個鐘！去到餐廳就可以慢慢食！近期佢哋更加有M5和牛買一送一優惠，🥓🥓🥓提早訂位更加會送海鮮！🦪🦪🦪一坐低就可以揀自己鍾意嘅湯底去打邊爐，我今次就揀咗豬骨湯超濃超正，🐷🐷🐷而且佢哋嘅海鮮選擇亦都非常多，仲可以任食牛肩胛，🐮🐮🐮牛味好好！而且去到嗰度仲有好多小食同刺身可以選擇！🍣🍣🍣食完真係好滿足！ …
98蚊加8蚊服務費60分鐘，得五舊牛肉，再叫要俾錢。淨返20分鐘想再叫d燒物都冇得叫。仲有個度一份嘢，只係得一舊。d嘢食仲要燒過龍，仲話咩任食，得過少少嘢可以揀。D人又話好好食，真係唔知邊度好食。
同朋友去慶祝生日就試咗八幡屋，去到好乾淨仲有環境都唔錯🥰
湯底方面由於我唔想食辣，我地點咗《骨膠原豬骨湯》，湯底味道比起岀面知名火鍋店更好味而且亦好地道😋
火鍋配料好多選擇，出面自助吧有好多唔同嘅丸類同蔬菜揀，連素食人士都滿足到😀
打邊爐最緊要嘅緊係牛啦，咁我地嗰餐就貴其他小小因為有M5和牛食
但估唔到最基本嘅肥牛竟然都好好食，肉質鮮嫩😍
食肥牛最怕韌，但依到嘅肥牛就算淥耐咗都唔會有依個問題，而且每次都好大碟😙
最憎去食放題漏單同俾得少，但八幡屋完全無依個問題，服務都好好👍🏿認真要讚
講翻最期待嘅M5和牛，都係好大碟，口感一流而且肉汁飽滿同好有牛肉味，係好好食嘅牛肉味，食完翻唔到轉頭🤣
小食方面都勁多選擇有炸物、串燒、壽司、刺身，一次過滿足曬所有願望🤩
一個價錢食到咁多款式野，性價比極高！🤩
咁都講翻品質，佢又勁喎都keep到高水準，炸物係即叫即製，唔會好似岀面放題淋曬凍曬，上到嚟熱辣辣勁脆，而且上嘅粉啱啱好，比例較得好好！認真同岀面居酒屋有得比。
串燒都好食但最令我滿意係燒菠蘿，香口得嚟又鎖得住菠蘿嘅汁，重點係好甜！好甜！如果唔係仲有好多野要試一定食一打！壽司同刺身同岀面差唔多，但擺盤好靚，啱曬我依d鐘意打卡嘅人，而且每片魚生都好厚，食落好有口感。
最後就係甜品，款式又係好多，但太飽無試到好多，好鐘意佢嗰布甸，好Q彈同甜但又唔會甜到死。整體水準都高，而且唔貴，真係好抵食，會再去食👍🏿👍🏿
最後要提大家嘅係經WhatsApp訂枱仲有買一送一優惠🤩🤩🤩
呢到而家做緊和牛套餐2人去1人收費! 我就同Fd試下好唔好食啦!
湯底我叫左麻辣+龍複海鮮! 有成隻龍蝦係湯入面, 湯算ok既, 又未去到好濃,但通常好濃個d都係味精重, 所以呢到湯底我覺得係ok既!
M5和牛一定要食嫁啦, M5主要係牛味重小小, 無咩油花味, 口感比較爽口彈牙!
基本上M5唔點醬都無問題 就咁食口感上牛味上都已經十分好!
海鮮頭盤, 我自己覺得呢到海鮮係完全新鮮, 有小小鮮甜既味道, 尤其蝦比較新鮮!
刺身同壽司方面, 刺身我自己覺得係鮮甜, 彈牙, 但壽司放係出面個D就無咁新鮮, 同埋D飯有小小鬆呢到係可以改善既! 佢既刺生醬油係好食!
呢到既醬料最可惜就係無我最愛食的沙爹醬!! 不過呢到有麻油,用黎解辣都得,
呢到麻吉燒唔錯, 燒得幾靚, 火力控得好, 燒出黎金黃色又唔會太焦!
其他丸同肉類係自助式自己拎, 特色有小籠包!
野飲方面呢到有我比較中意飲既解茶! 消濟又去油! 整體黎講都係算抵食, 尤其而家優惠期, 大家可以試下!
每次去都覺得不論食材,服務,都好好
由其係熱食不停有多選擇而且熱辣辣
值得大推呢間餐廳。
晚餐解禁
晚上嘅限聚令一完咗大家就急不及待約朋友出街食飯，我當然唔例外啦。 兩個人講起食乜好，大家異口同聲講：乜都想食 ！ 諗諗下就諗到食放題仲要係打邊爐加放題，就好似x竹君醫生咁講: 報復式咁食！
由於朋友唔食得辣，所以響眾多湯底中選擇咗壽喜燒，如果唔係我會選擇麻辣湯底因為聞到隔離枱嘅麻辣湯香味撲鼻搞到我心癢癢。
除咗壽喜燒同埋辣湯底另外仲可以選擇骨膠原豬骨湯，際火嘅冬瓜薏米湯， 沙嗲湯，蕃茄海鮮湯及昆布湯等。 店員推介我哋食“刺身海鮮火鍋之盛宴”，我哋見只係268蚊所以都ok！ 呢個餐包括咗刺身拼盤加極上刺身放題，海鮮放題及M5和牛一份除咗以上嘅食物之外，buffet line仲有唔同嘅菜,麵食,菇同埋超過20款嘅高質丸同腸等等. 飲品方便不決啤酒汽水同埋冷熱清酒, 汽水除咗有我哋都好鍾意嘅白色可樂之外呢度仲有玉泉嘅青檸有氣礦泉水同埋多款維他支裝嘅飲品！
佢頭輪嘅刺身拼盤裏面有大大粒嘅帶子，厚身嘅三文魚，希靈魚，鯛魚，赤蝦及八爪魚，三文魚味道濃郁，有別於放題嘅下等貨色！好開心食到大大隻既赤蝦，有事畀咁貴嘅價錢食放題，食到嘅都係細個手指尾嘅甜蝦，so sad!
