八幡屋涮涮鍋

通常一大班人出嚟食飯最方便就係打邊爐
見到呢間涮涮鍋嘅M5和牛刺身海鮮火煱套餐
星期一至四全日買一送一
而星期五六日晚市優惠二人同行一人半價
睇落幾吸引就一於試下
記住事前wtsapp餐廳拎定優惠訂定位
湯底選擇都多，最後揀左個鴛鴦鍋
有壽喜燒同冬瓜薏米湯
澳洲M5和牛同牛肩胛嘅肉味濃
厚薄啱啱好，煮幾下好快熟
除左牛肉仲可以叫黑豚肉同豚腩片，肉質唔錯
刺身同海鮮款式選擇多，質素都高，有驚喜
火鍋配料除左可以用電話scan code落單
出面都有得拎蔬菜、熟食、丸類、甜品
野飲都係任飲，選擇幾豐富
可以食足150分鐘，唔洗急住食
整體黎講性價比幾高，值得一試

呢年少咗同成班朋友一齊聚會，少咗食放題同邊爐好多。今次見到八幡屋經WhatsApp訂和牛海鮮放題買一送一真係勁勁勁勁抵，即刻忍唔到手訂咗先！不過19:00前離座或 21:00後入座先有，所以我就係下午去嘅。

我地叫咗骨膠原豬骨湯，因為今次有澳洲m5和牛所以都唔食好重口味嘅湯底啦。一黎到侍應好快手擺低咗一碟靚靚和牛、一盤海鮮同一碟刺身。全部都擺得幾靚而且好新鮮！

和牛好有牛味，放落煲sap幾下撈出黎，點啲辣椒豉油就食得。順便講埋其他幾款肉：牛肩胛一樣係好有牛味，都可以一試，美國進口牛肉其實係肥牛嚟嘅，黑豚肉普通豬肉咁啦，豚腩肉就係比較肥嘅豬肉，都唔駛驚成片都係膏好油嘅，鐘意腩肉可以一試。我自己鐘意食肥啲嘅肉，所以都幾鐘意肥牛同豚腩肉，不過就要留肚食其他野唔食得多啦。

海鮮盤竟然有鮑魚！有啲surprise。我覺得最值得推薦係黃金螺，非常有鮮味，而且又唔會煮到好韌，食完海鮮盤有再叫多啲食。

刺身就我最愛啦，三文魚、劍魚腩嗰啲都好肥美好好食，滿足曬我嘅刺身癮！第一輪有泰式生蝦，之後無嘅。呢度要強烈推薦翻叫大赤蝦，呢度嘅大赤蝦好鮮甜好大隻，諗到都流曬口水，我前後叫咗好多次赤蝦。獨家食法：赤蝦蝦頭仲可以放落去火鍋湯底，最後變咗極鮮甜嘅蝦湯，真係好不得了。

熟食，串燒同炸野都正常水準。

去到甜品我就覺得幾款都唔錯，有brownie，泡芙同紅豆和菓子。雪櫃有香港牌子嘅雪糕，我揾到有港式奶茶味，好高質！唔係超級甜但係有茶味，確實係好啱香港人嘅口味。

埋單兩個人連加一442，呢個質素可以有下次！

天氣一轉涼，正正係食火鍋既好時節。上網搜尋既時候就搵到瓊華中心呢間有得任食魚生、壽司的火鍋店，仲要有150分鐘既刺身海鮮火鍋任食套餐，最適合我地呢班好耐冇見又想慢慢食慢慢傾計既人啦。

去到餐廳，已經見到有不少人排隊等候，幸好早已訂位，不需要輪侯太耐。任食套餐分為4個等級，今次我選擇左C3等級既澳洲M5和牛套餐（$368/每位），湯底方面有8個選擇，另外可加錢要鴛鴦鍋，當然我選擇左平時最愛既壽喜燒鍋底。

一入門口已經見到飲品區，擺放了各式各樣嘅飲品，茶類、果汁、汽水一應俱全，連啤酒都有3-4款可供選擇。點菜方式有兩種，分別係scan QR code落單或者去自助區自行取用。 但其實係上鍋底既同時已經上埋刺身拼盤，海鮮當中包括鮑魚同肉類，十分方便。

先講刺身，總共有十幾款，基本嘅帶子，三文魚，甜蝦，希靈魚等等都會有。上菜時擺盤賣相幾靚，質素唔錯，尤其係帶子頗為鮮甜。
海鮮方面亦都唔錯，每次上海鮮時都會用冰冷凍住，保持新鮮。當中最喜歡既有日本魷魚，帆立貝同墨魚滑。可惜墨魚滑好快已經售罄。
肉類方面，M5澳洲和牛肉質鮮嫩，油花分布平均，牛肉味濃。

而自助區主要分為四部份，分別係火鍋區，冷盤區，熟食區同甜品區。
火鍋區有各式各樣嘅丸類，有不少都頗為特別，例如黑松露小籠包，麻辣小籠包，值得一試。蔬菜區既款式正常，應該有既都會有。

冷盤區有壽司提供，選擇唔算多，但質素正常，朋友拎左兩件三文魚壽司食，都話幾肥美。另外，仲有沙律提供，事前已經一兜兜用保鮮紙包好，十分衛生。

熟食區有不同類型既炸物，如炸餃子、春卷、蔬菜天婦羅、芋泥波等。炸物熱騰騰，非常香脆可口，當中最愛芋泥波同炸饅頭。炸物都幾受歡迎，一直見餐廳不斷refill。
最後既甜品區，有自家製甜品，包括泡芙，奶凍，啫喱等等。仲有各種不同既雪糕，韓國雪條，任君選擇。 食完火鍋之後以甜品畫上句號，兩個字：滿足👍🏻

因為男朋友係大胃皇，佢就成日嘈住要食放題。見啲間野做緊第二位半價就陪佢試下啦！

我地點咗M5和牛餐，我地簡完湯底之後，就即刻送咗個刺身同海鮮拼盤俾我地。我地今次叫咗豬骨湯同沙爹湯，個人比較中意濃湯，所以推介沙爹湯俾大家。 湯一黎到就即刻倒曬啲海鮮去煮住先，同時整啲牛肉食，牛肉半肥瘦啱啱好，食落好軟有油香好食！

海鮮種類都算多，蝦好新鮮彈牙，見到隔離枱點咗廿幾隻食真係好誇張！呢度仲有蠔可以俾大家整黎食，食落好鮮甜，食多十幾隻都回哂本。

刺身方面好新鮮，樣樣款式都有。我尤其鐘意赤蝦，大大隻賣相好，而且好鮮甜，重點係任食，我地都忍唔住食左好多隻。

炸物方便全力推薦天婦羅蝦同炸饅頭，見到流轉都快，店員keep住新鮮炸起d野食。熱辣辣又脆點會唔好食。天婦羅蝦外脆內爽口，炸饅頭點煉奶面頭脆卜卜都冇得輸。

甜品方面，款式有雪糕雪條，自制甜品。男朋友係啫喱控，佢就食左兩杯。我個人黎講就好滿意個奶凍，奶味實足，超級正，如果唔係食太飽我會食多一杯。

總結黎講食物款式真係好多，無論係打邊爐料、串燒、炸物、壽司、刺身定甜品，樣樣都有，係幾正既。

疫情好轉，我地為食精又係時候出黎「搵食」，今次就黎到旺角彌敦道瓊華中心12樓既「八幡屋涮涮鍋」試180分鐘和牛刺身盛宴放題。入門前先揀湯底，我地就要左「骨膠原豬骨湯同壽喜燒鴛鴦鍋」，之後待應安排卡位、開爐、上首輪「刺身拼盤」「海鮮拼盤」「M5澳洲和牛」。

值得一贊的是，場內有巨型密封冰箱存放各式丸類，十分乾衛生，亦可以確保食材的新鮮度。飲品則是放題標配，汽水、果汁、茶、另有少量低酒精飲品提供。最後自助吧有甜品、壽司、各式新鮮菜類可自由選擇。

坐定等鍋湯煮沸期間，記得要先將「海鮮拼盤」放入鍋中，因海鮮需較長時間煮熟，拼盤中有帆立貝、蜆、海蝦黃金螺。等候期間當然趁冷先食頭盤，「刺身拼盤」有赤貝、三文魚、赤蝦、希靈魚、吞拿魚刺身，新鮮度ok冇腥味，合格！