海鮮拼盤除咗有卜卜蜆帶子海蝦仲有鮮甜嘅聖子， 海鮮係可以響手機app度不停refill的海鮮控真係可以食到回本！ 我就比較鍾意食佢嘅蠔， 就算淥熟咗都唔會縮到好細粒！另外仲有炸物同埋串燒， ，推介嘅係麻吉燒同埋燒菠蘿， 麻吉燒係裏面係包住年糕嘅魚蛋， 燒完之後十分煙韌！
另外想講一講佢哋嘅服務，食食吓，我自己唔小心跌矖啲自己用過嘅口罩同口罩帶落地下（卡位椅旁，手插唔入的地方）, 我同咗職員講之後佢就立即攞長間尺幫我拎出嚟。 當我未坐返埋座位之際，佢已經飛奔幫我拎張濕紙巾仲要打開埋畀我去抹乾淨條口罩帶， 一分鐘之後佢又行過嚟問我有冇新口罩響身，冇嘅話，佢畀個我。除咗依件事，都覺得佢哋服務好好，收碟送餐都快，有禮貌！
唔知呢，可能依一輪我真係好少遇到好服務同細心嘅侍應呢，感覺很好，所以想響度讚一讚佢地。
八幡屋涮涮鍋
地址: 旺角彌敦道628號瓊華中心12樓
八幡屋有得打邊爐，又有任食刺身，選擇好多，肥牛雪花好靚，好有牛味，麻辣湯底，濃郁，夠晒麻，大力推介！
疫情緩和翻啲，天氣又開始涼啦，即刻想去打邊爐🤤係Facebook到見到呢間八幡屋有二人同行一人免費優惠，咁耐無食好西就梗係要即刻去試下！
首先講講環境啦，衛生有做到足，野食放係櫃閂好門。另外就係佢既裝飾都唔馬虎，好有日式既感覺😆
今次食既套餐係M5和牛+海鮮火鍋，仲有埋刺身放題！好少見d又有熟食又有刺身，非常之期待啊！我地就叫左麻辣+豬骨湯底~
坐低就掃QR code落單，第一樣不得不試既當然係刺身同壽司先。本身以為日式火鍋店既刺身質素會一般，點知呢個有驚喜，三文魚好新鮮，赤蝦大隻而且肉質都好有口感🤤
睇下岀面自助bar區有壽司，熟食，沙律同甜品，比較少見既有咖喱牛腩！搞到我忍唔住自製左個咖喱牛腩飯食😂仲有碗仔翅添，同埋甜品都好乾淨，放係個盒入面。
然後品嘗一下M5和牛同牛肩胛啦~睇樣都覺得好新鮮，牛味好濃味同好嫩滑，質素頗高！海鮮種類都唔少，海蝦，廣島蠔，帆立貝等等。海鮮唔會雪到成舊冰咁，擺盤又好認真😍
最後火鍋配料都係可以無限追加架啦，最普通丸類都好多種，芝士腸等等，另外特別d有雞子、三星葱爆丸，其他地方好少有！
雖然打邊爐都可以好飽，但既然有三個鐘慢慢食，就叫d熟食食下啦~呢到就有串燒、炸物等等。必食雞翼同炸芋圓啊，熱辣辣好好食😍
三小時超耐任飲任食時間，食到飽哂又唔會好趕，都唔會有甩漏單既情況，好滿足啊！仲要全日都可以享有二人同行一人免費既優惠，讚好facebook就可以啦🤗
今日咁啱要同媽咪一齊出旺角拎嘢，咁就諗住喺旺角食埋lunch:D
行行吓就行到去瓊華中心，媽咪就話好耐都冇食過打邊爐，加上我又見到呢間都幾多好評咁我就去試吓啦！
入到去發現個環境都幾大幾寬闊，而家呢個疫情都唔想坐咁埋，跟住我哋入到去就嗌左個268 +10%任食嘅打邊爐，我哋就叫咗個骨膠原豬骨湯底:chopstick:
同埋我覺得佢呢間啲選擇都幾多，丸都有十幾款揀仲有刺身，天婦羅，各樣小食都有，飲品仲有兩個櫃咁多選擇，佢呢個菠蘿好貼心，本身食落去都酸酸地但係佢面整左一層焦糖中和返個酸味，我都忍唔住叫咗幾碟食，我特別鍾意食佢哋啲海鮮，佢哋啲海鮮真係好新鮮，啲蜆脹卜卜好鮮味，啲蝦又好彈牙，仲有啲牛都好有牛味好嫩滑:love:
最值得一讚嘅係佢哋上嘢食同收碟都好快:like:
最緊要想食有得食同埋唔想食完啲碟阻住晒:heart:
最後當然要食返條雪條就完美喇，仲要係韓國雪條啊:excited:
好耐都係去打邊爐了，今次我就揀咗呢間八幡屋同男友去食。因為佢唔單止可以打邊爐，仲有刺身住食同埋燒烤，一次過滿足咁多個願望，真係好抵呀。
一坐低，店員捧上新鮮的海鮮，有鮑魚、有帶子、蜆，真係好豐富。
刺身一樣都好多選擇，唔單止有三文魚，仲有帆立貝、赤貝、牡丹蝦等，都真係幾多野揀。
佢地仲有牛肩甲揀黎食，牛味好香。
和牛都不錯，雪花分布均勻，肥瘦相約。
湯底方面，壽喜燒甜甜地，不過不失，麻辣真係值得讃，個湯底就得幾香辣。
今晚真係食到捧住個肚返屋企！
同fd聚舊最好係係打邊爐！朋友減肥中，不愛澱粉質食物，只愛吃肉肉，所以今次去左旺角瓊華朋友吃過高質嘅邊爐放題—八幡屋涮涮鍋。 今次好彩一早6點去到，再遲一步就要係門外睇住人食。朋友話呢度刺身夠新鮮，海鮮又大隻，所以我地點了最貴嘅《刺身·海鮮火鍋之盛宴》任食套餐，瘋狂爽點刺身！帶子甜蝦都好正啊！海鮮拼盤有鮑魚、廣島蠔、蟶子、海蝦、海螺等….樣樣都好大件！又係點完再點，停不了！仲有極上M5和牛，打邊爐絕配，入口即溶，汽水啤酒、梅酒清酒都任飲，真係唔怕唔夠食、最怕你唔食！
冬天咁凍最啱打邊爐～上次朋友話佢同同事試左間打邊爐咩都有得食，海鮮、肉、刷身咩都有，好似好正咁，於是今日就去咗食～就係係瓊華既八幡屋涮涮鍋！
呢度好大，啲位都好好坐，因為每個位都好闊落，環境好舒適。
我地揀左壽喜燒湯底，一黎已經有牛肉、海鮮拼盤同刷身拼盤，放得好靚啊！仲任你追加，用QR code scan完加就得，好方便～連蠔都有得揀～（當然係熟食啦）
出面都好多野飲野食，芝士丸仲要係我最鐘意既白雪雪有啲燈色點點既果款！
刺身拼盤上好多唔同魚生，三文魚幾高質，食到好香既魚味，啲貝好有口感，蝦點完酸醬都好惹味～
海鮮更加不得了，樣樣都好高質！飽魚肉好彈牙， 白蛤好鮮甜，仲有魷魚圈好爽口，全部都好靚又新鮮～
之後我地再追加左好多肥牛，因為佢一份其實都係得幾片，點野時可以寫多啲～肥牛都好好味，肉質軟軟地，好肥美，壽喜燒汁配肥牛加埋自己調既醬汁，完美呀！！
完場仲要再拎烏冬同公仔麵，有出前一叮，好高質～烏冬係偏薄身同軟既質感，但都唔錯，打邊爐食好好味～
最後緊係唔少得雪糕啦，呢度有雀巢雪糕～
好滿足既一餐啊！咩都有得食😍😍😍
好滿足既一餐啊！咩都有得食😍😍😍
仲有店員都好好服務，好細心，好留意食客需要，有時見無咩野食又少湯果時，會自己主動提出加湯～
好好既火鍋店❤️推薦
年輕時總是喜歡品嘗自助餐及放題，選擇多種類廣，滿足不同口味的朋友。年紀大了，反而較少光顧放題式類別，平日單點菜品，吃幾口已撐飽。