食完刺身湯底亦準備好，就到和牛刺身盛宴放題當中既精華「M5澳洲和牛」喇！首先脂肪分佈平均肉色呈鮮紅，落鍋15秒轉個圈撈起，外表油亮食落冇渣口感幼滑，呢個價錢黎講絕對超值。

另外餐廳用scan QR code網上落單，我地仲叫左一些炸物同燒物，當中最令我驚喜既係「炸香芋丸」，芋味十足，咬落去好「煙韌」，亦唔會話放好耐先拎出黎，有返一定溫度，暖暖地。「炸薯角」亦好明顯感覺到係即叫即炸，非常脆口。

收尾甜品我拎左MELONA草莓味同雀巢芋頭味，甜到入心。

八幡屋涮涮鍋 (旺角)
.
🔹和牛刺身盛宴🔹
.
呢度嘅任食火鍋近排好抵食，WhatsApp訂位18:00前離座可以享有和牛買一送一優惠
呢度嘅牛肉係非常之出色，入口半溶化非常之惗，另外刺身基本上都係任叫，有象拔蚌三文魚大蝦等，個客勁肥美勁creamy😛😛
.
湯底我哋揀咗龍蝦番茄湯同埋壽喜燒湯底，壽喜燒湯底配頂級牛肉真係好好好食😋飲品選擇都非常多，比較特別係有支裝胡蘿蔔🥕汁，仲可以任飲啤酒🍻 有醇滑嘉仕伯(˶‾᷄ ⁻̫ ‾᷅˵) 另外係仲可以叫sake!!!
出面更加有好多甜品蔬果任拎！
.
—————————————————-
環境：⭐️⭐️⭐️⭐️⭐️
味道：⭐️⭐️⭐️⭐️⭐️
服務：⭐️⭐️⭐️⭐️⭐️
價錢：⭐️⭐️⭐️⭐️⭐️
.
📌 八幡屋涮涮鍋 (旺角)
旺角彌敦道628號瓊華中心12樓
.
—————————————————————-
#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#foodblogger#hkfoodblogger#hkgirl #foodporn #八幡屋涮涮鍋#旺角美食

地方坐得舒服，好多選擇，有刺身/熱食/壽司/甜品/丸/海鮮，150分鐘任食，抵到爆！

任食邊爐，仲有M5和牛海鮮盛宴～閒日全日買一送一，星期五六日晚市仲有二人同行一人半價！勁掋！

大熱天時火鍋控朋友約我食晏，仲要係平日weekday，話有抵食美味買一送一嘅任食火鍋，weekday 中午食火鍋呢啲咁過分嘅行為，梗係要奉陪啦😆

叫咗$368 一位嘅「150分鐘成人（澳洲M5和牛）（平日）」，買一送一，原來午餐同晚餐係同樣價錢😆

除咗澳洲M5和牛，仲有超多嘢食，例如：美國進口牛肉、安格斯牛肩胛、美國黑豚片 等；海鮮有：廣島蠔、蜆、海蝦、蟶子、帆立貝、日本魷魚、東風螺 等；仲有好多魚生：三文魚、吞拿魚、帶子、甜蝦、八爪魚、珍寶帶子、赤蝦 等；仲有其他蔬菜、壽司、小食、雪糕、汽水 等；真係多到食唔晒😆

呢度嘅食物基本上都幾新鮮幾好味，主角「澳洲M5和牛」肉質偏瘦，有幾濃郁嘅牛味，食落感覺健康😋。平日買一送一真係好抵食，所以呢日食晏時間都見到有好多客人😋

前幾日同朋友係旺角行完街，突然之間好想食打邊爐，但係朋友就好想食刺身海鮮嗰啲，咁啱我哋搵到瓊華中心有一間食刺身海鮮放題嘅打邊爐🤣🧐我哋可以食晒大家想食嘅嘢，咁就決定入去試吓。