幫朋友慶祝生日，皆因朋友是吃肉獸，找了一家任吃任點肉類的放題，盡興而歸。
店內有幾款放題供客人選擇，點選豪華版「刺身。海鮮火鍋之盛宴」，任點刺身、海鮮、肉類及丸類，必能飽腹。
海鮮拼盤
拼盤包括鮑魚、元貝、大蝦等，還可任添蟶子、象拔蚌、生蠔、手打墨魚等，食材雖然比不上海鮮店或酒家單點的質素，但平價任食來說算是不錯。
刺身拼盤
任食當然不能缺少刺身，相信這年代的朋友大部分也嗜日菜，對魚生的熱愛也滿強烈。魚生達到普通星級自助餐質素，厚切而肉質富彈性。
丸類凍櫃
單單凍櫃丸類達廿多款，最普遍港人愛吃的龍蝦丸、海膽包、蟹籽包也甚齊全，凍櫃乾淨利索，食材存放良好。
甜品區
區里除了奶凍、布甸及啫喱等，還有一些壽司軍艦，九月還有季節食品月餅等。
飲料櫃
茶類、汽水及啤酒等應有盡有，還有梅酒及清酒可點選，滿足不同要求的朋友。
總括來說，人頭兩三百可以坐足一晚上，跟朋友暢談暢食暢飲，是個不錯選擇，不過緊記要掂量肚子，別浪費地球資源呢。
終於到星期五，口痕痕，想任食火鍋🥳上網仲見到八幡屋涮涮鍋有M5和牛買一送一優惠🤩梗係即刻book枱試下！果然冇令我失望😆
我哋叫咗鴛鴦鍋，分別係骨膠原豬骨湯同埋麻辣湯。骨膠原豬骨湯係免費，味道清甜，真係有豬骨味架，打邊爐必叫。而麻辣燙要加$30，鍾意食辣嘅朋友一定要叫！因為真係好香！火鍋湯底一上嚟嘅時候就已經聞到麻辣嘅香味🌶
至於食物方面，因為做緊和牛買一送一優惠，價錢真係好抵😂$388就可以兩個人打邊爐😆
因為我哋係訂坐，所以仲送咗鮑魚。鮑魚味道鮮甜，好新鮮，估唔到任食打邊爐都可以食到呢啲質素👍🏻
坐低冇耐，頭盤刺身好快就送到，刺身唔似出面餐廳有雪藏冰鮮嘅味，又綿😻而我最鍾意就係個帶子
打邊爐當然唔少得肥牛啦，呢度嘅和牛更加係相當出色。和牛切得好薄，肥瘦適中，雖然未去到入口即溶，不過勝在係任食！對比起普通肥牛，和牛真係無得輸🥳
佢呢度係用bar code落單，而其他食物亦都可以自己出去攞。有烏冬、芋絲、生菜等等，有好多種類可以選擇。仲有飯後甜品添😻我同朋友分別食咗芒果布甸同埋牛奶布甸，布甸好香滑，芒果亦都好鮮甜，唔係罐頭芒果嘅味道。
下次想食任食打邊爐一定會再encore八幡屋，任食和牛買一送一實在太抵🥳😻
今日出咗旺角，又想食放題，又想食火鍋，找找下發現瓊華有一間係可以有食刺身又食火鍋又有熟食嘅，上到去本身以為好似一般放題緊迫，點知空間好大座位好寬闊兩人都有得坐卡位。周圍擺滿左熟食，飲品仲有湯，火鍋配菜同埋丸之類。基本上坐喺邊攞嘢食都好方便。飲品方面好多選擇仲有清酒添，而家叫嘢食係用QR code，同埋主打嘅海鮮任食，又有帶子，聖子，蜆，蝦任食。肉類方面牛肉有幾款豬肉有幾款，朋友叫咗個麻辣湯底，我就叫咗個番茄龍蝦湯底，龍蝦仲有大半隻，啖啖肉。煮左咁多海鮮，最後個湯底超級甜，配埋啲菜真係一流。驚喜的是有冰菜可以任食。
最近工作上成日都要面對住d小人，放左工真係要同老公輕鬆下！
放題本身已經係邪惡既選擇，仲要又可以日式放題，又可以火鍋，真係一次過滿足左2個願望！
係食物方面，選擇好多，有蔬菜、飲品、丸、熟食、甜品同雪糕自取！
仲可以透過手機apps落單，有刺身、燒物無限叫
我揀咗牛肩胛套餐，
名符其實肥瘦適中，滾30秒左右就食得👍
快靚正，放工超肚餓就岩哂！
丸類都幾特別，有麻辣同黑松露味小籠包形狀既丸
係街市未見過，都未食過
豬牛雞都有，豬牛都係薄切，道理一樣，易入口，又快熟！
惟一就係侍應們太忙，無咩服務，不過上菜同收碟都好快，睇黎係賣效率🤣
整體黎講，性價比好高，環境舒服，食物質素唔錯，推薦
環境幾舒服，燈光柔和，食物款式多而且質素不錯。有圖有真相！侍應態度幾好👍🏻👍🏻 …
任食放題可以一次過滿足數個願望，前幾晚就來到位於旺角的八幡屋涮涮鍋打邊爐。
餐廳面積廣闊，座位排得頗寬敞。
任食自助bar加火鍋放題限時三小時，星期一至四成人每位 $268。
火鍋湯底有九款選擇。
湯底選了骨膠原豬骨湯，味道不會過鹹而蓋過食材的原味。
除了湯底之外，其實火鍋的醬料也決定了味覺，醬料區亦可方便人客自行混醬，混出最適合自己的口味。
掃描QR code後就可用手機點菜，不用Download App，環保方便又有效率，order的食物全都一目了然，全程亦沒有漏單。
自助Bar 提供多款火鍋配料和甜品等。
一坐低侍應會奉上海鮮拼盤、刺身拼盤和極上M5和牛一客。
刺身款式亦夠多元化，有珍寶帶子、三文魚、甜蝦、象拔蚌等等。
可以任食海蝦、帆立貝、青口等9款海鮮。
兩位訂座每位送鮑魚一隻，鮑魚鼓壯飽滿，口感緊緻彈牙。
只限一客的極上M5和牛色澤嫩紅，油脂分佈細緻平均，肥瘦勻稱。
和牛肉質鬆軟富油香，肉味濃郁有層次。
美國肥牛則是無限追加，油花相對和牛較多。
肥牛仍有一定的質素，就算不小心放在鍋內過久，也不會令牛肉變得過韌。
魷魚肉質爽口有嚼勁，味甜富彈性。
墨魚滑充滿墨魚本身的鮮甜味，爽彈有咬口。
除了打邊爐之外，還有多款天婦羅、炸物小吃。
燒物都是即叫即燒，焦糖燒菠蘿蒸發了生果中的水分，令酸甜天然果香更加突出。
任食雪糕更是邪惡誘惑，有豆腐、抹茶、焦糖脆餅、薄荷及菠蘿椰子五款口味。
飲品都是自取，海量款式尤其壯觀。
限聚令前同朋友嚟到旺角呢間打邊爐，因為又有得食刺身，又有得食火鍋。
晚市時段人流都算幾多，環境舒適，座位幾寬敞。
我哋揀咗冬瓜薏米湯底，解暑清新，個湯底都幾清甜。
每台入座會送一盤新鮮海鮮，夠哂足料。
裡面有青口、鮑魚、扇貝等，每款都好吸引。
扇貝肉質鮮嫩，鮑魚真係好有咬口。
當然唔少得食刺身啦，三文魚刺身充滿油香，啱晒我呢啲三文魚控。
至於邊爐材料，肥牛都係一個唔錯選擇，油脂分布平均。
豬肉片亦都好新鮮，唔會有腥味。
呢日都係主張健康人生，出面自助吧有好多唔同蔬菜嘅選擇。
今日一於食下雜菜火鍋haha。
自助吧仲有多款壽司，仲有幾款甜品嘅選擇。
燒物方面，燒魚都好吸引，火候十足。
總括而言，呢間餐廳可以食刺身，仲可以打邊爐，真係好啱咩都想同時間食嘅香港人呢。
好耐冇同老公一齊食放題啦!今日真係好滿足!