首先坐低我哋就叫咗個椰子湯底，當然仲叫咗好多和牛同埋海鮮🦞個湯底同埋啲配料都好快到，個湯底滾左之後都好香椰子味，加埋啲海鮮落去令到啲海鮮更鮮甜！海鮮嘅種類都有好多款例如大蝦、魷魚等等，刺身都有幾多選擇，三文魚、八爪魚等等都有❤️

講埋打邊爐牛肉嘅選擇，佢哋分別有120同埋150分鐘嘅放題選擇，打邊爐嘅牛肉選擇一樣，最靚嘅就有日本黑毛和牛🥰牛肉嚟到嘅時候見到佢哋油脂分布都平均，而且刀工幾好切都好博片，可以好快就食得❤️‍🔥除咗Menu上有得叫嘅出面仲有半自助嘅嘢食如蔬菜、麵食及丸類等等，都非常多選擇👍🏻👍🏻👍🏻

最後食雪糕佢哋都有好多款甜品選擇有雪糕杯或者雪條俾你揀，餐廳嘅座位都非常舒適❤️

多種類既晚餐

抵食火鍋放題😝

收工之後好想食火鍋，就決定簡左呢間餐廳，除左地點係旺角好就腳，5月仲做緊優惠！M5和牛海鮮盛宴二人同行一人半價，仲送一份A4和牛添～ 因為係要經WhatsApp訂座先有，好好彩有位😆

2個人黎講坐呢個卡位好闊，坐得舒服👍🏻 叫左壽喜燒湯底，覺得味道唔算太濃，岩曬帶出食物嘅味。

燒麻吉串，幾特別🤪口感煙煙韌韌的！
另外仲有刺身可以叫！赤蝦幾大隻同好味，劍魚腩味道都唔錯～而且唔係好多地方有得食！
海鮮有生蠔同蟶子，比較少見～即刻食多幾舊了。都想提一提手打墨魚丸，係墨魚滑咁嘅，彈牙好味😋掛住食唔記得咗影佢。
最後當然大推M5和牛，食得過！有牛味，而且牛肩胛好好味。

火鍋控又出動🔥。呢間有和牛、刺身、海鮮。好多選擇，好抵食

經whatsapp 訂枱，有和牛買一送一優惠！
澳洲和牛刺身海鮮火鍋の放題 （$368）

先上海鮮拼盤、一盤和牛及刺身拼盤
任食澳洲M5和牛，牛肩胛，美國🇺🇸進口牛肉，黑豚肉，豚腩等..
任食多款刺身，如珍寶帶子、赤蝦、鯛魚等..
任食多款海鮮，如廣島蠔、蟶子、帆立貝等..
仲有串燒、炸物、手卷等等
多款蔬菜🥬，丸類自助吧，熟食、甜品、雪糕飲品任食任飲～～

➡️豬骨香濃湯底～～奶白色，唔油膩但勁香
➡️刺身拼盤並唔馬虎，種類好多，帶子赤蝦鮮甜，三文魚夠肉嫩油香。
➡️海鮮拼盤，有飽魚、扇貝、螺、蜆等，食落都好新鮮爽甜
➡️澳洲M5和牛色澤紅潤，肉質嫩滑，入口即化🤩 追加每一盤份量都好多，仲好快送到🤤
➡️牛肩胛相對脂肪再多啲，牛肉味香濃，肉汁豐富
➡️串燒😌😍 即叫即燒，熱辣辣🔥，好香好夠味～～金菇牛肉卷、雞翼、菠蘿🍍、多春魚等
➡️仲有甜品，雪糕🍦😋

【火鍋、刺身、串燒放題】

近來天氣開始有秋冬天的感覺了!!!
所以拉著老公去吃久違的火鍋放題~~~

如果都跟我一樣想吃火鍋的時候，
又會想吃刺身和串燒，可以試試來這間。

採取半自助模式，
可自由選擇90分鐘或150分鐘的放題，
對於平常用餐時間不會太久的客人來說，
是一個非常貼心的收費設定。
但如果想要慢慢吃，
亦可以選擇150分鐘~~

今次我選了澳洲M5和牛，
經Whatsapp訂座會額外有優惠，
另外Openrice亦在某些日子時段會有買一送一優惠，
所以記得想要優惠不要直接Walk-in，先查查看有甚麼優惠再訂座~XD

餐廳好大，所以座位都很寬敞~~

入場就會見到一大個自助區，
右手邊的是飲品區，飲品款式很多，
基本汽水、果汁、茶、啤酒都是應有盡有的。
而且更有清酒和梅酒任飲，非常令人興奮~!!