涮涮鍋有多款湯底選擇，我地揀左骨膠原豬骨湯底，很鮮甜
而家午市自助吧加火鍋放題真係好抵食！180分鐘任食M5和牛，牛肩胛，海鮮，刺身，沙律，燒物，炸物，雪糕，汽水，仲要買一送一，點可以錯過!
M5和牛質素真係好高！肉味很重，入口即溶，吸收晒豬骨湯底精華，冇得頂！
我第一次食牛肩胛，口感同和牛有少少唔同，肉味更濃
海鮮方面，有翡翠螺、扇貝、鮑魚、魷魚同埋蝦， 十分鮮甜，性價比很高！
刺身方面，有香港人最鍾意食嘅三文魚、甜蝦、希靈魚、帆立貝、牡丹蝦，幾新鮮，特別係牡丹蝦，真係好肥美
其實食咗咁多嘢，已經七八成飽啦！但係我哋都想試一試呢度嘅燒物和炸物，其中焦糖燒菠蘿係我最欣賞嘅，菠蘿片上鋪上一層火焰焦糖，酸酸甜甜，好開胃
另外，燒年糕，炸饅頭亦唔錯
整體而言，呢間涮涮鍋性價比真係好高，淨係食和牛同埋海鮮都已經值回票價，值得推介俾屋企人和朋友
有冇朋友仔平時好鐘意食放題呢？最近多咗時間就同朋友去咗旺角呢間火鍋放題店食晚餐🙂好耐之前食過一次覺得五錯所以決定和朋友再嚟過
_
放題可以先選湯底，我哋就叫左甜鼓油湯底，呢度都有好多湯底選擇，首先店員會先上海鮮拼盤，海鮮都非常新鮮，有蝦有蟹幾好食，食完就可以去自助區拎野食，選擇很豐富，可以拎好多丸、菜、菇番黎煮，另外仲可以用手機下單叫牛肉，質素都五錯，朋友覺得薄身很黎但好有牛肉味，食肉獸黎到一定會好興奮
_
除此之外呢度亦都有好多款熟食例如炸物，湯品，壽司可以任食任拎好豐富，食到最後仲可以食埋雪糕同甜品，甜品方面牛乳布旬同芒果布甸都幾好食，另外仲有細細舊嘅芝士蛋糕，食落去唔會太油膩下次會同朋友再嚟試
差
M5和牛/海鮮/火鍋/刺身放題🤰🏻任食3小時好抵食! 留意八幡屋涮涮鍋的Facebook會有優惠! 非常適合一班大胃王進餐🤤另外店員會提醒客人拿取食物時必須戴上口罩，務求各位食得安心👍🏻 …
今日下午難得放假，於是就叫女友請假陪我一齊周圍搵好西。由於今日朝早到宜家都無食野既關係，所以我地就選擇左係瓊華12樓既八幡屋涮涮鍋喇。
可能係閒日下午既關係，人唔算特別多。但係野食既種類都好多。首先，我地選擇左當中比較濃味既豬骨湯底。火鍋醬汁係菜既後面，可以自由選擇。除左火鍋外，仲有刺身，壽司，日式小食等等，所以雖然叫涮涮鍋，但係野食種類都幾多，可以自由配搭。
5分鐘後，經QR CODE落單既餸菜開始上菜，當中主打既就係任食既M5和牛和牛肩胛肉，M5和牛涮完10秒到食得，點少少芝麻醬加醬油，食完入口即化，好有牛味。而牛肩胛肉就適合想食少脂肪既人士，同樣都係落一陣鍋就食得，牛味重，有少少咬口。
而刺身方面，我本身特別鐘意食三文魚刺身，而呢到既三文魚刺身唔差得過外面連鎖店既質素，味道鮮甜。亦都可以去壽司區自己選擇自己鐘意既壽司，我最鐘意就係炙燒三文魚壽司，少少沙律醬，加燒完三文魚既油脂香味，食多幾件照樣油而不膩。
總結黎講，味道唔錯，可以坐2.5-3 小時又唔趕客。一邊傾一邊慢慢「烚下烚下」都幾chill. 值得再次翻兜
為了跟靚女foodie👩🏼食好野，我揀了這家Shabu Shabu，因為它不僅火鍋，還有壽司🍣、刺身🦪、炸物🍤、甜品🍮等。我諗咁多野食總有一樣岩佢心水，這夜一定可以滿足到佢🥳！
刺身．海鮮火鍋之盛宴放題 $268
⭐️鴛鴦鍋：骨膠原豬骨湯 + 壽喜燒
⭐️海膽珍寶帶子刺身拼盤
⭐️海鮮放題
⭐️極上M5和牛
同靚女食火鍋一定揀鴛鴦鍋🌗，烚下左又烚下右，仲要揀骨膠原豬骨，食完青春不老👶。
刺身拼盤有珍寶帶子、7吋赤蝦🦐、象拔蚌🦑、三文魚🐠、劍魚腩等，食下凍又食下熱，冰火交融🔥。
海鮮放題有日本廣島蠔、蟶子、海蝦等，靚女食到津津有味😋。
和牛都唔錯，食完一板我們再加單叫來吃🙋♂️。
壽司和丸/菜/麵/甜品自助取，出去規定要帶口罩😷，雖然不便但可保平安。
其他食物就scan枱上QR code點餐，我們叫多了幾款刺身，還有揚物例如春卷，燒物例如雞翼、麻吉燒等。
甜品款式都幾多，我就每樣都拎一些去試下，別忘了最後仲有雪糕/雪條吃！
飲品除了可外面自取，仲可以手機下單叫酒🥃！有清酒同梅酒真係唔錯，我和靚女臨走前飲多幾杯梅酒才閃人。不過每次只係會上一小杯，所以需要叫幾次。
加湯或call人都可以透過手機下單幾方便👍。
相片未能攝下我們全部食物，因為太豐富，總之今餐乜都食過夠曬盡興，滿載而歸😚！
好愉快既用餐體驗！ 推介佢地既「澳洲和牛」180分鐘任食放題！ 食物質素高 而且價錢唔貴 海鮮、肉類、火鍋料、刺身、雪糕同甜品等等都係任飲任食 係性價比好高既任食火鍋放題！
環境方面：乾淨企理 裝修幾有心思 幾闊落
食物方面：刺物同海鮮都好新鮮 食落唔會話有雪味 特別推介海蝦刺物 爽口彈牙又不失鮮味 蝦頭仲有滿滿既蝦膏！ 而和牛都好出色 色水好靚 油花分佈平均 食落嫩滑得黎又不失咬口 另外壽司、火鍋料同甜品亦好高質
溫馨提示：指定時段經Whatsapp訂位仲有和牛買一送一優惠添呀！
旺角區屹立不倒既八幡屋涮涮鍋
八幡屋涮涮鍋，我細細個就聽過依個名嫁啦，真係食過無數次咁濟，每次黎到旺角想食放題就會黎八幡屋，質數有保證之類又唔會太貴麻，話說今日適逢初三又係大胃王朋友生日，好想瘋狂地食野，所以就約定朋友請佢黎八幡屋食餐好既，哈哈，無計啦大食夾抵件麻。