飲品區再走進一點就有熟食區，
有咖哩魚蛋、青口、三文魚、牛肉之類，
不過我吃火鍋已經很飽，今次未有吃到這些。
只吃了一小碗我喜歡的碗仔翅~

這區位置內還有雪糕~~
口味都很多種~

各種丸類都是超多~~

而門口的左手邊過去就是甜品區以至壽司區。

後面的是蔬菜菇菌類，
我吃了很多我最愛的皇帝菜和西洋菜~

旁邊還有一個自助調料區~

今天的主角火鍋選了鴛鴦湯(豬骨、麻辣)。
麻辣我選的是中辣，吃比較吸湯汁的食材，
例如蔬菜時，有被辣到，怕辣的要小心~

牛肉都是很嫩，充滿肉香的，
推薦的是黑豚肉!!!比牛肉感覺更嫩~
超喜歡!!

大家見到以上這麼多東西吃，
但記得別忘了!!!!其實這家的任食點單是用手機下單!!!!
別只顧吃自助區的東西呀!!!

手機可免費任點(就是收費包含的)項目有很多，
像是上面說到的清酒和梅酒，
還是各款牛和豬肉片都是可以在手機點單無限逐的。

海鮮類有海蝦、蠔、蜆、蟶子等等，
當中我最推是海蝦~~吃了很多~

而刺身都是任食的，
第一輪店家會先預設一盤給客人，之後可以按喜好追加~~
款式很多，有吞拿魚、劍魚腩、鯛魚等等，
當中我最喜歡的是赤貝，
另外三文魚我真的很欣賞!
沒有雪味，很鮮很清爽的口感，
是放題少有的質素!!喜歡~!
比較要留意，選取的時候，點1就真的代表1片，
要因應自己需要而按數量，亦記得不要浪費食物哦~

任點還有串燒類，
我吃了多春魚、蝦、汁燒牛肉卷、燒日本蕃薯仔、燒麻吉燒~~!!
麻吉燒中的米糕好香呀!!!超好吃!!!

最後來個雪糕和甜品做總結~~~
咸咸的海鹽雪糕和韓國蜜瓜雪條~
還有日式和菓子和芒果奶凍~
吃得非常地滿足~!!

呢間日式放題，餐廳環境闊落，有好多卡位位置。大部份食物都能夠自選，例如：肉丸、炸物、蔬菜、壽司、甜品

我地揀咗「150分鐘刺身海鮮放題及火鍋」-C3澳洲M5和牛🍗 $368
湯底：麻辣和壽喜燒

坐低即刻有海鮮🦞拼盤、澳洲m5和牛、牛肩胛、美國進口牛肉、黑豚肉。

溫馨提示：M5和牛海鮮盛宴星期一至四全日買一送一，記得訂座啊！

整體來講：💛💛💛💛
價錢方面：💛💛💛

利申唔係第一次黎八幡屋，再次黎呢個緊係因為真心好食啦，尤其特別肚餓嘅時候，放題係自自然然浮上腦面。。。。博一博去排隊睇下有無位啦，好彩排左幾張都切到 揀左澳洲Ｍ５和牛套餐，呢個餐有M５和牛﹑牛肩胛﹑美國進口牛肉﹑黑豚肉同豚腩片之外，刺身同海鮮都係任食追加架，最正係佢個湯底，係有得揀龍蝦湯！

龍蝦湯絕不是罐頭開出黎，而係見到一大半隻龍蝦同D蕃茄係入面煮，用黎煮海鮮同菜類入晒鮮味，不得之了~

刺身選擇多，而且都幾厚切，有三文魚、帶子、赤蝦、鮑魚片、吞拿魚等，新鮮程度不錯！

海鮮拼盤有黃金螺、魷魚、青口、海蝦、帆立貝、廣島蠔等，蝦肉非常爽口，廣島蠔大隻肥美，即使煮完都仲保持到大隻仔，而且好有蠔味~

專門叫左鴛鴦鍋，因為一邊用黎烚海鮮，一邊壽喜燒就緊係用黎烚牛肉！M5和牛幾高質，脂肪分布平均，牛肉味濃郁，配合埋個壽喜燒鍋絕對無得彈！由頭食到尾，即使飽晒都仍然追加！