一黎到，唔知係初三定肺炎既關係，餐廳居然唔洗排隊，我地梗係９秒９拎座就坐食好西！餐廳既格局十年如一日，哈哈，但我鍾意，好有親切感麻。話雖如此，餐廳既野食就有並進，記得上次食上面係海鮮蒸架，下面係打邊爐，但今次蒸架冇左，不過個湯高質左好多。有我最愛既龍蝦湯，每人加２０蚊，大大舊龍蝦放係湯到煮，個龍蝦味舊晒，同埋大大舊龍蝦，一人２０蚊真係物超所值。
打邊爐個爐就最重要啦，但係食物都唔可以忽視，牛肉方面，肉質鮮滑，入口即化比起我上一次黎食既記憶好左不少，以放題黎講水準真係超出行業平均，非常之簡得一讚，加上龍蝦湯既配合，入口甘香。剌身方面，有鮮蝦，大大隻，甘甜好味道。有三文魚，油脂分佈平均。其他仲有各種常見既魚刺身，師傅一啲都唔客氣每一片都大大片，份量十足。
貝類方面，簡直係唔得了，原隻元貝連殼上，大大隻，煮熟之後好鮮甜好惹味，不過新年盤菜都食唔少元貝，食到有小小膩，哈哈，真係時不與帶子，仲有原條聖子，大中小貝類，原隻海蝦，蝦蝦蝦，淨係依到，都值回票價啦，食到依到，其實我地都飽飽地，因為，以上既野全部都係任叫任食呀，已經唔知食左幾多轉了。
食食下我行左去拎野食，哇！哇！哇！簡直係發現新世界！估唔到居然有串燒同炸物，係愛呀！真係冇得輸，串燒有金菇肥牛，雞肉串，燒大蝦，芝士丸，雞翼等等，雞肉串同雞翼就唔洗講啦，同市面上賣果啲一樣，應該都係現貨買返黎整熱就食得，姐係點？好好味嘍！勁正呀喂！美中不足就係我食完一轉就無返過貨。金菇肥牛點解正？因為佢有金菇，仲有肥牛，同埋個汁呀，但可惜個淬比較唔入味，個肥牛淡左小小，但都好好味呀！燒芝士丸？邊有得輸呀，咁好味Ｅｎｃｏｒｅ多兩次都唔過份呀！
炸物方面有天婦羅，可惜我去到既時侯已經９成飽又冇晒炸蝦，冇機會試到，下次啦，八幡屋喎，係我認識生存到最耐既旺角火鍋放題，一定有機會既。炸物方面仲有炸春卷，炸沙律卷同炸豆腐，哈哈，原於太飽既關係，每樣食左一件，哈哈！炸物真係好難唔好食，不過，串燒太正啦，炸物又好膩食左一件都已經好飽好飽。
食到飽飽，梗係食個甜品，放題喎，唔係蝕比佢呀？甜品方面，有中式同西式，中式碗仔翅，好足料，朋友食到ｌａｍｌａｍ脷，我就食左黑燸米雪條，哇！哇！哇！好出色，明明去過新加坡都唔知原來新加坡有啲咁好食既野。
飲料方面我地叫左梅酒同清酒，梅酒梅味好重但酒味不足，清酒就酒味好重，所以我地決定溝埋一齊飲，哈哈得左，溝埋一齊就成為左梅，酒味平衡既好酒，唔錯唔錯！
就係咁！我地就完左今日既美食之旅啦，真係好唔錯，親切既裝修，不停進步既味道，真係難怪係可以係旺角依一個戰場生存咁耐。
又係抗疫時間搵野食既時候，出街食飯好似放監咁，所以我同朋友選擇都係自助餐，哈哈
當然唔少d量體溫啦，而每張檯面都有消毒手液
一入座已經有一盤海鮮: 扇貝，蟶子，蜆，蝦，蠔。每樣海鮮都好鮮甜，新鮮:love::love:
再之後既就係和牛，睇下d油脂幾靚
打邊爐最緊要硬係湯底，我地選擇既係蕃茄龍蝦湯，係用蕃茄煲既湯，唔係用茄膏，抵讚，仲加埋龍蝦，40蚊都抵比
唔少得當然係刺身，我地點有三文魚，鯛魚，吞拿魚，帶子，最好係任你點任你食
就算第二盤刺身都係叫幾多黎幾多:mad::mad:
醬料任你撈
出面仲有好多熟食，魚頭，炒飯，等等
500蚊2位可以食到咁多野，抵到爛，遲d再食過
介紹返~ 八幡屋涮涮鍋是最近覺得不錯的邊爐店！皆因可以一次滿足兩個願望：結合火鍋同日式放題於一身，對於乜都鍾意食少少嘅女士真係一大恩典~
火鍋配料主要圍繞海鮮同肉片類，當中可以升級M5和牛，再豪啲更有龍蝦選擇！一入門口見到丸海任人揀，當中有個龍蝦芥末丸，冇wasabi咁嗆，估唔到幾好食，最鍾意係呢啲可以任揀嘅時候試新嘢，而又唔使買一堆返落去。其他種類有串燒、壽司、天婦羅、刺身，細胃嘅我每樣叫一件都好飽了，最開心有帆立貝刺身！平時出面食好貴㗎嘛。。。所以呢樣食多咗少少，嘻。
雖然每個種類之下唔係太多選擇，但係已經好足夠，因為每樣嘢都幾好食，如果佢太多種類反而會拉低咗質素，貴精不貴多嘛。而甜品，意想不到個brownie係幾ok，雪糕竟然有沖繩海鹽味，咁特別我真係未見過！
要提一提經WhatsApp訂位有買一送一，涵括埋和牛，推薦海鮮愛好者黎食，絕對相對市面上比較抵嘅舖頭！
早幾日見到呢間放題有$ 368和牛餐買一送一優惠 今日就即刻去試因為驚愈夜愈多人食 所以我地預約吃五點半入坐
湯底我哋選擇咗豬骨湯同番茄龍蝦湯嘅鴛鴦湯底 剩係湯底已經幾足料番茄湯更有半隻龍蝦在內入坐後可以先去凍櫃同自助區拎定啲火鍋料 有多種蔬菜菇類肉丸可以選擇 另外亦有一啲現成小食好似壽司炸物沙律等等可以食住先 見員工隔一段時間就會補充一次 相當新鮮 等咗大約五分鐘就已經送上三碟頭盤分別係魚生和牛同埋殼類海鮮食材都幾新鮮呢間放題嘅款式非常多除咗火鍋之外仲有各種小食炸物燒物臺司好齊全 一定有啱食嘅 可能入坐時間早人唔多員工冇咁忙服務都周到貼心
好耐都無食放題🥘今日搵左間又有打邊爐，又有熟食的放題，驚喜的是第二位半價🤪湯底也有驚喜特別的蕃茄龍蝦湯底，湯底內有半隻龍蝦😋濃濃的蕃茄湯底。頭轉先上刺身（有大蝦，帶子，希靈魚，甜蝦）😛再來是肥牛，肥牛脂肪分佈均衡😀不但可以電子點食物，也可在台櫃取其他食物，例如：壽司，甜品，更有白飯，特別是有碗仔翅🤩以及打邊爐的配菜，粟米，烏冬，公仔麵，冬瓜，生菜。 電子柯打也有即炸的天婦羅，燒雞翼，燒多春魚…好多野食呀🤣😂🤣😂滿足哂我😍
另外：員工都十分細心講解餐內的食物，而且教導我如何電話點餐☺️有窩心的感覺😉 …
“限聚令前夕的任食火鍋放題”
近排疫情又嚴重咗 咁岩今日同朋友去簽工作合約就順便約個飯👍🏼兩個女仔最多計仔傾就選擇左位於瓊華中心12樓既“八幡屋涮涮鍋” 一路食一路密密傾計😆😆
睇食評話係呢到係火鍋剌身都有 加上19：00前離座和21：00後入座會有買一送一和牛餐，但需收正價加一服務費🙊🙊
星期一至四 368/位 ; 五至日 388/位
我地就6點幾黎到揀左火鍋刺身放題😆點知原來係3個鐘頭😆有排你慢慢食
我地揀左壽喜燒湯底 甜甜地又唔辣都幾好味😋開頭有送一客和牛同刺身😁雖然我唔太好刺身但朋友卻係好鐘意😁😁海鮮火鍋料都係新鮮冇腥味☺️
我地之後就去揀飲品同視察環境😂 菜類 菇類甜品 丸類 餃子 雪糕都係外面拎既
仲有四款熱食 碗仔翅 茶漬飯等等 好多選擇👍🏼
不得不講 甜品區整得好乾淨衛生 樣樣甜品細細粒用盒裝住 啫喱奶凍布丁都用保鮮紙cover住👍🏼
除此之外，用Qr codeorder發現仲有串燒 小食同清酒梅酒可以叫😆救命n咁多選擇🙊 我地最鐘意天婦羅炸金菇同炸饅頭😂
肉類我地叫咗1round only 因為唔太好肉🙊不過都係好食既有肉味🥩🥩牛有肥牛同牛肩胛 菇都有4/5款 而且仲會不停refill👍🏼
服務人員都好細心行過唔洗叫都幫你加湯，調較下火同埋收碟快
我同朋友係食到捧住個肚走 性價比高的火鍋店👍🏼
好耐無食過火鍋，趁天氣未轉熱，同老公兩口子去打番次邊爐。
選擇這間「八幡屋涮涮鍋」是因為餐廳做緊優惠，惠顧3小時「刺身.海鮮火鍋の盛宴」放題，19:30前離座或21:00後入座，第二位半價，覺得幾抵食，所以專登嚟試下。
吃火鍋的首個任務當然是挑選湯底，餐廳總共提供9款湯鍋，當中包括有骨膠原豬骨湯、昆布清湯、壽喜燒、沙嗲湯、冬瓜薏米湯………等等，選擇非常豐富。
點完湯底之後，店員就會先上第一輪刺身同海鮮拼盤，之後可以自己再落單。極上刺身類選擇都幾多，有成13款，而且整體水準都唔錯，新鮮得嚟又夠肥美，尤其是係大赤蝦，蝦身好似手掌咁長，蝦肉呈半透明，肉質爽口彈牙。另外三文魚亦切得厚薄適中，入口魚脂豐腴，味道亦不賴。
海鮮拼盤有帆立貝、海蝦、蜆、象拔蚌、日本魷魚同貴妃蚌。幾款當中，個人最滿意就是海蝦，肉質夠曬彈牙，入口爽脆鮮甜，屬 encore 之選。另外象拔蚌和魷魚亦值得一試，前者肉質鮮甜緊緻；而魷魚食落亦煙韌彈牙。
肉類方面，餐廳會為每檯食客送一上碟極上M5和牛，另外就仲有牛肩胛、美國肥牛、黑豚片同豬腩肉片可供任食。和牛上桌時已切成薄片，色澤紅潤，輕涮幾秒至七成熟即可享用，質地相當鮮嫩，有牛味又夠肉汁。豚肉水準亦唔錯，肉質非常鬆化，食落一啲都唔韌。
另外餐廳亦有不少揚物和燒物，例如蕃薯天婦羅、金菇天婦羅、炸香芋丸、鹽燒虎蝦、蒜香雞中翼、汁燒菇牛肉等等提供，全部都可以透過apps自行點選。雞翼 size 雖然不大，但燒得香濃惹味，加上雞肉裡面還有肉汁，食味一流。
至於其他火鍋配料，例如丸類、蔬菜、菇菌類；另外熟食、壽司、飲品、甜品及雪糕等，就全部都係以自助形式供應，客人可因應自己嘅食量同喜好，外出拿取。明月冰卷內裡是紅豆，而外層則以糯米包住，食落頗煙韌，紅豆亦很清香，而且又不會很甜，凍凍地，幾好味，食完真係好滿足！
性價比高的刷刷鍋
呢間餐廳係位於旺角中心地帶
價錢係包哂任食3個鐘
唔算特別平
但係性價比都蠻高的
一入坐店員就派酒精搓手液比我地
已經加分！！
首先揀個湯底
刷刷鍋就梗係揀壽喜燒
甜甜的味道好岩胃口
一開始唔洗點住
因為佢會送和牛肉，海鮮同刺身
全部個樣都勁高汁
呢個牛肉再加係要加錢的，但口感真係入口即溶！超yummy
海鮮既選擇都ok多，蟶子係我既最愛
除左刷刷鍋之外，佢仲有熟食炸物同刺身可以點
岩哂一大班fd黎食火鍋+放題
超大隻既牡丹蝦
炸金針菇非常特別！
估唔到咁好味
最後來個甜品
係韓國既蜜瓜雪條！！超正
宜家食火鍋真係無分四季， 疫情關係真係食少咗，
今晚決定落咗旺角[八幡屋涮涮鍋]去食返夠本，
因為佢可以食足三小時， 咁就可以慢慢嘆啦。
八幡屋環境都幾大， 卡位好闊落， 一排自助區除咗有火鍋配料， 甜品， 茶漬飯， 菜類， 茹類， 醬料等外，
另一邊仲有飲品， 各種丸類同雪糕等自己拎，但記得要戴口罩喔。
除咗可以自己拎之外， 其實食物就可以用手機 QR 落單， 呢個好好可以省回大量 order 紙。
我地選擇咗骨膠原豬骨湯底。
不久店員送上刺身拼盤、 海鮮拼盤及一碟M5和牛。 除咗M5 和牛 。
刺身同海鮮都可以再 order， 刺身款式都幾多， 海鮮好新鮮， 特別係鮑魚好爽好鮮。
當然美國肥牛， 美國黑豚肉， 豬腩肉要再 order 啦， 特別係豬腩肉， 好腍好爽口， 要一叫再叫。
火鍋枓款式都好多選擇，就連雞子都有。
除咗火鍋， 天婦羅， 炸物， 燒物等都有， 雖然無出面嘅日式放題款式咁多， 但勝在即叫即整， 上菜又快。
最後食埋甜品真係大滿足。
選了刺身海鮮火鍋盛宴放題每位$268
海鮮拼盤有：飽魚、螺、青口、蜆、元貝、虎蝦，
各種食物鮮甜可口，非常新鮮且件頭十足，
單是這拼盤已值回此價。
刺身拼盤有：三文魚、希靈魚、牡丹蝦、帶子、泰式生蝦，
鮮甜爽口，美味無窮。
M5和牛，肉質嫩滑多汁，
薄切放鍋，入口即溶，
一刻即熟，一件接一件，口感滿足
放題自選食物，壽司區、甜品區、飲品區、
蔬菜品種很多、雪糕櫃、應有盡有，任君選擇。
3 hours💫 All You Can Eat + Shabushabu💕
.
.