除左烚下烚下，呢度仲有不停refill 既炸物﹑小食﹑壽司，甜品等，而且菜同丸類都係出面應有盡有，極抵食~ 將D娃娃菜放落龍蝦湯度，索晒D湯汁，私心推介哈哈！

雖然隊長B唔飲酒，但值得一提的是，鍾意飲酒嘅人一定勁開心，因為呢度嘅啤酒、梅酒同清酒都係任飲！唔飲酒都有其他野飲揀，真正係任飲任食～

黎旺角次次都食日本放題，今次就有少少新意任食打邊爐加刺身放題，仲可以食足150分鐘，岩晒一大班朋友傾計。

呢150分鐘我地簡左M5和牛套餐，湯底就簡左我最鐘意嘅甜豉油(壽喜燒)。

刺身拼盤有三文魚、希靈魚、吞拿魚、帶子、赤蝦同埋鮑魚片，色澤睇落都幾新鮮。
食物自取區包括有丸類、魚皮、豬紅等常見嘅打邊爐食材，亦都有唔同炸物，例如天婦羅炸蝦同炸饅頭等，蔬菜方面有西洋菜、生菜、娃娃菜、金菇、粟米、蘿蔔、冬菇等。
其餘飲品甜品都係出面自助區拎，我呢度就唔打晒出黎啦。

而其他刺身、海鮮類(黃金螺、魷魚、青口、海蝦、帆立貝、生蠔)、肉類都可以用 QR code落單。
牛肉脂肪分布平均，牛肉味濃郁。

今日同家姐兩個人行完街見肚餓，就搵下野食，上網見有人介紹話經WhatsApp 係八幡屋Book枱，18:00前離場就有澳洲和牛刺身火鍋放題買一送一，見抵就試下☺️，上到去就點左個$368 和牛放題set,簡左個壽喜燒湯底，侍應話有3小時限時，對我地兩個人黎講時間都足夠，環境都唔錯，侍應安排左個卡位比我地，坐底唔夠10分鐘就送上A5日本牛肉，仲有海鮮併盤，刺身過黎，好快手唔駛等好耐👍🏻
壽喜燒湯底夠清甜，配上牛肉一流，牛肉高質素，口感唔錯，肉質鮮嫩🐄前後嗌左幾碟encore😜😜
刺身併盤有帶子、三文魚、螺肉、希靈魚、赤海蝦、劍魚等等………三文魚好肥美，其他都Ok,總括黎講有咁多款式其實係好抵食。
海鮮併盤有海蝦、鮑魚、青口、螺肉、扇貝等等。鮑魚幾鮮甜一都唔腥。
佢另外會有得透過手機落單，有得再order 其他種類肉類，仲我嗌左m5澳洲和牛，仲有美國豚肉，天婦羅，仲有串燒，甜品。
澳洲和牛真係好正 食完入口即溶，滾一滾就可以食，牛味好重👍🏻👍🏻
如果想食蔬菜或其他丸類出面自助亭都有好多野簡，飲品方便都好多選擇,
最後當然要食甜品，我拎左牛奶布甸同埋朱古力雪糕，今次食完真係好滿足，又好食，下次有機會會再上黎食😙

餐廳：八幡屋涮涮鍋（旺角）
地址：旺角彌敦道628號瓊華中心12樓
#hk #hkig #hkfood #hkfoodie #foodie #blog #hkblog #八幡屋涮涮鍋

咁熱都要打邊爐？！
哈哈哈哈哈已經無野可以阻到我對邊爐嘅熱愛。
每次任食打邊爐的確一直有一種獎勵自己嘅感覺！

同屋企人放工約埋係旺角等，
旺角最方便啦～中心點，
火車地鐵巴士樣樣齊都好就腳。
今次我地揀咗一間專食牛涮涮鍋店。
上網見到有優惠：
澳洲M5和牛海鮮盛宴星期一至四全日買一送一，
星期五六日晚市就係二人同行一人半價😯
睇落好抵，所以今晚二人同行岩晒啦。

湯底有好多款以供選擇，
店內食物種類包括有即食刺身，壽司，
炸物同碗仔翅…數量款式算幾多。
肉類有和牛，牛肩脊，豚肉，腩肉，
肉質嫩腍，時令海鮮都有好多款有我最鐘意嘅蝦！
材料新鮮。

另外仲有好多火鍋材料可自由取～
各種肉丸，腸仔，餃子，蔬菜等等….
食火鍋時唔少得就係飲品，
飲品都係我選擇火鍋店其中一個重點！
呢度款式齊備，
仲有免費酒類飲品有梅酒同清酒。

啤酒就要自費喇，但係都好抵飲～
甜品款色有多款雪糕，冰條(包括我最喜愛既榴槤味都有😆)啫喱，布甸。

覺得食完非常滿足，
今次二人行，下次諗住叫埋朋友一齊嚟試

5月份經whatsapp 訂位，澳洲M5和牛set買一送一！(買一送一時段係星期一至四全日，星期五六日同公眾假期前夕6pm 前離座都有呢個優惠)

八幡屋喺瓊華12樓全層，每張枱嘅空間好大，唔會坐得好迫！食物放得好整齊，雖然種類有好多，但望埋去好清爽乾淨，比起一般任食火鍋店令人安心好多👍🏻

任食150分鐘，想食乜都用app落單，肉類、海鮮類、天婦羅、刺身、燒物，app以外嘅壽司、蔬菜、甜品、雪糕、飲品類，隨時可以出去攞，任君選擇！

先嚟一大盤刺身、海鮮同牛，然後再order，每次點完都勁快上枱，亦無漏單甩單情況，我哋太餓咁狂食牛同海鮮，邊食邊叫，唔使幾耐就塞滿咗個胃🤣 幾款牛都係大大碟，M5澳洲和牛直頭一碟有成十幾塊，一疊咁放落去淥勁開心😂蟶子仔同蝦都好鮮甜，又不停咁re-order😂😂

食食下又試熟食，天婦羅鬆脆好味，最後補埋甜品同雪糕，真係飽到夜晚都唔使食！買一送一呢個優惠真係好抵呀！

朋友試過後推介抵食，說只要經Openrice預早網上訂位，於優惠期內可享“C3”澳洲M5和牛刺身海鮮之盛宴買一送一優惠。

食店位於旺角瓊華中心，交通方便。座位寬敞，通風也很好。這天是星期五，我們要“C3”澳洲M5和牛刺身海鮮之盛宴，買一送一都是$388，如果是星期一至四，更加低至$368。原來這個套餐由150分鐘upgrade到3小時內全時段供應自選肉類包括澳洲M5和牛、牛肩胛、美國進口牛肉、黑豚肉及豚腩片，全部都可添加。另外還有刺身、壽司、海鮮、燒物、揚物及自助吧等任食，與及清酒及其他飲品任飲。

刺身要了如赤蝦、三文魚、劍魚腩、希靈魚及帶子，後來又加了吞拿魚、鯛魚、大帶子及鮑片。

涮涮鍋我們選了豬骨膠原湯底，味道不錯。

海鮮要了海蝦、帆立貝、青口、薄蜆、廣島蠔、蟶子、日本魷魚及蠑螺，都十分美味，尤其是廣島蠔飽滿肥美，蠔味濃郁，蟶子雖然不大，但鮮味十足。

澳洲M5和牛色澤亮麗、牛味香濃、油花均勻，肉質爽滑。

牛肩胛更加肉質軟滑，味道濃郁，牛香四溢。

黑豚肉的味道也不錯，肉味香濃，與和牛各擅勝場。

豚腩片看似很肥，食落又甘香腍滑，不覺油膩。

有無人都覺得，放題任食好減壓😆
是日坐足2小時，吃喝十分開懷✨

║120分鐘海鮮火鍋盛宴║
(刺身/海鮮/壽司/自選肉類/燒物/揚物/自助吧任食/清酒任飲)