一間涮涮鍋套餐，有齊任食放題+火鍋，真係岩晒香港人口味。呢日出左旺角，晚餐突然火鍋癮起，一search之下，發現呢間日式火鍋料理店，位於樓上舖都咁多人食，質素應該不差吧，充冒險精神既吃貨既我👻 當然要去試試。
.
一坐底，店員💁🏻♂️ 已經送上一盤刺身拼盤🐟🦐 (三文魚、希靈魚、牡丹蝦、玻璃蝦、帶子、螺肉) & 海鮮拼盤🦑🐚🦐(鮑魚、魷魚、鮮蝦、大蜆、蟶子、扇貝、青口) ，仲有一碟和牛🐮，超級豐富😍，效率真係好快呢。
.
湯底種類都好多，今次食清一點，試左冬瓜薏米湯底，滿有冬瓜香既清湯底，估唔到都唔錯喔，可以先喝一口湯甜。而且海鮮、肉類，仲可以不斷再落單encore，出面自助區域 食材亦不段refill。仲有壽司、熟食可以自己夾。燒物🍢🥠 天婦羅🍤🥟 同樣可以任食，真係一個價錢任你吃飽飽。
.
最後最後，雪糕都好多選擇，有杯裝 亦有雪條裝。榴槤雪條💛、香芋椰子雪條💜，都係我既favor，好好味 好香濃 又重奶味。
.
.
📣仲比我發現 而家餐廳仲做緊優惠啊啊啊💬
星期一至四 $368/位
星期五至日 $388/位
.
19：00前離座 或者21：00後入座，會有買一送一和牛餐 (需收正價加一服務費)。仲唔快d 約埋朋友一齊食😋，來個瘋狂吃火鍋🥢。
.
.
×××[八幡屋涮涮鍋 -Yahataya Shabu Shabu]×××
©旺角彌敦道628號瓊華中心12樓
很久沒跟朋友聚會了，
這次難得出來，
所以到了八幡屋大吃一番(๑´ω`๑)
到了目的地～
燈光夠光，不像平時放題黑黑暗暗，
環境十分舒服，不擠逼，
現在非常時期，
也感覺到八幡屋有用心地清潔消毒，
很細心地為客人提供搓手液ヾ ^_^♪
我們選擇了海鮮火鍋盛宴，
盛宴當然十分豐富，
分別有13款刺身、9款海鮮和飲品任飲，
還未計自助餐及app點餐的美食，
超多食物種類選擇，
總有一款合心水😋😋
店員第一時間上了刺身拼盤+海鮮盤，
用心的擺盤～讓我們相機食先🤣🤣
最喜歡泰式虎蝦，新鮮清甜，
帶子，厚肉鮮甜，
另外有扇貝、帆立貝、三文魚等等，
每款也十分新鮮，還帶點海水味😋
之後就上火鍋了～
我們點了薏米冬瓜湯，
一邊打打邊爐～又一邊清熱解毒🤣
養心又開心~(˘▾˘~)~(˘▾˘~)
加上附送的極上M5和牛，
雪花分佈平均，碌20秒已經足夠了，
牛味十足，入口即融(☆∀☆)
另外在自助區拿了天婦羅、壽司等，
天婦羅十分香脆、炸粉適中，
壽司都好新鮮美味。
火鍋方面，也食了一些特式丸，
味道很好～值得試試(´∇｀)
最後當然要用甜品做完美的句號，
甜品也很多種類，
還有很多款式的雪糕，
真的想全部也試試呀～
下次一定會再來～大吃一幡ଘ(੭ˊ꒳ˋ)੭✧
店員十分有禮貌～上菜速度快，
真的是又抵又好吃又多選擇的好地方！
有一段時間冇食火鍋放題，今次經開旺角就搵咗間嚟食。估唔到平日嘅夜晚都幾多人食，不過好彩比較早去到所以唔使等位就入得。一坐低見面就首先上咗刺身同埋A5A4和牛同埋海鮮拼盤。呢個餐廳最大嘅特色係有唔同嘅海鮮選擇同靚肉👍
估唔到打邊爐都有刺身可以食，仲要唔係只係得頭盤，想再食仲可以落QR code再叫，仲要款式都唔少，都算係幾新鮮，以唔係主打黎講都叫做滿足到我想食刺身嘅慾望🤤
肉類切得相對較薄身，無論係牛定係豬都幾香肉味，細細地一塊肉質唔會鞋，落去烚左幾秒就已經食得，唔記得咗邊一款係A5邊一款係A4，一款係比較多脂肪一款就比較瘦身啲，兩款味道都幾唔錯。食完呢幾種肉之後如果想再食肉就可以用QR code再落單叫其他幾款牛或者豬。
另外就係海鮮佢真係有好多款，頭盤嘅海鮮有鮑魚螺肉扇貝青口同生蠔。因為自己每次食鮑魚都會胃痛所以就冇食到，朋友食咗兩隻，佢話好好食好鮮甜。扇貝青口就正常發揮，生蠔其實平時自己好少食，今次就試一試，味就比較鮮鹹鹹地，生蠔迷應該好鍾意。另外仲可以落單叫鮮蝦，肉質都幾鮮甜同埋個殼都幾易剝🙆♀️
丸同菜類就可以自己出去攞，丸嘅款式種類都算多，不過攞嘢嘅地方就稍為論盡咗少少，每次只可以一兩個人一齊攞嘢食，所以要等少少時間。菜就總共有三款可以揀，除咗平時嘅生菜同埋油麥菜竟然仲有皇帝菜，都幾驚喜，三款菜配打邊爐都好match，食完咁多肉清下油膩必定要食吓啲菜，仲有唔同嘅菇可以食👍炸魚皮有燈照住所以都keep到脆身。
另外佢仲有啲唔同甜品同炸物，不過因為實在太飽所以都冇咩點食到，下次有機會先再試吓。整體黎講款式都好多樣化性價比都算幾高，同埋佢依家個M5和牛海鮮星期1-4都全日買一送一，星期五六日就有晚市優惠二人同行一人半價，都叫做CP值唔錯既邊爐放題，滿足到我又想打邊爐又想食刺身既心🙈
平日有買一送一優惠真係超抵食！
任食包括海鮮、刺身、和牛、炸物，肉類比預期中好食，唔韌有肉味，上菜速度快，仲有甜品都非常高質，一次過擁有放題同火鍋既享受👍🏼
整體覺得呢間火鍋店性價比幾高，地方都坐得好舒服好乾淨，以為食任食火鍋又有多個選擇 😛
有段時間沒吃火鍋放題，今天在八幡屋決定優待自己，選了M5 和牛SET，一來還送了1份A4黑毛我們試，另外還加點了豬肉。A4的油脂的確較多和嫩，不過M5 的肉質也不差，我個人偏愛A4，下次再來可以選黑毛和牛SET。食物的種類也多，特別是海鮮，因為在網上訂位，還送了兩隻鮑魚，加上扇貝，蜆，蝦等等，都頗新鮮。刺身有赤海蝦，帶子，希靈魚，三文魚等，一輪吃下來，我們兩個女生都差不多飽了。
不得不提這裡的熟食選擇也多，天婦羅等炸物有一定水準，還有蔬菜及丸類的自助BAR，清酒任添呢!