定價按所選牛肉劃分，今次食澳洲M5和牛，收費$278/位(平日午市)。

先講肉類，除左M5和牛，仲可任點牛肩胛、黑豚肉、䐁腩片、🇺🇸美國進口牛肉等。和牛級質
素當然最優，脂肪分布平均，肉味濃郁。豚肉也是新鮮嫩口。

再講海鮮刺身，刺身質素未算非常優質，勝在選擇多，亦都新鮮。海鮮有帆立貝、生蠔、蜆、蟶子等，鮮甜美味，加分不少！

自助吧也有熟食、壽司、湯品、甜品、雪糕等選擇。蔬菜選擇較少，不過好爽甜。最後食埋2條雪條，飽到要鬆褲頭😂

牛幡屋涮涮鍋 旺角瓊華12樓

光顧時間為星期日， 選的是牛肩胛餐，價錢218， 包一個海鮮盤。

當我們入座的時候，才看見其他食客檯面上的牛肉豬肉， 即時第一個反應就是想立即離開，唔想食！
原因是看到每一盆牛肉豬肉都太過薄了。我即時有同職員反映過，當時職員有點不滿回答我什麼什麼，那我不想與她有所爭拗，我就叫她直接跟相信是老闆反應一下食客的意見就是了～

當我出去取外邊的食物時，有聽到職員有反應給老闆意見，亦都有聽到老闆有跟廚房講，客人話肉太薄了，切番厚一點～ 不過，之後來的肉，不覺得有所改善～

食後感 ：

呢間餐廳啲肉就已經唔使講，牛肉薄過紙，疊埋幾塊都見到個盤。海鮮盤扇貝，青口， 螺，都唔新鮮， 食落成口腥蚶蚶，只有蝦較為好啲。食物種類不算多。幸好，沒有加錢追加海鮮盒。 不然，真的會食到一肚氣！

每款甜點比較好，不會太甜，和果子軟熟，奶酪反而淡了點。（ 因我平常都不是會吃太甜的說） 拉麵煙煙韌韌，不錯吃。

甜品，拉麵是令我加番一粒星上去。 不然， 一粒星都冇～ 難怪星期日我跑了好幾家都滿坐，只得這家較為有多餘的空位。 不會有下次！

中午時段用餐，客人不多，漏單嚴重，食品種類少，貝殼類海鮮有沙，刺身刀工極差，金菇肥牛燶

當日坐底左無耐 第一round既海鮮拼盤品刺身拼盤就自動送上 因為係預先訂位 所以有鮑魚送😙

食材用料都算新鮮 比一般放題質素高 我地之後都有用QR code再加單

除左可以用QR code簡單快捷咁落單之外 我地仲可以行岀去自助bar慢慢揀野食 不過就記得要戴口罩😷

蔬菜區有四款菜.幾款茹類 仲有南瓜同粟米等等

隔離仲有打邊爐必備嘅響鈴同炸魚皮 好脆好正👍🏻

海鮮區就有新鮮嘅青口.東風螺同海蜆 男朋友就最鍾意食東風螺 每次出去拎嘢食佢都會拎幾隻返嚟

丸類都有好多選擇 根本就試唔晒:chopstick:

想即食既就可去壽司區 推薦火炙三文魚同花之戀

甜品都有8款 作為甜品控既我梗係全部都試晒 隻隻都唔差 但係冰卷食落似冰皮月餅 我就麻麻地😶

飲品又係有超多選擇 除左汽水 茶飲 啤酒 連台灣既黑松芭樂汁都有

湯底方面我地就揀左要另外加錢既沙嗲湯同蕃茄龍蝦湯 個龍蝦湯竟然都有半隻龍蝦 真係幾驚喜:heart: 而且好岩淥海鮮黎食 不得不提既係用QR code可以order廣島蠔 好鮮甜 真係唔可以錯過😋

澳洲m5和牛就切得比較薄 不過口感都唔錯既

原來仲有燒物同雪糕都係任食既 呢個經WhatsApp訂枱既買一送一任食和牛海鮮火鍋放題刺身真係好抵啊🥳