店員工作有效率，上菜快，收碟也快，我們叫東西也不用太顧慮，總括而言CP 值還是不錯的。
今次黎到位於瓊華中心12樓
嘅八幡屋涮涮鍋打邊爐
我地係lunch time打邊爐🤣
因為好耐冇打過啦～邊爐癮發作🔥
見到喱間好抵食😮👍🏻
如果係FB post下低留言「半價」，就有
M5和牛海鮮盛宴買1️⃣送1️⃣（for星期一至四全日)
或者2️⃣人同行1️⃣人半價(for星期五六日晚市優惠)
餐廳空間大座位都多
全部都係卡位👍🏻
而且環保♻️掃QR code落單
有得選肉類（牛肉、豬肉）、刺身、天婦羅、熟食、燒物等等
出面有自助吧有菜（粟米、生菜、菇類、南瓜etc)、海鮮、生根、麵類、各種肉丸、壽司、甜品、熟食、雪糕（雀巢牌子）等等
仲有見到電飯煲煲緊飯🤣🤣
如果有人打邊爐想食飯都可以🤣
真係好多嘢食揀 一定食飽你個胃
而飲品區都有好多嘢飲：紙包飲品、罐裝飲品、啤酒
湯底方面，
我哋揀咗鴛鴦鍋：骨膠原豬骨湯&蕃茄龍蝦海鮮湯（+$20）
骨膠原豬骨湯係白色，幾濃郁
而蕃茄龍蝦海鮮湯，係蕃茄清甜味，入邊有隻龍蝦🦞
而佢哋好快送上海鮮：海蝦、帆立貝、青口、魷魚
牛肉我地order左M5澳洲和牛、牛肩押
已經切咗一塊塊簿片
擺落鍋裏滾一滾就好快熟
牛肉味濃😋
我地仲點左美國黑豚片幾新鮮👍🏻
刺身方面，最推介係希靈魚👍🏻
我哋仲點左其他熟食&燒物
熟食燒物就中規中矩啦
最推介係粟米芯天婦羅、炸饅頭
粟米芯天婦羅好特別啊好少出邊有得食🤣
仲有麻吉燒串要趁熱食先好食
總結來講
餐廳位置方便
用QR code落單好快就送上嚟
唯一執着嘅位係擺喺枱面上嘅長筷子同火鍋篩個托唔太穩好易跌🙈..
不過餐廳而家做緊個優惠好抵食😋👍🏻
可以一試
經WhatsApp訂枱18:00前離座就有和牛買一送一優惠！每人二百蚊都唔使就可以食到高質刺身壽司、和牛豚腩任叫、各款平時少見嘅丸類同飲品都應有盡有😋絕對係悠閒假日嘅一大享受。 …
今日老公難得放假，二人世界去行街，行旺角差唔多到晚餐時間，老公想食牛，就去咗瓊華中心八幡屋涮涮鍋，係一間集於和牛、刺身、海鮮放題，有幾款湯底選擇，我哋揀咗壽喜燒湯底😋
🎀我哋揀咗$368，晚市限定優惠第二位半價加送A4和牛一份，還會贈送M5和牛肉拼盤、海鮮拼盤、刺身拼盤，嘩，好豐富呀！😍
🎀放題肉類還有美國進口牛肉、牛肩胛、M5澳洲和牛、豬腩肉，牛肉放落壽喜燒食落好新鮮好鮮甜😋我哋仲叫多好多碟和牛，真係好好食，海鮮都好新鮮，帆立貝好大隻呀！😍還有串燒類，有燒大蝦，燒金菇牛肉卷等多款日式燒物🍢
🎀另設有甜品區有糕點（有明月冰卷、泡芙和和黑糖蕨餅等等😋）和各款雪糕、調味區可調配火鍋汁、飲品區有各款飲品選擇，小食區有天婦羅炸物等等😋😋
🎀我和老公今晚食得好滿足，三百幾蚊任食和牛、刺身和海鮮，真係超抵食呀！😋😋
係fb見到經whatsapp book位6點前或者9點後入座有買一送一優惠
2個人一個價錢可以食和牛打邊爐 刺身放題 $368價錢超值
涮涮鍋蔬菜,丸,壽司,甜品都係自己出去拎 其他野就用QR code 落order
每一個類別食物選擇都非常多 放題水準
薄薄和牛紋理好正 好嫩滑
除左涮涮鍋,炸野都好好食! 炸蝦天婦羅,炸蕃薯,薯角 酥脆香口
甜品有香港牌子co co berry雪糕 未食過呢個牌子 試左奶茶同海鹽味都好食 好滑唔太甜
飲品除左有普通野飲 仲有梅酒
清清甜甜 酒精濃度唔係好高 易入口
晚上要在旺角找個地方吃飯, 周圍都人山人海, 的確是不容易, 而且今晚吃的還要是位於瓊華中心12樓, 性價比高的八幡屋涮涮鍋。
在店外等候入座時已經可以看到餐廳內座無虛蓆。
餐牌上面選擇的自由度很高, 想性價比最高當然會揀選90分鐘任食, 跟速度競賽, 一般120分鐘也相當足夠, 我們想輕鬆一點吃, 於是便選了最長的150分鐘的澳洲M5和牛套餐。
日本黑毛和牛
朋友說想試試最高級別的日本黑毛和牛, 所以便單點了一碟來嚐嚐。和牛切得很薄, 放進湯底裡涮一涮已經可以吃, 而且還真的是入口即融, 油脂香味十足, 但如果吃得多的話, 會產生油膩感。
澳洲M5和牛
而我則比較喜歡牛肉肉質比例高一點的澳洲M5和牛, 同一樣切得很薄, 但可以看到的是整片牛肉的紅色部分較多, 吃的時候較有口感, 而且肉質的香味也較為鮮甜一點。
黑豚肉
除了吃牛, 當然也會想吃吃豚肉, 黑豚肉的質素也不會敷衍了事, 黑豚肉不會有一般豬的膻味, 吃落更為嫩滑。
刺身
大熱款式的刺身也一應俱全, 而且質素也相當有水準, 跟日式放題店的可以說是不相伯仲, 擺碟也算是精美細心的了。
燒物
除了高質肉類及刺身, 還有多款燒物串燒可以任食, 燒雞翼燒得皮脆肉嫩, 肉汁豐富。燒虎蝦的尺寸也相當有份量, 而且不會燒得完全乾身, 保持到蝦的鮮甜味。
燒菠蘿
菠蘿的清甜味道完全被逼發了出來, 而且燒的時候上面加了一片糖霜, 豐富了口感。
是日放假同朋友到旺角八幡屋涮涮鍋 大涮一餐，經WhatsApp訂枱18:00前離座就有和牛買一送一優惠！每人二百蚊都唔使就可以食到高質刺身壽司、和牛豚腩任叫、各款平時少見嘅丸類同飲品都應有盡有😋
首先來一客刺身拼盤，有珍寶帶子、赤蝦、希靈魚、鯛魚、榮螺同三文魚，新鮮鮮甜，冰凍爽口，大推鯛魚同三文魚。海鮮拼盤仲有兩隻新鮮大鮑魚！
壽喜燒加辛辣泡菜湯嘅鴛鴦湯底一次過滿足曬兩個願望。澳洲M5和牛肉質鮮嫩，油脂分佈平均，牛肩胛同美國進口牛肉都非常高質，肉質滑溜牛味濃厚，日式邊爐放題回本之選！仲有天婦羅同章魚小丸子即叫即炸，香口熱辣，配搭清爽嘅清酒同梅酒，絕對係悠閒假日嘅一大享受。
來旺角這家吃 沒想到態度差的不得了 問個價錢 跟個死爸死媽一樣 還在背後說客戶壞話尤其是短頭髮 他媽的 有這樣的員工都沒人敢來吃